% Text title            : bhagavadgItA mAhAtmyaM dhyAnamantraM cha
% File name             : bgmahat.itx
% Category              : gItA, giitaa, bhagavadgItA, vyAsa
% Location              : doc\_giitaa
% Author                : Vyasa
% Transliterated by     : NA
% Proofread by          : NA
% Latest update         : August 8, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhagavadgita Mahatmyam and DhyAnamantra ..}##
\itxtitle{.. bhagavadgItAmAhAtmyaM dhyAnamantraM cha ..}##\endtitles ##
          || shrI paramAtmane namaH ||
      || atha shrIgItAmAhAtmyaprArambhaH ||
   shrI gaNeshAya namaH || shrIrAdhAramaNAya namaH ||
             dharovAcha |
bhagavanparemeshAna bhaktiravyabhichAriNI |
prArabdhaM bhujyamAnasya kathaM bhavati he prabho || 1||
            shrI viShNuruvAcha |
prArabdhaM bhujyamAno hi gItAbhyAsarataH sadA |
sa muktaH sa sukhI loke karmaNA nopalipyate || 2||
mahApApAdipApAni gItAdhyAnaM karoti chet |
kvachitsparshaM na kurvanti nalinIdalamambuvat || 3||
gItAyAH pustakaM yatra yatra pAThaH pravartate |
tatra sarvANi tIrthANi prayAgAdIni tatra vai || 4||
sarve devAshcha R^iShayo yoginaH pannagAshcha ye |
gopAlA gopikA vApi nAradoddhavapArShadaiH ||
sahAyo jAyate shIghraM yatra gItA pravartate 5||
yatra gItAvichArashcha paThanaM pAThanaM shR^itam |
tatrAhaM nishchitaM pR^ithvi nivasAmi sadaiva hi || 6||
gItAshraye.ahaM tiShThAmi gItA me chottamaM gR^iham |
gItAj~nAnamupAshritya trI.nlokAnpAlayAmyaham || 7||
gItA me paramA vidyA brahmarUpA na sa.nshayaH |
ardhamAtrAkSharA nityA svAnirvAchyapadAtmikA || 8||
chidAnandena kR^iShNena proktA svamukhato.arjunam |
vedatrayI parAnandA tattvArthaj~nAnasa.nyutA || 9||
yo.aShTAdashajapo nityaM naro nishchalamAnasaH |
j~nAnasiddhiM sa labhate tato yAti paraM padam || 10||
pAThe.asamarthaH sampUrNe tato.ardhaM pAThamAcharet |
tadA godAnajaM puNyaM labhate nAtra sa.nshayaH || 11||
tribhAgaM paThamAnastu ga~NgAsnAnaphalaM labhet |
ShaDa.nshaM japamAnastu somayAgaphalaM labhet || 12||
ekAdhyAyaM tu yo nityaM paThate bhaktisa.nyutaH |
rudralokamavApnoti gaNo bhUtvA vasechchiram || 13||
adhyAyaM shlokapAdaM vA nityaM yaH paThate naraH |
sa yAti naratAM yAvanmanvantaraM vasundhare || 14||
gItAyAH shlokadashakaM sapta pa~ncha chatuShTayam |
dvau trInekaM tadardhaM vA shlokAnAM yaH paThennaraH || 15||
chandralokamavApnoti varShANAmayutaM dhruvam |
gItApAThasamAyukto mR^ito mAnuShatAM vrajet || 16||
gItAbhyAsaM punaH kR^itvA labhate muktimuttamAm |
gItetyuchchArasa.nyukto mriyamANo gatiM labhet || 17||
gItArthashravaNAsakto mahApApayuto.api vA |
vaikuNThaM samavApnoti viShNunA saha modate || 18||
gItArthaM dhyAyate nityaM kR^itvA karmANi bhUrishaH |
jIvanmuktaH sa vij~neyo dehAnte paramaM padam || 19||
gItAmAshritya bahavo bhUbhujo janakAdayaH |
nirdhUtakalmaShA loke gItAyAtAH paraM padam || 20||
gItAyAH paThanaM kR^itvA mAhAtmyaM naiva yaH paThet |
vR^ithA pATho bhavettasya shrama eva hyudAhR^itaH || 21||
etanmAhAtmyasa.nyuktaM gItAbhyAsaM karoti yaH |
sa tatphalamavApnoti durlabhAM gatimApnuyAt || 22||
               sUta uvAcha |
mAhAtmyametad.hgItAyA mayA prokta satAtanam |
gItAnte cha paThedyastu yaduktaM tatphalaM labhet || 23||
    || iti shrIvArAhapurANe shrIgItAmAhAtmyaM sampUrNam ||

       || atha shrImad.hbhagavadgItAdhyAnAdi ||
   shrI gaNeshAya namaH || shrIgopAlakR^iShNAya namaH ||
            atha dhyAnam |
            atha karanyAsaH |
AUM asya shrImad.hbhagavad.hgItAmAlAmantrasya
bhagavAnvedavyAsa R^iShiH ||  anuShTup.h ChandaH ||
shrIkR^iShNa paramAtmA devatA ||
ashochyAnanvashochastvaM praj~nAvAdA.nshcha bhAShase iti bIjam ||
sarvadharmAn.h parityajya mAmekaM sharaNaM vraja iti shaktiH ||
ahaM tvA sarvapApebhyo mokShayiShyAmi mA shucha iti kIlakam ||
nainaM Chindanti shastrANi nainaM dahati
pAvaka itya~NguShThAbhyAM namaH ||
na chainaM kledayantyApo na shoShayati mAruta iti tarjanIbhyAM namaH ||
achChedyo.ayamadAhyo.ayamakledyo.ashoShya
eva cha iti madhyamAbhyAM namaH ||
nityaH sarvagataH sthANurachalo.ayaM sanAtana ityanAmikAbhyAM namaH ||
pashya me pArth rUpANi shatasho.atha
sahasrasha iti kaniShThikAbhyAM namaH ||
nAnAvidhAni divyAni nAnAvarNAkR^itIni
cha iti karatalakarapR^iShThAbhyAM namaH ||
         iti karanyAsaH ||
         atha hR^idayAdinyAsaH ||
nainaM Chindanti shastrANi nainaM dahati
pAvaka iti hR^idayAya namaH ||
na chainaM kledayantyApo na shoShayati mAruta iti shirase svAhA ||
achChedyo.ayamadAhyo.ayamakledyo.ashoShya
eva cheti shikhAyai vaShaT.h  ||
nityaH sarvagataH sthANurachalo.ayaM sanAtana iti kavachAya hum ||
pashya me pArth rUpANi shatasho.atha
sahasrasha iti netratrayAya vauShaT ||
nAnAvidhAni divyAni nAnAvarNAkR^itIni
cheti astrAya phaT ||
shrIkR^iShNaprItyarthe pAThe viniyogaH ||
AUM pArthAya pratibodhitAM bhagavatA nArAyaNena svayaM
vyAsena grathitAM purANamuninA madhye mahAbhAratam |
advaitAmR^itavarShiNIM bhagavatImaShTAdashAdhyAyinIM
amba tvAmanusandadhAmi bhagavadgIte bhavedveShiNIm || 1||
namo.astu te vyAsa vishAlabuddhe phullAravindAyatapatranetra |
yena tvayA bhAratatailapUrNaH prajvAlito j~nAnamayaH pradIpaH || 2||
prapannapArijAtAyatotravetraikapANaye |
j~nAnamudrAya kR^iShNAya gItAmR^itaduhe namaH || 3||
vasudevasutaM devaM ka.nsachANUramardanam |
devakIparamAnandaM kR^iShNaM vande jagad.hgurum || 4||
bhIShmadroNataTA jayadrathajalA gAndhAranIlotpalA
shalyagrAhavatI kR^ipeNa vahanI karNena velAkulA |
ashvatthAmavikarNaghoramakarA duryodhanAvartinI
sottIrNA khalu pANDavai raNanadI kaivartakaH keshavaH || 5||
pArAsharyavachaH sarojamamalaM gItArthagandhotkaTaM
nAnAkhyAnakakesaraM harikathAsambodhanAbodhitam |
loke sajjanaShaT.hpadairaharahaH pepIyamAnaM mudA
bhUyAdbhAratapa~NkajaM kalimalapradhva.nsi naH shreyase || 6||
mUkaM karoti vAchAlaM pa~NguM la~Nghayate girim |
yatkR^ipA tamahaM vande paramAnandamAdhavam || 7||
        atha gItAmAhAtmyam |
gItAshAstramidaM puNyaM yaH paThetprayataH pumAn |
viShNoH padamavApnoti bhayashokAdivarjitaH || 1||
gItAdhyayanashIlasya prANAyAmaparasya cha |
naiva santi hi pApAni pUrvajanmakR^itAni cha || 2||
malanirmochanaM pu.nsAM jalasnAnaM dine dine |
sakR^idgItAmbhasi snAnaM sa.nsAramalanAshanam || 3||
gItA sugItA kartavyA kimanyaiH shAstravistaraiH |
yA svayaM padmanAbhasya mukhapadmAdviniHsR^itA || 4||
bhAratAmR^itasarvasvaM viShNorvaktrAdviniHsR^itam |
gItAga~NgodakaM pItvA punarjanma na vidyate || 5||
sarvopaniShado gAvo dogdhA gopAla nandanaH |
pArtho vatsaH sudhIrbhoktA dugdhaM gItAmR^itaM mahat || 6||
ekaM shAstraM devakIputragItameko
      devo devakIputra eva |
eko mantrastasya nAmAni yAni
      karmApyekaM tasya devasya sevA || 7||
shAntAkAraM bhujagashayanaM padmanAbhaM sureshaM
vishvAdhAraM gaganasadR^ishaM meghavarNaM shubhA~Ngam |
lakShmIkAntaM kamalanayanaM yogibhirdhyAnagamyaM
vande viShNuM bhavabhayaharaM sarvalokaikanAtham ||
yaM brahmA varuNendrarudramarutaH stunvanti divyaiH stavaiH
vedaiH sA~NgapadakramopaniShadairgAyanti yaM sAmagAH |
dhyAnAvasthitatadgatena manasA pashyanti yaM yogino
yasyAntaM na viduH surAsuragaNA devAya tasmai namaH || 8||

               || iti dhyAnam ||
##

Although many prints mention of the mAhAtmyam
from Varaha Purana, the verses are not
found in the Purana in print.  

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}