% Text title            : Shri Dunduramacharyapranitam Bhaktanirupanam
% File name             : bhaktanirUpaNaMdundurAmAchArya.itx
% Category              : raama, rAmAnanda
% Location              : doc\_raama
% Author                : dundurAmAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dunduramacharyapranitam Bhaktanirupanam ..}##
\itxtitle{.. shrIdundurAmAchAryapraNItaM bhaktanirUpaNaM ..}##\endtitles ##
shrIsushIlAsutaM nattvA bhAShyakAraM tathA gurum |
bhaktalakShaNabodhAya kurve bhaktanirUpaNam || 1||
j~nAninaH shAntachittAshcha dayAshIlA gataspR^ihAH |
pareShAM pIDakA ye na shreShThA bhaktAshcha te matAH || 2||
anyadoShaM na pashyanti sarvaprANihitaiShiNaH |
IrShyAvirahitA ye cha shreShThA bhaktAshcha te matA || 3||
sa~NgrahavR^ittihInAshcha tuShyanti svalpatashcha ye |
bhagavatpAdabhaktAshcha shreShThA bhaktAshcha te matA || 4||
rAmayaj~nasahAyAshcha sarvatra samadarshinaH |
shrIrAmapUjakA ye cha shreShThA bhaktAshcha te matA || 5||
nandanti vIkShya rAmArchAM svAchAryagranthapAThakAH |
nindyakarmavihInA ye shreShThA bhaktAshcha te matA || 6||
nAsatyavAdino ye cha priyasatyasya bhAShiNaH |
grAhakAH sadguNAnAM ye shreShThA bhaktAshcha te matA || 7||
pareShAM hAnilAbhau tu svIyavat vIkShakAshcha ye |
sAdhusevAratA ye cha shreShThA bhaktAshcha te matA || 8||
bhAgavatakathAyAshcha shravaNe kathane tathA |
niratAH sAttvikA ye cha shreShThA bhaktAshcha te matA || 9||
utkaNThitAshcha ye nityaM bhagavannAmakIrttane |
romA~nchashAlino ye cha shreShThA bhaktAshcha te matA || 10||
chyutA nAshramadharmebhyashchAtithipUjakAshcha ye |
gurushAstravashA ye cha shreShThA bhaktAshcha te matA || 11||
saMskArapa~nchakApannA AkAratrayashAlinaH |
rahasyatrayavettAraH shreShThA bhaktAshcha te matA || 12||
arthapa~nchakatattvaj~nA rAmakai~NkaryakArakAH |
sadAchAraratA ye cha shreShThA bhaktAshcha te matA || 13||
sAtvikAhArashIlAshcha vaiShNavA harichintakAH |
ekAdashIvratAsaktAH shreShThA bhaktAshcha te matA || 14||
sachChAstra saguNe saktAH sanniShThAH satpravR^ittayaH |
viShayebhyo viraktA ye shreShThA bhaktAshcha te matAH || 15||
vaiShNavAnAM cha pUjAyAM kIrttane vandane tathA |
shraddhayotkaNThitA ye cha shreShThA bhaktAshcha te matA || 16||
dvArapITheshvarashrImaddundurAmAryanirmitam |
bhagavadbhaktidaM bhUyAdetad bhaktanirUpaNam || 17||

iti shrIdundurAmAchAryapraNItaM bhaktanirUpaNaM sampUrNam |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}