% Text title            : shrImadgItAsAra
% File name             : shrImadgItAsAra.itx
% Category              : gItA, giitaa, bhagavadgItA
% Location              : doc\_giitaa
% Transliterated by     : PSA Easwaran
% Proofread by          : PSA Easwaran
% Latest update         : May 18, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrImad gItAsAraH ..}##
\itxtitle{.. shrImad gItAsAraH ..}##\endtitles ##

shrIbhagavAnuvAcha \-\-
gItAsAraM pravakShyAmi arjunAyoditaM purA | 
aShTA~NgayogayuktAtmA sarvavedAntapAragaH || 1||
AtmalAbhaH paro nAnya AtmA dehAdivarjitaH| 
rUpAdihIno dehAntaHkaraNatvAdilochanam || 2||
vij~nAnarahitaH prANaH suShupto.ahaM pratIyate | 
nAhamAtmA cha duHkhAdi saMsArAdisamanvayAt || 3||
vidhUma iva dIptArchirAdIpta iva dIptimAn | 
vaidyuto.agnirivAkAshe hR^itsa~Nge AtmanA.a.atmani || 4||
shrotrAdIni na pashyanti svaM svamAtmAnamAtmanA | 
sarvaj~naH sarvadarshI cha kShetraj~nastAni pashyati || 5||
sadA prakAshate hyAtmA paTe dIpo jalanniva | 
j~nAnamutpadyate puMsAM kShayAt pApasya karmaNaH || 6||
yathAdarshatalaprakhye pashyatyAtmAnamAtmani | 
indriyANIndriyArthAMshcha mahAbhUtAni pa~nchakam || 7||
manobuddhiraha~NkAramavyaktaM puruShastathA | 
prasaMkhyAnaparAvyApto vimukto bandhanairbhavet || 8||
indriyagrAmamakhilaM manasAbhiniveshya cha | 
manashchaivApyaha~NkAre pratiShThApya cha pANDava || 9||
aha~NkAraM tathA buddhau buddhiM cha prakR^itAvapi | 
prakR^itiM puruShe sthApya puruShaM brahmaNi nyaset || 10||
navadvAramidaM gehaM tisRRINAM pa~nchasAkShikam | 
kShetraj~nAdhiShThitaM vidvAn yo veda sa paraH kaviH || 11||
ashvamedhasahasrANi vAjapeyashatAni cha | 
j~nAnayaj~nasya sarvANi kalAM nArhanti ShoDashIm || 12||
shrIbhagavAnuvAcha \-\-
yamashcha niyamaH pArtha AsanaM prANasaMyamaH | 
pratyAhArastathA dhyAnaM dhAraNArjuna saptamI |
samAdhividhi chAShTA~Ngo yoga ukto vimuktaye || 13||
kAyena manasA vAchA sarvabhuteShu sarvadA | 
hiMsAvirAmako dharmo hyahiMsA paramaM sukham || 14||
vidhinA yA bhaveddhiMsA sA tvahiMsA prakIrtitA | 
satyaM brUyAt priyaM brUyAnna brUyAtsatyamapriyam |
priyaM cha nAnR^itaM brUyAdeSha dharmaH sanAtanaH || 15||
yachcha dravyApaharaNaM chauryAdvAtha balena vA | 
steyaM tasyAnAcharaNaM asteyaM dharmasAdhanam || 16||
karmaNA manasA vAchA sarvAvasthAsu sarvadA| 
sarvatra maithunatyAgaM brahmacharyaM prachakShate || 17||
dravyANAmapyanAdAnamApatsvapi tathechChayA |
aparigrahamityAhustaM prayatnena varjayet || 18||
dvidhA shauchaM mR^ijjalAbhyAM bAhyaM bhAvAdathAntaram|
yadR^ichChAlAbhatastuShTiH santoShaH sukhalakShaNam || 19||
manasashchendriyANAM cha aikAgryaM paramaM tapaH |
sharIrashoShaNaM vApi kR^ichChrachAndrAyaNAdibhiH || 20||
vedAntashatarudrIyapraNavAdi japaM budhAH |
sattvashuddhikaraM puMsAM svAdhyAyaM parichakShate || 21||
stutismaraNapUjAdi vA~NmanaHkAyakarmabhiH |
anishchalA harau bhaktiretadIshvarachintanam || 22||
AsanaM svastikaM proktaM padmamardhAsanastathA |
prANaH svadehajo vAyurArAmastannirodhanam || 23||
indriyANAM vicharatAM viShayeShu tvasatsviva |
nirodhaH prochyate sadbhiH pratyAhArastu pANDava || 24||
mUrtAmUrtabrahmarUpachintanaM dhyAnamuchyate |
yogArambhe mUrtahariM amUrtamapi chintayet || 25||
agnimaNDalamadhyastho vAyurdevashchaturbhujaH |
shaMkhachakragadApadmayuktaH kaustubhasaMyutaH || 26||
vanamAlI kaustubhena rato.ahaM brahmasaMj~nakaH |
dhAraNetyuchyate cheyaM dhAryate yanmanolaye || 27||
ahaM brahmetyavasthAnaM samAdhirabhidhIyate |
ahaM brahmAsmi vAkyAchcha j~nAnAnmokSho bhavennR^iNAm || 28||
shraddhayAnandachaitanyaM lakShayitvA sthitasya cha |
brahmAhamasmyahaM brahma ahaM-brahma-padArthayoH || 29||
hariruvAcha \-\-
gItAsAramiti proktaM vidhinApi mayA tava | 
yaH paThet shR^iNuyAdvApi so.api mokShamavApnuyAt || 30||

iti brahmavidyAyAM yogashAstre shrIkR^iShNArjunasaMvAde
shrImadgItAsAraH samAptaH || 

##

Encoded and proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}