% Text title : akShararAmAyaNam % File name : akShararAmAyaNam.itx % Category : raama % Location : doc\_raama % Author : jAnaki % Proofread by : Surya Maruvada % Translated by : Surya Maruvada % Latest update : May 30, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Akshara Ramayanam ..}## \itxtitle{.. akShararAmAyaNam ..}##\endtitles ## bAlidvIpalabdhaM prAchInaM akShararAmAyaNaM kavijAnakIyaM \section{mukhavANI} bhAratavarShasya prAchIneShu upadvIpeShu idAnIM iNDoneShyAkhyeShu bAlidvIpaH \ldq{}balidvIpa\rdq{} iti pUrvaM prasiddha AsIt | tatra prAyaH sArdhasahasravarShebhyaH pUrvaM karNATarAjasya shrIdharmasya AdhipatyaM AsIt iti j~nAyate | ki~ncha shaiva\-vaiShNava\-shAkta\-bauddhAdInAM saMskR^itabhAShAtmakaH vyavahAraH atyantaM uttamaH AsIt iti cha prachInatALapatra\- pANDulipipatra\-khaNDAdibhiH j~nAyate | baroDAmahArAjena gAyakavADena svakIyapustakabhANDAgArAt prAchInAH khaNDatruTitAH shlokAH Tippanyashcha \ldq{}bAlidvIpagranthAH\rdq{} iti sa~NgrAhya prakAshitAH santi | teShu \ldq{}kavijAnakI\rdq{} iti nAmnA sthitAH khaNDAH truTitAshcha sAvadhAnaM pariShkR^itya, \ldq{}akShararAmAyaNam\rdq{} iti nAmnA atra prakAshyante | atra oM shrIpUrvakaiH pa~nchAshadvarNamAlAkSharaiH ArabdhaiH shlokaiH rAmAyaNakathAsa~Ngraho.api bAlAnAM atyantaM upayogAya bhavati | lU lR^i ~Na ~na Ta Tha Dha Na akSharANAM lipisundarANAM upamAnAnAM nirUpaNena, \ldq{}aM aH\rdq{} ityAdInAM phalitavarNarUpeNa ukArasya hrasva\-dIrgha\- pluta\-saMvAdena lakAratrayaprayogeNa cha upayogachamatkAraH ramaNIyo.asti | kavishcha jAnakInAmnI rAjasambadhinI paNDitA cha iti j~nAyate | khaNDatruTitAnAM saMyojanena kaverabhiprAyAnusAreNa pariShkAreNa cha \ldq{}akShararAmAyaNaM\rdq{} idaM sampAditaM saMskR^itashikShAbhyAsaparANAM sarveShAM pramodAya bhavati | dvIpAntasaMskR^itabhAShAvij~nAnasaMshodhakAnAM cha upayogAya bhavati | sambhagnasandhAnakalA prashastA pratyAyanI chApi vinaShTakAnAm | prachInabhAvAnuvivartanI sA kAvyeShu bhAvyA sudhiyAM mahimnA || araiyar shrIrAmasharmA rAmAnujadAsAnudAsaH 24\-2\-1996 \section{bAlidvIpaprasiddhaM akShararAmAyaNam} kaviH \- jAnakI OM rAmalakShmaNau bhrAtarau namaskR^itvA sitAsitau | vane tasmin vicharantau sItAM cha janakAtmajAm || 1|| shrIH dhanyaM ma~NgalyamAyuShyaM alakShmIkalinAshanam | rAmAyaNaM pravakShyAmi mAtR^ikAkSharayojitam || 2|| a ayodhyAdhipateH putrAH chatvArassUryavarchasaH | rAma\-lakShmaNa\-shatrughnAH bharatashcha mahAbalaH || 3|| A AchAravinayopetAH satyasandhA dR^iDhavratAH | shUrAssatyapratij~nAshcha sarve dasharathAtmajAH || 4|| i i~Ngitena tu kaikeyyAH svaputrahitakAmyayA | dR^iDhavrato rAj~na iShTo rAmassa.nprasthito vanam || 5|| I ohitenAbhiShekena rAmassa.nprasthito vanam | sItA chAnugatA sAdhvI lakShmaNashcha mahAbalaH || 6|| u1 upavAsaparo rAmaH tapasvI daNDake vane | sabhAryassabhrAtR^ikashcha chachAra munibhisstutaH || 7|| u2 UnashUrpaNakhAdoShAt rAmasya cha parAkramAt | tatra pArAbhavaH kAlo rAkShasAnAmupasthitaH || 8|| u3 Unastu rAmavIryeNa rAvaNo nAma rAkShasaH | tena duShTAtmanA sItA ChalenApahatA vane || 9|| R^i R^iShidharmasamAyuktaM mArIchaM nAma mAtulam | Agamya rAvaNaH pApaH tatastadvAkyamabravIt || 10|| R^i kR^itiM kR^itvA Chalena tvaM dUraM gachCha vaneShu me | dasharathAtmajaM hatvA.arAmaM tatra karomyaham || 11|| L^i lomnA kA~nchanarUpeNa mR^igo bhUtvA sa shR^i~NgaL^iH | lobhayitvA tu vaidehI vyaharad daNDakAvane || 12|| L^I sItAM kamalapatrAkShI upAsInAM vane tadA | lR^ikArakuTilo hatvA rAvaNo.agAnnabhastalam || 13|| e etasminnantare gR^idhro jaTAyurnAma dhArmikaH | tena tAbhyAM samAkhyAtaM sItAyAH parimArgaNe || 14|| ai aishvarya\-mada\-mattena rAvaNena khagAdhipam | hatvA tasmin vane gR^idhaM sItA la~NkAM praveshitA || 15|| o oghashokanimagnassaH sItAvatsalarAghavaH | kapinA hInarAjyena sugrIveNa samAgataH || 16|| au auShadhaM paramaM prAptaH sugrIvo rAmadarshanAt | hatvA cha vAlinaM rAmaH sugrIvaM chAbhyaShechayat || 17|| am mahAkapiM hanUmantaM satyasandhaM dR^iDhavratam | sugrIvaH preShayAmAsa sItAyAH parimArgaNe || 18|| aH hanUmAn vAnarashreShTho jAmbavAn kR^itanishchayaH | tAreyaH kapibhissArdhaM bhramanto dakShiNAM disham || 19|| ka kathayantassvavR^ittAntaM kutrachit kAlaparyayAt | alabdhvA.antashcha vaidehIM chakruH prAyopaveshanam || 20|| kha khagastu siddhakAryArthaH sampAto nAma dhArmikaH | tena teShAM samAkhyAtaM sItAyAH parimArgaNe || 21|| ga gatvA pAraM samudrasya vegena garuDo yathA | dR^iShTvA la~NkAM cha nagarIM sItAM cha janakAtmajAm || 22|| gha ghane.ashokavane deshe samAgatya sa maithilIm | hanUmAn labdhasandesho rAkShasAn vinyasUdayat || 23|| ~Na ~NakArasadR^ishIM kR^itvA lalATe bhR^ikuTiM tathA | kruddhanendrajitA dhIro gR^ihIto hanumAn kapiH || 24|| cha chandramaNDalasa~NkAshaM lA~NgulaM tasya rAkShasAH | shuklairAveShTitaM vastraiH tailAbhya~NgamadIpayan || 25|| Cha ChalayitvA tatassarvAn rAkShasAn vipulo hariH | lA~NgUlena pradIptena la~NkAmAdIpayat purIm || 26|| ja jalamadhye sa nirvApya lA~NgUlaM plavageshvaraH | kR^itAmayaM puraM dagdhvA punarAgamanotsukaH || 27|| jha jhaShAlayaM samutplutya hariruttama AgataH | siddhakAryo.atitvaritaH pradeshaM yatra rAghavaH || 28|| ~na ~nakAravadano bhUtvA hanUmAn sa harIshvaraH | nyavedayadasheSheNa rAghavAya mahAtmane || 29|| Ta TakArasadR^ishaM chApaM sasharaM raghunandanaH | gR^ihItvA prasthitastUrNaM sItAyAH parimArgaNe || 30|| Tha ThakArAkAranetrANAM harINAmayutavratAH | sugrIvasyAgrato yAnti prItAH kartavyalAlasAH || 31|| Da Dayanta iva vegena gatvA pAraM mahodadheH | rAghavashsharamudyamya pashchAttatropayAchitaH || 31|| Dha DhakArasadR^ishIM kR^itvA lalATe bhrukuTIM tadA | hanumAnagrato yAti rAghavasya hite rataH || 33|| Na NakArasadR^ishaiH padmaiH prA~njaliH pratyupasthitaH | uvAcha sAgaro rAmaM setuM mama jale kuru || 34|| ta tasya tadvachanaM shrutvA sugrIvo naLamabravIt | naLa! bhadraM kuruShva tvaM setuM tatra mahArNave || 35|| tha sthUlaM mR^iShTopamaM divyaM vishvakarmasuto nalaH | chakAra setuM dharmAtmA sAgare makarAlaye || 36|| da dashayojanavistIrNaM AyataM shatayojanam | yena vAnarasenA.agAt samutpatya mahodadhim || 37|| dha dhanurvIryaM samAshritya rAghavassaha vAnaraiH | rAkShasAn yodhayAmAsa krodhasaMraktalochanaH || 38|| na nagaryAM moghayuddhAyAM rAvaNassaha rAkShasaiH | tato dvArAd viniShkramya chakArAyodhanaM mahat || 39|| pa panasashsharabho maindo nIlo mArutira~NgadaH | nAnAvR^ikShaishshilAbhishcha rAkShasAn vinyasUdayan || 40|| pha phalitaiH pAdapaiH kUle roShitAshshaktitomaraiH | rAkShasAH khaNDanaM chakruH vAnarANAM chamUmukhe || 41|| ba balavAn rAghavashshrImAn dashagrIvaM jaghAna saH | nihataM rAvaNaM dR^iShTvA vibhIShaNamathAbravIt || 42|| bha bhakto.asi mayi rakShendra! dhArmikashchApi suvrataH | arAkShasamidaM karma kR^itaM tuShTo.asmi te vibho! || 43|| ma mayA dattaM rAjyamidaM bhu~NkShva pUlastyanandana ! saputrabhR^ityAnucharo bhu~NkShva rAjyamakaNTakam || 44|| ya yadarthamayamArambhaH kR^ito me rAkShaseshvara! tAmahaM draShTumichChAmi gachCha tvaM sahalakShmaNaH || 45|| ra raktaH priyahite yukto lakShmaNena vibhIShaNaH | Arochaya~ncha vaidehIM kAkutsthAya mahAtmane || 46|| la la~NkAM pravishya nagarI dadarsha janakAtmajAm | kR^ishAM vivarNAM malinAM darshayAmAsa supriyAm || 47|| va varArohAM tadA dR^iShTvA rAmashchintAsamanvitaH | agnau vishuddhAmAdAya puShpakeNa yayau tataH || 48|| sha shatrUn hatvA.ativegena pUrvamAgamya rAghavaH | nandigrAme samAdAya bharataM mitravatsalam || 49|| Sha ShA~NgaNyasugatishshrImAn rAghavassaha sItayA | ShaDguNassu sa~Ngato bhrAtR^ibhissArdhaM mAtR^ibhissa samAgataH || 50|| sa sametya hR^iShTahR^idayaH paurajAnapadaissaha | gavAM shatasahasrANi brAhmaNebhyaH pradattavAn || 51|| ha hatashatrurmahendrANyA shatakraturivAparaH | shataM varShasahasrANAM rAmo rAjyamavAsayat || 52|| \section{anubandhaH} kSha kShatraM brahmAchyutaM jIyAt jIvanaM jagatAM param | j~nAnAnandamayaM jyotiH ILe tanmAtR^ikAkSharam || 1|| sapa~nchashatasAhasrasaMvatsarasanAtanam | prA~NmAtR^ikAkSharaishshlokaiH sArdhapa~nchAshatA sthitam || 2|| balidvIpAntare labdhaM jAnakIkavinirmitam | rAmeNa saMskR^itaM jIyAt shrIrAmAyaNamakSharam || 3|| idaM baroDAnagare rAj~nA mudrApitaM purA | svIkR^itaM bAlabodhArthaM bAlidvIpaprabandhagam || 4|| naShTavarNa\-visaMvAdaM shamayan varNasa~Nkaram | UplutaM L^ivikArAnkaM abhedaM ralayordishan || 5|| vyudasyan kvachidevAtra shlokalakShaNabha~njanam | oM shrImadakSharaM rAmAyaNamityabhidhAM dishan || 6|| prathamAkSharayogena mAtR^ikAkSharayojanAt | ShaShTivarNaparIvartAt navatyakSharayojanAt || 7|| tatra tatra cha saMrakShan sAbhiprAyaM vachaH kaveH | aShTashlokIM tataH kurvan rAmas saMskR^itavAnidam || 8|| itIdaM anubandhasahitaM bAlidvIpaprasiddhaM akShararAmAyaNaM sampUrNam | rohiNI \- patrikA || 1995\-96 dvIpAntarasaMskR^itavij~nAnaM sampAdakaH \- pariShkArakaH \- prakAshakashcha araiyar shrIrAmasharmA, ubhayanyAyavedAntAla~NkAraH pa~nchabhAShAkavitAvallabhaH prAMshupAlaH sarvakArIyasaMskR^itakAlejaH melukoTe | ## Encoded and proofread by Surya Maruvada \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}