% Text title            : tulasIgItA
% File name             : tulasIgItA.itx
% Category              : gItA, giitaa, tulasI
% Location              : doc\_giitaa
% Transliterated by     : PSA Easwaran
% Proofread by          : PSA Easwaran
% Latest update         : May 18, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. tulasIgItA ..}##
\itxtitle{.. tulasIgItA ..}##\endtitles ##

shrIbhagavAnuvAcha \-\-
prAgdatvArghaM tato.abhyarchya gandhapuShpAkShatAdinA |
stutvA bhagavatIM tAM cha praNameddaNDavadbhuvi || 1||
shriyaM shriye shriyAvAse nityaM shrIdhavasat rate |
bhaktyA dattaM mayA devi arghaM gR^ihNa namo.astu te || 2||
nirmitA tvaM purA devairarchitA tvaM surAsuraiH |
tulasi hara me pApaM pUjAM gR^ihNa namo.astu te || 3||
mahAprasAdajananI AdhivyAdhivinAshinI |
sarvasaubhAgyade devi tulasi tvAM namo.astu te || 4||
yA dR^iShTA nikhilAMsasaMghashamanA spR^iShTA vapuHpAvanA
rogANAmabhivanditA nirasanI siktAntakatrAsinI |
pratyAsaktividhAyinI bhagavataH kR^iShNasya saMropitA
nyastA tachcharaNe vimuktiphaladA tasyai tulasyai namaH || 5||
bhagavatyAstulasyAstu mAhAtmyAmR^itasAgare |
lobhAt kUrdditumichChAmi kShudrastat kShamyatAM tvayA || 6||
shravaNAdvAdashIyoge shAlagrAmashilArchane |
yadphalaM sa~Ngame proktaM tulasIpUjanena tat || 7||
dhAtrIphalena yat puNyaM jayantyAM samupoShaNe |
tadphalaM labhate martyAstulasIpUjanena tat || 8||
yadphalaM prayAgasnAne kAshyAM prANavimokShaNe |
tadphalaM vihitaM devaistulasIpUjanena tat || 9||
chaturNAmapi varNAnAmAshramANAM visheShataH |
strINAM cha puruShANAM cha pUjiteShTaM dadAti cha || 10||
tulasI ropitA siktA dR^iShTA spR^iShTA cha pAvayet |
ArAdhitA prayatnena sarvakAmaphalapradA || 11||
pradakShiNaM bhramitvA ye namaskurvanti nityashaH |
na teShAM duritaM ki~nchidakShINamavashiShyate || 12||
pUjyamAnA cha tulasI yasya veshmani tiShThati |
tasya sarvANi shreyAMsi vardhante.aharahaH sadA || 13||
pakShe pakShe cha dvAdashyAM samprApte tu harerdine |
brahmAdayo.api kurvanti tulasIvanapUjanam || 14||
ananyamanasA nityaM tulasIM stauti yo janaH |
pitR^idevamanuShyANAM priyo bhavati sarvadA || 15||
ratiM karomi nAnyatra tulasIkAnanaM vinA |
satyaM bravImi te satye kalikAle mama priye || 16||
hitvA tIrthasahasrANi sarvAnapi shilochchayAn |
tulasIkAnane nityaM kalau tiShThAmi bhAmini || 17||
na dhAtrA saphalA yatra na viShNustulasIvanam|
tat smashAnasamaM sthAnaM santi yatra na vaiShNavAH || 18||
tulasIgandhamAdAya yatra gachChati mArutaH |
disho dasha cha pUtAH syurbhUtagrAmAshchaturdashaH || 19||
tulasIvanasaMbhUtA ChAyA patati yatra vai |
tatra shrAddhaM pradAtavyaM pitRRINAM tR^iptihetave || 20||
tulasI pUjitA nityaM sevitA ropitA shubhA |
snApitA tulasI yaistu te vasanti mamAlaye || 21||
sarvapApaharaM sarvakAmadaM tulasIvanam |
na pashyati samaM satye tulasIvanaropaNAt || 22||
tulasyala~NkR^itA ye vai tulasIvanapUjakAH |
tulasIsthApakA ye cha te tyAjyA yamaki~NkaraiH || 23||
darshanaM narmadAyAstu ga~NgAsnAnaM kalau yuge |
tulasIdalasaMsparshaH samametattrayaM smR^itam || 24||
dAridryaduHkharogArtipApAni subahUnyapi |
harate tulasIkShetraM rogAniva harItakI || 25||
tulasIkAnane yastu muhUrtamapi vishramet |
janmakoTikR^itAt pApAt muchyate nAtra saMshayaH || 26||
nityaM tulasikAraNye tiShThAmi spR^ihayA yutaH |
api me kShatapatraikaM kashchiddhanyo.arpayediti || 27||
tulasInAma yo bruyAt trikAlaM vadane naraH |
vivarNavadano bhUtvA tallipiM mArjayedyamaH || 28||
shuklapakShe yadA devi tR^itIyA budhasaMyutA |
shravaNayA cha saMyuktA tulasI puNyadA tadA || 29||
               iti tulasIgItA samAptA ||
##

Encoded and proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}