% Text title            : yogashAntiGYAnapradaM gaNeshastotram
% File name             : yogashAntigaNesha.itx
% Category              : ganesha, stotra
% Location              : doc\_ganesha
% Author                : Traditional
% Transliterated by     : Karthik Chandan.P (kardan5380 at yahoo.com) Amith K Nagaraj
% Proofread by          : Karthik Chandan.P, Amith K Nagaraj (amithkn at rediffmail.com)
% Description-comments  : mudgalapurANa
% Latest update         : January 2, 2004
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. yogashAntiGYAnapradaM gaNeshastotram ..}##
\itxtitle{.. yogashAntiGYAnapradaM gaNeshastotram ..}##\endtitles ##

           shrIgaNeshAya namaH |
            sanakAdyA UchuH |
dhanyo.asi nR^ipashArdUla buddhiste paramAdbhutA |
nirvedaM rAjabhogebhyaH samprAptaH pR^ithulashravAH || 1||
yogashantimayaM pUrNaM gaNeshaM viddhi bhUmipa |
taM bhajasva mahAbhaktyA tayA shAntiM gamiShyasi || 2||
ekadA sma vayaM sarve sa~NgatAH sha~NkarAlayam |
vaTamUle samAsInaM pashyAmo dhyAnasaMsthitam || 3||
tam praNamya sthitAH sarve vayaM vinayasaMsthitAH |
stotraistaM bodhayantashcha bubodha vai shivastataH || 4||
tyaktvA dhyAnaM gaNeshAya namo vadatamAdarAt |
shrutvA bhrAntA vayaM tasmai pR^ichChAmaH saMshayAnvitAH || 5||
ko.asau gaNAdhipaH svAminnamasi tvaM kathaM prabho |
shivaH sahajarUpastvaM svAdhInaH satataM mataH || 6||
asmAkaM vachanaM shrutvA shivo harpasamanvitaH |
jagAda GYAnamAdyaM yadgANapatyaM sa shAntidam || 7||
shrIshiva uvAcha |
brahma yatkathyate vedaiH kathaM tatra pravartate |
svAdhInaM sahajaM viprAparAdhInaM tridhAbhavam || 8||
karmayogAdibhedena vedeShu vedavAdibhiH |
nAnAvidhaM varNitaM yad brahma tanmAyayAnvitam || 9||
karmaNAM sakalAnAM saMyogo brahmaNi jAyate |
tena karmAtmakaM brahma tadaGYAnAdhikaM matam || 10||
samUhAtmakashabdashcha gaNa ityabhidhIyate |
bAhyAntarAdhibhedenAsaMyoge samUho mataH || 11||
annaprANAdikAH shabdA brahmaNo vAchakA matAH |
te sarve gaNarUpAshcha teShAM svAmI gaNeshvara || 12||
saMyogA.ayogakAdyA ye nAnA yogA matA budhaiH |
yogAnAM yogarUpo.ayaM gaNesho nAtra saMshayaH || 13||
gaNo yogAtmakaH proktastasamAttasya gaNA vayam |
yogarUpaM visheSheNa namAmo bhaktisaMyutAH || 14||
mAyA vighnAtmikA proktA bhrAntidA bimbabhAvataH |
tAM jayanti janA IshA vighnarAjasya sevayA || 15||
bhavanti te brahmabhUtA yogIndrA gANapAH smR^itAH |
ahaM gaNesharUpo vai bhinnaM mAyAmayaM matam || 16||
chittaM pa~nchavidhaM proktaM sA buddhirvividhAtmikA |
tatraishcharyaM cha yatproktaM siddhidaH sA paramAdbhutA || 17||
tatra yad bimbabhAvena gaNeshaH pratitiShThati |
mAyAbhyAM mohito.atyantaM sarvatrAsau virAjate || 18||
bimbabhAvaM parityajaya gaNeshasyaiva sevayA |
pa~nchadhA chittamutsR^ijya svayaM chintAmaNirbhavet || 19||
gaNesho.ahaM yadA viprAstadA kutra pravartate |
saMyogo me tathA yogaH shAntiyogaM labhettataH || 20||
na bhinno.ahaM kadA tasmAdgaNeshAnnAtra saMshayaH |
yogIndraH shAntiyogena brahmabhUto bhaviShyati || 21||
etadeva madIyaM yadguhyaM dhyAnaM prakIrtitam |
ato gaNeshadAso.ahaM taM namAmi sadA dvijAH || 22||
evamuktvA mahAyogI vIrarAma sa sha~NkaraH |
uchChinnasaMshayA jAtAH sanakAdyA vayaM nR^ipa || 23||
vicharAmo mahImetAm svargeShu vivareShu |
yogamArgeNa yogIshA gANapatyasvabhAvataH || 24||
gaNeshadarshane jAtA lAlasA vayamAdarAt |
tasminkAle gaNAdhIshaH kashyapasyAtmajo.abhavat || 25||
kAshIrAjo mahAbhakto gANapatyaparAyaNaH |
tasya gR^ihe gato devaH svakIyAchAryasAdhanAt || 26||
darshanArthaM vayaM tatra gatAH kAshyAM mahAmate |
darshayAmo gaNeshaM sma brahmachArisvarUpiNam || 27||
tam praNamya vayaM rAjan sthitA bhaktyA samanvitAH |
bAlarUpadharaM devaM stumaH sma bAlayUthagam || 28||
sanakAdyA UchuH |
namo vinAyakAyaiva kashyapapriyasUnave |
aditerjaTharotpanna brahmachArinnamo.astu te || 29||
gaNeshAya sadA mAyAdhArAya tadvivarjita |
bhaktydhInAya vai tubhyaM herambAya namo namaH || 30||
tad brahma shAshvataM deva brahmaNAM patira~njasA |
yoyAyogAdibhedena krIDase nAtra saMshayaH || 31||
AdimadhyAntarUpastvaM prakR^itiH puruShastathA |
nAdAnandau cha sUxastvaM sthUlarUpo bhavAn prabho || 32||
surAsuramayaH sAxAnnaranAgasvarUpadhR^ik |
jalasthalAdibhedena shobhase tvaM gajAnana || 33||
sarvebhyo varjitastvaM vai mAyAhInaH svarUpadhR^ik |
mAyAmAyikarUpashcha ko jAnAti gatiM parAm || 34||
kathaM stumo gaNAdhIshaM yogAkAramayaM sadA |
devA na shaMbhumukhyAshcha shaktAH stotuM kadAchana || 35||
vayaM dhanyA vayaM dhanyA yena pratyaxatAM gataH |
asmAkaM yoginAM DhuNDhe kuladevastvama~njasA || 36||
ityuktvA maunamAsthAya nanAma daNDavachcha tam |
uvAcha no gaNAdhIsho bhaktibhAvaniyantritaH || 37||
vinAyaka uvAcha |
bhavadbhiryatkR^itaM stotraM madIyaM yogashAntidam |
bhaviShyati mahAbhAgAH paThataH shR^iNvataH sadA || 38||
yaM yamichChati taM taM vai dAsyAmi stotrabhAvataH |
bhavanto gANapatyAshcha bhaviShyatha yathA shivaH || 39||
evamuktvA svayaM bAlashchikrIDa prAkR^ito yathA |
bAlakaiH saha yogAtmA kAshyapaH pUrvavannR^ipaH || 40||
vayaM kAshIpate rAjan darshanArthaM gatAstataH |
tenApi mAnitAH samyak bhuktvA cha svapade punaH || 41||
etatte kathitaM sarvaM yogashAntimayaM mahat |
GYAnaM pUrNaM gaNeshAkhyaM taM bhajasva gaNAdhipam || 42||
iti shrImudgalapurANAntargataM gaNeshastotraM samAptam |
##
Encoded and proofread by
Karthik Chandan.P (kardan5380@yahoo.com)
Amith K Nagaraj (amithkn@rediffmail.com)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}