% Text title            : shrImadbhAgavatam - 08 - aShTamaskandhaH
% File name             : bhagpur-08.itx
% Category              : purana, shrimadbhagavatam, vyAsa, krishna
% Location              : doc\_purana
% Proofread by          : PSA Easwaran
% Latest update         : July 4, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrImadbhAgavataM - aShTamaskandhaH ..}##
\itxtitle{.. shrImadbhAgavataM \- aShTamaskandhaH ..}##\endtitles ##
\chapter{.. OM namo bhagavate vAsudevAya ..}
\section{.. aShTamaskandhaH ..}
\section{.. prathamo.adhyAyaH \- 1 ..}
rAjovAcha
svAyambhuvasyeha guro vaMsho.ayaM vistarAchChrutaH |
yatra vishvasR^ijAM sargo manUnanyAn vadasva naH || 1||
yatra yatra harerjanma karmANi cha mahIyasaH |
gR^iNanti kavayo brahmaMstAni no vada shR^iNvatAm || 2||
yadyasminnantare brahman bhagavAn vishvabhAvanaH |
kR^itavAn kurute kartA hyatIte.anAgate.adya vA || 3||
R^iShiruvAcha
manavo.asmin vyatItAH ShaT kalpe svAyambhuvAdayaH |
Adyaste kathito yatra devAdInAM cha sambhavaH || 4||
AkUtyAM devahUtyAM cha duhitrostasya vai manoH |
dharmaj~nAnopadeshArthaM bhagavAn putratAM gataH || 5||
kR^itaM purA bhagavataH kapilasyAnuvarNitam |
AkhyAsye bhagavAn yaj~no yachchakAra kurUdvaha || 6||
viraktaH kAmabhogeShu shatarUpApatiH prabhuH |
visR^ijya rAjyaM tapase sabhAryo vanamAvishat || 7||
sunandAyAM varShashataM padaikena bhuvaM spR^ishan |
tapyamAnastapo ghoramidamanvAha bhArata || 8||
manuruvAcha
yena chetayate vishvaM vishvaM chetayate na yam |
yo jAgarti shayAne.asminnAyaM taM veda veda saH || 9||
AtmAvAsyamidaM vishvaM yatki~nchijjagatyAM jagat |
tena tyaktena bhu~njIthA mA gR^idhaH kasya sviddhanam || 10||
yaM na pashyatipashyantaM chakShuryasya na riShyati |
taM bhUtanilayaM devaM suparNamupadhAvata || 11||
na yasyAdyantau madhyaM cha svaH paro nAntaraM bahiH |
vishvasyAmUni yadyasmAdvishvaM cha tadR^itaM mahat || 12||
sa vishvakAyaH puruhUta IshaH
satyaH svaya~njyotirajaH purANaH |
dhatte.asya janmAdyajayA.a.atmashaktyA
tAM vidyayodasya nirIha Aste || 13||
athAgre R^iShayaH karmANIhante.akarmahetave |
IhamAno hi puruShaH prAyo.anIhAM prapadyate || 14||
Ihate bhagavAnIsho na hi tatra viShajjate |
AtmalAbhena pUrNArtho nAvasIdanti ye.anu tam || 15||
tamIhamAnaM niraha~NkR^itaM budhaM
nirAshiShaM pUrNamananyachoditam |
nR^In shikShayantaM nijavartmasaMsthitaM
prabhuM prapadye.akhiladharmabhAvanam || 16||
shrIshuka uvAcha
iti mantropaniShadaM vyAharantaM samAhitam |
dR^iShTvAsurA yAtudhAnA jagdhumabhyadravan kShudhA || 17||
tAMstathAvasitAn vIkShya yaj~naH sarvagato hariH |
yAmaiH parivR^ito devairhatvAshAsattriviShTapam || 18||
svArochiSho dvitIyastu manuragneH suto.abhavat |
dyumatsuSheNarochiShmatpramukhAstasya chAtmajAH || 19||
tatrendro rochanastvAsIddevAshcha tuShitAdayaH |
UrjastambhAdayaH sapta R^iShayo brahmavAdinaH || 20||
R^iShestu vedashirasastuShitA nAma patnyabhUt |
tasyAM jaj~ne tato devo vibhurityabhivishrutaH || 21||
aShTAshItisahasrANi munayo ye dhR^itavratAH |
anvashikShan vrataM tasya kaumArabrahmachAriNaH || 22||
tR^itIya uttamo nAma priyavratasuto manuH |
pavanaH sR^i~njayo yaj~nahotrAdyAstatsutA nR^ipa || 23||
vasiShThatanayAH sapta R^iShayaH pramadAdayaH |
satyA vedashrutA bhadrA devA indrastu satyajit || 24||
dharmasya sUnR^itAyAM tu bhagavAn puruShottamaH |
satyasena iti khyAto jAtaH satyavrataiH saha || 25||
so.anR^itavrataduHshIlAnasato yakSharAkShasAn |
bhUtadruho bhUtagaNAMstvavadhItsatyajitsakhaH || 26||
chaturtha uttamabhrAtA manurnAmnA cha tAmasaH |
pR^ithuH khyAtirnaraH keturityAdyA dasha tatsutAH || 27||
satyakA harayo vIrA devAstrishikha IshvaraH |
jyotirdhAmAdayaH sapta R^iShayastAmase.antare || 28||
devA vaidhR^itayo nAma vidhR^itestanayA nR^ipa |
naShTAH kAlena yairvedA vidhR^itAH svena tejasA || 29||
tatrApi jaj~ne bhagavAn hariNyAM harimedhasaH |
harirityAhR^ito yena gajendro mochito grahAt || 30||
rAjovAcha
bAdarAyaNa etatte shrotumichChAmahe vayam |
hariryathA gajapatiM grAhagrastamamUmuchat || 31||
tatkathA sumahatpuNyaM dhanyaM svastyayanaM shubham |
yatra yatrottamashloko bhagavAn gIyate hariH || 32||
sUta uvAcha
parIkShitaivaM sa tu bAdarAyaNiH
prAyopaviShTena kathAsu choditaH |
uvAcha viprAH pratinandya pArthivaM
mudA munInAM sadasi sma shR^iNvatAm || 33||
iti shrImadbhAgavate mahApurANe pAramahaMsyAM saMhitAyAM
aShTamaskandhe manvantarAnucharite prathamo.adhyAyaH || 1||
\iti
\section{.. OM namo bhagavate vAsudevAya ..}
\section{.. dvitIyo.adhyAyaH \- 2 ..}
shrIshuka uvAcha
AsIdgirivaro rAjaMstrikUTa iti vishrutaH |
kShIrodenAvR^itaH shrImAn yojanAyutamuchChritaH || 1||
tAvatA vistR^itaH paryak tribhiH shR^i~NgaiH payonidhim |
dishaH khaM rochayannAste raupyAyasahiraNmayaiH || 2||
anyaishcha kakubhaH sarvA ratnadhAtuvichitritaiH |
nAnAdrumalatAgulmairnirghoShairnirjharAmbhasAm || 3||
sa chAvanijyamAnA~NghriH samantAtpayaUrmibhiH |
karoti shyAmalAM bhUmiM hariNmarakatAshmabhiH || 4||
siddhachAraNagandharvavidyAdharamahoragaiH |
kinnarairapsarobhishcha krIDadbhirjuShTakandaraH || 5||
yatra sa~NgItasannAdairnadadguhamamarShayA |
abhigarjanti harayaH shlAghinaH parasha~NkayA || 6||
nAnAraNyapashuvrAtasa~NkuladroNyala~NkR^itaH |
chitradrumasurodyAnakalakaNThaviha~NgamaH || 7||
saritsarobhirachChodaiH pulinairmaNivAlukaiH |
devastrImajjanAmodasaurabhAmbvanilairyutaH || 8||
tasya droNyAM bhagavato varuNasya mahAtmanaH |
udyAnamR^itumannAma AkrIDaM surayoShitAm || 9||
sarvato.ala~NkR^itaM divyairnityaM puShpaphaladrumaiH |
mandAraiH pArijAtaishcha pATalAshokachampakaiH || 10||
chUtaiH priyAlaiH panasairAmrairAmrAtakairapi |
kramukairnAlikeraishcha kharjUrairbIjapUrakaiH || 11||
madhUkaiH shAlatAlaishcha tamAlairasanArjunaiH |
ariShTodumbaraplakShairvaTaiH kiMshukachandanaiH || 12||
pichumandaiH kovidAraiH saralaiH suradArubhiH |
drAkShekShurambhAjambUbhirbadaryakShAbhayAmalaiH || 13||
bilvaiH kapitthairjambIrairvR^ito bhallAtakAdibhiH |
tasmin saraH suvipulaM lasatkA~nchanapa~Nkajam || 14||
kumudotpalakahlArashatapatrashriyorjitam |
mattaShaTpadanirghuShTaM shakuntaishcha kalasvanaiH || 15||
haMsakAraNDavAkIrNaM chakrAhvaiH sArasairapi |
jalakukkuTakoyaShTidAtyUhakulakUjitam || 16||
matsyakachChapasa~nchArachalatpadmarajaHpayaH |
kadambavetasanalanIpava~njulakairvR^itam || 17||
kundaiH kurabakAshokaiH shirIShaiH kuTaje~NgudaiH |
kubjakaiH svarNayUthIbhirnAgapunnAgajAtibhiH || 18||
mallikAshatapatraishcha mAdhavIjAlakAdibhiH |
shobhitaM tIrajaishchAnyairnityartubhiralaM drumaiH || 19||
tatraikadA tadgirikAnanAshrayaH
kareNubhirvAraNayUthapashcharan |
sakaNTakAn kIchakaveNuvetrava\-
dvishAlagulmaM prarujan vanaspatIn || 20||
yadgandhamAtrAddharayo gajendrA
vyAghrAdayo vyAlamR^igAH sakhaDgAH |
mahoragAshchApi bhayAddravanti
sagaurakR^iShNAH sharabhAshchamaryaH || 21||
vR^ikA varAhA mahiSharkShashalyA
gopuchChasAlAvR^ikamarkaTAshcha |
anyatra kShudrA hariNAH shashAdaya\-
shcharantyabhItA yadanugraheNa || 22||
sa gharmataptaH karibhiH kareNubhi\-
rvR^ito madachyutkarabhairanudrutaH |
giriM garimNA paritaH prakampayan
niShevyamANo.alikulairmadAshanaiH || 23||
saro.anilaM pa~NkajareNurUShitaM
jighran vidUrAnmadavihvalekShaNaH |
vR^itaH svayUthena tR^iShArditena tat
sarovarAbhyAshamathAgamaddrutam || 24||
vigAhya tasminnamR^itAmbu nirmalaM
hemAravindotpalareNuvAsitam |
papau nikAmaM nijapuShkaroddhR^ita\-
mAtmAnamadbhiH snapayan gataklamaH || 25||
svapuShkareNoddhR^itashIkarAmbubhi\-
rnipAyayan saMsnapayan yathA gR^ihI |
ghR^iNI kareNuH kalabhAMshcha durmado
nAchaShTa kR^ichChraM kR^ipaNo.ajamAyayA || 26||
taM tatra kashchinnR^ipa daivachodito
grAho balIyAMshcharaNe ruShAgrahIt |
yadR^ichChayaivaM vyasanaM gato gajo
yathAbalaM so.atibalo vichakrame || 27||
tathA.a.aturaM yUthapatiM kareNavo
vikR^iShyamANaM tarasA balIyasA |
vichukrushurdInadhiyo.apare gajAH
pArShNigrahAstArayituM na chAshakan || 28||
niyudhyatorevamibhendranakrayo\-
rvikarShatorantarato bahirmithaH |
samAH sahasraM vyagaman mahIpate
saprANayoshchitramamaMsatAmarAH || 29||
tato gajendrasya manobalaujasAM
kAlena dIrgheNa mahAnabhUdvyayaH |
vikR^iShyamANasya jale.avasIdato
viparyayo.abhUtsakalaM jalaukasaH || 30||
itthaM gajendraH sa yadA.a.apa sa~NkaTaM
prANasya dehI vivasho yadR^ichChayA |
apArayannAtmavimokShaNe chiraM
dadhyAvimAM buddhimathAbhyapadyata || 31||
na mAmime j~nAtaya AturaM gajAH
kutaH kariNyaH prabhavanti mochitum |
grAheNa pAshena vidhAturAvR^ito\-
.apyahaM cha taM yAmi paraM parAyaNam || 32||
yaH kashchanesho balino.antakoragA\-
tprachaNDavegAdabhidhAvato bhR^isham |
bhItaM prapannaM paripAti yadbhayA\-
nmR^ityuH pradhAvatyaraNaM tamImahi || 33||
iti shrImadbhAgavate mahApurANe pAramahaMsyAM saMhitAyAM aShTamaskandhe
manvantarAnuvarNane gajendropAkhyAne dvitIyo.adhyAyaH || 2||
\iti
\section{.. OM namo bhagavate vAsudevAya ..}
\section{.. tR^itIyo.adhyAyaH \- 3 ..}
shrIshuka uvAcha
evaM vyavasito bud.hdhyA samAdhAya mano hR^idi |
jajApa paramaM jApyaM prAgjanmanyanushikShitam || 1||
gajendra uvAcha
OM namo bhagavate tasmai yata etachchidAtmakam |
puruShAyAdibIjAya pareshAyAbhidhImahi || 2||
yasminnidaM yatashchedaM yenedaM ya idaM svayam |
yo.asmAtparasmAchcha parastaM prapadye svayambhuvam || 3||
yaH svAtmanIdaM nijamAyayArpitaM
kvachidvibhAtaM kva cha tattirohitam |
aviddhadR^iksAkShyubhayaM tadIkShate
sa AtmamUlo.avatu mAM parAtparaH || 4||
kAlena pa~nchatvamiteShu kR^itsnasho
lokeShu pAleShu cha sarvahetuShu |
tamastadAsIdgahanaM gabhIraM
yastasya pAre.abhivirAjate vibhuH || 5||
na yasya devA R^iShayaH padaM vidu\-
rjantuH punaH ko.arhati gantumIritum |
yathA naTasyAkR^itibhirvicheShTato
duratyayAnukramaNaH sa mAvatu || 6||
didR^ikShavo yasya padaM suma~NgalaM
vimuktasa~NgA munayaH susAdhavaH |
charantyalokavratamavraNaM vane
bhUtAtmabhUtAH suhR^idaH sa me gatiH || 7||
na vidyate yasya cha janma karma vA
na nAmarUpe guNadoSha eva vA |
tathApi lokApyayasambhavAya yaH
svamAyayA tAnyanukAlamR^ichChati || 8||
tasmai namaH pareshAya brahmaNe.anantashaktaye |
arUpAyorurUpAya nama AshcharyakarmaNe || 9||
nama AtmapradIpAya sAkShiNe paramAtmane |
namo girAM vidUrAya manasashchetasAmapi || 10||
sattvena pratilabhyAya naiShkarmyeNa vipashchitA |
namaH kaivalyanAthAya nirvANasukhasaMvide || 11||
namaH shAntAya ghorAya mUDhAya guNadharmiNe |
nirvisheShAya sAmyAya namo j~nAnaghanAya cha || 12||
kShetraj~nAya namastubhyaM sarvAdhyakShAya sAkShiNe |
puruShAyAtmamUlAya mUlaprakR^itaye namaH || 13||
sarvendriyaguNadraShTre sarvapratyayahetave |
asatAchChAyayoktAya sadAbhAsAya te namaH || 14||
namo namaste.akhilakAraNAya
niShkAraNAyAdbhutakAraNAya |
sarvAgamAmnAyamahArNavAya
namo.apavargAya parAyaNAya || 15||
guNAraNichChannachidUShmapAya
tatkShobhavisphUrjitamAnasAya |
naiShkarmyabhAvena vivarjitAgama\-
svayamprakAshAya namaskaromi || 16||
mAdR^ik prapannapashupAshavimokShaNAya
muktAya bhUrikaruNAya namo.alayAya |
svAMshena sarvatanubhR^inmanasi pratIta\-
pratyagdR^ishe bhagavate bR^ihate namaste || 17||
AtmA.a.atmajAptagR^ihavittajaneShu saktai\-
rduShprApaNAya guNasa~NgavivarjitAya |
muktAtmabhiH svahR^idaye paribhAvitAya
j~nAnAtmane bhagavate nama IshvarAya || 18||
yaM dharmakAmArthavimuktikAmA
bhajanta iShTAM gatimApnuvanti |
kiM tvAshiSho rAtyapi dehamavyayaM
karotu me.adabhradayo vimokShaNam || 19||
ekAntino yasya na ka~nchanArthaM
vA~nChanti ye vai bhagavatprapannAH |
atyadbhutaM tachcharitaM suma~NgalaM
gAyanta AnandasamudramagnAH || 20||
tamakSharaM brahma paraM paresha\-
mavyaktamAdhyAtmikayogagamyam |
atIndriyaM sUkShmamivAtidUra\-
manantamAdyaM paripUrNamIDe || 21||
yasya brahmAdayo devA vedA lokAshcharAcharAH |
nAmarUpavibhedena phalgvyA cha kalayA kR^itAH || 22||
yathArchiSho.agneH saviturgabhastayo
niryAnti saMyAntyasakR^itsvarochiShaH |
tathA yato.ayaM guNasampravAho
buddhirmanaH khAni sharIrasargAH || 23||
sa vai na devAsuramartyatirya~N\-
na strI na ShaNDho na pumAnna jantuH |
nAyaM guNaH karma na sanna chAsa\-
nniShedhasheSho jayatAdasheShaH || 24||
jijIviShe nAhamihAmuyA ki\-
mantarbahishchAvR^itayebhayonyA |
ichChAmi kAlena na yasya viplava\-
stasyAtmalokAvaraNasya mokSham || 25||
so.ahaM vishvasR^ijaM vishvamavishvaM vishvavedasam |
vishvAtmAnamajaM brahma praNato.asmi paraM padam || 26||
yogarandhitakarmANo hR^idi yogavibhAvite |
yogino yaM prapashyanti yogeshaM taM nato.asmyaham || 27||
namo namastubhyamasahyavega\-
shaktitrayAyAkhiladhIguNAya |
prapannapAlAya durantashaktaye
kadindriyANAmanavApyavartmane || 28||
nAyaM veda svamAtmAnaM yachChaktyAhandhiyA hatam |
taM duratyayamAhAtmyaM bhagavantamito.asmyaham || 29||
shrIshuka uvAcha
evaM gajendramupavarNitanirvisheShaM
brahmAdayo vividhali~NgabhidAbhimAnAH |
naite yadopasasR^ipurnikhilAtmakatvA\-
ttatrAkhilAmaramayo harirAvirAsIt || 30||
taM tadvadArtamupalabhya jagannivAsaH
stotraM nishamya divijaiH saha saMstuvadbhiH |
Chandomayena garuDena samuhyamAna\-
shchakrAyudho.abhyagamadAshu yato gajendraH || 31||
so.antaHsarasyurubalena gR^ihIta Arto
dR^iShTvA garutmati hariM kha upAttachakram |
utkShipya sAmbujakaraM giramAha kR^ichChrA\-
nnArAyaNAkhilaguro bhagavannamaste || 32||
taM vIkShya pIDitamajaH sahasAvatIrya
sagrAhamAshu sarasaH kR^ipayojjahAra |
grAhAdvipATitamukhAdariNA gajendraM
sampashyatAM hariramUmuchaduchChriyANAm || 33||
iti shrImadbhAgavate mahApurANe pAramahaMsyAM saMhitAyAM aShTamaskandhe
manvantarAnuvarNane gajendropAkhyAne tR^itIyo.adhyAyaH || 3||
\iti
\section{.. OM namo bhagavate vAsudevAya ..}
\section{.. chaturtho.adhyAyaH \- 4 ..}
shrIshuka uvAcha
tadA devarShigandharvA brahmeshAnapurogamAH |
mumuchuH kusumAsAraM shaMsantaH karma taddhareH || 1||
nedurdundubhayo divyA gandharvA nanR^iturjaguH |
R^iShayashchAraNAH siddhAstuShTuvuH puruShottamam || 2||
yo.asau grAhaH sa vai sadyaH paramAshcharyarUpadhR^ik |
mukto devalashApena hUhUrgandharvasattamaH || 3||
praNamya shirasAdhIshamuttamashlokamavyayam |
agAyata yashodhAma kIrtanyaguNasatkatham || 4||
so.anukampita Ishena parikramya praNamya tam |
lokasya pashyato lokaM svamagAnmuktakilbiShaH || 5||
gajendro bhagavatsparshAdvimukto.aj~nAnabandhanAt |
prApto bhagavato rUpaM pItavAsAshchaturbhujaH || 6||
sa vai pUrvamabhUdrAjA pANDyo draviDasattamaH |
indradyumna iti khyAto viShNuvrataparAyaNaH || 7||
sa ekadA.a.arAdhanakAla AtmavAn
gR^ihItamaunavrata IshvaraM harim |
jaTAdharastApasa Apluto.achyutaM
samarchayAmAsa kulAchalAshramaH || 8||
yadR^ichChayA tatra mahAyashA muniH
samAgamachChiShyagaNaiH parishritaH |
taM vIkShya tUShNImakR^itArhaNAdikaM
rahasyupAsInamR^iShishchukopa ha || 9||
tasmA imaM shApamadAdasAdhu\-
rayaM durAtmAkR^itabuddhiradya |
viprAvamantA vishatAM tamo.andhaM
yathA gajaH stabdhamatiH sa eva || 10||
shrIshuka uvAcha
evaM shaptvA gato.agastyo bhagavAn nR^ipa sAnugaH |
indradyumno.api rAjarShirdiShTaM tadupadhArayan || 11||
ApannaH kau~njarIM yonimAtmasmR^itivinAshinIm |
haryarchanAnubhAvena yadgajatve.apyanusmR^itiH || 12||
evaM vimokShya gajayUthapamabjanAbha\-
stenApipArShadagatiM gamitena yuktaH |
gandharvasiddhavibudhairupagIyamAna\-
karmAdbhutaM svabhavanaM garuDAsano.agAt || 13||
etanmahArAja taverito mayA
kR^iShNAnubhAvo gajarAjamokShaNam |
svargyaM yashasyaM kalikalmaShApahaM
duHsvapnanAshaM kuruvarya shR^iNvatAm || 14||
yathAnukIrtayantyetachChreyaskAmA dvijAtayaH |
shuchayaH prAtarutthAya duHsvapnAdyupashAntaye || 15||
idamAha hariH prIto gajendraM kurusattama |
shR^iNvatAM sarvabhUtAnAM sarvabhUtamayo vibhuH || 16||
shrIbhagavAnuvAcha
ye mAM tvAM cha sarashchedaM girikandarakAnanam |
vetrakIchakaveNUnAM gulmAni surapAdapAn || 17||
shR^i~NgANImAni dhiShNyAni brahmaNo me shivasya cha |
kShIrodaM me priyaM dhAma shvetadvIpaM cha bhAsvaram || 18||
shrIvatsaM kaustubhaM mAlAM gadAM kaumodakIM mama |
sudarshanaM pA~nchajanyaM suparNaM patageshvaram || 19||
sheShaM cha matkalAM sUkShmAM shriyaM devIM madAshrayAm |
brahmANaM nAradamR^iShiM bhavaM prahlAdameva cha || 20||
matsyakUrmavarAhAdyairavatAraiH kR^itAni me |
karmANyanantapuNyAni sUryaM somaM hutAshanam || 21||
praNavaM satyamavyaktaM goviprAn dharmamavyayam |
dAkShAyaNIrdharmapatnIH somakashyapayorapi || 22||
ga~NgAM sarasvatIM nandAM kAlindIM sitavAraNam |
dhruvaM brahmaR^iShIn sapta puNyashlokAMshcha mAnavAn || 23||
utthAyApararAtrAnte prayatAH susamAhitAH |
smaranti mama rUpANi muchyante hyenaso.akhilAt || 24||
ye mAM stuvantyanenA~Nga pratibudhya nishAtyaye |
teShAM prANAtyaye chAhaM dadAmi vimalAM matim || 25||
shrIshuka uvAcha
ityAdishya hR^iShIkeshaH pradhmAya jalajottamam |
harShayan vibudhAnIkamAruroha khagAdhipam || 26||
iti shrImadbhAgavate mahApurANe pAramahaMsyAM saMhitAyAM
aShTamaskandhe gajendramokShaNaM nAma chaturtho.adhyAyaH || 4||
\iti
\section{.. OM namo bhagavate vAsudevAya ..}
\section{.. pa~nchamo.adhyAyaH \- 5 ..}
shrIshuka uvAcha
rAjannuditametatte hareH karmAghanAshanam |
gajendramokShaNaM puNyaM raivataM tvantaraM shR^iNu || 1||
pa~nchamo raivato nAma manustAmasasodaraH |
balivindhyAdayastasya sutA arjunapUrvakAH || 2||
vibhurindraH suragaNA rAjan bhUtarayAdayaH |
hiraNyaromA vedashirA UrdhvabAhvAdayo dvijAH || 3||
patnI vikuNThA shubhrasya vaikuNThaiH surasattamaiH |
tayoH svakalayA jaj~ne vaikuNTho bhagavAn svayam || 4||
vaikuNThaH kalpito yena loko lokanamaskR^itaH |
ramayA prArthyamAnena devyA tatpriyakAmyayA || 5||
tasyAnubhAvaH kathito guNAshcha paramodayAH |
bhaumAn reNUn sa vimame yo viShNorvarNayedguNAn || 6||
ShaShThashcha chakShuShaH putrashchAkShuSho nAma vai manuH |
pUrupUruShasudyumnapramukhAshchAkShuShAtmajAH || 7||
indro mantradrumastatra devA ApyAdayo gaNAH |
munayastatra vai rAjan haviShmadvIrakAdayaH || 8||
tatrApi devaH sambhUtyAM vairAjasyAbhavatsutaH |
ajito nAma bhagavAnaMshena jagataH patiH || 9||
payodhiM yena nirmathya surANAM sAdhitA sudhA |
bhramamANo.ambhasi dhR^itaH kUrmarUpeNa mandaraH || 10||
rAjovAcha
yathA bhagavatA brahman mathitaH kShIrasAgaraH |
yadarthaM vA yatashchAdriM dadhArAmbucharAtmanA || 11||
yathAmR^itaM suraiH prAptaM kiM chAnyadabhavattataH |
etadbhagavataH karma vadasva paramAdbhutam || 12||
tvayA sa~NkathyamAnena mahimnA sAtvatAM pateH |
nAtitR^ipyati me chittaM suchiraM tApatApitam || 13||
sUta uvAcha
sampR^iShTo bhagavAnevaM dvaipAyanasuto dvijAH |
abhinandya harervIryamabhyAchaShTuM prachakrame || 14||
shrIshuka uvAcha
yadA yuddhe.asurairdevA bAdhyamAnAH shitAyudhaiH |
gatAsavo nipatitA nottiShTheran sma bhUyashaH || 15||
yadA durvAsasaH shApAtsendrA lokAstrayo nR^ipa |
niHshrIkAshchAbhavaMstatra neshurijyAdayaH kriyAH || 16||
nishAmyaitatsuragaNA mahendravaruNAdayaH |
nAdhyagachChan svayaM mantrairmantrayanto vinishchayam || 17||
tato brahmasabhAM jagmurmerormUrdhani sarvashaH |
sarvaM vij~nApayA~nchakruH praNatAH parameShThine || 18||
sa vilokyendravAyvAdIn niHsattvAn vigataprabhAn |
lokAnama~NgalaprAyAnasurAnayathA vibhuH || 19||
samAhitena manasA saMsmaran puruShaM param |
uvAchotphullavadano devAn sa bhagavAn paraH || 20||
ahaM bhavo yUyamatho.asurAdayo
manuShyatiryagdrumagharmajAtayaH |
yasyAvatArAMshakalAvisarjitA
vrajAma sarve sharaNaM tamavyayam || 21||
na yasya vadhyo na cha rakShaNIyo
nopekShaNIyAdaraNIyapakShaH |
athApi sargasthitisaMyamArthaM
dhatte rajaHsattvatamAMsi kAle || 22||
ayaM cha tasya sthitipAlanakShaNaH
sattvaM juShANasya bhavAya dehinAm |
tasmAdvrajAmaH sharaNaM jagadguruM
svAnAM sa no dhAsyati shaM surapriyaH || 23||
shrIshuka uvAcha
ityAbhAShya surAn vedhAH saha devairarindama |
ajitasya padaM sAkShAjjagAma tamasaH param || 24||
tatrAdR^iShTasvarUpAya shrutapUrvAya vai vibho |
stutimabrUta daivIbhirgIrbhistvavahitendriyaH || 25||
brahmovAcha
avikriyaM satyamanantamAdyaM
guhAshayaM niShkalamapratarkyam |
mano.agrayAnaM vachasAniruktaM
namAmahe devavaraM vareNyam || 26||
vipashchitaM prANamanodhiyAtmanA\-
marthendriyAbhAsamanidramavraNam |
ChAyAtapau yatra na gR^idhrapakShau
tamakSharaM khaM triyugaM vrajAmahe || 27||
ajasya chakraM tvajayeryamANaM
manomayaM pa~nchadashAramAshu |
trinAbhi vidyuchchalamaShTanemi
yadakShamAhustamR^itaM prapadye || 28||
ya ekavarNaM tamasaH paraM ta\-
dalokamavyaktamanantapAram |
AsAM chakAropasuparNamena\-
mupAsate yogarathena dhIrAH || 29||
na yasya kashchAtititarti mAyAM
yayA jano muhyati veda nArtham |
taM nirjitAtmA.a.atmaguNaM pareshaM
namAma bhUteShu samaM charantam || 30||
ime vayaM yatpriyayaiva tanvA
sattvena sR^iShTA bahirantarAviH |
gatiM na sUkShmAmR^iShayashcha vidmahe
kuto.asurAdyA itarapradhAnAH || 31||
pAdau mahIyaM svakR^itaiva yasya
chaturvidho yatra hi bhUtasargaH |
sa vai mahApUruSha AtmatantraH
prasIdatAM brahma mahAvibhUtiH || 32||
ambhastu yadreta udAravIryaM
sidhyanti jIvantyuta vardhamAnAH |
lokAstrayo.athAkhilalokapAlAH
prasIdatAM brahma mahAvibhUtiH || 33||
somaM mano yasya samAmananti
divaukasAM vai balamandha AyuH |
Isho nagAnAM prajanaH prajAnAM
prasIdatAM naH sa mahAvibhUtiH || 34||
agnirmukhaM yasya tu jAtavedA
jAtaH kriyAkANDanimittajanmA |
antaHsamudre.anupachan svadhAtUn
prasIdatAM naH sa mahAvibhUtiH || 35||
yachchakShurAsIttaraNirdevayAnaM
trayImayo brahmaNa eSha dhiShNyam |
dvAraM cha mukteramR^itaM cha mR^ityuH
prasIdatAM naH sa mahAvibhUtiH || 36||
prANAdabhUdyasya charAcharANAM
prANaH saho balamojashcha vAyuH |
anvAsma samrAjamivAnugA vayaM
prasIdatAM naH sa mahAvibhUtiH || 37||
shrotrAddisho yasya hR^idashcha khAni
prajaj~nire khaM puruShasya nAbhyAH |
prANendriyAtmAsusharIraketaM
prasIdatAM naH sa mahAvibhUtiH || 38||
balAnmahendrastridashAH prasAdA\-
nmanyorgirIsho dhiShaNAdviri~nchaH |
khebhyashcha ChandAMsyR^iShayo meDhrataH kaH
prasIdatAM naH sa mahAvibhUtiH || 39||
shrIrvakShasaH pitarashChAyayA.a.asan
dharmaH stanAditaraH pR^iShThato.abhUt |
dyauryasya shIrShNo.apsaraso vihArA\-
tprasIdatAM naH sa mahAvibhUtiH || 40||
vipro mukhaM brahma cha yasya guhyaM
rAjanya AsIdbhujayorbalaM cha |
UrvorviDo.ajo.a~NghriravedashUdrau
prasIdatAM naH sa mahAvibhUtiH || 41||
lobho.adharAtprItiruparyabhUddyuti\-
rnastaH pashavyaH sparshena kAmaH |
bhruvoryamaH pakShmabhavastu kAlaH
prasIdatAM naH sa mahAvibhUtiH || 42||
dravyaM vayaH karma guNAn visheShaM
yadyogamAyAvihitAn vadanti |
yaddurvibhAvyaM prabudhApabAdhaM
prasIdatAM naH sa mahAvibhUtiH || 43||
namo.astu tasmA upashAntashaktaye
svArAjyalAbhapratipUritAtmane |
guNeShu mAyArachiteShu vR^ittibhi\-
rnasajjamAnAya nabhasvadUtaye || 44||
sa tvaM no darshayAtmAnamasmatkaraNagocharam |
prapannAnAM didR^ikShUNAM sasmitaM te mukhAmbujam || 45||
taistaiH svechChAdhR^itai rUpaiH kAle kAle svayaM vibho |
karma durviShahaM yanno bhagavAMstatkaroti hi || 46||
kleshabhUryalpasArANi karmANi viphalAni vA |
dehinAM viShayArtAnAM na tathaivArpitaM tvayi || 47||
nAvamaH karmakalpo.api viphalAyeshvarArpitaH |
kalpate puruShasyaiSha sa hyAtmA dayito hitaH || 48||
yathA hi skandhashAkhAnAM tarormUlAvasechanam |
evamArAdhanaM viShNoH sarveShAmAtmanashcha hi || 49||
namastubhyamanantAya durvitarkyAtmakarmaNe |
nirguNAya guNeshAya sattvasthAya cha sAmpratam || 50||
iti shrImadbhAgavate mahApurANe pAramahaMsyAM saMhitAyAM
aShTamaskandhe amR^itamathane pa~nchamo.adhyAyaH || 5||
\iti
\section{.. OM namo bhagavate vAsudevAya ..}
\section{.. ShaShTho.adhyAyaH \- 6 ..}
shrIshuka uvAcha
evaM stutaH suragaNairbhagavAn harirIshvaraH |
teShAmAvirabhUdrAjan sahasrArkodayadyutiH || 1||
tenaiva mahasA sarve devAH pratihatekShaNAH |
nApashyan khaM dishaH kShoNImAtmAnaM cha kuto vibhum || 2||
viri~ncho bhagavAn dR^iShTvA saha sharveNa tAM tanum |
svachChAM marakatashyAmAM ka~njagarbhAruNekShaNAm || 3||
taptahemAvadAtena lasatkausheyavAsasA |
prasannachArusarvA~NgIM sumukhIM sundarabhruvam || 4||
mahAmaNikirITena keyUrAbhyAM cha bhUShitAm |
karNAbharaNanirbhAtakapolashrImukhAmbujAm || 5||
kA~nchIkalApavalayahAranUpurashobhitAm |
kaustubhAbharaNAM lakShmIM bibhratIM vanamAlinIm || 6||
sudarshanAdibhiH svAstrairmUrtimadbhirupAsitAm |
tuShTAva devapravaraH sasharvaH puruShaM param |
sarvAmaragaNaiH sAkaM sarvA~NgairavaniM gataiH || 7||
brahmovAcha
ajAtajanmasthitisaMyamAyA\-
guNAyanirvANasukhArNavAya |
aNoraNimne.aparigaNyadhAmne
mahAnubhAvAya namo namaste || 8||
rUpaM tavaitatpuruSharShabhejyaM
shreyo.arthibhirvaidikatAntrikeNa |
yogena dhAtaH saha nastrilokAn
pashyAmyamuShminnu ha vishvamUrtau || 9||
tvayyagra AsIttvayi madhya AsI\-
ttvayyanta AsIdidamAtmatantre |
tvamAdiranto jagato.asya madhyaM
ghaTasya mR^itsneva paraH parasmAt || 10||
tvaM mAyayA.a.atmA.a.ashrayayA svayedaM
nirmAya vishvaM tadanupraviShTaH |
pashyanti yuktA manasA manIShiNo
guNavyavAye.apyaguNaM vipashchitaH || 11||
yathAgnimedhasyamR^itaM cha goShu
bhuvyannamambUdyamane cha vR^ittim |
yogairmanuShyA adhiyanti hi tvAM
guNeShu bud.hdhyA kavayo vadanti || 12||
taM tvAM vayaM nAtha samujjihAnaM
sarojanAbhAtichirepsitArtham |
dR^iShTvA gatA nirvR^itamadya sarve
gajA davArtA iva gA~NgamambhaH || 13||
sa tvaM vidhatsvAkhilalokapAlA
vayaM yadarthAstava pAdamUlam |
samAgatAste bahirantarAtman
kiM vAnyavij~nApyamasheShasAkShiNaH || 14||
ahaM giritrashcha surAdayo ye
dakShAdayo.agneriva ketavaste |
kiM vA vidAmesha pR^ithagvibhAtA
vidhatsva shaM no dvijadevamantram || 15||
shrIshuka uvAcha
evaM viri~nchAdibhirIDitasta\-
dvij~nAya teShAM hR^idayaM yathaiva |
jagAda jImUtagabhIrayA girA
baddhA~njalIn saMvR^itasarvakArakAn || 16||
eka eveshvarastasmin surakArye sureshvaraH |
vihartukAmastAnAha samudronmathanAdibhiH || 17||
shrIbhagavAnuvAcha
hanta brahmannaho shambho he devA mama bhAShitam |
shR^iNutAvahitAH sarve shreyo vaH syAdyathA surAH || 18||
yAta dAnavadaiteyaistAvatsandhirvidhIyatAm |
kAlenAnugR^ihItaistairyAvadvo bhava AtmanaH || 19||
arayo.api hi sandheyAH sati kAryArthagaurave |
ahimUShikavaddevA hyarthasya padavIM gataiH || 20||
amR^itotpAdane yatnaH kriyatAmavilambitam |
yasya pItasya vai janturmR^ityugrasto.amaro bhavet || 21||
kShiptvA kShIrodadhau sarvA vIruttR^iNalatauShadhIH |
manthAnaM mandaraM kR^itvA netraM kR^itvA tu vAsukim || 22||
sahAyena mayA devA nirmanthadhvamatandritAH |
kleshabhAjo bhaviShyanti daityA yUyaM phalagrahAH || 23||
yUyaM tadanumodadhvaM yadichChantyasurAH surAH |
na saMrambheNa sidhyanti sarve.arthAH sAntvayA yathA || 24||
na bhetavyaM kAlakUTAdviShAjjaladhisambhavAt |
lobhaH kAryo na vo jAtu roShaH kAmastu vastuShu || 25||
shrIshuka uvAcha
iti devAn samAdishya bhagavAn puruShottamaH |
teShAmantardadhe rAjan svachChandagatirIshvaraH || 26||
atha tasmai bhagavate namaskR^itya pitAmahaH |
bhavashcha jagmatuH svaM svaM dhAmopeyurbaliM surAH || 27||
dR^iShTvArInapyasaMyattAn jAtakShobhAn svanAyakAn |
nyaShedhaddaityarAT shlokyaH sandhivigrahakAlavit || 28||
te vairochanimAsInaM guptaM chAsurayUthapaiH |
shriyA paramayA juShTaM jitAsheShamupAgaman || 29||
mahendraH shlakShNayA vAchA sAntvayitvA mahAmatiH |
abhyabhAShata tatsarvaM shikShitaM puruShottamAt || 30||
tadarochata daityasya tatrAnye ye.asurAdhipAH |
shambaro.ariShTanemishcha ye cha tripuravAsinaH || 31||
tato devAsurAH kR^itvA saMvidaM kR^itasauhR^idAH |
udyamaM paramaM chakruramR^itArthe parantapa || 32||
tataste mandaragirimojasotpATya durmadAH |
nadanta udadhiM ninyuH shaktAH parighabAhavaH || 33||
dUrabhArodvahashrAntAH shakravairochanAdayaH |
apArayantastaM voDhuM vivashA vijahuH pathi || 34||
nipatan sa giristatra bahUnamaradAnavAn |
chUrNayAmAsa mahatA bhAreNa kanakAchalaH || 35||
stathA bhagnamanaso bhagnabAhUrukandharAn |
vij~nAya bhagavAMstatra babhUva garuDadhvajaH || 36||
giripAtaviniShpiShTAn vilokyAmaradAnavAn |
IkShayA jIvayAmAsa nirjarAn nirvraNAn yathA || 37||
giriM chAropya garuDe hastenaikena lIlayA |
Aruhya prayayAvabdhiM surAsuragaNairvR^itaH || 38||
avaropya giriM skandhAtsuparNaH patatAM varaH |
yayau jalAnta utsR^ijya hariNA sa visarjitaH || 39||
iti shrImadbhAgavate mahApurANe pAramahaMsyAM saMhitAyAM aShTamaskandhe
amR^itamathane mandarAchalAnayanaM nAma ShaShTho.adhyAyaH || 6||
\iti
\section{.. OM namo bhagavate vAsudevAya ..}
\section{.. saptamo.adhyAyaH \- 7 ..}
shrIshuka uvAcha
te nAgarAjamAmantrya phalabhAgena vAsukim |
parivIya girau tasmin netramabdhiM mudAnvitAH || 1||
Arebhire susaMyattA amR^itArthe kurUdvaha |
hariH purastAjjagR^ihe pUrvaM devAstato.abhavan || 2||
tannaichChan daityapatayo mahApuruShacheShTitam |
na gR^ihNImo vayaM puchChamahera~Ngamama~Ngalam || 3||
svAdhyAyashrutasampannAH prakhyAtA janmakarmabhiH |
iti tUShNIM sthitAn daityAn vilokya puruShottamaH |
smayamAno visR^ijyAgraM puchChaM jagrAha sAmaraH || 4||
kR^itasthAnavibhAgAsta evaM kashyapanandanAH |
mamanthuH paramAyattA amR^itArthaM payonidhim || 5||
mathyamAne.arNave so.adriranAdhAro hyapo.avishat |
dhriyamANo.api balibhirgauravAtpANDunandana || 6||
te sunirviNNamanasaH parimlAnamukhashriyaH |
Asan svapauruShe naShTe daivenAtibalIyasA || 7||
vilokya vighneshavidhiM tadeshvaro
durantavIryo.avitathAbhisandhiH |
kR^itvA vapuH kAchChapamadbhutaM mahat
pravishya toyaM girimujjahAra || 8||
tamutthitaM vIkShya kulAchalaM punaH
samudyatA nirmathituM surAsurAH |
dadhAra pR^iShThena sa lakShayojana\-
prastAriNA dvIpa ivAparo mahAn || 9||
surAsurendrairbhujavIryavepitaM
paribhramantaM girima~Nga pR^iShThataH |
bibhrattadAvartanamAdikachChapo
mene.a~NgakaNDUyanamaprameyaH || 10||
tathAsurAnAvishadAsureNa
rUpeNa teShAM balavIryamIrayan |
uddIpayan devagaNAMshcha viShNu\-
rdaivena nAgendramabodharUpaH || 11||
uparyagendraM girirADivAnya
Akramya hastena sahasrabAhuH |
tasthau divi brahmabhavendramukhyai\-
rabhiShTuvadbhiH sumano.abhivR^iShTaH || 12||
uparyadhashchAtmani gotranetrayoH
pareNa te prAvishatA samedhitAH |
mamanthurabdhiM tarasA madotkaTA
mahAdriNA kShobhitanakrachakram || 13||
ahIndrasAhasrakaThoradR^i~Nmukha\-
shvAsAgnidhUmAhatavarchaso.asurAH |
paulomakAleyabalIlvalAdayo
davAgnidagdhAH saralA ivAbhavan || 14||
devAMshcha tachChvAsashikhAhataprabhAn
dhUmrAmbarasragvaraka~nchukAnanAn |
samabhyavarShan bhagavadvashA ghanA
vavuH samudrormyupagUDhavAyavaH || 15||
mathyamAnAttathA sindhordevAsuravarUthapaiH |
yadA sudhA na jAyeta nirmamanthAjitaH svayam || 16||
meghashyAmaH kanakaparidhiH karNavidyotavidyu\-
nmUrdhni bhrAjadvilulitakachaH sragdharo raktanetraH |
jaitrairdorbhirjagadabhayadairdandashUkaM gR^ihItvA
mathnan mathnA pratigiririvAshobhatAtho dhR^itAdriH || 17||
nirmathyamAnAdudadherabhUdviShaM
maholbaNaM hAlahalAhvamagrataH |
sambhrAntamInonmakarAhikachChapA\-
ttimidvipagrAhatimi~NgilAkulAt || 18||
tadugravegaM dishi dishyuparyadho
visarpadutsarpadasahyamaprati |
bhItAH prajA dudruvura~Nga seshvarA
arakShyamANAH sharaNaM sadAshivam || 19||
vilokya taM devavaraM trilokyA
bhavAya devyAbhimataM munInAm |
AsInamadrAvapavargaheto\-
stapo juShANaM stutibhiH praNemuH || 20||
prajApataya UchuH
devadeva mahAdeva bhUtAtman bhUtabhAvana |
trAhi naH sharaNApannAMstrailokyadahanAdviShAt || 21||
tvamekaH sarvajagata Ishvaro bandhamokShayoH |
taM tvAmarchanti kushalAH prapannArtiharaM gurum || 22||
guNamayyA svashaktyAsya sargasthityapyayAn vibho |
dhatse yadA svadR^igbhUman brahmaviShNushivAbhidhAm || 23||
tvaM brahma paramaM guhyaM sadasadbhAvabhAvanaH |
nAnAshaktibhirAbhAtastvamAtmA jagadIshvaraH || 24||
tvaM shabdayonirjagadAdirAtmA
prANendriyadravyaguNasvabhAvaH |
kAlaH kratuH satyamR^itaM cha dharma\-
stvayyakSharaM yattrivR^idAmananti || 25||
agnirmukhaM te.akhiladevatA.a.atmA
kShitiM vidurlokabhavA~Nghripa~Nkajam |
kAlaM gatiM te.akhiladevatA.a.atmano
dishashcha karNau rasanaM jalesham || 26||
nAbhirnabhaste shvasanaM nabhasvAn
sUryashcha chakShUMShi jalaM sma retaH |
parAvarAtmAshrayaNaM tavAtmA
somo mano dyaurbhagavan shiraste || 27||
kukShiH samudrA girayo.asthisa~NghA
romANi sarvauShadhivIrudhaste |
ChandAMsi sAkShAttava saptadhAtava\-
strayImayAtman hR^idayaM sarvadharmaH || 28||
mukhAni pa~nchopaniShadastavesha
yaistriMshadaShTottaramantravargaH |
yattachChivAkhyaM paramArthatattvaM
deva svaya~njyotiravasthitiste || 29||
ChAyA tvadharmormiShu yairvisargo
netratrayaM sattvarajastamAMsi |
sA~NkhyAtmanaH shAstrakR^itastavekShA
Chandomayo deva R^iShiH purANaH || 30||
na te giritrAkhilalokapAla\-
viri~nchavaikuNThasurendragamyam |
jyotiH paraM yatra rajastamashcha
sattvaM na yadbrahma nirastabhedam || 31||
kAmAdhvaratripurakAlagarAdyaneka\-
bhUtadruhaH kShapayataH stutaye na tatte |
yastvantakAla idamAtmakR^itaM svanetra\-
vahnisphuli~NgashikhayA bhasitaM na veda || 32||
ye tvAtmarAmagurubhirhR^idi chintitA~Nghri\-
dvandvaM charantamumayA tapasAbhitaptam |
katthanta ugrapuruShaM nirataM shmashAne
te nUnamUtimavidaMstava hAtalajjAH || 33||
tattasya te sadasatoH parataH parasya
nA~njaH svarUpagamane prabhavanti bhUmnaH |
brahmAdayaH kimuta saMstavane vayaM tu
tatsargasargaviShayA api shaktimAtram || 34||
etatparaM prapashyAmo na paraM te maheshvara |
mR^iDanAya hi lokasya vyaktiste.avyaktakarmaNaH || 35||
shrIshuka uvAcha
tadvIkShya vyasanaM tAsAM kR^ipayA bhR^ishapIDitaH |
sarvabhUtasuhR^iddeva idamAha satIM priyAm || 36||
shiva uvAcha
aho bata bhavAnyetatprajAnAM pashya vaishasam |
kShIrodamathanodbhUtAtkAlakUTAdupasthitam || 37||
AsAM prANaparIpsUnAM vidheyamabhayaM hi me |
etAvAn hi prabhorartho yaddInaparipAlanam || 38||
prANaiH svaiH prANinaH pAnti sAdhavaH kShaNabha~NguraiH |
baddhavaireShu bhUteShu mohiteShvAtmamAyayA || 39||
puMsaH kR^ipayato bhadre sarvAtmA prIyate hariH |
prIte harau bhagavati prIye.ahaM sacharAcharaH |
tasmAdidaM garaM bhu~nje prajAnAM svastirastu me || 40||
shrIshuka uvAcha
evamAmantrya bhagavAn bhavAnIM vishvabhAvanaH |
tadviShaM jagdhumArebhe prabhAvaj~nAnvamodata || 41||
tataH karatalIkR^itya vyApi hAlAhalaM viSham |
abhakShayanmahAdevaH kR^ipayA bhUtabhAvanaH || 42||
(hara hara namaH pArvatIpataye hara hara mahAdeva)
tasyApi darshayAmAsa svavIryaM jalakalmaShaH |
yachchakAra gale nIlaM tachcha sAdhorvibhUShaNam || 43||
tapyante lokatApena sAdhavaH prAyasho janAH |
paramArAdhanaM taddhi puruShasyAkhilAtmanaH || 44||
nishamya karma tachChambhordevadevasya mIDhuShaH |
prajA dAkShAyaNI brahmA vaikuNThashcha shashaMsire || 45||
praskannaM pibataH pANeryatki~nchijjagR^ihuH sma tat |
vR^ishchikAhiviShauShadhyo dandashUkAshcha ye.apare || 46||
iti shrImadbhAgavate mahApurANe pAramahaMsyAM samhitAyAM
aShTamaskandhe amR^itamathane saptamo.adhyAyaH || 7||
\iti
\section{.. OM namo bhagavate vAsudevAya ..}
\section{.. aShTamo.adhyAyaH \- 8 ..}
shrIshuka uvAcha
pIte gare vR^iShA~NkeNa prItAste.amaradAnavAH |
mamanthustarasA sindhuM havirdhAnI tato.abhavat || 1||
tAmagnihotrImR^iShayo jagR^ihurbrahmavAdinaH |
yaj~nasya devayAnasya medhyAya haviShe nR^ipa || 2||
tata uchchaiHshravA nAma hayo.abhUchchandrapANDuraH |
tasmin baliH spR^ihAM chakre nendra IshvarashikShayA || 3||
tata airAvato nAma vAraNendro vinirgataH |
dantaishchaturbhiH shvetAdrerharan bhagavato mahim || 4||
(airAvaNAdayastvaShTau diggajA abhavaMstataH |
abhraprabhR^itayo.aShTau cha kariNyastvabhavan nR^ipa ||)
kaustubhAkhyamabhUdratnaM padmarAgo mahodadheH |
tasmin hariH spR^ihAM chakre vakSho.ala~NkaraNe maNau || 5||
tato.abhavatpArijAtaH suralokavibhUShaNam |
pUrayatyarthino yo.arthaiH shashvadbhuvi yathA bhavAn || 6||
tatashchApsaraso jAtA niShkakaNThyaH suvAsasaH |
ramaNyaH svargiNAM valgugatilIlAvalokanaiH || 7||
tatashchAvirabhUtsAkShAchChrI ramA bhagavatparA |
ra~njayantI dishaH kAntyA vidyutsaudAmanI yathA || 8||
tasyAM chakruH spR^ihAM sarve sasurAsuramAnavAH |
rUpaudAryavayovarNamahimAkShiptachetasaH || 9||
tasyA AsanamAninye mahendro mahadadbhutam |
mUrtimatyaH sarichChreShThA hemakumbhairjalaM shuchi || 10||
AbhiShechanikA bhUmirAharatsakalauShadhIH |
gAvaH pa~ncha pavitrANi vasanto madhumAdhavau || 11||
R^iShayaH kalpayA~nchakrurabhiShekaM yathAvidhi |
jagurbhadrANi gandharvA naTyashcha nanR^iturjaguH || 12||
meghA mR^ida~NgapaNavamurajAnakagomukhAn |
vyanAdayan sha~NkhaveNuvINAstumulaniHsvanAn || 13||
tato.abhiShiShichurdevIM shriyaM padmakarAM satIm |
digibhAH pUrNakalashaiH sUktavAkyairdvijeritaiH || 14||
samudraH pItakausheyavAsasI samupAharat |
varuNaH srajaM vaijayantIM madhunA mattaShaTpadAm || 15||
bhUShaNAni vichitrANi vishvakarmA prajApatiH |
hAraM sarasvatI padmamajo nAgAshcha kuNDale || 16||
tataH kR^itasvastyayanotpalasrajaM
nadaddvirephAM parigR^ihya pANinA |
chachAla vaktraM sukapolakuNDalaM
savrIDahAsaM dadhatI sushobhanam || 17||
stanadvayaM chAtikR^ishodarI samaM
nirantaraM chandanaku~NkumokShitam |
tatastato nUpuravalgushi~njitai\-
rvisarpatI hemalateva sA babhau || 18||
vilokayantI niravadyamAtmanaH
padaM dhruvaM chAvyabhichArisadguNam |
gandharvayakShAsurasiddhachAraNa\-
traiviShTapeyAdiShu nAnvavindata || 19||
nUnaM tapo yasya na manyunirjayo
j~nAnaM kvachittachcha na sa~Ngavarjitam |
kashchinmahAMstasya na kAmanirjayaH
sa IshvaraH kiM parato vyapAshrayaH || 20||
dharmaH kvachittatra na bhUtasauhR^idaM
tyAgaH kvachittatra na muktikAraNam |
vIryaM na puMso.astyajaveganiShkR^itaM
na hi dvitIyo guNasa~NgavarjitaH || 21||
kvachichchirAyurna hi shIlama~NgalaM
kvachittadapyasti na vedyamAyuShaH |
yatrobhayaM kutra cha so.apyama~NgalaH
suma~NgalaH kashcha na kA~NkShate hi mAm || 22||
evaM vimR^ishyAvyabhichArisadguNai\-
rvaraM nijaikAshrayatAguNAshrayam |
vavre varaM sarvaguNairapekShitaM
ramA mukundaM nirapekShamIpsitam || 23||
tasyAMsadesha ushatIM navaka~njamAlAM
mAdyanmadhuvratavarUthagiropaghuShTAm |
tasthau nidhAya nikaTe taduraH svadhAma
savrIDahAsavikasannayanena yAtA || 24||
tasyAH shriyastrijagato janako jananyA
vakShonivAsamakarotparamaM vibhUteH |
shrIH svAH prajAH sakaruNena nirIkShaNena
yatra sthitaidhayata sAdhipatIMstrilokAn || 25||
sha~NkhatUryamR^ida~NgAnAM vAditrANAM pR^ithuH svanaH |
devAnugAnAM sastrINAM nR^ityatAM gAyatAmabhUt || 26||
brahmarudrA~NgiromukhyAH sarve vishvasR^ijo vibhum |
IDire.avitathairmantraistalli~NgaiH puShpavarShiNaH || 27||
shriyA vilokitA devAH saprajApatayaH prajAH |
shIlAdiguNasampannA lebhire nirvR^itiM parAm || 28||
niHsattvA lolupA rAjan nirudyogA gatatrapAH |
yadA chopekShitA lakShmyA babhUvurdaityadAnavAH || 29||
athAsIdvAruNI devI kanyA kamalalochanA |
asurA jagR^ihustAM vai hareranumatena te || 30||
athodadhermathyamAnAtkAshyapairamR^itArthibhiH |
udatiShThanmahArAja puruShaH paramAdbhutaH || 31||
dIrghapIvaradordaNDaH kambugrIvo.aruNekShaNaH |
shyAmalastaruNaH sragvI sarvAbharaNabhUShitaH || 32||
pItavAsA mahoraskaH sumR^iShTamaNikuNDalaH |
snigdhaku~nchitakeshAntaH subhagaH siMhavikramaH || 33||
amR^itApUrNakalashaM bibhradvalayabhUShitaH |
sa vai bhagavataH sAkShAdviShNoraMshAMshasambhavaH || 34||
dhanvantaririti khyAta AyurvedadR^igijyabhAk |
tamAlokyAsurAH sarve kalashaM chAmR^itAbhR^itam || 35||
lipsantaH sarvavastUni kalashaM tarasAharan |
nIyamAne.asuraistasmin kalashe.amR^itabhAjane || 36||
viShaNNamanaso devA hariM sharaNamAyayuH |
iti taddainyamAlokya bhagavAn bhR^ityakAmakR^it |
mA khidyata mitho.arthaM vaH sAdhayiShye svamAyayA || 37||
mithaH kalirabhUtteShAM tadarthe tarShachetasAm |
ahaM pUrvamahaM pUrvaM na tvaM na tvamiti prabho || 38||
devAH svaM bhAgamarhanti ye tulyAyAsahetavaH |
satrayAga ivaitasminneSha dharmaH sanAtanaH || 39||
iti svAn pratyaShedhan vai daiteyA jAtamatsarAH |
durbalAH prabalAn rAjan gR^ihItakalashAn muhuH || 40||
etasminnantare viShNuH sarvopAyavidIshvaraH |
yoShidrUpamanirdeshyaM dadhAra paramAdbhutam || 41||
prekShaNIyotpalashyAmaM sarvAvayavasundaram |
samAnakarNAbharaNaM sukapolonnasAnanam || 42||
navayauvananirvR^ittastanabhArakR^ishodaram |
mukhAmodAnuraktAli jha~NkArodvignalochanam || 43||
bibhratsvakeshabhAreNa mAlAmutphullamallikAm |
sugrIvakaNThAbharaNaM subhujA~NgadabhUShitam || 44||
virajAmbarasaMvItanitambadvIpashobhayA |
kA~nchyA pravilasadvalguchalachcharaNanUpuram || 45||
savrIDasmitavikShiptabhrUvilAsAvalokanaiH |
daityayUthapachetaHsu kAmamuddIpayan muhuH || 46||
iti shrImadbhAgavate mahApurANe pAramahaMsyAM saMhitAyAM
aShTamaskandhe bhagavanmAyopalambhanaM nAmAShTamo.adhyAyaH || 8||
\iti
\section{.. OM namo bhagavate vAsudevAya ..}
\section{.. navamo.adhyAyaH \- 9 ..}
shrIshuka uvAcha
te.anyonyato.asurAH pAtraM harantastyaktasauhR^idAH |
kShipanto dasyudharmANa AyAntIM dadR^ishuH striyam || 1||
aho rUpamaho dhAma aho asyA navaM vayaH |
iti te tAmabhidrutya paprachChurjAtahR^ichChayAH || 2||
kA tvaM ka~njapalAshAkShi kuto vA kiM chikIrShasi |
kasyAsi vada vAmoru mathnantIva manAMsi naH || 3||
na vayaM tvAmarairdaityaiH siddhagandharvachAraNaiH |
nAspR^iShTapUrvAM jAnImo lokeshaishcha kuto nR^ibhiH || 4||
nUnaM tvaM vidhinA subhrUH preShitAsi sharIriNAm |
sarvendriyamanaHprItiM vidhAtuM saghR^iNena kim || 5||
sA tvaM naH spardhamAnAnAmekavastuni mAnini |
j~nAtInAM baddhavairANAM shaM vidhatsva sumadhyame || 6||
vayaM kashyapadAyAdA bhrAtaraH kR^itapauruShAH |
vibhajasva yathAnyAyaM naiva bhedo yathA bhavet || 7||
ityupAmantrito daityairmAyAyoShidvapurhariH |
prahasya ruchirApA~NgairnirIkShannidamabravIt || 8||
shrIbhagavAnuvAcha
kathaM kashyapadAyAdAH puMshchalyAM mayi sa~NgatAH |
vishvAsaM paNDito jAtu kAminIShu na yAti hi || 9||
sAlAvR^ikANAM strINAM cha svairiNInAM suradviShaH |
sakhyAnyAhuranityAni nUtnaM nUtnaM vichinvatAm || 10||
shrIshuka uvAcha
iti te kShvelitaistasyA Ashvastamanaso.asurAH |
jahasurbhAvagambhIraM dadushchAmR^itabhAjanam || 11||
tato gR^ihItvAmR^itabhAjanaM hari\-
rbabhASha IShatsmitashobhayA girA |
yadyabhyupetaM kva cha sAdhvasAdhu vA
kR^itaM mayA vo vibhaje sudhAmimAm || 12||
ityabhivyAhR^itaM tasyA AkarNyAsurapu~NgavAH |
apramANavidastasyAstattathetyanvamaMsata || 13||
athopoShya kR^itasnAnA hutvA cha haviShAnalam |
dattvA goviprabhUtebhyaH kR^itasvastyayanA dvijaiH || 14||
yathopajoShaM vAsAMsi paridhAyAhatAni te |
kusheShu prAvishan sarve prAgagreShvabhibhUShitAH || 15||
prA~NmukheShUpaviShTeShu sureShu ditijeShu cha |
dhUpAmoditashAlAyAM juShTAyAM mAlyadIpakaiH || 16||
tasyAM narendra karabhorurushaddukUla\-
shroNItaTAlasagatirmadavihvalAkShI |
sA kUjatI kanakanUpurashi~njitena
kumbhastanI kalashapANirathAvivesha || 17||
tAM shrIsakhIM kanakakuNDalachArukarNa\-
nAsAkapolavadanAM paradevatAkhyAm |
saMvIkShya sammumuhurutsmitavIkShaNena
devAsurA vigalitastanapaTTikAntAm || 18||
asurANAM sudhAdAnaM sarpANAmiva durnayam |
matvA jAtinR^ishaMsAnAM na tAM vyabhajadachyutaH || 19||
kalpayitvA pR^ithak pa~NktIrubhayeShAM jagatpatiH |
tAMshchopaveshayAmAsa sveShu sveShu cha pa~NktiShu || 20||
daityAn gR^ihItakalasho va~nchayannupasa~ncharaiH |
dUrasthAn pAyayAmAsa jarAmR^ityuharAM sudhAm || 21||
te pAlayantaH samayamasurAH svakR^itaM nR^ipa |
tUShNImAsan kR^itasnehAH strIvivAdajugupsayA || 22||
tasyAM kR^itAtipraNayAH praNayApAyakAtarAH |
bahumAnena chAbaddhA nochuH ki~nchana vipriyam || 23||
devali~NgapratichChannaH svarbhAnurdevasaMsadi |
praviShTaH somamapibachchandrArkAbhyAM cha sUchitaH || 24||
chakreNa kShuradhAreNa jahAra pibataH shiraH |
haristasya kabandhastu sudhayA.a.aplAvito.apatat || 25||
shirastvamaratAM nItamajo grahamachIkLLipat |
yastu parvaNi chandrArkAvabhidhAvati vairadhIH || 26||
pItaprAye.amR^ite devairbhagavAn lokabhAvanaH |
pashyatAmasurendrANAM svaM rUpaM jagR^ihe hariH || 27||
evaM surAsuragaNAH samadeshakAla\-
hetvarthakarmamatayo.api phale vikalpAH |
tatrAmR^itaM suragaNAH phalama~njasA.a.apu\-
ryatpAdapa~NkajarajaHshrayaNAnna daityAH || 28||
yadyujyate.asuvasukarmamanovachobhi\-
rdehAtmajAdiShu nR^ibhistadasatpR^ithaktvAt |
taireva sadbhavati yatkriyate.apR^ithaktvAt
sarvasya tadbhavati mUlaniShechanaM yat || 29||
iti shrImadbhAgavate mahApurANe pAramahaMsyAM saMhitAyAM
aShTamaskandhe amR^itamathane navamo.adhyAyaH || 9||
\iti
\section{.. OM namo bhagavate vAsudevAya ..}
\section{.. dashamo.adhyAyaH \- 10 ..}
shrIshuka uvAcha
iti dAnavadaiteyA nAvindannamR^itaM nR^ipa |
yuktAH karmaNi yattAshcha vAsudevaparA~NmukhAH || 1||
sAdhayitvAmR^itaM rAjan pAyayitvA svakAn surAn |
pashyatAM sarvabhUtAnAM yayau garuDavAhanaH || 2||
sapatnAnAM parAmR^iddhiM dR^iShTvA te ditinandanAH |
amR^iShyamANA utpeturdevAn pratyudyatAyudhAH || 3||
tataH suragaNAH sarve sudhayA pItayaidhitAH |
pratisaMyuyudhuH shastrairnArAyaNapadAshrayAH || 4||
tatra daivAsuro nAma raNaH paramadAruNaH |
rodhasyudanvato rAjaMstumulo romaharShaNaH || 5||
tatrAnyonyaM sapatnAste saMrabdhamanaso raNe |
samAsAdyAsibhirbANairnijaghnurvividhAyudhaiH || 6||
sha~NkhatUryamR^ida~NgAnAM bherIDamariNAM mahAn |
hastyashvarathapattInAM nadatAM niHsvano.abhavat || 7||
rathino rathibhistatra pattibhiH saha pattayaH |
hayA hayairibhAshchebhaiH samasajjanta saMyuge || 8||
uShTraiH kechidibhaiH kechidapare yuyudhuH kharaiH |
kechidgauramukhairR^ikShairdvIpibhirharibhirbhaTAH || 9||
gR^idhraiH ka~Nkairbakairanye shyenabhAsaistimi~NgilaiH |
sharabhairmahiShaiH khaDgairgovR^iShairgavayAruNaiH || 10||
shivAbhirAkhubhiH kechitkR^ikalAsaiH shashairnaraiH |
bastaireke kR^iShNasArairhaMsairanye cha sUkaraiH || 11||
anye jalasthalakhagaiH sattvairvikR^itavigrahaiH |
senayorubhayo rAjan vivishuste.agrato.agrataH || 12||
chitradhvajapaTai rAjannAtapatraiH sitAmalaiH |
mahAdhanairvajradaNDairvyajanairbArhachAmaraiH || 13||
vAtoddhUtottaroShNIShairarchirbhirvarmabhUShaNaiH |
sphuradbhirvishadaiH shastraiH sutarAM sUryarashmibhiH || 14||
devadAnavavIrANAM dhvajinyau pANDunandana |
rejaturvIramAlAbhiryAdasAmiva sAgarau || 15||
vairochano baliH sa~Nkhye so.asurANAM chamUpatiH |
yAnaM vaihAyasaM nAma kAmagaM mayanirmitam || 16||
sarvasA~NgrAmikopetaM sarvAshcharyamayaM prabho |
apratarkyamanirdeshyaM dR^ishyamAnamadarshanam || 17||
AsthitastadvimAnAgryaM sarvAnIkAdhipairvR^itaH |
vAlavyajanaChatrAgryai reje chandra ivodaye || 18||
tasyAsan sarvato yAnairyUthAnAM patayo.asurAH |
namuchiH shambaro bANo viprachittirayomukhaH || 19||
dvimUrdhA kAlanAbho.atha prahetirhetirilvalaH |
shakunirbhUtasantApo vajradaMShTro virochanaH || 20||
hayagrIvaH sha~NkushirAH kapilo meghadundubhiH |
tArakashchakradR^ik shumbho nishumbho jambha utkalaH || 21||
ariShTo.ariShTanemishcha mayashcha tripurAdhipaH |
anye paulomakAleyA nivAtakavachAdayaH || 22||
alabdhabhAgAH somasya kevalaM kleshabhAginaH |
sarva ete raNamukhe bahusho nirjitAmarAH || 23||
siMhanAdAn vimu~nchantaH sha~NkhAn dadhmurmahAravAn |
dR^iShTvA sapatnAnutsiktAn balabhitkupito bhR^isham || 24||
airAvataM dikkariNamArUDhaH shushubhe svarAT |
yathA sravatprasravaNamudayAdrimaharpatiH || 25||
tasyAsan sarvato devA nAnAvAhadhvajAyudhAH |
lokapAlAH saha gaNairvAyvagnivaruNAdayaH || 26||
te.anyonyamabhisaMsR^itya kShipanto marmabhirmithaH |
Ahvayanto vishanto.agre yuyudhurdvandvayodhinaH || 27||
yuyodha balirindreNa tArakeNa guho.asyata |
varuNo hetinAyudhyanmitro rAjan prahetinA || 28||
yamastu kAlanAbhena vishvakarmA mayena vai |
shambaro yuyudhe tvaShTrA savitrA tu virochanaH || 29||
aparAjitena namuchirashvinau vR^iShaparvaNA |
sUryo balisutairdevo bANajyeShThaiH shatena cha || 30||
rAhuNA cha tathA somaH pulomnA yuyudhe.anilaH |
nishumbhashumbhayordevI bhadrakAlI tarasvinI || 31||
vR^iShAkapistu jambhena mahiSheNa vibhAvasuH |
ilvalaH saha vAtApirbrahmaputrairarindama || 32||
kAmadevena durmarSha utkalo mAtR^ibhiH saha |
bR^ihaspatishchoshanasA narakeNa shanaishcharaH || 33||
maruto nivAtakavachaiH kAleyairvasavo.amarAH |
vishvedevAstu paulomai rudrAH krodhavashaiH saha || 34||
ta evamAjAvasurAH surendrAH
dvandvena saMhatya cha yudhyamAnAH |
anyonyamAsAdya nijaghnurojasA
jigIShavastIkShNasharAsitomaraiH || 35||
bhushuNDibhishchakragadarShTipaTTishaiH
shaktyulmukaiH prAsaparashvadhairapi |
nistriMshabhallaiH parighaiH samudgaraiH
sabhindipAlaishcha shirAMsi chichChiduH || 36||
gajAstura~NgAH sarathAH padAtayaH
sArohavAhA vividhA vikhaNDitAH |
nikR^ittabAhUrushirodharA~Nghraya\-
shChinnadhvajeShvAsatanutrabhUShaNAH || 37||
teShAM padAghAtarathA~NgachUrNitA\-
dAyodhanAdulbaNa utthitastadA |
reNurdishaH khaM dyumaNiM cha ChAdayan
nyavartatAsR^iksrutibhiH pariplutAt || 38||
shirobhiruddhUtakirITakuNDalaiH
saMrambhadR^igbhiH paridaShTadachChadaiH |
mahAbhujaiH sAbharaNaiH sahAyudhaiH
sA prAstR^itA bhUH karabhorubhirbabhau || 39||
kabandhAstatra chotpetuH patitasvashiro.akShibhiH |
udyatAyudhadordaNDairAdhAvanto bhaTAn mR^idhe || 40||
balirmahendraM dashabhistribhirairAvataM sharaiH |
chaturbhishchaturo vAhAnekenArohamArchChayat || 41||
sa tAnApatataH shakrastAvadbhiH shIghravikramaH |
chichCheda nishitairbhallairasamprAptAn hasanniva || 42||
tasya karmottamaM vIkShya durmarShaH shaktimAdade |
tAM jvalantIM maholkAbhAM hastasthAmachChinaddhariH || 43||
tataH shUlaM tataH prAsaM tatastomaramR^iShTayaH |
yadyachChastraM samAdadyAtsarvaM tadachChinadvibhuH || 44||
sasarjAthAsurIM mAyAmantardhAnagato.asuraH |
tataH prAdurabhUchChailaH surAnIkopari prabho || 45||
tato nipetustaravo dahyamAnA davAgninA |
shilAH saTa~NkashikharAshchUrNayantyo dviShadbalam || 46||
mahoragAH samutpeturdandashUkAH savR^ishchikAH |
siMhavyAghravarAhAshcha mardayanto mahAgajAn || 47||
yAtudhAnyashcha shatashaH shUlahastA vivAsasaH |
Chindhi bhindhIti vAdinyastathA rakShogaNAH prabho || 48||
tato mahAghanA vyomni gambhIraparuShasvanAH |
a~NgArAn mumuchurvAtairAhatAH stanayitnavaH || 49||
sR^iShTo daityena sumahAn vahniH shvasanasArathiH |
sAMvartaka ivAtyugro vibudhadhvajinImadhAk || 50||
tataH samudra udvelaH sarvataH pratyadR^ishyata |
prachaNDavAtairuddhUtatara~NgAvartabhIShaNaH || 51||
evaM daityairmahAmAyairalakShyagatibhIShaNaiH |
sR^ijyamAnAsu mAyAsu viSheduH surasainikAH || 52||
na tatpratividhiM yatra vidurindrAdayo nR^ipa |
dhyAtaH prAdurabhUttatra bhagavAn vishvabhAvanaH || 53||
tataH suparNAMsakR^itA~NghripallavaH
pisha~NgavAsA navaka~njalochanaH |
adR^ishyatAShTAyudhabAhurullasa\-
chChrIkaustubhAnarghyakirITakuNDalaH || 54||
tasmin praviShTe.asurakUTakarmajA
mAyA vineshurmahinA mahIyasaH |
svapno yathA hi pratibodha Agate
harismR^itiH sarvavipadvimokShaNam || 55||
dR^iShTvA mR^idhe garuDavAhamibhArivAha
Avidhya shUlamahinodatha kAlanemiH |
tallIlayA garuDamUrdhni patadgR^ihItvA
tenAhanannR^ipa savAhamariM tryadhIshaH || 56||
mAlI sumAlyatibalau yudhi petaturya\-
chchakreNa kR^ittashirasAvatha mAlyavAMstam |
Ahatya tigmagadayAhanadaNDajendraM
tAvachChiro.achChinadarernadato.ariNAdyaH || 57||
iti shrImadbhAgavate mahApurANe pAramahaMsyAM saMhitAyAM
aShTamaskandhe devAsurasa~NgrAme dashamo.adhyAyaH || 10||
\iti
\section{.. OM namo bhagavate vAsudevAya ..}
\section{.. ekAdasho.adhyAyaH \- 11 ..}
shrIshuka uvAcha
atho surAH pratyupalabdhachetasaH
parasya puMsaH parayAnukampayA |
jaghnurbhR^ishaM shakrasamIraNAdaya\-
stAMstAn raNe yairabhisaMhatAH purA || 1||
vairochanAya saMrabdho bhagavAn pAkashAsanaH |
udayachChadyadA vajraM prajA hA heti chukrushuH || 2||
vajrapANistamAhedaM tiraskR^itya puraHsthitam |
manasvinaM susampannaM vicharantaM mahAmR^idhe || 3||
naTavanmUDha mAyAbhirmAyeshAn no jigIShasi |
jitvA bAlAn nibaddhAkShAn naTo harati taddhanam || 4||
ArurukShanti mAyAbhirutsisR^ipsanti ye divam |
tAn dasyUn vidhunomyaj~nAn pUrvasmAchcha padAdadhaH || 5||
so.ahaM durmAyinaste.adya vajreNa shataparvaNA |
shiro hariShye mandAtmanghaTasva j~nAtibhiH saha || 6||
baliruvAcha
sa~NgrAme vartamAnAnAM kAlachoditakarmaNAm |
kIrtirjayo.ajayo mR^ityuH sarveShAM syuranukramAt || 7||
tadidaM kAlarashanaM janAH pashyanti sUrayaH |
na hR^iShyanti na shochanti tatra yUyamapaNDitAH || 8||
na vayaM manyamAnAnAmAtmAnaM tatra sAdhanam |
giro vaH sAdhushochyAnAM gR^ihNImo marmatADanAH || 9||
shrIshuka uvAcha
ityAkShipya vibhuM vIro nArAchairvIramardanaH |
AkarNapUrNairahanadAkShepairAhataM punaH || 10||
evaM nirAkR^ito devo vairiNA tathyavAdinA |
nAmR^iShyattadadhikShepaM totrAhata iva dvipaH || 11||
prAharatkulishaM tasmA amoghaM paramardanaH |
sayAno nyapatadbhUmau ChinnapakSha ivAchalaH || 12||
sakhAyaM patitaM dR^iShTvA jambho balisakhaH suhR^it |
abhyayAtsauhR^idaM sakhyurhatasyApi samAcharan || 13||
sa siMhavAha AsAdya gadAmudyamya raMhasA |
jatrAvatADayachChakraM gajaM cha sumahAbalaH || 14||
gadAprahAravyathito bhR^ishaM vihvalito gajaH |
jAnubhyAM dharaNIM spR^iShTvA kashmalaM paramaM yayau || 15||
tato ratho mAtalinA haribhirdashashatairvR^itaH |
AnIto dvipamutsR^ijya rathamAruruhe vibhuH || 16||
tasya tatpUjayan karma yanturdAnavasattamaH |
shUlena jvalatA taM tu smayamAno.ahananmR^idhe || 17||
sehe rujaM sudurmarShAM sattvamAlambya mAtaliH |
indro jambhasya sa~Nkruddho vajreNApAharachChiraH || 18||
jambhaM shrutvA hataM tasya j~nAtayo nAradAdR^iSheH |
namuchishcha balaH pAkastatrApetustvarAnvitAH || 19||
vachobhiH paruShairindramardayanto.asya marmasu |
sharairavAkiran meghA dhArAbhiriva parvatam || 20||
harIn dashashatAnyAjau haryashvasya balaH sharaiH |
tAvadbhirardayAmAsa yugapallaghuhastavAn || 21||
shatAbhyAM mAtaliM pAko rathaM sAvayavaM pR^ithak |
sakR^itsandhAnamokSheNa tadadbhutamabhUdraNe || 22||
namuchiH pa~nchadashabhiH svarNapu~NkhairmaheShubhiH |
Ahatya vyanadatsa~Nkhye satoya iva toyadaH || 23||
sarvataH sharakUTena shakraM sarathasArathim |
ChAdayAmAsurasurAH prAvR^iTsUryamivAmbudAH || 24||
alakShayantastamatIva vihvalA
vichukrushurdevagaNAH sahAnugAH |
anAyakAH shatrubalena nirjitA
vaNikpathA bhinnanavo yathArNave || 25||
tatasturAShADiShubaddhapa~njarA\-
dvinirgataH sAshvarathadhvajAgraNIH |
babhau dishaH khaM pR^ithivIM cha rochayan
svatejasA sUrya iva kShapAtyaye || 26||
nirIkShya pR^itanAM devaH parairabhyarditAM raNe |
udayachChadripuM hantuM vajraM vajradharo ruShA || 27||
sa tenaivAShTadhAreNa shirasI balapAkayoH |
j~nAtInAM pashyatAM rAjan jahAra janayan bhayam || 28||
namuchistadvadhaM dR^iShTvA shokAmarSharuShAnvitaH |
jighAMsurindraM nR^ipate chakAra paramodyamam || 29||
ashmasAramayaM shUlaM ghaNTAvaddhemabhUShaNam |
pragR^ihyAbhyadravatkruddho hato.asIti vitarjayan |
prAhiNoddevarAjAya ninadan mR^igarADiva || 30||
tadApatadgaganatale mahAjavaM
vichichChide haririShubhiH sahasradhA |
tamAhanannR^ipa kulishena kandhare
ruShAnvitastridashapatiH shiro haran || 31||
na tasya hi tvachamapi vajra Urjito
bibheda yaH surapatinaujaseritaH |
tadadbhutaM paramativIryavR^itrabhi\-
ttiraskR^ito namuchishirodharatvachA || 32||
tasmAdindro.abibhechChatrorvajraH pratihato yataH |
kimidaM daivayogena bhUtaM lokavimohanam || 33||
yena me pUrvamadrINAM pakShachChedaH prajAtyaye |
kR^ito nivishatAM bhAraiH patattraiH patatAM bhuvi || 34||
tapaHsAramayaM tvAShTraM vR^itro yena vipATitaH |
anye chApi balopetAH sarvAstrairakShatatvachaH || 35||
so.ayaM pratihato vajro mayA mukto.asure.alpake |
nAhaM tadAdade daNDaM brahmatejo.apyakAraNam || 36||
iti shakraM viShIdantamAha vAgasharIriNI |
nAyaM shuShkairatho nArdrairvadhamarhati dAnavaH || 37||
mayAsmai yadvaro datto mR^ityurnaivArdrashuShkayoH |
ato.anyashchintanIyaste upAyo maghavan ripoH || 38||
tAM daivIM giramAkarNya maghavAn susamAhitaH |
dhyAyan phenamathApashyadupAyamubhayAtmakam || 39||
na shuShkeNa na chArdreNa jahAra namucheH shiraH |
taM tuShTuvurmunigaNA mAlyaishchAvAkiran vibhum || 40||
gandharvamukhyau jagaturvishvAvasuparAvasU |
devadundubhayo nedurnartakyo nanR^iturmudA || 41||
anye.apyevaM pratidvandvAn vAyvagnivaruNAdayaH |
sUdayAmAsurastraughairmR^igAn kesariNo yathA || 42||
brahmaNA preShito devAn devarShirnArado nR^ipa |
vArayAmAsa vibudhAn dR^iShTvA dAnavasa~NkShayam || 43||
nArada uvAcha
bhavadbhiramR^itaM prAptaM nArAyaNabhujAshrayaiH |
shriyA samedhitAH sarva upAramata vigrahAt || 44||
shrIshuka uvAcha
saMyamya manyusaMrambhaM mAnayanto munervachaH |
upagIyamAnAnucharairyayuH sarve triviShTapam || 45||
ye.avashiShTA raNe tasmin nAradAnumatena te |
baliM vipannamAdAya astaM girimupAgaman || 46||
tatrAvinaShTAvayavAn vidyamAnashirodharAn |
ushanA jIvayAmAsa sa~njIvinyA svavidyayA || 47||
balishchoshanasA spR^iShTaH pratyApannendriyasmR^itiH |
parAjito.api nAkhidyallokatattvavichakShaNaH || 48||
iti shrImadbhAgavate mahApurANe pAramahaMsyAM saMhitAyA\-
maShTamaskandhe devAsurasa~NgrAme ekAdasho.adhyAyaH || 11||
\iti
\section{.. OM namo bhagavate vAsudevAya ..}
\section{.. dvAdasho.adhyAyaH \- 12 ..}
shrIbAdarAyaNiruvAcha
vR^iShadhvajo nishamyedaM yoShidrUpeNa dAnavAn |
mohayitvA suragaNAn hariH somamapAyayat || 1||
vR^iShamAruhya girishaH sarvabhUtagaNairvR^itaH |
saha devyA yayau draShTuM yatrAste madhusUdanaH || 2||
sabhAjito bhagavatA sAdaraM somayA bhavaH |
sUpaviShTa uvAchedaM pratipUjya smayan harim || 3||
shrImahAdeva uvAcha
devadeva jagadvyApin jagadIsha jaganmaya |
sarveShAmapi bhAvAnAM tvamAtmA heturIshvaraH || 4||
AdyantAvasya yanmadhyamidamanyadahaM bahiH |
yato.avyayasya naitAni tatsatyaM brahma chidbhavAn || 5||
tavaiva charaNAmbhojaM shreyaskAmA nirAshiShaH |
visR^ijyobhayataH sa~NgaM munayaH samupAsate || 6||
tvaM brahma pUrNamamR^itaM viguNaM vishoka\-
mAnandamAtramavikAramananyadanyat |
vishvasya heturudayasthitisaMyamAnA\-
mAtmeshvarashcha tadapekShatayAnapekShaH || 7||
ekastvameva sadasaddvayamadvayaM cha
svarNaM kR^itAkR^itamiveha na vastubhedaH |
aj~nAnatastvayi janairvihito vikalpo
yasmAdguNavyatikaro nirupAdhikasya || 8||
tvAM brahma kechidavayantyuta dharmameke
eke paraM sadasatoH puruShaM paresham |
anye.avayanti navashaktiyutaM paraM tvAM
kechinmahApuruShamavyayamAtmatantram || 9||
nAhaM parAyurR^iShayo na marIchimukhyA
jAnanti yadvirachitaM khalu sattvasargAH |
yanmAyayA muShitachetasa Isha daitya\-
martyAdayaH kimuta shashvadabhadravR^ittAH || 10||
sa tvaM samIhitamadaH sthitijanmanAshaM
bhUtehitaM cha jagato bhavabandhamokShau |
vAyuryathA vishati khaM cha charAcharAkhyaM
sarvaM tadAtmakatayAvagamo.avaruntse || 11||
avatArA mayA dR^iShTA ramamANasya te guNaiH |
so.ahaM taddraShTumichChAmi yatte yoShidvapurdhR^itam || 12||
yena sammohitA daityAH pAyitAshchAmR^itaM surAH |
taddidR^ikShava AyAtAH paraM kautUhalaM hi naH || 13||
shrIshuka uvAcha
evamabhyarthito viShNurbhagavAn shUlapANinA |
prahasya bhAvagambhIraM girishaM pratyabhAShata || 14||
shrIbhagavAnuvAcha
kautUhalAya daityAnAM yoShidveSho mayA kR^itaH |
pashyatA surakAryANi gate pIyUShabhAjane || 15||
tatte.ahaM darshayiShyAmi didR^ikShoH surasattama |
kAminAM bahu mantavyaM sa~Nkalpaprabhavodayam || 16||
shrIshuka uvAcha
iti bruvANo bhagavAMstatraivAntaradhIyata |
sarvatashchArayaMshchakShurbhava Aste sahomayA || 17||
tato dadarshopavane varastriyaM
vichitrapuShpAruNapallavadrume |
vikrIDatIM kandukalIlayA lasa\-
ddukUlaparyastanitambamekhalAm || 18||
Avartanodvartanakampitastana\-
prakR^iShTahArorubharaiH pade pade |
prabhajyamAnAmiva madhyatashchala\-
tpadapravAlaM nayatIM tatastataH || 19||
dikShu bhramatkandukachApalairbhR^ishaM
prodvignatArAyatalolalochanAm |
svakarNavibhrAjitakuNDalollasa\-
tkapolanIlAlakamaNDitAnanAm || 20||
shlathaddukUlaM kabarIM cha vichyutAM
sannahyatIM vAmakareNa valgunA |
vinighnatImanyakareNa kandukaM
vimohayantIM jagadAtmamAyayA || 21||
tAM vIkShya deva iti kandukalIlayeSha\-
dvrIDAsphuTasmitavisR^iShTakaTAkShamuShTaH |
strIprekShaNapratisamIkShaNavihvalAtmA
nAtmAnamantika umAM svagaNAMshcha veda || 22||
tasyAH karAgrAtsa tu kanduko yadA
gato vidUraM tamanuvrajatstriyAH |
vAsaH sasUtraM laghu mAruto.ahara\-
dbhavasya devasya kilAnupashyataH || 23||
evaM tAM ruchirApA~NgIM darshanIyAM manoramAm |
dR^iShTvA tasyAM manashchakre viShajjantyAM bhavaH kila || 24||
tayApahR^itavij~nAnastatkR^itasmaravihvalaH |
bhavAnyA api pashyantyA gatahrIstatpadaM yayau || 25||
sA tamAyAntamAlokya vivastrA vrIDitA bhR^isham |
nilIyamAnA vR^ikSheShu hasantI nAnvatiShThata || 26||
tAmanvagachChadbhagavAn bhavaH pramuShitendriyaH |
kAmasya cha vashaM nItaH kareNumiva yUthapaH || 27||
so.anuvrajyAtivegena gR^ihItvAnichChatIM striyam |
keshabandha upAnIya bAhubhyAM pariShasvaje || 28||
sopagUDhA bhagavatA kariNA kariNI yathA |
itastataH prasarpantI viprakIrNashiroruhA || 29||
AtmAnaM mochayitvA~Nga surarShabhabhujAntarAt |
prAdravatsA pR^ithushroNI mAyA devavinirmitA || 30||
tasyAsau padavIM rudro viShNoradbhutakarmaNaH |
pratyapadyata kAmena vairiNeva vinirjitaH || 31||
tasyAnudhAvato retashchaskandAmogharetasaH |
shuShmiNo yUthapasyeva vAsitAmanudhAvataH || 32||
yatra yatrApatanmahyAM retastasya mahAtmanaH |
tAni rUpyasya hemnashcha kShetrANyAsan mahIpate || 33||
saritsaraHsu shaileShu vaneShUpavaneShu cha |
yatra kva chAsannR^iShayastatra sannihito haraH || 34||
skanne retasi so.apashyadAtmAnaM devamAyayA |
jaDIkR^itaM nR^ipashreShTha sannyavartata kashmalAt || 35||
athAvagatamAhAtmya Atmano jagadAtmanaH |
aparij~neyavIryasya na mene tadu hAdbhutam || 36||
tamaviklavamavrIDamAlakShya madhusUdanaH |
uvAcha paramaprIto bibhratsvAM pauruShIM tanum || 37||
shrIbhagavAnuvAcha
diShTyA tvaM vibudhashreShTha svAM niShThAmAtmanA sthitaH |
yanme strIrUpayA svairaM mohito.apya~Nga mAyayA || 38||
ko nu me.atitarenmAyAM viShaktastvadR^ite pumAn |
tAMstAn visR^ijatIM bhAvAn dustarAmakR^itAtmabhiH || 39||
seyaM guNamayI mAyA na tvAmabhibhaviShyati |
mayA sametA kAlena kAlarUpeNa bhAgashaH || 40||
shrIshuka uvAcha
evaM bhagavatA rAjan shrIvatsA~Nkena satkR^itaH |
Amantrya taM parikramya sagaNaH svAlayaM yayau || 41||
AtmAMshabhUtAM tAM mAyAM bhavAnIM bhagavAn bhavaH |
shaMsatAmR^iShimukhyAnAM prItyA.a.achaShTAtha bhArata || 42||
api vyapashyastvamajasya mAyAM
parasya puMsaH paradevatAyAH |
ahaM kalAnAmR^iShabho vimuhye
yayAvasho.anye kimutAsvatantrAH || 43||
yaM mAmapR^ichChastvamupetya yogAt
samAsahasrAnta upArataM vai |
sa eSha sAkShAtpuruShaH purANo
na yatra kAlo vishate na vedaH || 44||
shrIshuka uvAcha
iti te.abhihitastAta vikramaH shAr~NgadhanvanaH |
sindhornirmathane yena dhR^itaH pR^iShThe mahAchalaH || 45||
etanmuhuH kIrtayato.anushR^iNvato
na riShyate jAtu samudyamaH kvachit |
yaduttamashlokaguNAnuvarNanaM
samastasaMsAraparishramApaham || 46||
asadaviShayama~NghriM bhAvagamyaM prapannA\-
namR^itamamaravaryAnAshayatsindhumathyam |
kapaTayuvativeSho mohayan yaH surArIn
tamahamupasR^itAnAM kAmapUraM nato.asmi || 47||
iti shrImadbhAgavate mahApurANe pAramahaMsyAM saMhitAyA\-
maShTamaskandhe sha~NkaramohanaM nAma dvAdasho.adhyAyaH || 12||
\iti
\section{.. OM namo bhagavate vAsudevAya ..}
\section{.. trayodasho.adhyAyaH \- 13 ..}
shrIshuka uvAcha
manurvivasvataH putraH shrAddhadeva iti shrutaH |
saptamo vartamAno yastadapatyAni me shR^iNu || 1||
ikShvAkurnabhagashchaiva dhR^iShTaH sharyAtireva cha |
nariShyanto.atha nAbhAgaH saptamo diShTa uchyate || 2||
karUShashcha pR^iShadhrashcha dashamo vasumAn smR^itaH |
manorvaivasvatasyaite dashaputrAH parantapa || 3||
AdityA vasavo rudrA vishvedevA marudgaNAH |
ashvinAvR^ibhavo rAjannindrasteShAM purandaraH || 4||
kashyapo.atrirvasiShThashcha vishvAmitro.atha gautamaH |
jamadagnirbharadvAja iti saptarShayaH smR^itAH || 5||
atrApi bhagavajjanma kashyapAdaditerabhUt |
AdityAnAmavarajo viShNurvAmanarUpadhR^ik || 6||
sa~NkShepato mayoktAni saptamanvantarANi te |
bhaviShyANyatha vakShyAmi viShNoH shaktyAnvitAni cha || 7||
vivasvatashcha dve jAye vishvakarmasute ubhe |
sa.nj~nA ChAyA cha rAjendra ye prAgabhihite tava || 8||
tR^itIyAM vaDavAmeke tAsAM sa.nj~nAsutAstrayaH |
yamo yamI shrAddhadevashChAyAyAshcha sutA~nChR^iNu || 9||
sAvarNistapatI kanyA bhAryA saMvaraNasya yA |
shanaishcharastR^itIyo.abhUdashvinau vaDavAtmajau || 10||
aShTame.antara AyAte sAvarNirbhavitA manuH |
nirmokavirajaskAdyAH sAvarNitanayA nR^ipa || 11||
tatra devAH sutapaso virajA amR^itaprabhAH |
teShAM virochanasuto balirindro bhaviShyati || 12||
dattvemAM yAchamAnAya viShNave yaH padatrayam |
rAddhamindrapadaM hitvA tataH siddhimavApsyati || 13||
yo.asau bhagavatA baddhaH prItena sutale punaH |
niveshito.adhike svargAdadhunA.a.aste svarADiva || 14||
gAlavo dIptimAn rAmo droNaputraH kR^ipastathA |
R^iShyashR^i~NgaH pitAsmAkaM bhagavAn bAdarAyaNaH || 15||
ime saptarShayastatra bhaviShyanti svayogataH |
idAnImAsate rAjan sve sva AshramamaNDale || 16||
devaguhyAtsarasvatyAM sArvabhauma iti prabhuH |
sthAnaM purandarAddhR^itvA balaye dAsyatIshvaraH || 17||
navamo dakShasAvarNirmanurvaruNasambhavaH |
bhUtaketurdIptaketurityAdyAstatsutA nR^ipa || 18||
pArA marIchigarbhAdyA devA indro.adbhutaH smR^itaH |
dyutimatpramukhAstatra bhaviShyantyR^iShayastataH || 19||
AyuShmato.ambudhArAyAmR^iShabho bhagavatkalA |
bhavitA yena saMrAddhAM trilokIM bhokShyate.adbhutaH || 20||
dashamo brahmasAvarNirupashlokasuto mahAn |
tatsutA bhUriSheNAdyA haviShmatpramukhA dvijAH || 21||
haviShmAn sukR^itiH satyo jayo mUrtistadA dvijAH |
suvAsanaviruddhAdyA devAH shambhuH sureshvaraH || 22||
viShvakseno viShUchyAM tu shambhoH sakhyaM kariShyati |
jAtaH svAMshena bhagavAn gR^ihe vishvasR^ijo vibhuH || 23||
manurvai dharmasAvarNirekAdashama AtmavAn |
anAgatAstatsutAshcha satyadharmAdayo dasha || 24||
viha~NgamAH kAmagamA nirvANaruchayaH surAH |
indrashcha vaidhR^itasteShAmR^iShayashchAruNAdayaH || 25||
Aryakasya sutastatra dharmaseturiti smR^itaH |
vaidhR^itAyAM hareraMshastrilokIM dhArayiShyati || 26||
bhavitA rudrasAvarNI rAjan dvAdashamo manuH |
devavAnupadevashcha devashreShThAdayaH sutAH || 27||
R^itadhAmA cha tatrendro devAshcha haritAdayaH |
R^iShayashcha tapomUrtistapasvyAgnIdhrakAdayaH || 28||
svadhAmAkhyo hareraMshaH sAdhayiShyati tanmanoH |
antaraM satyasahasaH sUnR^itAyAH suto vibhuH || 29||
manustrayodasho bhAvyo devasAvarNirAtmavAn |
chitrasenavichitrAdyA devasAvarNidehajAH || 30||
devAH sukarmasutrAmasa.nj~nA indro divaspatiH |
nirmokatattvadarshAdyA bhaviShyantyR^iShayastadA || 31||
devahotrasya tanaya upahartA divaspateH |
yogeshvaro hareraMsho bR^ihatyAM sambhaviShyati || 32||
manurvA indrasAvarNishchaturdashama eShyati |
urugambhIrabud.hdhyAdyA indrasAvarNivIryajAH || 33||
pavitrAshchAkShuShA devAH shuchirindro bhaviShyati |
agnirbAhuH shuchiH shuddho mAgadhAdyAstapasvinaH || 34||
satrAyaNasya tanayo bR^ihadbhAnustadA hariH |
vitAnAyAM mahArAja kriyAtantUn vitAyitA || 35||
rAjaMshchaturdashaitAni trikAlAnugatAni te |
proktAnyebhirmitaH kalpo yugasAhasraparyayaH || 36||
iti shrImadbhAgavate mahApurANe pAramahaMsyAM saMhitAyAM
aShTamaskandhe manvantarAnuvarNanaM nAma trayodasho.adhyAyaH || 13||
\iti
\section{.. OM namo bhagavate vAsudevAya ..}
\section{.. chaturdasho.adhyAyaH \- 14 ..}
rAjovAcha
manvantareShu bhagavan yathA manvAdayastvime |
yasmin karmaNi ye yena niyuktAstadvadasva me || 1||
R^iShiruvAcha
manavo manuputrAshcha munayashcha mahIpate |
indrAH suragaNAshchaiva sarve puruShashAsanAH || 2||
yaj~nAdayo yAH kathitAH pauruShyastanavo nR^ipa |
manvAdayo jagadyAtrAM nayantyAbhiH prachoditAH || 3||
chaturyugAnte kAlena grastAn shrutigaNAn yathA |
tapasA R^iShayo.apashyan yato dharmaH sanAtanaH || 4||
tato dharmaM chatuShpAdaM manavo hariNoditAH |
yuktAH sa~nchArayantyaddhA sve sve kAle mahIM nR^ipa || 5||
pAlayanti prajApAlA yAvadantaM vibhAgashaH |
yaj~nabhAgabhujo devA ye cha tatrAnvitAshcha taiH || 6||
indro bhagavatA dattAM trailokyashriyamUrjitAm |
bhu~njAnaH pAti lokAMstrIn kAmaM loke pravarShati || 7||
j~nAnaM chAnuyugaM brUte hariH siddhasvarUpadhR^ik |
R^iShirUpadharaH karma yogaM yogesharUpadhR^ik || 8||
sargaM prajesharUpeNa dasyUn hanyAtsvarADvapuH |
kAlarUpeNa sarveShAmabhAvAya pR^ithagguNaH || 9||
stUyamAno janairebhirmAyayA nAmarUpayA |
vimohitAtmabhirnAnAdarshanairna cha dR^ishyate || 10||
etatkalpavikalpasya pramANaM parikIrtitam |
yatra manvantarANyAhushchaturdasha purAvidaH || 11||
iti shrImadbhAgavate mahApurANe pAramahaMsyAM
saMhitAyAmaShTamaskandhe chaturdasho.adhyAyaH || 14||
\iti
\section{.. OM namo bhagavate vAsudevAya ..}
\section{.. pa~nchadasho.ad.hdhyayAH \- 15 ..}
rAjovAcha
baleH padatrayaM bhUmeH kasmAddharirayAchata |
bhUtveshvaraH kR^ipaNavallabdhArtho.api babandha tam || 1||
etadveditumichChAmo mahatkautUhalaM hi naH |
yaj~neshvarasya pUrNasya bandhanaM chApyanAgasaH || 2||
shrIshuka uvAcha
parAjitashrIrasubhishcha hApito
hIndreNa rAjan bhR^igubhiH sa jIvitaH |
sarvAtmanA tAnabhajadbhR^igUn baliH
shiShyo mahAtmArthanivedanena || 3||
taM brAhmaNA bhR^igavaH prIyamANA
ayAjayan vishvajitA triNAkam |
jigIShamANaM vidhinAbhiShichya
mahAbhiShekeNa mahAnubhAvAH || 4||
tato rathaH kA~nchanapaTTanaddho
hayAshcha haryashvatura~NgavarNAH |
dhvajashcha siMhena virAjamAno
hutAshanAdAsa havirbhiriShTAt || 5||
dhanushcha divyaM puraTopanaddhaM
tUNAvariktau kavachaM cha divyam |
pitAmahastasya dadau cha mAlA\-
mamlAnapuShpAM jalajaM cha shukraH || 6||
evaM sa viprArjitayodhanArthaH
taiH kalpitasvastyayano.atha viprAn |
pradakShiNIkR^itya kR^itapraNAmaH
prahlAdamAmantrya namashchakAra || 7||
athAruhya rathaM divyaM bhR^igudattaM mahArathaH |
susragdharo.atha sannahya dhanvI khaDgI dhR^iteShudhiH || 8||
hemA~NgadalasadbAhuH sphuranmakarakuNDalaH |
rarAja rathamArUDho dhiShNyastha iva havyavAT || 9||
tulyaishvaryabalashrIbhiH svayUthairdaityayUthapaiH |
pibadbhiriva khaM dR^igbhirdahadbhiH paridhIniva || 10||
vR^ito vikarShan mahatImAsurIM dhvajinIM vibhuH |
yayAvindrapurIM svR^iddhAM kampayanniva rodasI || 11||
ramyAmupavanodyAnaiH shrImadbhirnandanAdibhiH |
kUjadviha~NgamithunairgAyanmattamadhuvrataiH || 12||
pravAlaphalapuShporubhArashAkhAmaradrumaiH |
haMsasArasachakrAhvakAraNDavakulAkulAH |
nalinyo yatra krIDanti pramadAH surasevitAH || 13||
AkAshaga~NgayA devyA vR^itAM parikhabhUtayA |
prAkAreNAgnivarNena sATTAlenonnatena cha || 14||
rukmapaTTakapATaishcha dvAraiH sphaTikagopuraiH |
juShTAM vibhaktaprapathAM vishvakarmavinirmitAm || 15||
sabhAchatvararathyADhyAM vimAnairnyarbudairvR^itAm |
shR^i~NgATakairmaNimayairvajravidrumavedibhiH || 16||
yatra nityavayorUpAH shyAmA virajavAsasaH |
bhrAjante rUpavannAryo hyarchirbhiriva vahnayaH || 17||
surastrIkeshavibhraShTanavasaugandhikasrajAm |
yatrAmodamupAdAya mArga AvAti mArutaH || 18||
hemajAlAkShanirgachChaddhUmenAgurugandhinA |
pANDureNa pratichChannamArge yAnti surapriyAH || 19||
muktAvitAnairmaNihemaketubhi\-
rnAnApatAkAvalabhIbhirAvR^itAm |
shikhaNDipArAvatabhR^i~NganAditAM
vaimAnikastrIkalagItama~NgalAm || 20||
mR^ida~Ngasha~NkhAnakadundubhisvanaiH
satAlavINAmurajarShTiveNubhiH |
nR^ityaiH savAdyairupadevagItakai\-
rmanoramAM svaprabhayA jitaprabhAm || 21||
yAM na vrajantyadharmiShThAH khalA bhUtadruhaH shaThAH |
mAninaH kAmino lubdhA ebhirhInA vrajanti yat || 22||
tAM devadhAnIM sa varUthinIpati\-
rbahiH samantAdrurudhe pR^itanyayA |
AchAryadattaM jalajaM mahAsvanaM
dadhmau prayu~njan bhayamindrayoShitAm || 23||
maghavAMstamabhipretya baleH paramamudyamam |
sarvadevagaNopeto gurumetaduvAcha ha || 24||
bhagavannudyamo bhUyAn balernaH pUrvavairiNaH |
aviShahyamimaM manye kenAsIttejasorjitaH || 25||
nainaM kashchitkuto vApi prativyoDhumadhIshvaraH |
pibanniva mukhenedaM lihanniva disho dasha |
dahanniva disho dR^igbhiH saMvartAgnirivotthitaH || 26||
brUhi kAraNametasya durdharShatvasya madripoH |
ojaH saho balaM tejo yata etatsamudyamaH || 27||
gururuvAcha
jAnAmi maghavan shatrorunnaterasya kAraNam |
shiShyAyopabhR^itaM tejo bhR^igubhirbrahmavAdibhiH || 28||
(ojasvinaM baliM jetuM na samartho.asti kashchana |
vijeShyati na ko.apyenaM brahmatejaHsamedhitam ||)
bhavadvidho bhavAn vApi varjayitveshvaraM hariM
nAsya shaktaH puraH sthAtuM kR^itAntasya yathA janAH || 29||
tasmAnnilayamutsR^ijya yUyaM sarve triviShTapam |
yAta kAlaM pratIkShanto yataH shatrorviparyayaH || 30||
eSha viprabalodarkaH sampratyUrjitavikramaH |
teShAmevApamAnena sAnubandho vina~NkShyati || 31||
evaM sumantritArthAste guruNArthAnudarshinA |
hitvA triviShTapaM jagmurgIrvANAH kAmarUpiNaH || 32||
deveShvatha nilIneShu balirvairochanaH purIm |
devadhAnImadhiShThAya vashaM ninye jagattrayam || 33||
taM vishvajayinaM shiShyaM bhR^igavaH shiShyavatsalAH |
shatena hayamedhAnAmanuvratamayAjayan || 34||
tatastadanubhAvena bhuvanatrayavishrutAm |
kIrtiM dikShu vitanvAnaH sa reja uDurADiva || 35||
bubhuje cha shriyaM svR^iddhAM dvijadevopalambhitAm |
kR^itakR^ityamivAtmAnaM manyamAno mahAmanAH || 36||
iti shrImadbhAgavate mahApurANe pAramahaMsyAM
saMhitAyAmaShTamaskandhe pa~nchadasho.adhyAyaH || 15||
\iti
\section{.. OM namo bhagavate vAsudevAya ..}
\section{.. ShoDasho.adhyAyaH \- 16 ..}
shrIshuka uvAcha
evaM putreShu naShTeShu devamAtAditistadA |
hR^ite triviShTape daityaiH paryatapyadanAthavat || 1||
ekadA kashyapastasyA AshramaM bhagavAnagAt |
nirutsavaM nirAnandaM samAdherviratashchirAt || 2||
sa patnIM dInavadanAM kR^itAsanaparigrahaH |
sabhAjito yathAnyAyamidamAha kurUdvaha || 3||
apyabhadraM na viprANAM bhadre loke.adhunA.a.agatam |
na dharmasya na lokasya mR^ityoshChandAnuvartinaH || 4||
api vAkushalaM ki~nchidgR^iheShu gR^ihamedhini |
dharmasyArthasya kAmasya yatra yogo hyayoginAm || 5||
api vAtithayo.abhyetya kuTumbAsaktayA tvayA |
gR^ihAdapUjitA yAtAH pratyutthAnena vA kvachit || 6||
gR^iheShu yeShvatithayo nArchitAH salilairapi |
yadi niryAnti te nUnaM pherurAjagR^ihopamAH || 7||
apyagnayastu velAyAM na hutA haviShA sati |
tvayodvignadhiyA bhadre proShite mayi karhichit || 8||
yatpUjayA kAmadughAn yAti lokAn gR^ihAnvitaH |
brAhmaNo.agnishcha vai viShNoH sarvadevAtmano mukham || 9||
api sarve kushalinastava putrA manasvini |
lakShaye.asvasthamAtmAnaM bhavatyA lakShaNairaham || 10||
aditiruvAcha
bhadraM dvijagavAM brahman dharmasyAsya janasya cha |
trivargasya paraM kShetraM gR^ihamedhin gR^ihA ime || 11||
agnayo.atithayo bhR^ityA bhikShavo ye cha lipsavaH |
sarvaM bhagavato brahmannanudhyAnAnna riShyati || 12||
ko nu me bhagavan kAmo na sampadyeta mAnasaH |
yasyA bhavAn prajAdhyakSha evaM dharmAn prabhAShate || 13||
tavaiva mArIcha manaHsharIrajAH
prajA imAH sattvarajastamojuShaH |
samo bhavAMstAsvasurAdiShu prabho
tathApi bhaktaM bhajate maheshvaraH || 14||
tasmAdIsha bhajantyA me shreyashchintaya suvrata |
hR^itashriyo hR^itasthAnAn sapatnaiH pAhi naH prabho || 15||
parairvivAsitA sAhaM magnA vyasanasAgare |
aishvaryaM shrIryashaH sthAnaM hR^itAni prabalairmama || 16||
yathA tAni punaH sAdho prapadyeran mamAtmajAH |
tathA vidhehi kalyANaM dhiyA kalyANakR^ittama || 17||
shrIshuka uvAcha
evamabhyarthito.adityA kastAmAha smayanniva |
aho mAyAbalaM viShNoH snehabaddhamidaM jagat || 18||
kva deho bhautiko.anAtmA kva chAtmA prakR^iteH paraH |
kasya ke patiputrAdyA moha eva hi kAraNam || 19||
upatiShThasva puruShaM bhagavantaM janArdanam |
sarvabhUtaguhAvAsaM vAsudevaM jagadgurum || 20||
sa vidhAsyati te kAmAn harirdInAnukampanaH |
amoghA bhagavadbhaktirnetareti matirmama || 21||
aditiruvAcha
kenAhaM vidhinA brahmannupasthAsye jagatpatim |
yathA me satyasa~Nkalpo vidadhyAtsa manoratham || 22||
Adisha tvaM dvijashreShTha vidhiM tadupadhAvanam |
Ashu tuShyati me devaH sIdantyAH saha putrakaiH || 23||
kashyapa uvAcha
etanme bhagavAn pR^iShTaH prajAkAmasya padmajaH |
yadAha te pravakShyAmi vrataM keshavatoShaNam || 24||
phAlgunasyAmale pakShe dvAdashAhaM payovrataH |
archayedaravindAkShaM bhaktyA paramayAnvitaH || 25||
sinIvAlyAM mR^idA.a.alipya snAyAtkroDavidIrNayA |
yadi labhyeta vai srotasyetaM mantramudIrayet || 26||
tvaM devyAdivarAheNa rasAyAH sthAnamichChatA |
uddhR^itAsi namastubhyaM pApmAnaM me praNAshaya || 27||
nirvartitAtmaniyamo devamarchetsamAhitaH |
archAyAM sthaNDile sUrye jale vahnau gurAvapi || 28||
namastubhyaM bhagavate puruShAya mahIyase |
sarvabhUtanivAsAya vAsudevAya sAkShiNe || 29||
namo.avyaktAya sUkShmAya pradhAnapuruShAya cha |
chaturviMshadguNaj~nAya guNasa~NkhyAnahetave || 30||
namo dvishIrShNe tripade chatuHshR^i~NgAya tantave |
saptahastAya yaj~nAya trayIvidyAtmane namaH || 31||
namaH shivAya rudrAya namaH shaktidharAya cha |
sarvavidyAdhipataye bhUtAnAM pataye namaH || 32||
namo hiraNyagarbhAya prANAya jagadAtmane |
yogaishvaryasharIrAya namaste yogahetave || 33||
namasta AdidevAya sAkShIbhUtAya te namaH |
nArAyaNAya R^iShaye narAya haraye namaH || 34||
namo marakatashyAmavapuShe.adhigatashriye |
keshavAya namastubhyaM namaste pItavAsase || 35||
tvaM sarvavaradaH puMsAM vareNya varadarShabha |
ataste shreyase dhIrAH pAdareNumupAsate || 36||
anvavartanta yaM devAH shrIshcha tatpAdapadmayoH |
spR^ihayanta ivAmodaM bhagavAn me prasIdatAm || 37||
etairmantrairhR^iShIkeshamAvAhanapuraskR^itam |
archayechChraddhayA yuktaH pAdyopasparshanAdibhiH || 38||
architvA gandhamAlyAdyaiH payasA snapayedvibhum |
vastropavItAbharaNapAdyopasparshanaistataH |
gandhadhUpAdibhishchArcheddvAdashAkSharavidyayA || 39||
shR^itaM payasi naivedyaM shAlyannaM vibhave sati |
sasarpiH saguDaM dattvA juhuyAnmUlavidyayA || 40||
niveditaM tadbhaktAya dadyAdbhu~njIta vA svayam |
dattvA.a.achamanamarchitvA tAmbUlaM cha nivedayet || 41||
japedaShTottarashataM stuvIta stutibhiH prabhum |
kR^itvA pradakShiNaM bhUmau praNameddaNDavanmudA || 42||
kR^itvA shirasi tachCheShAM devamudvAsayettataH |
dvyavarAn bhojayedviprAn pAyasena yathochitam || 43||
bhu~njIta tairanuj~nAtaH sheShaM seShTaH sabhAjitaiH |
brahmachAryatha tadrAtryAM shvobhUte prathame.ahani || 44||
snAtaH shuchiryathoktena vidhinA susamAhitaH |
payasA snApayitvArchedyAvadvratasamApanam || 45||
payobhakSho vratamidaM charedviShNvarchanAdR^itaH |
pUrvavajjuhuyAdagniM brAhmaNAMshchApi bhojayet || 46||
evaM tvaharahaH kuryAddvAdashAhaM payovrataH |
harerArAdhanaM homamarhaNaM dvijatarpaNam || 47||
pratipaddinamArabhya yAvachChuklatrayodashI |
brahmacharyamadhaHsvapnaM snAnaM triShavaNaM charet || 48||
varjayedasadAlApaM bhogAnuchchAvachAMstathA |
ahiMsraH sarvabhUtAnAM vAsudevaparAyaNaH || 49||
trayodashyAmatho viShNoH snapanaM pa~nchakairvibhoH |
kArayechChAstradR^iShTena vidhinA vidhikovidaiH || 50||
pUjAM cha mahatIM kuryAdvittashAThyavivarjitaH |
charuM nirUpya payasi shipiviShTAya viShNave || 51||
shR^itena tena puruShaM yajeta susamAhitaH |
naivedyaM chAtiguNavaddadyAtpuruShatuShTidam || 52||
AchAryaM j~nAnasampannaM vastrAbharaNadhenubhiH |
toShayedR^itvijashchaiva tadvid.hdhyArAdhanaM hareH || 53||
bhojayettAn guNavatA sadannena shuchismite |
anyAMshcha brAhmaNAn shaktyA ye cha tatra samAgatAH || 54||
dakShiNAM gurave dadyAdR^itvigbhyashcha yathArhataH |
annAdyenAshvapAkAMshcha prINayetsamupAgatAn || 55||
bhuktavatsu cha sarveShu dInAndhakR^ipaNeShu cha |
viShNostatprINanaM vidvAn bhu~njIta saha bandhubhiH || 56||
nR^ityavAditragItaishcha stutibhiH svastivAchakaiH |
kArayettatkathAbhishcha pUjAM bhagavato.anvaham || 57||
etatpayovrataM nAma puruShArAdhanaM param |
pitAmahenAbhihitaM mayA te samudAhR^itam || 58||
tvaM chAnena mahAbhAge samyak chIrNena keshavam |
AtmanA shuddhabhAvena niyatAtmA bhajAvyayam || 59||
ayaM vai sarvayaj~nAkhyaH sarvavratamiti smR^itam |
tapaHsAramidaM bhadre dAnaM cheshvaratarpaNam || 60||
ta eva niyamAH sAkShAtta eva cha yamottamAH |
tapo dAnaM vrataM yaj~no yena tuShyatyadhokShajaH || 61||
tasmAdetadvrataM bhadre prayatA shraddhayA chara |
bhagavAn parituShTaste varAnAshu vidhAsyati || 62||
iti shrImadbhAgavate mahApurANe pAramahaMsyAM samhitAyAM
aShTamaskandhe aditipayovratakathanaM nAma ShoDasho.adhyAyaH || 16||
\iti
\section{.. OM namo bhagavate vAsudevAya ..}
\section{.. saptadasho.adhyAyaH \- 17 ..}
shrIshuka uvAcha
ityuktA sAditI rAjan svabhartrA kashyapena vai |
anvatiShThadvratamidaM dvAdashAhamatandritA || 1||
chintayantyekayA bud.hdhyA mahApuruShamIshvaram |
pragR^ihyendriyaduShTAshvAn manasA buddhisArathiH || 2||
manashchaikAgrayA bud.hdhyA bhagavatyakhilAtmani |
vAsudeve samAdhAya chachAra ha payovratam || 3||
tasyAH prAdurabhUttAta bhagavAnAdipuruShaH |
pItavAsAshchaturbAhuH sha~NkhachakragadAdharaH || 4||
taM netragocharaM vIkShya sahasotthAya sAdaram |
nanAma bhuvi kAyena daNDavatprItivihvalA || 5||
sotthAya baddhA~njalirIDituM sthitA
notseha AnandajalAkulekShaNA |
babhUva tUShNIM pulakAkulAkR^iti\-
staddarshanAtyutsavagAtravepathuH || 6||
prItyA shanairgadgadayA girA hariM
tuShTAva sA devyaditiH kurUdvaha |
udvIkShatI sA pibatIva chakShuShA
ramApatiM yaj~napatiM jagatpatim || 7||
aditiruvAcha
yaj~nesha yaj~napuruShAchyuta tIrthapAda
tIrthashravaH shravaNama~NgalanAmadheya |
ApannalokavR^ijinopashamodayAdya
shaM naH kR^idhIsha bhagavannasi dInanAthaH || 8||
vishvAya vishvabhavanasthitisaMyamAya
svairaM gR^ihItapurushaktiguNAya bhUmne |
svasthAya shashvadupabR^iMhitapUrNabodha\-
vyApAditAtmatamase haraye namaste || 9||
AyuH paraM vapurabhIShTamatulyalakShmI\-
rdyorbhUrasAH sakalayogaguNAstrivargaH |
j~nAnaM cha kevalamananta bhavanti tuShTA\-
ttvatto nR^iNAM kimu sapatnajayAdirAshIH || 10||
shrIshuka uvAcha
adityaivaM stuto rAjan bhagavAn puShkarekShaNaH |
kShetraj~naH sarvabhUtAnAmiti hovAcha bhArata || 11||
shrIbhagavAnuvAcha
devamAtarbhavatyA me vij~nAtaM chirakA~NkShitam |
yatsapatnairhR^itashrINAM chyAvitAnAM svadhAmataH || 12||
tAn vinirjitya samare durmadAnasurarShabhAn |
pratilabdhajayashrIbhiH putrairichChasyupAsitum || 13||
indrajyeShThaiH svatanayairhatAnAM yudhi vidviShAm |
striyo rudantIrAsAdya draShTumichChasi duHkhitAH || 14||
AtmajAn susamR^iddhAMstvaM pratyAhR^itayashaHshriyaH |
nAkapR^iShThamadhiShThAya krIDato draShTumichChasi || 15||
prAyo.adhunA te.asurayUthanAthA
apAraNIyA iti devi me matiH |
yatte.anukUleshvaravipraguptA
na vikramastatra sukhaM dadAti || 16||
athApyupAyo mama devi chintyaH
santoShitasya vratacharyayA te |
mamArchanaM nArhati gantumanyathA
shraddhAnurUpaM phalahetukatvAt || 17||
tvayArchitashchAhamapatyaguptaye
payovratenAnuguNaM samIDitaH |
svAMshena putratvamupetya te sutAn
goptAsmi mArIchatapasyadhiShThitaH || 18||
upadhAva patiM bhadre prajApatimakalmaSham |
mAM cha bhAvayatI patyAvevaM rUpamavasthitam || 19||
naitatparasmA AkhyeyaM pR^iShTayApi katha~nchana |
sarvaM sampadyate devi devaguhyaM susaMvR^itam || 20||
shrIshuka uvAcha
etAvaduktvA bhagavAMstatraivAntaradhIyata |
aditirdurlabhaM labdhvA harerjanmAtmani prabhoH || 21||
upAdhAvatpatiM bhaktyA parayA kR^itakR^ityavat |
sa vai samAdhiyogena kashyapastadabudhyata || 22||
praviShTamAtmani hareraMshaM hyavitathekShaNaH |
so.adityAM vIryamAdhatta tapasA chirasambhR^itam |
samAhitamanA rAjan dAruNyagniM yathAnilaH || 23||
aditerdhiShThitaM garbhaM bhagavantaM sanAtanam |
hiraNyagarbho vij~nAya samIDe guhyanAmabhiH || 24||
brahmovAcha
jayorugAya bhagavannurukrama namo.astu te |
namo brahmaNyadevAya triguNAya namo namaH || 25||
namaste pR^ishnigarbhAya vedagarbhAya vedhase |
trinAbhAya tripR^iShThAya shipiviShTAya viShNave || 26||
tvamAdiranto bhuvanasya madhya\-
manantashaktiM puruShaM yamAhuH |
kAlo bhavAnAkShipatIsha vishvaM
sroto yathAntaH patitaM gabhIram || 27||
tvaM vai prajAnAM sthiraja~NgamAnAM
prajApatInAmasi sambhaviShNuH |
divaukasAM deva divashchyutAnAM
parAyaNaM nauriva majjato.apsu || 28||
iti shrImadbhAgavate mahApurANe pAramahaMsyAM samhitAyAM
aShTamaskandhe vAmanaprAdurbhAve saptadasho.adhyAyaH || 17||
\iti
\section{.. OM namo bhagavate vAsudevAya ..}
\section{.. aShTAdasho.adhyAyaH \- 18 ..}
shrIshuka uvAcha
itthaM viri~nchastutakarmavIryaH
prAdurbabhUvAmR^itabhUradityAm |
chaturbhujaH sha~NkhagadAbjachakraH
pisha~NgavAsA nalinAyatekShaNaH || 1||
shyAmAvadAto jhaSharAjakuNDala\-
tviShollasachChrIvadanAmbujaH pumAn |
shrIvatsavakShA valayA~Ngadollasa\-
tkirITakA~nchIguNachArunUpuraH || 2||
madhuvratavrAtavighuShTayA svayA
virAjitaH shrIvanamAlayA hariH |
prajApaterveshmatamaH svarochiShA
vinAshayan kaNThaniviShTakaustubhaH || 3||
dishaH praseduH salilAshayAstadA
prajAH prahR^iShTA R^itavo guNAnvitAH |
dyaurantarikShaM kShitiragnijihvA
gAvo dvijAH sa~njahR^iShurnagAshcha || 4||
shroNAyAM shravaNadvAdashyAM muhUrte.abhijiti prabhuH |
sarve nakShatratArAdyAshchakrustajjanma dakShiNam || 5||
dvAdashyAM savitAtiShThanmadhyandinagato nR^ipa |
vijayA nAma sA proktA yasyAM janma vidurhareH || 6||
sha~Nkhadundubhayo nedurmR^ida~NgapaNavAnakAH |
chitravAditratUryANAM nirghoShastumulo.abhavat || 7||
prItAshchApsaraso.anR^ityan gandharvapravarA jaguH |
tuShTuvurmunayo devA manavaH pitaro.agnayaH || 8||
siddhavidyAdharagaNAH sakimpuruShakinnarAH |
chAraNA yakSharakShAMsi suparNA bhujagottamAH || 9||
gAyanto.atiprashaMsanto nR^ityanto vibudhAnugAH |
adityA AshramapadaM kusumaiH samavAkiran || 10||
dR^iShTvAditistaM nijagarbhasambhavaM
paraM pumAMsaM mudamApa vismitA |
gR^ihItadehaM nijayogamAyayA
prajApatishchAha jayeti vismitaH || 11||
yattadvapurbhAti vibhUShaNAyudhai\-
ravyaktachidvyaktamadhArayaddhariH |
babhUva tenaiva sa vAmano vaTuH
sampashyatordivyagatiryathA naTaH || 12||
taM vaTuM vAmanaM dR^iShTvA modamAnA maharShayaH |
karmANi kArayAmAsuH puraskR^itya prajApatim || 13||
tasyopanIyamAnasya sAvitrIM savitAbravIt |
bR^ihaspatirbrahmasUtraM mekhalAM kashyapo.adadAt || 14||
dadau kR^iShNAjinaM bhUmirdaNDaM somo vanaspatiH |
kaupInAchChAdanaM mAtA dyaushChatraM jagataH pateH || 15||
kamaNDaluM vedagarbhaH kushAn saptarShayo daduH |
akShamAlAM mahArAja sarasvatyavyayAtmanaH || 16||
tasmA ityupanItAya yakSharAT pAtrikAmadAt |
bhikShAM bhagavatI sAkShAdumAdAdambikA satI || 17||
sa brahmavarchasenaivaM sabhAM sambhAvito vaTuH |
brahmarShigaNasa~njuShTAmatyarochata mAriShaH || 18||
samiddhamAhitaM vahniM kR^itvA parisamUhanam |
paristIrya samabhyarchya samidbhirajuhoddvijaH || 19||
shrutvAshvamedhairyajamAnamUrjitaM
baliM bhR^igUNAmupakalpitaistataH |
jagAma tatrAkhilasArasambhR^ito
bhAreNa gAM sannamayan pade pade || 20||
taM narmadAyAstaTa uttare baleH
ya R^itvijaste bhR^igukachChasa.nj~nake |
pravartayanto bhR^igavaH kratUttamaM
vyachakShatArAduditaM yathA ravim || 21||
ta R^itvijo yajamAnaH sadasyA
hatatviSho vAmanatejasA nR^ipa |
sUryaH kilAyAtyuta vA vibhAvasuH
sanatkumAro.atha didR^ikShayA kratoH || 22||
itthaM sashiShyeShu bhR^iguShvanekadhA
vitarkyamANo bhagavAn sa vAmanaH |
ChatraM sadaNDaM sajalaM kamaNDaluM
vivesha bibhraddhayamedhavATam || 23||
mau~njyA mekhalayA vItamupavItAjinottaram |
jaTilaM vAmanaM vipraM mAyAmANavakaM harim || 24||
praviShTaM vIkShya bhR^igavaH sashiShyAste sahAgnibhiH |
pratyagR^ihNan samutthAya sa~NkShiptAstasya tejasA || 25||
yajamAnaH pramudito darshanIyaM manoramam |
rUpAnurUpAvayavaM tasmA AsanamAharat || 26||
svAgatenAbhinandyAtha pAdau bhagavato baliH |
avanijyArchayAmAsa muktasa~Ngamanoramam || 27||
tatpAdashauchaM janakalmaShApahaM
sa dharmavinmUrdhnyadadhAtsuma~Ngalam |
yaddevadevo girishashchandramauliH
dadhAra mUrdhnA parayA cha bhaktyA || 28||
baliruvAcha
svAgataM te namastubhyaM brahman kiM karavAma te |
brahmarShINAM tapaH sAkShAnmanye tvA.a.arya vapurdharam || 29||
adya naH pitarastR^iptA adya naH pAvitaM kulam |
adya sviShTaH kraturayaM yadbhavAnAgato gR^ihAn || 30||
adyAgnayo me suhutA yathAvidhi
dvijAtmaja tvachcharaNAvanejanaiH |
hatAMhaso vArbhiriyaM cha bhUraho
tathA punItA tanubhiH padaistava || 31||
yadyadvaTo vA~nChasi tatpratIchCha me
tvAmarthinaM viprasutAnutarkaye |
gAM kA~nchanaM guNavaddhAma mR^iShTaM
tathAnnapeyamuta vA viprakanyAm |
grAmAn samR^iddhAMsturagAn gajAn vA
rathAMstathArhattama sampratIchCha || 32||
iti shrImadbhAgavate mahApurANe pAramahaMsyAM samhitAyAmaShTamaskandhe
vAmanaprAdurbhAve balivAmanasaMvAde aShTAdasho.adhyAyaH || 18||
\iti
\section{.. OM namo bhagavate vAsudevAya ..}
\section{.. ekonaviMsho.adhyAyaH \- 19 ..}
shrIshuka uvAcha
iti vairochanervAkyaM dharmayuktaM sa sUnR^itam |
nishamya bhagavAn prItaH pratinandyedamabravIt || 1||
shrIbhagavAnuvAcha
vachastavaitajjanadeva sUnR^itaM
kulochitaM dharmayutaM yashaskaram |
yasya pramANaM bhR^igavaH sAmparAye
pitAmahaH kulavR^iddhaH prashAntaH || 2||
na hyetasmin kule kashchinniHsattvaH kR^ipaNaH pumAn |
pratyAkhyAtA pratishrutya yo vAdAtA dvijAtaye || 3||
na santi tIrthe yudhi chArthinArthitAH
parA~NmukhA ye tvamanasvino nR^ipAH |
yuShmatkule yadyashasAmalena
prahlAda udbhAti yathoDupaH khe || 4||
yato jAto hiraNyAkShashcharanneka imAM mahIm |
prativIraM digvijaye nAvindata gadAyudhaH || 5||
yaM vinirjitya kR^ichChreNa viShNuH kShmoddhAra Agatam |
nAtmAnaM jayinaM mene tadvIryaM bhUryanusmaran || 6||
nishamya tadvadhaM bhrAtA hiraNyakashipuH purA |
hantuM bhrAtR^ihaNaM kruddho jagAma nilayaM hareH || 7||
tamAyAntaM samAlokya shUlapANiM kR^itAntavat |
chintayAmAsa kAlaj~no viShNurmAyAvinAM varaH || 8||
yato yato.ahaM tatrAsau mR^ityuH prANabhR^itAmiva |
ato.ahamasya hR^idayaM pravekShyAmi parAgdR^ishaH || 9||
evaM sa nishchitya ripoH sharIra\-
mAdhAvato nirvivishe.asurendra |
shvAsAnilAntarhitasUkShmadeha\-
statprANarandhreNa vivignachetAH || 10||
sa tanniketaM parimR^ishya shUnya\-
mapashyamAnaH kupito nanAda |
kShmAM dyAM dishaH khaM vivarAn samudrAn
viShNuM vichinvan na dadarsha vIraH || 11||
apashyanniti hovAcha mayAnviShTamidaM jagat |
bhrAtR^ihA me gato nUnaM yato nAvartate pumAn || 12||
vairAnubandha etAvAnAmR^ityoriha dehinAm |
aj~nAnaprabhavo manyurahammAnopabR^iMhitaH || 13||
pitA prahlAdaputraste tadvidvAn dvijavatsalaH |
svamAyurdvijali~Ngebhyo devebhyo.adAtsa yAchitaH || 14||
bhavAnAcharitAn dharmAnAsthito gR^ihamedhibhiH |
brAhmaNaiH pUrvajaiH shUrairanyaishchoddAmakIrtibhiH || 15||
tasmAttvatto mahImIShadvR^iNe.ahaM varadarShabhAt |
padAni trINi daityendra sammitAni padA mama || 16||
nAnyatte kAmaye rAjan vadAnyAjjagadIshvarAt |
nainaH prApnoti vai vidvAn yAvadarthapratigrahaH || 17||
baliruvAcha
aho brAhmaNadAyAda vAchaste vR^iddhasammatAH |
tvaM bAlo bAlishamatiH svArthaM pratyabudho yathA || 18||
mAM vachobhiH samArAdhya lokAnAmekamIshvaram |
padatrayaM vR^iNIte yo.abuddhimAn dvIpadAshuSham || 19||
na pumAn mAmupavrajya bhUyo yAchitumarhati |
tasmAdvR^ittikarIM bhUmiM vaTo kAmaM pratIchCha me || 20||
shrIbhagavAnuvAcha
yAvanto viShayAH preShThAstrilokyAmajitendriyam |
na shaknuvanti te sarve pratipUrayituM nR^ipa || 21||
tribhiH kramairasantuShTo dvIpenApi na pUryate |
navavarShasametena saptadvIpavarechChayA || 22||
saptadvIpAdhipatayo nR^ipA vainyagayAdayaH |
arthaiH kAmairgatA nAntaM tR^iShNAyA iti naH shrutam || 23||
yadR^ichChayopapannena santuShTo vartate sukham |
nAsantuShTastribhirlokairajitAtmopasAditaiH || 24||
puMso.ayaM saMsR^iterheturasantoSho.arthakAmayoH |
yadR^ichChayopapannena santoSho muktaye smR^itaH || 25||
yadR^ichChAlAbhatuShTasya tejo viprasya vardhate |
tatprashAmyatyasantoShAdambhasevAshushukShaNiH || 26||
tasmAttrINi padAnyeva vR^iNe tvadvaradarShabhAt |
etAvataiva siddho.ahaM vittaM yAvatprayojanam || 27||
shrIshuka uvAcha
ityuktaH sa hasannAha vA~nChAtaH pratigR^ihyatAm |
vAmanAya mahIM dAtuM jagrAha jalabhAjanam || 28||
viShNave kShmAM pradAsyantamushanA asureshvaram |
jAnaMshchikIrShitaM viShNoH shiShyaM prAha vidAM varaH || 29||
shukra uvAcha
eSha vairochane sAkShAdbhagavAn viShNuravyayaH |
kashyapAdaditerjAto devAnAM kAryasAdhakaH || 30||
pratishrutaM tvayaitasmai yadanarthamajAnatA |
na sAdhu manye daityAnAM mahAnupagato.anayaH || 31||
eSha te sthAnamaishvaryaM shriyaM tejo yashaH shrutam |
dAsyatyAchChidya shakrAya mAyAmANavako hariH || 32||
tribhiH kramairimA.NllokAn vishvakAyaH kramiShyati |
sarvasvaM viShNave dattvA mUDha vartiShyase katham || 33||
kramato gAM padaikena dvitIyena divaM vibhoH |
khaM cha kAyena mahatA tArtIyasya kuto gatiH || 34||
niShThAM te narake manye hyapradAtuH pratishrutam |
pratishrutasya yo.anIshaH pratipAdayituM bhavAn || 35||
na taddAnaM prashaMsanti yena vR^ittirvipadyate |
dAnaM yaj~nastapaH karma loke vR^ittimato yataH || 36||
dharmAya yashase.arthAya kAmAya svajanAya cha |
pa~nchadhA vibhajan vittamihAmutra cha modate || 37||
atrApi bahvR^ichairgItaM shR^iNu me.asurasattama |
satyamomiti yatproktaM yannetyAhAnR^itaM hi tat || 38||
satyaM puShpaphalaM vidyAdAtmavR^ikShasya gIyate |
vR^ikShe.ajIvati tanna syAdanR^itaM mUlamAtmanaH || 39||
tadyathA vR^ikSha unmUlaH shuShyatyudvartate.achirAt |
evaM naShTAnR^itaH sadya AtmA shuShyenna saMshayaH || 40||
parAgriktamapUrNaM vA akSharaM yattadomiti |
yatki~nchidomiti brUyAttena richyeta vai pumAn |
bhikShave sarvamoM kurvan nAlaM kAmena chAtmane || 41||
athaitatpUrNamabhyAtmaM yachcha netyanR^itaM vachaH |
sarvaM netyanR^itaM brUyAtsa duShkIrtiH shvasan mR^itaH || 42||
strIShu narmavivAhe cha vR^ittyarthe prANasa~NkaTe |
gobrAhmaNArthe hiMsAyAM nAnR^itaM syAjjugupsitam || 43||
iti shrImadbhAgavate mahApurANe pAramahaMsyAM samhitAyAM
aShTamaskandhe vAmanaprAdurbhAve ekonaviMsho.adhyAyaH || 19||
\iti
\section{.. OM namo bhagavate vAsudevAya ..}
\section{.. viMsho.adhyAyaH \- 20 ..}
shrIshuka uvAcha
balirevaM gR^ihapatiH kulAchAryeNa bhAShitaH |
tUShNIM bhUtvA kShaNaM rAjannuvAchAvahito gurum || 1||
baliruvAcha
satyaM bhagavatA proktaM dharmo.ayaM gR^ihamedhinAm |
arthaM kAmaM yasho vR^ittiM yo na bAdheta karhichit || 2||
sa chAhaM vittalobhena pratyAchakShe kathaM dvijam |
pratishrutya dadAmIti prAhlAdiH kitavo yathA || 3||
na hyasatyAtparo.adharma iti hovAcha bhUriyam |
sarvaM soDhumalaM manye R^ite.alIkaparaM naram || 4||
nAhaM bibhemi nirayAnnAdhanyAdasukhArNavAt |
na sthAnachyavanAnmR^ityoryathA viprapralambhanAt || 5||
yadyaddhAsyati loke.asmin samparetaM dhanAdikam |
tasya tyAge nimittaM kiM viprastuShyenna tena chet || 6||
shreyaH kurvanti bhUtAnAM sAdhavo dustyajAsubhiH |
dadhya~N shibiprabhR^itayaH ko vikalpo dharAdiShu || 7||
yairiyaM bubhuje brahman daityendrairanivartibhiH |
teShAM kAlo.agrasIllokAn na yasho.adhigataM bhuvi || 8||
sulabhA yudhi viprarShe hyanivR^ittAstanutyajaH |
na tathA tIrtha AyAte shraddhayA ye dhanatyajaH || 9||
manasvinaH kAruNikasya shobhanaM
yadarthikAmopanayena durgatiH |
kutaH punarbrahmavidAM bhavAdR^ishAM
tato vaTorasya dadAmi vA~nChitam || 10||
yajanti yaj~nakratubhiryamAdR^itA
bhavanta AmnAyavidhAnakovidAH |
sa eva viShNurvarado.astu vA paro
dAsyAmyamuShmai kShitimIpsitAM mune || 11||
yadyapyasAvadharmeNa mAM badhnIyAdanAgasam |
tathApyenaM na hiMsiShye bhItaM brahmatanuM ripum || 12||
eSha vA uttamashloko na jihAsati yadyashaH |
hatvA mainAM haredyuddhe shayIta nihato mayA || 13||
shrIshuka uvAcha
evamashraddhitaM shiShyamanAdeshakaraM guruH |
shashApa daivaprahitaH satyasandhaM manasvinam || 14||
dR^iDhaM paNDitamAnyaj~naH stabdho.asyasmadupekShayA |
machChAsanAtigo yastvamachirAdbhrashyase shriyaH || 15||
evaM shaptaH svaguruNA satyAnna chalito mahAn |
vAmanAya dadAvenAmarchitvodakapUrvakam || 16||
vindhyAvalistadA.a.agatya patnI jAlakamAlinI |
Aninye kalashaM haimamavanejanyapAM bhR^itam || 17||
yajamAnaH svayaM tasya shrImatpAdayugaM mudA |
avanijyAvahanmUrdhni tadapo vishvapAvanIH || 18||
tadAsurendraM divi devatAgaNAH
gandharvavidyAdharasiddhachAraNAH |
tatkarma sarve.api gR^iNanta ArjavaM
prasUnavarShairvavR^iShurmudAnvitAH || 19||
nedurmuhurdundubhayaH sahasrasho
gandharvakimpUruShakinnarA jaguH |
manasvinAnena kR^itaM suduShkaraM
vidvAnadAdyadripave jagattrayam || 20||
tadvAmanaM rUpamavardhatAdbhutaM
hareranantasya guNatrayAtmakam |
bhUH khaM disho dyaurvivarAH payodhaya\-
stirya~N nR^idevA R^iShayo yadAsata || 21||
kAye balistasya mahAvibhUteH
sahartvigAchAryasadasya etat |
dadarsha vishvaM triguNaM guNAtmake
bhUtendriyArthAshayajIvayuktam || 22||
rasAmachaShTA~Nghritale.atha pAdayoH
mahIM mahIdhrAn puruShasya ja~NghayoH |
patattriNo jAnuni vishvamUrte\-
rUrvorgaNaM mArutamindrasenaH || 23||
sandhyAM vibhorvAsasi guhya aikSha\-
tprajApatIn jaghane AtmamukhyAn |
nAbhyAM nabhaH kukShiShu saptasindhU\-
nurukramasyorasi charkShamAlAm || 24||
hR^idya~Nga dharmaM stanayormurAreH
R^itaM cha satyaM cha manasyathendum |
shriyaM cha vakShasyaravindahastAM
kaNThe cha sAmAni samastarephAn || 25||
indrapradhAnAnamarAn bhujeShu
tatkarNayoH kakubho dyaushcha mUrdhni |
kesheShu meghAn shvasanaM nAsikAyA\-
makShNoshcha sUryaM vadane cha vahnim || 26||
vANyAM cha ChandAMsi rase jaleshaM
bhruvorniShedhaM cha vidhiM cha pakShmasu |
ahashcha rAtriM cha parasya puMso
manyuM lalATe.adhara eva lobham || 27||
sparshe cha kAmaM nR^ipa retaso.ambhaH
pR^iShThe tvadharmaM kramaNeShu yaj~nam |
ChAyAsu mR^ityuM hasite cha mAyAM
tanUruheShvoShadhijAtayashcha || 28||
nadIshcha nADIShu shilA nakheShu
buddhAvajaM devagaNAn R^iShIMshcha |
prANeShu gAtre sthiraja~NgamAni
sarvANi bhUtAni dadarsha vIraH || 29||
sarvAtmanIdaM bhuvanaM nirIkShya
sarve.asurAH kashmalamApura~Nga |
sudarshanaM chakramasahyatejo
dhanushcha shAr~NgaM stanayitnughoSham || 30||
parjanyaghoSho jalajaH pA~nchajanyaH
kaumodakI viShNugadA tarasvinI |
vidyAdharo.asiH shatachandrayukta\-
stUNottamAvakShayasAyakau cha || 31||
sunandamukhyA upatasthurIshaM
pArShadamukhyAH sahalokapAlAH |
sphuratkirITA~NgadamInakuNDala\-
shrIvatsaratnottamamekhalAmbaraiH || 32||
madhuvratasragvanamAlayA vR^ito
rarAja rAjan bhagavAnurukramaH |
kShitiM padaikena balervichakrame
nabhaH sharIreNa dishashcha bAhubhiH || 33||
padaM dvitIyaM kramatastriviShTapaM
na vai tR^itIyAya tadIyamaNvapi |
urukramasyA~Nghriruparyuparyatho
maharjanAbhyAM tapasaH paraM gataH || 34||
iti shrImadbhAgavate mahApurANe pAramahaMsyAM samhitAyA\-
maShTamaskandhe vishvarUpadarshanaM nAma viMsho.adhyAyaH || 20||
\iti
\section{.. OM namo bhagavate vAsudevAya ..}
\section{.. ekaviMsho.adhyAyaH \- 21 ..}
shrIshuka uvAcha
satyaM samIkShyAbjabhavo nakhendubhi\-
rhatasvadhAmadyutirAvR^ito.abhyagAt |
marIchimishrA R^iShayo bR^ihadvratAH
sanandanAdyA naradeva yoginaH || 1||
vedopavedA niyamAnvitA yamA\-
starketihAsA~NgapurANasaMhitAH |
ye chApare yogasamIradIpita\-
j~nAnAgninA randhitakarmakalmaShAH |
vavandire yatsmaraNAnubhAvataH
svAyambhuvaM dhAma gatA akarmakam || 2||
athA~Nghraye pronnamitAya viShNo\-
rupAharatpadmabhavo.arhaNodakam |
samarchya bhaktyAbhyagR^iNAchChuchishravA
yannAbhipa~NkeruhasambhavaH svayam || 3||
dhAtuH kamaNDalujalaM tadurukramasya
pAdAvanejanapavitratayA narendra |
svardhunyabhUnnabhasi sA patatI nimArShTi
lokatrayaM bhagavato vishadeva kIrtiH || 4||
brahmAdayo lokanAthAH svanAthAya samAdR^itAH |
sAnugA balimAjahruH sa~NkShiptAtmavibhUtaye || 5||
toyaiH samarhaNaiH sragbhirdivyagandhAnulepanaiH |
dhUpairdIpaiH surabhibhirlAjAkShataphalA~NkuraiH || 6||
stavanairjayashabdaishcha tadvIryamahimA~NkitaiH |
nR^ityavAditragItaishcha sha~NkhadundubhiniHsvanaiH || 7||
jAmbavAn R^ikSharAjastu bherIshabdairmanojavaH |
vijayaM dikShu sarvAsu mahotsavamaghoShayat || 8||
mahIM sarvAM hR^itAM dR^iShTvA tripadavyAjayAch~nayA |
UchuH svabharturasurA dIkShitasyAtyamarShitAH || 9||
na vA ayaM brahmabandhurviShNurmAyAvinAM varaH |
dvijarUpapratichChanno devakAryaM chikIrShati || 10||
anena yAchamAnena shatruNA vaTurUpiNA |
sarvasvaM no hR^itaM bharturnyastadaNDasya barhiShi || 11||
satyavratasya satataM dIkShitasya visheShataH |
nAnR^itaM bhAShituM shakyaM brahmaNyasya dayAvataH || 12||
tasmAdasya vadho dharmo bhartuH shushrUShaNaM cha naH |
ityAyudhAni jagR^ihurbaleranucharAsurAH || 13||
te sarve vAmanaM hantuM shUlapaTTishapANayaH |
anichChato bale rAjan prAdravan jAtamanyavaH || 14||
tAnabhidravato dR^iShTvA ditijAnIkapAn nR^ipa |
prahasyAnucharA viShNoH pratyaShedhannudAyudhAH || 15||
nandaH sunando.atha jayo vijayaH prabalo balaH |
kumudaH kumudAkShashcha viShvaksenaH patattrirAT || 16||
jayantaH shrutadevashcha puShpadanto.atha sAtvataH |
sarve nAgAyutaprANAshchamUM te jaghnurAsurIm || 17||
hanyamAnAn svakAn dR^iShTvA puruShAnucharairbaliH |
vArayAmAsa saMrabdhAn kAvyashApamanusmaran || 18||
he viprachitte he rAho he neme shrUyatAM vachaH |
mA yudhyata nivartadhvaM na naH kAlo.ayamarthakR^it || 19||
yaH prabhuH sarvabhUtAnAM sukhaduHkhopapattaye |
taM nAtivartituM daityAH pauruShairIshvaraH pumAn || 20||
yo no bhavAya prAgAsIdabhavAya divaukasAm |
sa eva bhagavAnadya vartate tadviparyayam || 21||
balena sachivairbud.hdhyA durgairmantrauShadhAdibhiH |
sAmAdibhirupAyaishcha kAlaM nAtyeti vai janaH || 22||
bhavadbhirnirjitA hyete bahusho.anucharA hareH |
daivenarddhaista evAdya yudhi jitvA nadanti naH || 23||
etAn vayaM vijeShyAmo yadi daivaM prasIdati |
tasmAtkAlaM pratIkShadhvaM yo no.arthatvAya kalpate || 24||
shrIshuka uvAcha
patyurnigaditaM shrutvA daityadAnavayUthapAH |
rasAM nirvivishU rAjan viShNupArShadatADitAH || 25||
atha tArkShyasuto j~nAtvA virAT prabhuchikIrShitam |
babandha vAruNaiH pAshairbaliM sautye.ahani kratau || 26||
hAhAkAro mahAnAsIdrodasyoH sarvatodisham |
nigR^ihyamANe.asurapatau viShNunA prabhaviShNunA || 27||
taM baddhaM vAruNaiH pAshairbhagavAnAha vAmanaH |
naShTashriyaM sthirapraj~namudArayashasaM nR^ipa || 28||
padAni trINi dattAni bhUmermahyaM tvayAsura |
dvAbhyAM krAntA mahI sarvA tR^itIyamupakalpaya || 29||
yAvattapatyasau gobhiryAvadinduH sahoDubhiH |
yAvadvarShati parjanyastAvatI bhUriyaM tava || 30||
padaikena mayAkrAnto bhUrlokaH khaM dishastanoH |
svarlokastu dvitIyena pashyataste svamAtmanA || 31||
pratishrutamadAtuste niraye vAsa iShyate |
visha tvaM nirayaM tasmAdguruNA chAnumoditaH || 32||
vR^ithA manorathastasya dUre svargaH patatyadhaH |
pratishrutasyAdAnena yo.arthinaM vipralambhate || 33||
vipralabdho dadAmIti tvayAhaM chADhyamAninA |
tadvyalIkaphalaM bhu~NkShva nirayaM katichitsamAH || 34||
iti shrImadbhAgavate mahApurANe pAramahaMsyAM
saMhitAyAmaShTamaskandhe vAmanaprAdurbhAve balinigraho nAmaikaviMsho.adhyAyaH || 21||
\iti
\section{.. OM namo bhagavate vAsudevAya ..}
\section{.. dvAviMsho.adhyAyaH \- 22 ..}
shrIshuka uvAcha
evaM viprakR^ito rAjan balirbhagavatAsuraH |
bhidyamAno.apyabhinnAtmA pratyAhAviklavaM vachaH || 1||
baliruvAcha
yadyuttamashloka bhavAn mameritaM
vacho vyalIkaM suravarya manyate |
karomyR^itaM tanna bhavetpralambhanaM
padaM tR^itIyaM kuru shIrShNi me nijam || 2||
bibhemi nAhaM nirayAtpadachyuto
na pAshabandhAdvyasanAdduratyayAt |
naivArthakR^ichChrAdbhavato vinigrahA\-
dasAdhuvAdAdbhR^ishamudvije yathA || 3||
puMsAM shlAghyatamaM manye daNDamarhattamArpitam |
yaM na mAtA pitA bhrAtA suhR^idashchAdishanti hi || 4||
tvaM nUnamasurANAM naH pArokShyaH paramo guruH |
yo no.anekamadAndhAnAM vibhraMshaM chakShurAdishat || 5||
yasmin vairAnubandhena vyUDhena vibudhetarAH |
bahavo lebhire siddhiM yAmu haikAntayoginaH || 6||
tenAhaM nigR^ihIto.asmi bhavatA bhUrikarmaNA |
baddhashcha vAruNaiH pAshairnAtivrIDe na cha vyathe || 7||
pitAmaho me bhavadIyasammataH
prahlAda AviShkR^itasAdhuvAdaH |
bhavadvipakSheNa vichitravaishasaM
samprApitastvatparamaH svapitrA || 8||
kimAtmanAnena jahAti yo.antataH
kiM rikthahAraiH svajanAkhyadasyubhiH |
kiM jAyayA saMsR^itihetubhUtayA
martyasya gehaiH kimihAyuSho vyayaH || 9||
itthaM sa nishchitya pitAmaho mahA\-
nagAdhabodho bhavataH pAdapadmam |
dhruvaM prapede hyakutobhayaM janAd\-
bhItaH svapakShakShapaNasya sattama || 10||
athAhamapyAtmaripostavAntikaM
daivena nItaH prasabhaM tyAjitashrIH |
idaM kR^itAntAntikavarti jIvitaM
yayAdhruvaM stabdhamatirna budhyate || 11||
shrIshuka uvAcha
tasyetthaM bhAShamANasya prahlAdo bhagavatpriyaH |
AjagAma kurushreShTha rAkApatirivotthitaH || 12||
tamindrasenaH svapitAmahaM shriyA
virAjamAnaM nalinAyatekShaNam |
prAMshuM pisha~NgAmbarama~njanatviShaM
pralambabAhuM subhagaM samaikShata || 13||
tasmai balirvAruNapAshayantritaH
samarhaNaM nopajahAra pUrvavat |
nanAma mUrdhnAshruvilolalochanaH
savrIDanIchInamukho babhUva ha || 14||
sa tatra hAsInamudIkShya satpatiM
sunandanandAdyanugairupAsitam |
upetya bhUmau shirasA mahAmanA
nanAma mUrdhnA pulakAshruviklavaH || 15||
prahlAda uvAcha
tvayaiva dattaM padamaindramUrjitaM
hR^itaM tadevAdya tathaiva shobhanam |
manye mahAnasya kR^ito hyanugraho
vibhraMshito yachChriya AtmamohanAt || 16||
yayA hi vidvAnapi muhyate yata\-
statko vichaShTe gatimAtmano yathA |
tasmai namaste jagadIshvarAya vai
nArAyaNAyAkhilalokasAkShiNe || 17||
shrIshuka uvAcha
tasyAnushR^iNvato rAjan prahlAdasya kR^itA~njaleH |
hiraNyagarbho bhagavAnuvAcha madhusUdanam || 18||
baddhaM vIkShya patiM sAdhvI tatpatnI bhayavihvalA |
prA~njaliH praNatopendraM babhAShe.avA~NmukhI nR^ipa || 19||
vindhyAvaliruvAcha
krIDArthamAtmana idaM trijagatkR^itaM te
svAmyaM tu tatra kudhiyo.apara Isha kuryuH |
kartuH prabhostava kimasyata Avahanti
tyaktahriyastvadavaropitakartR^ivAdAH || 20||
brahmovAcha
bhUtabhAvana bhUtesha devadeva jaganmaya |
mu~nchainaM hR^itasarvasvaM nAyamarhati nigraham || 21||
kR^itsnA te.anena dattA bhUrlokAH karmArjitAshcha ye |
niveditaM cha sarvasvamAtmAviklavayA dhiyA || 22||
yatpAdayorashaThadhIH salilaM pradAya
dUrvA~Nkurairapi vidhAya satIM saparyAm |
apyuttamAM gatimasau bhajate trilokIM
dAshvAnaviklavamanAH kathamArtimR^ichChet || 23||
shrIbhagavAnuvAcha
brahman yamanugR^ihNAmi tadvisho vidhunomyaham |
yanmadaH puruShaH stabdho lokaM mAM chAvamanyate || 24||
yadA kadAchijjIvAtmA saMsaran nijakarmabhiH |
nAnAyoniShvanIsho.ayaM pauruShIM gatimAvrajet || 25||
janmakarmavayorUpavidyaishvaryadhanAdibhiH |
yadyasya na bhavetstambhastatrAyaM madanugrahaH || 26||
mAnastambhanimittAnAM janmAdInAM samantataH |
sarvashreyaHpratIpAnAM hanta muhyenna matparaH || 27||
eSha dAnavadaityAnAmagraNIH kIrtivardhanaH |
ajaiShIdajayAM mAyAM sIdannapi na muhyati || 28||
kShINarikthashchyutaH sthAnAtkShipto baddhashcha shatrubhiH |
j~nAtibhishcha parityakto yAtanAmanuyApitaH || 29||
guruNA bhartsitaH shapto jahau satyaM na suvrataH |
Chalairukto mayA dharmo nAyaM tyajati satyavAk || 30||
eSha me prApitaH sthAnaM duShprApamamarairapi |
sAvarNerantarasyAyaM bhavitendro madAshrayaH || 31||
tAvatsutalamadhyAstAM vishvakarmavinirmitam |
yannAdhayo vyAdhayashcha klamastandrA parAbhavaH |
nopasargA nivasatAM sambhavanti mamekShayA || 32||
indrasena mahArAja yAhi bho bhadramastu te |
sutalaM svargibhiH prArthyaM j~nAtibhiH parivAritaH || 33||
na tvAmabhibhaviShyanti lokeshAH kimutApare |
tvachChAsanAtigAn daityAMshchakraM me sUdayiShyati || 34||
rakShiShye sarvato.ahaM tvAM sAnugaM saparichChadam |
sadA sannihitaM vIra tatra mAM drakShyate bhavAn || 35||
tatra dAnavadaityAnAM sa~NgAtte bhAva AsuraH |
dR^iShTvA madanubhAvaM vai sadyaH kuNTho vina~NkShyati || 36||
iti shrImadbhAgavate mahApurANe pAramahaMsyAM saMhitAyAmaShTamaskandhe
vAmanaprAdurbhAve balivAmanasaMvAdo nAma dvAviMsho.adhyAyaH || 22||
\iti
\section{.. OM namo bhagavate vAsudevAya ..}
\section{.. trayoviMsho.adhyAyaH \- 23 ..}
shrIshuka uvAcha
ityuktavantaM puruShaM purAtanaM
mahAnubhAvo.akhilasAdhusammataH |
baddhA~njalirbAShpakalAkulekShaNo
bhaktyudgalo gadgadayA girAbravIt || 1||
baliruvAcha
aho praNAmAya kR^itaH samudyamaH
prapannabhaktArthavidhau samAhitaH |
yallokapAlaistvadanugraho.amarai\-
ralabdhapUrvo.apasade.asure.arpitaH || 2||
shrIshuka uvAcha
ityuktvA harimAnamya brahmANaM sabhavaM tataH |
vivesha sutalaM prIto balirmuktaH sahAsuraiH || 3||
evamindrAya bhagavAn pratyAnIya triviShTapam |
pUrayitvAditeH kAmamashAsatsakalaM jagat || 4||
labdhaprasAdaM nirmuktaM pautraM vaMshadharaM balim |
nishAmya bhaktipravaNaH prahlAda idamabravIt || 5||
prahlAda uvAcha
nemaM viri~ncho labhate prasAdaM
na shrIrna sharvaH kimutApare te |
yanno.asurANAmasi durgapAlo
vishvAbhivandyairabhivanditA~NghriH || 6||
yatpAdapadmamakarandaniShevaNena
brahmAdayaH sharaNadAshnuvate vibhUtIH |
kasmAdvayaM kusR^itayaH khalayonayaste
dAkShiNyadR^iShTipadavIM bhavataH praNItAH || 7||
chitraM tavehitamaho.amitayogamAyA\-
lIlAvisR^iShTabhuvanasya vishAradasya |
sarvAtmanaH samadR^isho.aviShamaH svabhAvo
bhaktapriyo yadasi kalpatarusvabhAvaH || 8||
shrIbhagavAnuvAcha
vatsa prahlAda bhadraM te prayAhi sutalAlayam |
modamAnaH svapautreNa j~nAtInAM sukhamAvaha || 9||
nityaM draShTAsi mAM tatra gadApANimavasthitam |
maddarshanamahAhlAdadhvastakarmanibandhanaH || 10||
shrIshuka uvAcha
Aj~nAM bhagavato rAjan prahlAdo balinA saha |
bADhamityamalapraj~no mUrdhnyAdhAya kR^itA~njaliH || 11||
parikramyAdipuruShaM sarvAsurachamUpatiH |
praNatastadanuj~nAtaH pravivesha mahAbilam || 12||
athAhoshanasaM rAjan harirnArAyaNo.antike |
AsInamR^itvijAM madhye sadasi brahmavAdinAm || 13||
brahman santanu shiShyasya karmachChidraM vitanvataH |
yattatkarmasu vaiShamyaM brahmadR^iShTaM samaM bhavet || 14||
shukra uvAcha
kutastatkarmavaiShamyaM yasya karmeshvaro bhavAn |
yaj~nesho yaj~napuruShaH sarvabhAvena pUjitaH || 15||
mantratastantratashChidraM deshakAlArhavastutaH |
sarvaM karoti nishChidraM nAmasa~NkIrtanaM tava || 16||
tathApi vadato bhUman kariShyAmyanushAsanam |
etachChreyaH paraM puMsAM yattavAj~nAnupAlanam || 17||
shrIshuka uvAcha
abhinandya harerAj~nAmushanA bhagavAniti |
yaj~nachChidraM samAdhatta balerviprarShibhiH saha || 18||
evaM balermahIM rAjan bhikShitvA vAmano hariH |
dadau bhrAtre mahendrAya tridivaM yatparairhR^itam || 19||
prajApatipatirbrahmA devarShipitR^ibhUmipaiH |
dakShabhR^igva~NgiromukhyaiH kumAreNa bhavena cha || 20||
kashyapasyAditeH prItyai sarvabhUtabhavAya cha |
lokAnAM lokapAlAnAmakarodvAmanaM patim || 21||
vedAnAM sarvadevAnAM dharmasya yashasaH shriyaH |
ma~NgalAnAM vratAnAM cha kalpaM svargApavargayoH || 22||
upendraM kalpayA~nchakre patiM sarvavibhUtaye |
tadA sarvANi bhUtAni bhR^ishaM mumudire nR^ipa || 23||
tatastvindraH puraskR^itya devayAnena vAmanam |
lokapAlairdivaM ninye brahmaNA chAnumoditaH || 24||
prApya tribhuvanaM chendra upendrabhujapAlitaH |
shriyA paramayA juShTo mumude gatasAdhvasaH || 25||
brahmA sharvaH kumArashcha bhR^igvAdyA munayo nR^ipa |
pitaraH sarvabhUtAni siddhA vaimAnikAshcha ye || 26||
sumahatkarma tadviShNorgAyantaH paramAdbhutam |
dhiShNyAni svAni te jagmuraditiM cha shashaMsire || 27||
sarvametanmayA.a.akhyAtaM bhavataH kulanandana |
urukramasya charitaM shrotR^INAmaghamochanam || 28||
pAraM mahimna uruvikramato gR^iNAno
yaH pArthivAni vimame sa rajAMsi martyaH |
kiM jAyamAna uta jAta upaiti martya
ityAha mantradR^igR^iShiH puruShasya yasya || 29||
ya idaM devadevasya hareradbhutakarmaNaH |
avatArAnucharitaM shR^iNvan yAti parAM gatim || 30||
kriyamANe karmaNIdaM daive pitrye.atha mAnuShe |
yatra yatrAnukIrtyeta tatteShAM sukR^itaM viduH || 31||
iti shrImadbhAgavate mahApurANe pAramahaMsyAM saMhitAyA\-
maShTamaskandhe vAmanAvatAracharite trayoviMsho.adhyAyaH || 23||
\iti
\section{.. OM namo bhagavate vAsudevAya ..}
\section{.. chaturviMsho.adhyAyaH \- 24 ..}
rAjovAcha
bhagavan shrotumichChAmi hareradbhutakarmaNaH |
avatArakathAmAdyAM mAyAmatsyaviDambanam || 1||
yadarthamadadhAdrUpaM mAtsyaM lokajugupsitam |
tamaHprakR^itidurmarShaM karmagrasta iveshvaraH || 2||
etanno bhagavan sarvaM yathAvadvaktumarhasi |
uttamashlokacharitaM sarvalokasukhAvaham || 3||
sUta uvAcha
ityukto viShNurAtena bhagavAn bAdarAyaNiH |
uvAcha charitaM viShNormatsyarUpeNa yatkR^itam || 4||
shrIshuka uvAcha
goviprasurasAdhUnAM ChandasAmapi cheshvaraH |
rakShAmichChaMstanUrdhatte dharmasyArthasya chaiva hi || 5||
uchchAvacheShu bhUteShu charan vAyuriveshvaraH |
nochchAvachatvaM bhajate nirguNatvAddhiyo guNaiH || 6||
AsIdatItakalpAnte brAhmo naimittiko layaH |
samudropaplutAstatra lokA bhUrAdayo nR^ipa || 7||
kAlenAgatanidrasya dhAtuH shishayiShorbalI |
mukhato niHsR^itAn vedAn hayagrIvo.antike.aharat || 8||
j~nAtvA taddAnavendrasya hayagrIvasya cheShTitam |
dadhAra shapharIrUpaM bhagavAn harirIshvaraH || 9||
tatra rAjaR^iShiH kashchinnAmnA satyavrato mahAn |
nArAyaNaparo.atapyattapaH sa salilAshanaH || 10||
yo.asAvasmin mahAkalpe tanayaH sa vivasvataH |
shrAddhadeva iti khyAto manutve hariNArpitaH || 11||
ekadA kR^itamAlAyAM kurvato jalatarpaNam |
tasyA~njalyudake kAchichChapharyekAbhyapadyata || 12||
satyavrato.a~njaligatAM saha toyena bhArata |
utsasarja nadItoye shapharIM draviDeshvaraH || 13||
tamAha sAtikaruNaM mahAkAruNikaM nR^ipam |
yAdobhyo j~nAtighAtibhyo dInAM mAM dInavatsala |
kathaM visR^ijase rAjan bhItAmasmin sarijjale || 14||
tamAtmano.anugrahArthaM prItyA matsyavapurdharam |
ajAnan rakShaNArthAya shapharyAH sa mano dadhe || 15||
tasyA dInataraM vAkyamAshrutya sa mahIpatiH |
kalashApsu nidhAyainAM dayAlurninya Ashramam || 16||
sA tu tatraikarAtreNa vardhamAnA kamaNDalau |
alabdhvA.a.atmAvakAshaM vA idamAha mahIpatim || 17||
nAhaM kamaNDalAvasmin kR^ichChraM vastumihotsahe |
kalpayaukaH suvipulaM yatrAhaM nivase sukham || 18||
sa enAM tata AdAya nyadhAdauda~nchanodake |
tatra kShiptA muhUrtena hastatrayamavardhata || 19||
na ma etadalaM rAjan sukhaM vastumuda~nchanam |
pR^ithu dehi padaM mahyaM yattvAhaM sharaNaM gatA || 20||
tata AdAya sA rAj~nA kShiptA rAjan sarovare |
tadAvR^ityAtmanA so.ayaM mahAmIno.anvavardhata || 21||
naitanme svastaye rAjannudakaM salilaukasaH |
nidhehi rakShAyogena hrade mAmavidAsini || 22||
ityuktaH so.anayanmatsyaM tatra tatrAvidAsini |
jalAshaye.asammitaM taM samudre prAkShipajjhaSham || 23||
kShipyamANastamAhedamiha mAM makarAdayaH |
adantyatibalA vIra mAM nehotsraShTumarhasi || 24||
evaM vimohitastena vadatA valgubhAratIm |
tamAha ko bhavAnasmAn matsyarUpeNa mohayan || 25||
naivaM vIryo jalacharo dR^iShTo.asmAbhiH shruto.api cha |
yo bhavAn yojanashatamahnAbhivyAnashe saraH || 26||
nUnaM tvaM bhagavAn sAkShAddharirnArAyaNo.avyayaH |
anugrahAya bhUtAnAM dhatse rUpaM jalaukasAm || 27||
namaste puruShashreShTha sthityutpatyapyayeshvara |
bhaktAnAM naH prapannAnAM mukhyo hyAtmagatirvibho || 28||
sarve lIlAvatArAste bhUtAnAM bhUtihetavaH |
j~nAtumichChAmyado rUpaM yadarthaM bhavatA dhR^itam || 29||
na te.aravindAkSha padopasarpaNaM
mR^iShA bhavetsarvasuhR^itpriyAtmanaH |
yathetareShAM pR^ithagAtmanAM satA\-
madIdR^isho yadvapuradbhutaM hi naH || 30||
shrIshuka uvAcha
iti bruvANaM nR^ipatiM jagatpatiH
satyavrataM matsyavapuryugakShaye |
vihartukAmaH pralayArNave.abravI\-
chchikIrShurekAntajanapriyaH priyam || 31||
shrIbhagavAnuvAcha
saptame.adyatanAdUrdhvamahanyetadarindama |
nima~NkShyatyapyayAmbhodhau trailokyaM bhUrbhuvAdikam || 32||
trilokyAM lIyamAnAyAM saMvartAmbhasi vai tadA |
upasthAsyati nauH kAchidvishAlA tvAM mayeritA || 33||
tvaM tAvadoShadhIH sarvA bIjAnyuchchAvachAni cha |
saptarShibhiH parivR^itaH sarvasattvopabR^iMhitaH || 34||
Aruhya bR^ihatIM nAvaM vichariShyasyaviklavaH |
ekArNave nirAloke R^iShINAmeva varchasA || 35||
dodhUyamAnAM tAM nAvaM samIreNa balIyasA |
upasthitasya me shR^i~Nge nibadhnIhi mahAhinA || 36||
ahaM tvAmR^iShibhiH sAkaM sahanAvamudanvati |
vikarShan vichariShyAmi yAvadbrAhmI nishA prabho || 37||
madIyaM mahimAnaM cha paraM brahmeti shabditam |
vetsyasyanugR^ihItaM me samprashnairvivR^itaM hR^idi || 38||
itthamAdishya rAjAnaM harirantaradhIyata |
so.anvavaikShata taM kAlaM yaM hR^iShIkesha Adishat || 39||
AstIrya darbhAn prAkkUlAn rAjarShiH prAguda~NmukhaH |
niShasAda hareH pAdau chintayan matsyarUpiNaH || 40||
tataH samudra udvelaH sarvataH plAvayan mahIm |
vardhamAno mahAmeghairvarShadbhiH samadR^ishyata || 41||
dhyAyan bhagavadAdeshaM dadR^ishe nAvamAgatAm |
tAmAruroha viprendrairAdAyauShadhivIrudhaH || 42||
tamUchurmunayaH prItA rAjan dhyAyasva keshavam |
sa vai naH sa~NkaTAdasmAdavitA shaM vidhAsyati || 43||
so.anudhyAtastato rAj~nA prAdurAsInmahArNave |
ekashR^i~Ngadharo matsyo haimo niyutayojanaH || 44||
nibadhya nAvaM tachChR^i~Nge yathokto hariNA purA |
varatreNAhinA tuShTastuShTAva madhusUdanam || 45||
rAjovAcha
anAdyavidyopahatAtmasaMvida\-
stanmUlasaMsAraparishramAturAH |
yadR^ichChayehopasR^itA yamApnuyu\-
rvimuktido naH paramo gururbhavAn || 46||
jano.abudho.ayaM nijakarmabandhanaH
sukhechChayA karma samIhate.asukham |
yatsevayA tAM vidhunotyasanmatiM
granthiM sa bhindyAddhR^idayaM sa no guruH || 47||
yatsevayAgneriva rudrarodanaM
pumAn vijahyAnmalamAtmanastamaH |
bhajeta varNaM nijameSha so.avyayo
bhUyAtsa IshaH paramo gurorguruH || 48||
na yatprasAdAyutabhAgalesha\-
manye cha devA guravo janAH svayam |
kartuM sametAH prabhavanti puMsa\-
stamIshvaraM tvAM sharaNaM prapadye || 49||
achakShurandhasya yathAgraNIH kR^ita\-
stathA janasyAviduSho.abudho guruH |
tvamarkadR^iksarvadR^ishAM samIkShaNo
vR^ito gururnaH svagatiM bubhutsatAm || 50||
jano janasyAdishate.asatIM matiM
yayA prapadyeta duratyayaM tamaH |
tvaM tvavyayaM j~nAnamamoghama~njasA
prapadyate yena jano nijaM padam || 51||
tvaM sarvalokasya suhR^itpriyeshvaro
hyAtmA gururj~nAnamabhIShTasiddhiH |
tathApi loko na bhavantamandhadhI\-
rjAnAti santaM hR^idi baddhakAmaH || 52||
taM tvAmahaM devavaraM vareNyaM
prapadya IshaM pratibodhanAya |
ChindhyarthadIpairbhagavan vachobhi\-
rgranthIn hR^idayyAn vivR^iNu svamokaH || 53||
shrIshuka uvAcha
ityuktavantaM nR^ipatiM bhagavAnAdipUruShaH |
matsyarUpI mahAmbhodhau viharaMstattvamabravIt || 54||
purANasaMhitAM divyAM sA~NkhyayogakriyAvatIm |
satyavratasya rAjarSherAtmaguhyamasheShataH || 55||
ashrauShIdR^iShibhiH sAkamAtmatattvamasaMshayam |
nAvyAsIno bhagavatA proktaM brahma sanAtanam || 56||
atItapralayApAya utthitAya sa vedhase |
hatvAsuraM hayagrIvaM vedAn pratyAharaddhariH || 57||
sa tu satyavrato rAjA j~nAnavij~nAnasaMyutaH |
viShNoH prasAdAtkalpe.asminnAsIdvaivasvato manuH || 58||
satyavratasya rAjarShermAyAmatsyasya shAr~NgiNaH |
saMvAdaM mahadAkhyAnaM shrutvA muchyeta kilbiShAt || 59||
avatAro hareryo.ayaM kIrtayedanvahaM naraH |
sa~NkalpAstasya sidhyanti sa yAti paramAM gatim || 60||
pralayapayasi dhAtuH suptashaktermukhebhyaH
shrutigaNamapanItaM pratyupAdatta hatvA |
ditijamakathayadyo brahma satyavratAnAM
tamahamakhilahetuM jihmamInaM nato.asmi || 61||
iti shrImadbhAgavate mahApurANe vaiyAsakyAmaShTAdashasAhasryAM
pAramahaMsyAM saMhitAyAmaShTamaskandhe matsyAvatAracharitAnu\-
varNanaM nAma chaturviMsho.adhyAyaH || 24||
\section{ .. ityaShTamaskandhaH samAptaH ..}
\section{.. OM tatsat ..}
\iti
##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}