% Text title            : Anubhavanandacharyapranita Shrigitarthasudha
% File name             : gItArthasudhAanubhavAnandAchArya.itx
% Category              : raama, rAmAnanda
% Location              : doc\_raama
% Author                : anubhavAnandAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Anubhavanandacharyapranita Shrigitarthasudha ..}##
\itxtitle{.. anubhavAnandAchAryapraNItA shrIgItArthasudhA ..}##\endtitles ##
utpattyAdividhAyakaM cha jagato hetuM paraM cheshvaraM
jIvAjIvAsharIriNaM susharaNaM bhaktyaiva sAyujyadam |
nirdoShaM suguNAkaraM nikhilavidvedAntagamyaM vibhuM
gItoktaM varadaM nato.asmi karuNAmbhodhiM prabhuM rAghavam || 1||
nattvA guruM tathA.a.anandabhAShyakAraM jagadgurum |
karoyanubhavAnandaH sudhAM mR^ityuvinAshinIm || 2||
karmaj~nAnaprasAdhyA bhagavati paramA bhaktirekobhyupAyaH
shreShTho mokShasya vAchyo matamitividitaM j~nApayiShyanmukundaH |
dharmAdharmaprasa~NgAd vikalitamanasaM pArthamuddishya gItA\-
mAhopoddhAtarUpaH sudR^iDhamabhihitastatra chAdyaH prapAThaH || 3||
proktau dehAtmabuddhayAsvajanamamatayA bAlishe mohashokau
kShIyete tau cha bodhAt phalamatirahitAt karmaNaH so.api sidhyeta |
tasmAd bhaktiH pareshe niyamitamanasA prApyate satvavR^iddhayA
tasyAH shAntirdhravAtmA phalamidamashiShat kR^iShNa chandro dvitIye || 4||
j~nAnaM karmeti niShThAddhayamiha jagati prAhurAmnAyavij~nAH
karmArambhaM vihAya kShaNamapi bhajate naiva kashchit prashAntim |
tasmAt karmAnuvR^ittirbhagavati manasA nyAya karmANi samyak
kartavyA puNyapuMsA galitaphalatR^iShA proktametat tR^itIye || 5||
proktA karmaprasa~NgAnnijavibhavakathA nityakarmANi pashchAt
karmAkarmasvarUpaM matisR^itimashiShta karmabhiH sampravR^ittAm |
yaj~nAnAM dvAdashAnAmanukathanamito j~nAnayaj~nasya maukhyaM
j~nAnAgnirnAshayatyevavR^ijinanichayaM tUrya ityabhyadhatta || 6||
j~nAnAkAraM vidhatte shrutividitaphalaM karma sampachyamAnaM
sanyAsastasya neShTaH samamatiruditA hyAtmalabdherupAyaH |
bhogAnAM duHkhadattvAdviratiratitarAM paNDitaistebhya iShTA
svarthAnetAnavAdIt praNatasurataruH pa~nchame vAsudevaH || 7||
yogAbhyAsasya rItirviratiratishayA saMsR^itermohajAlA\-
chchAturvidhyaM pratItaM samamatiradhiko yoginAM tatra choktaH |
yogasyoskR^iShTasiddhiH paragatiphalikA shraddhayA yaH sa yukto
yogiShveteShu cheDyaM bhajati harimitiprAha ShaShThe padArthAn || 8||
yAthArthyaM svasya choktaM jagati janachayo mAyayA mohamApta\-
stArmatAM tartukAmaiH khararipucharaNe suprapattirvidheyA |
sevA devAntarANAM parimitaphaladA naiva kAryA prapannai\-
rj~nAnI shreShThaH sameShAmitimatamavadat saptame shrImukundaH || 9||
prashnAH pArthasya sapta prativachanamatho varNanaM chAntimasya
brahmA.anudhyAnato.addhA hmasugatisamaye brahmabhAvaM sadaiti |
kShetraj~nasyApyupAstau prakR^itivirahiNaH sadgatiH saiva shuklA
heturnaivAgateH sA sR^itiritibhagavAnaShTame spaShTamAkhyat || 10||
mAhAtmyaM svasya divyaM jagati bhagavato vyAptirantaH samasmin
bhaktyArAdhyaH pareshaH sumahitamanasAM lakShaNaM kAryameShAmA |
AvR^ittishchAtra bhUyo vilayamupagate karmiNAM svargaloke
shrIshopAsteH svarUpaM tatamiti navaye prAdishad devadevaH || 11||
vyAptaM vishvaM samastaM kila charamacharaM yena sarvAdhipenA\-
trAsImaishvaryashAlI vimalaguNanidhiryaH svatantraH parAtmA |
yatsvAyattasvarUpasthitigatiruditA yadvibhUtistvanantA
sarvAtmA so.ayamekaH prabhuritidashame nishchikAyAdidevaH || 12||
pArthashchaishaM didR^ikShurhiM vapuratitataM charmachakShurna yogyaM
tasmai dattvA tu divyaM smayabhayajanakaM darshayAmAsa kR^iShNaH |
meghAn vidyunmahIdhAn kShitijaladhiyutAn sUryachandrAdidevAn
dR^iShTvA devasya dehe sharaNamupagato.avochadekAdashe.arthAn || 13||
shreShThopAyastu mukterbhagavati sudR^iDhA prItirekaiva shuddhA
tatrAshaktasya karmaNyabhiruchiruchitA hyAtmaniShThasya puMsaH |
AtmopAsteH prakArA atiratimadishat svasya bhakte pareshaH
svArthAnetAnavAdIchChritajanaratikR^id dvAdashe cha prapAThe || 14||
kShetrakShetraj~narUpaM prakR^itipuruShayorbheda AtmasvarUpa\-
j~nAnopAyAstathA.atra triguNapuruShayoryogato vishvasR^iShTiH |
kartR^itve heturekA prakR^itiratha pumAn bhoktR^ibhAve cha hetu\-
rbandhochChedo vivekAt trisahitadashame shauriNoktAime.arthA || 15||
sUte vishvaM samastaM prakR^itiranupamA brahmasvAyattamUrtiH
satvAdInAM trayANAM prakR^itiguNatayA dehino bandhakatvam |
li~NgaM kArya~ncha teShAM khalu matikR^itibhirdarshitaM tatkR^ito.ayaM
bandho bhaktyA praheyo dviguNita uditAH saptake.arthA mudaite || 16||
saMsAro.ashvatthavR^ikShaH shrutividitapado.avyaktamUlashcha taM vai
ChittvA.asa~NgAkhyahetyA prapadanamanishaM rAghaveshe vidheyam |
baddhAnmuktAt parashchottamapuruSha iti khyAta IshaH svatantro
bhartA chAsmyeka evAvadaditi dashame pa~nchayukte.arthajAtam || 17||
daivI sampajjanAnAM bhavati sukR^itinAM muktaye karmabandhA\-
nnityaM bandhAya loke kuTilamatijuShAmAsurI sA durantA |
kAryAkAryavyavasthAM dishati hitatamaM shAstrametasya tyAga\-
shchAsuryA mUlamuktaM nirayaphalamime ShoDashe varNitArthAH || 18||
vaidhaM shAstrIyakarma triguNaparavashaM yaj~nadAne tapashcha
traividhyaM tasya vedyaM sukR^itiyutanaraiH sAttvikaiH sAttvikaM vai |
grAhyaM naivAsuraM tat khalu phalarahitaM lakShaNaM tasya samyak
shrImatkR^iShNena choktaM varamiha dashame saptayukte prapAThe || 19||
sanyAsaH tyAgarUpo jagati manujaiH satvamAlambanIyaM
sItAnAthaH paresho.amalaguNajaladhirdivya deho.aktArI |
sarvaj~naH sarvashaktiH kR^itichayaphaladaH karmaNAM saMvidhAtA
sAyujyaM tatprapattyA bhavati tanubhR^itAM proktamantye.atra chaitat || 20||
shrIgItArthasudhA chaiShA.anubhavAnandanirmitA |
janmamR^ityuvinAshAya bhUyAnmananashAlinAm || 21||

iti shrImad anubhavAnandAchAryapraNItA shrIgItArthasudhA sampUrNA |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}