%@@1
% File name             : ashtgita.itx
%--------------------------------------------
% Text title            : Ashtavakra Gita
% Author                : Vedic tradition
% Language              : Sanskrit
% Subject               : philosophy/religion
% Description/comments  : 
% Transliterated by     : John Richards jhr@universalist.worldonline.co.uk
% Proofread by          : John Richards jhr@universalist.worldonline.co.uk
% Latest update         : October 6, 2005, May 15, 2011
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. aShTAvakra gItA ..}##
\itxtitle{.. aShTAvakra gItA ..}##\endtitles ##
                      || shrI ||
      atha shrImadaShTAvakragItA prArabhyate ||

                janaka uvAcha ||
kathaM j~nAnamavApnoti kathaM muktirbhaviShyati |
vairAgyaM cha kathaM prAptaM etad.h brUhi mama prabho || 1\-1||
                aShTAvakra uvAcha ||
muktiM ichChasi chettAta viShayAn.h viShavattyaja |
kShamArjavadayAtoShasatyaM pIyUShavad.h bhaja || 1\-2||
na pR^ithvI na jalaM nAgnirna vAyurdyaurna vA bhavAn.h |
eShAM sAkShiNamAtmAnaM chidrUpaM viddhi muktaye || 1\-3||
yadi dehaM pR^ithak.h kR^itya chiti vishrAmya tiShThasi |
adhunaiva sukhI shAnto bandhamukto bhaviShyasi || 1\-4||
na tvaM viprAdiko varNo nAshramI nAkShagocharaH |
asa~Ngo.asi nirAkAro vishvasAkShI sukhI bhava || 1\-5||
dharmAdharmau sukhaM duHkhaM mAnasAni na te vibho |
na kartAsi na bhoktAsi mukta evAsi sarvadA || 1\-6||
eko draShTAsi sarvasya muktaprAyo.asi sarvadA |
ayameva hi te bandho draShTAraM pashyasItaram.h || 1\-7||
ahaM kartetyahaMmAnamahAkR^iShNAhida.nshitaH |
nAhaM karteti vishvAsAmR^itaM pItvA sukhI bhava || 1\-8||
eko vishuddhabodho.ahaM iti nishchayavahninA |
prajvAlyAj~nAnagahanaM vItashokaH sukhI bhava || 1\-9||
yatra vishvamidaM bhAti kalpitaM rajjusarpavat.h |
AnandaparamAnandaH sa bodhastvaM sukhaM bhava || 1\-10||
muktAbhimAnI mukto hi baddho baddhAbhimAnyapi |
ki.nvadantIha satyeyaM yA matiH sA gatirbhavet.h || 1\-11||
AtmA sAkShI vibhuH pUrNa eko muktashchidakriyaH |
asa.ngo niHspR^ihaH shAnto bhramAtsa.nsAravAniva || 1\-12||
kUTasthaM bodhamadvaitamAtmAnaM paribhAvaya |
AbhAso.ahaM bhramaM muktvA bhAvaM bAhyamathAntaram.h || 1\-13||
dehAbhimAnapAshena chiraM baddho.asi putraka |
bodho.ahaM j~nAnakha.ngena taHnikR^itya sukhI bhava || 1\-14||
niHsa.ngo niShkriyo.asi tvaM svaprakAsho nira.njanaH |
ayameva hi te bandhaH samAdhimanutiShThati || 1\-15||
tvayA vyAptamidaM vishvaM tvayi protaM yathArthataH |
shuddhabuddhasvarUpastvaM mA gamaH kShudrachittatAm.h || 1\-16||
nirapekSho nirvikAro nirbharaH shItalAshayaH |
agAdhabuddhirakShubdho bhava chinmAtravAsanaH || 1\-17||
sAkAramanR^itaM viddhi nirAkAraM tu nishchalam.h |
etattattvopadeshena na punarbhavasaMbhavaH || 1\-18||
yathaivAdarshamadhyasthe rUpe.antaH paritastu saH |
tathaivA.asmin.h sharIre.antaH paritaH parameshvaraH || 1\-19||
ekaM sarvagataM vyoma bahirantaryathA ghaTe |
nityaM nirantaraM brahma sarvabhUtagaNe tathA || 1\-20||
\medskip\hrule\smallskip
                janaka uvAcha ||
aho nira.njanaH shAnto bodho.ahaM prakR^iteH paraH |
etAvantamahaM kAlaM mohenaiva viDaMbitaH || 2\-1||
yathA prakAshayAmyeko dehamenaM tathA jagat.h |
ato mama jagatsarvamathavA na cha ki.nchana || 2\-2||
sa sharIramaho vishvaM parityajya mayAdhunA |
kutashchit.h kaushalAd.h eva paramAtmA vilokyate || 2\-3||
yathA na toyato bhinnAstara.ngAH phenabud.hbudAH |
Atmano na tathA bhinnaM vishvamAtmavinirgatam.h || 2\-4||
tantumAtro bhaved.h eva paTo yadvad.h vichAritaH |
AtmatanmAtramevedaM tadvad.h vishvaM vichAritam.h || 2\-5||
yathaivekShurase klR^iptA tena vyAptaiva sharkarA |
tathA vishvaM mayi klR^iptaM mayA vyAptaM nirantaram.h || 2\-6||
Atmaj~nAnAjjagad.h bhAti Atmaj~nAnAnna bhAsate |
rajjvaj~nAnAdahirbhAti tajj~nAnAd.h bhAsate na hi || 2\-7||
prakAsho me nijaM rUpaM nAtirikto.asmyahaM tataH |
yadA prakAshate vishvaM tadAhaM bhAsa eva hi || 2\-8||
aho vikalpitaM vishvamaj~nAnAnmayi bhAsate |
rUpyaM shuktau phaNI rajjau vAri sUryakare yathA || 2\-9||
matto vinirgataM vishvaM mayyeva layameShyati |
mR^idi kuMbho jale vIchiH  kanake kaTakaM yathA || 2\-10||
aho ahaM namo mahyaM vinAsho yasya nAsti me |
brahmAdistaMbaparyantaM jagannAsho.api tiShThataH || 2\-11||
aho ahaM namo mahyaM eko.ahaM dehavAnapi |
kvachinna gantA nAgantA vyApya vishvamavasthitaH || 2\-12||
aho ahaM namo mahyaM dakSho nAstIha matsamaH |
asa.nspR^ishya sharIreNa yena vishvaM chiraM dhR^itam.h || 2\-13||
aho ahaM namo mahyaM yasya me nAsti ki.nchana |
athavA yasya me sarvaM yad.h vA~Nmanasagocharam.h || 2\-14||
j~nAnaM j~neyaM tathA j~nAtA tritayaM nAsti vAstavam.h |
aj~nAnAd.h bhAti yatredaM so.ahamasmi nira.njanaH || 2\-15||
dvaitamUlamaho duHkhaM nAnyattasyA.asti bheShajam.h |
dR^ishyametan.h mR^iShA sarvaM eko.ahaM chidrasomalaH || 2\-16||
bodhamAtro.ahamaj~nAnAd.h upAdhiH kalpito mayA |
evaM vimR^ishato nityaM nirvikalpe sthitirmama || 2\-17||
na me bandho.asti mokSho vA bhrAntiH shAnto nirAshrayA |
aho mayi sthitaM vishvaM vastuto na mayi sthitam.h || 2\-18||
sasharIramidaM vishvaM na ki.nchiditi nishchitam.h |
shuddhachinmAtra AtmA cha tatkasmin.h kalpanAdhunA || 2\-19||
sharIraM svarganarakau bandhamokShau bhayaM tathA |
kalpanAmAtramevaitat.h kiM me kAryaM chidAtmanaH || 2\-20||
aho janasamUhe.api na dvaitaM pashyato mama |
araNyamiva saMvR^ittaM kva ratiM karavANyaham.h || 2\-21||
nAhaM deho na me deho jIvo nAhamahaM hi chit.h |
ayameva hi me bandha AsIdyA jIvite spR^ihA || 2\-22||
aho bhuvanakallolairvichitrairdrAk.h samutthitam.h |
mayyana.ntamahAMbhodhau chittavAte samudyate || 2\-23||
mayyana.ntamahAMbhodhau chittavAte prashAmyati |
abhAgyAjjIvavaNijo jagatpoto vinashvaraH || 2\-24||
mayyanantamahAMbhodhAvAshcharyaM jIvavIchayaH |
udyanti ghnanti khelanti pravishanti svabhAvataH || 2\-25||
\medskip\hrule\smallskip
                aShTAvakra uvAcha ||
avinAshinamAtmAnaM ekaM vij~nAya tattvataH |
tavAtmaj~nAnasya dhIrasya kathamarthArjane ratiH || 3\-1||
AtmAj~nAnAdaho prItirviShayabhramagochare |
shukteraj~nAnato lobho yathA rajatavibhrame || 3\-2||
vishvaM sphurati yatredaM tara~NgA iva sAgare |
so.ahamasmIti vij~nAya kiM dIna iva dhAvasi || 3\-3||
shrutvApi shuddhachaitanya AtmAnamatisundaram.h |
upasthe.atyantasa.nsakto mAlinyamadhigachChati || 3\-4||
sarvabhUteShu chAtmAnaM sarvabhUtAni chAtmani |
munerjAnata AshcharyaM mamatvamanuvartate || 3\-5||
AsthitaH paramAdvaitaM mokShArthe.api vyavasthitaH |
AshcharyaM kAmavashago vikalaH kelishikShayA || 3\-6||
ud.hbhUtaM j~nAnadurmitramavadhAryAtidurbalaH |
AshcharyaM kAmamAkA~NkShet.h kAlamantamanushritaH || 3\-7||
ihAmutra viraktasya nityAnityavivekinaH |
AshcharyaM mokShakAmasya mokShAd.h eva vibhIShikA || 3\-8||
dhIrastu bhojyamAno.api pIDyamAno.api sarvadA |
AtmAnaM kevalaM pashyan.h na tuShyati na kupyati || 3\-9||
cheShTamAnaM sharIraM svaM pashyatyanyasharIravat.h |
sa.nstave chApi nindAyAM kathaM kShubhyet.h mahAshayaH || 3\-10||
mAyAmAtramidaM vishvaM pashyan.h vigatakautukaH |
api sannihite mR^ityau kathaM trasyati dhIradhIH || 3\-11||
niHspR^ihaM mAnasaM yasya nairAshye.api mahAtmanaH |
tasyAtmaj~nAnatR^iptasya tulanA kena jAyate || 3\-12||
svabhAvAd.h eva jAnAno dR^ishyametanna ki.nchana |
idaM grAhyamidaM tyAjyaM sa kiM pashyati dhIradhIH || 3\-13||
a.ntastyaktakaShAyasya nirdvandvasya nirAshiShaH |
yadR^ichChayAgato bhogo na duHkhAya na tuShTaye || 3\-14||
\medskip\hrule\smallskip
                janaka uvAcha ||
hantAtmaj~nAnasya dhIrasya khelato bhogalIlayA |
na hi sa.nsAravAhIkairmUDhaiH saha samAnatA || 4\-1||
yat.h padaM prepsavo dInAH shakrAdyAH sarvadevatAH |
aho tatra sthito yogI na harShamupagachChati || 4\-2||
tajj~nasya puNyapApAbhyAM sparsho hyantarna jAyate |
na hyAkAshasya dhUmena dR^ishyamAnApi sa~NgatiH || 4\-3||
AtmaivedaM jagatsarvaM j~nAtaM yena mahAtmanA |
yadR^ichChayA vartamAnaM taM niSheddhuM kShameta kaH || 4\-4||
AbrahmastaMbaparyante bhUtagrAme chaturvidhe |
vij~nasyaiva hi sAmarthyamichChAnichChAvivarjane || 4\-5||
AtmAnamadvayaM kashchijjAnAti jagadIshvaram.h |
yad.h vetti tatsa kurute na bhayaM tasya kutrachit.h || 4\-6||
\medskip\hrule\smallskip
                aShTAvakra uvAcha ||
na te sa.ngo.asti kenApi kiM shuddhastyaktumichChasi |
sa.nghAtavilayaM kurvannevameva layaM vraja || 5\-1||
udeti bhavato vishvaM vAridheriva bud.hbudaH |
iti j~nAtvaikamAtmAnaM evameva layaM vraja || 5\-2||
pratyakShamapyavastutvAd.h vishvaM nAstyamale tvayi |
rajjusarpa iva vyaktaM evameva layaM vraja || 5\-3||
samaduHkhasukhaH pUrNa AshAnairAshyayoH samaH |
samajIvitamR^ityuH sannevameva layaM vraja || 5\-4||
\medskip\hrule\smallskip
                janaka uvAcha ||
AkAshavadananto.ahaM ghaTavat.h prAkR^itaM jagat.h |
iti j~nAnaM tathaitasya na tyAgo na graho layaH || 6\-1||
mahodadhirivAhaM sa prapa.ncho vIchisa.annibhaH |
iti j~nAnaM tathaitasya na tyAgo na graho layaH || 6\-2||
ahaM sa shuktisa~NkAsho rUpyavad.h vishvakalpanA |
iti j~nAnaM tathaitasya na tyAgo na graho layaH || 6\-3||
ahaM vA sarvabhUteShu sarvabhUtAnyatho mayi |
iti j~nAnaM tathaitasya na tyAgo na graho layaH || 6\-4||
\medskip\hrule\smallskip
                janaka uvAcha ||
mayyana.ntamahAMbhodhau vishvapota itastataH |
bhramati svA.ntavAtena na mamAstyasahiShNutA || 7\-1||
mayyana.ntamahAMbhodhau jagadvIchiH svabhAvataH |
udetu vAstamAyAtu na me vR^iddhirna cha kShatiH || 7\-2||
mayyana.ntamahAMbhodhau vishvaM nAma vikalpanA |
atishA.nto nirAkAra etadevAhamAsthitaH || 7\-3||
nAtmA bhAveShu no bhAvastatrAnante nira.njane |
ityasakto.aspR^ihaH shAnta etadevAhamAstitaH || 7\-4||
aho chinmAtramevAhaM indrajAlopamaM jagat.h |
iti mama kathaM kutra heyopAdeyakalpanA || 7\-5||
\medskip\hrule\smallskip
                aShTAvakra uvAcha ||
tadA bandho yadA chittaM kinchid.h vAMChati shochati |
ki.nchin.h mu.nchati gR^iNhAti ki.nchid.h dR^iShyati kupyati || 8\-1||
tadA muktiryadA chittaM na vAMChati na shochati |
na mu.nchati na gR^iNhAti na hR^iShyati na kupyati || 8\-2||
tadA bandho yadA chittaM saktaM kAshvapi dR^iShTiShu |
tadA mokSho yadA chittamasaktaM sarvadR^iShTiShu || 8\-3||
yadA nAhaM tadA mokSho yadAhaM bandhanaM tadA |
matveti helayA ki.nchinmA gR^ihANa vimu.ncha mA || 8\-4||
\medskip\hrule\smallskip
                aShTAvakra uvAcha ||
kR^itAkR^ite cha dvandvAni kadA shAntAni kasya vA |
evaM j~nAtveha nirvedAd.h bhava tyAgaparo.avratI || 9\-1||
kasyApi tAta dhanyasya lokacheShTAvalokanAt.h |
jIvitechChA bubhukShA cha bubhutsopashamaH gatAH || 9\-2||
anityaM sarvamevedaM tApatrayadUShitam.h |
asaraM ninditaM heyamiti nishchitya shAmyati || 9\-3||
ko.asau kAlo vayaH kiM vA yatra dvandvAni no nR^iNAm.h |
tAnyupekShya yathAprAptavartI siddhimavApnuyAt.h || 9\-4||
nA mataM maharShINAM sAdhUnAM yoginAM tathA |
dR^iShTvA nirvedamApannaH ko na shAmyati mAnavaH || 9\-5||
kR^itvA mUrtiparij~nAnaM chaitanyasya na kiM guruH |
nirvedasamatAyuktyA yastArayati sa.nsR^iteH || 9\-6||
pashya bhUtavikArA.nstvaM bhUtamAtrAn.h yathArthataH |
tatkShaNAd.h bandhanirmuktaH svarUpastho bhaviShyasi || 9\-7||
vAsanA eva sa.nsAra iti sarvA vimu.ncha tAH |
tattyAgo vAsanAtyAgAtsthitiradya yathA tathA || 9\-8||
\medskip\hrule\smallskip
                aShTAvakra uvAcha ||
vihAya vairiNaM kAmamarthaM chAnarthasa.nkulam.h |
dharmamapyetayorhetuM sarvatrAdaraM kuru || 10\-1||
svapnendrajAlavat.h pashya dinAni trINi pa.ncha vA |
mitrakShetradhanAgAradAradAyAdisaMpadaH || 10\-2||
yatra yatra bhavettR^iShNA sa.nsAraM viddhi tatra vai |
prauDhavairAgyamAshritya vItatR^iShNaH sukhI bhava || 10\-3||
tR^iShNAmAtrAtmako bandhastannAsho mokSha uchyate |
bhavAsa.nsaktimAtreNa prAptituShTirmuhurmuhuH || 10\-4||
tvamekashchetanaH shuddho jaDaM vishvamasattathA |
avidyApi na ki.nchitsA kA bubhutsA tathApi te || 10\-5||
rAjyaM sutAH kalatrANi sharIrANi sukhAni cha |
sa.nsaktasyApi naShTAni tava janmani janmani || 10\-6||
alamarthena kAmena sukR^itenApi karmaNA |
ebhyaH sa.nsArakAntAre na vishrAntamabhUn.h manaH || 10\-7||
kR^itaM na kati janmAni kAyena manasA girA |
duHkhamAyAsadaM karma tadadyApyuparamyatAm.h || 10\-8||
\medskip\hrule\smallskip
                aShTAvakra uvAcha ||
bhAvAbhAvavikArashcha svabhAvAditi nishchayI |
nirvikAro gatakleshaH sukhenaivopashAmyati || 11\-1||
IshvaraH sarvanirmAtA nehAnya iti nishchayI |
antargalitasarvAshaH shAntaH kvApi na sajjate || 11\-2||
ApadaH saMpadaH kAle daivAdeveti nishchayI |
tR^iptaH svasthendriyo nityaM na vAnChati na shochati || 11\-3||
sukhaduHkhe janmamR^ityU daivAdeveti nishchayI |
sAdhyAdarshI nirAyAsaH kurvannapi na lipyate || 11\-4||
chintayA jAyate duHkhaM nAnyatheheti nishchayI |
tayA hInaH sukhI shAntaH sarvatra galitaspR^ihaH || 11\-5||
nAhaM deho na me deho bodho.ahamiti nishchayI |
kaivalyaM iva saMprApto na smaratyakR^itaM kR^itam.h || 11\-6||
AbrahmastaMbaparyantaM ahameveti nishchayI |
nirvikalpaH shuchiH shAntaH prAptAprAptavinirvR^itaH || 11\-7||
nAshcharyamidaM vishvaM na ki.nchiditi nishchayI |
nirvAsanaH sphUrtimAtro na ki.nchidiva shAmyati || 11\-8||
\medskip\hrule\smallskip
                janaka uvAcha ||
kAyakR^ityAsahaH pUrvaM tato vAgvistarAsahaH |
atha chintAsahastasmAd.h evamevAhamAsthitaH || 12\-1||
prItyabhAvena shabdAderadR^ishyatvena chAtmanaH |
vikShepaikAgrahR^idaya evamevAhamAsthitaH || 12\-2||
samAdhyAsAdivikShiptau vyavahAraH samAdhaye |
evaM vilokya niyamaM evamevAhamAsthitaH || 12\-3|| |
heyopAdeyavirahAd.h evaM harShaviShAdayoH |
abhAvAdadya he brahmann.h evamevAhamAsthitaH || 12\-4||
AshramAnAshramaM dhyAnaM chittasvIkR^itavarjanam.h |
vikalpaM mama vIkShyaitairevamevAhamAsthitaH || 12\-5||
karmAnuShThAnamaj~nAnAd.h yathaivoparamastathA |
budhvA samyagidaM tattvaM evamevAhamAsthitaH || 12\-6||
achi.ntyaM chi.ntyamAno.api chintArUpaM bhajatyasau |
tyaktvA tad.hbhAvanaM tasmAd.h evamevAhamAsthitaH || 12\-7||
evameva kR^itaM yena sa kR^itArtho bhavedasau |
evameva svabhAvo yaH sa kR^itArtho bhavedasau || 12\-8||
\medskip\hrule\smallskip
                janaka uvAcha ||
aki.nchanabhavaM svAsthaM kaupInatve.api durlabham.h |
tyAgAdAne vihAyAsmAdahamAse yathAsukham.h || 13\-1||
kutrApi khedaH kAyasya jihvA kutrApi khedyate |
manaH kutrApi tattyaktvA puruShArthe sthitaH sukham.h || 13\-2||
kR^itaM kimapi naiva syAd.h iti sa.nchintya tattvataH |
yadA yatkartumAyAti tat.h kR^itvAse yathAsukham.h || 13\-3||
karmanaiShkarmyanirbandhabhAvA dehasthayoginaH |
saMyogAyogavirahAdahamAse yathAsukham.h || 13\-4||
arthAnarthau na me sthityA gatyA na shayanena vA |
tiShThan.h gachChan.h svapan.h tasmAdahamAse yathAsukham.h || 13\-5||
svapato nAsti me hAniH siddhiryatnavato na vA |
nAshollAsau vihAyAsmadahamAse yathAsukham.h || 13\-6||
sukhAdirUpA niyamaM bhAveShvAlokya bhUrishaH |
shubhAshubhe vihAyAsmAdahamAse yathAsukham.h || 13\-7||
\medskip\hrule\smallskip
                janaka uvAcha ||
prakR^ityA shUnyachitto yaH pramAdAd.h bhAvabhAvanaH |
nidrito bodhita iva kShINasa.nsmaraNo hi saH || 14\-1||
kva dhanAni kva mitrANi kva me viShayadasyavaH |
kva shAstraM kva cha vij~nAnaM yadA me galitA spR^ihA || 14\-2||
vij~nAte sAkShipuruShe paramAtmani cheshvare |
nairAshye ba.ndhamokShe cha na chi.ntA muktaye mama || 14\-3||
a.ntarvikalpashUnyasya bahiH svachChandachAriNaH |
bhrAntasyeva dashAstAstAstAdR^ishA eva jAnate || 14\-4||
\medskip\hrule\smallskip
                aShTAvakra uvAcha ||
yathAtathopadeshena kR^itArthaH sattvabuddhimAn.h |
AjIvamapi jij~nAsuH parastatra vimuhyati || 15\-1||
mokSho viShayavairasyaM bandho vaiShayiko rasaH |
etAvadeva vij~nAnaM yathechChasi tathA kuru || 15\-2||
vAgmiprAj~nAnamahodyogaM janaM mUkajaDAlasam.h |
karoti tattvabodho.ayamatastyakto bubhukShabhiH || 15\-3||
na tvaM deho na te deho bhoktA kartA na vA bhavAn.h |
chidrUpo.asi sadA sAkShI nirapekShaH sukhaM chara || 15\-4||
rAgadveShau manodharmau na manaste kadAchana |
nirvikalpo.asi bodhAtmA nirvikAraH sukhaM chara || 15\-5||
sarvabhUteShu chAtmAnaM sarvabhUtAni chAtmani |
vij~nAya nirahaMkAro nirmamastvaM sukhI bhava || 15\-6||
vishvaM sphurati yatredaM tara.ngA iva sAgare |
tattvameva na sandehashchinmUrte vijvaro bhava || 15\-7||
shraddhasva tAta shraddhasva nAtra mo.ahaM kuruShva bhoH |
j~nAnasvarUpo bhagavAnAtmA tvaM prakR^iteH paraH || 15\-8||
guNaiH saMveShTito dehastiShThatyAyAti yAti cha |
AtmA na ga.ntA nAga.ntA kimenamanushochasi || 15\-9||
dehastiShThatu kalpAntaM gachChatvadyaiva vA punaH |
kva vR^iddhiH kva cha vA hAnistava chinmAtrarUpiNaH || 15\-10||
tvayyana.ntamahAMbhodhau vishvavIchiH svabhAvataH |
udetu vAstamAyAtu na te vR^iddhirna vA kShatiH || 15\-11||
tAta chinmAtrarUpo.asi na te bhinnamidaM jagat.h |
ataH kasya kathaM kutra heyopAdeyakalpanA || 15\-12||
ekasminnavyaye shAnte chidAkAshe.amale tvayi |
kuto janma kuto karma kuto.ahaMkAra eva cha || 15\-13||
yattvaM pashyasi tatraikastvameva pratibhAsase |
kiM pR^ithak.h bhAsate svarNAt.h kaTakA.ngadanUpuram.h || 15\-14||
ayaM so.ahamayaM nAhaM vibhAgamiti sa.ntyaja |
sarvamAtmeti nishchitya niHsa~NkalpaH sukhI bhava || 15\-15||
tavaivAj~nAnato vishvaM tvamekaH paramArthataH |
tvatto.anyo nAsti sa.nsArI nAsa.nsArI cha kashchana || 15\-16||
bhrAntimAtramidaM vishvaM na ki.nchiditi nishchayI |
nirvAsanaH sphUrtimAtro na ki.nchidiva shAmyati || 15\-17||
eka eva bhavAMbhodhAvAsIdasti bhaviShyati |
na te bandho.asti mokSho vA kR^ityakR^ityaH sukhaM chara || 15\-18||
mA sa~NkalpavikalpAbhyAM chittaM kShobhaya chinmaya |
upashAmya sukhaM tiShTha svAtmanyAnandavigrahe || 15\-19||
tyajaiva dhyAnaM sarvatra mA ki.nchid.h hR^idi dhAraya |
AtmA tvaM mukta evAsi kiM vimR^ishya kariShyasi || 15\-20||
\medskip\hrule\smallskip
                aShTAvakra uvAcha ||
AchakShva shR^iNu vA tAta nAnAshAstrANyanekashaH |
tathApi na tava svAsthyaM sarvavismaraNAd.h R^ite || 16\-1||
bhogaM karma samAdhiM vA kuru vij~na tathApi te |
chittaM nirastasarvAshamatyarthaM rochayiShyati || 16\-2||
AyAsAtsakalo duHkhI nainaM jAnAti kashchana |
anenaivopadeshena dhanyaH prApnoti nirvR^itim.h || 16\-3||
vyApAre khidyate yastu nimeShonmeShayorapi |
tasyAlasya dhurINasya sukhaM nanyasya kasyachit.h || 16\-4||
idaM kR^itamidaM neti dva.ndvairmuktaM yadA manaH |
dharmArthakAmamokSheShu nirapekShaM tadA bhavet.h || 16\-5||
virakto viShayadveShTA rAgI viShayalolupaH |
grahamokShavihInastu na virakto na rAgavAn.h || 16\-6||
heyopAdeyatA tAvatsa.nsAraviTapA.nkuraH |
spR^ihA jIvati yAvad.h vai nirvichAradashAspadam.h || 16\-7||
pravR^ittau jAyate rAgo nirvR^ittau dveSha eva hi |
nirdvandvo bAlavad.h dhImAn.h evameva vyavasthitaH || 16\-8||
hAtumichChati sa.nsAraM rAgI duHkhajihAsayA |
vItarAgo hi nirduHkhastasminnapi na khidyati || 16\-9||
yasyAbhimAno mokShe.api dehe.api mamatA tathA |
na cha j~nAnI na vA yogI kevalaM duHkhabhAgasau || 16\-10||
haro yadyupadeShTA te hariH kamalajo.api vA |
tathApi na tava svAthyaM sarvavismaraNAdR^ite || 16\-11||
\medskip\hrule\smallskip
                aShTAvakra uvAcha ||
tena j~nAnaphalaM prAptaM yogAbhyAsaphalaM tathA |
tR^iptaH svachChendriyo nityaM ekAkI ramate tu yaH || 17\-1||
na kadAchijjagatyasmin.h tattvaj~nA hanta khidyati |
yata ekena tenedaM pUrNaM brahmANDamaNDalam.h || 17\-2||
na jAtu viShayAH ke.api svArAmaM harShayantyamI |
sallakIpallavaprItamivebhaM niMbapallavAH || 17\-3||
yastu bhogeShu bhukteShu na bhavatyadhivAsitA |
abhukteShu nirAkA.nkShI tadR^isho bhavadurlabhaH || 17\-4||
bubhukShuriha sa.nsAre mumukShurapi dR^ishyate |
bhogamokShanirAkA.nkShI viralo hi mahAshayaH || 17\-5||
dharmArthakAmamokSheShu jIvite maraNe tathA |
kasyApyudArachittasya heyopAdeyatA na hi || 17\-6||
vAMChA na vishvavilaye na dveShastasya cha sthitau |
yathA jIvikayA tasmAd.h dhanya Aste yathA sukham.h || 17\-7||
kR^itArtho.anena j~nAnenetyevaM galitadhIH kR^itI |
pashyan.h shR^iNvan.h spR^ishan.h jighrann.h ashnannAste yathA sukham.h || 17\-8||
shUnyA dR^iShTirvR^ithA cheShTA vikalAnIndriyANi cha |
na spR^ihA na viraktirvA kShINasa.nsArasAgare || 17\-9||
na jAgarti na nidrAti nonmIlati na mIlati |
aho paradashA kvApi vartate muktachetasaH || 17\-10||
sarvatra dR^ishyate svasthaH sarvatra vimalAshayaH |
samastavAsanA mukto muktaH sarvatra rAjate || 17\-11||
pashyan.h shR^iNvan.h spR^ishan.h jighrann.h ashnan.h gR^iNhan.h vadan.h vrajan.h |
IhitAnIhitairmukto mukta eva mahAshayaH || 17\-12||
na nindati na cha stauti na hR^iShyati na kupyati |
na dadAti na gR^iNhAti muktaH sarvatra nIrasaH || 17\-13||
sAnurAgAM striyaM dR^iShTvA mR^ityuM vA samupasthitam.h |
avihvalamanAH svastho mukta eva mahAshayaH || 17\-14||
sukhe duHkhe nare nAryAM saMpatsu vipatsu cha |
visheSho naiva dhIrasya sarvatra samadarshinaH || 17\-15||
na hi.nsA naiva kAruNyaM nauddhatyaM na cha dInatA |
nAshcharyaM naiva cha kShobhaH kShINasa.nsaraNe nare || 17\-16||
na mukto viShayadveShTA na vA viShayalolupaH |
asa.nsaktamanA nityaM prAptAprAptamupAshnute || 17\-17||
samAdhAnasamAdhAnahitAhitavikalpanAH |
shUnyachitto na jAnAti kaivalyamiva sa.nsthitaH || 17\-18||
nirmamo niraha.nkAro na ki.nchiditi nishchitaH |
antargalitasarvAshaH kurvannapi karoti na || 17\-19||
manaHprakAshasaMmohasvapnajADyavivarjitaH |
dashAM kAmapi saMprApto bhaved.h galitamAnasaH || 17\-20||
\medskip\hrule\smallskip
                aShTAvakra uvAcha ||
yasya bodhodaye tAvatsvapnavad.h bhavati bhramaH |
tasmai sukhaikarUpAya namaH shAntAya tejase || 18\-1||
arjayitvAkhilAn.h arthAn.h bhogAnApnoti puShkalAn.h |
na hi sarvaparityAjamantareNa sukhI bhavet.h || 18\-2||
kartavyaduHkhamArtaNDajvAlAdagdhAntarAtmanaH |
kutaH prashamapIyUShadhArAsAramR^ite sukham.h || 18\-3||
bhavo.ayaM bhAvanAmAtro na ki.nchit.h paramarthataH |
nAstyabhAvaH svabhAvanAM bhAvAbhAvavibhAvinAm.h || 18\-4||
na dUraM na cha sa.nkochAllabdhamevAtmanaH padam.h |
nirvikalpaM nirAyAsaM nirvikAraM nira.njanam.h || 18\-5||
vyAmohamAtraviratau svarUpAdAnamAtrataH |
vItashokA virAjante nirAvaraNadR^iShTayaH || 18\-6||
samastaM kalpanAmAtramAtmA muktaH sanAtanaH |
iti vij~nAya dhIro hi kimabhyasyati bAlavat.h || 18\-7||
AtmA brahmeti nishchitya bhAvAbhAvau cha kalpitau |
niShkAmaH kiM vijAnAti kiM brUte cha karoti kim.h || 18\-8||
ayaM so.ahamayaM nAhaM iti kShINA vikalpanA |
sarvamAtmeti nishchitya tUShNIMbhUtasya  yoginaH || 18\-9||
na vikShepo na chaikAgryaM nAtibodho na mUDhatA |
na sukhaM na cha vA duHkhaM upashAntasya yoginaH || 18\-10||
svArAjye bhaikShavR^ittau cha lAbhAlAbhe jane vane |
nirvikalpasvabhAvasya na visheSho.asti yoginaH || 18\-11||
kva dharmaH kva cha vA kAmaH kva chArthaH kva vivekitA |
idaM kR^itamidaM neti dvandvairmuktasya yoginaH || 18\-12||
kR^ityaM kimapi naivAsti na kApi hR^idi ra.njanA |
yathA jIvanameveha jIvanmuktasya yoginaH || 18\-13||
kva mohaH kva cha vA vishvaM kva tad.h dhyAnaM kva muktatA |
sarvasa.nkalpasImAyAM vishrAntasya mahAtmanaH || 18\-14||
yena vishvamidaM dR^iShTaM sa nAstIti karotu vai |
nirvAsanaH kiM kurute pashyannapi na pashyati || 18\-15||
yena dR^iShTaM paraM brahma so.ahaM brahmeti chintayet.h |
kiM chintayati nishchinto dvitIyaM yo na pashyati || 18\-16||
dR^iShTo yenAtmavikShepo nirodhaM kurute tvasau |
udArastu na vikShiptaH sAdhyAbhAvAtkaroti kim.h || 18\-17||
dhIro lokaviparyasto vartamAno.api lokavat.h |
no samAdhiM na vikShepaM na lopaM svasya pashyati || 18\-18||
bhAvAbhAvavihIno yastR^ipto nirvAsano budhaH |
naiva ki.nchitkR^itaM tena lokadR^iShTyA vikurvatA || 18\-19||
pravR^ittau vA nivR^ittau vA naiva dhIrasya durgrahaH |
yadA yatkartumAyAti tatkR^itvA tiShThate sukham.h || 18\-20||
nirvAsano nirAlaMbaH svachChando muktabandhanaH |
kShiptaH sa.nskAravAtena cheShTate shuShkaparNavat.h || 18\-21||
asa.nsArasya tu kvApi na harSho na viShAditA |
sa shItalahamanA nityaM videha iva rAjaye || 18\-22||
kutrApi na jihAsAsti nAsho vApi na kutrachit.h |
AtmArAmasya dhIrasya shItalAchChatarAtmanaH || 18\-23||
prakR^ityA shUnyachittasya kurvato.asya yadR^ichChayA |
prAkR^itasyeva dhIrasya na mAno nAvamAnatA || 18\-24||
kR^itaM dehena karmedaM na mayA shuddharUpiNA |
iti chintAnurodhI yaH kurvannapi karoti na || 18\-25||
atadvAdIva kurute na bhavedapi bAlishaH |
jIvanmuktaH sukhI shrImAn.h sa.nsarannapi shobhate || 18\-26||
nAvichArasushrAnto dhIro vishrAntimAgataH |
na kalpate na jAti na shR^iNoti na pashyati || 18\-27||
asamAdheravikShepAn.h na mumukShurna chetaraH |
nishchitya kalpitaM pashyan.h brahmaivAste mahAshayaH || 18\-28||
yasyAntaH syAdaha.nkAro na karoti karoti saH |
niraha.nkAradhIreNa na ki.nchidakR^itaM kR^itam.h || 18\-29||
nodvignaM na cha santuShTamakartR^i spandavarjitam.h |
nirAshaM gatasandehaM chittaM muktasya rAjate || 18\-30||
nirdhyAtuM cheShTituM vApi yachchittaM na pravartate |
nirnimittamidaM ki.ntu nirdhyAyeti vicheShTate || 18\-31||
tattvaM yathArthamAkarNya mandaH prApnoti mUDhatAm.h |
athavA yAti sa.nkochamamUDhaH ko.api mUDhavat.h || 18\-32||
ekAgratA nirodho vA mUDhairabhyasyate bhR^isham.h |
dhIrAH kR^ityaM na pashyanti suptavatsvapade sthitAH || 18\-33||
aprayatnAt.h prayatnAd.h vA mUDho nApnoti nirvR^itim.h |
tattvanishchayamAtreNa prAj~no bhavati nirvR^itaH || 18\-34||
shuddhaM buddhaM priyaM pUrNaM niShprapa.nchaM nirAmayam.h |
AtmAnaM taM na jAnanti tatrAbhyAsaparA janAH || 18\-35||
nApnoti karmaNA mokShaM vimUDho.abhyAsarUpiNA |
dhanyo vij~nAnamAtreNa muktastiShThatyavikriyaH || 18\-36||
mUDho nApnoti tad.h brahma yato bhavitumichChati |
anichChannapi dhIro hi parabrahmasvarUpabhAk.h || 18\-37||
nirAdhArA grahavyagrA mUDhAH sa.nsArapoShakAH |
etasyAnarthamUlasya mUlachChedaH kR^ito budhaiH || 18\-38||
na shAntiM labhate mUDho yataH shamitumichChati |
dhIrastattvaM vinishchitya sarvadA shAntamAnasaH || 18\-39||
kvAtmano darshanaM tasya yad.h dR^iShTamavalaMbate |
dhIrAstaM taM na pashyanti pashyantyAtmAnamavyayam.h || 18\-40||
kva nirodho vimUDhasya yo nirbandhaM karoti vai |
svArAmasyaiva dhIrasya sarvadAsAvakR^itrimaH || 18\-41||
bhAvasya bhAvakaH kashchin.h na ki.nchid.h bhAvakoparaH |
ubhayAbhAvakaH kashchid.h evameva nirAkulaH || 18\-42||
shuddhamadvayamAtmAnaM bhAvayanti kubuddhayaH |
na tu jAnanti saMmohAdyAvajjIvamanirvR^itAH || 18\-43||
mumukShorbuddhirAlaMbamantareNa na vidyate |
nirAlaMbaiva niShkAmA buddhirmuktasya sarvadA || 18\-44||
viShayadvIpino vIkShya chakitAH sharaNArthinaH |
vishanti jhaTiti kroDaM nirodhaikAgrasiddhaye || 18\-45||
nirvAsanaM hariM dR^iShTvA tUShNIM viShayadantinaH |
palAyante na shaktAste sevante kR^itachATavaH || 18\-46||
na muktikArikAM dhatte niHsha~Nko yuktamAnasaH |
pashyan.h shR^iNvan.h spR^ishan.h jighrannashnannAste yathAsukham.h || 18\-47||
vastushravaNamAtreNa shuddhabuddhirnirAkulaH |
naivAchAramanAchAramaudAsyaM vA prapashyati || 18\-48||
yadA yatkartumAyAti tadA tatkurute R^ijuH |
shubhaM vApyashubhaM vApi tasya cheShTA hi bAlavat.h || 18\-49||
svAta.ntryAtsukhamApnoti svAta.ntryAllabhate param.h |
svAta.ntryAnnirvR^itiM gachChetsvAta.ntryAt.h paramaM padam.h || 18\-50||
akartR^itvamabhoktR^itvaM svAtmano manyate yadA |
tadA kShINA bhavantyeva samastAshchittavR^ittayaH || 18\-51||
uchChR^i.nkhalApyakR^itikA sthitirdhIrasya rAjate |
na tu saspR^ihachittasya shAntirmUDhasya kR^itrimA || 18\-52||
vilasanti mahAbhogairvishanti girigahvarAn.h |
nirastakalpanA dhIrA abaddhA muktabuddhayaH || 18\-53||
shrotriyaM devatAM tIrthama~NganAM bhUpatiM priyam.h |
dR^iShTvA saMpUjya dhIrasya na kApi hR^idi vAsanA || 18\-54||
bhR^ityaiH putraiH kalatraishcha dauhitraishchApi gotrajaiH |
vihasya dhikkR^ito yogI na yAti vikR^itiM manAk.h || 18\-55||
santuShTo.api na santuShTaH khinno.api na cha khidyate |
tasyAshcharyadashAM tAM tAM tAdR^ishA eva jAnate || 18\-56||
kartavyataiva sa.nsAro na tAM pashyanti sUrayaH |
shUnyAkArA nirAkArA nirvikArA nirAmayAH || 18\-57||
akurvannapi saMkShobhAd.h vyagraH sarvatra mUDhadhIH |
kurvannapi tu kR^ityAni kushalo hi nirAkulaH || 18\-58||
sukhamAste sukhaM shete sukhamAyAti yAti cha |
sukhaM vakti sukhaM bhu.nkte vyavahAre.api shAntadhIH || 18\-59||
svabhAvAdyasya naivArtirlokavad.h vyavahAriNaH |
mahAhR^ida ivAkShobhyo gatakleshaH sa shobhate || 18\-60||
nivR^ittirapi mUDhasya pravR^itti rupajAyate |
pravR^ittirapi dhIrasya nivR^ittiphalabhAginI || 18\-61||
parigraheShu vairAgyaM prAyo mUDhasya dR^ishyate |
dehe vigalitAshasya kva rAgaH kva virAgatA || 18\-62||
bhAvanAbhAvanAsaktA dR^iShTirmUDhasya sarvadA |
bhAvyabhAvanayA sA tu svasthasyAdR^iShTirUpiNI || 18\-63||
sarvAraMbheShu niShkAmo yashchared.h bAlavan.h muniH |
na lepastasya shuddhasya kriyamANo.api karmaNi || 18\-64||
sa eva dhanya Atmaj~naH sarvabhAveShu yaH samaH |
pashyan.h shR^iNvan.h spR^ishan.h jighrann.h ashnannistarShamAnasaH || 18\-65||
kva sa.nsAraH kva chAbhAsaH kva sAdhyaM kva cha sAdhanam.h |
AkAshasyeva dhIrasya nirvikalpasya sarvadA || 18\-66||
sa jayatyarthasa.nnyAsI pUrNasvarasavigrahaH |
akR^itrimo.anavachChinne samAdhiryasya vartate || 18\-67||
bahunAtra kimuktena j~nAtatattvo mahAshayaH |
bhogamokShanirAkAMkShI sadA sarvatra nIrasaH || 18\-68||
mahadAdi jagaddvaitaM nAmamAtravijR^iMbhitam.h |
vihAya shuddhabodhasya kiM kR^ityamavashiShyate || 18\-69||
bhramabhR^itamidaM sarvaM ki.nchinnAstIti nishchayI |
alakShyasphuraNaH shuddhaH svabhAvenaiva shAmyati || 18\-70||
shuddhasphuraNarUpasya dR^ishyabhAvamapashyataH |
kva vidhiH kva vairAgyaM kva tyAgaH kva shamo.api vA || 18\-71||
sphurato.anantarUpeNa prakR^itiM cha na pashyataH |
kva bandhaH kva cha vA mokShaH kva harShaH kva viShAditA || 18\-72||
buddhiparyantasa.nsAre mAyAmAtraM vivartate |
nirmamo niraha.nkAro niShkAmaH shobhate budhaH || 18\-73||
akShayaM gatasantApamAtmAnaM pashyato muneH |
kva vidyA cha kva vA vishvaM kva deho.ahaM mameti vA || 18\-74||
nirodhAdIni karmANi jahAti jaDadhIryadi |
manorathAn.h pralApA.nshcha kartumApnotyatatkShaNAt.h || 18\-75||
mandaH shrutvApi tadvastu na jahAti vimUDhatAm.h |
nirvikalpo bahiryatnAdantarviShayalAlasaH || 18\-76||
j~nAnAd.h galitakarmA yo lokadR^iShTyApi karmakR^it.h |
nApnotyavasaraM karmaM vaktumeva na ki.nchana || 18\-77||
kva tamaH kva prakAsho vA hAnaM kva cha na ki.nchana |
nirvikArasya dhIrasya nirAta.nkasya sarvadA || 18\-78||
kva dhairyaM kva vivekitvaM kva nirAta.nkatApi vA |
anirvAchyasvabhAvasya niHsvabhAvasya yoginaH || 18\-79||
na svargo naiva narako jIvanmuktirna chaiva hi |
bahunAtra kimuktena yogadR^iShTyA na ki.nchana || 18\-80||
naiva prArthayate lAbhaM nAlAbhenAnushochati |
dhIrasya shItalaM chittamamR^itenaiva pUritam.h || 18\-81||
na shAntaM stauti niShkAmo na duShTamapi nindati |
samaduHkhasukhastR^iptaH ki.nchit.h kR^ityaM na pashyati || 18\-82||
dhIro na dveShTi sa.nsAramAtmAnaM na didR^ikShati |
harShAmarShavinirmukto na mR^ito na cha jIvati || 18\-83||
niHsnehaH putradArAdau niShkAmo viShayeShu cha |
nishchintaH svasharIre.api nirAshaH shobhate budhaH || 18\-84||
tuShTiH sarvatra dhIrasya yathApatitavartinaH |
svachChandaM charato deshAn.h yatrastamitashAyinaH || 18\-85||
patatUdetu vA deho nAsya chintA mahAtmanaH |
svabhAvabhUmivishrAntivismR^itAsheShasa.nsR^iteH || 18\-86||
aki.nchanaH kAmachAro nirdvandvashChinnasa.nshayaH |
asaktaH sarvabhAveShu kevalo ramate budhaH || 18\-87||
nirmamaH shobhate dhIraH samaloShTAshmakAMchanaH |
subhinnahR^idayagranthirvinirdhUtarajastamaH || 18\-88||
sarvatrAnavadhAnasya na ki.nchid.h vAsanA hR^idi |
muktAtmano vitR^iptasya tulanA kena jAyate || 18\-89||
jAnannapi na jAnAti pashyannapi na pashyati |
bruvann.h api na cha brUte ko.anyo nirvAsanAdR^ite || 18\-90||
bhikShurvA bhUpatirvApi yo niShkAmaH sa shobhate |
bhAveShu galitA yasya shobhanAshobhanA matiH || 18\-91||
kva svAchChandyaM kva sa.nkochaH kva vA tattvavinishchayaH |
nirvyAjArjavabhUtasya charitArthasya yoginaH || 18\-92||
AtmavishrAntitR^iptena nirAshena gatArtinA |
antaryadanubhUyeta tat.h kathaM kasya kathyate || 18\-93||
supto.api na suShuptau cha svapne.api shayito na cha |
jAgare.api na jAgarti dhIrastR^iptaH pade pade || 18\-94||
j~naH sachinto.api nishchintaH sendriyo.api nirindriyaH |
subuddhirapi nirbuddhiH sAha.nkAro.anaha~NkR^itiH || 18\-95||
na sukhI na cha vA duHkhI na virakto na sa.ngavAn.h |
na mumukShurna vA muktA na ki.nchinnna cha ki.nchana || 18\-96||
vikShepe.api na vikShiptaH samAdhau na samAdhimAn.h |
jADye.api na jaDo dhanyaH pANDitye.api na paNDitaH || 18\-97||
mukto yathAsthitisvasthaH kR^itakartavyanirvR^itaH |
samaH sarvatra vaitR^iShNyAnna smaratyakR^itaM kR^itam.h || 18\-98||
na prIyate vandyamAno nindyamAno na kupyati |
naivodvijati maraNe jIvane nAbhinandati || 18\-99||
na dhAvati janAkIrNaM nAraNyaM upashAntadhIH |
yathAtathA yatratatra sama evAvatiShThate || 18\-100||
\medskip\hrule\smallskip
                janaka uvAcha ||
tattvavij~nAnasanda.nshamAdAya hR^idayodarAt.h |
nAvidhaparAmarshashalyoddhAraH kR^ito mayA || 19\-1||
kva dharmaH kva cha vA kAmaH kva chArthaH kva vivekitA |
kva dvaitaM kva cha vA.advaitaM svamahimni sthitasya me || 19\-2||
kva bhUtaM kva bhaviShyad.h vA vartamAnamapi kva vA |
kva deshaH kva cha vA nityaM svamahimni sthitasya me || 19\-3||
kva chAtmA kva cha vAnAtmA kva shubhaM kvAshubhaM yathA |
kva chintA kva cha vAchintA svamahimni sthitasya me || 19\-4||
kva svapnaH kva suShuptirvA kva cha jAgaraNaM tathA |
kva turIyaM bhayaM vApi svamahimni sthitasya me || 19\-5||
kva dUraM kva samIpaM vA bAhyaM kvAbhyantaraM kva vA |
kva sthUlaM kva cha vA sUkShmaM svamahimni sthitasya me || 19\-6||
kva mR^ityurjIvitaM vA kva lokAH kvAsya kva laukikam.h |
kva layaH kva samAdhirvA svamahimni sthitasya me || 19\-7||
alaM trivargakathayA yogasya kathayApyalam.h |
alaM vij~nAnakathayA vishrAntasya mamAtmani || 19\-8||
\medskip\hrule\smallskip
                janaka uvAcha ||
kva bhUtAni kva deho vA kvendriyANi kva vA manaH |
kva shUnyaM kva cha nairAshyaM matsvarUpe nira.njane || 20\-1||
kva shAstraM kvAtmavij~nAnaM kva vA nirviShayaM manaH |
kva tR^iptiH kva vitR^iShNAtvaM gatadvandvasya me sadA || 20\-2||
kva vidyA kva cha vAvidyA kvAhaM kvedaM mama kva vA |
kva bandha kva cha vA mokShaH svarUpasya kva rUpitA || 20\-3||
kva prArabdhAni karmANi jIvanmuktirapi kva vA |
kva tad.h videhakaivalyaM nirvisheShasya sarvadA || 20\-4||
kva kartA kva cha vA bhoktA niShkriyaM sphuraNaM kva vA |
kvAparokShaM phalaM vA kva niHsvabhAvasya me sadA || 20\-5||
kva lokaM kva mumukShurvA kva yogI j~nAnavAn.h kva vA |
kva baddhaH kva cha vA muktaH svasvarUpe.ahamadvaye || 20\-6||
kva sR^iShTiH kva cha saMhAraH kva sAdhyaM kva cha sAdhanam.h |
kva sAdhakaH kva siddhirvA svasvarUpe.ahamadvaye || 20\-7||
kva pramAtA pramANaM vA kva prameyaM kva cha pramA |
kva ki.nchit.h kva na ki.nchid.h vA sarvadA vimalasya me || 20\-8||
kva vikShepaH kva chaikAgryaM kva nirbodhaH kva mUDhatA |
kva harShaH kva viShAdo vA sarvadA niShkriyasya me || 20\-9||
kva chaiSha vyavahAro vA kva cha sA paramArthatA |
kva sukhaM kva cha vA dukhaM nirvimarshasya me sadA || 20\-10||
kva mAyA kva cha sa.nsAraH kva prItirviratiH kva vA |
kva jIvaH kva cha tad.hbrahma sarvadA vimalasya me || 20\-11||
kva pravR^ittirnirvR^ittirvA kva muktiH kva cha bandhanam.h |
kUTasthanirvibhAgasya svasthasya mama sarvadA || 20\-12||
kvopadeshaH kva vA shAstraM kva shiShyaH kva cha vA guruH |
kva chAsti puruShArtho vA nirupAdheH shivasya me || 20\-13||
kva chAsti kva cha vA nAsti kvAsti chaikaM kva cha dvayam.h |
bahunAtra kimuktena ki.nchinnottiShThate mama || 20\-14||

               || OM tatsat.h ||
##
Encoded by John Richards
jhr at universalist.worldonline.co.uk
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}