% Text title            : Dashopanishatsara ShrirAmabhadra Stotram
% File name             : dashopaniShatsArashrIrAmabhadrastotram.itx
% Category              : raama, shrIdharasvAmI, upanishhat
% Location              : doc\_raama
% Author                : Shridharasvami
% Transliterated by     : Sonali Upendra Dasare
% Description/comments  : shrIdharasvAmI stotraratnAkara
% Acknowledge-Permission: https://shridharamrut.com
% Latest update         : November 3, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dashopanishatsara ShrirAmabhadra Stotram ..}##
\itxtitle{.. dashopaniShatsAra shrIrAmabhadrastotram ..}##\endtitles ##
(upaniShadpaThaNaphalashrutiH)
(shArdUlavikrIDitavR^ittam)
shrImadrAmapadAravindamadhu ye bhR^i~NagAH sarAgA amI
      sevante sanakAH shukAdimunayasteShAM na kAchitspR^ihA |
shrImadrAmapadAravindamadhuno jAnanti vai te rasaM
      tatsvAdAtparasaukhyadA bhavati yA sA syAtsthitirnaH sadA || 1||
IshAvAsyamidaM jagatbhavati bho jIvAH sukhAnveShakAH
      nAstyasmin sukhalesha ityuta iha bUte shrutirmA gR^idhaH |
bhu~najIthA itarAM cha rAmapadavIM tyaktena tenAdhunA
      moho nAsti na shoka ityapi bhavedekAtmatAdarshane || 2||
shiShyaH pR^ichChati kena khAni cha manaH prANA guro cheshitAH
      yachChrotraM shravaNasya vAkcha vachasashchittasya chetopi tat |
chakShurgachChati no mano na cha vacho yatrAsti tatko vadet
      etatte prabhurAmarUpamaguNaM yakShAtmakaM sarvabhR^it || 3||
shreyaH preya iti dvayaM khalu tayostachChreya evAbhayaM
      dhIro yastu viraktachittavilayasandhanyaH kR^itI chAtmavit |
sUryAchandramasau na yatra hutabhug rAmasya tasmin pade
      shuddhe shuddhajalaM yathA bhavati saH svAtmaiva vakti shrutiH || 4||
taM vedyaM puruShaM hi veda na paraM vedyaM na tanmR^ityubhiH
      yo.asyAmevatanau vibhAti satataM shubhro bhavatyakSharaH |
yajj~nAtvA mudamashrute.atra sakalaM bhadraM cha sarvaj~natAM
      tachChrIrAmapadasvarUpamamalaM j~neyaM cha geyaM punaH || 5||
yadj~nAnAdviditaM jagattadavikR^iddhAmasvarUpaM svayaM
      vij~nAya svagurormukhAtparamito bhinnaM na vetti kvachit |
sindhuM prApya yathA na mu~nachati nadI vidvAna paraM vindate
      yo vai tatparamaM cha veda satataM brahmaiva sa brahmavit || 6||
o~NkAraM vyabhajachashrutirvadati tadabhutaM bhaviShyadgavat
      jIveshau cha vibhAvayatyapi punarbrUte tayorekatAm |
yadj~nAtvA nitarAmabhinnapadavIM prApnotyamAtrAM shivAM
      shuddhaM tuyari madaM sphuTaM parimiti shrIrAmabhadrovyayaH || 7||
saMsArasya cha rerivA mama tu yA kIrtirgirerunnatA
      yaturdhva jagato.asya mUlamiti tad brahmAtmamadrUpakam |
yajj~nAtvA svamR^itaM paraM vibhurahaM brUte trisha~NakuryataH
      tachChrIrAmapradAravindabhajane kiM vA bhaveddurghaTam || 8||
AnandAtsamudIrya yAnbahuvidhAnbAhyAnparAM shvAparAn
      satyaM j~nAnamanantamakSharamahaM yo veda niShkAmataH |
sarvAn so.ashruta ityapi shrutiraho bUte paraM vindate
      tat shrI rAmapadaM bhajadhvamadhunA brahmaiva yannibhayam || 9||
yatsR^iiR^iShTasthitipAlanaM vidalanaM dhR^itvApi sAkShI svayaM
      annaM prANamanomatibhya iti tachchAnandakoshAgatima |
yanmAyArahitaM chakAsti satataM kAryaM na yasmin kvachit
      tachChrI rAmapadaM bhajAmi nitarAmAnandamAtraM shivam || 10||
yenedaM mana inndriyANi cha tathA prANA jagajjAyate
      janmAdiShvapi jAgradAdiShu tathA yajj~nApakaM visphuTam |
yasminsarvajagatpratiShThitamidaM rajvAM yathA hi bhramaH
      praj~nAnaM prabhurAmarUpamachalaM tachchintaye siddhaye || 11||
yo bhUmA sukhamadvitIyamadhunA jAnIhi tattvaM bR^ihat
      tachChrIrAmapadAtmarUpamiti yatsUkShmAchcha sUkShmaM param |
shraddhatsveti punashcha tattvamasi bherAbU?rate shrutirnaikadhA
      j~nAtvA svalpamidaM hi martyamiha yatsatyaM bhaje tatpadam || 12||
brahmAgre yadavedahaM punaridaM tatsarvamevAbhavat
      nAstyasmAdaparaM yato jagadidaM brahmaiva sarvaM khalu |
tadyo.abudhyata so.abhavattadaparaM nAsItsa evAdvayaH
      j~nAtvA shrIgururAmarUpamabhayaM chAshritya dhanyA vayam || 13||

dasho.apaniShadAM sAraM shrIrAmastavamuttamam |
yaH paThechChUNu yAbhaktyA muktibhAksa bhaveddhuravam ||

iti dashopaniShatsArashrIrAmabhadrastotraM sampUrNam ||
##

Encoded and proofread by Sonali Upendra Dasare

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}