% Text title : vAlmIki rAmAyaNa bAlakANDa % File name : chp75\_76.itx % Category : raama % Location : doc\_raama % Transliterated by : Shrisha Rao shrao at dvaita.org May 16, 1996 % Proofread by : Shrisha Rao shrao at dvaita.org May 16, 1996 % Latest update : May 28, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. vAlmIki rAmAyaNa bAlakANDa (ch 75,76) ..}## \itxtitle{.. vAlmIki rAmAyaNa bAlakANDa ..}##\endtitles ## .. dhyAna shlokAH .. shuklAMbaradharaM viShNuM shashivarNaM chaturbhujam.h . prasannavadanaM dhyAyetsarvavighnopashA.ntaye .. .. sarvavighnaprashamanaM sarvasiddhikaraM param.h . sarvajIvapraNetAraM va.nde vijayadaM harim.h .. .. yatra yatra raghunAthakIrtanaM tatra tatra kR^itamastakA~njalim.h . bAShpavAriparipUrNalochanaM mArutiM namata rAxasA.ntakam.h .. .. vedavedye pare puMsi jAte dasharathAtmaje . vedaH prAchedasAdAsIt.h sAxAdrAmAyaNAtmanA .. .. ApadAmapahartAraM dAtAraM sarvasampadAm.h . lokAbhirAmaM shrIrAmaM bhUyo bhUyo namAmyaham.h .. .. tadupagata samAsasandhi yogam.h . samamadhuropanatArthavAkyabaddham.h . raghuvaracharitaM munipraNItam.h . dashashirashcha vadhaM nishAmayaddhvam.h .. .. vaidehIsahitaM suradrumatale haime mahAmaNDape . madhye puShpakamAsane maNimaye vIrAsane susthitam.h . agre vAchayati prabha~njanasutetattvammunibhyaH param.h . vyAkhyAntaM bharatAdibhiH parivR^itaM rAmaM bhaje shyAmalam.h .. .. vAlmIkermunisiMhasya kavitA vanachAriNaH . shruNvanrAmakathAnAdaM ko na yAti parAM gatim.h .. .. hanUmAna~njanAsUnuH vAyuputro mahAbalaH . rAmeShTaH phalguNasakhaH pi~NgAxo.amitavikramaH .. .. udadhikramaNashchaiva sItAsa.ndesha hArakaH . laxmaNaprANadAtA cha dashagrIvasya darpahA .. .. mahAvyAkaraNAMbhodhi ma.nthamAnasama.ndaram.h . kavayantaM rAmakIrtyA hanUma.ntamupAsmahe .. .. vAyurbhImo bhImanAdo mahUjAH sarveshAM cha prANinAM prANabhUtaH . anAvR^ittirdehinAM dehapAte tasmAdvAyurdevadevo vishiShTaH .. .. j~nAne virAge haribhaktibhAve dhR^itisthitiprANabaleShi yoge . buddhau cha nAnyo hanumatsamAnaH pumAn.h kadAchit.h kvachakashcha naiva .. .. vAtena kuntyAM balavAn.h sa jAtaH shUrastapasvI dviShatAM niha.ntA . satye cha dharme cha rataH sadaiva parAkrame shatrubhirapradhR^iShyaH .. .. manojavaM mArutatulyavegaM jitendriyaM buddhimatAMvariShTham.h . vAtAtmajaM vAnarayUthamukhyaM shrIrAmadUtaM shirasA namAmi .. .. ulla~Nghya sindhoH salilaM salIlaM yaH shokavahniM janakAtmajAyAH . AdAya tenaiva dadAha la~NkAM namAmi taM prA~njalirA~njaneyam.h .. .. A~njaneyamatipATalAnanaM kA~nchanAdrikamanIyavigraham.h . pArijAtatarumUlavAsinaM bhAvayAmi pavamAnana.ndanam.h .. .. yaH sarvaguNasampUrNaH sarvadoSha vivarjitaH . prIyatAM prItayevAlaM viShNurme paramaH suhR^it.h .. .. sUktiratnAkare ramye mUlarAmAyaNArNave . viharanto mahIyAMsaH priya.ntAM guravo mama .. .. buddhirbalaM yasho dhairyaM nirbhayatvaM arogatA . ajAD.hyaM vAkpaTutvaM cha hanUmatsmaraNAdbhavet.h .. .. .. sa~Nkalpa .. shrI sItAlaxmaNabharatashatrughnahanumatsameta shrI rAmacha.ndra prabhoH prasAdena asmachchintita sakalAbhIShTasiddhyarthaM bhArgavavijayAtmaka shrImadrAmAyaNaghaTTapArAyaNamahaM kariShye . .. atha pa~nchasaptatitamaH sargaH .. rAma dAsharathe rAmo viryaM te shrUyate.adbhutam.h . dhanuSho bhedanaM chaiva nikhilena mayA shrutam.h .. 1.. tadadbhutamachintyaM cha bhedanaM dhanuShastvayA . tachChrutvAhamanuprApto dhanurgR^ihyAparaM shubham.h .. 2.. tadidaM ghorasa~NkAshaM jAmadagnyaM mahaddhanuH . pUjayasva shareNaiva svabalaM darshayasva cha .. 3.. tadahaM te balaM dR^iShTvA dhanuSho.asya prapUraNe . dvandvayuddhaM pradAsyAmi vIryashLAghyasya rAghava .. 4.. tasya tad.h vachanaM shrutvA rAjA dasharathastadA . viShaNNavadano dInaH prA~njalirvAkyamabravIt.h .. 5.. xatraroShAt.h prashAntastvaM brAhmaNashcha mahAyashAH . bAlAnAM mama putrANAmabhayaM dAtumarhasi .. 6.. bhArgavANAM kule jAtaH svAdhyAyavratashAlinAm.h . sahasrAxe pratij~nAya shastraM nixiptavAnasi .. 7.. sa tvaM dharmaparo bhUtvA kashyapAya vasu.ndharAm.h . datvA vanamupAgamya mahendrakR^itaketanaH .. 8.. mama sarvavinAshAya samprAptastvaM mahAmune . na chaikasmin.h hate rAme sarve jIvAmahe vayam.h .. 9.. bruvatyevaM dasharathe jAmadagnyaH pratApavAn.h . anAdR^ityaiva tadvAkyaM rAmamevAbhyabhAShata .. 10.. ime dve dhanuShI shreShThe divye lokAbhivishrute . dR^iDhe balavatI mukhye sukR^ite vishvakarmaNA .. 11.. atisR^iShTaM surairekaM trayambakAya yuyutsave . tripuraghnaM narashreShTha bhagnaM kAkutstha yattvayA .. 12.. idaM dvitIyaM durdharShaM viShNordatte surottamaiH .. 13.. tadidaM vaiShNavaM rAma dhanuH parapura~njayam.h . samAnasAraM kAkutstha raudreNa dhanuShA tvidaM .. 14.. tadA tu devatAH sarvAH pR^ichChanti sma pitAmaham.h . shitikaNThasya viShNoshcha balAbalanirIxayA .. 15.. abhiprAyaM tu vij~nAya devatAnAM pitAmahaH . virodhaM janayAmAsa tayoH satyavatAM varaH .. 16.. virodhe cha mahadyuddhamabhavad.h romaharShaNam.h . shitikaNThasya viShNoshcha parasparajigIShiNoH .. 17.. tadA tu jR^imbhitaM shaivaM dhanurbhImaparAkramam.h . hu~NkAreNa mahAdevaH stambhito.atha trilochanaH .. 18.. devaistadA samAgamya sarShisa~NghaiH sachAraNaiH . yAchitau prashamaM tatra jagmatustau surottamau .. 19.. jR^imbhitaM tad.h dhanurdR^iShTvA shaivaM viShNuparAkramaiH . adhikaM menire viShNuM devAH sarShigaNAstadA .. 20.. dhanU rudrastu sa~Nkruddho videheShu mahAyashAH . devarAtasya rAjarSheH dadau haste sasAyakaM .. 21.. idaM cha vaiShNavaM rAma dhanuH parapura~njayam.h . R^ichIke bhArgave prAdAd.h viShNuH sa.nnyAsamuttamam.h .. 22.. R^ichIkastu mahAtejAH putrasyApratikarmaNaH . piturmama dadau divyaM jamadagnermahAtmanaH .. 23.. nyastashastre pitari me tapobalasamanvite . arjuno vidadhe mR^ityuM prAkR^itAH buddhimAsthitaH .. 24.. vadhamapratirUpaM tu pituH shrutvA sudAruNam.h . xatramutsAdayan.h roShAt.h jAtaM jAtamanekashaH .. 25.. pR^ithivIM chAkhilAM prApya kashyapAya mahAtmane . yaj~nasyAnte tadA rAma daxiNAM puNyakarmaNe .. 26.. dattvA mahendranilayastapobalasamanvitaH . shrutavAn.h dhanuSho bhedaM tato.ahaM drutamAgataH .. 27.. tadidaM vaiShNavaM rAma pitR^ipaitAmahaM mahat.h . xatradharmaM puraskR^itya gR^ihNIShva dhanuruttamam.h .. 28.. yojayasva dhanuHshreShThe sharaM parapura~njayam.h . yadi shaknoShi kAkutstha dvandvaM dAsyAmi te tataH .. 29.. .. ityArShe shrImadrAmAyaNe vAlmIkIye AdikAvye .. .. bAlakANDe pa~nchasaptatitamaH sargaH .. .. atha ShaT.hsaptatitamaH sargaH .. shruttvA tad.h jAmadagnyasya vAkyaM dAsharathistadA . gauravAdyantritakathaH pitU rAmamathAbravIt.h .. 1.. kR^itavAnasi yat.h karma shrutavAnasmi bhArgava . anurudhyAmahe brahman.h piturAnR^iNyamAsthitaH .. 2.. vIryahInamivAshaktaM xatradharmeNa bhArgava . avajAnAsi me tejaH pashya me.adya parAkramam.h .. 3.. ityuktvA rAghavaH kruddho bhArgavasya sharAsanam.h . sharaM cha pratijagrAha hastAllaghuparAkramaH .. 4.. Aropya taddhanU rAmaH sharaM sajyaM chakAra ha . jAmadagnyaM tato rAmaM rAmaH kruddho.abravIdvachaH .. 5.. brAhmaNo.asIti pUjyo me vishvAmitrakR^itena cha . tasmAchChakto na te rAma moktuM prANaharaM sharam.h .. 6.. imAM pAdagatiM rAma tapobalasamArjitAn.h . lokAnapratimAn.h vAte haniShyAmi yadichChasi .. 7.. na hyayaM vaiShNavo divyaH sharaH parapura~njayaH . moghaH patati vIryeNa baladarpavinAshanaH .. 8.. varAyudhadharaM rAmaM draShTuM sarShigaNAH surAH . pitAmahaM puraskR^itya sametAstatra sa~NghashaH .. 9.. gandharvApsarasashchaiva siddhachAraNakinnarAH . yaxarAxasanAgAshcha tad.h draShTuM mahadadbhutam.h .. 10.. jaDIkR^ite tadA loke rAme varadhanurdhare . nirvIryo jAmadagnyo.asau rAmo rAmamudaixata .. 11.. tejo.abhihatavIryatvAt.h jAmadagnyo jaDIkR^itaH . rAmaM kamalapatrAxaM mandaM mandamuvAcha ha .. 12.. kashyapAya mayA dattA yadA pUrvaM vasu.ndharA . viShaye me na vastavyamiti mAM kashyapo.abravIt.h .. 13.. so.ahaM guruvachaH kurvan.h pR^ithivyAM na vase.anisham.h . kR^itA pratij~nA kAkutstha kR^itA bhUH kAshyapasya ha .. 14.. tAdimAM tvaMgatiM vIra hantuM nArhasi rAghava . manojavaM gamiShyAmi mahendraM parvatottamam.h .. 15.. lokAstvapratimA rAma nirjitAstapasA mayA . jahi tA~nCharamukhyena mA bhUt.h kAlasya paryayaH .. 16.. axayaM madhuhantAraM jAnAmi tvAM surottamam.h . dhanuSho.asya parAmarshAt.h svasti te.astu para.ntapa .. 17.. ete suragaNAH sarve nirIxante samAgatAH . tvAmapratimakarmANamapratidvandvamAhave .. 18.. na cheyaM mama kAkutstha vrIDA bhavitumarhati . tvayA trailokyanAthena yadahaM vimukhIkR^itaH .. 19.. sharamapratimaM rAma moktumarhasi suvrata . sharamoxe gamiShyAmi mahendraM parvatottamam.h .. 20.. tathA bruvati rAme tu jAmadagnye pratApavAn.h . rAmo dAsharathiH shrImA.nshchixepa sharamuttamam.h .. 21.. sa hatAn.h dR^ishya rAmeNa svA.NllokA.nstapasArjitAn.h . jAmadagnyo jagAmAshu mahendraM parvatottamam.h .. 22.. tato vitimirAH sarvA dishashchopadishastathA . surAH sarShigaNA rAmaM prashasha.nsurudAyudham.h .. 23.. rAmaM dAsharathiM rAmo jAmadagnyaH prashasya cha . tataH pradaxiNaM kR^itvA jagAmAtmagatiM prabhuH .. 24.. .. ityArShe shrImadrAmAyaNe vAlmIkIye AdikAvye .. .. bAlakANDe ShaT.hsaptatitamaH sargaH .. .. bhAratIramaNamukhyaprANA.ntargata shrIkR^iShNArpaNamastu .. ## Encoded and proofread by Shrisha Rao shrao at dvaita.org \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}