% Text title : Ayyappa Gita % File name : ayyappagItA.itx % Category : giitaa, deities\_misc, ayyappa % Location : doc\_giitaa % Author : Swami Achyutanand % Proofread by : PSA Easwaran % Latest update : June 25, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shrimad Ayyappagita ..}## \itxtitle{.. shrImadayyappagItA ..}##\endtitles ## || OM || || sharaNamayyappa || \section{anukramaNikA} 1\. ayyappayogo nAma prathamo.adhyAyaH | 2\. shAstR^iyogo nAma dvitIyo.adhyAyaH | 3\. adhyAtmayogo nAma tR^itIyo.adhyAyaH | 4\. bhaktiyogo nAma chaturtho.adhyAyaH | 5\. j~nAnavij~nAnayogo nAma pa~nchamo.adhyAyaH | 6\. virAgayogo nAmaShaShTho.adhyAyaH | 7\. vichArayogo nAma saptamo.adhyAyaH | 8\. nirmamayogo nAmAShTamo.adhyAyaH | 9\. mantrayogo nAma navamo.adhyAyaH | 10\. dharmayogo nAma dashamo.adhyAyaH | 11\. karmayogo nAmaikAdasho.adhyAyaH | 12\. guNayogo nAma dvAdasho.adhyAyaH | 13\. brahmadarshanayogo nAma trayodasho.adhyAyaH | 14\. amarAsurasampadvibhAgayogo nAma chaturdasho.adhyAyaH | 15\. vishvAsayogo nAma pa~nchadasho.adhyAyaH | 16\. bhUmikAyogo nAma ShoDasho.adhyAyaH | 17\. sharaNAgatiyogo nAma saptadasho.adhyAyaH | 18\. ayyappadarshanayogo nAmAShTAdasho.adhyAyaH | \section{atha prathamo.adhyAyaH |} sambudhyarthA.ayishabdaprakaTitamahimA sAnurAgaM samantAt yo bhUyo.apaH prapAti praNatasuranarAnAshushokArNavebhyaH | yashshAstA sarvabhUtaM nijajanasukharAn bhItirAshIn hinasti | ayyappantannamAmo hariharatanayaM boghasaundaryagAtram || 1|| jIvanena vinA jIvA na jIvanti jagattraye | tato jIvanagoptAramayyappaM praNamAmyaham || 2|| vaiShNavyAM mohinIdevyAmmR^iDavIryeNa tejasA | purA babhUva chAyyappo dharmarakShaNahetave || 3|| pratya~N~NAtmasvarUpe dR^iDhatarakR^itachinmudrayA bhadrayA hi siddhashrIvastrabandhe sthirataravidhinA saMsthitashshAntamUrtiH | vArANasyAM mahatyAM svacharaNarajasA pAvayan bhaktavargAn ayyappo dharmashAstA vilasati suchiraM keshaveshAtmajo.ayam || 4|| purA.a.asItpantalo bhUpaH prajApAlanatatparaH | prasiddhaH kerale deshe bhakto bhaktajanapriyaH || 5|| ekadA tu mahAraNye mR^igayA sambhramannR^ipaH | divyaM taM bAlakaM vIkShya nayanAnandamAyayau || 6|| shuddhasphaTikasa~NkAshaM karNAntagatalochanam | prasphuranma~njuchandrAsyaM mAyAnirmitavigraham || 7|| shAntasvarUpaM saritAmadhIshvare bAlaM shayAnaM pralaye sureshvaram | taM puNDarIkAkShamiva sthitaM paraM sasvarNahAraM vipine vilokane || 8|| divyaM taM bAlakaM nItvA rAjA svagR^ihamAyayau | lAlitaH pAlitastena visheSheNa janapriyaH || 9|| sa vR^iddhimagamattatra shuklapakShe yathoDurAT | mApajo.ativishAlAkShaH samudrakarashomitaH || 10|| sutasya lIlApaTutAM vilokayan sarve prasannA bhuvi tasya bhUpateH | taddrohiNaM mandamatiM tu mantriNaM aj~nAtabhAva~ncha vinA nirIshvaram || 11|| aputrasya suto jAtaH ayyappasya prabhAvataH | tena putravatI jAtA rAj~nI rAjamanoramA || 12|| durmantrI mantrayAmAsa marmavAkyagaNairalam | rAj~nyai pantalarAjasya kaikayyA iva mandharA || 13|| yuvarAjapade rAjA chAyyappasyAbhiShechanam | kariShyati sushIlasya shUravIrasya sAmpratam || 14|| tvatputropasthitau devi paraputrasya shAsanam | kathaM sahe vishAlAkShi svadeshasya durAtmanaH || 15|| tadvighnastu tvayA kAryo yuvarAjAbhiShechane | na chedayyappadAsatvaM tvatputrasyorarIkuru || 16|| upAyaM kathaye tumyaM tasya vighnakaraM param | kukShau me shUlapIDAsti cheti rAj~ne nivedaya || 17|| ahaM kapaTavaidyAnAM melanaM kAraye tava | taistu varNitabhaiShajyaM shArdUlIpaya eva hi || 18|| vaidyoktaM tu nR^ipaM gatvA kathayiShyAmi shobhane | rAj~nIpIDAnivR^ityarthaM shArdUlIpaya auShadham || 19|| anena vidhinA devi chAyyapyasya vinAshanam | bhavettatkShIralAbhAya gamane girikAnane || 20|| apyetadahitaM vAkyaM hitaM matvA tu bhAminI | kApaTyaM darshayAmAsa svapatyussannidhau satI || 21|| kukShau shUlarujaM nirUpya ramaNI bhUpasya pArshvaM gatA vyAghrIstanyarasena shUlashamanaM sambodhayantI shuchA | satyaM tadvachanaM vichArya nR^ipatiH stanyAya saMsevakAn sarvatrAshu dishAsu tatkShaNamaho sampreShayanproktavAn || 22|| shArdUlapravarebhasevitavanaM gatvA tu yUyaM bhaTAH shArdUlIpayaso hareta suchiraM rAj~nImanomodakam | aprAptaM yadi tatpayo.ashvakadinAdUrdhvaM bhavanto gR^ihAn AyAsyanti tadA bhavenmadasinA pa~nchatvamatraiva vaH || 23|| rAjAj~nA~ncha nishamya bhItimagaman sarve cha tatsevakAH bhItAn sarvajanAn nirIkShya bhagavAn provAcha tatra sthitAn | yUyaM svIyagR^iheShu tiShThata sukhaM gachChAmyahaM kevalaM shArdUlIstanajanyashubhrapayasA santoShaye svAminam || 24|| shUrANAM kulabhUShaNaM nikhilavichChAstA svadharmasya cha ayyappo bhagavAn dayAparavasho gantuM vanaM niryayau | mArge bhaktajanaiH samarchitatanoH kAntyA tamaH saMharan sahyAdreH pulinaM purA suvimalaM prAptaHparArthechChayA || 25|| tasminkAnanamadhyadeshavilasachChAyAM gatashChAginAM sha~NkhaM pUritavAn mukundatanayaH pANau sthitaM tatkShaNam | vyAghrAstasya nishamya niShThuratarAH shabdaM samantAdaho vavrustaM suranAyakaM vrajavane gopIkumAraM yathA || 26|| shrIkR^iShNastu yathA vrajAdivipine gobhishcha saMveShTitaH lakShmIH satkamalodare bhagavatI bhR^i~NgairalaM veShTitA | chandrashchandrikayA cha sUryakiraNairagnistu dhUmavrajaiH ayyappashcha supuNDarIkanikarairbanyairasa~Nkhyaishviram || 27|| shrotrAdIndriyapuNDarIkadamane dakShastu yogI janaH ayyappo hyubhayoralaM sudamane dR^iShTapramANaM gataH | karShan vyAghrakulaM mata~NgasahitaM varNI sadA shAsakaH sArAsAravichAranItinipuNaH shrIpantalaM prAptavAn || 28|| AshcharyaM khalu pantalasya nagarI saMveShTitA sarvashaH vyAghrAdipravaraiH prasAritanakhairvanyairmahAniShThuraiH | ayyappastu jahAsa bhUmipatitAn prANAvasheShAn janAn dR^iShTvA mantrigaNashcha rAjamahiShI rAjA cha mohaM gataH || 29|| nishshabdAM nagarIM vilokya dayayA satvaM gR^ihItvA vanaM kShipraM so.api yayau tataH shivasutaH sahyasya mUrdhni sthitam | yatrAdyApi samAdhiyogakalito jegIyamAno janaiH dharmAyAdriniketane pratidinaM sa~ncheShTayan vIkShyate || 30|| nAradastu samAyAto rAjashekharapattane | shambhostanayavR^ittAntaM sarvaM tasmai nyavedayat || 31|| gaNeshaH kArtikeyashcha ayyappo mohinIsutaH | sha~Nkarasya trayaHputrAH pitR^itulyaparAkramAH || 32|| mAyAmAnuSharUpeNa tvaddAsyamurarIkR^itam | harisha~NkarabhaktAnAM kalahaM vIkShya bhUtale || 33|| tayorbhedanirAsAya chAvatIrNo vishAmpate | kapaTaM tava bhAminyA kAritaM devamAyayA || 34|| manuShyabuddhimayyappe tyaktvA devatvamAchara | tena te kIrtiratyantA bhaviShyati mahItale.|| 35|| devarShervAkyamAkarNya j~nAtaM tadvaibhavaM punaH | darshanAyAtha devasya prayatnaM kR^itavAn tadA || 36|| ayyappasya viyogena duHkhitaH pantalaH prabhuH | jalAnnAni parityajya sa shishye sthaNDile chiram || 37|| svarUpaM darshayAmAsa ayyappo.api mahAmanAH | mA shokaM kuru bhUpa tvaM vasAmi shabarIgirau || 38|| kumbhasambhavamAhUya yaj~naM kAraya || yatnataH | madIyaM mandiraM tatra kArayervishvakarmaNA || 39|| tanmadhye vigrahaM ramyaM pa~nchalohena kAraya | tasminpratiShThA kartavyA R^iShibhirvedapAragaiH || 40|| avashyaM mama sAnidhyaM bhavettatra na saMshayaH | etena vidhinArAjan mayi bhaktiHprajAyate || 41|| prativarShantu sa~NkrAntau mAghamAsasya pArthiva | mahotsavastvayA kArthaH sahyapR^iShThe mamAshrame || 42|| AgamiShyanti ye tatra chotsave mamasanidhau | sarve te sukhino bhUpa bhaviShyanti na saMshayaH || 43|| nArikelaM cha karpUraM puShpadIpAdipAnakam | etAni priyavastUni pUjane mama bhUpate || 44|| ghR^itasnAnena santuShTo bhaviShyAmi visheShataH | gopayomathitenAshu punaH pa~nchAmR^itena cha || 45|| dharmabhraShTAstu yA nAryaH pAMshulA doShadUShitAH | tAsAnnaivAdhikAro.asti praveshe mama sannidhau || 46|| puruShANAM gR^ihasthAnAM brahmacharya~ncha maNDalam | vidhIyate praveshArthamutsave darshane mama || 47|| sadA hi darshanaM puNyaM mAghamAse visheShataH | mayi bhakti~ncha labhate tataHshokaM parityaja || 48|| ityuktvAntardadhau devo vasatau pantalaprabhoH | atha darshanasantuShTo devadeva shivAtmanaH || 49|| ayyappatattvavij~nAnI jAtaH pantalabhUpatiH | gatashoko.atidharmAtmA bhaktastasya mahAtmanaH || 50|| yaduktaM devadevena kumbhasambhavayogataH | tena pantalabhUpena tatsarvaM kR^itamAdarAt || 51|| devadAnavagandharvasiddhachAraNaguhyakAH | Ajagmurdashane tasya R^iShayo nAradAdayaH || 52|| IDire.asya yashorAshInayyappasya mahAtmanaH | jAtakautukarUpAste maNikaNThAvalokane || 53|| iti shrImadayyappagItAyAM ayyappayogo nAma prathamo.adhyAyaH || 1|| \section{atha dvitIyo.adhyAyaH |} shabarasya gR^ihe jAtA shabarI bhAgyashAlinI | chirakAlena sahyAdrau j~nAnAya tapasi sthitA || 1|| mokShechChayA cha sampannA shamAdigaNashobhitA | nityAnityavivekena phalabhogavirAgataH || 2|| sushIlA cha surUpA cha sundarI chArubhAShiNI | prasannavadanAmbhojA gurubhaktiparAyaNA || 3|| AsvAdya puShpaniryAsamunmattA bhramarA~NganA | tathA bhaktiraseneyaM mattA sA shabarI vane || 4|| vAchaknavIva sA pUrvaM yAj~navalkyaM shuchismitA | janmamR^ityubhiyA devI shAstAraM sharaNaM yayau || 5|| paTabandhAsane shuddhe sthitaM kA~nchanasannibham | sampUjya bhUripuShpeNa paprachCha tvampadasthitim || 6|| shrI ayyappa uvAcha \- AtmA jIvastu gosvAmI kartA kShetraj~na ityapi | vishvashcha vaijasaH prAj~nastvampadena prakAshitAH || 7|| na jAyate mriyate vA kadAchidAtmA tu dehe vimalaprakAshaH | praj~nAnarAshiHpuruShaH purANaH AkAshakalpo.avikR^ito.aprameyaH || 8|| avasthAtrayavastUni vettyasau karaNaM vinA | sauShuptasthamabhAvashcha shR^iNu tvaM brahmachAriNi || 9|| nAhaM jAnAmi chetyatra j~nAnameva prakAshate | ahaM jAnAmi chetyasmin vAkye.api j~nAnamuchyate || 10|| j~nAnadhArA tvavichChinnA vIkShyate tattvadarshibhiH | nodeti nAstametyeShA saivAtmA tvaM vichAraya || 11|| yathA dadhigataM sarpistileShu cha raso varaH | puShpeShu puShpaniryAsa AtmA dehe vyavasthitaH || 12|| nityaH sarvagato.anantaH sattAmAtraikagocharaH | shAshvato.atipurANoyamachalo.ayaM sanAtanaH || 13|| savyAnyAkShimukhe vishvo manasyantastu taijasaH | hR^iddeshe tu punaH prAj~nastridhA dehe vyavasthitaH || 14|| sthUlabhogena vishvasya sUkShmeNa taijasasya cha | Anandena tu prAj~nasya tridhA tR^iptiM nibodhaya || 15|| shAstA gosvAmyahaM dehe kartAhamiti mAM viduH | ye janAste tu jIvaj~nAH paNDitAstattvadarshane || 16|| shrIkR^iShNo.ahaM shivaHsAkShI kShetraj~nashshAshvato.asmyaham | ayyappo.ahamananto.ahamAtmArAmo.ahamachyutaH || 17|| tvampadasya tathAvAchyo lakShyo.ahaM prakR^iteH paraH | sachchidAnandarUpo.ahaM vishvAtmA vishvasambhavaH || 18|| iti shrImadayyappagItAyAM shAstR^iyogo nAma dvitIyo.adhyAyaH || 2|| \section{atha tR^itIyo.adhyAyaH |} shrI shabarI uvAcha \- vyavahAre sadA sarvaibhedato yuShmadasmadI | prayujyate sadA yoginnabhedaH kathametayoH || 1|| shrI ayyappa uvAcha \- ahaM tvamiti nirdeshe dvaitameva prakAshate | so.ahamityapi nirdeshe chAdvaitaM pratipAdyate || 2|| shivo bhavati pUjAriH vandate cha shivaM shivaH | ashivaH ko bhavetkartA shivaH karma kadAbhavet || 3|| advaitachintAparameshabhaktirdvaitasyanindA viShaye viraktiH | manojavaM bAdhitumAttashaktiryasyaiva tasyaiva janasya muktiH || 4|| mANDUkyashrutigItena tattvenAtmA prapadyate | dvaitajAtaM tathA sarvaM gagane nIlimAdivat || 5|| AtmAnamakhilAdhAramavA~Nmanasagocharam | avyaktaM nirguNaM satyaM matvA dhIro na shochati || 6|| megho nashyati varSheNa bhojanena tathA kShudhA | dvaitaM nashyati bodhena yathA svapnamanorathaH || 7|| brahmabhinnaM jagannAsti nAsti janmajarAmR^itiH | sukhaduHkhAdikaM nAsti astibrahmanirAmayam || 8|| prapa~ncharahitaM viShNuM nirIhaM nirupadravam | nira~njanaM nirAkAraM matvA dhIro na shochati || 9|| yathA paTagataM chitraM paTAdanyanna vidyate | tathAchAtmagataM vishvamAtmano.anyanna vidyate || 10|| mAyAmalinasattvena kalpitAM bhedabhAvanAm | mAyAyAH shuddhasattvena dUrIkuru mahAmate || 11|| brahmA viShNuH shivaH shaktirjIvogaNapatI raviH | devatAnna~ncha prANAdirmAyayA khalu nirmitam || 12|| jImUtena vinA vR^iShTirbhUtalena vinA kR^iShiH | mAyayA cha vinA sR^iShTiH payasA rahitaM dadhi || 13|| tAvA~njananasambhItiH puruShasya visheShataH | AtmAnamajaraM nityaM yAvannaivAvagachChati || 14|| shuShkatarkavivAdena vyarthaM nayati pUruShaH | kAlaM kAlAhinA.a.atmAnaM ko.anyastrAtumiheshvaraH || 15|| adhyAtmachintayA nUnaM satsa~NgenAtha vidyayA | yateta svAtmalAbhAya dhIro mokShaparAyaNaH || 16|| vichAreNa vinA devi prapa~ncho na hi nashyati | tasmAdvichAraH kartavyaH svAtmalAbhasya hetave || 17|| iyaM vedashirovidyA proktA duHkhanivR^ittaye | anayA vilayaM yAti sa~nchitaM karma yatkR^itam || 18|| iti shrImadayyappagItAyAM adhyAtmayogo nAma tR^itIyo.adhyAyaH || 3|| \section{atha chaturtho.adhyAyaH |} maNikaNThopadeshena na tR^iptAM vanachAriNI | bhUyaH paprachCha sampUjya mAyAmanujavigraham || 1|| shrI shabarI uvAcha \- karmashAntirmanashshAntirvAsanAkShaya eva cha | kathaM bhavetsarojAkSha ayyappa vadatAMvara || 2|| shrI ayyappa uvAcha \- bhaktij~nAnavirAgeNa vichAreNa cha shobhane | ayamAsAdyate devi athavA gurusevayA || 3|| bhajanaM bhaktirityAhurnirguNe saguNe.api cha | Ishvare chAravindAkShi mAyAvini vanechari || 4|| shravaNaM kIrtanaM tasya chArchanaM pAdasevanam | vandanaM smaraNaM devi sakhya~nchAtmanivedanam || 5|| navadhA saguNe proktA saptadhA.aguNashAlinI | sarvopakAriNI nUnaM sevanIyA prayatnataH || 6|| yasya deve parA bhaktiryathA deve tathA gurau | tasyaite kathitA hyarthAH prakAshante mahAtmanaH || 7|| bIjAdvR^ikShastato bIjaM bhakterj~nAnaM tatashcha sA | sAdhUnAM sa~NgatirbIjaM bhaktivR^ikShasya bhAmini || 8|| bhaktij~nAnavirAgANAM varShayan jagatItale | charatIha mahAbhAgo nabhomaNDalameghavat || 9|| ChAyApuShpaphalaishshAkhI sevate sharaNAgatAn | sAdhustvanAgatAMshchApi bhaktij~nAnadhanAdibhiH || 10|| sajjano durjanashcheti bhedato manyate janaH | sarvaM cha svajanaM sAdhurmanyate.abhedachintayA || 11|| dahanAtmaprakAshena sUryo. vArayate tamaH | vachobhishshItalaissAdhurhR^itsthaM vArayate hi tat || 12|| janmaklesho jarAkleshaH klesho durjanamitratA | shambhorbhajanamakleshaH kleshobhUridhanaspR^ihA || 13|| madbhaktaM dayayA yuktaM dharmAtmAnaM shubhe bhaja | bhaktishAstrapravaktAraM santaM santatamAdarAt || 14|| yatitIrthaM satItIrthaM tIrthaM sAdhusamAgamaH | vedavAkyaM sadAtIrthaM nAnyattIrthaM bhajennaraH || 15|| pUjA viprasya kartavyA chAnnavastrajalAdibhiH | viprasyaiva prabhAveNa taretsaMsArasAgaram || 16|| sUryodayaM vinA devi sharvarI na prayAsyati | vinA bhaktyudayaM nR^INAmaha~NkAro na yAsyati || 17|| Atmavatprema kartavyaM sarvaprANiShu nirmale | tasya pAvanabhAvena saMsAraM tArayejjanaH || 18|| madAtmakaM jagatsarvaM vIkShya matpUjanaM kuru | manmanA mannamaskArA patrapuShpaphalAdibhiH || 19|| iti shrImadayyappagItAyAM bhaktiyogo nAma chaturtho.adhyAyaH || 4|| \section{atha pa~nchamo.adhyAyaH |} shrIayyappauvAcha \- parokSha~nchAparokSha~ncha dvividhaM j~nAnamuchyate | vaidikaM laukika~ncheti tadapi dvividhaM bhavet || 1|| vede parokShaM prAyeNAnumAnAdau cha laukikam | aparokShaM mahAvAkye laukikantu ghaTAdiShu || 2|| tatrApi dvividhaM proktaM dR^iDhaM chApyadR^iDhaM shume | aparokShaM dR^iDhaM j~nAnamalaM niHsR^itihetave || 3|| astibrahmeti yajj~nAnaM parokShaM parikIrtitam | akhaNDAnandarUpo.ahaM shivo.ahamitichAparam || 4|| abhede.api cha bhedo.asti jIvAtmaparamAtmanoH | tuShArajalabhedo.api vidyate jagatItale || 5|| amedavodho vimalo bhedo mAyAprakalpitaH | vidyAvidyAsvarUpeNa vyApinI sA cha mohinI || 6|| sharaNAgatihInasya narasya duratikramA | sharaNAgatabhaktasya mAyA dUranivAsinI || 7|| j~nAnena sadR^ishaM loke pAvanaM na hi bhAmini | tatsvayaM yogasaMsiddhahR^idaye jAyate shume || 8|| abhedadarshanaM j~nAnamaj~nAnaM bhedadarshanam | AdyaM syAnmokShalAbhAya dvitIyaM janmamR^ityave || 9|| gavAmanekavarNAnAM kShIrasyevaikavarNatA | kShIravatpashyate j~nAnaM li~Nginastu gavAM yathA || 10|| niShkriyaM vAsanAhInaM bhedatrayavilakShaNam | AtmAnaM veda vedena sadguroshchirasevayA || 11|| Adau nAsti hi yadvastu chAntakAle.api nAsti tat | madhyakAle kathaM jAtaM rajjusarpa ivasthitam || 12|| tApyatApakabhedena suvibhAtyakhilaM jagat | pratyagAtmatayAbhAti j~nAnAdvedAntavAkyajAt || 13|| shuddhamIshvarachaitanyaM jIvachaitanyameva cha | pramAtAchapramANa~ncha prameya~ncha phalaM tathA || 14|| iti saptavidho bhedashchaitanye vyavahArataH | suvijAnIhi devi tvaM vartate na tu satyataH || 15|| shrI shabarI uvAcha - kathaM saptavidho bhedaH pratyagAtmani shAshvate | bhagavan sarvavedaj~na sarvaM charNaya sadguro || 16|| shrI ayyappa uvAcha \- mAyopAdhivinirmuktaM shuddhamityabhidhIyate | mAyAsambandhatashchesho jIvashchAvidyayA yutaH || 17|| pramAtR^ichaitanyamapi prasa~NgataH pramAtR^ichaitanyamataHparaM shubhe | nirUpyate.antaHkaraNena saMyutaM anyachcha tadvR^ittiyutaM pramANakam || 18|| aj~nAtamapi chaitanyaM prameyamiti kathyate | phalaM proktaM suvij~nAtaM chaitanyaM shrutisammatam || 19|| iti saptavidho bhedashchaitanye vyavahArataH | aikyaM brahmaNi sarvasyAnaikyaM bhavati mAyayA || 20|| iti shrImadayyappagItAyAM j~nAnavij~nAnayogo nAma pa~nchamo.adhyAyaH || 5|| \section{atha ShaShTho.adhyAyaH |} shrI ayyappauvAcha \- dR^iShTAnushravikeShveSha viShayeShu shubhapradaH | vitR^iShNasya vashIkArasa.nj~nA vairAgyamuchyate || 1|| taraNIva tu vairAgyaM taruNi bhavasAgare | taraNAya dR^iDhA nUnaM guNavaitR^iShNyamapyatha || 2|| avashyaM gantAro.adhikadinamuShitvApi viShayAH viyoge ko bhedastyajati na jano yaH svayamamUn | vrajantassvAtantryAdatulapariduHkhAya manasaH svayaM tyaktvA hyete shamasukhamanantaM vidadhati || 3|| anekakAle svargIyAnbhogAn bhuktvApi chAbravIt | ailaH samrADvinirviNNo gAthAM vairAgyakAriNIm || 4|| kiM vidyayA kiM tapasA kiM tyAgena shrutena vA | kiM viviktena maunena strIbhiryasya mano hR^itam || 5|| svArthasyAkovidaM dhi~NmAM mUrkhapaNDitamAninam | yo.ayamIshvaratAM prApya strIbhirgokharavajjitaH || 6|| shivaprasAdo nirvedaH sukhashAntiprado mahAn | yenAnubandhaM nihR^itya puruShaH shamamR^ichChati || 7|| tIvravairAgyayogena dharmameghaH samAdhirAT | kAlaj~nasya nirIhasya yogirAjasya jAyate || 8|| samAdhau jAtamAtre tu samudetyAtmachandramAH | varShayanniva pIyUShaM kShubhitAmbodhimadhyagAt || 9|| mAtApitR^isutAdInAmastitvaM nAsti chAtmanaH | vyarthaM viShayagarteShu patanti suramAnavAH || 10|| moShaNe j~nAnaratnAnAM praviShTA dehapattane | kAmaH krodho mado lobho dehinAmavivekinAm || 11|| mAtA kasya pitA kasya kasya bhAryA priye vada | janmAbhAve tu mAtR^itvaM pitR^itva~nchAtmanaH katham || 12|| hariNashcha gajo mattaH pata~NgashchApi bhR^i~NgarAT | ekaikaviShayonmattA mriyante shapharI punaH || 13|| viShayeShvapi sarveShu mattA maraNadharmiNaH | jIvanti kathamalpe.api chetyAshcharyaM hi mAnavAH || 14|| mAnavasya sharIraM hi na jAtaM kShudrakarmaNe | kR^ichChrAya tapase chaiva pretyAnantasukhAya cha || 15|| vairAgyantu vinA devi bhaktimAgopajIvinaH | te yathA sukhamichChanti marIchijalamajjanAt || 16|| kAminIkA~nchanatyAgI tyAgI bhavitumarhati | vyAghracharmAvR^itenaiva kharo nAsti mR^igeshvaraH || 17|| kanakaghaTapaTAnAM svachChamurvIruhANAM panasaparimalAnAmandhasAM bhAjanAnAm | gajaturagabhaTAnAM varjanaM varjanaM no api tu suyuvatInAM varjanaM varjanaM syAt || 18|| iti shrImadayyappagItAyAM virAgayogo nAmaShaShTho.adhyAyaH || 6|| \section{atha saptamo.adhyAyaH |} shrIayyappa uvAcha \- ko.ahaM kathamidaM jAtaM ko vA kartAsya vidyate | upAdAnaM kimastIha vichAro.ayaM vidhIyate || 1|| vinishchayo bhavennityA nityavastuvivekataH | nityabodhasvarUpo.ahamAtmAhaM prakR^iteH paraH || 2|| prakR^itishcha pradhAna~ncha mAyA guNavatI tu yA | vidyA.avidyAsvarUpeNa vyApinI jagadambikA || 3|| prakR^itirvikR^itishchaiva bhavettanmAtrapa~nchakam | aha~NkAramahattatve mUlA chAvikR^itissvayam || 4|| mahattattvAdahakArastatastanmAtrapa~nchakam | bhUtAtmakaM tato jaj~ne vyomAdijagadAtmakam || 5|| j~nAnakarmendriyANi syurdashaika~ncha manassmR^itam | vikArAH ShoDasha proktAstato.anyaH puruShassmR^itaH || 6|| mAyAntu prakR^itiM vidyAnmAyinantu maheshvaram | tasyAvayavabhUtaistu vyAptaM sarvamidaM jagat || 7|| UrNanAbhirva vishvasya kAraNaM parameshvaraH | upAdAnaM nimitta~ncha vailakShaNyantu sA~NkhyataH || 8|| kleshakarmavipAkAdyairaparAmR^iShTa IshvaraH | puMvisheSho.atra yoge.api puruShottama uchyate || 9|| IshvarassarvabhUtAnAM shabaryAtmani tiShThati | vihitapratiShiddheShu pravR^ittiShvapi prerayan || 10|| brahma kevalamadvaitaM na yatkaraNagocharam | alakShaNamarUpa~ncha vedAnteShu sunishchitam || 11|| tadviShNustachChivassAkShAdAdityastachcha chandramAH | tadeva shAshvataM satyaM tadahaM tva~ncha bhAmini || 12|| bimbatvaM pratibimbatvaM yathA pUShaNi kalpitam | jIvatvamIshvaratva~ncha tathA bahmaNi kalpitam || 13|| mokShadvAre dvArapAlAshchatvAraH parikIrtitAH | shamo vichArassantoShashchaturthassAdhusa~NgamaH || 14|| vichAreNa vinA devi nAnyopAyo.asti saukaraH | jij~nAsorAtmalAbhAya vede vAde cha mAnini || 15|| idaM sarvaM jagadvastu rajjvAM sarpa ivAtmani | janmamR^ityuyutaM shAnte hATake kaTakAdivat || 16|| jalanna punarAyAti supItamayasA khalu | dvaitanna punarAyAti chAdvaitena subAdhitam || 17|| brahmasatyaM jaganmithyA mAyAmayamanAdimat | suvichAreNa yatsatyaM tadAtma tvaM manIShiNi || 18|| iti shrImadayyappagItAyAM vichArayogo nAma saptamo.adhyAyaH || 7|| \section{aShTamo.adhyAyaH |} ayyappagItAM sushrotuM nAradAdimunIshvarAH | sahyaparvatamAyAtA vinItAH puShpapANayaH || 1|| sAdhusAdhviti sambudhyA praNamantaH parasparam | bandhamokShavyavasthArthamayyappasharaNa~NgatAH || 2|| subhagA shabarI shrotrI praNamya harimAtR^ikam | jagAda vachanaM tasmai sakhI duHkhena durmanAH || 3|| iyantu yuvatI deva matsakhI chArubhAShiNI | virauti patishokena sevAbhaktiparAyaNA || 4|| upadeshAmR^itenainAM si~ncha tvaM trijagadguro | anyopAyanna pashyAmi shokamohanivR^ittaye || 5|| shrI ayyappa uvAcha \- kiM rodipi varArohe bhartA kutra gatastava | jaDeShu yadi bhartR^itvaM sarvametajjaDAtmakam || 6|| chaitanye yadi bhartR^itvaM chaitanyantu tvameva hi | ubhayorapi bhatR^itvamagataM kiM viyujyate || 7|| mAtA kasya pitA kasya kasya bhAryA priyo vada | janmAbhAve tu mAtR^itvaM pitR^itva~ncha kathaM bhavet || 8|| sarvashokAn parityajya mAmekaM sharaNaM vraja | ahaM tvAM sarvashokebhyastArayiShyAmi shobhane || 9|| maraNaM prakR^itisvabhAvato vikR^itirjIvanamambujekShaNe yadi chAlpamapi shvasannasAvasubhR^idbhAgyaparamparAvR^itaH ||10|| atastvaM prabhajAtmAnaM shAntamavyaktamachyutam | bhayashokavinirmuktaM sarvaduHkhanivR^ittaye || 11|| sArAsAravisheShaj~nAH parAparavido janAH | na shochanti mR^ite devi nApi shochanti jIvite || 12|| shokamohau jarAvyAdhiH kAmakrodhadurAtmatAH | mamatva~ncha viyogashcha dehadharmo na chAtmani || 13|| sarvaM duHkhamayaM viddhi sukhaM vaiShayikaM hi yat | saMyoge.amR^itamevAstu viyoge viShameva tat || 14|| viShaM hanti hi bhoktAraM draShTAraM nAsti hanti tat | draShTAramapi bhoktAraM viShayo hanti tatkShaNam || 15|| dehAtmabuddhiyogena labhante jananammR^itim | brahmAtmabuddhiyogena shAshvataM padamavyayam || 16|| paramAnandachinmAtramAdyantarahitaM shivam | nijasvarUpamAtmAnaM bhAvayechChokashAntaye || 17|| dharmashAstropadeshena shokamohavivarjitA | prasannAtisushIlAsau babhUva shabarI sakhI || 18|| iti shrImadayyappagItAyAM ayyappashabarIsaMvAde nirmamayogo nAmAShTamo.adhyAyaH || 8|| \section{atha navamo.adhyAyaH |} shayarI uvAcha \- sarveShAmapi mantrANAM ko mantrashshreyase prabho | bada mAmaravindAkSha ayyappa viduShAM vara || 1|| shrI ayyappa uvAcha \- haMsamantro mahAmantraH prANamantro.ayamuchyate | prANAnAM gatimadhye tu svayambhUrmantrasammataH || 2|| prapa~nchamativistIrNaM jarAvyAdhisupIDitam | janmamR^ityujarAvyAghrairnAditaM gahanaM vanam || 3|| hitvA brahmaNi saMshuddhe hanti yAtItividyayA | asmiMlloke satAM vR^indaissa haMsa iti kathyate || 4|| vyatyayena tu so.ahaM syAdadvaitashrutibhAskaraH | sarvadvaitamR^igaM hantuM mR^igarADiva shobhane || 5|| haMsamantro mahAmantraH so.ahaM tenaiva nirmitaH | hakArashcha sakArashcha hitvA bhavati mantrarAT || 6|| viMshatyekasahastrANi ShaTshatAni bhavArNave | jIvo japati sarveShu sharIreShu divAnisham || 7|| hakAreNa bahiryAti sakAreNa vishetpunaH | haMsa haMsetyamuM mantraM jIvo japati sarvadA || 8|| praNavo dhanushsharo hyAtmA brahma tallakShyamuchyate | apramattena veddhavyaM sharavattanmayo bhavet || 9|| praNavaM hIshvaraM vidyAtsarvasya hR^idi saMsthitam | sarvavyApinamo~NkAraM matvA dhIro na shochati || 10|| OM cha dvAdashasAhasraM pratyahaM yo japennaraH | tasya dvAdashabhirmAsaiH paramAtmA prakAshate || 11|| praNavArthashshivassAkShI viShNurUpo.ahamavyayaH | ye ye.arthAH praNave bhAnti te sarve mayi saMsthitAH || 12|| etad.hdhyevAkSharaM brahma etad.hdhyevAkSharaM param | etad.hdhyevAkSharaM j~nAtvA yo yadichChati tasya tat || 13|| prANinAM sarvadharmANAM shAstAramapi kAraNam | praNaveshaM hi mAM j~nAtvA sarvapApaiH pramuchyate || 14|| praNavena praNashyanti janmaduHkhajarAdayaH | sushIle praNave chittaM sthApaya tvaM prayatnataH || 15|| ekAkSharasvarUpeNa vedashAstreShu mAnini | sarvasiddhipradAnAya tiShThAmi bhagavatpriye || 16|| AchAraH prathamo dharmo dharmasaMshAsako.asmyaham | naivAchAravihInasya siddhirmantreNa satvaram || 17|| AchAreNa tu pUtasya puruShasya visheShataH | siddhissa~njAyate shIghraM vedashAstrAnusArataH || 18|| iti shrImadayyappagItAyAM ayyappashabarIsaMvAde mantrayogo nAma navamo.adhyAyaH || 9|| \section{atha dashamo.adhyAyaH |} shrI shabarI uvAcha \- ko dharmassarvavarNAnAM bandhavidhvaMsakArakaH | vaktavyaM bhagavanmahyamanyaH ko vaktumIshvaraH || 1|| shrI ayyappa uvAcha \- niHshreyasaM yatassidhyetpunarabhyudayo yataH | dashalakShaNadharmastu sarveShAmupakArakaH || 2|| sukhe duHkhe gate dhairyaM tathA mAnApamAnayoH | indriyANAM svadharmeShu chAlanaM damanaM damaH || 3|| pratIkArakShamatve.api vidrohasahanaM kShamA | parasvaharaNaM chauryamasteyaM tadabhAvataH || 4|| kasyachitkimapi no haraNIyaM marmavAkyamapi nocharaNIyam | mApateH padayugaM smaraNIyaM lIlayA bhavavanaM taraNIyam || 5|| mahatI shuddhatA shauchaM svadehamanasorapi | shamamR^ijjalagandhaishcha anuShTheyaM sadA nR^ibhiH || 6|| indriyANAmadharmeShu pravR^ittInAM nivAraNam | pravartanaM svadharmeShu nigraha~nchAvadhAraya || 7|| nirlajjasya cha loke.asminnindA bhavati santatam | tato lajjA svadharmashcha kIrtitA nitarAMshume || 8|| a~NgAni vedAshchatvAro mImAMsAnyAyavistaraH | arthashAstraM purANashcha vidyA hyetAshchaturdasha || 9|| kAryAkAryavichAreShu shAstrameva vishiShyate | ato vidyA svadharmasya lakShaNaM kIrtitA mayA || 10|| yathArthakathanaM satyaM bhUtAnAM hitameva cha | laukike paramArthe cha harishchandretihAsavat || 11|| krodho dveSho mahApApI narakadvAravishruteH | etasmAdviparIto.asAvakrodho dharmalakShaNam || 12|| krodhamUlo manastApaH krodhassaMsArabandhanam | dharmakShayakaraH krodhastataH krodhaM parityajet || 13|| dharmanAsho yadA devi chAdharmashchaidhate yadA! tadA dharmasya shAstAhaM bhaviShyAmi manohare || 14|| akAmashchAtmakAmo vA mAM bhajeddharmapAlakam | sharaNAgatashAstAraM shabarIgirinAyakam || 15|| mAtaraM pitaraM vApi bhajedbhaktiparAyaNaH | gurUNAM gurupatnInAmatithInAM gavAmapi || 16|| karmAshubhaM parityajya shubhaM karma samAcharet | anyasya guNadoShANAmavichArya divAnisham || 17|| sAdhUnAM samachittAnAM sevA kAryA tapasvini | kAmakrodhAdidoShANAM shamanaM tena jAyate || 18|| anyeShAmapi dharmANAM sevAdharmoM vishiShyate | sevayA vashamAyAti trailokyaM sacharAcharam || 19|| yatra dharmastu tatrAhaM yatrAhaM tatra devatAH | vibhUtayassurA yatra vasanti varavarNini || 20|| iti shrImadayyappagItAyAM ayyappa shabarIsaMvAde dharmayogo nAma dashamo.adhyAyaH || 10|| \section{athaikAdasho.adhyAyaH |} shrI shabarI uvAcha - karma ki~ncha shubhaM proktamashubha karma kimprabho | sarvaM me suvinItAyai vada tvaM karuNAkara || 1|| shrI ayyappa uvAcha \- sakAmaissvargasAmrAjyamakAmaishchAtmatoShaNam | shubhaM karma cha niShkAmaM sakAmamashubhaM smR^itam || 2|| karmaNA badhyate janturvidyayA cha vimuchyate | tasmAtkarma na kurvanti chAtmavanto yatIshvarAH || 3|| na karmaNA prajAvittaistyAgenaivAmR^itaM shubhe | karmaNAmaparityAge phalatyAgo vishiShyate || 4|| shrI shabarI uvAcha - vaidikaM karma devesha sakAmAya nirUpitam | ashubhaM tatkathaM proktaM bhavatA kevalAtmanA || 5|| shrI ayyappa uvAcha \- svargakAmo yajetAtra sakAmAya nirUpitam | vaidikaM karma vAmAkShi yadyapi shrutichoditam || 6|| karmAkamavikarmeti vedavAdo na prAkR^itaH. || vedasyeshvararUpatvAttatra muhyanti paNDitAH || 7|| parokShavAdo vedo.ayamanabhij~nAnushAsanam | karmANi karmamokShAya vidhatte hyauShadhaM yathA || 8|| evaM lokaM paraM vidyAnnashvaraM karmanirmitam | satulyAtishayadhvaMsaM yathAmaNDalavartinAm || 9|| svargAdikaphalaM tuchChaM kAminAM viShayAtmanAm | nashvara~ncha bhayavyAptaM shubhe tachcha shubhetarat || 10|| na j~nAnabhedaM janayedaj~nAnAM karmasa~NginAm | toShayetsarvakarmANi j~nAnI tAni samAcharan || 11|| AlasyaM hi manuShyANAM sharIrastho mahAripuH | nAstyudyamasamo bandhuryaM kR^itvA nAvasIdati || 12|| aha~NkAraM parityajya kartAhamiti shobhane | kartavyaM kuru lokAnAM kalyANAya nirantaram || 13|| rakShaNAya cha vedAnAM shikShaNAya suradviShAm | avatIrNo.asmi deshe.asmin chandrashekharatejasA || 14|| pApaM hanti viShaM hanti viShayAnapi durguNAn | shUlarogAdi sarva cha hanti me darshanaM shubham || 15|| chaturNAM puruShArthAnAM sAdhikA jagatItale | charitrasyApi kIrterme subhage sharaNAgatiH || 16|| karmAsakto yajechChaktiM j~nAnAsakto yajedgurum | mokShAsakto yajechChambhuM sarvAsaktastu mAM yajet || 17|| phalechChArahitaM karma yattu niShkAminA kR^itam | tatsarvaM ma~NgalaM devi sarvamanyadviDambanam || 18|| iti shrImadayyappagItAyAM karmayogo nAmaikAdasho.adhyAyaH || 11|| \section{atha dvAdasho.adhyAyaH |} shrI ayyappa uvAcha \- adrohI puNyashIlashcha brahmachArivrate sthitaH | mannAmajapachittAtmA gurusevAparAyaNaH || 1|| j~nAnavij~nAnapUtAtmA surANAmapi durlabham | prApnoti paramaM sthAnaM chinmayaM nirguNaM shivam || 2|| shubhavairAgyamAsthAya prANAyAmavidhAnataH | ahiMsayA cha bhUtAnAM munivR^ityA jitendriyaH || 3|| pa~nchakleshanivR^ityarthaM puNyena bahujanmanAm | yatate svAtmalAbhAya vichAreNa samAdhinA || 4|| madbhaktalakShaNaM devi prANinAmupakAritA | karmaNA manasA vAchA sarvAnprati cha namratA || 5|| kAma eva mahAshatrussarveShAmupari sthitaH | bhaktyAsya jayamAyAti bhaktasya mama bhAmini || 6|| jite kAme jitaH sarvaH krodhAdirdurguNaH shume | amalAtmA tatashshAnto yogirAjo bhaviShyati || 7|| brahmacharyeNa tapasA devA mR^ityumupAghnata | iti vaidikasiddhAnte vishadaM vipinechari || 8|| anyonyamupakAreNa jIvanaM shuddhajIvanam | ato dAnaM prashaMsanti devA gandharvamAnavAH || 9|| suvarNaM rajataM vastraM ma~njUShApashukambalam | vApI cha sadanaM kShetraM bhUShaNaM vAhanAdikam || 10|| naitAni samamannena dattenApi vivekine | annadAnena santuShTo bhaviShyAmi visheShataH || 11|| AtmA tu nirguNassAkShAnnirvikAro.ayamavyayaH | mAyAmayamidaM vishvaM traiguNyaM vetti paNDitaH || 12|| guNAtItapadaM prApya shAnto bhavati yogirAT | tasmAttvamaravindAkShi svAtmAnaM nirguNaM smara || 13|| AtmatattvaM na jAnAti lokatattvavichakShaNaH | paNDito.api sa mUrkho hi janmamR^ityuvasha~NgataH || 14|| rajo dhUnaya sattvena rajasA cha tamo jaya | samAdhinA jayessattvaM tattvaM vanachareshvari || 15|| sattvato j~nAnamAyAti rajaso lobhataskaraH | pramAdamohau bhavatastathAj~nAnaM tamoguNAt || 16|| sattvAdUrdhvagatirbhandre rajasA madhyavartanam | tamaso.adhogatirdevi guNAnAM vashavartinAm || 17|| guNebhyo.anyanna kartAraM darshakashchAnupashyati | AtmAnaM vetti tattvena tadA brahmapadaM vrajet || 18|| kartAha~ncha sumoktAhaM sukhito duHkhajIvanaH | iti tadguNamAhAtmyAt j~nAyate vyavahArataH || 19|| iti shrImadayyappagItAyAM guNayogo nAma dvAdasho.adhyAyaH || 12|| \section{atha trayodasho.adhyAyaH |} shrI ayyappa uvAcha \- yathA vR^ikShasya bIje.asminmahAn vR^ikSha upasthitaH | tathA brahmaNi sarve cha bhUcharAH khecharAdayaH || 1|| bIjAdapi susUkShmAyA shaktiratra virAjate | tathA brahmANi mAyA tu chAnirvAchyapade sthitA || 2|| bIjAdbhinnA na tachChaktirvichAreNa vinA tu yA | dR^ishyate tu tathA mAyA brahmabhinnA na dR^ishyate || 3|| vR^ikShashshAkhA tataH patraM kusumAni phalAni cha | hiraNyagarbhassUtrAtmA cheshvaro jIvako virAT || 4|| vR^ikShAdhassthA yathA ChAyA vAtena parivartitA | sukhaduHkhe tathA vishve karmaNA parivartite || 5|| brahma vIjaM jagadvR^ikSho janito mAyayA purA | asya bIjavichAreNa pUrNo.ahaM puruShottamaH || 6|| apo vinA na vR^ikShasya jIvana jagadantare | ayyappena vinA jIvA na jIvanti jagattraye || 7|| kShutpipase cha prANAnAM dharmo duHkhaM sukhaM tathA | svAntasyaiva na dehasya sUkShmasya na hi dehinaH || 8|| japAkusumasaMsargAnmaNau tiShThati raktimA | tathA hi dehasaMsargAtsukhaM duHkhamihAtmani || 9|| satsa~Ngena kuThAreNa vichAreNa cha mAnavi | mUlAj~nAnamahAvR^ikShaM ChitvA kaivalyamAchara || 10|| nirvedAsiH kare yasya saMsAraH kiM kariShyati | rAgo yadyasti pundehe sachChAstraM ki~NkariShyati || 11|| rAgadveShavihInasya bhaktasya paramAtmanaH | nirvedAsiH kare yasya saphalaM veda shAsanam || 12|| nityamekAkSharaM yogI vyAharan brahma chomiti | tadarthaM cha hR^idi dhyAyan prayANe paramaM padam || 13|| japayaj~no mahAyaj~no j~nAnayaj~nastataH param | agnisevanayaj~nastu svargamAtraphalapradaH || 14|| j~nAnenAdhyAtmikaM duHkhamAdhibhautikameva cha | adhidaivaM cha he devi samUla~ncha praNashyati || 15|| shravaNaM mananaM tasya nididhyAsanameva cha | sAdhanAni mumukShUNAM shrutInAM guruvAkyataH || 16|| gurutIrthAmbhasi snAto virAgatilakIkR^itaH | vichAradhanurAdAya hinastyaj~nAnataskaram || 17|| anena kR^itakR^ityatvamApnuyAtsAdhako yadi | sushIlashchAkR^itadrohaH sarvabhUtahite rataH || 18|| iti shrImadayyappagItAyAM brahmadarshanayogo nAma trayodasho.adhyAyaH || 13|| \section{atha chaturdasho.adhyAyaH |} shrI ayyappa uvAcha \- yasya dAnaM damo hiMsA tapassatyamapaishunam | tyAgo dayApyaloluptvaM kShAntirakrodhamArdavam || 1|| hIrachApalamadroho shuchitvannAtimAnitA | Arjava~nchAbhayaM yaj~no j~nAnayogadR^iDhA matiH || 2|| svAdhyAyashchittanairmalyaM kShamA tejo dhR^itishshubhe | mokShadharmasya tasyaitA daivIprakR^itisampadaH || 3|| puNyashIlasya viprasya tapasA bahujanmanA | bhAgyena jAyate daivI prakR^itirmokShadAyinI || 4|| darpo.abhimAnatAj~nAnaM krodhaH paruShabhAShaNam | anIshvaratvaM vishvasya mamatvaM bhogavastuShu || 5|| adharmeNa dhanaprAptau ruchissajjanashatrutA | viShNubhaktaH shivadrohI shivabhakto haridruhaH || 6|| kalahitva~ncha durbuddhiH kAminyAM kA~nchane ratiH | mAyAvI cha suradrohI paramArthaparA~NmukhaH || 7|| AsurIprakR^iterjAtalakShaNaM hyanuvarNitam | samAsena vishAlAkShi mokShamArgabhaya~Nkaram || 8|| anAchAreNa shAstAraM bhagavantaM na pashyati | ato dharmavichAreNa kAlaM nayati buddhimAn || 9|| mAtA dharmaH pitA dharmo dharmo naurbhavasAgare | loke.asminparaloke cha dharmassarvasya rakShakaH || 10|| prANatyAge bhayaM nAsti dharmatyAge bhayaM smR^itam | tasmAtsvadharmo na tyAjyA sukhasAmrAjyabhAskaraH || 11|| AsurIM prakR^itiM hitvA daivIM prakR^itimAshrayet | AsurI kuTilA duShTA daivI ma~NgalashAlinI || 12|| pratibimbaM jale shuddhe dR^ishyate cha kalAnidheH | parishuddhamanasyAtmA dR^ishyate tu tathA satAm || 13|| subhUShaNAdikaM vyarthaM kevalaM vasanaM vinA | suvyAkhyAnAdikaM vyarthaM nijAtmAnubhavaM vinA || 14|| svAtmAnubhavayuktasya chAchAryasya prasannavAk | saphalA tu bhavedatra shuktau susvAtibinduvat || 15|| santoSheNa vinA saukhyaM na bhUtaM na bhaviShyati | santoShadhanamAdAya yathAlAbhena tuShyatu || 16|| AtmA rAmaH kShamA sItA krodho rAvaNapattanam | sAgaraH kAmalobhAdirhanumAn brahmachintanam || 17|| sevayA jagadIshasya guroshcha paramAtmanaH | kAmakrodhAdikaM sarvaM kShaNAjjayati sAdhakaH || 18|| iti shrImadayyappagItAyAM amarAsurasampadvibhAgayogo nAma chaturdasho.adhyAyaH || 14|| \section{atha pa~nchadasho.adhyAyaH |} shrI ayyappa uvAcha \- shraddhAlavo.atra sarvatra vaidikevadhikAriNaH | teShA~nchoktaphalaM shAntiM labhate brahmavAdini || 1|| saMshayAtmA tu pApiShThassarveShAmupari sthitaH | loke.asminparaloke.api na sukhaM saMshayAtmanaH || 2|| gurushAstreShuvishvAsaH shraddhA bhavati sAtvikI | svargAdiphalavishvAso rAjasI sA nigadyate || 3|| pretAdiphalavishvAsashshraddhA bhavati tAmasI | evaM hi trividhA shraddhA prakArAntaravarNitA || 4|| ashraddhayA kR^ito yaj~naH puNyadAnaM tapashcha yat | tatsarvaM niShphalaM devi shraddhAhInena karmaNA || 5|| shraddhayA devadevatvamashnute divi sarvadA | shraddhA pratiShThA lokasya shraddhA vittaM mahAtmanAm || 6|| shraddhaiva chakShurloke.asminpratimA devadarshane | pratyakSheNa cha shAstreNa pratyakShaM bAdhyate na hi || 7|| vR^iShTiM vinA yathA varShaH kAsArashcha jalaM vinA | shraddhAM vinA tathA dharmI shobhate na shivapriye || 8|| sarvaM doShamayaM viddhi mAyayA rachitaM hi yat | paramAtmani nirdoShe shraddhA kAryA prayatnataH || 9|| doSho.apyasti guNo.apyasti adoSho naiva vidyate | sukomalasya padmasya nAle bhavati kaNTakaH || 10|| guNeShu ramate vidvAn doSheShu ramate shaThaH | puShpeShu ramate bhR^i~Ngo garteShu grAmasUkaraH || 11|| shivamakSharamavyaktaM karaNAnAmagocharam | AtmAnamAkhilAdhAraM bhAvayechChAntachetasA || 12|| mana eva manuShyANAM kAraNaM bandhamokShayoH | bandhane viShayAsaktaM mokShAyAviShayaM manaH || 13|| hitvA tu viShayAbhyAsaM brahmAbhyAsena santatam | manomarkaTavadbhrAntamAtmani syAtsthiraM yadA || 14|| shubhraM jyotirmayaM divyaM shAshvataM nirguNaM param | yogAgnikShAlitasvAntastadA pashyati sAkShiNam || 15|| dR^ishyate tvagrayA bud.hdhyA sUkShmayA sUkShmadarshibhiH | iti vaidikasiddhAnte darshitaM nachiketase || 16|| chaturNAM puruShArthAnAM mokShasyaiva pradhAnataH | nityatvAdaravindAkShi trayANAM tadabhAvataH || 17|| shraddhayA bhaja chAtmAnaM jarAmaraNavarjitam | so.ahaM so.ahamiti prAj~ni jaigIShavyaM muniryathA || 18|| iti shrImadayyappagItAyAM vishvAsayogo nAma pa~nchadasho.adhyAyaH || 15|| \section{atha ShoDasho.adhyAyaH |} shrI ayyappa uvAcha \- abhUmiShu kathaM siddhiH kusUlasthayavAdivat | bhUmisthasya bhavetsiddhirbIjasyorvarabhUmiShu || 1|| shrI shabarI uvAcha \- bhUmayaH kati tattvaj~na kA siddhirviduShAM vara | mumukShaNAM harIshAtman sarvaM varNaya vistarAt || 2|| shrI ayyappa uvAcha \- shubhechChA prathamA j~neyA dvitIyA suvichAraNA | tanumAnasyapi j~neyA sattvApattishchaturthikA || 3|| punaH pa~nchamyasaMsaktiH padArthAbhAvanA punaH | turyagA saptamI devi yoginAM muktidAyinI || 4|| shAstrasajjanasamparkAnmUDho.ahamiti yA matiH | vairAgyapUrvikechChAyAshshumechChA sumanohare || 5|| shAstrasadgurusamparkavairAgyAbhyAsapUrvikA | sadAchArapravR^ittiryA subhage suvichAraNA || 6|| raktatA chendriyArtheShu vichAreNa shubhechChayA | yatra sA tanutAmeyAdanaghe tanumAnasi || 7|| bhUmitrayakR^itAbhyAsAchchitte cha viratervashAt | sattvAtmani sthite shuddhe sattvApattirvarAnane || 8|| bhuvAM chatuShTayAbhyAsAdyA saMsargayutA dashA | rUDhasattvachamatkArAddevyasaMsaktinAmikA || 9|| bhUmikApa~nchakAbhyAsAtsvAtmArAmatayA dR^iDham | bAhyAbhyantaravastUnAM ShaShThI bhUmirabhAvanAt || 10|| pa~nchamI bhUmimadhye tu jIvanmukto virAjate | brahmAnandarasaM pItvA mattabhramararADiva || 11|| ShaShThaM bhUtalamAruhya shuShkapatravadAsthitiH | svayaM nacheShTate yogI yathA tatpavaneritam || 12|| bhUmiShaTkachirAmyAsAddvaitasyAnupalambhanAt | yA svabhAvaikaniShThA sA turyA j~neyA cha bhUmikA || 13|| iyaM hi jIvanmukteShu turyyAvasthA nirUpitA | videhamuktiviShayaM turyAtItamataH param || 14|| saptamI bhUmikA devi yoginAM muktidAyinI | tatra gatvA chiraM vidvAnAtmArAmo virAjate || 15|| kR^itasya karaNaM nAsti mR^itasya maraNaM yathA | muktasya jananaM nAsti amR^itasya mR^itiyathA || 16|| bhUmikAnAM svarUpantu mayA sAdhu nirUpitam | tubhyaM kamalapatrAkShi kaivalyaprAptisAdhanam || 17|| iyaM vedashiro vidyA gopanIyA prayatnataH | na chAshushruShave deyA putrAyApyavivekine || 18|| mumukShugurubhaktAya sushAntAya vivekine | AhUyApi cha deyeyaM vidyA kalyANakAriNI || 19|| iti shrImadayyappagItAyAM bhUmikAyogo nAma ShoDasho.adhyAyaH || 16|| \section{atha saptadasho.adhyAyaH |} shrI ayyappa uvAcha \- sAdhanAbhyAsapAkebhyastridhA syAchCharaNAgatiH | tavaivAhaM mamaivAsau sa evAhamiti sthitA || 1|| svAmisevakabhAvena chAtmabhAvanayA punaH | tava dAso mama svAmI so.ahamasmi vichArataH || 2|| nAmagotravinirmuktaM satyamadvaitabhAskaram | so.ahaM so.ahamiti svAnte bhaja mAM chinmayaM param || 3|| shuddho.asmi buddho.asmi sanAtanosmi saMsAramAyAparivarjito.asmi | brahmasvarUpo.asmi nira~njano.asmi vedAntatattvArthavikAsako.asmi || 4|| sasyAnAM sharaNaM vR^iShTirmatsyAnAM sharaNaM jalam | devAnAM sharaNaM yaj~naH ArtAnAM sharaNaM tvaham || 5|| sarvopaniShadAM sAro j~nAnavij~nAnasaMyutaH | upadiShTo mayA devi tvanmoho vigato na vA || 6|| shrI shabarI uvAcha - tR^iptA.asmi puNDarIkAkSha tavavAkyAmR^itena tu | kR^itakR^ityA na sandeho dayAsindho sureshvara || 7|| dehabud.hdhyA tu dAsI te jIvabud.hdhyA tvadaMshakaH | brahmabud.hdhyA tvamevAhamiti me nishchitA matiH || 8|| shrI ayyappa uvAcha \- vedasAraM parityajya chAnyasAraM vR^iNoti yaH | muktAphalaM vihAyAsau loShTaM gR^ihNAti durmatiH || 9|| shAntitulyaM tapo nAsti lobhatulyo na durguNaH | kAmatulyassatAM vairI mAtR^itulyA na devatA || 10|| gurushAstraM vinA j~nAnaM vya~njanaM lavaNaM vinA | susantatiM vinA bhAryA bhUShaNaM vasanaM vinA || 11|| dharmaM vinA na pANDityaM vinA shIlaM na yauvanam | na shobhate vishAlAkShi vR^ikShastu chChadanaM vinA || 12|| svasaMvedyaM hi tadbrahmA kumArI shrImukhaM yathA | ayogI naiva jAnAti jAtyandho hi yathA ghaTam || 13|| na mokSho nabhasaH pR^iShThe na pAtAle na bhUtale | mokSho hi bimalaM chetassamyagj~nAnavibodhitam || 14|| bhaktibhAjanamAdAya gatvA gurunadItaTe | vij~nAnapayaso devi chAtmAnamabhiShechaya || 15|| AtmAnaM chedvijAnIyAdahamasmIti pUruShaH | kimichChankasyakAmAya sharIramanusa~njvaret || 16|| satyaM j~nAnamanantaM yadbrahmalakShaNamuchyate | AtmA tu sachchidAnanda ekatvamubhayorapi || 17|| tameva sharaNaM gachCha sarvabhAvena bhAmini | tatprasAdatparAM shAntimachireNAdhigachChasi || 18|| iti shrImadayyappagItAyAM sharaNAgatiyogo nAma saptadasho.adhyAyaH || 17|| \section{athAShTAdasho.adhyAyaH |} shrI shabarI uvAcha \- shreNI te prathamA tu sarvajagatAM sandhAriNI medinI sopAnasya tathA.aparA suvimalA tattvaM jalaM shobhanam | tejastasya tR^itIyakA cha tamaso rAsheralaM bhakShakam | bhUyo vAyurala~Nkaroti bhagavan vyomasthitA pa~nchamI || 1|| ShaShThI tasya virAjate tu ruchirA shreNI tu vANI shubhA bhUyaH pANiyuga~ncha ma~NgalamayI sAsyAdana~NgArija | pAdau chApi sugaNyate suraguro shreNIpunashchAShTamI pAyushchendriyamasya suShThu navamI sa~njAyate sha~NkarI || 2|| ramyaM te khalu tasya deva dashamI shreNI cha shishnendriyaM shrotraM chAtra prachaNDashAstrakushala~nchaikAdashI shreNikA | tvagbhUyo.api cha shobhanArasapatestattvaM paraM dvAdashI chakShushchApi surUpadarshanakaraM jegIyate shreNikA || 3|| ghrANa~nchaiva chaturdashI parataraM gandhodvahaM sA shubhA svAdvasvAduvichAraNe cha rasanA jihvAgradeshasthitA | shrINI pa~nchadashI manomananakR^ichChreNI varA ShoDashI buddhirbodhakarI sadAshubhakarI shreNI manomodinI || 4|| shreNI te parimArjitA sakaladA kAmapravAhAnalA sopAnasya virAjate.atijayinI jIvAtmatattvena yA | shrIsheshAtmajanasya pantalapaterIshasya shAntipradA ityaShTAdashatattvamachyutapadasthAnaM hi vande mudA || 5|| nIlAla~NkaraNaissushobhitatanurvidyA vinodapriyo brahmodyotalasanmukhena timiraM dUrIkaroti svayam | hastAgre kR^itamudrayA nijasukhaM sambodhayan shAshvataM ayyappo jayati prapa~nchapatitAn santArayan santatam || 6|| shrImAtA paramAtmano bhagavatassammohinI mohinI kailAsAdriniketano.asya janakashshrIvishvanAthaH prabhuH | uttu~Nge shabarIgirau parilasannIlAmbarADambaraH ayyappashsharaNAgatAnnijajanAn rakShanmudA shobhate || 7|| Atmaj~nAnavichArakAryakushale vedArthachintAmaNau AkArAdivivarjite.api saguNe bhaktapriyArthe vibho | kAntAre mR^igayArthamatra charataH shAntasya bhaktAtmanaH Adau pantalabhUpaternipatitaM sachchisukhe darshanam || 8|| lIlAM tasya nR^ipasya veshmani chiraM kR^itvA vanaM saMshritaH atra tvatpadapa~Nkaje nipatituM chAyAntyasa~NkhyA janAH | tvatpAdasmaraNaM vidhAya vidhivanmattebhahiMsAtmanAM shrutvA shabdamananyabhaktiviShayA bhaktAshsharaNye tvayi || 9|| putratvaM gatavAn bhavAnakhilavidbhUpasya bhAgyena vai shauryaM tvadguNashAntidAntinikaraM saMvIkShya rAj~nI bhiyA | ayyappo yadi madgR^ihe nijasuto nApnoti rAjyAsanaM kApavyaM khalu nirmitaM bhagavatashshAstustayA nAshane || 10|| ayyappo jagatAM gurussakalavidvedAntavAgIshvaraH mAyAnirmitarAjyabhAraviShaye bairAgyavAnAtmak | advaitaM sakalaM charAcharamidaM vij~nAyate vidyayA | AtmArAmapadaprabuddhamanaso rAjyAdilAbhena kim || 11|| tvallIlAsthalikA vibhAti pashubhirdaivaishva vR^indAvanaM bhedastatra tu bhogarItirahitA vAgIshvarI rAdhikA | gobhirnaiva tu puNDarIkanichayaiH pampA kalindAtmajA | shrIkR^iShNastu na cheshaviShNutanayo vaMshI na vedadhvaniH || 12|| AshcharyaM tava vishvanAthacharitaM hatvA suradrohiNaM tulyaM devamanuShyabhUtanikaraM rAmeNa vishvaM papau | dharmopadravakAridehadahane pratyakShadAvAnalaH tvadbhaktadrumakoTirakShaNapaTuH kAdambinIvAtmavAn || 13|| AnandAmbudhivardhanaM shivaguroH pApAgninirvApaNaM dhyAnaM tasya mahAtmano hR^idi satAM kalyANakalpadrumam | tvannAmasmaraNaM hi sarvasukhadaM rUpaM sadA ma~NgalaM ayyappasya sudharmagopturamarairgItasya vishvAtmanaH || 14|| satyaM shAshvatamaprameyamanaghaM nirvANashAntipradaM kAmakrodhamadaprabha~njanakaraM dedIpyamAnaM sadA | chinmudrAvalayena veShTitatanorAnandarAshervibhoH ayyappasya padAravindayugalaM vande munIndrairnutam || 15|| vij~nAnANavamauktiko.asi bhagavan j~nAnapravAlo.athavA nIrakShIravivekachArukushalo haMso.asi dugdhArNave | tvadvaktrAmalashItalA rasamayI vANIsharachchandrikA shuddhabrahmaparAtparo.asi shabarI prANapriyo rAjase || 16|| shrI ayyappa uvAcha \- susaMvAdAtmakaM shAstraM prathatAmAvayossvayam | kIrtistvadIyAlokaShu parvatAyiShyate.amunA || 17|| namaH shrIviShNurUpAya shivarUpAya tejase | ayyappAya namastubhyaM namaH shrIbrahmachAriNe || 18|| || iti shrIpUjyapAdasvAmInArAyaNagirishiShya achyutAnandakR^ita shrImadayyappagItAyAM ayyappashabarI\- saMvAde ayyappadarshanayogo nAmAShTAdasho.adhyAyaH || 18|| || sharaNamayyappA || ## Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}