% Text title            : hanumadaShTottarashatanAmastotram 2
% File name             : hanumadaShTottarashatanAmastotram2.itx
% Category              : aShTottarashatanAma, hanumaana
% Location              : doc\_hanumaana
% Transliterated by     : Shri Devi Kumar, refined by PSA Easwaran
% Proofread by          : PSA Easwaran psaeaswaran at gmail
% Description-comments  : From Hanumatstutimanjari, Mahaperiaval Publication
% Acknowledge-Permission: Mahaperiyaval Trust
% Latest update         : April 24, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIhanumadaShTottarashatanAmastotram 2 ..}##
\itxtitle{.. shrIhanumadaShTottarashatanAmastotram 2 ..}##\endtitles ##
##(##pA~ncharAtrAgamataH##)##

rAmadAsAgraNIH shrImAn hanUmAn pavanAtmajaH |
A~njaneyaH kapishreShThaH kesarIpriyanandanaH || 1||
AropitAMsayugalarAmarAmAnujaH sudhIH |
sugrIvasachivo vAlijitasugrIvamAlyadaH || 2||
rAmopakAravismartR^isugrIvasumatipradaH |
sugrIvasatpakShapAtI rAmakAryasusAdhakaH || 3||
mainAkAshleShakR^innAgajananIjIvanapradaH |
sarvadevastutaH sarvadevAnandavivardhanaH || 4||
ChAyAntramAlAdhArI cha ChAyAgrahavibhedakaH |
sumerusumahAkAyo goShpadIkR^itavAridhiH ||
biDAlasadR^ishAkArastaptatAmrasamAnanaH |
la~NkAnibha~njanaH sItArAmamudrA~NgulIyadaH || 6||
rAmacheShTAnusAreNa cheShTAkR^idvishvama~NgalaH |
shrIrAmahR^idayAbhij~no niHsheShasurapUjitaH || 7||
ashokavanasa~nchChettA shiMshupAvR^ikSharakShakaH |
sarvarakShovinAshArthaM kR^itakolAhaladhvaniH || 8||
talaprahArataH kShuNNabahukoTinishAcharaH |
puchChaghAtaviniShpiShTabahukoTinarAshanaH || 9||
jambumAlyantakaH sarvalokAntarasutaH kapiH |
svadehaprAptapiShTA~NgadurdharShAbhidharAkShasaH || 10||
talachUrNitayUpAkSho virUpAkShanibarhaNaH |
surAntarAtmanaH putro bhAsakarNavinAshakaH || 11||
adrishR^i~NgaviniShpiShTapraghasAbhidharAkShasaH |
dashAsyamantriputraghnaH pothitAkShakumArakaH || 12||
suva~nchitendrajinmuktanAnAshastrAstravR^iShTikaH |
indrashatruvinirmuktashastrAchAlyasuvigrahaH || 13||
sukhechChayendrajinmuktabrahmAstravashagaH kR^itI |
tR^iNIkR^itendrajitpUrvamahArAkShasayUthapaH || 14||
rAmavikramasatsindhustotrakopitarAvaNaH |
svapuchChavahninirdagdhala~NkAla~NkApureshvaraH || 15||
vahnyanirdagdhAchChapuchChaH punarla~NghitavAridhiH |
jaladaivatasUnushcha sarvavAnarapUjitaH || 16||
santuShTaHkapibhiH sArdhaM sugrIvamadhubhakShakaH |
rAmapAdArpitashrImachchUDAmaNiranAkulaH || 17||
bhaktyAkR^itAnekarAmapraNAmo vAyunandanaH |
rAmAli~NganatuShTA~Ngo rAmaprANapriyaH shuchiH || 18||
rAmapAdaikaniratavibhIShaNaparigrahaH |
vibhIShaNashriyaH kartA rAmalAlitanItimAn || 19||
vidrAvitendrashatrushcha lakShmaNaikayashaHpradaH |
shilAprahAraniShpiShTadhUmrAkSharathasArathiH || 20||
girishR^i~NgaviniShpiShTadhUmrAkSho balavAridhiH |
akampanaprANahartA pUrNavij~nAnachidghanaH || 21||
raNAdhvare kaNTharodhamAritaikanikumbhakaH |
narAntakarathachChettA devAntakavinAshakaH || 22||
mattAkhyarAkShasachChettA yuddhonmattanikR^intanaH |
trishirodhanuShashChettA trishiraHkhaDgabha~njanaH || 23||
trishirorathasaMhArI trishirastrishiroharaH |
rAvaNorasi niShpiShTamuShTirdaityabhaya~NkaraH || 24||
vajrakalpamahAmuShTighAtachUrNitarAvaNaH |
asheShabhuvanAdhAro lakShmaNoddharaNakShamaH || 25||
sugrIvaprANarakShArthaM makShikopamavigrahaH |
kumbhakarNatrishUlaikasa~nChettA viShNubhaktimAn || 26||
nAgAstrAspR^iShTasaddehaH kumbhakarNavimohakaH |
shastrAstrAspR^iShTasaddehaH suj~nAnI rAmasammataH || 27||
asheShakapirakShArthamAnItauShadhiparvataH |
svashaktyA lakShmaNoddhartA lakShmaNojjIvanapradaH || 28||
lakShmaNaprANarakShArthamAnItauShadhiparvataH |
tapaHkR^ishA~Ngabharate rAmAgamanashaMsakaH || 29||
rAmastutasvamahimA sadA sandR^iShTarAghavaH |
rAmachChatradharo devo vedAntapariniShThitaH || 30||
mUlarAmAyaNasudhAsamudrasnAnatatparaH |
badarIShaNDamadhyasthanArAyaNaniShevakaH || 31||

ityetachChrIhanUmato nAmanamaShTottaraM shatam |
paThatAM shR^iNvatAM chaiva nityamabhyasatAM satAm || 32||
anantapuNyaphaladaM mahApAtakanAshanam |
mahArogaprashamanaM mahAduHkhavinAshanam || 33||
dustarApatprashamanaM tApatrayavinAshanam |
rAmakrodhAdishamanaM bAhyashatruvinAshanam || 34||
anAdyaj~nAnashamanaM saMsArabhayanAshanam |
mahAbandhaharaM samyak karmabandhanikR^intanam || 35||
vAde vijayadaM nityaM raNe shatruvinAshanam |
dhanadhAnyapradaM samyak putrapautrapravardhanam || 36||
kimatra bahunoktena mokShaikaphaladaM satAm |
pUrNAnugrahato viShNoryo vAyurmokShadaH satAm ||
tasya stotrasya mAhAtmyaM ko.api varNayituM kShamaH |
shrutismR^itipurANAni bhAratAdyuktayastathA || 38||
asminnarthe pramANAni satyaM satyaM vadAmyaham |
satyaM satyaM punaH satyaM nAtra kAryA vichAraNA || 39||
##(##pA~ncharAtrAgamataH##)##

##
\medskip\hrule\medskip
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}