% Text title            : Shri Mangalashloka Ramayanam
% File name             : mangalashlokarAmAyaNam.itx
% Category              : raama, mangala
% Location              : doc\_raama
% Proofread by          : Aruna Narayanan narayanan.aruna at gmail.com
% Description/comments  : From stotrArNavaH
% Latest update         : September 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mangalashloka Ramayanam ..}##
\itxtitle{.. shrIma~NgalashlokarAmAyaNam ..}##\endtitles ## 
sarvalokasharaNyAya sAketapuravAsine |
satsevitAya rAmAya sasItAyAstu ma~Ngalam || 1||
kausalyAyAM dasharathAjjAtAya paramAtmane |
sadA bharatasaumitrishatrughneshAya ma~Ngalam || 2||
kaushikakraturakShArthaM kR^itvA mArIchamardanam |
ahalyApApanAshAya raghunAthAya ma~Ngalam || 3||
jitvA (bha~NktvA) shaivaM purA chApaM prApya sItAmanuttamAm |
ayodhyAmAgatAyAstu guNapUrNAya ma~Ngalam || 4||
pituH satyapratij~nAyai kaikeyyA vachanAdapi |
chitrakUTanivAsAya sItArAmAya ma~Ngalam || 5||
pAduke bharate yAte dattvA rAjyasya pAlane |
daNDakAraNyavAsAya dhairyayuktAya ma~Ngalam || 6||
hatvA virAdhaM balinaM munInAM bhAvitAtmanAm |
dattAbhayAya rAmAya padmAkShAyAstu ma~Ngalam || 7||
chaturdashasahasrANAM rakShasAM krUrakarmaNAm |
kharadUShaNamukhyAnAM hAriNe.astu suma~Ngalam || 8||
sItAdarshanayuktAya gR^idhramokShaprakAshine |
kabandhahAriNe tasmai rAghavAyAstu ma~Ngalam || 9||
shabaryA dattapUjAya sevitAya hanUmatA |
sugrIvakR^itasakhyAya dhairyayuktAya ma~Ngalam || 10||
vAlinaM balinaM hatvA sugrIvamabhiShichya cha |
varSharAtranivAsAya rAmachandrAya ma~Ngalam || 11||
kAlAtikramaNAchchaiva kupitAya mahAtmane |
Agate sati sugrIve prasannAyAstu ma~Ngalam || 12||
a~NgulIyapradAtre cha hanUmati mahAtmane |
sItAM dR^iShTvAgate tasmin harShayuktAya ma~Ngalam || 13||
ashokavanikAmadhye shrutvA sItAM hanUmatA |
sugrIvakR^itayAnAya raghunAthAya ma~Ngalam || 14||
athAgataM mahAtmAnamabhiShichya vibhIShaNam |
kR^itasAgarabandhAya sAnujAyAstu ma~Ngalam || 15||
setunA sukhamAsAdya la~NkAM rAvaNapAlitAm |
suvelagirivAsAya raNadhIrAya ma~Ngalam || 16||
sugrIveNa dashagrIve muShTiyuddhena mUrChite |
indrajinnAgabaddhAya vimuktAyAstu ma~Ngalam || 17||
dhUmrAkShe vAyuputreNa vajradaMShTre.a~Ngadena cha |
prahaste nIlanihate harShayuktAya ma~Ngalam || 18||
nayatyauShadhishailendraM hanUmati mahAtmane |
brahmAstrabandhayuktAya vimuktAyAstu ma~Ngalam || 19||
rAvaNiM cha hataM shrutvA lakShmaNena mahAbalam |
nihatya makarAkShaM cha prasannAyAstu ma~Ngalam || 20||
jitvA rAvaNakoTIraM kumbhakarNaM nihatya cha |
atikAyaM hataM shrutvA prItiyuktAya ma~Ngalam || 21||
tato mUlabalaM hatvA rAvaNaM cha mahAbalAt |
vijayaM prApya hR^iShTAya raghunAthAya ma~Ngalam || 22||
tato.agnivachanAt sItAM prApya hR^iShTAM yashasvinIm |
brahmastutyA prahR^iShTAya rAmabhadrAya ma~Ngalam || 23||
vibhIShaNaM mahAtmAnaM la~NkAyAmabhiShichya cha |
vAnarai rAkShasaiH sArdhaM puShpakasthAya ma~Ngalam || 24||
madanAkR^itaye tasmai madhurApuravAsine |
manuvaMshapradIpAya mAnavendrAya ma~Ngalam || 25||
prApyAyodhyAM cha bharataM ga~NgAtoyaiH sugandhibhiH |
abhiShiktAya rAmAya sasItAyAstu ma~Ngalam || 26||
madhurApuravAsAya vasudevasutaprabhuH (?) |
shrIrAmama~NgalaM nityaM shR^iNvatAM sukR^itaM bhavet || 27||
evaM vAlmIkinA proktaM rAmAyaNakathAmR^itam |
yaH paThedrAmacharitaM sarvapApaiH pramuchyate || 28||
aputrAH putriNaH santu putriNaH santu pautriNaH |
adhanAH sadhanAH santu jIvantu sharadAM shatam || 29||

iti shrIma~NgalashlokarAmAyaNaM sampUrNam |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}