%@@1
% File name             : adhyaatmaRamkiShkindhA.itx
%--------------------------------------------
% Text title            : adhyaatma raamaayaNa kiShkindhA kANDa
% Author                : Shri Veda Vyas
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas underscore bhide at yahoo.com
% Proofread by          : Vishwas Bhide vishwas underscore bhide at yahoo.com
% Latest update         : July 22, 2006
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. adhyAtmarAmAyaNe kiShkindhAkANDam.h ..}##
\itxtitle{.. adhyAtmarAmAyaNe kiShkindhAkANDam.h ..}##\endtitles##
.. atha adhyAtmarAmAyaNe kiShkindhAkANDam ..
        .. prathamaH sargaH ..

shrImahAdeva uvAca .
tataH salaxmaNo rAmaH shanaiH pampAsarastaTam .
Agatya sarasAM shreShThAM dR^iShTvA vismayamAyayau .. 1 ..
kroshapAtraM suvistIrNamagAdhAmalashambaram .
utphullAmbujakahlArakumudotpalamaNDitam .. 2 ..
haMsakAraNDavAkIrNaM cakravAkAdishobhitam .
jalakukkuTakoyaShTikrau~ncanAdopanAditam .. 3 ..
nAnApuShpalatAkIrNaM nAnAphalasamAvR^itam .
satAM manaHsvacChajalaM padmaki~njalkavAsitam .. 4 ..
tatropaspR^ishya salilaM pItvA shramaharaM vibhuH .
sAnujaH sarasastIre shItalena pathA yayau .. 5 ..
R^iShyamUkagireH pArshve gacChantau rAmalaxmaNau .
dhanurbANakarau dAntau jaTAvalkalamaNDitau .
pashyantau vividhAnvR^ixAn gireH shobhAM suvikramau .. 6 ..
sugrIvastu girermUrdhni caturbhiH saha vAnaraiH .
sthitvA dadarsha tau yAntAvAruroha gireH shiraH .. 7 ..
bhayAdAha hanUmantaM kau tau vIravarau sakhe .
gacCha jAnIhi bhadraM te vaTurbhUtvA dvijAkR^itiH .. 8 ..
vAlinA preShitau kiMvA mAM hantuM samupAgatau .
tAbhyAM sambhAShaNaM kR^itvA jAnIhi hR^idayaM tayoH .. 9 ..
yadi tau duShTahR^idayau saMdnyAM kuru karAgrataH .
vinayAvanato bhUtvA evaM jAnIhi nishcayam .. 10 ..
tatheti vaTurUpeNa hanumAn samupAgataH .
vinayAvanato bhUtvA rAmaM  natvedamabravIt .. 11 ..
kau yuvAM puruShavyAghrau yuvAnau vIrasammatau .
dyotayantau dishaH sarvAH prabhayA bhAskarAviva .. 12 ..
yuvAM trailokyakartArAviti bhAti mano mama .
yuvAM pradhAnapuruShau jagaddhetu jaganmayau .. 13 ..
mAyayA mAnuShAkArau carantAviva lIlayA .
bhUbhAraharaNArthAya bhaktAnAM pAlanAya ca .. 14 ..
avatIrNAviha parau carantau xatriyAkR^itI .
jagatsthitilayau sargaM lIlayA kartumudyatau .. 15 ..
svatan{}trau prerakau sarvahR^idayasthAviheshvarau .
naranArAyaNau loke carantAviti me matiH .. 16 ..
shrIrAmo laxmaNaM prAha pashyainaM vaTurUpiNam .
shabdashAstramasheSheNa shrutaM nUnamanekadhA .. 17 ..
anena bhAShitaM kR^itsnaM na ki~ncidapashabditam .
tataH prAha hanUmantaM rAghavo dnyAnavigrahaH .. 18 ..
ahaM dAsharathI rAmastvayaM me laxmaNo.anujaH .
sItayA bhAryayA sArdhaM piturvacanagauravAt .. 19 ..
Agatastatra vipine sthito.ahaM daNDake dvija .
tatra bhAryA hR^itA sItA raxasA kenacinmama .
tAmanveShTumihAyAtau tvaM ko vA kasya vA vada .. 20 ..
vaTuruvAca .
sugrIvo nAma rAjA yo vAnarANAM mahAmatiH .
caturbhirman{}tribhiH sArdhaM girimUrdhani tiShThati .. 21 ..
bhrAtA kaniyAn sugrIvo vAlinaH pApacetasaH .
tena niShkAsito bhAryA hR^itA tasyeha vAlinA .. 22 ..
tad{}bhayAdR^iShyamUkAkhyaM girimAshritya saMsthitaH .
ahaM sugrIvasacivo vAyuputro mahAmate .. 23 ..
hanumAnnAma vikhyAto hya~njanIgarbhasambhavaH .
tena sakhyaM tvayA yuktaM sugrIveNa raghUttama .. 24 ..
bhAryApahAriNaM hantuM sahAyaste bhaviShyati .
idanImeva gacChAma AgacCha yadi rocate .. 25 ..
shrIrAma uvAca .
ahamapyAgatastena sakhyaM kartuM kapIshvara .
sakhyustasyApi yatkAryaM tatkariShyAmyasaMshayam .. 26 ..
hanumAn svasvarUpeNa sthito rAmamathAbravIt .
ArohatAM mama skandhau gacChAmaH parvatopari .. 27 ..
yatra tiShThati sugrIvo man{}tribhirvAlino bhayAt .
tatheti tasyAruroha skandhaM rAmo.atha laxmaNaH .. 28 ..
utpapAta girermUrdhni xaNAdeva mahAkapiH .
vR^ixacChAyAM samAshritya sthitau tau rAmalaxmaNau .. 29 ..
hamumAnapi sugrIvamupagamya kR^itA~njaliH .
vyetu te bhayamAyAtau rAjan shrIrAmalaxmaNau .. 30 ..
shIghramuttiShTha rAmeNa sakhyaM te yojitaM mayA .
agniM sAxiNamAropya tena sakhyaM drutaM kuru .. 31 ..
tato.atiharShAtsugrIvaH samAgamya raghUttamam .
vR^ixashAkhAM svayaM ChitvA viShTarAya dadau mudA .. 32 ..
hanUmA.NllaxmaNAyAdAtsugrIvAya ca laxmaNaH .
harSheNa mahatAviShTAH sarva evAvatasthire .. 33 ..
laxmaNastvabravItsarvaM rAmavR^ittAntamAditaH .
vanavAsAbhigamanaM sItAhareNameva ca .. 34 ..
laxmaNoktaM vacaH shrutvA sugrIvo rAmamabravIt .
ahaM kariShye rAjendra sItAyAH parimArgaNam .. 35 ..
sahAyyamapi te rAma kariShye shatrughAtinaH .
shrR^iNu rAma mayA dR^iShTaM ki~ncitte kathayAmyaham .. 36 ..
ekadA man{}tribhiH sArdhaM sthito.ahaM girimUrdhani .
vihAyasA nIyamAnAM kenacitpramadottamAm .. 37 ..
kroshantIM rAmarAmeti dR^iShTvAsmAnparvatopari .
AmucyAbharaNAnyAshu svottarIyeNa bhAminI .. 38 ..
nirIxyAdhaH parityajya kroshantI tena raxasA .
nItAhaM bhUShaNAnyAshu guhAyAmaxipaM prabho .. 39 ..
idAnImapi pashya tvaM jAnIhi tava vA na vA .
ityuk{}tvAnIya rAmAya darshayAmAsa vAnaraH .. 40 ..
vimucya rAmastad{}dR^iShTvA hA sIteti muhurmuhuH .
hR^idi nixipya tatsarvaM ruroda prAkR^ito yathA .. 41 ..
ashvAsya rAghavaM bhrAtA laxmaNo vAkyamabravIt .
acireNaiva te rAma prApyate jAnakI shubhA .
vAnarendrasahAyena hatvA rAvaNamAhave .. 42 ..
sugrIvo.apyAha he rAma pratidnyAM karavANi te .
samare rAvaNaM hatvA tava dAsyAmi jAnakIm .. 43 ..
tato hanUmAnprajvAlya tayoragniM samIpataH .
tAvubhau rAmasugrIvAvagnau sAxiNi tiShThati .. 44 ..
bAhU prasArya cAli~N{}gya parasparamakalmaShau .
samIpe raghunAthasya sugrIvaH samupAvishat .. 45 ..
svodantaM kathayAmAsa praNayAdraghunAyake .
sakhe shrR^iNu mamodantaM vAlinA yatkR^itaM purA .. 46 ..
mayaputro.atha mAyAvI nAmnA paramadurmadaH .
kiShkindhAM samupAgatya vAlinaM samupAhvayat .. 47 ..
siMhanAdena mahatA vAlI tu tadamarShaNaH .
niryayau krodhatAmrAxo jaghAna dR^iDhamuShTinA .. 48 ..
dudrAva tena saMvigno jagAma svaguhAM prati .
anududrAva taM vAlI mAyAvinamahaM tathA .. 49 ..
tataH praviShTamAlokya guhAM mAyAvinaM ruShA .
vAlI mAmAha tiShTha tvaM bahirgacChAmyahaM guhAm .
ityuk{}tvAvishya sa guhAM mAsamekaM na niryayau .. 50 ..
mAsAdUrdhvaM guhAdvArAnnirgataM rudhiraM bahu .
tad{}dR^iShTvA paritaptA~N{}go mR^ito vAlIti duHkhitaH .. 51 ..
guhAdvAri shilAmekAM nidhAya gR^ihamAgataH .
tato.abravaM mR^ito vAlI guhAyAM raxasA hataH .. 52 ..
tacChrutvA duHkhitAH sarve mAmanicChantamapyuta .
rAjye.abhiShecanaM cakruH sarve vAnaraman{}triNaH .. 53 ..
shiShTaM tadA mayA rAjyaM ki~ncitkAlamarindama .
tataH samAgato vAlI mAmAha paruShaM ruShA .. 54 ..
bahudhA bhartsayitvA mAM nijaghAna ca muShTibhiH .
tato nirgatya nagarAdadhAvaM parayA bhiyA .. 55 ..
lokAn sarvAnparikramya R^iShyamUkaM samAshritaH .
R^iSheH shApabhayAtso.api nAyAtImaM giriM prabho .. 56 ..
tadAdi mama bhAryAM sa svayaM bhu~N{}kte vimUDhadhIH .
ato duHkhena santapto hR^itadAro hR^itAshrayaH .. 57 ..
vasAmyadya bhavatpAdasaMsparshAtsukhito.asmyaham .
mitraduHkhena santapto rAmo rAjIvalocanaH .. 58 ..
haniShyAmi tava dveShyaM shIghraM bhAryApahAriNam .
iti pratidnyAmakarotsugrIvasya purastadA .. 59 ..
sugrIvo.apyAha rAjendra vAlI balavatAM balI .
kathaM haniShyati bhavAndevairapi durAsadam .. 60 ..
shrR^iNu te kathayiShyAmi tadbalaM balinAM vara .
kadAciddundubhirnAma mahAkAyo mahAbalaH .. 61 ..
kiShkindhAmagamadrAma mahAmahiSharUpadhR^ik .
yuddhAya vAlinaM rAtrau samAhvayata bhIShaNaH .. 62 ..
tacChrutvAsahamAno.asau vAlI paramakopanaH .
mahiShaM shrR^i~N{}gayordhR^itvA pAtayAmAsa bhUtale .. 63 ..
pAdenaikena tatkAyamAkramyAsya shiro mahat .
hastAbhyAM bhrAmayaMshChittvA tolayitvAxipadbhuvi .. 64 ..
papAta tacChiro rAma mAta~N{}gAshramasannidhau .
yojanAtpatitaM tasmAnmunerAshramamaNDale .. 65 ..
raktavR^iShTiH papAtoccairdR^iShTvA tAM krodhamUrcChitaH .
mAta~N{}go vAlinaM prAha yadyAgantAsi me girim .. 66 ..
itaH paraM bhagnashirA mariShyasi na saMshayaH .
evaM shaptastadArabhya R^iShyamUkaM na yAtyasau .. 67 ..
etajdnyAtvAhamapyatra vasAmi bhayavarjitaH .
rAma pashya shirastasya dundubheH parvatopamam .. 68 ..
tatxepaNe yadA shaktaH shaktastvaM vAlino vadhe .
ityuk{}tvA darshayAmAsa shirastad{}girisannibham .. 69 ..
dR^iShTvA rAmaH smitaM kR^itvA pAdA~N{}guShThena cAxipat .
dashayojanaparyantaM tadadbhUtamivAbhavat .. 70 ..
sAdhu sAdhviti samprAha sugrIvo man{}tribhiH saha .
punarapyAha sugrIvo rAmaM bhaktaparAyaNam .. 71 ..
ete tAlA mahAsArAH sapta pashya raghUttama .
ekaikaM cAlayitvAsau niShpatrAnkurute.a~njasA .. 72 ..
yadi tvamekabANena vid{}dhvA ChidraM karoShi cet .
hatastvayA tadA vAlI vishvAso me prajAyate .
tatheti dhanurAdAya sAyakaM tatra sandadhe .. 73 ..
bibheda ca tadA rAmaH sapta tAlAnmahAbalaH .
tAlAnsapta vinirbhidya giriM bhUmiM ca sAyakaH .. 74 ..
punarAgatya rAmasya tUNIre pUrvavatsthitaH .
tato.apiharShAtsugrIvo rAmamAhAtivismitaH .. 75 ..
deva tvaM jagatAM nAthaH paramAtmA na saMshayaH .
matpUrvakR^itapuNyaughaiH sa~N{}gatodya mayA saha .. 76 ..
tvAM bhajanti mahAtmAnaH saMsAravinivR^ittaye .
tvAM prApya moxasacivaM prArthaye.ahaM kathaM bhavam .. 77 ..
dArAH putrA dhanaM rAjyaM sarvaM tvanmAyayA kR^itam .
ato.ahaM devadevesha nAkA~Nxe.anyatprasIda me .. 78 ..
AnaMdAnubhavaM tvAdya prAptohaM bhAgyagauravAt .
mR^idarthaM yatamAnena nidhAnamiva satpate .. 79 ..
anAdyavidyAsaMsiddhaM bandhanaM Chinnamadya naH .
yadnyadAnatapaH karmapUrteShTAdibhirapyasau .. 80 ..
na jIryate punardArDhyaM bhajate saMsR^itiH prabho .
tvatpAdadarshanAtsadyo nAshameti na saMshayaH .. 81 ..
xaNArdhamapi yaccittaM tvayi tiShThatyaca~ncalam .
tasyAdnyAnamanarthAnAM mUlaM nashyati tatxaNAt .. 82 ..
tattiShThatu mano rAma tvayi nAnyatra me sadA .. 83 ..
rAmarAmeti yadvANI madhuraM gAyati xaNam .
sa brahmahA surApo vA mucyate sarvapAtakaiH .. 84 ..
nakA~Nxe vijayaM rAma na ca dArasukhAdikam .
bhaktimeva sadAkA~Nxe tvayi bandhavimocanIm .. 85 ..
tvanmAyAkR^itasaMsArastvadaMsho.ahaM raghUttama .
svapAdabhaktimAdishya trAhi mAM bhavasa~N{}kaTAt .. 86 ..
pUrvaM mitrAryudAsInAstvanmAyAvR^itacetasaH .
Asanme.adya bhavatpAdadarshanAdeva rAghava .. 87 ..
sarvaM brahmaiva me bhAti kva mitraM kva ca me ripuH .
yAvattvanmAyayA baddhastAvadguNavisheShatA .. 88 ..
sA yAvadasti nAnAtvaM tAvadbhavati nAnyathA .
yAvannAnAtvamadnyAnAttAvatkAlakR^itaM bhayam .. 89 ..
ato.avidyAmupAste yaH so.andhe tamasi majjati .
mAyAmUlamidaM sarvaM putradArAdibandhanam .
tadutsAraya mAyAM tvaM dAsIM tava raghUttama .. 90 ..
tvatpAdapadmArpitacittavR^itti-
stvannAmasa~N{}gItakathAsu vANI .
tvadbhaktasevAniratau karau me
tvada~N{}gasa~N{}gaM labhatAM mada~N{}gam .. 91 ..
tvanmUrtibhaktAn svaguruM ca caxUH
pashyatvajasra.m sa shrR^iNoti karNaH .
tvajjanmakarmANi ca pAdayugmaM
vrajatvajasraM tava mandirANi .. 92 ..
a~N{}gAni te pAdarajovimishra-
tIrthAni bibhratvahishatruketo .
shirastvadIyaM  bhavapadmajAdyai-
rjuShTaM padaM rAma namatvajasram .. 93 ..
iti shrImadadhyAtmarAmAyaNe umAmaheshvarasaMvAde kiShkindhAkANDe 
prathamaH sargaH .. 1 ..
\medskip\hrule\medskip

.. adhyAtmarAmAyaNe kiShkindhA kANDa ..
        .. dvitIya sargaH ..

itthaM svAtmapariShva~N{}ganirdhUtAsheShakalmaSham .
rAmaH sugrIvamAlokya sasmitaM vAkyamabravIt .. 1 ..
mAyAM mohakarIM tasminvitanvan kAryasiddhaye .
sakhe tvaduktaM yattanmAM satyameva na saMshayaH .. 2 ..
kintu lokA vadiShyanti mAmevaM raghunandanaH .
kR^itavAnkiM kapIndrAya sakhyaM kR^itvAgnisAxikam .. 3 ..
iti lokApavAdo me bhaviShyati na saMshayaH .
tasmAdAhvaya bhadraM te gatvA yuddhAya vAlinam .. 4 ..
bANenaiken taM hatvA rAjye tvAmabhiShecaye .
tatheti gatvA sugrIvaH kiShkindhopavanaM drutam .. 5 ..
kR^itvA shabdam mahAnAdaM tamAhvayata vAlinam .
tacChrutvA bhrAtR^ininadaM roShatAmravilocanaH .. 6 ..
nirjagAma gR^ihAcChIghraM sugrIvo yatra vAnaraH .
tamApatantaM sugrIvaH shIghraM vaxasyatADayat .. 7 ..
sugrIvamapi muShTibhyAM jaghAna krodhamUrChitaH .
vAlI tamapi sugrIva evaM kruddhau parasparam .. 8 ..
ayuddhyetAmekarUpau dR^iShTvA rAmo.ativismitaH .
na mumoca tadA bANaM sugrIvavadhasha~N{}kayA .. 9 ..
tato dudrAva sugrIvo vaman raktaM bhayAkulaH .
vAlI svabhavanaM yAtaH sugrIvo rAmamabravIt .. 10 ..
kiM mAM ghAtayase rAma shatruNA bhrAtR^irUpiNA .
yadi maddhanane vA~nChA tvameva jahi mAM vibho .. 11 ..
evaM me pratyayaM kR^itvA satyavAdin raghUttama .
upexase kimarthaM mAM sharaNAgatavatsala .. 12 ..
shrutvA sugrIvavacanaM rAmaH sAshruvilocanaH .
Ali~N{}gya mA sma bhaiShIstvaM dR^iShTvA vAmekarUpiNau .. 13 ..
mitraghAtitvamAsha~N{}kya muktavAnsAyakaM na hi .
idAnImeva te cihnaM kariShye bhramashAntaye .. 14 ..
gatvAhvaya punaH shatruM hataM draxyasi vAlinam .
rAmo.ahaM tvAM shape bhrAtarhaniShyAmi ripuM xaNAt .. 15 ..
ityAshvasya sa sugrIvaM rAmo laxmaNamabravIt .
sugrIvasya gale puShpamAlAmAmucya puShpitAm .. 16 ..
preShayasva mahAbhAga sugrIvaM vAlinaM prati .
laxmaNastu tadA baddhvA gacCha gacCheti sAdaram .. 17 ..
preShayAmAsa sugrIvaM so.api gatvA tathAkarot .
punarapyadbhutaM shabdaM kR^itvA vAlInamAhvayat .. 18 ..
tacChrutvA vismito vAlI krodhena mahatAvR^itaH .
baddhvA parikaraM samyaggamanAyopacakrame .. 19 ..
gacChantaM vAlinaM tArA gR^ihItvA niShiShedha tam .
na gantavyaM tvayedAnIM sha~N{}kA me.atIva jAyate .. 20 ..
idAnImeva te bhagnaH punarAyAti satvaraH .
sahAyo balavAMstasya kashcinnUnaM samAgataH .. 21 ..
vAlI tAmAha he subhru sha~N{}kA te vyetu tadgatA .
priye karaM parityajya gacCha gacChAmi taM ripum .. 22 ..
hatvA shIghraM samAyAsye sahAyastasya ko bhavet .
sahAyo yadi sugrIvastato hatvobhayaM xaNAt .. 23 ..
AyAsye mA shucaH shUraH kathaM tiShThed gR^ihe ripum .
dnyAtvApyAhvayamAnaM hi hatvAyAsyAmi sundari .. 24 ..
           tArovAca
matto.anyacChR^iNu rAjendra shrutvA kuru yathocitam .
Aha mAma~N{}gadaH putro mR^igayAyAM shrutaM vacaH .. 25 ..
ayodhyAdhipatiH shrImAn rAmo dAsharathiH kila .
laxmaNena saha bhrAtA sItayA bhAryayA saha .. 26 ..
Agato daNDakAraNyaM tatra sItA hR^itA kila .
rAvaNena saha bhrAtA mArgamANo.atha jAnakIm .. 27 ..
Agato R^iShyamUkAdriM sugrIveNa samAgataH .
cakAra tena sugrIvaH sakhyaM cAnalasAxikam .. 28 ..
pratidnyAM kR^itavAn rAmaH sugrIvAya salaxmaNaH .
vAlinaM samare hatvA rAjAnaM tvAM karomyaham .. 29 ..
iti nishcitya tau yAtau nishcitaM shrR^iNu madvacaH .
idAnImeva te bhagnaH kathaM punarupAgataH .. 30 ..
atastvaM sarvathA vairaM tyak{}tvA sugrIvamAnaya .
yauvarAjye.abhiShi~ncAshu rAmaM tvaM sharaNaM vraja .. 31 ..
pAhi mAma~N{}gadaM rAjyaM kulaM ca haripu~N{}gava .
ityuk{}tvAshrumukhI tArA pAdayoH praNipatya tam .. 32 ..
hastAbhyAM caraNau dhR^ityA ruroda bhayavihvalA .
tAmAli~N{}gya tadA vAlI sasnehamidamabravIt .. 33 ..
strIsvabhAvAd{}bibheShi tvaM priye nAsti bhayaM mama .
rAmo yadi samAyAto laxmaNena samaM prabhuH .. 34 ..
tadA rAmeNa me sneho bhaviShyati na saMshayaH .
rAmo nArAyaNaH sAxAtavatIrNo.akhilaprabhuH .. 35 ..
bhUbhAraharaNArthAya shrutaM pUrvaM mayAnaghe .
svapaxaH parapaxo vA nAsti tasya parAtmanaH .. 36 ..
AneShyAmi gR^ihaM sAdhvi natvA taccaraNAmbujam .
bhajato.anubhajatyeSha bhaktigamyaH sureshvaraH .. 37 ..
yadi svayaM samAyAti sugrIvo hanmi taM xaNAt .
yaduktaM yauvarAjyAya sugIvasyAbhiShecanam .. 38 ..
kathamAhUyamAno.ahaM yuddhAya ripuNA priye .
shUro.ahaM sarvalokAnAM sammataH shubhalaxaNe .. 39 ..
bhItabhItamidaM vAkyaM kathaM vAlI vadetpriye .
tasmAcChokaM parityajya tiShTha sundari veshmani .. 40 ..
evamAshvAsya tArAM tAM shocantImashrulocanAm .
gato vAlI samudyuktaH sugrIvasya vadhAya saH .. 41 ..
dR^iShTvA vAlInamAyAntaM sugrIvo bhImavikramaH .
utpapAta gale baddhapuShpamAlo mata~N{}gavat .. 42 ..
muShTibhyAM tADayAmAsa vAlinaM so.api taM tathA .
ahanvAlI ca sugrIvaM sugrIvo vAlinaM tathA .. 43 ..
rAmaM vilokayanneva sugrIvo yuyudhe yudhi .
ityevaM yud{}dhyamAnau tau dR^iShTvA rAmaH pratApavAn .. 44 ..
bANamAdAya tUNIrAdaindre dhanuShi sandadhe .
AkR^iShya karNaparyantamadR^ishyo vR^ixakhaNDagaH .. 45 ..
nirIxya vAlinaM samyaglaxyaM tad{}dhR^idayaM hariH .
utsasarjAshanisamaM mahAvegaM mahAbalaH .. 46 ..
bibheda sa sharo vaxo vAlinaH kampayanmahIm .
utpapAta mahAshabdaM mu~ncansa nipapAta ha .. 47 ..
tadA muhUrttaM niHsaMdnyo bhUtvA cetanamApa saH .
tato vAlI dadarshAgre rAmaM rAjIvalocanam .
dhanurAlambya vAmena hastenAnyena sAyakam .. 48 ..
bibhrANaM cIravasanaM jaTAmukuTadhAriNam .
vishAlavaxasaM bhrAjadvanamAlAvibhUShitam .. 49 ..
pInacArvAyatabhUjaM navadUrvAdalacChavim .
sugrIvalaxmaNAbhyAM ca pArshvayoH parisevitam .. 50 ..
vilokya shanakaiH prAha vAlI rAmaM vigarhayan .
kiM mayApakR^itaM rAma tava yena hato.asmyaham .. 51 ..
rAjadharmamavidnyAya garhitaM karma te kR^itam .
vR^ixakhaNDe tirobhUtvA tyajatA mayi sAyakam .. 52 ..
yashaH kiM lapsyase rAma coravatkR^itasa~N{}garaH .
yadi xatriyadAyAdo manorvaMshasamud{}bhavaH .. 53 ..
yuddhaM kR^itvA samaxaM me prApyase tatphalaM tadA .
sugrIveNa kR^itaM kiM te mayA vA na kR^itaM kimu .. 54 ..
rAvaNena hatA bhAryA tava rAma mahAvane .
sugrIvaM sharaNaM yAtastadarthamiti shushruma .. 55 ..
bata rAma na jAnIShe madbalaM lokavishrutam .
rAvaNa sakulaM bad{}dhvA sasItaM la~N{}kayA saha .. 56 ..
AnayAmi muhUrttArddhadyadi cecChAmi rAghava .
dharmiShTha iti loke.asmin kathyase raghunandana .. 57 ..
vAnaraM vyAdhavaddhatvA dharmaM kaM lapsyase vada .
abhaxyaM vAnaraM mAMsaM hatvA mAM kiM kariShyasi .. 58 ..
ityevaM bahu bhAShantaM valinaM rAghavo.abravIt .
dharmasya goptA loke.asmiMshcarAmi sasharAsanaH .. 59 ..
adharmakAriNaM hatvA saddharmaM pAlayAmyaham .
duhitA bhaginI bhrAturbhAryA caiva tathA snuShA .. 60 ..
samA yo ramate tAsAmekAmapi vimUDhadhIH .
pAtakI sa tu vidnyeyaH sa vadho rAjabhiH sadA .. 61 ..
tvaM tu bhrAtuH kaniShThasya bhAryAyAM ramase balAt .
ato mayA dharmavidA hato.asi vanagocara .. 62 ..
tvaM kapitvAnna jAnIShe mahAnto vicaranti yat .
lokaM punAnAH sa~ncArairatastAnnAtibhAShayet .. 63 ..
tacChrutvA bhayasan{}trasto dnyAtvA rAmaM ramApatim .
vAlI praNamya rabhasAdrAmaM vacanamabravIt .. 64 ..
rAma rAma mahAbhAga jAne tvAM parameshvaram .
ajAnatA mayA ki~ncituktaM tatxantumarhasi .. 65 ..
sAxAttvacCharaghAtena visheSheNa tavAgrataH .
tyajAmyasUnmahAyogidurlabhaM tava darshanam .. 66 ..
yannAma vivasho gR^ihNan mriyamANaH paraM padam .
yAti sAxAtsa evAdya mumUrShorme puraH sthitaH .. 67 ..
deva jAnAmi puruShaM tvAM shriyaM jAnakIM shubham .
rAvaNasya vadhArthAya jAtaM tvAM brahmaNArthitam .. 68 ..
anujAnIhi mAM rAma yAntaM tatpadamuttamam .
mama tulyabale bAle a~N{}gade tvaM dayAM kuru .. 69 ..
vishalyaM kuru me rAma hR^idayaM pANinA spR^ishan .
tatheti bANamud{}dhR^itya rAmaH pasparsha pANinA .
tyak{}tvA tdavAnaraM dehamamarendro.abhavatxaNAt .. 70 ..
vAlI raghUttamasharAbhihato vimR^iShTo
           rAmeNa shItalakareNa sukhAkareNa .
sadyo vimucya kapidehamananyalabhyaM
           prAptaM padaM paramahaMsagaNairdurApam .. 71 ..
iti shrImadadhyAtmarAmAyaNe umAmaheshvarasaMvAde kiShkindhAkANDe 
dvitIyaH sargaH .. 2 ..
\medskip\hrule\medskip

.. adhyAtmarAmAyaNe kiShkindhA kANDa ..
           tR^itIya sargaH ..

nihate vAlini raNe rAmeNa paramAtmanA .
dudruvurvAnarAH sarve kiShkindhAM bhayavihvalAH .. 1 ..
tArAmUcurmahAbhAge hato vAlI raNAjire .
a~N{}gadaM pariraxAdya man{}triNaH parinodaya .. 2 ..
caturdvArakapATAdIn bad{}dhvA raxAmahe purIm .
vAnarANAM tu rAjAnama~N{}gadaM kuru bhAmini .. 3 ..
nihataM vAlinaM shrutvA tArA shokavimUrChitA .
atADayatsvapANibhyAM shiro vaxashca bhUrishaH .. 4 ..
kima~N{}gadena rAjyena nagareNa dhanena vA .
idAnImeva nidhanaM yAsyAmi patinA saha .. 5 ..
ityuk{}tvA tvaritA tatra rudatI muktamUrdhajA .
yayau tArAtishokArtA yatra bhartR^ikalevaram .. 6 ..
patitaM vAlinaM dR^iShTvA raktaiH pAMsubhirAvR^itam .
rudatI nathanAtheti patitA tasya pAdayoH .. 7 ..
karuNaM vilapantI sA dadarsha raghunandanam .
rAma mAM jahi bANena yena vAlI hatastvayA .. 8 ..
gacChAmi patisAlokyaM patirmAmabhikA~Nxate .
svarge.api na sukhaM tasya mAM vinA raghunandana .. 9 ..
patniviyogajaM duHkhamanubhUtaM tvayAnagha .
vAline mAM prayacChAshu patnIdAnaphalaM bhavet .. 10 ..
sugrIvaM tvaM sukhaM rAjyaM dApitaM vAlighAtinA .
rAmeNa rumayA sArdhaM bhu~Nxva sApatnavarjitam .. 11 ..
ityevaM vilapantIM tAM tArAM rAmo mahAmanAH .
sAntvayAmAsa dayayA tattvadnyAnopadeshataH .. 12 ..
kiM bhIru shocyasi vyarthaM shokasyAviShayaM patim .
patistavAyaM deho vA jIvo vA vada tattvataH .. 13 ..
pa~ncAtmako jaDo dehastva~NmAMsarudhirAsthimAn .
kAlakarmaguNotpannaH so.apyAste.adyApi te puraH .. 14 ..
manyase jIvamAtmAnaM jIvastarhi nirAyamaH .
na jAyate na mriyate na tiShThati na gacChati .. 15 ..
na strI pumAnvA ShaNDho vA jIvaH sarvagato.avyayaH .
eka evAdvitIyo.ayamAkAshavadalepakaH .
nityo dnyAnamayaH shuddhaH sa kathaM shokamarhati .. 16 ..
         tArovAca
deho.acitkAShThavadrAma jIvo nityashcidAtmakaH .
sukhaduHkhAdisambandhaH kasya syAdrAma me vada .. 17 ..
         shrIrAma uvAca .
aha~N{}kArAdisambandho yAvaddehendriyaiH saha .
saMsArastAvadeva syAdAtmanastvavivekinaH .. 18 ..
mithyAropitasaMsAro na svayaM vinivartate .
viShayAndhyAyamAnasya svapne mithyAgamo yathA .. 19 ..
anAdyavidyAsambandhAttatkAryAha~N{}kR^itestathA .
saMsAro.apArthako.api syAdrAgadveShAdisa~N{}kulaH .. 20 ..
mana eva hi saMsAro bandhashcaiva manaH shubhe .
AtmA manaH samAnatvametya tad{}gatabaMdhabhAk .. 21 ..
yathA vishuddhaH sphaTiko.alaktakAdisamIpagaH .
tattadvarNayugAbhAti vastuto nAsti ra~njanam .. 22 ..
buddhIndriyAdisAmIpyAdAtmanaH saMsR^itirbalAt .
AtmA svali~N{}gaM tu mana parigR^ihya tadud{}bhavAn .. 23 ..
kAmAn juShan guNairbaddhaH saMsAre vartate.avashaH .
Adau manoguNAn sR^iShTvA tataH karmANyanekadhA .. 24 ..
shuklalohitakR^iShNAni gatayastatsamAnataH .
evaM karmavashAjjivo bhramatyAbhUtasamplavam .. 25 ..
sarvopasaMhR^itau jIvo vAsanAbhiH svakarmabhiH .
anAdyavidyAvashagastiShThatyabhiniveshataH .. 26 ..
sR^iShTikAle punaH pUrvavAsanAmAnasaiH saha .
jAyate punarapyevaM ghaTIyantramivAvashaH .. 27 ..
yadA puNyavisheSheNa labhate sa~N{}gatiM satAm .
mad{}bhaktAnAM sushAntAnAM tadA madviShayA matiH .. 28 ..
matkathAshravaNe shraddhA durlabhA jAyate tataH .
tataH svarUpavidnyAnamanAyAsena jAyate .. 29 ..
tadAcAryaprasAdena vAkyArthadnyAnataH xaNAt .
dehendriyamanaH prANAha~N{}kR^itibhyaH pR^ithak sthitam .. 30 ..
svAtmAnubhavataH satyamAnandAtmAnamadvayam .
dnyAtvA sadyo bhavenmuktaH satyameva mayoditam .. 31 ..
evaM mayoditaM samyagAlocayati yo.anisham .
tasya saMsAraduHkhAni na spR^ishyanti kadAcana .. 32 ..
tvamapyetanmayA proktamAlocaya vishuddhadhIH .
na spR^ishyase duHkhajAlaiH karmabandhAdvimoxyase .. 33 ..
pUrvajanmani te subhru kR^itA mad{}bhaktiruttamA .
atastava vimoxAya rUpaM me darshitaM shubhe .. 34 ..
dhyAtvA madrUpamanishamAlocaya mayoditam .
pravAhapatitaM kAryaM kurvatyapi na lipyase .. 35 ..
shrIrAmeNoditaM sarvaM shrutvA tArAtivismitA .
dehAbhimAnajaM shokaM tyak{}tvA natvA raghUttamam .. 36 ..
AtmAnubhavasaMtuShTA jIvanmuktA babhUva ha .
xaNasa~N{}gamamAtreNa rAmeNa paramAtmanA .. 37 ..
anAdibandhaM nirdhUya muktA sApi vikalmaShA .
sugrIvo.api ca tacChrutvA rAmavak{}trAtsamIritam .. 38 ..
jahAvadnyAnamakhilaM svasthacitto.abhavattadA .
tataH sugrIvamAdehaM rAmo vAnarapu~N{}gavam .. 39 ..
bhrAturjyeShThasya putreNa yaduktaM sAmparAyikam .
kuru sarvaM yathAnyAyaM saMskArAdi mamAdnyayA .. 40 ..
tatheti balibhirmukhyairvAnarai pariNIya tam .
vAlinaM puShpake xip{}tvA sarvarAjopacArakaiH .. 41 ..
bherIdundubhinirghoShairbrAhmaNairmantribhiH saha .
yUthapairvAnarai pauraistArayA cA~N{}gadena ca .. 42 ..
gatvA cakAra tatsarvaM yathAshAstraM prayatnataH .
snAtvA jagAma rAmasya samIpa.m mantribhiH saha .. 43 ..
natvA rAmasya caraNau sugrIvaH prAha hR^iShTadhIH .
rAjyaM prashAdhi rAjendra vAnarANAM samR^iddhimat .. 44 ..
dAso.ahaM te pAdapadmaM seve laxmaNavacciram .
ityukto rAghavaH prAha sugrIvaM sasmitaM vacaH .. 45 ..
tvamevAhaM na sandehaH shIghraM gacCha mamAdnyayA .
purarAjyAdhipatye tvaM svAtmAnamabhiShecaya .. 46 ..
nagaraM na pravexyAmi caturdasha samAH sakhe .
AgamiShyati me bhrAtA laxmaNaH pattanaM tava .. 47 ..
a~N{}gadaM yauvarAjye tvamabhiShecaya sAdaram .
ahaM samIpe shikhare parvatasya sahAnujaH .. 48 ..
vatsyAmi varShadivasAMstatastvaM yatnavAn bhava .
ki~nchitkAlaM pure sthitvA sItAyAM parimArgaNe .. 49 ..
sAShTA~N{}gaM praNipatyAha sugrIvo rAmapAdayoH .
yadAdnyApayase deva tattathaiva karomyaham .. 50 ..
anudnyAnashca rAmeNa sugrIvastu salaxmaNaH .
gatvA puraM tathA cakre yathA rAmeNa coditaM .. 51 ..
sugriveNa yathAnyAyaM pUjito laxmaNastadA .
Agatya rAghavaM shIghraM praNipatyopatasthivAn .. 52 ..
tato rAmo jagAmAshu laxmaNena samanvitaH .
pravarShaNagirerUrdhvaM shikharaM bhUrivistaram .. 53 ..
tatraika gahvaraM dR^iShTvA sphATikaM dIptimacChubham .
varShavAtAtapasahaM phalamUlasamIpagam .
vAsAya rocayAmAsa tatra rAmaH salaxmaNaH .. 54 ..
divyamUlaphalapuShpasaMyute mauktikopamajalaughapalvale .
citravarNamR^igapaxishobhite parvate raghukulottamo.avasat .. 55 ..
iti shrImadadhyAtmarAmAyaNe umAmaheshvarasaMvAde kiShkindhAkANDe 
tR^itIyaH sargaH .. 3 ..
\medskip\hrule\medskip

.. adhyAtmarAmAyaNe kiShkindhA kANDa ..
                     caturtha sargaH ..

tatra vArShikadinAni rAghavo lIlayA maNiguhAsu sa~ncaran .
pakvamUlaphalabhogatoShito laxmaNena sahito.avasatsukham .. 1 ..
vAtanunnajalapuritameghAnantarastanitavaidyutagarbhAn .
vIxya vismayamagAdgajayUthAnyadvadAhitasukA~ncanakaxAn .. 2 ..
navaghAsaM samAsvAdya hR^iShTapuShTamR^igadvijAH .
dhAvanto parito rAmaM vIxya visphAritexaNAH .. 3 ..
na calanti sadAdhyAnaniShThA iava munIshvarAH .
rAmaM mAnuSharUpeNa girikAnanabhUmiShu .. 4 ..
carantaM paramAtmAnaM dnyAtvA siddhagaNA bhuvi .
mR^igapaxigaNA bhUtvA rAmamevAnusevire .. 5 ..
saumitrirekadA rAmamekAnte dhyAnatatparam .
samAdhivirame bhak{}tyA praNayAdvinayAnvitaH .. 6 ..
abravIddeva te vAkyAtpUrvoktAdvigato mama .
anAdyavidyAsambhUtaH saMshayo hR^idi saMsthitaH .. 7 ..
idAnIM shrotumicChAmi kriyAmArgeNa rAghava .
bhavadArAdhanaM loke yathA kurvanti yoginaH .. 8 ..
idameva sadA prAhuryogino muktisAdhanam .
nArado.api tathA vyAso brahmA kamalasambhavaH .. 9 ..
brahmaxatrAdivarNAnAmAshramANAM ca moxadam .
strIshUdrANAM ca rAjendra sulabhaM  muktisAdhanam .
tava bhaktAya me bhrAtre brUhi lokopakArakam .. 10 ..
         shrIrAma uvAca .
mama pUjAvidhAnasya nAnto.api raghunandana .
tathApi vaxye sa~NxepAdyathAvadanupUrvashaH .. 11 ..
svagR^ihyoktaprakAreNa dvijatvaM prApya mAnavaH .
sakAshAtsad{}gurormaMtraMlabdhvA mad{}bhaktisaMyutaH .. 12 ..
tena sandarshitavidhirmAmevArAdhayetsudhIH .
hR^idaye vAnale vArcetpratimAdau vibhAvasau .. 13 ..
shAlagrAmashilAyAM vA pUjayenmAmatandritaH .
prAtaHsnAnaM prakurvIta prathamaM dehashuddhaye .. 14 ..
vedatantroditairmantrairmR^illepanavidhAnataH .
sandhyAdi karma yannityaM tatkuryAdvidhinA budhaH .. 15 ..
sa~NpalpamAdau kurvIta siddhyarthaM karmaNAM sudhIH .
svaguruM pUjayed{}bhak{}tyA mad{}buddhyA pUjako mama .. 16 ..
shilAyAM snapanaM kuryAtpratimAsu pramArjanam .
prasiddhairgandhapuShpAdyairmatpUjA siddhidAyikA .. 17 ..
amAyiko.anuvR^ittyA mAM pUjayenniyatavrataH .
pratimAdiShvala~N{}kAraH priyo me kulanandana .. 18 ..
agnau yajeta haviShA bhAskare sthaNDile yajet .
bhaktenopahR^itaM prItyai shraddhayA mama vAryapi .. 19 ..
kiM punarbhaxyabhojyAdi gandhapuShpAxatAdikam .
pUjAdravyANi sarvANi sampAdyaivaM samArabhet .. 20 ..
cailAjinakushaiH samyagAsanaM parikalpayet .
tatropavishya devasya sammukhe suddhamAnasaH .. 21 ..
tato nyAsaM prakUrvIta mAtR^ikAbahirAntaram .
keshavAdi tataH kUryAttattvanyAsaM tataH param .. 22 ..
manmUrtipa~njaranyAsaM mantranyAsaM tato nyaset .
pratimAdAvapi tathA kuryAnnityamatandritaH .. 23 ..
kalashaM svapuro vAme xipetpuShpAdi daxiNe .
arghyapAdyapradAnArthaM madhuparkArthameva ca .. 24 ..
tathaivAcamanArthaM tu nyasetpAtracatuShTayam .
hR^itpadme bhAnuvimale matkalAM jIvasaMdnyitAm .. 25 ..
dhyAyetsvadehamakhilaM tayA vyAptamarindama .
tAmevAvAhayennityaM pratimAdiShu matkalAm .. 26 ..
pAdyArghyAcamanIyAdyaiH snAnavastrAvibhUShaNaiH .
yAvacChakyopacArairvA tvarcayenmAmamAyayA .. 27 ..
vibhave sati karpUraku~N{}kumAgarucandanaiH .
arcayenmantravannityaM sugandhakusumaiH shubhaiH .. 28 ..
dashAvaraNapUjAM vai hyAgamoktAM prakArayet .
nIrAjanairdhUpadIpairnaivedyairbahuvistaraiH .. 29 ..
shraddhayopaharennityaM shraddhAbhugahamIshvaraH .
homaM kuryAtprayatnena vidhinA mantrakovidaH .. 30 ..
agastyenoktamArgeNa kuNDenAgamavittamaH .
juhuyAnmUlamantreNa puMsUktenAthavA budhaH .. 31 ..
athavaupAsanAgnau vA caruNA haviShA tathA .
taptajAmbUnadaprakhyaM divyAbharaNabhUShitam .. 32 ..
dhyAyedanalamadhyasthaM homakAle sadA budhaH .
pArShadebhyo baliM dattvA homasheShaM samApayet .. 33 ..
tato japaM prakUrvIta dhyAyenmAM yatavAk smaran .
mukhavAsaM ca tAmbUlaM dattvA prItIsamanvitaH .. 34 ..
madarthe nR^ityagItAdi stutipAThAdi kArayet .
praNameddaNDavad{}bhUmau hR^idaye mAM nidhAya ca .. 35 ..
shirasyAdhAya maddattaM prasAdaM bhAvanAmayam .
pANibhyAM patpade mUrdhni gR^ihItvA bhaktisaMyutaH .. 36 ..
raxa mA ghorasaMsArAdityuk{}tvA praNametsudhIH .
udvAsayedyathApUrvaM pratyagjyotiShi saMsmaran .. 37 ..
evamuktaprakAreNa pUjayedvidhivadyadi .
ihAmUtra ca saMsiddhiM prApnoti madanugrahAt .. 38 ..
mad{}bhakto yadi mAmevaM pUjAM caiva dine dine .
karoti mama sArUpyaM prApnotyeva na saMshayaH .. 39 ..
idaM rahasyaM paramaM ca pAvanaM
         mayaiva sAxAtkathitaM sanAtanam .
paThatyajasraM yadi vA shrR^iNoti yaH
         sa sarvapUjAphalabhA~N na saMshayaH .. 40 ..
evaM parAtmA shrIrAmaH kriyAyogamanuttamam .
pR^iShTaH prAha svabhaktAya sheShAMshAya mahAtmane .. 41 ..
punaH prAkR^itavadrAmo mAyAmAlambya duHkhitaH .
hA sIteti vadannaiva nidrAM lebhe katha~ncana .. 42 ..
etasminnantare tatra kiShkindhAyAM subuddhimAn .
hanUmAnprAha sugrIvamekAnte kapinAyakam .. 43 ..
shrR^iNu rAjanpravaxyAmi tavaiva hitamuttamam .
rAmeNa te kR^itaH pUrvamupakAro hyanuttamaH .. 44 ..
kR^itaghnavattvayA nUnaM vismR^itaH pratibhAti me .
tvatkR^ite nihito vAlI vIrastrailokyasammataH .. 45 ..
rAjye pratiShThito.asi tvaM tArAM prApto.asi durlabhAm .
sa rAmaH parvatAgre bhrAtA saha vasansudhIH .. 46 ..
tvadAgamanamekAgramIxate kAryagauravAt .
tvaM tu vAnarabhAvena strIsakto nAvabuddhyase .. 47 ..
karomIti pratidnyAya sItAyAH parimArgaNam .
na karoShi kR^itaghnastvaM hanyase vAlivad{}drutam .. 48 ..
hanUmadvacanaM shrutvA sugrIvo bhayavihvalaH .
pratyuvAca hanUmantaM satyameva tvayoditam .. 49 ..
shIghraM kuru mamAdnyAM tvaM vAnarANAM tarasvinAm .
sahasrANi dashedAnIM preShayAshu disho dasha .. 50 ..
saptadvIpagatAnsarvAnvAnarAnAnayantu te .
paxamadhye samAyAntu sarva vAnarapu~N{}gavAH .. 51 ..
ye paxamativartante te vadhyA me na saMshayaH .
ityAdnyApya hanUmantaM sugrIvo gR^ihamAvishat .. 52 ..
sugrIvAdnyAM puraskR^itya hanUmAnmantrisattamaH .
tatxaNe preShayAmAsa harIndasha dishaH sudhIH .. 53 ..
agaNitaguNasattvAnvAyuvegapracArAn
         vanacaragaNamukhyAn parvatAkArarUpAn .
pavanahitakumAraH preShayAmAsa dUta-
         natirabhasatarAtmA dAnamAnAditR^iptAn .. 54 ..
iti shrImadadhyAtmarAmAyaNe umAmaheshvarasaMvAde kiShkindhAkANDe 
caturthaH sargaH .. 4 ..
\medskip\hrule\medskip

.. adhyAtmarAmAyaNe kiShkindhA kANDa ..
pa~ncama sargaH ..

rAmastu parvatasyAgre maNisAnau nishAmukhe .
sItAvirahajaM shokamasahannidamabravIt .. 1 ..
pashya laxmaNa me sItA rAxasena hR^itA balAt .
mR^itAmR^itA vA nishcetuM na jAne.adyApi bhAminIm .. 2 ..
jIvatIti mama brUyAtkashcidvA priyakR^itsa me .
yadi jAnAmi tAM sAdhvIM jIvaMtIM yatra kutra vA .. 3 ..
haThAdevAhariShyAmi sudhAmiva payonidheH .
pratidnyAM shrR^iNu me bhrAtaryena me janakAtmajA .. 4 ..
nItA taM bhasmasAtkuryAM saputrabalavAhanam .
he sIte candravadane vasantI rAxasAlaye .. 5 ..
duHkhArttA mAmapashyantI kathaM prANAn dhariShyasi .
candro.api bhAnuvad{}bhAti mama candrAnanAM vinA .. 6 ..
candra tvaM jAnakIM spR^iShTvA karairmAM spR^isha shItalaiH .
sugrIvo.api dayAhIno duHkhitaM mAM na pashyati .. 7 ..
rAjyaM niShkaNTakaM prApya strIbhiH parivR^ito rahaH .
kR^itaghno dR^ishyate vyaktaM pAnAsakto.atikAmukaH .. 8 ..
nAyAti sharadaM pashyannapi mArgayituM priyAm .
pUrvopakAriNaM duShTaH kR^itaghno vismR^ito hi mAm .. 9 ..
hanmi sugrIvamapyevaM sapuraM sahabAndhavam .
vAlI yathA hato me.adya sugrIvo.api tathA bhavet .. 10 ..
iti ruShTaM samAlokya rAghavaM laxmaNo.abravIt .
idAnImeva gatvAhaM sugrIvaM duShTamAnasam .. 11 ..
mAmAdnyApaya hatvA tamAyAsye rAma te.antikam .
ityuk{}tvA dhanurAdAya svayaM tUNIrameva ca .. 12 ..
gantumabhyudyataM vIxya rAmo laxmaNamabravIt .
na hantavyastvayA vatsa sugrIvo me priyaH sakhA .. 13 ..
kintu bhIShaya sugrIvaM vAlivattvaM haniShyase .
ityuk{}tvA shIghramAdAya sugrIvatpratibhAShitam .. 14 ..
Agatya pashcAdyatkAryaM tatkariShyAmyasaMshayam .
tatheti laxmaNo.agacChattvarito bhImavikramaH .. 15 ..
kiShkindhAM prati kopena nirdahanniva vAnarAn .
sarvadnyo nityalaxmIko vidnyAnAtmApi rAghavaH .. 16 ..
sItAmanushushocArttaH prAkR^itaH prAkR^itAmiva .
bud{}dhyAdisAxiNastasya mAyAkAryAtivartinaH .. 17 ..
rAgAdirahitasyAsya tatkAryaM kathamud{}bhavet .
brahmaNoktamR^itaM kartuM rAdnyo dasharathasya hi .. 18 ..
tapasaH phaladAnAya jato mAnuShaveShadhR^ik .
mAyayA mohitAM sarve janA adnyAnasaMyutAH .. 19 ..
kathamesAM bhavenmoxa iti viShNurvicintayan .
kathAM prathayituM loke sarvalokamalApahAm .. 20 ..
rAmAyaNAbhidhAM rAmo bhUtvA mAnuShaceShTakaH .
krodhaM mohaM ca kAmaM ca vyavahArArthasiddhaye .. 21 ..
tattatkAlocitaM gR^ihNan mohavatyavashAH prajAH .
anurakta ivAsheShaguNeShu guNavarjitaH .. 22 ..
vidnyAnamUrtirvidnyAnashaktiH sAxyaguNAnvitaH .
ataH kAmAdibhirnityamavilipto yathA nabhaH .. 23 ..
vindanti munayaH kecijjAnanti janakAdayaH .
tadbhaktA nirmalAtmAnaH samyag jAnanti nityadA .
bhaktacittAnusAreNa jAyate bhagavAnajaH .. 24 ..
laxmaNopi tadA gatvA kiShkindhAnagarAntikam .
jyAghoShamarottIvraM bhIShayan sarvavAnarAn .. 25 ..
taM dR^iShTvA prAkR^itAstatra vAnarA vapramUrdhani .
cakruH kilakilAshabdaM dhR^itapAShANapAdapAH .. 26 ..
tAndR^iShTvA krodhatAmrAxo vAnarAn laxmaNastadA .
nirmUlAnkartumudyukto dhanurAnamya vIryavAn .. 27 ..
tataH shIghraM samAplutya dnyAtvA laxmaNamAgatam .. 28 ..
nirvAya vAnarAn sarvAna~N{}gado mantrisattamaH .
gatvA laxmaNasAmIpyaM praNanAma sa daNDavat .. 29 ..
tato.a~N{}gadaM pariShvajya laxmaNaH priyavardhanaH .
uvAca vatsa gacCha tvaM pitR^ivyAya nyavedaya .. 30 ..
  mAmAgataM rAghaveNa coditaM raudramUrtinA .
tatheti tvaritaM gatvA sugrIvAya nyavedayat .. 31 ..
laxmaNaH krodhatAmrAxaH puradvAribahiH sthitaH .
tacChrutvAtIva santrastaH sugrIvo vAnareshvaraH .. 32 ..
AhUya mantriNAM shreShThaM hanUmantamathAbravIt .
gacCha tvama~N{}gadenAshu laxmaNaM vinayAnvitaH .. 33 ..
sAntvayankopitaM vIraM shanairAnaya sAdaram .
preShayitvA hanUmantaM tArAmAha kapIshvaraH .. 34 ..
tvaM gacCha sAntvayantI taM laxmaNaM mR^idubhAShitaiH .
shAntamantaHpuraM nItvA pashcAddarshaya me.anaghe .. 35 ..
bhavatviti tatastArA madhyakaxaM samAvishat .
hanumAna~N{}gadenaiva sahito laxmaNAntikam .. 36 ..
gatvA nanAma shirasA bhak{}tyA svAgatamabravIt .
ehi vIra mahAbhAga bhavad{}gR^ihamasha~N{}kitam .. 37 ..
pravishya rAjadArAdIn dR^iShTvA sugrIvameva ca .
yadAdnyApayase pashcAttatsarvaM karavANi bhoH .. 38 ..
ityuk{}tvA laxmaNaM bhak{}tyA kare gR^ihya sa mArutiH .
AnayAmAsa nagaramadhyAdrAjagR^ihaM prati .. 39 ..
pashyaMstatra mahAsaudhAn yUthapAnAM samantataH .
jagAma bhavanaM rAdnyaH surendrabhavanopamam .. 40 ..
madhyakaxe gatA tatra tArA tArAdhipAnanA .
sarvAbharaNasampanna madaraktAntalocanA .. 41 ..
uvAca laxmaNaM natvA smitapUrvAbhibhAShiNI .
ehi devara bhadraM te sAdhustvaM bhaktavatsalaH .. 42 ..
kimarthaM kopamAkArShIrbhakte bhR^itye kapIshvare .
bahukAlamanAshvAsaM duHkhamevAnubhUtavAn .. 43 ..
idAnIM bahuduHkhaughAd{}bhavad{}bhirabhiraxitaH .
bhavatprasAdAtsugrIvaH prAptasaukhyo mahAmatiH .. 44 ..
kAmAsakto raghupateH sevArthaM nAgato hariH .
AgamiShyanti harayo nAnAdeshagatAH prabho .. 45 ..
preShito dashasAhasrA harayo raghusattama .
AnetuM vAnarAn digbhyo mahAparvatasannibhAn .. 46 ..
sugrIvaH svayamAgatya sarvavAnarayUthapaiH .
vadhayiShyati daityaughAn rAvaNaM ca haniShyati .. 47 ..
tvayaiva sahito.adyaiva gantA vAnarapu~N{}gavaH .
pashyAntarbhavanaM tatra putradArasuhR^id{}vR^itam .. 48 ..
dR^iShTvA sugrIvamabhayaM dattvA naya sahaiva te .
tArAyA vacanaM shrutvA kR^ishakrodho.atha laxmaNaH .. 49 ..
jagAmAntaHpuraM yatra sugrIvo vAnareshvaraH .
rumAmAli~N{}gya sugrIva parya~N{}ke paryavasthitaH .. 50 ..
dR^iShTvA laxmaNamatyarthamutpapAtAtibhItavat .
taM dR^iShTvA laxmaNaH kruddho madavihvalitexaNam .. 51 ..
sugrIvaM prAha durvR^itta vismR^ito.asi raghuttamam .
vAlI yena hato vIraH sa bANo.adya pratIxate .. 52 ..
tvameva vAlino mArgaM gamiShyasi mayA hataH .
evamatyantaparuShaM vadantaM laxmaNaM tadA .. 53 ..
uvAca hanumAn vIraH kathamevaM prabhAShase .
tvatto.adhikataro rAme bhakto.ayaM vAnarAdhipaH .. 54 ..
rAmakAryArthamanishaM jAgarti na tu vismR^itaH .
AgatAH paritaH pashya vAnarAH koTishaH prabho .. 55 ..
gamiShyantyacireNaiva sItAyAH parimArgaNam .
sAdhayiShyati sugrIvo rAmakAryamasheShataH .. 56 ..
shrutvA hanumato vAkyaM saumitrirlajjito.abhavat .
sugrIvo.apyarghyapAdyAdyairlaxmaNaM samapUjayat .. 57 ..
Ali~N{}gya prAha rAmasya dAso.ahaM tena raxitaH .
rAmaH svatejasA lokAn xaNArddhenaiva jeShyati .. 58 ..
sahAyamAtramevAhaM vAnaraiH sahitaH prabho .
saumitrirapi sugrIvaM prAha ki~ncinmayoditam .. 59 ..
tatxamasva mahAbhAga praNayAd{}bhAShitaM mayA .
gacChAmo.adyaiva sugrIva rAmastiShThati kAnane .. 60 ..
eka evArtiduHkhArtto jAnakIvirahAtprabhuH .
tatheti rathamAruhya laxmaNena samanvitaH .. 61 ..
vAnaraiH sahito rAjA rAmamevAnvapadyata .. 62 ..
bherImR^ida~N{}gairbahuR^ixavAnaraiH shvetAtapatrairvyajanaishca shobhitaH .
nIlA~N{}gadAdyairhanumatpradhAnaiH samAvR^ito rAghavamabhyagAddhariH .. 63 ..
iti shrImadadhyAtmarAmAyaNe umAmaheshvarasaMvAde kiShkindhAkANDe 
pa~ncamaH  sargaH .. 5 ..
\medskip\hrule\medskip

.. adhyAtmarAmAyaNe kiShkindhA kANDa ..
ShaShTha sargaH ..

dR^iShTvA rAmaM samAsinaM guhAdvAri shilAtale .
cailAjinadharaM shyAmaM jaTAmaulivirAjitam .. 1 ..
vishAlanayanaM shAntaM smitacArumukhAmbujam .
sItAvirahasantaptaM pashyantaM mR^igapaxiNaH .. 2 ..
rathAddUrAtsamutpatya vegAtsugrIvalaxmaNau .
rAmasya pAdayoragre petaturbhaktisaMyutau .. 3 ..
rAmaH sugrIvamAli~N{}gya pR^iShTvAnAmayamantike .
sthApayitvA yathAnyAyaM pUjayAmAsa dharmavit .. 4 ..
tato.abravIdraghushreShThaM sugrIvo bhaktinamradhIH .
deva pashya samAyAntIM vAnarANAM mahAcamUm .. 5 ..
kulAcalAdrisambhUtA merumandarasannibhAH .
nAnAdvIpasaricChailavAsinaH parvatopamAH .. 6 ..
asa~N{}khyAtAH samAyAnti harayaH kAmarUpiNaH .
sarve devAMshasambhUtAH sarve yuddhavishAradAH .. 7 ..
atra kecid{}gajabalAH keciddashagajopamAH .
gajAyutabalAH kecitanye.amitabalAH prabho .. 8 ..
kecita~njanakUTAbhAH kecitkanakasannibhAH .
kecidraktAntavadanA dIrghavAlAstathApare .. 9 ..
shuddhasphaTikasa~N{}kAshAH kecitrAxasasannibhAH .
garjantaH parito yAnti vAnarA yuddhakA~NxiNaH .. 10 ..
tvadAdnyAkAriNaH sarve phalamUlAshanAH prabho .
R^ixANAmadhipo vIro jAmbavAnnAma buddhimAn .. 11 ..
eSha me mantriNA.m shreShTha koTibhallUkavR^indapaH .
hanUmAneSha vikhyAto mahAsattvaparAkramaH .. 12 ..
vAyuputro.atitejasvI mantrI buddhimatAM varaH .
nalo nIlashca gavayo gavAxo gandhamAdanaH .. 13 ..
sharabho maindavashcaiva gajaH panasa eva ca .
valimukho dadhimukhaH suSheNAstAra eva ca .. 14 ..
kesarI ca mahAsattvaH pitA hanumato balI .
ete te yUthapA rAma prAdhAnyena mayoditAH .. 15 ..
mahAtmano mahAvIryAH shakratulyaparAkramAH .
ete pratyekataH koTikoTivAnarayUthapAH .. 16 ..
tavAdnyAkAriNaH sarve sarve devAMshasambhavAH .
eSha vAlisutaH shrImAna~N{}gado nAma vishrutaH .. 17 ..
vAlitulyabalo vIro rAxasAnAM balAntakaH .
ete cAnye ca bahavastvadarthe tyaktajIvitAH .. 18 ..
yoddhAraH parvatAgraishca nipuNAH shatrughAtane .
AdnyApaya raghushreShTha sarve te vashavartinaH .. 19 ..
rAmaH sugrIvamAli~N{}gya harShapUrNAshrulocanaH .
prAha sugrIva jAnAsi sarvaM tvaM kAryagauravam .. 20 ..
mArgaNArthaM hi jAnakyA niyu~Nxva yadi rocate .
shrutvA rAmasya vacanaM sugrIvaH prItamAnasaH .. 21 ..
preShayAmAsa balino vAnarAn vAnararShabha .
dixu sarvAsu vividhAnvAnarAn preShya satvaram .. 22 ..
daxiNAM dishamatyarthaM prayatnena mahAbalAn .
yuvarAjaM jAmbavantaM hanUmantaM mahAbalam .. 23 ..
nalaM suSheNaM sharabhaM maindaM dvividameva ca .
preShayAmAsa sugrIvo vacanaM cetamabravIt .. 24 ..
vicinvantu prayatnena bhavanto jAnakIM shubhAm .
mAsAdarvA~N{}nivartadhvaM macChAsanapuraHsarAH .. 25 ..
sItAmadR^iShTvA yadi vo mAsAdUrdhvaM dinaM bhavet .
tadA prANAntikaM daNDaM mattaH prApsyatha vAnarAH .. 26 ..
iti prasthApya sugrIvo vAnarAn bhImavikramAn .
rAmasya pArshve shrIrAmaM natvA copavivesha saH .. 27 ..
gacChantaM mArutiM dR^iShTvA rAmo vacanamabravIt .
abhidnyAnArthametanme hya~N{}gulIyakamuttamam .. 28 ..
mannAmAxarasaMyuktaM sItAyai dIyatAM rahaH .
asmin kArye pramANaM hi tvameva kapisattama .
jAnAmi sattvaM te sarvaM gacCha panthAH shubhastava .. 29 ..
evaM kapinAM rAdnyA te visR^iShTAH parimArgaNe .
sItAyA a~N{}gadamukhA babhramustatra tatra ha .. 30 ..
bhramanto vindhyagahane dadR^ishuH parvatopamam .
rAxasaM bhIShaNAkAraM bhaxayantaM mR^igAn gajAn .. 31 ..
rAvaNo.ayamiti dnyAtvA kecidvAnarapu~N{}gavAH .
jaghnu kilakilAshabdaM mu~ncato muShTibhiH xaNAt .. 32 ..
nAyaM rAvaNa ityuktvA yayuranyanmahadvanam .
tR^iShArtA salilaM tatra nAvindan haripu~N{}gavAH .. 33 ..
vibhramanto mahAraNye shuShkakaNThoShThatAlukAH .
dadR^ishurgahvaraM tatra tR^iNagulmAvR^itaM mahat .. 34 ..
ArdrapaxAn krau~ncahaMsAnniHsutAndadR^ishustataH .
atrAste salilaM nUnaM pravishAmo mahAguhAm .. 35 ..
ityuk{}tvA hanumAnagre pravivesha tamanvayuH .
sarve parasparaM dhrutvA bAhUnbAhubhirutsukAH .. 36 ..
andhakAre mahaddUraM gatvApashyan kapIshvarAH .
jalAshayAnmaNinibhatoyAn kalpadrumopamAn .. 37 ..
vR^ixAnpakvaphalairnamrAnmadhudroNasamanvitAn .
gR^ihAn sarvaguNopetAn maNivastrAdipUritAn .. 38 ..
divyabhaxyAnnasahitAnmAnuShaiH parivarjitAn .
vismitAstatra bhavane divye kanakaviShTare .. 39 ..
prabhayA dIpyamAnAM tu dadR^ishuH striyamekakAm .
dhyAyantIM cIravasanAM yoginIM yogamAsthitAm .. 40 ..
praNemustAM mahAbhAgAM bhak{}tyA bhItyA ca vAnarAH .
dR^iShTvA tAnvAnarAndevI prAha yUyaM kimAgatAH .. 41 ..
kuto vA kasya dUtA vA matsthAnaM kiM pradharShatha .
tacChrutvA hanumAnAha shrR^iNu vaxyAmi devi te .. 42 ..
ayodhyAdhipatiH shrImAn rAjA dasharathaH prabhuH .
tasya putro mahAbhAgo jyeShTho rAma iti shrutaH .. 43 ..
piturAdnyAM puraskR^itya sabhAryaH sAnujo vanam .
gatastatra hR^itA bhAryA tasya sAdhvI durAtmanA .. 44 ..
rAvaNena tato rAmaH sugrIvaM sAnujo yayau .
sugrIvo mitrabhAvena rAmasya priyavallabhAm .. 45 ..
mR^igayadhvamiti prAha tato vayamupAgatAH .
tato vanaM vicinvanto jAnakIM jalakA~NxiNaH .. 46 ..
praviShTA gahvaraM ghoraM daivAdatra samAgatAH .
tvaM vA kimarthamatrAsi kA vA tvaM vada naH shubhe .. 47 ..
yogInI ca tathA dR^iShTvA vAnarAna prAha hR^iShTadhIH .
yatheShTaM phalamUlAni jagdhvA pItvAmR^itaM payaH .. 48 ..
AgacChata tato vaxye mama vR^ittAntamAditaH .
tatheti bhuk{}tvA pItvA ca hR^iShTAste sarvavAnarAH .. 49 ..
devyAH samIpaM gatvA te baddhA~njalipuTAH sthitAH .
tataH prAha hanUmantaM yoginI divyadarshanA .. 50 ..
hemA nAma purA divyarUpiNi vishvakarmaNaH .
putrI maheshaM nR^ityena toShayAmAsa bhAminI .. 51 ..
tuShTo maheshaH pradadAvidaM divyapuraM mahat .
atra sthitA mA sudatI varShANAmayutAyutam .. 52 ..
tasyA ahaM sakhI viShNutatparA moxakA~N{}xiNI .
nAmnA svayamprabhA divyagandharvatanayA purA .. 53 ..
gacChantI brahmalokaM sA mAmAhedaM tapashcara .
atraiva nivasantI tvaM sarvaprANivivarjite .. 54 ..
tretA yuge dAsharathirbhUtvA nArAyaNo.avyayaH .
bhUbhAraharaNArthAya vicariShyati kAnane .. 55 ..
mArganto vAnarAstasya bhAryAmAyAnti te guhAm .
pUjayitvAtha tAn natvA rAmaM stutvA prayatnataH .. 56 ..
yAtAsi bhavanaM viShNoryogigamyaM sanAtanam .
ito.ahaM gantumicChAmi rAmaM draShTuM tvarAnvitA .. 57 ..
yUyaM pidadhvamaxINi gamiShyatha bahirguhAm .
tathaiva cakruste vegAd{}gatAH pUrvasthitaM vanam .. 58 ..
sApi tyak{}tvA guhAM shIghraM yayau rAghavasannidhim .
tatra rAmaM sasugrIvaM laxmaNaM ca dadarsha ha .. 59 ..
kR^itvA pradaxiNaM rAmaM praNamya bahushaH sudhIH .
Aha gad{}gadayA vAcA romA~ncitatanUruhA .. 60 ..
dAsI tavAhaM rAjendra darshanArthamihAgatA .
bahuvarShasahastrANi taptaM me dushcaraM tapaH .. 61 ..
guhAyAM darshanArthaM te phalitaM me.adya tattapaH .
adya hi tvAM namasyAmi mAyAyAH parataH sthitam .. 62 ..
sarvabhUteShu cAlaxyaM bahirantaravasthitam .
yogamAyAjavanikAcChanno mAnuShavigrahaH .. 63 ..
na laxyase.adnyAnadR^ishAM shailUSha iva rUpadhR^ik  .
mahAbhAgavatAnAM tvaM bhaktiyogavidhitsayA .. 64 ..
avatIrNo.asi bhagavan kathaM jAnAmi tAmasI .
loke jAnAtu yaH  kashcittava tattvaM raghUttama .. 65 ..
mamaitadeva rUpaM te sadA bhAtu hR^idAlaye .
rAma te pAdayugalaM darshitaM moxadarshanam .. 66 ..
adarshanaM bhavArNAnAM sanmArgaparidarshanam .
dhanaputrakalatrAdivibhUtiparidarpitaH .
aki~ncanadhanaM tvAdya nAbhidhAtuM jano.arhati .. 67 ..
nivR^ittaguNamArgAya niShki~ncanadhanAya te .. 68 ..
namaH svAtmAbhirAmAya nirguNAya guNAtmane .
kAlarUpiNamIshAnamAdimadhyAntavarjitam .. 69 ..
samaM carantaM sarvatra manye tvAM puruShaM param .
deva te ceShTitaM kashcinna veda nR^iviDambanam .. 70 ..
nate.asti kashciddayito dveShyo vApara eva ca .
tvanmAyApihitAtmAnastvAM pashyanti tathAvidham .. 71 ..
ajasyAkarturIshasya devatiya~NnarAdiShu .
janmakarmAdikaM yadyattadatyantaviDambanam .. 72 ..
tvAmAhuraxaraM jAtaM kathAshravaNasiddhaye .
kecitkosalarAjasya tapasaH phalasiddhaye .. 73 ..
kausalyayA prArthyamAnaM jAtamAhuH pare janAH .
duShTarAxasabhUbhAraharaNAyArthito vibhuH .. 74 ..
brahmaNA nararUpeNa jAto.ayamiti kecana .
shrR^iNvanti gAyanti ca ye kathAste raghunandana .. 75 ..
pashyanti tava pAdAbjaM bhavArNavasutAraNam .
tvaM mAyAguNabaddhAhaM vyatiriktaM guNAshrayam .. 76 ..
kathaM tvAM deva jAnIyAM stotuM vAviShayaM vibhum .
namasyAmi raghushreShThaM bANAsanasharAnvitam .
laxmaNena saha bhrAtA sugrIvAdibhiranvitam .. 77 ..
evaM stuto raghushreShThaH prasannaH praNatAghahR^it .
uvAca yoginIM bhaktAM kiM te manasi kA~N{}xitam .. 78 ..
sA prAha rAghavaM bhak{}tyA bhaktiM te bhaktavatsala .
yatra kutrApi jAtAyA nishcalAM dehi me prabho .. 79 ..
tvad{}bhakteShu sadA sa~N{}go bhUyAnme prAkR^iteShu na .
jihvA me rAmarAmeti bhak{}tyA vadatu sarvadA .. 80 ..
mAnasaM shyAmalaM rUpaM sItAlaxmaNasaMyutam .
dhanurbANadharaM pItavAsasaM mukuTojjvalam .. 81 ..
a~N{}gadairnUpurairmuktAhAraiH kaustubhakuNDalaiH .
bhAntaM smaratu me rAma varaM nAnyaM vR^iNe prabho .. 82 ..
         shrIrAma uvAca .
bhavatvevaM mahAbhAge gacCha tvaM badarIvanam .
tatraiva mAM samarantI tvaM tyak{}tvedaM bhUtapa~ncakam .
mAmeva paramAtmAnamacirAtpratipadyase .. 83 ..
shrutvA raghUttamavaco.amR^itasArakalpaM gatvA tadaiva 
badarItarukhaNDajuShTam .
tIrthaM tadA raghupatiM manasA smarantI tyak{}tvA kalevaramavApa 
paraM padaM sA .. 84 ..
iti shrImadadhyAtmarAmAyaNe umAmaheshvarasaMvAde kiShkindhAkANDe 
ShaShThaH  sargaH .. 6 ..
\medskip\hrule\medskip

.. adhyAtmarAmAyaNe kiShkindhA kANDa ..
         saptama sargaH ..

shrImahAdeva uvAca .
atha tatra samAsInA vR^ixakhaNDeShu vAnarAH .
cintayanto vimuhyantaH sItAmArgaNakarshitAH .. 1 ..
tatrovAcA~N{}gadaH kAMshcidvAnarAn vAnararShabhaH .
bhramatAM gahvare.asmAkaM mAso nUnaM gato.abhavat .. 2 ..
sItA nAdhigatAsmAbhirna kR^itaM rAjashAsanam
yadi gacChAma kiShkindhAM sugrIvo.asmAn haniShyati .. 3 ..
visheShataH shatrusutaM mAM miShAnnihaniShyati .
mayi tasya kutaH prItirahaM rAmeNa raxitaH .. 4 ..
idAnIM rAmakAryaM me na kR^itaM tanmiShaM bhavet .
tasya maddhanane nUnaM sugrIvasya durAtmanaH .. 5 ..
mAtR^ikalpAM bhrAtR^ibhAryAM pApAtmAnubhavatyasau .
na gacCheyamataH pArshvaM tasya vAnarapu~N{}gavAH .. 6 ..
tyaxyAmi jIvitaM cAtra yena kenApi mR^ityunA .
ityashrunayanaM kecid{}dR^iShTvA vAnarapu~N{}gavAH .. 7 ..
vyathitAH sAshrunayanA yuvarAjamathAbrUvan .. 8 ..
kimarthaM tava shoko.atra vayaM te prANaraxakAH .
bhavAmo nivasAmo.atra guhAyAM bhayavarjitAH .. 9 ..
sarvasaubhAgyasahitaM puraM devapuropamam .
shanaiH parasparaM vAkyaM vadatAM mArutAtmajaH .. 10 ..
shrutvA~N{}gadaM samAli~N{}gya provAca nayakovidaH .
vicAryate kimarthaM te durvicAro na yujyate .. 11 ..
rAdnyo.atyantapriyastvaM hi tArAputro.ativallabhaH .
rAmasya laxmaNAtprItistvayi nityaM pravardhate .. 12 ..
ato na rAghavAdbhItistava rAdnyo visheShataH .
ahaM tava hite sakto vatsa nAnyaM vicAraya .. 13 ..
guhAvAsashca nirbhedya ityuktaM vAnaraistu yat .
tadetadrAmabANAnAmabhedyaM kiM jagattraye .. 14 ..
ye tvAM durbodhayantyete vAnarA vAnararShabha .
putradArAdikaM tyak{}tvA kathaM sthAsyanti te tvayA .. 15 ..
anyad{}guhyatamaM vaxye rahasyaM shrR^iNu me suta .
rAmo na mAnuSho devaH sAxAnnArAyaNo.avyayaH .. 16 ..
sItA bhagavatI mAyA janasammohakAriNI .
laxmaNo bhuvanAdhAraH sAxAcCheShaH phaNishvaraH .. 17 ..
brahmaNA prArthitAH sarve raxogaNavinAshane .
mAyAmAnuShabhAvena jAtA lokaikaraxakAH .. 18 ..
vayaM ca pArShadAH sarve viShNorvaikuNThavAsinaH .
manuShyabhAvamApanne svecChayA paramAtmani .. 19 ..
vayaM vAnararUpeNa jAtAstasyaiva mAyayA .
vayaM tu tapasA pUrvamArAdhya jagatAM patim .. 20 ..
tenaivAnugR^ihItAH smaH pArShadatvamupAgatAH .
idAnImapi tasyaiva sevAM kR^itvaiva mAyayA .. 21 ..
punarvaikuNThamAsAdya sukhaM sthAsyAmahe vayam .
itya~N{}gadamathAshvAsya gatA vindhyaM mahAcalam .. 22 ..
vicinvanto.atha shanakairjAnakIM daxiNAmbudheH .
tIre mahendrAkhyagireH pavitraM pAdayAyayuH .. 23 ..
dR^iShTvA samudraM duShpAramagAdhaM bhayavardhanam .
vAnarA bhayasaMtrastAH kiM kurma iti vAdinaH .. 24 ..
niShedurudadhestIre sarve cintAsamanvitAH .
mantrayAmAsuranyonyama~N{}gadAdyA mahAbalAH .. 25 ..
bhramato me vane mAso gato.atraiva guhAntare .
na dR^iShTo rAvaNo vAdya sItA vA janakAtmajA .. 26 ..
sugrIvastIxNadaNDa.asmAnnihatyeva na saMshayaH .
sugrIvavadhato.asmAkaM shreyaH prAyopaveshanam .. 27 ..
iti nishcitya tatraiva darbhAnAstIrya sarvataH .
upAviveshuste sarve maraNe kR^itanishcayAH .. 28 ..
etasminnantare tatra mahendrAdiguhAntarAt .
nirgatya shanakairAgAd{}gR^idhraH parvatasannibhaH .. 29 ..
dR^iShTvA prAyopaveshena sthitAnvAnarapu~N{}gavAn .
uvAca shanakairgR^idhraH prApto bhaxyo.adya me bahuH .. 30 ..
ekaikashaH kramAtsarvAn bhaxayAmi dine dine .
shrutvA tad{}gR^idhravacanaM vAnarA bhItamAnasAH .. 31 ..
bhaxayiShyati naH sarvAnasau gR^idhro na saMshayaH .
rAmakArya.n ca nAsmAbhiH kR^itaM ki~nciddharIshvarAH .. 32 ..
sugrIvasyApi ca hitaM na kR^itaM svAtmanAmapi .
vR^ithAnena vadhaM prAptA gacChAmo yamasAdanam .. 33 ..
aho jaTAyurdharmAtmA rAmasyArthe mR^itaH sudhIH ..
moxaM prApa durAvApaM yoginAmapyarindamaH .. 34 ..
sampAtistu tadA vAkyaM shrutvA vAnarabhAShitam .
ke vA yUyaM mama bhrAtuH karNapIyUShasannibham .. 35 ..
jaTAyuriti nAmadya vyAharantaH parasparam .
ucyatAM vo bhayaM mA bhUnmattaH plavagasattamAH .. 36 ..
tamuvAcA~N{}gadaH shrImAnutthito gR^idhrasannidhau .
rAmo dAsharathiH shrImAn laxmaNena samanvitaH .. 37 ..
sItayA bhAryayA sArdhaM vicacAra mahAvane .
tasya sItA hR^itA sAdhvI rAvaNena durAtmanA .. 38 ..
mR^igayAM nirgate rAme laxmaNe ca hR^itA balAt .
rAmarAmeti kroshantI shrutvA gR^idhraH pratApavAn .. 39 ..
jaTAyurnAma paxIndro yuddhaM kR^itvA sudAruNam .
rAvaNena hato vIro rAghavarthaM mahAbalaH .. 40 ..
rAmeNa dagdho rAmasya sAyujyamagamatxaNAt .
rAmaH sugrIvamAsAdya sakhyaM kR^itvAgnisAxikam .. 41 ..
sugrIvacodito hatvA vAlinaM sudurAsadam .
rAjyaM dadau vAnarANAM sugrIvAya mahAbalaH .. 42 ..
sugrIvaH preShayAmAsa sItAyAH parimArgaNe .
asmAnvAnaravR^indAnvai mahAsattvAnmahAbalaH .. 43 ..
mAsAdarvA~N{}nivartadhvaM nocetprANAnharAmi vaH .
ityAdnyayA bhramanto.asminvane gahvaramadhyagAH .. 44 ..
gato mAso na jAnImaH sItAM vA rAvaNaM ca vA ..
martuM prAyopaviShTA smastIre lavaNavAridheH .. 45 ..
yadi jAnAsi he paxinsItAM kathaya naH shubhAm .
a~N{}gadasya vacaH shrutvA sampAtirhR^iShTamAnasaH .. 46 ..
uvAca matpriyo bhrAtA jaTAyuH plavageshvarAH .
bahuvarShasahasrAnte bhrAtR^ivArtA shrutA mayA .. 47 ..
vAkyasAhAyyaM kariShye.ahaM bhavatAM plavageshvarAH .
bhrAtuH saliladAnAya nayadhvaM mAM jalAntikam .. 48 ..
pashcAtsarvaM shubhaM vaxye bhavatAM kAryasiddhaye .
tatheti ninyuste tIraM samudrasya viha~N{}gamam .. 49 ..
so.api tatsalile snAtvA bhrAturdattvA jalA~njalim .
punaH svasthAnamAsAdya sthito nIto harIshvaraiH .
sampAtiH kathayAmAsa vAnarAnpariharShayan .. 50 ..
la~N{}kA nAma nagaryAste trikUTagirimUrdhani .
tatrAshokavane sItA rAxasIbhiH suraxitA .. 51 ..
samudramadhye sA la~N{}kA shatayojanadUrataH .
dR^ishyate me na sandehaH sItA ca paridR^ishyate .. 52 ..
gR^idhratvAddUradR^iShTirme nAtra saMshayituM xamam .
shatayojanavistIrNaM samudraM yastu la~N{}ghayet .. 53 ..
sa eva jAnakIM dR^iShTvA punarAyAsyati dhruvam .
ahameva durAtmAnaM rAvaNaM hantumutsahe .
bhrAturhantAramekAkI kintu paxavivarjitaH .. 54 ..
yatadhvamatiyatnena la~N{}ghituM saratAM patim .
tato hantA raghushreShTho rAvaNa.m rAxasAdhipam .. 55 ..
ulla~N{}ghya sindhuM shatayojanAyataM la~N{}kAM pravishyAtha videhakanyakAm .
dR^iShTvA samAbhAShya ca vAridhiM punastartuM samarthaH katamo 
vicAryatAm .. 56 ..
iti shrImadadhyAtmarAmAyaNe umAmaheshvarasaMvAde kiShkindhAkANDe 
saptamaH  sargaH .. 7 ..
\medskip\hrule\medskip

.. adhyAtmarAmAyaNe kiShkindhA kANDa ..
aShTama sargaH ..

atha te kautukAviShTAH sampAtiM sarvavAnarAH .
papracChurbhagavan brUhi svamudantaM tvamAditaH .. 1 ..
sampAtiH kathayAmAsa svavR^ittAntaM purA katham .
ahaM purA jaTAyushca bhrAtarau rUDhayauvanau .. 2 ..
balena darpitAvAvAM balajidnyAsayA khagau .
sUryamaNDalaparyaMtaM gantumutpatitau madAt .. 3 ..
bahuyojanasAhasraM gatau tatra pratApitaH .
jaTAyustaM paritrAtuM paxairAcChAdya mohataH .. 4 ..
sthito.ahaM rashmibhirdagdhapaxo.asminvindhyamUrdhani .
patito dUrapatanAnmurcChito.ahaM kapIshvarAH .. 5 ..
dinatrayAtpunaH prANasahito dagdhapaxakaH .
deshaM vA girikUTAnvA na jAne bhrAntamAnasaH .. 6 ..
shanairunmIlya nayane dR^iShTvA tatrAshramaM shubham .
shanaiH shanairAshramasya samIpaM gatavAnaham .. 7 ..
candramA nAma munirAD dR^iShTvA mAM vismito.avadat .
sampAte kimidaM te.adya virUpaM kena va kR^itam .. 8 ..
jAnAmi tvAmahaM pUrvamatyantaM balavAnasi .
dagdhau kimarthaM te paxau kathyatAM yadi manyase .. 9 ..
tataH svaceShTitaM sarvaM kathayitvAtiduHkhitaH .
abravaM munishArdUla dahye.ahaM dAvavahninA .. 10 ..
kathaM dhArayituM shakto vipaxo jIvitaM prabho .
ityukto.atha munirvIxya mAM dayArdravilocanaH .. 11 ..
shrR^iNu vatsa vaco me.adya shrutvA kuru yathepsitam .
dehamUlamidaM duHkhaM dehaH karmasamudbhavaH .. 12 ..
karma pravartate dehe.ahaMbuddhyA puruShasya hi .
aha~N{}kArastvanAdiH syAdavidyAsambhavo jaDaH .. 13 ..
cicChAyayA sadA yuktastaptAyaH piNDavatsadA .
tena dehasya tAdAtmyAddehashcetanavAnbhavet .. 14 ..
deho.ahamiti buddhiH syAdAtmano.aha~N{}kR^iterbalAt .
tanmUla eSha saMsAra suduHkhAdisAdhakaH .. 15 ..
Atmano nirvikArasya mithyA tAdAtmyataH sadA .
deho.ahaM karmakartAhamiti sa~N{}kalpya sarvadA .. 16 ..
jIvaH karoti karmANi tatphalairbad{}dhyate.avashaH .
UrdhvAdho bhramate nityaM pApapuNyAtmakaH svayam .. 17 ..
kR^itaM mayAdhikaM puNyaM yadnyadAnAdi nishcitam .
svargaM gatvA sukhaM bhoxya iti sa~N{}kalpavAnbhavet .. 18 ..
tathaivAdhyAsatastatra ciraM bhuk{}tvA sukhaM mahat .
xINapuNyaH patatyarvAganicChankarmacoditaH .. 19 ..
patitvA maNDale cendostato nIhArasaMyutaH .
bhUmau patitvA vrIhyAdau tatra sthitvA ciraM punaH .. 20 ..
bhUtvA caturvidhaM bhojyaM puruShairbhujyate tataH .
reto bhUtvA punastena R^itau strIyonisi~ncitaH .. 21 ..
yoniraktena saMyuktaM jarAyupariveShTitam .
dinenaikena kalalaM bhUtvA rUDhatvamApnuyAt .. 22 ..
tatpunaH pa~ncarAtreNa bud{}budAkAratAmiyAt .
saptarAtreNa tadapi mAMsapeshitvamApnuyAt .. 23 ..
paxamAtreNa sA peshI rudhireNa pariplutA .
tasyA evA~N{}kurotpattiH pa~ncaviMshatirAtriShu .. 24 ..
grIvA shirashca skandhashca pR^iShThavaMshastathodaram .
pa~ncadhA~N{}gAni caikaikaM jAyante mAsataH kramAt .. 25 ..
pANipAdau tathA pArshvaH kaTirjAnu tathaiva ca .
mAsadvayArprajAyante krameNaiva na cAnyathA .. 26 ..
tribhirmAsaiH prajAyante a~N{}gAnAM sandhayaH kramAt .
sarvA~N{}gulyaH prajAyante kramAnmAsacatuShTaye .. 27 ..
nAsA karNau ca netre ca jAyante pa~ncamAsataH .
dantapa~N{}ktirnakhA guhyaM pa~ncame jAyate tathA .. 28 ..
arvAkShaNmAsatashChidraM karNayorbhavati sphuTam .
pAyutmeDhamupasthaM ca nAbhishcApi bhavennR^iNAm .. 29 ..
saptame mAsi romANi shiraH keshAstathaiva ca .
vibhaktAvayavatvaM ca sarvaM sampadyate.aShTame .. 30 ..
jaThare vardhate garbhaH strIyA evaM viha~N{}gama .
pa~ncame mAsi caitanyaM jIvaH prApnoti sarvashaH .. 31 ..
nAbhisutrAlparandhreNa mAtR^ibhuktAnnasArataH .
vardhate garbhataH piNDo na mriyeta svakarmataH .. 32 ..
smR^itvA sarvANi janmAni pUrvakarmANi sarvashaH .
jaTharAnalatapto.ayamidaM vacanamabravIt .. 33 ..
nAnAyonisahasreShu jAyamAno.anubhUtavAn .
putradArAdisambandhaM koTishaH pashubAndhavAn .. 34 ..
kuTumbabharaNAsak{}tyA nyAyAnyAyairdhanArjanam .
kR^itaM nAkaravaM viShNucintAM svapne.api durbhagaH .. 35 ..
idAnIM tatphalaM bhu~nje garbhaduHkhaM mahattaram .
ashAshvate shAshvatavaddehe tR^iShNAsamanvitaH .. 36 ..
akAryANyeva kR^itavAnna kR^itaM hitamAtmanaH .
ityevaM bahudhA duHkhamanubhUya svakarmataH .. 37 ..
kadA niShkramaNaM me syAd{}garbhAnnirayasannibhAt .
ita UrdhvaM  nityamahaM viShNumevAnupUjaye .. 38 ..
ityAdi cintayan jIvo yoniyantraprapIDitaH .
jAyamAno.atiduHkhena narakAtpAtakI yathA .. 39 ..
pUtivraNAnnipatitaH kR^imireSha ivAparaH .
tato bAlyAdiduHkhAni sarva evaM vibhu~njate .. 40 ..
tvayA caivAnubhUtAni sarvatra viditAni ca .
na varNitAni me gR^idhra yauvanAdiShu sarvataH .. 41 ..
evaM deho.ahasmityasmAdabhyAsAnnirayAdikam .
garbhavAsAdiduHkhAni bhavantyabhiniveshataH . .. 42 ..
tasmAddehadvayAdanyamAtmAnaM prakR^iteH param .
dnyAtvA dehAdimamatAM tyak{}tvAtmadnyAnavAn bhavet .. 43 ..
jAgradAdivinirmuktaM satyadnyAnAdilaxaNam .
shuddhaM buddhaM sadA shAntamAtmAnamavadhArayet .. 44 ..
cidAtmani paridnyAte naShTe mohe.adnyasambhave .
dehaH patatu vArabdhakarmavegena tiShThatu .. 45 ..
yogino na hi duHkhaM vA sukhaM vAdnyAnasambhavam .
tasmAddehena sahito yAvatprArabdhasa~NxayaH .. 46 ..
tAvattiShTha sukhena tvaM dhUtaka~ncukasarpavat .
anyadvaxyAmi te paxin shrR^iNu me paramaM hitam .. 47 ..
tretAyuge dAsharathibhUtvA nArAyaNo.avyayaH .
rAvaNasya vadhArthAya daNDakAnAgamiShyati .. 48 ..
sItayA bhAryayA sArdhaM laxmaNena samanvitaH .
tatrAshame janakajAM bhrAtR^ibhyAM rahite vane .. 49 ..
rAvaNashcoravannitvA la~N{}kAyAM sthApayiShyati .
tasyAH sugrIvanirdeshAdvAnarAH parimArgaNe .. 50 ..
AgamiShyanti jaladhestIraM tatra samAgamaH .
tvayA taiH kAraNavashAd{}bhaviShyati na saMshayaH .. 51 ..
tadA sItAsthitiM tebhyaH kathayasva yathArthataH .
tadaiva tava paxau dvAvutpatsyete punarnavau .. 52 ..
         sampAtiruvAca .
bodhamAyAsa mAM candranAmA munikuleshvaraH .
pashyantu paxau me jAtau nUtanAvatikomalau .. 53 ..
svasti vo.astu gamiShyAmi sItAM draxyatha nishcayam .
yatnaM kurudhvaM durla~N{}ghyasamudrasya vila~N{}ghane .. 54 ..
yannAmasmR^itimAtrato.aparimitaM saMsAravArAnidhiM
tIrtvA gacChati durjano.api paramaM viShNo padaM shAshvatam .
tasyaiva sthitikAriNastrIjagatAM rAmasya bhaktAH priyA
yUyaM kiM na samudramAtrataraNe shaktAH kathaM vAnarAH .. 55 ..
iti shrImadadhyAtmarAmAyaNe umAmaheshvarasaMvAde kiShkindhAkANDe 
aShTamaH   sargaH .. 8 ..
\medskip\hrule\medskip

.. adhyAtmarAmAyaNe kiShkindhA kANDa ..
         navama sargaH ..

         shrImahAdeva uvAca .
gate vihAyasA gR^idhrarAje vAnarapu~N{}gavAH .
harSheNa mahatAviShTAH sItAdarshalAlasAH .. 1 ..
UcuH samudraM pashyanto nakracakrabhaya~N{}karam .
tara~N{}gAdibhirunnaddhamAkAshamiva durgraham .. 2 ..
parasparamavocanvai kathamenaM tarAmahe .
uvAca cA~N{}gadastatra shrR^iNudhvaM vAnarottamAH .. 3 ..
bhavantyo.atyantabalinaH shUrAshca kR^itavikramAH .
ko vAtra vAridhiM tIrtvA rAjakAryaM kariShyati .. 4 ..
eteShAM vAnarANAM sa prANadAtA na saMshayaH .
taduttiShThatu me shIghraM purato yo mahAbalaH .. 5 ..
vAnarANAM ca sarveShAM rAmasugrIvayorapi .
sa eva pAlako bhUyAnnAtra kAryA vicAraNA .. 6 ..
ityukte yuvarAjena tUShNIM vAnarasainikAH .
AsannocuH ki~ncidapi parasparavilokinaH .. 7 ..
         a~N{}gada uvAca .
ucyatAM vai balaM sarvaiH pratyekaM kAryasiddhaye .
kena vA sAdhyate kAryaM jAnImastadanantaram .. 8 ..
a~N{}gadasya vacaH shrutvA procurvIrA balaM pR^ithak .
yojanAnAM dashArabhya dashottaraguNaM jaguH .. 9 ..
shatAdarvAgjAmbavAMstu prAha madhye vanaukasAm .
purA trivikrame deve pAdaM bhUmAnalaxaNam .. 10 ..
triHsaptakR^itvo.ahamagAM pradaxiNavidhAnataH .
idAnIM vArdhakagrasto na shaknomi vila~N{}ghitum .. 11 ..
a~N{}gado.apyAha me gantuM shakyaM pAraM mahodadheH .
punarla~N{}ghanasAmarthyaM na jAnAmyasti vA na vA .. 12 ..
tamAha jAmbavAnvIrastvaM rAjA no niyAmakaH .
na yuktaM tvAM niyoktuM me tvaM samartho.api yadyapi .. 13 ..
         a~N{}gada uvAca .
evaM cetpUrvavatsarve svapsyAmo darbhaviShTare .
kenApi na kR^itaM kAryaM jIvituM ca na shakyate .. 14 ..
tamAha jAmbavAnvIro darshayiShyAmi te suta .
yenAsmAkaM kAryasiddhirbhaviShyatyaciraNe ca .. 15 ..
ityukt{}vA jAmbavAnprAha hanUmantamavasthitam .
hanUmankiM rahastUShNIM sthIyate kAryagaurave .. 16 ..
prApte.adnyeneva sAmarthaM darshayAdya mahAbala .
tvaM sAxAdvAyutanayo vAyutulyaparAkramaH .. 17 ..
rAmakAryArthameva tvaM janito.asi mahAtmanA .
jAtamAtreNa te pUrvaM dR^iShTvodyantaM vibhAvasum .. 18 ..
pakvaM phalaM jighR^ixAmItyutplutaM bAlaceShTayA .
yojanAnAM pa~ncashataM patito.asi tato bhuvi .. 19 ..
atastvad{}balamAhAtmyaM ko vA shaknoti varNitum .
uttiShTha kuru rAmasya kAryaM naH pAhi suvrata .. 20 ..
shrutvA jAmbavato vAkyaM hanUmAnatiharShitaH .
cakAra nAdaM siMhasya brahmANDaM sphoTayanniva .. 21 ..
babhUva parvatAkArastrivikrama ivAparaH .
la~N{}ghayitvA jalanidhiM kR^itvA la~N{}kAM ca bhasmasAt .. 22 ..
rAvaNaM sakulaM hatvAneShye janakanandinIm .
yadvA bad{}dhvA gale rajjvA rAvaNaM vAmapANinA .. 23 ..
la~N{}kAM saparvatAM dhR^itvA rAmasyAgre xipAmyaham .
yadvA dR^iShTvaiva yAsyAmi jAnakIM shubhalaxaNAm .. 24 ..
shrutvA hanumato vAkyaM jAmbavAnidamabravIt .
dR^iShTvaivAgacCha bhadraM te jIvantIM jAnakIM shubhAm .. 25 ..
pashcAdrAmeNa sahito darshayiShyasi pauruSham .
kalyANa bhavatAd{}bhadra gacChataste vihAyasA .. 26 ..
gacChantaM rAmakAryArthaM vAyustvAmanugacChatu .
ityAshIrbhiH samAmantrya visR^iShTaH plavagAdhipaiH .. 27 ..
mahendrAdrishiro gatvA babhUvAd{}bhutadarshanaH .. 28 ..
mahAnagendrapratimo mahAtmA suvarNavarNo.aruNacAruvak{}traH .
mahAphaNIndrAbhasudIrghabAhurvAtAtmajo.adR^ishyata sarvabhUtaiH .. 29 ..
iti shrImadadhyAtmarAmAyaNe umAmaheshvarasaMvAde kiShkindhAkANDe 
navamaH sargaH .. 9 ..
.. samAptamidaM kiShkindhAkANDam ..
##
\medskip\hrule\medskip
Encoded and proofread by 
Vishwas Bhide vishwas underscore bhide at yahoo.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}