% Text title            : Hanumatprasada Stotram
% File name             : hanumatprasAdastotram.itx
% Category              : hanumaana, stotra
% Location              : doc\_hanumaana
% Author                : (bhairojI) raNganAtha
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hanumatprasada Stotram ..}##
\itxtitle{.. hanumatprasAdastotram ..}##\endtitles ##
vilAso vaidehIhR^idayakamalonmIlanakalA\-
      vidagdho vAchAM yaH samabhavadashokAvanitale |
pramAdyalla~NkeshasmayavidalanoddAmamahimA
      sa dadyAdasmAkaM surabhiriha vAchAM madhuratAm || 1||
tviShAmIshaM devaM viyati samuda~nchatsvakiraNaM
      suradrormanvAnaH phalamiti parIpAkamadhuram |
grahItuM taM mAturbahiravataranneva jaTharAt
      samudyukto yo.abhUt sa vitaratu ghATIM mama girAm || 2||
turAsAhi stokaM rachitavati yasminnavinayaM
      vitanvantaM stabdhaM badhiramavashaM lokamakhilam |
samAdhAtuM kL^iptaM kati kati samIraM stutigiraH
      samantAdvaidhAtryo divi samuditA naH sa sharaNam || 3||
tapastaptvA tIvraM jagati sharadAM yachChatamaho
      surANAM sarveShAM samabhilaShitaM chApyasulabham |
tadasmin brahmAstraM samajani yayA kuNThitabalaM
      namastasyai shaktyai praNatajanagatyai bhavatu me || 4||
purastAdullolochchaladalaghuvIchItaralitaM
      payodhiM saMvIkShya drutagalitadhairye kapikule |
jajR^imbhe gambhIrA tanuradhimahendrakShitidharaM
      yadIyA divyA sA bhavatu mama bhavyAya mahate || 5||
mahAvege tasmin tarati jaladhiM sAhyavidhaye
      samAyAtAH kechinna parigaNitAH kAryavashataH |
vinashyadvishvAse maraNasharaNe durgatajane
      sukhaM vA duHkhaM vA kimu kalayate kAryaparatA || 6||
gabhIrapronmIlannatavalitanAbhIvilasitaM
      madodyallolambadyutiruchiraromAvaliyutam |
samunmIlatsAndratrivalijitaga~NgAmbulalitaM
      natA~NgIvR^indaM ko bhavati vimukho vIkShya yadR^ite || 7||
sphuTanmallImAlAkalitakabarIbhAraruchirAH
      sama~nchadvakShojadvayavihatakokImadabharAH |
samR^idhyattAruNyA nishi vivasanA vIkShya yuvatI\-
      rvinA taM dhIrAgryaM jagati gaNayet tuchChamiha kaH || 8||
trilokIkalyANI triShavaNaparANAmabhimatA
      trayIvedyA stutyA tridashapatisantrANanipuNA |
didIpe shAkheva kShitinipatitA pronnatataro\-
      rashokodyAne yannayanasubhagA dIptikalikA || 9||
dayAsAradroNI daradalitapa~NkeruharuchiH
      sharajjyotsnAdhArA shamadhanajanAnandajananI |
ashokodyAne.archiHkalitakaruNI kApi ruruche
      yadagre kalyANI kalayatu sa naH kAmitamiha || 10||
vilupte vishvAse vigatavati dhairye drumatale
      nirUpAbhirhaMho vinayarahitAbhiH parivR^itau |
nideshe yo bhAvaH samajani raho bhUShaNavare
      chirAd dR^iShTe devyA tamanugadituM ko nu chaturaH || 11||
paTIyAn pAthodheH salilamakhilaM shoShakalilaM
      vidhAtuM la~NkAM vA bhasitakaluShAM mArutasakhaH |
yadIyaM vAlAgraM svayamadhigato nAdahadaho
      sa me devo hArdaM vyapanayatu gADhAndhatamasam || 12||
samutsAhaM brUmaH kathamiva kapInAM yadudite
      samutkaNThA sarva~NkaShapaTuni gambhIravachasi |
aho dR^iShTA sItetyamR^itarasaniShyandamadhure
      niShodadbAlAnAmiva sa jayatAnmAtR^ivachane || 13||
yadAnIte sAndrasphuradanupamAnandalaharI
      yathA dhenorvatse.asravadiva jaganmUrtihR^idaye |
sa devImUrdhAla~NkaraNamahite dR^iShTiviShaye
      maNau syAnme bhUtyai praNatajanachintAmaNivare || 14||
jayatu jayatu ramyaM brahmacharyasya bhAgyaM
      jayatu jayatu devyA a~njanAyAshcha bhAgyam |
jayatu cha raghuvIre bhaktimadbhAgadheyaM
      jayatu visharaNAnAM paktrimaM bhAgadheyam || 15||
bhairojIra~NganAthena kR^itaM stotraM hanUmataH |
bhUyAd bhUtyai rasavidAM bhaktibhAjAM hanUmati || 16||

iti (bhairojI) ra~NganAthakR^itaM shrIhanumatprasAdastotraM sampUrNam |
stotrasamuchchayaH 2 (99)
##
Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}