% Text title            : anugItA from Bharatamanjari of Kshemendra
% File name             : anugItABM.itx
% Category              : giitaa, kShemendra
% Location              : doc\_giitaa
% Author                : Kshemendra
% Description/comments  : kAvyamAlA 65. Bharatamanjari
% Latest update         : October 15, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. anugItA from Bharatamanjari of Kshemendra ..}##
\itxtitle{.. anugItA bhAratama~njaryAM kShemendravirachitA ..}##\endtitles ##

kR^iShNenAshvArasyamAno.atha munibhirbhrAtR^ibhistathA |
ashvamedhadhR^itodyogo dhR^itiM lebhe yudhiShThiraH || 14\.50||
draShTuM tataH prajAkAryaM pravR^itte dharmanandane |
antardadhe tamAmantrya sarvaM tanmunimaNDalam || 14\.51||
hemaratnalatAkAnte vikAsikanakAmbuje |
atha kR^iShNau sabhodyAne svairaM prItyA vijahvatuH || 14\.52||
kathAnte tatra kaMsAriM subhadrAvallabho.avadat |
yuddhArambhe tvayoktaM yatsarvaM tanmama vismR^itam || 14\.53||
visR^iShTaM paramArthaj~na j~nAnaM tatpunaruchyatAm |
ityuktaH pANDuputreNa viShaNNaH keshavo.abravIt || 14\.54||
aho tvayAvadhAnena na shrutaM tadabuddhinA |
na shakyate punarvaktuM tathApi shrUyatAmidam || 14\.55||
brAhmaNena purA kashchijjIvanmuktadashAM shritaH |
siddhaH pR^iShTo.avadatsarvaM vij~nAya bhavavibhramam || 14\.56||
asminnasatyasa~NghAte bhUtAnAM pA~nchabhautike |
guNairnibaddhaH pakShIva jIvastiShThati pa~njare || 14\.57||
aha~NkAraikasArANAM dehinAM vismR^itAtmanAm |
chakravatparivartante sukhaduHkhakShayodayAH || 14\.58||
dehAnte karmasaMsargAjjantavaH shubhaduShkR^itaiH |
tArArUpA vimAnAni bhajante narakANi vA || 14\.59||
tato bhogakShaye garbhaM jarAyupariveShTitam |
shukrarUpo vishatyAtmA yonyAM shoNitasamplutaH || 14\.60||
niHshvAsAgrairyathA vAri lIyate darpaNodare |
nirdhUtasya yathA vahnerUShmA vyomni prasarpati || 14\.61||
yathA vA kusumAmodaH pravishatyantare.anile |
rAgaH sa~NkrAntimAyAti sarandhre sphaTike yathA || 14\.62||
tathA durlakShyasa~nchAro garbhamAtmA pradhAvati |
bibhrANo vAsanAmantaH shItasparshamivAnilaH || 14\.63||
jAtasya jAyate tasya vardhamAnasya vardhate |
tR^iShNAtanturbhi(rvi)sasyeva shuShyato na tu shuShyati || 14\.64||
vivekAdduHkhasaMyogAdvairAgyaM gADhamAshritaH |
nAhamasasmIti mantreNa muchyate brahmadIkShitaH || 14\.65||
pUrvaM bhAveShu nirvANastataH kAraNavR^ittiShu |
nirAlambadashAmetya yogI brahmaNi lIyate || 14\.66||
sarvataH pANicharaNaM sarvavyApinamavyayam |
AtmAnaM sa parij~nAya satyAmetAM bhavasthitim || 14\.67||
ityuktvA brAhmaNaM siddhaH sahasAntaradhIyata |
idamanyachcha kaunteya shreyase prayataH shR^iNu || 14\.68||
uvAcha brAhmaNI kAchidbhartAraM vijane purA |
gamiShyAmi gatiM sAdhvI kAmahaM tvatparAyaNA || 14\.69||
iti pR^iShTastayA viprastAmuvAcha smitAnanaH |
agnirvaishvAnaro nAma sthito.antaH kila dehinAm || 14\.70||
indriyANi manobuddhistasya saptArchiSha smR^itAH |
viShayAshchAsya samidho bhoktAraH sapta chartvijaH |
tasminhate sarvamidaM jAyate cha punaH punaH || 14\.71||
indriyANIva manaso manasteShAM cha sarvadA |
parasparopakAreNa prIyate dehasa~Ngame || 14\.72||
manobuddhiprabhR^itayaH saptendriyamR^igAH purA |
atarkeNaiva nihatA rAj~nA yogamayaiH sharaiH || 14\.73||
jitendriyasya no ki~nchididaM tasyaiva chAkhilam |
viShayA viShayasyeti janako vipramabhyadAt || 14\.74||
tasmAdasaktamanasA dR^iShTvA sarvamidaM mayA |
tyaktaM parAvaraj~nena bhavAvirbhAvashAntaye || 14\.75||
gatistavApi kalyANi madbhAvasadR^ishI sadA |
brahmAraNIsamudbhUtaM jAnIhi j~nAnapAvakam || 14\.76||
etatpatyurvachaH shrutvA brAhmaNI tattvadarshinI |
kShetrakShetraj~navij~nAnaM paraM prAvINyamAyayau || 14\.77||
shrutvaitadarjunaH kR^iShNaM babhAShe vismayAkulaH |
yogIndro brAhmaNaH ko.asau kvAste vA sA cha tadvadhUH || 14\.78||
ityuktaH kaiTabhArAtiH punarUche dhana~njayam |
shiShyeNa pR^iShTaH sarvaj~naH purA gururabhAShata || 14\.79||
bR^ihaspatiprabhR^itibhirmunIndraiH sarvadarshibhiH |
shruteyaM bhavavichChedakathA proktA svayambhuvA || 14\.80||
guNatrayanibaddhAnAM karmabhedavikAriNAm |
bhAvo.ayaM prANinAM shashvadalpo.apyAyAtyanalpatAm || 14\.81||
vichitraH kila sargo.ayamaha~NkArAdvinirgataH |
tasminneva layaM yAti shvabhre puShpachayo yathA || 14\.82||
janmAntarashatAbhyAsAdantara~NgatvamAgataH |
aha~NkAraH sa manaso lIlayA kena bhedyate || 14\.83||
avidyA tAnavenaiva shanaiH sannyastakarmaNaH |
vikalpadvandvaviratau j~nAnAlokaH prajAyate || 14\.84||
j~nAnAgninA pravR^iddhena dagdhvA bhavaviShadrumam |
sarvagranthivinirmuktaH paramAmR^itamashnute || 14\.85||
iti brahmoditaM j~nAnaM shiShyAya guruNA purA |
nAnAnidarshanopetaM kathitaM bhavashAntaye || 14\.86||
ahameva guruH pArtha shiShyashcha tvaM samo mama |
ityuktvA j~nAnasarvasvaM virarAma janArdanaH || 14\.87||
 
iti bhAratama~njaryAM kShemendravirachitA anugItA samAptA | 
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}