%@@1
% File name             : brahpur.itx
%--------------------------------------------
% Text title            : brahmapuraaNa
% Author                : 
% Translation by        : 
% Language              : Sanskrit
% Subject               : hinduism/religion
% Description/comments  : brahmapuraaNa
% By permission of Professor Dr. Peter Schreiner, Universitaet Zuerich,
% converted to itx by Ulrich Stiehl (Ulrich.Stiehl@t.online.de) 
% from the original file.
% Transliterated by     : http://www.indologie.unizh.ch/text/text.html
% Proofread by          : http://www.indologie.unizh.ch/text/text.html
% Latest update         : September 29, 2001
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Brahmapurana ..}##
\itxtitle{.. brahmapuraaNa ..}##\endtitles ##
##
Devanarari text of entire Brahmapurana for researchers.

By permission of Professor Dr. Peter Schreiner, Universitaet Zuerich,
converted to itx by Ulrich Stiehl (Ulrich.Stiehl@t.online.de)
from the original file BRPTASC.ZIP,
downloadable from site http://www.indologie.unizh.ch/text/text.html

To allow searching for verses in the devanagari pdf file, a seven digit
number was prefixed to each line in format cccvvvl chapter-verse-line.

The end of verse quarters 1 and 3 is marked by "-" in case of compounds
in replacement of the encoding "+ |" in the original file BRPTASC.ZIP.

##
0010011 yasmAtsarvamidaM prapa~ncharachitaM mAyAjagajjAyate |
0010012 yasmiMstiShThati yAti chAntasamaye kalpAnukalpe punaH |
0010013 yaM dhyAtvA munayaH prapa~ncharahitaM vindanti mokShaM dhruvaM |
0010014 taM vande puruShottamAkhyamamalaM nityaM vibhuM nishchalam || 1\.1|
0010021 yaM dhyAyanti budhAH samAdhisamaye shuddhaM viyatsaMnibham |
0010022 nityAnandamayaM prasannamamalaM sarveshvaraM nirguNam |
0010023 vyaktAvyaktaparaM prapa~ncharahitaM dhyAnaikagamyaM vibhum |
0010024 taM saMsAravinAshahetumajaraM vande hariM muktidam || 1\.2|
0010031 supuNye naimiShAraNye pavitre sumanohare |
0010032 nAnAmunijanAkIrNe nAnApuShpopashobhite || 1\.3|
0010041 saralaiH karNikAraishcha panasairdhavakhAdiraiH |
0010042 AmrajambUkapitthaishcha nyagrodhairdevadArubhiH || 1\.4|
0010051 ashvatthaiH pArijAtaishcha chandanAgurupATalaiH |
0010052 bakulaiH saptaparNaishcha puMnAgairnAgakesaraiH || 1\.5|
0010061 shAlaistAlaistamAlaishcha nArikelaistathArjunaiH |
0010062 anyaishcha bahubhirvR^ikShaishchampakAdyaishcha shobhite || 1\.6|
0010071 nAnApakShigaNAkIrNe nAnAmR^igagaNairyute |
0010072 nAnAjalAshayaiH puNyairdIrghikAdyairalaMkR^ite || 1\.7|
0010081 brAhmaNaiH kShatriyairvaishyaiH shUdraishchAnyaishcha jAtibhiH |
0010082 vAnaprasthairgR^ihasthaishcha yatibhirbrahmachAribhiH || 1\.8|
0010091 saMpannairgokulaishchaiva sarvatra samalaMkR^ite |
0010092 yavagodhUmachaNakairmAShamudgatilekShubhiH || 1\.9|
0010101 chInakAdyaistathA medhyaiH sasyaishchAnyaishcha shobhite |
0010102 tatra dIpte hutavahe hUyamAne mahAmakhe || 1\.10|
0010111 yajatAM naimiSheyANAM sattre dvAdashavArShike |
0010112 Ajagmustatra munayastathAnye .api dvijAtayaH || 1\.11|
0010121 tAnAgatAndvijAMste tu pUjAM chakruryathochitAm |
0010122 teShu tatropaviShTeShu R^itvigbhiH sahiteShu cha || 1\.12|
0010131 tatrAjagAma sUtastu matimAMllomaharShaNaH |
0010132 taM dR^iShTvA te munivarAH pUjAM chakrurmudAnvitAH || 1\.13|
0010141 so .api tAnpratipUjyaiva saMvivesha varAsane |
0010142 kathAM chakrustadAnyonyaM sUtena sahitA dvijAH || 1\.14|
0010151 kathAnte vyAsashiShyaM te paprachChuH saMshayaM mudA |
0010152 R^itvigbhiH sahitAH sarve sadasyaiH saha dIkShitAH || 1\.15|
0010160 munaya UchuH
0010161 purANAgamashAstrANi setihAsAni sattama |
0010162 jAnAsi devadaityAnAM charitaM janma karma cha || 1\.16|
0010171 na te .astyaviditaM kiMchidvede shAstre cha bhArate |
0010172 purANe mokShashAstre cha sarvaj~no .asi mahAmate || 1\.17|
0010181 yathApUrvamidaM sarvamutpannaM sacharAcharam |
0010182 sasurAsuragandharvaM sayakShoragarAkShasam || 1\.18|
0010191 shrotumichChAmahe sUta brUhi sarvaM yathA jagat |
0010192 babhUva bhUyashcha yathA mahAbhAga bhaviShyati || 1\.19|
0010201 yatashchaiva jagatsUta yatashchaiva charAcharam |
0010202 lInamAsIttathA yatra layameShyati yatra cha || 1\.20|
0010210 lomaharShaNa uvAcha
0010211 avikArAya shuddhAya nityAya paramAtmane |
0010212 sadaikarUparUpAya viShNave sarvajiShNave || 1\.21|
0010221 namo hiraNyagarbhAya haraye sha~NkarAya cha |
0010222 vAsudevAya tArAya sargasthityantakarmaNe || 1\.22|
0010231 ekAnekasvarUpAya sthUlasUkShmAtmane namaH |
0010232 avyaktavyaktabhUtAya viShNave muktihetave || 1\.23|
0010241 sargasthitivinAshAya jagato yo .ajarAmaraH |
0010242 mUlabhUto namastasmai viShNave paramAtmane || 1\.24|
0010251 AdhArabhUtaM vishvasyApyaNIyAMsamaNIyasAm |
0010252 praNamya sarvabhUtasthamachyutaM puruShottamam || 1\.25|
0010261 j~nAnasvarUpamatyantaM nirmalaM paramArthataH |
0010262 tamevArthasvarUpeNa bhrAntidarshanataH sthitam || 1\.26|
0010271 viShNuM grasiShNuM vishvasya sthitau sarge tathA prabhum |
0010272 sarvaj~naM jagatAmIshamajamakShayamavyayam || 1\.27|
0010281 AdyaM susUkShmaM vishveshaM brahmAdInpraNipatya cha |
0010282 itihAsapurANaj~naM vedavedA~NgapAragam || 1\.28|
0010291 sarvashAstrArthatattvaj~naM parAsharasutaM prabhum |
0010292 guruM praNamya vakShyAmi purANaM vedasaMmitam || 1\.29|
0010301 kathayAmi yathA pUrvaM dakShAdyairmunisattamaiH |
0010302 pR^iShTaH provAcha bhagavAnabjayoniH pitAmahaH || 1\.30|
0010311 shR^iNudhvaM saMpravakShyAmi kathAM pApapraNAshinIm |
0010312 kathyamAnAM mayA chitrAM bahvarthAM shrutivistarAm || 1\.31|
0010321 yastvimAM dhArayennityaM shR^iNuyAdvApyabhIkShNashaH |
0010322 svavaMshadhAraNaM kR^itvA svargaloke mahIyate || 1\.32|
0010331 avyaktaM kAraNaM yattannityaM sadasadAtmakam |
0010332 pradhAnaM puruShastasmAnnirmame vishvamIshvaraH || 1\.33|
0010341 taM budhyadhvaM munishreShThA brahmANamamitaujasam |
0010342 sraShTAraM sarvabhUtAnAM nArAyaNaparAyaNam || 1\.34|
0010351 ahaMkArastu mahatastasmAdbhUtAni jaj~nire |
0010352 bhUtabhedAshcha bhUtebhya iti sargaH sanAtanaH || 1\.35|
0010361 vistarAvayavaM chaiva yathApraj~naM yathAshruti |
0010362 kIrtyamAnaM shR^iNudhvaM vaH sarveShAM kIrtivardhanam || 1\.36|
0010371 kIrtitaM sthirakIrtInAM sarveShAM puNyavardhanam |
0010372 tataH svayaMbhUrbhagavAnsisR^ikShurvividhAH prajAH || 1\.37|
0010381 apa eva sasarjAdau tAsu vIryamathAsR^ijat |
0010382 Apo nArA iti proktA Apo vai narasUnavaH || 1\.38|
0010391 ayanaM tasya tAH pUrvaM tena nArAyaNaH smR^itaH |
0010392 hiraNyavarNamabhavattadaNDamudakeshayam || 1\.39|
0010401 tatra jaj~ne svayaM brahmA svayaMbhUriti naH shrutam |
0010402 hiraNyavarNo bhagavAnuShitvA parivatsaram || 1\.40|
0010411 tadaNDamakaroddvaidhaM divaM bhuvamathApi cha |
0010412 tayoH shakalayormadhya AkAshamakarotprabhuH || 1\.41|
0010421 apsu pAriplavAM pR^ithvIM dishashcha dashadhA dadhe |
0010422 tatra kAlaM mano vAchaM kAmaM krodhamatho ratim || 1\.42|
0010431 sasarja sR^iShTiM tadrUpAM sraShTumichChanprajApatIn |
0010432 marIchimatrya~Ngirasau pulastyaM pulahaM kratum || 1\.43|
0010441 vasiShThaM cha mahAtejAH so .asR^ijatsapta mAnasAn |
0010442 sapta brahmANa ityete purANe nishchayaM gatAH || 1\.44|
0010451 nArAyaNAtmakAnAM tu saptAnAM brahmajanmanAm |
0010452 tato .asR^ijatpurA brahmA rudraM roShAtmasaMbhavam || 1\.45|
0010461 sanatkumAraM cha vibhuM pUrveShAmapi pUrvajam |
0010462 saptasvetA ajAyanta prajA rudrAshcha bho dvijAH || 1\.46|
0010471 skandaH sanatkumArashcha tejaH saMkShipya tiShThataH |
0010472 teShAM sapta mahAvaMshA divyA devagaNAnvitAH || 1\.47|
0010481 kriyAvantaH prajAvanto maharShibhiralaMkR^itAH |
0010482 vidyuto .ashanimeghAMshcha rohitendradhanUMShi cha || 1\.48|
0010491 vayAMsi cha sasarjAdau parjanyaM cha sasarja ha |
0010492 R^icho yajUMShi sAmAni nirmame yaj~nasiddhaye || 1\.49|
0010501 sAdhyAnajanayaddevAnityevamanusaMjaguH |
0010502 uchchAvachAni bhUtAni gAtrebhyastasya jaj~nire || 1\.50|
0010511 Apavasya prajAsargaM sR^ijato hi prajApateH |
0010512 sR^ijyamAnAH prajA naiva vivardhante yadA tadA || 1\.51|
0010521 dvidhA kR^itvAtmano dehamardhena puruSho .abhavat |
0010522 ardhena nArI tasyAM tu so .asR^ijaddvividhAH prajAH || 1\.52|
0010531 divaM cha pR^ithivIM chaiva mahimnA vyApya tiShThati |
0010532 virAjamasR^ijadviShNuH so .asR^ijatpuruShaM virAT || 1\.53|
0010541 puruShaM taM manuM vidyAttasya manvantaraM smR^itam |
0010542 dvitIyaM mAnasasyaitanmanorantaramuchyate || 1\.54|
0010551 sa vairAjaH prajAsargaM sasarja puruShaH prabhuH |
0010552 nArAyaNavisargasya prajAstasyApyayonijAH || 1\.55|
0010561 AyuShmAnkIrtimAnpuNya-prajAvAMshcha bhavennaraH |
0010562 AdisargaM viditvemaM yatheShTAM chApnuyAdgatim || 1\.56|
0020010 lomaharShaNa uvAcha
0020011 sa sR^iShTvA tu prajAstvevamApavo vai prajApatiH |
0020012 lebhe vai puruShaH patnIM shatarUpAmayonijAm || 2\.1|
0020021 Apavasya mahimnA tu divamAvR^itya tiShThataH |
0020022 dharmeNaiva munishreShThAH shatarUpA vyajAyata || 2\.2|
0020031 sA tu varShAyutaM taptvA tapaH paramadushcharam |
0020032 bhartAraM dIptatapasaM puruShaM pratyapadyata || 2\.3|
0020041 sa vai svAyaMbhuvo viprAH puruSho manuruchyate |
0020042 tasyaikasaptatiyugaM manvantaramihochyate || 2\.4|
0020051 vairAjAtpuruShAdvIraM shatarUpA vyajAyata |
0020052 priyavratottAnapAdau vIrAtkAmyA vyajAyata || 2\.5|
0020061 kAmyA nAma sutA shreShThA kardamasya prajApateH |
0020062 kAmyAputrAstu chatvAraH samrATkukShirvirATprabhuH || 2\.6|
0020071 uttAnapAdaM jagrAha putramatriH prajApatiH |
0020072 uttAnapAdAchchaturaH sUnR^itA suShuve sutAn || 2\.7|
0020081 dharmasya kanyA sushroNI sUnR^itA nAma vishrutA |
0020082 utpannA vAjimedhena dhruvasya jananI shubhA || 2\.8|
0020091 dhruvaM cha kIrtimantaM cha AyuShmantaM vasuM tathA |
0020092 uttAnapAdo .ajanayatsUnR^itAyAM prajApatiH || 2\.9|
0020101 dhruvo varShasahasrANi trINi divyAni bho dvijAH |
0020102 tapastepe mahAbhAgaH prArthayansumahadyashaH || 2\.10|
0020111 tasmai brahmA dadau prItaH sthAnamAtmasamaM prabhuH |
0020112 achalaM chaiva purataH saptarShINAM prajApatiH || 2\.11|
0020121 tasyAbhimAnamR^iddhiM cha mahimAnaM nirIkShya cha |
0020122 devAsurANAmAchAryaH shlokaM prAgushanA jagau || 2\.12|
0020131 aho .asya tapaso vIryamaho shrutamaho .adbhutam |
0020132 yamadya purataH kR^itvA dhruvaM saptarShayaH sthitAH || 2\.13|
0020141 tasmAchChliShTiM cha bhavyaM cha dhruvAchChaMbhurvyajAyata |
0020142 shliShTerAdhatta suchChAyA pa~ncha putrAnakalmaShAn || 2\.14|
0020151 ripuM ripuMjayaM vIraM vR^ikalaM vR^ikatejasam |
0020152 riporAdhatta bR^ihatI chakShuShaM sarvatejasam || 2\.15|
0020161 ajIjanatpuShkariNyAM vairiNyAM chAkShuShaM manum |
0020162 prajApaterAtmajAyAM vIraNyasya mahAtmanaH || 2\.16|
0020171 manorajAyanta dasha naDvalAyAM mahaujasaH |
0020172 kanyAyAM munishArdUlA vairAjasya prajApateH || 2\.17|
0020181 kutsaH puruH shatadyumnastapasvI satyavAkkaviH |
0020182 agniShTudatirAtrashcha sudyumnashcheti te nava || 2\.18|
0020191 abhimanyushcha dashamo naDvalAyAM mahaujasaH |
0020192 purorajanayatputrAnShaDAgneyI mahAprabhAn || 2\.19|
0020201 a~NgaM sumanasaM svAtiM kratuma~NgirasaM mayam |
0020202 a~NgAtsunIthApatyaM vai veNamekaM vyajAyata || 2\.20|
0020211 apachAreNa veNasya prakopaH sumahAnabhUt |
0020212 prajArthamR^iShayo yasya mamanthurdakShiNaM karam || 2\.21|
0020221 veNasya mathite pANau saMbabhUva mahAnnR^ipaH |
0020222 taM dR^iShTvA munayaH prAhureSha vai muditAH prajAH || 2\.22|
0020231 kariShyati mahAtejA yashashcha prApsyate mahat |
0020232 sa dhanvI kavachI jAto jvalajjvalanasaMnibhaH || 2\.23|
0020241 pR^ithurvaiNyastathA chemAM rarakSha kShatrapUrvajaH |
0020242 rAjasUyAbhiShiktAnAmAdyaH sa vasudhApatiH || 2\.24|
0020251 tasmAchchaiva samutpannau nipuNau sUtamAgadhau |
0020252 teneyaM gaurmunishreShThA dugdhA sasyAni bhUbhR^itA || 2\.25|
0020261 prajAnAM vR^ittikAmena devaiH sarShigaNaiH saha |
0020262 pitR^ibhirdAnavaishchaiva gandharvairapsarogaNaiH || 2\.26|
0020271 sarpaiH puNyajanaishchaiva vIrudbhiH parvataistathA |
0020272 teShu teShu cha pAtreShu duhyamAnA vasuMdharA || 2\.27|
0020281 prAdAdyathepsitaM kShIraM tena prANAnadhArayan |
0020282 pR^ithostu putrau dharmaj~nau yaj~nAnte .antardhipAtinau || 2\.28|
0020291 shikhaNDinI havirdhAnamantardhAnAdvyajAyata |
0020292 havirdhAnAtShaDAgneyI dhiShaNAjanayatsutAn || 2\.29|
0020301 prAchInabarhiShaM shukraM gayaM kR^iShNaM vrajAjinau |
0020302 prAchInabarhirbhagavAnmahAnAsItprajApatiH || 2\.30|
0020311 havirdhAnAnmunishreShThA yena saMvardhitAH prajAH |
0020312 prAchInabarhirbhagavAnpR^ithivItalachAriNIH || 2\.31|
0020321 samudratanayAyAM tu kR^itadAro .abhavatprabhuH |
0020322 mahatastapasaH pAre savarNAyAM prajApatiH || 2\.32|
0020331 savarNAdhatta sAmudrI dasha prAchInabarhiShaH |
0020332 sarvAnprachetaso nAma dhanurvedasya pAragAn || 2\.33|
0020341 apR^ithagdharmacharaNAste .atapyanta mahattapaH |
0020342 dasha varShasahasrANi samudrasalileshayAH || 2\.34|
0020351 tapashcharatsu pR^ithivIM prachetaHsu mahIruhAH |
0020352 arakShamANAmAvavrurbabhUvAtha prajAkShayaH || 2\.35|
0020361 nAshakanmAruto vAtuM vR^itaM khamabhavaddrumaiH |
0020362 dasha varShasahasrANi na shekushcheShTituM prajAH || 2\.36|
0020371 tadupashrutya tapasA yuktAH sarve prachetasaH |
0020372 mukhebhyo vAyumagniM cha sasR^ijurjAtamanyavaH || 2\.37|
0020381 unmUlAnatha vR^ikShAMstu kR^itvA vAyurashoShayat |
0020382 tAnagniradahadghora evamAsIddrumakShayaH || 2\.38|
0020391 drumakShayamatho buddhvA kiMchichChiShTeShu shAkhiShu |
0020392 upagamyAbravIdetAMstadA somaH prajApatIn || 2\.39|
0020401 kopaM yachChata rAjAnaH sarve prAchInabarhiShaH |
0020402 vR^ikShashUnyA kR^itA pR^ithvI shAmyetAmagnimArutau || 2\.40|
0020411 ratnabhUtA cha kanyeyaM vR^ikShANAM varavarNinI |
0020412 bhaviShyaM jAnatA tAta dhR^itA garbheNa vai mayA || 2\.41|
0020421 mAriShA nAma nAmnaiShA vR^ikShANAmiti nirmitA |
0020422 bhAryA vo .astu mahAbhAgAH somavaMshavivardhinI || 2\.42|
0020431 yuShmAkaM tejaso .ardhena mama chArdhena tejasaH |
0020432 asyAmutpatsyate vidvAndakSho nAma prajApatiH || 2\.43|
0020441 sa imAM dagdhabhUyiShThAM yuShmattejomayena vai |
0020442 agninAgnisamo bhUyaH prajAH saMvardhayiShyati || 2\.44|
0020451 tataH somasya vachanAjjagR^ihuste prachetasaH |
0020452 saMhR^itya kopaM vR^ikShebhyaH patnIM dharmeNa mAriShAm || 2\.45|
0020461 dashabhyastu prachetobhyo mAriShAyAM prajApatiH |
0020462 dakSho jaj~ne mahAtejAH somasyAMshena bho dvijAH || 2\.46|
0020471 acharAMshcha charAMshchaiva dvipado .atha chatuShpadaH |
0020472 sa sR^iShTvA manasA dakShaH pashchAdasR^ijata striyaH || 2\.47|
0020481 dadau dasha sa dharmAya kashyapAya trayodasha |
0020482 shiShTAH somAya rAj~ne cha nakShatrAkhyA dadau prabhuH || 2\.48|
0020491 tAsu devAH khagA gAvo nAgA ditijadAnavAH |
0020492 gandharvApsarasashchaiva jaj~nire .anyAshcha jAtayaH || 2\.49|
0020501 tataH prabhR^iti viprendrAH prajA maithunasaMbhavAH |
0020502 saMkalpAddarshanAtsparshAtpUrveShAM prochyate prajA || 2\.50|
0020510 munaya UchuH
0020511 devAnAM dAnavAnAM cha gandharvoragarakShasAm |
0020512 saMbhavastu shruto .asmAbhirdakShasya cha mahAtmanaH || 2\.51|
0020521 a~NguShThAdbrahmaNo jaj~ne dakShaH kila shubhavrataH |
0020522 vAmA~NguShThAttathA chaivaM tasya patnI vyajAyata || 2\.52|
0020531 kathaM prAchetasatvaM sa punarlebhe mahAtapAH |
0020532 etaM naH saMshayaM sUta vyAkhyAtuM tvamihArhasi |
0020533 dauhitrashchaiva somasya kathaM shvashuratAM gataH || 2\.53|
0020540 lomaharShaNa uvAcha
0020541 utpattishcha nirodhashcha nityaM bhUteShu bho dvijAH |
0020542 R^iShayo .atra na muhyanti vidyAvantashcha ye janAH || 2\.54|
0020551 yuge yuge bhavantyete punardakShAdayo nR^ipAH |
0020552 punashchaiva nirudhyante vidvAMstatra na muhyati || 2\.55|
0020561 jyaiShThyaM kAniShThamapyeShAM pUrvaM nAsIddvijottamAH |
0020562 tapa eva garIyo .abhUtprabhAvashchaiva kAraNam || 2\.56|
0020571 imAM visR^iShTiM dakShasya yo vidyAtsacharAcharAm |
0020572 prajAvAnAyuruttIrNaH svargaloke mahIyate || 2\.57|
0030010 munaya UchuH
0030011 devAnAM dAnavAnAM cha gandharvoragarakShasAm |
0030012 utpattiM vistareNaiva lomaharShaNa kIrtaya || 3\.1|
0030020 lomaharShaNa uvAcha
0030021 prajAH sR^ijeti vyAdiShTaH pUrvaM dakShaH svayaMbhuvA |
0030022 yathA sasarja bhUtAni tathA shR^iNuta bho dvijAH || 3\.2|
0030031 mAnasAnyeva bhUtAni pUrvamevAsR^ijatprabhuH |
0030032 R^iShIndevAnsagandharvAnasurAnyakSharAkShasAn || 3\.3|
0030041 yadAsya mAnasI viprA na vyavardhata vai prajA |
0030042 tadA saMchintya dharmAtmA prajAhetoH prajApatiH || 3\.4|
0030051 sa maithunena dharmeNa sisR^ikShurvividhAH prajAH |
0030052 asiknImAvahatpatnIM vIraNasya prajApateH || 3\.5|
0030061 sutAM sutapasA yuktAM mahatIM lokadhAriNIm |
0030062 atha putrasahasrANi vairaNyAM pa~ncha vIryavAn || 3\.6|
0030071 asiknyAM janayAmAsa dakSha eva prajApatiH |
0030072 tAMstu dR^iShTvA mahAbhAgAnsaMvivardhayiShUnprajAH || 3\.7|
0030081 devarShiH priyasaMvAdo nAradaH prAbravIdidam |
0030082 nAshAya vachanaM teShAM shApAyaivAtmanastathA || 3\.8|
0030091 yaM kashyapaH sutavaraM parameShThI vyajIjanat |
0030092 dakShasya vai duhitari dakShashApabhayAnmuniH || 3\.9|
0030101 pUrvaM sa hi samutpanno nAradaH parameShThinaH |
0030102 asiknyAmatha vairaNyAM bhUyo devarShisattamaH || 3\.10|
0030111 taM bhUyo janayAmAsa piteva munipuMgavam |
0030112 tena dakShasya vai putrA haryashvA iti vishrutAH || 3\.11|
0030121 nirmathya nAshitAH sarve vidhinA cha na saMshayaH |
0030122 tasyodyatastadA dakSho nAshAyAmitavikramaH || 3\.12|
0030131 brahmarShInpurataH kR^itvA yAchitaH parameShThinA |
0030132 tato .abhisaMdhishchakre vai dakShasya parameShThinA || 3\.13|
0030141 kanyAyAM nArado mahyaM tava putro bhavediti |
0030142 tato dakShaH sutAM prAdAtpriyAM vai parameShThine |
0030143 sa tasyAM nArado jaj~ne bhUyaH shApabhayAdR^iShiH || 3\.14|
0030150 munaya UchuH
0030151 kathaM praNAshitAH putrA nAradena maharShiNA |
0030152 prajApateH sUtavarya shrotumichChAma tattvataH || 3\.15|
0030160 lomaharShaNa uvAcha
0030161 dakShasya putrA haryashvA vivardhayiShavaH prajAH |
0030162 samAgatA mahAvIryA nAradastAnuvAcha ha || 3\.16|
0030170 nArada uvAcha
0030171 bAlishA bata yUyaM vai nAsyA jAnIta vai bhuvaH |
0030172 pramANaM sraShTukAmA vai prajAH prAchetasAtmajAH || 3\.17|
0030181 antarUrdhvamadhashchaiva kathaM sR^ijatha vai prajAH |
0030182 te tu tadvachanaM shrutvA prayAtAH sarvato dishaH || 3\.18|
0030191 adyApi na nivartante samudrebhya ivApagAH |
0030192 haryashveShvatha naShTeShu dakShaH prAchetasaH punaH || 3\.19|
0030201 vairaNyAmatha putrANAM sahasramasR^ijatprabhuH |
0030202 vivardhayiShavaste tu shabalAshvAstathA prajAH || 3\.20|
0030211 pUrvoktaM vachanaM te tu nAradena prachoditAH |
0030212 anyonyamUchuste sarve samyagAha mahAnR^iShiH || 3\.21|
0030221 bhrAtR^INAM padavIM j~nAtuM gantavyaM nAtra saMshayaH |
0030222 j~nAtvA pramANaM pR^ithvyAshcha sukhaM srakShyAmahe prajAH || 3\.22|
0030231 te .api tenaiva mArgeNa prayAtAH sarvato disham |
0030232 adyApi na nivartante samudrebhya ivApagAH || 3\.23|
0030241 tadA prabhR^iti vai bhrAtA bhrAturanveShaNe dvijAH |
0030242 prayAto nashyati kShipraM tanna kAryaM vipashchitA || 3\.24|
0030251 tAMshchaiva naShTAnvij~nAya putrAndakShaH prajApatiH |
0030252 ShaShTiM tato .asR^ijatkanyA vairaNyAmiti naH shrutam || 3\.25|
0030261 tAstadA pratijagrAha bhAryArthaM kashyapaH prabhuH |
0030262 somo dharmashcha bho viprAstathaivAnye maharShayaH || 3\.26|
0030271 dadau sa dasha dharmAya kashyapAya trayodasha |
0030272 saptaviMshati somAya chatasro .ariShTanemine || 3\.27|
0030281 dve chaiva bahuputrAya dve chaivA~Ngirase tathA |
0030282 dve kR^ishAshvAya viduShe tAsAM nAmAni me shR^iNu || 3\.28|
0030291 arundhatI vasuryAmI lambA bhAnurmarutvatI |
0030292 saMkalpA cha muhUrtA cha sAdhyA vishvA cha bho dvijAH || 3\.29|
0030301 dharmapatnyo dasha tvetAstAsvapatyAni bodhata |
0030302 vishvedevAstu vishvAyAH sAdhyA sAdhyAnvyajAyata || 3\.30|
0030311 marutvatyAM marutvanto vasostu vasavaH sutAH |
0030312 bhAnostu bhAnavaH putrA muhUrtAstu muhUrtajAH || 3\.31|
0030321 lambAyAshchaiva ghoSho .atha nAgavIthI cha yAmijA |
0030322 pR^ithivI viShayaM sarvamarundhatyAM vyajAyata || 3\.32|
0030331 saMkalpAyAstu vishvAtmA jaj~ne saMkalpa eva hi |
0030332 nAgavIthyAM cha yAminyAM vR^iShalashcha vyajAyata || 3\.33|
0030341 parA yAH somapatnIshcha dakShaH prAchetaso dadau |
0030342 sarvA nakShatranAmnyastA jyotiShe parikIrtitAH || 3\.34|
0030351 ye tvanye khyAtimanto vai devA jyotiShpurogamAH |
0030352 vasavo .aShTau samAkhyAtAsteShAM vakShyAmi vistaram || 3\.35|
0030361 Apo dhruvashcha somashcha dhavashchaivAnilo .analaH |
0030362 pratyUShashcha prabhAsashcha vasavo nAmabhiH smR^itAH || 3\.36|
0030371 Apasya putro vaitaNDyaH shramaH shrAnto munistathA |
0030372 dhruvasya putro bhagavAnkAlo lokaprakAlanaH || 3\.37|
0030381 somasya bhagavAnvarchA varchasvI yena jAyate |
0030382 dhavasya putro draviNo hutahavyavahastathA |
0030383 manoharAyAH shishiraH prANo .atha ramaNastathA || 3\.38|
0030391 anilasya shivA bhAryA tasyAH putro manojavaH |
0030392 avij~nAtagatishchaiva dvau putrAvanilasya cha || 3\.39|
0030401 agniputraH kumArastu sharastambe shriyA vR^itaH |
0030402 tasya shAkho vishAkhashcha naigameyashcha pR^iShThajaH || 3\.40|
0030411 apatyaM kR^ittikAnAM tu kArttikeya iti smR^itaH |
0030412 pratyUShasya viduH putramR^iShiM nAmnAtha devalam || 3\.41|
0030421 dvau putrau devalasyApi kShamAvantau manIShiNau |
0030422 bR^ihaspatestu bhaginI varastrI brahmavAdinI || 3\.42|
0030431 yogasiddhA jagatkR^itsnamasaktA vichachAra ha |
0030432 prabhAsasya tu sA bhAryA vasUnAmaShTamasya tu || 3\.43|
0030441 vishvakarmA mahAbhAgo yasyAM jaj~ne prajApatiH |
0030442 kartA shilpasahasrANAM tridashAnAM cha vArdhakiH || 3\.44|
0030451 bhUShaNAnAM cha sarveShAM kartA shilpavatAM varaH |
0030452 yaH sarveShAM vimAnAni daivatAnAM chakAra ha || 3\.45|
0030461 mAnuShAshchopajIvanti yasya shilpaM mahAtmanaH |
0030462 surabhI kashyapAdrudrAnekAdasha vinirmame || 3\.46|
0030471 mahAdevaprasAdena tapasA bhAvitA satI |
0030472 ajaikapAdahirbudhnyastvaShTA rudrashcha vIryavAn || 3\.47|
0030481 harashcha bahurUpashcha tryambakashchAparAjitaH |
0030482 vR^iShAkapishcha shaMbhushcha kapardI raivatastathA || 3\.48|
0030491 mR^igavyAdhashcha sharvashcha kapAlI cha dvijottamAH |
0030492 ekAdashaite vikhyAtA rudrAstribhuvaneshvarAH || 3\.49|
0030501 shataM tvevaM samAkhyAtaM rudrANAmamitaujasAm |
0030502 purANe munishArdUlA yairvyAptaM sacharAcharam || 3\.50|
0030511 dArA~nshR^iNudhvaM viprendrAH kashyapasya prajApateH |
0030512 aditirditirdanushchaiva ariShTA surasA khasA || 3\.51|
0030521 surabhirvinatA chaiva tAmrA krodhavashA irA |
0030522 kadrurmunishcha bho viprAstAsvapatyAni bodhata || 3\.52|
0030531 pUrvamanvantare shreShThA dvAdashAsansurottamAH |
0030532 tuShitA nAma te .anyonyamUchurvaivasvate .antare || 3\.53|
0030541 upasthite .atiyashasashchAkShuShasyAntare manoH |
0030542 hitArthaM sarvalokAnAM samAgamya parasparam || 3\.54|
0030551 AgachChata drutaM devA aditiM saMpravishya vai |
0030552 manvantare prasUyAmastannaH shreyo bhaviShyati || 3\.55|
0030560 lomaharShaNa uvAcha
0030561 evamuktvA tu te sarve chAkShuShasyAntare manoH |
0030562 mArIchAtkashyapAjjAtAstvadityA dakShakanyayA || 3\.56|
0030571 tatra viShNushcha shakrashcha jaj~nAte punareva hi |
0030572 aryamA chaiva dhAtA cha tvaShTA pUShA tathaiva cha || 3\.57|
0030581 vivasvAnsavitA chaiva mitro varuNa eva cha |
0030582 aMsho bhagashchAtitejA AdityA dvAdasha smR^itAH || 3\.58|
0030591 saptaviMshati yAH proktAH somapatnyo mahAvratAH |
0030592 tAsAmapatyAnyabhavandIptAnyamitatejasaH || 3\.59|
0030601 ariShTanemipatnInAmapatyAnIha ShoDasha |
0030602 bahuputrasya viduShashchatasro vidyutaH smR^itAH || 3\.60|
0030611 chAkShuShasyAntare pUrve R^icho brahmarShisatkR^itAH |
0030612 kR^ishAshvasya cha devarSherdevapraharaNAH smR^itAH || 3\.61|
0030621 ete yugasahasrAnte jAyante punareva hi |
0030622 sarve devagaNAshchAtra trayastriMshattu kAmajAH || 3\.62|
0030631 teShAmapi cha bho viprA nirodhotpattiruchyate |
0030632 yathA sUryasya gagana udayAstamayAviha || 3\.63|
0030641 evaM devanikAyAste saMbhavanti yuge yuge |
0030642 dityAH putradvayaM jaj~ne kashyapAditi naH shrutam || 3\.64|
0030651 hiraNyakashipushchaiva hiraNyAkShashcha vIryavAn |
0030652 siMhikA chAbhavatkanyA viprachitteH parigrahaH || 3\.65|
0030661 saiMhikeyA iti khyAtA yasyAH putrA mahAbalAH |
0030662 hiraNyakashipoH putrAshchatvAraH prathitaujasaH || 3\.66|
0030671 hrAdashcha anuhrAdashcha prahrAdashchaiva vIryavAn |
0030672 saMhrAdashcha chaturtho .abhUddhrAdaputro hradastathA || 3\.67|
0030681 hradasya putrau dvau vIrau shivaH kAlastathaiva cha |
0030682 virochanashcha prAhrAdirbalirjaj~ne virochanAt || 3\.68|
0030691 baleH putrashatamAsIdbANajyeShThaM tapodhanAH |
0030692 dhR^itarAShTrashcha sUryashcha chandramAshchandratApanaH || 3\.69|
0030701 kumbhanAbho gardabhAkShaH kukShirityevamAdayaH |
0030702 bANasteShAmatibalo jyeShThaH pashupateH priyaH || 3\.70|
0030711 purA kalpe tu bANena prasAdyomApatiM prabhum |
0030712 pArshvato vihariShyAmi ityevaM yAchito varaH || 3\.71|
0030721 hiraNyAkShasutAshchaiva vidvAMsashcha mahAbalAH |
0030722 bharbharaH shakunishchaiva bhUtasaMtApanastathA || 3\.72|
0030731 mahAnAbhashcha vikrAntaH kAlanAbhastathaiva cha |
0030732 abhavandanuputrAshcha shataM tIvraparAkramAH || 3\.73|
0030741 tapasvino mahAvIryAH prAdhAnyena bravImi tAn |
0030742 dvimUrdhA sha~NkukarNashcha tathA hayashirA vibhuH || 3\.74|
0030751 ayomukhaH shambarashcha kapilo vAmanastathA |
0030752 mArIchirmaghavAMshchaiva ilvalaH svasR^imastathA || 3\.75|
0030761 vikShobhaNashcha ketushcha ketuvIryashatahradau |
0030762 indrajitsarvajichchaiva vajranAbhastathaiva cha || 3\.76|
0030771 ekachakro mahAbAhustArakashcha mahAbalaH |
0030772 vaishvAnaraH pulomA cha vidrAvaNamahAshirAH || 3\.77|
0030781 svarbhAnurvR^iShaparvA cha viprachittishcha vIryavAn |
0030782 sarva ete danoH putrAH kashyapAdabhijaj~nire || 3\.78|
0030791 viprachittipradhAnAste dAnavAH sumahAbalAH |
0030792 eteShAM putrapautraM tu na tachChakyaM dvijottamAH || 3\.79|
0030801 prasaMkhyAtuM bahutvAchcha putrapautramanantakam |
0030802 svarbhAnostu prabhA kanyA pulomnastu shachI sutA || 3\.80|
0030811 upadIptirhayashirAH sharmiShThA vArShaparvaNI |
0030812 pulomA kAlikA chaiva vaishvAnarasute ubhe || 3\.81|
0030821 bahvapatye mahApatye marIchestu parigrahaH |
0030822 tayoH putrasahasrANi ShaShTirdAnavanandanAH || 3\.82|
0030831 chaturdashashatAnanyAnhiraNyapuravAsinaH |
0030832 marIchirjanayAmAsa mahatA tapasAnvitaH || 3\.83|
0030841 paulomAH kAlakeyAshcha dAnavAste mahAbalAH |
0030842 avadhyA devatAnAM hi hiraNyapuravAsinaH || 3\.84|
0030851 pitAmahaprasAdena ye hatAH savyasAchinA |
0030852 tato .apare mahAvIryA dAnavAstvatidAruNAH || 3\.85|
0030861 siMhikAyAmathotpannA viprachitteH sutAstathA |
0030862 daityadAnavasaMyogAjjAtAstIvraparAkramAH || 3\.86|
0030871 saiMhikeyA iti khyAtAstrayodasha mahAbalAH |
0030872 vaMshyaH shalyashcha balinau nalashchaiva tathA balaH || 3\.87|
0030881 vAtApirnamuchishchaiva ilvalaH svasR^imastathA |
0030882 a~njiko narakashchaiva kAlanAbhastathaiva cha || 3\.88|
0030891 saramAnastathA chaiva svarakalpashcha vIryavAn |
0030892 ete vai dAnavAH shreShThA danorvaMshavivardhanAH || 3\.89|
0030901 teShAM putrAshcha pautrAshcha shatasho .atha sahasrashaH |
0030902 saMhrAdasya tu daityasya nivAtakavachAH kule || 3\.90|
0030911 samutpannAH sumahatA tapasA bhAvitAtmanaH |
0030912 tisraH koTyaH sutAsteShAM maNivatyAM nivAsinaH || 3\.91|
0030921 avadhyAste .api devAnAmarjunena nipAtitAH |
0030922 ShaTsutAH sumahAbhAgAstAmrAyAH parikIrtitAH || 3\.92|
0030931 krau~nchI shyenI cha bhAsI cha sugrIvI shuchigR^idhrikA |
0030932 krau~nchI tu janayAmAsa ulUkapratyulUkakAn || 3\.93|
0030941 shyenI shyenAMstathA bhAsI bhAsAngR^idhrAMshcha gR^idhryapi |
0030942 shuchiraudakAnpakShigaNAnsugrIvI tu dvijottamAH || 3\.94|
0030951 ashvAnuShTrAngardabhAMshcha tAmrAvaMshaH prakIrtitaH |
0030952 vinatAyAstu dvau putrau vikhyAtau garuDAruNau || 3\.95|
0030961 garuDaH patatAM shreShTho dAruNaH svena karmaNA |
0030962 surasAyAH sahasraM tu sarpANAmamitaujasAm || 3\.96|
0030971 anekashirasAM viprAH khacharANAM mahAtmanAm |
0030972 kAdraveyAstu balinaH sahasramamitaujasaH || 3\.97|
0030981 suparNavashagA nAgA jaj~nire naikamastakAH |
0030982 yeShAM pradhAnAH satataM sheShavAsukitakShakAH || 3\.98|
0030991 airAvato mahApadmaH kambalAshvatarAvubhau |
0030992 elApattrashcha sha~Nkhashcha karkoTakadhanaMjayau || 3\.99|
0031001 mahAnIlamahAkarNau dhR^itarAShTrabalAhakau |
0031002 kuharaH puShpadaMShTrashcha durmukhaH sumukhastathA || 3\.100|
0031011 sha~Nkhashcha sha~NkhapAlashcha kapilo vAmanastathA |
0031012 nahuShaH sha~NkharomA cha maNirityevamAdayaH || 3\.101|
0031021 teShAM putrAshcha pautrAshcha shatasho .atha sahasrashaH |
0031022 chaturdashasahasrANi krUrANAmanilAshinAm || 3\.102|
0031031 gaNaM krodhavaMshaM viprAstasya sarve cha daMShTriNaH |
0031032 sthalajAH pakShiNo .abjAshcha dharAyAH prasavAH smR^itAH || 3\.103|
0031041 gAstu vai janayAmAsa surabhirmahiShIstathA |
0031042 irA vR^ikShalatA vallIstR^iNajAtIshcha sarvashaH || 3\.104|
0031051 khasA tu yakSharakShAMsi munirapsarasastathA |
0031052 ariShTA tu mahAsiddhA gandharvAnamitaujasaH || 3\.105|
0031061 ete kashyapadAyAdAH kIrtitAH sthANuja~NgamAH |
0031062 yeShAM putrAshcha pautrAshcha shatasho .atha sahasrashaH || 3\.106|
0031071 eSha manvantare viprAH sargaH svArochiShe smR^itaH |
0031072 vaivasvate .atimahati vAruNe vitate kratau || 3\.107|
0031081 juhvAnasya brahmaNo vai prajAsarga ihochyate |
0031082 pUrvaM yatra samutpannAnbrahmarShInsapta mAnasAn || 3\.108|
0031091 putratve kalpayAmAsa svayameva pitAmahaH |
0031092 tato virodhe devAnAM dAnavAnAM cha bho dvijAH || 3\.109|
0031101 ditirvinaShTaputrA vai toShayAmAsa kashyapam |
0031102 kashyapastu prasannAtmA samyagArAdhitastayA || 3\.110|
0031111 vareNa chChandayAmAsa sA cha vavre varaM tadA |
0031112 putramindravadhArthAya samarthamamitaujasam || 3\.111|
0031121 sa cha tasmai varaM prAdAtprArthitaH sumahAtapAH |
0031122 dattvA cha varamatyugro mArIchaH samabhAShata || 3\.112|
0031131 indraM putro nihantA te garbhaM vai sharadAM shatam |
0031132 yadi dhArayase shaucha-tatparA vratamAsthitA || 3\.113|
0031141 tathetyabhihito bhartA tayA devyA mahAtapAH |
0031142 dhArayAmAsa garbhaM tu shuchiH sA munisattamAH || 3\.114|
0031151 tato .abhyupAgamaddityAM garbhamAdhAya kashyapaH |
0031152 rodhayanvai gaNaM shreShThaM devAnAmamitaujasam || 3\.115|
0031161 tejaH saMhR^itya durdharShamavadhyamamarairapi |
0031162 jagAma parvatAyaiva tapase saMshitavratA || 3\.116|
0031171 tasyAshchaivAntaraprepsurabhavatpAkashAsanaH |
0031172 jAte varShashate chAsyA dadarshAntaramachyutaH || 3\.117|
0031181 akR^itvA pAdayoH shauchaM ditiH shayanamAvishat |
0031182 nidrAM chAhArayAmAsa tasyAM kukShiM pravishya saH || 3\.118|
0031191 vajrapANistato garbhaM saptadhA taM nyakR^intayat |
0031192 sa pATyamAno garbho .atha vajreNa praruroda ha || 3\.119|
0031201 mA rodIriti taM shakraH punaH punarathAbravIt |
0031202 so .abhavatsaptadhA garbhastamindro ruShitaH punaH || 3\.120|
0031211 ekaikaM saptadhA chakre vajreNaivArikarShaNaH |
0031212 maruto nAma te devA babhUvurdvijasattamAH || 3\.121|
0031221 yathoktaM vai maghavatA tathaiva maruto .abhavan |
0031222 devAshchaikonapa~nchAshatsahAyA vajrapANinaH || 3\.122|
0031231 teShAmevaM pravR^ittAnAM bhUtAnAM dvijasattamAH |
0031232 rochayanvai gaNashreShThAndevAnAmamitaujasAm || 3\.123|
0031241 nikAyeShu nikAyeShu hariH prAdAtprajApatIn |
0031242 kramashastAni rAjyAni pR^ithupUrvANi bho dvijAH || 3\.124|
0031251 sa hariH puruSho vIraH kR^iShNo jiShNuH prajApatiH |
0031252 parjanyastapano .anantastasya sarvamidaM jagat || 3\.125|
0031261 bhUtasargamimaM samyagjAnato dvijasattamAH |
0031262 nAvR^ittibhayamastIha paralokabhayaM kutaH || 3\.126|
0040010 lomaharShaNa uvAcha
0040011 abhiShichyAdhirAjendraM pR^ithuM vaiNyaM pitAmahaH |
0040012 tataH krameNa rAjyAni vyAdeShTumupachakrame || 4\.1|
0040021 dvijAnAM vIrudhAM chaiva nakShatragrahayostathA |
0040022 yaj~nAnAM tapasAM chaiva somaM rAjye .abhyaShechayat || 4\.2|
0040031 apAM tu varuNaM rAjye rAj~nAM vaishravaNaM patim |
0040032 AdityAnAM tathA viShNuM vasUnAmatha pAvakam || 4\.3|
0040041 prajApatInAM dakShaM tu marutAmatha vAsavam |
0040042 daityAnAM dAnavAnAM vai prahrAdamamitaujasam || 4\.4|
0040051 vaivasvataM pitR^INAM cha yamaM rAjye .abhyaShechayat |
0040052 yakShANAM rAkShasAnAM cha pArthivAnAM tathaiva cha || 4\.5|
0040061 sarvabhUtapishAchAnAM girIshaM shUlapANinam |
0040062 shailAnAM himavantaM cha nadInAmatha sAgaram || 4\.6|
0040071 gandharvANAmadhipatiM chakre chitrarathaM prabhum |
0040072 nAgAnAM vAsukiM chakre sarpANAmatha takShakam || 4\.7|
0040081 vAraNAnAM tu rAjAnamairAvatamathAdishat |
0040082 uchchaiHshravasamashvAnAM garuDaM chaiva pakShiNAm || 4\.8|
0040091 mR^igANAmatha shArdUlaM govR^iShaM tu gavAM patim |
0040092 vanaspatInAM rAjAnaM plakShamevAbhyaShechayat || 4\.9|
0040101 evaM vibhajya rAjyAni krameNaiva pitAmahaH |
0040102 dishAM pAlAnatha tataH sthApayAmAsa sa prabhuH || 4\.10|
0040111 pUrvasyAM dishi putraM tu vairAjasya prajApateH |
0040112 dishaH pAlaM sudhanvAnaM rAjAnaM so .abhyaShechayat || 4\.11|
0040121 dakShiNasyAM dishi tathA kardamasya prajApateH |
0040122 putraM sha~NkhapadaM nAma rAjAnaM so .abhyaShechayat || 4\.12|
0040131 pashchimasyAM dishi tathA rajasaH putramachyutam |
0040132 ketumantaM mahAtmAnaM rAjAnaM so .abhyaShechayat || 4\.13|
0040141 tathA hiraNyaromANaM parjanyasya prajApateH |
0040142 udIchyAM dishi durdharShaM rAjAnaM so .abhyaShechayat || 4\.14|
0040151 tairiyaM pR^ithivI sarvA saptadvIpA sapattanA |
0040152 yathApradeshamadyApi dharmeNa pratipAlyate || 4\.15|
0040161 rAjasUyAbhiShiktastu pR^ithuretairnarAdhipaiH |
0040162 vedadR^iShTena vidhinA rAjA rAjye narAdhipaH || 4\.16|
0040171 tato manvantare .atIte chAkShuShe .amitatejasi |
0040172 vaivasvatAya manave pR^ithivyAM rAjyamAdishat || 4\.17|
0040181 tasya vistaramAkhyAsye manorvaivasvatasya ha |
0040182 bhavatAM chAnukUlyAya yadi shrotumihechChatha |
0040183 mahadetadadhiShThAnaM purANe tadadhiShThitam || 4\.18|
0040190 munaya UchuH
0040191 vistareNa pR^ithorjanma lomaharShaNa kIrtaya |
0040192 yathA mahAtmanA tena dugdhA veyaM vasuMdharA || 4\.19|
0040201 yathA vApi nR^ibhirdugdhA yathA devairmaharShibhiH |
0040202 yathA daityaishcha nAgaishcha yathA yakShairyathA drumaiH || 4\.20|
0040211 yathA shailaiH pishAchaishcha gandharvaishcha dvijottamaiH |
0040212 rAkShasaishcha mahAsattvairyathA dugdhA vasuMdharA || 4\.21|
0040221 teShAM pAtravisheShAMshcha vaktumarhasi suvrata |
0040222 vatsakShIravisheShAMshcha dogdhAraM chAnupUrvashaH || 4\.22|
0040231 yasmAchcha kAraNAtpANirveNasya mathitaH purA |
0040232 kruddhairmaharShibhistAta kAraNaM tachcha kIrtaya || 4\.23|
0040240 lomaharShaNa uvAcha
0040241 shR^iNudhvaM kIrtayiShyAmi pR^ithorvaiNyasya vistaram |
0040242 ekAgrAH prayatAshchaiva puNyArthaM vai dvijarShabhAH || 4\.24|
0040251 nAshucheH kShudramanaso nAshiShyasyAvratasya cha |
0040252 kIrtayeyamidaM viprAH kR^itaghnAyAhitAya cha || 4\.25|
0040261 svargyaM yashasyamAyuShyaM dhanyaM vedaishcha saMmitam |
0040262 rahasyamR^iShibhiH proktaM shR^iNudhvaM vai yathAtatham || 4\.26|
0040271 yashchemaM kIrtayennityaM pR^ithorvaiNyasya vistaram |
0040272 brAhmaNebhyo namaskR^itya na sa shochetkR^itAkR^itam || 4\.27|
0040281 AsIddharmasya saMgoptA pUrvamatrisamaH prabhuH |
0040282 atrivaMshe samutpannastva~Ngo nAma prajApatiH || 4\.28|
0040291 tasya putro .abhavadveNo nAtyarthaM dharmakovidaH |
0040292 jAto mR^ityusutAyAM vai sunIthAyAM prajApatiH || 4\.29|
0040301 sa mAtAmahadoSheNa tena kAlAtmajAtmajaH |
0040302 svadharmaM pR^iShThataH kR^itvA kAmalobheShvavartata || 4\.30|
0040311 maryAdAM bhedayAmAsa dharmopetAM sa pArthivaH |
0040312 vedadharmAnatikramya so .adharmanirato .abhavat || 4\.31|
0040321 niHsvAdhyAyavaShaTkArAH prajAstasminprajApatau |
0040322 pravR^ittaM na papuH somaM hutaM yaj~neShu devatAH || 4\.32|
0040331 na yaShTavyaM na hotavyamiti tasya prajApateH |
0040332 AsItpratij~nA krUreyaM vinAshe pratyupasthite || 4\.33|
0040341 ahamijyashcha yaShTA cha yaj~nashcheti bhR^igUdvaha |
0040342 mayi yaj~no vidhAtavyo mayi hotavyamityapi || 4\.34|
0040351 tamatikrAntamaryAdamAdadAnamasAMpratam |
0040352 UchurmaharShayaH sarve marIchipramukhAstadA || 4\.35|
0040361 vayaM dIkShAM pravekShyAmaH saMvatsaragaNAnbahUn |
0040362 adharmaM kuru mA veNa eSha dharmaH sanAtanaH || 4\.36|
0040371 nidhane .atreH prasUtastvaM prajApatirasaMshayam |
0040372 prajAshcha pAlayiShye .ahamitIha samayaH kR^itaH || 4\.37|
0040381 tAMstathA bruvataH sarvAnmaharShInabravIttadA |
0040382 veNaH prahasya durbuddhirimamarthamanarthavit || 4\.38|
0040390 veNa uvAcha
0040391 sraShTA dharmasya kashchAnyaH shrotavyaM kasya vA mayA |
0040392 shrutavIryatapaHsatyairmayA vA kaH samo bhuvi || 4\.39|
0040401 prabhavaM sarvabhUtAnAM dharmANAM cha visheShataH |
0040402 saMmUDhA na vidurnUnaM bhavanto mAM vichetasaH || 4\.40|
0040411 ichChandaheyaM pR^ithivIM plAvayeyaM jalaistathA |
0040412 dyAM vai bhuvaM cha rundheyaM nAtra kAryA vichAraNA || 4\.41|
0040421 yadA na shakyate mohAdavalepAchcha pArthivaH |
0040422 apanetuM tadA veNastataH kruddhA maharShayaH || 4\.42|
0040431 taM nigR^ihya mahAtmAno visphurantaM mahAbalam |
0040432 tato .asya savyamUruM te mamanthurjAtamanyavaH || 4\.43|
0040441 tasminnimathyamAne vai rAj~na Urau tu jaj~nivAn |
0040442 hrasvo .atimAtraH puruShaH kR^iShNashcheti babhUva ha || 4\.44|
0040451 sa bhItaH prA~njalirbhUtvA tasthivAndvijasattamAH |
0040452 tamatrirvihvalaM dR^iShTvA niShIdetyabravIttadA || 4\.45|
0040461 niShAdavaMshakartAsau babhUva vadatAM varAH |
0040462 dhIvarAnasR^ijachchApi veNakalmaShasaMbhavAn || 4\.46|
0040471 ye chAnye vindhyanilayAstathA parvatasaMshrayAH |
0040472 adharmaruchayo viprAste tu vai veNakalmaShAH || 4\.47|
0040481 tataH punarmahAtmAnaH pANiM veNasya dakShiNam |
0040482 araNImiva saMrabdhA mamanthurjAtamanyavaH || 4\.48|
0040491 pR^ithustasmAtsamutpannaH karAjjvalanasaMnibhaH |
0040492 dIpyamAnaH svavapuShA sAkShAdagniriva jvalan || 4\.49|
0040501 atha so .ajagavaM nAma dhanurgR^ihya mahAravam |
0040502 sharAMshcha divyAnrakShArthaM kavachaM cha mahAprabham || 4\.50|
0040511 tasmi~njAte .atha bhUtAni saMprahR^iShTAni sarvashaH |
0040512 samApeturmahAbhAgA veNastu tridivaM yayau || 4\.51|
0040521 samutpannena bho viprAH satputreNa mahAtmanA |
0040522 trAtaH sa puruShavyAghraH puMnAmno narakAttadA || 4\.52|
0040531 taM samudrAshcha nadyashcha ratnAnyAdAya sarvashaH |
0040532 toyAni chAbhiShekArthaM sarva evopatasthire || 4\.53|
0040541 pitAmahashcha bhagavAndevairA~NgirasaiH saha |
0040542 sthAvarANi cha bhUtAni ja~NgamAni cha sarvashaH || 4\.54|
0040551 samAgamya tadA vaiNyamabhyaShi~nchannarAdhipam |
0040552 mahatA rAjarAjena prajAstenAnura~njitAH || 4\.55|
0040561 so .abhiShikto mahAtejA vidhivaddharmakovidaiH |
0040562 AdhirAjye tadA rAj~nAM pR^ithurvaiNyaH pratApavAn || 4\.56|
0040571 pitrApara~njitAstasya prajAstenAnura~njitAH |
0040572 anurAgAttatastasya nAma rAjAbhyajAyata || 4\.57|
0040581 Apastastambhire tasya samudramabhiyAsyataH |
0040582 parvatAshcha dadurmArgaM dhvajabha~Ngashcha nAbhavat || 4\.58|
0040591 akR^iShTapachyA pR^ithivI sidhyantyannAni chintanAt |
0040592 sarvakAmadughA gAvaH puTake puTake madhu || 4\.59|
0040601 etasminneva kAle tu yaj~ne paitAmahe shubhe |
0040602 sUtaH sUtyAM samutpannaH sautye .ahani mahAmatiH || 4\.60|
0040611 tasminneva mahAyaj~ne jaj~ne prAj~no .atha mAgadhaH |
0040612 pR^ithoH stavArthaM tau tatra samAhUtau maharShibhiH || 4\.61|
0040621 tAvUchurR^iShayaH sarve stUyatAmeSha pArthivaH |
0040622 karmaitadanurUpaM vAM pAtraM chAyaM narAdhipaH || 4\.62|
0040631 tAvUchatustadA sarvAMstAnR^iShInsUtamAgadhau |
0040632 AvAM devAnR^iShIMshchaiva prINayAvaH svakarmabhiH || 4\.63|
0040641 na chAsya vidmo vai karma nAma vA lakShaNaM yashaH |
0040642 stotraM yenAsya kuryAva rAj~nastejasvino dvijAH || 4\.64|
0040651 R^iShibhistau niyuktau tu bhaviShyaiH stUyatAmiti |
0040652 yAni karmANi kR^itavAnpR^ithuH pashchAnmahAbalaH || 4\.65|
0040661 tataH prabhR^iti vai loke staveShu munisattamAH |
0040662 AshIrvAdAH prayujyante sUtamAgadhabandibhiH || 4\.66|
0040671 tayoH stavAnte suprItaH pR^ithuH prAdAtprajeshvaraH |
0040672 anUpadeshaM sUtAya magadhaM mAgadhAya cha || 4\.67|
0040681 taM dR^iShTvA paramaprItAH prajAH prochurmanIShiNaH |
0040682 vR^ittInAmeSha vo dAtA bhaviShyati narAdhipaH || 4\.68|
0040691 tato vaiNyaM mahAtmAnaM prajAH samabhidudruvuH |
0040692 tvaM no vR^ittiM vidhatsveti maharShivachanAttadA || 4\.69|
0040701 so .abhidrutaH prajAbhistu prajAhitachikIrShayA |
0040702 dhanurgR^ihya pR^iShatkAMshcha pR^ithivImAdravadbalI || 4\.70|
0040711 tato vaiNyabhayatrastA gaurbhUtvA prAdravanmahI |
0040712 tAM pR^ithurdhanurAdAya dravantImanvadhAvata || 4\.71|
0040721 sA lokAnbrahmalokAdIngatvA vaiNyabhayAttadA |
0040722 pradadarshAgrato vaiNyaM pragR^ihItasharAsanam || 4\.72|
0040731 jvaladbhirnishitairbANairdIptatejasamantataH |
0040732 mahAyogaM mahAtmAnaM durdharShamamarairapi || 4\.73|
0040741 alabhantI tu sA trANaM vaiNyamevAnvapadyata |
0040742 kR^itA~njalipuTA bhUtvA pUjyA lokaistribhistadA || 4\.74|
0040751 uvAcha vaiNyaM nAdharmaM strIvadhe paripashyasi |
0040752 kathaM dhArayitA chAsi prajA rAjanvinA mayA || 4\.75|
0040761 mayi lokAH sthitA rAjanmayedaM dhAryate jagat |
0040762 madvinAshe vinashyeyuH prajAH pArthiva viddhi tat || 4\.76|
0040771 na mAmarhasi hantuM vai shreyashchettvaM chikIrShasi |
0040772 prajAnAM pR^ithivIpAla shR^iNu chedaM vacho mama || 4\.77|
0040781 upAyataH samArabdhAH sarve sidhyantyupakramAH |
0040782 upAyaM pashya yena tvaM dhArayethAH prajAmimAm || 4\.78|
0040791 hatvApi mAM na shaktastvaM prajAnAM poShaNe nR^ipa |
0040792 anukUlA bhaviShyAmi yachCha kopaM mahAmate || 4\.79|
0040801 avadhyAM cha striyaM prAhustiryagyonigateShvapi |
0040802 yadyevaM pR^ithivIpAla na dharmaM tyaktumarhasi || 4\.80|
0040811 evaM bahuvidhaM vAkyaM shrutvA rAjA mahAmanAH |
0040812 kopaM nigR^ihya dharmAtmA vasudhAmidamabravIt || 4\.81|
0040820 pR^ithuruvAcha
0040821 ekasyArthe tu yo hanyAdAtmano vA parasya vA |
0040822 bahUnvA prANino .anantaM bhavettasyeha pAtakam || 4\.82|
0040831 sukhamedhanti bahavo yasmiMstu nihate .ashubhe |
0040832 tasminhate nAsti bhadre pAtakaM chopapAtakam || 4\.83|
0040841 so .ahaM prajAnimittaM tvAM haniShyAmi vasuMdhare |
0040842 yadi me vachanAnnAdya kariShyasi jagaddhitam || 4\.84|
0040851 tvAM nihatyAdya bANena machChAsanaparA~NmukhIm |
0040852 AtmAnaM prathayitvAhaM prajA dhArayitA svayam || 4\.85|
0040861 sA tvaM shAsanamAsthAya mama dharmabhR^itAM vare |
0040862 saMjIvaya prajAH sarvAH samarthA hyasi dhAraNe || 4\.86|
0040871 duhitR^itvaM cha me gachCha tata enamahaM sharam |
0040872 niyachCheyaM tvadvadhArthamudyantaM ghoradarshanam || 4\.87|
0040880 vasudhovAcha
0040881 sarvametadahaM vIra vidhAsyAmi na saMshayaH |
0040882 vatsaM tu mama saMpashya kShareyaM yena vatsalA || 4\.88|
0040891 samAM cha kuru sarvatra mAM tvaM dharmabhR^itAM vara |
0040892 yathA visyandamAnaM me kShIraM sarvatra bhAvayet || 4\.89|
0040900 lomaharShaNa uvAcha
0040901 tata utsArayAmAsa shailA~nshatasahasrashaH |
0040902 dhanuShkoTyA tadA vaiNyastena shailA vivardhitAH || 4\.90|
0040911 nahi pUrvavisarge vai viShame pR^ithivItale |
0040912 saMvibhAgaH purANAM vA grAmANAM vAbhavattadA || 4\.91|
0040921 na sasyAni na gorakShyaM na kR^iShirna vaNikpathaH |
0040922 naiva satyAnR^itaM chAsInna lobho na cha matsaraH || 4\.92|
0040931 vaivasvate .antare tasminsAMprataM samupasthite |
0040932 vaiNyAtprabhR^iti vai viprAH sarvasyaitasya saMbhavaH || 4\.93|
0040941 yatra yatra samaM tvasyA bhUmerAsIttadA dvijAH |
0040942 tatra tatra prajAH sarvA nivAsaM samarochayan || 4\.94|
0040951 AhAraH phalamUlAni prajAnAmabhavattadA |
0040952 kR^ichChreNa mahatA yukta ityevamanushushruma || 4\.95|
0040961 sa kalpayitvA vatsaM tu manuM svAyaMbhuvaM prabhum |
0040962 svapANau puruShavyAghro dudoha pR^ithivIM tataH || 4\.96|
0040971 sasyajAtAni sarvANi pR^ithurvaiNyaH pratApavAn |
0040972 tenAnnena prajAH sarvA vartante .adyApi sarvashaH || 4\.97|
0040981 R^iShayashcha tadA devAH pitaro .atha sarIsR^ipAH |
0040982 daityA yakShAH puNyajanA gandharvAH parvatA nagAH || 4\.98|
0040991 ete purA dvijashreShThA duduhurdharaNIM kila |
0040992 kShIraM vatsashcha pAtraM cha teShAM dogdhA pR^ithakpR^ithak || 4\.99|
0041001 R^iShINAmabhavatsomo vatso dogdhA bR^ihaspatiH |
0041002 kShIraM teShAM tapo brahma pAtraM ChandAMsi bho dvijAH || 4\.100|
0041011 devAnAM kA~nchanaM pAtraM vatsasteShAM shatakratuH |
0041012 kShIramojaskaraM chaiva dogdhA cha bhagavAnraviH || 4\.101|
0041021 pitR^INAM rAjataM pAtraM yamo vatsaH pratApavAn |
0041022 antakashchAbhavaddogdhA kShIraM teShAM sudhA smR^itA || 4\.102|
0041031 nAgAnAM takShako vatsaH pAtraM chAlAbusaMj~nakam |
0041032 dogdhA tvairAvato nAgasteShAM kShIraM viShaM smR^itam || 4\.103|
0041041 asurANAM madhurdogdhA kShIraM mAyAmayaM smR^itam |
0041042 virochanastu vatso .abhUdAyasaM pAtrameva cha || 4\.104|
0041051 yakShANAmAmapAtraM tu vatso vaishravaNaH prabhuH |
0041052 dogdhA rajatanAbhastu kShIrAntardhAnameva cha || 4\.105|
0041061 sumAlI rAkShasendrANAM vatsaH kShIraM cha shoNitam|
0041062 dogdhA rajatanAbhastu kapAlaM pAtrameva cha || 4\.106|
0041071 gandharvANAM chitraratho vatsaH pAtraM cha pa~Nkajam |
0041072 dogdhA cha suruchiH kShIraM teShAM gandhaH shuchiH smR^itaH || 4\.107|
0041081 shailaM pAtraM parvatAnAM kShIraM ratnauShadhIstathA |
0041082 vatsastu himavAnAsIddogdhA merurmahAgiriH || 4\.108|
0041091 plakSho vatsastu vR^ikShANAM dogdhA shAlastu puShpitaH |
0041092 pAlAshapAtraM kShIraM cha chChinnadagdhaprarohaNam || 4\.109|
0041101 seyaM dhAtrI vidhAtrI cha pAvanI cha vasuMdharA |
0041102 charAcharasya sarvasya pratiShThA yonireva cha || 4\.110|
0041111 sarvakAmadughA dogdhrI sarvasasyaprarohaNI |
0041112 AsIdiyaM samudrAntA medinI parivishrutA || 4\.111|
0041121 madhukaiTabhayoH kR^itsnA medasA samabhiplutA |
0041122 teneyaM medinI devI uchyate brahmavAdibhiH || 4\.112|
0041131 tato .abhyupagamAdrAj~naH pR^ithorvaiNyasya bho dvijAH |
0041132 duhitR^itvamanuprAptA devI pR^ithvIti chochyate || 4\.113|
0041141 pR^ithunA pravibhaktA cha shodhitA cha vasuMdharA |
0041142 sasyAkaravatI sphItA purapattanashAlinI || 4\.114|
0041151 evaMprabhAvo vaiNyaH sa rAjAsIdrAjasattamaH |
0041152 namasyashchaiva pUjyashcha bhUtagrAmairna saMshayaH || 4\.115|
0041161 brAhmaNaishcha mahAbhAgairvedavedA~NgapAragaiH |
0041162 pR^ithureva namaskAryo brahmayoniH sanAtanaH || 4\.116|
0041171 pArthivaishcha mahAbhAgaiH pArthivatvamihechChubhiH |
0041172 AdirAjo namaskAryaH pR^ithurvaiNyaH pratApavAn || 4\.117|
0041181 yodhairapi cha vikrAntaiH prAptukAmairjayaM yudhi |
0041182 AdirAjo namaskAryo yodhAnAM prathamo nR^ipaH || 4\.118|
0041191 yo hi yoddhA raNaM yAti kIrtayitvA pR^ithuM nR^ipam |
0041192 sa ghorarUpAtsaMgrAmAtkShemI bhavati kIrtimAn || 4\.119|
0041201 vaishyairapi cha vittADhyairvaishyavR^ittividhAyibhiH |
0041202 pR^ithureva namaskAryo vR^ittidAtA mahAyashAH || 4\.120|
0041211 tathaiva shUdraiH shuchibhistrivarNaparichAribhiH |
0041212 pR^ithureva namaskAryaH shreyaH paramihepsubhiH || 4\.121|
0041221 ete vatsavisheShAshcha dogdhAraH kShIrameva cha |
0041222 pAtrANi cha mayoktAni kiM bhUyo varNayAmi vaH || 4\.122|
0050010 R^iShaya UchuH
0050011 manvantarANi sarvANi vistareNa mahAmate |
0050012 teShAM pUrvavisR^iShTiM cha lomaharShaNa kIrtaya || 5\.1|
0050021 yAvanto manavashchaiva yAvantaM kAlameva cha |
0050022 manvantarANi bhoH sUta shrotumichChAma tattvataH || 5\.2|
0050030 lomaharShaNa uvAcha
0050031 na shakyo vistaro viprA vaktuM varShashatairapi |
0050032 manvantarANAM sarveShAM saMkShepAchChR^iNuta dvijAH || 5\.3|
0050041 svAyaMbhuvo manuH pUrvaM manuH svArochiShastathA |
0050042 uttamastAmasashchaiva raivatashchAkShuShastathA || 5\.4|
0050051 vaivasvatashcha bho viprAH sAMprataM manuruchyate |
0050052 sAvarNishcha manustadvadraibhyo rauchyastathaiva cha || 5\.5|
0050061 tathaiva merusAvarNyashchatvAro manavaH smR^itAH |
0050062 atItA vartamAnAshcha tathaivAnAgatA dvijAH || 5\.6|
0050071 kIrtitA manavastubhyaM mayaivaite yathA shrutAH |
0050072 R^iShIMstveShAM pravakShyAmi putrAndevagaNAMstathA || 5\.7|
0050081 marIchiratrirbhagavAna~NgirAH pulahaH kratuH |
0050082 pulastyashcha vasiShThashcha saptaite brahmaNaH sutAH || 5\.8|
0050091 uttarasyAM dishi tathA dvijAH saptarShayastathA |
0050092 AgniidhrashchAgnibAhushcha medhyo medhAtithirvasuH || 5\.9|
0050101 jyotiShmAndyutimAnhavyaH savalaH putrasaMj~nakaH |
0050102 manoH svAyaMbhuvasyaite dasha putrA mahaujasaH || 5\.10|
0050111 etadvai prathamaM viprA manvantaramudAhR^itam |
0050112 aurvo vasiShThaputrashcha stambaH kashyapa eva cha || 5\.11|
0050121 prANo bR^ihaspatishchaiva datto .atrichchyavanastathA |
0050122 ete maharShayo viprA vAyuproktA mahAvratAH || 5\.12|
0050131 devAshcha tuShitA nAma smR^itAH svArochiShe .antare |
0050132 havighnaH sukR^itirjyotirApo mUrtirapi smR^itaH || 5\.13|
0050141 pratItashcha nabhasyashcha nabha Urjastathaiva cha |
0050142 svArochiShasya putrAste manorviprA mahAtmanaH || 5\.14|
0050151 kIrtitAH pR^ithivIpAlA mahAvIryaparAkramAH |
0050152 dvitIyametatkathitaM viprA manvantaraM mayA || 5\.15|
0050161 idaM tR^itIyaM vakShyAmi tadbudhyadhvaM dvijottamAH |
0050162 vasiShThaputrAH saptAsanvAsiShThA iti vishrutAH || 5\.16|
0050171 hiraNyagarbhasya sutA UrjA jAtAH sutejasaH |
0050172 R^iShayo .atra mayA proktAH kIrtyamAnAnnibodhata || 5\.17|
0050181 auttameyAnmunishreShThA dasha putrAnmanorimAn |
0050182 iSha UrjastanUrjastu madhurmAdhava eva cha || 5\.18|
0050191 shuchiH shukraH sahashchaiva nabhasyo nabha eva cha |
0050192 bhAnavastatra devAshcha manvantaramudAhR^itam || 5\.19|
0050201 manvantaraM chaturthaM vaH kathayiShyAmi sAMpratam |
0050202 kAvyaH pR^ithustathaivAgnirjahnurdhAtA dvijottamAH || 5\.20|
0050211 kapIvAnakapIvAMshcha tatra saptarShayo dvijAH |
0050212 purANe kIrtitA viprAH putrAH pautrAshcha bho dvijAH || 5\.21|
0050221 tathA devagaNAshchaiva tAmasasyAntare manoH |
0050222 dyutistapasyaH sutapAstapobhUtaH sanAtanaH || 5\.22|
0050231 taporatirakalmAShastanvI dhanvI paraMtapaH |
0050232 tAmasasya manorete dasha putrAH prakIrtitAH || 5\.23|
0050241 vAyuproktA munishreShThAshchaturthaM chaitadantaram |
0050242 devabAhuryadudhrashcha munirvedashirAstathA || 5\.24|
0050251 hiraNyaromA parjanya UrdhvabAhushcha somajaH |
0050252 satyanetrastathAtreya ete saptarShayo .apare || 5\.25|
0050261 devAshchAbhUtarajasastathA prakR^itayaH smR^itAH |
0050262 vAriplavashcha raibhyashcha manorantaramuchyate || 5\.26|
0050271 atha putrAnimAMstasya budhyadhvaM gadato mama |
0050272 dhR^itimAnavyayo yuktastattvadarshI nirutsukaH || 5\.27|
0050281 AraNyashcha prakAshashcha nirmohaH satyavAkkR^itI |
0050282 raivatasya manoH putrAH pa~nchamaM chaitadantaram || 5\.28|
0050291 ShaShThaM tu saMpravakShyAmi tadbudhyadhvaM dvijottamAH |
0050292 bhR^igurnabho vivasvAMshcha sudhAmA virajAstathA || 5\.29|
0050301 atinAmA sahiShNushcha saptaite cha maharShayaH |
0050302 chAkShuShasyAntare viprA manordevAstvime smR^itAH || 5\.30|
0050311 AbAlaprathitAste vai pR^ithaktvena divaukasaH |
0050312 lekhAshcha nAmato viprAH pa~ncha devagaNAH smR^itAH || 5\.31|
0050321 R^iShera~NgirasaH putrA mahAtmAno mahaujasaH |
0050322 nADvaleyA munishreShThA dasha putrAstu vishrutAH || 5\.32|
0050331 ruruprabhR^itayo viprAshchAkShuShasyAntare manoH |
0050332 ShaShThaM manvantaraM proktaM saptamaM tu nibodhata || 5\.33|
0050341 atrirvasiShTho bhagavAnkashyapashcha mahAnR^iShiH |
0050342 gautamo .atha bharadvAjo vishvAmitrastathaiva cha || 5\.34|
0050351 tathaiva putro bhagavAnR^ichIkasya mahAtmanaH |
0050352 saptamo jamadagnishcha R^iShayaH sAMprataM divi || 5\.35|
0050361 sAdhyA rudrAshcha vishve cha vasavo marutastathA |
0050362 AdityAshchAshvinau chApi devau vaivasvatau smR^itau || 5\.36|
0050371 manorvaivasvatasyaite vartante sAMprate .antare |
0050372 ikShvAkupramukhAshchaiva dasha putrA mahAtmanaH || 5\.37|
0050381 eteShAM kIrtitAnAM tu maharShINAM mahaujasAm |
0050382 teShAM putrAshcha pautrAshcha dikShu sarvAsu bho dvijAH || 5\.38|
0050391 manvantareShu sarveShu prAgAsansapta saptakAH |
0050392 loke dharmavyavasthArthaM lokasaMrakShaNAya cha || 5\.39|
0050401 manvantare vyatikrAnte chatvAraH saptakA gaNAH |
0050402 kR^itvA karma divaM yAnti brahmalokamanAmayam || 5\.40|
0050411 tato .anye tapasA yuktAH sthAnaM tatpUrayantyuta |
0050412 atItA vartamAnAshcha krameNaitena bho dvijAH || 5\.41|
0050421 anAgatAshcha saptaite smR^itA divi maharShayaH |
0050422 manorantaramAsAdya sAvarNasyeha bho dvijAH || 5\.42|
0050431 rAmo vyAsastathAtreyo dIptimanto bahushrutAH |
0050432 bhAradvAjastathA drauNirashvatthAmA mahAdyutiH || 5\.43|
0050441 gautamashchAjarashchaiva sharadvAnnAma gautamaH |
0050442 kaushiko gAlavashchaiva aurvaH kAshyapa eva cha || 5\.44|
0050451 ete sapta mahAtmAno bhaviShyA munisattamAH |
0050452 vairI chaivAdhvarIvAMshcha shamano dhR^itimAnvasuH || 5\.45|
0050461 ariShTashchApyadhR^iShTashcha vAjI sumatireva cha |
0050462 sAvarNasya manoH putrA bhaviShyA munisattamAH || 5\.46|
0050471 eteShAM kalyamutthAya kIrtanAtsukhamedhate |
0050472 yashashchApnoti sumahadAyuShmAMshcha bhavennaraH || 5\.47|
0050481 etAnyuktAni bho viprAH sapta sapta cha tattvataH |
0050482 manvantarANi saMkShepAchChR^iNutAnAgatAnyapi || 5\.48|
0050491 sAvarNA manavo viprAH pa~ncha tAMshcha nibodhata |
0050492 eko vaivasvatasteShAM chatvArastu prajApateH || 5\.49|
0050501 parameShThisutA viprA merusAvarNyatAM gatAH |
0050502 dakShasyaite hi dauhitrAH priyAyAstanayA nR^ipAH || 5\.50|
0050511 mahatA tapasA yuktA merupR^iShThe mahaujasaH |
0050512 rucheH prajApateH putro rauchyo nAma manuH smR^itaH || 5\.51|
0050521 bhUtyAM chotpAdito devyAM bhautyo nAma rucheH sutaH |
0050522 anAgatAshcha saptaite kalpe .asminmanavaH smR^itAH || 5\.52|
0050531 tairiyaM pR^ithivI sarvA saptadvIpA sapattanA |
0050532 pUrNaM yugasahasraM tu paripAlyA dvijottamAH || 5\.53|
0050541 prajApatishcha tapasA saMhAraM teShu nityashaH |
0050542 yugAni saptatistAni sAgrANi kathitAni cha || 5\.54|
0050551 kR^itatretAdiyuktAni manorantaramuchyate |
0050552 chaturdashaite manavaH kathitAH kIrtivardhanAH || 5\.55|
0050561 vedeShu sapurANeShu sarveShu prabhaviShNavaH |
0050562 prajAnAM patayo viprA dhanyameShAM prakIrtanam || 5\.56|
0050571 manvantareShu saMhArAH saMhArAnteShu saMbhavAH |
0050572 na shakyate .antasteShAM vai vaktuM varShashatairapi || 5\.57|
0050581 visargasya prajAnAM vai saMhArasya cha bho dvijAH |
0050582 manvantareShu saMhArAH shrUyante dvijasattamAH || 5\.58|
0050591 sasheShAstatra tiShThanti devAH saptarShibhiH saha |
0050592 tapasA brahmacharyeNa shrutena cha samanvitAH || 5\.59|
0050601 pUrNe yugasahasre tu kalpo niHsheSha uchyate |
0050602 tatra bhUtAni sarvANi dagdhAnyAdityarashmibhiH || 5\.60|
0050611 brahmANamagrataH kR^itvA sahAdityagaNairdvijAH |
0050612 pravishanti surashreShThaM harinArAyaNaM prabhum || 5\.61|
0050621 sraShTAraM sarvabhUtAnAM kalpAnteShu punaH punaH |
0050622 avyaktaH shAshvato devastasya sarvamidaM jagat || 5\.62|
0050631 atra vaH kIrtayiShyAmi manorvaivasvatasya vai |
0050632 visargaM munishArdUlAH sAMpratasya mahAdyuteH || 5\.63|
0050641 atra vaMshaprasa~Ngena kathyamAnaM purAtanam |
0050642 yatrotpanno mahAtmA sa harirvR^iShNikule prabhuH || 5\.64|
0060010 lomaharShaNa uvAcha
0060011 vivasvAnkashyapAjjaj~ne dAkShAyaNyAM dvijottamAH |
0060012 tasya bhAryAbhavatsaMj~nA tvAShTrI devI vivasvataH || 6\.1|
0060021 sureshvarIti vikhyAtA triShu lokeShu bhAvinI |
0060022 sA vai bhAryA bhagavato mArtaNDasya mahAtmanaH || 6\.2|
0060031 bhartR^irUpeNa nAtuShyadrUpayauvanashAlinI |
0060032 saMj~nA nAma sutapasA sudIptena samanvitA || 6\.3|
0060041 Adityasya hi tadrUpaM maNDalasya sutejasA |
0060042 gAtreShu paridagdhaM vai nAtikAntamivAbhavat || 6\.4|
0060051 na khalvayaM mR^ito .aNDasya iti snehAdabhAShata |
0060052 ajAnankAshyapastasmAnmArtaNDa iti chochyate || 6\.5|
0060061 tejastvabhyadhikaM tasya nityameva vivasvataH |
0060062 yenAtitApayAmAsa trIMllokAnkashyapAtmajaH || 6\.6|
0060071 trINyapatyAni bho viprAH saMj~nAyAM tapatAM varaH |
0060072 Adityo janayAmAsa kanyAM dvau cha prajApatI || 6\.7|
0060081 manurvaivasvataH pUrvaM shrAddhadevaH prajApatiH |
0060082 yamashcha yamunA chaiva yamajau saMbabhUvatuH || 6\.8|
0060091 shyAmavarNaM tu tadrUpaM saMj~nA dR^iShTvA vivasvataH |
0060092 asahantI tu svAM ChAyAM savarNAM nirmame tataH || 6\.9|
0060101 mAyAmayI tu sA saMj~nA tasyAM ChAyAsamutthitAm |
0060102 prA~njaliH praNatA bhUtvA ChAyA saMj~nAM dvijottamAH || 6\.10|
0060111 uvAcha kiM mayA kAryaM kathayasva shuchismite |
0060112 sthitAsmi tava nirdeshe shAdhi mAM varavarNini || 6\.11|
0060120 saMj~novAcha
0060121 ahaM yAsyAmi bhadraM te svameva bhavanaM pituH |
0060122 tvayaiva bhavane mahyaM vastavyaM nirvisha~NkayA || 6\.12|
0060131 imau cha bAlakau mahyaM kanyA cheyaM sumadhyamA |
0060132 saMbhAvyAste na chAkhyeyamidaM bhagavate kvachit || 6\.13|
0060140 savarNovAcha
0060141 A kachagrahaNAddevi A shApAnnaiva karhichit |
0060142 AkhyAsyAmi namastubhyaM gachCha devi yathAsukham || 6\.14|
0060150 lomaharShaNa uvAcha
0060151 samAdishya savarNAM tu tathetyuktA tayA cha sA |
0060152 tvaShTuH samIpamagamadvrIDiteva tapasvinI || 6\.15|
0060161 pituH samIpagA sA tu pitrA nirbhartsitA shubhA |
0060162 bhartuH samIpaM gachCheti niyuktA cha punaH punaH || 6\.16|
0060171 AgachChadvaDavA bhUtvAchChAdya rUpamaninditA |
0060172 kurUnathottarAngatvA tR^iNAnyatha chachAra ha || 6\.17|
0060181 dvitIyAyAM tu saMj~nAyAM saMj~neyamiti chintayan |
0060182 Adityo janayAmAsa putramAtmasamaM tadA || 6\.18|
0060191 pUrvajasya manorviprAH sadR^isho .ayamiti prabhuH |
0060192 manurevAbhavannAmnA sAvarNa iti chochyate || 6\.19|
0060201 dvitIyo yaH sutastasyAH sa vij~neyaH shanaishcharaH |
0060202 saMj~nA tu pArthivI viprAH svasya putrasya vai tadA || 6\.20|
0060211 chakArAbhyadhikaM snehaM na tathA pUrvajeShu vai |
0060212 manustasyAH kShamattattu yamastasyA na chakShame || 6\.21|
0060221 sa vai roShAchcha bAlyAchcha bhAvino .arthasya vAnagha |
0060222 padA saMtarjayAmAsa saMj~nAM vaivasvato yamaH || 6\.22|
0060231 taM shashApa tataH krodhAtsAvarNajananI tadA |
0060232 charaNaH patatAmeSha taveti bhR^ishaduHkhitA || 6\.23|
0060241 yamastu tatpituH sarvaM prA~njaliH pratyavedayat |
0060242 bhR^ishaM shApabhayodvignaH saMj~nAvAkyairvisha~NkitaH || 6\.24|
0060251 shApo .ayaM vinivarteta provAcha pitaraM dvijAH |
0060252 mAtrA snehena sarveShu vartitavyaM suteShu vai || 6\.25|
0060261 seyamasmAnapAsyeha vivasvansaMbubhUShati |
0060262 tasyAM mayodyataH pAdo na tu dehe nipAtitaH || 6\.26|
0060271 bAlyAdvA yadi vA laulyAnmohAttatkShantumarhasi |
0060272 shapto .ahamasmi lokesha jananyA tapatAM vara |
0060273 tava prasAdAchcharaNo na patenmama gopate || 6\.27|
0060280 vivasvAnuvAcha
0060281 asaMshayaM putra mahadbhaviShyatyatra kAraNam |
0060282 yena tvAmAvishatkrodho dharmaj~naM satyavAdinam || 6\.28|
0060291 na shakyametanmithyA tu kartuM mAtR^ivachastava |
0060292 kR^imayo mAMsamAdAya yAsyantyavanimeva cha || 6\.29|
0060301 kR^itamevaM vachastathyaM mAtustava bhaviShyati |
0060302 shApasya parihAreNa tvaM cha trAto bhaviShyasi || 6\.30|
0060311 AdityashchAbravItsaMj~nAM kimarthaM tanayeShu vai |
0060312 tulyeShvabhyadhikaH sneha ekasminkriyate tvayA || 6\.31|
0060321 sA tatpariharantI tu nAchachakShe vivasvate |
0060322 sa chAtmAnaM samAdhAya yogAttathyamapashyata || 6\.32|
0060331 tAM shaptukAmo bhagavAnnAshapanmunisattamAH |
0060332 mUrdhajeShu nijagrAha sa tu tAM munisattamAH || 6\.33|
0060341 tataH sarvaM yathAvR^ittamAchachakShe vivasvate |
0060342 vivasvAnatha tachChrutvA kruddhastvaShTAramabhyagAt || 6\.34|
0060351 dR^iShTvA tu taM yathAnyAyamarchayitvA vibhAvasum |
0060352 nirdagdhukAmaM roSheNa sAntvayAmAsa vai tadA || 6\.35|
0060360 tvaShTovAcha
0060361 tavAtitejasAviShTamidaM rUpaM na shobhate |
0060362 asahantI cha saMj~nA sA vane charati shADvale || 6\.36|
0060371 draShTA hi tAM bhavAnadya svAM bhAryAM shubhachAriNIm |
0060372 shlAghyAM yogabalopetAM yogamAsthAya gopate || 6\.37|
0060381 anukUlaM tu te deva yadi syAnmama saMmatam |
0060382 rUpaM nirvartayAmyadya tava kAntamariMdama || 6\.38|
0060391 tato .abhyupagamAttvaShTA mArtaNDasya vivasvataH |
0060392 bhramimAropya tattejaH shAtayAmAsa bho dvijAH || 6\.39|
0060401 tato nirbhAsitaM rUpaM tejasA saMhatena vai |
0060402 kAntAtkAntataraM draShTumadhikaM shushubhe tadA || 6\.40|
0060411 dadarsha yogamAsthAya svAM bhAryAM vaDavAM tataH |
0060412 adhR^iShyAM sarvabhUtAnAM tejasA niyamena cha || 6\.41|
0060421 vaDavAvapuShA viprAshcharantImakutobhayAm |
0060422 so .ashvarUpeNa bhagavAMstAM mukhe samabhAvayat || 6\.42|
0060431 maithunAya vicheShTantIM parapuMso .avasha~NkayA |
0060432 sA tanniravamachChukraM nAsikAbhyAM vivasvataH || 6\.43|
0060441 devau tasyAmajAyetAmashvinau bhiShajAM varau |
0060442 nAsatyashchaiva dasrashcha smR^itau dvAvashvinAviti || 6\.44|
0060451 mArtaNDasyAtmajAvetAvaShTamasya prajApateH |
0060452 tAM tu rUpeNa kAntena darshayAmAsa bhAskaraH || 6\.45|
0060461 sA tu dR^iShTvaiva bhartAraM tutoSha munisattamAH |
0060462 yamastu karmaNA tena bhR^ishaM pIDitamAnasaH || 6\.46|
0060471 dharmeNa ra~njayAmAsa dharmarAja imAH prajAH |
0060472 sa lebhe karmaNA tena shubhena paramadyutiH || 6\.47|
0060481 pitR^INAmAdhipatyaM cha lokapAlatvameva cha |
0060482 manuH prajApatistvAsItsAvarNiH sa tapodhanAH || 6\.48|
0060491 bhAvyaH samAgate tasminmanuH sAvarNike .antare |
0060492 merupR^iShThe tapo nityamadyApi sa charatyuta || 6\.49|
0060501 bhrAtA shanaishcharastasya grahatvaM sa tu labdhavAn |
0060502 tvaShTA tu tejasA tena viShNoshchakramakalpayat || 6\.50|
0060511 tadapratihataM yuddhe dAnavAntachikIrShayA |
0060512 yavIyasI tu sApyAsIdyamI kanyA yashasvinI || 6\.51|
0060521 abhavachcha sarichChreShThA yamunA lokapAvanI |
0060522 manurityuchyate loke sAvarNa iti chochyate || 6\.52|
0060531 dvitIyo yaH sutastasya manorbhrAtA shanaishcharaH |
0060532 grahatvaM sa cha lebhe vai sarvalokAbhipUjitaH || 6\.53|
0060541 ya idaM janma devAnAM shR^iNuyAnnarasattamaH |
0060542 ApadaM prApya muchyeta prApnuyAchcha mahadyashaH || 6\.54|
0070010 lomaharShaNa uvAcha
0070011 manorvaivasvatasyAsanputrA vai nava tatsamAH |
0070012 ikShvAkushchaiva nAbhAgo dhR^iShTaH sharyAtireva cha || 7\.1|
0070021 nariShyantashcha ShaShTho vai prAMshU riShTashcha saptamaH |
0070022 karUShashcha pR^iShadhrashcha navaite munisattamAH || 7\.2|
0070031 akarotputrakAmastu manuriShTiM prajApatiH |
0070032 mitrAvaruNayorviprAH pUrvameva mahAmatiH || 7\.3|
0070041 anutpanneShu bahuShu putreShveteShu bho dvijAH |
0070042 tasyAM cha vartamAnAyAmiShTyAM cha dvijasattamAH || 7\.4|
0070051 mitrAvaruNayoraMshe manurAhutimAvahat |
0070052 tatra divyAmbaradharA divyAbharaNabhUShitA || 7\.5|
0070061 divyasaMhananA chaiva ilA jaj~na iti shrutiH |
0070062 tAmiletyeva hovAcha manurdaNDadharastadA || 7\.6|
0070071 anugachChasva mAM bhadre tamilA pratyuvAcha ha |
0070072 dharmayuktamidaM vAkyaM putrakAmaM prajApatim || 7\.7|
0070080 ilovAcha
0070081 mitrAvaruNayoraMshe jAtAsmi vadatAM vara |
0070082 tayoH sakAshaM yAsyAmi na mAM dharmahatAM kuru || 7\.8|
0070091 saivamuktvA manuM devaM mitrAvaruNayorilA |
0070092 gatvAntikaM varArohA prA~njalirvAkyamabravIt || 7\.9|
0070100 ilovAcha
0070101 aMshe .asmi yuvayorjAtA devau kiM karavANi vAm |
0070102 manunA chAhamuktA vAai anugachChasva mAmiti || 7\.10|
0070111 tau tathAvAdinIM sAdhvImilAM dharmaparAyaNAm |
0070112 mitrashcha varuNashchobhAvUchatustAM dvijottamAH || 7\.11|
0070120 mitrAvaruNAvUchatuH
0070121 anena tava dharmeNa prashrayeNa damena cha |
0070122 satyena chaiva sushroNi prItau svo varavarNini || 7\.12|
0070131 AvayostvaM mahAbhAge khyAtiM kanyeti yAsyasi || 7\.13|
0070141 manorvaMshakaraH putrastvameva cha bhaviShyasi |
0070142 sudyumna iti vikhyAtastriShu lokeShu shobhane || 7\.14|
0070151 jagatpriyo dharmashIlo manorvaMshavivardhanaH |
0070152 nivR^ittA sA tu tachChrutvA gachChantI piturantikAt || 7\.15|
0070161 budhenAntaramAsAdya maithunAyopamantritA |
0070162 somaputrAdbudhAdviprAstasyAM jaj~ne purUravAH || 7\.16|
0070171 janayitvA tataH sA tamilA sudyumnatAM gatA |
0070172 sudyumnasya tu dAyAdAstrayaH paramadhArmikAH || 7\.17|
0070181 utkalashcha gayashchaiva vinatAshvashcha bho dvijAH |
0070182 utkalasyotkalA viprA vinatAshvasya pashchimAH || 7\.18|
0070191 dikpUrvA munishArdUlA gayasya tu gayA smR^itA |
0070192 praviShTe tu manau viprA divAkaramariMdamam || 7\.19|
0070201 dashadhA tatpunaH kShatramakarotpR^ithivImimAm |
0070202 ikShvAkurjyeShThadAyAdo madhyadeshamavAptavAn || 7\.20|
0070211 kanyAbhAvAttu sudyumno naitadrAjyamavAptavAn |
0070212 vasiShThavachanAttvAsItpratiShThAne mahAtmanaH || 7\.21|
0070221 pratiShThA dharmarAjasya sudyumnasya dvijottamAH |
0070222 tatpurUravase prAdAdrAjyaM prApya mahAyashAH || 7\.22|
0070231 mAnaveyo munishreShThAH strIpuMsorlakShaNairyutaH |
0070232 dhR^itavAMstAmiletyevaM sudyumneti cha vishrutaH || 7\.23|
0070241 nAriShyantAH shakAH putrA nAbhAgasya tu bho dvijAH |
0070242 ambarISho .abhavatputraH pArthivarShabhasattamaH || 7\.24|
0070251 dhR^iShTasya dhArShTakaM kShatraM raNadR^iptaM babhUva ha |
0070252 karUShasya cha kArUShAH kShatriyA yuddhadurmadAH || 7\.25|
0070261 nAbhAgadhR^iShTaputrAshcha kShatriyA vaishyatAM gatAH |
0070262 prAMshoreko .abhavatputraH prajApatiriti smR^itaH || 7\.26|
0070271 nariShyantasya dAyAdo rAjA daNDadharo yamaH |
0070272 sharyAtermithunaM tvAsIdAnarto nAma vishrutaH || 7\.27|
0070281 putraH kanyA sukanyA cha yA patnI chyavanasya ha |
0070282 Anartasya tu dAyAdo raivo nAma mahAdyutiH || 7\.28|
0070291 AnartaviShayashchaiva purI chAsya kushasthalI |
0070292 raivasya raivataH putraH kakudmI nAma dhArmikaH || 7\.29|
0070301 jyeShThaH putraH sa tasyAsIdrAjyaM prApya kushasthalIm |
0070302 sa kanyAsahitaH shrutvA gAndharvaM brahmaNo .antike || 7\.30|
0070311 muhUrtabhUtaM devasya tasthau bahuyugaM dvijAH |
0070312 AjagAma sa chaivAtha svAM purIM yAdavairvR^itAm || 7\.31|
0070321 kR^itAM dvAravatIM nAma bahudvArAM manoramAm |
0070322 bhojavR^iShNyandhakairguptAM vasudevapurogamaiH || 7\.32|
0070331 tatraiva raivato j~nAtvA yathAtattvaM dvijottamAH |
0070332 kanyAM tAM baladevAya subhadrAM nAma revatIm || 7\.33|
0070341 dattvA jagAma shikharaM merostapasi saMsthitaH |
0070342 reme rAmo .api dharmAtmA revatyA sahitaH sukhI || 7\.34|
0070350 munaya UchuH
0070351 kathaM bahuyuge kAle samatIte mahAmate |
0070352 na jarA revatIM prAptA raivataM cha kakudminam || 7\.35|
0070361 meruM gatasya vA tasya sharyAteH saMtatiH katham |
0070362 sthitA pR^ithivyAmadyApi shrotumichChAma tattvataH || 7\.36|
0070370 lomaharShaNa uvAcha
0070371 na jarA kShutpipAsA vA na mR^ityurmunisattamAH |
0070372 R^ituchakraM prabhavati brahmaloke sadAnaghAH |
0070373 kakudminaH svarlokaM tu raivatasya gatasya ha || 7\.37|
0070381 hR^itA puNyajanairviprA rAkShasaiH sA kushasthalI |
0070382 tasya bhrAtR^ishataM tvAsIddhArmikasya mahAtmanaH || 7\.38|
0070391 tadvadhyamAnaM rakShobhirdishaH prAkrAmadachyutAH |
0070392 vidrutasya cha viprendrAstasya bhrAtR^ishatasya vai || 7\.39|
0070401 anvavAyastu sumahAMstatra tatra dvijottamAH |
0070402 teShAM hyete munishreShThAH sharyAtA iti vishrutAH || 7\.40|
0070411 kShatriyA guNasaMpannA dikShu sarvAsu vishrutAH |
0070412 sharvashaH sarvagahanaM praviShTAste mahaujasaH || 7\.41|
0070421 nAbhAgariShTaputrau dvau vaishyau brAhmaNatAM gatau |
0070422 karUShasya tu kArUShAH kShatriyA yuddhadurmadAH || 7\.42|
0070431 pR^iShadhro hiMsayitvA tu gurorgAM dvijasattamAH |
0070432 shApAchChUdratvamApanno navaite parikIrtitAH || 7\.43|
0070441 vaivasvatasya tanayA munervai munisattamAH |
0070442 kShuvatastu manorviprA ikShvAkurabhavatsutaH || 7\.44|
0070451 tasya putrashataM tvAsIdikShvAkorbhUridakShiNam |
0070452 teShAM vikukShirjyeShThastu vikukShitvAdayodhatAm || 7\.45|
0070461 prAptaH paramadharmaj~na so .ayodhyAdhipatiH prabhuH |
0070462 shakunipramukhAstasya putrAH pa~nchashataM smR^itAH || 7\.46|
0070471 uttarApathadeshasya rakShitAro mahAbalAH |
0070472 chatvAriMshaddashAShTau cha dakShiNasyAM tathA dishi || 7\.47|
0070481 vashAtipramukhAshchAnye rakShitAro dvijottamAH |
0070482 ikShvAkustu vikukShiM vAai aShTakAyAmathAdishat || 7\.48|
0070491 mAMsamAnaya shrAddhArthaM mR^igAnhatvA mahAbala |
0070492 shrAddhakarmaNi choddiShTo akR^ite shrAddhakarmaNi || 7\.49|
0070501 bhakShayitvA shashaM viprAH shashAdo mR^igayAM gataH |
0070502 ikShvAkuNA parityakto vasiShThavachanAtprabhuH || 7\.50|
0070511 ikShvAkau saMsthite viprAH shashAdastu nR^ipo .abhavat |
0070512 shashAdasya tu dAyAdaH kakutstho nAma vIryavAn || 7\.51|
0070521 anenAstu kakutsthasya pR^ithushchAnenasaH smR^itaH |
0070522 viShTarAshvaH pR^ithoH putrastasmAdArdrastvajAyata || 7\.52|
0070531 Ardrastu yuvanAshvastu shrAvastastatsuto dvijAH |
0070532 jaj~ne shrAvastako rAjA shrAvastI yena nirmitA || 7\.53|
0070541 shrAvastasya tu dAyAdo bR^ihadashvo mahIpatiH |
0070542 kuvalAshvaH sutastasya rAjA paramadhArmikaH || 7\.54|
0070551 yaH sa dhundhuvadhAdrAjA dhundhumAratvamAgataH || 7\.55|
0070560 munaya UchuH
0070561 dhundhorvadhaM mahAprAj~na shrotumichChAma tattvataH |
0070562 yadvadhAtkuvalAshvo .asau dhundhumAratvamAgataH || 7\.56|
0070570 lomaharShaNa uvAcha
0070571 kuvalAshvasya putrANAM shatamuttamadhanvinAm |
0070572 sarve vidyAsu niShNAtA balavanto durAsadAH || 7\.57|
0070581 babhUvurdhArmikAH sarve yajvAno bhUridakShiNAH |
0070582 kuvalAshvaM pitA rAjye bR^ihadashvo nyayojayat || 7\.58|
0070591 putrasaMkrAmitashrIstu vanaM rAjA vivesha ha |
0070592 tamutta~Nko .atha viprarShiH prayAntaM pratyavArayat || 7\.59|
0070600 utta~Nka uvAcha
0070601 bhavatA rakShaNaM kAryaM tachcha kartuM tvamarhasi |
0070602 nirudvignastapashchartuM nahi shaknomi pArthiva || 7\.60|
0070611 mamAshramasamIpe vai sameShu marudhanvasu |
0070612 samudro vAlukApUrNa uddAlaka iti smR^itaH || 7\.61|
0070621 devatAnAmavadhyashcha mahAkAyo mahAbalaH |
0070622 antarbhUmigatastatra vAlukAntarhito mahAn || 7\.62|
0070631 rAkShasasya madhoH putro dhundhurnAma mahAsuraH |
0070632 shete lokavinAshAya tapa AsthAya dAruNam || 7\.63|
0070641 saMvatsarasya paryante sa nishvAsaM vimu~nchati |
0070642 yadA tadA mahI tatra chalati sma narAdhipa || 7\.64|
0070651 tasya niHshvAsavAtena raja uddhUyate mahat |
0070652 AdityapathamAvR^itya saptAhaM bhUmikampanam || 7\.65|
0070661 savisphuli~NgaM sA~NgAraM sadhUmamatidAruNam |
0070662 tena tAta na shaknomi tasminsthAtuM sva Ashrame || 7\.66|
0070671 taM mAraya mahAkAyaM lokAnAM hitakAmyayA |
0070672 lokAH svasthA bhavantyadya tasminvinihate tvayA || 7\.67|
0070681 tvaM hi tasya vadhAyaikaH samarthaH pR^ithivIpate |
0070682 viShNunA cha varo datto mahyaM pUrvayuge nR^ipa || 7\.68|
0070691 yastaM mahAsuraM raudraM haniShyati mahAbalam |
0070692 tasya tvaM varadAnena tejashchAkhyApayiShyasi || 7\.69|
0070701 nahi dhundhurmahAtejAstejasAlpena shakyate |
0070702 nirdagdhuM pR^ithivIpAla chiraM yugashatairapi || 7\.70|
0070711 vIryaM cha sumahattasya devairapi durAsadam |
0070712 sa evamukto rAjarShirutta~Nkena mahAtmanA |
0070713 kuvalAshvaM sutaM prAdAttasmai dhundhunibarhaNe || 7\.71|
0070720 bR^ihadashva uvAcha
0070721 bhagavannyastashastro .ahamayaM tu tanayo mama |
0070722 bhaviShyati dvijashreShTha dhundhumAro na saMshayaH || 7\.72|
0070731 sa taM vyAdishya tanayaM rAjarShirdhundhumAraNe |
0070732 jagAma parvatAyaiva nR^ipatiH saMshitavrataH || 7\.73|
0070740 lomaharShaNa uvAcha
0070741 kuvalAshvastu putrANAM shatena saha bho dvijAH |
0070742 prAyAdutta~Nkasahito dhundhostasya nibarhaNe || 7\.74|
0070751 tamAvishattadA viShNustejasA bhagavAnprabhuH |
0070752 utta~Nkasya niyogAdvai lokAnAM hitakAmyayA || 7\.75|
0070761 tasminprayAte durdharShe divi shabdo mahAnabhUt |
0070762 eSha shrImAnavadhyo .adya dhundhumAro bhaviShyati || 7\.76|
0070771 divyairgandhaishcha mAlyaishcha taM devAH samavAkiran |
0070772 devadundubhayashchaiva praNedurdvijasattamAH || 7\.77|
0070781 sa gatvA jayatAM shreShThastanayaiH saha vIryavAn |
0070782 samudraM khAnayAmAsa vAlukAntaramavyayam || 7\.78|
0070791 tasya putraiH khanadbhishcha vAlukAntarhitastadA |
0070792 dhundhurAsAdito viprA dishamAvR^itya pashchimAm || 7\.79|
0070801 mukhajenAgninA krodhAllokAnudvartayanniva |
0070802 vAri susrAva vegena mahodadhirivodaye || 7\.80|
0070811 saumasya munishArdUlA varormikalilo mahAn |
0070812 tasya putrashataM dagdhaM tribhirUnaM tu rakShasA || 7\.81|
0070821 tataH sa rAjA dyutimAnrAkShasaM taM mahAbalam |
0070822 AsasAda mahAtejA dhundhuM dhundhuvinAshanaH || 7\.82|
0070831 tasya vArimayaM vegamApIya sa narAdhipaH |
0070832 yogI yogena vahniM cha shamayAmAsa vAriNA || 7\.83|
0070841 nihatya taM mahAkAyaM balenodakarAkShasam |
0070842 utta~NkaM darshayAmAsa kR^itakarmA narAdhipaH || 7\.84|
0070851 utta~Nkastu varaM prAdAttasmai rAj~ne mahAtmane |
0070852 dadau tasyAkShayaM vittaM shatrubhishchAparAjitam || 7\.85|
0070861 dharme ratiM cha satataM svarge vAsaM tathAkShayam |
0070862 putrANAM chAkShayAMllokAnsvarge ye rakShasA hatAH || 7\.86|
0070871 tasya putrAstrayaH shiShTA dR^iDhAshvo jyeShTha uchyate |
0070872 chandrAshvakapilAshvau tu kanIyAMsau kumArakau || 7\.87|
0070881 dhaundhumArerdR^iDhAshvasya haryashvashchAtmajaH smR^itaH |
0070882 haryashvasya nikumbho .abhUtkShatradharmarataH sadA || 7\.88|
0070891 saMhatAshvo nikumbhasya suto raNavishAradaH |
0070892 akR^ishAshvakR^ishAshvau tu saMhatAshvasutau dvijAH || 7\.89|
0070901 tasya haimavatI kanyA satAM matA dR^iShadvatI |
0070902 vikhyAtA triShu lokeShu putrashchAsyAH prasenajit || 7\.90|
0070911 lebhe prasenajidbhAryAM gaurIM nAma pativratAm |
0070912 abhishastA tu sA bhartrA nadI vai bAhudAbhavat || 7\.91|
0070921 tasya putro mahAnAsIdyuvanAshvo narAdhipaH |
0070922 mAndhAtA yuvanAshvasya trilokavijayI sutaH || 7\.92|
0070931 tasya chaitrarathI bhAryA shashabindoH sutAbhavat |
0070932 sAdhvI bindumatI nAma rUpeNAsadR^ishI bhuvi || 7\.93|
0070941 pativratA cha jyeShThA cha bhrAtR^INAmayutasya vai |
0070942 tasyAmutpAdayAmAsa mAndhAtA dvau sutau dvijAH || 7\.94|
0070951 purukutsaM cha dharmaj~naM muchukundaM cha pArthivam |
0070952 purukutsasutastvAsIttrasadasyurmahIpatiH || 7\.95|
0070961 narmadAyAmathotpannaH saMbhUtastasya chAtmajaH |
0070962 saMbhUtasya tu dAyAdas |
0070963 tridhanvA ripumardanaH || 7\.96|
0070971 rAj~nastridhanvanastvAsIdvidvAMstrayyAruNaH prabhuH |
0070972 tasya satyavrato nAma kumAro .abhUnmahAbalaH || 7\.97|
0070981 parigrahaNamantrANAM vighnaM chakre sudurmatiH |
0070982 yena bhAryA kR^itodvAhA hR^itA chaiva parasya ha || 7\.98|
0070991 bAlyAtkAmAchcha mohAchcha sAhasAchchApalena cha |
0070992 jahAra kanyAM kAmArtaH kasyachitpuravAsinaH || 7\.99|
0071001 adharmasha~NkunA tena taM sa trayyAruNo .atyajat |
0071002 apadhvaMseti bahusho vadankrodhasamanvitaH || 7\.100|
0071011 so .abravItpitaraM tyaktaH kva gachChAmIti vai muhuH |
0071012 pitA cha tamathovAcha shvapAkaiH saha vartaya || 7\.101|
0071021 nAhaM putreNa putrArthI tvayAdya kulapAMsana |
0071022 ityuktaH sa nirAkrAmannagarAdvachanAtpituH || 7\.102|
0071031 na cha taM vArayAmAsa vasiShTho bhagavAnR^iShiH |
0071032 sa tu satyavrato viprAH shvapAkAvasathAntike || 7\.103|
0071041 pitrA tyakto .avasadvIraH pitApyasya vanaM yayau |
0071042 tatastasmiMstu viShaye nAvarShatpAkashAsanaH || 7\.104|
0071051 samA dvAdasha bho viprAstenAdharmeNa vai tadA |
0071052 dArAMstu tasya viShaye vishvAmitro mahAtapAH || 7\.105|
0071061 saMnyasya sAgarAnte tu chakAra vipulaM tapaH |
0071062 tasya patnI gale baddhvA madhyamaM putramaurasam || 7\.106|
0071071 sheShasya bharaNArthAya vyakrINAdgoshatena vai |
0071072 taM cha baddhaM gale dR^iShTvA vikrayArthaM nR^ipAtmajaH || 7\.107|
0071081 maharShiputraM dharmAtmA mokShayAmAsa bho dvijAH |
0071082 satyavrato mahAbAhurbharaNaM tasya chAkarot || 7\.108|
0071091 vishvAmitrasya tuShTyarthamanukampArthameva cha |
0071092 so .abhavadgAlavo nAma gale bandhAnmahAtapAH |
0071093 maharShiH kaushiko dhImAMstena vIreNa mokShitaH || 7\.109|
0080010 lomaharShaNa uvAcha
0080011 satyavratastu bhaktyA cha kR^ipayA cha pratij~nayA |
0080012 vishvAmitrakalatraM tu babhAra vinaye sthitaH || 8\.1|
0080021 hatvA mR^igAnvarAhAMshcha mahiShAMshcha vanecharAn |
0080022 vishvAmitrAshramAbhyAshe mAMsaM vR^ikShe babandha cha || 8\.2|
0080031 upAMshuvratamAsthAya dIkShAM dvAdashavArShikIm |
0080032 piturniyogAdavasattasminvanagate nR^ipe || 8\.3|
0080041 ayodhyAM chaiva rAjyaM cha tathaivAntaHpuraM muniH |
0080042 yAjyopAdhyAyasaMyogAdvasiShThaH paryarakShata || 8\.4|
0080051 satyavratastu bAlyAchcha bhAvino .arthasya vai balAt |
0080052 vasiShThe .abhyadhikaM manyuM dhArayAmAsa nityashaH || 8\.5|
0080061 pitrA hi taM tadA rAShTrAttyajyamAnaM priyaM sutam |
0080062 nivArayAmAsa munirbahunA kAraNena na || 8\.6|
0080071 pANigrahaNamantrANAM niShThA syAtsaptame pade |
0080072 na cha satyavratastasmAddhatavAnsaptame pade || 8\.7|
0080081 jAnandharmaM vasiShThastu na mAM trAtIti bho dvijAH |
0080082 satyavratastadA roShaM vasiShThe manasAkarot || 8\.8|
0080091 guNabuddhyA tu bhagavAnvasiShThaH kR^itavAMstathA |
0080092 na cha satyavratastasya tamupAMshumabudhyata || 8\.9|
0080101 tasminnaparitoShashcha piturAsInmahAtmanaH |
0080102 tena dvAdasha varShANi nAvarShatpAkashAsanaH || 8\.10|
0080111 tena tvidAnIM vihitAM dIkShAM tAM durvahAM bhuvi |
0080112 kulasya niShkR^itirviprAH kR^itA sA vai bhavediti || 8\.11|
0080121 na taM vasiShTho bhagavAnpitrA tyaktaM nyavArayat |
0080122 abhiShekShyAmyahaM putramasyetyevaMmatirmuniH || 8\.12|
0080131 sa tu dvAdasha varShANi tAM dIkShAmavahadbalI |
0080132 avidyamAne mAMse tu vasiShThasya mahAtmanaH || 8\.13|
0080141 sarvakAmadughAM dogdhrIM sa dadarsha nR^ipAtmajaH |
0080142 tAM vai krodhAchcha mohAchcha shramAchchaiva kShudhAnvitaH || 8\.14|
0080151 deshadharmagato rAjA jaghAna munisattamAH |
0080152 tanmAMsaM sa svayaM chaiva vishvAmitrasya chAtmajAn || 8\.15|
0080161 bhojayAmAsa tachChrutvA vasiShTho .apyasya chukrudhe || 8\.16|
0080170 vasiShTha uvAcha
0080171 pAtayeyamahaM krUra tava sha~NkumasaMshayam |
0080172 yadi te dvAvimau sha~NkU na syAtAM vai kR^itau punaH || 8\.17|
0080181 pitushchAparitoSheNa gurudogdhrIvadhena cha |
0080182 aprokShitopayogAchcha trividhaste vyatikramaH || 8\.18|
0080191 evaM trINyasya sha~NkUni tAni dR^iShTvA mahAtapAH |
0080192 trisha~Nkuriti hovAcha trisha~Nkustena sa smR^itaH || 8\.19|
0080201 vishvAmitrasya dArANAmanena bharaNaM kR^itam |
0080202 tena tasmai varaM prAdAnmuniH prItastrisha~Nkave || 8\.20|
0080211 ChandyamAno vareNAtha varaM vavre nR^ipAtmajaH |
0080212 sasharIro vraje svargamityevaM yAchito varaH || 8\.21|
0080221 anAvR^iShTibhaye tasmingate dvAdashavArShike |
0080222 pitrye rAjye .abhiShichyAtha yAjayAmAsa pArthivam || 8\.22|
0080231 miShatAM devatAnAM cha vasiShThasya cha kaushikaH |
0080232 divamAropayAmAsa sasharIraM mahAtapAH || 8\.23|
0080241 tasya satyarathA nAma patnI kaikeyavaMshajA |
0080242 kumAraM janayAmAsa harishchandramakalmaSham || 8\.24|
0080251 sa vai rAjA harishchandrastraisha~Nkava iti smR^itaH |
0080252 AhartA rAjasUyasya samrADiti ha vishrutaH || 8\.25|
0080261 harishchandrasya putro .abhUdrohito nAma pArthivaH |
0080262 harito rohitasyAtha cha~nchurhArita uchyate || 8\.26|
0080271 vijayashcha munishreShThAshcha~nchuputro babhUva ha |
0080272 jetA sa sarvapR^ithivIM vijayastena sa smR^itaH || 8\.27|
0080281 rurukastanayastasya rAjA dharmArthakovidaH |
0080282 rurukasya vR^ikaH putro vR^ikAdbAhustu jaj~nivAn || 8\.28|
0080291 haihayAstAlaja~NghAshcha nirasyanti sma taM nR^ipam |
0080292 tatpatnI garbhamAdAya aurvasyAshramamAvishat || 8\.29|
0080301 nAsatyo dhArmikashchaiva sa ha dharmayuge .abhavat |
0080302 sagarastu suto bAhoryaj~ne saha gareNa vai || 8\.30|
0080311 aurvasyAshramamAsAdya bhArgaveNAbhirakShitaH |
0080312 AgneyamastraM labdhvA cha bhArgavAtsagaro nR^ipaH || 8\.31|
0080321 jigAya pR^ithivIM hatvA tAlaja~NghAnsahaihayAn |
0080322 shakAnAM pahnavAnAM cha dharmaM nirasadachyutaH |
0080323 kShatriyANAM munishreShThAH pAradAnAM cha dharmavit || 8\.32|
0080330 munaya UchuH
0080331 kathaM sa sagaro jAto gareNaiva sahAchyutaH |
0080332 kimarthaM cha shakAdInAM kShatriyANAM mahaujasAm || 8\.33|
0080341 dharmAnkulochitAnrAjA kruddho nirasadachyutaH |
0080342 etannaH sarvamAchakShva vistareNa mahAmate || 8\.34|
0080350 lomaharShaNa uvAcha
0080351 bAhorvyasaninaH pUrvaM hR^itaM rAjyamabhUtkila |
0080352 haihayaistAlaja~Nghaishcha shakaiH sArdhaM dvijottamAH || 8\.35|
0080361 yavanAH pAradAshchaiva kAmbojAH pahnavAstathA |
0080362 ete hyapi gaNAH pa~ncha haihayArthe parAkraman || 8\.36|
0080371 hR^itarAjyastadA rAjA sa vai bAhurvanaM yayau |
0080372 patnyA chAnugato duHkhI tatra prANAnavAsR^ijat || 8\.37|
0080381 patnI tu yAdavI tasya sagarbhA pR^iShThato .anvagAt |
0080382 sapatnyA cha garastasyai dattaH pUrvaM kilAnaghAH || 8\.38|
0080391 sA tu bhartushchitAM kR^itvA vane tAmabhyarohata |
0080392 aurvastAM bhArgavo viprAH kAruNyAtsamavArayat || 8\.39|
0080401 tasyAshrame cha garbhaH sa gareNaiva sahAchyutaH |
0080402 vyajAyata mahAbAhuH sagaro nAma pArthivaH || 8\.40|
0080411 aurvastu jAtakarmAdIMstasya kR^itvA mahAtmanaH |
0080412 adhyApya vedashAstrANi tato .astraM pratyapAdayat || 8\.41|
0080421 AgneyaM tu mahAbhAgA amarairapi duHsaham |
0080422 sa tenAstrabalenAjau balena cha samanvitaH || 8\.42|
0080431 haihayAnvijaghAnAshu kruddho rudraH pashUniva |
0080432 AjahAra cha lokeShu kIrtiM kIrtimatAM varaH || 8\.43|
0080441 tataH shakAMshcha yavanAnkAmbojAnpAradAMstathA |
0080442 pahnavAMshchaiva niHsheShAnkartuM vyavasito nR^ipaH || 8\.44|
0080451 te vadhyamAnA vIreNa sagareNa mahAtmanA |
0080452 vasiShThaM sharaNaM gatvA praNipeturmanIShiNam || 8\.45|
0080461 vasiShThastvatha tAndR^iShTvA samayena mahAdyutiH |
0080462 sagaraM vArayAmAsa teShAM dattvAbhayaM tadA || 8\.46|
0080471 sagaraH svAM pratij~nAM tu gurorvAkyaM nishamya cha |
0080472 dharmaM jaghAna teShAM vai veShAnanyAMshchakAra ha || 8\.47|
0080481 ardhaM shakAnAM shiraso muNDayitvA vyasarjayat |
0080482 yavanAnAM shiraH sarvaM kAmbojAnAM tathaiva cha || 8\.48|
0080491 pAradA muktakeshAshcha pahnavA~nshmashrudhAriNaH |
0080492 niHsvAdhyAyavaShaTkArAH kR^itAstena mahAtmanA || 8\.49|
0080501 shakA yavanakAmbojAH pAradAshcha dvijottamAH |
0080502 koNisarpA mAhiShakA darvAshcholAH sakeralAH || 8\.50|
0080511 sarve te kShatriyA viprA dharmasteShAM nirAkR^itaH |
0080512 vasiShThavachanAdrAj~nA sagareNa mahAtmanA || 8\.51|
0080521 sa dharmavijayI rAjA vijityemAM vasuMdharAm |
0080522 ashvaM prachArayAmAsa vAjimedhAya dIkShitaH || 8\.52|
0080531 tasya chArayataH so .ashvaH samudre pUrvadakShiNe |
0080532 velAsamIpe .apahR^ito bhUmiM chaiva praveshitaH || 8\.53|
0080541 sa taM deshaM tadA putraiH khAnayAmAsa pArthivaH |
0080542 Aseduste tadA tatra khanyamAne mahArNave || 8\.54|
0080551 tamAdipuruShaM devaM hariM kR^iShNaM prajApatim |
0080552 viShNuM kapilarUpeNa svapantaM puruShaM tadA || 8\.55|
0080561 tasya chakShuHsamutthena tejasA pratibudhyataH |
0080562 dagdhAH sarve munishreShThAshchatvArastvavasheShitAH || 8\.56|
0080571 barhiketuH suketushcha tathA dharmaratho nR^ipaH |
0080572 shUraH pa~nchanadashchaiva tasya vaMshakarA nR^ipAH || 8\.57|
0080581 prAdAchcha tasmai bhagavAnharirnArAyaNo varam |
0080582 akShayaM vaMshamikShvAkoH kIrtiM chApyanivartinIm || 8\.58|
0080591 putraM samudraM cha vibhuH svarge vAsaM tathAkShayam |
0080592 samudrashchArghamAdAya vavande taM mahIpatim || 8\.59|
0080601 sAgaratvaM cha lebhe sa karmaNA tena tasya ha |
0080602 taM chAshvamedhikaM so .ashvaM samudrAdupalabdhavAn || 8\.60|
0080611 AjahArAshvamedhAnAM shataM sa sumahAtapAH |
0080612 putrANAM cha sahasrANi ShaShTistasyeti naH shrutam || 8\.61|
0080620 munaya UchuH
0080621 sagarasyAtmajA vIrAH kathaM jAtA mahAbalAH |
0080622 vikrAntAH ShaShTisAhasrA vidhinA kena sattama || 8\.62|
0080630 lomaharShaNa uvAcha
0080631 dve bhArye sagarasyAstAM tapasA dagdhakilbiShe |
0080632 jyeShThA vidarbhaduhitA keshinI nAma nAmataH || 8\.63|
0080641 kanIyasI tu mahatI patnI paramadharmiNI |
0080642 ariShTanemiduhitA rUpeNApratimA bhuvi || 8\.64|
0080651 aurvastAbhyAM varaM prAdAttadbudhyadhvaM dvijottamAH |
0080652 ShaShTiM putrasahasrANi gR^ihNAtvekA nitambinI || 8\.65|
0080661 ekaM vaMshadharaM tvekA yatheShTaM varayatviti |
0080662 tatraikA jagR^ihe putrAnShaShTisAhasrasaMmitAn || 8\.66|
0080671 ekaM vaMshadharaM tvekA tathetyAha tato muniH |
0080672 rAjA pa~nchajano nAma babhUva sa mahAdyutiH || 8\.67|
0080681 itarA suShuve tumbIM bIjapUrNAmiti shrutiH |
0080682 tatra ShaShTisahasrANi garbhAste tilasaMmitAH || 8\.68|
0080691 saMbabhUvuryathAkAlaM vavR^idhushcha yathAsukham |
0080692 ghR^itapUrNeShu kumbheShu tAngarbhAnnidadhe tataH || 8\.69|
0080701 dhAtrIshchaikaikashaH prAdAttAvatIH poShaNe nR^ipaH |
0080702 tato dashasu mAseShu samuttasthuryathAkramam || 8\.70|
0080711 kumArAste yathAkAlaM sagaraprItivardhanAH |
0080712 ShaShTiputrasahasrANi tasyaivamabhavandvijAH || 8\.71|
0080721 garbhAdalAbUmadhyAdvai jAtAni pR^ithivIpateH |
0080722 teShAM nArAyaNaM tejaH praviShTAnAM mahAtmanAm || 8\.72|
0080731 ekaH pa~nchajano nAma putro rAjA babhUva ha |
0080732 shUraH pa~nchajanasyAsIdaMshumAnnAma vIryavAn || 8\.73|
0080741 dilIpastasya tanayaH khaTvA~Nga iti vishrutaH |
0080742 yena svargAdihAgatya muhUrtaM prApya jIvitam || 8\.74|
0080751 trayo .abhisaMdhitA lokA buddhyA satyena chAnaghAH |
0080752 dilIpasya tu dAyAdo mahArAjo bhagIrathaH || 8\.75|
0080761 yaH sa ga~NgAM sarichChreShThAmavAtArayata prabhuH |
0080762 samudramAnayachchainAM duhitR^itve .apyakalpayat || 8\.76|
0080771 tasmAdbhAgIrathI ga~NgA kathyate vaMshachintakaiH |
0080772 bhagIrathasuto rAjA shruta ityabhivishrutaH || 8\.77|
0080781 nAbhAgastu shrutasyAsItputraH paramadhArmikaH |
0080782 ambarIShastu nAbhAgiH sindhudvIpapitAbhavat || 8\.78|
0080791 ayutAjittu dAyAdaH sindhudvIpasya vIryavAn |
0080792 ayutAjitsutastvAsIdR^ituparNo mahAyashAH || 8\.79|
0080801 divyAkShahR^idayaj~no vai rAjA nalasakho balI |
0080802 R^ituparNasutastvAsIdArtaparNirmahAyashAH || 8\.80|
0080811 sudAsastasya tanayo rAjA indrasakho .abhavat |
0080812 sudAsasya sutaH proktaH saudAso nAma pArthivaH || 8\.81|
0080821 khyAtaH kalmAShapAdo vai rAjA mitrasaho .abhavat |
0080822 kalmAShapAdasya sutaH sarvakarmeti vishrutaH || 8\.82|
0080831 anaraNyastu putro .abhUdvishrutaH sarvakarmaNaH |
0080832 anaraNyasuto nighno nighnato dvau babhUvatuH || 8\.83|
0080841 anamitro raghushchaiva pArthivarShabhasattamau |
0080842 anamitrasuto rAjA vidvAnduliduho .abhavat || 8\.84|
0080851 dilIpastanayastasya rAmasya prapitAmahaH |
0080852 dIrghabAhurdilIpasya raghurnAmnA suto .abhavat || 8\.85|
0080861 ayodhyAyAM mahArAjo yaH purAsInmahAbalaH |
0080862 ajastu rAghavo jaj~ne tathA dasharatho .apyajAt || 8\.86|
0080871 rAmo dasharathAjjaj~ne dharmAtmA sumahAyashAH |
0080872 rAmasya tanayo jaj~ne kusha ityabhisaMj~nitaH || 8\.87|
0080881 atithistu kushAjjaj~ne dharmAtmA sumahAyashAH |
0080882 atithestvabhavatputro niShadho nAma vIryavAn || 8\.88|
0080891 niShadhasya nalaH putro nabhaH putro nalasya cha |
0080892 nabhasya puNDarIkastu kShemadhanvA tataH smR^itaH || 8\.89|
0080901 kShemadhanvasutastvAsIddevAnIkaH pratApavAn |
0080902 AsIdahInagurnAma devAnIkAtmajaH prabhuH || 8\.90|
0080911 ahInagostu dAyAdaH sudhanvA nAma pArthivaH |
0080912 sudhanvanaH sutashchApi tato jaj~ne shalo nR^ipaH || 8\.91|
0080921 ukyo nAma sa dharmAtmA shalaputro babhUva ha |
0080922 vajranAbhaH sutastasya nalastasya mahAtmanaH || 8\.92|
0080931 nalau dvAveva vikhyAtau purANe munisattamAH |
0080932 vIrasenAtmajashchaiva yashchekShvAkukulodvahaH || 8\.93|
0080941 ikShvAkuvaMshaprabhavAH prAdhAnyena prakIrtitAH |
0080942 ete vivasvato vaMshe rAjAno bhUritejasaH || 8\.94|
0080951 paThansamyagimAM sR^iShTimAdityasya vivasvataH |
0080952 shrAddhadevasya devasya prajAnAM puShTidasya cha |
0080953 prajAvAneti sAyujyamAdityasya vivasvataH || 8\.95|
0090010 lomaharShaNa uvAcha
0090011 pitA somasya bho viprA jaj~ne .atrirbhagavAnR^iShiH |
0090012 brahmaNo mAnasAtpUrvaM prajAsargaM vidhitsataH || 9\.1|
0090021 anuttaraM nAma tapo yena taptaM hi tatpurA |
0090022 trINi varShasahasrANi divyAnIti hi naH shrutam || 9\.2|
0090031 UrdhvamAchakrame tasya retaH somatvamIyivat |
0090032 netrAbhyAM vAri susrAva dashadhA dyotayandishaH || 9\.3|
0090041 taM garbhaM vidhinAdiShTA dasha devyo dadhustataH |
0090042 sametya dhArayAmAsurna cha tAH samashaknuvan || 9\.4|
0090051 yadA na dhAraNe shaktAstasya garbhasya tA dishaH |
0090052 tatastAbhiH sa tyaktastu nipapAta vasuMdharAm || 9\.5|
0090061 patitaM somamAlokya brahmA lokapitAmahaH |
0090062 rathamAropayAmAsa lokAnAM hitakAmyayA || 9\.6|
0090071 tasminnipatite devAH putre .atreH paramAtmani |
0090072 tuShTuvurbrahmaNaH putrAstathAnye munisattamAH || 9\.7|
0090081 tasya saMstUyamAnasya tejaH somasya bhAsvataH |
0090082 ApyAyanAya lokAnAM bhAvayAmAsa sarvataH || 9\.8|
0090091 sa tena rathamukhyena sAgarAntAM vasuMdharAm |
0090092 triHsaptakR^itvo .atiyashAshchakArAbhipradakShiNAm || 9\.9|
0090101 tasya yachcharitaM tejaH pR^ithivImanvapadyata |
0090102 oShadhyastAH samudbhUtA yAbhiH saMdhAryate jagat || 9\.10|
0090111 sa labdhatejA bhagavAnsaMstavaishcha svakarmabhiH |
0090112 tapastepe mahAbhAgaH padmAnAM darshanAya saH || 9\.11|
0090121 tatastasmai dadau rAjyaM brahmA brahmavidAM varaH |
0090122 bIjauShadhInAM viprANAmapAM cha munisattamAH || 9\.12|
0090131 sa tatprApya mahArAjyaM somaH saumyavatAM varaH |
0090132 samAjahre rAjasUyaM sahasrashatadakShiNam || 9\.13|
0090141 dakShiNAmadadAtsomastrIMllokAniti naH shrutam |
0090142 tebhyo brahmarShimukhyebhyaH sadasyebhyashcha bho dvijAH || 9\.14|
0090151 hiraNyagarbho brahmAtrirbhR^igushcha R^itvijo .abhavat |
0090152 sadasyo .abhUddharistatra munibhirbahubhirvR^itaH || 9\.15|
0090161 taM sinIshcha kuhUshchaiva dyutiH puShTiH prabhA vasuH |
0090162 kIrtirdhR^itishcha lakShmIshcha nava devyaH siShevire || 9\.16|
0090171 prApyAvabhR^ithamapyagryaM sarvadevarShipUjitaH |
0090172 virarAjAdhirAjendro dashadhA bhAsayandishaH || 9\.17|
0090181 tasya tatprApya duShprApyamaishvaryamR^iShisatkR^itam |
0090182 vibabhrAma matistAtA-vinayAdanayAhR^itA || 9\.18|
0090191 bR^ihaspateH sa vai bhAryAmaishvaryamadamohitaH |
0090192 jahAra tarasA somo vimatyA~NgirasaH sutam || 9\.19|
0090201 sa yAchyamAno devaishcha tathA devarShibhirmuhuH |
0090202 naiva vyasarjayattArAM tasmAai a~Ngirase tadA || 9\.20|
0090211 ushanA tasya jagrAha pArShNima~NgirasastadA |
0090212 rudrashcha pArShNiM jagrAha gR^ihItvAjagavaM dhanuH || 9\.21|
0090221 tena brahmashiro nAma paramAstraM mahAtmanA |
0090222 uddishya devAnutsR^iShTaM yenaiShAM nAshitaM yashaH || 9\.22|
0090231 tatra tadyuddhamabhavatprakhyAtaM tArakAmayam |
0090232 devAnAM dAnavAnAM cha lokakShayakaraM mahat || 9\.23|
0090241 tatra shiShTAstu ye devAstuShitAshchaiva ye dvijAH |
0090242 brahmANaM sharaNaM jagmurAdidevaM sanAtanam || 9\.24|
0090251 tadA nivAryoshanasaM taM vai rudraM cha shaMkaram |
0090252 dadAva~Ngirase tArAM svayameva pitAmahaH || 9\.25|
0090261 tAmantaHprasavAM dR^iShTvA kruddhaH prAha bR^ihaspatiH |
0090262 madIyAyAM na te yonau garbho dhAryaH kathaMchana || 9\.26|
0090271 iShIkAstambamAsAdya garbhaM sA chotsasarja ha |
0090272 jAtamAtraH sa bhagavAndevAnAmAkShipadvapuH || 9\.27|
0090281 tataH saMshayamApannAstArAmUchuH surottamAH |
0090282 satyaM brUhi sutaH kasya somasyAtha bR^ihaspateH || 9\.28|
0090291 pR^ichChyamAnA yadA devairnAha sA vibudhAnkila |
0090292 tadA tAM shaptumArabdhaH kumAro dasyuhantamaH || 9\.29|
0090301 taM nivArya tato brahmA tArAM paprachCha saMshayam |
0090302 yadatra tathyaM tadbrUhi tAre kasya sutastvayam || 9\.30|
0090311 uvAcha prA~njaliH sA taM somasyeti pitAmaham |
0090312 tadA taM mUrdhni chAghrAya somo rAjA sutaM prati || 9\.31|
0090321 budha ityakaronnAma tasya bAlasya dhImataH |
0090322 pratikUlaM cha gagane samabhyuttiShThate budhaH || 9\.32|
0090331 utpAdayAmAsa tadA putraM vairAjaputrikam |
0090332 tasyApatyaM mahAtejA babhUvailaH purUravAH || 9\.33|
0090341 urvashyAM jaj~nire yasya putrAH sapta mahAtmanaH |
0090342 etatsomasya vo janma kIrtitaM kIrtivardhanam || 9\.34|
0090351 vaMshamasya munishreShThAH kIrtyamAnaM nibodhata |
0090352 dhanyamAyuShyamArogyaM puNyaM saMkalpasAdhanam || 9\.35|
0090361 somasya janma shrutvaiva pApebhyo vipramuchyate || 9\.36|
0100010 lomaharShaNa uvAcha
0100011 budhasya tu munishreShThA vidvAnputraH purUravAH |
0100012 tejasvI dAnashIlashcha yajvA vipuladakShiNaH || 10\.1|
0100021 brahmavAdI parAkrAntaH shatrubhiryudhi durdamaH |
0100022 AhartA chAgnihotrasya yaj~nAnAM cha mahIpatiH || 10\.2|
0100031 satyavAdI puNyamatiH samyaksaMvR^itamaithunaH |
0100032 atIva triShu lokeShu yashasApratimaH sadA || 10\.3|
0100041 taM brahmavAdinaM shAntaM dharmaj~naM satyavAdinam |
0100042 urvashI varayAmAsa hitvA mAnaM yashasvinI || 10\.4|
0100051 tayA sahAvasadrAjA dasha varShANi pa~ncha cha |
0100052 ShaTpa~ncha sapta chAShTau cha dasha chAShTau cha bho dvijAH || 10\.5|
0100061 vane chaitrarathe ramye tathA mandAkinItaTe |
0100062 alakAyAM vishAlAyAM nandane cha vanottame || 10\.6|
0100071 uttarAnsa kurUnprApya manoramaphaladrumAn |
0100072 gandhamAdanapAdeShu merushR^i~Nge tathottare || 10\.7|
0100081 eteShu vanamukhyeShu surairAchariteShu cha |
0100082 urvashyA sahito rAjA reme paramayA mudA || 10\.8|
0100091 deshe puNyatame chaiva maharShibhirabhiShTute |
0100092 rAjyaM sa kArayAmAsa prayAge pR^ithivIpatiH || 10\.9|
0100101 evaMprabhAvo rAjAsIdailastu narasattamaH |
0100102 uttare jAhnavItIre pratiShThAne mahAyashAH || 10\.10|
0100110 lomaharShaNa uvAcha
0100111 ailaputrA babhUvuste sapta devasutopamAH |
0100112 gandharvaloke viditA AyurdhImAnamAvasuH || 10\.11|
0100121 vishvAyushchaiva dharmAtmA shrutAyushcha tathAparaH |
0100122 dR^iDhAyushcha vanAyushcha bahvAyushchorvashIsutAH || 10\.12|
0100131 amAvasostu dAyAdo bhImo rAjAtha rAjarAT |
0100132 shrImAnbhImasya dAyAdo rAjAsItkA~nchanaprabhaH || 10\.13|
0100141 vidvAMstu kA~nchanasyApi suhotro .abhUnmahAbalaH |
0100142 suhotrasyAbhavajjahnuH keshinyA garbhasaMbhavaH || 10\.14|
0100151 Ajahre yo mahatsattraM sarpamedhaM mahAmakham |
0100152 patilobhena yaM ga~NgA patitvena sasAra ha || 10\.15|
0100161 nechChataH plAvayAmAsa tasya ga~NgA tadA sadaH |
0100162 sa tayA plAvitaM dR^iShTvA yaj~navATaM samantataH || 10\.16|
0100171 sauhotrirashapadga~NgAM kruddho rAjA dvijottamAH |
0100172 eSha te viphalaM yatnaM pibannambhaH karomyaham || 10\.17|
0100181 asya ga~Nge .avalepasya sadyaH phalamavApnuhi |
0100182 jahnurAjarShiNA pItAM ga~NgAM dR^iShTvA maharShayaH || 10\.18|
0100191 upaninyurmahAbhAgAM duhitR^itvena jAhnavIm |
0100192 yuvanAshvasya putrIM tu kAverIM jahnurAvahat || 10\.19|
0100201 yuvanAshvasya shApena ga~NgArdhena vinirgatA |
0100202 kAverIM saritAM shreShThAM jahnorbhAryAmaninditAm || 10\.20|
0100211 jahnustu dayitaM putraM sunadyaM nAma dhArmikam |
0100212 kAveryAM janayAmAsa ajakastasya chAtmajaH || 10\.21|
0100221 ajakasya tu dAyAdo balAkAshvo mahIpatiH |
0100222 babhUva mR^igayAshIlaH kushastasyAtmajo .abhavat || 10\.22|
0100231 kushaputrA babhUvurhi chatvAro devavarchasaH |
0100232 kushikaH kushanAbhashcha kushAmbo mUrtimAMstathA || 10\.23|
0100241 ballavaiH saha saMvR^iddho rAjA vanacharaH sadA |
0100242 kushikastu tapastepe putramindrasamaM prabhuH || 10\.24|
0100251 labheyamiti taM shakrastrAsAdabhyetya jaj~nivAn |
0100252 pUrNe varShasahasre vai tataH shakro hyapashyata || 10\.25|
0100261 atyugratapasaM dR^iShTvA sahasrAkShaH puraMdaraH |
0100262 samarthaH putrajanane svayamevAsya shAshvataH || 10\.26|
0100271 putrArthaM kalpayAmAsa devendraH surasattamaH |
0100272 sa gAdhirabhavadrAjA maghavAnkaushikaH svayam || 10\.27|
0100281 paurA yasyAbhavadbhAryA gAdhistasyAmajAyata |
0100282 gAdheH kanyA mahAbhAgA nAmnA satyavatI shubhA || 10\.28|
0100291 tAM gAdhiH kAvyaputrAya R^ichIkAya dadau prabhuH |
0100292 tasyAH prItaH sa vai bhartA bhArgavo bhR^igunandanaH || 10\.29|
0100301 putrArthaM sAdhayAmAsa charuM gAdhestathaiva cha |
0100302 uvAchAhUya tAM bhAryAmR^ichIko bhArgavastadA || 10\.30|
0100311 upayojyashcharurayaM tvayA mAtrA svayaM shubhe |
0100312 tasyAM janiShyate putro dIptimAnkShatriyarShabhaH || 10\.31|
0100321 ajeyaH kShatriyairloke kShatriyarShabhasUdanaH |
0100322 tavApi putraM kalyANi dhR^itimantaM tapodhanam || 10\.32|
0100331 shamAtmakaM dvijashreShThaM charureSha vidhAsyati |
0100332 evamuktvA tu tAM bhAryAmR^ichIko bhR^igunandanaH || 10\.33|
0100341 tapasyabhirato nityamaraNyaM pravivesha ha |
0100342 gAdhiH sadArastu tadA R^ichIkAshramamabhyagAt || 10\.34|
0100351 tIrthayAtrAprasa~Ngena sutAM draShTuM nareshvaraH |
0100352 charudvayaM gR^ihItvA sA R^iSheH satyavatI tadA || 10\.35|
0100361 charumAdAya yatnena sA tu mAtre nyavedayat |
0100362 mAtA tu tasyA daivena duhitre svaM charuM dadau || 10\.36|
0100371 tasyAshcharumathAj~nAnAdAtmasaMsthaM chakAra ha |
0100372 atha satyavatI sarvaM kShatriyAntakaraM tadA || 10\.37|
0100381 dhArayAmAsa dIptena vapuShA ghoradarshanA |
0100382 tAmR^ichIkastato dR^iShTvA yogenAbhyupasR^itya cha || 10\.38|
0100391 tato .abravIddvijashreShThaH svAM bhAryAM varavarNinIm |
0100392 mAtrAsi va~nchitA bhadre charuvyatyAsahetunA || 10\.39|
0100401 janayiShyati hi putraste krUrakarmAtidAruNaH |
0100402 bhrAtA janiShyate chApi brahmabhUtastapodhanaH || 10\.40|
0100411 vishvaM hi brahma tapasA mayA tasminsamarpitam |
0100412 evamuktA mahAbhAgA bhartrA satyavatI tadA || 10\.41|
0100421 prasAdayAmAsa patiM putro me nedR^isho bhavet |
0100422 brAhmaNApasadastvatta ityukto munirabravIt || 10\.42|
0100430 R^ichIka uvAcha
0100431 naiSha saMkalpitaH kAmo mayA bhadre tathAstviti |
0100432 ugrakarmA bhavetputraH piturmAtushcha kAraNAt || 10\.43|
0100441 punaH satyavatI vAkyamevamuktvAbravIdidam |
0100442 ichChaMllokAnapi mune sR^ijethAH kiM punaH sutam || 10\.44|
0100451 shamAtmakamR^ijuM tvaM me putraM dAtumihArhasi |
0100452 kAmamevaMvidhaH pautro mama syAttava cha prabho || 10\.45|
0100461 yadyanyathA na shakyaM vai kartumetaddvijottama |
0100462 tataH prasAdamakarotsa tasyAstapaso balAt || 10\.46|
0100471 putre nAsti visheSho me pautre vA varavarNini |
0100472 tvayA yathoktaM vachanaM tathA bhadre bhaviShyati || 10\.47|
0100481 tataH satyavatI putraM janayAmAsa bhArgavam |
0100482 tapasyabhirataM dAntaM jamadagniM samAtmakam || 10\.48|
0100491 bhR^igorjagatyAM vaMshe .asmi~n |
0100492 jamadagnirajAyata |
0100493 sA hi satyavatI puNyA satyadharmaparAyaNA || 10\.49|
0100501 kaushikIti samAkhyAtA pravR^itteyaM mahAnadI |
0100502 ikShvAkuvaMshaprabhavo reNurnAma narAdhipaH || 10\.50|
0100511 tasya kanyA mahAbhAgA kAmalI nAma reNukA |
0100512 reNukAyAM tu kAmalyAM tapovidyAsamanvitaH || 10\.51|
0100521 ArchIko janayAmAsa jAmadagnyaM sudAruNam |
0100522 sarvavidyAntagaM shreShThaM dhanurvedasya pAragam || 10\.52|
0100531 rAmaM kShatriyahantAraM pradIptamiva pAvakam |
0100532 aurvasyaivamR^ichIkasya satyavatyAM mahAyashAH || 10\.53|
0100541 jamadagnistapovIryAjjaj~ne brahmavidAM varaH |
0100542 madhyamashcha shunaHshephaH shunaHpuchChaH kaniShThakaH || 10\.54|
0100551 vishvAmitraM tu dAyAdaM gAdhiH kushikanandanaH |
0100552 janayAmAsa putraM tu tapovidyAshamAtmakam || 10\.55|
0100561 prApya brahmarShisamatAM yo .ayaM brahmarShitAM gataH |
0100562 vishvAmitrastu dharmAtmA nAmnA vishvarathaH smR^itaH || 10\.56|
0100571 jaj~ne bhR^iguprasAdena kaushikAdvaMshavardhanaH |
0100572 vishvAmitrasya cha sutA devarAtAdayaH smR^itAH || 10\.57|
0100581 prakhyAtAstriShu lokeShu teShAM nAmAnyataHparam |
0100582 devarAtaH katishchaiva yasmAtkAtyAyanAH smR^itAH || 10\.58|
0100591 shAlAvatyAM hiraNyAkSho reNurjaj~ne .atha reNukaH |
0100592 sAMkR^itirgAlavashchaiva mudgalashchaiva vishrutaH || 10\.59|
0100601 madhuchChando jayashchaiva devalashcha tathAShTakaH |
0100602 kachChapo hAritashchaiva vishvAmitrasya te sutAH || 10\.60|
0100611 teShAM khyAtAni gotrANi kaushikAnAM mahAtmanAm |
0100612 pANino babhravashchaiva dhyAnajapyAstathaiva cha || 10\.61|
0100621 pArthivA devarAtAshcha shAla~NkAyanabAShkalAH |
0100622 lohitA yamadUtAshcha tathA kArUShakAH smR^itAH || 10\.62|
0100631 pauravasya munishreShThA brahmarSheH kaushikasya cha |
0100632 saMbandho .apyasya vaMshe .asminbrahmakShatrasya vishrutaH || 10\.63|
0100641 vishvAmitrAtmajAnAM tu shunaHshepho .agrajaH smR^itaH |
0100642 bhArgavaH kaushikatvaM hi prAptaH sa munisattamaH || 10\.64|
0100651 vishvAmitrasya putrastu shunaHshepho .abhavatkila |
0100652 haridashvasya yaj~ne tu pashutve viniyojitaH || 10\.65|
0100661 devairdattaH shunaHshepho vishvAmitrAya vai punaH |
0100662 devairdattaH sa vai yasmAddevarAtastato .abhavat || 10\.66|
0100671 devarAtAdayaH sapta vishvAmitrasya vai sutAH |
0100672 dR^iShadvatIsutashchApi vaishvAmitrastathAShTakaH || 10\.67|
0100681 aShTakasya suto lauhiH prokto jahnugaNo mayA |
0100682 ata UrdhvaM pravakShyAmi vaMshamAyormahAtmanaH || 10\.68|
0110010 lomaharShaNa uvAcha
0110011 AyoH putrAshcha te pa~ncha sarve vIrA mahArathAH |
0110012 svarbhAnutanayAyAM cha prabhAyAM jaj~nire nR^ipAH || 11\.1|
0110021 nahuShaH prathamaM jaj~ne vR^iddhasharmA tataH param |
0110022 rambho rajiranenAshcha triShu lokeShu vishrutAH || 11\.2|
0110031 rajiH putrashatAnIha janayAmAsa pa~ncha vai |
0110032 rAjeyamiti vikhyAtaM kShatramindrabhayAvaham || 11\.3|
0110041 yatra daivAsure yuddhe samutpanne sudAruNe |
0110042 devAshchaivAsurAshchaiva pitAmahamathAbruvan || 11\.4|
0110050 devAsurA UchuH
0110051 Avayorbhagavanyuddhe ko vijetA bhaviShyati |
0110052 brUhi naH sarvabhUtesha shrotumichChAma tattvataH || 11\.5|
0110060 brahmovAcha
0110061 yeShAmarthAya saMgrAme rajirAttAyudhaH prabhuH |
0110062 yotsyate te vijeShyanti trIMllokAnnAtra saMshayaH || 11\.6|
0110071 yato rajirdhR^itistatra shrIshcha tatra yato dhR^itiH |
0110072 yato dhR^itishcha shrIshchaiva dharmastatra jayastathA || 11\.7|
0110081 te devA dAnavAH prItA devenoktA rajiM tadA |
0110082 abhyayurjayamichChanto vR^iNvAnAstaM nararShabham || 11\.8|
0110091 sa hi svarbhAnudauhitraH prabhAyAM samapadyata |
0110092 rAjA paramatejasvI somavaMshavivardhanaH || 11\.9|
0110101 te hR^iShTamanasaH sarve rajiM vai devadAnavAH |
0110102 UchurasmajjayAya tvaM gR^ihANa varakArmukam || 11\.10|
0110111 athovAcha rajistatra tayorvai devadaityayoH |
0110112 arthaj~naH svArthamuddishya yashaH svaM cha prakAshayan || 11\.11|
0110120 rajiruvAcha
0110121 yadi daityagaNAnsarvA~njitvA vIryeNa vAsavaH |
0110122 indro bhavAmi dharmeNa tato yotsyAmi saMyuge || 11\.12|
0110131 devAH prathamato viprAH pratIyurhR^iShTamAnasAH |
0110132 evaM yatheShTaM nR^ipate kAmaH saMpadyatAM tava || 11\.13|
0110141 shrutvA suragaNAnAM tu vAkyaM rAjA rajistadA |
0110142 paprachChAsuramukhyAMstu yathA devAnapR^ichChata || 11\.14|
0110151 dAnavA darpasaMpUrNAH svArthamevAvagamya ha |
0110152 pratyUchustaM nR^ipavaraM sAbhimAnamidaM vachaH || 11\.15|
0110160 dAnavA UchuH
0110161 asmAkamindraH prahrAdo yasyArthe vijayAmahe |
0110162 asmiMstu samare rAjaMstiShTha tvaM rAjasattama || 11\.16|
0110171 sa tatheti bruvanneva devairapyatichoditaH |
0110172 bhaviShyasIndro jitvainaM devairuktastu pArthivaH || 11\.17|
0110181 jaghAna dAnavAnsarvAnye .avadhyA vajrapANinaH |
0110182 sa vipranaShTAM devAnAM paramashrIH shriyaM vashI || 11\.18|
0110191 nihatya dAnavAnsarvAnAjahAra rajiH prabhuH |
0110192 tato rajiM mahAvIryaM devaiH saha shatakratuH || 11\.19|
0110201 rajiputro .ahamityuktvA punarevAbravIdvachaH |
0110202 indro .asi tAta devAnAM sarveShAM nAtra saMshayaH || 11\.20|
0110211 yasyAhamindraH putraste khyAtiM yAsyAmi karmabhiH |
0110212 sa tu shakravachaH shrutvA va~nchitastena mAyayA || 11\.21|
0110221 tathaivetyabravIdrAjA prIyamANaH shatakratum |
0110222 tasmiMstu devaiH sadR^isho divaM prApte mahIpatau || 11\.22|
0110231 dAyAdyamindrAdAjahrU rAjyaM tattanayA rajeH |
0110232 pa~ncha putrashatAnyasya tadvai sthAnaM shatakratoH || 11\.23|
0110241 samAkrAmanta bahudhA svargalokaM triviShTapam |
0110242 te yadA tu svasaMmUDhA rAgonmattA vidharmiNaH || 11\.24|
0110251 brahmadviShashcha saMvR^ittA hatavIryaparAkramAH |
0110252 tato lebhe svamaishvaryamindraH sthAnaM tathottamam || 11\.25|
0110261 hatvA rajisutAnsarvAnkAmakrodhaparAyaNAn |
0110262 ya idaM chyAvanaM sthAnAtpratiShThAnaM shatakratoH |
0110263 shR^iNuyAddhArayedvApi na sa daurgatyamApnuyAt || 11\.26|
0110270 lomaharShaNa uvAcha
0110271 rambho .anapatyastvAsIchcha vaMshaM vakShyAmyanenasaH |
0110272 anenasaH suto rAjA pratikShatro mahAyashAH || 11\.27|
0110281 pratikShatrasutashchAsItsaMjayo nAma vishrutaH |
0110282 saMjayasya jayaH putro vijayastasya chAtmajaH || 11\.28|
0110291 vijayasya kR^itiH putrastasya haryatvataH sutaH |
0110292 haryatvatasuto rAjA sahadevaH pratApavAn || 11\.29|
0110301 sahadevasya dharmAtmA nadIna iti vishrutaH |
0110302 nadInasya jayatseno jayatsenasya saMkR^itiH || 11\.30|
0110311 saMkR^iterapi dharmAtmA kShatravR^iddho mahAyashAH |
0110312 anenasaH samAkhyAtAH kShatravR^iddhasya chAparaH || 11\.31|
0110321 kShatravR^iddhAtmajastatra sunahotro mahAyashAH |
0110322 sunahotrasya dAyAdAstrayaH paramadhArmikAH || 11\.32|
0110331 kAshaH shalashcha dvAvetau tathA gR^itsamadaH prabhuH |
0110332 putro gR^itsamadasyApi shunako yasya shaunakaH || 11\.33|
0110341 brAhmaNAH kShatriyAshchaiva vaishyAH shUdrAstathaiva cha |
0110342 shalAtmaja ArShTiseNastanayastasya kAshyapaH || 11\.34|
0110351 kAshasya kAshipo rAjA putro dIrghatapAstathA |
0110352 dhanustu dIrghatapaso vidvAndhanvantaristataH || 11\.35|
0110361 tapaso .ante sumahato jAto vR^iddhasya dhImataH |
0110362 punardhanvantarirdevo mAnuSheShviha janmani || 11\.36|
0110371 tasya gehe samutpanno devo dhanvantaristadA |
0110372 kAshirAjo mahArAjaH sarvarogapraNAshanaH || 11\.37|
0110381 AyurvedaM bharadvAjAtprApyeha sa bhiShakkriyaH |
0110382 tamaShTadhA punarvyasya shiShyebhyaH pratyapAdayat || 11\.38|
0110391 dhanvantarestu tanayaH ketumAniti vishrutaH |
0110392 atha ketumataH putro vIro bhImarathaH smR^itaH || 11\.39|
0110401 putro bhImarathasyApi divodAsaH prajeshvaraH |
0110402 divodAsastu dharmAtmA vArANasyadhipo .abhavat || 11\.40|
0110411 etasminneva kAle tu purIM vArANasIM dvijAH |
0110412 shUnyAM niveshayAmAsa kShemako nAma rAkShasaH || 11\.41|
0110421 shaptA hi sA matimatA nikumbhena mahAtmanA |
0110422 shUnyA varShasahasraM vai bhavitrI tu na saMshayaH || 11\.42|
0110431 tasyAM hi shaptamAtrAyAM divodAsaH prajeshvaraH |
0110432 viShayAnte purIM ramyAM gomatyAM saMnyaveshayat || 11\.43|
0110441 bhadrashreNyasya pUrvaM tu purI vArANasI abhUt |
0110442 bhadrashreNyasya putrANAM shatamuttamadhanvinAm || 11\.44|
0110451 hatvA niveshayAmAsa divodAso narAdhipaH |
0110452 bhadrashreNyasya tadrAjyaM hR^itaM yena balIyasA || 11\.45|
0110461 bhadrashreNyasya putrastu durdamo nAma vishrutaH |
0110462 divodAsena bAleti ghR^iNayA sa visarjitaH || 11\.46|
0110471 haihayasya tu dAyAdyaM hR^itavAnvai mahIpatiH |
0110472 Ajahre pitR^idAyAdyaM divodAsahR^itaM balAt || 11\.47|
0110481 bhadrashreNyasya putreNa durdamena mahAtmanA |
0110482 vairasyAnto mahAbhAgAH kR^itashchAtmIyatejasA || 11\.48|
0110491 divodAsAddR^iShadvatyAM vIro jaj~ne pratardanaH |
0110492 tena bAlena putreNa prahR^itaM tu punarbalam || 11\.49|
0110501 pratardanasya putrau dvau vatsabhargau suvishrutau |
0110502 vatsaputro hyalarkastu saMnatistasya chAtmajaH || 11\.50|
0110511 alarkastasya putrastu brahmaNyaH satyasaMgaraH |
0110512 alarkaM prati rAjarShiM shloko gItaH purAtanaiH || 11\.51|
0110521 ShaShTirvarShasahasrANi ShaShTirvarShashatAni cha |
0110522 yuvA rUpeNa saMpannaH prAgAsIchcha kulodvahaH || 11\.52|
0110531 lopAmudrAprasAdena paramAyuravAptavAn |
0110532 tasyAsItsumahadrAjyaM rUpayauvanashAlinaH || 11\.53|
0110541 shApasyAnte mahAbAhurhatvA kShemakarAkShasam |
0110542 ramyAM niveshayAmAsa purIM vArANasIM punaH || 11\.54|
0110551 saMnaterapi dAyAdaH sunItho nAma dhArmikaH |
0110552 sunIthasya tu dAyAdaH kShemo nAma mahAyashAH || 11\.55|
0110561 kShemasya ketumAnputraH suketustasya chAtmajaH |
0110562 suketostanayashchApi dharmaketuriti smR^itaH || 11\.56|
0110571 dharmaketostu dAyAdaH satyaketurmahArathaH |
0110572 satyaketusutashchApi vibhurnAma prajeshvaraH || 11\.57|
0110581 Anartastu vibhoH putraH sukumArashcha tatsutaH |
0110582 sukumArasya putrastu dhR^iShTaketuH sudhArmikaH || 11\.58|
0110591 dhR^iShTaketostu dAyAdo veNuhotraH prajeshvaraH |
0110592 veNuhotrasutashchApi bhArgo nAma prajeshvaraH || 11\.59|
0110601 vatsasya vatsabhUmistu bhArgabhUmistu bhArgajaH |
0110602 ete tva~NgirasaH putrA jAtA vaMshe .atha bhArgava || 11\.60|
0110611 brAhmaNAH kShatriyA vaishyAstrayaH putrAH sahasrashaH |
0110612 ityete kAshyapAH proktA nahuShasya nibodhata || 11\.61|
0120010 lomaharShaNa uvAcha
0120011 utpannAH pitR^ikanyAyAM virajAyAM mahaujasaH |
0120012 nahuShasya tu dAyAdAH ShaDindropamatejasaH || 12\.1|
0120021 yatiryayAtiH saMyAtir |
0120022 AyAtiH pArshvako .abhavat |
0120023 yatirjyeShThastu teShAM vai yayAtistu tataH param || 12\.2|
0120031 kakutsthakanyAM gAM nAma lebhe paramadhArmikaH |
0120032 yatistu mokShamAsthAya brahmabhUto .abhavanmuniH || 12\.3|
0120041 teShAM yayAtiH pa~nchAnAM vijitya vasudhAmimAm |
0120042 devayAnImushanasaH sutAM bhAryAmavApa saH || 12\.4|
0120051 sharmiShThAmAsurIM chaiva tanayAM vR^iShaparvaNaH |
0120052 yaduM cha turvasuM chaiva devayAnI vyajAyata || 12\.5|
0120061 druhyaM chAnuM cha puruM cha sharmiShThA vArShaparvaNI |
0120062 tasmai shakro dadau prIto rathaM paramabhAsvaram || 12\.6|
0120071 a~NgadaM kA~nchanaM divyaM divyaiH paramavAjibhiH |
0120072 yuktaM manojavaiH shubhrairyena kAryaM samudvahan || 12\.7|
0120081 sa tena rathamukhyena ShaDrAtreNAjayanmahIm |
0120082 yayAtiryudhi durdharShastathA devAnsadAnavAn || 12\.8|
0120091 sarathaH kauravANAM tu sarveShAmabhavattadA |
0120092 saMvartavasunAmnastu kauravAjjanamejayAt || 12\.9|
0120101 kuroH putrasya rAjendra-rAj~naH pArIkShitasya ha |
0120102 jagAma sa ratho nAshaM shApAdgargasya dhImataH || 12\.10|
0120111 gargasya hi sutaM bAlaM sa rAjA janamejayaH |
0120112 kAlena hiMsayAmAsa brahmahatyAmavApa saH || 12\.11|
0120121 sa lohagandhI rAjarShiH paridhAvannitastataH |
0120122 paurajAnapadaistyakto na lebhe sharma karhichit || 12\.12|
0120131 tataH sa duHkhasaMtapto nAlabhatsaMvidaM kvachit |
0120132 viprendraM shaunakaM rAjA sharaNaM pratyapadyata || 12\.13|
0120141 yAjayAmAsa cha j~nAnI shaunako janamejayam |
0120142 ashvamedhena rAjAnaM pAvanArthaM dvijottamAH || 12\.14|
0120151 sa lohagandho vyanashattasyAvabhR^ithametya cha |
0120152 sa cha divyaratho rAj~no vashashchedipatestadA || 12\.15|
0120161 dattaH shakreNa tuShTena lebhe tasmAdbR^ihadrathaH |
0120162 bR^ihadrathAtkrameNaiva gato bArhadrathaM nR^ipam || 12\.16|
0120171 tato hatvA jarAsaMdhaM bhImastaM rathamuttamam |
0120172 pradadau vAsudevAya prItyA kauravanandanaH || 12\.17|
0120181 saptadvIpAM yayAtistu jitvA pR^ithvIM sasAgarAm |
0120182 vibhajya pa~nchadhA rAjyaM putrANAM nAhuShastadA || 12\.18|
0120191 yayAtirdishi pUrvasyAM yaduM jyeShThaM nyayojayat |
0120192 madhye puruM cha rAjAnamabhyaShi~nchatsa nAhuShaH || 12\.19|
0120201 dishi dakShiNapUrvasyAM turvasuM matimAnnR^ipaH |
0120202 tairiyaM pR^ithivI sarvA saptadvIpA sapattanA || 12\.20|
0120211 yathApradeshamadyApi dharmeNa pratipAlyate |
0120212 prajAsteShAM purastAttu vakShyAmi munisattamAH || 12\.21|
0120221 dhanurnyasya pR^iShatkAMshcha pa~nchabhiH puruSharShabhaiH |
0120222 jarAvAnabhavadrAjA bhAramAveshya bandhuShu || 12\.22|
0120231 nikShiptashastraH pR^ithivIM chachAra pR^ithivIpatiH |
0120232 prItimAnabhavadrAjA yayAtiraparAjitaH || 12\.23|
0120241 evaM vibhajya pR^ithivIM yayAtiryadumabravIt |
0120242 jarAM me pratigR^ihNIShva putra kR^ityAntareNa vai || 12\.24|
0120251 taruNastava rUpeNa chareyaM pR^ithivImimAm |
0120252 jarAM tvayi samAdhAya taM yaduH pratyuvAcha ha || 12\.25|
0120260 yaduruvAcha
0120261 anirdiShTA mayA bhikShA brAhmaNasya pratishrutA |
0120262 anapAkR^itya tAM rAjanna grahIShyAmi te jarAm || 12\.26|
0120271 jarAyAM bahavo doShAH pAnabhojanakAritAH |
0120272 tasmAjjarAM na te rAjangrahItumahamutsahe || 12\.27|
0120281 santi te bahavaH putrA mattaH priyatarA nR^ipa |
0120282 pratigrahItuM dharmaj~na putramanyaM vR^iNIShva vai || 12\.28|
0120291 sa evamukto yadunA rAjA kopasamanvitaH |
0120292 uvAcha vadatAM shreShTho yayAtirgarhayansutam || 12\.29|
0120300 yayAtiruvAcha
0120301 ka AshramastavAnyo .asti ko vA dharmo vidhIyate |
0120302 mAmanAdR^itya durbuddhe yadahaM tava deshikaH || 12\.30|
0120311 evamuktvA yaduM viprAH shashApainaM sa manyumAn |
0120312 arAjyA te prajA mUDha bhavitrIti na saMshayaH || 12\.31|
0120321 druhyaM cha turvasuM chaivApyanuM cha dvijasattamAH |
0120322 evamevAbravIdrAjA pratyAkhyAtashcha tairapi || 12\.32|
0120331 shashApa tAnatikruddho yayAtiraparAjitaH |
0120332 yathAvatkathitaM sarvaM mayAsya dvijasattamAH || 12\.33|
0120341 evaM shaptvA sutAnsarvAMshchaturaH purupUrvajAn |
0120342 tadeva vachanaM rAjA purumapyAha bho dvijAH || 12\.34|
0120351 taruNastava rUpeNa chareyaM pR^ithivImimAm |
0120352 jarAM tvayi samAdhAya tvaM puro yadi manyase || 12\.35|
0120361 sa jarAM pratijagrAha pituH puruH pratApavAn |
0120362 yayAtirapi rUpeNa puroH paryacharanmahIm || 12\.36|
0120371 sa mArgamANaH kAmAnAmantaM nR^ipatisattamaH |
0120372 vishvAchyA sahito reme vane chaitrarathe prabhuH || 12\.37|
0120381 yadA cha tR^iptaH kAmeShu bhogeShu cha narAdhipaH |
0120382 tadA puroH sakAshAdvai svAM jarAM pratyapadyata || 12\.38|
0120391 yatra gAthA munishreShThA gItAH kila yayAtinA |
0120392 yAbhiH pratyAharetkAmAnsarvasho .a~NgAni kUrmavat || 12\.39|
0120401 na jAtu kAmaH kAmAnAmupabhogena shAmyati |
0120402 haviShA kR^iShNavartmeva bhUya evAbhivardhate || 12\.40|
0120411 yatpR^ithivyAM vrIhiyavaM hiraNyaM pashavaH striyaH |
0120412 nAlamekasya tatsarvamiti kR^itvA na muhyati || 12\.41|
0120421 yadA bhAvaM na kurute sarvabhUteShu pApakam |
0120422 karmaNA manasA vAchA brahma saMpadyate tadA || 12\.42|
0120431 yadA tebhyo na bibheti yadA chAsmAnna bibhyati |
0120432 yadA nechChati na dveShTi brahma saMpadyate tadA || 12\.43|
0120441 yA dustyajA durmatibhiryA na jIryati jIryataH |
0120442 yo .asau prANAntiko rogastAM tR^iShNAM tyajataH sukham || 12\.44|
0120451 jIryanti jIryataH keshA dantA jIryanti jIryataH |
0120452 dhanAshA jIvitAshA cha jIryato .api na jIryati || 12\.45|
0120461 yachcha kAmasukhaM loke yachcha divyaM mahatsukham |
0120462 tR^iShNAkShayasukhasyaite nArhanti ShoDashIM kalAm || 12\.46|
0120471 evamuktvA sa rAjarShiH sadAraH prAvishadvanam |
0120472 kAlena mahatA chAyaM chachAra vipulaM tapaH || 12\.47|
0120481 bhR^igutu~Nge gatiM prApa tapaso .ante mahAyashAH |
0120482 anashnandehamutsR^ijya sadAraH svargamAptavAn || 12\.48|
0120491 tasya vaMshe munishreShThAH pa~ncha rAjarShisattamAH |
0120492 yairvyAptA pR^ithivI sarvA sUryasyeva gabhastibhiH || 12\.49|
0120501 yadostu vaMshaM vakShyAmi shR^iNudhvaM rAjasatkR^itam |
0120502 yatra nArAyaNo jaj~ne harirvR^iShNikulodvahaH || 12\.50|
0120511 susthaH prajAvAnAyuShmAnkIrtimAMshcha bhavennaraH |
0120512 yayAticharitaM nityamidaM shR^iNvandvijottamAH || 12\.51|
0130010 brAhmaNA UchuH
0130011 purorvaMshaM vayaM sUta shrotumichChAma tattvataH |
0130012 druhyasyAnoryadoshchaiva turvasoshcha pR^ithakpR^ithak || 13\.1|
0130020 lomaharShaNa uvAcha
0130021 shR^iNudhvaM munishArdUlAH purorvaMshaM mahAtmanaH |
0130022 vistareNAnupUrvyA cha prathamaM vadato mama || 13\.2|
0130031 puroH putraH suvIro .abhUnmanasyustasya chAtmajaH |
0130032 rAjA chAbhayado nAma manasyorabhavatsutaH || 13\.3|
0130041 tathaivAbhayadasyAsItsudhanvA nAma pArthivaH |
0130042 sudhanvanaH subAhushcha raudrAshvastasya chAtmajaH || 13\.4|
0130051 raudrAshvasya dashArNeyuH kR^ikaNeyustathaiva cha |
0130052 kakSheyusthaNDileyushcha sannateyustathaiva cha || 13\.5|
0130061 R^icheyushcha jaleyushcha sthaleyushcha mahAbalaH |
0130062 dhaneyushcha vaneyushcha putrakAshcha dasha striyaH || 13\.6|
0130071 bhadrA shUdrA cha madrA cha shaladA maladA tathA |
0130072 khaladA cha tato viprA naladA surasApi cha || 13\.7|
0130081 tathA gochapalA cha strI-ratnakUTA cha tA dasha |
0130082 R^iShirjAto .atrivaMshe cha tAsAM bhartA prabhAkaraH || 13\.8|
0130091 bhadrAyAM janayAmAsa sutaM somaM yashasvinam |
0130092 svarbhAnunA hate sUrye patamAne divo mahIm || 13\.9|
0130101 tamobhibhUte loke cha prabhA yena pravartitA |
0130102 svasti te .astviti choktvA vai patamAno divAkaraH || 13\.10|
0130111 vachanAttasya viprarSherna papAta divo mahIm |
0130112 atrishreShThAni gotrANi yashchakAra mahAtapAH || 13\.11|
0130121 yaj~neShvatrerbalaM chaiva devairyasya pratiShThitam |
0130122 sa tAsu janayAmAsa putrikAsvAtmakAmajAn || 13\.12|
0130131 dasha putrAnmahAsattvAMstapasyugre ratAMstathA |
0130132 te tu gotrakarA viprA R^iShayo vedapAragAH || 13\.13|
0130141 svastyAtreyA iti khyAtAH kiMcha tridhanavarjitAH |
0130142 kakSheyostanayAstvAsaMstraya eva mahArathAH || 13\.14|
0130151 sabhAnarashchAkShuShashcha paramanyustathaiva cha |
0130152 sabhAnarasya putrastu vidvAnkAlAnalo nR^ipaH || 13\.15|
0130161 kAlAnalasya dharmaj~naH sR^i~njayo nAma vai sutaH |
0130162 sR^i~njayasyAbhavatputro vIro rAjA puraMjayaH || 13\.16|
0130171 janamejayo munishreShThAH puraMjayasuto .abhavat |
0130172 janamejayasya rAjarShermahAshAlo .abhavatsutaH || 13\.17|
0130181 deveShu sa parij~nAtaH pratiShThitayashA bhuvi |
0130182 mahAmanA nAma suto mahAshAlasya vishrutaH || 13\.18|
0130191 jaj~ne vIraH suragaNaiH pUjitaH sumahAmanAH |
0130192 mahAmanAstu putrau dvau janayAmAsa bho dvijAH || 13\.19|
0130201 ushInaraM cha dharmaj~naM titikShuM cha mahAbalam |
0130202 ushInarasya patnyastu pa~ncha rAjarShivaMshajAH || 13\.20|
0130211 nR^igA kR^imirnavA darvA pa~nchamI cha dR^iShadvatI |
0130212 ushInarasya putrAstu pa~ncha tAsu kulodvahAH || 13\.21|
0130221 tapasA chaiva mahatA jAtA vR^iddhasya chAtmajAH |
0130222 nR^igAyAstu nR^igaH putraH kR^imyAM kR^imirajAyata || 13\.22|
0130231 navAyAstu navaH putro darvAyAH suvrato .abhavat |
0130232 dR^iShadvatyAstu saMjaj~ne shibiraushInaro nR^ipaH || 13\.23|
0130241 shibestu shibayo viprA yaudheyAstu nR^igasya ha |
0130242 navasya navarAShTraM tu kR^imestu kR^imilA purI || 13\.24|
0130251 suvratasya tathAmbaShThAH shibiputrAnnibodhata |
0130252 shibestu shibayaH putrAshchatvAro lokavishrutAH || 13\.25|
0130261 vR^iShadarbhaH suvIrashcha kekayo madrakastathA |
0130262 teShAM janapadAH sphItA kekayA madrakAstathA || 13\.26|
0130271 vR^iShadarbhAH suvIrAshcha titikShostu prajAstvimAH |
0130272 titikShurabhavadrAjA pUrvasyAM dishi bho dvijAH || 13\.27|
0130281 uShadratho mahAvIryaH phenastasya suto .abhavat |
0130282 phenasya sutapA jaj~ne tataH sutapaso baliH || 13\.28|
0130291 jAto mAnuShayonau tu sa rAjA kA~nchaneShudhiH |
0130292 mahAyogI sa tu balirbabhUva nR^ipatiH purA || 13\.29|
0130301 putrAnutpAdayAmAsa pa~ncha vaMshakarAnbhuvi |
0130302 a~NgaH prathamato jaj~ne va~NgaH suhmastathaiva cha || 13\.30|
0130311 puNDraH kali~Ngashcha tathA bAleyaM kShatramuchyate |
0130312 bAleyA brAhmaNAshchaiva tasya vaMshakarA bhuvi || 13\.31|
0130321 baleshcha brahmaNA datto varaH prItena bho dvijAH |
0130322 mahAyogitvamAyushcha kalpasya parimANataH || 13\.32|
0130331 bale chApratimatvaM vai dharmatattvArthadarshanam |
0130332 saMgrAme chApyajeyatvaM dharme chaiva pradhAnatAm || 13\.33|
0130341 trailokyadarshanaM chApi prAdhAnyaM prasave tathA |
0130342 chaturo niyatAnvarNAMstvaM cha sthApayiteti cha || 13\.34|
0130351 ityukto vibhunA rAjA baliH shAntiM parAM yayau |
0130352 kAlena mahatA viprAH svaM cha sthAnamupAgamat || 13\.35|
0130361 teShAM janapadAH pa~ncha a~NgA va~NgAH sasuhmakAH |
0130362 kali~NgAH puNDrakAshchaiva prajAstva~Ngasya sAMpratam || 13\.36|
0130371 a~Ngaputro mahAnAsIdrAjendro dadhivAhanaH |
0130372 dadhivAhanaputrastu rAjA diviratho .abhavat || 13\.37|
0130381 putro divirathasyAsIchChakratulyaparAkramaH |
0130382 vidvAndharmaratho nAma tasya chitrarathaH sutaH || 13\.38|
0130391 tena dharmarathenAtha tadA kAla~njare girau |
0130392 yajatA saha shakreNa somaH pIto mahAtmanA || 13\.39|
0130401 atha chitrarathasyApi putro dasharatho .abhavat |
0130402 lomapAda iti khyAto yasya shAntA sutAbhavat || 13\.40|
0130411 tasya dAsharathirvIrashchatura~Ngo mahAyashAH |
0130412 R^iShyashR^i~NgaprasAdena jaj~ne vaMshavivardhanaH || 13\.41|
0130421 chatura~Ngasya putrastu pR^ithulAkSha iti smR^itaH |
0130422 pR^ithulAkShasuto rAjA champo nAma mahAyashAH || 13\.42|
0130431 champasya tu purI champA yA mAlinyabhavatpurA |
0130432 pUrNabhadraprasAdena harya~Ngo .asya suto .abhavat || 13\.43|
0130441 tato vaibhANDakistasya vAraNaM shakravAraNam |
0130442 avatArayAmAsa mahIM mantrairvAhanamuttamam || 13\.44|
0130451 harya~Ngasya sutastatra rAjA bhadrarathaH smR^itaH |
0130452 putro bhadrarathasyAsIdbR^ihatkarmA prajeshvaraH || 13\.45|
0130461 bR^ihaddarbhaH sutastasya yasmAjjaj~ne bR^ihanmanAH |
0130462 bR^ihanmanAstu rAjendro janayAmAsa vai sutam || 13\.46|
0130471 nAmnA jayadrathaM nAma yasmAddR^iDharatho nR^ipaH |
0130472 AsIddR^iDharathasyApi vishvajijjanamejayI || 13\.47|
0130481 dAyAdastasya vaikarNo vikarNastasya chAtmajaH |
0130482 tasya putrashataM tvAsIda~NgAnAM kulavardhanam || 13\.48|
0130491 ete .a~NgavaMshajAH sarve rAjAnaH kIrtitA mayA |
0130492 satyavratA mahAtmAnaH prajAvanto mahArathAH || 13\.49|
0130501 R^icheyostu munishreShThA raudrAshvatanayasya vai |
0130502 shR^iNudhvaM saMpravakShyAmi vaMshaM rAj~nastu bho dvijAH || 13\.50|
0130511 R^icheyostanayo rAjA matinAro mahIpatiH |
0130512 matinArasutAstvAsaMstrayaH paramadhArmikAH || 13\.51|
0130521 vasurodhaH pratirathaH subAhushchaiva dhArmikaH |
0130522 sarve vedavidashchaiva brahmaNyAH satyavAdinaH || 13\.52|
0130531 ilA nAma tu yasyAsItkanyA vai munisattamAH |
0130532 brahmavAdinyadhistrI sA taMsustAmabhyagachChata || 13\.53|
0130541 taMsoH suto .atha rAjarShirdharmanetraH pratApavAn |
0130542 brahmavAdI parAkrAntastasya bhAryopadAnavI || 13\.54|
0130551 upadAnavI tataH putrAMshchaturo .ajanayachChubAn |
0130552 duShyantamatha suShmantaM pravIramanaghaM tathA || 13\.55|
0130561 duShyantasya tu dAyAdo bharato nAma vIryavAn |
0130562 sa sarvadamano nAma nAgAyutabalo mahAn || 13\.56|
0130571 chakravartI suto jaj~ne duShyantasya mahAtmanaH |
0130572 shakuntalAyAM bharato yasya nAmnA tu bhAratAH || 13\.57|
0130581 bharatasya vinaShTeShu tanayeShu mahIpateH |
0130582 mAtR^INAM tu prakopeNa mayA tatkathitaM purA || 13\.58|
0130591 bR^ihaspatera~NgirasaH putro vipro mahAmuniH |
0130592 ayAjayadbharadvAjo mahadbhiH kratubhirvibhuH || 13\.59|
0130601 pUrvaM tu vitathe tasya kR^ite vai putrajanmani |
0130602 tato .atha vitatho nAma bharadvAjAtsuto .abhavat || 13\.60|
0130611 tato .atha vitathe jAte bharatastu divaM yayau |
0130612 vitathaM chAbhiShichyAtha bharadvAjo vanaM yayau || 13\.61|
0130621 sa chApi vitathaH putrA~njanayAmAsa pa~ncha vai |
0130622 suhotraM cha suhotAraM gayaM gargaM tathaiva cha || 13\.62|
0130631 kapilaM cha mahAtmAnaM suhotrasya sutadvayam |
0130632 kAshikaM cha mahAsatyaM tathA gR^itsamatiM nR^ipam || 13\.63|
0130641 tathA gR^itsamateH putrA brAhmaNAH kShatriyA vishaH |
0130642 kAshikasya tu kAsheyaH putro dIrghatapAstathA || 13\.64|
0130651 babhUva dIrghatapaso vidvAndhanvantariH sutaH |
0130652 dhanvantarestu tanayaH ketumAniti vishrutaH || 13\.65|
0130661 tathA ketumataH putro vidvAnbhImarathaH smR^itaH |
0130662 putro bhImarathasyApi vArANasyadhipo .abhavat || 13\.66|
0130671 divodAsa iti khyAtaH sarvakShatrapraNAshanaH |
0130672 divodAsasya putrastu vIro rAjA pratardanaH || 13\.67|
0130681 pratardanasya putrau dvau vatso bhArgava eva cha |
0130682 alarko rAjaputrastu rAjA sanmatimAnbhuvi || 13\.68|
0130691 haihayasya tu dAyAdyaM hR^itavAnvai mahIpatiH |
0130692 Ajahre pitR^idAyAdyaM divodAsahR^itaM balAt || 13\.69|
0130701 bhadrashreNyasya putreNa durdamena mahAtmanA |
0130702 divodAsena bAleti ghR^iNayAsau visarjitaH || 13\.70|
0130711 aShTAratho nAma nR^ipaH suto bhImarathasya vai |
0130712 tena putreNa bAlasya prahR^itaM tasya bho dvijAH || 13\.71|
0130721 vairasyAntaM munishreShThAH kShatriyeNa vidhitsatA |
0130722 alarkaH kAshirAjastu brahmaNyaH satyasaMgaraH || 13\.72|
0130731 ShaShTiM varShasahasrANi ShaShTiM varShashatAni cha |
0130732 yuvA rUpeNa saMpanna AsItkAshikulodvahaH || 13\.73|
0130741 lopAmudrAprasAdena paramAyuravApa saH |
0130742 vayaso .ante munishreShThA hatvA kShemakarAkShasam || 13\.74|
0130751 ramyAM niveshayAmAsa purIM vArANasIM nR^ipaH |
0130752 alarkasya tu dAyAdaH kShemako nAma pArthivaH || 13\.75|
0130761 kShemakasya tu putro vai varShaketustato .abhavat |
0130762 varShaketoshcha dAyAdo vibhurnAma prajeshvaraH || 13\.76|
0130771 Anartastu vibhoH putraH sukumArastato .abhavat |
0130772 sukumArasya putrastu satyaketurmahArathaH || 13\.77|
0130781 suto .abhavanmahAtejA rAjA paramadhArmikaH |
0130782 vatsasya vatsabhUmistu bhargabhUmistu bhArgavAt || 13\.78|
0130791 ete tva~NgirasaH putrA jAtA vaMshe .atha bhArgave |
0130792 brAhmaNAH kShatriyA vaishyAH shUdrAshcha munisattamAH || 13\.79|
0130801 AjamIDho .aparo vaMshaH shrUyatAM dvijasattamAH |
0130802 suhotrasya bR^ihatputro bR^ihatastanayAstrayaH || 13\.80|
0130811 ajamIDho dvimIDhashcha purumIDhashcha vIryavAn |
0130812 ajamIDhasya patnyastu tisro vai yashasAnvitAH || 13\.81|
0130821 nIlI cha keshinI chaiva dhUminI cha varA~NganAH |
0130822 ajamIDhasya keshinyAM jaj~ne jahnuH pratApavAn || 13\.82|
0130831 Ajahre yo mahAsattraM sarvamedhamakhaM vibhum |
0130832 patilobhena yaM ga~NgA vinIteva sasAra ha || 13\.83|
0130841 nechChataH plAvayAmAsa tasya ga~NgA cha tatsadaH |
0130842 tattayA plAvitaM dR^iShTvA yaj~navATaM samantataH || 13\.84|
0130851 jahnurapyabravIdga~NgAM kruddho viprAstadA nR^ipaH |
0130852 eSha te triShu lokeShu saMkShipyApaH pibAmyaham |
0130853 asya ga~Nge .avalepasya sadyaH phalamavApnuhi || 13\.85|
0130861 tataH pItAM mahAtmAno dR^iShTvA ga~NgAM maharShayaH |
0130862 upaninyurmahAbhAgA duhitR^itvena jAhnavIm || 13\.86|
0130871 yuvanAshvasya putrIM tu kAverIM jahnurAvahat |
0130872 ga~NgAshApena dehArdhaM yasyAH pashchAnnadIkR^itam || 13\.87|
0130881 jahnostu dayitaH putro ajako nAma vIryavAn |
0130882 ajakasya tu dAyAdo balAkAshvo mahIpatiH || 13\.88|
0130891 babhUva mR^igayAshIlaH kushikastasya chAtmajaH |
0130892 pahnavaiH saha saMvR^iddho rAjA vanacharaiH saha || 13\.89|
0130901 kushikastu tapastepe putramindrasamaM vibhum |
0130902 labheyamiti taM shakrastrAsAdabhyetya jaj~nivAn || 13\.90|
0130911 sa gAdhirabhavadrAjA maghavA kaushikaH svayam |
0130912 vishvAmitrastu gAdheyo vishvAmitrAttathAShTakaH || 13\.91|
0130921 aShTakasya suto lauhiH prokto jahnugaNo mayA |
0130922 AjamIDho .aparo vaMshaH shrUyatAM munisattamAH || 13\.92|
0130931 ajamIDhAttu nIlyAM vai sushAntirudapadyata |
0130932 purujAtiH sushAnteshcha bAhyAshvaH purujAtitaH || 13\.93|
0130941 bAhyAshvatanayAH pa~ncha sphItA janapadAvR^itAH |
0130942 mudgalaH sR^i~njayashchaiva rAjA bR^ihadiShustadA || 13\.94|
0130951 yavInarashcha vikrAntaH kR^imilAshvashcha pa~nchamaH |
0130952 pa~nchaite rakShaNAyAlaM deshAnAmiti vishrutAH || 13\.95|
0130961 pa~nchAnAM te tu pa~nchAlAH sphItA janapadAvR^itAH |
0130962 alaM saMrakShaNe teShAM pa~nchAlA iti vishrutAH || 13\.96|
0130971 mudgalasya tu dAyAdo maudgalyaH sumahAyashAH |
0130972 indrasenA yato garbhaM vadhnyaM cha pratyapadyata || 13\.97|
0130981 AsItpa~nchajanaH putraH sR^i~njayasya mahAtmanaH |
0130982 sutaH pa~nchajanasyApi somadatto mahIpatiH || 13\.98|
0130991 somadattasya dAyAdaH sahadevo mahAyashAH |
0130992 sahadevasutashchApi somako nAma vishrutaH || 13\.99|
0131001 ajamIDhasuto jAtaH kShINe vaMshe tu somakaH |
0131002 somakasya suto janturyasya putrashataM babhau || 13\.100|
0131011 teShAM yavIyAnpR^iShato drupadasya pitA prabhuH |
0131012 AjamIDhAH smR^itAshchaite mahAtmAnastu somakAH || 13\.101|
0131021 mahiShI tvajamIDhasya dhUminI putragR^iddhinI |
0131022 pativratA mahAbhAgA kulajA munisattamAH || 13\.102|
0131031 sA cha putrArthinI devI vratacharyAsamanvitA |
0131032 tato varShAyutaM taptvA tapaH paramadushcharam || 13\.103|
0131041 hutvAgniM vidhivatsA tu pavitrA mitabhojanA |
0131042 agnihotrakusheShveva suShvApa munisattamAH || 13\.104|
0131051 dhUminyA sa tayA devyA tvajamIDhaH samIyivAn |
0131052 R^ikShaM saMjanayAmAsa dhUmravarNaM sudarshanam || 13\.105|
0131061 R^ikShAtsaMvaraNo jaj~ne kuruH saMvaraNAttathA |
0131062 yaH prayAgAdatikramya kurukShetraM chakAra ha || 13\.106|
0131071 puNyaM cha ramaNIyaM cha puNyakR^idbhirniShevitam |
0131072 tasyAnvavAyaH sumahAnyasya nAmnAtha kauravAH || 13\.107|
0131081 kuroshcha putrAshchatvAraH sudhanvA sudhanustathA |
0131082 parIkShichcha mahAbAhuH pravarashchArimejayaH || 13\.108|
0131091 parIkShitastu dAyAdo dhArmiko janamejayaH |
0131092 shrutaseno .agrasenashcha bhImasenashcha nAmataH || 13\.109|
0131101 ete sarve mahAbhAgA vikrAntA balashAlinaH |
0131102 janamejayasya putrastu suratho matimAMstathA || 13\.110|
0131111 surathasya tu vikrAntaH putro jaj~ne vidUrathaH |
0131112 vidUrathasya dAyAda R^ikSha eva mahArathaH || 13\.111|
0131121 dvitIyastu bharadvAjAnnAmnA tenaiva vishrutaH |
0131122 dvAvR^ikShau somavaMshe .asmindvAveva cha parIkShitau || 13\.112|
0131131 bhImasenAstrayo viprA dvau chApi janamejayau |
0131132 R^ikShasya tu dvitIyasya bhImaseno .abhavatsutaH || 13\.113|
0131141 pratIpo bhImasenAttu pratIpasya tu shAMtanuH |
0131142 devApirbAhlikashchaiva traya eva mahArathAH || 13\.114|
0131151 shAMtanostvabhavadbhIShmastasminvaMshe dvijottamAH |
0131152 bAhlikasya tu rAjarShervaMshaM shR^iNuta bho dvijAH || 13\.115|
0131161 bAhlikasya sutashchaiva somadatto mahAyashAH |
0131162 jaj~nire somadattAttu bhUrirbhUrishravAH shalaH || 13\.116|
0131171 upAdhyAyastu devAnAM devApirabhavanmuniH |
0131172 chyavanaputraH kR^itaka iShTa AsInmahAtmanaH || 13\.117|
0131181 shAMtanustvabhavadrAjA kauravANAM dhuraMdharaH |
0131182 shAMtanoH saMpravakShyAmi vaMshaM trailokyavishrutam || 13\.118|
0131191 gA~NgaM devavrataM nAma putraM so .ajanayatprabhuH |
0131192 sa tu bhIShma iti khyAtaH pANDavAnAM pitAmahaH || 13\.119|
0131201 kAlI vichitravIryaM tu janayAmAsa bho dvijAH |
0131202 shAMtanordayitaM putraM dharmAtmAnamakalmaSham || 13\.120|
0131211 kR^iShNadvaipAyanAchchaiva kShetre vaichitravIryake |
0131212 dhR^itarAShTraM cha pANDuM cha viduraM chApyajIjanat || 13\.121|
0131221 dhR^itarAShTrastu gAndhAryAM putrAnutpAdayachChatam |
0131222 teShAM duryodhanaH shreShThaH sarveShAmapi sa prabhuH || 13\.122|
0131231 pANDordhanaMjayaH putraH saubhadrastasya chAtmajaH |
0131232 abhimanyoH parIkShittu pitA pArIkShitasya ha || 13\.123|
0131241 pArIkShitasya kAshyAyAM dvau putrau saMbabhUvatuH |
0131242 chandrApIDastu nR^ipatiH sUryApIDashcha mokShavit || 13\.124|
0131251 chandrApIDasya putrANAM shatamuttamadhanvinAm |
0131252 jAnamejayamityevaM kShAtraM bhuvi parishrutam || 13\.125|
0131261 teShAM jyeShThastu tatrAsItpure vAraNasAhvaye |
0131262 satyakarNo mahAbAhuryajvA vipuladakShiNaH || 13\.126|
0131271 satyakarNasya dAyAdaH shvetakarNaH pratApavAn |
0131272 aputraH sa tu dharmAtmA pravivesha tapovanam || 13\.127|
0131281 tasmAdvanagatA garbhaM yAdavI pratyapadyata |
0131282 suchArorduhitA subhrUrmAlinI grAhamAlinI || 13\.128|
0131291 saMbhUte sa cha garbhe cha s