% Text title            : jaTAyukRitaM rAmastotram
% File name             : jataayuraamastotra.itx
% Category              : raama, stotra
% Location              : doc\_raama
% Author                : jaTAyu
% Transliterated by     : http://www.webdunia.com
% Proofread by          : Kirk Wortman kirkwort at hotmail.com
% Description-comments  : adhyAtmarAmAyaNa
% Latest update         : January 13, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. jaTAyukRitaM rAmastotram ..}##
\itxtitle{.. jaTAyukR^itaM rAmastotram ..}##\endtitles ##

jaTAyuruvAcha
agaNitaguNamaprameyamAdyaM sakalajagatsthitisa.nyamAdihetum |
uparamaparamaM parAtmabhUtaM satatamahaM praNato.asmi rAmachandram || 1||
niravadhisukhamindirAkaTAkShaM kShapitasurendrachaturmukhAdiduHkham |
naravaramanishaM nato.asmi rAmaM varadamahaM varachApabANahastam || 2||
tribhuvanakamanIyarUpamIDyaM ravishatabhAsuramIhitapradAnam |
sharaNadamanishaM surAgamUle kR^itanilayaM raghunandanaM prapadye || 3||
bhavavipinadavAgninAmadheyaM bhavamukhadaivatadaivataM dayAlum |
danujapatisahasrakoTinAshaM ravitanayAsadR^ishaM hariM prapadye || 4||
aviratabhavabhAvanAtidUraM bhavavimukhairmunibhiH sadaiva dR^ishyam |
bhavajaladhisutAraNA~NghripotaM sharaNamahaM raghunandanaM prapadye || 5||
girishagirisutAmanonivAsaM girivaradhAriNamIhitAbhirAmam |
suravaradanujendrasevitA~NghriM suravaradaM raghunAyakaM prapadye || 6||
paradhanaparadAravarjitAnAM paraguNabhUtiShu tuShTamAnasAnAm |
parahitaniratAtmanAM susevyaM raghuvaramambujalochanaM prapadye || 7||
smitaruchiravikAsitAnanAbjamatisulabhaM surarAjanIlanIlam |
sitajalaruhachArunetrashobhaM raghupatimIshagurorguruM prapadye || 8||
harikamalajashambhurUpabhedAttvamiha vibhAsi guNatrayAnuvR^ittaH |
raviriva jalapUritodapAtreShvamarapatistutipAtramIshamIDe || 9||
ratipatishatakoTisundarA~NgaM shatapathagocharabhAvanAvidUram |
yatipatihR^idaye sadA vibhAtaM raghupatimArtiharaM prabhuM prapadye || 10||
ityevaM stuvatastasya prasanno.abhUdraghUttamaH |
uvAcha gachCha bhadraM te mama viShNoH paraM padam || 11||
shR^iNoti ya idaM stotraM likhedvA niyataH paThet |
sa yAti mama sArUpyaM maraNe matsmR^itiM labhet || 12||
iti rAghavabhAShitaM tadA shrutavAn harShasamAkulo dvijaH ||
raghunandanasAmyamAsthitaH prayayau brahmasupUjitaM padam || 13||
|| iti shrImadadhyAtmarAmAyaNe araNyakANDe.aShTame
                    sarge jaTAyukR^itaM shrIrAmastotra ||
##
Visit http://www.webdunia.com for additional texts with Hindi meanings.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}