%@@1
% File name             : gitaabhaashhya.itx
%--------------------------------------------
% Text title            : giitaabhaashhya
% Author                : Traditional
% Language              : Sanskrit
% Subject               : philosophy/hinduism/religion
% Description/comments  : ????Source
% Transliterated by     : Kapila Shankaran utsaaha@accglobal.net
% Proofread by          : Kapila Shankaran utsaaha@accglobal.net
% Latest update         : August 23, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Gita commentary by Adi Shankaracharya Chapters 2, 12..}##
\itxtitle{.. giitaa shaa.nkarabhaashhya adhyaaya 2 12..}##\endtitles ##
##
%filename=##''##Introduction.txt##''##
Encoded by Kapila Shankaran utsaaha\@accglobal.net
\medskip
\centerline{Introduction}
## shriimachChaN^karaachaaryavirachitaM shriimadbhagavadgiitaabhaaShyam.h .
OM namo bhagavate vaasudevaaya |
upaddhaataH
naaraayaNaH paro.avyaktaat.h aNDamavyaktasambhavam.h .
aNDasyaantastvime lokaaH saptadviipaa cha medinii ..

1\. sa bhagavaan.h sR^iShTvedaM jagat.h tasya cha sthiti chikiirShuH
mariichyaadiin.h agre sR^iShTvaa prajaapatiin.h pravR^ittilaxaNaM dharmaM
graahayaamaasa vedoktam.h . tataH anyaan.h cha sanakasanandanaadiin.h
utpaadya nivR^ittilaxaNaM dharmaM GYaanavairaagyalaxaNaM graahayaamaasa .
dvividho hi vedokto dharmaH \- pravR^ittilaxaNaH nivR^ittilaxaNashcha
jagataH sthitikaaraNam.h . praaNinaaM saaxAt.h abhyudayaniHshreyasahetuH
yH sa dharmaH braahmaNaadyaiH varNibhiH aashramibhiH shreyorthibhiH
anuShThiiyamaanaH . diirgheNa kaalena anuShThaatR^INaaM kaamodbhavaat.h
hiiyamaanavivekaviGYAnahetukena adharmeNa abhibhUyamAne dharme
pravadharmaane cha adharme jagataH sthiti paripipAlayiShuH saH aadikartA
nArAyaNAkhyaH viShNuH bhaumasya brahmaNaH braahmaNatvasya raxaNArtha
devakyAM vasudevAt.h a.nshena kR^iShNaH kila sambabhuuva .
braahmaNatvasya hi raxaNe raxitaH syaat.h vaidiko dharmaH tadadhiinatvaat.h
varNAshramabhedAnAm.h ..

2\. sa cha bhagavaan.h GYAnaishvaryashaktibalavIryatejobhiH sadA sampannaH
triguNaatmikaaM vaiShNaviiM svaaM mAyAM mUlaprakR^itiM vashIkR^itya ajaH
avyayaH bhuutAnAM IshvaraH nityashuddhabuddhamuktasvabhAvo.api san.h
svamAyayA dehavaan.h iva jaataH iva cha lokaanugrahaM kurvan.h laxyate .
svaprayojanAbhAve.api bhuutaanujighR^ixayA vaidikaM dharmadvyaM arjunAya
shokamohamahodadhau nimagnAya upadidesha guNAdhikaiH hi gR^ihItaH
anuShThIyamAnashcha dharmaH prachayaM gamiShyatIti . taM dharmaM
bhagavatA yathopadiShTaM vedavyAsaH sarvaGYaH bhagavAn.h gItAkyaiH
saptabhiH shlokashataiH upanibabandha ..

3\. tat.h idam.h gItAshAstraM samastavedArthasArasaN^grahabhUtaM
durviGYeyArthaM tadarthAviShkaraNAya anekaiH
vivR^itapadapadArthavAkyArthanyAyam.h api atyantaviruddhAnekArthatvena
lokikaiH gR^ihyamANaM upalabhya ahaM vivekataH arthanirdhAraNArthaM
sa.nxepataH vivaraNaM kariShyAmi ..

4\. tasya asya gItAshAstrasya sa.nxepataH prayojanaM paraM niHshreyasaM
sahetukasya sa.nsaarasya atyantoparamalaxaNam.h . tachcha
sarvakarmasa.nyAsapUrvakAt.h AtmaGYAnaniShThArUpAt.h dharmAt.h bhavati .
tathA imaM eva gItArthaM dharmaM uddishya bhagtavatA eva uktam.h \-

sa hi dharmaH suparyApto brahmaNaH padavedane . ##[##ma\. bhaa\. ashva\. 16\. 12\.##]##
iti anugItAsu . tatraiva cha uktam.h \-
naiva dharmI na chAdharmI na chaiva hi shubhAshubhI . ##[##ma\. bhA\.
ashva\. 19 \.7\.##]##
yaH syAdekAsena lInaH tUShNIM kiJNchidachintayan.h . ##[##ma\. bhA\. ashva\.
19 \. 1\.##]##
GYAnaM sanyAsalaxaNam.h ##[##ma\. bhA\. ashva\. 43 \. 25\.##]## iti cha .
ihApi cha ante uktaM arjunAya \-
sarvadharmAn.h pariytajya mAmekaM sharaNaM vraja . ##[##18\. 66\.##]## iti .

5\. abhudayaartho.api yaH pravR^ittilaxaNaH dharmaH varNaan.h
Ashramaa.nshcha uddishya vihitaH sa devAdisthAnaprAptihetuH api san.h
IshvarArpaNabuddhyA anuShThiiyamAnaH satvashuddhaye bhavati
phalAbhisandhivarjitaH . shuddhasatvasya cha
GYaananiShThaayogyatAprAptidvAreNa GYAnotpattihetutvena cha
niHshreyasahetutvam.h api pratipadyate . tathA chemam.h eva artham.h
abhisa.ndhAya vaxyati \- brahmaNyAdhAya karmANi ##[##5\. 10\.##]## yoginaH karma
kurvanti saN^gaM tyaktvAtmashuddhaye ##[##5\. 11\.##]##

6\. imaM dviprakAraM dharmaM niHshreyasaprayojanaM paramArthatatvaM cha
vAsudevAkhyaM parabrahmAbhidheyabhUtaM visheShataH abhivyaJNjayat.h
vishiShTaprayojanasambandhaabhidheyavat.h gItAshAstram.h . yataH
tadarthaviGYAne smastapuruShArthasiddhiH ataH tadvivaraNe yatnaH kriyate
mayaa ..

atra cha dhR^itaraaShTra uvaacha \- dharmaxetre ityaadi .  ##
\medskip
\hrule
## atha dvitiiyo.adhyaayaH |

11\.0 a atra dR^iShTvaa tu pANDavAnIkam.h ##[##1\. 2\.##]## iti aarabhya
yaavat.h na yotsya iti govindamuktvAtUShNIM babhuuva ha . ##[##1\.9\.##]##
ityetadantaH prANinaM
shokamohAdisa.nsArabIjabhUtadoShodbhavakAraNapradarshanArthatvena
vyAkhyeyaH granthaH . tathA hi \- arjuneta
rAjyaguruputramitrasuhR^itsvajanasa.nbandhibaandhaveShu ahaM eShAM mama ete
ityevaM bhrAntipratyayanimitasnehavichChedAdinimitau AtmanaH shokamohau
pradarshitau kathaM bhIShmamahaM sa.nkhye ##[##2\. 4\.##]## ityAdinA .
shokamohAbhyAM hi abhibhUtavivekaviGYAnaH svataH eva xatradharme yuddhe
pravR^ito.api tasmAt.h yuddhAt.h upararAma paradharmaM cha bhixAjIvanAdikaM
kartuM pravavR^ite . tathA cha sarvaprANinAM
shokamohAdidoShAviShTachetasAM svabhAvataH eva svadharmaparityAgaH
pratiShiddhasevA cha syAt.h . svadharme pravR^itAnAm.h api teShAM
vAN^manaH kAyAdInAM pravR^itiH phalAbhisandhipUrvikA eva sAhaN^kArA cha
bhavati . tatra evaM sati dharmAdharmopachayAt.h
iShTAniShTajanmasukhaduHkhaprAptilaxaNaH sa.nsAraH anuparataH bhavati .
ityataH sa.nsArabIjabhUtau shokamohau . tayoshcha
sarvakarmasa.nyAsapUrvakAt.h AtmaGYAnAt.h NAnyataH nivR^itiH iti tat.h
upadidixuH sarvalokAnugrahArthaM arjunaM nimitIkR^itya Aha bhagavAn.h
vAsudevaH \- ashochyAn.h ##[##2\. 11\.##]## itvAdi ..

11\.0 A\. atra kechit.h AhuH \- sarvakarmasa.nyAsapUrvakAt.h
AtmaGYAnaniShThAmAtrAt.h eva kevalAt.h kaivalyaM na prApyate eva . kiM
tarhi . agnihotrAdishrautasmartakarmasahitAt.h GYanAt.h kaivalyaprAptiH
iti karvAsu gItAsu nishchitaH arthaH iti . GYApakaM cha AhuH aysa
arthasya \- atha chetvamimaM dharmyaM sa.ngrAmaM na kariShyasi ##[##2 \. 33\.
##]## karmaNyevAdikAraste ##[##2 \. 47\.##]## kuru karvmaiva tasmAtvam.h ##[##4\. 15\.##]##
ityAdi . hi.nsAdiyuktatvAt.h vaidika karma adharmAya iti iyam.h api
AshaN^kA na kAryA . katham.h . xAtraM karma yuddhalaxaNaM
gurubhrAtR^iputrAdihi.nsAlaxaNaM atyantakrUram.h api svadharmaH iti kR^itvA
na adharmAya tadakaraNe cha \- tataH svadharmaM kItiM cha
hitvApApamavApsyasi . ##[##2 \. 33\.##]## iti bruvatA
yAvajjIvAdishrutichoditAnAM pashvAdihisAlaxaNAnAM cha karmaNAM prAgave na
adharmatvamiti sunishchitaM uktaM bhavati \- iti .

11\.0 i\. tat.h asat.h GYAnakarmaniShThayoH vibhAgavachanAt.h
buddhidvayAshrayayoH . ashocyAn.h ##[##\ 2\. 11\.##]## ityAdinA bhagavatA
yAvat.h svadharmamapi chAvexya ##[##2 \. 31\.##]## ityetadantena granthena
yatparamrthAtmatatvanirUpaNaM kR^itam.h tat.h sA.nkhyam.h . tadviShayA
buddhiH AtmanaH janmAdiShaDvikriyAbhAvAt.h akartA AtmA iti
prakaraNArthanirUpaNAt.h yA jAyate sA sA.nkhyabuddhiH . sAyeShAM GYAninAM
uchitA bhavati te sA.nkhyAH . etasyAH buddheH janmanaH prAk.h AtmanaH
dehAdivyatiriktatvakartR^itvabhoktR^itvAdyapexaH dharmAdharma
vivekapUrvakaH moxasAdhanAnuShThAnalaxNaH yogaH . tadviShayA buddhih
yogabuddhiH . sAyeShAM karmiNA uchitAbhavti te yoginaH . tathA cha
bhagavatA vibhakte dve buddhI nirdiShTe eShA eShA te.abhihitA sA.nkhye
buddhiryoge tvimAM shR^iNu . ##[##2\. 39\.##]## iti . tayoshcha
sAN^khyabuddhyAshrayAM GYAnayogena niShThAM sAN^khyAnAM vibhaktAM vaxyati
purA vedAtmanA mayA proktA ##[##3 \. 3\.##]## iti . tathA cha
yogabuddhyAshrayAM karmayogena niShThAM vibhaktAM vaxyati \- karmayogena
yoginAm.h ##[##3\. 3\.##]## iti . evaM sAN^khyabuddhiM yogabuddhiM cha
Ashritya dve niShThe vibhakte bhagavtA eva ukte GYAnakarmaNoH
kartR^itvAkartR^itvikatvAne katvabuddhyAshrayayoH yugapat.h
ekapuruShAshrayatvAsa.nbhavaM pashyatA .

11\.0 I\. tathA etat.h vibhAgavachanaM tathaiva darshitaM shAtapathIye
brAhmaNe \- etameva pravrAjino lokamichChaanto brAhmaNAH pravrajanti iti
sarvakarmasa.nyAsM vidhAya tachCheSheNa kiM prajayA kariShyAmo yeShAM
no.ayamAtmA.ayaM lokaH ##[##bR^i \. u\. 4\. 4\. 22\.##]## iti . tatraiva ch
prAk.h dAraparigrahAt.h puruShaH AtmA prAkR^itaH dharmajiGYAsotarakAlaM
lokatrayasAdhanaM \- putraM dviprakAraM cha vitaM \- mAnuShaM daivaM cha \;
tatra mAnuShaM karmarUpaM pitR^ilokaprAptisAdhanaM vidyAM cha daivaM vitaM
devalokaprAptisAdhanaM so.akAmayata iti avidyAkAmavataH eva sarvANi karmANi
shrautAdIni darshitAni . tebhyaH \##(## vyutthAya pravrajanti iti \##)##
vyutthAnaM AtmanaM eva lokaM ichChataH akAmasya vihitam.h . tadetat.h
vibhAgavachanaM anupapannaM syAt.h yadi shrautakarmaGYAnayoH samuchchayaH
abhipreta syAt.h bhagavataH ..

11\.0 u\. na cha rjunasya prashnaH upapannaH bhavati jyAyasI
chetkarmaNaste ##[##3\. 1\.##]## ityAdiH . ekapuruShAnuShTheyatvAsa.nbhavaM
buddhikarmaNoH bhagavatA pUrvaM anuktaM kathaM arjunaH ashrutaM buddheshcha
karmaNaH jyAyastvaM bhagavati adhyAropayet.h mR^iShaiva jyAyasI
chetkarmaNaste matAbuddhiH ##[##3\. 1\.##]## iti ..

11\.0 U\. kiJNcha \- yadi buddhikarmaNoH sarveShAM smuchchayaH uktaH
syAt.h arjunasyApi saH uktaH eva iti yachChreya etayorekaM tanme brUhi
sunishcitam.h ##[##5 \. 1 \.##]## iti kathamubhayoH upadeshe sati
anyataraviShayaH eva prashnaH syAt.h . na hi pitaprashamanArthinaH
vaidyena madhuraM shItaM cha bhoktavyamiti upadiShTe
tayoranyataratpitaprashamanakAraNaM brUhi iti prashnaH sa.nbhavati . atha
arjunasya bhagavaduktavachanArthavivekAnavadhAraNanimitaH prashnaH kalpyate
tathA.api bhagavatA prashnAnurUpaM prativachanaM deyaM mayA buddhikarmaNoH
samuchchayaH uktaH kimartham.h itthaM tvaM bhrAnto.asi iti . na tu punaH
prativachanamananurUpaM pR^iShTAt.h anyat.h eva dve niShThe mayA purA
prokte ##[##3\. 3\.##]## iti vaktuM yuktam.h  .

11\.0 R^i\. nApi smArtenaiva karmaNA buddheH samuchchaye.abhiprete
vibhAgavachanAdi sarvam.h upapannaM ki.ncha xatriyasya yuddhaM smArtaM
karma svadharma iti jAnataH tatkiM karmaNi ghore mAM niyojayasi ##[##3\. 1\.##]##
iti upAlambhaH anupapannaH .

11\.0 R^I\. tasmAdgItAshAstre IShanmAtreNApi shrautena smArtena vA
karmaNA.a.atmaGYAnasya samuchchayaH na kenachiddarshayituM shakyaH .

11\. L^i\. yasya tu aGYAnAdrAgAdidoShato vAkarmaNi pravR^itasya yaGYena
dAnena tapasA vA vishuddhasatvasya GYAnamutpannaM paramArthatatvaviShayaM
ekamevedaM sarvaM brahma akartR^i cha iti tasya karmaNi karmaprayojane cha
nivR^ite.api lokasa.ngrahArthaM yatnapUrvaM yathA pravR^itiH tathaiva
karmaNi pravR^itasya yatpravR^itirUpaM dR^ishyate na tatkarma yena buddheH
samuchchayaH syAt.h . yathA bhagavataH vAsudevasya xAtradharmacheShTitaM
na GYAnena samuchchIyate puruShArthasiddhayeH
tadvatatphalAbhisa.ndhyaha.nkArAbhAvasya tulyatvAt.h viduShaH . tatvavitu
na ahaM karomi iti manyate na cha tatphalam.h abhisa.ndhate . yathA cha
svargAdikrAmArthinaH agnihotrAdikAmasAdhanAnuShThAnAya AhitAgneH kAmye eva
agnihotrAdau pravR^itasya sAmikR^ite vinaShTe.api kAme tadeva agnihotrAdi
anutiShThato.api na tatkAmyam.h agnihotrAdi bhavati . tathA cha
darshayati bhagavAn.h kurvannapi na lipyate ##[##5\. 7\.##]## na kaaroti na
lipyate ##[##13 \. 31\.##]## iti tatra tatra . yachcha pUrvaiH pUrvataraM
kR^itam.h ##[##4 \. 15\.##]## karmaNaiva hi sa.nsiddhimAsthitA janakAdayaH ##[##3\.
20\.##]## iti tatu pravibhajya viGYeyam.h . tatkatham.h . yadi tAvatpUrve
janakAdayaH tatvavidaH api pravR^ittakarmANaH syuH te lokasa.ngrahArthaM
guNA guNeShu vartante ##[##3\. 28\.##]## iti GYAnenaiva sa.nsiddhim.h AsthitAH na
karmasa.nyAsaM kR^itavantaH ityarthaH . atha na te tatvavidaH \-
Ishvarasamarpitena karmaNA sAdhanabhUtena sa.nsiddhiM satvashuddhiM
GYAnotpatilaxaNAM vA sa.nsiddhimAsthitAH janakAdayaH iti vyAkhyeyam.h .
etameva arthaM vaxyati bhagavAn.h satvashuddhaye karma kurvanti ##[##5\. 11\.
##]## iti . svakarmaNA tamabhyarchya siddhiM vindati mAnavaH ##[##18\. 46\.##]##
ityuktvA siddhiM prAptasya cha punaH GYAnaniShThAM vaxyati siddhiM prApto
yathA brahma ##[##15\. 50\.##]## ityAdinA . tasmAt.h gItAshAstre kevalAt.h eva
tatvaGYAnAt.h moxaprAptiH na karmasamuchchitAt.h iti nishchitaH arthaH .
yathA cha ayaM arthaH tathA prakaraNashaH vibhajya tatra tatra
darshayiShyAmaH ..

11\.0 L^I\. tatra evaM dharmasambbUdhachetasaH mithyAGYAnavataH mahati
shokasAgare nimagnaysya arjunasya anyatra AtmaGYAnAt.h uddharaNaM
apashyan.h bhagavAn.h vAsudevaH tataH kR^ipayA arjunaM uddidhArayiShuH
AtmaGYAnAya avatArayan.h Aha \-

11\.1 ashocyAn.h ityAdi .. na shochyAh ashochyAH bhIShmadorNAdayaH
sadvR^itatvAt.h paramArthasvarUpeNa cha nityatvAt.h . tAn.h ashochyAn.h
anvashochaH anushochitavaan.h asi te mriyante mannimitaM ahaM taiH
vinAbhUtaH kiM kariShyAmi rAjyasukhAdinA iti . tvaM praGYAvAdAn.h
praGYAvatAM buddhimataM vAdAn.h cha vachanAni cha bhAShase . tadetat.h
mauDhyaM pANDityaM cha viruddhaM Atmani darshayasi unmataH iva iti
abhiprAyaH yasmAt.h gatAsUn.h gataprANAt.h mR^itAn.h agatAsUn.h
agataprANAn.h jIvataH cha na anushochanti paNDitAH AtmaGYAH . paNDA
AtmaviShayA buddhiH yeShAM te hi paNDitAH pANDItyaM nirvedya ##[##bR^i\. u\.
3\. 5\. 1\.##]## iti shruteH . paramArthatastu tAn.h nityAn.h ashochyAn.h
anushochasi ataH mUDhaH asi iti abhiprAyaH ..

12\.0 kutaH te ashocyA . yatazH nityAH . katham.h .

12\.1 na tu iti .. na tu eva jAtu kadAchit.h ahaM na Asa.m kintu Asam.h
eva .. atIteShu dehotpativinAsheShu ghaTAdiShu viyad.h iva nityaH eva
ahaM AsaM iti abhiprAyaH . tathA \- na tvaM na AsIH kiM tu AsIH eva .
tathaa \- na ime janAdhipAH na Asan.h kiM tu Asan.h eva . tathA na cha
eva na bhaviShyAmaH kiM tu bhaviShyAmaH eva sarve vayaM ataH asmAt.h
dehavinAshAt.h paraM utarakAle.api . triShvapi kAleShu nityAH
AtmasvarUpeNa ityarthaH . dehabhedAnuvR^ityA bahuvachanam.h na
AtmabhedAbhiprAyeNa .

13\.0  tatra kathamiva nityaH AtmA iti . dR^iShTAntaM Aha \-

13\.1 dehinaH iti .. dehaH asya asti iti dehI tasya dehinaH dehavataH
AtmanaH asmin.h vartamAne dehe yathA yena prakAreNa kaumAraM kumArabhAvaH
bAlyAvasthA yauvanaM yUnaH bhAvaH madhyamAvasthA jarA vayohAniH jIrNAvasthA
iti etaH tisraH avasthAH anyonyavilaxaNAH . tAsAM prathamAvasthAnAshe na
nAshaH dvitIyAvasthopajanane na upajananaM AtmanaH . kiM tarhi .
avikriyasya eva ekasya dvitIyatR^itIyAvasthAprAptiH AtmanaH dR^iShTA .
tathA tadvat.h eva dehAt.h anyaH dehaH dehAntaraM tasya prAptiH
dehAntaraprAptiH avikR^iyasya eva AtmanaH ityarthaH . dhIrAH dhImAn.h
tatra evaM sati na muhyati na mohaM Apadyate ..

14\.0 yadyapi AtmavinAshanimitaH mohaH na sa.nbhavati nityaH AtmA iti
vijAnataH tathApi shItoShNasukhaduHkhaprAptinimitaH mohaH laukikaH
dR^ishyate sukhaviyoganimito mohaH duHkhasa.nyoganimitashcha shokaH .
ityetat.h arjunasya vachanaM AshaN^kya bhagavAn.h Aha \-

14\.1 mAtrAsparshAH iti .. mAtrAH AbhiH mIyante shabdAdayaH iti
shrotrAdIni indriyANi . mAtrANAM sparshAH shabdAdibhiH sa.nyogAH . te
shItoShNasukhaduHkhadAH shItaM uShNaM sukhaM duHkhaM cha prayachChantIti .
athavA \- spR^ishyante iti sparShAH viShayAH shabdAdayaH mAtrAshcha
sparshAshcha shItoShNasukhaduHkhadAH \- shItaM kadAchit.h sukhaM kadAchit.h
duHkham.h . tathA uShNam.h api aniyatasvarUpam.h . sukhaduHkhe punaH
niyatarUpatAM na vyabhicharataH . ataH tAbhyAM pR^ithak.h shItoShNayoH
grahaNam.h . yasmAt.h te mAtrAsparshAdayaH AgamApAyinaH AgamApAyashIlAH
tasmAt.h anityAH . ataH tAn.h shItoShNAdIn.h titixasva prasahasva .
teShu harShaM viShAdaM vA mA kArShIH ityarthaH ..

15\.0 shItoShNAdIn.h sahataH kiM syAt.h iti . shR^iNu \-

15\.1 yaM hi iti .. yaM hi puruShaM samaduHkhasukhaM same duHkhasukhe
yasya taM samaduHkhasukhaM sukhaduHkhaprAptau harshaviShAdarahitaM dhIraM
dhImantaM na vyathayanti na chAlayanti nityAtmadarshanAt.h ete yathoktAH
shItoShNAdayaH saH nityAtmasvarUpadarshananiShThaH dvandvasahiShNuH
amR^itatvAya amR^itabhAvAya moxAya kalpate samarthaH bhavati ..

16\.0 itashcha shokamohau akR^itvAshItoShNAdisahanaM yuktaM yasmAt.h \-

16\.1 nAsataH iti .. na asataH avidyamAnasya shItoShNAdeH sakAraNasya na
vidyate nAsti bhAvo bhavanaM astitA ..

na hi shItoShNAdi sakAraNaM pramANaiH nirUpyamANaM vastu sat.h bhavati .
vikAro hi saH vikArashcha vyabhicharati . yathA ghaTAdisa.nsthAnaM
chaxuShAnirUpyamANaM mR^idvyatirekeNa anupalabdheH asat.h tathA sarvo
vikAraH kAraNavyatirekeNa anupalabdheH asan.h . janmapradhva.nsAbhyAM
prAk.h UrdhvaM cha anupalabdheH kAryasya ghaTAdeH mR^idAdikAraNasya cha
tatkAraNavyatirekeNa anupalabdheH asatvam.h .. tadastve
sarvAbhAvaprasaN^gaH iti chet.h \- na sarvatra buddhidvayopalabdheH
sadbuddhiH asadbuddhiH iti . yadviShayA buddhiH na vyabhicharati tat.h
sat.h yadviShayA vyabhicharati tat.h asat.h iti sadasadvibhAge buddhitantre
sthite sarvatra dve buddhI sarvaiH upalabhyete samAnAdhikaraNe na
nIlotpalavat.h san.h ghaTaH san.h paTaH san.h hastI iti . evaM sarvatra .
tayoH buddhyoH ghaTAdibuddhiH vyabhicharati . tathA cha darshitam.h .
na tu sadbuddhiH . tasmAd.h ghaTAdibuddhiviShayaH asan.h vyabhichArAt.h
na tu sadbuddhiviShayaH avyabhichArAt.h ..

16\.2 ghaTe vinaShTe ghaTabuddhau vyabhicharantyAM sadbuddhiH api
vyabhicharati iti chet.h \- na paTAdau api sadbuddhidarshanAt.h .
visheShaNaviShayA eva sA sadbuddhiH .. sadbuddhivat.h ghaTabuddhiH api
ghaTAntare dR^ishyate iti chet.h \- na paTAdau adarshanAt.h ..
visheShaNaviShayA eva sA sadbuddhiH .. sadbuddhivat.h ghTabuddhiH api
ghaTAntare dR^ishyate iti chet.h na paTAdau adarshanAt.h .. sadbuddhiH
api naShTe ghaTe na dR^ishyate iti chet.h na visheShyAbhAvAt.h .
sadbuddhiH visheShaNaviShayA satI visheShyAbhAve visheShaNAnupapatau
ki.nviShayA syAt.h . na tu punaH sadbuddheH viShayAbhAvAt.h .

16\.3 ekAdhikaraNatvaM ghaTAdivisheShyAbhAve na yuktamiti chet.h \- na
idaM udakam.h iti marIchyAdau anyatarAbhAve.api sAmAnAdhikaraNyadarshanAt.h .
tasmAt.h dehAdeH dvandvasya cha skAraNasya asataH na vidyate bhAvaH iti .
tathA satH cha AtmanaH abhAvaH avidyamAnatA na vidyate sarvatra
avyabhichArAt.h iti avochAma . evaM AtmAnAtmanoH sadasatoH ubhayoH api
dR^iShTaH upalabdhaH antaH nirNayaH sat.h sadeva asat.h asadeva iti tu
anayoH yathoktayoH tatvadarshibhiH .

16\.4 tat.h iti sarvanAmaH sarvaM cha brahma . tasya nAma tat.h iti
tadbhAvaH tatvaM brahmaNaH yAthAtmyam.h . tat.h draShTiM shIlaM yeShAM te
tatvadarshinaH tauH tatvadarshibhiH . tvamapi tatvadarshinAM dR^iShTiM
Ashritya shokaM mohaM cha hitvA shItoShNAdIni niyatAni yatarUpANi
dvandvAni vikAro.ayamasan.h eva marIchijalavat.h mithyA avbhAsate \- iti
manasi nishchitya titixasva iti abhiprAyaH ..

17\.0 kiM punaH tat.h yat.h sat.h eva sarvadA iti . uchyate \-

17\.1 avinAshi iti .. avinAshi na vinaShTuM shIlaM asya iti . tu
shabdaH asataH visheShaNArthaH . tat.h viddhi vijAnIhi . kim.h . yena
sarvaM idaM jagat.h tat.h vyAptaM sadAkhyena brahmaNA sAkAshaM AkAshena eva
ghaTAdayaH . vinAshaM adarshanaM abhAvam.h . avyayasya na vyeti
upachayApachayau na yAti iti avyayaM tasya avyayasya .

17\.2 na etat.h sadAkhyaM brahma svena rUpeNa vyeti vyabhicharati
niravayavatvAt.h dehAdivat.h . nApi AtmIyena AtmIyAbhAvAt.h . yathA
devadattaH dhanahAnyA vyeti ta tu evaM brahma vyeti . ataH avyayasya asya
brahmaNaH vinAshaM na kashcit.h artuM arhati na kashchit.h AtmAnaM
vinAshayituM shaknoti Ishvaro.api . AtmA hi brahmaH svAtmani cha
kriyAvirodhAt.h ..

18\.0 kiM punaH tat.h asat.h yat.h svAtmasatAM vyabhicharati iti .
uchyate \-

18\.1 antavantaH iti .. antaH vinAshaH vidyate yeShAM te antavantaH .
yathA mR^igatR^iShNikAdau sadbuddhiH anuvR^ittA pramANavirUpaNAnte
vichChidyate sa tasya antaH tathA ime dehAH svapnamAyAdehAdivachcha
antavantaH nityasya sharIriNaH sharIravataH anAshinaH aprameyasya AtmanaH
antavanta iti uktAH vivekibhiH ityarthaH . nityasya anAshinaH iti na
punaruktam.h . nityatvasya dvividhatvAt.h loke nAshasya cha . yathA
dehaH bhasmIbhUtaH adarshanaM gataH naShTaH uchyate . tatra nityasya
anAshinaH iti dvividhenApi nAshena asa.nbaddhasya ityarthaH . anyathA
pR^ithivyAdivat.h api nityatvaM syAt.h AtmanaH tat.h mA bhUt.h iti nityasya
anAshinaH ityAha .

18\.2 aprameyasya na prameyasya pratyaxAdipramANaiH aparichChedyasya
ityarthaH . nanu Agamena AtmA parichChidyate pratyaxAdinA cha pUrvam.h .
na AtmanaH svataHsiddhatvAt.h . siddhe hi Atmani pramAtari pramitsoH
pramANAnveShaNA bhavati . na hi pUrvaM itthaM ahaM iti AtmAnaM apramAya
pashchAt.h prameyaparichChedAya pravartate . na hi AtmA nAma kasyachit.h
aprasiddhaH bhavati . shAstraM tu antyaM pramANaM
ataddharmAdhyAropaNamAtra nivartakatvena prAmANyaM AtmanaH pratipadyate na
tu aGYAtArthaGYApakatvena . tathA cha shrutiH \- yat.h sAxAdaparoxAd.h
brahma ya AtmA sarvAntaraH ##[##bR^i\. u\. 3\. 4\. 1\.##]## iti ..

18\.3 yasmAt.h evaM nityaH avikriyashcha AtmA tasmAt.h yudhyasva yuddhAt.h
uparamaM mA kArShIH ityarthaH ..

na hi atra yuddhakartavyatA vidhIyate yuddhe pravR^itaH eva hi asau
shokamohapratibaddhaH tUShNIM Aste . ataH tasya 
kartavyapratibandhApanayanamAtraM bhagavatA kriyate . tasmAt.h 
yudhyasva iti anuvAdamAtraM na vidhiH ..

19\.0 shokamohAdisa.nsArakAraNanivR^ityarthaM gItAshAstraM na pravartakaM
iti etasya arthasya sAxibhUte R^Ichau ##[##kaTha\. u\. 2\. 18\. 19\.##]## AninAya
bhagavAn.h .. yatu manyase yuddhe bhIShmAdayaH mayA hanyante aham.h eva
teShAM hantA iti eShA buddhiH mR^iShaiva te . katham.h \-

19\.1 ya enaM iti .. yaH enaM prakR^itaM dehinaM vetiH vijAnAti hantAraM
hananakriyAyAH kartAraM yaH cha enaM anyaH manyate hataM dehahananena hataH
aham.h iti hananakriyAyAH karmabhUtaM tau ubhau na vijAnItaH na GYAtavantau
avivekena AtmAnam.h . hantA ahaM hataH asmi aham.h iti dehahananena
AtmAnaM aha.npratyayaviShayaM yau vijAnItaH tau AtmasvarUpAnabhiGYau
ityarthaH. yasmAt.h na ayaM AtmA hanti na hananakriyAyAH kartA bhavati na
hanyate na cha karma bhavatItyarthaH avikriyatvAt.h ..

20\.0 kathaM avikriyaH AtmA iti dvitIyaH mantraH \-

20\.1 na jAyate iti . na jAyate na utpadyate janilaxaNA vastuvikriyA na
AtmanaH vidyate ityarthaH . tathA na mriyate vA . vAshabdaH chArthe .
na mriyate cha iti antyA vinAshalaxaNA vikriyA pratiShiddhyate .
kadAchit.h shabdaH sarvavikriyApratiShedhauH sa.nbaddhyate \- na kadAchit.h
jAyate na kadAchit.h mriyate ityevam.h . yasmAt.h ayaM AtmAbhUtvA
bhavanakriyAM anubhUya pashchAt.h abhivitA abhAvaM gantA na bhUyaH punaH
tasmAt.h na mriyate . yo hi bhUtvA na bhavitA sa mriyate iti uchyate loke .
vAshabdAt.h nashabdAchcha ayaM AtmA abhUtvA vA bhavitA dehavat.h na
bhUyaH punaH . tasmAt.h na jAyate . yo hi abhUtvA bhavitA sa jAyate iti
uchyate . naivaM AtmA . atH na jAyate . yasmAt.h evaM tasmAt.h ajaH .
yasmAt.h na mriyate tasmAt.h nityaH cha .

20\.2 yadyapi AdyantayoH vikriyayoH pratiShedhe sarvAH vikriyAH
pratiShiddhAH bhavanti tathApi madhyabhAvinInAM vikriyANAM svashabdaiH eva
tadaarthaiH pratiShedhaH kartavyaH iti anuktAnAM api
yauvanAdisamastavikriyANAM pratiShedhaH yathA syAt.h ityAha \- shAshvataH
ityAdinA . shAshvataH iti apaxayalaxaNA vikriyA pratiShiddhyate .
shashvadbhavaH shAshvataH . na apaxIyate svarUpeNa niravayavatvAt.h .
nirguNatvAt.h cha nApi guNaxayeNa apaxayaH . apaxayaviparItA api
vR^iddhilaxaNA vikriyA pratiShiddhyate purANaH iti . yo hi avayavAgamena
upachIyate sa vardhate abhinavaH iti cha uchyate . ayaM tu AtmA
niravayavatvAt.h purA api navaH eva iti purANaH na vardhate ityarthaH .
tathA na hanyate . hantiH atra vipariNAmArtho draShTavyaH apunaruktatayai .
na vipariNamyate ityarthaH . hanyamAne vipariNamyamAne.api sharIre .
asmin.h mantre ShaD.h bhAvavikArAH laukikavastuvikriyAH Atmani
pratiShiddhyante . sarvaprakAravikriyArahitaH AtmA iti vAkyArthaH .
yasmAt.h evaM tasmAt.h ubhau tau na vijAnItaH ##[##2 \. 19\.##]## iti pUrveNa
mantreNa asya sa.nbandhaH ..

21\.0 ya enaM veti hantAram.h ##[##2\. 19\.##]## ityanena mantreNa
hananakriyAyAH kartA karma cha na bhavati iti pratiGYAya na jAyate ityanena
avikriyatve hetuM uktvA pratiGYAtArthaM upasa.nharati \-

21\.1 vedAvinAshinaM iti . veda vijAnAti avinAshinaM
antyabhAvavikArarahitaM nityaM vipariNAmarahitaM yaH veda iti sambandhaH .
enaM pUrveNa mantreNa uktalaxaNaM ajaM janmarahitaM avyayaM apaxayarahitaM
kathaM kena prakAreNa saH vidvAn.h puruShaH adhikR^itaH hanti hananakriyAM
karoti . kathaM vA ghAtayati hantAraM prayojayati . na katha.nchit.h
ka.nchit.h hanti na katha.nchit.h ki.nchit.h ghAtayati iti ubhayatra AxepaH
eva arthaH prashnArthA sa.nbhavAt.h . hetvarthasya cha avikriyatvasya
tulyatvAt.h viduShaH sarvakarmapratiShedhaH eva prakaraNArthaH abhipretaH
bhagavataH . hanteH tu AxepaH udAharaNArthatvena kathitaH ..

21\.2 viduShaH kaM karmAsa.nbhave hetuvisheShaM pasyan.h karmANi Axipati
bhagavAn.h kathaM sa puruShaH iti . nanu uktaH eva AtmanaH avikriyatvaM
sarvakarmAsa.nbhavakAraNavisheShaH . satyaM uktaH . na tu saH
kAraNavisheShaH anyatvAt.h viduShaH avikriyAt.h AtmanaH iti . na hi
avikriyaM sthANuM viditavataH karma na sambhavati iti chet.h \- na viduShaH
AtmatvAt.h . na dehAdisa.nghAtasya didvattA . ataH pArisheShyAt.h
asa.nhataH AtmAvidvAn.h avikriyaH iti tasya viduShaH karmAsa.mbhavAt.h
AxepaH yuktaH kathaM sa puruShaH iti .

21\.3 yathA buddhyAdyAhR^itasya shabdAdyarthasya avikriyaH eva san.h
buddhivR^ityavivekaviGYAnena avidyayA upalabdhA AtmA kalpyate evaM eva
AtmAnAtmavivekaGYAnena buddhivR^ItyA vidyayA \- asatyarUpayA eva
paramArthataH avikriyaH eva AtmA vidvAn.h uchyate . viduShaH
karmAsa.nbhavavachanAt.h yAni karmANi shAstreNa vidhIyante tAni aviduShaH
vihitAni iti bhagavataH nishchayo.avagamyate ..

21\.4 nanu vidyApi aviduShaH eva vidhIyate viditvidyasya
piShTapeShaNavat.h vidyAvidhAnAnarthakyAt.h . tatra aviduShaH karmANi
vidhIyante na viduShaH iti visheShaH na upapadyate iti chet.h \- na .
anuShTheyasya bhAvAbhAvavisheShopapateH . agnihotrAdi
vidhyarthaGYAnotarakAlaM agnihotrAdikarma anekasAdhanopasa.nhArapUrvakaM
anuShTheyaM kartA ahaM mama kartavyam.h ityeva.nprakArakaviGYAnavataH
aviduShaH yathA anuShTheyaM bhavati na tu tathA na jAyate
ityAdyAtmasvarUpavidhyarthaGYAnotarakAlabhAvi kiJNchit.h anuShTheyaM
bhavati kintu nAhaM kartA nAhaM bhoktA
ityAdyatmaikatvAkartR^itvAdiviShayaGYAnAt.h anyat.h na utpadyate iti eShaH
visheShaH upapadyate . yaH punaH kartA ahaM iti veti AtmAnaM tasy mama
idaM kartavyam.h iti avashya.nbhAvinI buddhiH syAt.h tadapexayA saH
adhikriyate iti taM prati karmANi sa.nbhavanti . sa cha avidvAn.h ubhau
tau na vijAnItaH ##[##2\. 19\.##]## iti vachanAt.h visheShitasya cha viduShaH
karmAxepavachanAt.h cha kathaM sa puruShaH iti . tasmAt.h visheShitasya
avikriyAtmadarshinH viduShaH mumuxoshcha sarvakarmasa.nyAse eva adhikAraH .
ataH eva bhagavAn.h nArAyaNaH sA.ndhyAn.h viduShaH aviduShashcha
karmiNaH pravibhajya dve niShThe grAhayati \- GYAnayogena sA.nkhyAnAM
karmayogena yoginAm.h ##[##3\. 3\.##]## iti . tathA cha putrAya Aha bhagavAn.h
vyAsaH \- dvAvimAvatha panthAnau ##[##ma\. bhA\. shA.nti 240\. 6\.##]## ityAdi .
tathAcha kriyApathashcaiva purastAt.h pashchAt.h sa.nyAsasashcha ##[##tau\.
A\. 10\. 62\. tAtparyAnuvAdaH . tulaya \- I\. u\. 2\. bhAShyaM tathA
ke\. u\. 1\. bhAshyam.h##]## iti . etameva vibhAgaM punaH punaH
darshayiShyati bhagavAn.h \=3D atatvavit.h aha.nkAravimUdhAtmA kartAhamiti
manyate tatvavit.h tu na ahaM karomi ##[##3\. 27 \- 28##]## iti . tathA cha
sarvakarmANi manasA sa.nyasyAste ##[##5\. 13\.##]## ityAdi ..

21\.5 tatra kechit.h paNDitamanyAH vadanti \-
janmAdiShaDbhAvavikriyArahitaH avikriyaH akartA ekaH ahaM AtmA iti na
kasyachit.h GYAnaM utpadyate yasmin.h sati sarvakarmasa.nyAsaH upadishyate
iti . tat.h na; na jAyate ityAdishAstropadeshAnarthakyaprasaN^gAt.h .
yathA cha shAstropadeshasAmarthyAt.h dharmAdharmAstitvaviGYAnaM kartushcha
dehAntarasa.nbandhaviGYAnaM utpadyate tathA shAstrAt.h tasya eva AtmanaH
avikriyatvAkartR^itvaikatvAdiviGYAnaM kasmAt.h na utpadyate iti praShTavyAH
te . karaNAgocharatvAt.h iti chet.h \- na manasaivAnukraShTavyam.h ##[##
bR^i\. u\. 4\. 4\. 19\.##]## iti shruteH . shAstrAchAryopadeshshamadamAdi
sa.nskR^itaM manaH Atmadarshane karaNam.h . tathA cha tadadhigamAya
anumAne Agame cha sati GYAnaM na utpadyate iti sAhasamAtraM etat.h ..

21\.6 GYAnaM cha utpadyamAnaM tadviparItaM aGYAnaM avashyaM bAdhate iti
abhyupagantayvam.h . tat.h cha aGYAnaM darshitaM hantA ahaM hataH asmi
iti ubhau tau na vijAnItaH ##[##2\. 19\.##]## iti . atra cha AtmanaH
hananakriyAyAH kartR^itvaM karmatvaM hetukartR^itvaM cha aGYAnakR^itaM
darshitam.h . tat.h cha sarvakriyAsu api samAnaM kartR^itvAdeH
avidyAkR^itatvaM avikriyatvAt.h AtmanaH . vikriyAvAn.h hi kartA AtmanaH
karmabhUtaM anyaM prayojayati kuru iti \- tat.h etat.h avisheSheNa viduShaH
sarvakriyAsu kartR^itvaM hetukartR^itvaM cha pratiShedhati bhagavAn.h
vAsudevaH viduShaH karmAdhikArAbhAvaprdarshanArtha vedAvinAshinaM kathaM sa
puruShaH ityAdinA .

21\.7 kva punaH viduShaH adhikAraH iti . etat.h uktaM pUrvameva
GYAnayogena sA.nkhyAnAm.h ##[##3\. 3\.##]## iti . tathA cha sarvakarmasa.nyAsaM
vaxyati sarvakarmANi manasA ##[##5\. 13\.##]## ityAdinA .
nanu manasA iti vachanAt.h na vAchikAnAM kAyikAnAM cha sa.nyAsaH iti chet.h
\- na sarvakarmANi iti visheShitatvAt.h . mAnasAnAM eva sarvakarmaNAM iti
chet.h \- na manovyApArapUrvakatvAt.h vAkkAyavyApArANAM manovyApArAbhAve
tadanupapateH . shAstrIyANAM vAkkAyakarmaNaM kAraNani mAnasAni karmANi
varjayitvAanyAni sarvakarmANi manasAsa.nyAsya iti chet.h \- na naiva
kurvanna kArayan.h ##[##5\. 13\.##]## iti visheShaNAt.h . sarvakarmasa.nyAsaH
ayaM bhagavatA uktaH mariShyataH na jIvataH iti chet.h \- na navadvAre
pure dehI \.\.\. Aste ##[##5\. 13\.##]## iti visheShaNAnupapateH . na hi
sarvakarmasa.nyAsena mR^itasya taddehe AsanaM sa.nbhavati . akurvataH
akArayatashcha dehe sa.nyasya iti sa.nbandhaH na dehe Aste iti chet.h \- na
sarvatra AtmanaH avikriyatvAvadhAraNAt.h AsanakriyAyAH cha
adhikaraNApexatvAt.h tadanapexatvAt.h cha sa.nyAsasya . saMpUrvastu
nyAsashabdaH atra tyAgArthaH na nixepArthaH . tasmAt.h gItAshAstre
AtmaGYAnavtaH sa.nyAsa eva adhikAraH na karmaNi iti tatra tatra
upariShTAt.h AtmaGYAnaprakaraNe darshayiShyAmaH ..

22\.0 prakR^itaM tu vaxyAmaH . tatra AtmanaH avinAshitvaM pratiGYAtam.h .
tat.h kimiva iti . uchyate \-

22\.1 vAsA.nsi iti . vAsA.nsi vastrANi jIrNAni durbalatAM gatAni yathA
loke vihAya parityajya navAni abhinavAni gR^ihNAti upAdate naraH puruShaH
aparANi anyAni tathA tadvat.h eva sharIrANi vihAya jIrNAni anyAni sa.nyAti
sa.ngachChati navAni dehI AtmA puruShavat.h avikriyaH eva ityarthaH .. 22 ..

23\.0 kasmAt.h avikriya eveti . aaha \-

23\.1 nainaM Chindanti iti .. enaM krakR^itaM dehinaM na Chindanti
shastrANi niravayavatvAt.h na avayavavibhAgaM kurvanti . shastrANi
asyAdIni . tathA na enaM dahati pAvakaH agniH api na bhasmIkaroti .
tathA \- na cha enaM kledayanti ApaH . apAM hi sAvayavasya vastunaH
ArdrIbhAvakaraNena avayavavishleShApAdane sAmarthyam.h . tat.h na
niravayave Atmani sa.nbhavati . tathA snehavat.h dravyaM snehashoShaNena
nAshayati yataH evaM tasmAt.h \-

24\.1 achChedyo.ayaM iti .. yasmAt.h anynyanAshahetUni bhUtAni enaM
AtmAnaM nAshayituM na utsahante tasmAt.h nityaH . nityatvAt.h sarvagataH .
sarvagatatvAt.h sthANuH iva sthiraH ityetat.h . sthiratvAt.h achalaH
ayaM AtmA ataH sanAtanaH chirantanaH na kAraNAt.h kutashcit.h niShpannaH
abhinavaH ityarthaH .

24\.2 na eteShaM shlokAnAM paunaruktyaM chodanIyam.h yataH ekena eva
shlokena AtmanaH nityatvaM avikriyatvaM choktam.h na jAyate mriyate vA
ityAdinA . tatra yadeva AtmaviShayaM kiJNchit.h uchyate tat.h etasmAt.h
shlokArthAt.h na atirichyate kiJNchit.h shabdataH punaruktaM kiJNchit.h
arthataH iti . durbodhatvAt.h AtmavastunaH punaH punaH prasaN^gaM ApAdya
shabdAntareNa tadeva vastu nirUpayati bhagavAn.h vAsudevaH kathaM nu nAma
avyaktaM sa.nsAriNAM ##[##asa.nsAritva \-##]## buddhigocharatAM ApannaM
sa.nsArnivR^itteya syAt.h iti .. kiJNcha \-

25\.1 avyakto.ayaM tvAt.h na vyajyate iti avyaktaH ayaM AtmA . ataH eva
achintyaH ayam.h . yat.h hi indriyagocharaH tat.h chintAviShayatvaM
Apadyate . ayaM tu AtmA anindriyagocharatvAt.h achintyaH avikAryaH ayam.h
yathA xIraM dadhyAtaJNchanAdinA vikAri na tathA ayaM AtmA .
niravayavatvAt.h cha avikriyaH . na hi niravayaM kiJNchit.h vikriyAtmakaM
dR^iShTam.h . avikriyatvAt.h avikAryaH ayaM AtmA uchyate . tasmAt.h
evaM yathoktaprakAreNa enaM AtmAnaM viditvA tvaM na anushochituM arhasi
hantA ahaM eShAM mayA ete hanyante iti ..

26\.0 AtmanaH anityatvaM abhyupagamya idaM uchyate \-

26\.1 atha chainaM iti . atha cha iti abhupagamArthaH . enaM
prakR^itaM AtmAnaM nityajAtaM lokaprasiddhyA pratyanekasharIrotpattiM jAto
jAtaH iti vA manyase tathA pratitattaadvinAshaM nityaM vA manyase mR^itaM
mR^ito mR^itaH iti . tathApi tathAbhAve.api Atmani tvaM mahAbAho na evaM
shochituM arhasi janmavataH nAshaH nAshavataH janma cha iti etau
avashya.nbhAvinau iti yasmAt.h ..
tathA cha sati \-

27\.1 jAtasya iti . jAtasya hi labdhajanmanaH dhruvaH avyabhichArI
mR^ityuH maraNaM dhruvaM mR^itasya cha . tasmAt.h aparihAryo.ayaM
janmamaraNalaxaNaH arthaH ##[##yasmAt.h \- tasmAt.h aparihArye arthe na tvaM
shochituM arhasi . janmavato nAshaH nAshavato janma iti cha
svAbhAvikashchet.h aparihAryaH saH arthaH .##]## tasmin.h aparihArye arthe
na tvaM shochtiuM arhasi ..

28\.0 kAryakaraNasaN^ghAtAtmakAni api bhUtAni uddishya shokaH na yuktaH
kartuM yataH \-

28\.1 avyaktAdIni iti . avyaktAdIni avyaktaM adarshanaM anupalabdhiH
AdiH yeShAM bhUtAnAM putramitrAdikAryakaraNasa.nghAtAtmakAnAM tAni
avyaktAdIni bhUtAni prAk.h utpatteH . utpannAni cha prAk.h maraNAt.h
vyaktamadhyAni . avyaktanidhanAni eva punaH avyaktaM adarshanaM nidhanaM
maraNaM yeShAM tAni avyaktanidhanAni . maraNAt.h UrdhvaM avyaktatAm.h eva
pratipadyante ityarthaH . tathA choktam.h \- adarshanAdApatitaH
punashchAdarshanaM gataH . nAsau tava na tasya tvaM vR^ithA kA paridevanA .
##[##strIparva\. 2\. 13\.##]## iti .. tatra kA paridevanA ko vA pralApaH
adR^iShTadR^iShtapranaShTabhrAntibhUteShu bhUteShu ityarthaH ..

29\.0 durveGYeyaH ayaM prakR^itaH AtmA . kiM tvAm.h eva ekaM upAlabhe
sAdhAraNe bhrAntinimitte . kathaM durviGYeyaH ayaM AtmA iti . ataH Aha
\-

29\.1 Ashcaryavat.h iti .. Ashcharyavat.h AshcharyaM adR^iShTapUrvaM
adbhutaM akasmAt.h dR^ishyamAnaM tena tulyaM Ashcharyavat.h Ashcharyamiva
enaM AtmAnaM pashyati kashchit.h . Ashcharyavat.h enaM vadati tathaiva
cha anyaH Ashcharyavat.h cha enaM anyaH shR^iNoti . shrutvA dR^iShTvA
uktvA api enaM AtmAnaM veda na chaiva kashchit.h .

29\.2 athavA \- yaH ayaM AtmAnaM pashyati sa AshcharyatulyaH . yaH
vadati yaH cha shR^iNoti saH anekasahasreShu kashchideva bhavati . ataH
durbodhaH AtmA ityabhiprAyaH ..

30\.0 atha idAnI prakaraNArthaM upasa.nharati \-

30\.1 dehI iti .. dehI sharIrI nityaM sarvadA sarvAvasthAsu avadhyaH
niravayavatvAt.h nityatvAt.h cha tatra avadhyo.ayaM dehe sharIre sarvasya
sarvagatatvAt.h sthAvarAdiShu sthito.api . sarvasya prANijAtasya dehe
vadhyamAne.api ayaM dehI na vadhyaH yasmAt.h tasmAt.h bhIShmAdIni sarvANi
sarvANi bhUtAni uddishya na tvaM shochituM arhasi ..

31\.1 iha ##[##2\. 30\.##]## paramArthatatvApexAyAM shoko vA moho vA na
sa.nbhavati ityuktam.h . na kevalaM paramArthatatvApexAyAm.h iva ki.ntu \-

31\.1 svadharmaM iti .. svadharmaM api svaH dharmaH xatriyasya dharmaH
yuddhaM tamapi avixyatvaM na vikampituM prachalituM arhasi dharmyAt.h
xatriyasya svAbhAvikAt.h dharmAt.h AtmasvAbhAvyAt.h ityabhiprAyaH .
tachcha yuddhaM pR^ithivIjayadvAreNa dharmArthaM prajAraxaNArthaM cha iti
paramaM dharmyam.h . dharmAt.h anapetaM dharmyam.h . tasmAt.h
dharmyAt.h yuddhAt.h shreyaH anyat.h xatriyasya na vidyate hi yasmAt.h ..

32\.0 kutashcha tat.h yuddhaM kartavyaM iti . uchyate \-

32\.1 yadR^ichChayA iti . yudR^ichChayA cha aprArthitayA upapannaM AgataM
svargadvAraM apAvR^itaM udghATitaM ye etat.h IdR^ishaM yuddhaM labhante
xatriyAH he pArtha . kiM na sukhinaH te ..

33\.0 evaM kartavyatAprAptam.h api \-

33\.1 atha iti .. atha chet.h tvaM imaM dharmyaM dharmAdanapetaM vihitaM
sa.ngrAmaM yuddhaM na kariShyasi chet.h tataH tadakaraNAt.h svadharmaM
kIrtiM cha mahAdevAdisamAgamanimittAM hitvA kevalaM pApaM avApsyasi ..

34\.0 na kevalaM svadharmakIrtiparityAgaH \-

34\.1 akIrtiM iti .. akIrtiM cha api bhUtAni kathayiShyanti te tava
avyayAM dIrghakAlAm.h . dharmAtmA shUraH ityevamAdibhiH guNaiH
sa.nbhAvitasya cha akIrtiH maraNAt.h atirichyate sa.nbhAvitasya cha akIrteH
varaM maraNaM ityarthaH .. kiJNcha

35\.1 bhayAt.h iti .. bhayAt.h karNAdibhyaH raNAt.h yuddhAt.h uparataM
nivR^ittaM ma.nsyante chintayiShyanti na kR^ipayA iti tvAM mahArathAH
duryodhanaprabhR^itayaH . ##[##ke ma.nsyante ##?## iti Aha \-##]## yeShAM cha
tvaM duryodhanAdInAM bahumataH bahubhiH guNaiH yuktaH ityevaM mataH
bahumataH bhUtvApunaH tvaM yAsyasi lAghavaM laghubhAvam.h kiJNcha \-

36\.1 avAchyavAdAn.h iti .. avAchyavAdAn.h avaktavyAn.h vAdAn.h cha
bahUn.h anekaprakArAn.h vadiShyanti tava ahitAH shatravaH nindantaH
kutsayantaH tava tvadIyaM sAmarthyam.h nivAtakavachAdiyuddhanimittam.h .
tataH tasmAt.h nindAprApteH duHkhAt.h duHkhataraM nu kiM ##?## tataH
kaShTataraM duHkhaM nAsti ityarthaH ..

37\.0 yuddhe punaH kriyamANe karNAdibhiH \-

37\.1. hato vA iti .. hataH vA prApsyasi svargaM hataH san.h svargaM
prApsyasi . jitvA vA karNAdIn.h shUrAn.h bhoxyase mahIm.h . ubhayathApi
tava lAbhaH eva ityabhipriyaH . yataH evaM tasmAt.h uttiShTha kaunteya .
yuddhAya kR^itanishchayaH jeShyAmi shatrUn.hmariShyAmi vA iti nishchayaM
kR^itvA ityarthaH ..

38\.0 tatra yuddhaM svadharmaH ityevaM yudhyamAnasya upadesham.h imaM
shR^iNu \-

38\.1 sukhaduHkhe iti .. sukhaduHkhe same tulye kR^itvA rAgadveShau ##[##
api##]## akR^itvA ityetat.h . tathA lAbhAlAbhau jayAjayau cha samau kR^itvA
tataH yuddhAya yujyasva ghaTasva . na evaM yuddhaM kurvan.h pApaM
avApsyasi ##[##iti##]## eShaH upadeshaH prAsaN^gakaH ..

39\.0 shokamohApanaye ##[##nayanAya##]## laukikaH nyAyaH svadharmamapi chAvexya
ityAdyaiH shlokaiH uktaH na tu tAtparyeNa . paramARthadarshanaM tu iha
prakR^itam.h . tachcha uktaM upsa.nhriyate \- eShA te abhihitvA iti
shAstraviShayavibhAgapradarshanAya . iha hi pradarshite punaH
shastraviShayavibhAge upariShThAt.h GYAnayogena sA.nkhyAnAM karmayogena
yoginAm.h ##[##3\. 3\.##]## iti niShThAdvayaviShayaM shAstraM sukhaM
pravartiShyate shrotArashcha viShayavibhAgena sukhaM grahIShyanti iti \-
ataH Aha \-

39\.1 eShA te iti .. eShA te tubhyaM abhihitA uktA sA.nkhye
paramArthavastuviveka viShaye buddhiH GYAnaM sAxAt.h
shokamohAdisa.nsArahetudoShanivR^ittikAraNam.h yoge tu tatprAptyupAye
niHsaN^gatayA dvandvaprahANapUrvakaM IshvarArAdhanArthe karmayoge
karmAnuShThAne samAdhiyoge cha imAM anantaram.h eva uchyamAnAM buddhiM
shR^iNu . tAM cha buddhiM stauti prarochanArtham.h \- buddhyA yayA
yogaviShayayA yuktaH he pArtha . karmbandhaM darma eva dharmAdharmAkhyaH
bandhaH karmabandhaH taM prahAsyasi IshvaraprasAdanimittaGYAnaprAptyA eva
ityabhiprAyaH ..
kiJNcha anyat.h \-

40\.1 neha iti .. na iha moxamArge karmayoge abhikramanAshaH abhikramaNaM
abhikramaH prArambhaH tasya nAshaH na asti yathA kR^iShyAdeH .
yogaviShaye prArambhasya na anaikAntikaphalatvaM ityarthaH . kiM cha \-
na api chikitsAvat.h pratyavAyaH vidyate . kiM tu svalpam.h api asya
dharmasya yogadharmasya anuShThitaM trAyate raxati mahataH bhayAt.h
sa.nsArabhayAt.h janmamaraNAdilaxaNAt.h ..

41\.1 yA iyaM sA.nkhye buddhiH uktA yoge cha vaxyamaNalaxaNA sA \-

41\.1 vyavasAya iti .. vyavasAyAtmikA nishchayasvabhAvA ekA eva buddhiH
taraviparItabuddhishAkhAbhedasya bAdhikA samyak.h pramANajanitatvAt.h iha
shreyomArge he kurunandana . yAH punaH itarAH viparItabuddhayaH yAsAM
shAkhAbhedaprachAravashAt.h anantaH apAraH anuparataH sa.nsAraH
nityapratataH nityapratataH vistIRNaH bhavati
pramANajanitavivekabuddhinimittavashAchcha uparatAsu anantabhedabuddhiShu
sa.nsAro.api uparamate tAH buddhayaH bahushAkhAH bahvyaH shAkhAH yAsAM tAH
bahushAkhAH bahubhedAH ityetat.h . pratishAkhAbhedena hi anantAshcha
buddhayaH . keShAm.h . avyavasAyinAM pramANajanitavivekabuddhirahitAnAM
ityarthaH ..

42\.0 yeShAM vyavasAyAtmikA buddhiH nAsti te \-

42\.1 yAmimAM iti .. yAM imAM vaxymANAM puShpitAM puShpitavR^ixaH iva
shobhamAnAM shrUyamANIyAM vAchaM vAkyalaxaNAM pravadanti . ke .
avipashchitaH alpamedhasaH avivekinaH ityarthaH . vedavAdaratAH
bahvarthavAdaphalasadhanaprakAshakeShu vedavAkyeShu ratAH he pArthaH . na
anyat.h svargapashvAdiphalasAdhanebhyaH karmabhyaH asti iti evaM vAdinaH
vadanashIlAH .. te cha \-

43\.1 kAmAtmAnaH iti .. kAmAtmAnaH kAmasvabhAvAH kAmaparAH ityarthaH .
svargaparAH svargaH paraH puruSharthaH yeShAM te svargaparAH
svargapradhAnAH . janmakarmaphalapradAM karmaNaH phalaM karmaphalaM janma
eva karmaNaH phalaM janmakarmaphalaM tat.h pradadAti iti
janmakarmaphalapradA tAM vAcham.h \- pravadanti iti anuShajyate .
kriyAvishehabahulAM kriyANAM visheShAH kriyAvisheShAH te bahulA yasyAM
vAchi tAM svargapashuputrAdyarthAH yayA vAchA bAhulyena prakAshyante .
bhogaishvaryagatiM prati bhogashcha aisvharyaM cha bhogaishvarye tayoH
gatiH prAptiH bhogaishvaryagatiH tAM prati sAdhanabhUtAH ye kriyAvisheShAH
tadbahulAM tAM vAchaM pravadantaH mUDhAH sa.nsAre parivartante
ityabhiprAyaH .. teShAM cha \-

44\.1 bhoga iti .. bhogaishvaryaprasaktAnAM bhogaH kartavyaM aishvaryaM
cha iti bhogaishvaryayoH eva praNavachatAM tadAtmabhUtAnAM . tayA
kriyAvisheShabahulayA vAchA apahR^itachetasAM AchChAditavivekapraGYAnAM
vyavasAyAtmikA sA.nkhye yoge vA yA buddhiH sA samAdhau samAdhIyate asmin.h
puruShopabhogAya sarvaM samAdhiH antaHkaraNaM \- buddhiH tasmin.h samAdhau
na vidhIyate na bhavati ityarthaH ..

45\.0 ye evaM vivekabuddhirahitAH teShAM kamAtmanAM yat.h phalaM tat.h Aha \-

45\.1 traiguNya iti .. traiguNyaviShayAH \- traiguNyaM sa.nsAraH
viShayaH prakAshayitavyaH yeShAM te vedAH traguNyaviShayAH . tvaM tu
nistraiguNyaH bhava arjuna niShkAmaH bhava ityarthaH nirdvandvaH
sukhaduHkhahetU satpratipaxau padArthau dvandvashabdavAchyau tataH nirgataH
nirdvandvaH bhava . nityasatvasthaH sadA satvaguNAshritaH bhava . tathA
niryogaxemaH anupAtasya upAdAnaM yogaH upAtasya raxaNaM xemaH .
yogaxemapradhAnasya shreyasi pravR^ittih duShkarA iti ataH niryogaxemaH
bhava . AtmavAn.h apramattaH cha bhava . eSha tava upadeshaH
svadharmaM anutiShThataH ..

46\.0 sarveShu vedokteShu karmasu yAni uktAni anantAni phalAni tAni na
apexyante chet.h kimarthaM tAni IsvharAya iti anuShThIyante iti . uchyate
shR^iNu \-

46\.1 yAvAn.h iti .. yathA loke kUpataDAgAdyanekasmin.h udapAne
parichChinnodake yAvAn.h yAvatparimANaH snAnapAnAdiH arthaH phalaM
prayojanaM saH sarvaH arthaH sarvathaH sa.nplutodake tAvAn.h eva
sa.npadyate tatra antarbhavati ityarthaH . evaM tAvAn.h tAvatparimANaH
eva sa.npadyate sarveShu vedeShu vekokteShu karmasu yaH arthaH yat.h
karmaphalaM saH arthaH brAhmaNasya sa.nyAsinaH aramArthatatvaM vijAnataH
yaH arthaH yat.h viGYAnaphalaM sarvataH sa.nplutodakasthAnIyaM tasmin.h
tAvAn.h eva sa.npadyate \- tatraiva antarbhavatItyarthaH . sarvaM tat.h
abhisameti yat.h kiJNcha prajAH sAdhu kurvanti yastadveda yat.h sa veda ##[##
ChA\. u\. 4\. 1\. 4\.##]## iti shruteH . sarvaM karmAkhilam.h ##[##4\. 33\.##]##
iti cha vaxyati . tasmAt.h prAk.h GYAnaniShThAdhikAraprApteH karmaNi
adhikR^itena kUpataDAgAdyarthasthAnIyaM api karma kartavyam.h .. tava cha
\-

47\.1 karmaNi iti .. karmaNi eva adhikAraH na GYAnaniShThAyAM te tava .
tatra cha karma kurvataH mA phaleShu adhikAraH astu karmaphalatR^iShNA mA
bhUt.h kadAchana kasyA.nchit.h api avasthAyAM ityarthaH . yadA karmaphale
tR^iShNA te syAt.h tadA karmaphalaprApteH hetuH syAH evaM mA
karmaphalahetuH bhUH . yadA hi karmaphalatR^ihNAprayuktaH karmaphalaM na
iShyate kiM karmaNA duHkharUpeNa . iti mA te tava saN^gaH astu akarmaNi
akaraNe prItiH mA bhUt.h ..

48\.0 yadi karmaphalaprayuktena na kartavyaM karma kathaM tarhi kartavyaM
iti . uchyate \-

48\.1 yogasthaH iti .. yogasthaH san.h kuru karmANi kevalaM IshvarArthaM
tatrApi Ishvaro me tuShyatu iti saN^gaM tyaktvA dhanaJNjaya .
phalatR^iShNAshUnyena kriyamANe karmaNi satvashuddhijA GYAnaprAptilaxaNA
siddhiH tadviparyayajA asiddhiH tayoH siddhyasiddhyoH api samaH tulyaH
bhUtvA kuru karmANi . to.asau yogaH yatrasthaH kuru iti uktam.h . idaM
eva tat.h \- siddhyasiddhyoH samatvaM yogaH uchyate ..

49\.0 yat.h punaH amatvabuddhiyuktaM IshvarArAdhanArthaM karma ##[##uktaM##]##
etasmAt.h karmaNaH \-

49\.1 dUreNa iti .. dUreNa ativiprakarSheNa hi avaraM adhamaM
nikR^iShTaM karma phalArthinA kriyamANaM buddhiyogAt.h
samatvabuddhiyuktAt.h karmaNaH janmamaraNAdihetutvAt.h . he dhanaJNjaya
yataH evaM tataH yogaviShayAyAM buddhau tatparipAkajAyAM vA sA.nkhyabuddhau
sharaNaM AshrayaM abhayaprAptikAraNaM anvichCha prArthayasva
paramArthaGYAnasharaNaH bhava ityarthaH . yataH avaraM karma kurvANAH
kR^ipaNAH dInAH phalahetavaH phalatR^iShNAprayuktAH santaH yo vA etadaxaraM
gArgyaviditvA.asmAllokAtpraiti sa kR^ipaNaH ##[##bR^i\. u\. 3\. 8\. 10\.##]## iti
shruteH ..

50\.0 samatvabuddhiyuktaH san.h svadharmaM anutiShThan.h yat.h phalaM
prApnoti tat.h shR^iNu \-

50\.1 buddhi iti .. buddhiyuktaH samatvaviShayayA buddhyA yuktaH
buddhiyuktaH saH jahAti parityajati iha asmin.h loke ubhe
sukR^itaduShkR^ite puNyapApe satvashuddhiGYAna prAptivAreNa yataH tasmAt.h
samatvabuddhiyogAya yujyasva ghaTasva . yogaH hi karmasu kaushalaM
svadharmAkhyeShu karmasu vartamAnasya yA siddhyasiddhyoH samatvabuddhiH
IshvarArpi tachetastayA tat.h kaushalaM kushalabhAvaH . taddhi kaushalaM
yat.h bandhasvabhAvAni api karmANi samatvabuddhyA svabhAvAt.h nivartante .
tasmAt.h samatvabuddhiyuktaH bhava tvam.h .. yasmAt.h \-

51\.1 karmajaM iti .. karmajaM phalaM tyaktvA iti vyavahitena sa.nbandhaH
iShTaniShTadehaprAptiH karmajaM phalaM karmabhyaH jAtaM buddhiyuktAH
samatvabuddhiyuktAH santaH hi yasmAt.h phalaM tyaktvA parityajya manIShiNaH
GYAninaH bhUtvA janmabandhavinirmuktAH janma eva bandhaH janmabandhaH tena
vinirmuktAH jIvantaH eva janmabandhAt.h vinirmuktAH santaH padaM paramaM
viShNoH moxAkhyaM gachChanti anAmayam.h sarvopadravarahitaM ityarthaH .  ##
\medskip
\hrule
\medskip
## atha dvaadasho.adhyaayaH

dvitiiyaadhyaayaprabhR^itiShu vibhuutyanteShu adhyaayeShu ##(##10##)##
paramaatmanaH brahmaNaH axarasya vidhvastasarvopaadhivisheShasya upaasanaM
uktaM; sarvayogaishvaryasarvaGYaanashaktimatsatvopaadheH iishvarasya tava
cha upaasanaM tatra tatra uktam.h . vishvaruupaadhyaaye ##(##11##)## tu
aishvaraM aadyaM samastajagadaatmaruupaM vishvaruupaM tvadiiyaM darshitaM
upaasanaarthameva tvayaa . tachcha darshayitvaa uktavaanasi
##''##matkarmakR^it.h##''## ##(##11\.55##)## ityaadi . ataH ahaM anayoH ubhayoH paxayoH
vishiShTatarabubhutsayaa tvaaM pR^ichChaami iti arjuna uvaacha \-

arjuna uvaachaH

evaM satatayuktaa ye bhaktaastvaaM paryupaasate .
ye chaapyaxaramavyaktaM teShaaM ke yogavittamaaH .. 12\.1..

evaM iti .. ##''##evaM##''## iti atiitaanantarashlokena uktaM arthaM paraamR^ishati
##''##matkarmakR^it.h##''## ##(##11\.55##)## ityaadinaa . evaM satatayuktaaH nairantaryeNa
bhagavatkarmaadau yathokte arthe samaahitaaH santaH pravR^ittaaH 
ityarthaH . ye bhaktaaH ananyasharaNaaH santaH tvaaM yathaadarshitaM
vishvaruupaM paryupaasate dhyaayanti . ye cha anye api tyktasarvaiShaNaaH
sa.nyaastasarvakarmaaNaH yathaavisheShitaM brahma axaraM .
nirastasarvopaadhitvaat.h avyaktaM akaraNagocharaM \- yat.h hi loke
karaNagocharaM tat.h vyaktaM uchyate  . aJNjeH dhaatoH tatkarmakatvaat.h;
idaM tu axaM tadvipariitaM \- shiShTaishcha uchyamaanaiH visheShaNaiH
nishiShTaM  . tat.h ye chaapi paryupaasate \- teShaaM ubhayeShaaM madhye ke
yogavittamaaH . ke atishayena yogavidaH ##?## ityarthaH ..

2\.0 ye tu axaropaasakaaH samyagdarshinaH nivR^ittaiShaNaaH  . te taavat.h
tiShThantu; taan.h prati yat.h vaktavyaM tat.h upariShTaat.h vaxyaamaH
##(##shloke 13 \- 20##)## ye tu itare \-

shriibhagavaanuvaachaH

mayyaaveshya mano ye maaM nityayuktaa upaasate .
shraddhayaa parayopetaaste me yuktatamaa mataaH .. 12\.2..

2\.1 mayi iti .. mayi vishvaruupe parimeshvare aaveshya samaadhaaya manaH ye
bhaktaaH santaH maaM sarvayogeshvaraaNaaM adhiishvaraM sarvaGYaM
vimuktaraagaadikleshatimiradR^iShTiM\, nityayuktaaH
atiitaanantaraadhyaayaante uktashlokaarthanyaayena satatayuktaaH santaH
upaasate shraddhayaa parayaa prakR^iShTayaa upetaaH ye\, te me mama
yuktatamaaH mataaH abhipretaaH yuktatamaaH iti . nairantaryeNa hi te
machchittatayaa ahoraatraM ativaahayanti ##(##ahoraatraM atimaatrM maaM
dhyaayanti##)##\, ataH yuktaM taan.h prati yuktatamaaH iti vaktum.h ..

3\.0 kiM itare yuktatamaaH na bhavanti ##?## na; ki.ntu taan.h prati yat.h
vaktavyaM tat.h shR^iNu \-

ye tvaxaramanirdeshyamavyaktaM paryupaasate .
sarvatragamachintyaM cha kuuTasthamachalaM dhruvam.h .. 12\.3..

3\.1 ye tu iti .. ye tu axaraM anirdeshyaM avyaktatvaat.h ashabdagocharaM iti
na nirdeShTu shakyate\, ataH anirdeshyaM\, avyaktaM na kenaapi pramaaNena
vyajyate iti avyaktaM paryupaasate pari samantaat.h upaasate . upaasanaM
naama yathaashaastraM upaasyasya arthasya viShayiikaraNena saamiipyaM
upagamya tailadhaaravat.h samaanapratyayapravaaheNa diirghakaalaM yat.h
aasanaM\, tat.h upaasanaM aachaxate . axarasya visheShaNaM aaha upaasyasya
\- sarvatragaM vyomavat.h vyaapi achintyaM cha \- yat.h hi karaNagocharaM
tat.h manasaa.api chintyaM\, tadvipariitatvaat.h achintyaM axaraM kuuTasthaM
dR^ishyamaanaguNakaM antadoShaM vastu kuuTam.h . ##''##kuuTaruupakaM\,##''##
##''##kuuTasaaxyaM##''## ityaadau kuuTashabdaH prasiddhaH loke . tathaa cha
avidyaadyanekasa.nsaarabiijaM antadoShavat.h
maayaa.avyaakR^itaadyanekashabdavaachyatayaa ##''##maayaaM tu prakR^itiM
vidyaat.h maayinaM tu maheshvaram.h##''## ##(##shve\. u\. 4\.10\.##)##\, ##''##mama maayaa
duratyayaa##''## ##(##7\.14##)## ityaadau prasiddhaM yat.h tat.h kuuTaM\, tasmin.h
kuuTe sthitaM kuuTasthaM tadadhyaxatayaa . athavaa \-raashiriva sthitaM
kuuTastham.h . ata eva achalam.h . yasmaat.h achalaM\, tasmaat.h
dhruvaM\, nityaM ityarthaH ..

sa.nniyamendriyagraamaM sarvatra samabuddhayaH .
te praapnuvanti maameva sarvabhuutahite rataaH .. 12\.4..

4\.1 sa.nniyamya iti . sa.nniyamya samyak.h niyamya upasa.nhR^itya
indriyagraamaM indriyasamudaayaM\, sarvatra sarvasmin.h kaale samabuddhayaH
samaa tulyaa buddhiH yeShaaM iShTaaniShTapraaptau te samabuddhayaH . te
ye eva.nvidhaaH te praapnuvanti maaM eva sarvabhuutahite rataaH . na tu
teShaaM vaktavyaM kiJNchit.h ##''##maaM te praapnuvanti##''## iti\, ##''##GYaani tvaatmaiva
me mataM##''## ##(##7\.18##)## iti hi uktam.h . na hi bhagavatsvaruupaaNaaM sataaM
yuktatamatvaM\, ayuktatamatvaM vaa vaachyam.h .. kintu \-

klesho.adhikatarasteShaamavyaktaasaktachetasaam.h .
avyaktaa hi gatirduHkhaM dehavadbhiravaapyate .. 12\.5..

5\.1 kleshaH iti .. kleshaH adhikataraH \- yadyapi matkarmaadiparaaNaaM
adhikaH eva kleshaH\, adhikatarastu axaraatmanaaM paramaatmadarshinaaM
dehaabhimaanaparityaaganimittaH \- avyaktaasaktachetasaaM avyakte
aasaktaM chetaH yeShaaM te avyaktaasaktachetasaH teShaaM
avyaktaasaktachetasaam.h .. avyaktaa hi yasmaat.h ##(##yaa##)## gatiH
axaraatmikaa duHkhaM ##(##saa##)## dehavadbhiH dehaabhimaanavadbhiH avaapyate\,
ataH kleshaH adhikataraH .

6\.0 axaropaasakaanaaM yat.h vartanaM tat.h upariShTaat.h ##(##shlokeShu 12\. 13 \- 20##)##
vaxyaamaH ..

ye tu sarvaaNi karmaaNi mayi sa.nnyasya matparaaH .
ananyenaiva yogena maaM dhyaayanta upaasate .. 12\.6..

6\.1 ye tu iti .. ye tu sarvaaNi karmaaNi mayi iishvare sa.nnyasya matparaaH
ahaM paraH yeShaaM te matparaaH santaH ananyena eva avidyamaanaM anyat.h
aalambanaM vishvaruupaM devaM dhyaayantaH chintayantaH upaasate ..
teShaaM kim.h ##?## \-

teShaamahaM samuddhartaa mR^ityusa.nsaarasaagaraat.h .
bhavaami na chiraatpaartha mayyaaveshitachetasaam.h .. 12\. 7..

7\.1 teShaaM iti . teShaaM madupaasanaikaparaaNaaM ahaM iishvaraH samuddhartaa
\- kutaH iti ##?## aaha \- mR^ityusa.nsaarasaagaraat.h mR^ityuyuktaH
sa.nsaaraH mR^ityusa.nsaaraH\, sa eva saagara iva saagaraH\, dustaratvaat.h\,
tasmaat.h mR^ityusa.nsaarasaagaraat.h ahaM teShaaM samuddhartaa bhavaami na
chiraat.h \. kiM tarhi##?## \- xiprameva he paartha ! mayi aaveshitachetasaaM
mayi vishvaruupe aaveshitaM samaahitaM chetaH yeShaaM te
mayyaveshitachetasaH teShaam.h ..

yataH evaM\, tasmaat.h \-

mayyena mana aadhastva mayi buddhiM niveshaya .
nivasiShyasi mayyeva ata uurdhvaM na sa.nshayaH .. 12\.8..

8\.1 mayyeva iti .. mayi eva vishvaruupe iishvare manaH saN^kalpavikalpaatmakaM
samaadhatsva sathaapaya . mayi eva adhyavasaayaM kurvatiiM buddhiM cha
aadhatsva niveshaya . tataH te kiM bhyaat.h iti ##?## shR^iNu \-
nivasiShyasi nivatsyasi nishchayena madaatmanaa mayi vaasaM kariShyasi eva
ataH shariirapaataat.h uurdhvam.h . na sa.nshayaH\, sa.nshayaH atra na
kartavyaH ..

atha chittaM samaadhaatuM na shaknoShi mayi sthiram.h .
abhyaasayogena tato maamichChaaptuM dhanaJNjaya .. 12\.9..

9\.1 atha iti .. atha evaM yathaa avochaM tathaa mayi chittaM samaadhaatuM
sthaapayituM sthiraM achalaM na shaknoShi chet.h\, tataH pashchaat.h
abhyaasayogena\, chittasya ekasmin.h aalambena sarvataH samaahR^itya
punaHpunaH sthaapanaM abhyaasaH\, tatpuurvaka yogaH samaadhaanalaxaNaH tena
abhyaasayogena maaM vishvaruupaM ichCha praarthayasva aaptuM he dhanaJNjaya
! ..

abhyaase.apyasamartho.asi matkarmaparamo bhava .
madarthamapi karmaaNi kurvan.h siddhimavaapsyasi .. 12\.10..

10\.1 abhyaase iti .. abhyaase api asamarthaH asi ashaktaH asi\, tarhi
matkarmaparamaH bhava\, madarthaM karma matkarma\, tatparamaH
matkarmaparamaH\, matkarmapradhaanaH ityarthaH . abhyaasena vinaa
madarthaM api karmaaNi kevalaM kurvan.h siddhi
satvashuddhiyogaGYaanapraaptidvaareNa avaapsyasi ..

athaitadapyashakto.asi kartuM madogamaashritaH .
sarvakarmaphalatyaagaM tataH kuru yataatmavaan.h .. 12\. 11..

11\.1 athaitad.h iti .. atha punaH etat.h api yat.h uktaM matkarmaparamatvaM
tat.h kartuM ashaktaH asi\, madyogaM aashritaH\, mayi kriyamaaNaani karmaaNi
sa.nyasya yat.h karaNaM teShaaM anuShThaanaM saH madyogaH\, taM aashritaH
san.h \- sarvakarmaphalatyaagaM sarveShaaM karmaNaaM phalasa.nyaasaM
sarvakarmaphalatyaagaM tataH anantaraM kuru yataatmavaan.h sa.nyatachittaH
san.h ityarthaH ..

12\.0 idaaniiM sarvakarmaphalatyaagaM stauti \-

shreyo hi GYaanamabhyaasaajGYaanaaddhyaanaM vishiShyate .
dhyaanaatkarmaphalatyaagastyaagaachChaantiranantaram.h .. 12\. 12..

12\.1 shreyaH iti .. shreyaH hi prashasyataraM GYaanaM \- 
kasmaat.h ##?## \- ##(##a##)## vivekapuurvakaath.h abhyaasaat.h 
tasmaat.h api GYaanaat.h GYaanapuurvakaM dhyaanaM
vishiShyate . GYaanavataH dhyaanaat.h api karmaphalatyaagaH\,
##''##vishiShyate##''## iti anuShajyate . evaM karmaphalatyaagaat.h
puurvoktavisheShaNavataH ##(##11##)## shaantiH upashamaH sahetukasya sa.nsaarasya
anantaraM eva syaat.h\, na tu kaalaantaraM apexate ..

12\.2 aGYasya karmaNi pravR^ittasya puurvopadiShTopaayaanuShThaanashaktau
sarvakarmaNaaM phalatyaagaH shreyassaadhanaM iti upadiShTaM\, na
prathamameva . atashcha ##''##shreyo hi GYaanaM##''##
ityaadyuttarottaravishiShTatvopadeshena sarvakarmaphalatyaagaH stuuyate\,
sampannasaadhanaanuShThaanashaktau anuShTheyatvena shrutatvaat.h . kena
dharmeNa stutitvaM ##?## ##''##yadaa sarve pramuchyante##''## ##(##kaTha\. u\. 6\.14##)## .
kaamaashcha sarve shrautasmaartakarmaNaaM phalaani . tatyaage cha
viduShaH dhyaananiShThasya anantaraa eva shaantiH . iti
sarvakaamatyaagasaamaanyaM aGYakarmaphalatyaagasya api asti iti
tatsaamaanyaat.h sarvakarmaphalatyaagastutiH iyaM prarochanaarthii .
yathaa agastyena braahmaNena samudraH piitaH iti idaaniintanaaH api
braahmaNaaH braahmaNatvasaamaanyaat.h stuuyante . evaM
karmaphalatyaagaat.h karmayogasya sheyassaadhanatvaM abhihitam.h ..

13\.0 atra cha aatmeshvarabhedaM aashritya vishvaruupe iishvare chetaH
samaadhaanalaxaNaH yogaH uktaH\, iishvaraarthaM karmaanuShThaanaadi cha .
##''##athaitadapyashakto.asi##''## ##(##12\.11##)## iti aGYaanakaaryasuuchanaat.h na
abhedadarshinaH axaropaasakasya karmayogaH upapadyate iti darshayati .
tathaa karmayoginaH axaropaasanaanupapattiM darshayati bhagavaan.h ##''##te
praapnuvanti maameva##''## ##(##12\.4##)## iti axaropaasakaanaaM kaivalyapraaptau
svaatantryaM uktvaa\, itareShaaM paaratantryaat.h iishvaraadhiinataaM
darshitavaan.h ##''##teShaamahaM samuddharthaa##''## ##(##12\.7##)## iti . yadi hi
iishvarasya aatmabhuutaaH te mataaH abhedadarshitvaat.h axarasvaruupaaH eva
te iti samuddharaNa karmaviShayavachanaM taan.h prati apeshalaM syaat.h .
yasmaachcha arjunasya atyantam.h eva hitauShii bhagavaan.h tasya
samyagdarshanaananvitaM karmayogaM bhedadR^iShTimantam.h eva upadishati .
na cha aatmaanaM iishvaraM pramaaNataH buddhvaa kasyachit.h guNabaavaM
jigamiShati kashchit.h\, virodhaat.h . tasmaat.h axaropaasakaanaaM
samyagdarshananiShThaanaaM sa.nyaasinaaM tyaktasarvaiShaNaanaaM ##''##adveShTaa
sarvabhuutaanaaM##''## ityaadidharmapuugaM saaxaat.h amR^itatvakaaraNaM vaxyaami
iti pravartate \-

adveShTaa sarvabhuutaanaaM maitraH karuNa eva cha .
nirmamo nirahaN^kaaraH samaduHkhasukhaH xamii .. 12\. 13..

13\.1 adveShTaa iti .. adveShTaa sarva bhuutaanaaM sarveShaaM bhuutaanaaM na
dveShTaa\, aatmanaH duHkhahetumapi na kiJNchit.h dveShTi\, sarvaaNi bhuutaani
aatmatvena pashyati . maitraH \- mitrabhaavaH maitrii\, mitratayaa vartate
iti \- maitraH . karuNaH eva cha\, karuNaa kR^ipaa duHkhiteShu dayaa\,
tadvaan.h karuNaH\, sarvabhuutaabhayapradaH\, sa.nyaasii ityarthaH .
nirmamaH mamapratyayavarjitaH . nirahaN^kaaraH nirgataahapratyayaH .
samaduHkhasukhaH\, same duHkhasukhe dveSharaagayoH apravartake yasya saH
samaduHkhasukhaH . xamii xamaavaan.h aakruShTaH abhihato vaa avikriyaH eva
aaste ..

santuShTaH satataM yogii yataatmaa dR^iDhanishchayaH .
mayyarpitamanobuddhiryo madbhaktaH sa me priyaH .. 12\.14..

14\.1 santuShTaH iti .. santuShTaH satataM nityaM\, dehasthitikaaraNasya laabhe
alaabhe cha utpannala.npratyayaH . tathaa guNavallaabhe viparyaye cha
santuShTaH . satataM yogii samaahitachittaH . yataatmaa
sa.nyatasvabhaavaH . dR^iDhanishchayaH\, dR^iDhaH sthiraH nishchayaH
adhyavasaayaH yasya aatmatatvaviShaye saH dR^iDhanishchayaH .
mayyarpitamanobuddhiH saN^kalpavikalpaatmakaM manaH\, adhyavasaayalaxaNaa
buddhiH\, te mayi eva arpite sthaapite yasya sa.nyaasinaH sa
mayyarpitamanobuddhiH . yaH iidR^ishaH madbhaktaH saH me priyaH .
##''##priyo hi GYaanino.atyarthamahaM sa cha mama priyaH##''## ##(##7\.17##)## iti saptame
adhyaaye suuchitaM tat.h iha prapaJNchyate ..

yasmaannodvijate loko lokannodvijate cha yaH .
harShaamarShabhayodvegairmukto yaH sa cha me priyaH .. 12\.15..

15\.1 yasmaat.h iti .. yasmaat.h sa.nyaasinaH na udvijate na udvegaM gachChati
na sa.ntapyate\, na sa.nxubhyati lokaH\, tathaa lokaat.h na udvijate cha yaH\,
harShaamarShabhayodvegaiH\, harShashcha amarShashcha bhayaM cha udvegashcha
taiH harShaamarShabhayodvegaiH muktaH \- harShaH priyalaabhe antaHkaraNasya
utkarShaH romaaJNchanaashrupaataadiliN^gaH\, amarShaH asahiShNutaa\, bhayaM
traasaH\, udvegaH sdvignataa\, taiH muktaH yaH saH cha me priyaH ..

anapexaH shudhirdaxa udaasiino gatavyathaH .
sarvaarambhaparityaagii yo madbhaktaH sa me priyaH .. 12\.16..

16\.1 anapexaH iti .. anapexaH dehendriyaviShayasambandhaadiShu apexaa yasya
naasti saH anapexaH niHspR^ihaH . shuchiH\, baahyena aabhyatareNa cha
shauchena sampannaH . daxaH\, pratyutpanneShu kaaryeShu sadyaH yathaavat.h
pratipattuM samarthaH . udaasiinaH na kasyachit.h mitraadeH paxaM bhajate
yaH saH udaasiinaH \- yatiH . gatavyathaH gatabhayaH .
sarvaarambhaparirtyaaN^gii\, aarabhyante iti aarambhaaH
ihaamutraphalabhogaarthaani kaamahetuuni karmaaNi sarvaarambhaaH\, taan.h
parityaktuM shiilaM asya iti sarvaarambhaparityaagii yaH madbhaktaH saH me
priyaH ..

kiJNch \-

yo na hR^iShyati na dveShTi na shochati na kaaN^xati .
shubhaashubhaparityaagii bhaktimaan.h yaH sa me priyaH .. 12\.17..

17\.1 yo na iti .. yaH na hR^iShyati iShTapraaptau\, na dveShTi aniShTapraaptau\,
na shochati priyaviyoge\, na cha apraaptaM kaaN^xati\, shubhaashubhe karmaNii
parityaktaM shiilaM asya iti shubhaashubhaparityaagii bhaktimaan.h yaH saH
me priyaH ..

samaH shatrau cha mitre cha tathaa maanaapamaanayoH .
shiitoShNasukhaduHkheShu samaH saN^gavivarjitaH .. 12\.8..

18\.1 samaH iti .. samaH shatrau cha mitre cha\, tathaa maanaapamaanayoH
pujaaparibhavayoH\, shiitoShNusukhaduHkheShu samaH sarvatra saN^gavivarjitaH ..

kiJNcha \-

tulyanindaastunirmaunii santuShTo yena kenachit.h .
aniketaH sthiramatirbhaktimaanme priyo naraH .. 12\.19..

19\.1 tulya iti .. tulyanindaastutiH nindaa cha stutishcha nindaastutii te tulye
yasya saH tulyanindaastuitiH . maunii maunavaan.h sa.nyatavaak.h .
santuShTaH yena kenachit.h shariirasthitihetumaatreNa; tathaa cha uktam.h \-

yena kenachidaachChanno yena kenachidaashitaH .
yatra kvachana shaayii syaattaM devaa braahmaNaM viduH ..

\- ##(##shaantiparva\. 245\. 12\.##)## iti . kiJNcha \- aniketaH niketaH
aashrayaH nivaasaH niyataH na vidyate yasya saH aniketaH\, ##''##naagaare##''##
ityaadismR^ityantaraat.h . sthiramatiH sthiraa paaramaarthavastuviShayaa
yasya matiH saH sthiramatiH . bhaktimaan.h me priyaH naraH ..

20\.0 ##''##adveShTaa sarvabhuutaanaaM##''## ##(##12\.13\.##)## ityaadinaa axaropaasakaanaaM
nivR^ittasarvaiShaNaanaaM sa.nyaasinaaM paramaarthaGYaananiShThaanaaM
dharmajaataM prakraantaM upasa.nharati \-

ye tu dharmyaamR^itamidaM yathoktaM paryupaasate .
shraddadhaanaa matparamaa bhaktaaste.atiiva me priyaaH .. 12\.20 ..

iti shriimahaabhaarate shatasaahasryaaM sa.nhitaayaaM vaiyaasikyaaM
bhiiShmaparvaNi shriimadbhagavadgiitaasuupaniShatsu brahmavidyaayaaM
yogashaastre shriikR^iShNaarjunasa.nvaade bhaktiyoge naama
dvaadasho.adhyaayaH ..

20\.1 ye tu iti .. ye tu sa.nyaasinaH dharmyaamR^itaM dharmaadanapetaM dharmyaM
cha tat.h amR^itaM cha tat.h\, amR^itatvehetutvaat.h\, idaM yathoktaM
##''##adveShTaa sarvabhuutaanaaM##''## ityaadinaa paryupaasate anutiShThanti
shraddadhaanaaH sa.ntaH matparamaaH yathoktaaH ahaM axaraatmaa paramaH
niratishayaagatiH yeShaaM te matparamaaH\, madbhaktaaH cha uttamaaM
paramaarthaGYaanalaxaNaaM bhaktiM aasthi ##(##shri##)##taaH te atiiva me priyaaH .
##''##priyo hi GYaanino.atyartham.h##''## ##(##7\.17\.##)## iti yat.h suuchitaM tat.h
vyaakhyaaya iha upasa.nhR^itaM ##''##bhaktaaste.atiiva me priyaaH##''## iti .
yasmaat.h dharmyaamR^itaM idaM yathoktaM anutiShThan.h bhagavataH viShNoH
parameshvarasya atiiva priyaH bhavati\, tasmaat.h idaM dharmyaamR^itaM
mumuxuNaa yatnataH anuShTheyaM\, viShNoH\, priyaM paraM dhaama jigamiShuNaa
\- iti vaakyaarthaH .. 
\medskip
AUM shaa.ntaakaaraM bhujagashayanaM padmanaabhaM suresham.h .
vishvaadhaaraM gaganasadR^ishaM meghavarNaM shubhaa.ngam.h .
lakshmiikaa.ntaM kamalanayanaM yogiibhirdhyaanagamyam.h .
va.nde vishhNuM bhavabhayaharaM sarvalokaikanaatham.h ..
##
\medskip
\hrule
\medskip
Encoded by Kapila Shankaran utsaaha@accglobal.net
%Sent: Monday, October 25, 1999 6:52 PM
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}