% Text title : madhanumadvandanam % File name : hanumadvandanam.itx % Category : hanumaana, stotra % Location : doc\_hanumaana % Transliterated by : Processed by Sowmya Ramkumar % Proofread by : PSA Easwaran % Description-comments : From Hanumatstutimanjari, Mahaperiaval Publication % Latest update : July 8, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIhanumadvandanam ..}## \itxtitle{.. shrIhanumadvandanam ..}##\endtitles ## a~njanAnandanaM vIraM jAnakIshokanAshanam | kapIshamakShahantAraM vande la~NkAbhaya~Nkaram || 1|| a~njanIgarbhasambhUta kapIndrasachivottama | rAmapriya namastubhyaM hanUman rakSha sarvadA || 2|| atulitabaladhAmaM svarNashailAbhadehaM danujavanakR^ishAnuM j~nAninAmagragaNyam | sakalaguNanidhAnaM vAnarANAmadhIshaM raghupatipriyabhaktaM vAtajAtaM namAmi || 3|| aparAjita pi~NgAkSha namaste rAjapUjita | dIne mayi dayAM kR^itvA mama duHkhaM vinAshaya || 4|| asheShala~NkApatisainyahantA shrIrAmasevAcharaNaikakartA | anekaduHkhAhatalokagoptA tvasau hanUmAnmama saukhyakartA || 5|| A~njaneyaM pATalAsyaM svarNAdrisamavigraham | pArijAtadrumUlasthaM vande sAdhakanandanam || 6|| A~njaneyamatipATalAnanaM kA~nchanAdrikamanIyavigraham | pArijAtatarumUlavAsinaM bhAvayAmi pavamAnanandanam || 7|| AdhivyAdhimahAmArigrahapIDApahAriNe | prANApahartre daityAnAM rAmaprANAtmane namaH || 8|| ApannAkhilalokArtihAriNe shrIhanUmate | akasmAdAgatotpAtanAshanAya namo.astu te || 9|| udyatkoTyarkasa~NkAshaM jagatprakShobhahArakam | shrIrAmA~NghridhyAnaniShThaM sugrIvapramukhArchitam | vitrAsayantaM nAdena rAkShasAn mArutiM bhaje || 10|| udyadAdityasa~NkAshamudArabhujavikramam | kandarpakoTilAvaNyaM sarvavidyAvishAradam || 11|| shrIrAmahR^idayAnandaM bhaktakalpamahIruham | abhayaM varadaM dorbhyAM kalaye mArutAtmajam || 12|| udyanmArtaNDakoTiprakaTaruchiyutaM chAruvIrAsanasthaM mau~njIyaj~nopavItAruNaruchirashikhAshobhanaM kuNDalA~Nkam | bhaktAnAmiShTadaM taM praNatamunijanaM meghanAdapramodaM vande devaM vidheyaM plavagakulapatiM goShpadIbhUtavArdhim || 13|| ulla~Nghya sindhoH salilaM salIlaM yaH shokavahniM janakAtmajAyAH | AdAya tenaiva dadAha la~NkAM namAmi taM prA~njalirA~njaneyam || 14|| kadApi shubhrairvarachAmaraiH prabhuM gAyan guNAn vIjayati sthito.agrataH | kadApyupashlokayati svanirmitaiH stavaiH shubhaiH shrIhanumAn kR^itA~njaliH||15|| karAttashailashastrAya drumashastrAya te namaH | bAlaikabrahmacharyAya rudramUrtidharAya cha || 16|| kArAgR^ihe prayANe cha sa~NgrAme deshaviplave | smaranti tvAM hanUmantaM teShAM nAsti vipattadA || 17|| kR^itakrodhe yasminnamaranagarI ma~NgalaravA navAta~NkA la~NkA samajani vanaM vR^ishchati sati | sadA sItAkAntapraNatimativikhyAtamahimA hanUmAnavyAnnaH kapikulashiromaNDanamaNiH || 18|| goShpadIkR^itavArAshiM mashakIkR^itarAkShasam | rAmAyaNamahAmAlAratnaM vande.anilAtmajam | 19 jAnusthavAmabAhuM cha j~nAnamudrAparaM harim | adhyAtmachittamAsInaM kadalIvanamadhyagam | bAlArkakoTipratimaM vande j~nAnapradaM harim || 20|| jvalatkA~nchanavarNAya dIrghalA~NgUladhAriNe | saumitrijayadAtre cha rAmadUtAya te namaH || 21|| taptachAmIkaranibhaM bhIghnaM saMvihitA~njalim | chalatkuNDaladIptAsyaM padmAkShaM mArutiM bhaje || 22|| dvibhujaM svarNavarNAbhaM rAmasevAparAyaNam | mau~njIkaupInasahitaM taM vande rAmasevakam || 23|| dahanataptasuvarNasamaprabhaM bhayaharaM hR^idaye vihitA~njalim | shravaNakuNDalashobhimukhAmbujaM namata vAnararAjamihAdbhutam || 24|| nakhAyudhAya bhImAya dantAyudhadharAya cha | viha~NgAya cha sharvAya vajradehAya te namaH || 25|| nAdabindukalAtItaM utpattisthitivarjitam | sAkShAdIshvarasadrUpaM hanUmantaM bhajAmyaham || 26|| pa~nchAsyamachyutamanekavichitravarNavaktraM shashA~NkashekharaM kapirAjavaryam | pItAmbarAdimukuTairupashobhitA~NgaM pi~NgAkShamAdyamanishaM manasA smarAmi || 27|| padmarAgamaNikuNDalatviShA pATalIkR^itakapolamaNDalam | divyahemakadalIvanAntare bhAvayAmi pavamAnanandanam || 28|| prataptasvarNavarNAbhaM saMraktAruNalochanam | sugrIvAdiyutaM vande pItAmbarasamAvR^itam | goShpadIkR^itavArIshaM (rAshiM) puchChamastakamIshvaram j~nAnamudrAM cha bibhrANaM sarvAla~NkArabhUShitam || 29|| buddhirbalaM yasho dhairyaM nirbhayatvamarogatA | ajADyaM vAkpaTutvaM cha hanUmatsmaraNAdbhavet || 30|| bhAnvindUcharaNAravindayugalaM kaupInamau~njIdharaM kA~nchishreNidharaM dukUlavasanaM yaj~nopavItAjinam | hastAbhyAM dhR^itapustakaM cha vilasaddhArAvaliM kuNDalaM khechAlaM vishikhaM prasannavadanaM shrIvAyuputraM bhaje || 31|| manojavaM mArutatulyavegaM jitendriyaM buddhimatAM variShTham | vAtAtmajaM vAnarayUthamukhyaM shrIrAmadUtaM shirasA namAmi || 32|| marutsutaM rAmapadAravindavandAruvR^indArakamAshu vande | dhIshaktibhaktidyutisiddhayo yaM kAntaM svakAntA iva kAmayante || 33|| markaTesha mahotsAha sarvashatruharottama | shatruM saMhara mAM rakSha shrImannApada uddhara || 34|| markaTesha mahotsAha sarvAta~NkanivAraka | arInsaMhara mAM rakSha sukhaM dApaya me prabho || 35|| mahAshailaM samutpATya dhAvantaM rAvaNaM prati | tiShTha tiShTha raNe duShTa ghorarAvaM samuchcharan || 36|| lAkShArasAruNaM vande kAlAntakayamopamam | jvaladagnilasannetraM sUryakoTisamaprabham | a~NgadAdyairmahAvIrairveShTitaM rudrarUpiNam || 37|| mArutiM vIravajrA~NgaM bhaktarakShaNadIkShitam | hanUmantaM sadA vande rAmamantraprachArakam || 38|| yatra yatra raghunAthakIrtanaM tatra tatra kR^itamastakA~njalim | bAShpavAriparipUrNalochanaM mArutiM namata rAkShasAntakam || 39|| yo vArAMnidhimalpapalvalamivolla~Nghya pratApAnvito vaidehIghanashokavahniharaNo vaikuNThabhaktapriyaH | akShAdyarjitarAkShaseshvaramahAdarpApahArI raNe so.ayaM vAnarapu~Ngavo.avatu sadA chAsmAn samIrAtmajaH || 40|| rAjadvAri biladvAri praveshe bhUtasa~Nkule | gajasimhamahAvyAghrachaurabhIShaNakAnane | 41 sharaNAya sharaNyAya vAtAtmaja namo.astu te | namaH plavagasainyAnAM prANabhUtAtmane namaH || 42|| rAmeShTaM karuNApUrNaM hanUmantaM bhayApaham | shatrunAshakaraM bhImaM sarvAbhIShTaphalapradam || 43|| pradoShe tvAM prabhAte vA ye smarantya~njanAsutam | arthasiddhiM yashaHpUrtiM prApnuvanti na saMshayaH || 44|| lAkShArasAruNaM vande kAlAntakayamopamam | jvaladagnilasannetraM sUryakoTisamaprabham | a~NgadAdyairmahAvIrairveShTitaM rudrarUpiNam || 45|| vajradehAya kAlAgnirudrAyAmitatejase | brahmAstrastambhanAyAsmai namaH shrIrudramUrtaye || 46|| vajrA~NgaM pi~NgakeshADhyaM svarNakuNDalamaNDitam | niyuddhamupasa~Nkramya pArAvAraparAkramam || 47|| vAmahastagadAyuktaM pAshahastakamaNDalum | udyaddakShiNadordaNDaM hanUmantaM vichintaye || 48|| vajrA~NgaM padmanetraM kanakamayalasatkuNDalAkrAntagaNDaM dambholistambhasArapraharaNasuvashIbhUtarakSho.adhinAtham | udyallA~NgUlasaptAchalavichalakaraM bhImamUrtiM kapIndraM vande taM rAmachandrapramukhadR^iDhataraM satprasAraM prasannam || 49|| vande bAladivAkaradyutinibhaM devAridarpApahaM devendrapramukhaiHprashastayashasaM dedIpyamAnaM ruchA | sugrIvAdisamastavAnarayutaM suvyaktatattvapriyaM saMraktAruNalochanaM pavanajaM pItAmbarAla~NkR^itam || 50|| vande raNe hanumantaM kapikoTisamanvitam | dhAvantaM rAvaNaM jetuM dR^iShTvA satvaramutthitam || 51|| lakShmaNaM cha mahAvIraM patitaM raNabhUtale | guruM cha krodhamutpAdya gR^ihItvA guruparvatam || 52|| hAhAkAraiH sadarpaishcha kampayantaM jagattrayam | brahmANDaM sa samAvApya kR^itvA bhImakalevaram || 53|| vande vAnarasimhakhagarAT kroDAshvavaktrAnvitaM divyAla~NkaraNaM tripa~nchanayanaM dedIpyamAnaM ruchA | hastAbjairasikheTapustakasudhAkumbhA~NkushAdrIn halaM khaTvA~NgaM phaNibhUruhaM dashabhujaM sarvArivIrApaham || 54|| vAmahaste mahAvR^ikShaM dashAsyakarakhaNDanam | udyaddakShiNadordaNDaM hanUmantaM vichintaye || 55|| vAme kare vairibhidaM vahantaM shailaM pare shR^i~NkhalahAraTa~Nkam | dadhAnamachChachChaviyaj~nasUtraM bhaje jvalatkuNDalamA~njaneyam || 56|| vAme jAnuni vAmabAhumaparaM taM j~nAnamudrAyutaM hR^iddeshe kalayan vR^ito munigaNairadhyAtmadattekShaNaH | AsInaH kadalIvane maNimaye bAlArkakoTiprabho dhyAyan brahma paraM karotu manasaH siddhiM hanUmAnmama || 57|| vAme shailaM vairibhidaM vishuddhaM Ta~NkamanyataH | dadhAnaM svarNavarNaM cha vande kuNDalinaM harim || 58|| sadA rAma rAmeti nAmAmR^itaM taM sadA rAmamAnandaniShyandakandam | pibantaM namantaM sudantaM hasantaM hanUmantamantarbhaje taM nitAntam || 59|| sapItakaupInamuda~nchitA~Ngulim samujjvalanmau~njyajinopavItinam | sakuNDalaM lambashikhAsamAvR^itaM tamA~njaneyaM sharaNaM prapadye || 60|| sarvAriShTanivArakaM shubhakaraM pi~NgAkShamakShApahaM sItAnveShaNatatparaM kapivaraM koTIndusUryaprabham | la~NkAdvIpabhaya~NkaraM sakaladaM sugrIvasammAnitaM devendrAdisamastadevavinutaM kAkutsthadUtaM bhaje || 61|| saMsArasAgarAvartakartavyabhrAntachetasAm | sharaNAgatamartyAnAM sharaNyAya namo.astu te || 62|| sItArAmapadAmbuje madhupavadyanmAnasaM lIyate sItArAmaguNAvalI nishi divA yajjihvayA pIyate | sItArAmavichitrarUpamanishaM yachchakShuShorbhUShaNaM sItArAmasunAmadhAmanirataM taM sadguruM taM bhaje || 63|| sItAviyuktashrIrAmashokaduHkhabhayApaha | tApatritayasaMhArinnA~njaneya namo.astu te || 64|| sItAshIrvAdasampanna samastAvayavAkShata | lolalA~NgUlapAtena mamArAtInnivAraya || 65|| sphaTikAbhaM svarNakAntiM dvibhujaM cha kR^itA~njalim | kuNDaladvayasaMshobhimukhAmbujamahaM bhaje || 66|| svAnandahetorbhajatAM janAnAM magnaH sadA rAmakathAsudhAyAm | asAvidAnIM cha niShevamANo rAmaM patiM kimpuruShe kilAste || 67|| hanumantaM mahAvIraM vAyutulyaparAkramam | mamAbhIShTArthasiddhyarthaM praNamAmi muhurmuhuH || 68|| hanUmAn rAmapAdAbjasa~NgI varNivaraH shuchiH | sa~njIvanopahartA me dIrghamAyurdadAtviha || 69|| ## From Hanumatstutimanjari, Mahaperiaval Publication Proofread by PSA Easwaran psaeaswaran at gmail \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}