% Text title            : utathyagItA from Bharatamanjari of Kshemendra
% File name             : utathyagItABM.itx
% Category              : giitaa, kShemendra
% Location              : doc\_giitaa
% Author                : Kshemendra
% Description/comments  : kAvyamAlA 65. Bharatamanjari
% Latest update         : October 15, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. utathyagItA from Bharatamanjari of Kshemendra ..}##
\itxtitle{.. utathyagItA bhAratama~njaryAM kShemendravirachitA ..}##\endtitles ##
tasmAtkramAgataM kuryAddraShTAraM nR^ipatirhitam |
bhavanti yadbhayAtsarve kAyasthA bhinnasaMhatAH || 13\.351||
dAsAdhipashatasyaiko bhaveduparichintakaH |
tatsahasrasya chAdhyakShaH sarvaM rAj~no nivedayet | 13\.352||
ghoShaM grAmaM puraM rAShTraM bhakShayantyadhikAriNaH |
kriyante yadi na prAj~nauruparyupari chintakAH |
malopadAnenArhAshcha tIvrapAkAnivAriNaH || 13\.353||
shItkArakamalotkAraviparyastalipikramaiH |
ka eShAM bhR^itabhastrANAM chauryasyodbhAsane kShamaH || 13\.354||
teShAM luNThakavR^ittInAM jR^imbhArambhamR^ijA juShAm |
nagarANyeva chulakaM galagartagaladgirAm || 13\.355||
tairghaTyamAnAM pR^ithivIM rakShedvetAlacheShTitaiH |
yeShAM narakapAkograparyante viShamA sthitiH || 13\.356||
yauvanAshvaM narapatiM prAgutathyo.avadanmuniH |
pR^ithivIpAlane rAjankuru kaNThakashodhanam || 13\.357||
anAthAndurbalAnrakShetkR^ipaNAMshchAnulepayet |
rAj~nAM hi kR^ipaNAkrandairmUlAnnashyanti sampadaH || 13\.358||
artho.apyanarthatAM yAti bhUbhujAM janapIDanAt |
janApavAdaparashuM sahate shrIlatA katham || 13\.359||
vadAnyaH sabhyavAnvIraH kR^itaj~naH satyavAkpaTuH |
abhijAto bhavatyeva prajAnAM sukR^itairnR^ipaH || 13\.360||
utathyeneti kathite mAndhAtA pR^ithivIpatiH |
tathA shashAsa yashasA yathA jIvanniva sthitaH || 13\.361||
 
iti bhAratama~njaryAM kShemendravirachitA utathyagItA samAptA | 
shAntiparvaNi rAjadharmAH shlokAni 351-361
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}