% Text title            : Pandava Gita
% File name             : pandavagita.itx
% Category              : gItA, giitaa
% Location              : doc\_giitaa
% Author                : Anonymous
% Transliterated by     : Sunder Hattangadi
% Proofread by          : Sunder Hattangadi
% Description-comments  : Anthology of hymns from Mahabharata, Bhagavata : Vishnu Purana-s
% Latest update         : May 18, 2006, May 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pandavagita or Prapannagita ..}##
\itxtitle{.. pANDavagItA athavA prapannagItA ..}##\endtitles ##
prahlAdanAradaparAsharapuNDarIka\-
         vyAsAmbarIShashukashaunakabhIShmakAvyAH |
rukmA~NgadArjunavasiShThavibhIShaNAdyA
         etAnahaM paramabhAgavatAn namAmi || 1||
lomaharShaNa uvAcha |
dharmo vivardhati yudhiShThirakIrtanena
      pApaM praNashyati vR^ikodarakIrtanena |
shatrurvinashyati dhana~njayakIrtanena
      mAdrIsutau kathayatAM na bhavanti rogAH || 2||
brahmovAcha |
ye mAnavA vigatarAgaparA.aparaj~nA
      nArAyaNaM suraguruM satataM smaranti |
dhyAnena tena hatakilbiSha chetanAste
      mAtuH payodhararasaM na punaH pibanti || 3||
indra uvAcha |
nArAyaNo nAma naro narANAM
      prasiddhachauraH kathitaH pR^ithivyAm |
anekajanmArjitapApasa~nchayaM
      haratyasheShaM smR^itamAtra eva yaH || 4||
yudhiShThira uvAcha |
meghashyAmaM pItakausheyavAsaM
      shrIvatsA~NkaM kaustubhodbhAsitA~Ngam |
puNyopetaM puNDarIkAyatAkShaM
      viShNuM vande sarvalokaikanAtham || 5||
bhIma uvAcha |
jalaughamagnA sacharA.acharA dharA
      viShANakoTyA.akhilavishvamUrtinA |
samuddhR^itA yena varAharUpiNA
      sa me svayambhUrbhagavAn prasIdaru || 6||
arjuna uvAcha |
achintyamavyaktamanantamavyayaM
      vibhuM prabhuM bhAvitavishvabhAvanam |
trailokyavistAravichArakArakaM
      hariM prapanno.asmi gatiM mahAtmanAm || 7||
nakula uvAcha |
yadi gamanamadhastAt kAlapAshAnubandhAd.h
      yadi cha kulavihIne jAyate pakShikITe |
kR^imishatamapi gatvA dhyAyate chAntarAtmA
      mama bhavatu hR^idisthA keshave bhaktirekA || 8||
sahadeva uvAcha |
tasya yaj~navarAhasya viShNoratulatejasaH |
praNAmaM ye prakurvanti teShAmapi namo namaH || 9||
kuntI uvAcha |
svakarmaphalanirdiShTAM yAM yAM yoniM vrajAmyaham |
tasyAM tasyAM hR^iShIkesha tvayi bhaktirdR^iDhA.astu me || 10||
mAdrI uvAcha |
kR^iShNe ratAH kR^iShNamanusmaranti
      rAtrau cha kR^iShNaM punarutthitA ye |
te bhinnadehAH pravishanti kR^iShNe
      haviryathA mantrahutaM hutAshe || 11||
draupadI uvAcha |
kITeShu pakShiShu mR^igeShu sarIsR^ipeShu
      rakShaHpishAchamanujeShvapi yatra yatra |
jAtasya me bhavatu keshava tvatprasAdAt.h
      tvayyeva bhaktirachalA.avyabhichAriNI cha || 12||
subhadrA uvAcha |
eko.api kR^iShNasya kR^itaH praNAmo
         dashAshvamedhAvabhR^ithena tulyaH |
dashAshvamedhI punareti janma
         kR^iShNapraNAmI na punarbhavAya || 13||
abhimanyuruvAcha |
govinda govinda hare murAre
      govinda govinda mukunda kR^iShNa
govinda govinda rathA~NgapANe |
      govinda govinda namAmi nityam || 14||
dhR^iShTadyumna uvAcha |
shrIrAma nArAyaNa vAsudeva
      govinda vaikuNTha mukunda kR^iShNa |
shrIkeshavAnanta nR^isiMha viShNo
      mAM trAhi saMsArabhuja~NgadaShTam || 15||
sAtyakiruvAcha |
aprameya hare viShNo kR^iShNa dAmodarA.achyuta |
govindAnanta sarvesha vAsudeva namo.astu te || 16||
uddhava uvAcha |
vAsudevaM parityajya yo.anyaM devamupAsate |
tR^iShito jAhnavItIre kUpaM khanati durmatiH || 17||
dhaumya uvAcha |
apAM samIpe shayanAsanasthite
      divA cha rAtrau cha yathAdhigachChatA |
yadyasti ki~nchit sukR^itaM kR^itaM mayA
      janArdanastena kR^itena tuShyatu || 18||
sa~njaya uvAcha |
ArtA viShaNNAH shithilAshcha bhItA
      ghoreShu vyAghrAdiShu vartamAnAH |
sa~NkIrtya nArAyaNashabdamAtraM
      vimuktaduHkhAH sukhino bhavanti || 19||
akrUra uvAcha |
ahaM tu nArAyaNadAsadAsa\-
      dAsasya dAsasya cha dAsadAsaH |
anyo na hIsho jagato narANAM
      tasmAdahaM dhanyataro.asmi loke || 20||
virATa uvAcha |
vAsudevasya ye bhaktAH shAntAstadgatachetasaH |
teShAM dAsasya dAso.ahaM bhaveyaM janmajanmani || 21||
bhIShma uvAcha |
viparIteShu kAleShu parikShINeShu bandhuShu |
trAhi mAM kR^ipayA kR^iShNa sharaNAgatavatsala || 22||
droNa uvAcha |
ye ye hatAshchakradhareNa daityAM\-
          strailokyanAthena janArdanena |
te te gatA viShNupurIM prayAtAH
          krodho.api devasya vareNa tulyaH || 23||
kR^ipAchArya uvAcha |
majjanmanaH phalamidaM madhukaiTabhAre
      matprArthanIya madanugraha eSha eva |
tvadbhR^ityabhR^ityaparichArakabhR^ityabhR^itya\-
      bhR^ityasya bhR^itya iti mAM smara lokanAtha || 24||
ashvatthAma uvAcha |
govinda keshava janArdana vAsudeva
      vishvesha vishva madhusUdana vishvarUpa |
shrIpadmanAbha puruShottama dehi dAsyaM
      nArAyaNAchyuta nR^isiMha namo namaste || 25||
karNa uvAcha |
nAnyaM vadAmi na shR^iNomi na chintayAmi
      nAnyaM smarAmi na bhajAmi na chAshrayAmi |
bhaktyA tvadIyacharaNAmbujamAdareNa
      shrIshrInivAsa puruShottama dehi dAsyam || 26||
dhR^itarAShTra uvAcha |
namo namaH kAraNavAmanAya
      nArAyaNAyAmitavikramAya |
shrIshAr~NgachakrAsigadAdharAya
      namo.astu tasmai puruShottamAya || 27||
gAndhArI uvAcha |
tvameva mAtA cha pitA tvameva
         tvameva bandhushcha sakhA tvameva |
tvameva vidyA draviNaM tvameva
         tvameva sarvaM mama deva deva || 28||
drupada uvAcha |
yaj~neshAchyuta govinda mAdhavAnanta keshava |
kR^iShNa viShNo hR^iShIkesha vAsudeva namo.astu te || 29||
jayadratha uvAcha |
namaH kR^iShNAya devAya brahmaNe.anantashaktaye |
yogeshvarAya yogAya tvAmahaM sharaNaM gataH || 30||
vikarNa uvAcha |
kR^iShNAya vAsudevAya devakInandanAya cha |
nandagopakumArAya govindAya namo namaH || 31||
virATa uvAcha |
namo brahmaNyadevAya gobrAhmaNahitAya cha |
jagaddhitAya kR^iShNAya govindAya namo namaH || 32||
shalya uvAcha |
atasIpuShpasa~NkAshaM pItavAsasamachyutam |
ye namasyanti govindaM teShAM na vidyate bhayam || 33||
balabhadra uvAcha |
kR^iShNa kR^iShNa kR^ipAlo tvamagatInAM gatirbhava |
saMsArArNavamagnAnAM prasIda puruShottama || 34||
shrIkR^iShNa uvAcha |
kR^iShNa kR^iShNeti kR^iShNeti yo mAM smarati nityashaH |
jalaM bhitvA yathA padmaM narakAduddharAmyaham || 35||
shrIkR^iShNa uvAcha |
nityaM vadAmi manujAH svayamUrdhvabAhu\-
      ryo mAM mukunda narasiMha janArdaneti |
jIvo japatyanudinaM maraNe raNe vA
      pAShANakAShThasadR^ishAya dadAmyabhIShTam || 36||
Ishvara uvAcha |
sakR^innArAyaNetyuktvA pumAn kalpashatatrayam |
ga~NgAdisarvatIrtheShu snAto bhavati putraka || 37||
sUta uvAcha |
tatraiva ga~NgA yamunA cha tatra
      godAvarI sindhu sarasvatI cha |
sarvANi tIrthAni vasanti tatra
      yatrAchyutodAra kathAprasa~NgaH || 38||
yama uvAcha |
narake pachyamAnaM tu yamenaM paribhAShitam |
kiM tvayA nArchito devaH keshavaH kleshanAshanaH || 35||
nArada uvAcha |
janmAntarasahasreNa tapodhyAnasamAdhinA |
narANAM kShINapApAnAM kR^iShNe bhaktiH prajAyate || 40||
prahlAda uvAcha |
nAtha yonisahasreShu yeShu yeShu vrajAmyaham |
teShu teShvachalA bhaktirachyutA.astu sadA tvayi || 41||
yA prItiravivekanAM viShayeShvanapAyini |
tvAmanusmarataH sA me hR^idayAnmA.apasarpatu || 42||
vishvAmitra uvAcha |
kiM tasya dAnaiH kiM tIrthaiH kiM tapobhiH kimadhvaraiH |
yo nityaM dhyAyate devaM nArAyaNamananyadhIH || 43||
jamadagniruvAcha |
nityotsavo bhavetteShAM nityaM nityaM cha ma~Ngalam |
yeShAM hR^idistho bhagavAnma~NgalAyatanaM hariH || 44||
bharadvAja uvAcha |
lAbhasteShAM jayasteShAM kutasteShAM parAjayaH |
yeShAmindIshvarashyAmo hR^idayastho janArdanaH || 45||
gautama uvAcha |
gokoTidAnaM grahaNeShu kAshI\-
      prayAgaga~NgAyutakalpavAsaH |
yaj~nAyutaM merusuvarNadAnaM
      govindanAmasmaraNena tulyam || 46||
agniruvAcha |
govindeti sadA snAnaM govindeti sadA japaH |
govindeti sadA dhyAnaM sadA govindakIrtanam || 47||
tryakSharaM paramaM brahma govinda tryakSharaM param |
tasmAduchchAritaM yena brahmabhUyAya kalpate || 48||
vedavyAsa uvAcha |
achyutaH kalpavR^ikSho.asAvanantaH kAmadhenu vai |
chintAmaNistu govindo harernAma vichintayet || 49||
indra uvAcha |
jayatu jayatu devo devakInandano.ayaM
      jayatu jayatu kR^iShNo vR^iShNivaMshapradIpaH |
jayatu jayatu meghashyAmalaH komalA~Ngo
      jayatu jayatu pR^ithvIbhAranAsho mukundaH || 50||
pippalAyana uvAcha |
shrImannR^isiMhavibhave garuDadhvajAya
      tApatrayopashamanAya bhavauShadhAya |
kR^iShNAya vR^ishchikajalAgnibhuja~Ngaroga\-
      kleshavyayAya haraye gurave namaste || 51||
Avirhotra uvAcha |
kR^iShNa tvadIyapadapa~Nkajapa~njarAnte
      adyaiva me vishatu mAnasarAjahaMsaH |
prANaprayANasamaye kaphavAtapittaiH
      kaNThAvarodhanavidhau smaraNaM kutaste || 52||
vidura uvAcha |
harernAmaiva nAmaiva nAmaiva mama jIvanam |
kalau nAstyeva nAstyeva nAstyeva gatiranyathA || 53||
vasiShTha uvAcha |
kR^iShNeti ma~NgalaM nAma yasya vAchi pravartate |
bhasmIbhavanti tasyAshu mahApAtakakoTayaH || 54||
arundhatyuvAcha |
kR^iShNAya vAsudevAya haraye paramAtmane |
praNatakleshanAshAya govindAya namo namaH || 55||
kashyapa uvAcha |
kR^iShNAnusmaraNAdeva pApasa~NghaTTapa~njaram |
shatadhA bhedamApnoti girirvajrahato yathA || 56||
duryodhana uvAcha |
jAnAmi dharmaM na cha me pravR^itti\-
        rjAnAmi pApaM na cha me nivR^ittiH |
kenApi devena hR^idi sthitena
        yathA niyukto.asmi tathA karomi || 57||
yantrasya mama doSheNa kShamyatAM madhusUdana |
ahaM yantraM bhavAn yantrI mama doSho na dIyatAm || 58||
bhR^iguruvAcha |
nAmaiva tava govinda nAma tvattaH shatAdhikam |
dadAttyuchchAraNAnmuktiH bhavAnaShTA~NgayogataH || 59||
lomasha uvAcha |
namAmi nArAyaNa pAdapa~NkajaM
      karomi nArAyaNapUjanaM sadA |
vadAmi nArAyaNanAma nirmalaM
      smarAmi nArAyaNatattvamavyayam || 60||
shaunaka uvAcha |
smR^iteH sakalakalyANaM bhajanaM yasya jAyate |
puruShaM tamajaM nityaM vrajAmi sharaNaM harim || 61||
garga uvAcha |
nArAyaNeti mantro.asti vAgasti vashavartinI |
tathApi narake ghore patantItyadbhutaM mahat || 62||
dAlbhya uvAcha |
kiM tasya bahubhirmantrairbhaktiryasya janArdane |
namo nArAyaNAyeti mantraH sarvArthasAdhAke || 63||
vaishampAyana uvAcha |
yatra yogeshvaraH kR^iShNo yatra pArtho dhanurdharaH |
tatra shrIrvijayo bhUtirdhruvA nItirmatirmama || 64||
agniruvAcha |
harirharati pApAni duShTachittairapi smR^itaH |
anichChayApi saMspR^iShTo dahatyeva hi pAvakaH || 65||
parameshvara uvAcha |
sakR^iduchcharitaM yena harirityakSharadvayam |
labdhaH parikarastena mokShAya gamanaM prati || 66||
pulastya uvAcha |
he jihve rasasAraj~ne sarvadA madhurapriye |
nArAyaNAkhyapIyUShaM piba jihve nirantaram || 67||
vyAsa uvAcha |
satyaM satyaM punaH satyaM satyaM satyaM vadAmyaham |
nAsti vedAtparaM shAstraM na devaH keshavAtparaH || 68||
dhanvantariruvAcha |
achyutAnanta govinda nAmochchAraNabheShajAt |
nashyanti sakalA rogAH satyaM satyaM vadAmyaham || 69||
mArkaNDeya uvAcha |
svargadaM mokShadaM devaM sukhadaM jagato gurum |
kathaM muhurtamapi taM vAsudevaM na chintayet || 70||
agastya uvAcha |
nimiShaM nimiShArdhaM vA prANinAM viShNuchintanam |
tatra tatra kurukShetraM prayAgo naimiShaM varam || 71||
vAmadeva uvAcha |
nimiShaM nimiShArdhaM vA prANinAM viShNuchintanam |
kalpakoTisahasrANi labhate vA~nChitaM phalam || 72||
shuka uvAcha |
AloDya sarvashAstrANi vichArya cha punaH punaH |
idamekaM suniShpannaM dhyeyo nArAyaNaH sadA || 73||
shrImahAdeva uvAcha |
sharIre jarjarIbhUte vyAdhigraste kalevare |
auShadhaM jAhnavItoyaM vaidyo nArAyaNo hariH || 74||
shaunaka uvAcha |
bhojanAchChAdane chintAM vR^ithA kurvanti vaiShNavAH |
yo.asau vishvambharo devaH sa kiM bhaktAnupekShate || 75||
sanatkumAra uvAcha |
yasya haste gadA chakraM garuDo yasya vAhanam |
sha~NkhachakragadApadmI sa me viShNuH prasIdatu || 76||
evaM brahmAdayo devA R^iShayashcha tapodhanAH |
kIrtayanti surashreShThamevaM nArAyaNaM vibhum || 77||
idaM pavitramAyuShyaM puNyaM pApapraNAshanam |
duHsvapnanAshanaM stotraM pANDavaiH parikIrtitam || 78||
yaH paThetprAtarutthAya shuchistadgatamAnasaH |
gavAM shatasahasrasya samyagdattasya yatphalam || 79||
tatphalaM samavApnoti yaH paThediti saMstavam |
sarvapApavinirmukto viShNulokaM sa gachChati || 80||
ga~NgA gItA cha gAyatrI govindo garuDadhvajaH |
gakAraiH pa~nchabhiryuktaH punarjanma na vidyate || 81||
gItAM yaH paThate nityaM shlokArdhaM shlokameva vA |
muchyate sarvapApebhyo viShNulokaM sa gachChati || 82||

iti pANDavagItA athavA prapannagItA samAptA |

               OM  tatsat |
##
Reference - Anthology compiled from Mahabharata,
Bhagavata, and Vishnu Purana
by an Anonymous writer.
Publ.: V. Rajagopal Bhat - 1970;
Publications Committee,
Shri Chitrapur Math, Shirali
http://www.chitrapurmath.net/books.htm

Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}