% Text title            : Shri Rama ApaduddhAraka stotram
% File name             : ApaduddhArakashrIrAma.itx
% Category              : stotra, raama
% Location              : doc\_raama
% Proofread by          : KSR Ramachandran, PSA Easwaran psaeaswaran at gmail.com
% Latest update         : August 20, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rama ApaduddhAraka stotram ..}##
\itxtitle{.. shrIrAma ApaduddhArakastotram ..}##\endtitles ##

ApadAmapahartAraM dAtAraM sarvasampadAM
lokAbhirAmaM shrIrAmaM bhUyo bhUyo namAmyaham |

namaH kodaNDahastAya sandhIkR^itasharAya cha
daNDitAkhiladaityAya rAmAyApannivAriNe || 1||
ApannajanarakShaikadIkShAyAmitatejase |
namo.astu viShNave tubhyaM rAmAyApannivAriNe || 2||
padAmbhojarajasparshapavitramuniyoShite |
namo.astu sItApataye rAmAyApannivAriNe || 3||
dAnavendramahAmattagajapa~nchAsyarUpiNe |
namo.astu raghunAthAya rAmAyApannivAriNe || 4||
mahijAkuchasaMlagnaku~NkumAruNavakShase |
namaH kalyANarUpAya rAmAyApannivAriNe || 5||
padmasambhavabhUteshamunisaMstutakIrtaye |
namo mArtANDavaMshyAya rAmAyApannivAriNe || 6||
haratyArtiM cha lokAnAM yo vA madhuniShUdanaH |
namo.astu haraye tubhyaM rAmAyApannivAriNe || 7||
tApakAraNasaMsAragajasiMhasvarUpiNe |
namo vedAntavedyAya rAmAyApannivAriNe || 8||
ra~Ngattara~NgajaladhigarvahR^ichchharadhAriNe |
namaH pratAparUpAya rAmAyApannivAriNe || 9||
dAropahitachandrAvataMsadhyAtasvamUrtaye |
namaH satyasvarUpAya rAmAyApannivAriNe || 10||
tArAnAyakasa~NkAshavadanAya mahaujase |
namo.astu tATakAhantre rAmAyApannivAriNe || 11||
ramyasAnulasachchitrakUTAshramavihAriNe |
namassaumitrisevyAya rAmAyApannivAriNe || 12||
sarvadevAhitAsakta dashAnanavinAshine |
namo.astu duHkhadhvaMsAya rAmAyApannivAriNe || 13||
ratnasAnunivAsaika vandyapAdAmbujAya cha |
namastrailokyanAthAya rAmAyApannivAriNe || 14||
saMsArabandha mokShaikahetudAmaprakAshine |
namaH kaluShasaMhartre rAmAyApannivAriNe || 15||
pavanAshugasa~NkShiptamArIchAdisurAraye |
namo makhaparitrAtre rAmAyApannivAriNe || 16||
dAmbhiketarabhaktaughamahAnandapradAyine |
namaH kamalanetrAya rAmAyApannivAriNe || 17||
lokatrayodvegakarakumbhakarNashirashChide |
namo nIradadehAya rAmAyApannivAriNe || 18||
kAkAsuraikanayanaharallIlAstradhAriNe |
namo bhaktaikavedyAya rAmAyApannivAriNe || 19||
bhikShurUpa samAkrAntabalisarvaikasampade |
namo vAmanarUpAya rAmAyApannivAriNe || 20||
rAjIvanetrasuspandaruchirA~NgasurochiShe |
namaH kaivalyanidhaye rAmAyApannivAriNe || 21||
mandamArutasaMvItamandAradrumavAsine |
namaH pallavapAdAya rAmAyApannivAriNe || 22||
shrIkaNThachApadalanadhurINabalabAhave |
namaH sItAnuShaktAya rAmAyApannivAriNe || 23||
rAjarAjasuhR^idyoShArchitama~NgalamUrtaye |
nama ikShvAkuvaMshyAya rAmAyApannivAriNe || 24||
ma~njulAdarshaviprekShaNotsukaikavilAsine |
namaH pAlitabhakttAya rAmAyApannivAriNe || 25||
bhUribhUdharakodaNDamUrtidhyeyasvarUpiNe |
namo.astu tejonidhaye rAmAyApannivAriNe || 26||
yogIndrahR^itsarojAtamadhupAya mahAtmane |
namo rAjAdhirAjAya rAmAyApannivAriNe || 27||
bhUvarAhasvarUpAya namo bhUripradAyine |
namo hiraNyagarbhAya rAmAyApannivAriNe || 28||
yoShA~njalivinirmukta lAjA~nchitavapuShmate |
namassaundaryanidhaye rAmAyApannivAriNe || 29||
nakhakoTivinirbhinnadaityAdhipativakShase |
namo nR^isiMharUpAya rAmAyApannivAriNe || 30||
mAyAmAnuShadehAya vedoddharaNahetave |
namo.astu matsyarUpAya rAmAyApannivAriNe || 31||
mitishUnya mahAdivyamahimne mAnitAtmane |
namo brahmasvarUpAya rAmAyApannivAriNe || 32||
aha~NkAretarajanasvAntasaudhavihAriNe |
namo.astu chitsvarUpAya rAmAyApannivAriNe || 33||
sItAlakShmaNasaMshobhipArshvAya paramAtmane |
namaH paTTAbhiShiktAya rAmAyApannivAriNe || 34||
ApadAmapahartAraM dAtAraM sarvasampadAm |
lokAbhirAmaM shrIrAmaM bhUyo bhUyo namAmyaham || 35||

       phalashruti
imaM stavaM bhagavataH paThedyaH prItamAnasaH |
prabhAte vA pradoShe vA rAmasya paramAtmanaH || 1||
sa tu tIrtvA bhavAmbhodhimApadassakalA api |
rAmasAyujyamApnoti devadevaprasAdataH || 2||
kArAgR^ihAdibAdhAsu samprApte bahusa~NkaTe |
apannivArakastotraM paThedyastu yathAvidhi || 3||
saMyojyAnuShTubhaM mantramanushlokaM smaran vibhum |
saptAhAtsarvabAdhAbhyo muchyate nAtra saMshayaH || 4||
dvAtriMshadvArajapataH pratyahaM tu dR^iDhavrataH |
vaishAkhe bhAnumAlokya pratyahaM shatasa~NkhyayA || 5||
dhanavAn dhanadaprakhyassa bhavennAtra saMshayaH |
bahunAtra kimuktena yaM yaM kAmayate naraH || 6||
taM taM kAmamavApnoti stotreNAnena mAnavaH |
yantrapUjAvidhAnena japahomAditarpaNaiH || 7||
yastu kurvIta sahasA sarvAn kAmAnavApnuyAt |
iha loke sukhI bhUtvA pare mukto bhaviShyati || 8||
##
Proofread by KSR Ramachandran and
PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}