% Text title            : Shri Guru Gita
% File name             : shriigurugiitaadharmamandala.itx
% Category              : gItA, giitaa, gurudev
% Location              : doc\_giitaa
% Transliterated by     : sunder hattangadi
% Proofread by          : sunder hattangadi
% Description-comments  : Dharmamandala print version
% Latest update         : August 25, 2023
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Guru Gita ..}##
\itxtitle{.. shrIgurugItA ..}##\endtitles ##
|| atha shrIgurugItA ||
R^iShaya UchuH |
guhyAdguhyatarA vidyA gurugItA visheShataH |
brUhi naH sUta kR^ipayA shR^iNumastvatprasAdataH || 1||
sUta uvAcha |
girIndrashikhare ramye nAnAratnopashobhite |
nAnAvR^ikShalatAkIrNe nAnApakShiravairyute || 2||
sarvartukusumAmodamodite sumanohare |
shaityasaugandhyamAndyADhyamarudbhirupavIjite || 3||
apsarogaNasa~NgItakaladhvanininAdite |
sthirachChAyAdrumachChAyAchChAdite snigdhama~njule || 4||
mattakokilasandohasa~NghuShTavipinAntare |
sarvadA svagaNaiH sArddhamR^iturAjanipevite || 5||
siddhachAraNagandharvagANapatyagaNairvR^ite |
tatra maunadharaM devaM charAcharajagadgurum || 6||
sadAshivaM sadAnandaM karuNAmR^itasAgaram |
karpUrakundadhavalaM shuddhatattvamayaM vibhum || 7||
digambaraM dInanAthaM yogIndraM yogivallabham |
ga~NgAshIkarasaMsiktajaTAmaNDalamaNDitam || 8||
vibhUtibhUShitaM shAntaM vyAlamAlaM kapAlinam |
andhakAriM trilokeshaM trishUlavaradhArakam || 9||
AshutoShaM j~nAnamayaM kaivalyaphaladAyakam |
nirvikalpaM nirAta~NkaM nirvisheShaM nira~njanam || 10||
sarveShAM hitakartAraM devadevaM nirAmayam |
kailAsashikharAsInaM pa~nchavaktraM subhUShitam || 11||
sarvAtmanAviShTachittaM girijAmukhapa~Nkaje |
praNamya parayA bhaktyA kR^itA~njalipuTA satI || 12||
prasannavadanaM vIkShya lokAnAM hitakAmyayA |
vinayA.avanatA devI pArvatI shivamabravIt || 13||
shrImahAdevyuvAcha |
namaste devadevesha sadAshiva jagadguro |
prANeshvara mahAdeva gurugItAM vada prabho || 14||
kena mArgeNa bhoH svAmin dehI brahmamayo bhavet |
tvaM kR^ipAM kuru me deva namAmi charaNaM tava || 15||
shrI mahAdeva uvAcha |
gushabdastvandhakAraH syAdrushabdastannirodhakaH |
andhakAranirodhitvAdgururityabhidhIyate || 16||
gukAraH prathamo varNo mAyAdiguNabhAsakaH |
rukAro dvitIyo brahma mAyAbhrAntivimochakaH || 17||
gakAraH siddhidaH prokto rephaH pApasya dAhakaH |
ukAraH shambhurityuktastritayA.a.atmA guruH smR^itaH || 18||
shrImahAdevyuvAcha |
mAyAmohitajIvAnAM janmamR^ityujarAditaH |
rakShAyai kaH prabhavati svAmin saMsArasAgare || 19||
tvatto nA.anyo dayAsindho kashchichChaknoti vai prabho |
dAtuM prativachashchA.asya lokashokavimochanam || 20||
tritApataptajIvAnAM kalyANArthaM mayA prabho |
vihitaH sAdaraM prashna uttareNA.anugR^ihyatAm || 21||
shrImahAdeva uvAcha |
saMsArA.apArapAthodheH pAraM gantuM maheshvari |
shrIguroshcharaNA.ambhojanaukevaikA.avalambanam || 22||
sadguro rUpamAdAya jagatyAmahameva hi |
uddharAmyakhilA~njIvAnmR^ityusaMsArasAgarAt || 23||
yo guruH sa shivaH sAkShAdyaH shivaH sa gururmataH |
gurau mayi na bhedo.asti bhedastatra nirarthakaH || 24||
gururj~nAnaprado nityaM paramA.a.anandasAgare |
unmajjayati jIvAnsa tA.c.nstathaiva nimajjayan || 25||
gurustritApataptAnAM jIvAnAM rakShitA kShitau |
sachchidAnandarUpaM hi gururbrahma na saMshayaH || 26||
yAdR^igastIha sambandho brahmANDasyeshvareNa vai |
tathA kriyA.a.akhyayogasya sambandho guruNA saha || 27||
dIkShAvidhAvIshvaro vai kAraNasthalamuchyate |
guruH kAryasthala~nchA.ato gururbrahma pragIyate || 28||
gurau mAnupabuddhiM tu mantre chA.akSharabhAvanAm |
pratimAsu shilAbuddhiM kurvANo narakaM vrajet || 29||
janmahetU hi pitarau pUjanIyau prayatnataH |
gururvisheShataH pUjyo dharmA.adharmapradarshakaH || 30||
guruH pitA gururmAtA gururdevo gururgatiH |
shive ruShTe gurustrAtA gurau ruShTe na kashchana || 31||
shrImahAdevyuvAcha |
jaganma~NgalakR^innAtha visheSheNopadishyatAm |
lakShaNaM sadguroryena samyagj~nAtaM bhaveddhruvam || 32||
AchAryagurubhedo.api yena syAdvidito mama |
shreShThatvaM vA tayoH kena lakShaNenA.anumIyate || 33||
shrImahAdeva uvAcha |
sarvashAstraparo dakShaH sarvashAtrArthavitsadA |
suvachAH sundaraH sva~NgaH kulInaH shubhadarshanaH || 34||
jitendriyaH satyavAdI brAhmaNaH shAntamAnasaH |
mAtR^ipitR^ihite yuktaH sarvakarmaparAyaNaH || 35||
AshramI deshavAsI cha gururevaM vidhIyate |
AchAryagurushabdau dvau kvachitparyAyavAchakau || 36||
evamarthagato bhedo bhavatyapi tayoH kvachit |
upanIya dadadvedamAchAryaH sa udAhR^itaH || 37||
yaH sAdhanaprakarShArthaM dIkShayetsa guruH smR^itaH |
aupapattikamaMshantu dharmashAstrasya paNDitaH || 38||
vyAchaShTe dharmamichChUnAM sa AchAryaH prakIrtitaH |
sarvadarshI tu yaH sAdhurmumukShUNAM hitAya vai || 39||
vyAkhyAya dharmashAstrANAM kriyAsiddhiprabodhakam |
uapAsanAvidheH samyagIshvarasya parAtmanaH || 40||
bhedAnprashAsti dharmaj~naH sa guruH samudAhR^itaH |
saptAnAM j~nAnabhUmInAM shAstroktAnAM visheShataH || 41||
prabhedAn yo vijAnAti nigamasyA.a.agamasya ch a |
j~nAnasya chA.adhikArA.c.nstrInbhavatAtparyalakShyataH || 42||
tantreShu cha purANeShu bhAShAyAstrividhAM sR^itim |
samyagbhedairvijAnAti bhAShAtattvavishAradaH || 43||
nipuNo lokashikShAyAM shreShThA.a.achAryaH sa uchyate |
pa~nchatattvavibhedaj~naH pa~nchabhedAM visheShataH || 44||
saguNopAsanAM yastu samyagjAnAti kovidaH |
chAturvidhyena vitatAM brahmaNaH samupAsanAm || 45||
gambhIrArthAM vijAnIte budho nirmalamAnasaH |
sarvakAryeShu nipuNo jIvanmuktastritApahR^it || 46||
karoti jIvakalyANaM guruH shreShThaH sa kathyate || 47||
shrImahAdevyuvAcha |
sachChiShyalakShaNaM nAtha ukShUNAM tritApahR^it |
gurubhaktasya shiShyasya kartavya~nchA.api me vada || 48||
mumukShubhishcha shiShyaiH kaiH shubhA.a.achArairavApyate |
Atmaj~nAnaM dayAsindho kR^ipayA brUhi tAnapi || 49||
yena j~nAnena labdhena shubhA.a.achArAnvitairdrutam |
muchyate bandhanAnnAtha shiShyaiH sadgurusevakaiH || 50||
shrImahAdeva uvAcha |
shiShyaH kulInaH shuddhA.a.atmA puruShArthaparAyaNaH |
adhItavedaH kushalo dUramuktamanobhavaH || 51||
hitaiShI prANinAM nityamAstikastyaktava~nchanaH |
svadharmanirato bhaktyA pitR^imAtR^ihite sthitaH || 52||
gurushushrUShaNarato vA~NmanaHkAyakarmabhiH |
shiShyastu sa guNairyukto gurubhaktirataH sadA || 53||
dharmakAmAdisaMyukto gurumantraparAyaNaH |
satyabuddhirguromantre devapUjanatatparaH || 54||
gurUpadiShTamArge cha satyabuddhirudAradhIH |
alubdhaH sthiragAtrashcha Aj~nAkArI jitendriyaH || 55||
evaMvidho bhavechChiShya itaro duHkhakR^idguroH |
sharIramarthaM prANA.c.nshcha gurubhyo yaH samarpayan || 56||
gurubhiH shiShyate yogaM sa shiShya iti kathyate |
dIrghadaNDavadAnamya sumanA gurusannidhau || 57||
AtmadArA.a.adikaM sarvaM gurave cha nivedayet |
AsanaM shayanaM vastraM vAhanaM bhUShaNA.a.adikam || 58||
sAdhakena pradAtavyaM guroH santoShakAraNAt |
gurupAdodakaM peyaM guroruchChiShTabhojanam || 59||
gurumUrteH sadA dhyAnaM gurustotraM sadA japet |
UrdhvaM tiShThedguroragre labdhA.anuj~no vaset pR^ithak || 60||
nivItavAsA vinayI prahvastiShThedgurau param |
gurau tiShThati tiShThechchopaviShTe.anuj~nayA vaset || 61||
sevatA.a~NghrI shayAnasya gachChanta~nchA.apyanuvrajet |
sharIraM chaiva vAchaM cha buddhIndriyamanAMsi cha || 62||
niyamya prA~njalistiShThedvIkShamANo gurormukham |
nityamudritapANiH syAt sAdhvAchAraH susaMyataH || 63||
AsyatAmiti choktaH sannAsItA.abhimukhaM guroH |
hInAnnavastraveshaH syAt sarvadA gurusannidhau || 64||
uttiShThet prathamaM chA.asya charamaM chaiva saMvishet |
duShkR^itaM na gurorbrUyAt kruddhaM chainaM prasAdayet || 65||
parivAdaM na shruNuyAdanyeShAmapi kurvatAm |
nIchaM shayyAsanaM chA.asya sarvadA gurusannidhau || 66||
gurostu chakShurviShaye na yatheShTA.a.asano bhavet |
chApalyaM pramadAgAthAmaha~NkAraM cha varjayet || 67||
nA.apR^iShTo vachanaM ki.nchidbrUyAnnA.api niShedhayet |
gurumUrtiM smarennityaM gurunAma sadA japet || 68||
gurorAj~nAM prakurvIta guroranyaM na bhAvayet |
gururUpe sthitaM brahma prApyate tatprasAdataH || 69||
jAtyAshramayashovidyAvittagarvaM parityajan |
gurorAj~nAM prakurvIta guroranyaM na bhAvayet || 70||
guruvaktre sthitA vidyA gurubhaktyA.anulabhyate |
tasmAt sarvaprayatnena gurorArAdhanaM kuru || 71||
nodAharedasya nAma parokShamapi kevalam |
na cha vA.asyA.anukurvIta gatibhAShitacheShTitam || 72||
guroryatra parIvAdo nindA vA.api pravartate |
karNau tatra pidhAtavyau gantavyaM vA tato.anyataH || 73||
parIvAdAt kharo bhavet shvA vai bhavati nindakaH |
paribhoktA bhavetkR^imiH kITo bhavati matsarI || 74||
guroH shayyA.asanaM yAnaM pAdukopAnautpIThakam |
snAnodakaM tathA ChAyAM kadApi na vila~Nghayet || 75||
guroragre pR^ithak pUjAmauddhatyaM cha vivarjayet |
dIkShAM vyAkhyAM prabhutvaM cha guroragre parityajet || 76||
R^iNadAnaM tathA.a.adAnaM vastUnAM krayavikrayam |
na kuryAdguruNA sArddhe shiShyo bhR^itvA kadAchana || 78||
na prerayedguruM tAtaM shiShyaH putrashcha karmasu |
gurave devi pitre cha nityaM sarvasvamarpayet || 79||
sa cha shiShyaH sa cha j~nAnI ya Aj~nAM pAlayedguroH |
na kShemaM tasya mUDhasya yo guroravachaskaraH || 80||
gurorhitaM prakartavyaM vA~NmanaHkAyakarmabhiH |
ahitA.a.acharaNAddevi viShThAyAM jAyate kR^imiH || 81||
yathA khanan khanitreNa naro vAryyadhigachChati |
tathA gurugatAM vidyAM shushrUShuradhigachChati || 82||
AsamApteH sharIrasya yastu shushrUShate gurum |
sa gachChatya~njasA vipro brahmaNaH sadma shAshvatam || 83||
shrImahAdevyuvAcha |
he vishvAtman mahAyogin dInabandho jagadguro |
tritApAdrakShituM jIvAnnetuM mukteH padaM tathA || 84||
yogamArgaprachAro.atra gurubhiryaH prakAshitaH |
tallakShaNAni bhedA.c.nshcha kR^ipayA vada me prabho || 85||
shrImahAdeva uvAcha |
mantrayogo layashchaiva rAjayogo haThastathA |
yogashchaturvidhaH prokto yogibhistattvadarshibhiH || 86||
nAmarUpAtmikA sR^iShTiryasmAttadavalambanAt |
bandhanAnmuchyamAno.ayaM muktimApnoti sAdhakaH || 87||
tAmeva bhUmimAlambya skhalanaM yatra jAyate |
uttiShThati janassarvo.adhyakSheNaitatsamIkShyate || 88||
nAmarUpAtmakairbhAvairbadhyante nikhilA janAH |
avidyAkalitAshchaiva tAdR^ikprakR^itivaibhavAt || 89||
AtmanassUkShmaprakR^itiM pravR^itti~nchA.anusR^itya vai |
nAmarUpAtmanoshshabdabhAvayoravalambanAt || 90||
yo yogaH sAdhyate so.ayaM mantrayogaH prakIrtitaH |
prANA.apAnanAdabindujIvAtmaparamAtmanAm || 91||
melanAdghaTate yasmAttasmAdvai ghaTa uchyate |
AmakumbhamivA.ambhasthaM jIryamANaM sadA ghaTam || 92||
yogAnalena sandahya ghaTashuddhiM samAcharet |
ghaTayogasamAyogAddhaThayogaH prakIrtitaH || 93||
mantrAddhaThena sampAdyo yogo.ayamiti vA priye |
haThayoga iti prokto haThAjjIvashubhapradaH || 94||
haThayogena prathamaM jIryamANAmimAM tanum |
draDhyansUkShmadehaM vai kuryAdyogayujaM punaH || 95||
sthUlaH sUkShmasya deho vai pariNAmAntaraM yataH |
kAdivarNAnsamabhyasya shAstraj~nAnaM yathAkramam || 96||
yathopalabhyate tadvatsthUladehasya sAdhanaiH |
yogena manaso yogo haThayogaH prakIrtitaH || 97||
brahmANDapiNDe sadR^ishe brahmaprakR^itisambhavAt |
samaShTivyaShTisambandhAdekasambandhagumphite || 98||
R^iShidevAshcha pitaro nityaM prakR^itipUruShau |
tiShThanti piNDe brahmANDe grahanakShatrarAshayaH || 99||
piNDaj~nAnena brahmANDaj~nAnaM bhavati nishchitam |
gurUpadeshataH piNDaj~nAnamAptvA yathAyatham || 100||
tato nipuNayA yuktyA puruShe prakR^iterlayaH |
layayogA.abhidheyaH syAt kR^itaH shuddhairmaharShibhiH || 101||
bhavanti mantrayogasya ShoDashA~NgAni nishchitam |
yathA sudhAMshorjAyante kalAH ShoDasha shobhanAH || 102||
bhaktiH shuddhishchA.a.asana~ncha pa~nchA~NgasyA.api sevanam |
AchAradhAraNe divyadeshasevanamityapi || 103||
prANakriyA tathA mudrA tarpaNaM havanaM baliH |
yAgo japastathA dhyAnaM samAdhishcheti ShoDasha || 104||
ShaTkarmA.a.asanamudrAH pratyAhAraH prANasaMyamashchaiva |
dhyAnasamAdhI saptaivA~NgAni syurhaThasya yogasya || 105||
a~NgAni layayogasya navaiveti budhA viduH |
yamashcha niyamashchaiva sthUlasUkShmakriye tathA || 106||
pratyAhAro dhAraNA cha dhyAna~nchApi layakriyA |
samAdhishcha navA~NgAni layayogasya nishchitam || 107||
dhyAnaM vai mantrayogasyA.adhyAtmabhAvAdvinirgatam |
parAnandamaye bhAve.atIndriye cha vilakShaNe || 108||
bhramadbhiH sAdhakashreyovA~nChadbhiryogavittamaiH |
upAsanAM pa~nchavidhAM j~nAtvA sAdhakayogyatAm || 109||
mantradhyAnaM hi kathitamadhyAtmasyA.anusArataH |
vedatantrapurANeShu mantrashAstrapravartakaiH || 110||
varNitaM shreyaichChadbhirmantrayogaparasya vai |
dhyAnAnAM vai bahutve.api tatproktaM pa~nchadhaiva hi || 111||
teShAM bhAvamayatvena samAdhiradhigamyate |
mantrayogo haThashchaiva layayogaH pR^ithak pR^ithak || 112||
sthUlaM jyotistathA bindu dhyAnaM tu trividhaM viduH |
sthUlaM mUrtimayaM proktaM jyotistejomayaM bhavet || 113||
binduM bindumayaM brahma kuNDalI paradevatA |
sR^iShTisthitivinAshAnAM hetutA manasi sthitA || 114||
tatsAhAyyAtsAdhyate yo rAjayoga iti smR^itaH |
mantre haThe laye chaiva siddhimAsAdya yatnataH || 115||
pUrNA.adhikAramApnoti rAjayogaparo naraH |
samAdhirmantrayogasya mahAbhAva itIritaH || 116||
haThasya cha mahAbodhaH samAdhistena sidhyati |
prashasto layayogasya samAdhirhi mahAlayaH || 117||
vichArabuddheH prAdhAnyaM rAjayogasya sAdhane |
brahmadhyAnaM hi taddhyAnaM samAdhirnirvikalpakaH || 118||
tenopalabdhasiddhirhi jIvanmuktaH prakathyate |
upalabdha mahAbhAvA mahAbodhA.anvitAshcha vA || 119||
mahAlayaM prapannAshcha tattvaj~nAnA.avalambataH |
yogino rAjayogasya bhUmimAsAdayanti te || 120||
yogasAdhanamUrddharnyo rAjayogo.abhidhIyate || 121||
shrImahAdevyuvAcha |
yogesha jagadAdhAra katidhopAsanA cha ke |
tadvidherbhagavan bhedA muktimArgapradarshinaH || 122||
tasyA ke divyadeshAshcha divyabhAvena bhAsvarAH |
tatsarvaM kR^ipayA nAtha vadasva vadatAM vara || 123||
shrImahAdeva uvAcha |
saguNo nirguNashchA.api dvividho bheda Iryate |
upAsanAvidherdevi saguNo.api dvidhA mataH || 124||
sakAmopAsanAyAshcha bhedA yadyapi naikashaH |
parantvananyabhaktAnAM janAnAM muktimichChatAm || 125||
bhedatritayamevaitadrahasyaM devi gopitam |
vakShye guptarahasyaM tadbhavatIM bhAgyashAlinIm || 126||
samAhitena shAntena svAntenaivA.avadhAryatAm |
pa~nchAnAmapi devAnAM brahmaNo nirguNasya cha || 127||
lIlAvigraharUpANA~nchetyupAstistridhA matA |
viShNuH sUryashcha shaktishcha gaNAdhIshashcha sha~NkaraH || 128||
pa~nchopAsyAH sadA devi saguNopAsanAvidhau |
ete pa~ncha maheshAni saguNo bheda IritaH || 129||
sachchidAnandarUpasya brahmaNo nA.atra saMshayaH |
nirguNo.api nirAkAro vyApakaH sa parAtparaH || 130||
sAdhakAnAM hi kalyANaM vidhAtuM vasudhAtale |
bibharti saguNaM rUpaM tvatsAhAyyAtpativrate || 131||
yathA gavAM sharIreShu vyAptaM dugdhaM rasAtmakam |
paraM payodharAdeva kevalaM kSharate dhruvam || 132||
tathaiva sarvavyApto.api devo vyApakabhAvataH |
divyaShoDashadesheShu pUjyate parameshvaraH || 133||
vahnyambuli~NgakuDyAni sthaNDilaM paTamaNDale |
vishikhaM nityayantra~ncha bhAvayantra~ncha vigrahaH || 134||
pIThashchApi vibhUtishcha hR^inmUrddhApi maheshvari |
ete ShoDasha divyAshcha deshAH proktA mayA.anaghe || 135||
yadyachCharIramAshritya bhagavAnsarvashaktimAn |
vatIrNo vividhA lIlA vidhAya vasudhAtale || 136||
jagatpAlayate devi lIlAvigraha eva saH |
upAsanA.anusAreNa vedashAstreShu bhUrishaH || 137||
lIlAvigraharUpANAmitihAso.api labhyate |
tadupAsanaka~nchA.api saguNaM parikIrtitam || 138||
viShNoH sUryashcha shakteshcha gaNeshasya shivasya cha |
gItAsu gItA ye shabdA viShNusUryAdayaH priye || 139||
brahmaNashchAdvitIyasya sAkShAtte chApi vAchakaH |
bhaktistu trividhA j~neyA vaidhI rAgAtmikA parA || 140||
deve paro.anurAgastu bhaktiH samprochyate budhaiH |
vidhinA yA vinirNItA niShedhena tathA punaH || 141||
sAdhyamAnA cha yA dhIraiH sA vaidhI bhaktiruchyate |
yayA.a.asvAdya rasAnbhakterbhAve majjati sAdhakaH || 142||
rAgAtmikA sA kathitA bhaktiyogavishAradaiH |
parA.a.anandapradA bhaktiH parAbhaktirmatA budhaiH || 143||
yA prApyate samAdhisthairyogibhiryogapAragaiH |
traiguNyabhedAstrividhA bhaktA vai parikIrtitAH || 144||
Arto jij~nAsurarthArthI tathA triguNataH paraH |
parAbhaktyadhikArI yo j~nAnibhaktaH sa turyakaH || 145||
upAsakAH syustrividhAstriguNasyA.anusArataH |
brahmopAsaka evA.atra shreShThaH prokto manIShibhiH || 146||
prathamA saguNopAstiravatArA.archanAshcha yAH |
vihitA brahmabuddhyA chedatraivA.antarbhavanti tAH || 147||
sakAmabuddhyA vihitaM devarShipitR^ipUjanam |
madhyamaM madhyamA j~neyAstatkartArastathA punaH || 148||
adhamA vai samAkhyAtAH kShudrashaktisamarchakAH |
pretyAdyupAsa~NkAshchaiva vij~neyA hyadhamA.adhamAH || 149||
sarvopAsanahInAstu pashavaH parikIrtitAH |
brahmopAsanamevA.atra mukhyaM paramama~Ngalam || 150||
niHshreyasakaraM j~neyaM sarvashreShThaM shubhAvaham || 151||
shrImahAdevyuvAcha |
yathA me gurumAhAtmyaM samyagj~nAtaM bhavetprabho |
tathA vistarato nAtha tanmAhAtmyamudAhara || 152||
sadguromahimA deva samyagj~nAtaH shruto bhuvi |
aj~nAnatamasA.a.achChannaM manomalamapohati || 153||
shrImahAdeva uvAcha |
gururbrahmA gururviShNurgururdevo maheshvaraH |
gurureva paraM brahma tasmai shrIgurave namaH || 154||
akhaNDamaNDalAkAraM vyAptaM yena charAcharam |
tatpadaM darshitaM yena tasmai shrIgurave namaH || 155||
aj~nAnatimirA.andhasya j~nAnA~njanashalAkayA |
chakShurunmIlitaM yena tasmai shrIgurave namaH || 156||
sthAvaraM ja~NgamaM vyAptaM yatki~nchitsacharA.acharam |
tatpadaM darshitaM yena tasmai shrIgurave namaH || 157||
chinmayaM vyApnuvansarvaM trailokyaM sacharAcharam |
tatpadaM darshitaM yena tasmai shrIgurave namaH || 158||
sarvashrutishiroratnavirAjitapadA.ambujaH |
vedAntA.ambujasUryo yastasmai shrIgurave namaH || 159||
chetanaH shAshvataH shAnto vyomA.atIto nira~njanaH |
bindunAdakalAtItastasmai shrIgurave namaH || 160||
j~nAnashaktisamArUDhastattvamAlAvibhUShitaH |
bhuktimuktipradAtA cha tasmai shrIgurave namaH || 161||
anekajanmasamprAptakarmabandhavidAhine |
Atmaj~nAnapradAnena tasmai shrIgurave namaH || 162||
shoShaNaM bhavasindhoshcha j~nApanaM sArasampadaH |
guroH pAdodakaM samyak tasmai shrIgurave namaH || 163||
na guroradhikaM tattvaM na guroradhikaM tapaH |
tattvaj~nAnAtparaM nA.asti tasmai shrIgurave namaH || 164||
mannAthaH shrIjagannAtho madguruH shrIjagadguruH |
madAtmA sarvabhUtAtmA tasmai shrIgurave namaH || 165||
gururAdiranAdishcha guruH paramadaivatam |
guroH parataraM nA.asti tasmai shrIgurave namaH || 166||
dhyAnamUlaM gurormUrtiH pUjAmUlaM guroH padam |
mantramUlaM gurorvAkyaM mokShamUlaM guroH kR^ipA || 167||
saptasAgaraparyantatIrthasnAnAdikaiH phalam |
gurora~NghripayobindusahasrAMshena durlabham || 168||
gurureva jagatsarvaM brahmaviShNushivAtmakam |
guroH parataraM nA.asti tasmAt sampUjayedgurum || 169||
j~nAnaM vinA muktipadaM labhate gurubhaktitaH |
guroH parataraM nA.asti dhyeyo.asau gurumArgiNA || 170||
guroH kR^ipAprasAdena brahmaviShNusadAshivAH |
sR^iShTyAdikasamarthAste kevalaM gurusevayA || 171||
devakinnaragandharvAH pitaro yakShachAraNAH |
munayo.api na jAnanti gurushushrUShaNAvidhim || 172||
na muktA devagandharvAH pitaro yakShakinnarAH |
R^iShayaH sarvasiddhAshcha gurusevAparA~NmukhAH || 173||
shrutismR^itimavij~nAya kevalaM gurusevayA |
te vai sa.nnyAsinaH proktA itare veShadhAriNaH || 174||
guroH kR^ipAprasAdena AtmArAmo hi labhyate |
anena gurumArgeNa Atmaj~nAnaM pravartate || 175||
sarvapApavishuddhAtmA shrIguroH pAdasevanAt |
sarvatIrthAvagAhasya phalaM prApnoti nishchitam || 176||
yaj~navratatapodAnajapatIrthA.anusevanam |
gurutattvamavij~nAya niShphalaM nA.atra saMshayaH || 177||
mantrarAjamidaM devi gururityakSharadvayam |
shrutivedAntavAkyena guruH sAkShAtparaM padam || 178||
gururdevo gururdharmo guruniShThA paraM tapaH |
guroH parataraM nAsti nAsti tattvaM guroH param || 179||
dhanyA mAtA pitA dhanyo dhanyo vaMshaH kulaM tathA |
dhanyA cha vasudhA devi gurubhaktiH sudurlabhA || 180||
sharIramindriyaprANA arthasvajanabAndhavAH |
mAtA pitA kulaM devi gurureva na saMshayaH || 181||
AjanmakoTyAM deveshi japavratatapaHkriyAH |
etatsarvaM samaM devi gurusantoShamAtrataH || 182||
vidyAdhanamadenaiva mandabhAgyAshcha ye narAH |
guroH sevAM na kurvanti satyaM satyaM vadAmyaham || 183||
gurusevAparaM tIrthamanyattIrthamanarthakam |
sarvatIrthAshrayaM devi sadguroshcharaNAmbujam || 184||
gurudhyAnaM mahApuNyaM bhuktimuktipradAyakam |
vakShyAmi tava deveshi shR^iNuShva kamalAnane || 185||
prAtaH shirasi shuklAbje dvinetraM dvibhujaM gurum |
varA.abhayakaraM shAntaM smarettannAmapUrvakam || 186||
vAmorushaktisahitaM kAruNyenA.avalokitam |
priyayA savyahastena dhR^itachArukalevaram || 187||
vAmenotpaladhAriNyA raktA.a.abharaNabhUShayA |
j~nAnA.a.anandasamAyuktaM smarettannAmapUrvakam || 188||
akhaNDamaNDalA.a.akAraM vyAptaM yena charAcharam |
tatpadaM darshitaM yena tasmai shrIgurave namaH || 189||
namo.astu gurave tasmai iShTadevasvarUpiNe |
yasya vAkyA.amR^itaM hanti viShaM saMsArasaMj~nitam || 190||
shrImahAdevyuvAcha |
madekahR^idayA.a.ananda jagadAtman maheshvara |
upAsyasya rahasyaM me mAhAtmya~nchApi sadguroH || 191||
varNitaM yattvayA nAtha kR^itakR^ityA.asmi sAmpratam |
bhUyo.api shrotumichChAmi tvanmukhAjjagadIshvara || 192||
paratattvaikarUpasya tattvA.atItaparA.a.atmanaH |
samAsena svarUpaM me varNayitvA kR^ipAM kuru || 193||
shrImahadeva uvAcha |
sa eka eva sadrUpaH satyo.advaitaH parAtparaH |
svaprakAshaH sadA pUrNaH sachchidAnandalakShaNaH || 194||
nirvikAro nirAdhAro nirvisheSho nirAkulaH |
guNAtItaH sarvasAkShI sarvAtmA sarvadR^igvibhuH || 195||
gUDhaH sarveShu bhUteShu sarvavyApI sanAtanaH |
sarvendriya guNAbhAsaH sarvendriyavivarjitaH || 196||
lokA.atIto lokaheturavA~NmanasagocharaH |
sa vetti vishvaM sarvaj~nastaM na jAnAti kashchana || 197||
tadadhInaM jagatsarvaM trailokyaM sacharA.acharam |
tadAlambanatastiShThedavitarkyamidaM jagat || 198||
tatsatyatAmupA.a.ashritya sadvadbhAti pR^ithak pR^ithak |
tenaiva hetubhUtena vayaM jAtA maheshvari || 199||
kAraNaM sarvabhUtAnAM sa ekaH parameshvaraH |
lokeShu sR^iShTikaraNAtsraShTA brahmeti gIyate || 200||
viShNuH pAlayitA devi saMhartA.ahaM tadichChayA |
indrA.a.adayo lokapAlAH sarve tadvashavartinaH || 201||
sve sve.adhikAre niratAste shAsati tadAj~nayA |
tvaM purA prakR^itistasya pUjyA.asi bhuvanatraye || 202||
tenA.antaryAmirUpeNa tattadvipayayojitAH |
svasvakarma prakurvanti na svatantrAH kadAchana || 203||
yadbhayAdvAti vAto.api sUryastapati yadbhayAt |
varShanti toyadAH kAle puShShyanti taravo vane || 204||
kAlaM kalayate kAle mR^ityormR^ityurbhiyo bhayam |
vedAntavedyo bhagavAnyattachChabdopalakShitaH || 205||
sarve devAshcha devyashcha tanmayAH suravandite |
AbrahmastambaparyantaM tanmayaM sakalaM jagat || 206||
tasmi.nstuShTe jagattuShTaM prINite prINitaM jagat |
tadArAdhanato devi sarveShAM prINanaM bhavet || 207||
tarormUlA.abhiSheekeNa yathA tadbhujapallavAH |
tR^ipyanti tadanuShThAnAttathA sarve.amarAdayaH || 208||
shrImahAdevyuvAcha |
saMsArarogahR^innAtha karuNAvaruNA.a.alaya |
gurotmAhAtmyapUrNA yA gurorgItA suvarNitA || 209||
tatsvAdhyAyasya mAhAtmyaM phala~nchA.api vinirdisha |
jIvama~Ngalametena kR^ipAto.ataH kR^ipA.arNava || 210||
samyagvivichya saMvarNya vinodaya dayArNava |
tvadR^ite ko hi devesha shikShAM me.anyo vidhAsyati || 211||
shrImahAdeva uvAcha |
idaM tu bhaktibhAvena paThyate shrUyate.athavA |
likhitvA vA pradIyeta sarvakAmaphalapradam || 212||
gurugItA.abhidhaM devi shuddhaM tattvaM mayoditam |
bhavavyAdhivinAshArthaM svayameva sadA japet || 213||
gurugItA.akSharaikaikaM mantrarAjamidaM priye |
anena vividhA mantrAH kalAM nArhanti ShoDashIm || 214||
sarvapApaharaM stotraM sarvadAridryanAshanam |
akAlamR^ityuharaNaM sarvasa~NkaTanAshanam || 215||
yakSharAkShasabhUtAnAM chauravyAghrabhayA.apaham |
mahAvyAdhi hara~nchaiva vibhUtisiddhidaM dhruvam || 216||
mohanaM sarvabhUtAnAM paraM bandhanamochanam |
devabhUtapriyakaraM lokAnsvavashamAnayet || 217||
mukhastambhakaraM nR^INAM sadguNAnAM vivardhanam |
duShkarmanAshana~nchaiva satkarmasiddhidaM bhavet || 218||
bhaktidaM siddhayet kAryaM navagrahabhayA.apaham |
duHsvapnanAshana~nchaiva satkarmasiddhidaM bhavet || 219||
sarvashAntikaraM nityaM vandhyAputraphalapradam |
avaidhavyakaraM strINAM saubhAgyadAyakaM param || 220||
AyurArogyamaishvaryaputrapautrAdivardhakam |
niShkAmatastrivAraM vA japanmokShamavApnuyAt || 221||
sarvaduHkhabhayaM vighnaM nAshayettApahArakam |
sarvabAdhAprashamanaM dharmA.arthakAmamokShadam || 222||
yo yaM chintayate kAmaM sa tamApnoti nishchitam |
kAminAM kAmadhenushcha kalpitaM cha suradrumaH || 223||
chintAmaNishchintitasya sarvama~NgalakArakam |
japechChAktashcha shaivashcha gANapatyashcha vaiShNavaH || 224||
saurashcha siddhidaM devi dharmArthakAmamokShadam |
saMsAramalanAshA.arthaM bhavatApanivR^ittaye || 225||
gurugItA.ambhasi snAnaM tattvaj~naH kurute sadA |
yogayu~njAnachittAnAM gIteyaM j~nAnavardhikA || 226||
tritApatApitAnA~ncha jIvAnAM paramauShadham |
saMsArA.apArapAthodhau majjatAM taraNiH shubhA || 227||
deshaH shuddhaH sa yatrA.asau gItA tiShThati durlabhA |
tatra devagaNAH sarve kShetrapIThe vasanti hi || 228||
shuchireva sadA j~nAnI gurugItAjapena tu |
tasya darshanamAtreNa punarjanma na vidyate || 229||
satyaM satyaM punaH satyaM nijadharmo mayoditaH |
gurugItAsamo nA.asti satyaM satyaM varAnane || 230||

     iti shrIgurugItA samAptA |
##


Dharmamandala print version
Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}