% Text title            : rAsagItA
% File name             : rAsagItA.itx
% Category              : gItA, giitaa
% Location              : doc\_giitaa
% Transliterated by     : PSA Easwaran psaeaswaran at gmail.com
% Proofread by          : PSA Easwaran psaeaswaran at gmail.com
% Latest update         : May 18, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. rAsagItA ..}##
\itxtitle{.. rAsagItA ..}##\endtitles ##

nArada uvAcha \-\-
shrIrAdhA mAdhavasyApi rAdhAyAshchApi mAdhavaH |
karoti paramAnandaM premAli~NganapUrvakam || 1||
rAdhAsukhasudhAsindhuH kR^iShNashchumbati rAdhikAm |
shyAmapremamayI rAdhA sadA chumbati mAdhavam || 2||
tribha~NgalalitaH kR^iShNo muralIM pUrayenmudA |
chAlayedreNurandhreShu rAdhikA cha karA~NgulIH || 3||
shrInAmAkarShaNaM kR^iShNaM rAdhA gAyati sundaram |
shabdabrahmadhvaniM rAdhAM kR^iShNo dhArayati dhruvam || 4||
muralIkalasa~NgItaM shrutvA mugddhA vrajastriyaH |
kadambamUlamAyAtA yatrAsti muralIdharaH || 5||
rAdhAkAnto vrajastrIbhirveShTito vrajamohanaH |
shobhate tArakAmadhye tArakAnAyako yathA || 6||
kishorI sundarI rAdhA kishoraH shyAmasundaraH |
kishoryo vrajasundaryo viharanti nirantaram || 7||
nityavR^indAvane rAdhyA rAdhAkR^iShNashcha gopikAH |
maNDalaM pUrNarAsasya lIlayA saMvitathyate || 8||
rAdhayA saha kR^iShNena kriyate rAsamaNDalam |
kalpitAnekarUpeNa mAyayA paramAtmanA || 9||
mAdhavarAdhayormadhye rAdhAmAdhavayorapi |
mAdhavo rAdhayA sArddhaM rAjate rAsamaNDale || 10||
gopAlavallabhA gopyo rAdhikAyAH kalAtmikAH |
krIDanti saha kR^iShNena rAsamaNDalamaNDitAH || 11||
kR^itvA chAnekarUpANi gopImaNDalasaMshrayaH |
govindo ramate tatra tAsAM madhye dvayordvayoH || 12||
premasparshamaNiM kR^iShNaM shliShyanto vrajayoShitaH |
bhavanti sarvakAlADhyA govindahR^idaya~NgamAH || 13||
ekaikagopikApArshve harerekaikavigrahaH |
suvarNaguTikAyoge madhye mArakato yathA || 14||
hemakalpalatAgopIbAhubhiH kaNThamAlayA |
tamAlashyAmalaH kR^iShNo ghUrNyate rAsalIlayA || 15||
ki~NkiNInUpurAdInAM bhUShaNAnAM cha bhUShaNam |
kaishoraM saphalaM kurvan gopIbhiH saha modate || 16||
rAdhAkR^iShNeti sa~NgItaM gopyo gAyanti susvaram |
rAdhAkR^iShNarInAttahastakAnupadakramaiH || 17||
jaya kR^iShNa manohara yogadhare yadunandana nandakishora hare |
jaya rAsaraseshvari pUrNatame varade vR^iShabhAnukishori yame || 18||
jayatIha kadambatale militaH kalaveNusamIritagAnarataH |
saha rAdhikayA harirekamahaH satataM taruNIgaNamadhyagataH || 19||
vR^iShabhAnusutA paramA prakR^itiH puruSho vrajarAjasutaprakR^itiH |
muhurnR^ityati gAyati vAdayate saha gopikayA vipine ramate || 20||
yamunApuline vR^iShabhAnusutA navakA-lalitAdi sakhIsahitA |
ramate vidhunA saha nR^ityavatA gaticha~nchalakuNDalahAravatA || 21||
sphuTapadmamukhI vR^iShabhAnusutA navanItasukomalabAhuyutA |
parirabhya hariM priyamAtmasukhaM parichumbati shAradachandramukham || 22||
rasiko vrajarAjasutaH surate rasikAM vR^iShabhAnusutAM bhajate |
navapallavakalpitatalpagatAM sukumAramanobhavabhAvavashAm || 23||
vasudevasutorasi hemalatA sphuTapInapayodharabhAravatA |
shayanaM kurute vR^iShabhAnusutA praNamAmi sadA vR^iShabhAnusutAm |
navanIradasundaranIlatanuM taDidujjvalakuNDalinIM sutanum || 25||
shithikaNThashikhaNDalasanmukuTaM kabarIparibaddhakirITaghaTAm(?) |
kamalAshritakha~njananetrayugaM makarAkR^itikuNDalagaNDayugam || 26||
paripUrNamR^igA~NkasuchArumukhaM maNikuNDalamaNDitagaNDayugam |
kanakA~NgadashobhitabAhudharaM maNika~NkaNashobhitasha~NkhakarAm || 27||
maNikaustubhabhUShitahArayutaM kuchakumbhavirAjitahAralatAm |
tulasIdaladAmasugandhitanuM harichandanacharchitagauratanum || 28||
tanubhUShitapItapaTIjaDitaM rashanAnvitanIlanicholayutAm |
tarasA~njanadiggajarAjagatiM kalanUpurahaMsavilAsagatim || 29||
ratinAthamanoharaveshadharaM nijanAthamanoharaveshadharAm |
maNinirmitapa~NkajamadhyagataM rasarAsamanoharamadhyaratAm || 30||
muralImadhurashrutirAgaparaM svarasaptasamanvitagAnaparAm |
navanAyakaveshakishoravayo vrajarAjasutaH saha rAdhikayA || 31||
itaretarabaddhakarabhramaNaM kurute kusumAyudhakelivanam |
adhikehitamAdhavarAdhikayoH vR^itarAsaparasparamaNDalayoH|| 32||
maNika~NkaNashi~nchitatAlavanaM harate sanakAdimunermananam |
vR^iShabhAnusutA vrajarAjasutaH kanakapratimA maNimArakataH || 33||
bhramatIha yathAvithi yantragataH sahayogagato yamitAntaritaH |
ubhayorubhayorAdhayordayite pR^ithagantarite vR^iShabhAnusute || 34||
vR^iShabhAnusutAbhujabaddhagalaH kushalI vrajarAjasutaH sakalaH |
yadunandanayorbhujabaddhagalA vR^iShabhAnusutA ruchirA sakalA || 35||
vR^iShabhAnusutA vrajarAjasutaH vrajarAjasuto vR^iShabhAnusutA |
kelikadambatale vanamAlI nR^ityati cha~nchalachandrakamaulI || 36||
rAdhikayA saha rAsavilAsI gopavadhUpriyagokulavAsI |
krIDati rAdhikayA saha kR^iShNaH shrImukhachandrasudhArasatR^iShNaH || 37||
nartakakha~njanalochanalolaH kuNDalamaNDitachArukapolaH |
ku~njagR^ihe kusumottamatalpe sUryasutAjalavAyusukalpe || 38||
keshava AdirasaM pratishete rAdhikayA saha chandrasushIte |
rAsarase suvirAjitarAdhA chandanacharchitapa~NkajagandhA || 39||
mAdhavasa~Ngamavardhitara~NgA pUrNamanorathamanmathasa~NgA |
shobhanakomaladivyasharIrA kR^iShNavapuHparimANakishorA || 40||
bhAvamayI vR^iShabhAnukishorI kA~nchanachampakaku~NkumagaurI |
rAdhayorAdhayormadhyato madhyato mAdhavo mAdhavo maNDale shobhate || 41||
rAdhikA rAdhikA mAdhavaM chumbati mAdhavo mAdhavo rAdhikAM shliShyati |
rAdhikA rAdhikA mAdhavaM gAyati mAdhato rAdhikAM veNunA gAyati || 42||
kalpite maNDale rAjate rAdhikA mAdhavapremasandohasaMrAdhikA |
rAdhikAM rAdhikAM chAntareNAntaraH mAdhavaM mAdhavaM chAntareNAntarA |
mAdhavo mAdhavo rAdhikA rAdhikA rAdhikA rAdhikA mAdhavo mAdhavaH || 43||
vAsAvatAravistAraM vaMshIvAdanasundaram |
ratikAmamadAkrAntaM rAdhAkR^iShNaM bhajAmyaham || 44||
bhramantaM rAsachakreNa nR^ityantaM tAlashi~njitaiH |
gopIbhiH saha gAyantaM rAdhAkR^iShNaM bhajAmyaham || 45||
rAsamaNDalamadhyasthaM praphullavadanAmbujam |
ananyahR^idayAsaktaM rAdhAkR^iShNaM bhajAmyaham || 46||
vidyudgauraM ghanashyAmaM premAli~Nganatatparam |
parasparakamarddhA~NgaM rAdhAkR^iShNaM bhajAmyaham || 47||
rAdhikArUpiNaM kR^iShNaM rAdhikAM kR^iShNarUpiNIm |
rAsayogAnusAreNa rAdhAkR^iShNaM bhajAmyaham || 48||
puShpite mAdhavIku~nje puShpatalpoparisthitam |
viparItaratAsaktaM rAdhAkR^iShNaM bhajAmyaham || 49||
rAsakriDAparishrAntaM madhupAnaparAyaNam |
tAmbUlapUrNavaktrenduM rAdhAkR^iShNaM bhajAmyaham || 50||
rAsollAsakalApUrNaM gopImaNDalamaNDitam |
shrImAdhavaM rAdhikAkhyaM pUrNachandramupAsmahe || 51||
chaturvargaphalaM tyaktvA shrIvR^indAvanamadhyataH |
shrIrAdhA-shrIpAdapadmaM prArthaye janmajanmani || 52||
rAdhAkR^iShNasudhAsindhurAsaga~NgA~Ngasa~Ngame |
avagAhya manohaMso viharechcha yAthAsukham || 53||
rAsagItAM paThedyastu shR^iNuyadvApi yo naraH |
vA~nchAsiddhirbhavettasya bhaktiH syAt premalakShaNA || 54||
lakShmIstasya vasedgehe mukhe bhAti sarasvatI |
dharmArthakAmakaivalyaM labhate satyameva saH || 55||
       samApteyaM rAsagItA |

##

Encoded and proofread by PSA Easwaran psaeaswaran at gmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}