%@@1
% File name             : adhyaatmaRam.itx
%--------------------------------------------
% Text title            : adhyaatma raamaayaNa
% Author                : Traditional
% Language              : Sanskrit
% Subject               : philosophy/hinduism/religion
% Description/comments  : ????Source
% Transliterated by     : Nagaraj Balijepalli <nagaraj@iastate.edu> 
% Proofread by          : Nagaraj Balijepalli <nagaraj@iastate.edu> 
% Latest update         : July 22, 2006
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. adhyAtmarAmAyaNe bAla kANDam.h ..}##
\itxtitle{.. adhyAtmarAmAyaNe bAla kANDam.h ..}##\endtitles##
       .. prathamaH sargaH..
       .. rAma hR^idayam.h..
yaH pR^ithivIbharavAraNAya divijaiH saMprArthitashchinmayaH
sa.njAtaH pR^ithivItale ravikule mAyAmanuShyo.avyayaH .
nishchakraM hatarAkshasaH punaragAd.h brahmatvamAdyaM sthirA.n
kIrtiM pApaharAM vidhAya jagatAM taM jAnakIshaM bhaje .. 1..
vishvodbhavasthitilayAdiShu hetumekaM
      mAyAshriyaM vigatamAyamachintyamUrtim.h .
AnandasAndramamalaM nijabodharUpaM
      sitApatiM viditatattvamahaM namAmi .. 2..
paThanti ye nityamananyachetasaH shR^iNvanti
          chAdhyAtmikasa.nj~nitaM shubham.h .
rAmAyaNaM sarvapurANasaMmataM
      nirdhUtapApA harimeva yAnti te .. 3..
adhyAtmarAmAyaNameva nityaM
      paThedyadIchChedbhavabandhamuktim.h .
gavAM sahasrAyutakoTidAnAt.h
      phalaM labhedyaH shR^iNuyAtsa nityam.h .. 4..
purArigirisa.nbhUtA shrIrAmArNavasa~NgatA .
adhyAtmarAmaga~NgeyaM punAti bhuvanatrayam.h .. 5..
kailAsAgre kadAchidravishatavimale mandire ratnapIThe
sa.nviShTaM dhyAnaniShThaM trinayanamabhayaM sevitaM siddhasa.nghaiH .
devI vAmA~Nkasa.nsthA girivaratanayA pArvatI bhaktinamrA
prAhedaM devamIshaM sakalamalaharaM vAkyamAnandakandaram.h .. 6..
         pArvatyuvAcha
namo.astu te deva jagannivAsa
      sarvAtmadR^ik.h tvaM parameshvaro.asi .
pR^ichChAmi tattvaM puroShottamasya
      sanAtanaM tvaM cha sanAtano.asi .. 7..
gopyaM yadatyantamananyavAchyaM
      vadanti bhakteShu mahAnubhAvAH .
tadapyaho.ahaM tava deva bhaktA
      priyo.asi me tvaM vada yattu pR^iShTam.h .. 8..
j~nAnaM savij~nAnamathAnubhaktivairAgyayuktaM
            cha mitaM vibhAsvat.h .
jAnAmyahaM yoShidapi tvaduktaM
      yathA tathA brUhi taranti yena .. 9..
pR^ichChAmi chAnyachcha paraM
      rahasyaM tadeva chAgre vada vArijAkSha .
shrIrAmachandre.akhilalokasAre
      bhaktirdR^iDhA naurbhavati prasiddhA .. 10..
bhaktiH prasiddhA bhavakokShaNAya
      nAnyattataH sAdhanamasti ki~nchit.h .
tathApi hR^itsa.nshayabandhanaM me
      vibhettumarhasyamaloktibhistvam.h .. 11..
vadanti rAmaM paramekamAdyaM
      nirastamAyAguNasapravAham.h .
bhajanti chAharnishamapramattAH
      paraM padaM yAnti tathaiva siddhAH .. 12..
vadanti kechitparamo.api rAmaH
      svAvidyayA sa.nvR^itamAtmasa.nj~nam.h .
jAnAti nAtmAnamataH pareNa
      sambodhito veda parAtmatattvam.h .. 13..
yadi sma jAnAti kuto vilApaH
      sItAkR^ite.anena kR^itaH pareNa .
jAnAti naivaM yadi kena sevyaH
      samo hi sarvairapi jIvajAtaiH .. 14..
atrottaraM kiM viditaM bhavadbhistad.h
      brUta me sa.nshayabhedi vAkyam.h .. 15..
         shrImahAdeva uvAcha
dhanyAsi bhaktAsi parAtmanastvaM
      yajj~nAtumichChA tava rAmatattvam.h .
purA na kenApyabhichodito.ahaM
      vaktuM rahasyaM paramaM nigUDham.h .. 16..
tvayAdya bhaktyA parinodito.ahaM
      vakshye namaskR^Itya raghUttamaM te .
rAmaH parAtmA prakR^iteranAdirAnanda
            ekaH puruShottamo hi .. 17..
svamAyayA kR^itsnamidaM hi
      sR^iSh{}TvA nabhovadantarbahirAsthito yaH .
sarvAntarastho.api nigUDha
      Atmaa svamAyayA sR^iShTamidaM vichaShTe .. 18..
jaganti nityaM parito bhramanti
      yatsannidhau chumbakalohavaddhi .
etanna jAnanti vimUDhachittAH
      svAvidyayA sa.nvR^itamAnasA ye .. 19..
svAj~nAnamapyAtmani shuddhabuddhe
            svAropayantIha nirastamAye .
sa.nsAramevAnusaranti te vai
      putrAdisaktAH purukarmayuktAH .. 20..
yathA.aprakAsho na tu vidyate ravau
      jyotiHsvabhAve parameshvare tathA .
vishuddhavij~nAnaghane raghUttame.avidyaa
      kathaM syAtparataH parAtmani .. 21..
yathA hi chAkShNA bhramatA gR^ihAdikaM
      vinaShTadR^iShTerbhramatIva dR^ishyate .
tathaiva dehendriyakarturAtmanaH
      kR^ite pare.adhyasya jano vimuhyati .. 22..
nAho na rAtriH savituryathA bhavet.h
      prAkAsharUpAvyabhichArataH kvachit.h .
j~nAnaM tathAj~nanamidaM dvayaM harau
      rAme kathaM sthAsyati shuddhachid{}ghane .. 23..
tasmAtparAnandamaye raghUttame
      vij~nAnarUpe hi na vidyate tamaH .
aj~nAnasAkShiNyaravindalochane
      mAyAshrayatvAnna hi mohakAraNam.h .. 24..
atra te kathayiShyAmi rahasyamapi durlabham.h .
sItArAmamarutsUnusa.nvAdaM mokShasAdhanam.h .. 25..
purA rAmAyaNe rAme rAvaNaM devakaNTakam.h .
hatvA raNe raNashlAghI saputrabalavAhanam.h .. 26..
sItayA saha sugrIvalakShmaNAbhyAM samanvitaH .
ayodhyAmagamadrAmo hanUmatpramukhairvR^itaH .. 27..
abhiShiktaH parivR^ito vasiShThAdyairmahAtmabhiH .
si.nhAsane samAsInaH koTisUryasamaprabhaH .. 28..
dR^iShTvA tadA hanUmantaM  prA~njaliM purataH sthitam.h .
kR^itakAryaM nirAkA~NkShaM j~nAnApekShaM mahAmatim.h .. 29..
rAmaH sItAmuvAchedaM brUhi tattvaM hanUmate .
niShkalmaSho.ayaM j~nAnasyapAtraM
            no nityabhaktimAn.h .. 30..
tatheti jAnakI prAha tattvaM rAmasya nishchitam .
hanUmate prapannAya sItA lokavimohinI .. 31..
         sItovAcha
rAmaM viddhi paraM brahma sachchidAnandamadvayam.h .
sarvopAdhivinirmuktaM sattAmAtramagocharam.h .. 32..
AnandaM nirmalaM shAntaM nirvikAraM nira~njanam.h .
sarvavyApinamAtmAnaM svaprakAshamakalmaSham.h .. 33..
mAM viddhi mUlaprakR^itiM sargasthityantakAriNIm.h .
tasya sannidhimAtreNa sR^ijAmIdamatandritA .. 34..
tatsAnnidhyAnmayA sR^iShTaM tasminnAropyate.abudhaiH .
ayodhyAnagare janma raghuva.nshe.atinirmale .. 35..
vishvAmitrasahAyatvaM makhasa.nrakShaNaM tataH .
ahalyAshApashamanaM chApabha~Ngo maheshituH .. 36..
matpANigrahaNaM pashchAbhArgavasya madakShayaH .
ayodhyAnagare vAso mayA dvAdashavArShikaH .. 37..
daNDakAraNyagamanaM virAdhavadha eva cha .
mAyAmArIchamaraNaM mAyAsItAhR^itistathA .. 38..
jaTAyuSho mokShalAbhaH kabandhasya tathaiva cha .
shabaryAH pUjanaM pashchAtsugrIveNa samAgamaH .. 39..
vAlinashcha vadhaH pashchAtsItAnveShaNameva cha .
setubandhashcha jaladhau la~NkAyAshcha nirodhanam.h .. 40..
rAvaNasya vadho yuddhe suputrasya durAtmanaH .
vibhIShaNe rAjyadAnaM puShpakeNa mayA saha .. 41..
ayodhyAgamanaM pashchAdrAjye rAmAbhiShechanam.h .
evamAdIni karmANi mayaivAcharitAnyapi
Aropayanti rAme.asminnirvikAre.akhilAtmani .. 42..
rAmo na gachChati na tiShThati nAnushochatyAkA~NkShate
     tyajati no na karoti ki~nchit.h .
AnandamUrtirachalaH pariNAmahIno
      mAyAguNAnanugato hi tathA vibhAti .. 43..
tato rAmaH svayaM prAha hanUmantamupasthitam.h .
shR^iNutattvam.h pravakShyaami hyAtmAnAtmaparAtmanAm.h .. 44..
AkAshasya yathA bhedastrividho dR^ishyate mahAn.h .
jalAshaye mahaakaashastadavachChinna eva hi .
pratibiMbAkhyamaparaM dR^ishyate trividhaM nabhaH .. 45..
buddh{}yavachChinnachaitanyamekaM pUrNamathAparam.h .
AbhAsastvaparaM bimbabhUtamevaM tridhaa chitiH .. 46..
sAbhAsabuddheH kartR^itvamavichChinne.avikaariNi .
sAkShiNyAropyate bhrAntyA jIvatvaM
                        cha tathA budhaiH .. 47..
AbhAsastu mR^iShA buddhiravidyAkAryamuchyate .
avichChinnaM tu tadbrahma vichChedastu vikalpataH .. 48..
avichChinnasya pUrNena ekatvaM pratipAdyate .
tattvamasyAdivAkyaishcha sAbhAsasyaahamastathA .. 49..
aikyaj~nAnaM yadotpannaM mahAvaakyena chAtmanoH .
tadAvidyA svakAryaishcha nashyatyeva na sa.nshayaH .. 50..
etadvij~nAya madbhakto madbhAvaayopapadyate .
madbhaktivimukhAnAM hi shAstragarteShy muhyatAm.h .
na j~nAnaM na cha mokShaH syAtteShAM janmashatairapi .. 51..
idaM rahasyaM hR^idayaM mamAtmano
      mayaiva sAkShAtkathitaM tavAnagha .
madbhaktihInAya shaThAya na tvayA
      dAtavyamaindrAdapi rAjyato.adhikam.h .. 52..
          shrImahAdeva uvAcha
etatte.abhihitaM devi shrIrAmahR^idayaM mayA .
atiguhyatamaM hR^idyaM pavitraM pApashodhanam.h .. 53..
sAkShAdrAmeNa kathitaM sarvavedAntasa.ngraham.h .
yaH paThetsatataM bhaktyA sa mukto nAtra sa.nshayaH .. 54..
brahmahatyAdi pApAni bahujanmaarjitaanyapi .
nashyantyeva na sandeho rAmasya vachanaM yathaa .. 55..
yo.atibhraShTo.atipApI paradhanaparadAreShu nityodyato vA
steyI brahmaghnamAtApitR^ivadhanirato yogivR^indaapakArI
yaH saMpUjyAbhirAmaM paThati cha hR^idayaM rAmachandrasya bhaktyA
yogIndrairapyalabhyaM padamiha labhate sarvadevaiH sa pUjyam.h .. 56..
iti shrImadadhyAtmarAmAyaNe umAmaheshvarasa.nvAde bAlakANDe
        shrIrAmahR^idayaM nAma prathamaH sargaH .. 1..
\medskip\hrule\medskip
       .. bAla kANDam.h..
       .. dvitIyaH sargaH..
          pArvatyuvAcha
dhanyAsmyanugR^ihItAsmi kR^itArthaasmi jagatprabho .
vichChinno me.astisandehagranthirbhavadanugrahaat.h .. 1..
tvanmukhAd{}galitaM rAmatattvAmR^itarasAyanam.h .
pibanti me mano deva na tR^ipyati bhavApaham.h .. 2..
shrIrAmasya kathA tvattaH shR^itA sa.nkShepato mayA .
idAnIM shrotumichChAmi vistareNa sphuTAkSharam.h .. 3..
          shrImahAdeva uvAcha
shR^iNu devi pravakShyaami guhyaad{}guhyataraM mahat.h .
adhyaatmaraamacharatiM rAmeNoktaM puraa mama .. 4 .
tadadya kathayiShyaami shR^iNu taapatrayaapaham.h .
yachChR^itvaa muchyate janturaj~nAnotthamahaabhayaat.h .
praapnoti paramaamR^iddhim.h dIrghaayuH putrasantatim.h .. 5..
bhUmirbhaareNa magnaa dashavadanamukhaasheSharakShogaNaanaaM
dhR^itvaa gorUpamaadau divijamunijanaiH
                            saakamabjaasanasya .
gatvaa lokaM rUdantI vyasanamupagataM brahmaNe praaha
sarvaM brahmaa dhyaatvaa muhUrtaM sakalamapi
              hR^idaavedasheShaatmakatvaat.h .. 6..
tasmAtkShIrasamudratIramagamad.h brahmAtha
devairvR^ito devyaa chaakhilalokahR^itsthamajaraM
                        sarvaj~namIshaM harim.h .
astauShIchChR^itisiddhanirmalapadaiH stotraiH
puraaNodbhavai rbhaktyaa gad{}gadayaa
      giraativimalairaanandabaaShpairvR^itaH .. 7..
tataH sphuratsahasraa.nshusahasrasadR^ishaprabhaH .
aaviraasIddhariH praachyaaM dishaaM vyapanaya.nstamaH .. 8..
katha.nchid{}dR^iShTvaanbrahmaa durdarshamakR^itaatmanaam.h .
indranIlapratIkaashaM smitaasyaM padmalochanam.h .. 9..
kirITahaarakeyUrakuNDalaiH kaTakAdibhiH .
vibhraajamAnaM shrIvatsakaustubhaprabhayaanvitam.h .. 10..
stuvadbhiH sanakaadyaishcha paarShadaiH pariveShTitam.h .
sha~N{}khachakragadaapadmavanamaalaaviraajitam.h .. 11..
svarNayaj~nopavItena svarNavarNaambareNa cha .
shriyaa bhUmyaa cha sahitaM garuDopari sa.nsthitam.h .. 12..
harShagad{}gadayaa vaachaa stotuM samupachakrame .. 13..
          brahmovaacha
nato.asmi te padaM deva praaNa buddhIndriyaatmabhiH .
yachchintyate karmapaashaad{}dhR^idi nityaM mumukShubhiH .. 14..
maayayaa guNamayyaa tvam.h sR^ijasyavasi lumpasi .
jagattena na te lepa aanandaanubhavaatmanaH .. 15..
tathaa shuddhirna duShTaanaaM daanaadhyayanakarmabhiH .
shuddhaatmataa te yashasi sadaa bhaktimataaM yathaa .. 16..
atastavaa~Nghrirme dR^iShTashchittadoShaapanuttaye .
sadyo.antarhR^idaye nityaM munibhiH saatvatairvR^itaH .. 17..
brahmaadyaiH svaarthasiddh{}yarthamasmaabhiH pUrvasevitaH .
aparokShaanubhUtyarthaM j~naanibhirhR^idibhaavitaH .. 18..
tavaa~N{}ghripUjaanirmaalyatulasImaalayaa vibho .
spardhate vakShasi padaM labdhvaapi shrIH sapatnivat.h .. 19..
atastvatpaadabhakteShu tava bhaktiH shriyo.adhikaa .
bhaktimevaabhivaa~nChanti tvadbhaktaaH saaravedinaH .. 20..
atastvatpaadakamale bhaktireva sadaastu me .
sa.nsaaramayataptaanaaM bheShajaM bhaktireva te .. 21..
iti bruvantaM brahmaaNaM babhaaShe bhagavaan.h hariH .
kiM karomIti taM vedhaaH pratyuvaachaatiharShitaH .. 22..
bhagavan.h raavaNo naama paulastyatanayo mahaan.h .
raakShasanaamadhipatirmaddattavaradarpitaH .. 23..
trilokIM lokapaalaa.nshcha baadhate vishvabaadhakaH .
maanuSheNa mR^itistasya mayaa kalyANa kalpitaa .. 24..
atastvaM maanuSho bhUtvaa jahi devaripuM prabho .. 25..
          shrIbhagavaanuvaacha
kashyapasya varo dattastapasaa toShitena me .
yaachitaH putrabhaavaaya tathetya~NgIkR^itaM mayaa .
sa idaanIM dasharatho bhUtvaa tiShThati bhUtale .. 26..
tasyaahaM putrataametya kausalyaayaaM shubhe dine .
chaturdhaatmaanamevaahaM sR^ijaamItarayoH pR^ithak.h .. 27..
yogamaayaapi sIteti janakasya gR^ihe tadaa .
utpatsyate tayaa saardhaM sarvaM sampaadayaamyaham.h .
ityuk{}tvaantardadhe viShNurbrahmaa devaanathaabravIt.h .. 28..
          brahmovaacha
viShNurmaanuSharUpeNa bhaviShyati raghoH kule .. 29..
yUyaM sR^ijadhvaM sarve.api vaanareShva.nshasambhavaan.h .
viShNoH sahaayaM kuruta yaavatsthaasyati bhUtale .. 30..
iti devaansamaadishya samaashvaasya cha medinIm.h .
yayau brahmaa svabhavanaM vijvaraH sukhamaasthitaH .. 31..
devaashcha sarve harirUpadhaariNaH
      sthitaaH sahaayaarthamitastato hareH .
mahaabalaaH parvatavR^ikShayodhinaH
      pratIkShamaaNaa bhagavantamIshvaram.h .. 32..
iti shrImadadhyAtmarAmayaNe umAmaheshvarasa.nvAde
      bAlakANDe dvitIyaH sargaH .. 2..
\medskip\hrule\medskip
       .. adhyAtma rAmAyaNam.h ..
       .. bAla kANDam.h ..
       .. tR^itIyaH sargaH ..
          shrImahAdeva uvAcha
atha rAjA dasharathaH shrImaansatyaparaayaNaH .
ayodhyaadhipatirvIraH sarvalokeShu vishrutaH .. 1..
so.anapatyatvaduHkhena pIDito gurumekadaa .
vasiShThaM svakulaachaaryamabhivaadyedamabravIt.h .. 2..
svaaminputraa kathaM me syuH sarvalakShaNalakShitaH .
putrahInasya me rAjyaM sarvaM duHkhaaya kalpate .. 3..
tato.abravIdvasiShThastaM bhaviShyanti sutaastava .
chatvaaraH sattvasampannaa lokapaalaa ivaaparaaH .. 4..
shaantaabhartaaramaanIya R^iShyashru~NgaM tapodhanam.h .
asmaabhiH sahitaH putrakAmeShTiM shIghramaachara .. 5..
tatheti munimaanIya mantribhiH sahitaH shuchiH .
yaj~nakarma samaarebhe munibhirvItakalmaShaiH .. 6..
shraddhayaa hUyamaane.agnau taptajaambUnadaprabhaH .
paayasaM svarNapaatrasthaM gR^ihItvovaacha havyavaaT.h .. 7..
gR^ihANa pAyasaM divyaM putrIyaM devanirmitam.h .
lapsyase paramaatmaanaM putratvena na sa.nshayaH .. 8..
ityuktvaa paayasaM dattvaa raaj~ne so.antardadhe.analaH .
vavande munishaardUlau raajaa labdhamanorathaH .. 9..
vasiShThaR^iShyashru~Ngaabhyaamanuj~naato dadau havaH .
kausalyaayai sakaikeyyai ardhamardhaM prayatnataH .. 10..
tataH sumitraa sa.npraaptaa jagR^idh{}nuH pautrikaM charum.h .
kausalyaa tu svabhaagaardhaM dadau tasyai mudaanvitaa .. 11..
kaikeyI cha svabhaagaardhaM dadau prItisamanvitaH .
upabhujya charuM sarvaaH striyo garbhasamanvitaH .. 12..
devataa iva rejustaaH svabhaasaa raajamandire .
dashame maasi kausalyaa suShuve putramad{}bhutam.h .. 13..
madhumaase site pakShe navamyaaM karkaTe shubhe .
punarvasvR^ikShasahite uchchasthe grahapa~nchake .. 14..
meShaM pUShaNi sa.npraapte puShpavR^iShTisamaakule .
aaviraasIjjagannaathaH paramaatmaa sanaatanaH .. 15..
nIlotpaladalashyaamaH pItavaasaashchaturbhujaH .
jalajAruNanetraantaH sphuratkuNDalamaNDitaH .. 16..
sahasraarkapratIkaashaH kirITI ku~nchitaalakaH .
sha~NkhachakragadaapadmavanamaalaaviraajitaH .. 17..
anugrahaakhyahR^isthendusUchakasmitachandrikaH .
karuNaarasasampUrNanvishaalotpalalochanaH .
shrIvatsahaarakeyUranUpuraadivibhUShaNaH .. 18..
dR^iShTvaa taM paramaatmaanaM kausalyaa vismayaakulaa .
harShaashrupUrNanayanaa natvaa praa~njalirabravIt.h .. 19..
          kausalyovAcha
devadeva namaste.astu sha~Nkhachakragadaadhara .
paramaatmaachyuto.anantaH pUrNastvaM puruShottamaH .. 20..
vadantyagocharaM vaachaaM buddhyaadInaamatIndriyam.h .
tvaaM vedavaadinaH sattaamaatraM j~naanaikavigraham.h .. 21..
tvameva maayayaa vishvaM sR^ijasyavasi ha.nsi cha .
sattvaadiguNasa.nyuktasturya evaamalaH sadaa .. 22..
karoShIva na kartaa tvaM gachChasIva na gachChasi .
shR^iNoShi na shR^iNoShIva pashyasIva na pashyasi .. 23..
apramaaNo hyamanaaH shuddha ityaadi shR^itirabravIt.h .
samaH sarveShu bhUteShu tiShThannapi na lakShyase .. 24..
aj~naanadhvaantachittaanaaM vyakta eva sumedhasaam.h .
jaThare tava dR^ishyante brahmaaNDaaH paramaaNavaH .. 25..
tvaM mamodarasambhUta iti lokaanviDambase .
bhakteShu paaravashyaM te dR^iShTaM me.adya raghUttama .. 26..
sa.nsaarasaagare magnaa patiputradhanaadiShu .
bhramaami maayayaa te.adya paadamUlamupaagataa .. 27..
deva tvadrUpametanme sadaa tiShThatu maanase .
aavR^iNotu na maaM maayaa tava vishvavimohinI .. 28..
upasa.nhAra vishvaatmannado rUpamalaukikam.h .
darshayasva mahaanandabaalabhaavaM sukomalam.h .
lalitaali~NganaalaapaistariShyaamyutkaTaM tamaH .. 29..
          shrIbhagavaanuvaacha
yadyadiShThaM tavaastyamba tattadbhavatu naanyathaa .. 30..
ahaM tu brahmaNaa pUrvaM bhUmirbhaaraapanuttaye .
praarthito raavaNaM hantuM maanuShatvamupaagataH .. 31..
tvayaa dasharathenaahaM tapasaaraadhitaH puraa .
matputratvaabhikaa~NkShiNyaa kR^itamanindite .. 32..
rUpametattvayaa dR^iShTaM praaktanaM tapasaH phalam.h .
maddarshanaM vimokShaaya kalpate hyanyadurlabham.h .. 33..
sa.nvaadamaavayoryastu paThedvaa shR^iNuyaadapi .
sa yaati mama saarUpyaM maraNe matsmR^itiM labhet.h .. 34..
ityuktvaa maataraM raamo baalo bhUtvaa ruroda ha .
baalatve.apIndranIlaabho vishaalaakSho.atisundaraH .. 35..
baalaaruNapratIkaasho laalitaakhilalokapaH .
atha raajaa dasharathaH shrutvaa putrodbhavotsavam.h .
aanandaarNavamagno.asaavaayayau guruNaa saha .. 36..
raamaM raajIvapatraakShaM dR^iShTvaa harShaashrusa.nplutaH .
guruNaa jaatakarmaaNi kartavyaani chakaara saH .. 37..
kaikeyI chaatha bharatamasUta kamalekShaNaa .
sumitraayaaM yayau jaatau pUrNendusadR^ishaananau .. 38..
tadaa graamasahasraaNi braahmaNebhyo mudaa dadau .
suvarNaani cha ratnaani vaasaa.nsi surabhIH shubhaaH .. 39..
yasmin.h ramante munayo vidyayaa j~naanaviplave .
taM guruH praaha raameti ramaNaadraama ityapi .. 40..
bharaNaadbharato naama lakShmaNaM lakShaNaanvitaM .
shatrughnaM shatruhantaaramevaM gururabhaaShata .. 41..
lakShmaNo raamachandreNa shatrughno bharatena cha .
dvandvIbhUya charantau tau paayasaa.nshaanusaarataH .. 42..
raamastu lakShmaNenaatha vicharanbaalalIlayaa .
ramayaamaasa pitarau cheShTitairmugdhabhaaShitaiH .. 43..
bhaale svarNamayaashvatthaparNamuktaaphalaprabham .
kaNThe ratnamaNivraatamadhyadvIpinakhaa~nchitam.h .. 44..
karNayoH svarNasampannaratnaarjunasaTaalukam.h .
shi~njanamaNima~njIrakaTisUtraa~NgadairvR^itam .. 45..
smitavaktraalpadashanamindranIlamaNiprabham.h .
a~NgaNe ri~NgamaaNaM taM tarNakaananu sarvataH .
dR^iShTvaa dasharatho raajaa kausalyaa mumude tadaa .. 46..
bhokShyamaaNo dasharatho raamamehIti chaasakR^it.h .
aahvayatyatiharSheNa premNaa naayaati lIlayaa .. 47..
aanayeticha kausalyaamaaha saa sasmitaa sutam.h .
dhaavatyapi na shaknoti spraShTuM yogimanogatim.h .. 48..
prahasansvayamaayaati kardamaa~NkitapaaNinaa .
ki~nchid{}gR^ihItvaa kavalaM punareva palaayate .. 49..
kausalyaa jananI tasya maasi maasi prakurvatI .
baayanaani vichitraaNi samala~N{}kR^itya raaghavam.h .. 50..
apUpaanmodakaankR^itvaa karNashaShkulikaastathaa .
karNapUraa.nshcha vividhaan.h varShavR^iddhau cha vaayanam.h .. 51..
gR^ihakR^ityaM tayaa tyaktaM tasya chaapalyakaaraNaat.h .
ekadaa raghunaatho.asau gato maataramantike .. 52..
bhojanaM dehi me maatarna shR^itaM kaaryasaktayaa .
tataH krodhena bhaaNDaani laguDenaahanattadaa .. 53..
shikyasthaM paatayaamaasa gavyaM cha navanItakam.h .
lakShmaNaaya dadau raamo bharataaya yathaakramam.h .. 54..
shatrughnaaya dadau pashchaaddadhi dugdhaM tathaiva cha .
sUdena kathite maatre haasyaM kR^itvaa pradhaavati .. 55..
aagataaM taaM vilokyaatha tataH sarvaiH palaayitam.h .
kausalyaa dhaavamaanaapi praskhalantI pade pade .. 56..
raghunaadhaM kare dhR^itvaa ki~nchinnovaacha bhaaminI .
baalabhaavaM samaashritya mandaM mandaM ruroda ha .. 57..
te sarve laalitaa maatraa gaaDhamaali~Ngya yatnataH .
evamaanandasandohajagadaanandakaarakaH .. 58..
maayaabaalavapurdhR^itvaa ramayaamaasa dampatI .
atha kaalena te sarve kaumaaraM pratipedire .. 59..
upanItaa vasiShThena sarvavidyaavishaaradaaH .
dhanurvede cha nirataaH sarvashaastraarthavedinaH .. 60..
babhUvurjagataaM naatha lIlayaa nararUpiNaH .
lakShmaNastu sadaa raamamanugachChati saadaram.h .. 61..
sevyasevakabhaavena shatrughno bharataM tathaa .
raamashchaapadharo nityaM tUNIbaaNaanvitaH prabhuH .. 62..
ashvaarUDho vanaM yaati mR^igayaayai salakShmaNaH .
hatvaa duShTamR^igaansarvaanpitre sarvaM nyavedayat.h .. 63..
praatarutthaaya susnaataH pitaraavabhivaadya cha .
paurakaaryaaNi sarvaaNi karoti vinayaanvitaH .. 64..
bandhubhiH sahito nityaM bhuktvaa munibhiranvaham.h .
dharmashaastrarahasyaani shR^iNaati vyaakaroti cha .. 65..
evaM paraatmaa manujaavataaro manuShyalokaananusR^itya sarvam.h .
chakre.avikaarI pariNaamahIno vichaaryamaaNe na karoti ki~nchit.h .. 66..
iti shrImadadhyAtmarAmayaNe umAmaheshvarasa.nvAde
bAlakANDe tR^itIyaH sargaH .. 3..
\medskip\hrule\medskip
       .. adhyAtma rAmAyaNam.h ..
       .. bAla kANDam.h ..
       .. chaturthaH sargaH ..
          shrImahAdeva uvAcha
kadaachitkaushiko.abhyaagaadayodhyaaM jvalanaprabhaH .
draShTuM raamaM paraatmaanaM jaataM j~naatvaa svamaayayaa .. 1..
dR^iShT{}vaa dasharatho raajaa pratyutthaayaachireNa tu .
vasiShThena samaagamya pUjayitvaa yathaavidhi .. 2..
abhivaadya muniM raajaa praa~njalirbhaktinamradhIH .
kR^itaartho.asmi munIndraahaM tvadaagamanakaaraNaat.h .. 3..
tvadvidhaa yad{}gR^iham.h yaanti tatraivaayaanti sa.npadaH .
yadarthamaagato.asi tvaM brUhi satyaM karomi tat.h .. 4..
vishvaamitro.api taM prItaH pratyuvaacha mahIpatiH .
ahaM parvaNi sa.npraapte dR^iShTvaa yaShTuM suraanpitan.h .. 5..
yadaarabhe tadaa daityaa vighnaM kurvanti nityashaH .
maarIchashcha subaahushchaapare chaanucharaastayoH .. 6..
atastayorvadhaarthaaya jyeShThaM raamaM prayachCha me .
lakShmaNena saha bhraataa tava shreyo bhaviShyati .. 7..
vasiShThena sahaamantryaa dIyataaM yadi rochate .
paprachCha gurumekaante raajaa chintaaparaayaNaH .. 8..
kiM karomi guro raamaM tyaktuM notsahate mahaH .
bahuvarShasahasraante kaShTenotpaaditaaH sutaaH .. 9..
chatvaaro.amastulyaaste teShaaM raamo.ativallabhaH .
raamastvito gachChati chenna jIvaami katha~nchana .. 10..
pratyaakhyaato yadi muniH shaapaM daasyatyasa.nshayaH .
kathaM shreyo bhavenmahyamasatyaM chaapi na spR^ishet.h .. 11..
          vasiShTha uvAcha
shR^iNu raajandevaguhyaM gopanIyaM prayatnataH .
raamo na maanuSho jaataH paramaatmaa sanaatanaH .. 12..
bhUmerbhaaraavataaraaya brahmaNaa praarthitaH puraa .
sa eva jaato bhavane kausalyaayaaM tavaanagha .. 13..
tvaM tu prajaapatiH pUrvaM kashyapo brahmaNaH sutaH .
kausalyaa chaaditirdevamaataa pUrvaM yashasvinI .. 14..
bhavantau tapa ugraM vai tepaathe bahuvatsaram.h .
agraamyaviShayau viShNupUjaadhyaanaikatatparau .
tadaa prasanno bhagavaan.h varado bhaktavatsalaH .. 15..
vR^iNIShva varamityukte tvaM me putro bhavaamala .
iti tvayaa yaachito.asau bhagavaanbhUtabhaavanaH .. 16..
tathetyuktvaadya putraste jaato raamaH sa eva hi .
sheShastu lakShmaNo raajan.h raamamevaanvapadyate .. 17..
jaatau bharatashatrughnau sha~Nkhachakre gadaabhR^itaH .
yogamaayaapi sIteti jaataa janakanandinI .. 18..
vishvaamitro.api raamaaya taaM yojayitumaagataH .
etad{}guhyatamaM raajanna vaktavyaM kadaachana .. 19..
ataH prItena manasaa pUjayitvaatha kaushikam.h .
preShayasva ramaanaathaM raaghavaM sahalakShmaNam.h .. 20..
vasiShThenaivamuktastu raajaa dasharathastadaa .
kR^itakR^ityamivaatmaanaM mene pramuditaantaraH .. 21..
aahUya raamaraameti lakShmaNeti cha saadaram.h .
aali~Ng{}ya mUrdhnavaghraaya kaushikaaya samarpayat.h .. 22..
tato.atihR^iShTo bhagavaanvishvaamitraH prataapavaan.h .
aashIrbhirabhinandyaatha aagatau raamalakShmaNau .
gR^ihItvaa chaapatUNIrabaaNakhaDgadharau yayau .. 23..
ki~nchiddeshamatikramya raamamaahUya bhaktitaH .
dadau balaaM chaatibalaaM vidye dve devanirmite .. 24..
yayorgrahaNamaatreNa kShutkShaamaadi na jaayate .. 25..
tata uttIrya ga~NgaaM te taaTakaavanamaagaman.h .
vishvaamitrastadaa praaha raamaM satyaparaakramam.h .. 26..
atraasti taaTakaa naama raakShasI kAmarUpiNI .
baadhate lokamakhilaM jahi taamavichaarayan.h .. 27..
tatheti dhanuraadaaya saguNaM raghunandanaH .
Ta~Nkaaramakarottena shabdenaapUrayadvanam.h .. 28..
tachChR^itvaasahamaanaa saa taaTakaa ghorarUpiNI .
krodhasaMmUrchChitaa raamamabhidudraava meghavat.h .. 29..
taamekena shareNaashu taaDayaamaasa vakShasi .
papaata vipine ghoraa vamantI rudhiraM bahu .. 30..
tato.atisundarI yakShI sarvaabharaNabhUShitaa .
shaapaatpishaachataaM praaptaa muktaa raamaprasaadataH .. 31..
natvaa raamaM parikramya gataa raamaaj~nayaa divam.h .. 32..
tato.atihR^iShTaH parirabhya raamaM
	mUrdhanyavaghraaya vichintya ki~nchit.h .
sarvaastrajaalaM sarahasyamantraM
	prItyaabhiraamaaya dadau munIndraH .. 33..
iti shrImadadhyAtmarAmayaNe umAmaheshvarasa.nvAde
bAlakANDe chaturthaH sargaH .. 4..
\medskip\hrule\medskip
       .. adhyAtma rAmAyaNam.h ..
       .. bAla kANDam.h ..
       .. pa~nchamaH sargaH ..
          shrImahAdeva uvAcha
tatra kaamaashrame ramye kaanane munisa~Nkule .
uShitvaa rajanImekaaM prabhaate prasthitaaH shanaiH .. 1..
siddhaashramaM gataaH sarve siddhachaaraNasevitam.h .
vishvaamitreNa sa.ndiShTaa munayastannivaasinaH .. 2..
pUjaaM cha mahatIM chakrU raamalakShmaNayordhrutam.h .
shrIraamaH kaushikaM praaha mune dIkShaaM pravishyataam.h .. 3..
darshayasva mahaabhaaga kutastau raakShasaadhamau .
tathetyuktvaa muniryaShTumaarebhe munibhiH saha .. 4..
madhyaahne dadR^ishaate tau raakShasau kaamarUpiNau .
maarIchashcha subaahushcha varShantau rudhiraasthinii .. 5..
raamo.api dhanuraadaaya dvau baaNau sandadhe sudhIH .
aakarNaa.ntaM samaakR^iShya visasarja tayoH pR^ithak.h .. 6..
tayorekastu maarIchaM bhraamaya~nChatayojanam.h .
paatayaamaasa jaladhau tadadbhutamivaabhavat.h .. 7..
dvitIyo.agnimayo baaNaH subaahumajayatkShaNaat.h .
apare lakShamaNenaashu hataastadanuyaayinaH .. 8..
puShpaughairaakirandevaa raaghavaM sahalakShmaNam.h .
devadundubhayo nedustuShTuvaH siddhachaaraNaaH .. 9..
vishvaamitrastu saMpUjya pUjaarhaM raghunandanam.h .
a~Nke niveshya chaali~Ngya bhaktyaa baaShpaakulekShaNaH .. 10..
bhojayitvaa saha bhraatraa raamaM pakvaphalaadibhiH .
puraaNavaakyairmadhurairnirnaaya divasatrayam.h .. 11..
chaturthe.ahani saMpraapte kaushiko raamamabravIt.h .
raama raama mahaayaj~naM draShTuM gachChaamahe vayam.h .. 12..
videharaajanagare janakasya mahaatmanaH .
tatra maaheshvaraM chaapamasti nyastaM pinaakinaa .. 13..
drakShyasi tvaM mahaasattvaM pUjyase janakena cha .
ityuktvaa munibhistaabhyaaM yayau ga~NgaasamIpagam.h .. 14..
gautamasyaashramaM puNyaM yatraahalyaasthitaa tapaH .
divyapuShpaphalopetapaadapaiH pariveShTitam.h .. 15..
mR^igapakShigaNairhInaM naanaajantuvivarjitaM .
dR^iShTvovaacha muniM shrImaan.h raamo raajIvalochanaH .. 16..
kasyaitadaashramapadaM bhaati bhaasvachChubhaM mahat.h .
patrapuShpaphalairyuktaM jantubhiH parivarjitam.h .. 17..
aahlaadayati me cheto bhagavan.h brUhi tattvataH .. 18..
          vishvaamitra uvAcha
shR^iNu raama puraa vR^ittaM gautamo lokavishR^itaH .
sarvadharmabhR^itaaM shreShThastapasaaraadhayan.h harim.h .. 19..
tasmai brahmaa dadau kanyaamahalyaaM lokasundarIm.h .
brahmacharyeNa santuShTaH shushrUShaNaparaayaNaam.h .. 20..
tayaa saardhamihaavatsId{}gautamastapataaM varaH .
shakrastu taaM dharShayitumantaraM prepsuranvahaM .. 21..
kadaachinmuniveSheNa gautame nirgate gR^ihaat.h .
dharShayitvaatha niragaattvaritaM munirapyagaat.h .. 22..
dR^iShTvaa yaantaM svarUpeNa muniH paramakopanaH .
paprachCha kastvaM duShTaatman.h mama rUpadharo.adhamaH .. 23..
satyaM brUhi na chedbhasma kariShyaami na sa.nshayaH .
so.abravIddevaraajo.ahaM paahi maaM kaamaki~Nkaram.h .. 24..
kR^itaM jugupsitaM karma mayaa kutsitachetasaa .
gautamaH krodhataamraakShaH shashaapa divijaadhipam.h .. 25..
yonilampaTa duShTaatmansahasrabhagavaanbhava .
shatvaa taM devaraajaanaM pravishya svaashramaM dhR^itam.h .. 26..
dR^iShTvaahalyaaM vepamaanaaM praa~njaliM gautamo.abravIt.h .
duShTe tvaM tiShTha durvR^itte shilaayaamaashrame mama .. 27..
niraahaaraa divaaraatraM tapaH paramamaasthitaa .
aatapaanilavarShaadisahiShNuH parameshvaram.h .. 28..
dhyaayantI raamamekaagramanasA hR^idi sa.nsthitam.h .
naanaajantuvihIno.ayamaashramo me bhaviShyati .. 29..
evaM varShasahasreShu hyanekeShu gateShu cha .
raamo daasharathiH shrImaanaagamiShyati saanujaH .. 30..
yadaa tvadaashrayashilaaM paadaabhyaamaakramiShyati .
tadaiva dhUtapaapaa tvaM raamaM saMpUjya bhaktitaH .. 31..
parikramya namaskR^itya stutvaa shaapaadvimokShyase .
pUrvavanmama shushrUShaaM kariShyasi yathaasukham.h .. 32..
ityuktvaa gautamaH praagaaddhimavantaM nagottamam.h .
tadaadyahalyaa bhUtaanaamadR^ishyaa svaashraame shubhe .. 33..
tava paadarajaHsparshaM kaa~NkShate pavanaashanaa .
aaste.adyaapi raghushreShTha tapo duShkaramaasthitaa .. 34..
paavayasva munerbhaaryaamahalyaaM brahmaNaH sutaam.h .
ityuktvaa raaghavaM haste gR^ihItvaa munipu~NgavaH .. 35..
darshayaamaasa chaahalyaamugreNa tapasaa sthitam.h .
raamaH shilaaM padaa spR^iShTvaa taaM
                         chaapashyattapodhanaam.h .. 36..
nanaama raaghavo.ahalyaaM raamo.ahamiti chaabravIt.h .
tato dR^iShTvaa raghushreShThaM pItakausheyavaasasam.h .. 37..
chaturbhujaM sha~Nkhachakragadaapa~NkajadhaariNam.h .
dhanurbaaNadharaM raamaM lakShmaNena samanvitam.h .. 38..
smitavaktraM padmanetraM shrIvatsaa~NkitavakShasam.h .
nIlamaaNikyasa~NkaashaM dyotayantaM disho dasha .. 39..
dR^iShTvaa raamaM ramaanaathaM harShavisphaaritekShaNaa .
gautamasya vachaH smR^itvaa j~naatvaa naaraayaNaM varam.h .. 40..
saMpUjya vidhivadraamamarghyaadibhiraninditaa .
harShaashrujalanetraantaa daNDavatpraNipatya saa .. 41..
utthaaya cha punardR^iShTvaa raamaM raajIvalochanam.h .
pulakaa~Nkitasarvaa~Ngaa giraa gad{}gadayailata .. 42..
          ahalyovAcha
aho kR^itaarthaasmi jagannivaasa te
            paadaabjasa.nlagnarajaHkaNaadaham.h .
spR^ishaami yatpadmajasha.nkaraadibhirvimR^igyate
            randhitamaanasaiH sadaa .. 43..
aho vichitraM tava raama cheShTitaM
      manuShyabhaavena vimohitaM jagat.h .
chalasyajasraM charaNaadivarjitaH
      sampUrNa aanandamayo.atimaayikaH .. 44..
yatpaadapa~Nkajaparaagapavitragaatraa
      bhaagIrathI bhavaviri~nchimukhaanpunaati .
saakShaatsa eva mama dR^igviShayo yadaaste
      kiM varNyate mama puraakR^itabhaagadheyam.h .. 45..
martyaavataare manujaakR^itiM hariM
      raamaabhidheyaM ramaNIyadehinam.h .
dhanurdharaM padmavishaalalochanaM
      bhajaami nityaM na paraanbhajiShye .. 46..
yatpaadapa~NkajarajaH shrutibhirvimR^igyaM
      yannaabhipa~NkajabhavaH kamalaasanashcha .
yannaamasaararasiko bhagavaanpuraaristaM
      raamachandramanishaM hR^idi bhaavayaami .. 47..
yasyaavataaracharitaani viri~nchiloke
      gaayanti naaradamaavaa bhavapadmajaadyaaH .
aanandajaashrupariShiktakuchaagrasImaa
      vaagIshvarI cha tamahaM sharaNaM prapadye .. 48..
so.ayaM paraatmaa puruShaH puraaNaa
      ekaH svaya.njyotirananta aadyaH .
maayaatanuM lokavimohanIyaaM
      dhatte paraanugraha eSha raamaH .. 49..
ayaM hi vishvodbhavasa.nyamaanaamekaH
      svamaayaaguNabimbito yaH .
viri~nchiviShNvIshvaranaamabhedaan.h
      dhatte svatantraH paripUrNa aatmaa .. 50..
namo.astu te raama tavaa~Nghripa~NkajaM
      shriyaa dhR^itaM vakShasi laalitaM priyaat.h .
aakraantamekena jagattrayaM puraa
      dhyeyaM munIndrairabhimaanavarjitaiH .. 51..
jagataamaadibhUtastvaM jagattvaM jagadaashrayaH .
sarvabhUteShvasa.nyukta eko bhaati bhavaanparaH .. 52..
oMkaaravaachyastvaM raama vaachaamaviShayaH pumaan.h .
vaachyavaachakabhedena bhavaaneva jaganmayaH .. 53..
kaaryakaaraNakartR^itvaphalasaadhanabhedataH .
eko vibhaasi raama tvaM maayayaa bahurUpayaa .. 54..
tvanmaayaamohitadhiyastvaaM na jaananti tattvataH .
maanuShaM tvaabhimanyante maayinaM parameshvaram.h .. 55..
aakaashavattvaM sarvatra bahirantargato.amalaH .
asa~Ngo hyachalo nityaH shuddho buddhaH sadavyayaH .. 56..
yoShinmUDhaahamaj~naa te tattvaM jaane kathaM vibho .
tasmaatte shatasho raama namaskuryaamananyadhIH .. 57..
deva me yatra kutraapi sthitaayaa api sarvadaa .
tvatpaadakamale saktaa bhaktireva sadaastu me .. 58..
namaste puruShaadhyakSha namaste bhaktavatsala .
namaste.astu hR^iShIkesha naaraayaNa namo.astute .. 59..
bhavabhayaharamekaM bhaanukoTiprakaashaM
      karadhR^itasharachaapaM kaalameghaavabhaasam.h .
kanakaruchiravastraM ratnavatkuNDalaaDhyaM
      kamalavishadanetraM saanujaM raamamIDe .. 60..
stutvaivaM puruShaM saakShaadraaghavaM purataH sthitam.h .
parikramya praNamyaashu saanuj~naataa yayau patim.h .. 61..
ahalyayaa kR^itaM stotraM yaH paThedbhaktisa.nyutaH .
sa muchyate.akhilaiH paapaiH paraM brahmaadhigachChati .. 62..
putraadyarthe paThedbhaktyaa raamaM hR^idi nidhaaya cha .
sa.nvatsareNa labhate vandhyaa api suputrakam.h .. 63..
sarvaankaamaanavaapnoti raamachandraprasaadataH .. 64..
brahmaghno gurutalpago.api puruShaH steyI suraapo.api vaa
   maatR^ibhraatR^ivihi.nsako.api satataM bhogaikabaddhaaturaH .
nityaM stotramidaM japan.h raghupatiM bhaktyaa hR^idayasthaM
   smaran.h dhyaayanmuktimupaiti kiM punarasau
                            svaachaarayukto naraH .. 65..
iti shrImadadhyAtmarAmayaNe umAmaheshvarasa.nvAde bAlakANDe
   ahalyoddharaNaM naama pa~nchamaH sargaH .. 5..
\medskip\hrule\medskip
       .. bAla kANDam.h ..
       .. ShaShThaH sargaH ..
vishvaamitro.atha taM praaha raaghavaM sahalakShmaNam.h .
gachChaamo vatsa mithilaaM janakenaabhipaalitaam.h .. 1..
dR^iShTvaa kratuvaraM pashchaadayodhyaaM gantumarhasi .
ityuktvaa prayayau ga~NgaamuttartuM saharaaghavaH .
tasminkaale naavikena niShiddho raghunandanaH .. 2..
          naavika uvAcha
kShaalayaami tava paadapa~NkajaM naatha
		daarudR^iShadoH kimantaram.h .
maanuShIkaraNachUrNamasti te
		paadayoriti kathaa prathIyasI .. 3..
paadaambujaM te vimalaM hi kR^itvaa
	pashchaatparaM tIramahaM nayaami .
nochettarI sadyuvatI malena
	syaachchedvibho viddhi kuTambavaahaaniH .. 4..
ityuktvaa kShaalitau paadau paraM tIraM tato gataaH .
kaushiko raghunaathena sahito mithilaaM yayau .. 5..
videhasya puraM praatarR^iShivaaTaM samaavishat.h .
praaptaM kaushikamaakarNya janako.atimudaanvitaH .. 6..
pUjaadravyaaNi sa.ngR^ihya sopaadhyaayaH samaayayau .
daNDavatpraNipatyaatha pUjayaamaasa kaushikam.h .. 7..
paprachCha raaghavau dR^iShTvaa sarvalakShaNasa.nyutau .
dyotayantau dishaH sarvaashchandrasUryaavivaaparau .. 8..
kasyaitau narashaardUlau putrau devasutopamau .
manaHprItikarau me.adya naranaaraayaNaaviva .. 9..
pratyuvaacha muniH prIto harShayan.h janakaM tadaa .
putrau dasharathasyaitau bhraatarau raamalakShmaNau .. 10..
makhasa.nrakShaNaarthaaya mayaaniitau pituH puraat.h .
aagachChan.h raaghavo maarge taaTakaaM vishvaghaatinIm.h .. 11..
shareNaikena hatavaannodito me.ativikramaH .
tato mamaashramaM gatvaa mama yaj~navihi.nsakaan.h .. 12..
subaahupramukhaanhatvaa maarIchaM saagare.akShipat.h .
tato ga~NgaataTe puNye gautamasyaashramaM shubham.h .. 13..
gatvaa tatra shilaarUpaa gautamasya vadhUH sthitaa .
paadapa~Nkajasa.nsparshaatkR^itaa maanuSharUpiNI .. 14..
dR^iShTvaahalyaaM namaskR^itya tayaa samyakprapUjitaH .
idaanIM draShTakaamaste gR^ihe maaheshvaraM dhanuH .. 15..
pUjitaM raajabhiH sarvairdR^iShTamityanushushruve .
ato darshaya raajendra shaivaM chaapamanuttamam.h .
dR^iShTvaayodhyaaM jigamiShuH pitaraM draShTumichChati .. 16..
ityukto muninaa raajaa pUjaarhaaviti pUjayaa .
pUjayaamaasa dharmaj~no vidhidR^iShTena karmaNaa .. 17..
          janaka uvAcha
tataH sampreShayaamaasa mantriNaM buddhimattaram.h .
shIghramaanaya vishveshachaapaM raamaaya darshaya .. 18..
tato gate mantrivare raajaa kaushikamabravIt.h .
yadi raamo dhanurdhR^itvaa koTyaamaaropayedguNam.h .. 19..
tadaa mayaatmajaa sItaa dIyate raaghavaaya hi .
tatheti kaushiko.apyaaha raamaM sa.nvIkShya sasmitam.h .. 20..
shIghraM darshaya chaapaagryaM raamaayamitatejase .
evaM bruvati maunIshe aagataashchaapavaahakaaH .. 21..
chaapaM gR^ihItvaa balinaH pa~Nchasaahasrasa~NkhyakaaH .
ghaNTaashatasamaayuktaM maNivajraadibhUShitam.h .. 22..
darshayaamaasa raamaaya mantrI mantrayataaM varaH .
dR^iShTvaa raamaH prahR^iShTaatmaa baddhvaa parikaraM dR^iDham.h .. 23..
gR^ihItvaa vaamahastena lIlayaa tolayan.h dhanuH .
aaropayaamaasa guNaM pashyatsvakhilaraajasu .. 24..
IShadaakarShayaamaasa paaNinaa dakShiNena saH .
babha~njaakhilahR^itsaaro dishaH shabdena pUrayan.h .. 25..
dishashcha vidishashchaiva svargaM martyaM rasaatalam.h .
tadadbhutamabhUttatra devaanaaM divi pashyataam.h .. 26..
aachChaadayantaH kusumairdevaaH stutibhirIDire .
devadundubhayo nedurnanR^itushchaapsarogaNaaH .. 27..
dvidhaa bhagnaM dhanurdR^iShTvaa raajaali~Ngya raghUdvaham.h .
vismayaM lebhire sItaamaataro.antaHpuraajire .. 28..
sItaa svarNamayIM maalaaM gR^ihItvaa dakShiNe kare .
smitavaktraa svarNavarNaa sarvaabharaNabhUShitaa .. 29..
muktaahaaraiH karNapatraiH kvanachcharaNanUpuraa .
dukUlaparisa.nvItaa vastraantarvya~njitastanI .. 30..
raamasyopari nikShipya smayamaanaa mudaM yayau .
tato mumudire sarve raajadaaraaH svala~NkR^itam.h .. 31..
gavaakShajaalaranghrebhyo dR^iShTvaa lokavimohanam.h .
tato.abhavInmuniM raajaa sarvashaastravishaaradaH .. 32..
bho kaushika munishreShTha patraM preShaya satvaram.h .
raajaa dasharathaH shIghramaagachChatu saputrakaH .. 33.
vivaahaarthaM kumaaraaNaaM sadaaraH sahamantribhiH .
tatheti preShayaamaasa dUtaa.nstvaritavikramaan.h .. 34..
te gatvaa raajashaardUlaM raamashreyo nyavedayan.h .
shrutvaa raamakR^itaM raajaa harSheNa mahataaplutaH .. 35..
mithilaagamanaarthaaya tvarayaamaasa mantribhiH .
gachChantu mithilaaM sarve gajaashvarathapattayaH .. 36..
rathamaanaya me shIghraM gachChaamyadyaiva maa chiram.h .
vasiShThastvagrato yaatu sadaara sahito.agnibhiH .. 37..
raamamaataH samaadaaya munirme bhagavaan.h guruH .
evaM prasthaapya sakalaM raajarShirvipulaM ratham.h .. 38..
mahatyaa senayaa saardhamaaruhya tvarito yayau .
aagataM raaghavaM shrutvaa raajaa harShasamaakulaH .. 39..
pratyujjagaama janakaH shataanandapurodhasaa .
yathoktapUjayaa pUjyaM pUjayaamaasa satkR^itam.h .. 40..
raamastu lakShmaNenaashu vavande charaNau pituH .
tato hR^IShTo dasharatho raamaM vachanamabravIt.h .. 41..
diShTyaa pashyaamite raama mukhaM phullaambujopamam.h .
muneranugrahaatsarvaM sampannaM mama shobhanam.h .. 42..
ityktvaaghraaya mUrdhaanamaali~Ngya cha punaH punaH .
harSheNa mahataaviShTo brahmaanandaM gato yathaa .. 43..
tato janakaraajena mandire sanniveshitaH .
shobhane sarvabhogaaDhye sadaaraH sasutaH sukhI .. 44..
tataH shubhe dine lagne sumuhUrte raghUttamam.h .
aanayaamaasa dharmaj~no raamaM sabhraatR^ikaM tadaa .. 45..
ratnastambhasuvistaare sivitaane sutoraNe .
maNDape sarvashobhaaDhye muktaapuShpaphalaanvite .. 46..
vedavidbhiH susambaadhe braahmaNaiH svarNabhUShitaiH .
suvaasinIbhiH parito niShkakaNThIbhiraavR^ite .. 47..
bherIdundubhinirghoShairgItanR^ityaiH samaakule .
divyaratnaa~nchite svarNapIThe raamaM nyaveshayat.h .. 48..
vasiShThaM kaushikaM chaiva shataanandaH purohitaH .
yathaakramaM pUjayitvaa raamasyobhayapaarshvayoH .. 49..
sthaapayitvaa sa tatraagniM jvaalayitvaa yathaavidhi .
sItaamaanIya shobhaaDhyaaM naanaaratnavibhUShitaam.h .. 50..
sabhaaryo janakaH praayaadraamaM raajIvalochanam.h .
paadau prakShaalya vidhivattadapo mUrdhnyadhaarayat.h .. 51..
yaa dhR^itaa mUrdhni sharveNa brahmaNaa munibhiH sadaa .
tataH sItaaM kare dhR^itvaa saakShatodakapUrvakam.h .. 52..
raamaaya pradadau prItyaa paaNigrahavidhaanataH .
sItaa kamalapatraakShI svarNamuktaadibhUShitaa .. 53..
dIyate me sutaa tubhyaM prIto bhava raghUttama .
iti prItena manasaa sItaaM raamakare.arpayan.h .. 54..
mumoda janako lakShmIM kShIraabdhiriva viShNave .
urmilaaM chaurasIM kanyaaM lakShmaNaaya dadau mudaa .. 55..
tathaiva shrutikIrtiM cha maaNDavIM bhraatR^ikanyake .
bharataaya dadaavekaaM shatrughnaayaaparaaM dadau .. 56..
chatvaaro daarasampannaa bhraataraH shubhalakShaNaaH .
virejuH prajayaa sarve lokapaalaa ivaapare .. 57..
tato.abravIdvasiShThaaya vishvaamitraaya maithilaH .
janakaH svasutodantaM naaradenaabhibhaaShitam.h .. 58..
yaj~nabhUmivishuddhyarthaM karShato laa~Ngalena me .
sItaamukhaatsamutpannaa kanyakaa shubhalakShaNaa .. 59..
taamadraakShamahaM prItyaa putrikaabhaavabhaavitaam.h .
arpitaa priyabhaaryaayai sharachchandranibhaananaa .. 60..
ekadaa naarado.abhyaagaadvivikte mayi sa.nsthite .
raNayanmahatIm.h vINaaM gaayannaraayaNaM vibhum.h .. 61..
pUjitaH sukhamaasIno maamuvaacha sukhaanvitaH .
shR^iNuShva vachanaM guhyaM tavaabhyudayakaaraNam.h .. 62..
paramaatmaa hR^iShIkesho bhaktaanugrahakaamyayaa .
devakaaryaarthasiddhyarthaM raavaNasya vadhaaya cha .. 63..
jaato raama iti khyaato maayaamaanuShaveShadhR^ik.h .
aaste daasharathirbhUtvaa chaturdhaa parameshvaraH .. 64..
yogamaayaapi sIteti jaataa vai tava veshmani .
atastvaM raaghavaayaiva dehi sItaaM prayatnataH .. 65..
naanyebhyaH pUrvabhaaryaiShaa raamasya paramaatmanaH .
ityuktvaa prayayau devagatiM devamunistadaa .. 66..
tadaarabhya mayaa sItaa viShNorlakShmIrvibhaavyate .
kathaM mayaa raaghavaaya dIyate jaanakI shubhaa .. 67..
iti chintaasamaaviShTaH kaaryamekamachintayam.h .
matpitaamahagehe tu nyaasabhUtamidaM dhanuH .. 68..
IshvareNa puraa kShiptaM puradaahaadanantaram.h .
dhanuretatpaNaM kaaryamiti chintya kR^itaM tathaa .. 69..
sItaapaaNigrahaarthaaya sarveShaaM maananaashanam.h .
tvatprasaadaanmunishreShTha raamo raajIvalochanaH .. 70..
aagato.atra dhanurdraShTuM phalito me manorathaH .
adya me saphalaM janma raama tvaaM saha sItayaa .. 71..
ekaasanasthaM pashyaami bhraajamaanaM raviM yathaa .. 72..
tvatpaadaambudharo brahmaa sR^iShTichakrapravartakaH .
balistvatpaadasalilaM dhR^itvaabhUddivijaadhipaH .. 73..
tvatpaadapaa.nsus.nsparshaadahalyaa bhartR^ishaapataH .
sadya eva vinirmuktaa ko.anyastvatto.adhirakShitaa .. 74..
yatpaadapa~NkajaparaagasuraagayogivR^indairjitaM
	bhavabhayaM jitakaalachakraiH .
yannamakIrtanaparaa jitaduHkhashokaa devaastameva
	sharaNaM satataM prapadye .. 75..
iti stutvaa nR^ipaH praadaadraaghavaaya mahaatmane .
dInaaraaNAM koTishataM rathaanaamayutaM tadaa .. 76..
ashvaanaaM niyutaM praadaadgajaanaaM ShaTshataM tathaa .
pattInAM lakShamekaM tu daasInAM trishataM dadau .. 77..
divyaambaraaNi haraa.nsha muktaaratnamayojjvalaan.h .
sItAyai janakaH praadaatprItyaa duhitR^ivatsalaH .. 78..
vasiShThaadInsusa.npUjya bharataM lakShmaNaM tathaa .
pUjayitvaa yathaanyaayaM tathaa dasharathaM nR^ipan.h .. 79..
prasthaapayaamaasa nR^ipo raajaanaM raghusattamam.h .
sItaamaali~Ngya rudatIM maataraH saashrulochanaaH .. 80..
shvashrUshushrUShaNaparaa nityaM raamamanuvrataa .
paativratyamupaalambya tiShTha vatse yathaa sukham.h .. 81..
prayaaNakaale raghunandanasya bherImR^ida~NgaanakatUryaghoShaH .
svarvaasibherIghanatUryashabdaiH sa.nmUrchChito
			bhUtabhaya~Nkaro.abhUt.h .. 82..
iti shrImadadhyAtmarAmayaNe umAmaheshvarasa.nvAde
   bAlakANDe ShaShThaH sargaH .. 6..
\medskip\hrule\medskip
       .. bAla kANDam.h ..
       .. saptamaH sargaH ..
atha gachChati shrIraame maithilaadyojanatrayam.h .
nimittaanyatighoraaNi dadarsha nR^ipasattamaH .. 1..
natvaa vasiShThaM paprachCha kimidaM munipu~Ngava .
nimittaanIha dR^ishyante viShmaaNi samantataH .. 2..
vasiShTastamatha praaha bhayamaagaami sUchyate .
purapyabhayaM te.adya shIghrameva bhaviShyati .. 3..
mR^igaaH pradakShiNaM yaanti pashya tvaaM shubhasUchakaaH .
ityevaM vadatastathaa vavau ghorataro.anilaH .. 4..
muShNa.nshchakShU.nShi sarveShaaM paa.nsuvR^iShTibhirardayan.h .
tato vrajandadarshaagre tejoraashimupasthitam.h .. 5..
koTisUryapratIkaashaM vidyutpu~njasamaprabham.h .
tejoraashiM dadarshaatha jamadagnyaM prataapavaan.h .. 6..
nIlameghanibhaM praa.nshuM jaTaamaNDalamaNDitam.h .
dhanuH parashupaaNiM cha saakShaatkaalamivaantakam.h .. 7..
kaartavIryaantakaM raamaM dR^iptakShatriyamardanam.h .
praaptaM dasharathasyaagre kaalamR^ityumivaaparam.h .. 8..
taM dR^iShTvaa bhayasantrasto raajaa dasharathastadaa .
arghyaadipUjaaM vismR^itya traahi traahIti chaabravIt.h .. 9..
daNDavatpraNipatyaaha putrapraaNaM prayachCha me .
iti bruvantaM raajaanamanaadR^itya raghUttamam.h .. 10..
uvaacha niShThuraM vaakyaM krodhaatprachalitendriyaH .
tvaM raama iti naamnaa me charasi kShatriyaadhama .. 11..
dvandvayuddhaM prayachChaashu yadi tvaM kShatriyo.asi vai .
puraaNaM jarjaraM chaapaM bha~Nktvaa tvaM kathyase mudhaa .. 12..
asmi.nstu vaiShNave chaape aaropayasi chedguNam.h .
tadaa yuddhaM tvayaa saardhaM karomi raghuva.nshaja .. 13..
no chetsarvaanhaniShyaami kShatriyaantakarohyaham.h .
iti bruvati vai tasmi.nshchaala vasudhaa bhR^isham.h .. 14..
andhakaaro babhUvaatha sarveShaamapi chakShuShaam.h .
raamo daasharathirvIro vIkShya taM bhaargavaM ruShaa .. 15..
dhanuraachChidya taddhastaadaatopya guNama~njasaa .
tUNIraadbaaNamaadaaya sa.ndhaayaakR^iShya vIryavaan.h .. 16..
uvaacha bhaargavaM raamaM shR^iNu brahmanvacho mama .
lakShyaM darshaya baaNasya hyamogho mama saayakaH .. 17..
lokaanpaadayugaM vaapi vada shIghraM mamaaj~nayaa .
ayaM lokaH paro vaatha tyayaa gantuM na shakyate .. 18..
evaM tvaM hi prakartavyaM vada shIghraM mamaaj~nayaa .
evaM vadati shrIraame bhaargavo vikR^itaananaH .. 19..
sa.nsmaranpUrvavR^ittaantamidaM vachanamabravIt.h .
raama raama mahaabaaho jaane tvaaM parameshvaram.h .. 20..
puraaNapuruShaM viShNuM jagatsargalayodbhavam.h .
baalye.ayaM tapasaa viShNumaaraadhayituma~njasaa .. 21..
chakratIrthaM shubhaM gatvaa tapasaa viShNumanvaham.h .
atoShayaM mahaatmaanaM naaraayaNamananyadhIH .. 22..
tataH prasanno deveshaH sha~NkhachakragadaadharaH .
uvaacha maaM raghushreShTha prasannamukhapa~NkajaH .. 23..
          shrIbhagavaanuvaacha
uttiShTha tapaso brahmanphalitaM te tapo mahat.h .
machchida.nshena yuktastvaM jahi haihayapu~Ngavam.h .. 24..
kaartavIryaM pitR^ihaNaM yadarthaM tapasaH shramaH .
tatastriHsaptakR^itvastvaM hatvaa kShtriyamaNDalam.h .. 25..
kR^itsanaaM bhUmiM kashyapaaya dattvaa shaantimupaavaha .
tretaamukhe daasharathirbhUtvaa raamo.ahamavyahaH .. 26..
utpatsye parayaa shaktyaa tadaa drakShyasi maaM tataH .
mattejaH punaraadaasye tyayi dattaM mayaa puraa .. 27..
tadaa tapashchara.nlloke tiShTha tvaM brahmaNo dinam.h .
ityuktvaantardadhe devastathaa sarvaM kR^itaM mayaa .. 28..
sa eva viShNustvaM raama jaato.asi brahmaNaarthitaH .
mayi sthitaM tu tvattejastvayaiva punaraahR^itam.h .. 29..
adya me saphalaM janma pratIto.asi mama prabho .
brahmaadibhiralabhyastvaM prakR^iteH paarago mataH .. 30..
tyayi janmaadiShaDbhaavaa na santyaj~naanasa.nbhavaaH .
nirvikaaro.asi pUrNastvaM gamanaadivivarjitaH .. 31..
yathaa jale phenajaalaM dhUmo vahnau tathaa tyayi .
tvadaadhaaraa tvadviShayaa maayaa kaaryaM sR^ijatyaho .. 32..
yaavanmaayaavR^itaa lokaastaavattvaaM na vijaanate .
avichaaritasiddhaiShaavidyaa vidyaavirodhinI .. 33..
avidyaakR^itadehaadisa~Nghaate pratibimbitaa .
chichChaktirjIvaloke.asmin.h jIva ityabhidhIyate .. 34..
yaavaddehamanaH praaNabuddhyaadiShvabhimaanavaan.h .
taavatkartR^itvabhoktR^itvasukhaduHkhaadibhaagbhavet.h .. 35..
aatmanaHsa.nsR^itirnaasti buddherj~naanaM na jaatviti .
avivekaad{}dvyayaM yu~Nktvaa sa.nsaarIti pravartate .. 36..
jaDasya chitsamaayogaachchittvaM bhUyaachchitestathaa .
jaDasa~NgaajjaDatvaM hi jalaagnyormelanaM yathaa .. 37..
yaavattvatpaadabhaktaanaaM sa~NgasaukhyaM na vindati .
taavats.nsaaraduHkhaughaanna nivartennaraH sadaa .. 38..
tatsa~Ngalabdhayaa bhaktyaa yadaa tvaaM samupaasate .
tadaa maayaa shanairyaati taanavaM pratipadyate .. 39..
tatastvajj~naanasampannaH sadgurustena labhyate .
vaakyaj~naanaM gurorlabdhvaa tvatprasaadaadvimuchyate .. 40..
tasmaattvadbhaktihInaanaaM kalpakoTishatairapi .
na muktisha~Nkaa vij~naanasha~Nkaa naiva sukhaM tathaa .. 41..
atastvatpaadayugale bhaktirme janma janmani .
syaattvadbhaktimataaM sa~Ngo.avidyaa
			yaabhyaaM vinashyati .. 42..
loke tvadbhaktinirataastvaddharmaamR^itavarShiNaH .
punanti lokamakhilaM kiM punaH svakulodbhavaan.h .. 43..
namo.astu jagataaM naatha namaste bhaktibhaavana .
namaH kaaruNikaananta raamachandra namo.astu te .. 44..
deva yadyatkR^itaM puNyaM mayaa lokajigIShayaa .
tatsarvaM tava baaNaaya bhUyaadraama namo.astu te .. 45..
tataH prasanno bhagavaan.h shrIraamaH karuNaamayaH .
prasanno.asmi tava brahmanyatte manasi vartate .. 46..
daasye tadakhilaM kaamaM maa kuruShvaatra sa.nshayam.h .
tataH prItena manasaa bhaargavo raamamabravIt.h .. 47..
yadi me.anugraho raama tavaasti madhusUdana .
tvadbhaktasa~Ngastvatpaade dR^iDhaa bhaktiH sadaastu me .. 48..
stotrametatpaThedyastu bhaktihIno.api sarvadaa .
tvadbhaktistasya vij~naanaM bhUyaadante smR^itistava .. 49..
tatheti raaghaveNoktaH parikramya praNamya tam.h .
pUjitastadanuj~naato mahendraachalamanvagaat.h .. 50..
rajaa dasharatho hR^iShTo raamaM mR^itamivaagatam.h .
aali~Ngyaali~Ngya harSheNa netraabhyaaM jalamutsR^ijat.h .. 51..
tataH prItena manasaa svasthachittaH puraM yayau .
raamalakShmaNashatrughnabharataa devasaMmitaaH .. 52..
svaaM svaaM bharyaamupaadaaya remire svasvamandire .
maataapitR^ibhyaaM sa.nhR^iShTo raamaH sItaasamanvitaH .
reme vaikuNThabhavane shriyaa saha yathaa hariH .. 53..
yudhaajinnaama kaikeyIbhraataa bharatamaatulaH .
bharataM netumaagachChatsvaraajyaM prItisa.nyutaH .. 54..
preShayaamaasa bharataM raajaa snehasamanvitaH .
shatrughnaM chaapi saMpUjya yudhaajitamarindamaH .. 55.
kausalyaa shushubhe devI raameNa saha sItayaa .
devamaateva paulomyaa shachyaa shakreNa shobhanaa .. 56..
saakete lokanaathaprathitaguNagaNo
  lokasa~NgItakIrtiH shrIraamaH
     sItayaaste.akhilajananikaraanandasandohamUrtiH .
nityashrIrnirvikaaro niravadhivibhavo
  nityamaayaaniraaso maayaakaaryaanusaarI
     manuja iva sadaa bhaati devo.akhileshaH .. 57..
iti shrImadadhyAtmarAmayaNe umAmaheshvarasa.nvAde
   bAlakANDe sapthamaH sargaH .. 7..
##
\medskip\hrule\medskip
Encoded by Nagaraj Balijepalli nagaraj@iastate.edu
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}