% Text title            : skandapuraaNa
% File name             : skandapur.itx
% Category              : purana, subrahmanya
% Location              : doc\_purana
% Transliterated by     : bakker
% Proofread by          : bakker
% Description-comments  : skandapuraaNa
% Source                : GRETIL
% Latest update         : September 29, 2001
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandapurana Chapters 1-25 ..}##
\itxtitle{.. skandapurANa 1 ..}##\endtitles ##

\medskip\hrule\medskip
\centerline{ska.ndapurANa adhyAya  1}
##SP0010011##  namaH paramadevAya traiguNyAvijitAtmane |
##SP0010012##  sarvato yogarUpAya sa.nsArAbhAvahetave ||
##SP0010021##  sthitisa.nrodhasargANAM hetave.antaHprasAriNe |
##SP0010022##  ShaDvi.nshAya pradhAnAya mahAdevAya dhImate ||
##SP0010031##  prajApatermahAkShetre gashNgAkAlindisa.ngame |
##SP0010032##  prayAge parame puNye brahmaNo lokavartmani ||
##SP0010041##  munayaH sa.nshitAtmAnastapasA kShINakalmaShAH |
##SP0010042##  tIrthasamplavanArthAya paurNamAsyAM kR^itAhnikAH ||
##SP0010051##  paurANikamapashyanta sUtaM satyaparAyaNam |
##SP0010052##  snAtvA tasminmahAtIrthe praNAmArthamupAgatam ||
##SP0010061##  dR^iShTvA te sUtamAyAntamR^iShayo hR^iShTamAnasAH |
##SP0010062##  AshAsyAsanasa.nveshaM tadyogyaM samakalpayan ||
##SP0010071##  sa praNamya cha tAnsarvAnsUtastAnmunipu.ngavAn |
##SP0010072##  pradattamAsanaM bheje sarvadharmasamanvitaH ||
##SP0010081##  tamAsInamapR^ichChanta munayastapasaidhitAH |
##SP0010082##  brahmasattre purA sAdho naimishAraNyavAsinAm ||
##SP0010091##  kathitaM bhAratAkhyAnaM purANaM cha paraM tvayA |
##SP0010092##  tena naH pratibhAsi tvaM sAkShAtsatyavatIsutaH ||
##SP0010101##  sarvAgamaparArthaj~naH satyadharmaparAyaNaH |
##SP0010102##  dvijapUjArato nityaM tena pR^ichChAM tvamarhasi ||
##SP0010111##  bhAratAkhyAnasadR^ishaM purANAdyadvishiShyate |
##SP0010112##  tattvA pR^ichChAma vai janma kArttikeyasya dhImataH ||
##SP0010121##  ime hi munayaH sarve tvadupAstiparAyaNAH |
##SP0010122##  skandasambhavashushrUShAsa.njAtautsukyamAnasAH ||
##SP0010131##  evamuktastadA sUtaH sa.nsiddhairmunipu.ngavaiH |
##SP0010132##  provAchedaM munInsarvAnvacho bhUtArthavAchakam ||
##SP0010141##  shR^iNudhvaM munayaH sarve kArttikeyasya sambhavam |
##SP0010142##  brahmaNyatvaM samAhAtmyaM vIryaM cha tridashAdhikam ||
##SP0010151##  mumukShayA paraM sthAnaM yAte shukamahAtmani |
##SP0010152##  sutashokAbhisa.ntapto vyAsastryambakamaikShata ||
##SP0010161##  dR^iShTvaiva sa maheshAnaM vyAso.abhUdvigatavyathaH |
##SP0010162##  vicharansa tadA lokAnmuniH satyavatIsutaH ||
##SP0010171##  merushR^ishNge.atha dadR^ishe brahmaNaH sutamagrajam |
##SP0010172##  sanatkumAraM varadaM yogaishvaryasamanvitam ||
##SP0010181##  vimAne ravisa.nkAshe tiShThantamanalaprabham |
##SP0010182##  munibhiryogasa.nsiddhaistapoyuktairmahAtmabhiH ||
##SP0010191##  vedavedAshNgatattvaj~naiH sarvadharmAgamAnvitaiH |
##SP0010192##  sakalAvAptavidyaistu chaturvaktramivAvR^itam ||
##SP0010201##  dR^iShTvA taM sumahAtmAnaM vyAso munimathAsthitam |
##SP0010202##  vavande parayA bhaktyA sAkShAdiva pitAmaham ||
##SP0010211##  brahmasUnuratha vyAsaM samAyAtaM mahaujasam |
##SP0010212##  pariShvajya paraM premNA provAcha vachanaM shubham ||
##SP0010221##  diShTyA tvamasi dharmaj~na prasAdAtpArameshvarAt |
##SP0010222##  apetashokaH samprAptaH pR^ichChasva pravadAmyaham ||
##SP0010231##  shrutvAtha vachanaM sUnorbrahmaNo munipu.ngavaH |
##SP0010232##  idamAha vacho viprAshchiraM yaddhR^idaye sthitam ||
##SP0010241##  kumArasya kathaM janma kArttikeyasya dhImataH |
##SP0010242##  ki.nnimittaM kuto vAsya ichChAmyetaddhi veditum ||
##SP0010251##  kathaM rudrasutashchAsau vahnigashNgAsutaH katham |
##SP0010252##  umAyAstanayashchaiva svAhAyAshcha kathaM punaH |
##SP0010253##  suparNyAshchAtha mAt.RNAM kR^ittikAnAM kathaM cha saH ||
##SP0010261##  kashchAsau pUrvamutpannaH ki.ntapAH kashcha vikramaH |
##SP0010262##  bhUtasammohanaM hyetatkathayasva yathAtatham ||
##SP0010270##  sUta uvAcha |
##SP0010271##  evaM sa pR^iShTastejasvI brahmaNaH putrasattamaH |
##SP0010272##  uvAcha sarvaM sarvaj~no vyAsAyAkliShTakAriNe |
##SP0010273##  tachChR^iNudhvaM yathAtattvaM kIrtyamAnaM mayAnaghAH ||
##SP0019999##  iti skandapurANe prathamo.adhyAyaH ||
\medskip\hrule\medskip
\centerline{ska.ndapurANa adhyAya  2}
##SP0020010##  sanatkumAra uvAcha |
##SP0020011##  prapadye devamIshAnaM sarvaj~namaparAjitam |
##SP0020012##  mahAdevaM mahAtmAnaM vishvasya jagataH patim ||
##SP0020021##  shaktirapratighA yasya aishvaryaM chaiva sarvashaH |
##SP0020022##  svAmitvaM cha vibhutvaM cha svakR^itAni prachakShate ||
##SP0020031##  tasmai devAya somAya praNamya prayataH shuchiH |
##SP0020032##  purANAkhyAnajij~nAsorvakShye skandodbhavaM shubham ||
##SP0020041##  dehAvatAro devasya rudrasya paramAtmanaH |
##SP0020042##  prAjApatyAbhiShekashcha haraNaM shirasastathA ||
##SP0020051##  darshanaM ShaTkulIyAnAM chakrasya cha visarjanam |
##SP0020052##  naimishasyodbhavashchaiva sattrasya cha samApanam ||
##SP0020061##  brahmaNashchAgamastatra tapasashcharaNaM tathA |
##SP0020062##  sharvasya darshanaM chaiva devyAshchaiva samudbhavaH ||
##SP0020071##  satyA vivAdashcha tathA dakShashApastathaiva cha |
##SP0020072##  menAyAM cha yathotpattiryathA devyAH svaya.nvaram ||
##SP0020081##  devAnAM varadAnaM cha vasiShThasya cha dhImataH |
##SP0020082##  parAsharasya chotpattirvyAsasya cha mahAtmanaH ||
##SP0020091##  vasiShThakaushikAbhyAM cha vairodbhavasamApanam |
##SP0020092##  vArANasyAshcha shUnyatvaM kShetramAhAtmyavarNanam ||
##SP0020101##  rudrasya chAtra sA.nnidhyaM nandinashchApyanugrahaH |
##SP0020102##  gaNAnAM darshanaM chaiva kathanaM chApyasheShataH ||
##SP0020111##  kAlIvyAharaNaM chaiva tapashcharaNameva cha |
##SP0020112##  somanandisamAkhyAnaM varadAnaM tathaiva cha ||
##SP0020121##  gaurItvaM putralambhashcha devyA utpattireva cha |
##SP0020122##  kaushikyA bhUtamAtR^itvaM si.nhAshcha rathinastathA ||
##SP0020131##  gauryAshcha nilayo vindhye vindhyasUryasamAgamaH |
##SP0020132##  agastyasya cha mAhAtmyaM vadhaH sundanisundayoH ||
##SP0020141##  nisumbhasumbhaniryANaM mahiShasya vadhastathA |
##SP0020142##  abhiShekashcha kaushikyA varadAnamathApi cha ||
##SP0020151##  andhakasya tathotpattiH pR^ithivyAshchaiva bandhanam |
##SP0020152##  hiraNyAkShavadhashchaiva hiraNyakashipostathA ||
##SP0020161##  balisa.nyamanaM chaiva devyAH samaya eva cha |
##SP0020162##  devAnAM gamanaM chaiva agnerdUtatvameva cha ||
##SP0020171##  devAnAM varadAnaM cha shukrasya cha visarjanam |
##SP0020172##  sutasya cha tathotpattirdevyAshchAndhakadarshanam ||
##SP0020181##  shailAdidaityasammardo devyAshcha shatarUpatA |
##SP0020182##  AryAvarapradAnaM cha shailAdistava eva cha ||
##SP0020191##  devasyAgamanaM chaiva vR^ittasya kathanaM tathA |
##SP0020192##  pativratAyAshchAkhyAnaM gurushushrUShaNasya cha ||
##SP0020201##  AkhyAnaM pa~nchachUDAyAstejasashchApyadhR^iShyatA |
##SP0020202##  dUtasyAgamanaM chaiva sa.nvAdo.atha visarjanam ||
##SP0020211##  andhakAsurasa.nvAdo mandarAgamanaM tathA |
##SP0020212##  gaNAnAmAgamashchaiva sa.nkhyAnashravaNaM tathA ||
##SP0020221##  nigrahashchAndhakasyAtha yuddhena mahatA tathA |
##SP0020222##  sharIrArdhapradAnaM cha ashokasutasa.ngrahaH ||
##SP0020231##  bhasmasomodbhavashchaiva shmashAnavasatistathA |
##SP0020232##  rudrasya nIlakaNThatvaM tathAyatanavarNanam ||
##SP0020241##  utpattiryakSharAjasya kuberasya cha dhImataH |
##SP0020242##  nigraho bhujagendrANAM shikharasya cha pAtanam ||
##SP0020251##  trailokyasya sashakrasya vashIkaraNameva cha |
##SP0020252##  devasenApradAnaM cha senApatyAbhiShechanam ||
##SP0020261##  nAradasyAgamashchaiva tArakapreShitasya ha |
##SP0020262##  vadhashcha tArakasyogro yAtrA bhadravaTasya cha ||
##SP0020271##  mahiShasya vadhashchaiva krau~nchasya cha nibarhaNam |
##SP0020272##  shakteruddharaNaM chaiva tArakasya vadhaH shubhaH ||
##SP0020281##  devAsurabhayotpattistraipuraM yuddhameva cha |
##SP0020282##  prahlAdavigrahashchaiva kR^itaghnAkhyAnameva cha |
##SP0020283##  mahAbhAgyaM brAhmaNAnAM vistareNa prakIrtyate ||
##SP0020291##  etajj~nAtvA yathAvaddhi kumArAnucharo bhavet |
##SP0020292##  balavAnmatisampannaH putraM chApnoti sammatam ||
##SP0029999##  iti skandapurANe dvitIyo.adhyAyaH ||
\medskip\hrule\medskip
\centerline{ska.ndapurANa adhyAya  3}
##SP0030010##  sanatkumAra uvAcha |
##SP0030011##  shR^iNuShvemAM kathAM divyAM sarvapApapraNAshanIm |
##SP0030012##  kathyamAnAM mayA chitrAM bahvarthAM shrutisammitAm |
##SP0030013##  yAM shrutvA pApakarmApi gachChechcha paramAM gatim ||
##SP0030021##  na nAstikAshraddadhAne shaThe chApi katha.nchana |
##SP0030022##  imAM kathAmanubrUyAttathA chAsUyake nare ||
##SP0030031##  idaM putrAya shiShyAya dhArmikAyAnasUyave |
##SP0030032##  kathanIyaM mahAbrahmandevabhaktAya vA bhavet |
##SP0030033##  kumArabhaktAya tathA shraddadhAnAya chaiva hi ||
##SP0030041##  purA brahmA prajAdhyakShaH aNDe.asminsamprasUyate |
##SP0030042##  so.aj~nAnAtpitaraM brahmA na veda tamasAvR^itaH ||
##SP0030051##  ahameka iti j~nAtvA sarvA/llokAnavaikShata |
##SP0030052##  na chApashyata tatrAnyaM tapoyogabalAnvitaH ||
##SP0030061##  putra putreti chApyukto brahmA sharveNa dhImatA |
##SP0030062##  praNataH prA~njalirbhUtvA tameva sharaNaM gataH ||
##SP0030071##  sa dattvA brahmaNe shambhuH sraShTR^itvaM j~nAnasa.nhitam |
##SP0030072##  vibhutvaM chaiva lokAnAmantardhe parameshvaraH ||
##SP0030081##  tadeShopaniShatproktA mayA vyAsa sanAtanA |
##SP0030082##  yAM shrutvA yogino dhyAnAtprapadyante maheshvaram ||
##SP0030091##  brahmaM cha yo vidadhe putramagre j~nAnaM cha
                 yaH prahiNoti sma tasmai |
##SP0030092##  tamAtmasthaM ye.anupashyanti dhIrAsteShAM
                 shAntiH shAshvatI netareShAm ||
##SP0030101##  sa vyAsa pitaraM dR^iShTvA svadIptyA parayA yutam |
##SP0030102##  putrakAmaH prajAhetostapastIvraM chakAra ha ||
##SP0030111##  mahatA yogatapasA yuktasya sumahAtmanaH |
##SP0030112##  achireNaiva kAlena pitA sampratutoSha ha ||
##SP0030121##  darshanaM chAgamattasya varado.asmItyuvAcha ha |
##SP0030122##  sa tuShTAva nato bhUtvA kR^itvA shirasi chA~njalim ||
##SP0030131##  namaH paramadevAya devAnAmapi vedhase |
##SP0030132##  sraShTre vai lokatantrAya brahmaNaH pataye namaH ||
##SP0030141##  ekasmai shaktiyuktAya ashaktirahitAya cha |
##SP0030142##  anantAyAprameyAya indriyAviShayAya cha ||
##SP0030151##  vyApine vyAptapUrvAya adhiShThAtre prachodine |
##SP0030152##  kR^itaprachetanAyaiva tattvavinyAsakAriNe ||
##SP0030161##  pradhAnachodakAyaiva guNinAM shAntidAya cha |
##SP0030162##  dR^iShTidAya cha sarveShAM svayaM vai darshanAya cha ||
##SP0030171##  viShayagrAhiNe chaiva niyamasya cha kAriNe |
##SP0030172##  manasaH karaNAnAM cha tatraiva niyamasya cha ||
##SP0030181##  bhUtAnAM guNakartre cha shaktidAya tathaiva cha |
##SP0030182##  kartre hyaNDasya mahyaM cha achintyAyAgrajAya cha |
##SP0030183##  aprameya pitarnityaM prIto no disha shakvarIm ||
##SP0030191##  tasyaivaM stuvato vyAsa devadevo maheshvaraH |
##SP0030192##  tuShTo.abravItsvayaM putraM brahmANaM praNataM tathA ||
##SP0030201##  yasmAtte viditaM vatsa sUkShmametanmahAdyute |
##SP0030202##  tasmAdbrahmeti lokeShu nAmnA khyAtiM gamiShyasi ||
##SP0030211##  yasmAchchAhaM pitetyuktastvayA buddhimatAM vara |
##SP0030212##  tasmAtpitAmahatvaM te loke khyAtiM gamiShyati ||
##SP0030221##  prajArthaM yachcha te taptaM tapa ugraM sudushcharam |
##SP0030222##  tasmAtprajApatitvaM te dadAni prayatAtmane ||
##SP0030231##  evamuktvA sa devesho mUrtimatyo.asR^ijatstriyaH |
##SP0030232##  yAstAH prakR^itayastvaShTau visheShAshchendriyaiH saha |
##SP0030233##  bhAvAshcha sarve te devamupatasthuH svarUpiNaH ||
##SP0030241##  tAnuvAcha tato devaH patiryuktaH svatejasA |
##SP0030242##  etamadyAbhiShekeNa sampAdayata mA chiram ||
##SP0030251##  tAbhiH svaM svaM samAdAya bhAvaM divyamatarkitam |
##SP0030252##  abhiShikto babhUveti prajApatiratidyutiH ||
##SP0030261##  tatraivaM yoginaH sUkShmaM dR^iShTvA divyena chakShuShA |
##SP0030262##  purANaM yogatattvaj~nA gAyanti triguNAnvitam ||
##SP0030271##  rudraH sraShTA hi sarveShAM bhUtAnAM tava cha prabho |
##SP0030272##  asmAbhishcha bhavAnsArdhaM jagataH sampravartakaH ||
##SP0030281##  sa devastoShitaH samyakparamaishvaryayogadhR^ik |
##SP0030282##  brahmANamagrajaM putraM prAjApatye.abhyaShechayat ||
##SP0030291##  yaH kR^itvA bahuvidhamArgayogayuktaM tattvAkhyaM
                jagadidamAdarAdyuyoja |
##SP0030292##  devAnAM paramamanantayogayuktaM
                mAyAbhistribhuvanamandhamaprasAdam ||
##SP0030301##  sarveShAM manasi sadAvatiShThamAno jAnAnaH shubhamashubhaM
                cha bhUtanAthaH |
##SP0030302##  taM devaM pramathapatiM praNamya bhaktyA nityaM vai
                sharaNamupaimi sUkShmasUkShmam ||
##SP0039999##  iti skandapurANe tR^itIyo.adhyAyaH ||
\medskip\hrule\medskip
\centerline{ska.ndapurANa adhyAya  4}
##SP0040010##  sanatkumAra uvAcha |
##SP0040011##  prAjApatyaM tato labdhvA prajAH sraShTuM prachakrame |
##SP0040012##  prajAstAH sR^ijyamAnAshcha na vivardhanti tasya ha ||
##SP0040021##  sa kurvANastathA sR^iShTiM shaktihInaH pitAmahaH |
##SP0040022##  sR^iShTyarthaM bhUya evAtha tapashchartuM prachakrame ||
##SP0040031##  sR^iShTihetostapastasya j~nAtvA tribhuvaneshvaraH |
##SP0040032##  tejasA jagadAvishya AjagAma tadantikam |
##SP0040033##  sraShTA tasya jagannAtho.adarshayatsvatanau jagat ||
##SP0040041##  svayamAgatya devesho mahAbhUtapatirharaH |
##SP0040042##  vyApyeva hi jagatkR^itsnaM parameNa svatejasA |
##SP0040043##  shambhuH prAha varaM vatsa yAchasveti pitAmaham ||
##SP0040051##  taM brahmA lokasR^iShTyarthaM putrastvaM manasAbravIt |
##SP0040052##  sa j~nAtvA tasya sa.nkalpaM brahmaNaH parameshvaraH |
##SP0040053##  mUDho.ayamiti sa.nchintya provAcha varadaH svayam ||
##SP0040061##  AgataM pitaraM mA tvaM yasmAtputraM samIhase |
##SP0040062##  manmUrtistanayastasmAdbhaviShyati mamAj~nayA ||
##SP0040071##  sa cha te putratAM yAtvA madIyo gaNanAyakaH |
##SP0040072##  rudro vigrahavAnbhUtvA mUDha tvAM vinayiShyati ||
##SP0040081##  sarvavidyAdhipatyaM cha yogAnAM chaiva sarvashaH |
##SP0040082##  balasyAdhipatitvaM cha astrANAM cha prayoktR^itA ||
##SP0040091##  mayA dattAni tasyAshu upasthAsyanti sarvashaH |
##SP0040092##  dhanuH pinAkaM shUlaM cha khaDgaM parashureva cha ||
##SP0040101##  kamaNDalustathA daNDaH astraM pAshupataM tathA |
##SP0040102##  sa.nvartakAshanishchaiva chakraM cha pratisargikam |
##SP0040103##  evaM sarvarddhisampannaH sutaste sa bhaviShyati ||
##SP0040111##  evamuktvA gate tasminnantardhAnaM mahAtmani |
##SP0040112##  brahmA chakre tadA cheShTiM putrakAmaH prajApatiH ||
##SP0040121##  sa juhva~nChramasa.nyuktaH pratighAtasamanvitaH |
##SP0040122##  samidyuktena hastena lalATaM pramamArja ha ||
##SP0040131##  samitsa.nyogajastasya svedabindurlalATajaH |
##SP0040132##  papAta jvalane tasmindviguNaM tasya tejasA ||
##SP0040141##  taddhi mAheshvaraM tejaH sa.ndhitaM brahmaNi srutam |
##SP0040142##  preritaM devadevena nipapAta havirbhuji ||
##SP0040151##  kShaNe tasminmaheshena smR^itvA taM varamuttamam |
##SP0040152##  preShito gaNapo rudraH sadya evAbhavattadA ||
##SP0040161##  tachcha sa.nsvedajaM tejaH pUrvaM jvalanayojitam |
##SP0040162##  bhUtvA lohitamAshveva punarnIlamabhUttadA ||
##SP0040171##  nIlalohita ityeva tenAsAvabhavatprabhuH |
##SP0040172##  tryakSho dashabhujaH shrImAnbrahmANaM ChAdayanniva ||
##SP0040181##  sharvAdyairnAmabhirbrahmA tanUbhishcha jalAdibhiH |
##SP0040182##  stutvA taM sarvagaM devaM nIlalohitamavyayam ||
##SP0040191##  j~nAtvA sarvasR^ijaM pashchAnmahAbhUtapratiShThitam |
##SP0040192##  asR^ijadvividhAstvanyAH prajAH sa jagati prabhuH ||
##SP0040201##  so.api yogaM samAsthAya aishvaryeNa samanvitaH |
##SP0040202##  lokAnsarvAnsamAvishya dhArayAmAsa sarvadA ||
##SP0040211##  brahmaNo.api tataH putrA dakShadharmAdayaH shubhAH |
##SP0040212##  asR^ijanta prajAH sarvA devamAnuShasa.nkulAH ||
##SP0040221##  atha kAlena mahatA kalpe.atIte punaH punaH |
##SP0040222##  prajA dhArayato yogAdasminkalpa upasthite ||
##SP0040231##  pratiShThitAyAM vArttAyAM pravR^itte vR^iShTisarjane |
##SP0040232##  prajAsu cha vivR^iddhAsu prayAge yajatashcha ha ||
##SP0040241##  brahmaNaH ShaTkulIyAste R^iShayaH sa.nshitavratAH |
##SP0040242##  marIchayo.atrayashchaiva vasiShThAH kratavastathA ||
##SP0040251##  bhR^igavo.ashNgirasashchaiva tapasA dagdhakilbiShAH |
##SP0040252##  UchurbrahmANamabhyetya sahitAH karmaNo.antare ||
##SP0040261##  bhagavannandhakAreNa mahatA smaH samAvR^itAH |
##SP0040262##  khinnA vivadamAnAshcha na cha pashyAma yatparam ||
##SP0040271##  etaM naH sa.nshayaM deva chiraM hR^idi samAsthitam |
##SP0040272##  tvaM hi vettha yathAtattvaM kAraNaM paramaM hi naH ||
##SP0040281##  kiM paraM sarvabhUtAnAM balIyashchApi sarvataH |
##SP0040282##  kena chAdhiShThitaM vishvaM ko nityaH kashcha shAshvataH ||
##SP0040291##  kaH sraShTA sarvabhUtAnAM prakR^iteshcha pravartakaH |
##SP0040292##  ko.asmAnsarveShu kAryeShu prayunakti mahAmanAH ||
##SP0040301##  kasya bhUtAni vashyAni kaH sarvaviniyojakaH |
##SP0040302##  kathaM pashyema taM chaiva etannaH sha.nsa sarvashaH ||
##SP0040311##  evamuktastato brahmA sarveShAmeva sa.nnidhau |
##SP0040312##  devAnAM cha R^iShINAM cha gandharvoragarakShasAm ||
##SP0040321##  yakShANAmasurANAM cha ye cha kutra pravartakAH |
##SP0040322##  pakShiNAM sapishAchAnAM ye chAnye tatsamIpagAH |
##SP0040323##  utthAya prA~njaliH prAha rudreti triH plutaM vachaH ||
##SP0040331##  sa chApi tapasA shakyo draShTuM nAnyena kenachit |
##SP0040332##  sa sraShTA sarvabhUtAnAM balavA.nstanmayaM jagat |
##SP0040333##  tasya vashyAni bhUtAni tenedaM dhAryate jagat ||
##SP0040341##  tataste sarvalokeshA namashchakrurmahAtmane ||
##SP0040350##  R^iShaya UchuH |
##SP0040351##  kiM tanmahattapo deva yena dR^ishyeta sa prabhuH |
##SP0040352##  tanno vadasva devesha varadaM chAbhidhatsva naH ||
##SP0040360##  pitAmaha uvAcha |
##SP0040361##  sattraM mahatsamAsadhvaM vAshNmanodoShavarjitAH |
##SP0040362##  deshaM cha vaH pravakShyAmi yasmindeshe chariShyatha ||
##SP0040371##  tato manomayaM chakraM sa sR^iShTvA tAnuvAcha ha |
##SP0040372##  kShiptametanmayA chakramanuvrajata mA chiram ||
##SP0040381##  yatrAsya nemiH shIryeta sa deshastapasaH shubhaH |
##SP0040382##  tato mumocha tachchakraM te cha tatsamanuvrajan ||
##SP0040391##  tasya vai vrajataH kShipraM yatra nemirashIryata |
##SP0040392##  naimishaM tatsmR^itaM nAmnA puNyaM sarvatra pUjitam ||
##SP0040401##  tatpUjitaM devamanuShyasiddhai rakShobhirugrairuragaishcha divyaiH |
##SP0040402##  yakShaiH sagandharvapishAchasa.nghaiH sarvApsarobhishcha
              diteH sutaishcha ||
##SP0040411##  vipraishcha dAntaiH shamayogayuktaistIrthaishcha sarvairapi
              chAvanIdhraiH |
##SP0040412##  gandharvavidyAdharachAraNaishcha sAdhyaishcha vishvaiH
              pitR^ibhiH stutaM cha ||
##SP0049999##  iti skandapurANe chaturtho.adhyAyaH ||
\medskip\hrule\medskip
\centerline{ska.ndapurANa adhyAya  5}
##SP0050010##  sanatkumAra uvAcha |
##SP0050011##  tannaimishaM samAsAdya R^iShayo dIptatejasaH |
##SP0050012##  divyaM sattraM samAsanta mahadvarShasahasrikam ||
##SP0050021##  ekAgramanasaH sarve nirmamA hyanaha.nkR^itAH |
##SP0050022##  dhyAyanto nityamIsheshaM sadAratanayAgnayaH ||
##SP0050031##  tanniShThAstatparAH sarve tadyuktAstadapAshrayAH |
##SP0050032##  sarvakriyAH prakurvANAstameva manasA gatAH ||
##SP0050041##  teShAM taM bhAvamAlakShya mAtarishvA mahAtapAH |
##SP0050042##  sarvaprANicharaH shrImAnsarvabhUtapravartakaH |
##SP0050043##  dadau sa rUpI bhagavAndarshanaM sattriNAM shubhaH ||
##SP0050051##  taM te dR^iShTvArchayitvA cha mAtarishvAnamavyayam |
##SP0050052##  AsInamAsane puNye R^iShayaH sa.nshitavratAH |
##SP0050053##  paprachChurudbhavaM kR^itsnaM jagataH pralayaM tathA ||
##SP0050061##  sthitiM cha kR^itsnAM va.nshA.nshcha yugamanvantarANi cha |
##SP0050062##  va.nshAnucharitaM kR^itsnaM divyamAnaM tathaiva cha ||
##SP0050071##  aShTAnAM devayonInAmutpattiM pralayaM tathA |
##SP0050072##  pitR^isargaM tathAsheShaM brahmaNo mAnameva cha ||
##SP0050081##  chandrAdityagatiM sarvAM tArAgrahagatiM tathA |
##SP0050082##  sthitiM sarveshvarANAM cha dvIpadharmamasheShataH |
##SP0050083##  varNAshramavyavasthAnaM yaj~nAnAM cha pravartanam ||
##SP0050091##  etatsarvamasheSheNa kathayAmAsa sa prabhuH |
##SP0050092##  divyaM varShasahasraM cha teShAM tadabhiyAttathA ||
##SP0050101##  atha divyena rUpeNa sAmavAgdishNnirIkShaNA |
##SP0050102##  yajurghrANAtharvashirAH shabdajihvA shubhA satI ||
##SP0050111##  nyAyashrotrA niruktatvagR^ikpAdapadagAminI |
##SP0050112##  kAlabAhUrvarShakarA divasAshNgulidhAriNI ||
##SP0050121##  kalAdibhiH parvabhishcha mAsaiH kararuhaistathA |
##SP0050122##  kalpasAdhAraNA divyA shikShAvidyonnatastanI ||
##SP0050131##  ChandovichitimadhyA cha mImA.nsAnAbhireva cha |
##SP0050132##  purANavistIrNakaTirdharmashAstramanorathA ||
##SP0050141##  AshramorUrvarNajAnuryaj~nagulphA phalAshNguliH |
##SP0050142##  lokavedasharIrA cha romabhishChAndasaiH shubhaiH ||
##SP0050151##  shraddhAshubhAchAravastrA yogadharmAbhibhAShiNI |
##SP0050152##  vedImadhyAdviniHsR^itya pravR^ittA paramAmbhasA ||
##SP0050161##  tasyAnte.avabhR^ithe plutya vAyunA saha sa.ngatAH |
##SP0050162##  tAmapR^ichChanta kA nveShA vAyuM devaM mahAdhiyam ||
##SP0050171##  uvAcha sa mahAtejA R^iShIndharmAnubhAvitAn |
##SP0050172##  shuddhAH stha tapasA sarve mahAndharmashcha vaH kR^itaH ||
##SP0050181##  yasmAdiyaM nadI puNyA brahmalokAdihAgatA |
##SP0050182##  iyaM sarasvatI nAma brahmalokavibhUShaNA ||
##SP0050191##  prathamaM martyaloke.asminyuShmatsiddhyarthamAgatA |
##SP0050192##  nAsyAH puNyatamA kAchittriShu lokeShu vidyate ||
##SP0050200##  R^iShaya UchuH |
##SP0050201##  kathameShA mahApuNyA pravR^ittA brahmalokagA |
##SP0050202##  kAraNaM kiM cha tatrAsIdetadichChAma veditum ||
##SP0050210##  vAyuruvAcha |
##SP0050211##  atra vo vartayiShyAmi itihAsaM purAtanam |
##SP0050212##  brahmaNashchaiva sa.nvAdaM purA yaj~nasya chaiva ha ||
##SP0050221##  yaj~nairiShTvA purA devo brahmA dIptena tejasA |
##SP0050222##  asR^ijatsarvabhUtAni sthAvarANi charANi cha ||
##SP0050231##  sa dR^iShTvA dIptimAndevo dIptyA paramayA yutaH |
##SP0050232##  avekShamANaH svA/llokA.nshchaturbhirmukhapashNkajaiH ||
##SP0050241##  devAdInmanuShyAdI.nshcha dR^iShTvA dR^iShTvA mahAmanAH |
##SP0050242##  amanyata na me.anyo.asti samo loke na chAdhikaH ||
##SP0050251##  yo.ahametAH prajAH sarvAH saptalokapratiShThitAH |
##SP0050252##  devamAnuShatiryakShu grasAmi visR^ijAmi cha ||
##SP0050261##  ahaM sraShTA hi bhUtAnAM nAnyaH kashchana vidyate |
##SP0050262##  niyantA lokakartA cha na mayAsti samaH kvachit ||
##SP0050271##  tasyaivaM manyamAnasya yaj~na AgAnmahAmanAH |
##SP0050272##  uvAcha chainaM dIptAtmA maivaM ma.nsthA mahAmate |
##SP0050273##  ayaM hi tava sammoho vinAshAya bhaviShyati ||
##SP0050281##  na yuktamIdR^ishaM te.adya sattvasthasyAtmayoninaH |
##SP0050282##  sraShTA tvaM chaiva nAnyo.asti tathApi na yashaskaram ||
##SP0050291##  ahaM kartA hi bhUtAnAM bhuvanasya tathaiva cha |
##SP0050292##  karomi na cha sammohaM yathA tvaM deva katthase ||
##SP0050301##  tamuvAcha tadA brahmA na tvaM dhArayitA vibho |
##SP0050302##  ahameva hi bhUtAnAM dhartA bhartA tathaiva cha |
##SP0050303##  mayA sR^iShTAni bhUtAni tvamevAtra vimuhyase ||
##SP0050311##  athAgAttatra sa.nvigno vedaH paramadIptimAn |
##SP0050312##  uvAcha chaiva tau vedo naitadevamiti prabhuH ||
##SP0050321##  ahaM shreShTho mahAbhAgau na vadAmyanR^itaM kvachit |
##SP0050322##  shR^iNudhvaM mama yaH kartA bhUtAnAM yuvayoshcha ha ||
##SP0050331##  paramesho mahAdevo rudraH sarvagataH prabhuH |
##SP0050332##  yenAhaM tava dattashcha kR^itastvaM cha prajApatiH ||
##SP0050341##  yaj~no.ayaM yatprasUtishcha aNDaM yatrAsti sa.nsthitam |
##SP0050342##  sarvaM tasmAtprasUtaM vai nAnyaH kartAsti naH kvachit ||
##SP0050351##  tameva.nvAdinaM devo brahmA vedamabhAShata |
##SP0050352##  ahaM shrutInAM sarvAsAM netA sraShTA tathaiva cha ||
##SP0050361##  matprasAdAddhi vedastvaM yaj~nashchAyaM na sa.nshayaH |
##SP0050362##  mUDhau yuvAmadharmo vA bhavadbhyAmanyathA kR^itaH |
##SP0050363##  prAyashchittaM charadhvaM vaH kilbiShAnmokShyathastataH ||
##SP0050371##  evamukte tadA tena mahA~nChabdo babhUva ha |
##SP0050372##  AdityamaNDalAkAramadR^ishyata cha maNDalam |
##SP0050373##  mahachChabdena mahatA upariShTAdviyatsthitam ||
##SP0050381##  sa chApi tasmAdvibhraShTo bhUtalaM samupAshritaH |
##SP0050382##  himavatku~njamAsAdya nAnAvihaganAditam |
##SP0050383##  vyomagashcha chiraM bhUtvA bhUmigaH sambabhUva ha ||
##SP0050391##  tato brahmA dishaH sarvA nirIkShya mukhapashNkajaiH |
##SP0050392##  chaturbhirna viyatsthaM tamapashyatsa pitAmahaH ||
##SP0050401##  sa mukhaM pa~nchamaM dIptamasR^ijanmUrdhni sa.nsthitam |
##SP0050402##  tenApashyadviyatsthaM taM sUryAyutasamaprabham |
##SP0050403##  AdityamaNDalAkAraM shabdavadghoradarshanam ||
##SP0050411##  taM dR^iShTvA pa~nchamaM tasya shiro vai krodhajaM mahat |
##SP0050412##  sa.nvartakAgnisadR^ishaM grasiShyattamavardhata ||
##SP0050421##  vardhamAnaM tadA tattu vaDavAmukhasa.nnibham |
##SP0050422##  dIptimachChabdavachchaiva devo.asau dIptamaNDalaH ||
##SP0050431##  hastAshNguShThanakhenAshu vAmenAvaj~nayaiva hi |
##SP0050432##  chakarta tanmahadghoraM brahmaNaH pa~nchamaM shiraH ||
##SP0050441##  dIptikR^ittashirAH so.atha duHkhenosreNa chArditaH |
##SP0050442##  papAta mUDhachetA vai yogadharmavivarjitaH ||
##SP0050451##  tataH suptotthita iva sa.nj~nAM labdhvA mahAtapAH |
##SP0050452##  maNDalasthaM mahAdevamastauShIddInayA girA ||
##SP0050460##  brahmovAcha |
##SP0050461##  namaH sahasranetrAya shatanetrAya vai namaH |
##SP0050462##  namo vivR^itavaktrAya shatavaktrAya vai namaH ||
##SP0050471##  namaH sahasravaktrAya sarvavaktrAya vai namaH |
##SP0050472##  namaH sahasrapAdAya sarvapAdAya vai namaH ||
##SP0050481##  sahasrapANaye chaiva sarvataHpANaye namaH |
##SP0050482##  namaH sarvasya sraShTre cha draShTre sarvasya te namaH ||
##SP0050491##  AdityavarNAya namaH shirasashChedanAya cha |
##SP0050492##  sR^iShTipralayakartre cha sthitikartre tathA namaH ||
##SP0050501##  namaH sahasralishNgAya sahasracharaNAya cha |
##SP0050502##  sa.nhAralishNgine chaiva jalalishNgAya vai namaH ||
##SP0050511##  antashcharAya sarvAya prakR^iteH preraNAya cha |
##SP0050512##  vyApine sarvasattvAnAM puruShaprerakAya cha ||
##SP0050521##  indriyArthavisheShAya tathA niyamakAriNe |
##SP0050522##  bhUtabhavyAya sharvAya nityaM sattvavadAya cha ||
##SP0050531##  tvameva sraShTA lokAnAM mantA dAtA tathA vibho |
##SP0050532##  sharaNAgatAya dAntAya prasAdaM kartumarhasi ||
##SP0050541##  tasyaivaM stuvataH samyagbhAvena parameNa ha |
##SP0050542##  sa tasmai devadevesho divyaM chakShuradAttadA ||
##SP0050551##  chakShuShA tena sa tadA brahmA lokapitAmahaH |
##SP0050552##  vimAne sUryasa.nkAshe tejorAshimapashyata ||
##SP0050561##  tasya madhyAttato vAchaM mahatIM samashR^iNvata |
##SP0050562##  gambhIrAM madhurAM yuktAmatha sampannalakShaNAm |
##SP0050563##  vishadAM putra putreti pUrvaM devena choditAm ||
##SP0050571##  sa.nsvedAtputra utpanno yattubhyaM nIlalohitaH |
##SP0050572##  yachcha pUrvaM mayA proktastvaM tadA sutamArgaNe ||
##SP0050581##  madIyo gaNapo yaste manmUrtishcha bhaviShyati |
##SP0050582##  sa prApya paramaM j~nAnaM mUDha tvA vinayiShyati ||
##SP0050591##  tasyeyaM phalaniShpattiH shirasashChedanaM tava |
##SP0050592##  mayaiva kAritA tena nirvR^itashchAdhunA bhava ||
##SP0050601##  tasya chaivotpathasthasya yaj~nasya tu mahAmate |
##SP0050602##  shirashChetsyatyasAveva kasmi.nshchitkAraNAntare |
##SP0050603##  stavenAnena tuShTo.asmi kiM dadAni cha te.anagha ||
##SP0050611##  vAyuruvAcha |
##SP0050612##  tataH sa bhagavAnhR^iShTaH praNamya shubhayA girA |
##SP0050613##  uvAcha prA~njalirbhUtvA lakShyAlakShyaM tamIshvaram ||
##SP0050621##  bhagavannaiva me duHkhaM darshanAtte prabAdhate |
##SP0050622##  ichChAmi shiraso hyasya dhAraNaM sarvadA tvayA |
##SP0050623##  nanu smareyametachcha shirasashChedanaM vibho ||
##SP0050631##  bhUyashchAdharmakAryebhyastvayaivechChe nivAraNam |
##SP0050632##  tathA cha kR^ityamuddishya pashyeyaM tvA yathAsukham ||
##SP0050641##  vij~naptiM brahmaNaH shrutvA provAcha bhuvaneshvaraH |
##SP0050642##  sa eva sutasa.nj~naste manmUrtirnIlalohitaH |
##SP0050643##  shirashChetsyati yaj~nasya bibhartsyati shirashcha te ||
##SP0050651##  ityuktvA devadeveshastatraivAntaradhIyata |
##SP0050652##  gate tasminmahAdeve brahmA lokapitAmahaH |
##SP0050653##  sayaj~naH sahavedashcha svaM lokaM pratyapadyata ||
##SP0050661##  vAyuruvAcha |
##SP0050662##  ya imaM shR^iNuyAnmartyo guhyaM vedArthasammitam |
##SP0050663##  sa dehabhedamAsAdya sAyujyaM brahmaNo vrajet ||
##SP0050671##  yashchemaM paThate nityaM brAhmaNAnAM samIpataH |
##SP0050672##  sa sarvapApanirmukto rudraloke mahIyate ||
##SP0050681##  nAputrashiShyayogibhya idamAkhyAnamaishvaram |
##SP0050682##  AkhyeyaM nApi chAj~nAya na shaThAya na mAnine ||
##SP0050691##  idaM mahaddivyamadharmashAsanaM paThetsadA brAhmaNavaidyasa.nsadi |
##SP0050692##  kR^itAvakAsho bhavatIha mAnavaH sharIrabhede pravishetpitAmaham ||
##SP0059999##  iti skandapurANe pa~nchamo.adhyAyaH ||
\medskip\hrule\medskip
\centerline{ska.ndapurANa adhyAya  6}
##SP0060010##  sanatkumAra uvAcha |
##SP0060011##  tataH sa bhagavAndevaH kapardI nIlalohitaH |
##SP0060012##  Aj~nayA parameshasya jagrAha brahmaNaH shiraH ||
##SP0060021##  tadgR^ihItvA shiro dIptaM rUpaM vikR^itamAsthitaH |
##SP0060022##  yogakrIDAM samAsthAya bhaikShAya prachachAra ha ||
##SP0060031##  sa devaveshmani tadA bhikShArthamagamaddvijAH |
##SP0060032##  na chAsya kashchittAM bhikShAmanurUpAmadAdvibhoH ||
##SP0060041##  abhyagAtsa.nkrameNaiva veshma viShNormahAtmanaH |
##SP0060042##  tasyAtiShThata sa dvAri bhikShAmuchchAraya~nChubhAm ||
##SP0060051##  sa dR^iShTvA tadupasthaM tu viShNurvai yogachakShuShA |
##SP0060052##  shirAM lalATAtsambhidya raktadhArAmapAtayat |
##SP0060053##  papAta sA cha vistIrNA yojanArdhashataM tadA ||
##SP0060061##  tayA patantyA viprendrA bahUnyabdAni dhArayA |
##SP0060062##  pitAmahakapAlasya nArdhamapyabhipUritam |
##SP0060063##  tamuvAcha tato devaH prahasya vachanaM shubham ||
##SP0060071##  sakR^itkanyAH pradIyante sakR^idagnishcha jAyate |
##SP0060072##  sakR^idrAjAno bruvate sakR^idbhikShA pradIyate ||
##SP0060081##  tuShTo.asmi tava dAnena yuktenAnena mAnada |
##SP0060082##  varaM varaya bhadraM te varado.asmi tavAdya vai ||
##SP0060091##  viShNuruvAcha |
##SP0060092##  eSha eva varaH shlAghyo yadahaM devatAdhipam |
##SP0060093##  pashyAmi sha.nkaraM devamugraM sharvaM kapardinam ||
##SP0060101##  devashChAyAM tato vIkShya kapAlasthe tadA rase |
##SP0060102##  sasarja puruShaM dIptaM viShNoH sadR^ishamUrjitam ||
##SP0060111##  tamAhAthAkShayashchAsi ajarAmara eva cha |
##SP0060112##  yuddheShu chApratidvandvI sakhA viShNoranuttamaH |
##SP0060113##  devakAryakaraH shrImAnsahAnena charasva cha ||
##SP0060121##  nArAsu janma yasmAtte viShNudehodbhavAsu cha |
##SP0060122##  narastasmAddhi nAmnA tvaM priyashchAsya bhaviShyasi ||
##SP0060130##  vAyuruvAcha |
##SP0060131##  taM tadAshvAsya nikShipya naraM viShNoH svayaM prabhuH |
##SP0060132##  agamadbrahmasadanaM tau chAvivishaturgR^iham ||
##SP0060141##  ya idaM narajanmeha shR^iNuyAdvA paTheta vA |
##SP0060142##  sa kIrtyA parayA yukto viShNuloke mahIyate ||
##SP0069999##  iti skandapurANe ShaShTho.adhyAyaH ||
\medskip\hrule\medskip
\centerline{ska.ndapurANa adhyAya  7}
##SP0070010##  vAyuruvAcha |
##SP0070011##  brahmalokaM samAsAdya bhagavAnsarvalokapaH |
##SP0070012##  bhaikShyaM bhaikShyamiti prochya dvAre samavatiShThata ||
##SP0070021##  taM dR^iShTvA vikR^itaM brahmA kapAlakarabhUShaNam |
##SP0070022##  j~nAtvA yogena mahatA tuShTAva bhuvaneshvaram ||
##SP0070031##  tasya tuShTastadA devo varado.asmItyabhAShata |
##SP0070032##  vR^iNIShva varamavyagro yaste manasi vartate ||
##SP0070040##  brahmovAcha |
##SP0070041##  ichChAmi devadevesha tvayA chihnamidaM kR^itam |
##SP0070042##  yena chihnena loko.ayaM chihnitaH syAjjagatpate ||
##SP0070051##  tasya tadvachanaM shrutvA bhagavAnvadatAM varaH |
##SP0070052##  sarvashrutimayaM brahma omiti vyAjahAra ha ||
##SP0070061##  shambhorvyAhAramAtreNa vAgiyaM divyarUpiNI |
##SP0070062##  niHsR^itA vadanAddevI prahvA samavatiShThata ||
##SP0070071##  tAmuvAcha tadA devo vAchA sa.njIvayanniva |
##SP0070072##  yasmAttvamakSharo bhUtvA mama vAcho viniHsR^itA |
##SP0070073##  sarvavidyAdhidevI tvaM tasmAddevi bhaviShyasi ||
##SP0070081##  yasmAdbrahmasarashchedaM mukhaM mama samAshritA |
##SP0070082##  tasmAtsarasvatItyeva loke khyAtiM gamiShyasi ||
##SP0070091##  imaM lokaM varAmbhobhiH pAvayitvA cha suprabhe |
##SP0070092##  sarvA/llokA.nstArayitrI punastvaM nAtra sa.nshayaH ||
##SP0070101##  yaj~nabhAgaM cha devAste dAsyanti sapitAmahAH |
##SP0070102##  puNyA cha sarvasaritAM bhaviShyasi na sa.nshayaH ||
##SP0070111##  tataH sA samanuj~nAtA sha.nkareNa vibhAvinI |
##SP0070112##  chakre brahmasaraH puNyaM brahmaloke.atipAvanam ||
##SP0070121##  toyAmR^itasusampUrNaM svarNapadmopashobhitam |
##SP0070122##  nAnApakShigaNAkIrNaM mInasa.nkShobhitodakam |
##SP0070123##  tato viniHsR^itA bhUyaH semaM lokamapAvayat ||
##SP0070131##  taM gR^ihItvA mahAdevaH kapAlamamitaujasam |
##SP0070132##  imaM lokamanuprApya deshe shreShThe.avatiShThata ||
##SP0070141##  tatra tachcha mahaddivyaM kapAlaM devatAdhipaH |
##SP0070142##  sthApayAmAsa dIptArchirgaNAnAmagrataH prabhuH ||
##SP0070151##  tatsthApitamatho dR^iShTvA gaNAH sarve mahAtmanaH |
##SP0070152##  anadansumahAnAdaM nAdayanto disho dasha |
##SP0070153##  kShubdhArNavAshaniprakhyaM nabho yena vyashIryata ||
##SP0070161##  tena shabdena ghoreNa asuro devakaNTakaH |
##SP0070162##  hAlAhala iti khyAtastaM deshaM so.abhyagachChata ||
##SP0070171##  amR^iShyamANaH krodhAndho durAtmA yaj~nanAshakaH |
##SP0070172##  brahmadattavarashchaiva avadhyaH sarvajantubhiH |
##SP0070173##  mahiShashChannarUpANAmasurANAM shatairvR^itaH ||
##SP0070181##  tamApatantaM sakrodhaM mahiShaM devakaNTakam |
##SP0070182##  samprekShyAha gaNAdhyakSho gaNAnsarvAnpinAkinaH ||
##SP0070191##  daityo.ayaM gaNapA duShTastrailokyasurakaNTakaH |
##SP0070192##  AyAti tvarito yUyaM tasmAdenaM nihanyatha ||
##SP0070201##  tataste gaNapAH sarve samAyAntaM suradviSham |
##SP0070202##  bhittvA shUlena sa.nkruddhA vigatAsuM cha chakrire ||
##SP0070211##  hate tasmi.nstadA devo dishaH sarvA avaikShata |
##SP0070212##  tAbhyaH pishAchA vR^ittAsyAH pishAchyashcha mahAbalAH |
##SP0070213##  abhyagachChanta deveshaM tAbhyastaM vinivedayat ||
##SP0070221##  sa tAbhirupayuktashcha viniyuktashcha sarvashaH |
##SP0070222##  tameva chApyathAvAsaM devAdiShTaM prapedire ||
##SP0070231##  bhakShayanti sma mahiShaM mitvA mitvA yatastu tAH |
##SP0070232##  kapAlamAtaraH proktAstasmAddevena dhImatA ||
##SP0070241##  kapAlaM sthApitaM yasmAttasmindeshe pinAkinA |
##SP0070242##  mahAkapAlaM tattasmAttriShu lokeShu gadyate ||
##SP0070251##  sthApitasya kapAlasya yathoktamabhavattadA |
##SP0070252##  khyAtaM shivataDAgaM tatsarvapApapramochanam ||
##SP0070261##  AgatyAtha tato brahmA devatAnAM gaNairvR^itaH |
##SP0070262##  kapardinamupAmantrya taM deshaM so.anvagR^ihNata ||
##SP0070271##  ardhayojanavistIrNaM kShetrametatsamantataH |
##SP0070272##  bhaviShyati na sa.ndehaH siddhakShetraM mahAtmanaH ||
##SP0070281##  shmeti hi prochyate pApaM kShayaM shAnaM vidurbudhAH |
##SP0070282##  dhyAnena niyamaishchaiva shmashAnaM tena sa.nj~nitam |
##SP0070283##  guhyaM devAtidevasya paraM priyamanuttamam ||
##SP0070291##  evaM tatra naraH pApaM sarvameva prahAsyati |
##SP0070292##  trirAtropoShitashchaiva archayitvA vR^iShadhvajam |
##SP0070293##  rAjasUyAshvamedhAbhyAM phalaM yattadavApsyati ||
##SP0070301##  yashcha prANAnpriyA.nstatra parityakShyati mAnavaH |
##SP0070302##  sa guhyagaNadevAnAM samatAM samavApsyati ||
##SP0070311##  vAyuruvAcha |
##SP0070312##  tataH sa tatra sa.nsthApya devasyArchAdvayaM shubham |
##SP0070313##  shUleshvaraM mahAkAyaM rudrasyAyatanaM shubham ||
##SP0070321##  tatrAbhigamanAdeva kR^itvA pApasya sa.nkShayam |
##SP0070322##  rudralokamavApnoti sa prAhaivaM pitAmahaH ||
##SP0070331##  yatra chApi shirastasya chichCheda bhuvaneshvaraH |
##SP0070332##  kashmIraH so.abhavannAmnA deshaH puNyatamaH sadA ||
##SP0070341##  tato devaH saha gaNai rUpaM vikR^itamAsthitaH |
##SP0070342##  pashyatAM sarvadevAnAmantardhAnamagAtprabhuH ||
##SP0070351##  gate cha devanAthe.atha kapAlasthAnamavyayam |
##SP0070352##  sarvatIrthAbhiShekasya phalena samayojayat ||
##SP0070361##  tadadyApi mahaddivyaM sarastatra pradR^ishyate |
##SP0070362##  mahAkapAlaM viprendrAH svargAstatrAkShayAH smR^itAH ||
##SP0070371##  idaM shubhaM divyamadharmanAshanaM mahAphalaM sendrasurAsurArchitam |
##SP0070372##  mahAkapAlaM prakR^itopadarshanaM sureshalokAdivigAhane hitam ||
##SP0070381##  tapodhanaiH siddhagaNaishcha sa.nstutaM diviShThatulyadvijarAjamaNDale |
##SP0070382##  paThennaro yaH shR^iNuyAchcha sarvadA tripiShTapaM gachChati
so.abhinanditaH ||
##SP0079999##  iti skandapurANe saptamo.adhyAyaH ||
\medskip\hrule\medskip
\centerline{ska.ndapurANa adhyAya  8}
##SP0080010##  vAyuruvAcha |
##SP0080011##  evameShA bhagavatI brahmalokAnusAriNI |
##SP0080012##  yuShmAkaM dharmasiddhyarthaM vedImadhyAdvyavartata ||
##SP0080020##  sanatkumAra uvAcha |
##SP0080021##  evaM teShAM samApte.atha sattre varShasahasrike |
##SP0080022##  pravR^ittAyAM sarasvatyAmagAttatra pitAmahaH ||
##SP0080030##  brahmovAcha |
##SP0080031##  bhUyo.anyena ha sattreNa yajadhvaM devamIshvaram |
##SP0080032##  yadA vo bhavitA vighnaM tadA niShkalmaShaM tapaH ||
##SP0080041##  vighnaM tachchaiva sa.ntIrya tapastaptvA cha bhAsvaram |
##SP0080042##  yogaM prApya mahadyuktAstato drakShyatha sha.nkaram ||
##SP0080051##  tathetyuktvA gate tasminsattrANyAjahrire tadA |
##SP0080052##  bahUni vividhAkArANyabhiyuktA mahAvratAH ||
##SP0080061##  niHsomAM pR^ithivIM kR^itvA kR^itsnAmetAM tato dvijAH |
##SP0080062##  rAjAnaM somamAnAyya abhiShektumiyeShire ||
##SP0080071##  atha so.api kR^itAtithyaH adR^ishyena durAtmanA |
##SP0080072##  svarbhAnunA hR^itaH somastataste duHkhitAbhavan ||
##SP0080081##  te gatvA munayaH sarve kalApagrAmavAsinaH |
##SP0080082##  purUravasamAnIya rAjAnaM te.abhyaShechayan ||
##SP0080091##  UchushchainaM mahAbhAgA hR^itaH somo hi naH prabho |
##SP0080092##  kenApi tadbhavAnkShipramihAnayatu mA chiram ||
##SP0080101##  sa evamukto mR^igayanna tamAsAdayatprabhuH |
##SP0080102##  uvAcha sa tadA viprAnpraNamya bhayapIDitaH ||
##SP0080111##  paramaM yatnamAsthAya mayA somo.abhimArgitaH |
##SP0080112##  na cha taM vedmi kenAsau kva vA nIta iti prabhuH ||
##SP0080121##  tameva.nvAdinaM kruddhA R^iShayaH sa.nshitavratAH |
##SP0080122##  UchuH sarve susa.nrabdhA ilAputraM mahAmatim ||
##SP0080131##  bhavAnrAjA kutastrAtA kR^ito.asmAbhirbhayArditaiH |
##SP0080132##  na cha nastadbhayaM shakto vinAshayitumAshvapi ||
##SP0080141##  viShayeShvatisaktAtmA yogAttaM nAnupashyasi |
##SP0080142##  tasmAdvirodhamAsthAya dvijebhyo vadhamApsyasi ||
##SP0080151##  vayameva hi rAjAnamAnayiShyAma durvidam |
##SP0080152##  tapasA svena rAjendra pashya no balamuttamam ||
##SP0080161##  tataste R^iShayaH sarve tapasA dagdhakilbiShAH |
##SP0080162##  astuvanvAgbhiriShTAbhirgAyatrIM vedabhAvinIm ||
##SP0080171##  stuvatAM tu tatasteShAM gAyatrI vedabhAvinI |
##SP0080172##  rUpiNI darshanaM prAdAduvAchedaM cha tAndvijAn ||
##SP0080181##  tuShTAsmi vatsAH kiM vo.adya karomi varadAsmi vaH |
##SP0080182##  brUta tatkR^itameveha bhaviShyati na sa.nshayaH ||
##SP0080190##  R^iShaya UchuH |
##SP0080191##  somo no.apahR^ito devi kenApi sudurAtmanA |
##SP0080192##  tamAnaya namaste.astu eSha no vara uttamaH ||
##SP0080200##  sanatkumAra uvAcha |
##SP0080201##  sA tathoktA vinishchitya dR^iShTvA divyena chakShuShA |
##SP0080202##  shyenIbhUtA jagAmAshu svarbhAnumasuraM prati ||
##SP0080211##  vyagrANAmasurANAM sA gR^ihItvA somamAgatA |
##SP0080212##  Agamya tAnR^iShInprAha ayaM somo.abhiShUyatAm ||
##SP0080221##  te tamAsAdya R^iShayaH prApya yaj~naphalaM mahat |
##SP0080222##  amanyanta tapo.asmAkaM niShkalmaShamiti dvijAH ||
##SP0080231##  tatastatra svayaM brahmA saha devoragAdibhiH |
##SP0080232##  Agatya tAnR^iShInprAha tapaH kuruta mA chiram ||
##SP0080241##  te saha brahmaNA gatvA mainAkaM parvatottamam |
##SP0080242##  sarvairdevagaNaiH sArdhaM tapashcheruH samAhitAH ||
##SP0080251##  teShAM kAlena mahatA tapasA bhAvitAtmanAm |
##SP0080252##  yogapravR^ittirabhavatsUkShmayuktAstatastu te ||
##SP0080261##  te yuktA brahmaNA sArdhamR^iShayaH saha devataiH |
##SP0080262##  maheshvare manaH sthApya nishchalopalavatsthitAH ||
##SP0080271##  atha teShAM mahAdevaH pinAkI nIlalohitaH |
##SP0080272##  abhyagachChata taM deshaM vimAnenArkatejasA ||
##SP0080281##  tadbhAvabhAvitA~nj~nAtvA sadbhAvena pareNa ha |
##SP0080282##  uvAcha meghanirhrAdaH shatadundubhinisvanaH ||
##SP0080291##  bho bho sabrahmakA devAH saviShNuR^iShichAraNAH |
##SP0080292##  divyaM chakShuH prayachChAmi pashyadhvaM mAM yathepsitam ||
##SP0080300##  sanatkumAra uvAcha |
##SP0080301##  apashyanta tataH sarve sUryAyutasamaprabham |
##SP0080302##  vimAnaM merusa.nkAshaM nAnAratnavibhUShitam ||
##SP0080311##  tasya madhye.agnikUTaM cha sumahaddIptimAsthitam |
##SP0080312##  jvAlAmAlAparikShiptamarchibhirupashobhitam ||
##SP0080321##  da.nShTrAkarAlavadanaM pradIptAnalalochanam |
##SP0080322##  tretAgnipishNgalajaTaM bhujagAbaddhamekhalam ||
##SP0080331##  mR^iShTakuNDalinaM chaiva shUlAsaktamahAkaram |
##SP0080332##  pinAkinaM daNDahastaM mudgarAshanipANinam ||
##SP0080341##  asipaTTisahastaM cha chakriNaM chordhvamehanam |
##SP0080342##  akShasUtrakaraM chaiva duShprekShyamakR^itAtmabhiH |
##SP0080343##  chandrAdityagrahaishchaiva kR^itasragupabhUShaNam ||
##SP0080351##  tamapashyanta te sarve devA divyena chakShuShA |
##SP0080352##  yaM dR^iShTvA na bhavenmR^ityurmartyasyApi kadAchana ||
##SP0080361##  tapasA viniyogayoginaH praNamanto bhavamindunirmalam |
##SP0080362##  viyatIshvaradattachakShuShaH saha devairmunayo mudAnvitAH ||
##SP0080371##  prasamIkShya mahAsureshakAlaM manasA chApi vichArya durvisahyam |
##SP0080372##  praNamanti gatAtmabhAvachintAH saha devairjagadudbhavaM stuvantaH ||
##SP0089999##  iti skandapurANe aShTamo.adhyAyaH ||
\medskip\hrule\medskip
\centerline{ska.ndapurANa adhyAya  9}
##SP0090010##  sanatkumAra uvAcha |
##SP0090011##  te dR^iShTvA devadeveshaM sarve sabrahmakAH surAH |
##SP0090012##  astuvanvAgbhiriShTAbhiH praNamya vR^iShavAhanam ||
##SP0090020##  pitAmaha uvAcha |
##SP0090021##  namaH shivAya somAya bhaktAnAM bhayahAriNe |
##SP0090022##  namaH shUlAgrahastAya kamaNDaludharAya cha ||
##SP0090031##  daNDine nIlakaNThAya karAladashanAya cha |
##SP0090032##  tretAgnidIptanetrAya trinetrAya harAya cha ||
##SP0090041##  namaH pinAkine chaiva namo.astvashanidhAriNe |
##SP0090042##  vyAlayaj~nopavItAya kuNDalAbharaNAya cha ||
##SP0090051##  namashchakradharAyaiva vyAghracharmadharAya cha |
##SP0090052##  kR^iShNAjinottarIyAya sarpamekhaline tathA ||
##SP0090061##  varadAtre cha rudrAya sarasvatIsR^ije tathA |
##SP0090062##  somasUryarkShamAlAya akShasUtrakarAya cha ||
##SP0090071##  jvAlAmAlAsahasrAya UrdhvalishNgAya vai namaH |
##SP0090072##  namaH parvatavAsAya shirohartre cha me purA ||
##SP0090081##  hAlAhalavinAshAya kapAlavaradhAriNe |
##SP0090082##  vimAnavaravAhAya janakAya mamaiva cha |
##SP0090083##  varadAya variShThAya shmashAnarataye namaH ||
##SP0090091##  namo narasya kartre cha sthitikartre namaH sadA |
##SP0090092##  utpattipralayAnAM cha kartre sarvasahAya cha ||
##SP0090101##  R^iShidaivatanAthAya sarvabhUtAdhipAya cha |
##SP0090102##  shivaH saumyashcha devesha bhava no bhaktavatsala ||
##SP0090110##  sanatkumAra uvAcha |
##SP0090111##  brahmaNyathaivaM stuvati devadevaH sa lokapaH |
##SP0090112##  uvAcha tuShTastAndevAnR^iShI.nshcha tapasaidhitAn ||
##SP0090121##  tuShTo.asmyanena vaH samyaktapasA R^iShidevatAH |
##SP0090122##  varaM brUta pradAsyAmi sunishchintya sa uchyatAm ||
##SP0090130##  sanatkumAra uvAcha |
##SP0090131##  atha sarvAnabhiprekShya sa.ntuShTA.nstapasaidhitAn |
##SP0090132##  darshanenaiva viprendra brahmA vachanamabravIt ||
##SP0090140##  brahmovAcha |
##SP0090141##  yadi tuShTo.asi devesha yadi deyo varashcha naH |
##SP0090142##  tasmAchChivashcha saumyashcha dR^ishyashchaiva bhavasva naH ||
##SP0090151##  sukhasa.nvyavahAryashcha nityaM tuShTamanAstathA |
##SP0090152##  sarvakAryeShu cha sadA hitaH pathyashcha sha.nkaraH ||
##SP0090161##  saha devyA sasUnushcha saha devagaNairapi |
##SP0090162##  eSha no dIyatAM deva varo varasahasrada ||
##SP0090170##  sanatkumAra uvAcha |
##SP0090171##  evamuktaH sa bhagavAnbrahmaNA devasattamaH |
##SP0090172##  svakaM tejo mahaddivyaM vyasR^ijatsarvayogavit ||
##SP0090181##  ardhena tejasaH svasya mukhAdulkAM sasarja ha |
##SP0090182##  tAmAha bhava nArIti bhagavAnvishvarUpadhR^ik ||
##SP0090191##  sAkAshaM dyAM cha bhUmiM cha mahimnA vyApya viShThitA |
##SP0090192##  upatasthe cha deveshaM dIpyamAnA yathA taDit ||
##SP0090201##  tAmAha prahasandevo devIM kamalalochanAm |
##SP0090202##  brahmANaM devi varadamArAdhaya shuchismite ||
##SP0090211##  sA tatheti pratij~nAya tapastaptuM prachakrame |
##SP0090212##  rudrashcha tAnR^iShInAha shR^iNudhvaM mama toShaNe |
##SP0090213##  phalaM phalavatAM shreShThA yadbravImi tapodhanAH ||
##SP0090221##  amarA jarayA tyaktA arogA janmavarjitAH |
##SP0090222##  madbhaktAstapasA yuktA ihaiva cha nivatsyatha ||
##SP0090231##  ayaM chaivAshramaH shreShThaH svarNashR^ishNgo.achalottamaH |
##SP0090232##  puNyaM pavitraM sthAnaM vai bhaviShyati na sa.nshayaH ||
##SP0090241##  mainAke parvate shreShThe svarNo.ahamabhavaM yataH |
##SP0090242##  svarNAkShIM chAsR^ijaM devIM svarNAkShaM tena tatsmR^itam ||
##SP0090251##  svarNAkShe R^iShayo yUyaM ShaTkulIyAstapodhanAH |
##SP0090252##  nivatsyatha mayAj~naptAH svarNAkShaM vai tatashcha ha |
##SP0090253##  samantAdyojanaM kShetraM pavitraM tanna sa.nshayaH ||
##SP0090261##  devagandharvacharitamapsarogaNasevitam |
##SP0090262##  si.nhebhasharabhAkIrNaM shArdUlarkShamR^igAkulam |
##SP0090263##  anekavihagAkIrNaM latAvR^ikShakShupAkulam ||
##SP0090271##  brahmachArI niyamavA~njitakrodho jitendriyaH |
##SP0090272##  upoShya triguNAM rAtriM charuM kR^itvA nivedya cha |
##SP0090273##  yatra tatra mR^itaH so.api brahmaloke nivatsyati ||
##SP0090281##  yo.apyevameva kAmAtmA pashyettatra vR^iShadhvajam |
##SP0090282##  gosahasraphalaM so.api matprasAdAdavApsyati |
##SP0090283##  niyamena mR^itashchAtra mayA saha chariShyati ||
##SP0090291##  yAvatsthAsyanti lokAshcha mainAkashchApyayaM giriH |
##SP0090292##  tAvatsaha mayA devA matprasAdAchchariShyatha ||
##SP0090301##  evaM sa tAnR^iShInuktvA dR^iShTvA saumyena chakShuShA |
##SP0090302##  pashyatAmeva sarveShAM tatraivAntaradhIyata ||
##SP0090310##  sanatkumAra uvAcha |
##SP0090311##  ya imaM shR^iNuyAnmartyo dvijAtI~nChrAvayeta vA |
##SP0090312##  so.api tatphalamAsAdya charenmR^ityuvivarjitaH ||
##SP0090321##  jayati jaladavAhaH sarvabhUtAntakAlaH shamadamaniyatAnAM
kleshahartA yatInAm |
##SP0090322##  jananamaraNahartA cheShTatAM dhArmikANAM vividhakaraNayuktaH
khecharaH pAdachArI ||
##SP0090331##  madanapuravidArI netradantAvapAtI vigatabhayaviShAdaH
sarvabhUtaprachetAH |
##SP0090332##  satatamabhidadhAnashchekitAnAtmachittaH karacharaNalalAmaH
sarvadR^igdevadevaH ||
##SP0099999##  iti skandapurANe navamo.adhyAyaH ||
\medskip\hrule\medskip
\centerline{ska.ndapurANa adhyAya  10}
##SP0100010##  sanatkumAra uvAcha |
##SP0100011##  sA devI tryambakaproktA tatApa suchiraM tapaH |
##SP0100012##  nirAhArA kadAchichcha ekaparNAshanA punaH |
##SP0100013##  vAyvAhArA punashchApi abbhakShA bhUya eva cha ||
##SP0100021##  tAM tapashcharaNe yuktAM brahmA j~nAtvAtibhAsvarAm |
##SP0100022##  uvAcha brUhi tuShTo.asmi devi kiM karavANi te ||
##SP0100031##  sAbravIt tryambakaM devaM patiM prApyenduvarchasam |
##SP0100032##  vichareyaM sukhaM deva sarvA/llokAnnamastava ||
##SP0100040##  brahmovAcha |
##SP0100041##  na hi yena sharIreNa kriyate paramaM tapaH |
##SP0100042##  tenaiva paramesho.asau patiH shambhuravApyate ||
##SP0100051##  tasmAddhi yogAdbhavatI dakShasyeha prajApateH |
##SP0100052##  jAyasva duhitA bhUtvA patiM rudramavApsyasi ||
##SP0100061##  tataH sA tadvachaH shrutvA yogAddevI manasvinI |
##SP0100062##  dakShasya duhitA jaj~ne satI nAmAtiyoginI ||
##SP0100071##  tAM dakShastryambakAyaiva dadau bhAryAmaninditAm |
##SP0100072##  brahmaNo vachanAdyasyAM mAnasAnasR^ijatsutAn ||
##SP0100081##  AtmatulyabalAndIptA~njarAmaraNavarjitAn |
##SP0100082##  anekAni sahasrANi rudrANAmamitaujasAm ||
##SP0100091##  tAndR^iShTvA sR^ijyamAnA.nshcha brahmA taM pratyaShedhayat |
##SP0100092##  mA srAkShIrdevadevesha prajA mR^ityuvivarjitAH ||
##SP0100101##  anyAH sR^ijasva bhadraM te prajA mR^ityusamanvitAH |
##SP0100102##  tena choktaM sthito.asmIti sthANustena tataH smR^itaH ||
##SP0100110##  deva uvAcha |
##SP0100111##  na srakShye mR^ityusa.nyuktAH prajA brahmankatha.nchana |
##SP0100112##  sthito.asmi vachanAtte.adya vaktavyo nAsmi te punaH ||
##SP0100121##  ye tvime mAnasAH sR^iShTA mahAtmAno mahAbalAH |
##SP0100122##  chariShyanti mayA sArdhaM sarva ete hi yAj~nikAH ||
##SP0100130##  sanatkumAra uvAcha |
##SP0100131##  atha kAle gate vyAsa sa dakShaH shApakAraNAt |
##SP0100132##  anyAnAhUya jAmAt.RnsadArAnarchayadgR^ihe ||
##SP0100141##  satIM saha tryambakena nAjuhAva ruShAnvitaH |
##SP0100142##  satI j~nAtvA tu tatsarvaM gatvA pitaramabravIt ||
##SP0100151##  ahaM jyeShThA variShThA cha jAmAtrA saha suvrata |
##SP0100152##  mAM hitvA nArhase hyetAH saha bhartR^ibhirarchitum ||
##SP0100161##  krodhenAtha samAviShTaH sa krodhopahatendriyaH |
##SP0100162##  nirIkShya prAbravIddakShashchakShuShA nirdahanniva ||
##SP0100171##  mAmetAH sati sasnehAH pUjayanti sabhartR^ikAH |
##SP0100172##  na tvaM tathA pUjayase saha bhartrA mahAvrate ||
##SP0100181##  gR^ihA.nshcha me sapatnIkAH pravishanti tapodhanAH |
##SP0100182##  shreShThA.nstasmAtsadA manye tatastAnarchayAmyaham ||
##SP0100191##  tasmAdyatte karomyadya shubhaM vA yadi vAshubham |
##SP0100192##  pUjAM gR^ihANa tAM putri gachCha vA yatra rochate ||
##SP0100200##  sanatkumAra uvAcha |
##SP0100201##  tataH sA krodhadIptAsyA na jagrAhAtikopitA |
##SP0100202##  pUjAmasammatAM hInAmidaM chovAcha taM shubhA ||
##SP0100211##  yasmAdasammatAmetAM pUjAM tvaM kuruShe mayi |
##SP0100212##  shlAghyAM chaivApyaduShTAM cha shreShThAM mAM garhase pitaH ||
##SP0100221##  tasmAdimaM svakaM dehaM tyajAmyeShA tavAtmajA |
##SP0100222##  asatkR^itAyAH kiM me.adya jIvitenAshubhena ha ||
##SP0100230##  sanatkumAra uvAcha |
##SP0100231##  tataH kR^itvA namaskAraM manasA tryambakAya ha |
##SP0100232##  uvAchedaM susa.nrabdhA vachanaM vachanAraNiH ||
##SP0100241##  yatrAhamupapadyeyaM punardehe svayechChayA |
##SP0100242##  evaM tatrApyasammUDhA sambhUtA dhArmikA satI |
##SP0100243##  gachCheyaM dharmapatnItvaM tryambakasyaiva dhImataH ||
##SP0100251##  tataH sA dhAraNAM kR^itvA AgneyIM sahasA satI |
##SP0100252##  dadAha vai svakaM dehaM svasamutthena vahninA ||
##SP0100261##  tAM j~nAtvA tryambako devIM tathAbhUtAM mahAyashAH |
##SP0100262##  uvAcha dakShaM sa.ngamya idaM vachanakovidaH ||
##SP0100271##  yasmAtte ninditashchAhaM prashastAshchetare pR^ithak |
##SP0100272##  jAmAtaraH sapatnIkAstasmAdvaivasvate.antare |
##SP0100273##  utpatsyante punaryaj~ne tava jAmAtarastvime ||
##SP0100281##  tvaM chaiva mama shApena kShatriyo bhavitA nR^ipaH |
##SP0100282##  prachetasAM sutashchaiva kanyAyAM shAkhinAM punaH |
##SP0100283##  dharmavighnaM cha te tatra kariShye krUrakarmaNaH ||
##SP0100290##  sanatkumAra uvAcha |
##SP0100291##  tamuvAcha tadA dakSho dUyatA hR^idayena vai |
##SP0100292##  mayA yadi sutA svA vai proktA tyaktApi vA punaH |
##SP0100293##  kiM tavAtra kR^itaM deva ahaM tasyAH prabhuH sadA ||
##SP0100301##  yasmAttvaM mAmabhyashapastasmAttvamapi sha.nkara |
##SP0100302##  bhUrloke vatsyase nityaM na svarloke kadAchana ||
##SP0100311##  bhAgaM cha tava yaj~neShu dattvA sarve dvijAtayaH |
##SP0100312##  apaH sprakShyanti sarvatra mahAdeva mahAdyute ||
##SP0100320##  sanatkumAra uvAcha |
##SP0100321##  tataH sa devaH prahasa.nstamuvAcha trilochanaH |
##SP0100322##  sarveShAmeva lokAnAM mUlaM bhUrloka uchyate ||
##SP0100331##  tamahaM dhArayAmyeko lokAnAM hitakAmyayA |
##SP0100332##  bhUrloke hi dhR^ite lokAH sarve tiShThanti shAshvatAH |
##SP0100333##  tasmAttiShThAmyahaM nityamihaiva na tavAj~nayA ||
##SP0100341##  bhAgAndattvA tathAnyebhyo ditsavo me dvijAtayaH |
##SP0100342##  apaH spR^ishanti shuddhyarthaM bhAgaM yachChanti me tataH |
##SP0100343##  dattvA spR^ishanti bhUyashcha dharmasyaivAbhivR^iddhaye ||
##SP0100351##  yathA hi devanirmAlyaM shuchayo dhArayantyuta |
##SP0100352##  ashuchiM spraShTukAmAshcha tyaktvApaH sa.nspR^ishanti cha ||
##SP0100361##  devAnAmevamanyeShAM ditsavo brAhmaNarShabhAH |
##SP0100362##  bhAgAnapaH spR^ishanti sma tatra kA paridevanA ||
##SP0100371##  tvaM tu machChApanirdagdho viparIto narAdhamaH |
##SP0100372##  svasyAM sutAyAM mUDhAtmA putramutpAdayiShyasi ||
##SP0100380##  sanatkumAra uvAcha |
##SP0100381##  evaM sa bhagavA~nChaptvA dakShaM devo jagatpatiH |
##SP0100382##  virarAma mahAtejA jagAma cha yathAgatam ||
##SP0100391##  chandradivAkaravahnisamAkShaM chandranibhAnanapadmadalAkSham |
##SP0100392##  govR^iShavAhamameyaguNaughaM satatamihenduvahaM praNatAH smaH ||
##SP0100401##  ya imaM dakShashApAshNkaM devyAshchaivAsharIratAm |
##SP0100402##  shR^iNuyAdvAtha viprAnvA shrAvayIta yatavrataH |
##SP0100403##  sarvapApavinirmukto rudralokamavApnuyAt ||
##SP0109999##  iti skandapurANe dashamo.adhyAyaH ||
\medskip\hrule\medskip
\centerline{ska.ndapurANa adhyAya  11}
##SP0110010##  sanatkumAra uvAcha |
##SP0110011##  kadAchitsvagR^ihaM prAptaM kashyapaM dvipadAM varam |
##SP0110012##  apR^ichChaddhimavAnprashnaM loke khyAtikaraM nu kim ||
##SP0110021##  kenAkShayAshcha lokAH syuH khyAtishcha paramA mune |
##SP0110022##  tathaiva chArchanIyatvaM satsu taM kathayasva me ||
##SP0110030##  kashyapa uvAcha |
##SP0110031##  apatyena mahAbAho sarvametadavApyate |
##SP0110032##  mama khyAtirapatyena brahmaNo R^iShibhishcha ha ||
##SP0110041##  kiM na pashyasi shailendra yato mAM paripR^ichChasi |
##SP0110042##  vartayiShyAmi tachchApi yanme dR^iShTaM purAchala ||
##SP0110051##  vArANasImahaM gachChannapashyaM sa.nsthitaM divi |
##SP0110052##  vimAnaM svanavaddivyamanaupamyamaninditam ||
##SP0110061##  tasyAdhastAdArtanAdaM gartAsthAne shR^iNomyaham |
##SP0110062##  tAnahaM tapasA j~nAtvA tatraivAntarhitaH sthitaH ||
##SP0110071##  athAgAttatra shailendra vipro niyamavA~nChuchiH |
##SP0110072##  tIrthAbhiShekapUtAtmA pare tapasi sa.nsthitaH ||
##SP0110081##  atha sa vrajamAnastu vyAghreNAbhIShito dvijaH |
##SP0110082##  vivesha taM tadA deshaM sA gartA yatra bhUdhara ||
##SP0110091##  gartAyAM vIraNastambe lambamAnA.nstadA munIn |
##SP0110092##  apashyadArto duHkhArtAnapR^ichChattA.nshcha sa dvijaH ||
##SP0110101##  ke yUyaM vIraNastambe lambamAnA hyadhomukhAH |
##SP0110102##  duHkhitAH kena mokShashcha yuShmAkaM bhavitAnaghAH ||
##SP0110110##  pitara UchuH |
##SP0110111##  vayaM te.akR^itapuNyasya pitaraH sapitAmahAH |
##SP0110112##  prapitAmahAshcha klishyAmastava duShTena karmaNA ||
##SP0110121##  narako.ayaM mahAbhAga gartArUpaM samAsthitaH |
##SP0110122##  tvaM chApi vIraNastambastvayi lambAmahe vayam ||
##SP0110131##  yAvattvaM jIvase vipra tAvadeva vayaM sthitAH |
##SP0110132##  mR^ite tvayi gamiShyAmo narakaM pApachetasaH ||
##SP0110141##  yadi tvaM dArasa.nyogaM kR^itvApatyaM guNottaram |
##SP0110142##  utpAdayasi tenAsmAnmuchyema vayamekashaH ||
##SP0110151##  nAnyena tapasA putra na tIrthAnAM phalena cha |
##SP0110152##  tatkuruShva mahAbuddhe tArayasva pit.RnbhayAt ||
##SP0110161##  sa tatheti pratij~nAya ArAdhya cha vR^iShadhvajam |
##SP0110162##  pit.RngartAtsamuddhR^itya gaNapAnprachakAra ha ||
##SP0110171##  svayaM cha rudradayitaH sukesho nAma nAmataH |
##SP0110172##  sammato balavA.nshchaiva rudrasya gaNapo.abhavat ||
##SP0110181##  tasmAtkR^itvA tapo ghoramapatyaM guNavattaram |
##SP0110182##  utpAdayasva shailendra tataH kIrtimavApsyasi ||
##SP0110190##  sanatkumAra uvAcha |
##SP0110191##  sa evamukto R^iShiNA shailendro niyame sthitaH |
##SP0110192##  tapashchakAra vipulaM yena brahmA tutoSha ha ||
##SP0110201##  tamAgatya tadA brahmA varado.asmItyabhAShata |
##SP0110202##  brUhi tuShTo.asmi te shaila tapasAnena suvrata ||
##SP0110210##  himavAnuvAcha |
##SP0110211##  bhagavanputramichChAmi guNaiH sarvairala.nkR^itam |
##SP0110212##  etadvaraM prayachChasva yadi tuShTo.asi naH prabho ||
##SP0110220##  brahmovAcha |
##SP0110221##  kanyA bhavitrI shailendra sutA te varavarNinI |
##SP0110222##  yasyAH prabhAvAtsarvatra kIrtimApsyasi puShkalAm ||
##SP0110231##  architaH sarvadevAnAM tIrthakoTIsamAvR^itaH |
##SP0110232##  pAvanashchaiva puNyashcha devAnAmapi sarvataH |
##SP0110233##  jyeShThA cha sA bhavitrI te anye chAnu tataH shubhe ||
##SP0110240##  sanatkumAra uvAcha |
##SP0110241##  evamuktvA tato brahmA tatraivAntaradhIyata |
##SP0110242##  so.api kAlena shailendro menAyAmupapAdayat |
##SP0110243##  aparNAmekaparNAM cha tathA chApyekapATalAm ||
##SP0110251##  nyagrodhamekaparNA tu pATalaM chaikapATalA |
##SP0110252##  Ashrite dve aparNA tu aniketA tapo.acharat |
##SP0110253##  shataM varShasahasrANAM dushcharaM devadAnavaiH ||
##SP0110261##  AhAramekaparNena saikaparNA samAcharat |
##SP0110262##  pATalena tathaikena vidadhAtyekapATalA ||
##SP0110271##  pUrNe pUrNe sahasre tu AhAraM tena chakratuH |
##SP0110272##  aparNA tu nirAhArA tAM mAtA pratyabhAShata |
##SP0110273##  niShedhayantI hyu meti mAtR^isnehena duHkhitA ||
##SP0110281##  sA tathoktA tadA mAtrA devI dushcharachAriNI |
##SP0110282##  tenaiva nAmnA lokeShu vikhyAtA surapUjitA ||
##SP0110291##  etattattrikumArINAM jagatsthAvarajashNgamam |
##SP0110292##  etAsAM tapasA labdhaM yAvadbhUmirdhariShyati ||
##SP0110301##  tapaHsharIrAstAH sarvAstisro yogabalAnvitAH |
##SP0110302##  sarvAshchaiva mahAbhAgAH sarvAshcha sthirayauvanAH ||
##SP0110311##  tA lokamAtarashchaiva brahmachAriNya eva cha |
##SP0110312##  anugR^ihNanti lokA.nshcha tapasA svena sarvadA ||
##SP0110321##  umA tAsAM variShThA cha shreShThA cha varavarNinI |
##SP0110322##  mahAyogabalopetA mahAdevamupasthitA ||
##SP0110331##  dattakashchoshanA tasyAH putraH sa bhR^igunandanaH |
##SP0110332##  asitasyaikaparNA tu devalaM suShuve sutam ||
##SP0110341##  yA tu tAsAM kumArINAM tR^itIyA hyekapATalA |
##SP0110342##  putraM shatashalAkasya jaigIShavyamupasthitA |
##SP0110343##  tasyApi shashNkhalikhitau smR^itau putrAvayonijau ||
##SP0110351##  umA tu yA mayA tubhyaM kIrtitA varavarNinI |
##SP0110352##  atha tasyAstapoyogAttrailokyamakhilaM tadA |
##SP0110353##  pradhUpitaM samAlakShya brahmA vachanamabravIt ||
##SP0110360##  brahmovAcha |
##SP0110361##  devi kiM tapasA lokA.nstApayasyatishobhane |
##SP0110362##  tvayA sR^iShTamidaM vishvaM mA kR^itvA tadvinAshaya ||
##SP0110371##  tvaM hi dhArayase lokAnimAnsarvAnsvatejasA |
##SP0110372##  brUhi kiM te jaganmAtaH prArthitaM samprasIda naH ||
##SP0110380##  devyuvAcha |
##SP0110381##  yadarthaM tapaso hyasya charaNaM me pitAmaha |
##SP0110382##  jAnIShe tattvametanme tataH pR^ichChasi kiM punaH ||
##SP0110390##  brahmovAcha |
##SP0110391##  yadarthaM devi tapasA shrAmyase lokabhAvani |
##SP0110392##  sa tvAM svayaM samAgamya ihaiva varayiShyati ||
##SP0110401##  sarvadevapatiH shreShThaH sarvalokeshvareshvaraH |
##SP0110402##  vayaM sadevA yasyeshe vashyAH ki.nkaravAdinaH ||
##SP0110411##  sa devadevaH parameshvareshvaraH svayaM tavAyAsyati lokapo.antikam |
##SP0110412##  udArarUpo vikR^itAbhirUpavAnsamAnarUpo na hi yasya kasyachit ||
##SP0110421##  maheshvaraH parvatalokavAsI charAchareshaH prathamo.aprameyaH |
##SP0110422##  vinendunA indusamAnavaktro vibhIShaNaM rUpamihAsthito.agram ||
##SP0119999##  iti skandapurANe ekAdasho.adhyAyaH ||
\medskip\hrule\medskip
\centerline{ska.ndapurANa adhyAya  12}
##SP0120010##  sanatkumAra uvAcha |
##SP0120011##  tataH sa bhagavAndevo brahmA tAmAha susvaram |
##SP0120012##  devi yenaiva sR^iShTAsi manasA yastvayA vR^itaH |
##SP0120013##  sa bhartA tava devesho bhavitA mA tapaH kR^ithAH ||
##SP0120021##  tataH pradakShiNaM kR^itvA brahmA vyAsa gireH sutAm |
##SP0120022##  jagAmAdarshanaM tasyAH sA chApi virarAma ha ||
##SP0120031##  sA devI yuktamityevamuktvA svasyAshramasya ha |
##SP0120032##  dvAri jAtamashokaM vai samupAshritya sa.nsthitA ||
##SP0120041##  athAgAchchandratilakastridashArtiharo haraH |
##SP0120042##  vikR^itaM rUpamAsthAya hrasvo bAhuka eva cha ||
##SP0120051##  vibhugnanAsiko bhUtvA kubjaH keshAntapishNgalaH |
##SP0120052##  uvAcha vikR^itAsyashcha devi tvAM varayAmyaham ||
##SP0120061##  athomA yogasa.nsiddhA j~nAtvA sha.nkaramAgatam |
##SP0120062##  antarbhAvavishuddhA sA kriyAnuShThAnalipsayA ||
##SP0120071##  tamuvAchArghyamAnAyya madhuparkeNa chaiva hi |
##SP0120072##  sampUjya sasukhAsInaM brAhmaNaM brAhmaNapriyA ||
##SP0120080##  devyuvAcha |
##SP0120081##  bhagavannasvatantrAsmi pitA me.astyaraNI tathA |
##SP0120082##  tau prabhU mama dAne vai kanyAhaM dvijapu.ngava ||
##SP0120091##  gatvA yAchasva pitaraM mama shailendramavyayam |
##SP0120092##  sa cheddadAti mAM vipra tubhyaM tadruchitaM mama ||
##SP0120100##  sanatkumAra uvAcha |
##SP0120101##  tataH sa bhagavAndevastathaiva vikR^itaH prabhuH |
##SP0120102##  uvAcha shailarAjaM tamumAM me yachCha shailarAT ||
##SP0120111##  sa taM vikR^itarUpeNa j~nAtvA rudramathAvyayam |
##SP0120112##  bhItaH shApAchcha vimanA idaM vachanamabravIt ||
##SP0120121##  bhagavannAvamanyAmi brAhmaNAnbhUmidaivatAn |
##SP0120122##  manIShitaM tu yatpUrvaM tachChR^iNuShva mahAtapaH ||
##SP0120131##  svaya.nvaro me duhiturbhavitA viprapUjitaH |
##SP0120132##  varayedyaM svayaM tatra sa bhartAsyA bhavediti ||
##SP0120140##  sanatkumAra uvAcha |
##SP0120141##  tachChrutvA shailavachanaM bhagavAngovR^iShadhvajaH |
##SP0120142##  devyAH samIpamAgatya idamAha mahAmanAH ||
##SP0120151##  devi pitrA tavAj~naptaH svaya.nvara iti shrutam |
##SP0120152##  tatra tvaM varayitrI yaM sa te bhartA kilAnaghe ||
##SP0120161##  tadApR^ichChe gamiShyAmi durlabhA tvaM varAnane |
##SP0120162##  rUpavantaM samutsR^ijya vR^iNIthA mAdR^ishaM katham ||
##SP0120170##  sanatkumAra uvAcha |
##SP0120171##  tenoktA sA tadA tatra bhAvayantI tadIritam |
##SP0120172##  bhAvaM cha rudranihitaM prasAdaM manasastathA ||
##SP0120181##  samprApyovAcha deveshaM mA te bhUdbuddhiranyathA |
##SP0120182##  ahaM tvAM varayiShyAmi nAnyadbhUtaM katha.nchana ||
##SP0120191##  atha vA te.asti sa.ndeho mayi vipra katha.nchana |
##SP0120192##  ihaiva tvAM mahAbhAga varayAmi manoratham ||
##SP0120200##  sanatkumAra uvAcha |
##SP0120201##  gR^ihItvA stabakaM sA tu hastAbhyAM tatra sa.nsthitam |
##SP0120202##  skandhe shambhoH samAdAya devI prAha vR^ito.asi me ||
##SP0120211##  tataH sa bhagavAndevastathA devyA vR^itastadA |
##SP0120212##  uvAcha tamashokaM vai vAchA sa.njIvayanniva ||
##SP0120221##  yasmAttava supuShpeNa stabakena vR^ito hyaham |
##SP0120222##  tasmAttvaM jarayA tyaktaH amaraH sambhaviShyasi ||
##SP0120231##  kAmarUpaH kAmapuShpaH kAmago dayito mama |
##SP0120232##  sarvAbharaNapuShpADhyaH sarvavR^ikShaphalopagaH ||
##SP0120241##  sarvAnnabhakShadashchaiva amR^itasrava eva cha |
##SP0120242##  sarvagandhashcha devyAstvaM bhaviShyasi dR^iDhaM priyaH |
##SP0120243##  nirbhayaH sarvalokeShu chariShyasi sunirvR^itaH ||
##SP0120251##  AshramaM chaivamatyarthaM chitrakUTeti vishrutam |
##SP0120252##  yo.abhiyAsyati puNyArthI so.ashvamedhamavApsyati |
##SP0120253##  yatra tatra mR^itashchApi brahmalokaM gamiShyati ||
##SP0120261##  yashchAtra niyamairyuktaH prANAnsamyakparityajet |
##SP0120262##  sa devyAstapasA yukto mahAgaNapatirbhavet ||
##SP0120270##  sanatkumAra uvAcha |
##SP0120271##  evamuktvA tadA deva ApR^ichChya himavatsutAm |
##SP0120272##  antardadhe jagatsraShTA sarvabhUtapa IshvaraH ||
##SP0120281##  sApi devI gate tasminbhagavatyamitAtmani |
##SP0120282##  tata evonmukhI sthitvA shilAyAM sa.nvivesha ha ||
##SP0120291##  unmukhI sA gate tasminmaheShvAse prajApatau |
##SP0120292##  nisheva chandrarahitA sA babhau vimanAstadA ||
##SP0120301##  atha shushrAva sA shabdaM bAlasyArtasya shailajA |
##SP0120302##  sarasyudakasampUrNe samIpe chAshramasya ha ||
##SP0120311##  sa kR^itvA bAlarUpaM tu devadevaH svayaM shivaH |
##SP0120312##  krIDAhetoH saromadhye grAhagrasto.abhavattadA ||
##SP0120321##  yogamAyAmathAsthAya prapa~nchodbhavakAraNam |
##SP0120322##  tadrUpaM saraso madhye kR^itvedaM samabhAShata |
##SP0120323##  trAtu mAM kashchidetyeha grAheNa hR^itachetasam ||
##SP0120331##  dhikkaShTaM bAla evAhamaprAptArthamanorathaH |
##SP0120332##  yAsyAmi nidhanaM vaktre grAhasyAsya durAtmanaH ||
##SP0120341##  shochAmi na svakaM dehaM grAhagrasto.api duHkhitaH |
##SP0120342##  yathA shochAmi pitaraM mAtaraM cha tapasvinIm ||
##SP0120351##  mAM shrutvA grAhavadane prAptaM nidhanamutsukau |
##SP0120352##  priyaputrAvekaputrau prANAnnUnaM vihAsyataH ||
##SP0120360##  sanatkumAra uvAcha |
##SP0120361##  shrutvA tu devI taM nAdaM viprasyArtasya shobhanA |
##SP0120362##  utthAya pradrutA tatra yatra tiShThatyasau dvijaH ||
##SP0120371##  sApashyadinduvadanA bAlakaM chArurUpiNam |
##SP0120372##  grAheNa grasyamAnaM taM vepamAnamavasthitam ||
##SP0120381##  so.api grAhavaraH shrImAndR^iShTvA devImupAgatAm |
##SP0120382##  taM gR^ihItvA drutaM yAto madhyaM sarasa eva ha ||
##SP0120391##  sa kR^iShyamANastejasvI nAdamArtaM tadAkarot |
##SP0120392##  athAha devI duHkhArtA bAlaM dR^iShTvA mahAvratA ||
##SP0120401##  grAharAja mahAsattva bAlakaM hyekaputrakam |
##SP0120402##  visR^ijainaM mahAda.nShTra kShipraM bhImaparAkrama ||
##SP0120410##  grAha uvAcha |
##SP0120411##  yo devi divase ShaShThe prathamaM samupaiti mAm |
##SP0120412##  sa AhAro mama purA vihito lokakartR^ibhiH ||
##SP0120421##  so.ayaM mama mahAbhAge ShaShThe.ahani girIndraje |
##SP0120422##  brahmaNA vihito nUnaM nainaM mokShye katha.nchana ||
##SP0120430##  devyuvAcha |
##SP0120431##  yanmayA himavachChR^ishNge charitaM tapa uttamam |
##SP0120432##  tena bAlamimaM mu~ncha grAharAja namo.astu te ||
##SP0120440##  grAha uvAcha |
##SP0120441##  mA vyayaM tapaso devi kArShIH shailendranandane |
##SP0120442##  nainaM mochayituM shakto devarAjo.api sa svayam ||
##SP0120451##  mahyamIshena tuShTena sharveNogreNa shUlinA |
##SP0120452##  amaratvamavadhyatvamakShayaM balameva cha ||
##SP0120461##  svaya.ngrahaNamokShashcha j~nAnaM chaivAvyayaM punaH |
##SP0120462##  dattaM tato bravImi tvAM nAyaM mokShamavApsyati ||
##SP0120471##  atha vA te kR^ipA devi bhR^ishaM bAle shubhAnane |
##SP0120472##  bravImi yatkuru tathA tato mokShamavApsyati ||
##SP0120480##  devyuvAcha |
##SP0120481##  grAhAdhipa vadasvAshu yatsatAmavigarhitam |
##SP0120482##  tatkR^itaM nAtra sa.ndeho mAnyA me brAhmaNA dR^iDham ||
##SP0120490##  grAha uvAcha |
##SP0120491##  yatkR^itaM vai tapaH ki.nchidbhavatyA svalpamantashaH |
##SP0120492##  tatsarvaM me prayachChasva tato mokShamavApsyati ||
##SP0120500##  devyuvAcha |
##SP0120501##  janmaprabhR^iti yatpuNyaM mahAgrAha kR^itaM mayA |
##SP0120502##  tatte sarvaM mayA dattaM bAlaM mu~ncha mamAgrataH ||
##SP0120510##  sanatkumAra uvAcha |
##SP0120511##  prajajvAla tato grAhastapasA tena bR^i.nhitaH |
##SP0120512##  Aditya iva madhyAhne durnirIkShyastadAbhavat ||
##SP0120521##  uvAcha chedaM tuShTAtmA devIM lokasya dhAriNIm |
##SP0120522##  devi kiM kR^itametatte anishchitya mahAvrate |
##SP0120523##  tapaso hyarjanaM duHkhaM tasya tyAgo na shasyate ||
##SP0120531##  gR^ihANa tapa etachcha bAlaM chemaM shuchismite |
##SP0120532##  tuShTo.asmi te viprabhaktyA varaM tasmAddadAmi te ||
##SP0120541##  sA tvevamuktA grAheNa uvAchedaM mahAvratA |
##SP0120542##  sunishchitya mahAgrAha kR^itaM bAlasya mokShaNam |
##SP0120543##  na viprebhyastapaH shreShThaM shreShThA me brAhmaNA matAH ||
##SP0120551##  dattvA chAhaM na gR^ihNAmi grAhendra viditaM hi te |
##SP0120552##  na hi kashchinnaro grAha pradattaM punarAharet ||
##SP0120561##  dattametanmayA tubhyaM nAdadAni hi tatpunaH |
##SP0120562##  tvayyeva ramatAmetadbAlashchAyaM vimuchyatAm ||
##SP0120571##  tathoktastAM prashasyAtha muktvA bAlaM namasya cha |
##SP0120572##  devImAdityasadbhAsaM tatraivAntaradhIyata ||
##SP0120581##  bAlo.api sarasastIre mukto grAheNa vai tadA |
##SP0120582##  svapnalabdha ivArthaughastatraivAntaradhIyata ||
##SP0120591##  tapaso.atha vyayaM matvA devI himagirIndrajA |
##SP0120592##  bhUya eva tapaH kartumArebhe yatnamAsthitA ||
##SP0120601##  kartukAmAM tapo bhUyo j~nAtvA tAM sha.nkaraH svayam |
##SP0120602##  provAcha vachanaM vyAsa mA kR^ithAstapa ityuta ||
##SP0120611##  mahyametattapo devi tvayA dattaM mahAvrate |
##SP0120612##  tenaivamakShayaM tubhyaM bhaviShyati sahasradhA ||
##SP0120621##  iti labdhvA varaM devI tapaso.akShayyamuttamam |
##SP0120622##  svaya.nvaramudIkShantI tasthau prItimudAyutA ||
##SP0120631##  idaM paThedyo hi naraH sadaiva bAlAnubhAvAcharaNaM hi shambhoH |
##SP0120632##  sa dehabhedaM samavApya pUto bhavedgaNastasya kumAratulyaH ||
##SP0129999##  iti skandapurANe dvAdashamo.adhyAyaH ||
\medskip\hrule\medskip
\centerline{ska.ndapurANa adhyAya  13}
##SP0130010##  sanatkumAra uvAcha |
##SP0130011##  vistR^ite himavatpR^iShThe vimAnashatasa.nkule |
##SP0130012##  abhavatsa tu kAlena shailaputryAH svaya.nvaraH ||
##SP0130021##  atha parvatarAjo.asau himavAndhyAnakovidaH |
##SP0130022##  duhiturdevadevena j~nAtvA tadabhimantritam ||
##SP0130031##  jAnannapi mahAshailaH samAchArakriyepsayA |
##SP0130032##  svaya.nvaraM tato devyAH sarvalokeShvaghoShayat ||
##SP0130041##  devadAnavasiddhAnAM sarvalokanivAsinAm |
##SP0130042##  vR^iNuyAtparameshAnaM samakShaM yena me sutA ||
##SP0130051##  tadeva sukR^itaM shlAghyaM mamAbhyudayasammatam |
##SP0130052##  iti sa.nchintya shailendraH kR^itvA hR^idi maheshvaram ||
##SP0130061##  AbrahmakeShu lokeShu devyAH shailendrasattamaH |
##SP0130062##  kR^itvA ratnAkulaM deshaM svaya.nvaramachIkarat ||
##SP0130071##  athaivamAghoShitamAtra eva svaya.nvare vyAsa mahIdhraputryAH |
##SP0130072##  devAdayaH sarvajagannivAsAH samAyayurdivyagR^ihItaveShAH ||
##SP0130081##  praphullapadmAsanasa.nniviShTaH siddhairvR^ito yogibhiraprameyaiH |
##SP0130082##  vij~nApitastena mahIdhrarAj~nA pitAmahastatra samAjagAma ||
##SP0130091##  akShNAM sahasraM surarAT sa bibhraddivyAshNgahArasragudAttarUpaH |
##SP0130092##  airAvataM sarvagajendramukhyaM sravanmadAsArakR^itapravAham |
##SP0130093##  Aruhya sarvAmararAT sa vajraM bibhratsamAgAtpurataH surANAm ||
##SP0130101##  tejaHpratApAdhikadivyarUpaH prodbhAsayansarvadisho vivasvAn |
##SP0130102##  haimaM vimAnaM sachalatpatAkamAruhya AgAttvaritaM javena ||
##SP0130111##  maNipradIptojjvalakuNDalashcha vahnyarkatejaHpratime vimAne |
##SP0130112##  samabhyagAtkashyapaviprasUnurAditya AgAdbhaganAmadhArI ||
##SP0130121##  pInAshNgayaShTiH sukR^itAshNgahArastejobalAj~nAsadR^ishaprabhAvaH |
##SP0130122##  daNDaM samAdAya kR^itAnta AgAdAruhya bhImaM mahiShaM javena ||
##SP0130131##  mahAmahIdhrochChrayapInagAtraH svarNAdiratnAchitachAruveShaH |
##SP0130132##  samIraNaH sarvajagadvibhartA vimAnamAruhya samabhyagAddhi ||
##SP0130141##  sa.ntApayansarvasurAsureshA.nstejodhikastejasi sa.nnivishya |
##SP0130142##  vahniH samabhyetya surendramadhye jvalanpratasthau varaveShadhArI ||
##SP0130151##  nAnAmaNiprajvalitAshNgayaShTirjagachcharandivyavimAnamagryam |
##SP0130152##  Aruhya sarvadraviNAdhipeshaH sa rAjarAjastvarito.abhyagAchcha ||
##SP0130161##  ApyAyayansarvasurAsureshAnkAntyA cha veSheNa cha chArurUpaH |
##SP0130162##  jvalanmahAratnavichitrarUpaM vimAnamAruhya shashI samAgAt ||
##SP0130171##  shyAmAshNgayaShTiH suvichitraveShaH sarvasragAbaddhasugandhamAlI |
##SP0130172##  tArkShyaM samAruhya mahIdhrakalpaM gadAdharo.asau tvaritaM sametaH ||
##SP0130181##  tathAshvinau devabhiShagvarau tu ekaM vimAnaM tvarayAbhiruhya |
##SP0130182##  manoharAvujjvalachAruveShAvAjagmaturdevasadaH suvIrau ||
##SP0130191##  sheShaH sahasraM sphuradagnivarNaM bibhratsphaTAnAM jvalanArkatejAH |
##SP0130192##  sArdhaM sa nAgairaparairmahAtmA vimAnamAruhya samabhyagAchcha ||
##SP0130201##  diteH sutAnAM cha mahAsurANAM vahnyarkashakrAnilatulyabhAsAm |
##SP0130202##  varAnurUpaM pravidhAya veShaM vR^indaM samAgAtpurataH surANAm ||
##SP0130211##  gandharvarAjaH sa cha chArurUpI divyashNgamo divyavimAnachArI |
##SP0130212##  gandharvasa.nghaiH sahito.apsarobhiH shakrAj~nayA tatra samAjagAma ||
##SP0130221##  anye cha devAstridivaukaseshAH pR^ithakpR^ithakchArugR^ihItaveShAH |
##SP0130222##  AjagmurAruhya vimAnapR^iShThaM gandharvayakShoragaki.nnarAshcha ||
##SP0130231##  shachIpatistatra surendramadhye rAjAdhikArAdhikalakShyamUrtiH |
##SP0130232##  Aj~nAbalaishvaryakR^itapramoho vR^ithAdhikaM yatnamupAchakAra ||
##SP0130241##  hetustrilokasya jagatprasUtermAtA cha teShAM sasurAsurANAm |
##SP0130242##  patnI cha shambhoH puruShasya dhAmno gItA purANe prakR^itiH parArthA |
##SP0130243##  dakShasya kopAddhimavadgR^ihaM sA kAryArthamAgAtparameshapatnI ||
##SP0130251##  evaM yatastAM na viduH sureshA mohastatastAnpara Avivesha |
##SP0130252##  varArthamAjagmurato vimUDhA Ishena yasmAdvR^iDitAH kR^itAste ||
##SP0130261##  tataH pranR^ittAbhirathApsarobhirgandharvasa.nghaishcha sugItashabdaiH |
##SP0130262##  sthitaishcha nAnAvidharUpaveShairdevAsurAditridivaukasa.nghaiH ||
##SP0130271##  vimAnapR^iShThe maNihemachitre sthitA chalachchAmaravIjitAshNgI |
##SP0130272##  sarvartupuShpAM susugandhamAlAM pragR^ihya devI prasabhaM pratasthe ||
##SP0130280##  sanatkumAra uvAcha |
##SP0130281##  mAlAM pragR^ihya devyAM tu sthitAyAM devasa.nsadi |
##SP0130282##  shakrAdyairAgatairdevaiH svaya.nvaramupAgataiH ||
##SP0130291##  devyA jij~nAsayA shambhurbhUtvA pa~nchashikhaH shishuH |
##SP0130292##  utsashNgatalasa.nsupto babhUva sahasA vibhuH ||
##SP0130301##  akasmAdatha taM devI shishuM pa~nchashikhaM sthitam |
##SP0130302##  j~nAtvA yogasamAdhAnAjjahR^iShe prItisa.nyutA ||
##SP0130311##  atha sA shuddhasa.nkalpA kAshNkShitaprAptasatphalA |
##SP0130312##  nirvR^iteva tadA tasthau kR^itvA hR^idi tameva tu ||
##SP0130321##  tato dR^iShTvA shishuM devA devyA utsashNgavartinam |
##SP0130322##  ko.ayamatreti sammantrya chukrudhurbhR^ishamArditAH ||
##SP0130331##  vajramAkArayattasya bAhumutkShipya vR^itrahA |
##SP0130332##  sa bAhurutthitastasya tathaiva samatiShThata ||
##SP0130341##  stambhitaH shishurUpeNa devadevena shambhunA |
##SP0130342##  vajraM kSheptuM na shashAka bAhuM chAlayituM na cha ||
##SP0130351##  bhago nAma tato deva AdityaH kAshyapo balI |
##SP0130352##  utkShipya mushalaM dIptaM kSheptumaichChadvimohitaH |
##SP0130353##  tasyApi bhagavAnbAhuM tathaivAstambhayattadA ||
##SP0130361##  shiraH prakampayanviShNuH sakrodhastamavaikShata |
##SP0130362##  tasyApi shiraso devaH khAlityaM prachakAra ha ||
##SP0130371##  pUShA dantAndashandantaiH sharvamaikShata mohitaH |
##SP0130372##  tasyApi dashanAH peturdR^iShTamAtrasya shambhunA ||
##SP0130381##  yamasya stambhito daNDastejo vahneH shasheH prabhA |
##SP0130382##  balaM vAyostathAnyeShAM tasminsarvadivaukasAm |
##SP0130383##  balaM tejashcha yogaM cha tathaivAstambhayadvibhuH ||
##SP0130391##  atha teShu sthiteShvevaM manyumatsu sureShu tu |
##SP0130392##  brahmA paramasa.nvigno dhyAnamAsthAya sAdaram |
##SP0130393##  bubudhe devadeveshamumotsashNgasamAsthitam ||
##SP0130401##  sa buddhvA parameshAnaM shIghramutthAya sAdaram |
##SP0130402##  vavande charaNau shambhorastuvachcha pitAmahaH |
##SP0130403##  paurANaiH sAmasa.ngItaiH puNyAkhyairguhyanAmabhiH ||
##SP0130411##  ajastvamamaro deva sraShTA hartA vibhuH paraH |
##SP0130412##  pradhAnapuruShastattvaM brahma dhyeyaM tadakShayam ||
##SP0130421##  amR^itaM paramAtmA cha IshvaraH kAraNaM mahat |
##SP0130422##  brahmakR^itprakR^iteH sraShTA sarvasR^ikparameshvaraH ||
##SP0130431##  iyaM cha prakR^itirdevI sadA te sR^iShTikAraNam |
##SP0130432##  patnIrUpaM samAsthAya jagatkAraNamAgatA ||
##SP0130441##  namastubhyaM sadeshAna devyAshchaiva sadA namaH |
##SP0130442##  prasAdAttava devesha niyogAchcha mayA prajAH ||
##SP0130451##  devAdyAsta ime sR^iShTA mUDhAstvadyogamohitAH |
##SP0130452##  kuru prasAdameteShAM yathApUrvaM bhavantvime ||
##SP0130461##  tata evaM tadA brahmA vij~nApya parameshvaram |
##SP0130462##  stambhitAnsarvadevA.nstAnidamAha mahAdyutiH ||
##SP0130471##  mUDhAH stha devatAH sarve nainaM budhyata sha.nkaram |
##SP0130472##  devadevamihAyAtaM mamaivotpattikAraNam ||
##SP0130481##  ayaM rudro mahAdevaH sharvo bhImaH kapardimAn |
##SP0130482##  ugra IshAna AtmA cha ajaH sha.nkara eva cha ||
##SP0130491##  devadevaH paraM dhAma IshaH pashupatiH patiH |
##SP0130492##  jagatsraShTA jagaddhartA jagatsa.nsthitikAraNam ||
##SP0130501##  gachChadhvaM sharaNaM shIghramevamevAmareshvarAH |
##SP0130502##  sArdhaM mayaiva deveshaM paramAtmAnamavyayam ||
##SP0130511##  tataste stambhitAH sarve tathaiva tridivaukasaH |
##SP0130512##  praNemurmanasA sharvaM bhAvashuddhena chetasA ||
##SP0130521##  atha teShAM prasanno.abhUddevadevo maheshvaraH |
##SP0130522##  yathApUrvaM chakArAshu devatAnAM tanUstadA ||
##SP0130531##  tata evaM pravR^itte tu sarvadevanivAraNe |
##SP0130532##  vapushchakAra deveshastryakShaM paramamadbhutam |
##SP0130533##  tejasA yasya devAste chakShuraprArthayanvibhum ||
##SP0130541##  tebhyaH paramakaM chakShuH svavapurdR^iShTishaktimat |
##SP0130542##  prAdAtparamadeveshaH apashya.nste tadA prabhum ||
##SP0130551##  te dR^iShTvA parameshAnaM tR^itIyekShaNadhAriNam |
##SP0130552##  brahmAdyA nemire tUrNaM sarva eva sureshvarAH ||
##SP0130561##  tasya devI tadA hR^iShTA samakShaM tridivaukasAm |
##SP0130562##  pAdayoH sthApayAmAsa sragmAlAmamitadyuteH ||
##SP0130571##  sAdhu sAdhviti samprochya devatAste punarvibhum |
##SP0130572##  saha devyA namashchakruH shirobhirbhUtalAshritaiH ||
##SP0130581##  athAsminnantare vyAsa brahmA lokapitAmahaH |
##SP0130582##  himavantaM mahAshailamidamAha mahAdyutiH ||
##SP0130591##  shlAghyaH pUjyashcha vandyashcha sarveShAM nastvamadya hi |
##SP0130592##  sharveNa saha sambandho yasya te.abhUdayaM mahAn |
##SP0130593##  kriyatAM chAshu udvAhaH kimarthaM sthIyate param ||
##SP0130601##  tataH praNamya himavA.nstaM devaM pratyabhAShata |
##SP0130602##  tvameva kAraNaM deva yena sharvAdayaM mama ||
##SP0130611##  prasAdaH sahasotpanno hetushchApi tvameva hi |
##SP0130612##  udvAhaM tu yathA yAdR^iktadvidhatsva pitAmaha ||
##SP0130621##  tata evaM vachaH shrutvA girirAj~naH pitAmahaH |
##SP0130622##  udvAhaH kriyatAM deva iti devamuvAcha ha |
##SP0130623##  tamAha sha.nkaro devaM yatheShTamiti lokapaH ||
##SP0130631##  tatkShaNAchcha tato vyAsa brahmaNA kalpitaM puram |
##SP0130632##  udvAhArthaM maheshasya nAnAratnopashobhitam ||
##SP0130641##  ratnAni maNayashchitrA hema mauktikameva cha |
##SP0130642##  mUrtimanta upAgamya ala.nchakruH purottamam ||
##SP0130651##  chitrA mArakatI bhUmiH sauvarNastambhashobhitA |
##SP0130652##  bhAsvatsphaTikabhittIbhirmuktAhArapralambitA ||
##SP0130661##  tasmi~nChivapure ramye udvAhArthaM vinirmite |
##SP0130662##  shushubhe devadevasya maheshasya mahAtmanaH ||
##SP0130671##  somAdityau samaM tatra bhAsayantau mahAmaNI |
##SP0130672##  saurabheyaM manoramyaM gandhamAghrAya mArutaH |
##SP0130673##  pravavau sukhasa.nsparsha Ishe bhaktiM prasAdayan ||
##SP0130681##  samudrAstatra chatvAraH shakrAdyAshcha surottamAH |
##SP0130682##  devanadyo mahAnadyaH siddhA munaya eva cha ||
##SP0130691##  gandharvApsarasaH sarve nAgA yakShAH sarAkShasAH |
##SP0130692##  guhyakAH khecharAshchAnye ki.nnarA devachAraNAH ||
##SP0130701##  tumbururnArado hAhA hUhU chaiva tu sAmagAH |
##SP0130702##  ratnAnyAdAya vAdyA.nshcha tatrAjagmustadA puram ||
##SP0130711##  R^iShayaH kR^itsnashastatra vedagItA.nstapodhanAH |
##SP0130712##  puNyAnvaivAhikAnmantrA~njepuH sa.nhR^iShTamAnasAH ||
##SP0130721##  jagato mAtaraH sarvA devakanyAshcha kR^itsnashaH |
##SP0130722##  gAyanti hR^iShitAH sarvA udvAhe parameShThinaH ||
##SP0130731##  R^itavaH ShaT samaM tatra nAnAgandhasukhAvahAH |
##SP0130732##  udvAhaH sha.nkarasyeti mUrtimanta upasthitAH ||
##SP0130741##  nIlajImUtasa.nghAtamandradhvAnapraharShitaiH |
##SP0130742##  kekAyamAnaiH shikhibhirnR^ityamAnaishcha sarvashaH ||
##SP0130751##  vilolapishNgalaspaShTavidyullekhAvabhAsitA |
##SP0130752##  kumudApItashuklAbhirbalAkAbhishcha shobhitA ||
##SP0130761##  pratyagrasa.njAtashilIndhrakandalA latAdrumAbhyudgatachArupallavA |
##SP0130762##  shubhAmbudhArApraNayaprabodhitairmadAlasairbhekagaNaishcha nAditA ||
##SP0130771##  priyeShu mAnonnatamAnasAnAM sunishchitAnAmapi kAminInAm |
##SP0130772##  mayUrakekAbhirutaiH kShaNena manoharairmAnavibhashNgakartrI ||
##SP0130781##  tathA trivarNojjvalachArumUrtinA shashAshNkalekhAkuTilena sarvataH |
##SP0130782##  payodasa.nghAtasamIpavartinA mahendrachApena bhR^ishaM virAjitA ||
##SP0130791##  vichitrapuShpasparshAtsugandhibhirghanAmbusamparkatayA sushItalaiH |
##SP0130792##  vikampayantI pavanairmanoharaiH surAshNganAnAmalakAvalIH shubhAH ||
##SP0130801##  garjatpayodasthagitendubimbA navAmbusekodgatachArudUrvA |
##SP0130802##  nirIkShitA sAdaramutsukAbhirnishvAsadhUmraM pathikAshNganAbhiH ||
##SP0130811##  ha.nsanUpurashabdADhyA samunnatapayodharA |
##SP0130812##  chaladvidyullatAkA~nchI spaShTapadmavilochanA ||
##SP0130821##  asitajaladavR^indadhvAnavitrastaha.nsA
vimalasaliladhArApAtanamrotpalAgrA |
##SP0130822##  surabhikusumareNuk.lptasarvAshNgashobhA giriduhitR^ivivAhe
prAvR^iDAgAdvibhUtyai ||
##SP0130831##  meghaka~nchukanirmuktA padmakoshodgatastanI |
##SP0130832##  ha.nsanUpuranirhrAdA sarvaramyadigantarA ||
##SP0130841##  vistIrNapulinashroNI kUjatsArasamekhalA |
##SP0130842##  praphullendIvarAbhogavilochanamanoharA ||
##SP0130851##  pakvabimbAdharapuTA kundadantaprahAsinI |
##SP0130852##  navashyAmAlatAshyAmaromarAjIpariShkR^itA ||
##SP0130861##  chandrA.nshuhAravaryeNa saudhoraHsthalasarpiNA |
##SP0130862##  prahlAdayantI chetA.nsi sarveShAM tridivaukasAm ||
##SP0130871##  samadAlikulodgItamadhurasvarabhAShiNI |
##SP0130872##  chalatkumudasa.nghAtachArukuNDalashobhinI ||
##SP0130881##  raktAshokAgrashAkhotthapallavAshNgulidhAriNI |
##SP0130882##  tatpuShpasa.nchayamayairvAsobhiH samala.nkR^itA ||
##SP0130891##  raktotpalAgracharaNA jAtIpuShpanakhAvalI |
##SP0130892##  kadalIstambhachArUruH shashAshNkavadanA tathA ||
##SP0130901##  padmaki~njalkasampR^iktapavanAgrakaraiH surAn |
##SP0130902##  premNA spR^ishantI kAnteva sharadAgAnmanoramA ||
##SP0130911##  nirmuktAsitameghaka~nchukapuTA pUrNendubimbAnanA
##SP0130912##  nIlAmbhojavilochanAravindamukulaprodbhinnachArustanI |
##SP0130913##  nAnApuShparajaHsugandhipavanaprahlAdanI chetasA.n
##SP0130914##  tatrAgAtkalaha.nsanUpuraravA devyA vivAhe sharat ||
##SP0130921##  atyarthashItalAmbhobhiH plAvayantau gireH shilAH |
##SP0130922##  R^itU shishirahemantAvAjagmaturatidyutI ||
##SP0130931##  tAbhyAmR^itubhyAM prAptAbhyAM himavAnsa nagottamaH |
##SP0130932##  prAleyachUrNavarShibhyAM kShipraM raupya ivAbabhau ||
##SP0130941##  tena prAleyavarSheNa ghanena sa himAchalaH |
##SP0130942##  agAdhena tadA reje kShIroda iva sAgaraH ||
##SP0130951##  himasthAneShu himavAnnAshayAmAsa pAdapAn |
##SP0130952##  sAdhUpachArAnsahasA kR^itArtha iva durjanaH ||
##SP0130961##  prAleyapaTalachChannaiH shR^ishNgaiH sa shushubhe nagaH |
##SP0130962##  Chatrairiva mahAbhogaiH pANDaraiH pR^ithivIpatiH ||
##SP0130971##  pANDarANi vishAlAni shrImanti subhagAni cha |
##SP0130972##  tushNgAni chAdrishR^ishNgANi saudhAnIva chakAshire ||
##SP0130981##  tasyAchalendrasya darIShvatIva vichitrasArashNgakulAkulAsu |
##SP0130982##  prAleyadhArAH shashipAdagaurA gokShIradhArA iva sa.nnipetuH ||
##SP0130991##  bahukusumarajobhirutkarAshNgA himakaNasashNgasushItalAH samIrAH |
##SP0130992##  vavuramaragaNeshvarAmbarANi pratanutamAni shanairvikampayantaH ||
##SP0131001##  nirdhUtarUkShAnilashItadoShaH prodbhinnachUtAshNkurakarNapUraH |
##SP0131002##  vasantakAlashcha tamadriputrIsevArthamAgAddhimavantamAshu ||
##SP0131011##  tasminnR^itAvadrisutAvivAhasiShevayA taM girimabhyupete |
##SP0131012##  prAdurbabhUvuH kusumAvata.nsAH samantataH pAdapagulmaShaNDAH ||
##SP0131021##  vavuH sugandhAH subhagAH sushItA vichitrapuShpAgrarajotkarAshNgAH |
##SP0131022##  manobhavodrekakarAH surANAM surAshNganAnAM cha muhuH samIrAH ||
##SP0131031##  svachChAmbupUrNAshcha tathA nalinyaH padmotpalAnAM mukulairupetAH |
##SP0131032##  IShatsamudbhinnapayodharAgrA nAryo yathA ramyatamA babhUvuH ||
##SP0131041##  R^itoH svabhAvAchcha madodbhavAchcha phullAsu shAkhAsu nilInapakShAH |
##SP0131042##  chetobhirAmaM tridashAshNganAnAM pu.nskokilAshchAtikalaM vineduH ||
##SP0131051##  nAtyuShNashItAni saraHpayA.nsi ki~njalkachUrNaiH kapilIkR^itAni |
##SP0131052##  chakrAhvayugmairupanAditAni papuH prahR^iShTAH suradantimukhyAH ||
##SP0131061##  priyashNgUshchUtataravashchUtA.nshchApi priyashNgavaH |
##SP0131062##  tarjayanta ivAnyonyaM ma~njarIbhishchakAshire ||
##SP0131071##  himashukleShu shR^ishNgeShu tilakAH kusumotkarAH |
##SP0131072##  shushubhuH kAryamuddishya vR^iddhA iva samAgatAH ||
##SP0131081##  phullAshokalatAstatra rejire shAlasa.nshritAH |
##SP0131082##  kAminya iva kAntAnAM kaNThAlambitamUrtayaH ||
##SP0131091##  samadAlikulodgItalatAkusumasa.nchayAH |
##SP0131092##  parasparaM hi mAlatyo bhAShantya iva rejire ||
##SP0131101##  nIlAni nIlAmburuhaiH payA.nsi gaurANi gauraishcha sanAladaNDaiH |
##SP0131102##  raktaishcha raktAni bhR^ishaM kR^itAni
mattadvirephArdhavidaShTapatraiH ||
##SP0131111##  haimAni vistIrNajaleShu keShuchinnirantaraM mArakatAni keShuchit |
##SP0131112##  vaidUryanAlAni saraHsu keShuchitprajaj~nire padmavanAni sarvataH ||
##SP0131121##  vApyastatrAbhavanramyAH kamalotpalabhUShitAH |
##SP0131122##  nAnAvihagasa.nghuShTA hemasopAnapashNktayaH ||
##SP0131131##  shR^ishNgANi tasya tu gireH karNikAraiH supuShpitaiH |
##SP0131132##  samuchChritAnyaviralairhaimAnIva babhurmune ||
##SP0131141##  IShadudbhinnakusumaiH pATalaishchApi pATalAH |
##SP0131142##  sambabhUvurdishaH sarvAH pavanAkampimUrtibhiH ||
##SP0131151##  kR^iShNA~njanAdrishR^ishNgAbhA nIlAshokamahIruhAH |
##SP0131152##  girau vavR^idhire phullAH spardhayeva parasparam ||
##SP0131161##  chIruvAkavighuShTAni ki.nshukAnAM vanAni cha |
##SP0131162##  parvatasya nitambeShu sarveShvevAbhijaj~nire ||
##SP0131171##  tamAlagulmaistasyAsIchChobhA himavatastadA |
##SP0131172##  nIlajImUtasa.nghAtairnilInairiva sandhiShu ||
##SP0131181##  nikAmapuShpaiH suvishAlashAkhaiH samuchChritaishchampakapAdapaishcha |
##SP0131182##  pramattapu.nskokilasampralApairhimAchalo.atIva tadA rarAja ||
##SP0131191##  shrutvA shabdaM R^itumadakalaM sarvataH kokilAnA.n
##SP0131192##  cha~nchatpakShAH sumadhurarutaM nIlakaNThA vineduH |
##SP0131193##  teShAM shabdairupachitabalaH puShpachApeShuhastaH
##SP0131194##  sajjIbhUtastridashavanitA veddhumashNgeShvanashNgaH ||
##SP0131201##  paTusUryAtapashchApi prAyaH soShNajalAshayaH |
##SP0131202##  devIvivAhasevArthaM grIShma AgAddhimAchalam ||
##SP0131211##  sa chApi tarubhistatra bahubhiH kusumotkaraiH |
##SP0131212##  shobhayAmAsa shR^ishNgANi prAleyAdreH samantataH ||
##SP0131221##  tasyApi cha R^itostatra vAyavaH sumanoharAH |
##SP0131222##  vavuH pATalavistIrNakadambArjunagandhinaH ||
##SP0131231##  vApyaH praphullapadmaughAH kesarAruNamUrtayaH |
##SP0131232##  abhava.nstaTasa.nghuShTakalaha.nsakadambakAH ||
##SP0131241##  tathA kuravakAshchApi kusumApANDumUrtayaH |
##SP0131242##  sarveShu jaj~nuH shR^ishNgeShu bhramarAvalisevitAH ||
##SP0131251##  bakulAshcha nitambeShu vishAleShu mahIbhR^itaH |
##SP0131252##  utsasarjurmanoj~nAni kusumAni samantataH ||
##SP0131261##  iti kusumavichitrasarvavR^ikShA vividhaviha.ngamanAdaramyadeshAH |
##SP0131262##  himagiritanayAvivAhabhUtyai ShaDupayayurR^itavo munipravIra ||
##SP0131271##  tata evaM pravR^itte tu sarvabhUtasamAgame |
##SP0131272##  nAnAvAdyashatAkIrNe brahmA mama pitA svayam ||
##SP0131281##  shailaputrImala.nkR^itya yogyAbharaNasampadA |
##SP0131282##  puraM praveshayAmAsa svayamAdAya lokadhR^ik ||
##SP0131291##  tatastu punareveshaM brahmA vyaj~nApayadvibhum |
##SP0131292##  havirjuhomi vahnau tu upAdhyAyapade sthitaH |
##SP0131293##  dadAsi mahyaM yadyAj~nAM kartavyo.ayaM kriyAvidhiH ||
##SP0131301##  tamAha sha.nkaro devaM devadevo jagatpatiH |
##SP0131302##  yadyadiShTaM sureshAna tatkuruShva yathepsitam |
##SP0131303##  kartAsmi vachanaM sarvaM brahma.nstava jagadvibho ||
##SP0131311##  tataH praNamya hR^iShTAtmA brahmA lokapitAmahaH |
##SP0131312##  hastaM devasya devyAshcha yogabandhe yuyoja ha ||
##SP0131321##  jvalanaM cha svayaM kR^itvA kR^itA~njalimupasthitam |
##SP0131322##  shrutigItairmahAmantrairmUrtimadbhirupasthitaiH ||
##SP0131331##  yathoktavidhinA hutvA sarpistadamR^itaM cha hi |
##SP0131332##  trishcha taM jvalanaM devaM kArayitvA pradakShiNam ||
##SP0131341##  muktvA hastasamAyogaM sahitaH sarvadevataiH |
##SP0131342##  sutaishcha mAnasaiH sarvaiH prahR^iShTenAntarAtmanA |
##SP0131343##  vR^itte udvAhakAle tu praNanAma vR^iShadhvajam ||
##SP0131351##  yogenaiva tayorvyAsa tadomAparameshayoH |
##SP0131352##  udvAhaH sa paro vR^itto yaM devA na viduH kvachit ||
##SP0131361##  iti te sarvamAkhyAtaM svaya.nvaramidaM shubham |
##SP0131362##  udvAhashchaiva devasya shR^iNvataH paramAdbhutam ||
##SP0139999##  iti skandapurANe nAma trayodasho.adhyAyaH ||
\medskip\hrule\medskip
\centerline{ska.ndapurANa adhyAya  14}
##SP0140010##  sanatkumAra uvAcha |
##SP0140011##  atha vR^itte vivAhe tu bhavasyAmitatejasaH |
##SP0140012##  praharShamatulaM gatvA devAH sahapitAmahAH |
##SP0140013##  tuShTuvurvAgbhiriShTAbhiH praNamanto maheshvaram ||
##SP0140021##  namaH parvatalishNgAya parvateshAya vai namaH |
##SP0140022##  namaH pavanavegAya virUpAyAjitAya cha ||
##SP0140031##  namaH kleshavinAshAya dAtre cha shubhasampadAm |
##SP0140032##  namo nIlashikhaNDAya ambikApataye namaH ||
##SP0140041##  namaH pavanarUpAya shatarUpAya vai namaH |
##SP0140042##  namo bhairavarUpAya virUpanayanAya cha ||
##SP0140051##  namaH sahasranetrAya sahasracharaNAya cha |
##SP0140052##  namo vedarahasyAya vedAshNgAya namo namaH ||
##SP0140061##  viShTambhanAya shakrasya bAhorvedAshNkurAya cha |
##SP0140062##  charAcharAdhipataye shamanAya namo namaH ||
##SP0140071##  salileshayalishNgAya yugAntAyatalishNgine |
##SP0140072##  namaH kapAlamAlAya kapAlasragmiNe namaH ||
##SP0140081##  namaH kapAlahastAya da.nShTriNe gadine namaH |
##SP0140082##  namastrailokyavAhAya saptalokarathAya cha ||
##SP0140091##  namaH khaTvAshNgahastAya pramathArtiharAya cha |
##SP0140092##  namo yaj~nashirohartre kR^iShNakeshApahAriNe ||
##SP0140101##  bhaganetranipAtAya pUShNo dantaharAya cha |
##SP0140102##  namaH pinAkashUlAsikhaDgamudgaradhAriNe ||
##SP0140111##  namo.astu kAlakAlAya tR^itIyanayanAya cha |
##SP0140112##  antakAntakR^ite chaiva namaH parvatavAsine ||
##SP0140121##  suvarNaretase chaiva sarpakuNDaladhAriNe |
##SP0140122##  vADvaleryoganAshAya yoginAM gurave namaH ||
##SP0140131##  shashAshNkAdityanetrAya lalATanayanAya cha |
##SP0140132##  namaH shmashAnarataye shmashAnavaradAya cha ||
##SP0140141##  namo daivatanAthAya tryambakAya namo namaH |
##SP0140142##  ashanIshatahAsAya brahmaNyAyAjitAya cha ||
##SP0140151##  gR^ihasthasAdhave nityaM jaTine brahmachAriNe |
##SP0140152##  namo muNDArdhamuNDAya pashUnAM pataye namaH ||
##SP0140161##  salile tapyamAnAya yogaishvaryapradAya cha |
##SP0140162##  namaH shAntAya dAntAya pralayotpattikAriNe ||
##SP0140171##  namo.anugrahakartre cha sthitikartre namo namaH |
##SP0140172##  namo rudrAya vasave AdityAyAshvine namaH ||
##SP0140181##  namaH pitre.atha sAdhyAya vishvedevAya vai namaH |
##SP0140182##  namaH sharvAya sarvAya ugrAya varadAya cha ||
##SP0140191##  namo bhImAya senAnye pashUnAM pataye namaH |
##SP0140192##  shuchaye rerihANAya sadyojAtAya vai namaH ||
##SP0140201##  mahAdevAya chitrAya namashchitrarathAya cha |
##SP0140202##  pradhAnAya prameyAya kAryAya karaNAya cha ||
##SP0140211##  puruShAya namaste.astu puruShechChAkarAya cha |
##SP0140212##  namaH puruShasa.nyogapradhAnaguNakAriNe ||
##SP0140221##  pravartakAya prakR^iteH puruShasya cha sarvashaH |
##SP0140222##  kR^itAkR^itasya sa.nvettre phalasa.nyogadAya cha ||
##SP0140231##  kAlaj~nAya cha sarvatra namo niyamakAriNe |
##SP0140232##  namo vaiShamyakartre cha guNAnAM vR^ittidAya cha ||
##SP0140241##  namaste devadevesha namaste bhUtabhAvana |
##SP0140242##  shivaH saumyaH sukho draShTuM bhava somo hi naH prabho ||
##SP0140250##  sanatkumAra uvAcha |
##SP0140251##  evaM sa bhagavAndevo jagatpatirumApatiH |
##SP0140252##  stUyamAnaH suraiH sarvairamarAnidamabravIt ||
##SP0140261##  draShTuM sukhashcha saumyashcha devAnAmasmi bho surAH |
##SP0140262##  varaM brUta yatheShTaM cha dAtAsmi vadatAnaghAH ||
##SP0140271##  tataste praNatAH sarve UchuH sabrahmakAH surAH |
##SP0140272##  tavaiva bhagavanhaste vara eSho.avatiShThatAm |
##SP0140273##  yadA kAryaM tadA nastvaM dAsyase varamIpsitam ||
##SP0140281##  evamastviti tAnuktvA visR^ijya cha surAnharaH |
##SP0140282##  lokA.nshcha pramathaiH sArdhaM vivesha bhavanaM tataH ||
##SP0140291##  yastu harotsavamadbhutametaM gAyati daivataviprasamakSham |
##SP0140292##  so.apratirUpagaNeshasamAno dehaviparyayametya sukhI syAt ||
##SP0140300##  sanatkumAra uvAcha |
##SP0140301##  pArAsharya stavaM hIdaM shR^iNuyAdyaH paTheta vA |
##SP0140302##  sa svargalokago devaiH pUjyate.amararADiva ||
##SP0149999##  iti skandapurANe chaturdashamo.adhyAyaH ||
\medskip\hrule\medskip
\centerline{ska.ndapurANa adhyAya  15}
##SP0150010##  sanatkumAra uvAcha |
##SP0150011##  praviShTe bhavanaM deve sUpaviShTe varAsane |
##SP0150012##  sa bahirmanmathaH krUro devaM veddhumanAbhavat ||
##SP0150021##  tamanAchArasa.nyuktaM durAtmAnaM kulAdhamam |
##SP0150022##  lokAnsarvA.nstApayAnaM sarveShvakaruNAtmakam ||
##SP0150031##  R^iShINAM vighnakartAraM niyamAnAM vrataiH saha |
##SP0150032##  chakrAhvayasya rUpeNa ratyA saha tamAgatam ||
##SP0150041##  athAtatAyinaM vyAsa veddhukAmaM sureshvaram |
##SP0150042##  nayanena tR^itIyena sAvaj~naM tamavaikShata ||
##SP0150051##  tato.asya netrajo vahnirjvAlAmAlAsahasravAn |
##SP0150052##  sa.nvR^itya ratibhartAramadahatsaparichChadam ||
##SP0150061##  sa dahyamAnaH karuNamArto.akroshata visvaram |
##SP0150062##  prasAdaya.nshcha taM devaM papAta sa mahItale ||
##SP0150071##  Ashu so.agniparItAshNgo manmatho lokatApanaH |
##SP0150072##  papAta bhasmasAchchaiva kShaNena samapadyata ||
##SP0150081##  patnI tu karuNaM tasya vilalApa suduHkhitA |
##SP0150082##  devaM devIM cha duHkhArtA ayAchatkaruNAyatI ||
##SP0150091##  tasyAshcha karuNAM shrutvA devau tau karuNAtmakau |
##SP0150092##  UchatustAM samAlokya samAshvAsya cha duHkhitAm ||
##SP0150101##  dagdha eSha dhruvaM bhadre nAsyotpattiriheShyate |
##SP0150102##  asharIro.api te kAle kAryaM sarvaM kariShyati ||
##SP0150111##  yadA tu viShNurbhavitA vasudevasutaH shubhe |
##SP0150112##  tadA tasya suto.ayaM syAtpatiste sa bhaviShyati ||
##SP0150120##  sanatkumAra uvAcha |
##SP0150121##  tataH sA taM varaM labdhvA kAmapatnI shubhAnanA |
##SP0150122##  jagAmeShTaM tadA deshaM prItiyuktA gataklamA ||
##SP0150130##  sanatkumAra uvAcha |
##SP0150131##  evaM dagdhvA sa kAmaM tu sha.nkaro mUDhachetasam |
##SP0150132##  provAcha himavatputrIM bhaktyA munivarasya ha ||
##SP0150141##  vasiShTho nAma viprendro mAM kR^itvA hR^idi tapyate |
##SP0150142##  tasyAhaM varadAnAya prayAsyAmi mahAvrate ||
##SP0150151##  evamuktvA sa devIM tu bhaktiprItyA tadA vibhuH |
##SP0150152##  jagAma tapyato.abhyAshaM vasiShThasya munervibhuH ||
##SP0150161##  tato munivarashreShThaM variShThaM tapatAM varam |
##SP0150162##  vasiShThamR^iShishArdUlaM tapyamAnaM paraM tapaH ||
##SP0150171##  pUrNe varShasahasre tu jvalamAnamivAnalam |
##SP0150172##  uvAcha bhagavAngatvA brUhi kiM te dadAni te |
##SP0150173##  dadAmi divyaM chakShuste pashya mAM sagaNaM dvija ||
##SP0150181##  dR^iShTvA sa tu tamIshAnaM praNamya shirasA prabhum |
##SP0150182##  shirasya~njalimAdhAya tuShTAva hR^iShitAnanaH ||
##SP0150190##  vasiShTha uvAcha |
##SP0150191##  namaH kanakalishNgAya vedalishNgAya vai namaH |
##SP0150192##  namaH sahasralishNgAya vahnilishNgAya vai namaH ||
##SP0150201##  namaH purANalishNgAya shrutilishNgAya vai namaH |
##SP0150202##  namaH pavanalishNgAya brahmalishNgAya vai namaH ||
##SP0150211##  namastrailokyalishNgAya dAhalishNgAya vai namaH |
##SP0150212##  namaH parvatalishNgAya sthitilishNgAya vai namaH ||
##SP0150221##  namo rahasyalishNgAya saptadvIpordhvalishNgine |
##SP0150222##  namaH sarvArthalishNgAya sarvalokAshNgalishNgine ||
##SP0150231##  namo.astvavyaktalishNgAya buddhilishNgAya vai namaH |
##SP0150232##  namo.aha.nkAralishNgAya bhUtalishNgAya vai namaH ||
##SP0150241##  nama indriyalishNgAya namastanmAtralishNgine |
##SP0150242##  namaH puruShalishNgAya bhAvalishNgAya vai namaH ||
##SP0150251##  namaH sarvArthalishNgAya tamolishNgAya vai namaH |
##SP0150252##  namo rajordhvalishNgAya sattvalishNgAya vai namaH ||
##SP0150261##  namo gaganalishNgAya tejolishNgAya vai namaH |
##SP0150262##  namo vAyUrdhvalishNgAya shabdalishNgAya vai namaH ||
##SP0150271##  namo R^ikstutalishNgAya yajurlishNgAya vai namaH |
##SP0150272##  namaste.atharvalishNgAya sAmalishNgAya vai namaH ||
##SP0150281##  namo yaj~nAshNgalishNgAya yaj~nalishNgAya vai namaH |
##SP0150282##  namaste.anantalishNgAya devAnugatalishNgine ||
##SP0150291##  disha naH paramaM yogamapatyaM matsamaM tathA |
##SP0150292##  brahma chaivAkShayaM deva shamaM chaiva paraM vibho |
##SP0150293##  akShayatvaM cha va.nshasya dharme cha matimakShayAm ||
##SP0150300##  sanatkumAra uvAcha |
##SP0150301##  evaM sa bhagavAnvyAsa vasiShThenAmitAtmanA |
##SP0150302##  stUyamAnastutoShAtha tuShTashchedaM tamabravIt ||
##SP0150310##  bhagavAnuvAcha |
##SP0150311##  tuShTaste.ahaM dadAnyetattava sarvaM manogatam |
##SP0150312##  yogaM cha paramaM sUkShmamakShayaM sarvakAmikam ||
##SP0150321##  pautraM cha tvatsamaM divyaM tapoyogabalAnvitam |
##SP0150322##  dadAni te R^iShishreShTha pratibhAsyanti chaiva te ||
##SP0150331##  damaH shamastathA kIrtistuShTirakrodha eva cha |
##SP0150332##  nityaM tava bhaviShyanti amaratvaM cha sarvashaH ||
##SP0150341##  avadhyatvamasahyatvamakShayatvaM cha sarvadA |
##SP0150342##  va.nshasya chAkShatirvipra dharme cha ratiravyayA |
##SP0150343##  brUhi chAnyAnapi varAndadAmi R^iShisattama ||
##SP0150350##  vasiShTha uvAcha |
##SP0150351##  bhagavanviditaM sarvaM bhaviShyaM devasattama |
##SP0150352##  na syAddhi tattathA deva yathA vA manyase prabho ||
##SP0150360##  deva uvAcha |
##SP0150361##  bhaviShyaM nAnyathA kuryAditi me nishchitA matiH |
##SP0150362##  ahaM kartA bhaviShyasya kathaM kuryAttadanyathA ||
##SP0150371##  tathA tannAtra sa.ndeho vihitaM yadyathA mayA |
##SP0150372##  tasmAtte.anugrahaM kartA bhUyaH putrastavAvyayaH ||
##SP0150380##  sanatkumAra uvAcha |
##SP0150381##  evamuktvA tato devaH kapardI nIlalohitaH |
##SP0150382##  pashyatastasya viprarSheH kShaNAdantaradhIyata ||
##SP0159999##  iti skandapurANe pa~nchadashamo.adhyAyaH ||
\medskip\hrule\medskip
\centerline{ska.ndapurANa adhyAya  16}
##SP0160010##  vyAsa uvAcha |
##SP0160011##  varAnsa labdhvA bhagavAnvasiShTho.asmatpitAmahaH |
##SP0160012##  kaM putraM janayAmAsa AtmanaH sadR^ishadyutim ||
##SP0160020##  sanatkumAra uvAcha |
##SP0160021##  tenAsau varadAnena devadevasya shUlinaH |
##SP0160022##  arundhatyAmajanayattapoyogabalAnvitam |
##SP0160023##  brahmiShThaM shaktinAmAnaM putraM putrashatAgrajam ||
##SP0160031##  tasya bAlyAtprabhR^ityeva vAsiShThasya mahAtmanaH |
##SP0160032##  pareNa chetasA bhaktirabhavadgovR^iShadhvaje ||
##SP0160041##  sa kadAchidapatyArthamArAdhayadumApatim |
##SP0160042##  tasya tuShTo mahAdevo varado.asmItyabhAShata ||
##SP0160051##  atha dR^iShTvA tamIshAnamidamAhAnatAnanaH |
##SP0160052##  kena stoShyAmi te deva yastvaM sarvajagatpatiH |
##SP0160053##  sarvAndhArayase lokAnAtmanA samayAdvibho ||
##SP0160061##  tvameva bhoktA bhojyaM cha kartA kAryaM tathA kriyA |
##SP0160062##  utpAdakastathotpAdya utpattishchaiva sarvashaH ||
##SP0160071##  AtmAnaM putranAmAnaM mama tulyaM guNairvibho |
##SP0160072##  ichChAmi dattaM devesha eSha me dIyatAM varaH ||
##SP0160080##  sanatkumAra uvAcha |
##SP0160081##  tameva.nvAdinaM devaH prahasya vadatAM varaH |
##SP0160082##  uvAcha vachasA vyAsa dishaH sarvA vinAdayan ||
##SP0160091##  tvayAhaM yAchitaH shakte sa cha te sambhaviShyati |
##SP0160092##  tvatsamaH sarvavedaj~nastvadIyo munipu.ngava ||
##SP0160101##  bIjAtmA cha tathodbhUtaH svayamevAshNkurAtmanA |
##SP0160102##  bIjAtmanA na bhavati pariNAmAntaraM gataH ||
##SP0160111##  evaM sa AtmanAtmA vaH sambhUto.apatyasa.nj~nitaH |
##SP0160112##  svenAtmanA na bhavitA pariNAmAntaraM gataH ||
##SP0160120##  sanatkumAra uvAcha |
##SP0160121##  evamuktvA tu taM devaH prahasya cha nirIkShya cha |
##SP0160122##  jagAma sahasA yogI adR^ishyatvamatidyutiH ||
##SP0160131##  tasmingate mahAdeve shaktistava pitAmahaH |
##SP0160132##  vachastatparinishchintya evamevetyamanyata ||
##SP0160141##  atha kAle.atimahati samatIte shubhavrate |
##SP0160142##  tapasA bhAvitashchApi mahatAgnisamaprabhaH |
##SP0160143##  adR^ishyantyAM mahApraj~na Adadhe garbhamuttamam ||
##SP0160151##  tasyAmApannasattvAyAM rAjA kalmAShapAdR^iShim |
##SP0160152##  bhakShayAmAsa sa.nrabdho rakShasA hR^itachetanaH ||
##SP0169999##  iti skandapurANe ShoDasho.adhyAyaH ||
\medskip\hrule\medskip
\centerline{ska.ndapurANa adhyAya  17}
##SP0170010##  vyAsa uvAcha |
##SP0170011##  kasmAtsa rAjA tamR^iShiM chakhAda tapasAnvitam |
##SP0170012##  rakShasA sa kimarthaM cha hR^itachetAbhavannR^ipaH ||
##SP0170020##  sanatkumAra uvAcha |
##SP0170021##  vasiShThayAjyo rAjAsInnAmnA mitrasahaH prabhuH |
##SP0170022##  sudAsaputro balavAnindrachandrasamadyutiH ||
##SP0170031##  tamAgamyochivA~nChaktishchariShye dIkShito vratam |
##SP0170032##  tatra me nishi rAjendra sadaiva pishitAshanam ||
##SP0170041##  ihAgatasya yachChasva shuchi sarvaguNAnvitam |
##SP0170042##  apratIkArasa.nyuktamekadaikAnta eva cha ||
##SP0170051##  evamastviti tenokto jagAma sa mahAmanAH |
##SP0170052##  athAsyAntarhitaM rakSho nR^ipaterabhavattadA |
##SP0170053##  nAj~nApayattadA sUdaM tasyArthe munisattama ||
##SP0170061##  gate.atha divase tAta sa.nsmR^itya prayatAtmavAn |
##SP0170062##  sUdamAhUya chovAcha Artavatsa narAdhipaH ||
##SP0170070##  saudAsa uvAcha |
##SP0170071##  mayAmR^itavaso prAtarguruputrasya dhImataH |
##SP0170072##  pishitaM sampratij~nAtaM bhojanaM nishi sa.nskR^itam |
##SP0170073##  tatkuruShva tathA kShipraM kAlo no nAtyagAdyathA ||
##SP0170081##  sa evamuktaH provAcha sUdo.amR^itavasustadA |
##SP0170082##  rAja.nstvayA no nAkhyAtaM prAgeva narapu.ngava |
##SP0170083##  sAmprataM nAsti pishitaM stokamapyabhikAshNkShitam ||
##SP0170091##  pishitasyaiva chAlpatvAdbahUnAM chaiva tadbhujAm |
##SP0170092##  amitasya pradAnAchcha na ki.nchidavashiShyate ||
##SP0170100##  rAjovAcha |
##SP0170101##  jAne sarvopayogaM cha jAne chAduShTatAM tava |
##SP0170102##  jAne stokaM cha pishitaM kAryaM chedaM tathAvidham |
##SP0170103##  mR^igyatAM pishitaM kShipraM labdhavyaM yatra manyase ||
##SP0170110##  sanatkumAra uvAcha |
##SP0170111##  evamukto.amR^itavasuH prayatnaM mahadAsthitaH |
##SP0170112##  pishitaM mR^igayansamyashNnApyavindata karhichit ||
##SP0170121##  yadA na labdhavAnmA.nsaM tadovAcha narAdhipam |
##SP0170122##  gatvA nishi mahArAjamidaM vachanamarthavat ||
##SP0170131##  rAjanna pishitaM tvasti pure.asmi~nChuchi karhichit |
##SP0170132##  mR^igayanparikhinno.asmi shAdhi kiM karavANi te ||
##SP0170140##  sanatkumAra uvAcha |
##SP0170141##  sa evamuktaH sUdena tasminkAle narAdhipaH |
##SP0170142##  novAcha ki.nchittaM sUdaM tUShNImeva babhUva ha ||
##SP0170151##  tadantaramabhiprekShya vishvAmitrasamIritaH |
##SP0170152##  rAkShaso rudhiro nAma sa.nvivesha narAdhipam ||
##SP0170161##  rakShasA sa tadAviShTo rudhireNa durAtmanA |
##SP0170162##  uvAcha sUdaM shanakaiH karNamUle mahAdyutiH ||
##SP0170171##  gachCha yatki.nchidAnIya mA.nsaM mAnuShamantataH |
##SP0170172##  gArdabhaM vApyathauShTraM vA sarvaM sa.nskartumarhasi ||
##SP0170181##  kimasau j~nAsyate rAtrau tvayA bhUyashcha sa.nskR^itam |
##SP0170182##  rasavadgandhavachchaiva kShiprameva samAchara ||
##SP0170190##  sanatkumAra uvAcha |
##SP0170191##  sa evamuktastenAtha mAnuShaM mA.nsamAdade |
##SP0170192##  rAjApakAriNo vyAsa mR^itotsR^iShTasya kasyachit ||
##SP0170201##  athArdharAtrasamaye bhAskarAkAravarchasam |
##SP0170202##  shatAnalasamaprakhyamapashyanmunisattamam ||
##SP0170211##  sa tamarghyeNa pAdyena AsanAgryavareNa cha |
##SP0170212##  samarchayitvA vidhivadannamasyopapAdayat ||
##SP0170221##  sa tadannaM samAnItaM samAlabhya mahAtapAH |
##SP0170222##  chukopa kupitashchAha pArthivaM pradahanniva ||
##SP0170230##  shaktiruvAcha |
##SP0170231##  pArthivAdhama viprANAM bhojanaM rAkShasochitam |
##SP0170232##  na dIyate vidhij~nena tvaM tu mAmavamanyase ||
##SP0170241##  yasmAttvaM rAkShasamidaM mahyaM ditsasi bhojanam |
##SP0170242##  tasmAttvaM karmaNA tena puruShAdo bhaviShyasi ||
##SP0170250##  sanatkumAra uvAcha |
##SP0170251##  evamuktastu tejasvI rAjA sa.nchintya tattadA |
##SP0170252##  uvAcha krodharaktAkSho rAkShasAviShTachetanaH ||
##SP0170261##  puruShAdo bhavetyevaM mAmavochadbhavAnyataH |
##SP0170262##  tatastvAM bhakShayiShyAmi bhrAtR^ibhiH sahitaM dvija ||
##SP0170271##  bhakShayitvA vishuddhyarthaM muktashApastataH param |
##SP0170272##  chariShyAmi tapaH shuddhaM sa.nyamyendriyasa.nhatim |
##SP0170273##  pitrA tavAbhyanuj~nAtaH svarge vatsye yathepsitam ||
##SP0179999##  iti skandapurANe saptadashamo.adhyAyaH ||
\medskip\hrule\medskip
\centerline{ska.ndapurANa adhyAya  18}
##SP0180010##  sanatkumAra uvAcha |
##SP0180011##  tataH sa rAjA svaM rAjyamutsR^ijya saha bhAryayA |
##SP0180012##  vanaM vivesha tatrAbhUtpuruShAdo mahAbalaH ||
##SP0180021##  so.abhakShayata tatrAgre shaktimeva mahAmunim |
##SP0180022##  tato bhrAtR^ishataM tasya vasiShThasyaiva pashyataH ||
##SP0180031##  tataH putravadhaM ghoraM dR^iShTvA brahmasutaH prabhuH |
##SP0180032##  notsasarja tadA krodhaM vasiShThaH kaushikaM prati |
##SP0180033##  putrashokena mahatA bhR^ishamevAnvakIryata ||
##SP0180041##  sa baddhvA mahatIM kaNThe shilAM brahmasutaH prabhuH |
##SP0180042##  nadyAmAtmAnamutsR^ijya shatadhA sAdravadbhayAt |
##SP0180043##  shatadrUriti tAM prAhurmunayaH sa.nshitavratAH ||
##SP0180051##  punaH pAshairdR^iDhairbaddhvA anyasyAmasR^ijadvashI |
##SP0180052##  tasyAM vipAshaH sa.nvR^itto vipAshA sAbhavattataH ||
##SP0180061##  tato.aTavIM samAsAdya nirAhAro jitendriyaH |
##SP0180062##  vAyubhakShastadA tasthau svaM dehaM paritApayan ||
##SP0180071##  atha shushrAva vedAnAM dhvanimekasya susvaram |
##SP0180072##  adhIyAnasya tatrAshu dhyAnamevAnvapadyata ||
##SP0180081##  athainaM chArusarvAshNgI pInonnatapayodharA |
##SP0180082##  upatasthe.agrataH patnI shakterdInAnanekShaNA ||
##SP0180091##  tAmuvAcha kutastvaM vai kasyaiSha shrUyate dhvaniH |
##SP0180092##  sovAcha dInayA vAchA rudatI shvashuraM tadA ||
##SP0180100##  adR^ishyantyuvAcha |
##SP0180101##  yadaiva sutaduHkhena nirgato.asyAshramAdguro |
##SP0180102##  tadAprabhR^ityevAdR^ishyA bhagavantamanuvratA ||
##SP0180111##  adhIyAnasya chaivAyaM dhvaniH putrasya te vibho |
##SP0180112##  udarasthasya te sUnormA duHkhe tvaM manaH kR^ithAH ||
##SP0180120##  sanatkumAra uvAcha |
##SP0180121##  idAnImasti me vatse jIvitAsheti so.abravIt |
##SP0180122##  kShAntiM dhR^itiM cha sa.nsthitya prayayAvAshramaM muniH ||
##SP0180131##  tadAshramapadaM gachChanpathi rAjAnamaikShata |
##SP0180132##  vasArudhiradigdhAshNgaM saudAsaM raktalochanam ||
##SP0180141##  abhidravantaM vegena mantrairastambhayanmuniH |
##SP0180142##  tato.asya nirgataH kAyAdrakShaH paramadAruNaH ||
##SP0180151##  uvAcha chainaM duShTAtmandaheyaM tvAM sabAndhavam |
##SP0180152##  dagdhena cha tvayA kiM me gachCha mukto.asi durmate ||
##SP0180161##  tataH sa mukto dInAtmA rAkShasaH krUrakarmakR^it |
##SP0180162##  praNamya shirasA bhIto jagAma kushikAntikam ||
##SP0180171##  gate nishAchare rAjA praNamya shirasA munim |
##SP0180172##  prasAdayAmAsa tadA sa chovAchedamarthavat ||
##SP0180181##  na doShastava rAjendra rakShasAdhiShThitasya vai |
##SP0180182##  kR^itAntena hatAH putrA nimittaM tatra rAkShasaH ||
##SP0180191##  prashAdhi rAjyaM rAjendra pitR^ipaitAmahaM vibho |
##SP0180192##  brUhi kiM vA priyaM te.adya karomi narapu.ngava ||
##SP0180200##  rAjovAcha |
##SP0180201##  ichChAmi bhagavanputraM tvayotpAditamachyuta |
##SP0180202##  devyAmasyAM mahAsattvaM tatkuruShva mama priyam ||
##SP0180210##  sanatkumAra uvAcha |
##SP0180211##  evamastvityathoktvAsau tasyAM patnyAM mahAvrataH |
##SP0180212##  putraM cha shoNakaM nAma janayAmAsa nirvR^itaH ||
##SP0180221##  taM shoNakaM tato rAjye svaM putramabhiShichya saH |
##SP0180222##  jagAma vanamevAshu sabhAryastapasi sthitaH ||
##SP0180231##  vasiShThasyApi kAlena shakteH putraH pratApavAn |
##SP0180232##  adR^ishyantyAM samabhavatputro nAmnA parAsharaH ||
##SP0180241##  vasiShThaM tu tadA dhImA.nstAtamevAbhyamanyata |
##SP0180242##  tAta tAteti cha muhurvyAjahAra piturgurum ||
##SP0180251##  tataH kadAchidvij~nAya bhakShitaM rakShasA shuchim |
##SP0180252##  pitaraM tapasA mantrairIje rakShaHkratau tadA ||
##SP0180261##  tatra koTIH sa pa~nchAshadrakShasAM krUrakarmaNAm |
##SP0180262##  juhAvAgnau mahAtejAstato brahmAbhyagAddrutam ||
##SP0180271##  sutamabhyetya sampUjya vasiShThasahitaH prabhuH |
##SP0180272##  R^iShibhirdaivataishchaiva idamAha parAsharam ||
##SP0180280##  brahmovAcha |
##SP0180281##  devatAste patanti sma yaj~nairmantrapuraskR^itaiH |
##SP0180282##  aShTamaM sthAnametaddhi devAnAmAdyamIdR^isham ||
##SP0180290##  parAshara uvAcha |
##SP0180291##  saha devairahaM sarvA/llokAndhakShyAmi pAvakaiH |
##SP0180292##  dagdhvAnyAnprathayiShyAmi tatra lokAnna sa.nshayaH ||
##SP0180300##  sanatkumAra uvAcha |
##SP0180301##  tasyaivaM garvitaM vAkyaM shrutvA devaH pitAmahaH |
##SP0180302##  uvAcha shlakShNayA vAchA sAntvaya.nstamidaM vachaH ||
##SP0180310##  pitAmaha uvAcha |
##SP0180311##  kR^itametanna sa.ndeho yathA brUShe mahAmate |
##SP0180312##  kShantavyaM sarvametattu asmatpriyachikIrShayA ||
##SP0180321##  yaiste pitA mahAbhAga bhakShitaH saha sodaraiH |
##SP0180322##  ta evAgnau cha hotavyA vishvAmitrasya pashyataH |
##SP0180323##  anyeShAM svasti sarvatra devAnAM saha rAkShasaiH ||
##SP0180331##  tasya sa.nkalpasa.ntapto manyumUlamudAharat |
##SP0180332##  vasiShThasya mahAbhAga tvaM nivAraya putraka ||
##SP0180341##  devAH prA~njalayaH sarve praNemuste mahAmunim |
##SP0180342##  R^iShayashchaiva te sarve vAgbhistuShTuvire tadA ||
##SP0180351##  tatasteShAM mahAtejA vachA.nsi pratyapUjayat |
##SP0180352##  vishvAmitrasya miShata idaM provAcha susvaram ||
##SP0180361##  ya eShAM brAhmaNo vApi kShatriyo vA durAtmavAn |
##SP0180362##  rakShasAM pakShamAsthAya pratIkAraM kariShyati ||
##SP0180371##  tamapyatrApi sa.nkruddhastapoyogabalAnvitaH |
##SP0180372##  vihatya tapaso yogAddhoShye dIpte vibhAvasau ||
##SP0180380##  sanatkumAra uvAcha |
##SP0180381##  tato devAH sagandharvAH pitAmahapuraHsarAH |
##SP0180382##  prabhAvaM tasya taM j~nAtvA parAsharamapUjayan ||
##SP0180391##  huteShu cha tatasteShu rAkShaseShu durAtmasu |
##SP0180392##  sa.njahAra tataH sattraM brahmaNo.anumate tadA ||
##SP0180400##  sanatkumAra uvAcha |
##SP0180401##  ya imaM shrAddhakAle vA daive karmaNi vA dvijAn |
##SP0180402##  shrAvayIta shuchirbhUtvA na taM hi.nsanti rAkShasAH ||
##SP0180411##  parAsharasyedamadInasambhavaM vishuddhavAkkarmavidhAnasambhavam |
##SP0180412##  nishAmya vipraH kulasiddhisambhavaM na rAkShasaM gachChati
yonisambhavam ||
##SP0189999##  iti skandapurANe.aShTAdashamo.adhyAyaH ||
\medskip\hrule\medskip
\centerline{ska.ndapurANa adhyAya  19}
##SP0190010##  sanatkumAra uvAcha |
##SP0190011##  evaM tava pitA vyAsa rakShaHsattraM samAharat |
##SP0190012##  samApayitvA cha punastapastepe cha bhAsvaram ||
##SP0190021##  tamAgatya vasiShThastu tapasA bhAskaradyutim |
##SP0190022##  uvAcha prItisampannamidamarthavadavyayaH ||
##SP0190030##  vasiShTha uvAcha |
##SP0190031##  pitaraH putrakAmA vai tapaH kR^itvAtidushcharam |
##SP0190032##  putramutpAdayanti sma tapoj~nAnasamanvitam ||
##SP0190041##  ayaM naH sa.ntatiM chaiva j~nAnavA.nstapasAnvitaH |
##SP0190042##  kariShyati gatiM chaiva iti vedavido viduH ||
##SP0190051##  sa tvaM taponvitashchaiva j~nAnavAnyashasAnvitaH |
##SP0190052##  putraH putravatAM shreShTho vihInaH prajayA vibho ||
##SP0190061##  tasmAtpit.RNAmAnR^iNyaM gachCha vratavatAM vara |
##SP0190062##  sutamutpAdaya kShipramadhikaM samameva vA ||
##SP0190070##  sanatkumAra uvAcha |
##SP0190071##  sa evamuktastejasvI vasiShThenAmitAtmanA |
##SP0190072##  mainAkaM parvataM prApya tapastepe sudushcharam ||
##SP0190081##  tasya kAlena mahatA tapasA bhAvitasya tu |
##SP0190082##  umApatirvaraM prAdAtsa cha vavre sutaM shubham ||
##SP0190091##  sa labdhavara Agamya yayAche putrakAraNAt |
##SP0190092##  kShetraM suparishuddhaM cha svaputro yatra sambhavet ||
##SP0190101##  sambhramandAsharAjasya duhitR^itvamupAgatAm |
##SP0190102##  pitR^ikanyAM tataH kAlImapashyaddivyarUpiNIm ||
##SP0190111##  matsIgarbhasamutpannAM vasorbIjAshanAtpurA |
##SP0190112##  adrikAmapsaraHshreShThAM brahmatejomayIM shubhAm ||
##SP0190121##  tasyAM sa janayAmAsa varaM dattvA mahAtapAH |
##SP0190122##  bhavantaM tapasAM yoniM shrautasmArtapravartakam ||
##SP0190131##  tava putro.abhavachchApi shuko yogavidAM varaH |
##SP0190132##  tasya putrAshcha chatvAraH kanyA chaikA sumadhyamA ||
##SP0190140##  vyAsa uvAcha |
##SP0190141##  kathaM vairaM samabhavadvishvAmitravasiShThayoH |
##SP0190142##  kathaM chApagataM bhUya etadichChAmi veditum ||
##SP0190150##  sanatkumAra uvAcha |
##SP0190151##  parAshare tu garbhasthe vipratvaM gAdhije gate |
##SP0190152##  sarasvatyAM kurukShetre dvayorapyAshramau tayoH ||
##SP0190161##  tatra vairamanusmR^itya vishvAmitreNa dhImatA |
##SP0190162##  miShatastu vasiShThasya hataM putrashataM ruShA ||
##SP0190171##  munirapyAha tatrAsau vishvAmitraH pratApavAn |
##SP0190172##  sarasvatImathaikAnte vasiShThaM me mahApage |
##SP0190173##  srotasA mahatAkShipya snAyamAnamihAnaya ||
##SP0190181##  saivamuktA tu taM gatvA vasiShThaM prAha duHkhitA |
##SP0190182##  yaduktavA.nstu gAdheyaH sa chovAcha mahAnadIm ||
##SP0190191##  evaM kuru mahAbhAge mAM nayasva yathepsitam |
##SP0190192##  mA te krUraH sa gAdheyaH shApaM dadyAtsudustaram ||
##SP0190200##  sanatkumAra uvAcha |
##SP0190201##  gAdheyasya tataH sA tu juhvato.agniM divAkare |
##SP0190202##  madhyaM prApte.anayadvegAdvasiShThaM srotasA shubhA ||
##SP0190211##  taM dR^iShTvApahR^itaM vyAsa srotasA munisattamam |
##SP0190212##  uvAcha chChadmanA yasmAdvegenApahR^itastvayA |
##SP0190213##  tasmAttvaM karmaNAnena sAsR^iktoyA bhaviShyasi ||
##SP0190221##  vishvAmitreNa sA shaptA nadI lokasukhapradA |
##SP0190222##  avahadrudhiraM chaiva mA.nsamedastathaiva cha ||
##SP0190231##  atha tIrthaprasashNgena munibhiH samupAgataiH |
##SP0190232##  anugrahaH kR^itastasyA yena svachChajalAbhavat ||
##SP0190241##  mahatastapasaH shaktyA kAlena mahatA tadA |
##SP0190242##  vasiShThasya cha tAM kShAntiM j~nAtvA sa R^iShipu.ngavaH ||
##SP0190251##  vishvAmitro mahAtejA vasiShThe vairamatyajat |
##SP0190252##  evaM tau vairamanyonyaM jahaturmunisattamau ||
##SP0190260##  sanatkumAra uvAcha |
##SP0190261##  ya imaM shR^iNuyAnnityaM brAhmaNA~nChrAvayIta vA |
##SP0190262##  sa dustarANi durgANi taratyashrAntapauruShaH ||
##SP0190271##  hrIpauruShaudAryavihArasattvaiH samanvitaH sojjvalachAruveShaH |
##SP0190272##  bhavechcha sarvAmararAjatulyastripiShTape krIDati chechChayA svayam ||
##SP0190281##  evaM tadabhavadvyAsa vishvAmitravasiShThayoH |
##SP0190282##  vairaM samAptaM lokAnAM hitArthaM punareva cha ||
##SP0199999##  iti skandapurANe Unavi.nshatitamo.adhyAyaH ||
\medskip\hrule\medskip
\centerline{ska.ndapurANa adhyAya  20}
##SP0200010##  vyAsa uvAcha |
##SP0200011##  umAharau tu deveshau chakraturyachcha sa.ngatau |
##SP0200012##  tanme sarvamasheSheNa kathayasva mahAmune ||
##SP0200020##  sanatkumAra uvAcha |
##SP0200021##  umAharau tu sa.ngamya parasparamaninditau |
##SP0200022##  shAlashNkasyAnvaye vipraM yuyujAte vareNa ha ||
##SP0200031##  sa chApyayonijaH putra ArAdhya parameshvaram |
##SP0200032##  rudreNa samatAM labdhvA mahAgaNapatirbabhau ||
##SP0200040##  vyAsa uvAcha |
##SP0200041##  kathaM nandI samutpannaH kathaM chArAdhya sha.nkaram |
##SP0200042##  samAnatvamagAchChambhoH pratIhAratvameva cha ||
##SP0200050##  sanatkumAra uvAcha |
##SP0200051##  abhUdR^iShiH sa dharmAtmA shilAdo nAma vIryavAn |
##SP0200052##  tasyAbhUchChilakairvR^ittiH shilAdastena so.abhavat ||
##SP0200061##  apashyallambamAnA.nstu gartAyAM sa pit.RndvijaH |
##SP0200062##  vichChinnasa.ntatInghoraM nirayaM vai prapetuShaH ||
##SP0200071##  tairukto.apatyakAmaistu devaM lokeshamavyayam |
##SP0200072##  ArAdhaya mahAdevaM sutArthaM dvijasattama ||
##SP0200081##  tasya varShasahasreNa tapyamAnasya shUladhR^ik |
##SP0200082##  sharvaH somo gaNavR^ito varado.asmItyabhAShata ||
##SP0200091##  taM dR^iShTvA somamIsheshaM praNataH pAdayorvibhoH |
##SP0200092##  harShagadgadayA vAchA tuShTAva vibudheshvaram ||
##SP0200101##  namaH paramadevAya maheshAya mahAtmane |
##SP0200102##  sraShTre sarvasureshAnAM brahmaNaH pataye namaH ||
##SP0200111##  namaH kAmAshNganAshAya yogasambhavahetave |
##SP0200112##  namaH parvatavAsAya dhyAnagamyAya vedhase ||
##SP0200121##  R^iShINAM pataye nityaM devAnAM pataye namaH |
##SP0200122##  vedAnAM pataye chaiva yoginAM pataye namaH ||
##SP0200131##  pradhAnAya namo nityaM tattvAyAmarasa.nj~niNe |
##SP0200132##  varadAya cha bhaktAnAM namaH sarvagatAya cha ||
##SP0200141##  tanmAtrendriyabhUtAnAM vikArANAM guNaiH saha |
##SP0200142##  sraShTre cha pataye chaiva namashcha prabhaviShNave ||
##SP0200151##  jagataH pataye chaiva jagatsraShTre namaH sadA |
##SP0200152##  prakR^iteH pataye nityaM puruShAtparagAmine ||
##SP0200161##  IshvarAya namo nityaM yogagamyAya ra.nhase |
##SP0200162##  sa.nsArotpattinAshAya sarvakAmapradAya cha ||
##SP0200171##  sharaNyAya namo nityaM namo bhasmAshNgarAgiNe |
##SP0200172##  namaste.ayograhastAya tejasAM pataye namaH ||
##SP0200181##  sUryAnilahutAshAmbuchandrAkAshadharAya cha |
##SP0200182##  sthitAya sarvadA nityaM namastrailokavedhase ||
##SP0200191##  stotavyasya kuto deva vishrAmastava vidyate |
##SP0200192##  yadA hetustvamevAsya jagataH sthitinAshayoH ||
##SP0200201##  asharaNyasya devesha tvattashcha sharaNArthinaH |
##SP0200202##  prasAdaM paramAlambya varado bhava vishvakR^it ||
##SP0200210##  sanatkumAra uvAcha |
##SP0200211##  yaH stotrametadakhilaM paThate dvijanmA prAtaH
shuchirniyamavAnpurato dvijAnAm |
##SP0200212##  taM brahmarAkShasanishAcharabhUtayakShA hi.nsanti no
dvipadapannagapUtanAshcha ||
##SP0200221##  tataH sa bhagavAndevaH stUyamAnaH sahomayA |
##SP0200222##  uvAcha varado.asmIti brUhi yatte manogatam ||
##SP0200231##  tameva.nvAdinaM devaM shilAdo.abhyarchayattadA |
##SP0200232##  uvAcha chedaM deveshaM sa vAchA sajjamAnayA ||
##SP0200241##  bhagavanyadi tuShTo.asi yadi deyo varashcha me |
##SP0200242##  ichChAmyAtmasamaM putraM mR^ityuhInamayonijam ||
##SP0200251##  evamuktastato devaH prIyamANastrilochanaH |
##SP0200252##  evamastviti taM prochya tatraivAntaradhIyata ||
##SP0200261##  gate tasminmaheShvAse R^iShiH paramapUjitaH |
##SP0200262##  svamAshramamupAgamya R^iShibhyo.akathayattataH ||
##SP0200271##  taiH prashastastatashchaiva kAlena munisattama |
##SP0200272##  yiyakShuryaj~nabhUmiM svAM lAshNgalena chakarSha tAm ||
##SP0200281##  tasyAM tu kR^iShyamANAyAM sItAyAM tatsamutthitaH |
##SP0200282##  sa.nvartakAnalaprakhyaH kumAraH pratyadR^ishyata ||
##SP0200291##  sa taM dR^iShTvA tathodbhUtaM kumAraM dIptatejasam |
##SP0200292##  rAkShaso.ayamiti j~nAtvA bhayAnnopasasAra tam ||
##SP0200301##  kumAro.api tathodbhUtaH pitaraM dIptatejasam |
##SP0200302##  upAsarpata dInAtmA tAta tAteti chAbravIt ||
##SP0200311##  sa tAtetyuchyamAno.api yadA taM nAbhyanandata |
##SP0200312##  tato vAyustamAkAshe shilAdaM prAha susvaram ||
##SP0200320##  vAyuruvAcha |
##SP0200321##  shAlashNkAyana putraste yo.asau devena shambhunA |
##SP0200322##  ayonijaH purA dattaH sa eSha pratinandaya ||
##SP0200331##  yasmAnnandIkaraste.ayaM sadaiva dvijasattama |
##SP0200332##  tasmAnnandIti nAmnAyaM bhaviShyati sutastava ||
##SP0200340##  sanatkumAra uvAcha |
##SP0200341##  tataH sa vAyuvachanAnnandinaM pariShasvaje |
##SP0200342##  gR^ihItvA chAshramaM svena so.anayattuShTivardhanam |
##SP0200343##  chUDopanayanAdIni karmANyasya chakAra saH ||
##SP0200351##  kR^itvA chAdhyApayAmAsa vedAnsAshNgAnasheShataH |
##SP0200352##  AyurvedaM dhanurvedaM gAndharvaM shabdalakShaNam ||
##SP0200361##  hastinAM charitaM yachcha naranAryoshcha lakShaNam |
##SP0200362##  shilpAni chaiva sarvANi nimittaj~nAnameva cha ||
##SP0200371##  bhUtagrAmachikitsAM cha mAt.RNAM charitaM cha yat |
##SP0200372##  bhuja.ngAnAM cha sarveShAM yachcha ki.nchidvicheShTitam |
##SP0200373##  abdairadhItavAnsarvaM vyAsa pa~nchabhireva cha ||
##SP0200381##  dakShaH shuchiradInAtmA priyavAganasUyakaH |
##SP0200382##  sarvalokapriyo nityaM manonayananandanaH ||
##SP0200391##  tasyAtha saptame varShe R^iShI divyau tapodhanau |
##SP0200392##  AshramaM samanuprAptau shilAdasya mahaujasau ||
##SP0200401##  tAvabhyarchya yathAnyAyaM shilAdaH sumahAtapAH |
##SP0200402##  sukhAsInau samAlakShya Asane paramArchitau ||
##SP0200411##  mitrAvaruNanAmAnau tapoyogabalAnvitau |
##SP0200412##  abhij~nau sarvabhUtAnAM trailokye sacharAchare ||
##SP0200421##  tAbhyAmanuj~nAtashchaiva niShasAda varAsane |
##SP0200422##  upaviShTastataH prIta iShTAbhirvAgbhirastuvat ||
##SP0200431##  tAbhyAM pR^iShTashcha kachchitte putrastuShTipradaH shubhaH |
##SP0200432##  svAdhyAyaniyataH kachchitkachchiddharmasya sa.ntatiH ||
##SP0200441##  kachchinna vR^iddhAnbAlo na gurUnvApyavamanyate |
##SP0200442##  kachchinniyamavA.nshchaiva kachchittuShTipradaH satAm ||
##SP0200451##  sa evamuktastejasvI shilAdaH putravatsalaH |
##SP0200452##  uvAcha guNavAnsamyakkulava.nshavivardhanaH ||
##SP0200461##  tamAhUya sa tuShTyA tu putraM nandinamachyutam |
##SP0200462##  tayoH pAdeShu shirasA apAtayata nandinam ||
##SP0200471##  tau tu tasyAshiShaM devau prayushNkto dharmanityatAm |
##SP0200472##  gurushushrUShaNe bhAvaM lokA.nshchaiva tathAkShayAn ||
##SP0200480##  sanatkumAra uvAcha |
##SP0200481##  shilAdastAmathAlakShya AshiShaM devayostadA |
##SP0200482##  visR^ijya nandinaM bhItaH so.apR^ichChadR^iShisattamau ||
##SP0200490##  shilAda uvAcha |
##SP0200491##  bhagavantAvR^iShI satyau gatij~nau sarvadehinAm |
##SP0200492##  kimarthaM mama putrasya dIrghamAyurubhAvapi |
##SP0200493##  prayuktavantau samyaktu nAshiShaM munisattamau ||
##SP0200500##  mitrAvaruNAvUchatuH |
##SP0200501##  tavaiSha tanayastAta alpAyuH sarvasammataH |
##SP0200502##  ato.anyadvarShamekaM vai jIvitaM dhArayiShyati ||
##SP0200510##  sanatkumAra uvAcha |
##SP0200511##  tataH sa shokasa.ntapto nyapatadbhuvi duHkhitaH |
##SP0200512##  visR^ijya R^iShishArdUlAvekAkI vilalApa cha ||
##SP0200521##  tasya shokAdvilapataH svaraM shrutvA sutaH shubhaH |
##SP0200522##  nandyAgAttamathApashyatpitaraM duHkhitaM bhR^isham ||
##SP0200530##  nandyuvAcha |
##SP0200531##  kena tvaM tAta duHkhena dUyamAnaH prarodiShi |
##SP0200532##  duHkhaM te kuta udbhUtaM j~nAtumichChAmyahaM pitaH ||
##SP0200540##  shilAda uvAcha |
##SP0200541##  putra tvaM kila varSheNa jIvitaM samprahAsyasi |
##SP0200542##  UchatustAvR^iShItyevaM tato mAM kR^ichChramAvishat ||
##SP0200550##  nandyuvAcha |
##SP0200551##  satyaM devaR^iShI tAta na tAvanR^itamUchatuH |
##SP0200552##  tathApi tu na mR^ityurme prabhaviShyati mA shuchaH ||
##SP0200560##  shilAda uvAcha |
##SP0200561##  kiM tapaH kiM parij~nAnaM ko yogaH kaH shramashcha te |
##SP0200562##  yena tvaM mR^ityumudyuktaM va~nchayiShyasi kathyatAm ||
##SP0200570##  nandyuvAcha |
##SP0200571##  na tAta tapasA mR^ityuM va~nchayiShye na vidyayA |
##SP0200572##  mahAdevaprasAdena mR^ityuM jeShyAmi nAnyathA ||
##SP0200581##  drakShyAmi sha.nkaraM devaM tato mR^ityurna me bhavet |
##SP0200582##  naShTe mR^ityau tvayA sArdhaM chiraM vatsyAmi nirvR^itaH ||
##SP0200590##  shilAda uvAcha |
##SP0200591##  mayA varShasahasreNa tapastaptvA sudushcharam |
##SP0200592##  mahAdevaH purA dR^iShTo labdhastvaM me yataH sutaH ||
##SP0200601##  bhavA.nstu varSheNaikena tapasA nAtibhAvitaH |
##SP0200602##  kathaM draShTA mahAdevametadichChAmi veditum ||
##SP0200610##  nandyuvAcha |
##SP0200611##  na tAta tapasA devo dR^ishyate na cha vidyayA |
##SP0200612##  shuddhena manasA bhaktyA dR^ishyate parameshvaraH ||
##SP0200621##  tvayA visR^iShTo gatvAhamachireNa trilochanam |
##SP0200622##  draShTA tAta na sa.ndeho visR^ijAshu tatastu mAm ||
##SP0200631##  tiShThantaM mAM yamo.abhyetya pashyataste.abhisammatam |
##SP0200632##  na hi.nsati tathA tasmAditastAta vrajAmyaham ||
##SP0200641##  tiShThantaM vA shayAnaM vA dhAvantaM patitaM tathA |
##SP0200642##  na pratIkShati vai mR^ityuriti buddhvA shamaM vraja ||
##SP0200651##  avatIrya jalaM divyaM bhAvaM shuddhaM samAsthitaH |
##SP0200652##  abhyasya raudramadhyAyaM tato drakShyAmi sha.nkaram ||
##SP0200661##  japatashchApi yuktasya rudrabhAvArpitasya cha |
##SP0200662##  na mR^ityukAlA bahavaH kariShyanti mama vyathAm ||
##SP0200670##  sanatkumAra uvAcha |
##SP0200671##  tameva.nvAdinaM matvA bruvANaM shuddhayA girA |
##SP0200672##  vyasarjayadadInAtmA kR^ichChrAtputraM mahAtapAH ||
##SP0200681##  abhivandya pituH pAdau shirasA sa mahAyashAH |
##SP0200682##  pradakShiNaM samAvR^itya sampratasthe.atinishchitaH ||
##SP0200691##  abhivAdya R^iShInsarvAnsa didR^ikShurudAradhIH |
##SP0200692##  muniH sa devamagamatpraNatArtiharaM haram ||
##SP0209999##  iti skandapurANe vi.nshatitamo.adhyAyaH ||
\medskip\hrule\medskip
\centerline{ska.ndapurANa adhyAya  21}
##SP0210010##  sanatkumAra uvAcha |
##SP0210011##  nirgato.atha tato nandI jagAma saritAM varAm |
##SP0210012##  bhuvanAmiti vikhyAtAM sarvalokasukhAvahAm ||
##SP0210021##  tAM pravishya tato dhImAnekAgro hradamAsthitaH |
##SP0210022##  sa jajApa tadA rudrAnmR^ityorbhItaH samAhitaH ||
##SP0210031##  japatA tena tatraiva tatpareNa tadAshiShA |
##SP0210032##  koTirekA yadA japtA tadA devastutoSha ha ||
##SP0210041##  tamAgatyAha bhagavA~nCharva ugraH kapardimAn |
##SP0210042##  nandi.nstuShTo.asmi bhadraM te varaM vR^iNu yathepsitam ||
##SP0210051##  uvAcha praNato bhUtvA praNatArtiharaM haram |
##SP0210052##  dvitIyAM japtumichChAmi koTiM bhagavatAM vibho |
##SP0210053##  evamastviti devo.api prochyAgachChadyathAgatam ||
##SP0210060##  sanatkumAra uvAcha |
##SP0210061##  so.avatIrya tato bhUyaH prayatAtmA tathaiva ha |
##SP0210062##  jajApa koTimanyAM tu rudramevAnuchintayan ||
##SP0210071##  dvitIyAyAM tataH koTyAM sampUrNAyAM vR^iShadhvajaH |
##SP0210072##  abhyAjagAma taM chaiva varado.asmItyabhAShata ||
##SP0210081##  sa prAha bhagavankoTiM tR^itIyAmapi kAlahan |
##SP0210082##  japtumichChAmi devesha tvatprasAdAdahaM vibho ||
##SP0210091##  evamastviti bhUyo.api bhagavAnpratyuvAcha ha |
##SP0210092##  uktvA jagAma svaM veshma devyA saha mahAdyutiH ||
##SP0210101##  tatastR^itIyAM rudrANAM koTimanyAM jajApa ha |
##SP0210102##  yugAntAdityasa.nkAshastataH samabhavaddvijaH ||
##SP0210111##  tasya koTItraye vyAsa samApte jvalanatviShaH |
##SP0210112##  somaH saha gaNairdevastaM deshamupachakrame ||
##SP0210121##  sa taM kareNa sa.ngR^ihya uddhR^itya salilAchcha ha |
##SP0210122##  sammR^ijAno.agrahastena nandinaM kAlahAbravIt ||
##SP0210130##  deva uvAcha |
##SP0210131##  shailAde varado.ahaM te tapasAnena toShitaH |
##SP0210132##  sAdhu japtaM tvayA dhImanbrUhi yatte manogatam ||
##SP0210140##  shailAdiruvAcha |
##SP0210141##  japeyaM koTimanyAM tu bhUyo.api tava tejasA |
##SP0210142##  varametaM vR^iNe deva yadi tuShTo.asi me vibho ||
##SP0210150##  bhagavAnuvAcha |
##SP0210151##  kiM te japtena bhUyo.api tuShTo.asmi tava sarvathA |
##SP0210152##  yadyattvaM vR^iNuShe kAmaM sarvaM tatpradadAni te ||
##SP0210161##  brahmatvamatha viShNutvamindratvamatha vAyutAm |
##SP0210162##  Adityo bhava rudro vA brUhi kiM vA dadAni te ||
##SP0210170##  sanatkumAra uvAcha |
##SP0210171##  sa evamukto devena shirasA pAdayornataH |
##SP0210172##  tuShTAva purakAmAshNgakratuparvatanAshanam ||
##SP0210180##  nandyuvAcha |
##SP0210181##  namo devAtidevAya mahAdevAya vai namaH |
##SP0210182##  namaH kAmAshNganAshAya nIlakaNThAya vai namaH ||
##SP0210191##  namastuShitanAshAya trailokyadahanAya cha |
##SP0210192##  namaH kAlogradaNDAya ugradaNDAya vai namaH ||
##SP0210201##  namo nIlashikhaNDAya sahasrashirase namaH |
##SP0210202##  sahasrapANaye chaiva sahasracharaNAya cha ||
##SP0210211##  sarvataHpANipAdAya sarvatokShimukhAya cha |
##SP0210212##  sarvataHshrutaye chaiva sarvamAvR^itya tiShThate ||
##SP0210221##  namaste rukmavarNAya tathaivAtIndriyAya cha |
##SP0210222##  namaH kanakalishNgAya sarvalishNgAya vai namaH ||
##SP0210231##  namashchandrArkavarNAya yogeshAyAjitAya cha |
##SP0210232##  pinAkapANaye chaiva shUlamudgarapANaye ||
##SP0210241##  gadine khaDgine chaiva parashvadhadharAya cha |
##SP0210242##  rathine varmiNe chaiva maheShvAsAya vai namaH ||
##SP0210251##  namastrishUlahastAya ugradaNDadharAya cha |
##SP0210252##  namo gaNAdhipataye rudrANAM pataye namaH ||
##SP0210261##  namaH sahasranetrAya shatanetrAya vai namaH |
##SP0210262##  AdityAnAM cha pataye vasUnAM pataye namaH ||
##SP0210271##  namaH pR^ithivyAH pataye AkAshapataye namaH |
##SP0210272##  namaH svarlokapataye umAyAH pataye namaH ||
##SP0210281##  namo yogAdhipataye sarvayogapradAya cha |
##SP0210282##  dhyAnine dhyAyamAnAya dhyAnibhiH sa.nstutAya cha ||
##SP0210291##  mR^ityave kAladaNDAya yamAya cha mahAtmane |
##SP0210292##  devAdhipataye chaiva divyasa.nhananAya cha ||
##SP0210301##  yaj~nAya vasudAnAya svargAyAjanmadAya cha |
##SP0210302##  savitre sarvadevAnAM dharmAyAnekarUpiNe ||
##SP0210311##  amR^itAya vareNyAya sarvadevastutAya cha |
##SP0210312##  brahmaNashcha shirohartre yaj~nasya cha mahAtmanaH ||
##SP0210321##  tripuraghnAya chogrAya sarvAshubhaharAya cha |
##SP0210322##  umAdehArdharUpAya lalATanayanAya cha ||
##SP0210331##  mahiShAndhakabhettAya sraShTre vai parameShThine |
##SP0210332##  brahmaNo gurave chaiva brahmaNo janakAya cha ||
##SP0210341##  kumAragurave chaiva kumAravaradAya cha |
##SP0210342##  haline muShalaghnAya mahAhAsAya vai namaH ||
##SP0210351##  mR^ityupAshograhastAya takShakabrahmasUtriNe |
##SP0210352##  savidyudghanavAhAya tathaiva vR^iShayAyine ||
##SP0210361##  himavadvindhyavAsAya meruparvatavAsine |
##SP0210362##  kailAsavAsine chaiva dhaneshvarasakhAya cha ||
##SP0210371##  viShNordehArdhadattAya tasyaiva varadAya cha |
##SP0210372##  sarvabhUtAsamaj~nAya sarvabhUtAnukampine ||
##SP0210381##  antarbhUtAdhibhUtAya prANinAM jIvadAya cha |
##SP0210382##  manase manyamAnAya atimAnAya chaiva hi ||
##SP0210391##  budhyamAnAya buddhAya draShTre vai chakShuShe namaH |
##SP0210392##  namaste sparshayitre cha tathaiva sparshanAya cha ||
##SP0210401##  namaste rasayitre cha tathaiva rasanAya cha |
##SP0210402##  namo ghrANAya ghrAtre cha shrotre shrotrAya chaiva hi |
##SP0210403##  hastine chaiva hastAya tathA pAdAya pAdine ||
##SP0210411##  namo.astvAnandakartre cha AnandAya cha vai namaH |
##SP0210412##  vAche.atha vAgmine chaiva tanmAtrAya mahAtmane ||
##SP0210421##  sUkShmAya chaiva sthUlAya sattvAya rajase namaH |
##SP0210422##  namashcha tamase nityaM kShetraj~nAyAjitAya cha ||
##SP0210431##  viShNave lokatantrAya prajAnAM pataye namaH |
##SP0210432##  manave saptaR^iShaye tapyamAnAya tApine ||
##SP0210441##  brahmaNyAyAtha shuddhAya tathA durvAsase namaH |
##SP0210442##  shilpine shilpanAthAya viduShe vishvakarmaNe ||
##SP0210451##  atraye bhR^igave chaiva tathaivAshNgirase namaH |
##SP0210452##  pulahAya pulastyAya kratudakShAnalAya cha ||
##SP0210461##  dharmAya ruchaye chaiva vasiShThAya namo.astu te |
##SP0210462##  bhUtAya bhUtanAthAya kuShmANDapataye namaH ||
##SP0210471##  tiShThate dravate chaiva gAyate nR^ityate.api cha |
##SP0210472##  avashyAyApyavadhyAya ajarAyAmarAya cha ||
##SP0210481##  akShayAyAvyayAyaiva tathApratihatAya cha |
##SP0210482##  anAveshyAya sarveShAM dR^ishyAyAdR^ishyarUpiNe ||
##SP0210491##  sUkShmebhyashchApi sUkShmAya sarvagAya mahAtmane |
##SP0210492##  namaste bhagava.nstryakSha namaste bhagava~nChiva |
##SP0210493##  namaste sarvalokesha namaste lokabhAvana ||
##SP0210501##  na me devAdhipatyena brahmatvenAthavA punaH |
##SP0210502##  na viShNutvena devesha nApIndratvena bhUtapa |
##SP0210503##  ichChAmyahaM taveshAna gaNatvaM nityamavyayam ||
##SP0210511##  nityaM tvAM sagaNaM sAmbaM prasannaM saparichChadam |
##SP0210512##  draShTumichChAmi devesha eSha me dIyatAM varaH ||
##SP0210521##  tvaM no gatiH purA deva tvaM chaivArtAyanaM prabhuH |
##SP0210522##  sharaNaM cha tvamevAtha nAnyaM pashyAmi karhichit ||
##SP0210531##  tvayA tyaktasya chaivAshu vinAsho nAtra sa.nshayaH |
##SP0210532##  anyAM gatiM na pashyAmi yasyA AtyantikaM shubham ||
##SP0210541##  anuraktaM cha bhaktaM cha tvatparaM tvadapAshrayam |
##SP0210542##  pratIchCha mAM sadA deva eSha me dIyatAM varaH ||
##SP0210550##  sanatkumAra uvAcha |
##SP0210551##  ya imaM prAtarutthAya paThedavimanA naraH |
##SP0210552##  sa dehabhedamAsAdya nandIshvarasamo bhavet ||
##SP0210561##  yashchemaM shR^iNuyAnnityaM shrAvayedvA dvijAtiShu |
##SP0210562##  so.ashvamedhaphalaM prApya rudraloke mahIyate ||
##SP0210571##  shrutvA sakR^idapi hyetaM stavaM pApapraNAshanam |
##SP0210572##  yatra tatra mR^ito vyAsa na durgatimavApnuyAt ||
##SP0210581##  yo.adhItya nityaM stavametamagryaM devaM sadAbhyarchayate yatAtmA |
##SP0210582##  kiM tasya yaj~nairvividhaishcha dAnaistIrthaiH sutaptaishcha
tathA tapobhiH ||
##SP0219999##  iti skandapurANa ekavi.nshatimo.adhyAyaH ||
\medskip\hrule\medskip
\centerline{ska.ndapurANa adhyAya  22}
##SP0220010##  sanatkumAra uvAcha |
##SP0220011##  tatastu devadevesho bhaktyA paramayA yutam |
##SP0220012##  ashrupUrNekShaNaM dInaM pAdayoH shirasA natam ||
##SP0220021##  karAbhyAM susukhAbhyAM tu sa.ngR^ihya paramArtihA |
##SP0220022##  utthApya nayane somaH ashrupUrNe mamArja ha ||
##SP0220031##  uvAcha chainaM tuShTAtmA vachasApyAyayanniva |
##SP0220032##  nirIkShya gaNapAnsarvAndevyA saha tadA prabhuH ||
##SP0220040##  deva uvAcha |
##SP0220041##  jAne bhaktiM tava mayi jAne chArtiM tavAnagha |
##SP0220042##  tasya sarvasya shailAde udarkaM sa.nnishAmaya ||
##SP0220051##  amaro jarayA tyakto nityaM duHkhavivarjitaH |
##SP0220052##  akShayashchAvyayashchaiva sapitA sasuhR^ijjanaH ||
##SP0220061##  mameShTo gaNapashchaiva madvIryo matparAkramaH |
##SP0220062##  iShTo mama sadA chaiva mama pArshvagataH sadA |
##SP0220063##  madrUpashchaiva bhavitA mahAyogabalAnvitaH ||
##SP0220071##  R^iddhimachchaiva te dvIpaM kShIrodamamR^itAkaram |
##SP0220072##  sa.nvAsaM samprayachChAmi tatra ra.nsyasi sarvadA ||
##SP0220081##  kusheshayamayIM mAlAmavamuchyAtmanastataH |
##SP0220082##  Ababandha mahAtejA nandine divyarUpiNIm ||
##SP0220091##  sa tayA mAlayA nandI babhau kaNThAvasaktayA |
##SP0220092##  tryakSho dashabhujaH shrImAndvitIya iva sha.nkaraH ||
##SP0220101##  tatastaM vai samAdAya hastena bhagavAnharaH |
##SP0220102##  uvAcha brUhi kiM te.adya dadAni varamuttamam ||
##SP0220111##  AshramashchAyamatyarthaM tapasA tava bhAvitaH |
##SP0220112##  japyeshvara iti khyAto mama guhyo bhaviShyati ||
##SP0220121##  samantAdyojanaM kShetraM divyaM devagaNairvR^itam |
##SP0220122##  siddhachAraNasa.nkIrNamapsarogaNasevitam |
##SP0220123##  siddhikShetraM paraM guhyaM bhaviShyati na sa.nshayaH ||
##SP0220131##  karmaNA manasA vAchA yatki.nchitkurute naraH |
##SP0220132##  shubhaM vApyashubhaM vAtra sarvaM bhavitR^i tachChubham ||
##SP0220141##  jApyaM mAnasaM tulyaM vai rudrANAM tadbhaviShyati |
##SP0220142##  yatra tatra mR^itA martyA yAsyanti tava lokatAm ||
##SP0220151##  tato jaTAsrutaM vAri gR^ihItvA hAranirmalam |
##SP0220152##  uktvA nadI bhavasveti visasarja mahAtapAH ||
##SP0220161##  sA tato divyatoyA cha puNyA maNijalA shubhA |
##SP0220162##  ha.nsakAraNDavAkIrNA chakravAkopashobhitA |
##SP0220163##  padmotpalavanopetA prAvartata mahAnadI ||
##SP0220171##  strIrUpadhAriNI chaiva prA~njaliH shirasA natA |
##SP0220172##  padmotpaladalAbhAkShI mahAdevamupasthitA ||
##SP0220181##  tAmuvAcha tato devo nadIM svayamupasthitAm |
##SP0220182##  yasmAjjaTodakAddevi pravR^ittA tvaM shubhAnane |
##SP0220183##  tasmAjjaTodA nAmnA tvaM bhaviShyasi saridvarA ||
##SP0220191##  tvayi snAnaM tu yaH kuryAchChuchiH prayatamAnasaH |
##SP0220192##  so.ashvamedhaphalaM prApya rudraloke mahIyate ||
##SP0220200##  sanatkumAra uvAcha |
##SP0220201##  tato devyA mahAdevo nandIshvaramatiprabham |
##SP0220202##  putraste.ayamiti prochya pAdayostaM vyanAmayat ||
##SP0220211##  sA tamAghrAya shirasi pANibhyAM parimArjatI |
##SP0220212##  putrapremNAbhyaShi~nchattaM srotobhiH stanajaistribhiH |
##SP0220213##  payasA shashNkhagaureNa devI devaM nirIkShatI ||
##SP0220221##  tAni srotA.nsi trINyasyAH srutAnyoghavatI nadI |
##SP0220222##  nadIM trisrotasIM puNyAM tatastAmavadaddharaH ||
##SP0220231##  trisrotasaM nadIM dR^iShTvA vR^iShaH paramaharShitaH |
##SP0220232##  nanarda nAdAttasmAchcha saridanyA tato.abhavat ||
##SP0220241##  yasmAdvR^iShabhanAdena pravR^ittA sA mahAnadI |
##SP0220242##  tasmADDhitkirikAM tAM vai uvAcha vR^iShabhadhvajaH ||
##SP0220251##  jAmbUnadamayaM chitraM svaM devaH paramAdbhutam |
##SP0220252##  mukuTaM chAbabandhAsmai kuNDale chAmR^itodbhave ||
##SP0220261##  taM tathAbhyarchitaM vyomni dR^iShTvA meghaH prabhAkaraH |
##SP0220262##  devopavAhyaH siShiche sanAdaH sataDidguNaH ||
##SP0220271##  tasyAbhiShiktasya tadA pravR^itte srotasI bhR^isham |
##SP0220272##  yasmAtsuvarNAnniHsR^itya nadyekA sampravartata |
##SP0220273##  svarNodaketi nAmnA tAM mahAdevo.abhyabhAShata ||
##SP0220281##  jAmbUnadamayAdyasmAddvitIyA mukuTAchChubhAt |
##SP0220282##  prAvartata nadI puNyA UchurjambUnadIti tAm ||
##SP0220291##  etatpa~nchanadaM nAma japyeshvarasamIpagam |
##SP0220292##  vyAkhyAtaM phalametAsAM jaTodAyAM mahAtmanA ||
##SP0220301##  tachcha pa~nchanadaM divyaM devaM japyeshvaraM cha tam |
##SP0220302##  trirAtropoShito gatvA snAtvAbhyarchya cha shUlinam ||
##SP0220311##  nandIshvarasyAnucharaH kShIrodanilayo bhavet ||
##SP0220321##  yastu japyeshvare prANAnparityajati dustyajAn |
##SP0220322##  niyamenAnyathA vApi sa me gaNapatirbhavet ||
##SP0220331##  nandIshvarasamo nityaH shAshvataH akShayo.avyayaH |
##SP0220332##  mama pArshvAdanapagaH priyaH sammata eva cha ||
##SP0220341##  japyeshvaraM pa~nchanadaM cha tadvai yo mAnavo.abhyetya jahAti deham |
##SP0220342##  sa me sadA syAdgaNapo variShThastvayA samaH kAntivapushcha nityam ||
##SP0229999##  iti skandapurANe dvAvi.nshatimo.adhyAyaH ||
\medskip\hrule\medskip
\centerline{ska.ndapurANa adhyAya  23}
##SP0240010##  sanatkumAra uvAcha |
##SP0240011##  te gaNeshA mahAsattvAH sarve deveshvareshvarAH |
##SP0240012##  praNamya devaM devIM cha idaM vachanamabruvan ||
##SP0240021##  bhagavandevatArighna devadevAmbikApate |
##SP0240022##  kimarthaM vayamAhUtA Aj~nApaya kR^itaM hi tat ||
##SP0240031##  kiM sAgarA~nChoShayAmo yamaM vA saha ki.nkaraiH |
##SP0240032##  hanmo mR^ityumutAmR^ityurna bhavatvadya padmajaH ||
##SP0240041##  baddhvendraM saha devaishcha saviShNuM saha vAyunA |
##SP0240042##  AnayAmaH susa.nkruddhA daityAnvA saha dAnavaiH ||
##SP0240051##  kasyAdya vyasanaM ghoraM kariShyAmastavAj~nayA |
##SP0240052##  kasya vAdyotsavaM deva sarvakAmasamR^iddhimat ||
##SP0240061##  tA.nstathAvAdinaH sarvAnnamato bhaktavatsalaH |
##SP0240062##  uvAcha devaH sampUjya gaNAngaNapatirbhavaH ||
##SP0240070##  deva uvAcha |
##SP0240071##  shR^iNudhvaM yatkR^ite yUyamihAhUtA jagaddhitAH |
##SP0240072##  shrutvA cha prayatAtmAnaH kurudhvaM tadashashNkitAH ||
##SP0240081##  nandIshvaro.ayaM putro naH sarveShAmIshvareshvaraH |
##SP0240082##  priyo.agranAyakashchaiva senAnIrvaH samAhitaH ||
##SP0240091##  tamimaM mama sa.ndeshAdyUyaM sarve.abhisammatAH |
##SP0240092##  senAnyamabhiShi~nchadhvaM mahAyogapatiM patim ||
##SP0240101##  adyaprabhR^iti yuShmAkamayaM nandIshvaraH shubhaH |
##SP0240102##  priyo gauravayuktashcha senAnIramaraH prabhuH ||
##SP0240110##  sanatkumAra uvAcha |
##SP0240111##  evamukte bhagavatA gaNapAH sarva eva te |
##SP0240112##  evamastviti sammantrya sambhArAnAhara.nstataH ||
##SP0240121##  tasya rUpAshrayaM divyaM jAmbUnadamayaM shubham |
##SP0240122##  AsanaM merusa.nkAshaM manoramamathAharan ||
##SP0240131##  shAtakumbhamayaM chApi chAruchAmIkaraprabham |
##SP0240132##  muktAdAmAvalambaM cha maNiratnAvabhAsitam ||
##SP0240141##  stambhaishcha vaiDUryamayaiH kishNkiNIjAlasa.nvR^itam |
##SP0240142##  chAruratnakasa.nyuktaM maNDapaM vishvatomukham |
##SP0240143##  kR^itvA chakrushcha tanmadhye tadAsanavaraM shubham ||
##SP0240151##  tasyAgrataH pAdapIThaM nIlaM vajrAvabhAsitam |
##SP0240152##  chakruH pAdapratiShThArthaM kalashau chAsya pArshvagau |
##SP0240153##  sampUrNau paramAmbhobhiraravindAvR^itAnanau ||
##SP0240161##  agrato.agniM samAdhAya vR^iShabhaM chApi pArshvataH |
##SP0240162##  savatsAM surabhiM chApi tasya pArshve.atha dakShiNe ||
##SP0240171##  ChattraM shatashalAkaM cha jAmbUnadamayaM shubham |
##SP0240172##  shashNkhahArAmbugaureNa pR^iShThenAbhivirAjitam ||
##SP0240181##  vyajanaM chandrashubhraM cha hemadaNDaM suchArumat |
##SP0240182##  mAlAM kusheshayAnAM cha bhramarAvalisevitAm ||
##SP0240191##  Aninyustatra gaNapA nandyAvartA.nshcha kA~nchanAn |
##SP0240192##  punarvasuM cha puShyaM cha dvau matsyau varuNAlayau ||
##SP0240201##  svastikaM vardhamAnaM cha shrIvatsaM chaiva kA~nchanam |
##SP0240202##  kIchakA veNavashchaiva kanyA chaivAbhipUjitA ||
##SP0240211##  airAvataM supratIkaM gajAvetau cha pUjitau |
##SP0240212##  dhvajaM cha pUjitaM divyaM shashNkhaM chaivenduvarchasam ||
##SP0240221##  kalashAnAM sahasraM cha kA~nchanAnAM suvarchasAm |
##SP0240222##  rAjatAnAM sahasraM cha pArthivAnAM tathaiva cha ||
##SP0240231##  tAmrANAmatha divyAnAM sahasramanalatviShAm |
##SP0240232##  vAsoyugaM vR^ikShajaM cha virajaH sUkShmameva cha ||
##SP0240241##  mukuTaM kA~nchanaM chaiva sukR^itaM vishvakarmaNA |
##SP0240242##  kuNDale chAmale divye vajraM chaiva varAyudham ||
##SP0240251##  paTTisaM cha mahaddivyaM shUlaM chAshanimeva cha |
##SP0240252##  jAmbUnadamayaM sUtraM keyUradvayameva cha ||
##SP0240261##  hAraM cha maNichitrAshNgaM rochanAruchakaM tathA |
##SP0240262##  {}nalabhAM pAriyAtraM cha varShaM kashNkaNimeva cha{}||
##SP0240271##  darbhA.nshcha divyAM samidhamAjyaM dhUpamathApi cha |
##SP0240272##  samantAnninyuravyagrA gaNapA devasammatAH ||
##SP0240281##  tato dishaH samudrAshcha varuNaH sadhaneshvaraH |
##SP0240282##  yamo.agnirvasavashchaiva chandrAdityau grahaiH saha ||
##SP0240291##  tArArUpANi sarvANi nakShatrANi dhruvastathA |
##SP0240292##  rudrA rakShA.nsi yakShAshcha ashvinau daityadAnavAH ||
##SP0240301##  gandharvApsarasashchaiva nAradaH parvatastathA |
##SP0240302##  pR^ithivI cha samudrAshcha varShANi girayastathA ||
##SP0240311##  vR^ikShAshcha vIrudhashchaiva oShadhyashcha mahAbalAH |
##SP0240312##  nadyaH sarvAH samAjagmuH pashavashchaiva sarvashaH ||
##SP0240321##  lokasya mAtarashchaiva pR^ithivI svarga eva cha |
##SP0240322##  bhUtAni prakR^itishchaiva indriyANi cha sarvashaH ||
##SP0240331##  tIrthAni chaiva sarvANi dAnAni vividhAni cha |
##SP0240332##  R^icho yajU.nShi sAmAni atharvAshNgirasAvapi ||
##SP0240341##  yaj~nAshcha kratavashchaiva iShTayo niyamAstathA |
##SP0240342##  ChandA.nsi chaiva sarvANi pishAchA devayonayaH |
##SP0240343##  brahmA cha R^iShayashchaiva viShNuH sAnucharastathA ||
##SP0240351##  teShvAgateShu sarveShu bhagavAngovR^iShadhvajaH |
##SP0240352##  sarvakAryavidhiM kartumAdidesha pitAmaham ||
##SP0240361##  ekaikaM kalashaM tatra sarvauShadhisamanvitam |
##SP0240362##  kR^itvAdbhiH pUrayitvA cha kusheshayamukhAvR^itam ||
##SP0240371##  jayAM cha vijayAM chaiva si.nhIM vyAghrIM tathaiva cha |
##SP0240372##  suvarchalAM shashNkhapuShpIM viShNukrAntAM punarnavAm ||
##SP0240381##  kumArIM chandrakAntAM cha mR^itasa.njIvanImapi |
##SP0240382##  AdityavarchasaM chaiva amR^itAM shrIniketanAm ||
##SP0240391##  tathA kumudvatIM chaiva prAkShipa.nsteShvathauShadhIH |
##SP0240392##  pArthiveShu tadA vyAsa sarveShveva gaNeshvarAH ||
##SP0240401##  sauvarNeShu tu sarveShu tIrthAni vividhAni cha |
##SP0240402##  dAnAni chaiva sarvANi bhagavAnsa.nnyaveshayat ||
##SP0240411##  rAjateShu cha kumbheShu mantrA.nshChandA.nsi chaiva ha |
##SP0240412##  kratUnanyA.nshcha vividhA iShTIH kAmyA.nstathetarAn ||
##SP0240421##  audumbareShu sarveShu saritaH sAgarA.nstathA |
##SP0240422##  tapA.nsi niyamA.nshchaiva bhagavAnabhyavinyasat ||
##SP0240431##  ekaikaM kalashaM tatra abhipUryAbhimantrya cha |
##SP0240432##  veShTayitvA cha sUtreNa devebhyaH pradadau vibhuH ||
##SP0240441##  sa jagrAha tadA brahmA ekaM kalashamAtmanA |
##SP0240442##  viShNave cha dadAvekamekamindrAya dhImate |
##SP0240443##  gaNapebhyastathA chAnyAnR^iShibhyashcha pitAmahaH ||
##SP0240451##  tatastamAsane tasminnupaveshya mahAmanAH |
##SP0240452##  archayitvA tato brahmA svayamevAbhyaShi~nchata ||
##SP0240461##  tato viShNustataH shakro R^iShayashcha sahAmaraiH |
##SP0240462##  gaNAdhipAshcha sarve te abhyaShi~nchanta nandinam ||
##SP0240471##  vAsoyugaM cha taddivyaM gandhAndivyA.nstathaiva cha |
##SP0240472##  keyUre kuNDale chaiva mukuTaM hArameva cha |
##SP0240473##  paTTisaM shUlavajre cha ashanIM cha dadau svayam ||
##SP0240481##  ChattraM jagrAha devendro vAyurvyajanameva cha |
##SP0240482##  R^iShayastuShTuvushchaiva pitAmahapurogamAH ||
##SP0240490##  viShNuruvAcha |
##SP0240491##  namaH kuShmANDarAjAya vajrodyatakarAya cha |
##SP0240492##  shAlashNkAyanapautrAya halamArgotthitAya cha ||
##SP0240501##  shilAdasya cha putrAya rudrajapyakarAya cha |
##SP0240502##  rudrabhaktAya devAya namo.antarjalashAyine ||
##SP0240511##  gaNAnAM pataye chaiva bhUtAnAM pataye namaH |
##SP0240512##  umAputrAya devAya paTTisAyudhadhAriNe ||
##SP0240521##  namo da.nShTrAkarAlAya lalATanayanAya cha |
##SP0240522##  pramathAya vareNyAya IshAnAyArpitAya cha ||
##SP0240531##  dvArAdhyakShAya shUrAya suyashApataye namaH |
##SP0240532##  namaH pravaramAlAya kShIrodanilayAya cha ||
##SP0240541##  mahAgaNAdhipataye mahAyogeshvarAya cha |
##SP0240542##  diNDimuNDAya chaNDAya ekAkShararatAya cha ||
##SP0240551##  akShayAyAmR^itAyaiva ajarAyAmarAya cha |
##SP0240552##  pashUnAM pataye chaiva jetre mR^ityostathaiva cha ||
##SP0240561##  namaH pavanavegAya sarvaj~nAyAjitAya cha |
##SP0240562##  anekashirase chaiva anekacharaNAya cha ||
##SP0240571##  kirITine kuNDaline mahAparighabAhave |
##SP0240572##  sarvAndevAngaNA.nshchaiva pAhi deva namo.astu te ||
##SP0240580##  sanatkumAra uvAcha |
##SP0240581##  evaM stutvA tato devastasmai vyAsa mahAtmane |
##SP0240582##  prA~njaliH prayato bhUtvA jayashabdaM chakAra ha ||
##SP0240591##  tato gaNA jayetyUchustato devAstato.asurAH |
##SP0240592##  tataH sarvANi bhUtAni brahmA shakrastathaiva cha ||
##SP0240601##  tataH shashNkhA.nshcha bherI.nshcha paTahADambarA.nstathA |
##SP0240602##  va.nshA.nshcha paNavA.nshchaiva kR^ikavAngoviShANikAn ||
##SP0240611##  diNDimAnveNukA.nshchaiva mardalA.nshchaiva sarvashaH |
##SP0240612##  avAdayanta gaNapA harShayanto mudA yutAH ||
##SP0240620##  sanatkumAra uvAcha |
##SP0240621##  nandIshvarasya ya imaM stavaM devAbhinirmitam |
##SP0240622##  paTheta satataM martyaH sa gachChenmama lokatAm ||
##SP0240631##  namo nandIshvarAyeti kR^itvA yaH svapnamAcharet |
##SP0240632##  tasya kuShmANDarAjebhyo na bhayaM vidyate kvachit ||
##SP0240641##  yatrAyaM sthApyate nityaM stavaH paramapUjitaH |
##SP0240642##  na bhayaM tatra bhavati grahebhyo vyAsa sarvadA ||
##SP0240651##  nandIshvaraM ye praNamanti martyA nityaM prasannendriyashuddhasattvAH |
##SP0240652##  te devadevasya sahAdriputryA iShTA variShThAshcha gaNA bhavanti ||
##SP0249999##  iti skandapurANe chaturvi.nshatimo.adhyAyaH ||
\medskip\hrule\medskip
\centerline{ska.ndapurANa adhyAya  24}
##SP0240010##  sanatkumAra uvAcha |
##SP0240011##  te gaNeshA mahAsattvAH sarve deveshvareshvarAH |
##SP0240012##  praNamya devaM devIM cha idaM vachanamabruvan ||
##SP0240021##  bhagavandevatArighna devadevAmbikApate |
##SP0240022##  kimarthaM vayamAhUtA Aj~nApaya kR^itaM hi tat ||
##SP0240031##  kiM sAgarA~nChoShayAmo yamaM vA saha ki.nkaraiH |
##SP0240032##  hanmo mR^ityumutAmR^ityurna bhavatvadya padmajaH ||
##SP0240041##  baddhvendraM saha devaishcha saviShNuM saha vAyunA |
##SP0240042##  AnayAmaH susa.nkruddhA daityAnvA saha dAnavaiH ||
##SP0240051##  kasyAdya vyasanaM ghoraM kariShyAmastavAj~nayA |
##SP0240052##  kasya vAdyotsavaM deva sarvakAmasamR^iddhimat ||
##SP0240061##  tA.nstathAvAdinaH sarvAnnamato bhaktavatsalaH |
##SP0240062##  uvAcha devaH sampUjya gaNAngaNapatirbhavaH ||
##SP0240070##  deva uvAcha |
##SP0240071##  shR^iNudhvaM yatkR^ite yUyamihAhUtA jagaddhitAH |
##SP0240072##  shrutvA cha prayatAtmAnaH kurudhvaM tadashashNkitAH ||
##SP0240081##  nandIshvaro.ayaM putro naH sarveShAmIshvareshvaraH |
##SP0240082##  priyo.agranAyakashchaiva senAnIrvaH samAhitaH ||
##SP0240091##  tamimaM mama sa.ndeshAdyUyaM sarve.abhisammatAH |
##SP0240092##  senAnyamabhiShi~nchadhvaM mahAyogapatiM patim ||
##SP0240101##  adyaprabhR^iti yuShmAkamayaM nandIshvaraH shubhaH |
##SP0240102##  priyo gauravayuktashcha senAnIramaraH prabhuH ||
##SP0240110##  sanatkumAra uvAcha |
##SP0240111##  evamukte bhagavatA gaNapAH sarva eva te |
##SP0240112##  evamastviti sammantrya sambhArAnAhara.nstataH ||
##SP0240121##  tasya rUpAshrayaM divyaM jAmbUnadamayaM shubham |
##SP0240122##  AsanaM merusa.nkAshaM manoramamathAharan ||
##SP0240131##  shAtakumbhamayaM chApi chAruchAmIkaraprabham |
##SP0240132##  muktAdAmAvalambaM cha maNiratnAvabhAsitam ||
##SP0240141##  stambhaishcha vaiDUryamayaiH kishNkiNIjAlasa.nvR^itam |
##SP0240142##  chAruratnakasa.nyuktaM maNDapaM vishvatomukham |
##SP0240143##  kR^itvA chakrushcha tanmadhye tadAsanavaraM shubham ||
##SP0240151##  tasyAgrataH pAdapIThaM nIlaM vajrAvabhAsitam |
##SP0240152##  chakruH pAdapratiShThArthaM kalashau chAsya pArshvagau |
##SP0240153##  sampUrNau paramAmbhobhiraravindAvR^itAnanau ||
##SP0240161##  agrato.agniM samAdhAya vR^iShabhaM chApi pArshvataH |
##SP0240162##  savatsAM surabhiM chApi tasya pArshve.atha dakShiNe ||
##SP0240171##  ChattraM shatashalAkaM cha jAmbUnadamayaM shubham |
##SP0240172##  shashNkhahArAmbugaureNa pR^iShThenAbhivirAjitam ||
##SP0240181##  vyajanaM chandrashubhraM cha hemadaNDaM suchArumat |
##SP0240182##  mAlAM kusheshayAnAM cha bhramarAvalisevitAm ||
##SP0240191##  Aninyustatra gaNapA nandyAvartA.nshcha kA~nchanAn |
##SP0240192##  punarvasuM cha puShyaM cha dvau matsyau varuNAlayau ||
##SP0240201##  svastikaM vardhamAnaM cha shrIvatsaM chaiva kA~nchanam |
##SP0240202##  kIchakA veNavashchaiva kanyA chaivAbhipUjitA ||
##SP0240211##  airAvataM supratIkaM gajAvetau cha pUjitau |
##SP0240212##  dhvajaM cha pUjitaM divyaM shashNkhaM chaivenduvarchasam ||
##SP0240221##  kalashAnAM sahasraM cha kA~nchanAnAM suvarchasAm |
##SP0240222##  rAjatAnAM sahasraM cha pArthivAnAM tathaiva cha ||
##SP0240231##  tAmrANAmatha divyAnAM sahasramanalatviShAm |
##SP0240232##  vAsoyugaM vR^ikShajaM cha virajaH sUkShmameva cha ||
##SP0240241##  mukuTaM kA~nchanaM chaiva sukR^itaM vishvakarmaNA |
##SP0240242##  kuNDale chAmale divye vajraM chaiva varAyudham ||
##SP0240251##  paTTisaM cha mahaddivyaM shUlaM chAshanimeva cha |
##SP0240252##  jAmbUnadamayaM sUtraM keyUradvayameva cha ||
##SP0240261##  hAraM cha maNichitrAshNgaM rochanAruchakaM tathA |
##SP0240262##  {}nalabhAM pAriyAtraM cha varShaM kashNkaNimeva cha{}||
##SP0240271##  darbhA.nshcha divyAM samidhamAjyaM dhUpamathApi cha |
##SP0240272##  samantAnninyuravyagrA gaNapA devasammatAH ||
##SP0240281##  tato dishaH samudrAshcha varuNaH sadhaneshvaraH |
##SP0240282##  yamo.agnirvasavashchaiva chandrAdityau grahaiH saha ||
##SP0240291##  tArArUpANi sarvANi nakShatrANi dhruvastathA |
##SP0240292##  rudrA rakShA.nsi yakShAshcha ashvinau daityadAnavAH ||
##SP0240301##  gandharvApsarasashchaiva nAradaH parvatastathA |
##SP0240302##  pR^ithivI cha samudrAshcha varShANi girayastathA ||
##SP0240311##  vR^ikShAshcha vIrudhashchaiva oShadhyashcha mahAbalAH |
##SP0240312##  nadyaH sarvAH samAjagmuH pashavashchaiva sarvashaH ||
##SP0240321##  lokasya mAtarashchaiva pR^ithivI svarga eva cha |
##SP0240322##  bhUtAni prakR^itishchaiva indriyANi cha sarvashaH ||
##SP0240331##  tIrthAni chaiva sarvANi dAnAni vividhAni cha |
##SP0240332##  R^icho yajU.nShi sAmAni atharvAshNgirasAvapi ||
##SP0240341##  yaj~nAshcha kratavashchaiva iShTayo niyamAstathA |
##SP0240342##  ChandA.nsi chaiva sarvANi pishAchA devayonayaH |
##SP0240343##  brahmA cha R^iShayashchaiva viShNuH sAnucharastathA ||
##SP0240351##  teShvAgateShu sarveShu bhagavAngovR^iShadhvajaH |
##SP0240352##  sarvakAryavidhiM kartumAdidesha pitAmaham ||
##SP0240361##  ekaikaM kalashaM tatra sarvauShadhisamanvitam |
##SP0240362##  kR^itvAdbhiH pUrayitvA cha kusheshayamukhAvR^itam ||
##SP0240371##  jayAM cha vijayAM chaiva si.nhIM vyAghrIM tathaiva cha |
##SP0240372##  suvarchalAM shashNkhapuShpIM viShNukrAntAM punarnavAm ||
##SP0240381##  kumArIM chandrakAntAM cha mR^itasa.njIvanImapi |
##SP0240382##  AdityavarchasaM chaiva amR^itAM shrIniketanAm ||
##SP0240391##  tathA kumudvatIM chaiva prAkShipa.nsteShvathauShadhIH |
##SP0240392##  pArthiveShu tadA vyAsa sarveShveva gaNeshvarAH ||
##SP0240401##  sauvarNeShu tu sarveShu tIrthAni vividhAni cha |
##SP0240402##  dAnAni chaiva sarvANi bhagavAnsa.nnyaveshayat ||
##SP0240411##  rAjateShu cha kumbheShu mantrA.nshChandA.nsi chaiva ha |
##SP0240412##  kratUnanyA.nshcha vividhA iShTIH kAmyA.nstathetarAn ||
##SP0240421##  audumbareShu sarveShu saritaH sAgarA.nstathA |
##SP0240422##  tapA.nsi niyamA.nshchaiva bhagavAnabhyavinyasat ||
##SP0240431##  ekaikaM kalashaM tatra abhipUryAbhimantrya cha |
##SP0240432##  veShTayitvA cha sUtreNa devebhyaH pradadau vibhuH ||
##SP0240441##  sa jagrAha tadA brahmA ekaM kalashamAtmanA |
##SP0240442##  viShNave cha dadAvekamekamindrAya dhImate |
##SP0240443##  gaNapebhyastathA chAnyAnR^iShibhyashcha pitAmahaH ||
##SP0240451##  tatastamAsane tasminnupaveshya mahAmanAH |
##SP0240452##  archayitvA tato brahmA svayamevAbhyaShi~nchata ||
##SP0240461##  tato viShNustataH shakro R^iShayashcha sahAmaraiH |
##SP0240462##  gaNAdhipAshcha sarve te abhyaShi~nchanta nandinam ||
##SP0240471##  vAsoyugaM cha taddivyaM gandhAndivyA.nstathaiva cha |
##SP0240472##  keyUre kuNDale chaiva mukuTaM hArameva cha |
##SP0240473##  paTTisaM shUlavajre cha ashanIM cha dadau svayam ||
##SP0240481##  ChattraM jagrAha devendro vAyurvyajanameva cha |
##SP0240482##  R^iShayastuShTuvushchaiva pitAmahapurogamAH ||
##SP0240490##  viShNuruvAcha |
##SP0240491##  namaH kuShmANDarAjAya vajrodyatakarAya cha |
##SP0240492##  shAlashNkAyanapautrAya halamArgotthitAya cha ||
##SP0240501##  shilAdasya cha putrAya rudrajapyakarAya cha |
##SP0240502##  rudrabhaktAya devAya namo.antarjalashAyine ||
##SP0240511##  gaNAnAM pataye chaiva bhUtAnAM pataye namaH |
##SP0240512##  umAputrAya devAya paTTisAyudhadhAriNe ||
##SP0240521##  namo da.nShTrAkarAlAya lalATanayanAya cha |
##SP0240522##  pramathAya vareNyAya IshAnAyArpitAya cha ||
##SP0240531##  dvArAdhyakShAya shUrAya suyashApataye namaH |
##SP0240532##  namaH pravaramAlAya kShIrodanilayAya cha ||
##SP0240541##  mahAgaNAdhipataye mahAyogeshvarAya cha |
##SP0240542##  diNDimuNDAya chaNDAya ekAkShararatAya cha ||
##SP0240551##  akShayAyAmR^itAyaiva ajarAyAmarAya cha |
##SP0240552##  pashUnAM pataye chaiva jetre mR^ityostathaiva cha ||
##SP0240561##  namaH pavanavegAya sarvaj~nAyAjitAya cha |
##SP0240562##  anekashirase chaiva anekacharaNAya cha ||
##SP0240571##  kirITine kuNDaline mahAparighabAhave |
##SP0240572##  sarvAndevAngaNA.nshchaiva pAhi deva namo.astu te ||
##SP0240580##  sanatkumAra uvAcha |
##SP0240581##  evaM stutvA tato devastasmai vyAsa mahAtmane |
##SP0240582##  prA~njaliH prayato bhUtvA jayashabdaM chakAra ha ||
##SP0240591##  tato gaNA jayetyUchustato devAstato.asurAH |
##SP0240592##  tataH sarvANi bhUtAni brahmA shakrastathaiva cha ||
##SP0240601##  tataH shashNkhA.nshcha bherI.nshcha paTahADambarA.nstathA |
##SP0240602##  va.nshA.nshcha paNavA.nshchaiva kR^ikavAngoviShANikAn ||
##SP0240611##  diNDimAnveNukA.nshchaiva mardalA.nshchaiva sarvashaH |
##SP0240612##  avAdayanta gaNapA harShayanto mudA yutAH ||
##SP0240620##  sanatkumAra uvAcha |
##SP0240621##  nandIshvarasya ya imaM stavaM devAbhinirmitam |
##SP0240622##  paTheta satataM martyaH sa gachChenmama lokatAm ||
##SP0240631##  namo nandIshvarAyeti kR^itvA yaH svapnamAcharet |
##SP0240632##  tasya kuShmANDarAjebhyo na bhayaM vidyate kvachit ||
##SP0240641##  yatrAyaM sthApyate nityaM stavaH paramapUjitaH |
##SP0240642##  na bhayaM tatra bhavati grahebhyo vyAsa sarvadA ||
##SP0240651##  nandIshvaraM ye praNamanti martyA nityaM prasannendriyashuddhasattvAH |
##SP0240652##  te devadevasya sahAdriputryA iShTA variShThAshcha gaNA bhavanti ||
##SP0249999##  iti skandapurANe chaturvi.nshatimo.adhyAyaH ||
\medskip\hrule\medskip
\centerline{ska.ndapurANa adhyAya  25}
##SP0250010##  sanatkumAra uvAcha |
##SP0250011##  tatastatrAgatAndevAndevatAdhipatirbhavaH |
##SP0250012##  marutaH prAha sampUjya kanyArthaM sadasatpatiH ||
##SP0250021##  maruto ye mahAvegA mahAsattvA mahaujasaH |
##SP0250022##  Amantrya nAmnA tAnIshaH sashakraH sapitAmahaH ||
##SP0250031##  yuShmAkaM suyashA kanyA subhagA divyarUpiNI |
##SP0250032##  dAtumarhatha tAM subhrUM snuShAM mahyaM mahAbalAH ||
##SP0250040##  maruta UchuH |
##SP0250041##  tvamasmAkaM cha tasyAshcha sarvasya jagatastathA |
##SP0250042##  prabhaviShNustrilokesha na tu yAchitumarhasi ||
##SP0250051##  tvayaiva deyA grAhyA cha tvaM no gatiranuttamA |
##SP0250052##  mA naH parAniveshAna yAchanena vibhAvaya ||
##SP0250061##  pitA naH kashyapaH shrImAnmarIchishcha pitAmahaH |
##SP0250062##  pitAmahapitA brahmA tasyApi tvaM pitAmahaH |
##SP0250063##  sa tvaM pitAmaho.asmAkaM na parAnkartumarhasi ||
##SP0250071##  sa evamukto devesho marudbhirdevasattamaiH |
##SP0250072##  suyashAM marutAM kanyAmAnayAmAsa tatkShaNAt ||
##SP0250081##  svayaM hotAsya tatrAsIdbrahmA lokapitAmahaH |
##SP0250082##  kashyapashcha tathodgAtA atriH sAma svayaM jagau |
##SP0250083##  atharvAshNgirasau devau brahmatvamapi chakratuH ||
##SP0250091##  nAradaH parvatashchaiva chitrasenashcha gAyanaH |
##SP0250092##  vishvAvasU ruchishchaiva hAhA hUhU tathaiva cha ||
##SP0250101##  tathA shAlishirA yashcha vishruto gaNDamaNDakaH |
##SP0250102##  ItishchaivendravAhashcha yaj~navAho.atha dakShiNaH |
##SP0250103##  ete chAnye cha gandharvA jagurmadhurakaNThinaH ||
##SP0250111##  urvashI chaiva rambhA cha ghR^itAchI pUrvachittyapi |
##SP0250112##  tilottamA cha vishvAchI anyAshchApsarasaH shubhAH |
##SP0250113##  anR^ityanta mahAbhAgA nR^ittaM suramanoharam ||
##SP0250120##  sanatkumAra uvAcha |
##SP0250121##  sa evamabhavadvyAsa vivAhastasya dhImataH |
##SP0250122##  nandino gaNamukhyasya anaupamyo hyaninditaH ||
##SP0250131##  tataH sa tu kR^itodvAho nandI gatvA mahAmanAH |
##SP0250132##  pAdAnvavande devasya devyA brahmaNa eva cha |
##SP0250133##  shilAdasya cha lokeshaH shriyA paramayA yutaH ||
##SP0250140##  deva uvAcha |
##SP0250141##  varaM vR^iNIShva putra tvaM snuShA cheyaM tava priyA |
##SP0250142##  varaM dadAmi te vatsa anayA sahamIpsitam ||
##SP0250150##  nandyuvAcha |
##SP0250151##  bhagavanyadi tuShTo.asi tvayi bhaktirdR^iDhAstu me |
##SP0250152##  sadA cha tuShTo bhava me sAmbaH saha gaNeshvaraiH ||
##SP0250161##  pitaraM chaiva me deva utpAdakamimaM prabho |
##SP0250162##  anugraheNa yuktena yoktumarhasi kAmada ||
##SP0250170##  deva uvAcha |
##SP0250171##  sadAhaM tava nandIsha sutuShTaH sagaNeshvaraH |
##SP0250172##  pArvatyA sahito dhImannidaM cha shR^iNu me vachaH ||
##SP0250181##  sadeShTashcha variShThashcha paramaishvaryasa.nyutaH |
##SP0250182##  mahAyogI maheShvAso mahAbalaparAkramaH ||
##SP0250191##  ajayyashchaiva jetA cha pUjyejyashcha sadA bhava |
##SP0250192##  ahaM yatra bhavA.nstatra yatra tvaM tatra chApyaham ||
##SP0250201##  ayaM cha te pitA vipraH paramaishvaryasa.nyutaH |
##SP0250202##  bhaviShyati gaNAdhyakSho mahAgaNapatirmama ||
##SP0250211##  parvataM chAsya vaibhrAjaM kAmagaM sarvakA~nchanam |
##SP0250212##  upetaM bhavanairdivyaiH prayachChAmi janAvR^itam |
##SP0250213##  tenAyaM sarvalokeShu chariShyati yathepsitam ||
##SP0250221##  sthAnaM shrIparvate chAsya bhaviShyati supUjitam |
##SP0250222##  bhR^igau tasmi.nshcha yaH prANA.nstyakShyate vai sudhArmikaH |
##SP0250223##  sa kAmachArI vaibhrAje gaNapo.asya bhaviShyati ||
##SP0250230##  sanatkumAra uvAcha |
##SP0250231##  tato devI mahAbhAgA shailAderadadadvaram |
##SP0250232##  so.abravIttvayi bhaktirme sadaivAnapagA bhavet ||
##SP0250241##  tato marutsutA chaiva ubhAbhyAmapi choditA |
##SP0250242##  varaM vR^iNu yatheShTaM vai tAvidaM pratyuvAcha ha ||
##SP0250251##  yuvayorastu bhaktirme tathA bhartari chaiva hi |
##SP0250252##  nityaM chAnapagA syAnme dharme cha matiruttamA |
##SP0250253##  etadichChAmi deveshau varaM varasahasradau ||
##SP0250260##  sanatkumAra uvAcha |
##SP0250261##  tatastAvevametatte bhaviteti shuchismite |
##SP0250262##  Uchaturmuditau devau snuShAM tAM varavarNinIm ||
##SP0250271##  gaNAshchAsya tato.abhyetya sarve devapriyepsayA |
##SP0250272##  varaM dadurmahAsattvAH sa vavre kA~nchanaprabhaH ||
##SP0250281##  yuShmAsu mama bhaktishcha aishvaryaM chApi sammatam |
##SP0250282##  vashyAshcha yUyaM sarve me priyo yuShmAkameva cha ||
##SP0250290##  gaNA UchuH |
##SP0250291##  bhavAnmantAnumantA cha gatirAgatireva cha |
##SP0250292##  asmAkamIshaH sarveShAM devAnAmapi cheshvaraH ||
##SP0250301##  kuShmANDAnAM variShThashcha rudrANAM tvaM mahAbalaH |
##SP0250302##  ItInAM dvArapAlashcha pramathAnAM tathaiva cha ||
##SP0250311##  mahAbalo mahAyogI senAnIstvaM hi no mataH |
##SP0250312##  tvaM bhUto bhUtanetA cha nAyako.atha vinAyakaH ||
##SP0250321##  grahANAmadhipashchaiva ugradaNDadharastathA |
##SP0250322##  tvamagrayodhI shatrughnastvaM vIrastvaM divaspatiH ||
##SP0250331##  mahAnubhAvastvaM chaiva kShIrodanilayashcha ha |
##SP0250332##  japyeshvaraniketashcha japyeshvaravibhAvitaH ||
##SP0250341##  bhAvanaH sarvabhUtAnAM varado varadArchitaH |
##SP0250342##  asmAkaM varadashchaiva bhava bhUteshvara prabho ||
##SP0250350##  sanatkumAra uvAcha |
##SP0250351##  sa evaM gaNapaiH sarvaiH stuto nandIshvaro vibhuH |
##SP0250352##  uvAcha praNataH sarvAnbrUta kiM karavANi vaH ||
##SP0250361##  ta evamuktA gaNapAH sarva eva mahAbalAH |
##SP0250362##  UchustaM divyabhAvaj~nA devadevasya sa.nnidhau ||
##SP0250371##  tvamasmAkaM gaNAdhyakShaH kR^ito devena shambhunA |
##SP0250372##  asmAbhishchAbhiShiktastvaM nAyako dharmadAyakaH ||
##SP0250381##  sa tvaM shivashcha saumyashcha guNavAnaguNeShvapi |
##SP0250382##  kShamAshauchadamopeto bhava naH priyakR^itsadA ||
##SP0250390##  sanatkumAra uvAcha |
##SP0250391##  evamuktastadA sarvAnpraNamya bahumAnataH |
##SP0250392##  shirasya~njalimAdhAya gaNapAnastuvattadA ||
##SP0250400##  nandyuvAcha |
##SP0250401##  namo vaH sarvabhUtebhyo namo yogibhya eva cha |
##SP0250402##  namashchApyaniketebhyo yogIshebhyo namastathA ||
##SP0250411##  namaH kAmacharebhyashcha nama ugrebhya eva cha |
##SP0250412##  mR^ityubhyashcha yamebhyashcha kAlebhyashcha namo namaH ||
##SP0250421##  namaH kA~nchanamAlebhyaH sarvadharmibhya eva cha |
##SP0250422##  namo vo vadhakebhyashcha avadhyebhyastathaiva cha ||
##SP0250431##  namaH paramayogibhyo jaTibhyashcha namo namaH |
##SP0250432##  namo vo.adR^ishyarUpebhyo vikR^itebhyastathaiva cha ||
##SP0250441##  namo valkalavAsebhyaH kR^ittivAsebhya eva cha |
##SP0250442##  namaH shvetAmbarasragbhyashchitrasragbhyo namo namaH ||
##SP0250451##  dhAvadbhyashcha dravadbhyashcha prasthitebhyo namo namaH |
##SP0250452##  namo munibhyo gAyadbhyo japadbhyashcha namo namaH ||
##SP0250461##  namaH sharabharUpebhyaH shatarUpebhya eva cha |
##SP0250462##  namaH parvatavAsebhyo vyAghrarUpebhya eva cha ||
##SP0250471##  namo mArjArarUpebhyaH kAkakokebhya eva cha |
##SP0250472##  namo daivatarUpebhyaH pavanebhyastathaiva cha ||
##SP0250481##  namo.agnibhyastathAdbhyashcha varuNebhyastathaiva cha |
##SP0250482##  namo dhanesharUpebhyaH sarvarUpibhya eva cha ||
##SP0250491##  namashchodaravaktrebhyaH sarvavaktrebhya eva cha |
##SP0250492##  namo vAmanarUpebhyo vAmarUpebhya eva cha ||
##SP0250501##  devAsuramanuShyANAmApyAyibhyo namo namaH |
##SP0250502##  namo vaH sarvabhUtAnAM namo vaH sarvataH shubhAH ||
##SP0250511##  grahebhyashcha namo vo.astu mokShebhyashcha namastathA |
##SP0250512##  shubhebhyashcha namo vo.astu ashubhebhyastathaiva cha |
##SP0250513##  mama saumyAH shivAshchaiva bhavantu gaNanAyakAH ||
##SP0250521##  iti stutA gaNapatayo mahAbalAH shubhairvachobhiH surashatrunAshanAH |
##SP0250522##  dishantu me sukhamatulaM sukhapradA balaM cha vIryaM sthiratAM
cha sa.nyuge ||
##SP0250531##  tapo.akShayaM sthAnamathAtulAM gatiM yashastathAgryaM bahu
dharmanityatAm |
##SP0250532##  dishantu sarvaM manasepsitaM cha me sureshvarAH puShTimanuttamAM
tathA ||
##SP0250540##  sanatkumAra uvAcha |
##SP0250541##  imau nandigaNendrANAM stavau yo.adhyeti nityashaH |
##SP0250542##  so.ashvamedhAvabhR^ithavatsarvapApaiH pramuchyate ||
##SP0250551##  sandhyAyAmaparasyAM tu japanpApaM divAkR^itam |
##SP0250552##  pUrvasyAM sa.ntyajedvApi sarvarAtrikR^itaM japan ||
##SP0250560##  sanatkumAra uvAcha |
##SP0250561##  tataste gaNapAH sarve sa.nstutAstena dhImatA |
##SP0250562##  nisR^iShTAshcha tadA jagmuH praNipatya vR^iShadhvajam ||
##SP0250571##  devAshcha sarvalokAshcha tato devaH svayaM prabhuH |
##SP0250572##  sR^iShTvA nandIshvaragR^ihaM pradAya cha mahAmanAH |
##SP0250573##  IpsitaM saha devyA vai jagAma sthAnamavyayam ||
##SP0250581##  ya imaM nandino janma varadAnaM tathaiva cha |
##SP0250582##  abhiShekaM vivAhaM cha paThedvA shrAvayIta vA |
##SP0250583##  brAhmaNaH sa mR^ito yAti nandIshvarasalokatAm ||
##SP0250591##  yo niyatastu paThetprayatAtmA sarvamimaM praNato bhavabhaktyA |
##SP0250592##  so.api gataH paralokavichArI nandisamo.anucharo hi mama syAt ||
##SP0259999##  iti skandapurANe pa~nchavi.nshatimo.adhyAyaH ||
##
\medskip\hrule\medskip
Text available at Institute of Indian Studies of the University of Groningen
http://www.theol.rug.nl/~bakker/sp.htm
AdhyAya 26-52 are in preparation.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}