% Text title            : hansagItA
% File name             : hansagiitaa.itx
% Category              : gItA, giitaa
% Location              : doc\_giitaa
% Transliterated by     : Professor Tokunaga in Kyoto system(?)
% Proofread by          : Sunder Hattangadi(sunderh at hotmail.com) and PSA Easwaran psaeaswaran at gmail.com
% Description-comments  : mahAbhArata shAntiparva mokShadharmaparva adhyAyaH 288
% Latest update         : June 2, 1998 , May 12, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ha.nsagItA ..}##
\itxtitle{.. ha.nsagItA ..}##\endtitles ##

yudhiShThira uvAcha |
satya.n damaM kShamAM praj~nAM prasha.nsanti pitAmaha |
vidvA.nso manujA loke kathametanmata.n tava || 1||
bhIShma uvAcha |
atra te vartayiShye.ahamitihAsaM purAtanam |
sAdhyAnAmiha sa.nvAda.n ha.nsasya cha yudhiShThira || 2||
ha.nso bhUtvAtha sauvarNastvajo nityaH prajApatiH |
sa vai paryeti lokA.nstrInatha sAdhyAnupAgamat || 3||
sAdhyA UchuH |
shakune vaya.n sma devA vai sAdhyAstvAmanuyujmahe |
pR^ichChAmastvAM mokShadharmaM bhavAMshcha kila mokShavit || 4||
shruto.asi naH paNDito dhIravAdI
sAdhushabdashcharate te patatrin |
kiM manyase shreShThatama.n dvija tvaM
kasminmanaste ramate mahAtman || 5||
tannaH kAryaM pakShivara prashAdhi
yatkarmaNAM manyase shreShThamekam |
yatkR^itvA vai puruShaH sarvabandhair\-
vimuchyate vihagendreha shIghram || 6||
haMsa uvAcha |
ida.n kAryamamR^itAshAH shR^iNomi
tapo damaH satyamAtmAbhiguptiH |
granthIn vimuchya hR^idayasya sarvAn
priyApriye sva.n vashamAnayIta || 7||
nAruntudaH syAnna nR^isha.nsavAdI
na hInataH paramabhyAdadIta |
yayAsya vAchA para udvijeta
na tA.n vadedruShatIM pApalokyAm || 8||
vAksAyakA vadanAnniShpatanti
yairAhataH shochati rAtryahAni |
parasya nAmarmasu te patanti
tAn paNDito nAvasR^ijetpareShu || 9||
parashchedenamati vAdabAnair\-
bhR^isha.n vidhyechChama eveha kAryaH |
sa.nroShyamANaH pratihR^iShyate yaH
sa Adatte sukR^ita.n vai parasya || 10||
kShepAbhimAnAdabhiSha~NgavyalIkaM ## var ## kShepAyamANamabhiSha~Nga
nigR^ihNAti jvalita.n yashcha manyum |
aduShTachetA mudito.anasUyuH
sa Adatte sukR^ita.n vai pareShAm || 11||
AkrushyamAno na vadAmi ki.nchit
kShamAmyaha.n tADyamAnashcha nityam |
shreShTha.n hyetat yat kShamAmAhurAryAH
satya.n tathaivArjavamAnR^isha.nsyam || 12||
vedasyopaniShatsatya.n satyasyopaniShaddamaH |
damasyopaniShanmokShaM etatsarvAnushAsanam || 13||
vAcho vegaM manasaH krodhavegaM vivitsA vegamudaropastha vegam | 
etAn vegAn yo viShahadudIrNA.nstaM manye.ahaM brAhmaNa.n vai muni.n cha || 14||
akrodhanaH krudhyatA.n vai vishiShTastathA titikShuratitikShorvishiShTaH |
amAnuShAnmAnuSho vai vishiShTas tathA j~nAnAjj~nAnavAnvai pradhAnaH || 15|| 
## var ## j~nAnavidvai vishiShTaH
AkrushyamAno nAkroshenmanyureva titikShataH | ## var ## nAkrushyet manyurenaM
AkroShTAraM nirdahati sukR^ita.n chAsya vindati || 16||
yo nAtyuktaH prAha rUkShaM priya.n vA
yo vA hato na pratihanti dhairyAt |
pApa.n cha yo nechChati tasya hantus\-
tasmai devAH spR^ihayante sadaiva || 17|| ## var ## tasyeha devAH spR^ihayanti
nityam |
pApIyasaH kShametaiva shreyasaH sadR^ishasya cha |
vimAnito hato.a.akruShTa eva.n siddhi.n gamiShyati || 18||
sadAhamAryAnnibhR^ito.apyupAse
na me vivitsA na chame.asti roShaH | ## var ## vivitsotsahate na roShaH
na chApyaha.n lipsamAnaH paraimi
na chaiva ki.nchidviShayeNa yAmi || 19||
nAha.n shaptaH pratishapAmi ki.nchid
dama.n dvAra.n hyamR^itasyeha vedmi |
guhyaM brahma tadida.n vA bravImi
na mAnuShAchChreShThatara.n hi ki.nchit || 20||
vimuchyamAnaH pApebhyo dhanebhya iva chandramAH |
virajAH kAlamAkA~NkShan dhIro dhairyeNa sidhyati || 21||
yaH sarveShAM bhavati hyarchanIya
utsedhanastambha ivAbhijAtaH |
yasmai vAcha.n suprashastAM vadanti ## var ## tasmai vAcha.n suprasannAM
sa vai devAngachChati sa.nyatAtmA || 22||
na tathA vaktumichChanti kalyANAn puruShe guNAn |
yathaiShA.n vaktumichChanti nairguNyamanuyu~njakAH || 23||
yasya vA~NmanasI gupte samyakpraNihite sadA |
vedAstapashcha tyAgashcha sa ida.n sarvamApnuyAt || 24||
AkroshanAvamAnAbhyAM nAbudhAn garhayed budhaH |  ## var ## bodhayed budhaH
tasmAnna vardhayedanyaM na chAtmAna.n vihi.nsayet || 25||
amR^itasyeva santR^ipyedavamAnasya vai dvijaH | ## var ## paNDitaH |
sukha.n hyavamataH shete yo.avamantA sa nashyati || 26||
yatkrodhano yajate yaddadAti
yadvA tapastapyati yajjuhoti |
vaivasvatastaddharate.asya sarvaM
moghaH shramo bhavati hi krodhanasya || 27||
chatvAri yasya dvArANi suguptAnyamarottamAH |
upasthamudara.n hastau vAkchaturthI sa dharmavit || 28||
satya.n dama.n hyArjavamAnR^isha.nsyaM
dhR^iti.n titikShAmabhisevamAnaH | ## var ## titikShAM cha saMsevamAnaH
svAdhyAyanityo.aspR^ihayanpareShAm ## var ## yukto.aspR^ihayan pareShAm
ekAntashIlyUrdhvagatirbhavetsaH || 29||
sarvAnetAnanucharan vatsavachchaturaH stanAn | ## var ## sarvAMshchainAnanucharan
na pAvanatama.n kiMchitsatyAdadhyagamaM kvachit || 30||
AchakShe.ahaM manuShyebhyo devebhyaH pratisa~ncaran |
satya.n svargasya sopAnaM pArAvArasya nauriva || 31||
yAdR^ishaiH saMnivasati yAdR^ishAMshchopasevate |
yAdR^igichChechcha bhavitu.n tAdR^igbhavati pUruShaH || 32||
yadi santa.n sevati yadyasantaM
tapasvina.n yadi vA stenameva |
vAso yathA ra~NgavashaM prayAti
tathA sa teShA.n vashamabhyupaiti || 33||
sadA devAH sAdhubhiH sa.nvadante
na mAnuSha.n viShayaM yAnti draShTum |
nenduH samaH syAdasamo hi vAyur\-
uchchAvacha.n viShayaM yaH sa veda || 34||
aduShTa.n vartamAne tu hR^idayAntarapUruShe |
tenaiva devAH prIyante satAM mArgasthitena vai || 35||
shishnodare ye.abhiratAH sadaiva ## var ## ye niratAH
stenA narA vAkparuShAshcha nityam |
apetadoShAniti tAn viditvA
dUrAddevAH samparivarjayanti || 36||
na vai devA hInasattvena toShyAH
sarvAshinA duShkR^itakarmaNA vA |
satyavratA ye tu narAH kR^itaj~nA
dharme ratAstaiH saha sambhajante || 37||
avyAhR^ita.n vyAkR^itAchChreya AhuH
satya.n vadedvyAhR^ita.n taddvitIyam |
dharma.n vadedvyAhR^ita.n tattR^itIyaM
priya.nvadedvyAhR^ita.n tachchaturtham || 38||
sAdhyA UchuH |
kenAyamAvR^ito lokaH kena vA na prakAshate |
kena tyajati mitrANi kena svargaM na gachChati || 39||
haMsa uvAcha |
aj~nAnenAvR^ito loko mAtsaryAnna prakAshate |
lobhAttyajati mitrANi sa~NgAtsvargaM na gachChati || 40||
sAdhyA UchuH |
kaH svideko ramate brAhmaNAnAM
kaH svideko bahubhirjoShamAste |
kaH svideko balavAn durbalo.api
kaH svideShA.n kalahaM nAnvavaiti || 41||
haMsa uvAcha |
prAj~na eko ramate brAhmaNAnAM
prAj~nashchaiko bahubhirjoShamAste |
prAj~na eko balavAn durbalo.api
prAj~na eShA.n kalahaM nAnvavaiti || 42||
sAdhyA UchuH |
kiM brAhmaNAnA.n devatvaM kiM cha sAdhutvamuchyate |
asAdhutva.n cha kiM teShAM kimeShAM mAnuShaM matam || 43||
haMsa uvAcha |
svAdhyAya eShA.n devatva.n vrataM sAdhutvamuchyate |
asAdhutvaM parIvAdo mR^ityurmAnuShyamuchyate || 44||
bhIShma uvAcha |
sa.nvAda ityaya.n shreShThaH sAdhyAnAM parikIrtitaH |
kShetra.n vai karmaNAM yoniH sadbhAvaH satyamuchyate || 45||
## var ##
ityuktvA paramo deva bhagavAn nitya avyayaH |
sAdhyairdevagaNaiH sArdhaM divamevAruroha saH || 45||
etad yashasyamAyuShyaM puNyaM svargAya cha dhruvam |
darshitaM devadevena parameNAvyayena cha || 46||

|| iti shrImahAbhArate shAntiparvaNi mokShadharmaparvaNi
          ha.nsagItA samAptA ||
##

mahAbhArata shAntiparva mokShadharmaparva adhyAyaH 288 in
critical edition, 289 in Kinjavadekar edition.

Proofread by Sunder Hattangadi sunderh@hotmail.com
and PSA Easwaran psaeaswaran at gmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}