% Text title            : Shri Hanumadacharyapranitah Shrihanumat Stava
% File name             : hanumatstavaHhanumadAchArya.itx
% Category              : hanumaana, rAmAnanda
% Location              : doc\_hanumaana
% Author                : hanumadAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Hanumadacharyapranitah Shrihanumat Stava ..}##
\itxtitle{.. shrIhanumadAchAryapraNItaH shrIhanumatstavaH ..}##\endtitles ##
AnandabhAShyakR^idrAmAnandaM rAmaM tatheshvaram |
bhAvAnandaM guruM nattvA kurve.ahaM hanumatstavam || 1||
sphuradvidyudullAsavAlAgraghaNTA jhaNatkAranAdapravR^iddhATTahAsam |
bhaje vAyusUnuM bhaje rAmadUtaM bhaje vajradehaM bhaje bhaktabandhum || 2||
prapannAnurAgaprabhAkA~nchanA~NgaM jagadgItashauryaM tuShArAdridhairyam |
tR^iNIbhUtahetiM raNodyadvibhUtiM bhaje vAyaputraM pavitrAt pavitram || 3||
bhaje hemarambhAvane nityavAsaM bhaje bAlabhAnuprabhAchAruhAsam |
bhaje chandrikAkundamandArahAsaM bhaje santataM rAmasarveshadAsam || 4||
bhaje lakShmaNaprANarakShAsudakShaM bhaje toShitAnekagIrvANapakSham |
bhaje ghorasa~NgrAmasImAhatAkShaM bhaje rAmamantraprachAre sudakSham || 5||
mR^igAdhIshanAthaM kShitikShiptapAdaM ghanAkrAntaja~N~Ngha kaTisthoDusa~Ngham |
ajANDasthakeshaM bhujashleShitAshaM jayashrIsametaM bhaje rAmadUtam || 6||
chaladvAlaghAtaM bhramachchakravAlaM kaThorATTahAsaprabhinnAbdhikANDam |
mahAsiMhanAdAd vishIrNatrilokaM bhaje chA~njaneyaM prabhuM vajrakAyam || 7||
raNe bhIShaNe meghanAde sanAde saroShaM samAropya saumitrimaMse |
ghanAnAM khagAnaM surANAM cha mArge naTantaM jvalantaM hanUmantamIDe || 8||
nakhadhvastajambhAridambholidhAraM bhujAgreNa nirbhUtakAlAgradaNDam |
padAghAtabhItAhijAtA.adhivAsaM raNakShoNidakShaM bhaje pi~NgalAkSham || 9||
mahAbhUtapIDAM mahotpAtapIDAM mahAvyAdhipIDAM mahAdhiprapIDAm |
haratyAshu te pAdapadmAnuraktiH namaste kapishreShTharAmapriyAya || 10||
sudhAsindhumulla~Nghaya sAndre nishIthe surAntaH praguptAM sudhAmoShadhIM tAm |
raNAd droNashaileyasAreNa netuM vinA.aja tvayA kaH samarthaH kapIndra || 11||
samudraM tara~NgAdiraudraM vinidro vila~NghayoDusa~NaghaM stuto martyasa~NaghaiH |
nirAta~NkamAvishya la~NkAM visha~Nko bhavAneva sItAviyogApahArI || 12||
kShamAnAthanAmnA kShamAjeshanAmnA hyashokAM sashokAM vihAyApraharShAt |
vanaM tad ghanaM jIvanaM dAnavAnAM vipATya prahR^iShyan hanUma.Nstvameva || 13||
jane hArayan bhItipIDAM sharIre nirUDhaM raNArUDhagADhapratApa |
bhavatpAdabhaktiM bhavadbhaktiraktiM kuru tvaM hanUman prabho me dayAlo || 14||
namaste mahAsatvavAhAya tubhyaM namaste mahAkAlakAlAya tubhyam |
namaste mahAmartyakAyAya tubhyaM namaste sadA svAmikAryAya tubhyam || 15||
dvArapITheshvarashrImadhanumadAryanirmitaH |
stavo.ayaM paThatAM bhUyAt sarvasaukhyapradAyakaH || 16||

iti shrIhanumadAchAryapraNItaH shrIhanumatstavaH sampUrNaH |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}