% Text title            : Ananta Tattva Amritam
% File name             : anantatattvAmRRitam.itx
% Category              : raama, rAmAnanda
% Location              : doc\_raama
% Author                : naraharyAnandAchArya 
% Proofread by          : Aaditya Kalyanaraman
% Description/comments  : From Chatuh Sampraday Dig-Darshan
% Latest update         : November 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Anantatattva Amritam ..}##
\itxtitle{.. shrIanantatattvAmR^itam ..}##\endtitles ##
rAmaM sUtrakR^itaM vyAsaM vR^ittikR^itpuruShottamam |
AnandabhAShyakR^idrAmAnandAchAryaM namAmyaham || 1||
pUrvAchAryAn namaskR^ityAnantAnandaM guruM tathA |
kurve.anantapadaM prAptuM shrIanantatattvAmR^itam || 2||
pramANapratipannaM hi vastu tattvatayochyate |
chidachidIshabhedAt tat tridhA nityaM tathA.amR^iShA || 3||
\ldq{}sarvaM khalvidame\rdq{} tasya, \ldq{}sadeve\rdq{} tyAdikasya cha |
prAmANyAd brahma shrIrAmo vishiShTo hi chitA.achitA || 4||
vij~neyashchitpadArthau hi jIvo.aNushchetanastathA |
baddhamuktavibhedAt sa jIvAtmA dvividho mataH || 5||
karmamuktashcha mukto.atha baddho baddho hi karmaNA |
achidachetano j~neyo prakR^ityAdichaturvidhA || 6||
upAdAnaM nimittaM cha jagato brahma nishchitam |
tatrAvasthAshrayo dravyamupAdAnaM prakIrtitam || 7||
nimittaM chAtha samproktaM tattvaM kAryavidhAyakam |
\ldq{}yato ve'tyAdito brahma jagataH kAraNadvayam || 8||
sthUlAchichchidvishiShTaM hi brahmaiva rAghavo jagat |
visheShyo rAghavastatra chidachittau visheShaNe || 9||
apR^ithaksiddhadhAryatvAchCheShatvAchchidachiddvayam |
rAmasya brahmaNo yasmAchCharIraM sammataM budhaiH || 10||
lIlAvibhUtibhUtAni brahmANDAnyakhilAni cha |
brahmaNaH pAdamAtrANi \ldq{}pAdo.asya vishve"tishruteH || 11||
divyadhAmnastu vij~neyA brahmatripAdarUpatA |
sAketamuktidhAmAdi tasya nAmAntaraM matam || 12||
sUkShmAchichchidvishiShTaM hi kAraNaM brahma gadyate |
sUkShmatA.achichchidoratra nAmarUpAvibhAgitA || 13||
vikArastu svarUpe.atha svabhAve chAchito mataH |
sR^iShTau chito mataH so.atha svabhAva eva kevalam || 14||
brahmaNashcha svarUpe.atha svabhAve vikR^itirna hi |
heyapratibhaTo brahma rAmaH sadguNasAgaraH || 15||
sachchidAnandarUpaM tad \ldq{}satyaM j~nAnami\rdq{} tishrute |
j~nAnashaktibalaishvaryavIryatejAMsi tadguNAH || 16||
svAbhAvikaguNAshchaite tasya bhagapaderitAH |
sarvaj~naH sarvashaktishcha sarvavyApI cha rAghavaH || 17||
parashcha vibhavo vyUho.antaryAmI chAtha pa~nchamaH |
bhedashchArchAvatAro hi rAmasya brahmaNo mataH || 18||
shrIrAmashcha budhaiH proktaH sAketasthaH pareshvaraH |
vAsudevAdayo vyUhA matsyAdyA vibhavA matAH || 19||
antaryAmI cha vij~neyaH sarvAntaHsthashcha rAghavaH |
mUrtirUpeNa shrIrAmastvarchAvatAratAM gataH || 20||
saMsAritAmavApnoti jIvashchAnAdyavidyayA |
sharIrAdeshcha sambandho jIvasaMsAritA matA || 21||
puNyapApAtmakaM karma hyavidyA chAtra sammatA |
tasyA nAshaM vinA jIvaH svarUpaM svasya naiti hi || 22||
prakR^itistu sAvayavA sattvAditriguNAshrayaH |
guNAnAM pralaye sAmyAt tadvikArAH samA matAH || 23||
sR^iShTau tu guNavaiShamyAd vikArA viShamAH kila |
prakR^iterguNavaiShamyamIshasya hi sisR^ikShayA || 24||
uktA kAraNatattvasya chAnyAvasthA hi kAryatA |
kAryasya kAraNAvasthA budhairnAshaH prakIrttitaH || 25||
mR^itpiNDasya ghaTatvAptirmR^itpiNDasya hi kAryatA |
ghaTasya chUrNatA.avAptirghaTasyaivaM vinAshitA || 26||
utpattirasato nAsti yasmAd budhairhi sammatA |
sUkShmasthUleshayostasmAdadvaitaM brahmaNoH khalu || 27||
sarveShu cha mateShvatra nirdoSha tata eva hi |
vishiShTAdvaitamityeva vaidikaM yauktikaM matam || 28|
dehaH karAdimat piNDaM jIvasya pA~nchabhautikam |
tathaiva chidachinmishraM jagad brahmavapurmatam || 29||
dhAryate prAkR^ito deho yathA jIvAtmasattayA |
brahmaNaH sattayA taddvajjagachchaitaddhi dhAryate || 30||
\ldq{}antaH praviShTaH shAste'ti shrutyA jagachCharIrakaH |
antaH pravishya sarvAtmA rAmaH sarvaniyAmakaH || 31||
karmAnusR^itya jIvAnAM niyamanaM sa karoti hi |
tato vaiShamyanaighR^iNye na cha rAme parAtmani || 32||
bAlyAdidehadoShAshcha manyante na yathAtmani |
tathaiva chidachiddoShA nAntaryAmiNi rAghave || 33||
tirohitaM svarUpaM hi jIvasyAnAdikarmaNA |
AvirbhUtasvarUpatvaM karmamuktasya chAtmanaH || 34||
AvirbhAvaH svarUpasya rAmasyAnubhavastathA |
mokShA jIvasya vij~neyaH sa chAprAkR^itadhAmani || 35||
bhaktyaiva labhyate muktiriti vedavidAM matam |
prArabdhasya phalaM bhuktvA bhaktyA karmaNi nAshite || 36||
archirAdyadhvanA jIvo muktideshamupaiti hi |
upAsanaM cha kaimaryaM bhaktibhedau prakIrtitau || 37||
avichChinnA hi rAmasya tailadhAreva saMsmR^itiH |
upAsanatayA bodhyA pratyakShasadR^ishI cha sA || 38||
shrImadbhAgavatAnAM cha bhagavajjAnakIpateH |
AchAryANAM tathA sevA kairyatvena sammatA || 39||
vidvadbhiH sammataM chAtra j~nAnamarthaprakAshakam |
dharmadharmisvarUpaM cha j~nAnaM hi dvividhaM matam || 40||
j~nAnaM dharmisvarUpaM hi jIvastathA.akhileshvaraH |
j~nAnaM dharmasvarUpaM hi nityaM praj~nA.abhidhaM vibhu || 41||
shuddhasattvAshrayo dravyaM shuddhasatvaM prakIrttitam |
rajasA tamasA hIna satvaM shuddhatayA matam || 42||
chaturvidhAni chaitAni tattvAni tvajaDAni hi |
svayamprakAshadravyaM hi jADatvena sammatam || 43||
chaturviMshatibhedA hi mUlAdyAH prakR^itermatAH |
IshvarAdhiShThitA cheha karoti prakR^itirjagat || 44||
tattvAmR^itamadaH shrImadanantAnandashikShitam |
paThatAM muktidaM bhUyAnnR^iharyAnandanirmitam || 45||

iti jagadgurushrInaraharyAnandAchAryapraNItaM
shrIanantatattvAmR^itaM sampUrNam |

##
Proofread by Aaditya Kalyanaraman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}