% Text title            : laghutamagItAsangraha from Bharatamanjari of Kshemendra
% File name             : laghutamagItAsangrahaBM.itx
% Category              : giitaa, kShemendra
% Location              : doc\_giitaa
% Author                : Kshemendra
% Description/comments  : kAvyamAlA 65. Bharatamanjari
% Latest update         : October 15, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Short Gitas from Bharatamanjari of Kshemendra ..}##
\itxtitle{.. laghutamagItAsa~NgrahAH bhAratama~njaryAM kShemendravirachitAH ..}##\endtitles ##
\section{vAmadevagItA}
uvAcha kosalAdhIshaM vAmadevaH purA muniH |
dharmalopena bhUpAnAM kShIyante sahasA shriyaH || 13\.362||
suhR^idbhiH praNayakrItairmAnakrItairmanIShibhiH |
dhanakrItaistathA bhR^ityairdhAryate shrIrmahIbhujA || 13\.363||
shR^iNoti karuNAkrandaM shrutvA cha trAyate bhayat |
nAvichArya sR^ijeddaNDaM yaH sa sarvapriyo nR^ipaH || 13\.364||
nAtaH parataraM ki~nchidrAj~naH kilbiShakAraNam |
prajA viraktatAM yAnti yatkubharturivAbalAH || 13\.365||
ityuktaM vAmadevena shrutvA sa vasudhAdhipaH |
vartamAnaH svadharmeNa prajAnAmabhavatpriyaH || 13\.366||
\section{ShaDgItA}
shrutveti mandiraM pArtho gatvA bhIShmagiraH smaran |
vidureNa kathAshchakre dharmasarvasvavAdinA || 13\.678||
teShAM viduraShaShThAnAM babhUvurvividhAH kathAH |
shuddhapravR^ittadharmANAM dharmakAmArthasaMshrayAH || 13\.679||
\section{shampAkagItA}
dhaninAM nirdhanAnAM cha vibhAgaM sukhaduHkhayoH |
pR^iShTo.atha dharmarAjena punaH shAntanavo.abravIt || 13\.720||
shampAko nAmavAnvipraH purA dhImAnabhAShata |
vitR^iShNayAtipIDyante santoSho.amR^itanirjharaH || 13\.721||
bhayAnabhij~no nishchinto nidrAvAnrogavarjitaH |
nirdhanaH sukhito nityaM yathAvAptakR^itakriyaH || 13\.722||
sukhamAste sukhaM shete sukhaM cha pratibudhyate |
santoShavAnnirAyAso nirapAyo nirAmayaH || 13\.723||
dhanino darpapUrNasya bhrUbha~NgAdvakradarshinaH |
kumbhInyastadhanatrANachintApANDukR^ishatviShaH || 13\.724||
chauro bhUpAlabhItasya vR^id.h{}dhyArthaM pApakAriNaH |
ajIrNarogagrastasya ShThIvino bhojyakA~NkShiNaH || 13\.725||
lobhashuShkakalatrasya duHkhaikaphalabhAginaH |
spardhAkathaiva kA nityamAki~nchanyAmR^itAshibhiH || 13\.726||
manyate tAvadAtmAnaM shakravaishravaNopamam |
gR^ihyate dhanavAnyAvanna dasyunR^ipamanyubhiH || 13\.727||
dhanaM gamayatAM bhUri gR^ihAMshcha suparichChadAn |
nirdhanAddhaninAmeva kR^ichChrAdduHkhaviShUchikA || 13\.728||
\section{vichakhnugItA}
gItaM vichakhnunA pUrvaM dharma.asminneva bhUbhujA |
ahiMsA paramo dharmaH kratushchAdravyaDambaraH || 13\.962||
pashuprANairyajantyete kAmAtmAnaH phalepsavaH |
mAMsamatsyamadhuprAyaM dhUrtairbhogAya kalpitam || 13\.963||
lolupairdambhagurubhiH pashuyAgo.adhigamyate |
pUjyo hi bhagavAnviShNuH so.adbhiH puShpaishcha tuShyati || 13\.964||
ralAniM sharIraM nAyAti yathA na maraNaM bhavet |
tathA karma pravartena sharIraM dharmasAdhanam || 13\.965||
\section{hArItagItA}
yatendriyechChaH sannyAsI nirbhayo janitAbhayaH |
avaj~nAto.avadhUtashcha shUnyAchAro.apyanAshrayaH || 13\.1001||
anirviNNaH prahR^iShTashcha j~nAtA maunI cha muchyate |
budha ityAha hArIto vishuddhaj~nAnasaMshrayaH || 13\.1002||
\section{vR^itragItA}
bhraShTaishvaryaH purA vR^itraH shukraM gurumabhAShata |
jIvAnAM karmabandhAnAM tiShThatAM pA~nchabhautike |
paryAyeNa bhavantyeva sampado vipadastathA || 13\.1003||
niHspR^iho.asmi na shochAmi bhaje sAmyamanashvaram |
na yAsyAmyadhunA rAgamavarNo varNasa~NgamAt || 13\.1004||
ityuktvA dAnavapatiryadR^ichChopagatAnmuneH |
sanatkumArAdaj~nAsIdviShNuM kAraNamavyayam || 13\.1005||
sa vij~nAyAchyutaM devaM prayayau paramAM gatim |
so.ayaM nArAyaNaH kR^iShNaH sambandhI tava pANDava || 13\.1006||
\section{parAsharagItA}
shreyaH kimiti pR^iShTo.atha punarAha pitAmahaH |
purA videhAdhipatiM yaduvAcha parAsharaH || 13\.1055||
manoratho ratho yasya saMyataH shAntirashmibhiH |
na charatyavaTe tasya karmaNo.api sukhaM sadA || 13\.1056||
ratyai bhogA vimUDhAnAM sA duHkhAya viyoginAm |
tamase duHkhamevaiShAM bandhAya mahate tamaH || 13\.1057||
satAM bhogaviyogeShu nirvedo nAma jAyate |
nirvedastapase teShAM tapaH saMsArashAntaye || 13\.1058||
sadAchArapravR^ittAnAM yathAshAstrAnusAriNAm |
svakarmasaktamanasAM svayamAyAnti sampadaH || 13\.1059||
\section{haMsagItA}
prajApatirhaMsarUpI rAj~nA pR^iShTo.abravItpurA |
krodho mR^ityuH kujantUnAM svasukhAdyadi nirgataH || 13\.1060||
dagdhAH krodhena shochanti krodhAnadhA nipatanati cha |
jitakrodhaH shasukhaM shete grastarAgAdibandhanaH || 13\.1061||
 
iti bhAratama~njaryAM kShemendravirachitA laghutamagItAsa~NgrahAH samAptAH | 
##
vAmadevagItA ShaDgItA shampAkagItA vichakhnugItA hArItagItA
vRRitragItA parAsharagItA haMsagItA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}