% Text title            : hanumachchaturviMshatiH
% File name             : hanumachchaturviMshatiH.itx
% Category              : viMshati, hanumaana, stotra, sachchidAnanda-shivAbhinava-nRisiMhabhAratI, hanuman
% Location              : doc\_hanumaana
% Author                : shrIsachchidAnanda shivAbhinavanRisiMha bhAratI
% Transliterated by     : Processed by Shree Devi Kumar
% Proofread by          : PSA Easwaran psaeaswaran at gmail
% Description/comments  : From Hanumatstutimanjari, Mahaperiaval Publication
% Latest update         : December 8, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIhanumachchaturviMshatiH ..}##
\itxtitle{.. shrIhanumachchaturviMshatiH ..}##\endtitles ##
yo bAlye.api dineshaM prodyantaM pakvadivyaphalabuddhyA |
vyudapatadAshu hi puShkaramAdAtuM naumi taM samIrasutam || 1||
yasmai bhagavAnbrahmA prAyachChadvAyutR^iptaye pUrvam |
vividhAnvarAMstaM vande durj~neyadivyamahimAnam || 2||
surasAvadanaM vipulaM tarasA gatvA vinirgataM dR^iShTvA |
yaM suranikarA vismayamAjagmurnaumi taM mahAprAj~nam || 3||
la~NkApurAdhidaivatagarvaM vegAchchapeTikAdAnAt |
nirmUlaM yashchakre vande taM vAyusUnumamitabalam || 4||
goShpadavatsaritAMnidhimulla~NghyAshokavipinagAM sItAm |
adrAkShIdbhayarahito yastaM praNamAmi shiMshupAmUle || 5||
rAmAdeshashravaNAnandAduddhUtashokagandhAM yaH |
sItAM chakre matimAMstamahaM praNamAmi shokavichChittyai || 6||
yo.akShakumArapramukhAnpravarAndanujA~njaghAna kutukena |
ekaH sahAyarahitastamahaM praNamAmi gandhavahasUnum || 7||
prApya maNiM sItAyAH kAnanamasurasya satvaraM bha~NktvA |
dagdhvA la~NkAM yo.agAdraghuvaranikaTaM sa mAmavatu || 8||
sItAproditavachanAnyasheShato yo nivedya raghuvIram |
chakre chintArahitaM vande taM chintitArthadaM namatAm || 9||
samare vakShasi yena prahataH saMmUrChitaH sasaMj~no.atha |
prashashaMsa rAvaNo yaM tamatibalAnandavardhanaM naumi || 10||
oShadhigirimativegAnnatvA.a.anIya pravR^iddhadivyatanuH |
yo lakShmaNAsudAnaM chakre taM naumi garuDanibhavegam || 11||
raghupatimukhAravindasravadAgamashIrShatattvamakarandam |
ApIyAgalamanishaM nandantaM naumi pavanamUladhanam || 12||
kanakAdrisadR^ishakAyaM kanakapradamAshu namrajanapa~NkteH |
raktAmbujAsyamIDe saktAntaHkaraNaminakulottaMse || 13||
kAruNyajanmabhUmiM kAkutsthA~NghryabjapUjanAsaktam |
kAlAhitabhayarahitaM kAmavidUraM namAmi kapimukhyam || 14||
kuNDalabhAsikapolaM maNDalama~NghripraNamrajantUnAm |
kurvantamIpsitArthaiH sarvairyuktaM bhaje.a~njanAsUnum || 15||
nayanajitahemagarvaM navanayapArINama~njanAtanayam |
gativijitajanakakIrtiM matimatinishitAM dadAnamahamIDe || 16||
purato bhava karuNAbdhe bharatAgrajaraNalagnachittAbja |
hara mama nikhilAM chintAM karajitapAthoja kalitavaTurUpa || 17||
ravisutamantrivareNyaM pavitADanasahanadakShadivyahanum |
kavishiShyaharaNachaturaM savitR^ivineyaM namAmi vAtasutam || 18||
vakShastADitashailaM rakShaHpatisainyamardanapravaNam |
rakShAkaraM namasyAmyakShAdhipadUtamanilapuNyachayam || 19||
suradeshikasadR^ishagiraM karajairhIrasya kaThinatAgarvam |
narashR^i~NgatAM nayantaM naramanishaM naumi vAdyamanilasutam || 20||
shrIpArijAtapAdapamUle vAsaM karoShi kiM hanuman |
adhyetumavanatAkhilavA~nChitadAtR^itvamavanijeDdUta || 21||
puradagdhAraM manasijajetAraM bhaktamantusahanachaNam |
tvAmIshAnaM ke vA na bruvate brUhi vAyusUno me  || 22||
puradagdhAraM manasijajetAraM rAmanAmaruchivij~nam |
hanumanbhavantamIshaM vadati na kaH praNatasarvadoShasaham || 23||
sahamAnAparamUrte sahasva mAnAthadUta mama mantUn |
pavamAnapuNyarAshe plavamAnAbdhau namAmi tava charaNau || 24||

iti pUjya shrIsachchidAnanda shivAbhinavanR^isiMha bhAratI rachitA
shrIhanumachchaturviMshatiH samAptA |
##
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}