% Text title            : Shri Khojidevacharyavirachitam Shrijanakajaprapattisara Stotram
% File name             : janakajAprapattisArastotraMkhojIdevAchArya.itx
% Category              : raama, rAmAnanda, prapatti, stotra
% Location              : doc\_raama
% Author                : khojIdevAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrijanakajaprapattisara Stotram ..}##
\itxtitle{.. shrIjanakajAprapattisArastotraM ..}##\endtitles ##
na vAgvapurbuddhibhireva kasyachit kadApi hiMsA.astu sharIriNo vR^ithA |
bhavatpadAmbhoruhachintanaM vinA na chApayAtvambujavIkShaNe kShaNaH || 1||
hasantu nindantu vadantu durvacho janA niyuktA hR^idayasthitena vai |
kenApi devena yadAshritaM sadA na saMsthitiM svAM prajahAtu me manaH || 2||
nindA bhayaM me.astu tathA na jAtuchid yatheha nindyAcharaNAnmamorasi |
paropakArAya sadA.astu me matirna chApakArAya kadApi kasyachit || 3||
na krUradR^iShTirmama satsu bhUyAnnirIkShNyamANo.asya sakopanetraiH |
mAsevatastAnavipakabuddhayA sAdhUn mado me hR^idayaM vR^iNotu || 4||
apAtrapUjA na cha pAtrahelanaM tiraskriyA nApyaparAdhyatAM satAm |
adaNDyadaNDo.astu na me kR^itaghnatAmayI kriyA kApi videhanandini || 5||
yoShitsu sarvAsu cha mAtR^ibuddhistathA.astu me svasR^imatiH prarUDhA |
bAleShu sarveShu cha bandhubuddhirmA nIchabuddhiH satataM mamAstu || 6||
vishvAsaghAto na tathA kadaryatA nAbhakShyapeyAshanapAnamastu me |
na shAstrasaMvarjitakarmasu spR^ihA kadApi bhUyAnmahite mahIyasAm || 7||
sahiShNutA kShAntiramandashemuShI vAtsalyatA.avyAjakR^ipA vinamratA |
udAratA hI mR^idutA sushIlatA na jAtu chaitA hR^idayaM tyajantu me || 8||
madAshritA kleshayatA na santu vai visheShato bhAgavatA upekShayA |
nAbhyAgatAH krUragirA dR^ishArditAH samuchChvasantu smayadUShitAtmanaH || 9||
R^ite tvaduchChiShTamathAnyavastuShu syAd bhogabuddhirna kadApi mAmakI |
tvadarthamevAkhilacheShTitaM hi me bhaktAparAdho na kadApi mAM spR^ishet || 10||
ratiH pravR^ittau viratirnivR^ittau sa~Ngo.asatAM nAstu satAmasa~NgaH |
sarveShu sarvAsvanurAgadR^iShTirmA doShadR^iShTirmama karhichit syAt || 11||
svabhR^ityasampoShaNasaktachetasA nopekShitAH santu mayA tvadAshritAH |
lobhAd bhayAd vA nijadharmavarjitA kriyA.astu no kA.api tavAnukampayA || 12||
svapnopamaM mAnuShametya janma svarvAsimR^igyaM kShaNabha~Ngura~ncha |
vairaM na kuryAM tava tuShTikAmaH kenApyahaM shrInimivaMshabhUShe || 13||
nyAyAlayaM te kShamatApradhAnaM nyAyapradhAnaM na vadanti santaH |
kShAntipradhAnA matirastu tasmAn nyAyapradhAnA na mama kShamAbdhe || 14||
bhayaM na me syAchcharataH svadharmaM kAlAdapi prAptavivekadR^iShTeH |
mattastathA tanna pipIlikAnAM saubhAgyametat kR^ipayA prayachCha || 15||
svashikShayaivAdR^iDhayan svadharmaM samAshritAn bhAgavate pradhAne |
anekasAMsArika bhogasaktaM na kA~NkShitaM janma chirAya loke || 16||
tvaddhAmavAsastava kIrtigAnaM tvannAmasa~NkIrttanameva nityam |
ambAshubhotsa~NgavihArashIle tvadrUpasa~nchintanamastu mahyam || 17||
anyAnyadevArchanavandanasmR^itistava prapattiH shravaNAnurAgitA |
svapne.api bhUyAdiha bhaktikaNTakaM nAnanyatA pAThaparAyaNasya me || 18||
pUjyAnuvandyA paribhAvanIyA j~neyAnugeyA samupAsanIyA |
shreyaH paraM kA~NkShibhirAtmaniShThaistvAmeva hitvA.akhilakarmajAlam || 19||
sa me pitA sA jananI sa bandhuH sakhA sa dAtA sa patirguruH saH |
kR^ipAlutopekShitasarvadoShaH sevAsahAyo ya ihAstvanIhaH || 20||
paramalAlanaiH pAlyate tvayA nirayakarmakR^inmAdR^isho janaH |
karuNayA yayA hetuhInayA kuru na mAM tayA sevayojjhitam || 21||
vinaya eva me.ayaM hi sA~njaliH sunayanA~NkabhUShe prasIdatAm |
anudinaM tavochChiShTajIvato vanaruhAkShi no chettu kA gatiH || 22||

iti shrIkhojIdevAchAryavirachitaM shrIjanakajAprapattisArastotraM sampUrNam |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}