%@@1
% File name             : avadhuta.itx
%--------------------------------------------
% Text title            : Avadhuta Gita
% Author                : Rishi Dattatreya
% Language              : Sanskrit
% Subject               : philosophy
% Description/comments  : A classic poem of Absolute Non-Dual Philosophy
% Transliterated by     : Sunder Hattangadi
% Proofread by          : Sunder Hattangadi
% Latest update         : September 13, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Avadhuta Gita ..}##
\itxtitle{.. avadhuuta giitaa ..}##\endtitles##
atha prathamo.adhyaayaH ..
iishvaraanugrahaadeva pu.nsaamadvaitavaasanaa .
mahadbhayaparitraaNaadvipraaNaamupajaayate .. 1..
yenedaM puurita.n sarvamaatmanaivaaatmanaatmani .
niraakaara.n katha.n vande hyabhinna.n shivamavyayam.h .. 2..
pa~nchabhuutaatmaka.n vishvaM mariichijalasannibham.h .
kasyaapyaho namaskuryaamahameko nira~njanaH .. 3..
aatmaiva kevala.n sarvaM bhedaabhedo na vidyate .
asti naasti kathaM bruuyaa.n vismayaH pratibhaati me .. 4..
vedaantasaarasarvasva.n j~naana.n vij~naanameva cha .
ahamaatmaa niraakaaraH sarvavyaapii svabhaavataH .. 5..
yo vai sarvaatmako devo nishhkalo gaganopamaH .
svabhaavanirmalaH shuddhaH sa evaaya.n na sa.nshayaH .. 6..
ahamevaavyayo.anantaH shuddhavij~naanavigrahaH .
sukha.n duHkha.n na jaanaami katha.n kasyaapi vartate .. 7..
na maanasa.n karma shubhaashubhaM me
     na kaayika.n karma shubhaashubhaM me .
na vaachika.n karma shubhaashubhaM me
     j~naanaamR^ita.n shuddhamatiindriyo.aham.h .. 8..
mano vai gaganaakaaraM mano vai sarvatomukham.h .
mano.atiitaM manaH sarva.n na manaH paramaarthataH .. 9..
ahamekamida.n sarva.n vyomaatiita.n nirantaram.h .
pashyaami kathamaatmaanaM pratyaksha.n vaa tirohitam.h .. 10..
tvamevameka.n hi katha.n na budhyase
     sama.n hi sarveshhu vimR^ishhTamavyayam.h .
sadodito.asi tvamakhaNDitaH prabho
     divaa cha nakta.n cha katha.n hi manyase .. 11..
aatmaana.n satata.n viddhi sarvatraika.n nirantaram.h .
aha.n dhyaataa para.n dhyeyamakhaNDa.n khaNDyate katham.h .. 12..
na jaato na mR^ito.asi tva.n na te dehaH kadaachana .
sarvaM brahmeti vikhyaataM braviiti bahudhaa shrutiH .. 13..
sa baahyaabhyantaro.asi tva.n shivaH sarvatra sarvadaa .
itastataH kathaM bhraantaH pradhaavasi pishaachavat.h .. 14..
sa.nyogashcha viyogashcha vartate na cha te na me .
na tva.n naaha.n jaganneda.n sarvamaatmaiva kevalam.h .. 15..
shabdaadipa~nchakasyaasya naivaasi tva.n na te punaH .
tvameva parama.n tattvamataH kiM paritapyase .. 16..
janma mR^ityurna te chittaM bandhamokshau shubhaashubhau .
katha.n rodishhi re vatsa naamaruupa.n na te na me .. 17..
aho chitta kathaM bhraantaH pradhaavasi pishaachavat.h .
abhinnaM pashya chaatmaana.n raagatyaagaatsukhii bhava .. 18..
tvameva tattva.n hi vikaaravarjitaM
     nishhkampameka.n hi vimokshavigraham.h .
na te cha raago hyathavaa viraagaH
     katha.n hi santapyasi kaamakaamataH .. 19..
vadanti shrutayaH sarvaaH nirguNa.n shuddhamavyayam.h .
ashariira.n sama.n tattva.n tanmaa.n viddhi na sa.nshayaH .. 20..
saakaaramanR^ita.n viddhi niraakaara.n nirantaram.h .
etattattvopadeshena na punarbhavasambhavaH .. 21..
ekameva sama.n tattva.n vadanti hi vipashchitaH .
raagatyaagaatpunashchittamekaaneka.n na vidyate .. 22..
anaatmaruupa.n cha katha.n samaadhi\-
     raatmasvaruupa.n cha katha.n samaadhiH .
astiiti naastiiti katha.n samaadhi\-
     rmokshasvaruupa.n yadi sarvamekam.h .. 23..
vishuddho.asi sama.n tattva.n videhastvamajo.avyayaH .
jaanaamiiha na jaanaamiityaatmaanaM manyase katham.h .. 24..
tattvamasyaadivaakyena svaatmaa hi pratipaaditaH .
neti neti shrutirbruuyaadanR^itaM paa~nchabhautikam.h .. 25..
aatmanyevaatmanaa sarva.n tvayaa puurNa.n nirantaram.h .
dhyaataa dhyaana.n na te chitta.n nirlajja.n dhyaayate katham.h .. 26..
shiva.n na jaanaami katha.n vadaami
     shiva.n na jaanaami kathaM bhajaami .
aha.n shivashchetparamaarthathatattvaM
     samasvaruupa.n gaganopama.n cha .. 27..
naaha.n tattva.n sama.n tattva.n kalpanaahetuvarjitam.h .
graahyagraahakanirmukta.n svasa.nvedya.n kathaM bhavet.h .. 28..
anantaruupa.n na hi vastu ki.nchi\-
     ttattvasvaruupa.n na hi vastu ki.nchit.h .
aatmaikaruupaM paramaarthatattvaM
     na hi.nsako vaapi na chaapyahi.nsaa .. 29..
vishuddho.asi sama.n tattva.n videhamajamavyayam.h .
vibhrama.n kathamaatmaarthe vibhraanto.aha.n kathaM punaH .. 30..
ghaTe bhinne ghaTaakaasha.n suliinaM bhedavarjitam.h .
shivena manasaa shuddho na bhedaH pratibhaati me .. 31..
na ghaTo na ghaTaakaasho na jiivo na jiivavigrahaH .
kevalaM brahma sa.nviddhi vedyavedakavarjitam.h .. 32..
sarvatra sarvadaa sarvamaatmaana.n satata.n dhruvam.h .
sarva.n shuunyamashuunya.n cha tanmaa.n viddhi na sa.nshayaH .. 33..
vedaa na lokaa na suraa na yaj~naa
     varNaashramo naiva kula.n na jaatiH .
na dhuumamaargo na cha diiptimaargo
     brahmaikaruupaM paramaarthatattvam.h .. 34..
vyaapyavyaapakanirmuktaH tvamekaH saphala.n yadi .
pratyaksha.n chaaparoksha.n cha hyaatmaana.n manyase katham.h .. 35..
advaita.n kechidichchhanti dvaitamichchhanti chaapare .
sama.n tattva.n na vindanti dvaitaadvaitavivarjitam.h .. 36..
shvetaadivarNarahita.n shabdaadiguNavarjitam.h .
kathayanti katha.n tattvaM manovaachaamagocharam.h .. 37..
yadaa.anR^itamida.n sarva.n dehaadigaganopamam.h .
tadaa hi brahma sa.nvetti na te dvaitaparamparaa .. 38..
pareNa sahajaatmaapi hyabhinnaH pratibhaati me .
vyomaakaara.n tathaivaika.n dhyaataa dhyaana.n kathaM bhavet.h .. 39..
yatkaromi yadashnaami yajjuhomi dadaami yat.h .
etatsarva.n na me ki.nchidvishuddho.ahamajo.avyayaH .. 40..
sarva.n jagadviddhi niraakR^itiidaM
     sarva.n jagadviddhi vikaarahiinam.h .
sarva.n jagadviddhi vishuddhadehaM
     sarva.n jagadviddhi shivaikaruupam.h .. 41..
tattva.n tva.n na hi sandehaH ki.n jaanaamyathavaa punaH .
asa.nvedya.n svasa.nvedyamaatmaanaM manyase katham.h .. 42..
maayaa.amaayaa katha.n taata chhaayaa.achhaayaa na vidyate .
tattvamekamida.n sarva.n vyomaakaara.n nira~njanam.h .. 43..
aadimadhyaantamukto.aha.n na baddho.aha.n kadaachana .
svabhaavanirmalaH shuddha iti me nishchitaa matiH .. 44..
mahadaadi jagatsarva.n na ki.nchitpratibhaati me .
brahmaiva kevala.n sarva.n katha.n varNaashramasthitiH .. 45..
jaanaami sarvathaa sarvamahameko nirantaram.h .
niraalambamashuunya.n cha shuunya.n vyomaadipa~nchakam.h .. 46..
na shhaNDho na pumaanna strii na bodho naiva kalpanaa .
saanando vaa niraanandamaatmaanaM manyase katham.h .. 47..
shhaDa~Ngayogaanna tu naiva shuddhaM
     manovinaashaanna tu naiva shuddham.h .
guruupadeshaanna tu naiva shuddhaM
     svaya.n cha tattva.n svayameva buddham.h .. 48..
na hi pa~nchaatmako deho videho vartate na hi .
aatmaiva kevala.n sarva.n turiiya.n cha traya.n katham.h .. 49..
na baddho naiva mukto.aha.n na chaahaM brahmaNaH pR^ithak.h .
na kartaa na cha bhoktaaha.n vyaapyavyaapakavarjitaH .. 50..
yathaa jala.n jale nyasta.n salilaM bhedavarjitam.h .
prakR^itiM purushha.n tadvadabhinnaM pratibhaati me .. 51..
yadi naama na mukto.asi na baddho.asi kadaachana .
saakaara.n cha niraakaaramaatmaanaM manyase katham.h .. 52..
jaanaami te para.n ruupaM pratyaksha.n gaganopamam.h .
yathaa para.n hi ruupa.n yanmariichijalasannibham.h .. 53..
na gururnopadeshashcha na chopaadhirna me kriyaa .
videha.n gagana.n viddhi vishuddho.aha.n svabhaavataH .. 54..
vishuddho.asya shariiro.asi na te chittaM paraatparam.h .
aha.n chaatmaa para.n tattvamiti vaktu.n na lajjase .. 55..
katha.n rodishhi re chitta hyaatmaivaatmaatmanaa bhava .
piba vatsa kalaatiitamadvaitaM paramaamR^itam.h .. 56..
naiva bodho na chaabodho na bodhaabodha eva cha .
yasyedR^ishaH sadaa bodhaH sa bodho naanyathaa bhavet.h .. 57..
j~naana.n na tarko na samaadhiyogo
     na deshakaalau na guruupadeshaH .
svabhaavasa.nvittaraha.n cha tattva\-
     maakaashakalpa.n sahaja.n dhruva.n cha .. 58..
na jaato.ahaM mR^ito vaapi na me karma shubhaashubham.h .
vishuddha.n nirguNaM brahma bandho muktiH kathaM mama .. 59..
yadi sarvagato devaH sthiraH puurNo nirantaraH .
antara.n hi na pashyaami sa baahyaabhyantaraH katham.h .. 60..
sphuratyeva jagatkR^itsnamakhaNDitanirantaram.h .
aho maayaamahaamoho dvaitaadvaitavikalpanaa .. 61..
saakaara.n cha niraakaara.n neti netiiti sarvadaa .
bhedaabhedavinirmukto vartate kevalaH shivaH .. 62..
na te cha maataa cha pitaa cha bandhuH
     na te cha patnii na sutashcha mitram.h .
na pakshapaatii na vipakshapaataH
     katha.n hi sa.ntaptiriya.n hi chitte .. 63..
divaa nakta.n na te chitta.n udayaastamayau na hi .
videhasya shariiratva.n kalpayanti kathaM budhaaH .. 64..
naavibhakta.n vibhakta.n cha na hi duHkhasukhaadi cha .
na hi sarvamasarva.n cha viddhi chaatmaanamavyayam.h .. 65..
naaha.n kartaa na bhoktaa cha na me karma puraa.adhunaa .
na me deho videho vaa nirmameti mameti kim.h .. 66..
na me raagaadiko doshho duHkha.n dehaadika.n na me .
aatmaana.n viddhi maameka.n vishaala.n gaganopamam.h .. 67..
sakhe manaH kiM bahujalpitena
     sakhe manaH sarvamida.n vitarkyam.h .
yatsaarabhuuta.n kathitaM mayaa te
     tvameva tattva.n gaganopamo.asi .. 68..
yena kenaapi bhaavena yatra kutra mR^itaa api .
yoginastatra liiyante ghaTaakaashamivaambare .. 69..
tiirthe chaantyajagehe vaa nashhTasmR^itirapi tyajan.h .
samakaale tanuM muktaH kaivalyavyaapako bhavet.h .. 70..
dharmaarthakaamamokshaa.nshcha dvipadaadicharaacharam.h .
manyante yoginaH sarvaM mariichijalasannibham.h .. 71..
atiitaanaagata.n karma vartamaana.n tathaiva cha .
na karomi na bhu~njaami iti me nishchalaa matiH .. 72..
shuunyaagaare samarasapuuta\-
     stishhThannekaH sukhamavadhuutaH .
charati hi nagnastyaktvaa garvaM
     vindati kevalamaatmani sarvam.h .. 73..
tritayaturiiya.n nahi nahi yatra
     vindati kevalamaatmani tatra .
dharmaadharmau nahi nahi yatra
     baddho muktaH kathamiha tatra .. 74..
vindati vindati nahi nahi mantraM
     chhandolakshaNa.n nahi nahi tantram.h .
samarasamagno bhaavitapuutaH
     pralapitametatparamavadhuutaH .. 75..
sarvashuunyamashuunya.n cha satyaasatya.n na vidyate .
svabhaavabhaavataH prokta.n shaastrasa.nvittipuurvakam.h .. 76..
iti prathamo.adhyaayaH .. 1..
\smallskip\hrule\smallskip
atha dvitiiyo.adhyaayaH ..
baalasya vaa vishhayabhogaratasya vaapi
     muurkhasya sevakajanasya gR^ihasthitasya .
etadguroH kimapi naiva na chintaniiyaM
     ratna.n katha.n tyajati ko.apyashuchau pravishhTam.h .. 1..
naivaatra kaavyaguNa eva tu chintaniiyo
     graahyaH para.n guNavataa khalu saara eva .
sinduurachitrarahitaa bhuvi ruupashuunyaa
     paara.n na ki.n nayati nauriha gantukaamaan.h .. 2..
prayatnena vinaa yena nishchalena chalaachalam.h .
grasta.n svabhaavataH shaanta.n chaitanya.n gaganopamam.h .. 3..
ayatnaachhaalayedyastu ekameva charaacharam.h .
sarvaga.n tatkathaM bhinnamadvaita.n vartate mama .. 4..
ahameva para.n yasmaatsaaraatsaaratara.n shivam.h .
gamaagamavinirmukta.n nirvikalpa.n niraakulam.h .. 5..
sarvaavayavanirmukta.n tathaaha.n tridashaarchitam.h .
saMpuurNatvaanna gR^ihNaami vibhaaga.n tridashaadikam.h .. 6..
pramaadena na sandehaH ki.n karishhyaami vR^ittimaan.h .
utpadyante viliiyante budbudaashcha yathaa jale .. 7..
mahadaadiini bhuutaani samaapyaiva.n sadaiva hi .
mR^idudravyeshhu tiikshNeshhu guDeshhu kaTukeshhu cha .. 8..
kaTutva.n chaiva shaityatvaM mR^idutva.n cha yathaa jale .
prakR^itiH purushhastadvadabhinnaM pratibhaati me .. 9..
sarvaakhyaarahita.n yadyatsuukshmaatsuukshmataraM param.h .
manobuddhiindriyaatiitamakala~Nka.n jagatpatim.h .. 10..
iidR^isha.n sahaja.n yatra aha.n tatra kathaM bhavet.h .
tvameva hi katha.n tatra katha.n tatra charaacharam.h .. 11..
gaganopama.n tu yatprokta.n tadeva gaganopamam.h .
chaitanya.n doshhahiina.n cha sarvaj~naM puurNameva cha .. 12..
pR^ithivyaa.n charita.n naiva maarutena cha vaahitam.h .
variNaa pihita.n naiva tejomadhye vyavasthitam.h .. 13..
aakaasha.n tena sa.nvyaapta.n na tadvyaapta.n cha kenachit.h .
sa baahyaabhyantara.n tishhThatyavachchhinna.n nirantaram.h .. 14..
suukshmatvaattadadR^ishyatvaannirguNatvaachcha yogibhiH .
aalambanaadi yatprokta.n kramaadaalambanaM bhavet.h .. 15..
satataa.abhyaasayuktastu niraalambo yadaa bhavet.h .
tallayaalliiyate naantarguNadoshhavivarjitaH .. 16..
vishhavishvasya raudrasya mohamuurchchhaapradasya cha .
ekameva vinaashaaya hyamogha.n sahajaamR^itam.h .. 17..
bhaavagamya.n niraakaara.n saakaara.n dR^ishhTigocharam.h .
bhaavaabhaavavinirmuktamantaraala.n taduchyate .. 18..
baahyabhaavaM bhavedvishvamantaH prakR^itiruchyate .
antaraadantara.n j~neya.n naarikelaphalaambuvat.h .. 19..
bhraantij~naana.n sthitaM baahya.n samyagj~naana.n cha madhyagam.h .
madhyaanmadhyatara.n j~neya.n naarikelaphalaambuvat.h .. 20..
paurNamaasyaa.n yathaa chandra eka evaatinirmalaH .
tena tatsadR^ishaM pashyeddvidhaadR^ishhTirviparyayaH .. 21..
anenaiva prakaareNa buddhibhedo na sarvagaH .
daataa cha dhiirataameti giiyate naamakoTibhiH .. 22..
gurupraj~naaprasaadena muurkho vaa yadi paNDitaH .
yastu saMbudhyate tattva.n virakto bhavasaagaraat.h .. 23..
raagadveshhavinirmuktaH sarvabhuutahite rataH .
dR^iDhabodhashcha dhiirashcha sa gachchhetparamaM padam.h .. 24..
ghaTe bhinne ghaTaakaasha aakaashe liiyate yathaa .
dehaabhaave tathaa yogii svaruupe paramaatmani .. 25..
ukteya.n karmayuktaanaaM matiryaante.api saa gatiH .
na choktaa yogayuktaanaaM matiryaante.api saa gatiH .. 26..
yaa gatiH karmayuktaanaa.n saa cha vaagindriyaadvadet.h .
yoginaa.n yaa gatiH kvaapi hyakathyaa bhavatorjitaa .. 27..
eva.n j~naatvaa tvamuM maarga.n yoginaa.n naiva kalpitam.h .
vikalpavarjana.n teshhaa.n svaya.n siddhiH pravartate .. 28..
tiirthe vaantyajagehe vaa yatra kutra mR^ito.api vaa .
na yogii pashyate garbhaM pare brahmaNi liiyate .. 29..
sahajamajamachintya.n yastu pashyetsvaruupaM
     ghaTati yadi yatheshhTa.n lipyate naiva doshhaiH .
sakR^idapi tadabhaavaatkarma ki.nchinnakuryaat.h
     tadapi na cha vibaddhaH sa.nyamii vaa tapasvii .. 30..
niraamaya.n nishhpratima.n niraakR^itiM
     niraashraya.n nirvapushha.n niraashishham.h .
nirdvandvanirmohamaluptashaktikaM
     tamiishamaatmaanamupaiti shaashvatam.h .. 31..
vedo na diikshaa na cha muNDanakriyaa
     gururna shishhyo na cha yantrasampadaH .
mudraadika.n chaapi na yatra bhaasate
     tamiishamaatmaanamupaiti shaashvatam.h .. 32..
na shaambhava.n shaaktikamaanava.n na vaa
     piNDa.n cha ruupa.n cha padaadika.n na vaa .
aarambhanishhpattighaTaadika.n cha no
     tamiishamaatmaanamupaiti shaashvatam.h .. 33..
yasya svaruupaatsacharaachara.n jaga\-
     dutpadyate tishhThati liiyate.api vaa .
payovikaaraadiva phenabudbudaa\-
     stamiishamaatmaanamupaiti shaashvatam.h .. 34..
naasaanirodho na cha dR^ishhTiraasanaM
     bodho.apyabodho.api na yatra bhaasate .
naaDiiprachaaro.api na yatra ki~nchi\-
     ttamiishamaatmaanamupaiti shaashvatam.h .. 35..
naanaatvamekatvamubhatvamanyataa
     aNutvadiirghatvamahattvashuunyataa .
maanatvameyatvasamatvavarjitaM
     tamiishamaatmaanamupaiti shaashvatam.h .. 36..
susa.nyamii vaa yadi vaa na sa.nyamii
     susa.ngrahii vaa yadi vaa na sa.ngrahii .
nishhkarmako vaa yadi vaa sakarmaka\-
     stamiishamaatmaanamupaiti shaashvatam.h .. 37..
mano na buddhirna shariiramindriya.n
     tanmaatrabhuutaani na bhuutapa~nchakam.h .
aha.nkR^itishchaapi viyatsvaruupakaM
     tamiishamaatmaanamupaiti shaashvatam.h .. 38..
vidhau nirodhe paramaatmataa.n gate
     na yoginashchetasi bhedavarjite .
shaucha.n na vaashauchamali~Ngabhaavanaa
     sarva.n vidheya.n yadi vaa nishhidhyate .. 39..
mano vacho yatra na shaktamiirituM
     nuuna.n katha.n tatra guruupadeshataa .
imaa.n kathaamuktavato gurosta\-
     dyuktasya tattva.n hi samaM prakaashate .. 40..
iti dvitiiyo.adhyaayaH .. 2..
\smallskip\hrule\smallskip
atha tR^itiiyo.adhyaayaH ..
guNaviguNavibhaago vartate naiva ki~nchit.h
     rativirativihiina.n nirmala.n nishhprapa~ncham.h .
guNaviguNavihiina.n vyaapaka.n vishvaruupaM
     kathamahamiha vande vyomaruupa.n shiva.n vai .. 1..
shvetaadivarNarahito niyata.n shivashcha
     kaarya.n hi kaaraNamida.n hi para.n shivashcha .
eva.n vikalparahito.ahamala.n shivashcha
     svaatmaanamaatmani sumitra katha.n namaami .. 2..
nirmuulamuularahito hi sadodito.ahaM
     nirdhuumadhuumarahito hi sadodito.aham.h .
nirdiipadiiparahito hi sadodito.ahaM
     j~naanaamR^ita.n samarasa.n gaganopamo.aham.h .. 3..
nishhkaamakaamamiha naama katha.n vadaami
     niHsa~Ngasa~Ngamiha naama katha.n vadaami .
niHsaarasaararahita.n cha katha.n vadaami
     j~naanaamR^ita.n samarasa.n gaganopamo.aham.h .. 4..
advaitaruupamakhila.n hi katha.n vadaami
     dvaitasvaruupamakhila.n hi katha.n vadaami .
nitya.n tvanityamakhila.n hi katha.n vadaami
     j~naanaamR^ita.n samarasa.n gaganopamo.aham.h .. 5..
sthuula.n hi no nahi kR^isha.n na gataagata.n hi
     aadyantamadhyarahita.n na paraapara.n hi .
satya.n vadaami khalu vai paramaarthatattvaM
     j~naanaamR^ita.n samarasa.n gaganopamo.aham.h .. 6..
sa.nviddhi sarvakaraNaani nabhonibhaani
     sa.nviddhi sarvavishhayaa.nshcha nabhonibhaa.nshcha .
sa.nviddhi chaikamamala.n na hi bandhamuktaM
     j~naanaamR^ita.n samarasa.n gaganopamo.aham.h .. 7..
durbodhabodhagahano na bhavaami taata
     durlakshyalakshyagahano na bhavaami taata .
aasannaruupagahano na bhavaami taata
     j~naanaamR^ita.n samarasa.n gaganopamo.aham.h .. 8..
nishhkarmadahano jvalano bhavaami
     nirduHkhaduHkhadahano jvalano bhavaami .
nirdehadehadahano jvalano bhavaami
     j~naanaamR^ita.n samarasa.n gaganopamo.aham.h .. 9..
nishhpaapapaapadahano hi hutaashano.ahaM
     nirdharmadharmadahano hi hutaashano.aham.h .
nirbandhabandhadahano hi hutaashano.ahaM
     j~naanaamR^ita.n samarasa.n gaganopamo.aham.h .. 10..
nirbhaavabhaavarahito na bhavaami vatsa
     niryogayogarahito na bhavaami vatsa .
nishchittachittarahito na bhavaami vatsa
     j~naanaamR^ita.n samarasa.n gaganopamo.aham.h .. 11..
nirmohamohapadaviiti na me vikalpo
     niHshokashokapadaviiti na me vikalpaH .
nirlobhalobhapadaviiti na me vikalpo
     j~naanaamR^ita.n samarasa.n gaganopamo.aham.h .. 12..
sa.nsaarasantatilataa na cha me kadaachit.h
     santoshhasantatisukho na cha me kadaachit.h .
aj~naanabandhanamida.n na cha me kadaachit.h
     j~naanaamR^ita.n samarasa.n gaganopamo.aham.h .. 13..
sa.nsaarasantatirajo na cha me vikaaraH
     santaapasantatitamo na cha me vikaaraH .
sattva.n svadharmajanaka.n na cha me vikaaro
     j~naanaamR^ita.n samarasa.n gaganopamo.aham.h .. 14..
santaapaduHkhajanako na vidhiH kadaachit.h
     santaapayogajanita.n na manaH kadaachit.h .
yasmaadaha~NkR^itiriya.n na cha me kadaachit.h
     j~naanaamR^ita.n samarasa.n gaganopamo.aham.h .. 15..
nishhkampakampanidhana.n na vikalpakalpaM
     svapnaprabodhanidhana.n na hitaahita.n hi .
niHsaarasaaranidhana.n na charaachara.n hi
     j~naanaamR^ita.n samarasa.n gaganopamo.aham.h .. 16..
no vedyavedakamida.n na cha hetutarkyaM
     vaachaamagocharamida.n na mano na buddhiH .
eva.n katha.n hi bhavataH kathayaami tattvaM
     j~naanaamR^ita.n samarasa.n gaganopamo.aham.h .. 17..
nirbhinnabhinnarahitaM paramaarthatattva\-
     mantarbahirna hi kathaM paramaarthatattvam.h .
praaksambhava.n na cha rata.n nahi vastu ki~nchit.h
     j~naanaamR^ita.n samarasa.n gaganopamo.aham.h .. 18..
raagaadidoshharahita.n tvahameva tattvaM
     daivaadidoshharahita.n tvahameva tattvam.h .
sa.nsaarashokarahita.n tvahameva tattvaM
     j~naanaamR^ita.n samarasa.n gaganopamo.aham.h .. 19..
sthaanatraya.n yadi cha neti katha.n turiiyaM
     kaalatraya.n yadi cha neti katha.n dishashcha .
shaantaM pada.n hi paramaM paramaarthatattvaM
     j~naanaamR^ita.n samarasa.n gaganopamo.aham.h .. 20..
diirgho laghuH punaritiiha name vibhaago
     vistaarasa.nkaTamitiiha na me vibhaagaH .
koNa.n hi vartulamitiiha na me vibhaago
     j~naanaamR^ita.n samarasa.n gaganopamo.aham.h .. 21..
maataapitaadi tanayaadi na me kadaachit.h
     jaataM mR^ita.n na cha mano na cha me kadaachit.h .
nirvyaakula.n sthiramidaM paramaarthatattvaM
     j~naanaamR^ita.n samarasa.n gaganopamo.aham.h .. 22..
shuddha.n vishuddhamavichaaramanantaruupaM
     nirlepalepamavichaaramanantaruupam.h .
nishhkhaNDakhaNDamavichaaramanantaruupaM
     j~naanaamR^ita.n samarasa.n gaganopamo.aham.h .. 23..
brahmaadayaH suragaNaaH kathamatra santi
    svargaadayo vasatayaH kathamatra santi .
yadyekaruupamamalaM paramaarthatattvaM
      j~naanaamR^ita.n samarasa.n gaganopamo.aham.h .. 24..
nirneti neti vimalo hi katha.n vadaami
     niHsheshhasheshhavimalo hi katha.n vadaami .
nirli~Ngali~Ngavimalo hi katha.n vadaami
     j~naanaamR^ita.n samarasa.n gaganopamo.aham.h .. 25..
nishhkarmakarmaparama.n satata.n karomi
     niHsa~Ngasa~NgarahitaM parama.n vinodam.h .
nirdehadeharahita.n satata.n vinodaM
     j~naanaamR^ita.n samarasa.n gaganopamo.aham.h .. 26..
maayaaprapa~ncharachanaa na cha me vikaaraH .
     kauTilyadambharachanaa na cha me vikaaraH .
satyaanR^iteti rachanaa na cha me vikaaro
     j~naanaamR^ita.n samarasa.n gaganopamo.aham.h .. 27..
sandhyaadikaalarahita.n na cha me viyogo\-
     hyantaH prabodharahitaM badhiro na muukaH .
eva.n vikalparahita.n na cha bhaavashuddhaM
     j~naanaamR^ita.n samarasa.n gaganopamo.aham.h .. 28..
nirnaathanaatharahita.n hi niraakula.n vai
     nishchittachittavigata.n hi niraakula.n vai .
sa.nviddhi sarvavigata.n hi niraakuala.n vai
     j~naanaamR^ita.n samarasa.n gaganopamo.aham.h .. 29..
kaantaaramandiramida.n hi katha.n vadaami
     sa.nsiddhasa.nshayamida.n hi katha.n vadaami .
eva.n nirantarasama.n hi niraakula.n vai
     j~naanaamR^ita.n samarasa.n gaganopamo.aham.h .. 30..
nirjiivajiivarahita.n satata.n vibhaati
     nirbiijabiijarahita.n satata.n vibhaati .
nirvaaNabandharahita.n satata.n vibhaati
     j~naanaamR^ita.n samarasa.n gaganopamo.aham.h .. 31..
sambhuutivarjitamida.n satata.n vibhaati
     sa.nsaaravarjitamida.n satata.n vibhaati .
sa.nhaaravarjitamiada.n satata.n vibhaati
     j~naanaamR^ita.n samarasa.n gaganopamo.aham.h .. 32..
ullekhamaatramapi te na cha naamaruupaM
     nirbhinnabhinnamapi te na hi vastu ki~nchit.h .
nirlajjamaanasa karoshhi katha.n vishhaadaM
      j~naanaamR^ita.n samarasa.n gaganopamo.aham.h .. 33..
ki.n naama rodishhi sakhe na jaraa na mR^ityuH
     ki.n naama rodishhi sakhe na cha janma duHkham.h .
ki.n naama rodishhi sakhe na cha te vikaaro
     j~naanaamR^ita.n samarasa.n gaganopamo.aham.h .. 34..
ki.n naama rodishhi sakhe na cha te svaruupaM
     ki.n naama rodishhi sakhe na cha te viruupam.h .
ki.n naama rodishhi sakhe na cha te vayaa.nsi
     j~naanaamR^ita.n samarasa.n gaganopamo.aham.h .. 35..
ki.n naama rodishhi sakhe na cha te vayaa.nsi
     ki.n naama rodishhi sakhe na cha te manaa.nsi .
ki.n naama rodishhi sakhe na tavendriyaaNi
     j~naanaamR^ita.n samarasa.n gaganopamo.aham.h .. 36..
ki.n naama rodishhi sakhe na cha te.asti kaamaH
     ki.n naama rodishhi sakhe na cha te pralobhaH .
ki.n naama rodishhi sakhe na cha te vimoho
     j~naanaamR^ita.n samarasa.n gaganopamo.aham.h .. 37..
aishvaryamichchhasi katha.n na cha te dhanaani
     aishvaryamichchhasi katha.n na cha te hi patnii .
aishvaryamichchhasi katha.n na cha te mameti
     j~naanaamR^ita.n samarasa.n gaganopamo.aham.h .. 38..
li~Ngaprapa~nchajanushhii na cha te na me cha
     nirlajjamaanasamida.n cha vibhaati bhinnam.h .
nirbhedabhedarahita.n na cha te na me cha
     j~naanaamR^ita.n samarasa.n gaganopamo.aham.h .. 39..
no vaaNumaatramapi te hi viraagaruupaM
     no vaaNumaatramapi te hi saraagaruupam.h .
no vaaNumaatramapi te hi sakaamaruupaM
     j~naanaamR^ita.n samarasa.n gaganopamo.aham.h .. 40..
dhyaataa na te hi hR^idaye na cha te samaadhi\-
     rdhyaana.n na te hi hR^idaye na bahiH pradeshaH .
dhyeya.n na cheti hR^idaye na hi vastu kaalo
     j~naanaamR^ita.n samarasa.n gaganopamo.aham.h .. 41..
yatsaarabhuutamakhila.n kathitaM mayaa te
     na tva.n na me na mahato na gururna na shishhyaH .
svachchhandaruupasahajaM paramaarthatattvaM
    j~naanaamR^ita.n samarasa.n gaganopamo.aham.h .. 42..
kathamiha paramaartha.n tattvamaanandaruupaM
     kathamiha paramaartha.n naivamaanandaruupam.h .
kathamiha paramaartha.n j~naanavij~naanaruupaM
     yadi paramahameka.n vartate vyomaruupam.h .. 43..
dahanapavanahiina.n viddhi vij~naanameka\-
     mavanijalavihiina.n viddhi vij~naanaruupam.h .
samagamanavihiina.n viddhi vij~naanamekaM
     gaganamiva vishaala.n viddhi vij~naanamekam.h .. 44..
na shuunyaruupa.n na vishuunyaruupaM
     na shuddharuupa.n na vishuddharuupam.h .
ruupa.n viruupa.n na bhavaami ki~nchit.h
     svaruuparuupaM paramaarthatattvam.h .. 45..
mu~ncha mu~ncha hi sa.nsaara.n tyaaga.n mu~ncha hi sarvathaa .
tyaagaatyaagavishha.n shuddhamamR^ita.n sahaja.n dhruvam.h .. 46..
iti tR^itiiyo.adhyaayaH .. 3..
\smallskip\hrule\smallskip
atha chaturtho.adhyaayaH ..
naavaahana.n naiva visarjana.n vaa
     pushhpaaNi patraaNi kathaM bhavanti .
dhyaanaani mantraaNi kathaM bhavanti
     samaasama.n chaiva shivaarchana.n cha .. 1..
na kevalaM bandhavibandhamukto
     na kevala.n shuddhavishuddhamuktaH .
na kevala.n yogaviyogamuktaH
     sa vai vimukto gaganopamo.aham.h .. 2..
sa~njaayate sarvamida.n hi tathyaM
     sa~njaayate sarvamida.n vitathyam.h .
eva.n vikalpo mama naiva jaataH
     svaruupanirvaaNamanaamayo.aham.h .. 3..
na saa~njana.n chaiva nira~njana.n vaa
     na chaantara.n vaapi nirantara.n vaa .
antarvibhanna.n na hi me vibhaati
     svaruupanirvaaNamanaamayo.aham.h .. 4..
abodhabodho mama naiva jaato
     bodhasvaruupaM mama naiva jaatam.h .
nirbodhabodha.n cha katha.n vadaami
     svaruupanirvaaNamanaamayo.aham.h .. 5..
na dharmayukto na cha paapayukto
     na bandhayukto na cha mokshayuktaH .
yukta.n tvayukta.n na cha me vibhaati
     svaruupanirvaaNamanaamayo.aham.h .. 6..
paraapara.n vaa na cha me kadaachit.h
     madhyasthabhaavo hi na chaarimitram.h .
hitaahita.n chaapi katha.n vadaami
     svaruupanirvaaNamanaamayo.aham.h .. 7..
nopaasako naivamupaasyaruupaM
     na chopadesho na cha me kriyaa cha .
sa.nvitsvaruupa.n cha katha.n vadaami
     svaruupanirvaaNamanaamayo.aham.h .. 8..
no vyaapaka.n vyaapyamihaasti ki~nchit.h
     na chaalaya.n vaapi niraalaya.n vaa .
ashuunyashuunya.n cha katha.n vadaami
     svaruupanirvaaNamanaamayo.aham.h .. 9..
na graahako graahyakameva ki~nchit.h
     na kaaraNa.n vaa mama naiva kaaryam.h .
achintyachintya.n cha katha.n vadaami
     svaruupanirvaaNamanaamayo.aham.h .. 10..
na bhedaka.n vaapi na chaiva bhedyaM
     na vedaka.n vaa mama naiva vedyam.h .
gataagata.n taata katha.n vadaami
     svaruupanirvaaNamanaamayo.aham.h .. 11..
na chaasti deho na cha me videho
     buddirmano me na hi chendriyaaNi .
raago viraagashcha katha.n vadaami
     svaruupanirvaaNamanaamayo.aham.h .. 12..
ullekhamaatra.n na hi bhinnamuchchai\-
     rullekhamaatra.n na tirohita.n vai .
samaasamaM mitra katha.n vadaami
     svaruupanirvaaNamanaamayo.aham.h .. 13..
jitendriyo.aha.n tvajitendriyo vaa
     na sa.nyamo me niyamo na jaataH .
jayaajayau mitra katha.n vadaami
     svaruupanirvaaNamanaamayo.aham.h .. 14..
amuurtamuurtirna cha me kadaachi\-
     daadyantamadhya.n na cha me kadaachit.h .
balaabalaM mitra katha.n vadaami
     svaruupanirvaaNamanaamayo.aham.h .. 15..
mR^itaamR^ita.n vaapi vishhaavishha.n cha
     sa~njaayate taata na me kadaachit.h .
ashuddhashuddha.n cha katha.n vadaami
     svaruupanirvaaNamanaamayo.aham.h .. 16..
svapnaH prabodho na cha yogamudraa
     nakta.n divaa vaapi na me kadaachit.h .
aturyaturya.n cha katha.n vadaami
     svaruupanirvaaNamanaamayo.aham.h .. 17..
sa.nviddhi maa.n sarvavisarvamuktaM
     maayaa vimaayaa na cha me kadaachit.h .
sandhyaadika.n karma katha.n vadaami
     svaruupanirvaaNamanaamayo.aham.h .. 18..
sa.nviddhi maa.n sarvasamaadhiyuktaM
     sa.nviddhi maa.n lakshyavilakshyamuktam.h .
yoga.n viyoga.n cha katha.n vadaami
     svaruupanirvaaNamanaamayo.aham.h .. 19..
muurkho.api naaha.n na cha paNDito.ahaM
     mauna.n vimauna.n na cha me kadaachit.h .
tarka.n vitarka.n cha katha.n vadaami
     svaruupanirvaaNamanaamayo.aham.h .. 20..
pitaa cha maataa cha kula.n na jaati\-
     rjanmaadi mR^ityurna cha me kadaachit.h .
sneha.n vimoha.n cha katha.n vadaami
     svaruupanirvaaNamanaamayo.aham.h .. 21..
asta.n gato naiva sadodito.ahaM
     tejovitejo na cha me kadaachit.h .
sandhyaadika.n karma katha.n vadaami
     svaruupanirvaaNamanaamayo.aham.h .. 22..
asa.nshaya.n viddhi niraakulaM maaM
     asa.nshaya.n viddhi nirantaraM maam.h .
asa.nshaya.n viddhi nira~njanaM maaM
     svaruupanirvaaNamanaamayo.aham.h .. 23..
dhyaanaani sarvaaNi parityajanti
     shubhaashubha.n karma parityajanti .
tyaagaamR^ita.n taata pibanti dhiiraaH
     svaruupanirvaaNamanaamayo.aham.h .. 24..
vindati vindati na hi na hi yatra
     chhandolakshaNa.n na hi na hi tatra .
samarasamagno bhaavitapuutaH
     pralapati tattvaM paramavadhuutaH .. 25..
iti chaturtho.adhyaayaH .. 4..
\smallskip\hrule\smallskip
atha pa~nchamodhyaayaH ..
AUM iti gadita.n gaganasama.n tat.h
     na paraaparasaaravichaara iti .
avilaasavilaasaniraakaraNaM
     kathamaksharabindusamuchcharaNam.h .. 1..
iti tattvamasiprabhR^itishrutibhiH
     pratipaaditamaatmani tattvamasi .
tvamupaadhivivarjitasarvasamaM
     kimu rodishhi maanasi sarvasamam.h .. 2..
adha{}uurdhvavivarjitasarvasamaM
     bahirantaravarjitasarvasamam.h .
yadi chaikavivarjitasarvasamaM
     kimu rodishhi maanasi sarvasamam.h .. 3..
na hi kalpitakalpavichaara iti
     na hi kaaraNakaaryavichaara iti .
padasandhivivarjitasarvasamaM
     kimu rodishhi maanasi sarvasamam.h .. 4..
na hi bodhavibodhasamaadhiriti
     na hi deshavideshasamaadhiriti .
na hi kaalavikaalasamaadhiriti
     kimu rodishhi maanasi sarvasamam.h .. 5..
na hi kumbhanabho na hi kumbha iti
     na hi jiivavapurna hi jiiva iti .
na hi kaaraNakaaryavibhaaga iti
     kimu rodishhi maanasi sarvasamam.h .. 6..
iha sarvanirantaramokshapadaM
     laghudiirghavichaaravihiina iti .
na hi vartulakoNavibhaaga iti
     kimu rodishhi maanasi sarvasamam.h .. 7..
iha shuunyavishuunyavihiina iti
     iha shuddhavishuddhavihiina iti .
iha sarvavisarvavihiina iti
     kimu rodishhi maanasi sarvasamam.h .. 8..
na hi bhinnavibhinnavichaara iti
     bahirantarasandhivichaara iti .
arimitravivarjitasarvasamaM
     kimu rodishhi maanasi sarvasamam.h .. 9..
na hi shishhyavishishhyasvaruupaiti
     na charaacharabhedavichaara iti .
iha sarvanirantaramokshapadaM
     kimu rodishhi maanasi sarvasamam.h .. 10..
nanu ruupaviruupavihiina iti
     nanu bhinnavibhinnavihiina iti .
nanu sargavisargavihiina iti
     kimu rodishhi maanasi sarvasamam.h .. 11..
na guNaaguNapaashanibandha iti
     mR^itajiivanakarma karomi katham.h .
iti shuddhanira~njanasarvasamaM
     kimu rodishhi maanasi sarvasamam.h .. 12..
iha bhaavavibhaavavihiina iti
     iha kaamavikaamavihiina iti .
iha bodhatama.n khalu mokshasamaM
     kimu rodishhi maanasi sarvasamam.h .. 13..
iha tattvanirantaratattvamiti
     na hi sandhivisandhivihiina iti .
yadi sarvavivarjitasarvasamaM
     kimu rodishhi maanasi sarvasamam.h .. 14..
aniketakuTii parivaarasamaM
     ihasa~Ngavisa~Ngavihiinaparam.h .
iha bodhavibodhavihiinaparaM
     kimu rodishhi maanasi sarvasamam.h .. 15..
avikaaravikaaramasatyamiti
     avilakshavilakshamasatyamiti .
yadi kevalamaatmani satyamiti
     kimu rodishhi maanasi sarvasamam.h .. 16..
iha sarvasama.n khalu jiiva iti
     iha sarvanirantarajiiva iti .
iha kevalanishchalajiiva iti
     kimu rodishhi maanasi sarvasamam.h .. 17..
avivekavivekamabodha iti
     avikalpavikalpamabodha iti .
yadi chaikanirantarabodha iti
     kimu rodishhi maanasi sarvasamam.h .. 18..
na hi mokshapada.n na hi bandhapadaM
     na hi puNyapada.n na hi paapapadam.h .
na hi puurNapada.n na hi riktapadaM
     kimu rodishhi maanasi sarvasamam.h .. 19..
yadi varNavivarNavihiinasamaM
     yadi kaaraNakaaryavihiinasamam.h .
yadibhedavibhedavihiinasamaM
     kimu rodishhi maanasi sarvasamam.h .. 20..
iha sarvanirantarasarvachite
     iha kevalanishchalasarvachite .
dvipadaadivivarjitasarvachite
     kimu rodishhi maanasi sarvasamam.h .. 21..
atisarvanirantarasarvagataM
     atinirmalanishchalasarvagatam.h .
dinaraatrivivarjitasarvagataM
     kimu rodishhi maanasi sarvasamam.h .. 22..
na hi bandhavibandhasamaagamanaM
     na hi yogaviyogasamaagamanam.h .
na hi tarkavitarkasamaagamanaM
     kimu rodishhi maanasi sarvasamam.h .. 23..
iha kaalavikaalaniraakaraNaM
     aNumaatrakR^ishaanuniraakaraNam.h .
na hi kevalasatyaniraakaraNaM
     kimu rodishhi maanasi sarvasamam.h .. 24..
iha dehavidehavihiina iti
     nanu svapnasushhuptivihiinaparam.h .
abhidhaanavidhaanavihiinaparaM
     kimu rodishhi maanasi sarvasamam.h .. 25..
gaganopamashuddhavishaalasamaM
     atisarvavivarjitasarvasamam.h .
gatasaaravisaaravikaarasamaM
     kimu rodishhi maanasi sarvasamam.h .. 26..
iha dharmavidharmaviraagatara\-
     miha vastuvivastuviraagataram.h .
iha kaamavikaamaviraagataraM
     kimu rodishhi maanasi sarvasamam.h .. 27..
sukhaduHkhavivarjitasarvasama\-
     miha shokavishokavihiinaparam.h .
gurushishhyavivarjitatattvaparaM
     kimu rodishhi maanasi sarvasamam.h .. 28..
na kilaa~Nkurasaaravisaara iti
     na chalaachalasaamyavisaamyamiti .
avichaaravichaaravihiinamiti
     kimu rodishhi maanasi sarvasamam.h .. 29..
iha saarasamuchchayasaaramiti .
     kathita.n nijabhaavavibheda iti .
vishhaye karaNatvamasatyamiti
     kimu rodishhi maanasi sarvasamam.h .. 30..
bahudhaa shrutayaH pravadanti yato
     viyadaadiridaM mR^igatoyasamam.h .
yadi chaikanirantarasarvasamaM
     kimu rodishhi maanasi sarvasamam.h .. 31..
vindati vindati na hi na hi yatra
     chhandolakshaNa.n na hi na hi tatra .
samarasamagno bhaavitapuutaH
     pralapati tattvaM paramavadhuutaH .. 32..
iti pa~nchamo.adhyaayaH .. 5..
\smallskip\hrule\smallskip
atha shhashhThamo.adhyaayaH ..
bahudhaa shrutayaH pravadanti vayaM
     viyadaadiridaM mR^igatoyasamam.h .
yadi chaikanirantarasarvashiva\-
     mupameyamathohyupamaa cha katham.h .. 1..
avibhaktivibhaktivihiinaparaM
     nanu kaaryavikaaryavihiinaparam.h .
yadi chaikanirantarasarvashivaM
     yajana.n cha katha.n tapana.n cha katham.h .. 2..
mana eva nirantarasarvagataM
     hyavishaalavishaalavihiinaparam.h .
mana eva nirantarasarvashivaM
     manasaapi katha.n vachasaa cha katham.h .. 3..
dinaraatrivibhedaniraakaraNa\-
     muditaanuditasya niraakaraNam.h .
yadi chaikanirantarasarvashivaM
     ravichandramasau jvalanashcha katham.h .. 4..
gatakaamavikaamavibheda iti
     gatacheshhTavicheshhTavibheda iti .
yadi chaikanirantarasarvashivaM
     bahirantarabhinnamatishcha katham.h .. 5..
yadi saaravisaaravihiina iti
     yadi shuunyavishuunyavihiina iti .
yadi chaikanirantarasarvashivaM
     prathama.n cha katha.n charama.n cha katham.h .. 6..
yadibhedavibhedaniraakaraNaM
     yadi vedakavedyaniraakaraNam.h .
yadi chaikanirantarasarvashivaM
     tR^itiiya.n cha katha.n turiiya.n cha katham.h .. 7..
gaditaavidita.n na hi satyamiti
     viditaavidita.n nahi satyamiti .
yadi chaikanirantarasarvashivaM
     vishhayendriyabuddhimanaa.nsi katham.h .. 8..
gaganaM pavano na hi satyamiti
     dharaNii dahano na hi satyamiti .
yadi chaikanirantarasarvashivaM
     jaladashcha katha.n salila.n cha katham.h .. 9..
yadi kalpitalokaniraakaraNaM
     yadi kalpitadevaniraakaraNam.h .
yadi chaikanirantarasarvashivaM
     guNadoshhavichaaramatishcha katham.h .. 10..
maraNaamaraNa.n hi niraakaraNaM
     karaNaakaraNa.n hi niraakaraNam.h .
yadi chaikanirantarasarvashivaM
     gamanaagamana.n hi katha.n vadati .. 11..
prakR^itiH purushho na hi bheda iti
     na hi kaaraNakaaryavibheda iti .
yadi chaikanirantarasarvashivaM
     purushhaapurushha.n cha katha.n vadati .. 12..
tR^itiiya.n na hi duHkhasamaagamanaM
     na guNaaddvitiiyasya samaagamanam.h .
yadi chaikanirantarasarvashivaM
     sthavirashcha yuvaa cha shishushcha katham.h .. 13..
nanu aashramavarNavihiinaparaM
     nanu kaaraNakartR^ivihiinaparam.h .
yadi chaikanirantarasarvashiva\-
     mavinashhTavinashhTamatishcha katham.h .. 14..
grasitaagrasita.n cha vitathyamiti
     janitaajanita.n cha vitathyamiti .
yadi chaikanirantarasarvashiva\-
     mavinaashi vinaashi katha.n hi bhavet.h .. 15..
purushhaapurushhasya vinashhTamiti
     vanitaavanitasya vinashhTamiti .
yadi chaikanirantarasarvashiva\-
     mavinodavinodamatishcha katham.h .. 16..
yadi mohavishhaadavihiinaparo
     yadi sa.nshayashokavihiinaparaH .
yadi chaikanirantarasarvashiva\-
     mahameti mameti katha.n cha punaH .. 17..
nanu dharmavidharmavinaasha iti
     nanu bandhavibandhavinaasha iti .
yadi chaikanirantarasarvashivaM\-
     mihaduHkhaviduHkhamatishcha katham.h .. 18..
na hi yaaj~nikayaj~navibhaaga iti
     na hutaashanavastuvibhaaga iti .
yadi chaikanirantarasarvashivaM
     vada karmaphalaani bhavanti katham.h .. 19..
nanu shokavishokavimukta iti
     nanu darpavidarpavimukta iti .
yadi chaikanirantarasarvashivaM
     nanu raagaviraagamatishcha katham.h .. 20..
na hi mohavimohavikaara iti
     na hi lobhavilobhavikaara iti .
yadi chaikanirantarasarvashivaM
     hyavivekavivekamatishcha katham.h .. 21..
tvamaha.n na hi hanta kadaachidapi
     kulajaativichaaramasatyamiti .
ahameva shivaH paramaartha iti
     abhivaadanamatra karomi katham.h .. 22..
gurushishhyavichaaravishiirNa iti
     upadeshavichaaravishiirNa iti .
ahameva shivaH paramaartha iti
     abhivaadanamatra karomi katham.h .. 23..
na hi kalpitadehavibhaaga iti
     na hi kalpitalokavibhaaga iti .
ahameva shivaH paramaartha iti
     abhivaadanamatra karomi katham.h .. 24..
sarajo virajo na kadaachidapi
     nanu nirmalanishchalashuddha iti .
ahameva shivaH paramaartha iti
     abhivaadanamatra karomi katham.h .. 25..
na hi dehavidehavikalpa iti
     anR^ita.n charita.n na hi satyamiti .
ahameva shivaH paramaartha iti
     abhivaadanamatra karomi katham.h .. 26..
vindati vindati na hi na hi yatra
     chhandolakshaNa.n na hi na hi tatra .
samarasamagno bhaavitapuutaH
     pralapati tattvaM paramavadhuutaH .. 27..
iti shhashhThamo.adhyaayaH .. 6..
\smallskip\hrule\smallskip
atha saptamo.adhyaayaH ..
rathyaakarpaTavirachitakanthaH
     puNyaapuNyavivarjitapanthaH .
shuunyaagaare tishhThati nagno
     shuddhanira~njanasamarasamagnaH .. 1..
lakshyaalakshyavivarjitalakshyo
     yuktaayuktavivarjitadakshaH .
kevalatattvanira~njanapuuto
     vaadavivaadaH kathamavadhuutaH .. 2..
aashaapaashavibandhanamuktaaH
     shauchaachaaravivarjitayuktaaH .
eva.n sarvavivarjitashaanta\-
     stattva.n shuddhanira~njanavantaH .. 3..
kathamiha dehavidehavichaaraH
     kathamiha raagaviraagavichaaraH .
nirmalanishchalagaganaakaaraM
     svayamiha tattva.n sahajaakaaram.h .. 4..
kathamiha tattva.n vindati yatra
     ruupamaruupa.n kathamiha tatra .
gaganaakaaraH paramo yatra
     vishhayiikaraNa.n kathamiha tatra .. 5..
gaganaakaaranirantaraha.nsa\-
     stattvavishuddhanira~njanaha.nsaH .
eva.n kathamiha bhinnavibhinnaM
     bandhavibandhavikaaravibhinnam.h .. 6..
kevalatattvanirantarasarvaM
     yogaviyogau kathamiha garvam.h .
evaM paramanirantarasarva\-
     meva.n kathamiha saaravisaaram.h .. 7..
kevalatattvanira~njanasarvaM
     gaganaakaaranirantarashuddham.h .
eva.n kathamiha sa~Ngavisa~NgaM
     satya.n kathamiha ra~Ngavira~Ngam.h .. 8..
yogaviyogai rahito yogii
     bhogavibhogai rahito bhogii .
eva.n charati hi mandaM mandaM
     manasaa kalpitasahajaanandam.h .. 9..
bodhavibodhaiH satata.n yukto
     dvaitaadvaitaiH kathamiha muktaH .
sahajo virajaH kathamiha yogii
     shuddhanira~njanasamarasabhogii .. 10..
bhagnaabhagnavivarjitabhagno
     lagnaalagnavivarjitalagnaH .
eva.n kathamiha saaravisaaraH
     samarasatattva.n gaganaakaaraH .. 11..
satata.n sarvavivarjitayuktaH
     sarva.n tattvavivarjitamuktaH .
eva.n kathamiha jiivitamaraNaM
     dhyaanaadhyaanaiH kathamiha karaNam.h .. 12..
indrajaalamida.n sarva.n yathaa marumariichikaa .
akhaNDitamanaakaaro vartate kevalaH shivaH .. 13..
dharmaadau mokshaparyanta.n niriihaaH sarvathaa vayam.h .
katha.n raagaviraagaishcha kalpayanti vipashchitaH .. 14..
vindati vindati na hi na hi yatra
     chhandolakshaNa.n na hi na hi tatra .
samarasamagno bhaavitapuutaH
     pralapati tattvaM paramavadhuutaH .. 15..
iti saptamo.adhyaayaH .. 7..
\smallskip\hrule\smallskip
atha ashhTamo.adhyaayaH ..
tvadyaatrayaa vyaapakataa hataa te
     dhyaanena chetaHparataa hataa te .
stutyaa mayaa vaakparataa hataa te
     kshamasva nitya.n trividhaaparaadhaan.h .. 1..
kaamairahatadhiirdaanto mR^iduH shuchiraki~nchanaH .
aniiho mitabhuk shaantaH sthiro machchharaNo muniH .. 2..
apramatto gabhiiraatmaa dhR^itimaan jitashhaDguNaH .
amaanii maanadaH kalpo maitraH kaaruNikaH kaviH .. 3..
kR^ipaalurakR^itadrohastitikshuH sarvadehinaam.h .
satyasaaro.anavadyaatmaa samaH sarvopakaarakaH .. 4..
avadhuutalakshaNa.n varNairj~naatavyaM bhagavattamaiH .
vedavarNaarthatattvaj~nairvedavedaantavaadibhiH .. 5..
aashaapaashavinirmukta aadimadhyaantanirmalaH .
aanande vartate nityamakaara.n tasya lakshaNam.h .. 6..
vaasanaa varjitaa yena vaktavya.n cha niraamayam.h .
vartamaaneshhu varteta vakaara.n tasya lakshaNam.h .. 7..
dhuulidhuusaragaatraaNi dhuutachitto niraamayaH .
dhaaraNaadhyaananirmukto dhuukaarastasya lakshaNam.h .. 8..
tattvachintaa dhR^itaa yena chintaacheshhTaavivarjitaH .
tamo.aha.nkaaranirmuktastakaarastasya lakshaNam.h .. 9..
dattaatreyaavadhuutena nirmitaanandaruupiNaa .
ye paThanti cha shR^iNvanti teshhaa.n naiva punarbhavaH .. 10..
iti ashhTamo.adhyaayaH .. 8..
iti avadhuutagiitaa samaaptaa ..
##
\smallskip\hrule\smallskip
Encoded by Sunder Hattangadi sunderh@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}