%@@1
% File name             : uttaragiitaa.itx
%--------------------------------------------
% Text title            : Uttara-Gita
% Author                : Vyasa (?)
% Language              : Sanskrit
% Subject               : philosophy/hinduism/religion
% Description/comments  : Mahabharata (?)
% Transliterated by     : Sunder Hattangadi
% Proofread by          : Sunder Hattangadi
% Latest update         : April 30, 2008
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org/
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Uttara Gita ..}##
\itxtitle{.. uttaragiitaa ..}##\endtitles##
akhaNDaM sachchidaanandamavaa~Nmanasagocharam.h |
aatmaanamakhilaadhaaramaashraye.abhiiShTasiddhaye ||
arjuna uvaacha \-
yadekaM niShkalaM brahma vyomaatiitaM nira~njanam.h |
apratarkyamavij~neyaM vinaashotpattivarjitam.h || 1||
kaaraNaM yoganirmuktaM hetusaadhanavarjitam.h |
hRRidayaambujamadhyasthaM j~naanaj~neyasvaruupakam.h || 2||
tatkShaNaadeva muchyeta yajj~naanaadbruuhi keshava |
shriibhagavaanuvaacha \-
saadhu pRRiShTaM mahaabaaho buddhimaanasi paaNDava || 3||
yanmaaM pRRichchhasi tattvaarthamasheShaM pravadaamyaham.h |
aatmamantrasya haMsasya parasparasamanvayaat.h || 4||
yogena gatakaamaanaaM bhaavanaa brahma chakShate |
shariiriNaamajasyaantaM haMsatvaM paaradarshanam.h || 5||
haMso haMsaakSharaM chaitatkuuTasthaM yattadakSharam.h |
tadvidvaanakSharaM praapya jahyaanmaraNajanmanii || 6||
kaakiimukhaM kakaaraantamukaarashchetanaakRRitiH |
makaarasya tu luptasya ko.arthaH saMpratipadyate || 7||
kaakiimukhakakaaraantamukaarashchetanaakRRitiH |
akaarasya tu luptasya ko.arthaH saMpratipadyate || 7||
gachchha.nstiShThansadaa kaalaM vaayusviikaraNaM param.h |
sarvakaalaprayogena sahasraayurbhavennaraH || 8||
yaavatpashyetkhagaakaaraM tadaakaaraM vichintayet.h |
khamadhye kuru chaatmaanamaatmamadhye cha khaM kuru |
aatmaanaM khamayaM kRRitvaa na ki.nchidapi chintayet.h || 9||
sthirabuddhirasaMmuuDho brahmavidbrahmaNi sthitaH |
bahirvyomasthitaM nityaM naasaagre cha vyavasthitam.h |
niShkalaM taM vijaaniiyaachchhvaaso yatra layaM gataH || 10||
puTadvayavinirmukto vaayuryatra viliiyate || 11||
tatra saMsthaM manaH kRRitvaa taM dhyaayetpaartha iishvaram.h || 12||
nirmalaM taM vijaaniiyaatShaDuurmirahitaM shivam.h |
prabhaashuunyaM manaHshuunyaM buddhishuunyaM niraamayam.h || 13||
sarvashuunyaM niraabhaasaM samaadhistasya lakShaNam.h |
trishuunyaM yo vijaaniiyaatsa tu muchyeta bandhanaat.h || 14||
svayamuchchalite dehe dehii nyastasamaadhinaa |
nishchalaM tadvijaaniiyaatsamaadhisthasya lakShaNam.h || 15||
amaatraM shabdarahitaM svaravya~njanavarjitam.h |
bindunaadakalaatiitaM yastaM veda sa vedavit.h || 16||
praapte j~naanena vij~naane j~neye cha hRRidi saMsthite |
labdhashaantipade dehe na yogo naiva dhaaraNaa || 17||
yo vedaadau svaraH prokto vedaante cha pratiShThitaH |
tasya prakRRitiliinasya yaH paraH sa maheshvaraH || 18||
naavaarthii cha bhavettaavadyaavatpaaraM na gachchhati |
uttiirNe cha saritpaare naavayaa kiM prayojanam.h || 19||
granthamabhyasya medhaavii j~naanavij~naanatatparaH |
palaalamiva dhaanyaarthii tyajedgranthamasheShataH || 20||
ulkaahasto yathaa kashchiddravyamaalokya taaM tyajet.h
j~naanena j~neyamaalokya pashchaajj~naanaM parityajet.h || 21||
yathaamRRitena tRRiptasya payasaa kiM prayojanam.h |
evaM taM paramaM j~naatvaa vedairnaasti prayojanam.h || 22||
j~naanaamRRitena tRRiptasya kRRitakRRityasya yoginaH |
na chaasti ki~nchitkartavyamasti chenna sa tattvavit.h || 23||
tailadhaaraamivaachchhinnaM diirghaghaNTaaninaadavat.h |
avaachyaM praNavasyaagraM yastaM veda sa vedavit.h || 24||
aatmaanamaraNiM kRRitvaa praNavaM chottaraaraNim.h |
dhyaananirmathanaabhyaasaadevaM pashyenniguuDhavat.h || 25||
taadRRishaM paramaM ruupaM smaretpaartha hyananyadhiiH |
vidhuumaagninibhaM devaM pashyedantyantanirmalam.h || 26||
duurastho.api na duurasthaH piNDasthaH piNDavarjitaH |
vimalaH sarvadaa dehii sarvavyaapii nira~njanaH || 27||
kaayastho.api na kaayasthaH kaayastho.api na jaayate |
kaayastho.api na bhu~njaanaH kaayastho.api na badhyate || 28||
kaayastho.api na liptaH syaatkaayastho.api na baadhyate |
tilamadhye yathaa tailaM kShiiramadhye yathaa ghRRitam.h || 29||
puShpamadhye yathaa gandhaH phalamadhye yathaa rasaH |
kaaShThaagnivatprakaasheta aakaashe vaayuvachcharet.h || 30||
tathaa sarvagato dehii dehamadhye vyavasthitaH |
manastho deshinaaM devo manomadhye vyavasthitaH || 31||
manasthaM manamadhyasthaM madhyasthaM manavarjitam.h |
manasaa mana aalokya svayaM sidhyanti yoginaH || 32||
aakaashaM maanasaM kRRitvaa manaH kRRitvaa niraaspadam.h |
nishchalaM tadvijaaniiyaatsamaadhisthasya lakShaNam.h || 33||
yogaamRRitarasaM piitvaa vaayubhakShaH sadaa sukhii |
yamamabhyasyate nityaM samaadhirmRRityunaashakRRit.h || 34||
uurdhvashuunyamadhaHshuunyaM madhyashuunyaM yadaatmakam.h |
sarvashuunyaM sa aatmeti samaadhisthasya lakShaNam.h || 35||
shuunyabhaavitabhaavaatmaa puNyapaapaiH pramuchyate |
arjuna uvaacha\-
adRRishye bhaavanaa naasti dRRishyametadvinashyati || 36||
avarNamasvaraM brahma kathaM dhyaayanti yoginaH |
shriibhagavaanuvaacha\-
uurdhvapuurNamadhaHpuurNaM madhyapuurNaM yadaatmakam.h || 37||
sarvapuurNaM sa aatmeti samaadhisthasya lakShaNam.h |
arjuna uavaacha\-
saalambasyaapyanityatvaM niraalambasya shuunyataa || 38||
ubhayorapi duShThatvaatkathaM dhyaayanti yoginaH |
shriibhagavaanuvaacha\-
hRRidayaM nirmalaM kRRitvaa chintayitvaapyanaamayam.h || 39||
ahameva idaM sarvamiti pashyetparaM sukham.h |
arjuna uvaacha\-
akSharaaNi samaatraaNi sarve bindusamaashritaaH || 40||
bindubhirbhidyate naadaH sa naadaH kena bhidyate |
shriibhagavaanuvaacha\-
anaahatasya shabdasya tasya shabdasya yo dhvaniH || 41||
dhvanerantargataM jyotirjyotirantargataM manaH |
tanmano vilayaM yaati tadviShNoH paramaM padam.h || 42||
AUMkaaradhvaninaadena vaayoH saMharaNaantikam.h |
niraalambaM samuddishya yatra naado layaM gataH || 43||
arjuna uvaacha\-
bhinne pa~nchaatmake dehe gate pa~nchasu pa~nchadhaa |
praaNairvimukte dehe tu dharmaadharmau kva gachchhataH || 44||
shriibhagavaanuvaacha\-
dharmaadharmau manashchaiva pa~nchabhuutaani yaani cha |
indriyaaNi cha pa~nchaiva yaashchaanyaaH pa~ncha devataaH || 45||
taashchaiva manasaa sarve nityamevaabhimaanataH |
jiivena saha gachchhanti yaavattattvaM na vindati || 46||
arjuna uvaacha\-
sthaavaraM ja~NgamaM chaiva yatki.nchitsacharaacharam.h |
jiivaa jiivena sidhyanti sa jiivaH kena sidhyati || 47||
shriibhagavaanuvaacha\-
mukhanaasikayormadhye praaNaH sa.ncharate sadaa |
aakaashaH pibate praaNaM sa jiivaH kena jiivati || 48||
arjuna uvaacha\-
brahmaaNDavyaapitaM vyoma vyomnaa chaaveShTitaM jagat.h |
antarbahishcha tadvyoma kathaM devo nira~njanaH || 49||
shriibhagavaanuvaacha\-
aakaasho hyavakaashashcha aakaashavyaapitaM cha yat.h |
aakaashasya guNaH shabdo niHshabdo brahma uchyate || 50||
arjuna uvaacha\-
dantoShThataalujihvaanaamaaspadaM yatra dRRishyate |
akSharatvaM kutasteShaaM kSharatvaM vartate sadaa || 51||
aghoShamavya~njanamasvaraM chaa\-
        pyataalukaNThoShThamanaasikaM cha |
arekhajaataM paramuuShmavarjitaM
        tadakSharaM na kSharate kathaMchit.h || 52||
arjuna uvaacha\-
j~naatvaa sarvagataM brahma sarvabhuutaadhivaasitam.h |
indriyaaNaaM nirodhena kathaM sidhyanti yoginaH || 53||
shriibhagavaanuvaacha\-
indriyaaNaaM nirodhena dehe pashyanti maanavaaH |
dehe naShTe kuto buddhirbuddhinaashe kuto j~nataa || 54||
taavadeva nirodhaH syaadyaavattattvaM na vindati |
vidite tu pare tattve ekamevaanupashyati || 55||
bhavachchhidrakRRitaa dehaaH sravanti galikaa iva |
naiva brahma na shuddhaM syaatpumaanbrahma na vindati || 56||
atyantamalino deho dehii chaatyantanirmalaH |
ubhayorantaraM j~naatvaa kasya shauchaM vidhiiyate || 57||
        iti uttaragiitaayaaM prathamo.adhyaayaH ||
\medskip\hrule\medskip
                    || dvitiiyo.adhyaayaH ||
        aruuDhasyaarurukShoshcha svaruupe parikiirtite |
        tatraaruuDhasya bimbaikyaM kathaM syaaditi pRRichchhati ||
arjuna uvaacha\-
j~naatvaa sarvagataM brahma sarvaj~naM parameshvaram.h |
ahaM brahmeti nirdeShTuM pramaaNaM kiM bhavet.h || 1||
shriibhagavaanuvaacha\-
yathaa jalaM jale kShiptaM kShiire kShiiraM ghRRite ghRRitam.h |
avisheSho bhavettadvajjiivaatmaparamaatmanoH || 2||
jiive pareNa taadaatmyaM sarvagaM jyotiriishvaram.h |
pramaaNalakShaNairj~neyaM svayamekaagravedinaa || 3||
arjuna uvaacha\-
j~naanaadeva bhavejj~neyaM viditvaa tatkShaNena tu |
j~naanamaatreNa muchyeta kiM punaryogadhaaraNaa || 4||
shriibhagavaanuvaacha\-
j~naanena diipite dehe buddhirbrahmasamanvitaa |
brahmaj~naanaagninaa vidvaannirdahetkarmabandhanam.h || 5||
tataH pavitraM parameshvaraakhya\-
        madvaitaruupaM vimalaambaraabham.h |
yathodake toyamanupraviShTaM
        tathaatmaruupo nirupaadhisaMsthaH || 6||
aakaashavatsuukShmashariira aatmaa
        na dRRishyate vaayuvadantaraatmaa |
sa baahyamabhyantaranishchalaatmaa
        j~naanolkayaa pashyati chaantaraatmaa || 7||
yatra yatra mRRito j~naanii yena kenaapi mRRityunaa |
yathaa sarvagataM vyoma tatra tatra layaM gataH || 8||
shariiravyaapitaM vyoma bhuvanaani chaturdasha |
nishchalo nirmalo dehii sarvavyaapii nira~njanaH || 9||
muhuurtamapi yo gachchhennaasaagre manasaa saha |
sarvaM tarati paapmaanaM tasya janma shataarjitam.h || 10||
dakShiNe pi~Ngalaa naaDii vahnimaNDalagocharaa |
devayaanamiti j~neyaa puNyakarmaanusaariNii || 11||
ilaa cha vaamanishvaasasomamaNDalagocharaa |
pitRRiyaanamiti j~neyaM vaamamaashritya tiShThati || 12||
gudasya pRRiShThabhaage.asminviiNaadaNDasya dehabhRRit.h |
diirghaasti muurdhniparyantaM brahmadaNDiiti kathyate || 13||
tasyaante suShiraM suukShmaM brahmanaaDiiti suuribhiH |
ilaapi~Ngalayormadhye suShumnaa suukShmaruupiNii |
sarvaM pratiShThitaM yasminsarvagaM sarvatomukham.h || 14||
tasya madhyagataaH suuryasomaagniparameshvaraaH |
bhuutalokaa dishaH kShetrasamudraaH parvataaH shilaaH || 15||
dviipaashcha nimnagaa vedaaH shaastravidyaakalaakSharaaH |
svaramantrapuraaNaani guNaashchaite cha sarvashaH || 16||
biijaM biijaatmakaasteShaaM kShetraj~naaH praaNavaayavaH |
suShumnaantargataM vishvaM tasminsarvaM pratiShThitam.h || 17||
naanaanaaDiiprasavakaM sarvabhuutaantaraatmani |
uurdhvamuulamadhaH shaakhaM vaayumaargeNa sarvagam.h || 18||
dvisaptatisahasraaNi naaDyaH syurvaayugocharaaH |
karmamaargeNa suShiraastirya~nchaH suShiraatmakaaH || 19||
adhashchordhvagataastaasu navadvaaraaNi shodhayan.h |
vaayunaa saha jiivordhvaj~naanii mokShamavaapnuyaat.h || 20||
amaraavatiindraloko.asminnaasaagre puurvato dishi |
agniloko hRRidi j~neyashchakShustejovatii purii || 21||
yaamyaa saMyamanii shrotre yamalokaH pratiShThitaH |
nairRRito hyatha tatpaarshve nairRRito loka aashritaH || 22||
vibhaavarii pratiichyaaM tu pRRiShThe vaaruNikaa purii |
vaayorgandhavatii karNapaarshve lokaH pratiShThitaH || 23||
saumyaa puShpavatii saumye somalokastu kaNThataH |
vaamakarNe tu vij~neyo dehamaashritya tiShThati || 24||
vaame chakShuShi chaishaanii shivaloko manonmanii |
muurdhni brahmapurii j~neyaa brahmaaNDaM dehamaashritam.h || 25||
paadaadadhaH shivo.anantaH kaalaagnipralayaatmakaH |
anaamayamadhashchordhvaM madhyamaM tu bahiH shivam.h || 26||
adhaH pado.atalaM vidyaatpaadaM cha vitalaM viduH |
nitalaM paadasandhishcha sutalaM ja~Nghamuchyate || 27||
mahaatalaM tu jaanu syaaduurudesho rasaatalam.h |
kaTistaalatalaM proktaM sapta paataalasaMj~nayaa || 28||
kaalaagninarakaM ghoraM mahaapaataalasaMj~nayaa |
paataalaM naabhyadhobhaago bhogiindraphaNimaNDalam.h || 29||
veShTitaH sarvato.anantaH sa bibhrajjiivasaMj~nakaH |
bhuulokaM naabhideshaM tu bhuvarlokaM tu kukShitaH || 30||
hRRidayaM svargalokaM tu suuryaadigrahataarakaaH |
suuryasomasunakShatraM budhashukrakujaa~NgiraaH || 31||
mandashcha saptamo hyeSha dhruvo.ataH svargalokataH |
hRRidaye kalpayanyogii tasminsarvasukhaM labhet.h || 32||
hRRidayasya maharlokaM janolokaM tu kaNThataH |
tapolokaM bhruvormadhye muurdhni satyaM pratiShThitam.h || 33||
brahmaaNDaruupiNii pRRithvii toyamadhye viliiyate |
agninaa pachyate toyaM vaayunaa grasyate.analaH || 34||
aakaashaM tu pibedvaayuM manashchaakaashameva cha |
buddhyaha~NkaarachittaM cha kShetraj~naH paramaatmani || 35||
 ahaM brahmeti maaM dhyaayedekaagramanasaa sakRRit.h |
sarvaM tarati paapmaanaM kalpakoTishataiH kRRitam.h || 36||
ghaTasaMvRRitamaakaashaM niiyamaane ghaTe yathaa |
ghaTo nashyati naakaashaM tadvajjiiva ihaatmani || 37||
ghaTaakaashamivaatmaanaM vilayaM vetti tattvataH |
sa gachchhati niraalambaM j~naanaalokyaM na saMshayaH || 38||
tapedvarShasahasraaNi ekapaadasthito naraH |
ekasya dhyaanayogasya kalaaM naarhanti ShoDashiim.h || 39||
aaloDya chaturo vedaandharmashaastraaNi sarvadaa |
yo vai brahma na jaanaati darvii paakarasaM yathaa || 40||
yathaa kharashchandanabhaaravaahii
        saarasya vaahii na tu chandanasya |
evaM hi shaastraaNi bahuunyadhiitya
        saaraM tvajaanankharavadvahetsaH || 41||
anantakarma shauchaM cha japo yaj~nastathaiva cha |
tiirthayaatraadigamanaM yaavattattvaM na vindati || 42||
gavaamanekavarNaanaaM kShiiraM syaadekavarNakam.h |
kShiiravaddRRishyate j~naanaM dehinaaM cha gavaaM yathaa || 43||
ahaM brahmeti niyataM mokShaheturmahaatmanaam.h |
dve pade bandhamokShaaya na mameti mameti cha || 44||
mameti badhyate janturna mameti vimuchyate |
manaso hyunmaniibhaavaaddvaitaM naivopalabhyate |
yadaa yaatyunmaniibhaavaM tadaa tatparamaM padam.h || 45||
hanyaanmuShTibhiraakaashaM kShudhaartaH kaNDayettuSham.h |
naahaM brahmeti jaanaati tasya muktirna jaayate || 46||
        iti uttaragiitaayaaM dvitiiyo.adhyaayaH ||
\medskip\hrule\medskip
        || tRRitiiyo.adhyaayaH ||
yogii vyarthakriyaalaapaparityaagena shaantadhiiH |
tRRitiiye sharaNaM yaayaaddharimeveti kiirtyate ||
shriibhagavaanuvaacha\-
anantashaastraM bahuveditavya\-
        malpashcha kaalo bahavashcha vighnaaH |
yatsaarabhuutaM tadupaasitavyaM
        haMso yathaa kShiiramivaambumishram.h || 1||
puraaNaM bhaarataM vedashaastraaNi vividhaani cha |
putradaaraadisaMsaaro yogaabhyaasasya vighnakRRit.h || 2||
idaM j~naanamidaM j~neyaM yaH sarvaM j~naatumichchhati |
api varShasahasraayuH shaastraantaM naadhigachchhati || 3||
vij~neyo.akSharatanmaatraM jiivitaM chaapi cha~nchalam.h |
vihaaya shaastrajaalaani yatsatyaM tadupaasyataam.h || 4||
pRRithivyaaM yaani bhuutaani jihvopasthanimittikam.h |
jihvopasthaparityaage pRRithivyaaM kiM prayojanam.h || 5||
tiirthaani toyapuurNaani devaanpaaShaaNamRRinmayaan.h |
yogino na prapadyante aatmadhyaanaparaayaNaaH || 6||
agnirdevo dvijaatiinaaM muniinaaM hRRidi daivatam.h |
pratimaa svalpabuddhiinaaM sarvatra samadarshinaam.h || 7||
sarvatraavasthitaM shaantaM na prapashyejjanaardanam.h |
j~naanachakShurvihiinatvaadandhaH suuryamivoditam.h || 8||
yatra yatra mano yaati tatra tatra paraM padam.h |
tatra tatra paraM brahma sarvatra samavasthitam.h || 9||
dRRishyante dRRishi ruupaaNi gaganaM bhaati nirmalam.h |
ahamityakSharaM brahma paramaM viShNumavyayam.h || 10||
dRRishyate chetkhagaakaaraM khagaakaaraM vichintayet.h |
sakalaM niShkalaM suukShmaM mokShadvaareNa nirgatam.h || 11||
apavargasya nirvaaNaM paramaM viShNumavyayam.h |
sarvajyotirniraakaaraM sarvabhuutaguNaanvitam.h || 12||
sarvatra paramaatmaanaM ahamaatmaa paramavyayam.h |
ahaM brahmeti yaH sarvaM vijaanaati naraH sadaa |
hanyaatsvayamimaankaamaansarvaashii sarvavikrayii || 13||
nimiShaM nimiShaardhaM vaa shiitaashiitanivaaraNam.h |
achalaa keshave bhaktirvibhavaiH kiM prayojanam.h || 14||
bhikShaannaM deharakShaarthaM vastraM shiitanivaaraNam.h |
ashmaanaM cha hiraNyaM cha shaakaM shaalyodanaM tathaa || 15||
samaanaM chintayedyogii yadi chintyamapekShate |
bhuutavastunyashochitvaM punarjanma na vidyate || 16||
aatmayogamavochadyo bhaktiyogashiromaNim.h |
taM vande paramaanandaM nandanandanamiishvaram.h ||
    iti uttaragiitaayaaM tRRitiiyo.adhyaayaH ||
##
Encoded and proofread by Sunder Hattangadi sunderh@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}