% Text title            : Shri Tanatulasidasacharyapranita Dharmashikshavalih
% File name             : dharmashikShAvaliHtanatulasIdAsAchArya.itx
% Category              : raama, rAmAnanda, advice, upadesha
% Location              : doc\_raama
% Author                : tanatulasIdAsAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Tanatulasidasacharyapranita Dharmashikshavalih ..}##
\itxtitle{.. shrItanatulasIdAsAchAryapraNItA dharmashikShAvaliH ..}##\endtitles ##
praNamya bhAShyakR^idrAmAnandaM rAmaM guruM tathA |
dharmabodhAya kurve.ahaM dharmashikShAvalIM shubhAm || 1||
sarvAtmA cha mato rAmastaddehAH sarva eva hi |
samAdR^itya tataH sarvAn sukhinaH sarvathA kuru || 2||
ahiMsAsadR^isho dharmo loke vede cha nAsti tat |
ahitaM kasyachit kvApi kadAchidapi no kuru || 3||
satyaM hi paramo dharmaH sarvaM satye pratiShThitam |
manasA karmaNA vAchA sadA satyaM samAchara || 4||
indriyANAM samUhaM cha viShayAd vinivartya hi |
shrImadrAmasya kai~Nkarye sarvadA viniyojaya || 5||
sarveShAM hitakarttA cha svAmI rAmaH pareshvaraH |
tasya sarvAtmano jIvo dAso.aNuH chetano vapuH || 6||
advitIyo jagaddhetU rAmo divyavapurguNaH |
sarveShAM rakShakashchAtha bhaktyA muktipradAyakaH || 7||
svasya dAsyaM cha rAmasya svAmitAM smara nityashaH |
baddhatAM svasya rAmasya mochakatvaM cha bhAvaya || 8||
tvAM tvadIyaM cha sarvaM hi shrImadrAmasya chintaya |
svIya tathA nijAtmAnaM shrImadrAmAya chArpaya || 9||
svasyAhitavidhAtAraM prati hitaM samAchara |
dehena manasA vAchA sarvadaiva shuchirbhava || 10||
rAmabhaktairna karttavyA chintAbhojanavastrayoH |
yato vishvambharo rAmo naiva bhaktAnupekShate || 11||
pUrvAchAryaprabandhAnAM sarvadA chintanaM kuru |
rAmAyaNAdipAThaM cha kuru nityaM hi shraddhayA || 12||
munibhiH sarvashAstraishcha nishchitametadeva hi |
j~neyo dhyeyashcha geyashcha sItAnAtho.akhileshvaraH || 13||
AchAryasahitau sItArAmau pUjyau cha sarvadA |
sAyaM prAtashcha rAmasya stutiH kAryA mumukShaNA || 14||
rAmaM cha rAmabhaktA.Nshcha ye namanti sadA bhuvi |
santi te mAnavA devA namaskAryA hi te.anisham || 15||
sarveShu ramamANaM hi rAmaM smarati yaH sadA |
yaj~no dAnaM tapashchAtra santu tasya na vA bhuvi || 16||
na cha rAmAt paraM nAma na mantrastArakAt paraH |
shrIrAmAnna paro devaH shAstraM vedAt paraM na hi || 17||
rAmaM brahma vihAyAtra parasyopAsanaM cha yat |
jAhravyAshcha jalaM tyaktavA pAnaM kUpajalasya tat || 18||
lAbhastasya jayastasya naiva tasya parAjayaH |
rAmaHkamalapatrAkSho viShayo yasya saMsmR^iteH || 19||
shrItanatulasIdAsadvArAchAryeNa nirmitA |
dharmashikShAvalI bhUyAd dharmatattvAvabodhinI || 20||

iti shrItanatulasIdAsAchAryapraNItA dharmashikShAvaliH sampUrNA |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}