% Text title : Mudgala Purana Khanda 7 Vighnarajacharitam % File name : mudgalapurANam7.itx % Category : purana, ganesha % Location : doc\_purana % Proofread by : Yash Khasbage % Latest update : September 18-19, 2023 Ganeshachaturthi % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. MudgalapurAna Khanda 7 Vighnarajacharitam ..}## \itxtitle{.. mudgalapurANaM khaNDaH 7 vighnarAjacharitam ..}##\endtitles ## || mudgalapurANaM khaNDaH 7|| || atha shrImudgalapurANe saptamaH khaNDaH prArabhyate || (##Page ## khaM\. 7 a\. 1 pAna 1) \section{7\.1 ditishokavarNanaM nAma prathamo.adhyAyaH} || shrIgaNeshAya namaH || shaunaka uvAcha | vikaTasya charitraM vai shrutvA sUta mahAmate | harShito.ahaM visheSheNa brahmabhUyaprakAshakam || 1|| yatki~nchidgaNarAjasya cheShTitaM vyAsashiShyaka | tadeva brahmasAyujyadAyakaM nA.atra saMshayaH || 2|| dhanyaM bhAgyaM munIndrANAM madIyaM yena te dvija | darshanaM sAdhurUpasya jAtaM yogapradasya cha || 3|| yogavR^iShTimayIM gAthAM chyutAM tvanmukhameghataH | pItvA na yAmi tR^iptiM cha sudhAM pItvA yathA naraH || 4|| adhunA kR^ipayA brUhi vighnarAjasya cheShTitam | mamAsuravinAshAkhyaM brahmaprAptikaraM param || 5|| sUta uvAcha | mudgalasya mukhAt puNyAM kathAM shrutvA prajApatiH | vikaTasya punastaM cha jagAdaiva sa harShitaH || 6|| dakSha uvAcha | dhanyaM me janma karmAdi yena te.abhUtsamAgamaH | vadase yogadAM pUrNAM kathAM yogIndravandita || 7|| A~Ngirasakule sAkShAdyogarUpadharaH prabho | tvaM jAto.asi na sandehaH kulatAraka eva cha || 8|| adhunA vada mAhAtmyaM vighnarAjasya sarvadam | shrutaM vikaTamAhAtmyaM na tR^ipto.ahaM tu mudgala || 9|| kIdR^ishaM brahma tasyA.api kimarthaM dehadhArakaH | kiM karmA kutra vAsaH santiShThate vighnanAyakaH || 10|| kasya daityasya hantA.asau charitraM vada sarvapam | vighnarAjasya sarvaM tu vichAreNa mahAtmanaH || 11|| mudgala uvAcha | dakSha tvaM yogivandyashcha bhaviShyasi na saMshayaH | kathAM shrutvA gaNeshasya prItiH saMvardhate yataH || 12|| samAsena pravakShyAmi vighnarAjasya saukhyadam | charitraM shR^iNu bhAvena sarvasiddhipradAyakam || 13|| atra te kathayiShyAmi purAtanabhavaM param | itihAsaM kashyapasya dityAH saMvAdasaMyutam || 14|| mahAsurau.aditeH putrau hiraNyakashipurmahAn | hiraNyAkSho hato pUrvaM viShNunA mAyayA parau || 15|| tato.atishokasaMyuktA ditiH kashyapamAyayau | sevAyAM niratA tasya nityaM bhaktiparAyaNA || 16|| evaM bahau gate kAle kAshyapastoShamAyayau | tAmuvAcha varaM brUhi tatastaM sA jagAda ha || 17|| ditiruvAcha | mama putrau hatau tena viShNunA maghavArthataH | ata indraghnaputraM me dehi tuShTo.asi kashyapa || 18|| tasyAstadvachanaM shrutvA shokayukto babhUva ha | aho sAdhucharitrA.api strI vishvAsyA na kenachit || 19|| adhunA kiM kariShyAmi dharmapAlakamuttamam | sAdhuM guNayutaM putramindraM rakShAmi vai katham || 20|| ato vighneshvaraM smR^itvA tAM jagAda prajApatiH | vrataM kuru prayatnena varShamAtraM mahAkhale || 21|| tadA te bhavitA putro hantendrasya na saMshayaH | ChidraM mA kuru bhAvena vrate vighnayutA.api chet || 22|| evamuktvA gaNeshaM sa dhyAtvA reme tayA saha | tasyAM vIryaM samAdhAya vrataM dadau suputradam || 23|| praNamya svagR^ihaM sA tamAyayau harShasaMyutA | vrataM chakAra yatnena niyamasthA prajApate || 24|| tata indreNa vR^ittAnto j~nAto nAradavAkyataH | gaNeshaM manasi dhyAtvA niHshvAsaM sa mumocha ha || 25|| (##Page ## khaM\. 7 a\. 1 pAna 2) tatastasya hR^idistho vai vighnarAjo matiM dadau | indrastAmAyayau devIM mAtaraM sevanotsukaH || 26|| ditiM siSheve nityaM sa vratayuktAM praNamya ha | ChidradarshI prajAnAtha bhaktiyuktaH pratApavAn || 27|| navamAsA gatAstatra tathApi ChidrakaM param | ki~nchinna dadR^ishe so.api vihvalo.abhUt sureshvaraH || 28|| vighnarAjaM hR^idi dhyAtvA chintAyuktaH surAdhipaH | tAM siSheve yuto bhaktyA sadA tanmayachetasA || 29|| dashabhirdivasairnyUnaM varShaM tatra gataM kila | tato.atitApasaMyuktaH kiM bhaviShyati vihvalaH || 30|| tato vighnakaro vighnaM chakAra paramAdbhutam | svayaM sA mohitA devI bhrAntA jAtA saharShataH || 31|| vichAramakarochchitte vrate saMvatsaro gataH | ki~nchinnyUnA cha me vA~nChA siddhA jAtA na saMshayaH || 32|| hitvA trilokagaM rAjyaM suta aindraM kariShyati | mamodarAt samutpannaH kR^itakR^ityA.asmi sAmpratam || 33|| tato.atinidrayA devI pIDitA mastakaM mudA | jAnumadhye samAkR^itya suShvApa mohasaMyutA || 34|| divase nidrayA tasyA vrataM bhagnaM babhUva ha | jAnumadhye shirastena dve Chidre sambabhUvatuH || 35|| indrastAM tAdR^ishIM dR^iShTvA harShito.abhUdgajAnanam | smR^itvA vajraM samAgR^ihyodaraM vivesha mAyayA || 36|| tatra tejoyutaM garbhaM dadarsha devanAyakaH | chakAra tasya vajreNa sapta khaNDAni vairataH || 37|| tapasogreNa dityAH sa na mamAra tathApyaho | ruroda saptadehastho garbhastejasvinAM varaH || 38|| dR^iShTvA vismitachittaH sa smR^itvA vighneshvaraM punaH | ekaikaM saptadhA kR^itvA saMsthito vajradhArayA || 39|| tathApi na mamArA.asau garbhaH paramapAvanaH | tAvaddehadharo bhUtvA ruroda bhayavihvalaH || 40|| jagAda maghavantaM sa garbho haMsi sureshvara | kimarthaM bhrAtaraste vai vayaM sarve na saMshayaH || 41|| teShAM tadvachanaM shrutvA punarindra uvAcha tAn | vairabhAvaM parityajya bhaviShyatha divaukasaH || 42|| tatheti taiH kR^itaM tatra bahirindraH samAyayau | tato ditiH prajAnAtha jajAgAra shushocha ha || 43|| etasminnantare tatra putrAn sA suShuve parAn | ekonapa~nchAshatkAMstu vIkShya chendramuvAcha sA || 44|| ditiruvAcha | indra kiM bahavaH putrA ekaH sa~Nkalpito.abhavat | vada satyaM mahAbhAga chejjAnAsi sureshvara || 45|| indra uvAcha | mayA j~nAtaM tvadIyaM yachcheShTitaM me.atra nAshakam | mAtastadarthamAyAtaH sevArthaM te na saMshayaH || 46|| ChidraM dR^iShTaM vrate mAtastata etat kR^itaM mayA | vajreNa jaThare gatvA garbhaM ChitvA bahirgataH || 47|| tapobalenaiva nava na mR^itAste sutA ime | svayaM prANadharA jAtA vAyavashcha bhavantu hi || 48|| tAn gR^ihya maghavA svargaM jagAma na shashApa sA | satyabhAShaNasaMyuktamindraM tuShTA babhUva ha || 49|| kadA daityAn samAlokya dInAn shokaparAyaNA | (##Page ## khaM\. 7 a\. 2 pAna 3) punaH kashyapamAgatya praNanAma pativratA || 50|| jagAda taM suduHkhena yuktA prajApatiM vachaH | vinayena samAyuktA svArthamohayutA parA || 51|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite ditishokavarNanaM nAma prathamo.adhyAyaH || 7\.1 \section{7\.2 shivapArvatIsamAgamo nAma dvitIyo.adhyAyaH} || shrIgaNeshAya namaH || ditiruvAcha | svAmin putrau mR^itAvAdau punastvadvaradAnataH | putro jAto mahendrasya mitraM nAnAsvarUpadhR^ik || 1|| daityA duHkhayutA nAtha tadarthaM kiM karomyaham | niShphalo me samArambho bhavati sma nirantaram || 2|| mUrdhani tvayi me nAtha samarthe duHkhamIdR^isham | mayA prAptaM visheSheNa kiM karomi vadasva mAm || 3|| putrapautrAdisaMyuktaH saMsAraH parikIrtitaH | sa eva tvayi saMsthe me niShphalaH prababhUva ha || 4|| mudgala uvAcha | tasyAstadvachanaM shrutvA khinnAyAstAM prajApatiH | jagAda smayamAnaH sa yogIndraH paramArthavit || 5|| kashyapa uvAcha | mA khedaM kuru kalyANi karmaNAM gatirIdR^ishI | saMsAro duHkhamohAdiyuktaH shAstre nigadyate || 6|| daityAH pApasamAchArA devAH puNyatamA matAH | pApinAM na sukhaM devi shAshvataM vedavAdataH || 7|| kathitaM vedavAdeShu vachanaM satyameva tat | bhaviShyati na sandeho mamatAM tatra mA kuru || 8|| putrA jAtAH priye te ye teShAM putrAdayaH smR^itAH | evaM paramparA jAtA bhaviShyati nirantaram || 9|| na vaMshachCheditA te tu bhaviShyati kadAchana | daityA mR^ityuyutAH proktAH kimarthaM shrAmyase vR^ithA || 10|| kashyapasya vachaH shrutvA ditistaM punarabravIt | shokasantaptagAtrA sA patiM tejasvinAM varam || 11|| ditiruvAcha | sR^iShTikartA svayaM sAkShAttvaM samartho na saMshayaH | akarte kartumIshashchAnyathA kartumapi prabho || 12|| mamatAM sarvabhAveShu tyaktvA tvaM yogisattama | saMsthito.asi yathA vedavAdaM j~nAtvA mahAmate || 13|| ahaM mohasamAyuktA sadA tApatrayAnvitA | dahAmi mamatAtyAgamArgaM me brUhi mAnada || 14|| yena shAntiM samAlabhya sthAsyAmi dAhavarjitA | tatsukhenaiva bhavatu bhAvi yattAdR^ishIM kuru || 15|| tasyAstadvachanaM shrutvA kashyapo dayayA yutaH | shAntimArgArthamevaM tAM jagAda harShasaMyutaH || 16|| kashyapa uvAcha | atra te.ahaM vadiShyAmItihAsaM cha purAtanam | taM j~nAtvA shAntiyuktA tvaM bhajiShyasi gajAnanam || 17|| (##Page ## khaM\. 7 a\. 2 pAna 4) himAchalasutA jAtA pArvatI bhaginI cha te | tapasA.a.arAdhitA tena mahAmAyA parAtparA || 18|| himAchalaM samAshritya shivo dhyAnaparAyaNaH | tatApa tapa ugraM sa gaNeshaM chintya sarvadA || 19|| atrAgatya maheshAnaM pArvatI sevanotsukA | patiM j~nAtvA visheSheNa siSheve yatnasaMyutA || 20|| mahAdevo viditvA tAM manasi krodhamAdadhe | mAmulla~Nghya gatA dakShAdhvare cheyaM visheShataH || 21|| svAj~nAhInA na yogyA vai patnI vede prakIrtitam | ataH patnIvihInaH san bhaje.ahaM vighnapaM sadA || 22|| evaM manasi sandhArya na tAM mene maheshvaraH | samAgatAM tayA so.api bhAShaNaM na chakAra ha || 23|| tato.atikhedasaMyuktA pArvatI taM maheshvaram | siSheve bhaktisaMyuktA niyamasthA surUpiNI || 24|| hAvabhAvasamAyuktAM nityaM sevAparAyaNAm | jagAma parvatAdvIkShya patibhAvakarIM shivaH || 25|| gataM sadAshivaM vIkShya pArvatI shokasaMyutA | dehatyAge samArabdhA sasmAra dviradAnanam || 26|| tasya smaraNamAtreNa sphUrtirjAtA parA hR^idi | vichAramakarochchitte shivA duHkhasamanvitA || 27|| mAM tyaktvA sha~Nkaro devo gato mAnasamanvitaH | na vR^iNoti kadAchit sa nishchitaM sha~NkareNa tat || 28|| vede sa~NkathitaM vAkyaM tapasA durlabhaM kadA | ki~nchidbhavenna taM devaM tapasA.a.arAdhayAmyaham || 29|| evaM nishchitya sA devI tatApa tapa uttamam | dhyAtvA sadAshivaM nityaM vanasthA sakhisaMyutA || 30|| pa~nchAkSharavidhAnena toShayAmAsa sha~Nkaram | li~NgapUjAparA devI nAnAtapaHparAyaNA || 31|| evaM bahau gate kAle na tutoSha sadAshivaH | krodhayuktaH svabhAvena na tAM mene kadAchana || 32|| tato vighneshvaraM devI mantreNaikAkShareNa cha | toShayAmAsa taM dhyAtvA nityaM pUjAparAyaNA || 33|| tyaktvA sadAshivaM devI gaNeshabhajane ratA | tataH svalpena kAlena shivabuddhishchachAla ha || 34|| shrAvaNe shuklapakShe sA chaturthyAM mR^inmayaM param | kR^itvA gaNeshvaraM nityaM pUjayAmAsa bhaktitaH || 35|| vAyumAtrAshanA devI tAM mUrtiM bhAvasaMyutA | pUjya dhyAnaparA bhUtvA jajApa mantramuttamam || 36|| purashcharaNamArgeNa mantraM jajApa nityadA | tatastAM sha~Nkaro devo manasA sa~Ngato.abhavat || 37|| shivashchintAM chakAraivaM devI tapasi saMsthitA | adhunA tAM gamiShyAmi madarthaM niyamAnvitAm || 38|| dehabhR^idaparAdhaishcha saMyukto jAyate kadA | ataH kShamApanaM kR^itvA variShyAmi na saMshayaH || 39|| evaM vichArya deveshastAM yayau pArvatIpatiH | dR^iShTvA shramayutAM devIM vismito mohito.abhavat || 40|| brahmachArisvarUpeNa nindayAmAsa sha~Nkaram | sA taM krodhayutA bhartsya niryayau vanagAcharat || 41|| tato.atitoShasaMyuktaH sha~Nkaro rUpamAdadhe | svakIyaM tadvilokyaiva nanAma jagadambikA || 42|| tuShTAva taM mahAdevaM tataH sa varado.abhavat | (##Page ## khaM\. 7 a\. 3 pAna 5) jagAda mohasaMyuktaH pArvatImIshvareshvaraH || 43|| shiva uvAcha | varaM vR^iNu mahAbhAge tapasA vijitastvayA | dAsyAmi nAtra sandehastvadadhIno.ahamAdarAt || 44|| tvadAj~nAvashago bhUtvA sthAsyAmi nityama~njasA | bhAryA me bhava kalyANi patiste.ahaM purAtanaH || 45|| pArvatyuvAcha | yadi prasannabhAvena varaM dAsyasi sha~Nkara | tadA me pitaraM gatvA bhAryArthaM yAchayasva mAm || 46|| pativratAtmakaM dharmaM dehi me vighnahInakam | tena tuShTA mahAdeva tvayi nityaM parAyaNA || 47|| shiva uvAcha | tvayoktaM saphalaM sarvaM bhaviShyati na saMshayaH | pitaraM yAchayitvA te tvAM variShyAmi nishchitam || 48|| aho tapo hyaho dhairyamataste dehajo malaH | sarvapUjyo mahAdevi bhaviShyati na saMshayaH || 49|| kashyapa uvAcha | tasmin dine tR^itIyA tu bhAdrI shuklA babhUva ha | shivena saMyutA devI gaNeshAnaM pupUja ha || 50|| tatashchaturthikAyAM sA homaM chakAra harShitA | pa~nchamyAM brAhmaNaiH sArdhaM pAraNaM jagadambikA || 51|| mahotsavayutA devI mUrtiM tAM gR^ihya harShitA | jale chikShepa vighneshaM prArthayAmAsa yatnataH || 52|| tataH shivo jagAmaiva svasthAnaM harShasaMyutaH | gatvA praNamya pitaraM pArvatI saMsthitA.abhavat || 53|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite shivapArvatIsamAgamo nAma dvitIyo.adhyAyaH || 7\.2 \section{7\.3 mamAsuravarapradAnaM nAma tR^itIyo.adhyAyaH} || shrIgaNeshAya namaH || kashyapa uvAcha | gaNeshavratapuNyena mohitaH sha~NkaraH sadA | tanmanA abhavaddevo vipraveShadharo babhau || 1|| himAchalaM samAgamya smR^itvA vighneshvaraM shivaH | nAnAkalAM pradarshyaiva mohayAmAsa taM kShaNAt || 2|| himAchalo jagAdaiva varaM vR^iNu yamichChasi | dAsyAmi madadhInaM chennAtra kAryA vichAraNA || 3|| dvija uvAcha | umAM dehi nagAdhIsha nAnyaM yAche varaM param | tataH sa khedasaMyuktastUShNImevA.abhavadgiriH || 4|| taM chAtishokasaMyuktaM dR^iShTvovAcha jaganmayI | umA taM dehi mAM tAta shivo.ayaM nAtra saMshayaH || 5|| tataH sa harShito.atyantaM dadau tasmai sutAM priye | shivaH svasthAnamAgamya devaiH sammAnito.abhavat || 6|| lagnaM shubhaM samAlokya pUjayitvA gajAnanam | devAdibhiH samAyuktaH parvateshaM yayau shivaH || 7|| himAchalaH prasannAtmA vivAhamakarottataH | shivayorbhaktisaMyukto brAhmaNairvedapAragaiH || 8|| shivAM gR^ihya maheshAnaH kailAsamagamat svayam | tayA reme mahAyogI tataH skando babhUva ha || 9|| (##Page ## khaM\. 7 a\. 3 pAna 6) gaNeshAnaM samArAdhya tArakaM daityanAyakam | jaghAna sukhasaMyuktaM chakAra sacharAcharam || 10|| shivaH shaktyA samAyukto mohito mAyayA bhR^isham | tadadhInasvabhAvenA.atiShThannityaM mahAsatI || 11|| kadAchit pArvatI devI sakhIbhiH saMvR^itA sthitA | manasA dhArayAmAsa dhanyA.ahaM sarvabhAvataH || 12|| shivaM tyaktvA dakShagR^ihe gatA.ahaM mAnasaMyutA | dehaM tyaktvA punarjAtA himAchalagR^ihe sutA || 13|| devesho mAM tatastyaktvA sha~NkaraH parvatAntare | gataH svayaM sa yAchitvA.avR^iNon mAM pitaraM prabhuH || 14|| kiM tyaktvA mAM gataH shambhuH kiM punaryAchitA hyuta | adhunA madadhInaH sa vartate nAtra saMshayaH || 15|| madIyA mamatA sarvA pUrNA jAtA visheShataH | mAninInAM rahasyaM tu mayA saMrakShitaM bhavet || 16|| evaM manasi harSheNa dhanyAtmAnaM nagAtmajA | mene nityaM tataH sarvAH sakhyastAM vachanaM jaguH || 17|| sakhya UchuH | dhanyA tvaM mAninImadhye mAno jitvA tu sha~Nkaram | tapasA rakShito devi tvadadhInaH shivo.abhavat || 18|| tachChrutvA jagadambA sA.atIva mAnayutA.abhavat | hAsyaM chakAra tatraiva chitraM devi babhUva ha || 19|| tasyA hAsyAt samutpannaH puruShaH kAmasannibhaH | mamanAmA mahAbhAgo mahAn parvatasannibhaH || 20|| sA dR^iShTvA vismitA devI sakhIbhistamuvAcha ha | kastvaM kasmAdihAyAtaH kasya kiM cha chikIrShasi || 21|| puruSha uvAcha | tava hAsyAt samutpannaM putraM mAM viddhi mAnade | Aj~nAM kuru kariShyAmi tvadIyAM sarvabhAvataH || 22|| pArvatyuvAcha | mayA mAnaH kR^itaH pUrNaH tasmAt tvaM nirgataH svayam | mamanAmA bhavasvAdya putra mAnaparAyaNaH || 23|| gaNeshaM bhaja bhaktyA tvaM sa te sarvaM pradAsyati | tena sarvatra vishvasmin vikhyAtaH prabhaviShyasi || 24|| tatastasmai mahAdevI dadau mantraM ShaDakSharam | gaNeshasya praharSheNa vidhiyuktaM sutAya sA || 25|| sa tAM praNamya deveshIM tapase vanamAyayau | tatrA.a.ajagAma daityeshaH shambaraH kAlachoditaH || 26|| paprachCha pArvatIputrastaM dR^iShTvA ko bhavAniti | kimarthamiha saMyAto vada me kAraNaM mahat || 27|| shambara uvAcha | vidyAM dAtuM mahAbhAga samAyAto.ahamAdarAt | samarthastvaM tayA nityaM bhaviShyasi na saMshayaH || 28|| evamuktvA mahAdaityo vidyAM nAnAvidhAM dadau | AsurIM tAM mamo nAma sAdhayAmAsa yatnataH || 29|| sAdhayitvA svayaM vidyAM kAmarUpo babhUva ha | nAnAsAmarthyasaMyuktastato vai harShito.abhavat || 30|| shambaraM praNipatyaiva jagAda vachanaM hitam | bhaktiyuktasvabhAvena kR^itA~njalirudAradhIH || 31|| mamAsura uvAcha | tvayA kR^itaM mahAbhAga mahat kAryaM madIyakam | adhunA shiShyabhUtaM te shAdhi mAM kiM karomyaham || 32|| shambara uvAcha | gaNeshaM shaktidattena mantreNArAdhya mAnada | brahmANDarAjyamugraM taM yAchayasva mahAprabhum || 33|| (##Page ## khaM\. 7 a\. 3 pAna 7) tattvaishcha tattvasambhUtairna me mR^ityurbhavet prabho | yAchasva sarvabhAvena nAnyaM ka~nchidvaraM param || 34|| varAn labdhvA mahAbhAga madgehe sa~Ngato bhava | pashchAt ki~nchit kuruShva tvamiti yAche.ahamAdarAt || 35|| tatheti shambaraM so.api mamanAmA jagAda ha | shambaraH svagR^ihaM gatvA harShayukto babhUva ha || 36|| mamastatra samAsInastapastepe sudAruNam | vAyumAtrAshano devi dhyAtvA hR^idi gajAnanam || 37|| divyavarShasahasreNa prasanno gaNanAyakaH | prANasheShaM mamaM tatra yayau dAtuM varAn svayam || 38|| AgataM gaNanAthaM sa na bubodha mahAsuraH | dhyAnasaMsthaM gaNAdhIshastamuvAcha dayAyutaH || 39|| shrIgaNesha uvAcha | varAn brUhi mahAbhAga mama te hR^idi saMsthitAn | dAsyAmi tapasA tuShTo mantrasevanataH param || 40|| gaNeshavachanaM shrutvA mama unmIlya lochane | pashyan vighneshvaraM so.api sattAyukto babhUva ha || 41|| utthAya taM namaskR^itya pUjayAmAsa bhaktitaH | punaH praNamya taM stotuM stotraM so.api samArabhat || 42|| mamAsura uvAcha | namaste gaNanAthAya gaNAnAM pataye namaH | gaNapadapradAtre te gaNarUpapradhAriNe || 43|| vighnAnAM pataye tubhyaM vighnAnAM vighnarUpiNe | bhaktAnAM vighnahantre te itareShAM prahAriNe || 44|| anAthAnAM praNAnAtha nAthAya nAthadAyine | nAthAnAM nAtharUpAyAnAthAya tu namo namaH || 45|| brahmaNAM pataye tubhyaM brahmabhyo brahmadAyine | brahmaNe brAhmaNAnAM cha pAlakAya namo namaH || 46|| ameyashaktaye chaiva shaktirUpadharAya te | shaktibhyaH shaktidAtre te shaktishakte namo namaH || 47|| pareshAya parebhyastu parapadapradAyine | parAya pararUpAya parAtpara namo.astu te || 48|| jyeShTharAjAya jyeShThebhyaH parapadapradAyine | jyeShThAya jyeShThahInAya mAtre pitre namo namaH || 49|| vighneshvarAnantavihArakArin svAnandadAtre sakalAnugoptre | siddheshcha buddheH pataye parAtman heramba sarvatra namo namaste || 50|| kiM staumi yogapradamekadantaM yogasvarUpaM paramArthabhUtam | stotuM na shaktAH prabhavanti vedAH shambhvAdayo yogina eva DhuNDhim || 51|| dhanyo.ahaM sarvabhAvebhyo dR^iShTvA devaM gajAnanam | agamyaM yoginAM sAkShAt kR^itakR^ityo.ahama~njasA || 52|| varado.asi gaNAdhIsha tadA me tattvabhiH kadA | na bhavettadbhavebhyo vai maraNaM tvatprasAdataH || 53|| yadyadichChAmi tattan me saphalaM bhavatu prabho | ArogyAdi samAyuktaM mAM kuruShva gajAnana || 54|| rAjyaM brahmANDagolasya dehi me vA~nChitaprada | sa~NgrAme na samaM tatra ki~nchidbhavatu vighnapa || 55|| sadA vijayasaMyuktamajeyaM sha~NkarAdibhiH | mAM kuruShva gaNAdhIshAmoghashastrapradhAriNam || 56|| shrIgaNesha uvAcha | durghaTaM kathitaM sarvaM tvayA daityendranAyaka | tuShTastathApi dAsyAmi tvayoktaM te bhaviShyati || 57|| stotraM bhavatkR^itaM me cha kAmadaM kAmamichChate | bhaviShyati na sandeho bhuktimuktipradaM tathA || 58|| evamuktvAM.atardadhe.asau gaNesho brahmaNAM patiH | mamAsuraH prasannAtmA.abhavachChambaragehagaH || 59|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite mamAsuravarapradAnaM nAma tR^itIyo.adhyAyaH || 7\.3 \section{7\.4 shivamamAsurasamAgamo nAma chaturtho.adhyAyaH} || shrIgaNeshAya namaH || kashyapa uvAcha | shambaraM praNipatyAdau kathayAmAsa vistarAt | vR^ittAntaM mamanAmA.asau harShitaM taM chakAra ha || 1|| mohinIM pradadau tasmai svaputrIM shambarAsuraH | tayA cha saMsthito reme priye tatra mamAsuraH || 2|| tataH svalpe gate kAle shambaraH shukramAyayau | taM praNamya mahAbhAgaM vR^ittAntaM prajagAda ha || 3|| tataH shukreNa daityendrAH preritAH sarva AyayuH | svayaM shambarasaMyukto jagAma ha mamAsuram || 4|| shukraM samAgataM dR^iShTvA mamAsuraH pratApavAn | taM praNamya mahAbhAgaM kR^itA~njaliH puraH sthitaH || 5|| pUjayAmAsa taM vipraM harShayuktena chetasA | praNamya chA.a.aj~nayA tasyA.a.asane.asau saMsthito.abhavat || 6|| tato daityagaNAstatra samAjagmuH praharShitAH | tAn sarvAn mAnayAmAsa yathAvidhi mamAsuraH || 7|| tataH sarvamataM gR^ihya kAvyo nItivishAradaH | brAhmaNaistaM chAbhiShichya daityAdhIshaM chakAra ha || 8|| pradhAnAH pa~ncha tasyApi babhUvurbalasaMyutAH | pretaH kAlaH kalApashcha kAlajit dharmahA priye || 9|| daityA dAnavabhUpAshcha rAkShasAdaya AdarAt | harShayuktA babhUvuste tataH svasvagR^ihe gatAH || 10|| chintAnAshaM mamo bhUmyAM nirmame nagaraM param | sarvashobhAsamAyuktaM parikhAvalayA~Nkitam || 11|| tatra nAnA janA jagmurvAsArthaM viShayapriyAH | varNAshramayutAH sarve vAsaM chakruH praharShitAH || 12|| daityAdyAstatra saMrejurvisheSheNa nivAsakAH | rAjA mamAsurastAn vai pAlayAmAsa harShitaH || 13|| putrau dvau samashIlau tu mohinyAM sambabhUvatuH | mamAsurAn mahAtejo yuktau daityavivardhinau || 14|| dharmAdharmau tayornAma chakrire brAhmaNAdayaH | tAbhyAM mamAsuro.atyantaM reje tejoyuto mahAn || 15|| ekadA shvashureNA.asau samAnAyya mahAmunim | ushanasaM praNamyA.a.adau jagAda vachanaM param || 16|| mamAsura uvAcha | tava svAmin prasAdena samartho.ahaM na saMshayaH | prajeShyAmi visheSheNa brahmANDaM lokasa~Nkulam || 17|| Aj~nApaya mahAyogin tvadAj~nAvashavartinam | (##Page ## khaM\. 7 a\. 4 pAna 9) dAsaM mAM shAdhi viprendra tavechChA kIdR^ishI bhavet || 18|| kashyapa uvAcha | mamAsurasya vAkyaM sa shrutvA vedavidAM varaH | shukrastaM bhaktisaMyuktaM dR^iShTvovAcha surUpiNam || 19|| shukra uvAcha | gaNeshavaradAnena samartho.asi mahAsura | gaNeshabhaktisaMyukto jaya tvaM vishvama~njasA || 20|| kadAchidapi daityesha dveShaM vighneshvarasya cha | mA kuruShva tadA rAjyaM kariShyasi visheShataH || 21|| tatheti daityamukhyastaM jagAda harShasaMyutaH | tato.asurAn samAhUya vR^ittamAkathayatparam || 22|| te sarve harShasaMyuktAH sAdhu sAdhvabruvan vachaH | dvijairmuhUrtamAlokya niryayau cha mamAsuraH || 23|| apArasenayA yuktashchatura~NgaprabhUtayA | nAnAvAhanagA daityA daityendrA rejura~njasA || 24|| sannaddhA vIramukhyAshcha samAjagmurmahAsuram | mahAbalA mahAvIryAH parvatonmUlane kShamAH || 25|| pradhAnairyuddhamArgaj~naiH putrAbhyAM saMyutaH svayam | mamAsuro rathe saMsthaH shushubhe tejasA yutaH || 26|| pR^ithvIM jetuM mahAvIrA jagmurdvIpasamanvitAm | jitvA kShatragaNAn sarvAn svavashe tAMstu chakrire || 27|| tataH pAtAlagAH sarve sheShaM jitvA mahAbalam | yayuH svargeShu daityendrA indraM krodhasamanvitAH || 28|| indraH suragaNaiH sArdhaM yoddhuM samudyato.abhavat | airAvatasamArUDho yayau sa~NgrAmamaNDalam || 29|| daityendrA shastrasa~NghAtairmardayitvA surendrakAn | mamAsuraM yayuH sarve dhR^itvendraM te praharShitAH || 30|| indrAsanasamArUDho mamAsuraH pratApavAn | shushubhe dAnavendraiH sa sevyamAnaH sadAruNaiH || 31|| satyalokAgataM vIkShya dUtaM sampreShya dAruNam | yoddhuM samudyataM j~nAtvA vedhAH papAla tadbhayAt || 32|| viShNuM gatvA vidhAtA.asau rakSha rakSheti chAbravIt | viShNustaM gR^ihya shambhuM vai sharaNaM prajagAma ha || 33|| j~nAtvA vR^ittAntamevaM sa mamAsuraH pratApavAn | kailAsamAyayau daityairyoddhuM maheshvareNa ha || 34|| shivaloke samAyAto bhAnuH shaktistathA bhayAt | vichArya devapAH sarve daityedraM jagmurAvR^itAH || 35|| maraNe nishchayaM kR^itvA shambhumukhyAH sureshvarAH | mamAsuraM taM sannaddhAH prayayuste sulochane || 36|| mamAsurasya sainyaM tu sannaddhaM krodhasaMyutam | devendrAna yoddhumAyAtaM nAnAvIraprapAlitam || 37|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite shivamamAsurasamAgamo nAma chaturtho.adhyAyaH || 7\.4 \section{7\.5 mamAsurarAjyabhogavarNanaM nAma pa~nchamo.adhyAyaH} || shrIgaNeshAya namaH || kashyapa uvAcha | samAgatAn puro devAn dR^iShTvA krodhasamanvitAH | daityAH praharaNairjaghnuH shastrAstrairmarmabhedibhiH || 1|| devAH krodhayutAstadvajjaghnustAn daityapu~NgavAn | anyonyaM militAH sarve ekIbhUtA yathA.abhavan || 2|| rajastimirabhAvena svaparaj~nAnavarjitAH | purogA~njaghnire sarve svAn parAnapi durmadAH || 3|| dinaikaM dAruNaM yuddhaM babhUve vIramohanam | tataH shoNitajA ghorA nadI tatra prasusruve || 4|| tato rajo.abhavachChAntaM prakAshasaMyutAH punaH | daityA devA vivekena yuyudhurjAtasambhramAH || 5|| tato daityabalairbhagnaM devasainyaM sudAruNam | papAla daityasa~NghaistaddhataM harShasamanvitaiH || 6|| tato bhairavamukhyAshcha viShvaksenAdayo yayuH | AdityAH kAlimukhyAshcha shaktayaH krodhasaMyutAH || 7|| taiH samantAn mahAstraistadbalaM sammarditaM param | daityAnAM bhayasaMyuktaM papAla cha disho dasha || 8|| tataH krodhasamAyuktAH pradhAnA mamakasya te | jagmuH praharaNairvIkShya shastrairjaghnuH surendrakAn || 9|| daityapairbhairavAdyAshcha yuyudhurjAtasambhramAH | yuddhaM tatrA.abhavadghoraM dinaikaM jayamichChatAm || 10|| tato daityendramukhyAste patitA mUrchChayA yutAH | papAlAsurasainyaM tadbhayayuktaM disho dasha || 11|| j~nAtvA mamAsurasyaiva putrau dvau samupasthitau | praNamya pitaraM tau tu yoddhuM jagmaturAdarAt || 12|| tataH kAvyena daityendrA jIvitAH punarutthitAH | yuyudhuste mahAvIrA devaiH paramadAruNAH || 13|| daityairdharmashcha sa~Nkruddho.adharmaH shastrAstravarShiNau | babhUvatushcha devendrAn mUrchChitAMshchakraturmR^idhe || 14|| na ko.api devasainyasthastayorastrabalaM param | asahattattato devAH prapelurbhayasaMyutAH || 15|| tataH shivaH svayaM kruddho vR^iShArUDhaH samAyayau | anu taM jagadambA sA bhAnurviShNuryayau puraH || 16|| teShAM yuddhaM mahAghoraM babhUve romaharShaNam | na vaktuM shakyate devi brahmANDabhayakArakam || 17|| adharmo viShNunA sArdhaM dharmaH sha~NkaramAyayau | kAlajidbhAnunA sArdhaM pretaH shaktyA mahAbalaH || 18|| kapAlaH kAlarudreNa kAlyA dharmaghna eva cha | niyataM yuyudhuH sarve shastrAstrairmarmabhedibhiH || 19|| dinaikaM dAruNaM yuddhaM babhUve devarakShasAm | tataH kAlyA hataH pApI dharmaghnashcha mR^ito.abhavat || 20|| kapAlaH kAlarudreNa trishUlena pramUrchChitaH | pretaH shaktyA hatastatra mamAra khaDgaghAtataH || 21|| trishUlena hato dharmaH shivenAmUrchChito.abhavat | chakreNa viShNunA tadvadadharmo mUrchChitaH kR^itaH || 22|| chakratrishUlakAdyaishcha shastrAstrairdaityasainyakam | hataM sarvatra deveshairhAhAkAraravAkulam || 23|| shoNitaughA mahAnadyastatra jAtA bhayAnakAH | ChinnabhinnAshcha daityAdyAH papaluH sarvatodisham || 24|| tatrA.api shastravegena mR^itAH ke.api sulochane | tato mamAsuraH kruddhaH sa~NgrAmAya yayau svayam || 25|| puraH sthitaM shivaM vIkShya jagAda krodhasaMyutaH | (##Page ## khaM\. 7 a\. 5 pAna 11) sarvasaMhArakaM so.api mahAbalaparAkramaH || 26|| mamAsura uvAcha | tiShTha tiShTha mahAdeva pashya me pauruShaM param | dR^iShTaM tvadIyaM sAmarthyaM sarvadevAtigaM mayA || 27|| evamuktvA mahAdevaM dhanuH sajjamathA.akarot | niShkAshya sudR^iDhaM bANaM mumocha daityanAyakaH || 28|| tAvat trishUlakaM shambhushchikShepa nAshakArakam | mamAsuraM samAsAdya niShphalaM tadbabhUva ha || 29|| bANena sa hataH shambhuH papAta dharaNItale | mUrchChayA pIDito.atyantaM sahasA daityapAlini || 30|| tato mamAsuraH kruddho bANenaikena vakShasi | vivyAdha mAdhavaM devaM mUrchChitaM taM chakAra ha || 31|| shaktiH sUryastataH kruddhau bANAn chikShipatuH parAn | te sarve niShphalA bANAH petuH paramadAruNAH || 32|| tato mamAsuraH sUryaM shaktiM vivyAdha vakShasi | ekaikena sa bANena patitau dharaNItale || 33|| bANavR^iShTiM mahogrAM sa chakre krodhasamanvitaH | tayA devendramukhyAshcha devAH sammarditA mR^idhe || 34|| tato devAn mR^itAn vIkShya kAMshchidbhayasamanvitAn | palato daityarAjaH sa harShito.abhUn mahAmate || 35|| devAn shambhumukhAn gR^ihya yayau svasthAnamuttamam | kAvyena jIvitAn daityAn pradhAnaputramukhyakAn || 36|| tato dharmaM mahAdaityaH kailAsAdhipatiM sutam | adharmaM viShNulokasya nAthaM chakAra harShitaH || 37|| pretaM shaktipurasyApi kapAlaM sa chakAra ha | sauralokAdhipaM vIraM dharmaghnaM brahmaNastathA || 38|| kAlajitaM mahendrasya yamasya kAlakaM param | lokasya chAdhipaM chakre tathA.anyeShAM cha dAnavAn || 39|| tataH svapuramAgamya kArAgAre samAkShipat | devendrAn shivamukhyAn sa rAjyaM chakre mahAbalaH || 40|| brahmANDAdhipatirduShTo babhUva sa mamAsuraH | kR^itakR^ityamivAtmAnaM mene daityendrasaMyutaH || 41|| strImAMsamadirAyukto babhUve bhogalAlasaH | avinAshaM svamAtmAnaM mene dehadharo.api san || 42|| tato.atimadasaMyukto mamAsuraH pratApavAn | devA~NganA narANAM tu kanyA nAgodbhavA balAt || 43|| samAnAyyAsurendraiH sa bubhuje pApanishchayaH | tato bahugate kAle daityendrAn preShya dAruNAn || 44|| khalaH khaNDanakaM chakre varNAshramasukarmaNAm | AsuraM karma sarvatra sthApayAmAsa daNDataH || 45|| na svAhA na svadhA kutra bhavati sma kadAchana | na vaShaTkArabhAvashcha varNasa~NkarabhAvataH || 46|| R^iShayastADitAH kechit kechidbandhanasaMyutAH | devasthAnAni sarvANi khaNDitAni cha dAnavaiH || 47|| tIrthAni puNyavR^ikShAste babha~njuH pApakArakAH | mamAsurAtmakaM karma chakrire sarvamAnavaiH || 48|| pratimA daityanAthasya sthApitAH sarvamandire | ityAdikarmanAshashcha babhUva jagatItale || 49|| hAhAkArayutAH sarve bhraShTA jAtAH sulochane | varNAshramavihInAste janA duHkhasamanvitAH || 50|| rAjyaM chakAra daityesho mamAsuraH suharShitaH | vR^iShTyAdikamabhUttatra kAle sarvaM bhayAkulam || 51|| (##Page ## khaM\. 7 a\. 6 pAna 12) evaM pApe pravR^iddhe tu devAshchopoShaNAnvitAH | kArAgAre sthitAH sarve babhUvuH shokapIDitAH || 52|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite mamAsurarAjyabhogavarNanaM nAma pa~nchamo.adhyAyaH || 7\.5 \section{7\.6 vighnarAjaprAdurbhAvo nAma ShaShTho.adhyAyaH} || shrIgaNeshAya namaH || kashyapa uvAcha | tataH shambhumukhA devA vichAraM duHkhasaMyutAH | mamAsurasya nAshArthaM chakruH sarve bhayAturAH || 1|| tatra viShNurmahAbuddhiruvAcha vAkyamuttamam | devAn sarvAn samAshvAsya vighnarAjaM hR^idi smaran || 2|| viShNuruvAcha | kArAgAre vayaM kShiptAstatra karmaprakhaNDanAt | upoShaNasamAyuktAH kR^itA mamAsureNa cha || 3|| atipApaM mamasyaiva rAjye vR^ittaM maheshvarAH | tena puNyavihIno.ayaM mariShyati na saMshayaH || 4|| sarvasattAdharaH prokto gaNesho vedavAdibhiH | vighnarAjashcha tenA.asau nAmA.abhUddharmapAlakaH || 5|| ApaddharmavidhAnena tadupAsanakaM param | kariShyAmo visheSheNa sa enaM ghAtayiShyati || 6|| tattvaprakAshakaH so.api na tattvarUpadhArakaH | tattvahIno na deveshA ata enaM vadhiShyati || 7|| ativiShayasaMyukto daityendrairmohito bhR^isham | mamAsuro gaNeshAnaM tyaktvA bhogaparo.adhunA || 8|| anyachcha shR^iNuta prAj~nAH kShetreShu vighnapasya cha | mUrtayaH khaNDitAH sarvAH svakIyAH sthApitAH khalaiH || 9|| Adau gaNapateH proktaM pUjanaM smaraNAdikam | tatkarmasu mamenaiva khaNDitaM bhUmimaNDale || 10|| ato vighneshvarashchainaM mArayiShyati nishchitam | taM visheSheNa bhajata devA bhAvasamanvitAH || 11|| viShNorvachanamAkarNya devAH shambhupurogamAH | sAdhu sAdhu tvayA proktaM jagustaM keshavaM priye || 12|| tato devA gaNeshAnaM chintya sa~NkaTamuktaye | mantrasnAnaM prachakruste nyAsAdIMshcha manomayAn || 13|| dhyAtvA gaNapatiM sarve pupUjurmAnasaiH pR^ithak | upachArairanekaiste jepurmantraM hR^idA param || 14|| ekAkSharavidhAnena yuktAstepustapo mahat | sa~Ngopya bhayasaMyuktA nirAhAraparAyaNAH || 15|| evaM varShashate pUrNe tAn yayau gaNanAyakaH | bhAdrashuklachaturthyAM tu madhyAhne varadAyakaH || 16|| taM dR^iShTvA harShasaMyuktA devA utthAya satvaram | praNemuH pUjayAmAsurmAnasairupachArakaiH || 17|| punaH praNamya vighneshaM tuShTuvuH karasampuTAH | sAshrunetrAH priye devA bhaktinamrAtmakandharAH || 18|| (##Page ## khaM\. 7 a\. 6 pAna 13) devendrA UchuH | namaste vighnarAjAya bhaktavighnavidAraNa | abhaktebhyo visheSheNa vighnadAtre namo namaH || 19|| gaNeshAya pareshAya herambAya namo namaH | chaturbAhudharAyaiva nAgeshadhvajine namaH || 20|| ameyAyApratArkyAya sadA svAnandavAsine | brahmaNAM pataye tubhyaM brahmadAtre namo namaH || 21|| sA~NkhyAya bodharUpAya puruShAya parAtmane | gaNeshAya prakR^itaye triguNAya namo namaH || 22|| sraShTre pAtre cha saMhartre prakAsharUpadhAriNe | mohakAya trilokasthanAthAya te namo namaH || 23|| nAnAmAyAprachAlAya mAyibhyo mAyayA prabho | mohadAya visheSheNa mAyikAya namo namaH || 24|| nAnAbhedamayaM brahma vighnayuktaM na saMshayaH | tatrAnandayutAyaiva samabhAvAya te namaH || 25|| sarvabhedavihInaM yadbrahmAmR^itamayaM param | bhedahInena vighnena yutaM shAstrapramANataH || 26|| bhedayuktaM gaNAdhIsha bhedahInaM tvayA param | sR^iShTaM dvandvamayaM nAtha tayornAthAya te namaH || 27|| AnandaM paramaM brahma vighnAnAM hArakaM matam | dAyakaM tattvameveti vighnarAja namo.astu te || 28|| taM vighnarAjarAjaM tu pashyAmashcharmachakShuShA | dhanyA vayaM gaNAdhIsha tava pAdasya darshanAt || 29|| evamuktvA praNemuste devAH shambhupurogamAH | sa tAnuvAcha vighnesho bhaktyA stotreNa yantritaH || 30|| shrIvighnarAja uvAcha | varAn brUta mahAdevA yeShAM yAn manasIpsitAn | dAsyAmi stotrasantuShTastapasA dhyAnashAlinA || 31|| bhavatkR^itamidaM stotraM sarvasiddhipradaM bhavet | paThate shR^iNvate devA vA~nChitArthapradAyakam || 32|| gaNeshavachanaM shrutvA devA harShasamanvitAH | praNamya taM punaH prochurharShagadgadayA girA || 33|| devA UchuH | tava pAde.achalAM bhaktiM dehi vighnesha naH parAm | yayA vighnavihInAshcha shAntiM prAptAH suyoginaH || 34|| mamAsuraM nAtha jahi sarvapIDApradAyakam | dharmadhvaMsakaraM pUrNaM varNasa~NkarakAriNam || 35|| kArAgAre vayaM kShiptA varadAnaprabhAvataH | adhunopoShaNairyuktAH kR^itAstenAsureNa cha || 36|| evaM teShAM vachaH shrutvA vighnarAjaH pratApavAn | tatheti tAnuvAchedaM kariShyAmi vacho hitam || 37|| etasminnantare devi tatra chitraM babhUva ha | daityAH saMsthApitAH pUrvaM rakShArthaM ye divaukasAm || 38|| te dR^iShTvA cheShTitaM teShAM gaNeshA.a.agamanAtmakam | gatvA taM sarvavR^ittAntaM kathayAmAsurAdarAt || 39|| rakShakA UchuH | devaiH saMrAdhitastatrA.a.ayayau vighnapatiH prabho | taM praNamya maheshAdyAstuShTuvustadvadhAya cha || 40|| tatheti gaNanAthena kR^itaM sarvaM na saMshayaH | adhunA daityanAtha tvaM yat kariShyasi tat kuru || 41|| teShAM vachanamAkarNya krodhayukto mamAsuraH | sarvAnAnAyya vR^ittAntaM kathayAmAsa vistarAt || 42|| shrutvA te bhayasaMyuktA babhUvurjAtasambhramAH | jagustaM praNipatyaiva vachanaM svahitAvaham || 43|| daityendrA UchuH | kArAgAre sthitA devAstaiH kathaM gaNanAyakaH | (##Page ## khaM\. 7 a\. 7 pAna 14) ArAdhito visheSheNa varadashcha babhUva ha || 44|| daityairdR^iShTastattvamayo gaNAdhIsho na saMshayaH | tattvahIno na daityendra dR^ishyate kenachit kadA || 45|| ataH sadevakaM taM tu haniShyAmo na saMshayaH | kiM kariShyati vighneshastvAM dhruvaM mR^ityuvarjitam || 46|| evamuktvA mahAdaityAshchakrurnAdaM bhaya~Nkaram | devAdInAM tataH sarve sannaddhAH prababhUvire || 47|| etasminnantare tatra punashchitraM babhUva ha | nArado vighnarAjaM taM yayau harShasamanvitaH || 48|| praNamyAstutya vighneshaM gAnaM chakAra harShataH | jagAda taM mahAyogI prabho jahi mamAsuram || 49|| muniM taM vighnarAjastu sAmArthaM daityapasya vai | samIpe preShayAmAsa sa yayau daityanAyakam || 50|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite vighnarAjaprAdurbhAvo nAma ShaShTho.adhyAyaH || 7\.6 \section{7\.7 mamAsuragarvaharaNaM nAma saptamo.adhyAyaH} || shrIgaNeshAya namaH || kashyapa uvAcha | samAgataM mamo daityo nAradaM pUjya daityapaiH | praShTuM samudyato yAvattAvattaM nArado.abravIt || 1|| nArada uvAcha | Apaddharmavivekena devaiH saMrAdhito.adhunA | gaNesho varado bhAti devebhyaH siddhidAyakaH || 2|| tvadvadhArthaM mahArAja prArthito devanAyakaiH | tatheti pratipAdyaiva tatra saMstho.adhunA prabhuH || 3|| sAmArthaM preShayAmAsa mAM mama te.atra sannidhau | shR^iNu vAkyaM madIyaM tvaM hitaM tena bhaviShyati || 4|| vighnAH sattAtmakAH proktAH sattA.atra trividhA matA | satyasa~NkalparUpA cha parAdhInAtmikA prabho || 5|| satyasa~NkalpasattAyA dhArakA brahmavAchakAH | parameshvarasa.nj~nAste svAdhInAH prabhavanti ye || 6|| anye narAdayaH proktAH sattAvanto na saMshayaH | teShu daivaM samAkhyAtaM daivAdhInAstataH smR^itAH || 7|| tvaM vareNa samartho.asi svasattAsaMyuto na cha | varasattAtmako daitya parAdhIno na saMshayaH || 8|| parAdhInA narA vighnaiH pIDitAH sarvadA matAH | vR^ithA garvayutA ante sattAhInA bhavantyuta || 9|| ahaM brahmeti mohena mohitA jagadIshvarAH | madAdhAramidaM sarvaM vishvaM chalati te.abruvan || 10|| asmabhyo na paraM ki~nchit sattAhInAstadA.abhavan | satyasa~NkalpajAM teShAM siddhiM gR^ihNAti vighnapaH || 11|| ato vighnayutaM sarvaM jAnIhi dvividhaM matam | satyAsatyamayaM daitya dvandvamAyAvimohitam || 12|| AnandaM paramaM brahma dvandvahInaM samAtmakam | dvandveShu dvandvabhAvAkhyaM paraM tanmohavarjitam || 13|| tadeva vighnarAjAkhyaM brahma vedaiH prakAshitam | devairArAdhitaM pUrNaM dehadhAri babhUva ha || 14|| (##Page ## khaM\. 7 a\. 7 pAna 15) adhunA tat samAyAtaM devAgAreShu daityapa | tadgachCha sharaNaM no chen mariShyasi na saMshayaH || 15|| svasvadharmayutaM sarvaM vishvaM bhavatu daityapa | svadharmanirato bhUtvA tiShTha sthAne svake sadA || 16|| svargabhogakarA devA narA bhUmisamAshritAH | daityAH pAtAlagA bhUtvA tiShThantu sukhasaMyutAH || 17|| varNAshramayutA lokAstiShThantu nityamAdarAt | evaM kR^itvA mama tvaM tu tiShTha vai bhogasaMyutaH || 18|| etasminnantare tatra vAgbabhUvAsharIriNI | mA garvaM kuru daityendra nAradAj~nAvasho bhava || 19|| nochedvighnapatiH kruddhastvAM haniShyati nishchitam | atastaM sharaNaM gachCha sarvasiddhipradAyakam || 20|| mamAsurashcha tAM shrutvA khedayukto babhUva ha | shukraM tatra samAnAyya vichAramakarot param || 21|| shukreNA.api tathA proktaM tataH sa bhayasaMyutaH | praNamya nAradaM vAkyaM jagAda hitamAtmanaH || 22|| mamAsura uvAcha | tvayA nArada yat proktaM tathA shukreNa nishchitam | devAnAM hitamatyantaM nA.ahaM yAmi gajAnanam || 23|| Adau mayA visheSheNa sevito.ayaM mahAmune | mAM tyaktvA devanAthaH so.abhavattena nayAmi tam || 24|| maraNaM me yadA prAptaM bhaviShyati yashaskaram | shatrUNAM sharaNaM vipra na yogyaM mAninAM kadA || 25|| tasya tadvachanaM shrutvA nAradaH punarabravIt | mA chintAM kuru daityendra nAyaM devasahAyavAn || 26|| devA madayutA jAtA daityAn jaghnuH pramohitAH | daityAnAM mUlanAshArthaM pAtAlaM vivishuH purA || 27|| tadA.ayaM varado bhUtvA tava sAmarthyataH svayam | devAn madavihInAMshcha chakAra vighnanAyakaH || 28|| api tvaM mohasaMyuktastyaktvA gaNapatiM param | karmanAshanataH sarvAn devAn hantuM samudyataH || 29|| karmanAshaprabhAveNa devA naShTA bhavanti cha | nirdevaM vishvamatyantaM tadA bhavati sarvadA || 30|| atastvAM hantumudyukto vighnarAjo mahAsura | svasvadharmayutAMshchettAnna hanti brahmanAyakaH || 31|| surAsuramayashchAyaM siddhibuddhivihArakR^it | siddhibuddhivihInastvaM kiM kariShyasi tadvada || 32|| vighnarAjasya vighnaM tu kaH kShamo jAyate vada | kartuM vighnayuto nityaM mUrkhabhAvAn mariShyasi || 33|| AnandaM brahma vedeShu kathitaM sadasanmayam | na tattvasaMyutaM daitya tattvahInaM na vidyate || 34|| sarvatra yogabhAvena saMsthitaM dvandvadhArakam | sa eva vighnarAjastvAM haniShyati na saMshayaH || 35|| tenaiva trividhaM sarvaM rachitaM yogamAyayA | svasvadharmayutaM vishvaM kR^itaM krIDArthama~njasA || 36|| yadA garvayutA daitya jantavashcheshvarAdayaH | tyaktvA svadharmaM mohena saMsaktA viShaye.abhavan || 37|| sarvairavadhyatAM prApya kurvanti manasIpsitam | tadA.ayaM dehadhArI sambhavate madanAshakaH || 38|| asanmayo gaNeshasya dehaH sanmayamastakam | tenA.ayaM gajavaktro.abhUttaM gachCha sharaNaM param || 39|| nAradasya vachaH shrutvA tathA kAvyasya daityapaH | mamAsuraH khavANIM tAM vichAramakarot hR^idi || 40|| (##Page ## khaM\. 7 a\. 7 pAna 16) gaNesho brahmarUpo.ayaM svAnande vAsakArakaH | gachChAmi sharaNaM taM svahitaM tena bhaviShyati || 41|| vighnarAjamanAdR^itya siddhibuddhipatiM prabhum | ko vighnahInatAM prApya tiShThedvai sarvamaNDale || 42|| svayaM daityAnuvAchAtha vachanaM hitakArakam | mamAsuraH prasannAtmA gaNesho mamatAM dadhau || 43|| mamAsura uvAcha | daityendrAH kAlamukhyA me vachanaM shR^iNuta priyAH | kAvyena nAradenoktaM khavANyA tat karomyaham || 44|| tasya tadvachanaM shrutvA dharmAdharmau samUchatuH | na devapakShiNaM yogyaM sharaNaM jagadIshvaram || 45|| maraNaM raNamadhye tu svargadaM kIrtidaM bhavet | tasmAdyudhyAmahe tAta vighneshena visheShataH || 46|| dehadhArI gaNeshAnaH kiM kariShyati mAM vada | tAta te mAyayA devA darshayanti pramohakam || 47|| nArado gaNarAjasya bhaktastasya vachaH katham | daityendraiH saha mAnyaM tvaM kariShyasi mahAmate || 48|| nAradabhAvarakShArthaM kAvyo vadati vai tathA | devaiH saMrachitA vANI khasthA tasyA vacho vR^ithA || 49|| mA kuruShva bhayaM tAta tattvayuktaM gajAnanam | haniShyAmaH pratApena tava daityaprapAlaka || 50|| evamuktvA mahAvIrau rathArUDhau babhUvatuH | devAn hantuM pragarveNa jagmatuH krodhasaMyutau || 51|| mAmeti vachanaM daityanAthasya tyajya durmadau | dharmAdharmau gaNeshAnaM jagmaturhananAya cha || 52|| tato gaNeshvaraM vipro nAradaH prajagAma ha | kathayAmAsa vR^ittAntaM so.api krodhayuto.abhavat || 53|| devAn bhayayutAn vIkShya jagAda gaNanAyakaH | mA bhayaM kuruta prAj~nA haniShyAmi mamAsurAn || 54|| amoghAstrabalairyukto mamAsuraH pratApavAn | samAgataH so.api chettaM haniShyAmi na saMshayaH || 55|| evamuktvA gaNAdhIshaH kamalaM nijahastagam | mumocha krodhasaMyukto mahAstraM brahmarUpakam || 56|| kShaNena kamalaM tatra daityasainye papAta ha | tasmAjjAtaH suvAsashcha prasasAra mahItale || 57|| gaNeshAnaM dviShantastAn jaghAna vAsa AgataH | dveShahInAn samutsR^ijya tadadbhutamivA.abhavat || 58|| vAsaM gR^ihya mahAdaityau dharmAdharmau mR^itau mR^idhe | pradhAnAH pa~ncha tadvatte mR^itAstatra babhUvire || 59|| tato hAhAravaM kR^itvA daityAH pAtAlamAvishan | kamalaM krodhasaMyuktaM jagAma ha mamAsuram || 60|| suvAsakaM tasya gR^ihya mUrchChito.abhUn mamAsuraH | praharArdhena daityeshaH sAvadhAno babhUva ha || 61|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite mamAsuragarvaharaNaM nAma saptamo.adhyAyaH || 7\.7 (##Page ## khaM\. 7 a\. 8 pAna 17) \section{7\.8 mamAsurashAntivarNanaM nAmAShTamo.adhyAyaH} || shrIgaNeshAya namaH || kashyapa uvAcha | tato mamAsurastatra sAvadhAno babhUva ha | samIpe kamalaM saMsthaM dR^iShTvA bhayayuto.abhavat || 1|| tyaktvA garvaM mahAdaityaH kamalaM praNanAma ha | kR^itvA karapuTaM bhIto.abhavat stotuM samudyataH || 2|| mamAsura uvAcha | kamalAya namastubhyaM gaNeshashastramukhyaka | vAsanAnAM pareshAya suvAsadhAriNe namaH || 3|| viShayeShu suvAsena mohitAH sambhramanti te | saMsAre duHkhasaMyuktAH sukhayuktAH tvayA kR^itAH || 4|| yogavAsanayA yuktA brahmabhUtA bhavanti te | vAsanAnAM prabhedAshcha bahavasteShu kiM bruve || 5|| teShAM brahmasvarUpAya khelakAya namo namaH | vishvaM kamalasambhUtaM padmAkAraM vadanti tat || 6|| atastvAM kaH samarthaH syAt stotuM shastrottamottama | namo namaH prasanna tvaM bhava mAM rakSha te bhayAt || 7|| daityeshaM saMstuvantaM taM dR^iShTvA shAntiM samAdadhe | kamalaM gaNarAjasya hastagaM prababhUva ha || 8|| mamAsuraH prasannAtmA kAvyena vighnanAyakam | jagAma taM praNamyaiva pupUje bhaktisaMyutaH || 9|| punaH praNamya vighneshaM kR^itvA karapuTaM priye | tuShTAva harShasaMyukto j~nAtvA taM brahmanAyakam || 10|| mamAsura uvAcha | vighneshAya namastubhyaM sarvasattAprachAline | anAdaye pareshAya brahmeshAya namo namaH || 11|| gaNeshAya gaNAnAM tu chAlakAya parAtmane | AnandAya sadAnandadAyakAya namo namaH || 12|| herambAyaikadantAya shUrpakarNAya DhuNDhaye | lambodarAya vai tubhyaM bhaktapAla namo namaH || 13|| svAnandapataye tubhyaM yogAkArasvarUpiNe | shAntibhyaH shAntidAtre te shAntisthAya namo namaH || 14|| jyeShTharAjAya pUjyAya sarveShAM sarvanAyaka | vinAyakAya devAnAM daityAnAM pAlakAya te || 15|| AdipUjyAya chAnte te avashiShTAya te namaH | siddhibuddhipate tubhyaM chaturbhuja namo namaH || 16|| sheShasyoparisaMsthAya nAgeshadhvajadhAriNe | gajAnanAya devesha namo daityesharUpiNe || 17|| bhaktAnAM vighnahantre te hyabhaktAnAM vinAshine | yoginAM samabhAvAya hR^idisthAya namo namaH || 18|| nAnAbhedamayaM brahmAsadrUpaM vedavAdataH | bhedahInaM cha sadrUpaM tayoH sAmye tvama~njasA || 19|| samasvAnandasaMstho yaH ko jAnAti cha taM prabhum | vighnarAjaM prapashyAmi pratyakShaM brahmanAyakam || 20|| tenA.ahaM kR^itakR^ityashchA.adhunA jAto na saMshayaH | dhanyaM me janma karmAdi yena dR^iShTo gajAnanaH || 21|| kiM staumi tvAM gaNeshAna yatra vedAdayaH prabho | shAntiM prAptA visheSheNa yoginaste namo namaH || 22|| evaM mamAsuraH stutvA nanartAsau subhAgyavAn | romA~nchitasharIrashcha sAshrunetraH surUpiNi || 23|| tamuvAcha mahAbhaktyA yutaM vighnapranAyakaH | varaM brUhi mahAbAho dAsyAmi stotratoShitaH || 24|| tvayA kR^itamidaM stotraM madIyaM sarvadaM bhavet | sakAmebhyo visheSheNa nAnAkAmapradAyakam || 25|| niShkAmebhyo mahAmokShadAyakaM prabhaviShyati | (##Page ## khaM\. 7 a\. 9 pAna 18) mama bhaktipradaM chaitan mama bhAvaharaM sadA || 26|| vighneshavachanaM shrutvA taM praNamya mamAsuraH | jagAda bhaktisaMyukto vighnarAjaM kR^itA~njaliH || 27|| mamAsura uvAcha | yadi prasannabhAvena varaM dAsyasi vighnapa | tava bhaktiM sthirAM dehi mAyAnAshakarIM prabho || 28|| gANapatyasahAvAsaM dehi nAtha nirantaram | sthAnaM bhakShyAdikaM DhuNDhe tatra sthAsyAmi yantritaH || 29|| dAso.ahaM te gaNAdhIsha nAnyaM yAche varaM param | tava darshanamAtreNa j~nAnayukto.ahama~njasA || 30|| vighnesha uvAcha | madIyA bhaktirugrA te bhaviShyati mamAsura | gANapatyapriyatvaM cha yogayukto bhaviShyasi || 31|| svasthAne nirbhayo bhUtvA tiShTha tvaM matparAyaNaH | svadharmavidhihInaM tvaM karma bhu~NkShva janaiH kR^itam || 32|| yatrAdau pUjanaM me na smaraNaM vA mamAsura | mama bhAvena sammohya rAjyaM kuru hR^idi sthitaH || 33|| madbhaktAn dAsavannityaM rakShasva snehabhAvataH | mama bhAvavihInAMshcha kuru me mamatAyutAn || 34|| evaM vighneshvarasyaiva shrutvA vachanamuttamam | mamAsurastaM tatheti prahR^iShTo vAkyamabravIt || 35|| praNamya taM mamo daityaH svasthAne prajagAma ha | shAntiM dhR^itvA gaNeshAnaM bhajate sarvabhAvataH || 36|| daityAstaM tyajya sarve tu bhayayuktA visheShataH | pAtAlaM vivishuH sadyaH so.api harShayuto.abhavat || 37|| evaM mamAsuraM shAntaM chakAra vighnanAyakaH | svAdhInaM kR^itya taM sthAne sthApayAmAsa mAnini || 38|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite mamAsurashAntivarNanaM nAmAShTamo.adhyAyaH || 7\.8 \section{7\.9 kShetravarNanaM nAma navamo.adhyAyaH} || shrIgaNeshAya namaH || kashyapa uvAcha | mamAsuraM shAntiyutaM vIkShya devAH suharShitAH | praNamya munisaMyuktAH pupUjurvighnanAyakam || 1|| pUjya taM hR^iShTaromANaH punaH praNamya bhAvataH | tuShTuvurvighnarAjaM te baddhA~njalaya AdarAt || 2|| devarShaya UchuH | sAmyasvarUpaM dvividheShu saMsthaM dvandvairvihInaM paramArthabhUtam | AnandanAthaM nijabhaktapoShaM taM vighnarAjaM satataM bhajAmaH || 3|| sarvAtmakaM bimbamatho vidhAya tenaiva dvandvaM rachitaM gaNesha | satyasvarUpaM cha paraM hyasatyaM taM vighnarAjaM satataM bhajAmaH || 4|| bhedairvihInaM paramaprameyaM sAkShimayaM kR^itya vinAyakatvam | tatraiva nityaM samabhAvasaMsthastaM vighnarAjaM satataM bhajAmaH || 5|| DhuNDhe tvayA bhedayutaM dvitIyaM sR^iShTaM paraM brahma vihAradaM cha | (##Page ## khaM\. 7 a\. 9 pAna 19) utthAnarUpaM tvamapi prasaMsthastaM vighnarAjaM satataM bhajAmaH || 6|| tvanmAyayA mohayute pareshe anyonyamAdau milite prakAshin | tatra sthitastvaM cha vimohashUnyastaM vighnarAjaM satataM bhajAmaH || 7|| tvatpreritaM dvandvamayaM paraM cha so.ahaM tathA bindumayaM chakAra | tatsthaH samatvena vihArakAriMstaM vighnarAjaM satataM bhajAmaH || 8|| tAbhyAM militvA rachitaM gaNesha vishvaM chatuShpAdamayaM purANam | tatraiva te nAtha prakAshabhAvastaM vighnarAjaM satataM bhajAmaH || 9|| evaM svatotthAnabalena kR^itvA sAmyasvarUpeNa vihArakArin | tadbhAvashUnyo.asi gajAnana tvaM taM vighnarAjaM satataM bhajAmaH || 10|| evaM pareshAdhipatena sR^iShTaM tvaM tAdR^isho no gaNarAja bhAsi | sA~NkhyasvarUpaM pravadanti vedAstaM vighnarAjaM satataM bhajAmaH || 11|| doShairvihInaM pravadanti sA~NkhyaM tasmAnna vighneshvara sA~NkhyasaMsthaH | utthAnahIno na bhaveH kadApi taM vighnarAjaM satataM bhajAmaH || 12|| svAnandavAsI gaNanAyakastvamAnandarUpo.asi vadanti vedAH | dvandvaprakAshashcha tadAtmashUnyaH taM vighnarAjaM satataM bhajAmaH || 13|| nityaM manovAkprabhavaishcha hInaH sAmyAtmakenaiva suyogakena | lakShyaH sadAnandaghanaprakAshastaM vighnarAjaM satataM bhajAmaH || 14|| stotuM na shaktAH prabhavanti vedA herambamAdyaM praNamAmahe tvAm | tenaiva tuShTo bhava devadeva taM vighnarAjaM satataM bhajAmaH || 15|| sarvAtmakaM tvAM pravadanti sarve yogIndramukhyAH prabhudAsabhUtAH | tatraiva te dhyAnamapAramevaM taM vighnarAjaM satataM bhajAmaH || 16|| teShAM manobhaktibhavaM cha bhAvaM saMrakShaNArthaM vapuShA prayuktaH | tatraiva bhaktiM kurute subhaktastaM vighnarAjaM satataM bhajAmaH || 17|| dehastvasadbrahmamayashcha te.ayaM sadrUpatuNDaM gajavAchakaM te | yoge tayostvaM cha vibhAsi devastaM vighnarAjaM satataM bhajAmaH || 18|| karyAnanaM tvAM pravadanti tena santaH sadA yogamayaM hR^idistham | siddhipradaM buddhiprachAlakaM vai taM vighnarAjaM satataM bhajAmaH || 19|| brahmA.ahamevaM madadhInakaM cha vishvAdikaM brahmagaNA vadanti | tvanmAyayA mohitachetasaste taM vighnarAjaM satataM bhajAmaH || 20|| sattAvihInAn prakaroShi tAMstvaM vighnapradAnena mahAnubhAva | svArthairvihInAH prabhavanti pUrNAstaM vighnarAjaM satataM bhajAmaH || 21|| a~NghriM punaste sharaNAshritAste vighnena hInAH prabhavo bhavanti | vighneshanAmA.asi tatastvameva taM vighnarAjaM satataM bhajAmaH || 22|| etAdR^ishaM vighnapatiM kathaM vai stotuM vayaM yogamayaM bhavAmaH | vedA na shaktA manasA hyalabhyaM taM vighnarAjaM satataM bhajAmaH || 23|| kashyapa uvAcha | evaM stutvA gaNAdhIshaM praNemuramararShayaH | tuShTastAnabravIddevo vighnesho brahmaNAM patiH || 24|| vighnesha uvAcha | devarShayo varAn brUta mahAbhAgA hR^idIpsitAn | dAsyAmi stotratuShTo.ahaM bhaktyA svAdhInatAM gataH || 25|| bhavatkR^itamidaM stotraM bhavet sarvArthadAyakam | (##Page ## khaM\. 7 a\. 9 pAna 20) yaH paThechChR^iNuyAdvA.api sa sarvaM prApnuyAt param || 26|| vidyAmAyurdhanaM dhAnyaM yasho dharmaM tathArthakam | kAmaM mokShaM brahmabhUyaM dAsyAmi stotrapAThataH || 27|| putrapautrAdikaM saukhyamArogyAdisamanvitam | vijayaM jayakAle cha stotrapAThAllabhennaraH || 28|| mAraNochchATanAdyaM chAnena siddhaM bhaviShyati | parakR^ityaprashamanaM bhavechcha maraNAdikam || 29|| kArAgR^ihAdijA pIDA nashyedanena nishchitam | sahasrAvartanAddevA munayo nA.atra saMshayaH || 30|| ekaviMshativAraM chaikaviMshati dinAni cha | paThedvA shR^iNuyAt so.api manasIpsitamApnuyAt || 31|| madbhaktivardhanaM chedaM bhaviShyati nirantaram | aparAdhAdikasyA.api nAshakaM chAstu sarvadA || 32|| evaM gaNapatervAkyaM shrutvA tamamararShayaH | praNamya devamUchuste vachanaM bhaktisaMyutAH || 33|| devarShaya UchuH | yadi prasannatAM yAto vighneshaste padAmbuje | bhaktiM dehi visheSheNa varaM nAnyaM vR^iNImahe || 34|| mamAsurastvayA nAtha shAntiyuktaH kR^ito mahAn | tena svasthAnagAH sarve bhaviShyanti divaukasaH || 35|| munayaH karmakartAro janAH svadharmasaMyutAH | bhaviShyanti gaNAdhyakSha vR^iNImahi kimapyaho || 36|| kR^itaM tvayA varANAM yat kAryaM vighnavidAraNa | tatheti tAnathoktvA.asau deveshoM.atardadhe priye || 37|| devA munigaNaiH sArdhaM taM praNamya visheShataH | khedayuktA gaNAdhyakShaM sthApayAmAsurAdarAt || 38|| himAchalasya madhye tat sthAnaM vighnapateH param | sampUrNamuttaradishi sarvasiddhipradAyakam || 39|| bhAdrashuklachaturthyAM tu madhyAhne sthApitaH paraH | vighnesho munibhiH sArdhaM devaiH sarvasukhAvahaH || 40|| madhye vighnapatiH sAkShAdvAme siddhiH sthitA svayam | buddhishcha dakShiNA~Nge tu nAgeshaH purataH sthitaH || 41|| kShetrANi pR^iShThabhAge cha prayAgAdIni mAnade | saMsthitAni prasevArthaM vighnarAjasya nityadA || 42|| vAme shumbhumukhA devA dakShiNA~Nge munIshvarAH | purato gaNarAjasya sevante taM sulochane || 43|| asurA nAgamukhyAshcha gandharvApsarasastathA | nAnAsiddhagaNAstatra vasanti sevanotsukAH || 44|| ga~NgAdyAH saritastatra bhaktiyuktA vasanti cha | anye nAnA janA devi vasanti bhaktikArakAH || 45|| dashayojanavistAraM kShetrasya mukhyabhAvataH | chaturasraM mahAkShetraM j~nAtavyaM svasukhapradam || 46|| tatra gaNeshatIrthaM tu sarvasiddhipradAyakam | jantave snAnamAtreNa bhuktimuktipradaM bhavet || 47|| anyeShAM viShNumukhyAnAM tatra tIrthAni yoginAm | sthitAni snAnamAtreNa svasvasAyujyadAni tu || 48|| anyadevAdikAnAM ye bhaktAH kShetre mR^itA yadi | te sarve shuklagatyA cha brahmabhUtA bhavanti vai || 49|| yAtrAM tatra prakurvanti bhaktA bhAdrapade priye | shuklapakShe chaturthyAM vai mahotsavaparAyaNAH || 50|| kShetravAsijanAH sarve devarShigaNasaMyutAH | parasparaM visheSheNa bodhayanti gajAnanam || 51|| (##Page ## khaM\. 7 a\. 10 pAna 21) vighnarAjacharitrANi kathayanti parasparam | sAshrunetrA bhavantyete bhaktyA vighneshvarasya cha || 52|| yasmin kasmin dine devi yAtrAM kurvanti mAnavAH | iha bhuktvA.akhilAn bhogAnante muktimavApnuyuH || 53|| ye tatra vighnarAjaM tu namanti manasIpsitam | labdhvA sukhayutAH sarve bhavante nAtra saMshayaH || 54|| yatra kutra sthitA devi bhaktA vighneshvarasya cha | brahmabhUtA na sandeho darshanAt pAvanA nR^iNAm || 55|| mAnuShaM dehamApyaiva na pashyedvighnanAyakam | pashutulyaH sa vij~neyo janma tasya nirarthakam || 56|| evaM khaNDeShu sarveShu dvIpeShu kShetramuttamam | vighnarAjasya vipreshaiH kR^itamuttaradigbhavam || 57|| brahmabhUyapradaM kShetraM vaighneshaM cha chatuShpadam | tasya kiM varNanaM kuryAM yatra vedA visismire || 58|| sa~NkShepeNa mayA proktaM kShetramAhAtmyamuttamam | vistareNa na ko.apyetadvarNayituM kShamo bhavet || 59|| evaM vighneshvaro devo nAnA.avatArakArakaH | bhaktAnAM rakShaNArthAyAbhaktAnAM haraNAya cha || 60|| avatArA asa~NkhyAtA vighneshasya mahAtmanaH | teShAM charitrakaM vaktuM na samartho.ahama~njasA || 61|| idaM mamAsurasyaiva shamanaM kathitaM mayA | charitraM vighnarAjasya sarvasiddhipradAyakam || 62|| shR^iNuyAdyaH paThedvA.api bhayaM tasya mamAtmakam | na bhavedIpsitaM sarvaM labhedbrahma sanAtanam || 63|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite mamAsurashAntiyuktavighneshacharita\- kShetravarNanaM nAma navamo.adhyAyaH || 7\.9 \section{7\.10 viShNvavatAravarNanaM nAma dashamo.adhyAyaH} || shrIgaNeshAya namaH || ditiruvAcha | shrutvA brahmapradaM pUrNaM sarvasiddhipradAyakam | charitaM vighnarAjasya na tR^iptA.ahaM munIshvara || 1|| aho vighnapatiH sAkShAdbrahmabhUto na saMshayaH | mayA j~nAto.adhunA nAtha tava vAkyAdvisheShataH || 2|| avatArAn vada svAmin vighneshasya mahAtmanaH | mukhyAnapArakeShu tvaM tArayasva bhavArNavAt || 3|| mudgala uvAcha | evaM pR^iShTo mahAyogI kashyapo harShasaMyutaH | samAli~Ngya priyAM dakSha jagAda vachanaM hitam || 4|| dhanyA.asi dakShaputri tvaM yena vighneshvare ratiH | jAtA te sArthakaM sarvaM kariShyasi na saMshayaH || 5|| vighneshena mahAdevi sR^iShTaM brahma hyasanmayam | sadrUpaM tatra bimbena mAyAbhyAM saMsthitaH prabhuH || 6|| tatastAbhyAM militvA vai sR^iShTaM cha dvividhaM param | svataH parata utthAnaM tataH so.ahaM cha bindukam || 7|| tatashchaturvidhaM devi vishvaM sR^iShTaM visheShataH | (##Page ## khaM\. 7 a\. 10 pAna 22) sthUlasUkShmasamAtmAkhyamekAnekAdisaMyutam || 8|| evaM nAnAvidhaM brahma vishvaM nAnAvidhaM purA | Anandena vihInatvAdbabhau vyApAravarjitam || 9|| svasvakriyAM prachakrurvai na tatra mohayuktatA | hInatA na tathA tAni khedayuktAni sambabhuH || 10|| taistapo ghorarUpaM tu kR^itaM vighneshvarasya vai | dhyAtvA brahmamayaM rUpamekAkSharavidhAnataH || 11|| divyavarShasahasre tu gate tu vighnanAyakaH | hR^idi teShAM prasanno.abhUt prakaTashcha babhUva ha || 12|| naraku~njarayuktaM yaddarshayAmAsa rUpakam | dR^iShTvA taM harShitAni brahmANi vai nemurantare || 13|| vighneshakR^ipayA teShAM tadrUpaj~nAnajo.amalaH | bodho babhUva tenaiva tuShTAni sma bhajanti tam || 14|| tato viShNusvarUpeNa vighnesho varado.abhavat | Agatya tAn uvAchAtha varAn vR^iNuta sarvapaH || 15|| tato brahmANi taM dR^iShTvA vismitAni babhUvire | vighneshakR^ipayA teShAM j~nAnaM tasya babhUva ha || 16|| bimbAtmakashcha sarvatra vighnesho.ayaM pratApavAn | svamahimni sthitaH so.api gajavaktrAdichihnitaH || 17|| tato harShayutAnyevaM praNemurbhaktibhAvataH | natvA pUjya mahAviShNuM tuShTuvustaM sulochane || 18|| brahmANyUchuH | vighneshAya namastubhyaM garuDadhvajine namaH | chaturbhujAya sarveShAM pataye vai namo namaH || 19|| chakrapANe rameshAya parAtparatarAya cha | herambAya vikuNThasya nAthAya te namo namaH || 20|| svAnandavAsine tubhyaM gajAnanAya DhuNDhaye | apArAya maheshAnasutAya tu namo namaH || 21|| kAshyapAya cha sheShasya putrAya bhaktavatsala | daityadAnavanAshAya shAr~NgiNe te namo namaH || 22|| gadAdharAya devAya vAsudevAya devapa | dharmasthApanakArAya brahmaNe te namo namaH || 23|| sadasanmayarUpAya chAnandapadadhAriNe | samAya sarvabhAveShu shAshvatAya namo namaH || 24|| namo vAgatirUpAya dehadehiprachAriNe | bodhAya cha videhAya viShNave te namo namaH || 25|| kiM stumastvAM pareshAna yatra vedA vikuNThitAH | yoginastu mahAbhAga prasanno bhava te namaH || 26|| brahmANi evaM stutvA cha praNemustaM janArdanam | tAnyutthApya jagAda svayaM viShNurharShasaMyutaH || 27|| viShNuruvAcha | bhavatkR^itaM madIyaM cha stotraM bhuktipradaM bhavet | muktidaM shR^iNvate brahmadAyakaM paThate sadA || 28|| brahmANi yadyadichCheta tattad vR^iNuta satvaram | dAsyAmi tapasA tuShTaH stotreNAnena nishchitam || 29|| brahmANyUchuH | dehyAnandamayaM nAtha saukhyaM svAbhAvikaM param | sAmarthyaM svasvakAryeShu satyasa~Nkalpasambhavam || 30|| tava pAdayuge nAtha bhaktiM dehi visheShataH | yogashAntibhavaM saukhyaM brahmabhUyapradAyakam || 31|| viShNuruvAcha | bhavadbhiH prArthitaM sarvaM tattat sarvaM bhaviShyati | saphalaM sarvabhAvena kurudhvaM kAryamuttamam || 32|| yogashAntiM pravakShyAmi brahmabhUyapradAyinIm | brahmANi bhaktiyuktAni shR^iNudhvaM yogasevanAt || 33|| (##Page ## khaM\. 7 a\. 11 pAna 23) pa~nchachittamayIM buddhiM tatra bhrAntikarIM parAm | siddhiM jAnIta sarvatra tayoH svAmI gajAnanaH || 34|| sampraj~nAtamayo deho sampraj~nAtAtmakaM shiraH | gajarUpaM tayoryoge dehadhArI babhUva ha || 35|| saMyogAkhyo gakArashcha NakAro yogagaH smR^itaH | tayoryoge gaNesho.ayaM nAmA.abhUnnAtra saMshayaH || 36|| svasaMvedyena yogena darshanaM jAyate param | gaNeshasya cha tenA.ayaM smR^itaH svAnandavAsakaH || 37|| asachChaktishcha sadbhAnuH samohaM neti sha~NkaraH | chaturNAM brahmaNAM yoge svAnandaH kathyate budhaiH || 38|| svAnando mAyayA yuktaH saMyogAt brahmaNAM mataH | ayogo brahmaNAM mAyayA hIno vyatirekataH || 39|| saMyogA.ayogayoryoge gaNeshaH shAntirUpadhR^ik | taM bhajadhvaM visheSheNa hR^idi chittaprachAlakam || 40|| tena cha brahmabhUtAni bhaviShyatha na saMshayaH | brahmANi kathitaM yogaM prayu~NdhvaM bhaktikAraNAt || 41|| yadyachcha kriyate tattvairjagadrachanakAdikam | bhavadbhistadgaNeshAya samarpya sakalAH kriyAH || 42|| evamuktvA mahAviShNustatraivAntaradhIyata | brahmANi taM namaskR^itya sAdhayAmAsura~njasA || 43|| krameNa brahmabhUtAni brahmANi cha babhUvire | tAni brahmANi yogena gANeshe dakShanandini || 44|| tata AnandayuktAni chakruH sarvaM charAcharam | tatrAnandena sarvANi krIDAM chakruH parasparam || 45|| etatte kathitaM sarvaM charitraM devi shobhanam | viShNurUpadharasyAsya vighnarAjasya sarvadam || 46|| shR^iNuyAdyo naro vA.api paThettasya priye sadA | bhuktimuktipradaM pUrNaM sarvAnandakaraM bhavet || 47|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite viShNvavatAravarNanaM nAma dashamo.adhyAyaH || 7\.10 \section{7\.11 lakShmIvinAyakacharitavarNanaM nAmaikAdasho.adhyAyaH} || shrIgaNeshAya namaH || kashyapa uvAcha | ekadA sukhamAsInaM nArAyaNamanAmayam | praNamya taM mahAbhAgo viShvaksena uvAcha ha || 1|| viShvaksena uvAcha | vada keshava yogaM me shAntidaM te padapradam | saMsAdhya viShNurUpo.ahaM bhaviShyAmi subhaktitaH || 2|| shrInArAyaNa uvAcha | nAmarUpAtmakaM sarvamasatyaM vedavAdataH | janmamR^ityuyutaM viddhi brahma tatra cha tAdR^isham || 3|| sarvabhedavihInaM yat paraM brahmAtmavAchakam | amR^itaM satyamekaM tajjAnIhi yogasevayA || 4|| tayoryoge samaM brahma sadAnandamayaM param | viShNurUpaM samAkhyAtaM jAnIhi bhaktibhAvataH || 5|| tadeva vighnarAjAkhyaM brahma vede pratiShThitam | taM bhajasva vidhAnena tadA shAntimavApsyasi || 6|| (##Page ## khaM\. 7 a\. 11 pAna 24) viShvaksena uvAcha | kathaM vighneshvaraH svAmin viShNurUpaH prakIrtitaH | vada mAM sarvashAstraj~na saMshayasthApanuttaye || 7|| shrIviShNuruvAcha | mAyAsukhaM vijAnIhi vighnayuktaM visheShataH | AtmasaukhyaM sadA proktaM vighnahInaM budhaiH purA || 8|| tayoryoge gaNeshAno vighnarAjaH prakIrtitaH | sadAnandamayaH so.api yogibhiH sevito.abhavat || 9|| gaNaH samUharUpashcha samUhA brahmavAchakAH | bAhyAntarAdiyogena j~nAyante yogibhirdhruvam || 10|| gaNeshAnasya bimbaM yat patitaM mAyayA yutam | tadeva shivaviShNvAdi vAchakaM prababhUva ha || 11|| ato gaNesharUpA vai vayaM sarve kalAMshataH | taM bhajasva vidhAnena tadA shAntimavApsyasi || 12|| kashyapa uvAcha | viShNorvachanamAkarNya viShvaksenaH praNamya tam | jagAda bhaktisaMyukto vachanaM dakSha putrike || 13|| viShvaksena uvAcha | nA.ahaM bhajAmi vighneshaM tava bhaktiparAyaNaH | tvattaH parataraM nAsti vadase kiM janArdana || 14|| evamuktvA svayaM viShNuM taM praNamya yayau priye | vanaM yogasya sid.hdhyarthaM tatApa tapa AdarAt || 15|| AnandaM sarvabhAveShu viShNuM dhR^itvA svayaM hR^idi | jajApa mantrarAjaM sa idaM viShNustu R^igbhavam || 16|| nirAhAraparo bhUtvA viShvaksenaH pratApavAn | tapashchakAra tadbhaktyA vaiShNavAnAM shiromaNiH || 17|| tato varShashate pUrNe prasanno gaNanAyakaH | dadau yogaM samAkhyaM tu tasmai bhAvadharaH prabhuH || 18|| svayaM saMyogarUpaM taM dR^iShTvA saMharShito.abhavat | tato hR^idi gaNeshAnaM dadarsha lakShmIsaMyutam || 19|| dR^iShTvA khedasamAyukto viShNuM chintya mahAyashAH | mantraM jajApa tatraiva gaNeshamavalokayan || 20|| kShaNaM nArAyaNaM lakShmyA yuktaM dadarsha chetasi | kShaNAdvighneshvaraM so.api vismitaH prababhUva ha || 21|| tapaso.atiprabhAveNa shuddhachitto babhUva ha | tyaktvAbhimAnajaM mohaM vichAramakarot hR^idi || 22|| mAyAmayaM sharIraM tu mAyAhInaM cha mastakam | gajAkAraM tayoryoge dehadhArI gaNeshvaraH || 23|| asya bimbaM sadA mohayutaM devi vinishchitam | viShNuH samasvabhAvastho lakShmyAyukto visheShataH || 24|| svamahimni sthito devaH siddhibuddhisamanvitaH | mAyAkhelakaraH so.api lakShmIpatirudAhR^itaH || 25|| viShNunA bodhito.ahaM tu pUrvakAle.abhimAnataH | abudhyaM naiva tadrUpaM vR^ithA paNDitako yathA || 26|| aho yogasamaM ki~nchinna dR^iShTaM naiva saMshrutam | yasya sevanamAtreNAbhimAno nAshameShyati || 27|| evaM vichArya deveshaM gaNeshaM dhyAnasaMyutaH | dhyAtvA pupUja bhAvena mAnasyA pUjayA sa tu || 28|| tataH prasannatAM yAto gaNesho bhaktavatsalaH | varAn dAtuM samAyAto viShvaksenAshrame priye || 29|| dhyAnastho na bubodhaiva samAgataM gajAnanam | viShvaksenastatashchitraM chakAra vighnanAyakaH || 30|| hR^idisthaM gaNanAthaM sa lopayAmAsa tatkShaNAt | (##Page ## khaM\. 7 a\. 11 pAna 25) tato.ativihvalaH so.api taM dadarsha bahiH sthitam || 31|| lakShmyAyuktaM gaNAdhIshaM dR^iShTvA harShasamanvitaH | utthAya taM praNamyA.a.adau viShvaksenaH pupUja ha || 32|| pUjayitvA punardehaM praNamya sAshrulochanaH | tuShTAva bhaktisaMyuktaH kR^itA~njalirgajAnanam || 33|| viShvaksena uvAcha | vighneshAya namastubhyaM bhaktavighnavinAshine | vighnadAtre sunAthAya hyabhaktebhyo namo namaH || 34|| lakShmIpate namastubhyaM siddhibuddhivarAya cha | svAnandavAsine deva vikuNThasthAya te namaH || 35|| keshavAya pareshAya chakrapANe gadAdhara | herambAya namastubhyaM parashordhArakAya cha || 36|| dasharathasutAyaiva vAsudevAya te namaH | shivaputrAya devesha vareNyasUnave namaH || 37|| yogAkArAya nAthAya yogAnAM shAntidAyine | kartre hartre sadA pAtre gaNeshAya namo namaH || 38|| sheShashAyinnamastubhyaM nAbhisheShAya te namaH | sarpayaj~nopavItAya lambodarAya shAshvate || 39|| nAnAkhelakarAyaiva nAnAmAyAprachAlaka | khelahInAya devAnAM sahAyAya namo namaH || 40|| asurANAM vinAshAyAsurabhyo varadAyine | DhuNDhirAjAya bhaktesha bhaktipriyAya te namaH || 41|| gaNeshAya gaNAnAM tu chAlakAya parAtpara | nArAyaNAya kR^iShNAya meghashyAmAya te namaH || 42|| mAyAyuktatayA nAtha viShNurUpo.asi sarvadA | svamahimni sthitastvaM tu gaNeshaste namo namaH || 43|| ato gaNesha te nAma viShNurvedeShu kathyate | yo viShNuH sa hi vighnasho nAntaraM vidyate kadA || 44|| evaM stutvA gaNeshAnaM praNanAma mahAmatiH | jagAda viShvaksenaM cha taM devo vighnanAyakaH || 45|| shrIvighnesha uvAcha | varAn varaya mattastvaM viShvaksena mahAmate | tava dAsyAmi bhaktyA.ahaM tuShTaH stotreNa mAnada || 46|| tvayA kR^itamidaM stotraM bhuktimuktipradaM bhavet | paThate shR^iNvate chaiva sarvasiddhipradAyakam || 47|| kashyapa uvAcha | gaNeshavachanaM shrutvA viShvaksenastamabravIt | kR^itvA karapuTaM bhaktyA namrakandhara AdarAt || 48|| viShvaksena uvAcha | yadi prasannatAM yAtastadA dehi gajAnana | bhaktiM te pAdapadme me shAntiyogaM prayachCha cha || 49|| jagAda gaNarAjastu shrutvA taM harShayanniva | madIyA bhaktirugrA te bhaviShyati na saMshayaH || 50|| viShNusa~Ngatiyogena shAntiyogamavApsyasi | yadyadichChasi tattatte saphalaM chA.astu sarvadA || 51|| evamuktvAM.atardadhe.asau gaNesho bhaktiyantritaH | viShvakseno jagAmaiva vikuNThaM viShNumAnamat || 52|| vR^ittAntaM kathayAmAsa shrutvA saMharShito.abhavat | keshavastUttamaM tasmai mahAyogaM jagAda cha || 53|| sAdhayitvA yathAnyAyaM yogivandyo babhUva ha | viShvakseno gaNeshAnamabhajadbhaktisaMyutaH || 54|| gururUpaM mahAviShNuM devarUpaM gaNeshvaram | (##Page ## khaM\. 7 a\. 12 pAna 26) dhR^itvA hR^idi mahAtejA yogadhyAnaparo.abhavat || 55|| idaM lakShmIgaNeshasya kathitaM te charitrakam | sarvasiddhipradaM pUrNaM paThanAchChravaNAdbhavet || 56|| || OM tatsaditi shrImadAntye purANopaniShadi shrImanmaudgale mahApurANe saptame khaNDe viraghnarAjacharite lakShmIvinAyakacharitavarNanaM nAmaikAdasho.adhyAyaH || 7\.11 \section{7\.12 shUrpakarNAvatAravarNanaM nAma dvAdasho.adhyAyaH} || shrIgaNeshAya namaH || kashyapa uvAcha | madhukaiTabhanAshArthaM viShNunA tapasA purA | ArAdhito gaNeshAnastadbhaktyA yogasevayA || 1|| tataH prasannatAM yAto vighneshaH pradadau varAn | tairyuktaH sa jaghAnaiva daityau paramadAruNau || 2|| gaNeshavaradAnena yashoyukto janArdanaH | taM jetuM kaH kShamo devi prabhaviShyati te sutaH || 3|| atastyaktvA svaputreShu mamatAM bhaja bhAvataH | vighneshaM yoginAM tena vandyA tvaM prabhaviShyasi || 4|| yAdR^ishaM gaNarAjena rachitaM trividhaM purA | tAdR^ishaM vartate sarvaM sadevAsuramAnuSham || 5|| kashyapasya vachaH shrutvA harShayuktA ditiH punaH | jagAda taM sukhArthAya yogivandyaM prajApate || 6|| ditiruvAcha | vighnarAjAvatArasya charitaM punarAdarAt | vada me munimukhya tvaM j~nAnaM tasya tathA param || 7|| kashyapa uvAcha | dharmaghnasya cha putro.abhUdyaj~nadhru~NnAmako.asuraH | sa shaivIM sAdhayAmAsopAsanAM pApanishchayaH || 8|| pa~nchAkSharavidhAnena toShayAmAsa sha~Nkaram | divyairvarShasahasraistaM varadaH sha~Nkaro yayau || 9|| stutaH sampUjitastena prasannastamuvAcha ha | varAn varaya dAsyAmi tapasA toShito.asura || 10|| sa vavre triguNebhyo me maraNaM na bhavet kadA | rAjyamArogyasaMyuktaM brahmANDasya cha dehi bhoH || 11|| yadyadichChAmi devesha tattan me saphalaM bhavet | tatheti taM jagAdaiva sha~NkaroM.atarhito.abhavat || 12|| tataH svagR^ihamAgatya daityarAjo babhUva ha | yaj~nadhruk sainyamAdAya jigye brahmANDamojasA || 13|| devAH shambhumukhAH sarve prapelushcha disho dasha | teShAM padeShu daityendrAn sthApayAmAsa yaj~nahA || 14|| tato yaj~navinAshArthaM yatate sma visheShataH | yaj~nahA krodhasaMyukto munIn sarvAnatADayat || 15|| tyaktvA munigaNA yaj~nAn prapelurbhayasaMyutAH | varNasa~NkarabhAvaM cha chakAra sacharAcharam || 16|| tato viShNuvinAshArthaM yatate sma mahAkhalaH | devAnAM mUlanAshArthaM daityaH paramadAruNaiH || 17|| yaj~no viShNuH samAkhyAto vedeShu vedavAdibhiH | yaj~nanAshe svayaM naShTo bhaviShyati janArdanaH || 18|| (##Page ## khaM\. 7 a\. 12 pAna 27) evaM vichArya daityesho yaj~nAn sarvAn babha~nja ha | yaj~nahInaM chakAraiva trailokyaM sacharAcharam || 19|| tato viShNuH kShudhAviShTo babhUve devasaMyutaH | asthicharmAvasheShashcha sasmAra gaNanAyakam || 20|| rakSha mAM gaNanAtha tvaM daityAt paramadAruNAt | mariShyAmi na sandeho yaj~nanAshaprabhAvataH || 21|| devaiH sArdhaM mahAviShNustatApa tapa uttamam | ekAkSharavidhAnena toShayAmAsa vighnapam || 22|| gate varShashate pUrNe taM yayau gaNanAyakaH | stutaH sampUjitaH sarvaiH prasanno varado.abhavat || 23|| tairvR^ito daityanAshArthaM tatheti krodhasaMyutaH | tAn jagAda yayau hantuM yaj~naghnaM devapairvR^itaH || 24|| kR^itvA yuddhaM mahAghoraM jaghAnA~NkushaghAtataH | yaj~naghnaM muktigaM chakre daityAn pAtAlagAminaH || 25|| tataH sa devasaMyukto viShNurmunigaNaistathA | tuShTAva susthiro bhUtvA pUjya natvA kR^itA~njaliH || 26|| shrIviShNuruvAcha | namaste vighnarAjAya vighnAnAM vighnakAriNe | mahAvighnaprashAntAya devadevesha te namaH || 27|| anAdaye pareshAya sarvA.a.adau saMstutAya cha | sarvebhyo varadAtre te varadAya namo namaH || 28|| vinAyakAya sarveShAM nAyakAya parAtpara | DhuNDhirAjAya vedAdiDhuNDhitAya namo namaH || 29|| sarvebhyaH svasvarUpeNa sukhadAya parAtmane | AnandAyAprameyAya brahmaNe te namo namaH || 30|| gaNAnAM pataye tubhyaM nAnAgaNasurUpiNe | sadA svAnandanAthAya siddhibuddhipate namaH || 31|| brahmaNe viShNave tubhyaM shaktaye sha~NkarAya cha | indrAdidevarUpAya kalayA te namo namaH || 32|| munaye kShetrarUpAya vaishyAya shUdrarUpiNe | pashupakShyAdirUpAya varNAshramayuje namaH || 33|| nAgAya surarUpAya rAkShasAya vihAriNe | charAcharamayAyaiva shUrpakarNAya te namaH || 34|| trinetrAya trishUlasya dhArakAya cha chakriNe | pAshA~NkushadharAyaiva herambAya namo namaH || 35|| namaste pareshAya sarvAtmakAya sadA bodharUpAya naira~njanAya | ayogAya saMyogamAyAdharAya janebhyaH sushAntipradAyAtha dhAmne || 36|| kiM staumi tvAM gaNAdhIsha yatra vedAshcha yoginaH | visismire sushAntisthAH shAntirUpAya te namaH || 37|| yaj~nahA nihataH svAmiMstena devarShayo vayam | rakShitAH sarvabhAvena prANadAtarnamo namaH || 38|| bhaktiM dehi gaNAdhIsha tava pAdAmbuje.amalAm | tayA vayaM cha yogesha bandhahInA bhavAmahe || 39|| evamuktvA praNemustaM devA munisamanvitAH | tAMstatheti jagAdaivAM.atardadhe shUrpakarNakaH || 40|| tatra mUrtiM samAsthAya shUrpakarNasya sarvadAm | pUjya svasthAnagAH sarve babhUvurvigatajvarAH || 41|| svasvAchArasamAyuktaM babhUva ha charAcharam | evaM chakAra vighnesho nAnAdaityavihiMsanam || 42|| avatArA asa~NkhyAtA vighnarAjasya shobhane | teShAM vaktuM charitrANi na samarthAH shivAdayaH || 43|| sa~NkShepeNa mayA tasyA.avatArAH kathitAH parAH | (##Page ## khaM\. 7 a\. 13 pAna 28) bhajasva taM vidhAnena tadA shAntimavApsyasi || 44|| rajoyuktaM yathA dhAnyaM rajohInaM karoti cha | naraiH saMsAdhitaM shUrpaM yogyaM bhojanakAdiShu || 45|| tathA mAyAvikAreNa yuktaM brahma na labhyate | tyaktvopAsanakaM tasya shUrpakarNasya sundari || 46|| shUrpakarNaM samAshrutya malaM tyaktvA hR^idi sthitam | brahmaiva narajAtisthaH shUrpakarNastataH smR^itaH || 47|| brahmadaH shUrpavat hR^itstho vedeShu kathito bhavet | taM bhajasva vidhAnena shAntiyuktA bhaviShyasi || 48|| shUrpakarNAvatArasya kathitaM charitaM mayA | yaj~naghnasya vadhArthAya babhUve dehadhArakaH || 49|| ya idaM shR^iNuyAdvA.api paThedvA pAThayennaraH | sa mAnasepsitaM labdhvA sukhI bhavennirantaram || 50|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite shUrpakarNAvatAravarNanaM nAma dvAdasho.adhyAyaH || 7\.12 \section{7\.13 dattagItAvarNanaM nAma trayodasho.adhyAyaH} || shrIgaNeshAya namaH || kashyapa uvAcha | ekadA mAghamAse tu makarasthe divAkare | tIrthAni devaviprAdyAH prayAgaM jagmurAdarAt || 1|| sarve saMhR^iShTabhAvasthA mAghasnAnaparAyaNAH | o~NkAragaNanAthaM te pupUjurbhaktisaMyutAH || 2|| tataH shUlabhR^itaM pUjya tatrasthaM mAdhavaM priye | triveNIM bhAvasaMyuktAH kathAM chakruH purAtanIm || 3|| bhramaMstatrA.a.ajagAmaiva datto yogIndrasattamaH | avadhUtasya mArgasya prakAshaka udAhR^itaH || 4|| gANeshaM brahmapaM brahma paraM sarvArthadAyakam | o~NkAragaNanAthaM sa praNamya stotramArabhat || 5|| tat dR^iShTvA paramAshcharyamAyayustaM shivAdayaH | yoginaH kashyapAdyAshchA.anye devAdaya AdarAt || 6|| taM praNamya sthitAH sarve yogIndraM brahma tatparam | gaNeshabhajane saktaM dR^iShTvA paprachChurAdarAt || 7|| shivAdaya UchuH | bhagavan sarvatattvaj~na brahmabhUtaparAyaNa | sAkShAdbrahmasharIrastvaM samAgato yadR^ichChayA || 8|| avadhUtasya mArgasya prakAshArthaM visheShataH | dehadhArI bhavAnnAtha pAvanAya sharIriNAm || 9|| tava darshanamAtreNa kR^itakR^ityA vayaM prabho | jAtAH kulayutAH svAmin bodhayasva munIn surAn || 10|| evaM vinayasaMyuktaiH stutaH pR^iShTo mahAmuniH | jagAda tAn mahAbhAgAn harSheNa mahatA.a.avR^itaH || 11|| dattAtreya uvAcha | brahmaviShNushivAdyAshchA~NgirAdyA munayo.amalAH | sheShAdyA nAgarAjAshcha shR^iNudhvaM me vacho hitam || 12|| brahmedaM sarvamAbhAti taM bhajadhvaM hitAya vaH | samarthA brahmabhUtAshcha bhaviShyatha na saMshayaH || 13|| tasya tadvachanaM shrutvA punaH sarve jagurvachaH | harSheNa yogivandyaM taM kR^itvA karapuTaM priye || 14|| (##Page ## khaM\. 7 a\. 13 pAna 29) shivAdyA UchuH | brahmaNi brahmabhUtastvaM gaNeshaM bhajase katham | nAmarUpadharaM devamo~NkArAkR^itidhArakam || 15|| asmAkaM kuladevo.ayaM triguNAtmasharIriNAm | mUlabhUto na sandeho yoginAM kathama~njasA || 16|| teShAM tadvachanaM shrutvA smayamAno mahAyashAH | datto jagAda harSheNa j~nAnadAnArthamAdarAt || 17|| datta uvAcha | gaNesho brahmaNAM nAtho vedeShu parikIrtitaH | brahma nAnAvidhaM tadvat kathitaM mAyayA yutam || 18|| annaM brahmeti deveshA munayaH shR^iNuta priyAH | tatrAnnamayarUpA tu mAyA mohakarI babhau || 19|| prANo brahmeti tatraiva prANAkAravimohinI | mAyA manomayI tadvan mano brahmaNi saMsthitA || 20|| vij~nAnaM brahma tatreyaM mAyA vij~nAnarUpiNI | AnandaM brahma yat proktaM yutamAnandamAyayA || 21|| chaitanyaM brahma yat proktaM mAyA chetanarUpiNI | bindubrahmeti tatraiva mAyA bindumayI babhau || 22|| so.ahaM brahmeti yatreyaM mAyA so.ahaM prakAshinI | bodho brahmeti bodhAkhyA mAyA tatra vimohinI || 23|| videhaM brahma yat proktaM mAyA vai deharUpiNI | tayA tatra mahAdevA bhramanti brahmamAninaH || 24|| karma brahmeti karmAkhyA mAyA tatra vimohinI | j~nAnaM brahmeti tadvattu j~nAnamAyAyutaM babhau || 25|| samaM brahmeti tatraiva mAyA samasvarUpiNI | sahajaM brahma yat proktaM sahajAkhyavikAradam || 26|| asadbrahmeti yat proktaM tatrAsanmAyayA yutam | sadbrahmeti sadAkAramAyAyuktaM prakIrtitam || 27|| sadasanmayabhAvAkhyaM brahma proktaM munIshvarAH | ubhayAtmavikAreNa j~nAtavyaM saMyutaM sadA || 28|| avyaktaM brahma yat proktaM yutamavyaktamAyayA | svasaMvedyaM paraM brahma yutaM svAnandamAyayA || 29|| AtmAdvayaikasarvAkhyAdyAH shabdAH parikIrtitAH | mahAvAkyAdibhiste tu tattanmAyAprakAshakAH || 30|| shivaviShNumukhAH shabdA brahmavAchyAH prakIrtitAH | tattadvikArasaMyuktAn jAnIta devasattamAH || 31|| pR^ithvI jalAditattvAni brahmaNAM vAchakAni tu | tattadvikArayuktAni jAnIta devasattamAH || 32|| evaM nAnAvidhAnyeva brahmANi kathitAni cha | vedAdiShu samastAni mAyAmohayutAni tu || 33|| teShAM svAmisvarUpeNa tiShThati brahmaNaspatiH | brahmaNAM pAtR^ibhAvAchcha pAlayitR^itvakAraNAt || 34|| sa evAyaM gaNAdhyakSho vedeShu kathito.abhavat | brahmabhUyamayaH sAkShAttaM bhajAmi dvijottamAH || 35|| utpattinAshahInaM yad gajAkhyaM brahma chakShate | sA~NkhyaM shiro gaNeshasya gajAnana iti smR^itaH || 36|| bhUmisAdhanabhAvena bhavet brahmaNi tanmayaH | dehastasya cha yogAkhyo nAnAbhUmipradhAraNAt || 37|| tayoryoge gaNeshAno dehadhArI babhUva ha | sA~Nkhye yogamayaH sAkShAt pUrNashAntipradAyakaH || 38|| saMyoge.ayaM gakArAkhyo hyayoge NamayaH smR^itaH | tayorIsho gaNeshAno nAmA.ayaM vedavAdataH || 39|| (##Page ## khaM\. 7 a\. 13 pAna 30) pa~nchachittamayI buddhirdakShiNA~NgaM babhUva ha | pa~nchabhrAntikarI siddhirvAmA~NgaM tasya sarvadA || 40|| tayoH svAmI gaNAdhyakSho mAyAbhyAmatra khelati | chitte chintAmaNiH sAkShAt prakAshakArakastayoH || 41|| samohaM chittamutsR^ijya yogIndro jAyate naraH | taM bhajAmi visheSheNa chittachAlanakArakam || 42|| kR^itAni siddhibuddhibhyAM brahmANi sakalAni vai | tAni tyaktvA kathaM brahma labhyate mAnavaiH param || 43|| ato.ayaM dehabhR^idbhUtvA bhaktamArgapradAyakaH | sulabhatvAya deveshA paro jAnIta saMsthitaH || 44|| tasya tadvachanaM shrutvA vasiShThastamuvAcha ha | saMshayasya vinAshArthaM sarvaiH samprerito vachaH || 45|| vasiShTha uvAcha | brahma brahmaiva vedeShu kathitaM sarvasammatam | brahmaNaspatireko.ayaM patistatra kathaM mune || 46|| patirUpA mahAmAyA gaNeshe saMsthitA.abhavat | yathA.annAdivikArasthaM brahma tadvadayaM mataH || 47|| vasiShThasya vachaH shrutvA datto harShasamanvitaH | jagAda taM visheShaj~naM yogIndraH paramArthavit || 48|| annaprANAdiyuktAni brahmANi rachitAni tu | gaNeshena mahAyogiMstenAyaM patiruchyate || 49|| brahmabhiH kathitashchAyaM patisteShAM na saMshayaH | svayaM brahmaiva tannAshe tathA.api pAtR^ibhAvataH || 50|| annaprANAdikAnyeva vikArAn santyajanti cha | brahmANi brahmabhUtAni bhaviShyantyasya sevanAt || 51|| brahmANi brahmaNi yadi chedgatAni mahAmune | patiH keShAM gaNeshAnaH kathyate kairvadAshu me || 52|| ato mAyAvikAreNa hIno.ayaM gaNanAyakaH | brahmaivopAsyabhAvAttu patitvaM kathanAtmakam || 53|| iti tasya vachaH shrutvA punastaM nArado.abravIt | yogIndraM bhAvabodhArthamavadhUtamakalmaSham || 54|| nArada uvAcha | gaNeshe tvaM mahAyogiMstadAkAro na saMshayaH | ahaM datto.ayamekashcha gaNeshaH kutra vartate || 55|| na bhinnashchen mahAbhAga bhajase kaM puraH sthitam | imaM me saMshayaM Chindhi sarvaj~no.asi mahAmate || 56|| datta uvAcha | deho.ayaM naratulyo me karoti karma nityadA | shubhAshubhaM visheSheNa nAmarUpavikArataH || 57|| brahma sarvatra vipresha tanmayaM nAtra saMshayaH | sattA nyUnAdhikA bhAti vichAraya vichakShaNa || 58|| brahmaNaspatishabdAkhyA sattA gaNapatau sthitA | nAnyatra shambhuviShNvAdi bhAveShu pashya mAnada || 59|| ataH pratyakShachittasthaM brahma vighneshavAchakam | dR^iShTvA tanna bhajet ko.api brahmabhUyaparaH katham || 60|| ato dehadharo.ahaM tu brahmAkAro gaNeshvaraH | taM bhajAmi visheSheNa dehacheShTAparAyaNaH || 61|| dehaH kriyAtmakaH proktashchittaM chintanakArakam | svabhAvena yathA.anyadvai karoti chintanAdikam || 62|| tathA gaNeshvaraM me.atra dehashchittaM bhajet dhruvam | tayoH prakAshakaM brahma kathaM bhajedgajAnanam || 63|| brahma brahmaiva sa~njAtaM tadAkAraM madIyakam | dehashchittaM bhajettaM vai svaprakAshakaraM sadA || 64|| (##Page ## khaM\. 7 a\. 14 pAna 31) anena yogamArgeNa bhajAmi gaNanAyakam | na bhinno.ahaM gaNeshAnAt kaM pR^ichChasi vichAraya || 65|| yathA karomi nityaM tu bhakShaNAdikamAdarAt | tathA gaNeshvaraM tAta bhajAmi bhaktisaMyutaH || 66|| nA.ahaM bhoktA svadehasthastathA mAM viddhi dehagam | na bhaktaM gaNarAjasya dehadharmaH pravartate || 67|| brahmaNi brahmabhUto yo na bhajedgaNanAyakam | tathA.api dehachitte.anyat kariShyataH svabhAvataH || 68|| na mukhyo brahmabhUteShu yogiShu bhakta uchyate | shreShThastasmAdgaNeshAnaM bhajAmi harShasaMyutaH || 69|| anAyAsena chittasthaM dehasthaM brahma prApya yaH | dR^iShTvA taM na bhajet so.api brahmaghnaH parikIrtitaH || 70|| gaNeshaM mUrtigaM dR^iShTvA yogeshaM shAntidAyakam | kasya yogijanasyAtra prItiH sadyo na jAyate || 71|| iti tasya vachaH shrutvA harShayuktAH shivAdayaH | nAradAdyAH praNemustaM vismitAstasya cheShTitaiH || 72|| jagustaM harShasaMyuktA vayaM saMshayavarjitAH | kR^itAstvayA mahAbhAga ekamArgaparAyaNAH || 73|| nAnAmatavibhedena bhrAntiyuktA bhramanti tu | tyaktvA gaNeshvaraM pUrNaM sarvapUjyaM mahAmune || 74|| bhrAntinAshArthamatyantaM bhavAn vighneshvareNa cha | nirmito yogamArgaj~naH sarvashAntipradAyakaH || 75|| evaM taiH saMstuto dattaH prahasya prayayau tataH | shivAdayo vasiShThAdyAH svAlayaM prayayuH priye || 76|| sarvasArAM samAkhyAtAM gItAM dattamukhAchchyutAm | paThanAchChravaNAnnR^ibhyaH shAntidAM sarvasiddhidAm || 77|| kashyapasya vachaH shrutvA harShitA taM praNamya sA | jagAda bhAvagambhIrA ditirvighneshvare ratA || 78|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite dattagItAvarNanaM nAma trayodasho.adhyAyaH || 7\.13 \section{7\.14 ditivarapradAnaM nAma chaturdasho.adhyAyaH} || shrIgaNeshAya namaH || ditiruvAcha | gaNeshasya mahAbhAga vadopAsanakaM prabho | tena vighneshvaraM bhaktyA bhajiShyAmi nirantaram || 1|| mudgala uvAcha | evaM pR^iShTo mahAyogI dityA tasyai dadau manum | dashAkSharaM gaNeshasya vidhiyuktaM vidhAnavit || 2|| sA taM praNamya yogIndraM kashyapaM prayayau tataH | vanaM vR^ikShAdisaMyuktaM tapastatra tatApa vai || 3|| nirAhAreNa saMyuktA gaNeshadhyAnatatparA | nAsAgranyastadR^iShTiH sA mantrajApaM chakAra cha || 4|| tyaktvA sarvAM kAmanAM sA ditirvighneshvare ratA | tapaH prabhAvayogena bhrAntihInA.abhavadvidhe || 5|| (##Page ## khaM\. 7 a\. 14 pAna 32) putrapautrAdike bhAve rasahInA babhUva ha | yogepsuH pUrNabhAvenA.abhajattaM dviradAnanam || 6|| evaM varShasahasreNa yogabhUtiparAyaNA | shAntiyogaM samAsAdya yogivandyA babhUva sA || 7|| tathA sA dattamArgaM taM ditiH sasmAra chetasi | bhaktyA vighneshvaraM devI na mumocha kadAchana || 8|| tataH prasannabhAvena tAM yayau gaNanAyakaH | jagAdA.asau varAn brUhi dhyAnasthAM manasepsitAn || 9|| gaNeshavachanaM shrutvA ditirharShasamanvitA | utthAya taM namaskR^itya pUjayAmAsa bhaktitaH || 10|| punaH praNamya vighneshaM sA tuShTAva kR^itA~njaliH | gaNeshaM dakSha te putrI ditiH sAshrumukhAmbujA || 11|| ditiruvAcha | namaste vighnarAjAya bhaktavighnavidAraNa | abhaktebhyo mahAvighnapradAya tu namo namaH || 12|| kAshyapAya pareshAya vinAyakAya DhuNDhaye | lambodarAya te sarvabhogabhoktre namo namaH || 13|| dInAnAM pataye tubhyaM dInadInAya te namaH | dInapAlakanAthAya herambAya namo namaH || 14|| pareshAya gaNeshAya parAtparatamAya te | parAtparANAM kartre te mahodarAya vai namaH || 15|| anAdaye cha sarveShAmAdimUrtidharAya cha | AdipUjyAya sarveShAmantaHsthAya namo namaH || 16|| shivaputrAya viShNoshcha putrAya paramAtmane | vareNyasUnave tubhyaM sheShaputrAya te namaH || 17|| sarvapUjyAya jyeShThAya jyeShThAnAM jyeShThamUrtaye | jyeShTharAjatamAyaiva mAtre pitre namo namaH || 18|| brahmaNAM pataye tubhyaM brahmabhyo brahmadAyine | brahmaNAM brahmarUpAyaikadantAya namo namaH || 19|| gajAnanAya devAyAsurAya samabhAvine | yogAkArAya yogibhyo yogadAya namo namaH || 20|| kiM staumi tvAM gaNAdhIsha shAntInAM shAntirUpiNam | vedAdayaH shivAdyAshcha yatra shAntiM pralebhire || 21|| atastvAM praNamAmyeva sarve.ashaM tena vighnapa | santuShTo bhava me bhaktyA svalpayA nAtha te namaH || 22|| yadi tvaM varado me.asi tadA me putra AdarAt | bhava svAmin dayAsindho tenA.ahaM tAritA tvayA || 23|| AsurI prakR^itiH proktA vedeShu dviradAnana | sA.ahaM kayA mahAbhaktyA bhajiShyAmi nirantaram || 24|| tvaM me putro yadA nAtha bhaviShyasi susiddhidaH | tava mAtuH kathaM mAyAmayo bandhaH kadAchana || 25|| bhaktiM tvachcharaNe DhuNDhe dehi nityaM visheShataH | AsurIM bandhahInAM mAM kuruShva tvatpadapriyAm || 26|| evamuktvA gaNAdhIshaM nanAma dakShanandinI | ditistAM gaNarAjashcha jagAda harShasaMyutaH || 27|| vighnesha uvAcha | tvayA kR^itamidaM stotraM madIyaM matpriyaM bhavet | paThate shR^iNvate devi sarvasiddhipradAyakam || 28|| tava putro bhaviShyAmi AsurIbhAvanAshakaH | tvaM bhajiShyasi mAM nityaM bhaktyA bhAvaparAyaNA || 29|| evamuktvAM.atardadhe.asau vighnesho brahmanAyakaH | ditiH svagR^ihamAgatya praNanAma patiM svakam || 30|| (##Page ## khaM\. 7 a\. 15 pAna 33) vR^ittAntaM kathayAmAsa kashyapo harShito.abhavat | shrutvA tAM sa samAli~Ngya jagAda sAshrulochanaH || 31|| kashyapa uvAcha | dhanyA.asi kR^itakR^ityA.asi saphalaste bhavo mataH | yayA dR^iShTo gaNAdhyakShaH sarvebhyaH shAntidAyakaH || 32|| aho te sasuto devi asuryAH prabhaviShyati | mahadbhAgyaM gaNAdhIsho yogivandyA tvama~njasA || 33|| tArito.ahaM tvayA nUnaM sustriyA gaNape rataH | dhanyaM me janmakarmAdi AsurI svahite ratA || 34|| evamuktvA ditiM vipraH kashyapo virarAma ha | ditiH praNamya taM vipraM sevAyAM saMsthitA.abhavat || 35|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite ditivarapradAnaM nAma chaturdasho.adhyAyaH || 7\.14 \section{7\.15 chaturbhujAvatAravikramavarNanaM nAma pa~nchadasho.adhyAyaH} || shrIgaNeshAya namaH || mudgala uvAcha | tataH sA gaNanAthaM taM sasmAra hR^idi sarvadA | tanmayaM vishvamevedamAlokayadasheShataH || 1|| ekadA mAghamAse tu shuklapakShe gajAnanam | pupUja madhyage bhAnau chaturthyAM mUrtigaM param || 2|| mUrtimadhyAdgaNAdhIshaH prakaTobhUchchaturbhujaH | anantasUryasa~NkAshatejoyuktaH prajApate || 3|| taM dR^iShTvA bhayabhItA sA sasmAra hR^idi kashyapam | svaguruM taM tathA devaM gaNeshaM bhaktisaMyutA || 4|| guroH smaraNamAtreNa gaNeshaH saumyarUpadhR^ik | bAlarUpo ditiM devIM jagAda meghaniHsvanaH || 5|| shrIgaNesha uvAcha | putro.ahaM te mahAbhAge varadAnaprabhAvataH | mA bhayaM kuru kalyANi pashya mAM saumyarUpiNam || 6|| tataH sonmIlya chakShustaM pashyati sma bhayAturA | bAlaM chaturbhujaM devaM shuNDAdaNDadharaM param || 7|| parashvAdimahAstraishcha saMyutaM chandrashekharam | lambodaraM chaikadantaM sheShanAbhisamAyutam || 8|| shUrpakarNaM trinetraM tu nAnAbhUShaNabhUShitam | amUlyavastrasaMyuktaM gale chintAmaNiM dharam || 9|| dR^iShTvA taM praNanAmaiva kashyapena samanvitA | tuShTAvA.a.apUjya vighneshamatharvashirasA vibhum || 10|| tatastaM kashyapo natvA prArthayAmAsa shAntidam | bAlarUpo bhava svAmin yena te lAlanaM bhavet || 11|| dhanyo.ahaM kR^itakR^ityo.ahaM matsamo na pravidyate | mama tvaM yena putro.abhUdbrahmaNAM gaNanAyakaH || 12|| yasya romA~ncharandhreShu brahmANDAnAM hi koTayaH | kathaM sa mama putratvaM prApto.asIti viDambanam || 13|| evaM samprArthitastena dityA so.api tathA.abhavat | chaturbhujadharo bAlo babhUve tatkShaNAt svayam || 14|| (##Page ## khaM\. 7 a\. 15 pAna 34) taM praNamya gaNAdhIshaM kashyapo harShasaMyutaH | dityA karmaparo bhUtvA brAhmaNAMshcha samAhvayat || 15|| tatashchaturbhujenaiva mAyA.a.akShiptA tayorhR^idi | putrabhAvaprakAshArthaM tathA tau sambabhUvatuH || 16|| snApayitvA ditirbAlaM stanapAnamakArayat | jAtakarma chakAraiva kashyapo harShasaMyutaH || 17|| dvAdashe.ahni dvijAstatra nAmakarmArthamAyayuH | pUjitAH kashyapenaiva tamUchurharShasaMyutAH || 18|| svargeShu devapAMshchA.ayaM narAn pR^ithvyAM tathA tale | asurAn nAgakUrmAdIn sthApayiShyati bAlakaH || 19|| tattvAni chAlayan vipra tasmAnnAmnA chaturbhujaH | chaturNAM vividhAnAM cha sthApako.ayaM mato budhaiH || 20|| mudgala uvAcha | tato varShe dvitIye.asya prahlAdapramukhAH pare | prapelurhanyamAnAstairdevairviShNumukhairvidhe || 21|| sarvaM tyaktvA.asureshAnAH pAtAlaM vivishurbhayAt | devAnAM cha svayaM viShNuH krodhayukto babhUva ha || 22|| indrAdyaiH sahitaH so.api sannaddhashchakrasaMyutaH | Ayayau daityanAshArthaM pAtAleShu mahAbalaH || 23|| chakraM tatyAja deveshastena daityA mR^itA mR^idhe | kechid duHkhasamAyuktAH prapelushChinnadehakAH || 24|| sharaNaM keshavaM chaiva kechijjagmuH prajApate | tathApi tAn mahAviShNurjaghAna krodhasaMyutaH || 25|| asurairvigataM vishvaM kartuM chaiva samudyataH | daityendrA bhayasaMyuktA ditiM yayuH sharaNyadAm || 26|| ChinnabhinnakR^itA~NgAMstAn ditirdR^iShTvA shushocha ha | tataH krodhayutaH so.api babhUve gaNanAyakaH || 27|| tatyAja parashuM tIkShNaM devAn hantuM chaturbhujaH | parashostejasA sarvaM vyAptaM pAtAlamaNDalam || 28|| vyartharUpANi shastrANi chakrAdInyabhavan mR^idhe | devA dAhasamAyuktAH prapelushcha disho dasha || 29|| tatastatra yayau brahmA bodhayAmAsa keshavam | pAtAlaM tyajya sarve te yayuH svargaM bhayAnvitAH || 30|| parashostejasA tatra sandagdhA iva devapAH | na shAntiM pralabhante sma hAhAkAraravAkulAH || 31|| tataH shambhU ravirbrahmA keshavastuShTuvuH param | parashuM bhayasaMyuktA devairmunigaNaiH saha || 32|| shAntiyuktaM mahAstraM tadbabhUve cha prajApate | tato devendrakAH sarve chaturbhujaM yayuH purA || 33|| taM praNamya bhayodvignA munibhirdevanAyakAH | natvA.a.apUjya gaNeshAnaM tuShTuvuH karasampuTAH || 34|| devarShaya UchuH | namaste kAshyapAyaiva chaturbhujAya DhuNDhaye | anAdaye gaNeshAya vighneshAya namo namaH || 35|| pareshAya pareShAM cha pataye paramAtmane | vinAyakAya viprebhyo varadAya namo namaH || 36|| lambodarAya sarveShAmudarasthAya te namaH | mahodarAya jyeShThAya brAhmaNAya namo namaH || 37|| kShatrANAM kShAtradharmAya vaishyAnAM vaishyarUpiNe | shUdrANAM shUdradharmAya varNahInAya te namaH || 38|| gR^ihasthAnAM gR^ihasthAya brahmacharyAya sarvapa | brahmachArisvarUpANAM vanasthAnAM tadAtmane || 39|| nyAsinAM nyAsadharmAyAshramahInAya te namaH | chaturShu te pa~nchamAya herambAya namo namaH || 40|| (##Page ## khaM\. 7 a\. 15 pAna 35) svAnandavAsine tubhyaM siddhibuddhivarAya cha | ekadantAya devAyAsurAya te namo namaH || 41|| anAthAnAmanAthAya sanAthAnAM sanAthaka | IshvarANAM maheshAya viShNave te namo namaH || 42|| brahmaNe bhAnave tubhyaM shaktaye sarvarUpiNe | devAdibhyaH pradAtre te padAnAM vai namo namaH || 43|| kiM stumastvAM chaturNAM cha chAlakaM svabhujaiH param | atastvAM praNamAmo vai chaturbhuja prasIda naH || 44|| evamuktvA praNemustaM devA munisamanvitAH | sa tAnuvAcha prItAtmA bhaktAn bhaktajanapriyaH || 45|| chaturbhuja uvAcha | varAn brUta mahAdevA munayo matta IpsitAn | dAsyAmi stotratuShTo.ahaM bhavatAM bhayavarjitAH || 46|| stotraM bhavatkR^itaM devAH sarvasiddhipradaM bhavet | paThatAM shR^iNvatAM chaiva bhayanAshakaraM param || 47|| visheShataH putrapautrAdikaM sarvaM labhennaraH | dhanadhAnyAdikaM chAnte mallokaM paThanAt param || 48|| evaM tasya vachaH shrutvA devA munisamanvitAH | bhayahInAH praNemustaM jagurharShasamanvitAH || 49|| devarShaya UchuH | yadi prasannabhAvena varado.asi chaturbhuja | tadA te pAdapadme vai bhaktirastu nirantaram || 50|| Aj~nAM kuru mahAbhAga tathA vartAmahe vayam | ditijadaityasantrAsatApitAH satataM vayam || 51|| chaturbhuja uvAcha | adya prabhR^iti deveshAH pAtAlasthAn mahAsurAn | mA hiMsyatha mahAbhAgA mayA saMsthApitAn purA || 52|| svargeShu chAmarasthAnaM pR^ithivyAM cha nR^iNAM sadA | pAtAle dAnavAdInAM svadharmasthA bhavantu te || 53|| yadi bhUtvA vipathagA ime garveNa mohitAH | siddhirna bhavitA teShAM madvAkyAnnAtra saMshayaH || 54|| tatheti taM praNamyaiva devAH svasthAnamAyayuH | tadAdi dAnavAn devA na jaghnuH sthalasaMshritAn || 55|| chaturbhujashcha daityendrAn sarvAnAj~nApayat prabhuH | te tatheti tamuchchArya harShitAH svasthalaM yayuH || 56|| tatashchaturbhujo devoM.atardadhe cha prajApate | kashyapo ditisaMyuktaH shushocha tamanusmaran || 57|| pitarau vAkyamUche sA vANI chA.akAshasambhavA | sthApya mUrtiM gaNeshasya bhajataM nityamAdarAt || 58|| tathA chakAra dityA sa kashyapo brAhmaNaiH saha | sthApayAmAsa mUrtiM vai chaturbhujasya sarvadAm || 59|| hR^idi chintAmaNiM dhyAtvA bahiH pUjya chaturbhujam | saMsthitau bhaktisaMyuktau ditikashyapakau kila || 60|| AsuraM bhAvamutsR^ijya ditirbhaktisamanvitA | gANapatyasvabhAvenA.abhajattaM tu chaturbhujam || 61|| etachchaturbhujasyaiva charitaM kathitaM mayA | vighnarAjakalArUpo.avatAro.ayamudAhR^itaH || 62|| ya idaM shR^iNuyAn martyaH shrAvayedvA paThet sa tu | bhuktiM muktiM labhedbrahma bhaktiM vighneshvare parAm || 63|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite chaturbhujAvatAravikramavarNanaM nAma pa~nchadasho.adhyAyaH || 7\.15 (##Page ## khaM\. 7 a\. 16 pAna 36) \section{7\.16 charitamAhAtmyavarNanaM nAma ShoDasho.adhyAyaH} || shrIgaNeshAya namaH || mudgala uvAcha | tato bahau gate kAle daityendrA balasaMyutAH | devAn jetuM prasannaddhA babhUvuH krodhasaMyutAH || 1|| prahlAdaM mukhyakaM kR^itvA brahmashApena mohitam | AyayustAM praNemuste ditiM kashyapasaMyutAm || 2|| tAnuvAcha svayaM devI ditiH krodhasamanvitA | mA gachChata mahAduShTAH dharmaM santyaja daityapAH || 3|| chaturbhujena deveshAH sthApitAH svargabhUmiShu | pAtAlavivareShvatra yUyaM rAjyasamanvitAH || 4|| praNamya tAmanAdR^itya daityeshA lobhasaMyutAH | yayurdevajayArthaM te hyadharmeNa praNoditAH || 5|| ditiH kashyapasaMyuktA daityAnAM sudurAtmanAm | pakShaM tyaktvA gaNeshAnamabhajad bhaktisaMyutA || 6|| evaM vai devapakShaM sA tyaktvA munisamanvitA | aditistaM svaputraM chAbhajadvinAyakaM param || 7|| daivIM prakR^itimutsR^ijya mR^inmUrtisthaM vinAyakam | yogabhAvena bhaktyA tamabhajatpremasaMyutA || 8|| vinatAdyAstathA dakSha kashyapenopadeshitAH | shAntiyuktA gaNeshAnamabhajan premasaMyutAH || 9|| dakSha uvAcha | daivIM tu prakR^itiM tyaktvA tathA.a.asurIM mahAmune | kathaM gaNeshvaraM bhaktyA bhajanti vada mAnavAH || 10|| mudgala uvAcha | sakAmikaM karoti chennaraH karma yathAvidhi | AsuraM tat samAkhyAtaM dehasaukhyakaraM yataH || 11|| niShkAmikaM karoti chennaraH daivaM prakIrtitam | vidhiyuktaM karma dakSha muktidaM tanmataM budhaiH || 12|| svadharmasthairjanaiH karma kriyate vividhaM param | dehadharmaM samAj~nAya yogarUpaM cha tat smR^itat || 13|| tadeva devaprItyarthaM karma bhaktimayaM matam | bhaktibhAvArthamAnandAt sastrIko munirAkarot || 14|| etatte kathitaM sarvaM vighnarAjacharitrakam | sarvasiddhipradaM pUrNaM shAntidaM bhaktikAraNam || 15|| evaM nAnA.avatArAshcha vighnarAjasya mAnada | teShAM charitrakaM kena vaktuM naiva prashakyate || 16|| ayaM vighneshvaro devaH samasvAnandago bhavet | satyAsatye vinirmAya prabhuH krIDati mAyayA || 17|| pUrNayogamayashchAyaM vighnarAjaH prakIrtitaH | tasyArthaM shR^iNu bhAvena brahmabuddhiprakAshakam || 18|| sampraj~nAtamayaM brahmA.asampraj~nAtagataM tathA | bhramayuktaM mahAvighnasaMyuktaM nAtra saMshayaH || 19|| bhramahInaM tadevApi vighnahInaM prakIrtitam | brahmaNi brahmabhUtaM chennobhayaM tatra vidyate || 20|| vishveShAM vighnarAjo.ayaM vighnakartA prajApate | vighnahartA svayaM sAkShAdbrahmaNAM cha nirantaram || 21|| svayaM vighnayuto naiva vighnahIno na vidyate | evaM j~nAtvA naro brahmabhUto bhavati vighnapam || 22|| idaM vaighneshvaraM chitraM charitaM saMshR^iNoti yaH | paThedvA tasya vighneshaH prasanno jAyate sadA || 23|| prasanne vighnarAjendre kiM kiM vai durlabhaM bhavet | sarvasiddhiyutaH soM.ate naro brahmaiva jAyate || 24|| nAnena sadR^ishaM ki~nchit pAvanaM kutra vartate | bhuktimuktipradaM dakSha charitraM saMshrutaM tvayA || 25|| pa~nchAgnisAdhanAdIni tapAMsi vividhAni yaH | (##Page ## khaM\. 7 a\. 16 pAna 37) kuryAttebhyo.adhikaM puNyamasya shravaNato labhet || 26|| tIrthAni vividhAnyeva sAdhayitvA phalaM labhet | tebhyo.adhikaM labhet puNyaM khaNDasyAsya shravAnnaraH || 27|| yaj~nAnAM sA~NgajAtAnAM phalaM tasmAt prajApate | adhikaM shravaNAdasya labhet khaNDasya mAnavaH || 28|| iShTApUrtAdikaM sarvaM yaH karoti narottamaH | tebhyo.adhikaM labhettasya shravaNAnnAtra saMshayaH || 29|| putrapautrAdisaMyukto dhanadhAnyAdisaMyutaH | ArogyeNa naro yukto bhavedasya tu saMshravAt || 30|| vandhyAdidoShabhAvena pIDito yadi mAnavaH | asya shravaNamAtreNa pIDAhIno bhavet sadA || 31|| yasya gehe sthitashchAyaM khaNDo vighneshabhaktidaH | kadA tasya pishAchebhyashchaurAdibhyo bhayaM na hi || 32|| nAgnibhUtaM na bhUtebhyo bhayaM rAjabhavaM kadA | grahebhyo rAshisaMsthebhyaH pUtanAdibhayaM na cha || 33|| dharmArthakAmamokShANAM dAyako.ayaM prakIrtitaH | brahmabhUyapradaH sAkShAchChravaNena na saMshayaH || 34|| bahunA.atra kimuktena yatra vighnapatiH svayam | saMsthitastena sAmAnyaM bhaviShyati kimapyaho || 35|| iti te kathitaM sarvaM vighnarAjasya cheShTitam | bhaja tvaM sarvabhAvena gaNeshaM sukhamApsyasi || 36|| na shrAvyaM durjanAyedaM charitraM sarvasiddhidam | sAdhave gANapatyAya shrAvyaM yatnena mAnada || 37|| sUta uvAcha | evamuktvA mahAyogI mudgalo virarAma ha | dakSho hR^iShTamanAstaM tu praNanAma kR^itA~njaliH || 38|| mayA te kathitaM pUrNaM charitraM vighnapasya yat | yathA mudgalavaktrAchcha niHsR^itaM tAdR^ishaM param || 39|| bhavatAM sa~Ngayogena pAvito.ahaM na saMshayaH | shrotumichChasi kiM bhUyo vada shaunaka te hitam || 40|| vighnarAjasamaM naiva yathA vipra tathA param | charitraM vighnarAjasya sarvasiddhipradAyakam || 41|| || OM tatsaditi shrImadAntye purANopaniShadi shrImanmaudgale mahApurANe saptame khaNDe vighnarAjacharite charitamAhAtmyavarNanaM nAma ShoDasho.adhyAyaH || 7\.16 || shrIgajAnanArpaNamastu || || iti shrImudgalapurANe saptamaH khaNDaH samAptaH || ## Proofread by Yash Khasbage \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}