% Text title            : tejovardhanastotram varamahAgaNapatimantrAkSharAvalistotram
% File name             : tejovardhanastotram.itx
% Category              : ganesha
% Location              : doc\_ganesha
% Transliterated by     : Veeramani Nambi veeramani.nambi at gmail.com
% Proofread by          : Veeramani Nambi, Sunder Hattangadi
% Description/comments  : From stotrArNavaH 01-02
% Latest update         : August 26, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tejovardhanastotram Varamahaganapati Mantraksharavalistotram ..}##
\itxtitle{.. tejovardhanastotram athavA varamahAgaNapati mantrAkSharAvalistotram ..}##\endtitles ##
shrIgaNeshAya namaH ||
vinA tapo vinA dhyAnaM vinA homaM vinA japam |
anAyAsena vighneshaprINanaM vada me prabho || 1||
Ishvara uvAcha |
mantrAkSharAvalistotraM sarvasaubhAgyavardhanam |
durlabhaM duShTamanasAM sulabhaM shuddhachetasAm || 2||
mahAgaNapatiprItipratipAdakama~njasA |
kathayAmi ghanashroNi karNAbhyAmavataMsaya || 3||
o~NkAravalayAkAramu~nchatkallolamAlinam |
aikShavaM chetasA vIkShe sindhusandhukShitasvanam || 4||
shrImatashchAsya jaladherantarabhyuditaM numaH |
maNidvIpaM madAkalpamahAkalpaM mahodayam || 5||
hrItimAdadhatA dhAmnA dhAmnAmIshakishorake |
kalpodyAnasthitaM vande bhAsvantaM maNimaNDapam || 6||
klIbasyApi smaronmAdakArishR^i~NgArashAlinaH |
tanmadhye gaNanAthasya maNisiMhAsanaM bhaje || 7||
glauM kalAbhirivA~nChAmistIvrAdinavashaktibhiH |
suShTaM lipimayaM padmaM dharmAdyAshrayamAshraye || 8||
gambhIramiva tatrAbdhiM vasantaM tryasramaNDale |
utsa~NgatalalakShmIkamudyatigmAMshupATalam || 9||
gadekShukAmukarujA chakrAmbujaguNotpale |
vrIhmagranijadantAgraM bhUShitaM mAtuli~NgakaiH || 10||
NaShaShThavarNavAchyasya dAridryasya vibha~njanaiH |
etairekAdashakarAnalaM kurvANamunmadam || 11||
parAnandamayaM bhaktapratyUhavyUhanAshanam |
paramArthaprabodhAbdhiM pashyAmi gaNanAyakam || 12||
 tatpuraH prasphuradbilvamUlapIThasamAshrayau |
ramArameshau vimR^ishAmyevashubhadAyakau || 13||
yena dakShiNabhAgasthanyagrodhatalamAsthitam |
sakalaM sAyudhaM vande taM sAmbaM parameshvaram || 14||
varasambhogarasikau pashchime pippalAshrayau |
ramaNIyatarau vande ratipuShpashilImukhau | 15||
ramamANau gaNeshAnottaradikphalinItale |
bhUbhUdharAmbudArAbhau bhaje bhuvanapAlakau || 16||
vanamAlAvapurjyotikaDAritakakuptaTAH |
hR^idayAdira~Ngadevi ra~NgarakShAkR^ite namaH || 17||
radakANDaruchijyotsnAkAshagaNDasravanmadam |
R^idhyAshleShakR^itAmodamAmodaM devamAshraye || 18||
dalatkapolavigalaM madadhArAbalAhakam |
samR^iddhita~NidAshliShTaM pramodaM hR^idi bhAvaye || 19||
sakAntikAntitilakAparirabdhatanuM bhaje |
bhujaprakANDasachChAyaM sumukhaM kalpapAdapam || 20||
vande tundilamindhAnaM chandrakandalashItalam |
durmukhaM madanAvatyA nirmitAli~NginaM purA || 21||
jambhavairikR^itAbhyarchyau jagadabhyudayaprabhau |
ahaM madadravAvighnau hataye enasAM shraye || 22||
namaH shR^i~NgAraruchirau namatsarvasurAsurau |
drAviNIvighnakartArau drAvayetAM daridratAm || 23||
meduraM mauktikAsAraM varShantau bhaktishAlinAm |
vasudhArAsha~NkhanidhivAkyapuShpA~njalinA stumaH || 24||
varShantau ratnavarSheNa baladvAlAtapasvipau |
varadAnumatau vande vasudhApadmashevadhI || 25||
shamatAdhimahAvyAdhisAndrAnandakarambitAH |
brAhmamyAdIH kalaye shaktIH shaktInAmabhivR^iddhaye || 26||
mAmavantu mahendrAdyAH dikpAlAH darpashAlinaH |
taM numaH shrIgaNAdhIshaM savAhAyudhashaktikam || 27||
navInapallachChAyAdAyAdavapurujvalam
madasya kaTaniShyandasrota svitkaTakodaram || 28||
yajamAnatanuM yAgarUpiNaM yaj~napuruSham |
yamaM yamavatAmarchya yatnabhAjAmadurlabham || 29||
svArasyaM paramAnandasvarUpaM svayamudgatam |
svayaM havyaM svayaM vaidhaM svayaM kR^ityaM trayIkaram || 30||
hArakeyUramukuTaki~NkiNIgadakuNDalaiH |
ala~NkR^itaM cha vighnAnAM hartAraM devamAshraye || 31||
mantrAkSharAvalistotraM kathitaM tava sundari |
samastamIpsitaM tena sampAdaya shive shivam || 32||

iti tejovardhanastotram athavA mantrAkSharAvalistotraM sampUrNam ||
OM shrIM hrIM klIM glauM gaM gaNapataye varavarada
sarvajanaM me vashamAnaya svAhA |

shrIvaramahAgaNapatimantrAkSharAvalistotram
gaNapatimantrAkSharAvaliH
##

The attached links have texts with variations.


Encoded by Veeramani Nambi veeramani.nambi at gmail.com
Proofread by Veermani Nambi, Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}