% Text title            : nahuShagItA
% File name             : nahuShagiitaa.itx
% Category              : gItA, giitaa
% Location              : doc\_giitaa
% Proofread by          : Sunder Hattangadi sunder at hotmail.com
% Latest update         : January 12, 2012
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nahuShagItA ..}##
\itxtitle{.. nahuShagItA ..}##\endtitles ##

|| atha nahuShagItA || \medskip\hrule\medskip\centerline{\Largedvng adhyAya 177}
vaishampAyana uvAcha |
yudhiShThirastamAsAdya sarpabhogena veShTitam |
dayitaM bhrAtara.n vIramidaM vachanamabravIt || 1||
kuntImAtaH kathamimAmApada.n tvamavAptavAn |
kashchAyaM parvatAbhogapratimaH pannagottamaH || 2||
sa dharmarAjamAlakShya bhrAtA bhrAtaramagrajam |
kathayAmAsa tatsarva.n grahaNAdi vicheShTitam || 3||

yudhiShThira uvAcha |
devo vA yadi vA daitya urago vA bhavAnyadi |
satya.n sarpo vacho brUhi pR^ichChati tvAM yudhiShThiraH || 4||
kimAhR^itya viditvA vA prItiste syAdbhuja~Ngama |
kimAhAraM prayachChAmi kathaM mu~nchedbhavAnimam || 5||

sarpa uvAcha |
nahuSho nAma rAjA.ahamAsaM pUrvastavAnagha |
prathitaH pa~nchamaH somAdAyoHputro narAdhipa || 6||
kratubhistapasA chaiva svAdhyAyena damena cha |
trailokyaishvaryamavyagraM prApto vikramaNena cha || 7||
tadaishvarya.n samAsAdya darpo mAmagamattadA |
sahasra.n hi dvijAtInAmuvAha shibikAM mama || 8||
aishvaryamadamatto.ahamavamanya tato dvijAn |
imAmagastyena dashAmAnItaH pR^ithivIpate || 9||
na tu mAmajahAtpraGYA yAvadadyeti pANDava |
tasyaivAnugrahAdrAjannagastyasya mahAtmanaH || 10||
ShaShThe kAle mamAhAraH prApto.ayamanujastava |
nAhamena.n vimokShyAmi na chAnyamabhikAmaye || 11||
prashnAnuchchAritA.nstu tva.n vyAhariShyasi chenmama |
atha pashchAdvimokShyAmi bhrAtara.n te vR^ikodaram || 12||

yudhiShThira uvAcha |
brUhi sarpa yathAkAmaM prativakShyAmi te vachaH |
api chechChaknuyAM prItimAhartu.n te bhuja~Ngama || 13||
vedya.n yadbrAhmaNeneha tadbhavAnvetti kevalam |
sarparAja tataH shrutvA prativakShyAmi te vachaH || 14||

sarpa uvAcha |
brAhmaNaH ko bhavedrAjanvedya.n kiM cha yudhiShThira |
bravIhyatimati.n tvA.n hi vAkyairanumimImahe || 15||

yudhiShThira uvAcha |
satya.n dAnaM kShamA shIlamAnR^isha.nsyaM damo ghR^iNA |
dR^ishyante yatra nAgendra sa brAhmaNa iti smR^itaH || 16||
vedya.n sarpa paraM brahma nirduHkhamasukha.n cha yat |
yatra gatvA na shochanti bhavataH ki.n vivakShitam || 17||

sarpa uvAcha |
chAturvarNyaM pramANa.n cha satyaM cha brahma chaiva hi |
shUdreShvapi cha satya.n cha dAnamakrodha eva cha |
AnR^isha.nsyamahi.nsA cha ghR^iNA chaiva yudhiShThira || 18||
vedya.n yachchAtha nirduHkhamasukha.n cha narAdhipa |
tAbhyA.n hInaM pada.n chAnyanna tadastIti lakShaye || 19||

yudhiShThira uvAcha |
shUdre chaitadbhavellakShya.n dvije tachcha na vidyate |
na vai shUdro bhavechChUdro brAhmaNo na cha brAhmaNaH || 20||
yatraitallakShyatesarpa vR^itta.n sa brAhmaNaH smR^itaH |
yatraitanna bhavetsarpa ta.n shUdramiti nirdishet || 21||
yatpunarbhavatA proktaM na vedya.n vidyateti ha |
tAbhyA.n hInamatItyAtra padaM nAstIti chedapi || 22||
evametanmata.n sarpa tAbhyAM hInaM na vidyate |
yathA shItoShNayormadhye bhavennoShNaM na shItatA || 23||
eva.n vai sukhaduHkhAbhyAM hInamasti pada.n kva chit |
eShA mama matiH sarpa yathA vA manyate bhavAn || 24||

sarpa uvAcha |
yadi te vR^ittato rAjanbrAhmaNaH prasamIkShitaH |
vyarthA jAtistadA.a.ayuShmankR^itiryAvanna dR^ishyate || 25||

yudhiShThira uvAcha |
jAtiratra mahAsarpa manuShyatve mahAmate |
sa~NkarAtsarvavarNAnA.n duShparIkShyeti me matiH || 26||
sarve sarvAsvapatyAni janayanti yadA narAH |
vA~Nmaithunamatho janma maraNa.n cha samaM nR^iNAm || 27||
idamArShaM pramANa.n cha ye yajAmaha ityapi |
tasmAchChIlaM pradhAneShTa.n vidurye tattvadarshinaH || 28||
prA~NnAbhirvardhanAtpu.nso jAtakarma vidhIyate |
tatrAsya mAtA sAvitrI pitA tvAchArya uchyate || 29||
vR^ittyA shUdra samo hyeSha yAvadvede na jAyate |
asminnevaM matidvaidhe manuH svAyambhuvo.abravIt || 30||
kR^itakR^ityAH punarvarNA yadi vR^ittaM na vidyate |
sa~Nkarastatra nAgendra balavAnprasamIkShitaH || 31||
yatredAnIM mahAsarpa sa.nskR^ita.n vR^ittamiShyate |
taM brAhmaNamahaM pUrvamuktavAnbhujagottama || 32||

sarpa uvAcha |
shruta.n viditavedyasya tava vAkyaM yudhiShThira |
bhakShayeyamaha.n kasmAdbhrAtaraM te vR^ikodaram || 33||
\medskip\hrule\medskip\centerline{\Largedvng adhyAya 178}

yudhiShThira uvAcha |
bhavAnetAdR^isho loke vedavedA~NgapAragaH |
brUhi ki.n kurvataH karma bhavedgatiranuttamA || 1||

sarpa uvAcha |
pAtre dattvA priyANyuktvA satyamuktvA cha bhArata |
ahi.nsAnirataH svarga.n gachChediti matirmama || 2||

yudhiShThira uvAcha |
dAnAdvAsarpovAcha |satyAdvA kimato guru dR^ishyate |
ahi.nsA priyayoshchaiva gurulAghavamuchyatAm || 3||

sarpovAcha |
dAne ratatva.n satya.n cha ahi.nsA priyameva cha |
eShA.n kAryagarIyastvAddR^ishyate gurulAghavam || 4||
kasmAchchiddAnayogAddhi satyameva vishiShyate |
satyavAkyAchcha rAjendra ki.nchiddAna.n vishiShyate || 5||
evameva maheShvAsa priyavAkyAnmahIpate |
ahi.nsA dR^ishyate gurvI tatashcha priyamiShyate || 6||
evametadbhavedrAjankAryApekShamanantaram |
yadabhipretamanyatte brUhi yAvadbravImyaham || 7||

yudhiShThira uvAcha |
katha.n svarge gatiH sarpa karmaNA.n cha phalaM dhruvam |
asharIrasya dR^ishyeta viShayAMshcha bravIhi me || 8||

sarpa uvAcha |
tisro vai gatayo rAjanparidR^iShTAH svakarmabhiH |
mAnuShya.n svargavAsashcha tiryagyonishcha tattridhA || 9||
tatra vai mAnuShAllokAddAnAdibhiratandritaH |
ahi.nsArthasamAyuktaiH kAraNaiH svargamashnute || 10||
viparItaishcha rAjendra kAraNairmAnuSho bhavet |
tiryagyonistathA tAta visheShashchAtra vakShyate || 11||
kAmakrodhasamAyukto hi.nsA lobhasamanvitaH |
manuShyatvAtparibhraShTastiryagyonau prasUyate || 12||
tiryagyonyAM pR^ithagbhAvo manuShyatve vidhIyate |
gavAdibhyastathA.ashvebhyo devatvamapi dR^ishyate || 13||
so.ayametA gatIH sarvA jantushcharati kAryavAn |
nitye mahati chAtmAnamavasthApayate nR^ipa || 14||
jAto jAtashcha balavAnbhu~Nkte chAtmA sa dehavAn |
phalArthastAta niShpR^iktaH prajA lakShaNabhAvanaH || 15||

yudhiShThira uvAcha |
shabde sparshe cha rUpe cha tathaiva rasagandhayoH |
tasyAdhiShThAnamavyagro brUhi sarpa yathAtatham || 16||
kiM na gR^ihNAsi viShayAnyugapattvaM mahAmate |
etAvaduchyatA.n chokta.n sarvaM pannagasattama || 17||

sarpa uvAcha |
yadAtmadravyamAyuShmandehasaMshrayaNAnvitam |
karaNAdhiShThitaM bhogAnupabhu~Nkte yathAvidhi || 18||
GYAna.n chaivAtra buddhishcha manashcha bharatarShabha |
tasya bhogAdhikaraNe karaNAni nibodha me || 19||
manasA tAta paryeti kramasho viShayAnimAn |
viShayAyatanasthena bhUtAtmA kShetraniHsR^itaH || 20||
atra chApi naravyAghra mano jantorvidhIyate |
tasmAdyugapadasyAtra grahaNaM nopapadyate || 21||
sa AtmA puruShavyAghra bhruvorantaramAshritaH |
dravyeShu sR^ijate buddhi.n vividheShu parAvarAm || 22||
buddheruttarakAla.n cha vedanA dR^ishyate budhaiH |
eSha vai rAjashArdUla vidhiH kShetraGYabhAvanaH || 23||

yudhiShThira uvAcha |
manasashchApi buddheshcha brUhi me lakShaNaM param |
etadadhyAtmaviduShAM para.n kArya.n vidhIyate || 24||

sarpa uvAcha |
buddhirAtmAnugA tAta utpAtena vidhIyate |
tadAshritA hi sa~nj~naiShA vidhistasyaiShiNI bhavet || 25||
buddherguNavidhirnAsti manastu guNavadbhavet |
buddhirutpadyate kArye manastUtpannameva hi || 26||
etadvisheShaNa.n tAta mano buddhyormayeritam |
tvamapyatrAbhisambuddhaH katha.n vA manyate bhavAn || 27||

yudhiShThira uvAcha |
aho buddhimatA.n shreShTha shubhA buddhiriya.n tava |
vidita.n veditavya.n te kasmAnmAmanupR^ichChasi || 28||
sarvaGYa.n tvAM kathaM moha AvishatsvargavAsinam |
evamadbhutakarmANamiti me saMshayo mahAn || 29||

sarpa uvAcha |
supraGYamapi chechChUramR^iddhirmohayate naram |
vartamAnaH sukhe sarvo nAvaitIti matirmama || 30||
so.ahamaishvaryamohena madAviShTo yudhiShThira |
patitaH pratisambuddhastvA.n tu sambodhayAmyaham || 31||
kR^ita.n kAryaM mahArAja tvayA mama parantapa |
kShINaH shApaH sukR^ichChro me tvayA sambhAShya sAdhunA || 32||
aha.n hi divi divyena vimAnena charanpurA |
abhimAnena mattaH sanka.n chinnAnyamachintayam || 33||
brahmarShidevagandharvayakSharAkShasa kiMnarAH |
karAnmama prayachChanti sarve trailokyavAsinaH || 34||
chakShuShA yaM prapashyAmi prANinaM pR^ithivIpate |
tasya tejo harAmyAshu taddhi dR^iShTibalaM mama || 35||
brahmarShINA.n sahasraM hi uvAha shibikAM mama |
sa mAmapanayo rAjanbhraMshayAmAsa vai shriyaH || 36||
tatra hyagastyaH pAdena vahanpR^iShTo mayA muniH |
adR^iShTena tato.asmyukto dhva.nsa sarpeti vai ruShA || 37||
tatastasmAdvimAnAgrAtprachyutashchyuta bhUShaNaH |
prapatanbubudhe.a.atmAna.n vyAlI bhUtamadhomukham || 38||
ayAcha.n tamaha.n vipraM shApasyAnto bhavediti |
aGYAnAtsampravR^ittasya bhagavankShantumarhasi || 39||
tataH sa mAmuvAchedaM prapatanta.n kR^ipAnvitaH |
yudhiShThiro dharmarAjaH shApAttvAM mokShayiShyati || 40||
abhimAnasya ghorasya balasya cha narAdhipa |
phale kShINe mahArAja phalaM puNyamavApsyasi || 41||
tato me vismayo jAtastaddR^iShTvA tapaso balam |
brahma cha brAhmaNatva.n cha yena tvAhamachUchudam || 42||
satya.n damastapoyogamahi.nsA dAnanityatA |
sAdhakAni sadA pu.nsAM na jAtirna kulaM nR^ipa || 43||
ariShTa eSha te bhrAtA bhImo mukto mahAbhujaH |
svasti te.astu mahArAja gamiShyAmi divaM punaH || 44||

vaishampAyana uvAcha |
ityuktvA.a.ajagara.n dehaM tyaktvA sa nahuSho nR^ipaH |
divya.n vapuH samAsthAya gatastridivameva ha || 45||
yudhiShThiro.api dharmAtmA bhrAtrA bhImena sa~NgataH |
dhaumyena sahitaH shrImAnAshramaM punarabhyagAt || 46||
tato dvijebhyaH sarvebhyaH sametebhyo yathAtatham |
kathayAmAsa tatsarva.n dharmarAjo yudhiShThiraH || 47||
tachChrutvA te dvijAH sarve bhrAtarashchAsya te trayaH |
AsansuvrIDitA rAjandraupadI cha yashasvinI || 48||
te tu sarve dvijashreShThAH pANDavAnA.n hitepsayA |
maivamityabruvanbhIma.n garhayanto.asya sAhasam || 49||
pANDavAstu bhayAnmuktaM prekShya bhImaM mahAbalam |
harShamAhArayA.n chakrurvijahrushcha mudA yutAH || 50||

|| iti nahuShagItA samAptA ||

##
Mahabharata Vanaparva, adhyAya 177-178
Proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}