% Text title            : hArItagItA
% File name             : haariitagiitaa.itx
% Category              : gItA, giitaa
% Location              : doc\_giitaa
% Transliterated by     : Professor Tokunaga in Kyoto system(?) then expanded
% Proofread by          : Sunder Hattangadi(sunderh at hotmail.com)
% Latest update         : June 2, 1998, March 24, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{..  hArItagItA ..}##
\itxtitle{.. hArItagItA ..}##\endtitles ##

 adhyAyaH 269
 yudhiShThira uvAcha
ki.n shIlaH kiM samAchAraH kiM vidyaH kiM parAyanaH |
prApnoti brahmaNaH sthAna.n yatparaM prakR^iterdhruvam || 1||
 bhIShma uvAcha
mokShadharmeShu nirato laghvAhAro jitendriyaH |
prApnoti parama.n sthAnaM yatparaM prakR^iterdhruvam || 2||
svagR^ihAdabhiniHsR^itya lAbhAlAbhe samo muniH |
samupodheShu kAmeShu nirapekShaH parivrajet || 3||
na chakShuShA na manasA na vAchA dUsayedapi |
na pratyakShaM parokSha.n vA dUsanaM vyAharetkva chit || 4||
na hi.nsyAtsarvabhUtAni maitrAyaNa gatish charet |
neda.n jIvitamAsAdya vairaM kurvIta kena chit || 5||
ativAdA.nstitikSheta nAbhimanyetkatha.n chana |
krodhyamAnaH priyaM brUyAdAkruShTaH kushala.n vadet || 6||
pradakShiNaM prasavya.n cha grAmamadhye na chAcharet |
bhaikSha charyAmanApanno na gachChetpUrvaketitaH || 7||
avikIrNaH suguptashcha na vAchA hyapriya.n vadet |
mR^iduH syAdapratikrUro visrabdhaH syAdaroShaNaH || 8||
vidhUme nyastamusale vya~NgAre bhuktavajjane |
atIte pAtrasa~ncAre bhikShA.n lipseta vai muniH || 9||
anuyAtrikamarthasya mAtrA lAbheShvanAdR^itaH |
alAbhe na vihanyeta lAbhashchainaM na harShayet || 10||
lAbha.n sAdhAraNaM nechChenna bhu~njItAbhipUjitaH |
abhipUjita lAbha.n hi jugupsetaiva tAdR^ishaH || 11||
na chAnna doShAnnindeta na guNAnabhipUjayet |
shayAsane vivikte cha nityamevAbhipUjayet || 12||
shUnyAgara.n vR^ikShamUlamaraNyamatha vA guhAm |
aj~nAtacharyA.n gatvAnyAM tato.anyatraiva sa.nvishet || 13||
anurodhavirodhAbhyA.n samaH syAdachalo dhruvaH |
sukR^ita.n duShkR^itaM chobhe nAnurudhyeta karmaNi || 14||
nityatR^iptaH susaMtuShTaH prasannavadanendriyaH |
vibhIrjapyaparo maunI vairAgyaM samupAshritaH || 15||
abhyastaM bhautikaM pashyan bhUtAnAmAgatIM gatim |
nispR^ihaH samadarshI cha pakvApakvena vartayan |
AtmanA yaH prashAntAtmA laghvAhAro jitendriyaH || 16||
vAcho vegaM manasaH krodhavegaM
vivitsA vegamudaropastha vegam |
etAnvegAnvinayedvai tapasvI
nindA chAsya hR^idayaM nopahanyAt || 17||
madhyastha eva tiShTheta prasha.nsA nindayoH samaH |
etatpavitraM paramaM parivrAjaka Ashrame || 18||
mahAtmA suvrato dAntaH sarvatraivAnapAshritaH |
apUrva chArakaH saumyo aniketaH samAhitaH || 19||
vAna prasthagR^ihasthAbhyAM na sa.nsR^ijyeta karhi chit |
aj~nAtalipsA.n lipseta na chainaM harSha Avishet || 20||
vijAnatAM mokSha eSha shramaH syAdavijAnatAm |
mokShayAnamida.n kR^itsna.n viduShAM hArito.abravIt || 21||
abhaya.n sarvabhUtebhyo dattvA yaH pravrajedgR^ihAt |
lokAstejomayAstasya tathAnantyAya kalpate || 22||

|| iti shrI mahAbhArate shAntiparvaNi mokShadharmaparvaNi hArItagItAyAM
aShTasaptatyadhikadvishatatamo.asdhyAya ||

##

Adhyaya number 269 in shAntiparva, Mahabharata critical edition
(Bhandarkar Oriental Research Institute BORI) does not include verses 15-16.
In Kinjavadekar's edition the adhyAya is 278.

Proofread by Sunder Hattangadi  (sunderh at hotmail.com)



\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}