% Text title            : Shri Saketanivasacharyavirachitah Brahmapadashaktivadah
% File name             : brahmapadashaktivAdaHsAketanivAsAchArya.itx
% Category              : raama, rAmAnanda, dashaka
% Location              : doc\_raama
% Author                : sAketanivAsAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Saketanivasacharyavirachitah Brahmapadashaktivadah ..}##
\itxtitle{.. shrIsAketanivAsAchAryavirachitaH brahmapadashaktivAdaH ..}##\endtitles ##
(shrITIlAchArya)
rAmaM guNArNavaM vande sarvashrutisamanvitam |
jagajjanmAdihetuM cha parabrahmapaderitam || 1||
brahmasUtrakR^itaM vande maharShi bAdarAyaNam |
tathA bodhAyanaM shrImadvR^ittikR^it puruShottamam || 2||
AnandabhAShyakR^idrAmAnandAchAryaM yatIshvaram |
AchAryavAsavaM natvA gurudevaM namAmyaham || 3||
vAdivAdasuvibhrAntajanAnAM bhrAntinAshakam |
shaktivAdamimaM kurve brahmashabdArthabodhakam || 4||
shaktishcha brahmashabdasyAdvaitinAM cha mate yataH |
sidhyati na kvachit tasmAt tadvaraM nahi, tadyathA || 5||
athAto brahmajij~nAse ti sUtraghaTakasya hi |
brahmashabdasya shaktishcha kvachidasti na vA matA || 6||
vichArAviShaye chAdye.athetarasmin nu sA matA |
shuddhe chopahite chAdye, nAdyaH, kasmAt taduchyate || 7||
shrutyuktaM cha bR^ihatvAdi nimittaM nAsti tatra yat |
sarvaMvivarttamUlatvAdasti taditi chenna hi || 8||
muktAvapi cha tadyogAnmuktyabhAvo bhavet tathA |
upalakShayituM brahma niruktirnanu tAdR^ishI || 9||
visheShaNatve.api yasmAd bAdho na dR^ishyate |
pravR^ittinimittatvena bR^ihatvAdi shrutau smR^itau || 10||
paraM brahma paraM dhAma pavitraM paramaM bhavAn |
upapannA stutishcheyaM nirvisheShe bhavenna hi || 11||
brahmaNi nirvisheShe tachChaktirmantuM na shakyate |
pramANAbhAvatastatra pakShashchAntyo na sammataH || 12||
anyasmin svIkR^itA saivaM tvabhidhAtuM na shakyate |
nirnimitte bhavet sA chedasAdhutvaM bhavet tadA || 13||
sanimitte bhavechchet sA.atiprasa~Ngo duruddharaH |
tasmAchcha brahmashabdasya nAnyasminnabhidhA matA || 14||
atha ched brahmashabdasya kutrachinnAbhidhA matA |
hantaivaM brahmashabdasyAsAdhutvamApated dhruvam || 15||
sAdhutvaM cha mR^iShA tasmAdiShTApattirmate mama |
maivaM sakalashabdAnAmasAdhutvaM yatastathA || 16||
brahmaNi lakShaNA chApi brahmashabdasya no matA |
shakyasambandharUpA yallakShaNA sarvasammatA || 17||
tatashcha brahmashabdasya shaktidoShavivarjite |
divyadehe guNAbdhau cha rAme brahmaNi sammatA || 18||
shrIjAnakIpatereva vedane sakaleshituH |
vAkye \ldq{}tameva\rdq{} chetyAdau shrutA mukterupAyatA || 19||
sadAchAryasurendrashrITIlAchAryavinirmitaH |
bhavatAchChaktivAdo.ayaM bhrAntAnAM bhrAntinAshakaH || 20||

iti shrIsAketanivAsAchAryavirachitaH brahmapadashaktivAdaH sampUrNaH |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}