% Text title            : Hanumatkalpa from Tantrasara
% File name             : hanumatkalpatantrasAra.itx
% Category              : hanumaana
% Location              : doc\_hanumaana
% Proofread by          : NA
% Description-comments  : hanumad rahasyam, hanumad upAsanA
% Latest update         : June 17, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrihanumatkalpa ..}##
\itxtitle{.. shrIhanumatkalpaH ..}##\endtitles ##

devyuvAcha |
shaivAdigANapatyAdishAktAni vaiShNavAni cha |
sAdhanAni cha saurANi chAnyAni yAni kAni cha || 1||
etAni devadevesha tvaduktAni shrutAni cha |
ki~nchidanyachcha devAnAM sAdhanaM yadi kathyatAm || 2||
sha~Nkara uvAcha |
shR^iNu devi pravakShyAmi sAvadhAnAvadhAraya |
hanumatsAdhanaM puNyaM mahApAtakanAshanam || 3||
etad guhyatamaM loke shIghrasiddhikaraM param |
japo yasya prasAdena lokatrayajito bhavet || 4||
tatsAdhanavidhiM vakShye nR^iNAM siddhikaraM matam |
hu~NkAramAdau samproktaM hanumate tadanantaram |
rudrAtmakAya huM chaiva phaDiti dvAdashAkSharam || 5||
      huM hanumate rudrAtmakAya huM phaT ||
etanmantraM samAkhyAtaM gopanIyaM prayatnataH |
tava snehena bhaktyA cha dadAmi tava sundari || 6||
etanmantramarjunAya purA dattaM tu shauriNA |
japena sAdhanaM kR^itvA jitaM sarvaM charAcharam || 7||
nadIkUle viShNugehe nirjane parvate vane |
ekAgrachittamAdhAya sAdhayet sAdhanaM mahat || 8||

dhyAnam |
mahAshailaM samutpATya dhAvantaM rAvaNaM prati |
tiShTha tiShTha raNe duShTa mama jIvanna mokShyase || 9||
iti bruvantaM kopena krodharaktamukhAmbujam |
bhogIndrAbhaM svalA~NgUlamutkShipantaM muhurmuhuH || 10||
lAkShAraktAruNaM raudraM kAlAntakayamopamam |
jvaladagnisamaM netraM sUryakoTisamaprabham || 11||
a~NgadAdyairmahAvIrairveShTitaM rudrarUpiNAm |
evaM rUpaM hanUmantaM dhyAtvA yaH prajapenmanum || 12||
lakShajApAtprasannaH syAt satyaM te kathitaM mayA |
dhyAnaikamAshritAnAM cha siddhireva na saMshayaH || 13||
prAtaH snAtvA nadItIra upavishya kushAsane |
prANAyAmaM ShaDa~NgaM cha mUlena sakalaM charet || 14||
puShpA~njalyaShTakaM dattvA dhyAtvA rAmaM sasItakam |
tAmrapAtre tataH padmamaShTapatraM sakesaram || 15||
raktachandanaghR^iShTena likhettasya shalAkayA |
karNikAyAM likhenmantraM tatrAvAhya karpi prabhum || 16||
karNikAyAM yajeddevaM dattvA pAdyAdikaM tataH |
gandhapuShpAdikaM chaiva nivedya mUlamantrataH || 17||
sugrIvaM lakShmaNaM chaiva a~NgadaM nalanIlakam |
jAmbavantaM cha kumudaM kesariNaM dale dale || 18||
pUrvAdikramato devi pUjayed gandhachandanaiH |
pavanaM chA~njanIM chaiva pUjayed dakShavAmataH || 19||
dalAgreShu kramAtpUjyA lokapAlAstataH param |
dhyAtvA japenmantrarAjaM lakShaM yAvachcha sAdhakaH || 20||
lakShAnte divasaM prApya kuryAchcha pUjanaM mahat |
ekAgramanasA dhImAMstasmin pavananandane || 21||
divArAtrau japaM kuryAd yAvatsandarshanaM bhavet |
sudR^iDhaM sAdhakaM matvA nishIthe pavanAtmajaH || 22||
suprasannastato bhUtvA prayAti sAdhakAgrataH |
yathepsitaM varaM dattvA sAdhakAya kapiprabhuH || 23||
sarvasaukhyamavAponti viharedAtmanaH sukhaiH |
etachcha sAdhanaM puNyaM devAnAmapi durlabham |
tava snehAt samAkhyAtaM bhaktAsi yadi pArvati || 24||
vIrasAdhanam |
hanumato.atiguhyaM cha likhyate vIrasAdhanam |
bAhye muhurta utthAya kR^itanityakriyo dvijaH || 25||
gatvA nadIM tataH snAtvA tIrthamAvAhya tvaShTadhA |
mUlamantraM tato japtvA saMsikto nityasa~NkhyayA || 26||
tato vAsaH parIdhAya ga~NgAtIre.athavA shuchau |
upavishya |
OM a~NguShThAbhyAM namaH |
OM hR^idayAya nama ityAdinA cha karA~NganyAsau kuryAt |

karanyAsaH \-
OM hrAM a~NguShThAbhyAM namaH |
OM hrIM tarjanIbhyAM namaH |
OM hrUM madhyamAbhyAM namaH |
OM hraiM anAmikAbhyAM namaH |
OM hrauM kaniShThikAbhyAM namaH |
OM hraH karatalakarapR^iShThAbhyAM namaH |

a~NganyAsaH \-
OM hrAM hR^idayAya namaH |
OM hrIM shirase svAhA |
OM hrUM shikhAyai vaShaT |
OM hraiM kavachAya huM |
OM hrauM netratrayAya vauShaT |
OM hraH astrAya phaT |

prANAyAmaH |
akArAdivarNAnuchcharanvAmanAsApuTena vAyuM pUrayet |
pa~nchavargAnuchcharatkumbhayet\, yakArAdyena rechayet ||
evaM vAratrayaM kR^itvA mantravarNaira~NganyAsa kuryAt |

dhyAnam |
dhyAyedgaNe hanUmantaM kapikoTisamanvitam |
dhAvantaM rAvaNaM jetuM dR^iShTvA satvaramAgatam || 27||
lakShmaNaM cha mahAvIraM patitaM raNabhUtale |
guruM cha krodhamutpAdya gR^ihItvA guruparvatam || 28||
hAhAkAraiH sadaNDaishcha kampayantaM jagattrayam |
AbrahmANDasamaprasthaM kR^itvA bhImaM kalevaram || 29||
mantraH |
shrIbIjaM pUrvamuchchArya pavanaM cha tato vadet |
nandanaM cha tato deyaM ~Ne.avasAne.analapriyA ||
shrIpavananandanAya svAhA || 30||
dashArNo.ayaM manuH prokto narANAM surapAdapaH |
saptadivasaM mahAbhayaM dattvA tribhAgasheShAsu nishAsuniyatamAgachChati |
yadi sAdhako mAyAM tarati IpsitaM varaM prApnoti ||
vidyA vApi dhanaM vApi rAjyaM vA shatrunigraham |
tatkShaNAdeva prApnoti satyaM satyaM sunishchitam || 31||

|| iti tantrasArokta shrIhanumatkalpaH samAptaH ||

##
NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}