% Text title            : vasiShThagItA
% File name             : vasishthagiitaa.itx
% Category              : gItA, giitaa, vAlmIki
% Location              : doc\_giitaa
% Author                : Valmiki Maharamayana Yoga Vasishtha
% Transliterated by     : Sunder Hattangadi
% Proofread by          : Sunder Hattangadi(sunderh at hotmail.com), PSA Easwaran psaeaswaran at gmail.com
% Description-comments  : Vasishtha@s dialogue with Rama
% Latest update         : March 9, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. VasiShTha gItA ..}##
\itxtitle{.. vasiShTha gItA ..}##\endtitles ##

nirvANa prakaraNa uttarArdha sargaH 39
   || atha vasiShTha gItA ||
shrIvasiShTha uvAcha |
sa~njAtAkR^itrimakShINasaMsR^itipratyayaH pumAn |
sa~Nkalpo na sa~NkalpaM vetti tenAsadeva saH || 1||
shvAsAnmlAnirivAdarshe kuto.apyahamiti sthitA |
vidi sA.akAraNaM dR^iShTA nashyantyAshu na labhyate || 2||
yasya kShINAvaraNatA shAntasarvehatoditA |
paramAmR^itapUrNAtmA sattayaiva sa rAjate || 3||
sarvasandehadurdhvAntamihikAmAtarishvanA |
bhAti bhAsvaddhiyA deshastena pUrNenduneva kham || 4||
visaMsR^itirvisandeho labdhajyotirnirAvR^itiH |
sharadAkAshavishado j~neyo vij~nAyate budhaH || 5||
niHsa~Nkalpo nirAdhAraH shAntaH sparshAtpavitratAm |
antaHshItala Adhatte brahmalokAdivAnilaH || 6||
asadrUpopalambhAnAmiyaM vastusvabhAvatA |
yatsvargavedanaM svapnavandhyAputropalambhavat || 7||
avidyamAnamevedaM jagadyadanubhUyate |
asadrUpopalambhasya saiShA vastusvabhAvatA || 8||
asatyeShveva saMsAreShvAstAmarthaH kuto bhavet |
sargApavargayoH shabdAveva vandhyAsutopamau || 9||
jagadbrahmatayA satyamanirmitamabhAvitam |
aniShThitaM chAnyathA tu nAhaM nAvagataM cha tat || 10||
AtmasvabhAvavishrAnteriyaM vastusvabhAvatA |
yadahantAdisargAdiduHkhAdyanupalambhatA || 11||
kShaNAdyojanalakShAntaM prApte deshAntare chitaH |
chetane.ayasya tadrUpaM mArgamadhye nira~njanam || 12||
aspandavAtasadR^ishaM khakoshAbhAsachinmayam |
achetyaM shAntamuditaM latAvikasanopamam || 13||
sarvasya jantujAtasya tatsvabhAvaM vidurbudhAH |
sargopalambho galati tatrasthasya vivekinaH || 14||
suShupte svapnadhIrnAsti svapne nAsti suShuptadhIH |
sarganirvANayorbhrAntI suShuptasvapnayoriva || 15||
bhrAntivastusvabhAvo.asau na svapno na suShuptatA |
na sargo na cha nirvANaM satyaM shAntamasheShataH || 16||
bhrAntistvasanmAtramayI prekShitA chenna labhyate |
shuktirUpyamivAsatyaM kila samprApyate katham || 17||
yanna labdhaM cha tannAsti tena bhrAnterasaMbhavaH |
svabhAvAdupalambho.anyo nAsti kasya na kasyachit || 18||
svabhAva eva sarvasmai svadate kila sarvadA |
anAnaiva hi nAneva kiM vAdaiH saMvibhAvyatAm || 19||
asvabhAve mahadduHkhaM svabhAve kevalaM shamaH |
iti buddhyA vichAryAntaryadiShTaM tadvidhIyatAm || 20||
sUkShme bIje.astyagaH sthUlo dR^iShTamityupapadyate |
shive mUrte jaganmUrtamastItyuttamasa.nkathA || 21||
rUpAlokamanaskArabuddhyahantAdayaH pare |
svarUpabhUtAH salile dravatvamiva khAtmakAH || 22||
mUrto yathA svasadR^ishaiH karotyavayavaiH kriyAH |
AtmabhUtaistathA bhUtaishchidAkAshamakartR^i sat || 23||
AtmasthAdahamityAdirasmadAderasaMsR^iteH |
shabdo.arthabhAvamukto yaH paTahAdiShu jAyate || 24||
yadbhAtaM  prekShayA nAsti tannAstyeva nirantaram |
jagadrUpamarUpAtma brahma brahmaNi saMsthitam || 25||
yeShAmasti jagatsvapnaste svapnapuruShA mithaH |
na santi hyAtmani mitho nAsmAsvambarapuShpavat || 26||
mayi brahmaikarUpaM te shAntamAkAshakoshavat |
vAyoH spandairivAbhinnairvyavahAraishcha tanmayi || 27||
ahaM tu sanmayasteShAM svapnaH svapnavatAmiva |
te tu nUnamasanto me suShuptasvapnakA iva || 28||
taistu yo vyavahAro me tadbrahma brahmaNi sthitam |
te yatpashyanti pashyantu tattairalamalaM mama || 29||
ahamAtmani naivAsmi brahmasatteyamAtatA |
tvadarthaM samudetIva tathArUpaiva vAgiyam || 30||
aviruddhaviruddhasya shuddhasaMvinmayAtmanaH |
na bhogechChA na mokShechChA hR^idi sphurati tadvidaH || 31||
svabhAvamAtrAyatte.asminbandhamokShakrame nR^iNAm |
kadarthanetyaho mohAdgoShpade.apyudadhibhramaH || 32||
svabhAvasAdhane mokShe.abhAvopashamarUpiNi |
na dhanAnyupakurvanti na mitrANi na cha kriyAH || 33||
tailabindurbhavatyuchchaishchakramappatito yathA |
tathAshu chetyasa.nkalpe sthitA bhavati chijjagat || 34||
jAgrati svapnavR^ittAntasthitiryAdR^igrasA smR^itau |
tAdR^igrasAha.ntvajagajjAlasaMsthA vivekinaH || 35||
tenaivAbhyAsayogena yAti tattanutAM tathA |
yathA nAhaM na saMsAraH shAntamevAvashiShyate || 36||
yadA yadA svabhAvArkaH sthitimeti tadA tadA  |
bhogAndhakAro galati na sannapyanubhUyate || 37||
mohamahattArahitaH
       sphurati mR^itau bhavati bhAsate cha tathA |
buddhyAdikaraNanikaro
       yasmAddIpAdivAlokaH || 38||
ityArShe shrIvAsiShThamahArAmAyaNe
vAlmikIye devadUtokte mokShopAye nirvANaprakaraNe
uttarArdhe vasiShThagItAsu svabhAvavishrAntiyogopadesho
nAmaikonachatvAriMshaH sargaH || 39||
\medskip\hrule\medskip
          || sargaH 40 ||
shrIvasiShTha uvAcha \-
rUpAlokamanaskArabuddhyAdIndriyavedanam |
svarUpaM viduramlAnamasvabhAvasya vastunaH || 1||
asvabhAvatanutvena svabhAvasthitirAtatA |
yadodeti tadA sargo bhramAbhaH pratibhAsate || 2||
yadA svabhAvavishrAntiH sthitimeti shamAtmikA |
jagaddR^ishyaM tadA svapnaH suShupta iva shAmyati || 3||
bhogA bhavamahArogA bandhavo dR^iDhabandhanam |
anarthAyArthasampattirAtmanAtmani shAmyatAm || 4||
asvabhAvAtmatA sargaH svabhAvaikAtmatA shivaH |
bhUyatAM paramavyomnA shAmyatAM meha tAmyatAm || 5||
nAtmAnamavagachChAmi na dR^ishyaM cha jagadbhramam |
brahma shAntaM praviShTo.asmi brahmaivAsmi nirAmayaH || 6||
tvameva pashyasi tvantvaM sattvaM shabdArthajR^imbhitam |
pashyAmi shAntamevAhaM kevalaM paramaM nabhaH || 7||
brahmaNyeva parAkAshe rUpAlokamanomayAH |
vibhramAstava sa.njAtakalpAH spandA ivAnile || 8||
brahmAtmA vetti no sargaM sargAtmA brahma vetti no |
suShupto vetti no svapnaM svapnastho na suShuptakam || 9||
prabuddho brahmajagatorjAgratsvapnadR^ishoriva |
rUpaM jAnAti bhArUpaM jIvanmuktaH prashAntadhIH || 10||
yathAbhUtamidaM sarvaM parijAnAti bodhavAn |
saMshAmyati cha shuddhAtmA sharadIva payodharaH || 11||
smR^itisthaH kalpanastho vA yathAkhyAtashcha sa.ngaraH |
sadasadbhrAntatAmAtrastathAhaMtvajagadbhramaH || 12||
Atmanyapi nAsti hi yA
       draShTA yasyA na vidyate kashchit |
na cha shUnyaM nAshUnyaM
       bhrAntiriyaM bhAsate seti || 13||
ityArShe shrIvAsiShThamahArAmAyaNe
vAlmikIye devadUtokte mokShopAye nirvANaprakaraNe
uttarArdhe vasiShThagItAsu AtmavishrAntikathanaM
nAma chatvAriMshaH sargaH || 40||
##

Encoded and proofread by Sunder Hattangadi sunderh at hotmail.com
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}