% Text title : sundarastava sundarakANDapratisargasaNgrahAtmakaH % File name : sundarastava.itx % Category : hanumaana, stotra % Location : doc\_hanumaana % Author : Atreya shrIbAlakRRiShNashAstri % Transliterated by : Processed by Sowmya Ramkumar % Proofread by : PSA Easwaran psaeaswaran at gmail % Description-comments : From Hanumatstutimanjari, Mahaperiaval Publication % Latest update : September 18, 2014 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sundarastava ..}## \itxtitle{.. sundarastavaH ..}##\endtitles ## jAmbavatsmAritabalaM sAgarolla~Nghanotsukam | smaratAM sphUrtidaM dInarakShakaM naumi mArutim || 1|| mainAkasurasAsiMhIratila~NghyAmbudhestaTe | pR^iShadaMshAlpakAkAraM tiShThantaM naumi mArutim || 2|| trikUTashR^i~NgavR^ikShAgraprAkArAdiShvavasthitam | durgarakShekShaNodvignachetasaM naumi mArutim || 3|| la~NkayA.adhR^iShyavAmamuShTighAtAvaghUrNayA | uktvA.a.ayatimanuj~nAtaM sotsAhaM naumi mArutim || 4|| vividhairbhavanairdIptAM purIM rAkShasasa~NkulAm | pashyantaM rAkShasendrAntaHpuragaM naumi mArutim || 5|| jyautsnyAM nishyatiramyeShu harmyeShu janakAtmajAm | mArgamANamadR^iShTvA tAM viShaNNaM naumi mArutim |||| kumbhakarNAdirakSho.agyraprAsAdAvR^itamuttamam | suguptaM rAvaNagR^ihaM vishantaM naumi mArutim || 7|| puShpakAkhyaM rAjagR^ihaM bhUsvargaM vismayAvaham | dR^iShTvApyadR^iShTvA vaidehIM duHkhitaM naumi mArutim || 8|| ratnojjvalaM vishvakarmanirmitaM kAmagaM shubham | pashyantaM puShpakaM sphAranayanaM naumi mArutim || 9|| sa~NkulAntaHpuraM suptanAnAyauvatamachChalam | dR^iShTvApyavikR^itaM sItAM didR^ikShuM naumi mArutim || 10|| pIvAnaM rAvaNaM suptaM tatpatnIM shayane.anyataH | dR^iShTvA sIteti saMhR^iShTaM chapalaM naumi mArutim || 11|| suptastrIdR^iShTinaShTAtmabrahmacharyavisha~Nkinam | apakramyA.a.apAnabhUmiM gachChantaM naumi mArutim || 12|| kAlAtyayanR^ipakrodhakAryAsiddhivisha~Nkitam | nirviNNamapyanirvede dR^iShTArthaM naumi mArutim || 13|| punarnivR^ittau kApeyamAnuShApAyasha~Nkinam | rAmAdIn siddhaye natvottiShThantaM naumi mArutim || 14|| sItAmashokavanikAnadyAM snAnArthameShyatIm | draShTuM puShpitavR^ikShAgranilInaM naumi mArutim || 15|| sItAM dR^iShTvA shiMshapAdhaHsthitAM chAritramAtR^ikAm | manasA rAmamAsAdya nivR^ittaM naumi mArutim || 16|| iha sItA tato rAmaH IdR^ishIyaM sa tAdR^ishaH | anyonyamarhata iti stuvantaM naumi mArutim || 17|| rAkShasIveShTiteheyaM taddraShTAhaM nR^ipAtmajau | namAmi sukR^itaM me.atItyAshvastaM naumi mArutim || 18|| suptotthitaM dR^iShTapUrvaM rAvaNaM pramadA.a.avR^itam | sItopachChandakaM dR^iShTvAvaplutaM naumi mArutim || 19|| rAvaNAgamanodvignAM viShaNNAM vIkShya maithilIm | sarvopamAdravyadUrAM sIdantaM naumi mArutim || 20|| sAntvenAnupradAnena shauryeNa janakAtmajAm | rakSho.adhipe lobhayati vR^ikShasthaM naumi mArutim || 21|| mAM pradhR^iShya satIM nashyeriti taddhitavAdinIm | karuNAM rUpiNIM sItAM pashyantaM naumi mArutim || 22|| mAsadvayAvadhiM kR^itvA smArayitvA.a.atmapauruSham | apayAtaM rAvaNaM dhikvurvantaM naumi mArutim || 23|| kulaM vIryaM prema gatyantarAbhAvaM vivR^iNvatIH | rAkShasIrdurmukhImukhyAH jighatsuM naumi mArutim || 24|| kruddhAbhirbhartsyamAnAM tAmAtmAnamanushochatIm | devIM vilokya rudatIM khidyantaM naumi mArutim || 25|| punarnirbhatsanaparAsvAsu veNIspR^iga~Ngulim | mAnuShyagarhiNIM devIM pashyantaM naumi mArutim || 26|| vilapantIM janasthAnAharaNAdyanuchintanaiH | prANatyAgaparAM sItAM dR^iShTvA.a.artaM naumi mArutim || 27|| trijaTAsvapanasaMhR^iShTAM rakShaHstrIbhyo.abhayapradAm | asvasthahR^idayAM devIM pashyantaM naumi mArutim || 28|| achirAdAtmaniryAtamadR^iShTvodbandhanodyatAm | sItAM dR^iShTvA shiMshapAdha udvignaM naumi mArutim || 29|| vAmAkShyUrubhujaspandairnimittairmuditAM shanaiH | sItAM shAntajvarAM dR^iShTvA prahR^iShTaM naumi mArutim || 30|| dR^iShTAtreyaM kathaM sAntvyopeyA.a.avedyA na vedmyaham | iti rAmakathAkhyAnapravR^ittaM naumi mArutim || 31|| supte rakShigaNe shrutvA shubhAM rAmakathAM drumam | utpashyantIM janakajAM pashyantaM naumi mArutim || 32|| svapne kapirdurnimittaM, shrutA rAmakathA shubhA | devIM dvedhA vimuhyantIM pashyantaM naumi mArutim || 33|| kA tvaM vasiShThachandrAtripatnIShviti vitarkitaiH | sItAmaunamapAsyantaM praNataM naumi mArutim || 34|| rAmadUto.asmi mA bhaiShIH shraddhatsva pratineShyase | visha~NkAM santyajetyevaMvadantaM naumi mArutim 35 sugrIvasakhyaM bhUShAdyAvedanaM vAlino vadham | tIrtvAbdhiM darshanaM devyA AkhyAntaM naumi mArutim || 36|| abhij~nAnena sugrIvodyogena virahAdhinA | sukhinIM duHkhinIM devIM pashyantaM naumi mArutim || 37|| mAninIM dR^iDhavisraMbhAM rAghavodyogakA~NkShiNIm | rakSho jitvaiva neyAM tAM namantaM naumi mArutim || 38|| kAkodantaM rAmaguNAn devR^ibhaktiM shiromaNim | abhij~nAnatayA dAtrIM dhyAyantaM naumi mArutim || 39|| maNau pratItAmutsAhodyojanaprArthinIM satIm | AshvAsayantamuchitairhetubhirnaumi mArutim || 40|| punastadevAbhij~nAnaM smArayantyA kR^itAshiSham | maithilyA manasA rAmamAsannaM naumi mArutim || 41|| dR^iShTvA sItAM dhruve janye j~nAtuM rakShobalaM vanam | vinAshya toraNAsInaM yuyutsuM naumi mArutim || 42|| rAkShasIj~nAtavR^ittAntarAvaNapreShitAn kShaNAt | nighnantaM ki~NkarAnekaM jayiShNuM naumi mArutim || 43|| jayatyatibala iti garjantaM pAdapAgninA | dagdhvA chaityaM punaH sa~NgrAmotsukaM naumi mArutim || 44|| parighIkR^itya sAladruM prahastasutamAraNam | dashagrIvabaleyattAjij~nAsuM naumi mArutim || 45|| saptAmAtyasutAnAtmaninadairgatajIvitAn | kR^itvA punastoraNAgre lasantaM naumi mArutim || 46|| udvignarAvaNAj~naptapR^itanApatipa~nchakam | prApayya pa~nchatAM toraNAgrasthaM naumi mArutim || 47|| akShaM rAjAtmajaM vIraM darshanIyaparAkramam | hatvA niyuddhe tiShThantaM toraNe naumi mArutim || 48|| nItamindrajitAstreNa brAhmeNa kShaNarodhinA | sabhAstharAvaNodIkShAvismitaM naumi mArutim || 49|| dashAsyaM mantrisaMvItaM varodIrNaM mahAdyutim | anAdR^ityAhavaklAntiM pashyantaM naumi mArutim || 50|| ko.asi kasyAsi kenAtrAgato bhagnaM vanaM kutaH | prahastasyottaraM dAtumudyuktaM naumi mArutim || 51|| sugrIvasachivaM rAmadUtaM sItopalabdhaye | prAptamuktvA taddhitoktinirataM naumi mArutim || 52|| bhrAtR^isAntvita paulastyAdiShTa vAlAgniyojanam | kartavyachintAtivyagramudIrNaM naumi mArutim || 53|| vAladAhabhiyA sItAprArthanAshItalAnalam | prINayantaM purIdAhAdbhIShaNaM naumi mArutim || 54|| avadhya iti vAlAgranyastAgniM nagarIM kShaNAt | dahantaM siddhagandharvaiH stutaM taM naumi mArutim || 55|| labdhA sItA, ripurj~nAtaH, balaM dR^iShTaM, vR^ithAkhilam | sItApi mauDhyAddagdheti sIdantaM naumi mArutim || 56|| ApR^ichChya maithilIM rAmadarshanatvarayAchalAt | trikUTAdutpatantaM taM kR^itArthaM naumi mArutim || 57|| sopAyanaira~NgadAdyairunnadadbhirupAsthitam | dR^iShTA sItetyudIryAtha vyAkhyAntaM naumi mArutim || 58|| tIrtvAnviShyopalabhyAshvAsya cha bhaMktvopadishya cha | dagdhvA dR^iShTvA.a.agato.asmIti bruvantaM naumi mArutim || 59|| dR^iShTvA sItAM rAmanAma shrAvayitvA samAgataH | brUta kartavyamityetAn pR^ichChantaM naumi mArutim || 60|| na vayaM, kapirADatra pramANaM pratiyAma tam | kurmastadAdiShTamiti pratyuktaM naumi mArutim || 61|| madhyemArgaM madhuvane nipIya madhu puShkalam | nadadbhirvAnaraiH sAkaM krIDantaM naumi mArutim || 62|| mAdyannR^ityatkapivR^itaM dhvaste madhuvane kShaNAt | abhiyuktaM dadhimukhenAvyagraM naumi mArutim || 63|| sItAM dR^iShTAM madhuvanadhvaMsAdvij~nAya tuShyatA | didR^ikShitaM kapIshenAtyAdarAnnaumi mArutim || 64|| nishamya sugrIvAdeshaM tvaritaiH sakhibhivR^irtam | sugrIveNAdarAddR^iShTaM mahitaM naumi mArutim || 65|| niyatAmakShatAM sItAM abhij~nAnaM maNiM cha tam | nivedya prA~njaliM prahvaM kR^itArthaM naumi mArutim || 66|| dR^iShTvA chUDAmaNiM sAshru smR^itvA tAtavidehayoH | rAmeNa vR^ittavistAre choditaM naumi mArutim || 67|| visrambhaM tarjanaM shokAvegaM cha samayAvadhim | sandeshamuktvA kartavyodyojakaM naumi mArutim || 68|| tvachchittA tvayi visrabdhA vijitya ripuma~njasA | pratyAdeyeti vinayAdvadantaM naumi mArutim || 69|| snigdharAmaparIrambhamugdhasmeramukhAmbujam | hR^idayAsInavaidehIrAghavaM naumi mArutim || 70|| iti Atreya shrIbAlakR^iShNashAstrivirachitaH sundarakANDapratisargasa~NgrahAtmakaH | ## From Hanumatstutimanjari, Mahaperiaval Publication Proofread by PSA Easwaran psaeaswaran at gmail \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}