%@@1
% File name             : adhyaatmaRamuttara.itx
%--------------------------------------------
% Text title            : adhyaatma raamaayaNa uttara kANDa
% Author                : Shri Veda Vyas
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas underscore bhide at yahoo.com
% Proofread by          : Vishwas Bhide vishwas underscore bhide at yahoo.com
% Latest update         : June 20, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com  See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=10pt                
\let\usedvng=\normaldvng      
\pagenumbering{itrans} 
\def\twocol{\begin{multicols}{2}}
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\hugedvng #1}\medskip\hrule}
\def\endtitles{\medskip\twocol\obeyspaceslines}
\newfont{\csroman}{putr8i at 9pt}
\newfont{\csromani}{putri8i at 9pt}

#romanifm=romancsx.ifm
#romanfont=\csroman

%%
\begin{document}
\engtitle{.. adhyAtmarAmAyaNe uttarakaaNDam.h ..}##
\itxtitle{.. adhyAtmarAmAyaNe uttarakaaNDam.h ..}##\endtitles ##
.. atha adhyAtmarAmAyaNe uttarakANDam ..
        .. prathamaH sargaH..

shrImahAdeva uvAca .
jayati raghuvaMshatilakaH kausalyAhR^idayanandano rAmaH .
dashavadananidhanakArI dAsharathiH puNDarikAxaH .. 1 ..
pArvatyuvAca .
atharAmaH kimakarotkausalyAnandavardhanaH .
hatvA mR^idhe rAvaNAdIn raxasAnbhImavikramaH .. 2 ..
abhiShiktastvayodhyAyAM sItayA saha rAghavaH .
mAyAmAnuShatAM prApya kati varShANi bhUtale .. 3 ..
sthitavAn lIlayA devaH paramAtmA sanAtanaH .
atyajanmAnuShaM lokaM kathamante raghUd{}vahaH .. 4 ..
etadAkhyAhi bhagavan shraddadhatyA mama prabho .
kathApIyuShamAsvAdya tR^iShNA me.atIva vardhate .
rAmacandrasya bhagavAn brUhi vistarashaH kathAm .. 5 ..
shrImahAdeva uvAca .
rAaxasAnAM vadhaM kR^itvA rAjye rAma upasthite .
AyayurmunayaH sarve shrIrAmamabhivanditum .. 6 ..
vishvAmitro.asitaH kaNvo durvAsA bhR^igura~N{}girAH .
kashyapo vAmadeva.atristathA saptarShayo.amalAH .. 7 ..
agastyaH saha shiShyaishca munibhiH sahito.abhyagAt .
dvAramAsAdya rAmasya dvArapAlamathAbravIt .. 8 ..
brUhi rAmAya munayaH samAgatya bahiHsthitAH .
agastyapramukhAH sarve AshIrbhirabhinanditum .. 10 ..
pratihArastato rAmamagastyavacanAd drutam .
namaskR^ityAbravIdvAkyaM vinayAvanataH prabhum .. 10 ..
kR^itA~njaliruvAdedamagastyo munibhiH saha .
deva tvaddarshanArthAya prApto bahirupasthitaH .. 11 ..
tamuvAca dvArapAlaM praveshaya yathAsukham .
pUjitA vivishurveshma nAnAratnavibhUShitam .. 12 ..
dR^iShTvA rAmo munIn shIghraM pratyutthAya kR^itA~njaliH .
pAdyArghyAdibhirApUjya gAM nivedya yathAvidhi .. 13 ..
natvA tebhyo dadau divyAnyAsanAni yathArhataH .
upaviShTA prahR^iShTAshca munayo rAmapUjitAH .. 14 ..
sampR^iShTAkushalAH sarve rAmaM kushalamabruvan .
kushalaM te mahAbAho sarvatra raghunandana .. 15 ..
diShTyedAnIM prapashyAmo hatashatrumarindama .
na hi bhAraH sa te rAma rAvaNo rAxaseshvaraH .. 16 ..
sadhanustvaM hi lokAMstrIn vijetaM shakta eva hi .
diShTyA tvayA hatAH sarve rAxasA rAvaNAdayaH .. 17 ..
sahyametanmahAbAho rAvaNasya nibarhaNam .
asahyametatsamprAptaM rAvaNeryanniShUdanam .. 18 ..
antakapratimAH sarve kumbhakarNAdayo mR^idhe .
antakapratimairbANairhatAste raghusattama .. 19 ..
dattvA ceyaM tvayAsmAkaM purA hyabhayadaxiNA .
hatvA raxogaNAnsa~N{}khye kR^itakR^ityo.adya jIvasi .. 20 ..
shrutvA tu bhaShitaM teShAM muninAM bhAvitAtmanAm .
vismayaM paramaM gatvA rAmaH prA~njalirabravIt .. 21 ..
rAvaNAdInatikramya kumbhakarNAdirAxasAn .
trilokajayino hitvA kiM prashaMsatha rAvaNim .. 22 ..
tatastadvacanaM shrutvA rAghavasya mahAtmanaH .
kumbhayonirmahAtejA rAmaM prItyA vaco.abravIt .. 23 ..
shrR^iNu rAma yathA vR^ittaM rAvaNe rAvaNasya ca .
janma karma varAdAnaM sa~N{}xepAdvadato mama .. 24 ..
purA kR^itayuge rAma pulastyo brahmaNaH sutaH .
tapastaptuM gato vidvAnmeroH pArshvaM mahAmatiH .. 25 ..
tR^iNabindorAshrame.asau nyavasanmunipu~N{}gavaH .
tapastepe mahAtejAH svAdhyAyanirataH sadA .. 26 ..
tatrAshrame mahAramye devagandharvakanyakAH .
gAyantyo nanR^itustatra hasantyo vAdayanti ca .. 27 ..
pulastyasya tapovighnaM cakruH sarvA aninditAH .
tataH kruddho mahAtejA vyAjahAra vaco mahat .. 28 ..
yA me dR^iShTipathaM gacChetsA garbhaM dhArayiShyati .
tAH sarvAH shApasaMvignA na taM deshaM pracakramuH .. 29 ..
tR^iNabindostu rAjarSheH kanyA tannAshrR^iNodvacaH .
vicacAra muneragre nirbhayA taM prapashyatI .. 30 ..
babhUva pANDuratanurvya~njitAntaH sharIrajA .
dR^iShTvA sA dehavaivarNyaM bhItA pitaramanvagAt .. 31 ..
tR^iNabindushca tAM dR^iShTvA rAjarShiramitadyutiH .
dhyAtvA munikR^itaM sarvamavaidvidnyanacaxuShA .. 32 ..
tAM kanyAM munivaryAya pulastyAya dadau pitA .
tAM pragR^ihyAbravItkanyAM bADhamityeva sa dvijaH .. 33 ..
shushrUShaNaparAM dR^iShTvA muniH prIto.abravIdvacaH .
dAsyAmi putramekaM te ubhayorvaMshavardhanam .. 34 ..
tataH prAsUta sA putraM pulastyAllokavishrutam .
vishravA iti vikhyAtaH paulastyo brahmavinmuniH .. 35 ..
tasya shIlAdikaM dR^iShTvA bharadvAjo mahAmuniH .
bhAryArthaM svAM duhitaraM dadau vishravase mudA .. 36 ..
tasyAM tu putraH sa~njadnye paulastyAllokasammataH .
pitR^itulyo vaishravaNo brahmaNA cAnumoditaH .. 37 ..
dadau tattapasA tuShTo brahmA tasmai varaM shubham .
mano.abhilaShitaM tasya dhaneshatvamakhaNDitam .. 38 ..
tato labdhavaraH so.api pitaraM draShTumAgataH .
puShpakeNa dhanAdhyaxo brahmadattena bhAsvatA .. 39 ..
namaskR^ityAtha pitaraM nivedya tapasaH phalam .
prAha me bhagavAn brahmA dattvA varamaninditam .. 40 ..
nivAsAya na me sthAnaM dattavAnparameshvaraH .
brUhi me niyataM sthAnaM hiMsA yatra na kasyacit ..  41 ..
vishravA api taM prAha la~N{}kAnAma purI shubhA .
rAxasAnAM nivAsAya nirmitA vishvakarmaNA .. 42 ..
tyak{}tvA viShNubhayAddaityA vivishuste rasAtalam .
sA purI duShpradharShAnyairmadhyesAgaramAsthitA .. 43 ..
tatra vAsAya gacCha tvaM nAnyaiH sAdhiShThitA purA .
pitrAdiShTastvasau gatvA tAM purIM dhanado.avishat .. 44 ..
sa tatra suciraM kAlamuvAsa pitR^isammataH .
kasyacittvatha kAlasya sumAlI nAma rAxasaH .. 45 ..
rasAtalAnmartyalokaM cacAra pishitAshanaH .
gR^ihitvA tanayAM kanyAM sAxAddevImiva shriyam .. 46 ..
apashyaddhanadaM devaM carantaM puShpakeNa saH .
hitAya cintayAmAsa rAxasAnAM mahAmanAH .. 47 ..
uvAca tanayAM tatra kaikasIM nAma nAmataH .
vatse vivAhakAlaste yauvanaM cAtivartate .. 48 ..
pratyAkhyAnAcca bhItaistvaM na varairgR^ihyase shubhe .
sA tvaM varaya bhadraM te muniM brahmakulodbhavam .. 49 ..
svayameva tataH putrA bhaviShyanti mahAbalAH .
IdR^ishAH sarvashobhADhyA dhanadena samAH shubhe .. 50 ..
tatheti sAshramaM gatvA muneragre vyavasthitA .
likhantI bhuvamagreNa pAdenAdhomukhI sthitA .. 51 ..
tAmapR^icChanmuniH kA tvaM kanyAsi varavarNini .
sAbravItprA~njalirbrahman dhyAnena dnyAtumarhasi .. 52 ..
tato dhyAtvA muniH sarvaM dnyAtvA taM pratyabhAShata .
dnyAtaM tavAbhilaShitaM mattaH putrAnabhIpsasi .. 53 ..
dAruNAyAM tu velAyAmAgatAsi sumadhyame .
ataste dAruNau putrau rAxasau sambhaviShyataH .. 54 ..
sAbravInmunishArdUla tvatto.apyevaMvidhau sutau .
tAmAha pashcimo yaste bhaviShyati mahAmatiH .. 55 ..
mahAbhAgavataH shrImAn rAmabhaktyekatatparaH .
ityuktA sA tathA kAle suShuve dashakandharam .. 56 ..
rAvaNaM viMshatibhujaM dashashIrShaM sudAruNam .
tadraxojAtamAtreNa cacAla ca vasundharA .. 57 ..
babhUvurnAshahetUni nimittAnyakhilAnyapi .
kumbhakarNastato jAto mahAparvatasannibhaH .. 58 ..
tataH shUrpaNakhA nAma jAtA rAvaNasodarI .
tato vibhIShaNo jAtaH shAntAtmA saumyadarshanaH .. 59 ..
svAdhyAyI niyatAhAro nityakarmaparAyaNaH .
kumbhakarNastu duShTAtmA dvijAn santuShTacetasaH .. 60 ..
bhaxayannR^iuShisa~N{}ghAshca vicacArAtidAruNaH .
rAvaNo.api mahAsattvo lokAnAM bhayadAyakaH .
vavR^idhe lokanAshAya hyAmayo dehinAmiva .. 61 ..
rAma tvaM sakalAntarasthamabhito jAnAsi vidnyAnadR^ik
sAxI sarvahR^idi sthito hi paramo nityodito nirmalaH .
tvaM lIlAmanujAkR^itiH svamahiman mAyAguNairnAjyase
lIlArthaM praticodito.adya bhavatA vaxyAmi raxod{}bhavam .. 62 ..
jAnAmi kevalamanantyamacintyashaktiM
cinmAtramaxaramajaM viditAtmatattvam .
tvAM rAma gUDhanijarUpamanupravR^itto
mUDho.apyahaM bhavadanugrahatashcarAmi .. 63 ..
evaM vadantaminavaMshapavitrakIrtiH
kumbhodbhavaM raghupatiH prahasanbabhAShe .
mAyAshriyaM sakalametadananyakatvAn
matkIrtanaM jagati pApahAraM nibodha .. 64 ..
iti shrImadadhyAtmarAmAyaNe umAmaheshvarasaMvAde uttarakANDe
prathamaH sargaH .. 1 ..
\medskip\hrule\medskip

.. adhyAtmarAmAyaNe uttarakaaNDa ..
dvitIya sargaH ..

shrImahAdeva uvAca .

shrIrAmavacanaM shrutvA paramAnandanirbharaH .
muniH provAca sadasi sarveShAM tatra shrR^iNvatAm .. 1 ..
atha vitteshvaro devastatra kAlena kenacit .
Ayayau puShpakArUDhaH pitaraM draShTama~njasA .. 2 ..
dR^iShTvA taM kaikasI tatra bhrAjamAnaM mahaujasam .
rAxasI putrasAmIpyaM gatvA rAvaNamabravIt .. 3 ..
putra pashya dhanAdhyaxaM jvalantaM svena tejasA .
tvamapyevaM yathA bhUyAstathA yatnaM kuru prabho .. 4 ..
tacChrutvA rAvaNo roShAt pratidnyAmakarod{}drutam .
dhanadena samo vApi hyAdhiko vAcireNa tu .. 5 ..
bhaviShyAmyamba mAM pashya santApaM tyaja suvrate .
ityuk{}tvA duShkaraM kartuM tapaH sa dashakandharaH .. 6 ..
agamatphalasiddhyarthaM gokarNaM tu sahAnujaH .
svaM svaM niyamamAsthAya bhrAtaraste tapo mahat .. 7 ..
AsthitA duShkaraM ghoraM sarvalokaikatApanam .
dashavarShasahasrANi kumbhkarNo.akarottapaH .. 8 ..
vibhIShaNo.api dharmAtmA satyadharmaparAyaNaH .
pa~ncavarShasahasrANi pAdenaikena tasthivAn .. 9 ..
divyavarShasahasrANi tu nirAhAro dashAnanaH .
pUrNe varShasahasre tu shIrShamagnau jujAva saH .
evaM varShasahasrANi nava tasyAticakramuH .. 10 ..
atha varShasahasraM tu dashame dashamaM shiraH .
chettukAmasya dharmAtmA prAptashcAtha prajApatiH .
vatsa vatsa dashagrIva prIto.asmItyabhyabhAShata .. 11 ..
varaM varaya dAsyAmi yatte manasi kA~N{}xitam .
dashagrIvo.api tacChrutvA prahR^iShTenAntarAtmanA .. 12 ..
amaratvaM vR^iNomIsha varado yadi me bhavAn .
suparNanAgayaxANAM devatAnAM tathAsuraiH .
avadhyatvaM tu me dehi tR^iNabhUtA hi mAnuShAH .. 13 ..
tathAstviti prajAdhyaxaH punarAha dashAnanam .
agnau hutAni shIrShANi yAni te.asurapu~N{}gava .. 14 ..
bhaviShyati yathApUrvamaxayANi ca sattama .. 15 ..
evamuk{}tvA tato rAma dashagrIvaM prajApatiH .
vibhIShaNamuvAcedaM praNataM bhaktavatsalaH .. 16 ..
vibhIShaNa tvayA vatsa kR^itaM dharmArthamuttamam .
tapastato varaM vatsa vR^iNIShvAbhimataM hitam .. 17 ..
vibhIShaNo.api taM natvA prA~njalirvAkyamabravIt .
deva me sarvadA buddhirdharme tiShThatu shAshvatI .
mA rocayatvadharmaM me buddhiH sarvatra sarvadA .. 18 ..
tataH prajApatiH prIto vibhIShaNamathAbravIt .
vatsa tvaM dharmashilo.asi tathaiva ca bhaviShyasi .. 19 ..
ayAcito.api te dAsye hyamaratvaM vibhIShaNa .
kumbhakarNamathovAca varaM varaya suvrata .. 20 ..
vANyA vyApto.atha taM prAha kumbhakarNaH pitAmaham .
svapsyAmi deva ShaNmAsAndinamekaM tu bhojanam .. 21 ..
evamastviti taM prAha brahmA dR^iShTvA divaukasaH .
sarasavatI ca tadvak{}trAnnirgatA prayayau divam .. 22 ..
kumbhakarNastu duShTAtmA cintayAmAsa duHkhitaH .
anabhipretamevAsyAtkiM nirgatamaho vidhiH .. 23 ..
sumAlI varalabdhAaMstAn dnyAtvA pautrAn nishAcarAn .
pAtAlAnnirbhayaH prAyAt prahastAdibhiranvitaH .. 24 ..
dashagrIvaM pariShvajya vacanaM cedamabravIt .
diShTyA te putra saMvR^ito vA~nChito me manorathaH .. 25 ..
yad{}bhayAcca vayaM la~N{}kAM tyak{}tvA yAtA rasAtalam .
tadgataM no mahAbAho mahadviShNukR^itaM bhayam .. 26 ..
asmAbhiH pUrvamuShitA la~N{}keyaM dhanadena te .
bhrAtrAkrAntAmidAnIM tvaM pratyAnetumihArhasi .. 27 ..
sAmnA vAtha balenApi rAdnyAM bandhuH kutaH suhR^it .
ityukto rAvaNaM prAha nArhasyevaM prabhAShitum .. 28 ..
vittesho gururasmAkamevaM shrutvA tamabravIt .
prahastaH prashritaM vAkyaM rAvaNaM dashakandharam .. 29 ..
shrR^iNu rAvaNa yatnena naivaM tvaM vaktumarhasi .
nAdhItA rAjadharmAste nItishAstraM tathaiva ca .. 30 ..
shUrANAM nahi saubhrAtraM shrR^iNu me vadataH prabho .
kashyapasya sutA devA rAxasAshca mahAbalAH .. 31 ..
parasparamayudhyanta tyak{}tvA sauhR^idamAyudhaiH .
naivedAnIntanaM rAjan vairaM devairanuShThitam .. 32 ..
prahastasya vacaH shrutvA dashagrIvo durAtmanaH .
tatheti krodhatAmrAxastrikUTAcalamanvagAt .. 33 ..
dUtaM prahastaM sampreShya niShkAya dhanadeshvaram .
la~N{}kAmAkramya sacivai rAxasaiH sukhamAsthitaH .. 34 ..
dhanadaH pitR^ivAkyena tyak{}tvA la~N{}kAM mahAyashAH .
gatvA kailAsashikharaM tapasAtoShayacChivam .. 35 ..
tena sakhyamanuprApya tenaiva paripAlitaH .
alakAM nagarIM tatra nirmame vishvakarmaNA .. 36 ..
dikpAlatvaM cakArAtra shivena paripAlitaH .
rAvaNo rAxasaiH sArdhamabhiShiktaH sahAnujaiH .. 37 ..
rAjyaM cakArAsurANAM trilokIM bAdhayan khalaH .
bhaginIM kAlakha~njAya dadau vikaTarUpiNIm .. 38 ..
vidyujjihvAya nAmnAsau mahAmayI nishAcaraH .
tato mayA vishvakarmA rAxasAnAM diteH sutaH .. 39 ..
sutAM mandodarIM nAmnA dadau lokaikasundarIm .
rAvaNAya punaH shaktimamoghAM prItamAnasaH .. 40 ..
vairocanasya dauhitrIM vR^itrajvAleti vishrutAm .
svayaMdattAmudavahatkumbhakarNAya rAvaNaH .. 41 ..
gandharvarAjasya sutAM shailUShasya mahAtmanaH .
vibhIShaNasya bhAryArthe dharmadnyAM samudAvahat .. 42 ..
saramAM nAma subhagAM sarvalaxaNasaMyutAm .
tato mandodarI putraM meghanAdamajIjanat .. 43 ..
jAtamAtrastu yo nAdaM meghavatpramumoca ha .
tataH sarve.abruvanmeghanAdo.ayamiti cAsakR^it .. 44 ..
kumbhakarNastataH prAha nidrA mAM bAdhate prabho .
tatashca kArayAmAsa guhAM dIrghAM suvistarAm .. 45 ..
tatra suShvApa mUDhAtmA kumbhakarNo vighUrNitaH .
nidrite kumbhakarNe tu rAvaNo lokarAvaNaH .. 46 ..
brAhmaNAn R^iShimukhyAMshca devadAnavakinnarAn .
devashriyo manuShyAMshca nijaghne samahoragAn .. 47 ..
dhanado.api tataH shrutvA rAvaNasyAkramaM prabhuH .
adharmaM mA kuruShveti dUtavAkyairnyavArayat .. 48 ..
tataH kruddho dashagrIvo jagAma dhanadAlayam .
vinirjitya dhanAdhyaxaM jahArottamapuShpakam .. 49 ..
tato yamaM ca varuNaM nirjitya samare.asuraH .
svargalokamagAtturNaM devarAjajighAMsayA .. 50 ..
tato.abhavanmahadyuddhamindreNa saha daivataiH .
tato rAvaNamabhyetya babandha tridasheshvaraH .. 51 ..
tacChrutvA sahasAgatya meghanAdaH pratApavan .
kR^itvA ghoraM mahadyuddhaM jitvA tridashapu~N{}gavAn .. 52 ..
indraM gR^ihItvA badhvAsau meghanAdo mahAbalaH .
mocayitvA tu pitaraM gR^ihItvendraM yayau puram .. 53 ..
brahmA tu mocayAmAsa devendraM meghanAdataH .
tattvA varanbahUMstasmai brahmA svabhavanaM yayau .. 54 ..
rAvaNo vijayI lokAnsarvAn jitvAkrameNa tu .
kailAsaM tolayAmAsa bAhubhiH parighopamaiH .. 55 ..
tatra nandIshvareNaivaM shapto.ayaM rAxaseshvaraH .
vAnarairmAnuShaishcaiva nAshaM gacCheti kopinA .. 56 ..
shapto.apyagaNayan vAkyaM yayau haihayapattanam .
tena baddho dashagrIvaH pulastyena vimocitaH .. 57 ..
tato.atibalamAsAdya jighAMsurharipu~N{}gavam .
dhR^itastenaiva kaxeNa vAlinA dashakandharaH .. 58 ..
bhrAmayitvA tu caturaH samudrAn rAvaNaM hariH .
visarjayAmAsa tatastena sakhyaM cakAra saH .. 59 ..
rAvaNaH paramaprIta evaM lokAnmahAbalaH .
cakAra svavashe rAma bubhuje svayameva tAn .. 60 ..
evamprabhAvo rAjendra dashagrIvaH sahendrajit .
tvayA vinihitaM sa~N{}khye rAvaNo lokarAvaNaH .. 61 ..
meghanAdashca nihato laxmaNena mahAtmanA .
kumbhakarNashca nihatastvayA parvatasannibhaH .. 62 ..
bhavAnnArAyaNaH sAxAjjagatAmAdikR^idvibhuH .
tvatsvarUpamidaM sarvaM jagatsthAvaraja~M{}gamam .. 63 ..
tvannAbhikamalotpanno brahmA lokapitAmahaH .
agniste mukhato jAto vAcA saha raghuttama .. 64 ..
bAhubhyAM lokapAlaughAshcaxurbhyAM candrabhAskarau .
dishashca vidishashcaiva karNAbhyAM te samutthitAH .. 65 ..
ghrANAtprANaH samutpannashcAshvinau devasattamau .
ja~N{}ghAjAnUrujaghanAd{}bhuvarlokAdayo.abhavan .. 66 ..
kuxideshAtsamutpannAshcatvAraH sAgarA hare .
stanAbhyAmindravaruNau vAlakhilyAshca retasaH .. 67 ..
meDhrAdyamo gudAnmR^ityurmanyo rudrastrilocanaH .
asthibhyaH parvatA jAtAH keshebhyo meghasaMhatiH .. 68 ..
oShadhyastava romebhyo nakhebhyashca kharAdayaH .
tvaM vishvarUpaH puruSho mAyAshaktisamanvitaH .. 69 ..
nAnArUpa ivAbhAsi guNavyatikare sati .
tvAmAshrityaiva vibudhAH pibantyamR^itamadhvare .. 70 ..
tvayA sR^iShTamidaM sarvaM vishvaM sthAvaraja~N{}gamam .
tvAmAshrityaiva jIvanti sarve sthAvaraja~N{}gamAH .. 71 ..
tvadyuktamakhilaM vastu vyavahAre.api rAghava .
xIramadhyagataM sarpiryathA vyApyAkhilaM payaH .. 72 ..
tvad{}bhAsA bhAsate.arkAdi na tvaM tenAvabhAsase .
sarvagaM nityamekaM tvAM dnyAnacaxurvilokayet .. 73 ..
nAdnyAnacaxustvAM pashyedandhadR^ig bhAskaraM yathA .
yoginastvAM vicinvanti svadehe parameshvaram .. 74 ..
atannirasanamukhairvedashIrShairaharnisham .
tvatpAdabhaktileshena gR^ihItA yadi yoginaH .. 75 ..
vicinvato hi pashyanti cinmAtraM tvAM na cAnyathA .
mayA pralapitaM ki~ncitsarvadnyasya tavAgrataH .
xantumarhasi devesha tavAnugrahabhAgaham .. 76 ..
digdeshakAlaparihInamananyamekaM
cinmAtramaxaramajaM calanAdihInam .
sarvadnyamIshvaramanantaguNaM vyudasta-
mAyaM bhaje raghupatiM bhajatAmabhinnam .. 77 ..
iti shrImadadhyAtmarAmAyaNe umAmaheshvarasaMvAde uttarakANDe dvitIyaH
sargaH .. 2 ..
\medskip\hrule\medskip

.. adhyAtmarAmAyaNe uttarakaaNDa ..
tR^itIya sargaH ..

shrIrAma uvAca .

vAlisugrIvayorjanma shrotumicChAmi tattvataH .
ravIndrau vAnarAkArau jadnyAta iti naH shrutam .. 1 ..
agastya uvAca .
meroH svarNamayasyAdrermadhyashrR^i~N{}ge maNiprabhe .
tasminsabhAste vistIrNA brahmaNaH shatayojanA .. 2 ..
tasyAM caturmukhaH sAxAtkadAcidyogamAsthitaH .
netrAbhyAM patitaM divyamAnandasalilaM bahu .. 3 ..
tad{}gR^ihItvA kare brahmA dhyAtvA ki~ncittadatyajat .
bhUmau patitamAtreNa tasmAjjAto mahAkapiH .. 4 ..
tamAha druhiNo vatsa ki~ncitkAlaM vasAtra me .
samIpe sarvashobhADhye tataH shreyo bhaviShyati .. 5 ..
ityukto nyavasattatra brahmaNA vAnarottamaH .
evaM bahutithe kAle gate R^ixAdhipaH sudhIH .. 6 ..
kadAcitparyaTannadrau phalamUlArthamudyataH .
apashyaddivyasalilAM vApIM maNishilAnvitAm .. 7 ..
pAnIyaM pAtumAgacChattatracChAyAmayaM kapim .
dR^iShTvA pratikapiM matvA nipapAta jalAntare .. 8 ..
tatrAdR^iShTvA hariM shIghraM punarutplutya vAnaraH .
apashyatsundarIM rAmAmAtmAnaM vismayaM gataH .. 9 ..
tataH suresho deveshaM pUjayitvA caturmukham .
gacChanmadhyAhnasamaye dR^iShTvA nArIM manoramAm .. 10 ..
kandarpasharaviddhA~N{}gastyaktavAnvIryamuttamam .
tAmaprApyeaiva tad{}bIjaM vAladeshe.apatad{}bhuvi .. 11 ..
vAlI samabhavattatra shakratulyaparAkramaH .
tasya dattvA sureshAnaH svarNamAlAM divaM gataH .. 12 ..
bhAnurapyAgatastatra tadAnImeva bhAminIm .
dR^iShTvA kAmavasho bhUtvA  grIvAdeshe.asR^ijanmahat .. 13 ..
bIjaM tasyAstataH sadyo mahAkAyo.abhavaddhariH .
tasya dattvA hanUmantaM sahAyArthaM gato raviH .. 14 ..
putradvaya samAdAya gatvA sA nidritA kvacit .
prabhAte.apashyadAtmAnaM pUrvavadvAnarakR^itim .. 15 ..
phalamUlAdibhiH sArdhaM putrAbhyAM sahitaH kapiH .
natvA caturmukhasyAgre R^ixarAjaH sthitaH sudhIH .. 16 ..
tato.abravItsamAshvAsya bahushaH kapiku~njaram .
tatraikaM devatAdeetamAhUyAmarasannibham .. 17 ..
gacCha dUra mayAdiShTo gR^ihItvA vAnarottamam .
kiShkindhAM divyanagarIM nirmitAM vishvakarmaNA .. 18 ..
sarvasaubhAgyavalitAM devairapi durAsadam .
tasyAM siMhAsane vIraM rAjAnamabhiShecaya .. 19 ..
saptadvIpagatA ye ye vAnarAH santi durjayAH .
sarve te R^ixarAjasya bhaviShyanti vashe.anugAH .. 20 ..
yadA nArAyaNaH sAxAdrAmo bhUtvA sanAtanaH .
bhUbhArAsuranAshAya sambhaviShyati bhUtale .. 21 ..
tadA sarve sahAyArthe tasya gacChantu vAnarAH .
ityukto brahmaNA dUto devAnAM sa mahApatiH .. 22 ..
yathAdnyaptastathA cakre brahmaNA taM harIshvaram .
devadUtastato gatvA brahmaNe tannyavedayat .. 23 ..
tadAdi vAnarANAM sA kiShkindhAbhUnnR^ipAshrayaH .. 24 ..
sarveshvara stvamevAsIridAnIM brahmaNArthitaH .
bhUmerbhAro hR^itaH kR^itsnastvayA lIlAnR^idehinA .
sarvabhUtAntarasthasya nityamuktacidAtmanaH .. 25 ..
akhaNDAnantarUpasya kiyAneSha parAkramaH .
tathApi varNyate sad{}bhirlIlAmAnuSharUpiNaH .. 26 ..
yashaste sarvalokAnAM pApahatyai sukhAya ca .
ya idaM kIrtayenmartyo vAlisugrIvayormahat .. 27 ..
janma tvadAshrayatvAtsa mucyate sarvapAtakaiH .. 28 ..
athAnyAM sampravaxyAmi kathAM rAma tvadAshrayAm .
sItA hR^itA yadarthaM sA rAvaNena durAtmanA .. 29 ..
purA kR^itayuge rAma prajApatisutaM vibhum .
sanatkumAramekAnte samAsInaM dashAnanaH .
vinayAvanato bhUtvA hyabhivAdyedamabravIt .. 30 ..
ko nvasminpravaro loke devAnAM balavattaraH .
devAshca yaM samAshritya yuddhe shatruM jayanti hi .. 31 ..
kaM yajanti dvijA nityaM kaM dhyAyanti ca yoginaH .
etanme shaMsa bhagavan prashnaM prashnavidAMvara .. 32 ..
dnyAtvA tasya hR^idisthaM yattadasheSheNa yogadR^ik .
dashAnanamuvAcedaM shrR^iNu vaxyAmi putraka .. 33 ..
bhartA yo jagatAM nityaM yasya janmAdikaM na hi .
surAsurairnuto nityaM harirnArAyaNo.avyayaH .. 34 ..
yannAbhipa~N{}kajAjjAto brahmA vishvasR^ijAM patiH .
sR^iShTaM yenaiva sakalaM jagatsthAvaraja~N{}gamam .. 35 ..
taM samAshritya vibudhA jayanti samare ripUn .
yogino dhyAnayogena tamevAnujapanti hi .. 36 ..
maharShervacanaM shrutvA pratyuvAca dashAnanaH .
daityadAnavaraxAMsi viShNunA nihatAni ca .. 37 ..
kAM vA gatiM prapadyaMte pretya te munipu~N{}gava .
tamuvAca munishreShTo rAvaNaM rAxasasAdhipam .. 38 ..
daivatairnihatA nityaM gatvA svargamanuttamam .
bhogaxaye punastasmAd{}bhraShTA bhUmau bhavanti te .. 39 ..
pUrvArjitaiH puNyapApairmriyante cod{}bhavanti ca .
viShNunA ye hatAste tu prApnuvanti harergatim .. 40 ..
shrutvA munimukhAtsarvaM rAvaNo hR^iShTamAnasaH .
yotsye.ahaM hariNA sArdhamiti cintAparo.abhavat .. 41 ..
manaHsthitaM paridnyAya rAvaNasya mahAmuniH .
uvAca vatsa te.abhIShTaM bhaviShyati na saMshayaH .. 42 ..
ka~ncitkAlaM pratIxasva sukhI bhava dashAnana .
evamuk{}tvA mahAbAho muniH punaruvAca tam .. 43 ..
tasya svarUpaM vaxyAmi hyarUpasyApi mAyinaH .
sthAvareShu ca sarveShu nadeShu ca nadIShu ca .. 44 ..
o~N{}kArashcaiva satyaM ca sAvitrI pR^ithivI ca saH .
samastajagadAdhAraH sheSharUpadharo hi saH .. 45 ..
sarve devAH samudrAshca kAlaH sUryashca candramAH .
sUryodayo divArAtrI yamashcaiva tathAnilaH .. 46 ..
agnirindrastathA mR^ityuH parjanyo vasavastathA .
brahmA rudrAdayashcaiva ye cAnye devadAnavAH .. 47 ..
vidyotate jvalatyeSha pAti cAttIti vishvakR^it .
krIDAM karotyavyayAtmA so.ayaM viShNuH sanAtanaH .. 48 ..
tena sarvamidaM vyAptaM trailokyaM sacarAcaram .
nIlotpaladalashyAmo vidyudvarNAmbarAvR^itaH .. 49 ..
shuddhajAmbUnadaprakhyAM shriyaM vAmA~N{}kasaMsthitAm .
sadAnapAyinIM devIM pashyannAli~N{}gya tiShThati .. 50 ..
draShTuM na shakyate kaishciddevadAnavapannagaiH .
yasya prasAdaM kurute sa cainaM draShTumarhati .. 51 ..
na ca yadnyatapobhirvA na dAnAdhyayanAdibhiH .
shakyate bhagavAndraShTumupAyairitarairapiH .. 52 ..
tad{}bhaktaistadgataprANaistaccittairdhUtakalmaShaiH .
shakyate bhagavAnviShNurvedAntAmaladR^iShTibhiH .. 53 ..
athavA draShTumicChA te shrR^iNu tvaM parameshvaram .
tretAyuge sa devesho bhavitA nR^ipavigrahaH .. 54 ..
hitArthaM devamartyAnAmixvAkUNAM kule hariH .
rAmo dAsharathirbhUtvA mahAsattvaparAkramaH .. 55 ..
piturniyogAtsa bhrAtA bhAryayA daNDake vane .
vicariShyati dharmAtmA jaganmAtrA svamAyayA .. 56 ..
evaM te sarvamAkhyAtaM mayA rAvaNa vistarAt .
bhajasva bhaktibhAvena sadA rAmaM shriyA yutam .. 57 ..
agastya uvAca .
evaM shrutvAsurAdhyaxo dhyAtvA ki~ncidvicArya ca .
tvayA saha virodhepsurmumude rAvaNo mahAn .. 58 ..
yuddhArthI sarvato lokAn paryaTan samavasthitaH .
etadarthaM mahArAja rAvaNo.atIva buddhimAn .
hR^itavAn jAnakIM devIM tvayAtmavadhakA~N{}xayA .. 59 ..
imAM kathAM yaH shrR^iNuyAtpaThedvA
saMshrAvayedvA shravaNArthinAM sadA .
AyuShyamArogyamanantasaukhyaM
prApnoti lAbhaM dhanamaxayaM ca .. 60 ..
iti shrImadadhyAtmarAmAyaNe umAmaheshvarasaMvAde uttarakANDe
tR^itIyaH sargaH .. 3 ..
\medskip\hrule\medskip



.. adhyAtmarAmAyaNe uttarakaaNDa ..
caturtha sargaH ..

shrImahAdeva uvAca .

ekadA brahmaNo lokAdAyAntaM nAradaM munim .
paryaTan rAvaNo lokAndR^iShTvA natvAbravIdvacaH .. 1 ..
bhagavanbrUhi me yoddhuM kutra santi mahAbalAH .
yoddhumicChAmi balibhistvaM dnyAtAsi jagattrayam .. 2 ..
munirdhyAtvAha suciraM shvetadvIpanivAsinaH .
mahAbalA mahAkAyAstatra yAhi mahAmate .. 3 ..
viShNupUjAratA ye vai viShNunA nihatAshca ye .
ta eva tatra sa~njAtA ajeyAshca surAsuraiH .. 4 ..
shrutvA tadrAvaNo veegAnman{}tribhiH puShpakeNa tAn .
yoddhukAmaH samAgatya shvetadvIpAsamIpataH .. 5 ..
tatprabhAhatatejaskaM puShpakaM nAcalattataH .
tyak{}tvA vimAnaM prayayau man{}triNashca dashAnanaH .. 6 ..
pravishanneva tad dvIpaM dhR^ito hastena yoShitA .
pR^iShTashca tvaM kutaH ko.asi preShitaH kena vA vada .. 7 ..
ityukto lIlayA strIbhirhasantIbhiH punaH punaH .
kR^icChrAddhastAdvinirmuktastAsAM strINAM dashAnanaH .. 8 ..
AshcaryamatulaM labdhvA cintayAmAsa durmatiH .
viShNunA nihato yAmi vaikuNThamiti nishcitaH .. 9 ..
mayi viShNuryathA kupyettathA kAryaM karomyaham .
iti nishcitya vaidehIM jahAra vipine.asuraH .. 10 ..
jAnanneva parAtmAnaM sa jahArAvanIsutAm .
mAtR^ivatpAlayAmAsa tvattaH kA~N{}xanvadhaM svakam .. 11 ..
rAma tvaM parameshvaro.asi sakalaM jAnAsi vidnyAnadR^ig
bhUtaM bhavyamidaM trikAlakalanAsAxI vikalpojjhitaH .
bhaktAnAmanuvartanAya sakalAM kurvan kriyAsaMhatiM
tvaM shrR^iNvanmanujAkR^itirmunivaco bhAsIsha lokArcitaH .. 12 ..
stutvaivaM rAghavaM tena pUjitaH kumbhasambhavaH .
svAshramaM munibhiH sArdhaM prayayau hR^iShTamAnasaH .. 13 ..
rAmastu sItayA sArdhaM bhrAtR^ibhiH saha man{}tribhiH .
saMsArIva ramAnAtho ramamANo.avasad{}gR^ihe .. 14 ..
anAsakto.api viShayAnbubhuje priyayA saha .
hanumatpramukhaiH sad{}bhirvAnaraiH pariveShTitaH .. 15 ..
puShpakaM cAgamadrAmamekadA pUrvavatprabhum .
prAha deva kubereNa preShitaM tvAmahaM tataH .. 16 ..
jitaM tvaM rAvaNenAdau pashcAdrAmeNa nirjitam .
atastvaM rAghavaM nityaM vaha yAvadvased{}bhuvi .. 17 ..
yadA gacChedraghushreShTho vaikuNThaM yAhi mAM tadA .
tacChrutvA rAghavaH prAha puShpakaM sUryasannibham .. 18 ..
yada smarAmi bhadraM te tadAgacCha mamAntikam .
tiShThAntardhAya sarvatra gacChedAnIM mamAdnyayA .. 19 ..
ityuk{}tvA rAmacandro.api paurakAryANi sarvashaH .
bhrAtR^ibhirman{}tribhiH sArthaM yathAnyAyaM cakAra saH .. 20 ..
rAghave shAsati bhuvaM lokanAthe ramApatau .
vasudhA sasyasampannA phalavantashca bhUruhAH .. 21 ..
janA dharmaparAH sarve patibhaktiparAH striyaH .
nApashyatputramaraNaM kashcidrAjani rAghave .. 22 ..
samAruhya vimAnAgryaM rAghavaH sItayA saha .
vAnarairbhrAtR^ibhiH sArdhaM sa~ncacArAvaniM prabhuH .. 23 ..
amAnuShANi kAryANi cakAra bahusho bhuvi .
brAhmaNasya sutaM dR^iShTvA bAlaM mR^itamakAlataH .. 24 ..
shocantaM brAhmaNaM cApi dnyAtvA rAmo mahApatiH .
tapasyantaM vane shUdraM hatvA brAhmaNabAlakam .. 25 ..
jIvayAmAsa shUdrasya dadau svargamanuttamam .
lokAnAmupadeshArthaM paramAtmA raghUttamaH .. 26 ..
koTishaH sthApayAmAsa shivali~N{}gAni sarvashaH .
sItAM ca ramayAmAsa sarvabhogairamAnuShaiH .. 27 ..
shashAsa rAmo dharmeNa rAjyaM paramadharmavit .
kathAM saMsthApayAmAsa sarvalokamalApahAm .. 28 ..
dashavarShasahasrANi mAyAmAnuShavigrahaH .
cakAra rAjyaM vidhivallokavandyapadAmbujaH .. 29 ..
ekapatnIvrato rAmo rAjarShiH sarvadA shuciH .
gR^ihamedhIyamakhilamAcaran shixayan janAn .. 30 ..
sItA premNAnuvR^ittyA ca prashrayeNa damena ca .
bharturmanoharA sAdhvI bhAvadnyA sA hriyA bhiyA .. 31 ..
ekadAkrIDavipine savabhogasamanvite .
ekAnte divyabhavane sukhAsinaM raghuttamam .. 32 ..
nIlamANikyasaMkAshaM divyAbharaNabhUShitam .
prasannavadanaM shAntaM vidyutpu~njanibhAmbaram .. 33 ..
sItA kamalapatrAxI sarvAbharaNabhUShitA .
rAmamAha karAbhyAM sA lAlayantI padAmbuje .. 34 ..
devadeva jagannAtha paramAtmansanAtana .
cidAnandAdimadhyAntarahitAsheShakAraNa .. 35 ..
deva devAH samAsAdya mAmekAnte.abruvanvacaH .
bahusho.arthayamAnAste vaikuNThAgamanaM prati .. 36 ..
tvayA sametashcicChak{}tyA rAmastiShThati bhUtale .
visR^ijyAsmAnsvakaM dhAma vaikuNThaM ca sanAtanam .. 37 ..
Aste tvayA jagaddhAtri rAmaH kamalalocanaH .
agrato yAhi vaikuNThaM tvaM tathA cedraghuttamaH .. 38 ..
AgamiShyati vaikuNThaM sanAthAnnaH kariShyati .
iti vidnyApitAhaM tairmayA vidnyApito bhavAn .. 39 ..
uadyuktaM tatkuruShvAdya nAhamAdnyApaye prabho .
sItAyAstadvacaH shrutvA rAmo dhyAtvAbravItxaNam .. 40 ..
devi jAnAmi sakalaM tatropAyaM vadAmi te .
kalpayitvA miShaM devi lokavAdaM tvadAshayam .. 41 ..
tyajAmi tvAM vane lokavAdAd{}bhIta ivAparaH .
bhaviShyataH kumArau dvau vAlmIkerAshramAntike .. 42 ..
idAnIM dR^ishyate garbhaH punarAgatya me.antikam .
lokAnAM pratyayArthaM tvaM kR^itvA shapathamAdarAt .. 43 ..
bhUmervivaramAtreNa vaikuNThaM yAsyasi drutam .
pashcAdahaM gamiShyAmi eSha eva sunishcayaH .. 44 ..
ityuk{}tvA tAM visR^ijyAtha rAmo dnyAnaikalaxaNaH .
man{}tribhirman{}tratattvadnyairbalamukhyaishca saMvR^itaH .. 45 ..
tatrovaviShTaM shrIrAmaM suhR^idaH paryupAsata .
hAsyaprauDhakathAsudnyA hAsayantaH sthitA harim .. 46 ..
kathAprasa~N{}gAtpapracCha rAmo vijayanAmakam .
paurA jAnapadA me kiM vandatIha shubhAshubham .. 47 ..
sItAM vA mAtaraM vA me bhrAtR^invA kaikayImatha .
na bhetavyaM tvayA brUhi shapito.asi mamopari .. 48 ..
ityuktaH prAha vijayo deva sarve vadanti te .
kR^itaM suduShkaraM sarvaM rAmeNa viditAtmanA .. 49 ..
kintu hatvA dashagrIvaM sItAmAhR^itya rAghavaH .
amarShaM pR^iShThataH kR^itvA svaM veshma pratyapAdayat .. 50 ..
kIdR^ishaM hR^idaye tasya sItAsambhogajaM sukham .
yA hR^itA vijane.araNye rAvaNena durAtmanA .. 51 ..
asmAkamapi duShkarma yoShitAM marShaNaM bhavet .
yAdR^ig{}bhavati vai rAjA tAdR^ishyo niyataM prajAH .. 52 ..
shrutvAtadvacanaM rAmaH svajanAnparyapR^icChata .
te.api natvAbruvan rAmamevametanna saMshayaH .. 53 ..
tato visR^ijya sacivAnvijayaM suhR^idastathA .
AhUya laxmaNaM rAmo vacanaM cedamabravIt .. 54 ..
lokApavAdastu mahAnsItAmAshritya me.abhavat .
sItAM prAtaH samAnIya vAlmIkerAshramAntike .. 55 ..
tyak{}tvA shIghraM rathena tvaM punarAyAhi laxmaNa .
vaxyase yadi vA ki~ncittadA mAM hatavAnasi .. 56 ..
ityuk{}tvA laxmaNo bhItyA prAtarutthAya jAnakIm .
suman{}treNa rathe kR^itvA jagAma sahasA vanam .. 57 ..
vAlimIkerAshramasyAnte tyak{}tvA sItAmuvAca saH .
lokApavAdabhItyA tvAM tyaktavAn rAghavo vane .. 58 ..
doSho na kashcinme mAtargacChAshramapadaM muneH .
ityuk{}tvA laxmaNaH shIghraM gatavAn rAmasannidhim .. 59 ..
sItApi duHkhasantaptA vilalApAtimugdhavat .
shiShyaiH shrutvA ca vAlmIkiH sItAM dnyAtvA sa divyadR^ik .. 60 ..
arghyAdibhiH pUjayitvA samAshvAsya ca jAnakIm .
dnyAtvA bhaviShyaM sakalAmarpayanmuniyoShitAm .. 61 ..
tAstAM sampUjayanti sma sItAM bhaktyA dine dine .
dnyAtvA parAtmano laxmIM munivAkyena yoShitaH .
sevA cakruH sadA tasyA vinayAdibhirAdarAt .. 62 ..
rAmo.api sItArahitaH parAtmA vidnyAnadR^ikkevala AdidevaH .
santyajya bhogAnakhilAnvirakto munivrato.abhUnmunisevitA~N{}ghriH .. 63 ..
iti shrImadadhyAtmarAmAyaNe umAmaheshvarasaMvAde uttarakANDe
caturthaH sargaH .. 4 ..
\medskip\hrule\medskip



.. adhyAtmarAmAyaNe uttarakaaNDa ..
pa~ncama sargaH ..

shrImahAdeva uvAca .

tato jaganma~N{}galama~N{}galAtmanA
vidhAya rAmAyaNakIrtimuttamAm .
cacAra pUrvAcaritaM raghuttamo
rAjarShivaryairabhisevitaM yathA .. 1 ..
saumitriNA pR^iShTa udArabuddhinA
rAmaHkathAH prAha purAtanIH shubhAH .
rAdnyaH pramattasya nR^igasya shApato
dvijasya tiryak{}tvamathAha rAghavaH .. 2 ..
kadAcidekAnta upasthitaM prabhuM
rAmaM ramAlAlitapAdapa~N{}kajam .
saumitrirAsAditashuddhabhAvanaH
praNamya bhaktyA vinayAnvito.abravIt .. 3 ..
tvaM shuddhabodho.asi hi sarvadehinA-
mAtmAsyadhIsho.asi nirAkR^itiH svayam .
pratIyase dnyAnadR^ishAM mahAmate
pAbAbjahR^i~N{}gAhitasa~N{}gasa~N{}ginAm .. 4 ..
ahaM prapanno.asmi padAmbujaM prabho
bhavApavargaM tava yogibhAvitam .
yathA~njasAdnyAnamapAravAridhiM
sukhaM tariShyAmi tathAnushAdhi mAm .. 5 ..
shrutvAtha saumitrivaco.akhilaM tadA
prAha prapannArtiharaH prasannadhIH .
vidnyAnamadnyAnatamaHprashAntaye
shrutiprapannaM xitipAlabhUShaNaH .. 6 ..
Adau svavarNAshramavarNitAH kriyAH
kR^itvA samAsAditashuddhamAnasaH .
samApya tatpUrvamupAttasAdhanaH
samAshrayetsad{}gurumAtmalabdhaye .. 7 ..
kriyA sharIrod{}bhavaheturAdR^itA
priyApriyau tau bhavataH surAgiNaH .
dharmetarau tatra punaH sharIrakaM
punaH kriyA cakravadIryate bhavaH ..  8 ..
adnyAnamevAsya hi mUlakAraNaM
taddhAnamevAtra vidhau vidhIyate .
vidyaiva tannAshavidhau paTIyasI .
na karma tajjaM savirodhamIritam .. 9 ..
nAdnyAnahAnirna ca rAgasaMxayo
bhavettataH karma sadoShamud{}bhavet .
tataH punaH saMsR^itirapyavAritA
tasmAd{}budho dnyAnavicAravAnbhavet .. 10 ..
nanu kriyA vedamukhena coditA
tathaiva vidyA puruShArthasAdhanam .
kartavyatA prANabhR^itaH pracoditA
vidyAsahAyatvamupaiti sA punaH .. 11 ..
karmAkR^itau doShamapi shrutirjagau
tasmAtsadA kAryamidaM mumuxuNA .
nanu svatantrA dhruvakAryakAriNI
vidyAna ki~ncinmanasApyapexate .. 12 ..
na satyakAryo.api hi yadvadadhvaraH
prakA~N{}xate.anyAnapi kArakAdikAn
tathaiva vidyA vidhitaH prakAshitai-
rvishiShyate karmabhireva muktaye .. 13 ..
kecidvadantIti vitarkavAdina-
stadapyasad{}dR^iShTavirodhakAraNAt
dehAbhimAnAdabhivardhate kriyA
vidyA gatAha~N{}kR^ititaH prasiddhayati .. 14 ..
vishuddhavidnyAnavirocanA~ncitA
vidyAtmavR^ittishcarameti bhaNyate .
udeti karmAkhilakArakAdibhi-
rnihanti vidyAkhilakArakAdikam .. 15 ..
tasmAttyajetkAryamasheShataH sudhI-
rvidyAvirodhAnna samuccayo bhavet .
AtmAnusandhAnaparAyaNaH sadA
nivR^ittasarvendriyavR^ittigocaraH .. 16 ..
yAvacCharIrAdiShu mAyayAtmadhI-
stAvadvidheyo vidhivAdakarmaNAm .
netIti vAkyairakhilaM niShidhya ta-
jdnyAtvA parAtmAnamatha tyajetkriyAH .. 17 ..
yada parAtmAmavibhedabhedakaM
vidnyAnamAtmanyavabhAti bhAsvaram .
tadaiva mAyA pravilIyate.a~njasA
sakArakA kAraNamAtmasaMsR^ite .. 18 ..
shrutipramANAbhivinAshitA ca sA
kathaM bhaviShyatyapi kAryakAriNI .
vidnyAnamAtrAdamalAdvitIyata-
stasmAdavidyA na punarbhaviShyati .. 19 ..
yadi sma naShTA na punaH prasUyate
kartAhamasyeti matiH kathaM bhavet .
tasmAtsvatan{}trA na kimapyapexate
vidyA vimoxAya vibhati kevalA .. 20 ..
sA taittirIyashrutirAha sAdaraM
nyAsaM prashastAkhilakarmaNAM sphuTam .
etAvadityAha ca vAjinAM shruti-
rdnyAnaM vimoxAya na karma sAdhanam .. 21 ..
vidyAsamatvena tu darshitastvayA
kraturna dR^iShTAnta udAhR^itaH samaH .
phalaiH pR^ithak{}tvAd{}bahukArakaiH kratuH
saMsAdhyate dnyAnamato viparyayam .. 22 ..
sapratyavAyo hyahamityanAtmadhI-
radnyaprasiddhA na tu tattadarshinaH .
tasmAd{}budhaistyAjyamavikriyAtmabhi-
rvidhAnataH karma vidhiprakAshitam .. 23 ..
shraddhAnvitastattvamasIti vAkyato
guroH prasAdAdapi shuddhamAnasaH .
vidnyAya caikAtmyamathAtmajIvayoH
sukhI bhavenmerurivAprakampanaH .. 24 ..
Adau padArthAvagatirhi kAraNaM
vAkyArthavidnyAnavidhau vidhAnataH .
tattvampadArtho paramAtmajIvakA-
vasIti caikAtmyamathAnayorbhavet .. 25 ..
pratyak{}paroxAdivirodhamAtmano-
rvihAya sa~N{}gR^ihya tayoshcidAtmatAm .
saMshodhitAM laxaNayA ca laxitAM
dnyAtvA svamAtmAnamathAdvayo bhavet .. 26 ..
ekAtmakatvAjjahatI na sambhave-
ttathAjahallaxaNatA virodhataH .
so.ayampadArthAviva bhAgalaxaNA
yujyeta tattvampadayoradoShataH .. 27 ..
rasAdipa~ncIkR^itabhUtasambhavaM
bhogalayaM duHkhasukhAdikarmaNAm .
sharIramAdyantavadAdikarmajaM
mAyAmayaM sthUlamupAdhimAtmanaH .. 28 ..
sUxmaM manobuddhidashendriyairyutaM
prANairapa~ncIkR^itabhUtasambhavam .
bhoktuH sukhAderanusAdhanaM bhave-
cCharIramanyadvidurAtmano budhAH .. 29 ..
anAdyanirvAcyamapIha kAraNaM
mAyApradhAnaM tu paraM sharIrakam .
uapAdhibhedAttu yataH pR^ithak sthitaM
svAtmAnamAtmanyavadhArayetkramAt .. 30 ..
krosheShvayaM teShu tu tattadAkR^iti-
rvibhAti sa~N{}gAtsphaTikopalo yathA .
asa~N{}garUpo.ayamajo yato.advayo
vidnyAyate.asminparito vicArite .. 31 ..
buddhestridhA vR^ittirapIha dR^ishyate
svapnAdibhedena guNatrayAtmanaH .
anyonyato.asminvyabhicArato mR^iShA
nitye pare brahmaNi kevale shive .. 32 ..
dehendriyaprANamanashcidAtmanAM
sa~N{}ghAdajasraM parivartate dhiyaH .
vR^ittistamomUlatayAdnyalaxaNA
yAvad{}bhavettAvadasau bhavod{}bhavaH .. 33 ..
netipramANena nirAkR^itAkhilo
hR^idA samAsvAditacid{}ghanAmR^itaH .
tyajedasheShaM jagadAttasadrasaM
pItvA yathAmbhaH prajahAti tatphalam .. 34 ..
kadAcidAtmA na mR^ito na jAyate
na xIyate nApi vivardhate.anavaH .
nirastasarvAtishayaH sukhAtmakaH
svayamprabhaH sarvagato.ayamadvayaH .. 35 ..
evaMvidhe dnyAnamaye sukhAtmake
kathaM bhavo duHkhamayaH pratIyate .
adnyAnato.adhyAsavashAtprakAshate
dnyAne vilIyeta virodhataH xaNAt .. 36 ..
yadanyadanyatra vibhAvyate bhramA-
dadhyAsamityAhuramuM vipashcitaH .
asarpabhUte.ahivibhAvanaM yathA
rajjvAdike tadvadapIshvare jagat .. 37 ..
vikalpamAyArahite cidAtmake-
.aha~N{}kAra eSha prathamaH prakalpitaH .
adhyAsa evAtmani sarvakAraNe
nirAmaye brahamaNi kevale pare .. 38 ..
icChAdirAgAdisukhAdidharmikAH
sadA dhiyaH saMsR^itihetavaH pare .
yasmAtprasuptau tadabhAvataH paraH
sukhasvarUpeNa vibhAvyate hi naH .. 39 ..
anAdyavidyod{}bhavabuddhibimbito
jIvaH prakAsho.ayamitIryate citaH .
AtmA dhiyaH sAxitayA pR^ithak sthito
buddhyAparicChinnaparaH sa eva hi .. 40 ..
cid{}vimbasAxyAtmadhiyAM prasa~N{}gata-
stvekatra vAsAdanalAktalohavat .
anyonyamadhyAsavashAtpratIyate
jaDAjaDatvaM ca cidAtmacetasoH .. 41 ..
guroH sakAshAdapi vedabAkyataH .
sa~njAtavidyAnubhavo nirIxya tam .
svAtmAnamAtmasthamupAdhivarjitaM
tyajedasheShaM jaDamAtmagocaram .. 42 ..
prakAsharUpo.ahamajo.ahamadvayo-
.asakR^idvibhAto.ahamatIva nirmalaH .
vishuddha vidnyAnaghano nirAmayaH
sampUrNa Anandamayo.ahamakriyaH .. 43 ..
sadaiva mukto.ahamacintyashaktimAn-
atIndriyadnyAnamavikriyAtmakaH .
anantapAro.ahamaharnishaM budhai-
rvibhAvito.ahaM hR^idi vedavAdibhiH .. 44 ..
evaM sadAtmAnamakhaNDitAtmanA
vicAramANasya vishuddhabhAvanA .
hanyAdavidyAmacireNa kArakai
rasAyanaM yadvadupAsitaM rujaH .. 45 ..
vivikta AsIna upAratendriyo
vinirjitAtmA vimalAntarAshayaH .
vibhAvayedekamananyasAdhano
vidnyAnadR^ikkevala AtmasaMsthitaH .. 46 ..
vishvaM yadetatparamAtmadarshanaM
vilApayedAtmani sarvakAraNe .
pUrNashcidAnandamayo.avatiShThate
na veda bAhyaM na ca ki~ncidAntaram .. 47 ..
pUrvaM samAdherakhilaM vicintaye-
do~N{}kAramAtraM sacarAcaraM jagat .
tadeva vAcyaM praNavo hi vAcako
vibhAvyate.adnyAnavashAnna bodhataH .. 48 ..
akArasaMdnyaH puruSho hi vishvako
hyukArakastaijasa Iryate kramAt .
prAdnyo makAraH paripaThyate.akhilaiH
samAdhipUrvaM na tu tattvato bhavet .. 49 ..
vishvaM tvakAraM puruShaM vilApaye-
dukAramadhye bahudhA vyavasthitam .
tato makAre pravilApya taijasaM
dvitIyavarNaM praNavasya cAntime .. 50 ..
makAramapyAtmani cid{}ghane pare
vilApayedprAdnyamapIha kAraNam .
so.ahaM paraM brahma sadA vimuktima-
dvidnyAnadR^i~N{}mukta upAdhito.amalaH .. 51 ..
evaM sadA jAtaparAtmabhAvanaH
svAnandatuShTaH parivismR^itAkhilaH .
Aste sa nityAtmasukhaprakAshakaH
sAxAdvimukto.acalavArisindhuvat .. 52 ..
evaM sadAbhyastasamAdhiyogino
nivR^ittasarvendriyagocarasya hi .
vinirjitAsheShariporahaM sadA
dR^ishyo bhaveyaM jitaShaDguNAtmanaH .. 53 ..
dhyAtvaivamAtmAnamaharnishaM muni-
stiShThetsadA muktasamastabandhanaH .
prArabdhamashnannabhimAnavarjito
mayyeva saxAtpravilIyate tataH .. 54 ..
Adau ca madhye ca tathaiva cAntato
bhavaM viditvA bhayashokakAraNam .
hitvA samastaM vidhivAdacoditaM
bhajetsvamAtmAnamathAkhilAtmanAm .. 55 ..
Atmanyabhedena vibhAvayannidaM
bhavatyabhedena mayAtmanA tadA .
yathA jalaM vArinidhau yathA payaH
xIre viyad{}vyomnyanile yathAnilaH .. 56 ..
itthaM yadIxeta hi lokasaMsthito
jaganmR^iShaiveti vibhAvayanmuniH .
nirAkR^itatvAcChrutiyuktimAnato
yathendubhedo dishi digbhramAdayaH .. 57 ..
yAvanna pashyedakhilaM madAtmakaM
tAvanmadArAdhanatatparo bhavet
shraddhAluratyUrjitabhaktilaxaNo
yastasya dR^ishyo.ahamaharnishaM hR^idi .. 58 ..
rahasyametacChrutisArasa~N{}grahaM
mayA vinishcitya tavoditaM priya .
yastvetadAlocayatIha buddhimAn
sa mucyate pAtakarAshibhiH xaNAt .. 59 ..
bhrAtaryadIdaM paridR^ishyate jaga-
nmAyaiva sarvaM parihR^itya cetasA .
mad{}bhAvanAbhAvitashuddhamAnasaH
sukhI bhavAnandamayo nirAmayaH .. 60 ..
yaH sevate mAmaguNaM guNAtparaM
hR^idA kada vA yadi vA guNAtmakam .
so.ahaM svapAdA~ncitareNubhiH spR^ishan
punAti lokatritayaM yathA raviH .. 61 ..
vidnyAnametadakhilaM shrutisAramekaM
vedAntavedyacaraNena mayaiva gItam .
yaH shraddhayA paripaThed gurubhaktiyukto
madrUpameti yadi madvacaneShu bhaktiH .. 62 ..
iti shrImadadhyAtmarAmAyaNe umAmaheshvarasaMvAde uttarakANDe
pa~ncamaH sargaH .. 5 ..
\medskip\hrule\medskip


.. adhyAtmarAmAyaNe uttarakaaNDa ..
ShaShTha sargaH ..

shrImahAdeva uvAca .
ekadA munayaH sarve yamunAtIravAsinaH .
AjagmU rAghavaM draShTuM bhayAllavaNaraxasaH .. 1 ..
kR^itvAgre tu munishreShThaM bhArgavaM cyavanaM dvijAH .
asa~N{}khyAtAH samAyAtA rAmAdabhayakA~N{}xiNaH .. 2 ..
tAnpUjayitvA parayA bhak{}tyA raghukulottamaH .
uvAca madhuraM vAkyaM harShayanmunimaNDalam .. 3 ..
karavANi munishreShThAH kimAgamanakAraNam .
dhanyo.asmi yadi yUyaM mAM prItyA draShTumihAgatAH .. 4 ..
duShkaraM cApi yatkAryaM bhavatAM tatkaromyaham .
AdnyApayantu mAM bhR^ityaM brAhmaNA daivataM hi me .. 5 ..
tacChrutvA sahasA hR^iShTashcyavano vAkyamabravIt .
madhunAmA mahAdaityaH purA kR^itayuge prabho .. 6 ..
AsIdatIva dharmAtmA devabrAhmaNapUjakaH .
tasya tuShTo mahAdevo dadau shUlamanuttamam .. 7 ..
prAha cAnena yaM haMsi sa tu bhasmIbhaviShyati .
rAvaNasyAnujA bhAryA tasya kumbhInasI shrutA .. 8 ..
tasyAM tu lavaNo nAma rAxaso bhImavikramaH .
AsIddurAtmA durdharSho devabrAhmaNahiMsakaH .. 9 ..
pIDitAstena rAjendra vayaM tvAM sharaNaM gatAH .
tacChrutvA rAghavo.apyAha mA bhIrvo munipu~N{}gavAH .. 10 ..
lavaNaM nAshayiShyAmi gacChantu vigatajvarAH .
ityuk{}tvA prAha rAmo.api bhrAtR^in ko vA haniShyati .. 11 ..
lavaNaM rAxasaM dadyAt brAhmaNebho.abhayaM mahat .
tacChrutvA prA~njaliH prAha bharato rAghavAya vai .. 12 ..
ahameva haniShyAmi devAdnyApaya mAM prabho .
tato rAmaM namaskR^itya shatrughno vAkyamabravIt .. 13 ..
laxmaNena mahatkAryaM kR^itaM rAghavasaMyuge .
nandigrAme mahAbuddhirbharato duHkhamanvabhUt .. 14 ..
ahameva gamiShyAmi lavaNasya vadhAya ca .
tvatprasAdAdraghushreShTha hanyAM taM rAxasaM yudhi .. 15 ..
tacChrutvA svA~N{}kamAropya shatrughnaM shatrusUdanaH .
prAhAdyaivAbhiShexyAmi mathurArAjyakAraNAt .. 16 ..
AnAyya ca susambhArA.NllaxamaNenAbhiShecane .
anicChantamapi snehAdabhiShekamakArayat .. 17 ..
dattvA tasmai sharaM divyaM rAmaH shatrughnamabravIt .
anena jahi bANena lavaNaM lokakaNTakam .. 18 ..
sa tu sampUjya tacChUlaM gehe gacChati kAnanam .
bhaxaNArthaM tu jantUnAM nAnAprANivadhAya ca .. 19 ..
sa tu nAyAti sadanaM yAvadvanacaro bhavet .
tAvadeva puradvAri tiShTha tvaM dhR^itakArmukaH .. 20 ..
yotsyate sa tvayA kruddhastadA vadhyo bhaviShyati .
taM hatvA lavaNaM krUraM tadvanaM madhusaMdnyitam .. 21 ..
niveshya nagaraM tatra tiShTha tvaM me.anushAsanAt .
ashvAnAM pa~ncasAhasraM rathAnAM ca tadardhakam .. 22 ..
gajAnAM ShaT shatAnIha pattinAmayutatrayam .
AgamiShyati pa~ncAttvamagre sAdhaya rAxasam .. 23 ..
ityuk{}tvA mUrdhnyavaghrAya preShayAmAsa rAghavaH .
shatrughnaM munibhiH sArdhamAshIrbhirabhinandya ca .. 24 ..
shatrughno.api tathA cakre yathA rAmeNa coditaH .
hatvA madhusutaM yuddhe mathurAmakarotpurIm .. 25 ..
sphItAM janapadAM cakre mathurAM dAnamAnataH .
sItApi suShuve putrau dvau vAlmIkerathAshrame .. 26 ..
munistayornAma cakre kusho jyeShTho.anujo lavaH .
krameNa vidyAsampannau sItAputrau babhUvatuH .. 27 ..
upanitau ca muninA vedAdhyayanatatparau .
kR^itsnaM rAmAyaNaM prAha kAvyaM bAlakayormuniH .. 28 ..
sha~N{}kareNa purA proktaM pArvatyai purahAriNA .
vedopabR^iMhanArthAya tAvagrAhayata prabhuH .. 29 ..
kumArau svarasampannau sundarAvashvinAviva .
tan{}trItAlasamAyuktau gAyantau ceraturvane .. 30 ..
tatra tatra munInAM tau samAje surarUpiNau .
gAyantAvabhito dR^iShTvA vismitA munayo.abruvan .. 31 ..
gandharveShviva kinnareShu bhuvi vA deveShu devAlaye
pAtAleShvathavA caturmukhagR^ihe lokeShu sarveShu ca .
asmAbhishcirajIvibhishcirataraM dR^iShTvA dishaH sarvato
nAdnyAyIdR^ishagItavAdyagarimA nAdarshi nAshrAvi ca .. 32 ..
evaM stuvad{}bhirakhilairmunibhiH prativAsaram .
AsAte sukhamekAnte vAlmIkerAshrame ciram .. 33 ..
atha rAme.ashvamedhAdIMshcakAra bahudaxiNAn .
yadnyAn svarNamayIM sItAM vidhAya vipuladyutiH .. 34 ..
tasminvitAne R^iShayaH sarve rAjarShayastathA .
brAhmaNAH xatriyA vaishyAH samAjagmurdidR^ixavaH .. 35 ..
vAlmIkirapi sa~N{}gR^ihya gAyantau tau kushIlavau .
jagAma R^iShivATasya samIpaM munipu~N{}gavaH .. 36 ..
tatraikAnte sthitaM shAntaM samAdhivirame munim .
kushaH papracCha vAlmIkiM dnyAnashAstraM kathAntare .. 37 ..
bhagava~nChrotumicChAmi sa~N{}xepAd{}bhavato.akhilam .
dehinaH saMsR^itirbandhaH kathamutpadyate dR^iDhaH .. 38 ..
kathaM vimucyate dehI dR^iDhabandhAd{}bhavAbhidhAt .
vaktumarhasi sarvadnya mahyaM shiShyAya te mune .. 39 ..
vAlmIkiruvAca .
shrR^iNu vaxyAmi te sarvaM sa~N{}xepAd{}bandhamoxayoH .
svarUpaM sAdhanaM cApi mattaH shrutvA yathoditam .. 40 ..
tathaivAcara bhadraM te jIvanmukto bhaviShyasi .
deha eva mahAgehamadehasya cidAtmanaH .. 41 ..
tasyAha~N{}kAra evAsminman{}trI tenaiva kalpitaH .
dehagehAbhimAnaM svaM samAropya cidAtmani .. 42 ..
tena tAdAtmyamApannaH svaceShTitamasheShataH .
vidadhAti cidAnande tadvAsitavapuH svayam .. 43 ..
tena sa~N{}kalpito dehI sa~N{}kalpanigaDAvR^itaH .
putradAragR^ihAdIni sa~N{}kalpayati cAnisham .. 44 ..
sa~N{}kalpayansvayaM dehI parishocati sarvadA .
trayastasyAhamo dehA adhamottamamadhyamAH .. 45 ..
tamaH sattvarajaH saMdnyA jagataH kAraNaM sthiteH .
tamorUpAddhi sa~N{}kalpAnnityaM tAmasaceShTayA .. 46 ..
atyantaM tAmaso bhUtvA kR^imikITatvamApnuyAt .
sattvarUpo hi sa~N{}kalpo dharmadnyAnaparAyaNaH .. 47 ..
adUramoxasAmrAjyaH sukharUpo hi tiShThati .
rajorUpo hi sa~N{}kalpo loke sa vyavahAravAn .. 48 ..
paritiShThati saMsAre putradArAnura~njitaH .
trividhaM tu parityajya rUpametanmahAmate .. 49 ..
sa~N{}kalpaM paramApnoti padamAtmaparixaye .
dR^iShTIH sarvAH parityajya niyamya manasA manaH .. 50 ..
sabAhyAbhyantarArthasya sa~N{}kalpasya xayaM kuru .
yadi varShasahasrANi tapashcarasi dAruNam .. 51 ..
pAtAlasthasya bhUsthasya svargasthasyApi te.anagha .
nAnyaH kashcidupAyo.asti sa~N{}kalpopashamAdR^ite .. 52 ..
anAbAdhe.avikAre sve sukhe paramapAvane .
sa~N{}kalpopashame yatnaM pauruSheNa paraM kuru .. 53 ..
sa~N{}kalpatantau nikhilA bhAvAH protAH kilAnagha .
Chinne tantau na jAnImaH kvayAnti vibhavAH parAH .. 54 ..
niHsa~N{}kalpo yathAprAptavyavahAraparo bhava .
xaye sa~N{}kalpajAlasya jIvo brahmatvamApnuyAt .. 55 ..
adhigataparamArthatAmupetya prasabhamapAsya vikalpajAlamuccaiH .
adhigamaya padaM tadadvitIyaM vitatasukhAya suShuptacittavR^ittiH .. 56 ..
iti shrImadadhyAtmarAmAyaNe umAmaheshvarasaMvAde uttarakANDe ShaShThaH
sargaH .. 6 ..
\medskip\hrule\medskip



.. adhyAtmarAmAyaNe uttarakaaNDa ..
saptama sargaH ..

shrImahAdeva uvAca .

vAlmIkinA bodhito.asau kushaH sadyogatabhramaH .
antarmukto bahiH sarvamanukurvaMshcakAra saH .. 1 ..
vAlmIkirapi tau prAha sItAputrau mahAdhiyau .
tatra tatra ca gAyantau pure vIthiShu sarvataH .. 2 ..
rAmasyAgre pragAyetaM shushrUShuryadi rAghavaH .
na grAhyaM vai yuvAbhyAM tadyadi ki~ncitpradAsyati .. 3 ..
iti tau coditau tatra gAyamAnau viceratuH .
yathoktamR^iShiNA pUrvaM tatra tatrAbhyagAyatAm ..  4 ..
tAM sa sushrAva kAkutsthaH pUrvacaryAM tatastataH .
apUrvapAThajAtiM ca geyena samabhiplutAm .. 5 ..
bAlayoH rAghavaH shrutvA kautUhalamupeyivAn .
atha karmAntare rAjA samAhUya mahAmunIm .. 6 ..
rAdnyashcaiva naravyAghraH paNDitAMshcaiva naigamAn .
paurANikAn shabdavido ye ca vR^iddhA dvijAtayaH .. 7 ..
etAnsarvAnsamAhUya gAyakau samaveshayat .
te sarve hR^iShTamanaso rAjAno brahmaNAdayaH .. 8 ..
rAmaM tau dArakau dR^iShTvA vismitAH hyanimeShaNAH .
avocan sarva evaite parasparamathAgatAH .. 9 ..
imau rAmasya sadR^ishau bimbAd{}bimbamivoditau .
jaTilau yadi na syAtAM na ca valkaladhAriNau .. 10 ..
visheShaM nAdhigacChAmo rAghavasyAnayostadA .
evaM saMvadatAM teShAM vismitAnAM parasparam .. 11 ..
upacakramaturgAtuM tAvubhau munirAdakau .
tataH pravR^ittaM madhuraM gAndharvamatimAnuSham .. 12 ..
shrutvA tanmadhuraM gItamaparAhNe raghUttamaH .
uvAca bharataM cAbhyAM dIyatAmayutaM vasu .. 13 ..
dIyamAnaM suvarNaM tu na tajjagR^ihatustadA .
kimanena suvarNena rAjanno vanyabhojanau .. 14 ..
iti sntyajya sandattaM jagmaturmunisannidhim .
evaM shrutvA tu caritaM rAmaH svasyaiva vismitaH .. 15 ..
dnyAtvA sItAkumArau tau shatrughnaM cedamabravIt .
hanUmantaM suSheNaM ca vibhIShaNamathA~N{}gadam .. 16 ..
bhagavantaM mahAtmAnaM vAlmIkiM munisattamam .
AnayadhvaM munivaraM sasItaM devasammitam .. 17 ..
asyAstu parShado madhye pratyayaM janakAtmajA .
karotu shapathaM sarve jAnantu gatakalmaShAm .. 18 ..
sItAM tadvacanaM shrutvA gatAH sarve.ativismitAH .
UcuryathoktaM rAmeNa vAlmIkiM rAmapArShadAH .. 19 ..
rAmasya hR^idgataM sarvaM dnyAtvA vAlmIkirabravIt .
shvaH kariShyati vai sItA shapathaM janasaMsadi .. 20 ..
yoShitAM paramaM daivaM patireva na saMshayaH .
tacChrutvA sahasA gatvA sarve procurmunervacaH .. 21 ..
rAghavasyApi rAmo.api shrutvA munivacastathA .
rAjAno munayaH sarve shruNudhvamiti cAbravIt .. 22 ..
sItAyAM shapathaM lokA vijAnantu subhAshubham .
ityuktA rAghaveNAtha lokAH sarve didR^ixavaH .. 23 ..
brahmaNAH xatriyA vaishyAH shUdrAshcaiva maharShayaH .
vAnarAshca samAjagmuH kautUhalasamanvitAH .. 24 ..
tato munivarastUrNaM sasItaH samupAgamat .
agratastamR^iShiM kR^itvAyAntI ki~ncidavA~N{}mukhI .. 25 ..
kR^itA~njalirbAShpakaNThA sItA yadnyaM vivesha tam .
dR^iShTvA laxmImivAyAntIM brahmANamanuyAyinIm .. 26 ..
vAlmIkeH pR^iShThataH sItAM sAdhuvAdo mahAnabhUt .
tadA madhye janaughasya pravishya munipu~N{}gavaH .. 27 ..
sItAsahAyo vAlmIkiriti prAha ca rAghavam .
iyaM dAsharathe sItA suvratA dharmacAriNI .. 28 ..
apApA te purA tyaktA mamAshramasamIpataH .
lokApavAdabhItena tvayA rAma mahAvane .. 29 ..
pratyayaM dAsyate sItA tadanudnyAtumarhasi .
imau tu sItAtanayAvimau yamalajAtakau .. 30 ..
sutau tu tava durdharShau tathyametad{}bravImi te .
pracetaso.ahaM dashamaH putro raghukulodvaha .. 31 ..
anR^itaM na smarAmyuktaM tathemau tava putrakau .
bahUnvarShagaNAn samyak tapashcaryA mayA kR^itA .. 32 ..
nopAshnIyAM phalaM tasyA duShTeyaM yadi maithilI .
vAlmIkinaivamuktastu rAghavaH pratyabhAShata .. 33 ..
evametanmahAprAdnya yathA vadasi suvrata .
pratyayau janito mahyaM tava vAkyairakilbiShaiH .. 34 ..
la~N{}kAyAmapi datto me vaidehyA pratyayo mahAn .
devAnAM puratastena mandire sampraveshitA .. 35 ..
seyaM lokabhayAd{}brahmannapApApi satI purA .
sItA mayA parityaktA bhavAMstatxantumarhati .. 36 ..
mamaiva jAtau jAnAmi putrAvetau kushIlavau .
shuddhAyAM jagatImadhye sItAyAM prItirastu me .. 37 ..
devAH sarve paridnyAya rAmAbhiprAyamutsukAH .
brahmANamagrataH kR^itvA samAjagmuH sahasrashaH .. 38 ..
prajAH samAgamanhR^iShTAH sItA kausheyavAsinI .
uda~N{}mukhI hyadhodR^iShTiH prA~njalirvAkyamabravIt .. 39 ..
rAmadanyaM yathAhaM vai manasApi na cintaye .
tathA me dharaNI devI vivaraM dAtumarhati .. 40 ..
tathA shapantyAH sItAyAH prAdurAsInmahAd{}bhutam .
bhUtalAddivyamatyarthaM siMhAsanamanuttamam .. 41 ..
nAgendrairdhriyamANaM ca divyadehai raviprabham .
bhUdevI jAnakIM dorbhyAM gR^ihItvA snehasaMyutA .. 42 ..
svAgataM tAmuvAcainAmAsane saMnyaveshayat .
siMhAsanasthAM vaidehIM pravishantIM rasAtalam .. 43 ..
nirantarA puShpavR^iShTirdivyA sItAmavAkirat .
sAdhuvAdashca sumahAn devAnAM paramad{}bhutaH .. 44 ..
Ucushca bahudhA vAco hyantarixagatAH surAH .
antarixe ca bhUmau ca sarve sthAvaraja~NgamAH .. 45 ..
vAnarAshca mahakAyAH sItAshapathakAraNAt .
keciccintAparAstasya keciddhyAnaparAyaNAH .. 46 ..
kecidrAmaM nirIxantaH kecitsItAmacetasaH .
muhUrtamAtraM tatsarvaM tUShNIbhUtamacetanam .. 47 ..
sItApraveshanaM dR^iShTvA sarvaM sammohitaM jagat .
rAmastu sarvaM dnyAtvaiva bhaviShyatkAryagauravam .. 48 ..
ajAnanniva duHkhena shushoca janakAtmajAm .
brahmaNA R^iShibhiH sArdhaM bodhito raghunandanaH .. 49 ..
pratibaddha iva svapnAccakArAnantarAH kriyAH .
visasarja R^iShIn sarvAnR^itvijo ye samAgatAH .. 50 ..
tAn sarvAn dhanaratnAdyaistoShayAmAsa bhUrishaH .
upAdAya kumArau tAvayodhyAmagamatprabhuH .. 51 ..
dadAdi niHspR^iho rAmaH sarvabhogeShu sarvadA .
AtmacintAparo nityamekAnte samupasthitaH .. 52 ..
ekAnte dhyAnanirate ekadA rAghave sati .
dnyAtvA nArAyaNaM sAxAtkausalyA priyavAdinI .. 53 ..
bhak{}tyAgatya prasannaM taM praNatA prAha hR^iShTadhIH .
rAma tvaM jagatAmAdirAdimadhyAntavarjitaH .. 54 ..
paramAtmA parAnandaH pUrNaH puruSha IshvaraH .
jAto.asi me garbhagR^ihe mama puNyAtirekataH .. 55 ..
avasAne mamApyadya samayo.abhUdraghuttama .
nAdyApyabodhajaH kR^isno bhavabandho nivartate .. 56 ..
idAnImapi me dnyAnaM bhavabandhanivartakam .
yathA sa~N{}xepato bhUyAttathA bodhaya mAM vibho .. 57 ..
nirvedavAdinImevaM mAtaraM mAtR^ivatsalaH .
dayAlu prAha dharmAtmA jarAjarjaritAM shubhAm .. 58 ..
mArgAstrayo mamA proktAH purA moxAptisAdhakAH .
karmayogo dnyAnayogo bhaktiyogashca shAshvataH .. 59 ..
bhaktirvibhidyate mAtastrividhA guNabhedataH .
svabhAvo yasya yastena tasya bhaktirvibhidyate .. 60 ..
yastu hiMsAM samuddishya dambhaM mAtsaryameva vA .
bhedadR^iShTishca saMrambhI bhakto me tAmasaH smR^itaH .. 61 ..
phalAbhisandhirbhogArthI dhanakAmo yashastathA .
arcAdau bhedabuddhyA mAM pUjayetsa tu rajasaH .. 62 ..
parasminnarpitaM yastu karma nirharaNAya vA .
kartavyamiti vA kuryAd{}bhedabuddhyA sa sAttvikaH .. 63 ..
mad{}guNAshrayaNAdeva mayyanantaguNAlaye .
avicChinna manovR^ittiryathA ga~N{}gAmbuno.ambudhau .. 64 ..
tadeva bhaktiyogasya laxaNAM nirguNasya hi .
ahaitukyavyavahitA yA bhaktirmayi jAyate .. 65 ..
sA me sAlokyasAmIpyasArShTisAyujyameva vA .
dadAtyapi na gR^ihNanti bhaktA matsevanaM vinA .. 66 ..
sa evAtyantiko yogo bhaktimArgasya bhAmini .
mad{}bhAvaM prApnuyAttena atikramya guNatrayam .. 67 ..
mahatA kAmahInena svadharmAcaraNena ca .
karmayogena shastena varjitena vihiMsanAt .. 68 ..
maddarshanastutimahApUjAbhiH smR^itivandanaiH .
bhUteShu mad{}bhAvanayA sa~N{}genAsatyavarjanaiH .. 69 ..
bahumAnena mahatAM duHkhinAmanukampayA .
svasamAneShu maitryA ca yamAdInAM niShevayA .. 70 ..
vedAntavAkyashravaNAnmama nAmAnukirtanAt .
satsa~N{}genArjavenaiva hyahamaH parivarjanAt .. 71 ..
kA~N{}xayA mama dharmasya parishuddhAntaro janaH .
mado{}guNashravaNAdeva yAti mAma~njasA janaH .. 72 ..
yathA vAyuvashAd{}gandhaH svAshrayAd{}ghrANamAvishet .
yogAbhyAsarataM cittamevAmAtmAnamAvishet .. 73 ..
sarveShu prANijAteShu hyahamAtmA vyavasthitaH .
tamadnyAtvA vimUDhAtmA kurute kevalaM bahiH .. 74 ..
kriyotpannairnaikabhedairdravyairme nAmba toShaNam .
bhUtAvamAninArcAyAmarcito.ahaM na pUjitaH .. 75 ..
tAvanmAmarcayeddevaM pratimAdau svakarmabhiH .
yAvatsarveShu bhUteShu sthitaM cAtmani na smaret .. 76 ..
yastu bhedaM prakurute svAtmanashca parasya ca .
bhinnadR^iShTerbhayaM mR^ityustasya kuryAnna saMshayaH .. 77 ..
mAmataH sarvabhUteShu paricChinneShu saMsthitam .
ekaM dnyAnena mAnena maitryA cArcedabhinnadhiH .. 78 ..
cetasaivAnishaM sarvabhUtAni praNametsudhIH .
dnyAtvA mAM cetanaM shuddhaM jIvarUpeNa saMsthitam .. 79 ..
tasmAtkadAcinnexeta bhedamIshvarajIvayoH .
bhaktiyogo dnyAnayogo mayA mAtarudIritaH .. 80 ..
AlambyaikataraM vApi puruShaH shubhamR^icChati .
tato mAM bhaktiyogena mAtaH sarvahR^idi sthitam .. 81 ..
putrarUpeNa vA nityaM smR^itvA shAntimavApsyasi .
shrutvA rAmasya vacanaM kausalyAnandasaMyutA .. 82 ..
rAmaM sadA hR^idi dhyAtvA ChittvA saMsArabandhanam .
atikramya gatIstisro.apyavApa paramAM gatim .. 83 ..
kaikeyI cApi yogaM raghupatigaditaM pUrvamevAdhigamya
shraddhAbhaktiprashAntA hR^idi raghutilakaM bhAvayantI gatAsuH .
gatvA svargaM sphurantI dasharathasahitA modamAnAvatasthe
mAtA shrIlaxmaNasyApyativimalamatiH prApa bhartuH samIpam .. 84 ..
iti shrImadadhyAtmarAmAyaNe umAmaheshvarasaMvAde uttarakANDe saptamaH
sargaH .. 7 ..
\medskip\hrule\medskip


.. adhyAtmarAmAyaNe uttarakaaNDa ..
aShTama sargaH ..

shrImahAdeva uvAca .

atha kAle gate kasmin bharato bhImavikramaH .
yudhAjitA mAtulena hyAhUto.agAtsasainikaH .. 1 ..
rAmAdnyayA gatastatra hatvA gandharvanAyakAn .
tisraH koTIH pure dve tu niveshya raghunandanaH .. 2 ..
puShkaraM puShkarAvatyAM taxaM taxashilAhvaye .
abhiShicya sutau tatra dhanadhAnyasuhR^id{}vR^itau .. 3 ..
punarAgatya bharato rAmasevAparo.abhavat .
tataH prIto raghushreShTho laxmaNaM prAha sAdaram .. 4 ..
ubhau kumArau saumitre gR^ihItvA pashcimAM disham .
tatra bhillanvinirjitya duShTAn sarvApakAriNaH .. 5 ..
a~N{}gadashcitraketushca mahAsattvaparAkramau .
dvayordve nagare kR^itvA gajAshvadhanaratnakaiH .. 6 ..
abhiShicya sutau tatra shIghramAgacCha mAM punaH .
rAmasyAdnyAM puraskR^itya gajAshvabalavAhanaH .. 7 ..
gatvA hatvA ripun sarvAn sthApayitvA kumArakau .
saumitriH punarAgatya rAmasevAparo.abhavat .. 8 ..
tatastu kAle mahati prayAte rAmaM sadA dharmapathe sthitaM harim .
draShTuM samAgAd{}R^iShiveShadhArI kAlastato laxmaNamityuvAca .. 9 ..
nivedayasvAtibalasya dUtaM mAM draShTukAmaM puruShottamAya .
rAmAya vidnyApanamasti tasya maharShimukhyasya cirAya dhIman .. 10 ..
tasya tadvacanaM shrutvA saumitristvarayAnvitaH .
Acacaxe.atha rAmAya sa samprAptaM tapodhanam .. 11 ..
evaM bruvantaM provAca laxmaNaM rAghavo vacaH .
shIghraM praveshyatAM tAta muniH satkArapUrvakam .. 12 ..
laxmaNastu tathetyuk{}tvA prAveshayata tApasam .
svatejasA jvalantaM taM ghR^itasiktaM yathAnalam .. 13 ..
so.abhigamya raghushreShThaM dIpyamAnaH svatejasA .
munirmadhuravAkyena vardhasvetyAha rAghavam .. 14 ..
tasmai sa munaye rAmaH pUjAM kR^itvA yathAvidhi .
pR^iShTvAnAmayavyagro rAmaH pR^iShTo.atha tena saH .. 15 ..
divyAsane samAsIno rAmaH provAca tApasam .
yadarthamAgato.asi tvamiha tatprApayasva me .. 16 ..
vAkyena coditastena rAmeNAha munirvacaH .
dvandvameva prayoktavyamanAlaxyaM tu tadvacaH .. 17 ..
nAnyena caitacChrotavyaM nAkhyAtavyaM ca kasyacit .
shrR^iNuyAdvA nirIxedvA yaH sa vadhyastvayA prabho .. 18 ..
tatheti ca pratidnyAya rAmo laxmaNamabravIt .
tiShTha tvaM dvAri saumitre nAyAtvatra jano rahaH .. 19 ..
yathA gacChati ko vApi sa vadhyo me na saMshayaH .
tataH prAha muniM rAmo yena vA tvaM visarjitaH .. 20 ..
yatte manIShitaM vAkyaM tadvadasva mamAgrataH .
tataH prAha munirvAkyaM shrR^iNu rAma yathAtatham .. 21 ..
brahmaNA preShito.asmIsha kAryArthe te.antikaM prabho .
ahaM hi pUrvajo deva tava putraH parantapa .. 22 ..
mAyAsa~N{}gamajo vIra kAlaH sarvaharaH smR^itaH .
brahmA tvAmAha bhagavAn sarvadevarShipUjitaH .. 23 ..
raxituM svargalokasya samayaste mahAmate .
purA tvameka evAsIrlokAn saMhR^itya mAyayA .. 24 ..
bhAryayA sahitastvaM mAmAdau putramajIjanaH .
tathA bhogavataM nAgamanantamudakeshayam .. 25 ..
mAyayA janayitvA tvaM dvau sasattvau mahAbalau .
madhukaiTabhakau daityau hatvA medo.asthisa~ncayam .. 26 ..
imAM parvatasambaddhAM medinIM puruSharShabha .
padme divyArkasa~N{}kAshe nAbhyAmutpAdya mAmapi .. 27 ..
mAM vidhAya prajAdhyaxaM mayi sarvaM nyavedayat .
so.ahaM saMyuktasambhArastvAmavocaM jagatpate .. 28 ..
raxAM vidhatsva bhUtebhyo ye me vIryApahAriNaH .
tatasvaM kasyapAjjAto viShNurvAmanarUpadhR^ik .. 29 ..
hR^itavAnasi bhUbhAraM vadhAdraxogaNasya ca .
sarvAsUtsAryamANAsu prajAsu dharaNIdhara .. 30 ..
rAvaNasya vadhAkA~N{}xI martyalokamupAgataH .
dashavarShasahasrANi dashavarShashatAni ca .. 31 ..
kR^itvA vAsasya samayaM tridasheShvAtmanaH purA .
sa te manorathaH pUrNaH pUrNe cAyuShi te nR^iShu .. 32 ..
kAlastApasarUpeNa tvatsamIpamupAgamat .
tato bhUyashca te buddhiryadi rAjyamupAsitum .. 33 ..
tattathA bhava bhadraM te evamAha pitAmahaH .
yadi te gamane buddhirdevalokaM jitendriya .. 34 ..
sanAthA viShNunA devA bhajantu vigatajvarAH .
caturmukhasya tadvAkyaM shrutvA kAlena bhAShitam .. 35 ..
hasan rAmastadA vAkyaM kR^itsnasyAntakamabravIt .
shrutaM tava vaco me.adya mamApIShTataraM tu tat .. 36 ..
santoShaH paramo dnyeyastvadAgamanakAraNAt .
trayANAmapi lokAnAM kAryArthaM mama sambhavaH .. 37 ..
bhadraM te.astvAgamiShyAmi yata evAhamAagataH .
manorathastu samprApto na me.atrAsti vicAraNA .. 38 ..
matsevakAnAM devAnAM sarvakAryeShu vai mayA .
sthAtavyaM mAyayA putra yathA cAha prajApatiH .. 39 ..
evaM tayoH kathayatordurvAsA munirabhyagAt .
rAjadvAraM rAghavasya darshanApexayA drutam .. 40 ..
munirlaxmaNamAsAdya durvAsA vAkyamabravIt .
shIghraM darshaya rAmaM me kAryaM me.atyantamAhitam .. 41 ..
tacChrutvA prAha saumitrirmuniM jvalanatejasam .
rAmeNa kAryaM kiM te.adya kiM te.abhIShTaM karomyaham .. 42 ..
rAjA kAryAntare vyagro muhUrtaM sampratIxyatAm .
tacChrutvA krodhasantapto muniH saumitrimabravIt .. 43 ..
asmin xaNe tu saumitre na darshayasi cedvibhum .
rAmaM saviShayaM vaMshaM bhasmIkuryAM na saMshayaH .. 44 ..
shrutvA tadvacanaM ghoramR^iSherdurvAsaso bhR^isham .
svarUpaM tasya vAkyasya cintayitvA sa laxmaNaH .. 45 ..
sarvanAshAdvaraM me.adya nAsho hyekasya kAraNAt .
nishcityaivaM tato gatvA rAmAya prAha laxmaNaH .. 46 ..
saumitrervacanaM shrutvA rAmaH kAlaM vyasarjayat .
shIghraM nirgamya rAmo.api dadarshAtreH sutaM munim .. 47 ..
rAmo.abhivAdya samprIto muniM papracCha sAdaram .
kiM kAryaM te karomIti munimAha raghuttamaH .. 48 ..
tacChrutvA rAmavacanaM durvAsA rAmamabravIt .
adya varSha sahasrANAmupavAsasamApanam .. 49 ..
ato bhojanamicChAmi siddhaM hatte raghuttama .
rAmo munivacaH shrutvA santoSheNa samanvitaH .. 50 ..
sa siddhamannaM munaye yathAvatsamupAharat .
munirbhuk{}tvAnnamamR^itaM santuShTaH punarabhyagAt .. 51 ..
svamAshramaM gate tasmin rAmaH sasmAra bhAShitam .
kAlena shokaduHkhArto vimanAshcAti vihvalaH .. 52 ..
avA~N{}mukho dInamanA na shashAkAbhibhAShitum .
manasA laxmaNaM dnyAtvA hataprAyaM raghUdvahaH .. 53 ..
avA~N{}mukho babhUvAtha tUShNImevAkhileshvaraH .
tato rAmaM vilokyAha saumitrirduHkhasamplutam .. 54 ..
tUShNImbhUtaM cintayantaM garhantaM snehabandhanam .
matkR^ite tyaja santApaM jahi mAM raghunandana .. 55 ..
gatiH kAlasya kalitA pUrvamevedR^ishI prabho .
tvayi hInapratidnye tu narako me dhruvaM bhavet .. 56 ..
mayi prItiryadi bhavedyadyanugrAhyatA tava .
tyak{}tvA sha~N{}kAM jahi prAdnya mA mA dharmaM tyaja prabho .. 57 ..
saumitriNoktaM tacChrutvA rAmashcalitamAnasaH .
AhUya mantriNaH sarvAn vasiShThaM cedamabravIt .. 58 ..
munerAgamanaM yattu kAlasyApi hi bhAShitam .
pratidnyAmAtmanashcaiva sarvamAvedayatprabhuH .. 59 ..
shrutvA rAmasya vacanaM man{}triNaH sapurohitAH .
UcuH prA~njalayaH sarve rAmamakliShTakAriNam .. 60 ..
pUrvameva hi nirdiShTaM tava bhUbhArahAriNaH .
laxmaNena viyogaste dnyAto vidnyAnacaxuShA .. 61 ..
tyajAshu laxmaNaM rAma mA pratidnyAM tyaja prabho .
pratidnyAte parityakte dharmo bhavati niShphalaH .. 62 ..
dharme naShTe.akhile rAma trailokyaM nashyati dhruvam .
tvaM tu sarvasya lokasya pAlako.asi raghuttama .. 63 ..
tyak{}tvA laxmaNamevaikaM trailokyaM trAtumarhasi .
rAmo dharmArthasahitaM vAkyaM teShAmaninditam .. 64 ..
sabhAmadhye samAshrutya prAha saumitrima~njasA .
yatheShTaM gacCha saumitre mA bhUddharmasya saMshayaH .. 65 ..
parityAgo vadho vApi satAmevobhayaM samam .
evamukte raghushreShThe duHkhavyAkulitexaNaH .. 66 ..
rAmaM praNamya saumitriH shIghraM gR^ihamagAtsvakam .
tato.agAtsarayUtIramAcamya sa kR^itA~njaliH .. 67 ..
nava dvArANi saMyamya mUrdhni prANamadhArayat .
yadaxaraM paraM brahma vAsudevAkhyamavyayam .. 68 ..
padaM tatparamaM dhAma cetasA so.abhyacintayat .
vAyurodhena saMyuktaM sarve devAH saharShayaH .. 69 ..
sAgnayo laxmaNaM puShpaistuShTuvushca samAkiran .
adR^ishyaM vibudhaiH kaishcitsasharIraM ca vAsavaH .. 70 ..
gR^ihItvA laxmaNaM shakraH svargalokamathAgamat .
tato viShNoshcaturbhAgaM taM devaM surasattamAH .
sarve devarShayo dR^iShTvA laxmaNaM samapUjayan .. 71 ..
laxmaNe hi divamagate harau siddhalokagatayoginastadA .
brahmaNA saha samAgamanmudA draShTumAhitamahAhirUpakam .. 72 ..
iti shrImadadhyAtmarAmAyaNe umAmaheshvarasaMvAde uttarakANDe aShTamaH
sargaH .. 8 ..
\medskip\hrule\medskip



.. adhyAtmarAmAyaNe uttarakaaNDa ..
navama sargaH ..

shrI mahAdeva uvAca .

laxmaNaM tu parityajya rAmo duHkhasamanvitaH .
man{}triNo naigamAMshcaiva vasiShThaM cedamabravIt .. 1 ..
abhiShexyAmi bharatamadhirAjye mahAmatim .
adya cAhaM gamiShyAmi laxmaNasya padAnugaH .. 2 ..
evamukte raghushreShThe paurajAnapadAstadA .
drumA ivacChinnamUlA duHkhArtAH patitA bhuvi .. 3 ..
mUrChito bharato vApi shrutvA rAmAbhibhAShitam .
garhayAmAsa rAjyaM sa prAhedaM rAmasannidhau .. 4 ..
satyena ca shape nAhaM tvAM vinA divi vA bhuvi .
kA~N{}xe rAjyaM raghushreShTha shape tvatpAdayoH prabho .. 5 ..
imau kushalavau rAjannabhiShi~ncasva rAghava .
koshaleShu kushaM vIramuttareShu lavaM tathA .. 6 ..
gacChantu dUtAstvaritaM shatrughnAnayanAya hi .
asmAkametad{}gamanaM svarvAsAya shrR^iNotu saH .. 7 ..
bharatenoditaM shrutvA patitAstAH samIxya tam .
prajAshca bhayasaMvignA rAmavishleShakAtarAH .. 8 ..
vasiShTho bhagavAn rAmamuvAca sadayaM vacaH .
pashya tAtAdarAtsarvAH patitA bhUtale prajAH .. 9 ..
tAsAM bhAvAnugaM rAma prasAdaM kartumarhasi .
shrutvA vasiShThavacanaM tAH samutthApya pUjya ca .. 10 ..
sasneho raghunAthastAH kiM karomIti cAbravIt .
tataH prA~njalayaH procuH prajA bhaktyA raghUdvaham .. 11 ..
gantumicChasi yatra tvamanugacChAmahe vayam .
asmAkameShA paramA prItirdharmo.ayamaxayaH .. 12 ..
tavAnugamane rAma hR^id{}gatA no dR^iDhA matiH .
putradArAdibhiH sArdhamanuyAmo.adya sarvathA .. 13 ..
tapovanaM vA svargaM vA puraM vA raghunandana .
dnyAtvA teShAM manodArDhyaM kAlasya vacanaM tathA .. 14 ..
bhaktaM paurajanaM caiva bADhamityAha rAghavaH .
kR^ityaiva nishcayaM rAmastasminnevAhani prabhuH .. 15 ..
prasthApayAmAsa ca tau rAmabhadraH kushIlavau .
aShTau rathasahasrANi sahasraM caiva dantinAm .. 16 ..
ShaShTiM cAshvasahasrANAmekaikasmai dadau balam .
bahuratnau bahudhanau hR^iShTapuShTajanAvR^itau .. 17 ..
abhivAdya gatau rAmaM kR^icChreNa tu kushIlavau .
shatrughnAnayane dUtAnpreShayAmAsa rAghavaH .. 18 ..
te dUtAstvaritaM gatvA shatrughnAya nyavedayan .
kAlasyAgamanaM pashcAdatriputrasya ceShTitam .. 19 ..
laxmaNasya ca niryANaM pratidnyAM rAghavasya ca .
putrAbhiShecanaM caiva sarvaM rAmacikIrShitam .. 20 ..
shrutvA tad dUtavacanaM shtrughnaH kulanAshanam .
vyathito.api dhR^itiM labdhvA putrAvAhUya satvaraH .
abhiShicya subAhuM vai mathurAyAM mahAbalaH .. 21 ..
yUpaketuM ca vidishAnagare shatrusUdanaH .
ayodhyAM tvaritaM prAgAtsvayaM rAmadidR^ixayA .. 22 ..
dadarsha ca mahAtmAnaM tejasA jvalanaprabham .
dukUlayugasaMvItaM R^iShibhishcAxayairvR^itam .. 23 ..
abhivAdya ramAnAthaM shatrughnau raghupu~N{}gavam .
prA~njalirdharmasahitaM vAkyaM prAha mahAmatiH .. 24 ..
abhiShicya sutau tatra rAjye rAjIvalocana .
tavAnugamane rAjanviddhi mAM kR^itanishcayam .. 25 ..
tyaktuM nArhasi mAMvIra bhaktaM tava visheShataH .
shatrughnasya dR^iDhAM buddhiM vidnyAya raghunandanaH .. 26 ..
sajjibhavatu madhyAhne bhavAnityabravIdvacaH .
atha xaNAtsamutpeturvAnarAH  kAmarUpiNaH .. 27 ..
R^ixAshca rAxasAshcaiva gopucChAshca sahasrashaH .
R^iShINAM devatAnAM ca putrA rAmasya nirgamam .. 28 ..
shrutvA procU raghushreShThaM sarve vAnararAxasAH .
tavAnugamane viddhi nishcitArthAnhi naH prabho .. 29 ..
etasminnantare rAmaM sugrIvo.api mahAbalaH .
yathAvadabhivAdyAha rAghavaM bhaktavatsalam .. 30 ..
abhiShicyA~N{}gadaM rAjye Agato.asmi mahAbalam .
tavAnugamane rAma viddhi mAM kR^itanishcayam .. 31 ..
shrutvAM teShAM dR^iDhaM vAkyaM R^ixavAnararaxasAm .
vibhIShaNamuvAcedaM vacanaM mR^idu sAdaram .. 32 ..
dhariShyati dharA yAvatprajAstAvatprashAdhi me .
vacanAdrAxasaM rAjyaM shApito.asi mamopari .. 33 ..
na ki~nciduttaraM vAcyaM tvayA matkR^itakAraNAt .
evaM vibhIShaNaM tUk{}tvA hanUmantamathAbravIt .. 34 ..
mArute tvaM cira~njIva mamAdnyAM mA mR^iShA kR^ithAH .
jAmbavantamatha prAha tiShTha tvaM dvAparAntate . 35 ..
mayA sArdhaM bhavedyuddhaM yatki~ncitkAraNAntare .
tatastAn rAghavaH prAha R^ixarAxasavAnarAn .
sarvAneva mayA sArdhaM prayAteti dayAnvitaH .. 36 ..
tataH prabhAte raghuvaMshanAtho vishAlavaxAH sitaka~njanetraH .
purodhasaM prAha vasiShThamAryaM yAntvagnihotrANi puro guNo me . 37 ..
tato vasiShTho.api cakAra sarvaM prAsthAnikaM karma mahadvidhAnAt .
xaumAmbaro darbhapavitrapANirmahAprayANAya gR^ihItabuddhIH .. 38 ..
niShkramya rAmo nagarAtsitAbhrAcChashIva yAtaH shashikoTikAntiH .
rAmasya savye sitapadmahastA padmA gatA padmavishAlanetrA .. 39 ..
pArshve.atha daxe.aruNaka~njahastA shyAmA yayau bhUrapi dIpyamAnA .
shAstrANi shastrANi dhanushca bANA jagmuH purastAd dhR^itavigrahAste .. 40 ..
vedAshca sarve dhR^itivigrahAshca yayushca sarve munayashca divyAH .
mAtA shrutInAM praNavena sAdhvI yayau hariM vyAhR^itibhiH sametA .. 41 ..
gacChantamevAnugatA janAste saputradArAH saha bandhuvargaiH .
anAvR^itadvAramivApavarga rAmaM vrajantaM yayurAptakAmAH .
sAntaHpuraH sAnucaraH sabhAryaH shatrughayukto bharato.anuyAtaH .. 42 ..
gacChantamAlokya ramAsametaM shrIrAghavaM paurajanAH samastAH .
sabAlavR^iddhAshca yayurdvijAgryAH sAmAtyavargAshca saman{}triNo
yayuH .. 43 ..
save gatAHxatramukhAprahR^iShTA vaishyAshca shUdrAshca tathA pare ca .
sugrIvamukhyA haripu~NgavAshca snAtA vishuddhAH shubhashabdayuktAH .. 44 ..
na kashcidAsId{}bhavaduHkhayukto dIno.athavA bAhyasukheShu saktaH .
AnadarUpAnugatA viraktA yayushca rAmaM pashubhR^ityavargaiH .. 45 ..
bhUtAnyadR^ishyAni ca yAni tatra ye prANinaH sthAvaraja~N{}gamAshca .
sAxAtparAtmAnamanantashaktiM jagmurvimuktAH paramekamIsham .. 46 ..
nAsIdayodhyAnagare tu jantuH kashcittadA rAmamanA na yAtaH .
shUnyaM babhUvAkhilameva tatra puraM gate rAjani rAmacandre .. 47 ..
tato.adUraM nagarAtsa gatvA dR^iShTvA nadIM tAM harinetrajAtAm .
nananda rAmaH smR^itapAvano.ato dadarsha cAsheShamidaM hR^idistham .. 48 ..
athAgatastatra pitAmaho mahAn devAshca sarve R^iShayashca siddhAH .
vimAnakoTIbhirapArapAraM samAvR^itaM khaM surasevitAbhiH .. 49 ..
raviprakAshAbhirabhisphuratsvaM jyotirmayaM tatra nabho babhUva .
svayamprakAshairmahataM mahad{}bhiH samAvR^itaM puNyakR^itAM
variShThaiH .. 50 ..
vavushca vAtAshca sugandhavanto vavarSha vR^iShTiH kusumAvalInAm .
upasthite devamR^ida~N{}ganAde gAyatsu vidyAdharakinnareShu .. 51 ..
rAmastu pad{}bhyAM sarayUjalaM sakR^it spR^iShTvA parikrAmadanantashaktiH .
brahmA tadA prAha kR^itA~njalistaM rAmaM parAtman parameshvarastvam .. 52 ..
viShNuH sadAnandamayo.asi pUrNo jAnAsi tattvaM nijamaishamekam .
tathApi dAsasya mamAkhilesha kR^itaM vaco bhaktaparo.asi vidvan .. 53 ..
tvaM bhrAtR^ibhirvaiShNavamevamAdyaM pravishya dehaM paripAhi devAn .
yadvA paro vA yadi rocate taM pravishya dehaM paripAhi nastvam .. 54 ..
tvameva devAdhipatishca viShNurjAnanti na tvAM puruShA vinA mAm .
sahasrakR^itvastu namo namaste prasIda devesha punarnamaste .. 55 ..
pitAmaharthanayA sa rAmaH pashyatsu deveShu mahAprakAshaH .
muShNaMshca caxUMShi divaukasAM tadA babhUva cakrAdiyutashcaturbhujaH .. 56 ..
sheSho babhUveshvaratalpabhUtaH saumitriratyad{}bhutabhogadhArI .
babhUvatushcakradarau ca divyau kaikeyisUnUrlavaNAntakashca .. 57 ..
sItA ca laxmIrabhavatpureva rAmo hi viShNuH purushaH purANaH .
sahAnujaH pUrvasharIrakeNa babhUva tejomayadivyamUrtiH .. 58 ..
viShNuM samAsAdya surendramukhyA devAshca siddhA munaya~nca daxAH .
pitAmahAdyAH paritaH pareshaM stavairgR^iNantaH paripUjayantaH .. 59 ..
AnandsamplAavitapUrNacittA babhUvire prAptamanorathAste .
tadAha viShNurdruhiNaM mahAtmA ete hi bhaktA mayi cAnuraktAH .. 60 ..
yAntaM divaM mAmanuyAnti sarve tiryaksharIrA api puNyayuktAH .
vaikuNThasAmyaM paramaM prayAntu samAvishasvAshu mamAdnyayA tvam .. 61 ..
shrutvA harervAkyamathAbravItkaH santAnikAnyAntu vicitrabhogan .
lokAnmadIyopari dIpyamAnAMstvad{}bhAvayuktAH kR^itapuNyapu~njAH .. 62 ..
ye cApi te rAma pavitranAma gR^iNanti martyA layakAla eva .
adnyAnato vApi bhajantu lokAMstAneva yogairapu cAdhigamyAn .. 63 ..
tato.atihR^iShTA harirAxasAdyAH spR^iShTvA jalaM tyaktakalevarAste .
prapedire prAktanameva rUpaM yadaMshajA R^ixaharIshvarAste .. 64 ..
prabhAkaraM prApa haripravIraH sugrIva AdityajavIryavattvAt .
tato vimagnAH sarayUjaleShu narAH parityajya manuShyadeham .. 65 ..
Aruhya divyAbharaNA vimAnaM prApushca te sAntanikAkhyalokAn .
tiryakprajAtA api rAmadR^iShTvA jalaM praviShTA divameva yAtAH .. 66 ..
didR^ixavo jAnapadAshca lokA rAmaM samAlokya vimuktasa~N{}gAH .
smR^itvA hariM lokaguruM pareshaM spR^iShTvA jalaM svargamavApura~njaH .. 67 ..
etAvadevottaramAha shambhuH shrIrAmacandrasya kathAvasheSham .
yaH pAdamapyatra paThetsa pApAd{} vimucyate janmasahasrajAtAt .. 68 ..
dine dine pApacayaM prakurvan paThennaraH shlokamapIha bhaktyA .
vimuktasarvAghacayaH prayAti rAmasya sAlokyamananyalabhyam .. 69 ..
AkhyAnametadraghunAyakasya kR^itaM purA rAghavacoditena .
maheshvareNAptabhaviShyadarthaM shrutvA tu rAmaH paritoShameti .. 70 ..
rAmAyaNaM kAvyamanantapuNyaM shrIsha~N{}karreNAbhihitaM bhavAnyai .
bhaktyA paThedyaH shrR^iNuyAtsa pApairvimucyate janmashatodbhavaishca .. 71 ..
adhyAtmarAmaM paThatashca nityaM shrotushca bhaktyA likhitushca rAmaH .
atiprasannashca sadA samIpe sItAsametaH shriyamAtanoti .. 72 ..
rAmAyaNaM janamanoharamAdikAvyaM brahmAdibhiH suravarairapi saMstutaM ca .
shraddhAnvitaH paThati yaH shrR^iNuyAttu nityaM viShNoH prayAti
sadanaM sa vishuddhadehaH .. 73 ..
iti shrImadadhyAtmarAmAyaNe umAmaheshvarasaMvAde uttarakANDe navamaH
sargaH .. 9 ..
..  samApatamidamuttarakANDam ..
..  sampUrNam iti adhyAtmarAmAyaNam ..
##
\medskip\hrule\medskip
Encoded  and proofread by 
Vishwas Bhide vishwas underscore bhide at yahoo.com
\end{multicols}\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}