% Text title            : vAamadevagItA
% File name             : vaamadevagiitaa.itx
% Category              : gItA, giitaa
% Location              : doc\_giitaa
% Transliterated by     : Professor Tokunaga in Kyoto system(?)
% Proofread by          : Sunder Hattangadi(sunderh at hotmail.com)
% Latest update         : June 2, 1998
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vAmadevagItA ..}##
\itxtitle{.. vAmadevagItA ..}##\endtitles ##

 adhyAyaH 93
katha.n dharme sthAtumichChanrAjA varteta dhArmikaH .
pR^ichChAmi tvA kurushreShTha tanme brUhi pitA maha .. 1..
atrApyudAharantImamitihAsaM purAtanam .
gIta.n dR^iShTArthatattvena vAmadevena dhImatA .. 2..
rAjA vasu manA nAma kausalyo balavA~nshuchiH .
maharShiM paripaprachCha vAmadeva.n yasho vinam .. 3..
dharmArthasahita.n vAkyaM bhagavannanushAdhi mAm .
yena vR^ittena vai tiShThanna chyaveya.n svadharmataH .. 4..
tamabravIdvAmadevastapasvI japatA.n varaH .
hemavarNamupAsIna.n yayAtimiva nAhuSham .. 5..
dharmamevAnuvartasva na dharmAdvidyate param .
dharme sthitA hi rAjAno jayanti pR^ithivImimAm .. 6..
arthasiddheH para.n dharmaM manyate yo mahIpatiH .
R^itA.n cha kurute buddhi.n sa dharmeNa virochate .. 7..
adharmadarshI yo rAjA balAdeva pravartate .
xipramevApayAto.asmAdubhau prathamamadhyamau .. 8..
asatpApiShTha sachivo vadhyo lokasya dharmahA .
sahaiva parivAreNa xipramevAvasIdati .. 9..
arthAnAmananuShThAtA kAmachArI vikatthanaH .
api sarvAM mahI.n labdhvA xiprameva vinashyati .. 10..
athAdadAnaH kalyANamanasUyurjitendriyaH .
vardhate matimAnrAjA srotobhiriva sAgaraH .. 11..
na pUrNo.asmIti manyeta dharmataH kAmato.arthataH .
buddhito mitra tashchApi satata.n vasudhAdhipaH .. 12..
eteShveva hi sarveShu lokayAtrA pratiShThitA .
etAni shR^iNva.Nllabhate yashaH kIrti.n shriyaH prajAH .. 13..
eva.n yo dharmasa.nrambhI dharmArthaparichintakaH .
arthAnsamIxyArabhate sa dhruvaM mahadashnute .. 14..
adAtA hyanati sneho daNDenAvartayanprajAH .
sAhasa prakR^itIrAjA xiprameva vinashyati .. 15..
atha pApa.n kR^itaM buddhyA na cha pashyatyabuddhi mAn .
akIrtyApi samAyukto mR^ito narakamashnute .. 16..
atha mAnayiturdAtuH shuklasya rasavedinaH .
vyasana.n svamivotpannaM vijighA.nsanti mAnavAH .. 17..
yasya nAsti gururdharme na chAnyAnanupR^ichChati .
sukhatantro.arthalAbheShu nachiraM mahadashnute .. 18..
guru pradhAno dharmeShu svayamarthAnvavexitA .
dharmapradhAno lokeShu suchiraM mahadashnute .. 19..
\medskip\hrule\medskip
 adhyAyaH 94
yatrAdharmaM praNayate durbale balavattaraH .
tA.n vR^ittimupajIvanti ye bhavanti tadanvayAH .. 1..
rAjAnamanuvartante taM pApAbhipravartakam .
avinIta manuShya.n tatxipra.n rAShTraM vinashyati .. 2..
yadvR^ittimupajIvanti prakR^itisthasya mAnavAH .
tadeva viShamasthasya svajano.api na mR^iShyate .. 3..
sAhasa prakR^itiryatra kurute ki.n chidulbaNam .
ashAstralaxaNo rAjA xiprameva vinashyati .. 4..
yo.atyantAcharitA.n vR^itti.n xatriyo nAnuvartate .
jitAnAmajitAnA.n cha xatradharmAdapaiti saH .. 5..
dviShanta.n kR^itakarmANaM gR^ihItvA nR^ipatI raNe .
yo na mAnayate dveShAtxatradharmAdapaiti saH .. 6..
shaktaH syAtsumukho rAjA kuryAtkAruNyamApadi .
priyo bhavati bhUtAnAM na cha vibhrashyate shriyaH .. 7..
apriya.n yasya kurvIta bhUyastasya priya.n charet .
nachireNa priyaH sa syAdyo.apriyaH priyamAcharet .. 8..
mR^iShAvAdaM pariharetkuryAtpriyamayAchitaH .
na cha kAmAnna sa.nrambhAnna dveShAddharmamutsR^ijet .. 9..
nApatrapeta prashneShu nAbhibhavyA.n gira.n sR^ijet .
na tvareta na chAsUyettathA sa~NgR^ihyate paraH .. 10..
priye nAtibhR^isha.n hR^iShyedapriye na cha sa~njvaret .
na muhyedarthakR^ichChreShu prajAhitamanusmaran .. 11..
yaH priya.n kurute nityaM guNato vasudhAdhipaH .
tasya karmANi sidhyanti na cha santyajyate shriyA .. 12..
nivR^ittaM pratikUlebhyo vartamAnamanupriye .
bhaktaM bhajeta nR^ipatistadvai vR^itta.n satAm iha .. 13..
aprakIrNendriyaM prAGYamatyantAnugata.n shuchim .
shakta.n chaivAnuraktaM cha yu~njyAnmahati karmaNi .. 14..
evameva guNairyukto yo na rajyati bhUmipam .
bharturartheShvasUyantaM na ta.n yu~njIta karmaNi .. 15..
mUDhamaindriyaka.n lubdhamanArya charitaM shaTham .
anatItopadha.n hi.nsra.n durbuddhimabahushrutam .. 16..
tyaktopAttaM madya rata.n dyUtastrI mR^igayA param .
kArye mahati yo yu~njyAddhIyate sa nR^ipaH shriyaH .. 17..
raxitAtmA tu yo rAjA raxyAnyashchAnuraxati .
prajAshcha tasya vardhante dhruva.n cha mahadashnute .. 18..
ye ke chidbhUmipatayastAnsarvAnanvavexayet .
suhR^idbhiranabhikhyAtaistena rAjA na riShyate .. 19..
apakR^itya balasthasya dUrastho.asmIti nAshvaset .
shyenAnucharitairhyete nipatanti pramAdyataH .. 20..
dR^iDhamUlastvaduShTAtmA viditvA balamAtmanaH .
abalAnabhiyu~njIta na tu ye balavattarAH .. 21..
vikrameNa mahI.n labdhvA prajA dharmeNa pAlayan .
Ahave nidhana.n kuryAdrAjA dharmaparAyaNaH .. 22..
maraNAntamida.n sarvaM neha ki.n chidanAmayam .
tasmAddharme sthito rAjA prajA dharmeNa pAlayet .. 23..
raxAdhikaraNa.n yuddha.n tathA dharmAnushAsanam .
mantrachintya.n sukha.n kAle pa~nchabhirvardhate mahI .. 24..
etAni yasya guptAni sa rAjA rAjasattama .
satata.n vartamAno.atra rAjA bhu~Nkte mahImimAm .. 25..
naitAnyekena shakyAni sAtatyenAnvavexitum .
eteShvAptAnpratiShThApya rAjA bhu~Nkte mahI.n chiram .. 26..
dAtAra.n sa.nvibhaktAraM mArdavopagataM shuchim .
asantyakta manuShya.n cha taM janAH kurvate priyam .. 27..
yastu niHshreyasa.n GYAtvA GYAna.n tatpratipadyate .
Atmano matamutsR^ijya ta.n loko.anuvidhIyate .. 28..
yo.arthakAmasya vachanaM prAtikUlyAnna mR^iShyate .
shR^iNoti pratikUlAni vi manA nachirAdiva .. 29..
agrAmyacharitAM buddhimatyanta.n yo na budhyate .
jitAnAmajitAnA.n cha xatradharmAdapaiti saH .. 30..
mukhyAnamAtyAnyo hitvA nihInAnkurute priyAn .
sa vai vyasanamAsAdya gAdha mArto na vindati .. 31..
yaH kalyANa guNA~nGYAtIndveShAnnaivAbhimanyate .
adR^iDhAtmA dR^iDhakrodho nAsyArtho ramate.antike .. 32..
atha yo guNasampannAnhR^idayasyApriyAnapi .
priyeNa kurute vashyAMshchira.n yashasi tiShThati .. 33..
nAkAle praNayedarthAnnApriye jAtu sa~njvaret .
priye nAtibhR^isha.n hR^iShyedyujyetArogya karmaNi .. 34..
ke mAnuraktA rAjAnaH ke bhayAtsamupAshritAH .
madhyastha doShAH ke chaiShAmiti nitya.n vichintayet .. 35..
na jAtu balavAnbhUtvA durbale vishvasetkva chit .
bhAruNDa sadR^ishA hyete nipatanti pramAdyataH .. 36..
api sarvairguNairyuktaM bhartAraM priyavAdinam .
abhidruhyati pApAtmA tasmAddhi vibhiShejjanAt .. 37..
etA.n rAjopaniShadaM yayAtiH smAha nAhuShaH .
manuShyavijaye yukto hanti shatrUnanuttamAn .. 38..
\medskip\hrule\medskip
 adhyAyaH 95
ayuddhenaiva vijaya.n vardhayedvasudhAdhipaH .
jaghanyamAhurvijaya.n yo yuddhena narAdhipa .. 1..
na chApyalabdha.n lipseta mUle nAtidR^iDhe sati .
na hi durbalamUlasya rAGYo lAbho vidhIyate .. 2..
yasya sphIto janapadaH sampannaH priya rAjakaH .
santuShTapuShTasachivo dR^iDhamUlaH sa pArthivaH .. 3..
yasya yodhAH susantuShTAH sAntvitAH sUpadhAsthitAH .
alpenApi sa daNDena mahI.n jayati bhUmipaH .. 4..
paurajAnapadA yasya svanuraktAH supUjitAH .
sadhanA dhAnyavantashcha dR^iDhamUlaH sa pArthivaH .. 5..
prabhAvakAlAvadhikau yadA manyeta chAtmanaH .
tadA lipseta medhA vI parabhUmi.n dhanAnyuta .. 6..
bhogeShvadayamAnasya bhUteShu cha dayA vataH .
vardhate tvaramANasya viShayo raxitAtmanaH .. 7..
taxatyAtmAnamevaiSha vanaM parashunA yathA .
yaH samyagvartamAneShu sveShu mithyA pravartate .. 8..
na vai dviShantaH xIyante rAGYo nityamapi ghnataH .
krodhaM niyantu.n yo veda tasya dveShTA na vidyate .. 9..
yadArya janavidviShTa.n karma tannAcharedbudhaH .
yatkalyANamabhidhyAyettatrAtmAnaM niyojayet .. 10..
nainamanye.avajAnanti nAtmanA paritapyate .
kR^ityasheSheNa yo rAjA sukhAnyanububhUShati .. 11..
ida.n vR^ittaM manuShyeShu vartate yo mahIpatiH .
ubhau lokau vinirjitya vijaye sampratiShThate .. 12..
ityukto vAmadevena sarva.n tatkR^itavAnnR^ipaH .
tathA kurva.nstvamapyetau lokau jetA na saMshayaH .. 13..
####
.. iti vAmadevagItA samAptA ..
##

Adhyaya numbers 93-95 in shAntiparva, Mahabharata critical edition
(Bhandarkar Oriental Research Institute BORI).
In Kinjavadekar's edition they are 92-94.

Sunder Hattangadi sunderh at hotmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}