% Text title            : Charamamantraramayanam
% File name             : charamamantrarAmAyaNaM.itx
% Category              : raama, rAmAnanda, mantra
% Location              : doc\_raama
% Author                : Haryanandacharya
% Proofread by          : Parashara Ranganathan
% Latest update         : January 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Charamamantraramayanam ..}##
\itxtitle{.. charamamantrarAmAyaNaM ..}##\endtitles ##
shriyAnandaM guruM nattvA rAmaM bodhAyanaM tathA |
kurve shrIcharamamantrarAmAyaNaM hi muktidam |
sarvaj~naH sarvashaktishcha sarveshaH sarvakAraNam |
rAmaH sarvAvatArI hi kaushalyAnandano.abhavat || 1||
kR^itaM sarvaM jagad yena svekShaNAchcha svadehataH |
tad brahmadharmarakShArthamayodhyAyAmajAyata || 2||
 devaprArthanayA rAmo dAsharathirbabhUva hi |
bAlalIlA kR^itA ramyA rAmeNa sarvasaukhyadA || 3||
vashiShThAt paThitAH sarvA vidyA rAmeNa dhImatA |
rAmo.atha yaj~narakShAyai vishvAmitreNa yAchitaH || 4||
prabhAvAchcha mahAn rAmo bAlo.api tATakAmahan |
hattvA rAkShasasa~NghAMshcha muneryaj~naM rarakSha hi || 5||
patyA shilA kR^itA.ahilyA pAdadhUlyA hi rAmataH |
chaitanyaM prApitA rAmaM tuShTAva shraddhayA bhR^isham || 6||
nAthashcha sarvalokAnAM shrIrAmo maithile pure |
bha~NktvA mAheshvaraM chApamudUhe maithilIM shubhAm || 7||
yataH svasya dhanuH kR^iShTaM dR^iShTvA cha vismayaM gataH |
saMstutya bhArgavo rAmaM sveShTadeshaM jagAma tat || 8||
tasmai hi svapadaM dAtumiyeSha koshaleshvaraH |
gato rAmo vanaM kintu kaikeyIvarayA~nchayA || 9||
vAsaM vanyaM gate rAme rAjA svarga jagAma hi |
naichChattu bharato rAjyamAj~napto guruNApi cha || 19||
iti rAmo.anunIto.api bharatena mahAtmanA |
naichChad rAjyaM dadau kintu pAduke bharatAya hi || 12||
chakre cha bharatenApi pAdukArAdhanaM shubham |
pAdukAdhInatAM gatvA rAmarAjyaM rarakSha saH || 13||
yAtashcha daNDakAraNyaM chitrakUTAddhi rAghavaH |
rakShituM R^iShisa~NghaM cha rAmeNa rAkShasA hatAH || 14||
chakAra pa~nchavaTyAM hi vAsaM godAvarItaTe |
rAmechChyA.anujenAtha shUrpaNakhAvirUpitA || 15||
tenAgatA.Nshcha yuddhAya kharAdikAn hi rAkShasAn |
nijaghAna raNe rAmo dAruNAn R^iShimakShakAn || 16||
atha jagAma mArIchaM rAvaNo rAkShasAdhipaH |
haimaM mR^igaM cha taM kR^itvA svayaM sItAmapAharat || 17||
bhayAt palAyitaM rAmo hatavAn kA~nchanaM mR^igam |
salakShmaNaH kuTIM gatvA sItArthaM vilalApa cha || 18||
yaM viditvA gurorlokAstaranti shokasAgaram |
sa eva bhagavAn rAmaH shushocha naralIlayA || 19||
yaM viditvA gurorlokAstaranti shokasAgaram |
sa eva bhagavAn rAmaH shushocha naralIlayA || 19||
sarvathA.a.atmArpakaM gR^idhraM mukti dattvA cha rAghavaH |
sAnujo vAyuputreNa sugrIvaM chAtha sa~NgataH || 20||
sarvathA.a.atmArpakaM gR^idhraM mukti dattvA cha rAghavaH |
sAnujo vAyuputreNa sugrIvaM chAtha sa~NgataH || 20||
vahniM cha sAkShiNaM kR^itvA sukaNThamitratAM gataH |
hatvA cha vAlinaM rAmo sugrIvaM kR^itavAn nR^ipam || 21||
bhUmijAnveShaNAyAtha preShitA R^ikShavAnarAH |
la~NkAyAM sA hi dR^iShTAtha la~NkA dagdhA hanUmatA || 22||
tebhyaH sahAgatebhyashcha dattvA.a.anandaM cha mArutiH |
sandeshaM bhUmijAyAshcha shrIrAmAya nyavedayat || 23||
yo rAghavo bhavAbdheshcha tArako vishrutaH shrutau |
ashmasetuM sa evAbdhau kR^itavAn vismayAvaham || 24||
dadau vibhIShaNAya svaM shritAya rAghavo.abhayam |
sarvebhyashchAbhayaM rAmo datte sakR^it prapattitaH || 25||
dAmbhikaM rakShasAM nAthaM rAvaNaM rAghavo.avadhIt |
la~NkeshaM kR^itavAn rAmo svaprapannaM vibhIShaNam || 26||
ye mR^itAstAMshcha sa~njIvya surairbrahmAdibhiH stutaH |
svajanaiH puShpakenAtha rAmo.ayodhyAmagAt punaH || 27||
tad rAmAgamanaM proktaM bharataM shrIhanUmatA |
shrutvA samAgatAn sarvAnAshlikShad rAghavaH prabhuH || 28||
vrataM svajanakAj~naptaM pUrNaM kR^itvA hi rAghavaH |
urarIkR^itavAn rAjyaM sarvanetramahotsavam || 29||
tataM dR^iShTvA puShpavR^iShTirhi kR^itA harShAt suraiH shubhA |
rAmarAjye prajA sarvA lokatrayaM mumoda cha || 30||
mahatashcha mahIyAn yashchANIyAnaNuto.api yaH |
vande taM rAghavaM brahma vyApakaM shritamuktidam || 31||
mahodadhirguNAnAM yo nirdoShaH suShamAkaraH |
amoghArchAstavaM vande taM rAmaM vedaveditam || 32||
shriyAnandAryashiShyeNa haryAnandena nirmitam |
bhavatAchcharamamantrarAmAyaNaM sukhapradam ||

iti pratipakShibhaya~Nkara jagadguru shrIharyAnandAchArya
siddhashiromaNi praNItaM charamamantrarAmAyaNaM sampUrNam |
##
Proofread by Parashara Ranganathan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}