%@@1
% File name             : gurugita.itx
%--------------------------------------------
% Text title            : gurugiitaa 
% Author                : Vyasa (by tradition) author of Puranas
% Language              : sanskrit
% Subject               : religion
% Description/comments  :  
% Transliterated by     : Sunder Hattangadi and Shankarans achintya@ican.net
% Proofread by          : Sunder Hattangadi(sunderh@hotmail.com)
% Latest update         : 1/10/02
% Send corrections to   : Sunder Hattangadi(sunderh@hotmail.com)
% Special Instructions  : i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.1
% Site access           : http://sanskrit.gde.to
%				  ftp://jaguar.cs.utah.edu/private/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
%@@2
%
% Please ignore the following commands upto #indian and others with \ mark,
% which are needed for devanaagarii output and formatting.
%--------------------------------------------------------


\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. guru giitaa - long version  ..}##
\itxtitle{.. guru giitaa ..}##\endtitles##
.. shrii gurugiitaa ..

.. prathamo.adhyaayaH ..

achintyaavyaktaruupaaya nirguNaaya gaNaatmane |
samastajagadaadhaaramuurtaye brahmaNe namaH || 1||

R^ishhaya uuchuH |
suuta suuta mahaapraaGYa nigamaagamapaaragam.h |
gurusvaruupamasmaakaM bruuhi sarvamalaapaham.h || 2||

yasya shravaNamaatreNa dehii duHkhaadvimuchyate |
yena maargeNa munayaH sarvaGYatvaM prapedire || 3||

yatpraapya na punaryaati naraH sa.nsaarabandhanam.h |
tathaavidhaM para.n tattva.n vaktavyamadhunaa tvayaa || 4||

guhyaadguhyatama.n saara.n gurugiitaa visheshhataH |
tvatprasaadaachcha shrotavyaa tatsarvaM bruuhi suuta naH || 5||

iti saMpraarthitaH suuto munisa~NghairmuhurmuhuH ||
kutuuhalena mahataa provaacha madhura.n vachaH || 6||

suuta uvaacha |
shruNudhvaM munayaH sarve shraddhayaa parayaa mudaa |
vadaami bhavarogaghnii.n giitaaM maatR^isvaruupiNiim.h || 7||

puraa kailaasashikhare siddhagandharvasevite |
tatra kalpalataapushhpamandire.atyantasundare || 8||

vyaaghraajine samaasiina.n shukaadimunivanditam.h |
bodhayantaM para.n tattvaM madhye munigaNe kvachit.h || 9||

praNamravadanaa shashvannamaskurvantamaadaraat.h |
dR^ishhTvaa vismayamaapanna paarvatii paripR^ichchhati || 10||

paarvatyuvaacha |
OM namo deva devesha paraatpara jagadguro |
tvaa.n namaskurvate bhaktyaa suraasuranaraaH sadaa || 11||

vidhivishhNumahendraadyairvandyaH khalu sadaa bhavaan.h |
namaskaroshhi kasmai tva.n namaskaaraashrayaH kila || 12||

dR^ishhTvaitatkarma vipulamaashcharya pratibhaati me |
kimetanna vijaane.aha.n kR^ipayaa vada me prabho || 13||

bhagavan.h sarvadharmaGYa vrataanaa.n vratanaayakam.h |
bruuhi me kR^ipayaa shambho gurumaahaatmyamuttamam.h || 14||

kena maargeNa bho svaamin.h dehii brahmamayo bhavet.h |
tatkR^ipaa.n kuru me svaaminnamaami charaNau tava || 15||

iti saMpraarthitaH shashvanmahaadevo maheshvaraH |
aanandabharatiH svaante paarvatiimidamabraviit.h || 16||

shrii mahaadeva uvaacha |
na vaktavyamida.n devi rahasyaatirahasyakam.h |
na kasyaapi puraa prokta.n tvadbhaktyartha.n vadaami tat.h || 17||

mama ruupaasi devi tvamatastatkathayaami te |
lokopakaarakaH prashno na kenaapi kR^itaH puraa || 18||

yasya deve paraa bhaktiryathaa deve tathaa gurau |
tasyaite kathitaa hyarthaaH prakaashante mahaatmanaH || 19||

yo guruH sa shivaH prokto yaH shivaH sa guruH smR^itaH |
vikalpa.n yastu kurviita sa naro gurutalpagaH || 20||

durlabha.n trishhu lokeshhu tachchhR^iNushva vadaamyaham.h |
gurubrahma vinaa naanyaH satya.n satya.n varaanane || 21||

vedashaastrapuraaNaani chetihaasaadikaani cha |
mantrayantraadividyaanaaM mohanochchaaTanaadikam.h || 22||

shaivashaaktaagamaadiini hyanye cha bahavo mataaH |
apabhra.nshaaH samastaanaa.n jiivaanaaM bhraantachetasaam.h || 23||

japastapo vrata.n tiirtha.n yaGYo daana.n tathaiva cha |
gurutattvamaviGYaaya sarva.n vyarthaM bhavetpriye || 24||

gurubuddhyaatmano naanyat.h satya.n satya.n varaanane |
tallaabhaarthaM prayatnastu kartavyashcha maniishhibhiH || 25||

guuDhaavidyaa jaganmaayaa dehashchaaGYaanasambhavaH |
viGYaana.n yatprasaadena gurushabdena kathayate || 26||

yadaN^ghrikamaladvandva.n dvandvataapanivaarakam.h |
taarakaM bhavasindhoshcha ta.n guruM praNamaamyaham.h || 27||

dehii brahma bhavedyasmaat.h tvatkR^ipaartha.n vadaami tat.h |
sarvapaapavishuddhaatmaa shriiguroH paadasevanaat.h || 28||

sarvatiirthaavagaahasya sampraapnoti phala.n naraH |
guroH paadodakaM piitvaa sheshha.n shirasi dhaarayan.h || 29||

shoshhaNaM paapapaN^kasya diipana.n GYaanatejasaH |
guroH paadodaka.n samyak.h sa.nsaaraarNavataarakam.h || 30||

aGYaanamuulaharaNa.n janmakarmanivaarakam.h |
GYaanaviGYaanasiddhyartha.n gurupaadodakaM pibet.h || 31||

gurupaadodakaM paana.n guroruchchhishhTabhojanam.h |
gurumuurteH sadaa dhyaana.n gurornaamnaH sadaa japaH || 32||

svadeshikasyaiva cha naamakiirtanam.h bhavedanantasya shivasya kiirtanam.h |
svadeshikasyaiva cha naamachintanam.h bhavedanantasya shivasya chintanam.h || 33||

yatpaadareNurvai nitya.n ko.api sa.nsaaravaaridhau |
setubandhaayate naatha.n deshika.n tamupaasmahe || 34||

yadanugrahamaatreNa shokamohau vinashyataH |
tasmai shriideshikendraaya namo.astu paramaatmane || 35||

yasmaadanugraha.n labdhvaa mahadaGYaanmutsR^ijet.h |
tasmai shriideshikendraaya namashchaabhiishhTasiddhaye || 36||

kaashiixetra.n nivaasashcha jaanhavii charaNodakam.h |
guruvishveshvaraH saaxaat.h taarakaM brahmanishchayaH || 37||

gurusevaa gayaa proktaa dehaH syaadaxayo vaTaH |
tatpaada.n vishhNupaada.n syaat.h tatra dattamanantakam.h || 38||

gurumuurti smarennitya.n gururnaama sadaa japet.h |
guroraaGYaaM prakurviita guroranya.n na bhaavayet.h || 39||

guruvaktre sthitaM brahma praapyate tatprasaadataH |
gurordhyaana.n sadaa kuryaat.h kulastrii svapati.n yathaa || 40||

svaashrama.n cha svajaati.n cha svakiirtiM pushhTivardhanam.h |
etatsarvaM parityajya gurumeva samaashrayet.h || 41||

ananyaashchintayanto ye sulabhaM parama.n sukham.h |
tasmaatsarvaprayatnena guroraaraadhana.n kuru || 42||

guruvaktre sthitaa vidyaa gurubhaktyaa cha labhyate |
trailokye sphuTavaktaaro devarshhipitR^imaanavaaH || 43||

gukaarashchaandhakaaro hi rukaarasteja uchyate |
aGYaanagraasakaM brahma gurureva na sa.nshayaH || 44||

gukaaro bhavarogaH syaat.h rukaarastannirodhakR^it.h |
bhavarogaharatyaachcha gururityabhidhiiyate || 45||

gukaarashcha guNaatiito ruupaatiito rukaarakaH |
guNaruupavihiinatvaat.h gururityabhidhiiyate || 46||

gukaaraH prathamo varNo maayaadiguNabhaasakaH |
rukaaro.asti paraM brahma maayaabhraantivimochanam.h || 47||

eva.n gurupada.n shreshhTha.n devaanaamapi durlabham.h |
garuDoragagandharvasiddhaadisurapuujitam.h || 48||

dhruva.n dehi mumuxuuNaa.n naasti tattva.n guroH param.h |
guroraaraadhana.n kuryaat.h svajiivatva.n nivedayet.h || 49||

aasana.n shayana.n vastra.n vaahanaM bhuushhaNaadikam.h |
saadhakena pradaatavya.n gurusantoshhakaaraNam.h || 50||

karmaNaa manasaa vaachaa sarvadaa.a.araadhayedgurum.h |
diirghadaNDa.n namaskR^itya nirlajjau gurusannidhau || 51||

shariiramindriyaM praaNamarthasvajanabaandhavaan.h |
aatmadaaraadika.n sarva.n sadgurubhyo nivedayet.h || 52||

gurureko jagatsarva.n brahmavishhNushivaatmakam.h |
guroH paratara.n naasti tasmaatsaMpuujayedgurum.h || 53||

sarvashrutishiroratnaviraajitapadaaMbujam.h |
vedaantaarthapravaktaara.n tasmaat.h saMpuujayedgurum.h || 54||

yasya smaraNamaatreNa GYaanamutpadyate svayam.h |
sa eva sarvasaMpattiH tasmaatsaMpuujayedgurum.h || 55||

kR^imikoTibhiraavishhTa.n durgandhakuladuushhitam.h |
anitya.n duHkhanilaya.n deha.n viddhi varaanane || 56||

sa.nsaaravR^ixamaaruuDhaaH patanti narakaarNave |
yastaanuddharate sarvaan.h tasmai shriigurave namaH || 57||

gururbrahmaa gururvishhNurgururdevo maheshvaraH |
gurureva paraM brahma tasmai shriigurave namaH || 58||

aGYaanatimiraandhasya GYaanaaJNjanashalaakayaa |
chaxurunmiilita.n yena tasmai shriigurave namaH || 59||

akhaNDamaNDalaakaara.n vyaapta.n yena charaacharam.h |
tatpada.n darshita.n yena tasmai shriigurave namaH || 60||

sthaavara.n jaN^gama.n vyaapta.n yatkiJNchitsacharaacharam.h |
tvaMpada.n darshita.n yena tasmai shriigurave namaH || 61||

chinmaya.n vyaapita.n sarva.n trailokya.n sacharaacharam.h |
asitva.n darshita.n yena tasmai shriigurave namaH || 62||

nimishhannimishhaardhvaadvaa yadvaakyaadai vimuchyate |
svaatmaana.n shivamaalokya tasmai shriigurave namaH || 63||

chaitanya.n shaashvata.n shaa.nta.n vyomaatiita.n niraJNjanam.h |
naadabindukalaatiita.n tasmai shriigurave namaH || 64||

nirguNa.n nirmala.n shaanta.n ja.ngama.n sthirameva cha |
vyaapta.n yena jagatsarva.n tasmai shriigurave namaH || 65||

sa pitaa sa cha me maataa sa bandhuH sa cha devataa |
sa.nsaaramohanaashaaya tasmai shriigurave namaH || 66||

yatsattvena jagatsatya.n yatprakaashena bhaati tat.h |
yadaanandena nandanti tasmai shriigurave namaH || 67||

yasminsthitamida.n sarvaM bhaati yadbhaanaruupataH |
priyaM putraadi yatpriityaa tasmai shriigurave namaH || 68||

yeneda.n darshita.n tattva.n chittachaityaadika.n tathaa |
jaagratsvapnasushhuptyaadi tasmai shriigurave namaH || 69||

yasya GYaanamida.n vishva.n na dR^ishyaM bhinnabhedataH |
sadaikaruuparuupaaya tasmai shriigurave namaH || 70||

yasya GYaataM mata.n tasya mata.n yasya na veda saH |
ananyabhaavabhaavaaya tasmai shriigurave namaH || 71||

yasmai kaaraNaruupaaya kaaryaruupeNa bhaati yat.h |
kaaryakaaraNaruupaaya tasmai shriigurave namaH || 72||

naanaaruupamida.n vishva.n na kenaapyasti bhinnataa |
kaaryakaaraNaruupaaya tasmai shriigurave namaH || 73||

GYaanashaktisamaaruuDhatattvamaalaavibhuushhaNe |
bhuktimuktipradaatre cha tasmai shriigurave namaH || 74||

anekajanmasaMpraaptakarmabandhavidaahine |
GYaanaanilaprabhaavena tasmai shriigurave namaH || 75||

shoshhaNaM bhavasindhoshcha diipana.n xarasaMpadaam.h |
guroH paadodaka.n yasya tasmai shriigurave namaH || 76||

na guroradhika.n tattva.n na guroradhika.n tapaH |
na guroradhika.n GYaana.n tasmai shriigurave namaH || 77||

mannaathaH shriijagannaatho madguruH shriijagadguruH |
mamaatmaa sarvabhuutaatmaa tasmai shriigurave namaH || 78||

gururaadiranaadishcha guruH paramadaivatam.h |
gurumantrasamo naasti tasmai shriigurave namaH || 79||

eka eva paro bandhurvishhame samupasthite |
guruH sakaladharmaatmaa tasmai shriigurave namaH || 80||

gurumadhye sthita.n vishva.n vishvamadhye sthito guruH |
gururvishva.n na chaanyo.asti tasmai shriigurave namaH || 81||

bhavaaraNyapravishhTasya diN^mohabhraantachetasaH |
yena sandarshitaH panthaaH tasmai shriigurave namaH || 82||

taapatrayaagnitaptanaamashaantapraaNinaaM bhuvi |
yasya paadodaka.n gaN^gaa tasmai shriigurave namaH || 83||

aGYaanasarpadashhTaanaaM praaNinaa.n kashchikitsakaH |
samyagGYaanamahaamantravedina.n sadguru vinaa || 84||

hetave jagataameva sa.nsaaraarNavasetave |
prabhave sarvavidyaanaa.n shambhave gurave namaH || 85||

dhyaanamuula.n gurormuutiH.r puujaamuula.n guroH padam.h |
mantramuula.n gurorvaakyaM muktimuula.n guroH kR^ipaa || 86||

saptasaagaraparyanta.n tiirthasnaanaphala.n tu yat.h |
gurupaadapayobindoH sahasraa.nshena tatphalam.h || 87||

shive rushhTe gurustraataa gurau rushhTe na kashchana |
labdhvaa kulaguru samyaggurumeva samaashrayet.h || 88||

madhulubdho yathaa bhR^iN^gaH pushhpaatpushhpaantara.n vrajet.h |
GYaanalubdhastathaa shishhyo gurorguva.rntara.n vrajet.h || 89||

vande gurupadadvandva.n vaaN^manaatiitagocharam.h |
shvetaraktaprabhaabhinna.n shivashaktyaatmakaM param.h || 90||

gukaara.n cha guNaatiita.n ruukaara.n ruupavarjitam.h |
guNaatiitamaruupa.n cha yo dadyaat.h sa guruH smR^itaH || 91||

atrinetraH shivaH saaxaat.h dvibaahushcha hariH smR^itaH |
yo.achaturvadano brahmaa shriiguruH kathitaH priye || 92||

ayaM mayaaJNjalirbaddho dayaasaagarasiddhaye |
yadanugrahato jantushchitrasa.nsaaramuktibhaak.h || 93||

shriiguroH parama.n ruupa.n vivekachaxuragrataH |
mandabhaagyaa na pashyanti andhaaH suuryodaya.n yathaa || 94||

kulaanaa.n kulakoTiinaa.n taarakastatra tatxaNaat.h |
atasta.n sadguru GYaatvaa trikaalamabhivaadayet.h || 95||

shriinaathacharaNadvandva.n yasyaa.n dishi viraajate |
tasyaa.n dishi namaskuryaad.h bhaktyaa pratidinaM priye || 96||

saashhTaaN^gapraNipaatena stuvannitya.n guruM bhajet.h |
bhajanaatsthairyamaapnoti svasvaruupamayo bhavet.h || 97||

dorbhyaaM padbhyaa.n cha jaanubhyaamurasaa shirasaa dR^ishaa |
manasaa vachasaa cheti praNaamoshhTaaN^ga uchyate || 98||

tasyai dishe satatamajjalireshha nityam.h
praxipyataaM mukharitairmadhuraiH prasuunaiH |
jaagarti yatra bhagavaan.h guruchakravartii
vishvasthitipralayanaaTakanityasaaxii || 99||

abhaistaiH kimu diirghakaalavimalairvyaadipradairdushhkaraiH
praaNaayaamashatairanekakaraNairduHkhaatmakairduja.ryaiH |
yasminnabhyudite vinashyati balii vaayuH svaya.n tatxaNaat.h
praaptu.n tatsahajasvabhaavamanisha.n seveta chaika.n gurum.h || 100||

GYaana.n vinaa muktipada.n labhyate gurubhaktitaH |
guroH prasaadato naanyat.h saadhana.n gurumaargiNaam.h || 101||

yasmaatparatara.n naasti neti netiiti vai shrutiH |
manasaa vachasaa chaiva satyamaaraadhayedgurum.h || 102||

guroH kR^ipaaprasaadena brahmavishhNushivaadayaH |
saamarthyamabhajan.h sarve sR^ishhTisthityantakarmaNi || 103||

devakinnaragandharvaaH pitR^iyaxaastu tumburuH |
munayo.api na jaananti gurushushruushhaNe vidhim.h || 104||

taarkikaashchhaandasaashchaiva daivaGYaaH karmaThaaH priye |
laukikaaste na jaananti gurutattva.n niraakulam.h || 105||

mahaahaN^kaaragarveNa tatovidyaabalena cha |
bhramantyetasmin.h sa.nsaare ghaTiiyantra.n yathaa punaH || 106||

yaGYino.api na muktaaH syuH na muktaa yoginastathaa |
taapasaa api no muktaa gurutattvaatparaaN^mukhaaH || 107||

na muktaastu gandharvaaH pitR^iyaxaastu chaaraNaaH |
R^ishhayaH siddhadevaadyaa gurusevaaparaaN^mukhaaH || 108||

.. iti shriiska.ndapuraaNe uttarakha.nDe umaamaheshvara sa.nvaade
shrii gurugiitaayaaM prathamo.adhyaayaH ..

\hrule

.. atha dvitiiyo.adhyaayaH ..

dhyaana.n shruNu mahaadevi sarvaanandapradaayakam.h |
sarvasaukhyakara.n chaiva bhuktimuktipradaayakam.h || 109||

shriimatparaM brahma guru.n smaraami shriimatparaM brahma guruM bhajaami |
shriimatparaM brahma guru.n vadaami shriimatparaM brahma guru.n namaami || 110||

brahmaanandaM paramasukhada.n kevala.n GYaanamuurtim.h
dvandvaatiita.n gaganasadR^isha.n tattvamasyaadilaxyam.h |
eka.n nitya.n vimalamachala.n sarvadhiisaaxibhuutam.h
bhaavaatiita.n triguNarahita.n sadguru.n ta.n namaami || 111||

hR^idambuje karNikamadhyasa.nsthe si.nhaasane sa.nsthitadivyamuurtim.h |
dhyaayedguru.n chandrakalaaprakaasham.h sachchitsukhaabhiishhTavara.n dadhaanam.h || 112||

shvetaambara.n shvetavilepapushhpam.h muktaavibhuushhaM mudita.n dvinetram.h |
vaamaaN^kapiiThasthitadivyashaktim.h mandasmitaM puurNakR^ipaanidhaanam.h || 113||

GYaanasvaruupa.n nijabhaavayuktam.h aanandamaanandakaraM prasannam.h |
yogiindramiiDyaM bhavarogavaidyam.h shriimadguru.n nityamaha.n namaami || 114||

vande guruuNaa.n charaNaaravindam.h sandarshitasvaatmasukhaambudhiinaam.h |
janasya yeshhaa.n gulikaayamaana.n sa.nsaarahaalaahalamohashaantyai || 115||

yasmin.h sR^ishhTisthistidhva.nsanigrahaanugrahaatmakam.h |
kR^ityaM paJNchavidha.n shashvat.h bhaasate ta.n guruM bhajet.h || 116||

paadaabje sarvasa.nsaaradaavakaalaanala.n svake |
brahmarandhre sthitaambhojamadhyastha.n chandramaNDalam.h || 117||

akathaaditrirekhaabje sahasradalamaNDale |
ha.nsapaarshvatrikoNe cha smarettanmadhyaga.n gurum.h || 118||

nitya.n shuddha.n niraabhaasa.n niraakaara.n niraJNjanam.h |
nityabodha.n chidaananda.n guruM brahma namaamyaham.h || 119||

sakalabhuvanasR^ishhTiH kalpitaasheshhasR^ishhTiH
nikhilanigamadR^ishhTiH satpadaarthaikasR^ishhTiH |
atadgaNaparameshhTiH satpadaarthaikadR^ishhTiH
bhavaguNaparameshhTirmoxamaargaikadR^ishhTiH || 120||

sakalabhuvanaraN^gasthaapanaastambhayashhTiH
sakaruNarasavR^ishhTistattvamaalaasamashhTiH |
sakalasamayasR^ishhTissachchidaanandadR^ishhTiH
nivasatu mayi nitya.n shriigurordivyadR^ishhTiH || 121||

na guroradhika.n na guroradhika.n na guroradhika.n na guroradhikam.h |
shivashaasanataH shivashaasanataH shivashaasanataH shivashaasanataH || 122||

idameva shivamidameva shivam.h idameva shivamidameva shivam.h |
harishaasanato harishaasanato harishaasanato harishaasanataH || 123||

vidita.n vidita.n vidita.n viditam.h vijana.n vijana.n vijana.n vijanam.h |
vidhishaasanato vidhishaasanato vidhishaasanato vidhishaasanataH || 124||

eva.nvidha.n guru.n dhyaatvaa GYaanamutpadyate svayam.h |
tadaa guruupadeshena mukto.ahamiti bhaavayet.h || 125||

guruupadishhTamaargeNa manaHshuddhi.n tu kaarayet.h |
anitya.n khaNDayetsarva.n yatkiJNchidaatmagocharam.h || 126||

GYeya.n sarvaM pratiita.n cha GYaana.n cha mana uchyate |
GYaana.n GYeya.n sama.n kuryaannaanyaH panthaa dvitiiyakaH || 127||

kimatra bahunoktena shaastrakoTishatairapi |
durlabhaa chittavishraantiH vinaa gurukR^ipaaM paraam.h || 128||

karuNaakhaDgapaatena chhitvaa paashaashhTaka.n shishoH |
samyagaanandajanakaH sadguruH so.abhidhiiyate ||129||

eva.n shrutvaa mahaadevi gurunindaa.n karoti yaH |
sa yaati narakaan.h ghoraan.h yaavachchandradivaakarau || 130||

yaavatkalpaantako dehastaavaddevi guru.n smaret.h |
gurulopaa na kartavyaH svachchhando yadi vaa bhavet.h || 131||

huN^kaareNa na vaktavyaM praaGYashishhyaiH kadaachana |
guroragra na vaktavyamasatya.n tu kadaachana || 132||

guru.n tva.nkR^itya hu.nkR^itya gurusaannidhyabhaashhaNaH |
araNye nirjale deshe sambhaved.h brahmaraaxasaH || 133||

advaitaM bhaavayennitya.n sarvaavasthaasu sarvadaa |
kadaachidapi no kuryaaddvaita.n gurusannidhau || 134||

dR^ishyavismR^itiparyanta.n kuryaad.h gurupadaarchanam.h |
taadR^ishasyaiva kaivalya.n na cha tadvyatirekiNaH || 135||

api sampuurNatattvaGYo gurutyaagi bhavedyadaa |
bhavatyeva hi tasyaantakaale vixepamutkaTam.h || 136||

gurukaarya.n na laN^gheta naapR^ishhTvaa kaaryamaacharet.h |
na hyuttishhTheddishe.anatvaa gurusadbhvashobhitaH || 137||

gurau sati svaya.n devi pareshhaa.n tu kadaachana |
upadesha.n na vai kuryaat.h tathaa chedraaxaso bhavet.h || 138||

na guroraashrame kuryaat.h dushhpaanaM parisarpaNam.h |
diixaa vyaakhyaa prabhutvaadi guroraaGYaa.n na kaarayet.h || 139||

nopaashrama.n cha paryaka.n na cha paadaprasaaraNam.h |
naaN^gabhogaadika.n kuryaanna liilaamaparaamapi || 140||

guruuNaa.n sadasadvaapi yadukta.n tanna la.nghayet.h |
kurvannaaGYaa.n divaa raatrau daasavannivasedguro || 141||

adatta.n na gurordravyamupabhuJNjiita karhichit.h |
datte cha ra.nkavadgraahyaM praaNo.apyetena labhyate || 142||

paadukaasanashayyaadi guruNaa yadabhiishhTitam.h |
namaskurviita tatsarvaM paadaabhyaa.n na spR^ishet.h kvachit.h || 143||

gachchhataH pR^ishhThato gachchhet.h guruchchhaayaa.n na la.nghayet.h |
nolbaNa.n dhaarayedveshha.n naala.nkaaraa.nstatolbaNaan.h || 144||

gurunindaakara.n dR^ishhTvaa dhaavayedatha vaasayet.h |
sthaana.n vaa tatparityaajya.n jihvaachhedaaxamo yadi || 145||

nochchhishhTa.n kasyachiddeya.n guroraaGYaa.n na cha tyajet.h |
kR^itsnamuchchhishhTamaadaaya havirvadbhaxayetsvayam.h || 146||

naanR^ita.n naapriya.n chaiva na garva naapi vaa bahu |
na niyogadharaM bruuyaat.h guroraaGYaa.n vibhaavayet.h || 147||

prabho devakuleshaanaa.n svaamin.h raajan.h kuleshvara |
iti sambodhanairbhiito sachcharedgurusannidhau || 148||

munibhiH pannagairvaapi surairvaa shaapito yadi |
kaalamR^ityubhayaadvaapi guruH sa.ntraati paarvati || 149||

ashaktaa hi suraadyaashcha hyashaktaaH munayastathaa |
gurushaapopapannasya raxaNaaya cha kutrachit.h || 150||

mantraraajamida.n devi gururityaxaradvayam.h |
smR^itivedapuraaNaanaa.n saarameva na sa.nshayaH || 151||

satkaaramaanapuujaartha.n daNDakaashhayadhaaraNaH |
sa sa.nnyaasii na vaktavyaH sa.nnyaasii GYaanatatparaH || 152||

vijaananti mahaavaakya.n guroshcharaNa sevayaa |
te vai sa.nnyaasinaH proktaa itare veshhadhaariNaaH || 153||

nityaM brahma niraakaara.n nirguNa.n satyachiddhanam.h |
yaH saaxaatkurute loke gurutva.n tasya shobhate || 154||

guruprasaadataH svaatmanyaatmaaraamaniriixaNaat.h |
samataa muktimaargeNa svaatmaGYaanaM pravartate || 155||

aabrahmastambhaparyantaM paramaatmasvaruupakam.h |
sthaavara.n ja.ngama.n chaiva praNamaami jaganmayam.h || 156||

vandeha.n sachchidaanandaM bhaavaatiita.n jagadgurum.h |
nityaM puurNa.n niraakaara.n nirguNa.n svaatmasa.nsthitam.h || 157||

paraatparatara.n dhyaayennityamaanandakaarakam.h |
hR^idayaakaashamadhyastha.n shuddhasphaTikasannibham.h || 158||

sphaaTike sphaaTika.n ruupa.n darpaNe darpaNo yathaa |
tathaatmani chidaakaaramaananda.n so.ahamityuta || 159||

a.ngushhThamaatraM purushha.n dhyaayechcha chinmaya.n hR^idi |
tatra sphurati yo bhaavaH shruNu tatkathayaami te || 160||

ajo.ahamamaro.aha.n cha hyanaadinidhano hyaham.h |
avikaarashchidaanando hyaNiiyaanmahato mahaan.h || 161||

apuurvamapara.n nitya.n svaya.njyotirniraamayam.h |
virajaM paramaakaasha.n dhruvamaanandamavyayam.h || 162||

agochara.n tathaa.agamya.n naamaruupavivarjitam.h |
niHshabda.n tu vijaaniiyaatsvabhaavaadbrahma paarvati || 163||

yathaa gandhasvabhaavaavatva.n karpuurakusumaadishhu |
shiitoshhNatvasvabhaavatva.n tathaa brahmaNi shaashvatam.h || 164||

yathaa nijasvabhaavena kuNDalakaTakaadayaH |
suvarNatvena tishhThanti tathaa.ahaM brahma shaashvatam.h || 165||

svaya.n tathaavidho bhuutvaa sthaatavya.n yatrakutrachit.h |
kiiTo bhR^iN^ga iva dhyaanaadyathaa bhavati taadR^ishaH || 166||

gurudhyaana.n tathaa kR^itvaa svayaM brahmamayo bhavet.h |
piNDe pade tathaa ruupe muktaaste naatra sa.nshayaH || 167||

shriipaarvatii uvaacha |
piNDa.n ki.n tu mahaadeva pada.n ki.n samudaahR^itam.h |
ruupaatiita.n cha ruupa.n ki.n etadaakhyaahi sha.nkara || 168||

shriimahaadeva uvaacha |
piNDa.n kuNDalinii shaktiH pada.n ha.nsamudaahR^itam.h |
ruupaM binduriti GYeya.n ruupaatiita.n niraJNjanam.h || 169||

piNDe muktaaH pade muktaa ruupe muktaa varaanane |
ruupaatiite tu ye muktaaste muktaa naatra sa.nshayaH || 170||

gururdhyaanenaiva nitya.n dehii brahmamayo bhavet.h |
sthitashcha yatra kutraapi mukto.asau naatra sa.nshayaH || 171||

GYaana.n svaanubhavaH shaantirvairaagya.n vaktR^itaa dhR^itiH |
shhaDguNaishvaryayukto hi bhagavaan.h shriiguruH priye || 172||

guruH shivo gururdevo gururbandhuH shariiriNaam.h |
gururaatmaa gururjiivo guroranyanna vidyate || 173||

ekaakii nispR^ihaH shaantashchintaasuuyaadivarjitaH |
baalyabhaavena yo bhaati brahmaGYaanii sa uchyate || 174||

na sukha.n vedashaastreshhu na sukhaM mantrayantrake |
guroH prasaadaadanyatra sukha.n naasti mahiitale || 175||

chaarvaakavaishhNavamate sukha.n praabhaakare na hi |
guroH paadaantike yadvatsukha.n vedaantasammatam.h || 176||

na tatsukha.n surendrasya na sukha.n chakravartinaam.h |
yatsukha.n viitaraagasya munerekaantavaasinaH || 177||

nityaM brahmarasaM piitvaa tR^ipto yaH paramaatmani |
indra.n cha manyate tuchchha.n nR^ipaaNaa.n tatra kaa kathaa || 178||

yataH paramakaivalya.n gurumaargeNa vai bhavet.h |
gurubhaktirataH kaaryaa sarvadaa moxakaa.nxibhiH || 179||

eka evaadvitiiyo.aha.n guruvaakyena nishchitaH |
evamabhyasyataa nitya.n na sevya.n vai vanaantaram.h || 180||

abhyaasaannimishheNaiva.n samaadhimadhigachchhati |
aajanmajanitaM paapa.n tatxaNaadeva nashyati || 181||

kimaavaahanamavyaktai vyaapaka.n ki.n visarjanam.h |
amuurto cha kathaM puujaa katha.n dhyaana.n niraamaye || 182||

gururvishhNuH sattvamayo raajasashchaturaananaH |
taamaso rudraruupeNa sR^ijatyavati hanti cha || 183||

svayaM brahmamayo bhuutvaa tatpara.n naavalokayet.h |
paraatparatara.n naanyat.h sarvaga.n cha niraamayam.h || 184||

tasyaavalokanaM praapya sarvasa.ngavivarjitaH |
ekaakii nispR^ihaH shaantaH sthaatavya.n tatprasaadataH || 185||

labdha.n vaa.atha na labdha.n vaa svalpa.n vaa bahula.n tathaa |
nishhkaamenaiva bhoktavya.n sadaa sa.ntushhTamaanasaH || 186||

sarvaGYapadamityaahurdehii sarvamayo bhuvi |
sadaa.anandaH sadaa shaanto ramate yatrakutrachit.h || 187||

yatraiva tishhThate so.api sa deshaH puNyabhaajanaH |
muktasya laxaNa.n devi tavaagre kathitaM mayaa || 188||

upadeshastvaya.n devi gurumaargeNa muktidaH |
gurubhaktistathaatyaantaa kartavyaa vai maniishhibhiH || 189||

nityayuktaashrayaH sarvo vedakR^itsarvavedakR^it.h |
svaparaGYaanadaataa cha ta.n vande gurumiishvaram.h || 190||

yadyapyadhiitaa nigamaaH shhaDa.ngaa aagamaaH priye |
adhyaatmaadiini shaastraaNi GYaana.n naasti guru.n vinaa || 191||

shivapuujaarato vaapi vishhNupuujaarato.athavaa |
gurutattvavihiinashchettatsarva.n vyarthameva hi || 192||

shivasvaruupamaGYaatvaa shivapuujaa kR^itaa yadi |
saa puujaa naamamaatra.n syaachchitradiipa iva priye || 193||

sarva.n syaatsaphala.n karma gurudiixaaprabhaavataH |
gurulaabhaatsarvalaabho guruhiinastu baalishaH || 194||

guruhiinaH pashuH kiiTaH pata.ngo vaktumarhati |
shivaruupa.n svaruupa.n cha na jaanaati yatassvayam.h || 195||

tasmaatsarvaprayatnena sarvasa.ngavivarjitaH |
vihaaya shaastrajaalaani gurumeva samaashrayet.h || 196||

nirastasarvasandeho ekiikR^itya sudarshanam.h |
rahasya.n yo darshayati bhajaami gurumiishvaram.h || 197||

GYaanahiino gurustyaajyo mithyaavaadi viDambakaH |
svavishraanti.n na jaanaati parashaanti.n karoti kim.h || 198||

shilaayaaH kiM para.n GYaana.n shilaasa.nghaprataaraNe |
svaya.n tartu.n na jaanaati para.n nistaarayet.h katham.h || 199||

na vandaniiyaaste kashhTa.n darshanaadbhraantikaarakaaH |
varjayetaan.h gurun.h duure dhiiraaneva samaashrayet.h || 200||

paashhaNDinaH paaparataaH naastikaa bhedabuddhayaH |
striilampaTaa duraachaaraaH kR^itaghnaa bakavR^ittayaH || 201||

karmabhrashhTaaH xamaanashhTaa nindyatarkeshcha vaadinaH |
kaaminaH krodhinashchaiva hi.nsraashchaNDaaH shaThaastathaa || 202||

GYaanaluptaa na kartavyaa mahaapaapaastathaa priye |
ebhyo bhinno guruH sevyaH ekabhaktyaa vichaarya cha || 203||

shishhyaadanyatra deveshi na vadedyasya kasyachit.h |
naraaNaa.n cha phalapraaptau bhaktireva hi kaaraNam.h || 204||

guuDho dR^iDhashcha priitashcha maunena susamaahitaH |
sakR^itkaamagatau vaapi paJNchadhaa gururiiritaH || 205||

sarva.n gurumukhaallabdha.n saphalaM paapanaashanam.h |
yadyadaatmahita.n vastu tattaddravya.n na vaJNchayet.h || 206||

gurudevaarpaNa.n vastu tena tushhTo.asmi suvrate |
shriiguroH paadukaaM mudraaM muulamantra.n cha gopayet.h || 207||

nataasmi te naatha padaaravindaM buddhiindriyaapraaNamanovachobhiH |
yachchintyate bhaavita aatmayuktau mumuxibhiH karmamayopashaantaye || 208||

anena yadbhavetkaarya.n tadvadaami tava priye |
lokopakaaraka.n devi laukika.n tu vivarjayet.h || 209||

laukikaaddharmato yaati GYaanahiino bhavaarNave |
GYaanabhaave cha yatsarva.n karma nishhkarma shaamyati || 210||

imaa.n tu bhaktibhaavena paThedvai shruNuyaadapi |
likhitvaa yatpradaanena tatsarvaM phalamashnute || 211||

gurugiitaamimaa.n devi hR^idi nitya.n vibhaavaya |
mahaavyaadhigatairduHkhaiH sarvadaa prajapenmudaa || 212||

gurugiitaaxaraikaikaM mantraraajamidaM priye |
anye cha vividhaa mantraaH kalaa.n naaha.rnti shhoDashiim.h || 213||

ananta phalamaapnoti gurugiitaa japena tu |
sarvapaapaharaa devi sarvadaaridryanaashinii || 214||

akaalamR^ityuhartrii cha sarvasa.nkaTanaashinii |
yaxaraaxasabhuutaadichoravyaaghravighaatinii || 215||

sarvopadravakushhThaadidushhTadoshhanivaariNii |
yatphala.n gurusaannidhyaattatphalaM paThanaadbhavet.h || 216||

mahaavyaadhiharaa sarvavibhuuteH siddhidaa bhavet.h |
athavaa mohane vashye svayameva japetsadaa || 217||

kushaduurvaasane devi hyaasane shubhrakambale |
upavishya tato devi japedekaagramaanasaH || 218||

shukla.n sarvatra vai prokta.n vashye raktaasanaM priye |
padmaasane japennitya.n shaantivashyakaraM param.h || 219||

vastraasane cha daaridryaM paashhaaNe rogasambhavaH |
medinyaa.n duHkhamaapnoti kaashhThe bhavati nishhphalam.h || 220||

kR^ishhNaajine GYaanasiddhirmoxashriivyaa.rghracharmaNi |
kushaasane GYaanasiddhiH sarvasiddhistu kambale || 221||

aagneyyaa.n karshhaNa.n chaiva vaayavyaa.n shatrunaashanam.h |
naiR^i.rtyaa.n darshana.n chaiva iishaanyaa.n GYaanameva cha || 222||

udaN^mukhaH shaantijapye vashye puurvamukhastathaa |
yaamye tu maaraNaM proktaM pashchime cha dhanaagamaH || 223||

mohana.n sarvabhuutaanaaM bandhamoxakaraM param.h |
devaraaGYaaM priyakara.n raajaana.n vashamaanayet.h || 224||

mukhastambhakara.n chaiva guNaanaa.n cha vivardhanam.h |
dushhkarmanaashana.n chaiva tathaa satkarmasiddhidam.h || 225||

prasiddha.n saadhayetkaarya.n navagrahabhayaapaham.h |
duHsvapnanaashana.n chaiva susvapnaphaladaayakam.h || 226||

mohashaantikara.n chaiva bandhamoxakaraM param.h |
svaruupaGYaananilaya.n giitaashaastramida.n shive || 227||

ya.n ya.n chintayate kaama.n ta.n ta.n praapnoti nishchayam.h |
nitya.n saubhaagyadaM puNya.n taapatrayakulaapaham.h || 228||

sarvashaantikara.n nitya.n tathaa vandhyaa suputradam.h |
avaidhavyakara.n striiNaa.n saubhaagyasya vivardhanam.h || 229||

aayuraarogyamaishvaryaM putrapautrapravardhanam.h |
nishhkaamajaapii vidhavaa paThenmoxamavaapnuyaat.h || 230||

avaidhavya.n sakaamaa tu labhate chaanyajanmani |
sarvaduHkhamaya.n vighna.n naashayettaapahaarakam.h || 231||

sarvapaapaprashamana.n dharmakaamaarthamoxadam.h |
ya.n ya.n chintayate kaama.n ta.n ta.n praapnoti nishchitam.h || 232||

kaamyaanaa.n kaamadhenurvai kalpite kalpapaadapaH |
chintaamaNishchintitasya sarvama.ngalakaarakam.h || 233||

likhitvaa puujayedyastu moxashriyamavaapnuyaat.h |
guruubhaktirvisheshheNa jaayate hR^idi sarvadaa || 234||

japanti shaaktaaH sauraashcha gaaNapatyaashcha vaishhNavaaH |
shaivaaH paashupataaH sarve satya.n satya.n na sa.nshayaH || 235||

.. iti shriiska.ndapuraaNe uttarakha.nDe umaamaheshvara sa.nvaade
shrii gurugiitaayaaM dvitiiyo.adhyaayaH ..

\hrule

.. atha tR^itiiyaH adhyaayaH ..

atha kaamyajapasthaana.n kathayaami varaanane |
saagaraante saritiire tiirthe hariharaalaye || 236||

shaktidevaalaye goshhThe sarvadevaalaye shubhe |
vaTasya dhaatryaa muule vaa maThe vR^indaavane tathaa || 237||

pavitre nirmale deshe nityaanushhThaanato.api vaa |
nirvedanena maunena japametat.h samaarabhet.h || 238||

jaapyena jayamaapnoti japasiddhiM phala.n tathaa |
hiina.n karma tyajetsarva.n gahi.rtasthaanameva cha || 239||

shmashaane bilvamuule vaa vaTamuulaantike tathaa |
siddhyanti kaanake muule chuutavR^ixasya sannidhau || 240||

piitaasanaM mohane tu hyasita.n chaabhichaarike |
GYeya.n shukla.n cha shaantyartha.n vashye raktaM prakiirtitam.h || 241||

japa.n hiinaasana.n kurvat.h hiinakarmaphalapradam.h |
gurugiitaaM prayaaNe vaa sa.ngraame ripusa.nkaTe || 242||

japan.h jayamavaapnoti maraNe muktidaayikaa |
sarvakarmaaNi siddhyanti guruputre na sa.nshayaH || 243||

gurumantro mukhe yasya tasya siddhyanti naanyathaa |
diixayaa sarvakarmaaNi siddhyanti guruputrake || 244||

bhavamuulavinaashaaya chaashhTapaashanivR^ittaye |
gurugiitaambhasi snaana.n tattvaGYaH kurute sadaa || 245||

sa eva.n sadguruH saaxaat.h sadasadbrahmavittamaH |
tasya sthaanaani sarvaaNi pavitraaNi na sa.nshayaH || 246||

sarvashuddhaH pavitro.asau svabhaavaadyatra tishhThati |
tatra devagaNaaH sarve xetrapiiThe charanti cha || 247||

aasanasthaaH shayaanaa vaa gachchhantastishhThanto.api vaa |
ashvaaruuDhaa gajaaruuDhaaH sushhuptaa jaagrato.api vaa || 248||

shuchibhuutaa GYaanavanto gurugiitaa japanti ye |
teshhaa.n darshanasa.nsparshhaat.h divyaGYaanaM prajaayate || 249||

samudre vai yathaa toya.n xiire xiira.n jale jalam.h |
bhinne kumbhe yathaakaasha.n tathaa.a.atmaa paramaatmani || 250||

tathaiva GYaanavaan.h jiivaH paramaatmani sarvadaa |
aikyena ramate GYaanii yatra kutra divaanisham.h || 251||

eva.nvidho mahaayuktaH sarvatra vartate sadaa |
tasmaatsarvaprakaareNa gurubhakti.n samaacharet.h || 252||

gurusantoshhaNaadeva mukto bhavati paarvati |
aNimaadishhu bhoktR^itva.n kR^ipayaa devi jaayate || 253||

saamyena ramate GYaanii divaa vaa yadi vaa nishi |
eva.nvidho mahaamaunii trailokyasamataa.n vrajet.h || 254||

atha sa.nsaariNaH sarve gurugiitaajapena tu |
sarvaan.h kaamaa.nstu bhuJNjanti trisatyaM mama bhaashhitam.h || 255||

satya.n satyaM punaH satya.n dharmasaaraM mayoditam.h |
gurugiitaasama.n stotra.n naasti tattva.n guroH param.h || 256||

gururdevo gururdhamo.r gurau nishhThaa para.n tapaH |
guroH paratara.n naasti trivaara.n kathayaami te || 257||

dhanyaa maataa pitaa dhanyo gotra.n dhanya.n kulodbhavaH |
dhanyaa cha vasudhaa devi yatra syaadgurubhaktataa || 258||

aakalpajanma koTiinaa.n yaGYavratatapaHkriyaaH |
taaH sarvaaH saphalaa devi guruusantoshhamaatrataH || 259||

shariiramindriyaM praaNashchaarthaH svajanabandhutaa |
maatR^ikulaM pitR^ikula.n gurureva na sa.nshayaH || 260||

mandabhaagyaa hyashaktaashcha ye janaa naanumanvate |
gurusevaasu vimukhaaH pachyante narakeshuchau || 261||

vidyaa dhana.n bala.n chaiva teshhaaM bhaagya.n nirarthakam.h |
yeshhaa.n guruukR^ipaa naasti adho gachchhanti paarvatii || 262||

brahmaa vishhNushcha rudrashcha devataaH pitR^ikinnaraaH |
siddhachaaraNayaxaashcha anye cha munayo janaaH || 263||

gurubhaavaH para.n tiirthamanyartha.n nirarthakam.h |
sarvatiirthamaya.n devi shriiguroshcharaNaambujam.h || 264||

kanyaabhogarataa mandaaH svakaantaayaaH paraaN^mukhaaH |
ataH paraM mayaa devi kathitanna mama priye || 265||

ida.n rahasyamaspashhTa.n vaktavya.n cha varaanane |
sugopya.n cha tavaagre tu mamaatmapriitaye sati || 266||

svaamimukhyagaNeshaadyaan.h vaishhNavaadii.nshcha paarvati |
na vaktavyaM mahaamaaye paadasparsha.n kurushhva me || 267||

abhakte vaJNchake dhuurte paashhaNDe naastikaadishhu |
manasaa.api na vaktavyaa gurugiitaa kadaachana || 268||

guravo bahavaH santi shishhyavittaapahaarakaaH |
tameka.n durlabhaM manye shishhyahR^ittaapahaarakam.h || 269||

chaaturyavaan.h vivekii cha adhyaatmaGYaanavaan.h shuchiH |
maanasa.n nirmala.n yasya gurutva.n tasya shobhate || 270||

guravo nirmalaaH shaantaaH saadhavo mitabhaashhiNaH |
kaamakrodhavinirmuktaaH sadaachaaraaH jitendriyaaH || 271||

suuchakaadiprabhedena guravo bahudhaa smR^itaaH |
svaya.n samyak.h pariixyaatha tattvanishhThaM bhajetsudhiiH || 272||

varNajaalamida.n tadvadbaahyashaastra.n tu laukikam.h |
yasmin.h devi samabhyasta.n sa guruH suchakaH smR^itaH || 273||

varNaashramochitaa.n vidyaa.n dharmaadharmavidhaayiniim.h |
pravaktaara.n guru.n viddhi vaachaka.n tviti paarvati || 274||

paJNchaaxaryaadimantraaNaamupadeshhTaa tu paarvati |
sa gururbodhako bhuuyaadubhayorayamuttamaH || 275||

mohamaaraNavashyaadituchchhamantropadarshinam.h |
nishhiddhagururityaahuH paNDitaastattvadarshinaH || 276||

anityamiti nirdishya sa.nsaara.n sa.nkaTaalayam.h |
vairaagyapathadarshii yaH sa gururvihitaH priye || 277||

tattvamasyaadivaakyaanaamupadeshhTaa tu paarvati |
kaaraNaakhyo guruH prokto bhavaroganivaarakaH || 278||

sarvasandehasandohanirmuulanavichaxaNaH |
janmamR^ityubhayaghno yaH sa guruH paramo mataH || 279||

bahujanmakR^itaat.h puNyaallabhyate.asau mahaaguruH |
labdhvaa.amu.n na punaryaati shishhyaH sa.nsaarabandhanam.h || 280||

evaM bahuvidhaa loke guravaH santi paarvati |
teshhu sarvaprayatnena sevyo hi paramo guruH || 281||

nishhiddhagurushishhyastu dushhTasa.nkalpaduushhitaH |
brahmapralayaparyanta.n na punaryaati martyataam.h || 282||

eva.n shrutvaa mahaadevii mahaadevavachastathaa |
atyantavihvalamanaa sha.nkaraM paripR^ichchhati || 283||

paarvatyuvaacha |
namaste devadevaatra shrotavya.n ki.nchidasti me |
shrutvaa tvadvaakyamadhunaa bhR^isha.n syaadvihvalaM manaH || 284||

svayaM muuDhaa mR^ityubhiitaaH sukR^itaadvirati.n gataaH |
daivaannishhiddhagurugaa yadi teshhaa.n tu kaa gatiH || 285||

shrii mahaadeva uvaacha |
shruNu tattvamida.n devi yadaa syaadvirato naraH |
tadaa.asaavadhikaariiti prochyate shrutimastakaiH || 286||

akhaNDaikarasaM brahma nityamukta.n niraamayam.h |
svasmin.h sandarshita.n yena sa bhavedasya.n deshikaH || 287||

jalaanaa.n saagaro raajaa yathaa bhavati paarvati |
guruuNaa.n tatra sarveshhaa.n raajaayaM paramo guruH || 288||

mohaadirahitaH shaanto nityatR^ipto niraashrayaH |
tR^iNiikR^itabrahmavishhNuvaibhavaH paramo guruH || 289||

sarvakaalavidesheshhu svatantro nishchalassukhii |
akhaNDaikarasaasvaadatR^ipto hi paramo guruH || 290||

dvaitaadvaitavinirmuktaH svaanubhuutiprakaashavaan.h |
aGYaanaandhatamashchhettaa sarvaGYaH paramo guruH || 291||

yasya darshanamaatreNa manasaH syaat.h prasannataa |
svayaM bhuuyaat.h dhR^itishshaantiH sa bhavet.h paramo guruH || 292||

siddhijaala.n samaalokya yoginaaM mantravaadinaam.h |
tuchchhaakaaramanovR^ittiryasyaasau paramo guruH || 293||

svashariira.n shavaM pashyan.h tathaa svaatmaanamadvayam.h |
yaH striikanakamohaghnaH sa bhavet.h paramo guruH || 294||

maunii vaagmiiti tattvaGYo dvidhaabhuuchchhR^iNu paarvati |
na kashchinmauninaa laabho loke.asminbhavati priye || 295||

vaagmii tuutkaTasa.nsaarasaagarottaaraNaxamaH |
yatosau sa.nshayachchhettaa shaastrayuktyanubhuutibhiH || 296||

gurunaamajapaaddevi bahujanmarjitaanyapi |
paapaani vilaya.n yaanti naasti sandehamaNvapi || 297||

shriigurossadR^isha.n daiva.n shriigurosadR^ishaH pitaa |
gurudhyaanasama.n karma naasti naasti mahiitale || 298||

kula.n dhanaM bala.n shaastraM baandhavaassodaraa ime |
maraNe nopayujyante gurureko hi taarakaH || 299||

kulameva pavitra.n syaat.h satya.n svagurusevayaa |
tR^iptaaH syussakalaa devaa brahmaadyaa gurutarpaNaat.h || 300||

gurureko hi jaanaati svaruupa.n devamavyayam.h |
tajGYaana.n yatprasaadena naanyathaa shaastrakoTibhiH || 301||

svaruupaGYaanashuunyena kR^itamapyakR^itaM bhavet.h |
tapojapaadiak.n devi sakalaM baalajalpavat.h || 302||

shiva.n kechiddhari.n kechidvidhi.n kechittu kechana |
shakti.n devamiti GYaatvaa vivadanti vR^ithaa naraaH || 303||

na jaananti para.n tattva.n guruudiixaaparaaN^mukhaaH |
bhraantaaH pashusamaa hyete svapariGYaanavarjitaaH || 304||

tasmaatkaivalyasiddhyartha.n guruumeva bhajetpriye |
guruu.n vinaa na jaananti muuDhaastatparamaM padam.h || 305||

bhidyate hR^idayagranthishchhidyante sarvasa.nshayaaH |
xiiyante sarvakarmaaNi guroH karuuNayaa shive || 306||

kR^itaayaa gurubhaktestu vedashaastraanusaarataH |
muchyate paatakaadghoraadguruubhakto visheshhataH || 307||

duHsa.nga.n cha parityajya paapakarma parityajet.h |
chittachihnamida.n yasya diixaa vidhiiyate || 308||

chittatyaaganiyuktashcha krodhagarvavivarjitaH |
dvaitabhaavaparityaagii tasya diixaa vidhiiyate || 309||

etallaxaNa sa.nyukta.n sarvabhuutahite ratam.h |
nirmala.n jiivita.n yasya tasya diixaa vidhiiyate || 310||

kriyayaa chaanvitaM puurva.n diixaajaala.n niruupitam.h |
mantradiixaabhirrdha saa.ngopaa.nga shivoditam.h || 311||

kriyayaa syaadvirahitaa.n guruusaayujyadaayiniim.h |
gurudiixaa.n vinaa ko vaa gurutvaachaarapaalakaH || 312||

shakto na chaapi shakto vaa daishikaa.nghrisamaashrayaat.h |
tasya janmaasti saphalaM bhogamoxaphalapradam.h || 313||

atyantachittapakvasya shraddhaabhaktiyutasya cha |
pravaktavyamida.n devi mamaatmapriitaye sadaa || 314||

rahasya.n sarvashaastreshhu giitaashaastrada.n shive |
samyakpariixya vaktavya.n saadhakasya madyaatmanaH || 315||

satkarmaparipaakaachcha chittashuddhasya dhiimataH |
saadhakasyaiva vaktavyaa gurugiitaa prayatnataH || 316||

naastikaaya kR^itaghnaaya daambhikaaya shaThaaya cha |
abhaktaaya vibhaktaaya na vaachyeya.n kadaachana || 317||

striilolupaaya muurkhaaya kaamopahatachetase |
nindakaaya na vaktavyaa gurugiitaa svabhaavataH || 318||

sarva paapaprashamana.n sarvopadravavaarakam.h |
janmamR^ityuhara.n devi giitaashaastramida.n shive || 319||

shrutisaaramida.n devi sarvamukta.n samaasataH |
naanyathaa sadgatiH pu.nsaa.n vinaa gurupada.n shive || 320||

bahujanmakR^itaatpaadayamartho na rochate |
janmabandhanivR^ityartha.n gurumeva bhajetsadaa || 321||

ahameva jagatsarvamahameva paraM padam.h |
etajGYaana.n yato bhuuyaatta.n guruM praNamaamyaham.h || 322||

ala.n vikalpairahameva kevalo mayi sthita.n vishvamida.n charaacharam.h |
ida.n rahasyaM mama yena darshitam.h sa vandaniiyo gurureva kevalam.h || 323||

yasyaanta.n naadimadhya.n na hi karacharaNa.n naamagotra.n na suutram.h |
no jaatirnaiva varNo na bhavati purushho no napu.nsa.n na cha strii || 324||

naakaara.n no vikaara.n na hi janimaraNa.n naasti puNya.n na paapam.h |
no.atattva.n tattvameka.n sahajasamarasa.n sadguru.n ta.n namaami || 325||

nityaaya satyaaya chidaatmakaaya navyaaya bhavyaaya paraatparaaya |
shuddhaaya buddhaaya niraJNjanaaya namo.asya nitya.n gurushekharaaya || 326||

sachchidaanandaruupaaya vyaapine paramaatmane |
namaH shriigurunaathaaya prakaashaanandamuurtaye || 327||

satyaanandasvaruupaaya bodhaikasukhakaariNe |
namo vedaantavedyaaya gurave buddhisaaxiNe || 328||

namaste naatha bhagavan.h shivaaya gururuupiNe |
vidyaavataarasa.nsiddhyai sviikR^itaanekavigraha || 329||

navaaya navaruupaaya paramaarthaikaruupiNe |
sarvaaGYaanatamobhedabhaanave chidghanaaya te || 330||

svatantraaya dayaaklR^iptavigrahaaya shivaatmane |
paratantraaya bhaktaanaaM bhavyaanaaM bhavyaruupiNe || 331||

vivekinaa.n vivekaaya vimarshaaya vimarshinaam.h |
prakaashinaaM prakaashaaya GYaaninaa.n GYaanaruupiNe || 332||

purastatpaarshvayoH pR^ishhThe namaskuryaaduparyadhaH |
sadaa machchittaruupeNa vidhehi bhavadaasanam.h || 333||

shriiguruM paramaananda.n vande hyaanandavigraham.h |
yasya sannidhimaatreNa chidaanandaaya te manaH || 334||

namo.astu gurave tubhya.n sahajaanandaruupiNe |
yasya vaagamR^ita.n hanti vishha.n sa.nsaarasa.nGYakam.h || 335||

naanaayuktopadeshena taaritaa shishhyamantatiH |
tatkR^itaasaaravedena guruchitpadamachyutam.h || 336||

achyutaaya manastubhya.n gurave paramaatmane |
sarvatantrasvatantraaya chidghanaanandamuurtaye || 337||

namochyutaaya gurave vidyaavidyaasvaruupiNe |
shishhyasanmaargapaTave kR^ipaapiiyuushhasindhave || 338||

omachyutaaya gurave shishhyasa.nsaarasetave |
bhaktakaaryaikasi.nhaaya namaste chitsukhaatmane || 339||

gurunaamasama.n daiva.n na pitaa na cha baandhavaaH |
gurunaamasamaH svaamii nedR^ishaM paramaM padam.h || 340||

ekaaxarapradaataara.n yo guru.n naiva manyate |
shvaanayonishata.n gatvaa chaaNDaaleshhvapi jaayate || 341||

gurutyaagaadbhavenmR^ityurmantratyaagaaddaridrataa |
gurumantraparityaagii raurava.n naraka.n vrajet.h || 342||

shivakrodhaadgurustraataa gurukrodhaachchhivo na hi |
tasmaatsarvaprayatnena guroraaGYaa na la.nghayet.h || 343||

sa.nsaarasaagarasamuddharaNaikamantram.h brahmaadidevamunipuujitasiddhamantram.h |
daaridryaduHkhabhavarogavinaashamantram.h vande mahaabhayahara.n gururaajamantram.h || 344||

saptakoTiimahaamantraashchittavibhra.nshakaarakaaH |
eka eva mahaamantro gururityaxaradvayam.h || 345||

evamuktvaa mahaadevaH paarvatiiM punarabraviit.h |
idameva para.n tattva.n shruNu devi sukhaavaham.h || 346||

gurutattvamida.n devi sarvamukta.n samaasataH |
rahasyamidamavyaktanna vadedyasya kasyachit.h || 347||

na mR^ishhaa syaadiya.n devi maduktiH satyaruupiNii |
gurugiitaasama.n stotra.n naasti naasti mahiitale || 348||

gurugiitaamimaa.n devi bhavaduHkhavinaashiniim.h |
gurudiixaavihiinasya purato na paThet.h kvachit.h || 349||

rahasyamatyantarahasyametanna paapinaa labhyamida.n maheshvari |
anekajanmaarjitapuNyapaakaadgurostu tattva.n labhate manushhyaH || 350||

yasya prasaadaadahameva sarvam.h mayyeva sarvaM parikalpita.n cha |
ittha.n vijaanaami sadaatmaruupam.h gtasyaa.nghripadmaM praNato.asmi nityam.h || 351||

aGYaanatimiraandhasya vishhayaakraantachetasaH |
GYaanaprabhaapradaanena prasaada.n kuru me prabho || 352||

.. iti shriigurugiitaayaaM tR^itiiyo.adhyaayaH ..
.. iti shriiska.ndapuraaNe uttarakha.nDe iishvarapaarvatii sa.nvaade gurugiitaa samaapta ..
.. shriigurudattaatreyaarpaNamastu ..
##
Transliterated  and proofread by Sri Sunder Hattangadi sunderh@hotmail.com
%%The shorter version was done by Shankarans (Kapila and her mother).
%%Then, Swami Vishvarupananda sent me a copy of the longer version
%%(now out of print).
%% gurugita.* is longer version
%% gurugiitaa.* is shorter version
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}