\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\normaldvng      
\pagenumbering{itrans} 
\def\twocol{\begin{multicols}{2}}
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\hugedvng #1}\medskip\hrule}
\def\endtitles{\medskip\twocol\obeyspaceslines}
\newfont{\csroman}{putr8i at 9pt}
\newfont{\csromani}{putri8i at 9pt}

#romanifm=romancsx.ifm
#romanfont=\csroman

%%
\begin{document}\engtitle{.. manobodhaH..}##
\itxtitle{.. manobodhaH..}##\endtitles##
|| shrii raama ||
shriiraamadaasaanudaasaH kR^ita

gaNesho.asti yaH shhaDguNaishvaryayuktaH
tathaa shaaradaa yaa chaturvaaksvaruupaa |
praNamyaa.atha tau sR^ishhTinirmaaNamuulaM
ananta.n hita.n raamamaargaM pravakshye || 1||

mano raamabhakteH pathaa yaasyasi tva.n
tadaa shriihariM praapsyase ta.n svabhaavaat.h |
janairnindita.n yat.h tvayaa tanna kaarya.n
naraiH shlaaghita.n karma yatnena sevyam.h || 2||

prabhaate tu yashchintayed.h raamacha.ndra.n
tataH kiirtayet.h tadguNaa.nshchaaruvaachaa |
sadaachaaramena.n tyajennaikachitto
jagatyaa.n sa evaatidhanyatvameti || 3||

mano vaasanaa.n duHkhadaa.n sa.ntyajaashu
manaH sarvadaa paapabuddhi.n jahiihi |
mano maa tyajaa.aGYaanato dharmamaargaM
manastishhTha satsaarabhuute vichaare || 4||

manaH paapakarmaadarastyaajya eva
manaH satyasa.nkalpa evaanusevyaH |
manaH kalpanaaM muJNcha shabdaadikaanaa.n
vikaaraashrayeNeha dhig.h dhiktvameti || 5||

mano maa.astu te kleshadaH krodhalesho
mano maa.astu kaamo vikaarasya muulam.h |
mano maa mada.n dushhTamaN^giikuru tvaM 
mano maa.astu te matsaro maa cha daMbhaH || 6||

mano dhaaryamaaryeshhu maargeshhu dhairyaM 
mano hiinapu.nso vachaH kshaamyameva |
manoGYaistvayaa shiitalairvaakprabandhaiH
manaH sarvadaa sajjanaastoshhaNiiyaaH || 7||

mano dehapaate.api kiirtiH sthiraa syaad.h
yayaa taa.n kriyaa.n sarvadevaa.a.arabhasya |
manashchaandana.n sadguNa.n saMpraguhya
tvayaa sarvathaa sajjanaaH priiNaniiyaaH || 8||

manaH paarakiiya.n vanaM maa chinu tvam.h
atisvaarthadhiiH shishhyate.atraatipaapaa |
sadaa paapajanyaM phalaM bhogyameva
yadaa nepsitaa.a.aptistadaa duHkhameva || 9||

mano raamachandre sadaa priitirastu
balaad.h hR^idgata.n duHkhajaala.n nivaaryam.h |
tvayaa dehaduHkha.n sukhatvena maanya.n
ramastvaatmaruupe vichaareNa nityam.h || 10||

samastaiH sukhaiH sa.nyutaH ko.asti loke
manaH sadvichaaraiH shanairnishchinutvam.h |
mano yat.h tvayaa sa.nchita.n karma puurvaM
tadeveha bhogya.n shubha.n vaa.ashubha.n vaa || 11||

mano maa.antara.n duHkhajaalasya dehii
manaH sarvathaa shokachinte visarja |
tato dehabuddhiM vivekaadvihaaya
videhasthitau muktibhaag.h sa.nramasva || 12||

mano bruuhi tat.h chet.h shruta.n raavaNasya
kshaNenaiva raajya.n samasta.n vinishhTam.h |
tyajaato.ashubhaa.n vaasana.n duHkhadaatriiM
balenaiti kaalo haThaat.h pR^ishhThalagnaH || 13||

mano deha eshho.atipuNyena labdhaH
kR^itaantena niitaH sa evaantakaale |
mahaanto.api vai mR^ityumaargeNa yaataa
asa.nkhyeya\-jiivaa janiM praapya nashhTaaH || 14||

manaH pashya ye sa.nsthitaa mR^ityubhuumau
vadantyaamR^iti.n te.ahamevaahamittham.h |
chira.n jiivitaM maanayantyaatmano.aGYaaH
kshaNaat.h te parityajya sarvaM prayaanti || 15||

mR^itaM bandhumaalokya shochatyapaarthaH
kshaNaat.h so.api mR^ityoH pathaa saMprayaati |
yato.aGYasya no yaati lobhaH prashaanti.n
tato.asau punardehayogaM prayaati || 16||

jano muuDhabhaavena shochatyapaartha.n
kshaNenaiva bhaavyaM bhavatyeva nityam.h |
bhavet.h karmaNaa svena putraadiyogo
vR^ithaa khidyate tadviyoge.alpabuddhiH || 17||

mano dhaarayaashaa.n sadaa raaghavasya
tato.anya.n nara.n naiva sa.nkiirtaya tvam.h |
puraaNaani vedaashcha ya.n varNayanti 
naraH shlaaghyataameti tadvarNanena || 18||

mano maa kadaapi tyaja brahmasatyaM
mano.asanmatiM maa kR^ithaaH sarvathaiva |
mano bruuhi satya.n sadaa sadvichobhiH
mano.asat.h tyaja praaGYa mithyeti matvaa || 19||

atiiva shramo jaayate maatR^igarbhe
manastanna kaarya.n yato duHkhabhaak.h syaat.h |
shishuH pachyate jaaThare vahnikuNDe
tadaa.adhaHshiraashchordhvapaat.h chaatikhinnaH || 20||

mano janma\-mR^ityu\-pradaa.n duHkhadaatrii.n
dhanaa.a.apta\-priyaa\-kaamanaa.n sa.ntyajaashu |
yato yaatanaa garbhavaase.astyasahyaa
tato raaghave priitiyoga.n kurushhva || 21||

mano me hitaM kaaryametat.h tvayaa.adya
sadaa raamapaadau prayatnena sevyau |
prabhurvaayuputrasya yaH khyaatakiirtiH
janaanuddharet.h sa trilokaadhinaathaH || 22||

mano raamanaamnastvayaa.anyanna vaachya.n
vR^ithaa vaakprabandhaat.h sukha.n naiti kashchit.h |
kshaNenaayuragre haratyeva kaalaH
shariiraavasaane.atha ko mochayet.h tvaam.h || 23||

vinaa raamasevaa.n shramo vyartha eva
janasya pralaapo yathaa nidritasya |
ato bruuhi vaachaa harernaama nitya.n
aha.ntaaM mahaapaapinii sa.nharaashu || 24||

manaste maduktirhitaiveti maanyaa
na ched.h raama\-paadaabja\-labdhiH kutaste |
sukhaapti\-kshaNe jaayate saukhyameva
tataH sarvanaashaH sthira.n naiva ki.nchit.h || 25||

kR^itaH kenachid.h deha\-rakshaa\-prayatnaH
sa dehaH kshaNenaiva kaalena niitaH |
atastvaM mano raamacha.ndra.n bhajasva
pramuJNchaantaraat.h sarvachintaaM bhavasya || 26||

bhavasyaasya bhiityaa manaH kiM bibheshhi 
jahiimaa.n dhiya.n dhairyamevaavalaMbya |
prabhau rakshake raamachandre shiraHsthe
bhaya.n ki.n nu te daNDahastaat.h kR^itaantaat.h || 27||

mano diinanaathaM prabhu.n chaapapaaNi.n
vilokyaagrataH kampate kaala eshhaH |
janairmadvachaH satyameveti maanyaM 
sa nopekshate raamachandraH svabhaktam.h || 28||

vrata.n raamachandrasya tu khyaatametat.h
svabhaktadvishho mastaka.n taaDyameva |
purii yena niitaa kshaNaad.h devaloka.n
sa nopekshate raamachandraH svabhaktam.h || 29||

prabhoH sevaka.m lokayet.h kruuradR^ishhTyaa
sa iidR^iugvidhaH ko.asti bhuumyaamabuddhiH |
trilokyaa.n janaa yadyasho varNayanti
sa nopekshate raamachandraH svabhaktam.h || 30||

mahaa sa.nkaTaanmochitaa yena devaaH
balena prataapairguNairyo varishhThaH |
smaratyambikaa shuulapaaNistathaa ya.n
sa nopekshate raamachandraH svabhaktam.h || 31||

ahalyaa shiliibhuutadehaa.api yena
kR^itaa paadasa.nsparshato.atiiva puutaa |
shrutiryadyashovarNane maunamaapa
sa nopekshate raamachandraH svabhaktam.h || 32||

manashcha.ndra\-suuryarkshamervaadika.n tu
vasatyaJNjasaa yatsvaruupe samastam.h |
chira.njiivataa.n yena niitau svadaasau
sa nopekshate raamachandraH svabhaktam.h || 33||

upekshaa na kasyaapi yasya svaruupe
iti pratyayo naasti muuDhasya chitte |
puraaNaani ya.n vishvapaala.n vadanti
sa nopekshate raamachandraH svabhaktam.h || 34||

hR^idi sve sthito yaadR^isho yasya bhaavo
vasatyaJNjasaa taadR^ishastatra devaH |
ananyasya yo rakshakashchaapapaaNiH
sa nopekshate raamachandraH svabhaktam.h || 35||

hariH praaNinaa.n sa.nnidhau sarvadaa.a.aste
kR^ipaaluH svabhaktasya dhairya.n vilokya |
sukhaana.nda\-kaivalya\-daataa.asti yo vai
sa nopekshate raamachandraH svabhaktam.h || 36||

yathaa bhaaskarashchakravaakasya goptaa
tathaa sa.nkaTe.asti prabhuH sevakasya |
harerbhaktimaahaatmyamud.hgiiyate GYaiH
sa nopekshate raamachandraH svabhaktam.h || 37||

manaH praarthanaa.n re shR^iNu tvaM mamaikaaM
raghuutta.nsaruupaM prapashyaachalastvam.h |
idaM madvachaste na heya.n kadaapi
mano raaghave tva.n nivaasa.n kurushhva || 38||

puraaNaani vedaashcha ya.n varNayanti
samaadhaanataa syaat.h sadaa yasya saN^gaat.h |
samarpyaashu tasmin.h nija.n chaJNchalatvaM
mano raaghave sa.nnivaasa.n kurushhva || 39||

manaH praapyate vai sukha.n yatra sarvam.h
atiivaadareNeha tallakshitavyam.h |
vivekena dushhkalpanaa.n sa.nnivaarya
mano raaghave sa.nnivaasa.n kurushhva || 40||

sadaivaaTane no sukha.nki.nchidasti
shramo jaayate no hita.n ki.nchideva |
vivekena labdhvaa ghanaananda\-bodhaM
mano raaghave sa.nnivaasa.n kurushhva || 41||

alaM vistareNa braviimyekameva
mano raaghava.n tva.n svakiiya.n kurushhva |
tadiiya.n vrata.n diinanaatheti shrutvaa
manaH sajjana svasvaruupe vasa tvam.h || 42||

manaH sadvacho me tvayaa graahyamekaM
hita.n kaaryamevaatmanaH sarvatheti |
kadaapyeha raametara.n naiva vaachyaM
sadaa.a.atmasvaruupaM nididhyaasaniiyam.h || 43||

mano muuDhasaN^ge tu mauna.n vidheyaM
kathaasvaadaro raaghavasyaiva kaaryaH |
na raamo gR^ihe yatra sa.ntyajya tattu
sukhaarthe sadaa.araNyavaaso vidheyaH || 44||

samaadhaanabhaN^go bhavedyasya saN^gaat.h
aha.ntaa tathaa.a.akasmikii syaatsvadehe |
matiryasya saN^gaat.h tyajedraamachandraM
tadiiyena saN^gena pu.nsaaM sukhaM kim.h || 45||

mano yaa gataa raamahiinaa svavelaa
tadaayustvayaa naashitaM buddhijaaDyaat.h |
shramo raamasevaa.n vinaa jiivitaM yat.h
sa daksho.atra yo raamasevii sadaiva || 46||

hR^idaa chintayan.h lochanaabhyaaM prapashyan.h
hariM bhaktiyukto ya aaste budho.api |
guNapriitiyuktashcharet.h saadhanaM yaH
sa dhanyo.asti daaso.atra sarvottamasya ||  47||

sadaa devakaarye svadehaM yunakti
sadaa yasya vaag.h vakti sad.h\-raamanaama |
varishhThe svadharme sthitiryasya nityaM
sa dhanyo.asti daaso.atra sarvottamasya || 48||

sadaa vakti yad.h yaati maargeNa tena
prapashyatyanekeshhu to devamekam.h |
bhramasya kshayaad.h yo bhajedvaasudevaM
sa dhanyo.asti daaso.atra sarvottamasya || 49||

vikaaraa na kaamaadayo yasya chitte
tapasvii viraagii svayaM brahmachaarii |
sadaa shaantachittastamoleshahiinaH
sa dhanyo.asti daaso.atra sarvottamasya || 50||

mado matsaraH svaarthabuddhirnirastaaH
prapaJNchod.hbhavo yasya chitte na khedaH |
sadaa vakti yaH suunR^itaameva vaachaM
sa dhanyo.asti daaso.atra sarvottamasya || 51||

kramet.h tattvachintaanuvaadena kaalaM
pralipto na doshheNa dambhaadikena |
karotyuttamaiH pratyahaM brahmavaadaM
sa dhanyo.asti daaso.atra sarvottamasya || 52||

sadaivaarjavii sarvalokapriyo yaH
sadaa sarvadaa satyavaadii vivekii |
vacho bhaashhate no.anR^itaM no kadaachit.h
sa dhanyo.asti daaso.atra sarvottamasya || 53||

sadaa.araNyasa.nstho bhaved.h yo yuvaa.api
vikalpasya chitte malo naiva yasya |
dR^iDhaH pratyayo yasya chittaanna yaati
sa dhanyo.asti daaso.atra sarvottamasya || 54||

duraashaa gataa yasya chittaat.h samuulaa
pravR^iddhaa hari\-premaruupaa sutR^ishhNaa |
R^iNii devadevaH kR^ito yena bhaktyaa
sa dhanyo.asti daaso.atra sarvottamasya || 55||

dayaaluH kR^ipaalushcha yaH komalaanto
jane snehayuktashcha yo daasa\-paalaH |
mano yasya na krodha\-sa.ntaapa\-yuktaM
sa dhanyo.asti daaso.atra sarvottamasya || 56||

harernaama\-sa.nkiirtanopaasanaabhyaaM
jano dhanyataaM etyajasraM jagatyaam.h |
udaasiinataa saa padaartheshhu saaraM
tayaa sarvadaa chittavR^itteH prashaantiH || 57||

mano maa.astu shabdaadishhu priitiyogaH
padaartheshhu kaamo bhavet.h puurvapaapaiH |
sunishhkaama\-bhaktyaa prabhushchintaniiyo
vikalpasya lesho.api tuurNaM praheyaH || 58||

janaH kalpanaaM kalpayan.h koTikalpaM
samabhyeti raamaM prabhuM naiva naiva |
dhR^itashchetasaa yena kaamo na raamaH
kutastasya raame tu supriitiyogaH || 59||

mano raamachandro nidhiH kaamadhenuH
suradrurmaNishchintitaarthapradashcha |
prabhaavaad.h hi yasyaiva sarvasya sattaa
na tattulyataameti kashchid.h jagatyaam.h || 60||

samaashritya kalpadrumaM duHkhito yaH
sadaa tasya chitte vasatyeva duHkham.h |
samaM sajjanairyo vivaadaM karoti
tato yaati sa.ntaapamantarmahaantam.h || 61||

bhavadvai nididhyaasa\-bhaN^go.api tasya
balaadudbhavet.h shoka\-sa.ntaapa\-vR^ittiH |
sukhaananda\-naasho bhaved.h bhedabuddhyaa
manonishchayo luptate hanta sarvaH || 62||

yathaa kaamadhenuprabhostakra\-yaaJNchaa
tathaivaatmavettushcha vaadapriyatvam.h |
sa sa.ntyajya chintaamaNiM kaachakhaNDaan.h
prayaacheta tasmai na kastaan.h pradadyaat.h || 63||

dR^iDhaa naasti buddhirvimuuDhasya pu.nso
na chitte.asti raamo.atikaamaakulasya |
pravR^itte.atilaabhe bhavet.h kshubdha\-chittaH
prasakto.atibhogeshhu dainyaM prayaati || 64||

abhaktyaa harii jiivitaM maa.astu diinaM
bhavet.h chaatimauDhye sadaa duHkhaduHkham.h |
mano raamachandre.arpaya priitiyogaM
viraameshhu te maastu vaaJNchhaa dhanaadau || 65||

asaaro.asti sa.nsaara eshho.atighoro
manaH sajjanaanveshhaya tvaM hi satyam.h |
vishhaM bhakshitaM chet.h sukhaM te kutaH syaad.h
ato raamachandraM sadaa chintaya tvam.h || 66||

ghanashyaamavarNo.atilaavaNyayukto
gabhiiro.atidhiiraH prataapena puurNaH |
svabhaktasya yaH sa.nkaTe pakshapaatii
sa raamaH prabhaate hR^idaa chintaniiyaH || 67||

balenaadhiko raaghavaschaapapaaNiH
karaalastu kaalo.api tasmaad.h bibheti |
kathaa kaiva martyasya raN^kasya tatra
prabhaate hR^idaa raaghavashchintaniiyaH || 68||

sukhaanandakR^id.h vaarako yo bhayasya
sa hi priitiyogena sevyo jagatyaam.h |
vivekaadanaachaarabuddhiM visR^ijya
prabhaate hR^idaa raaghavashchintaniiyaH || 69||

manaH kiirtaya tvaM hariM kaamapuuraM
na vai baadhyase duHkhajaalaiH kadaapi |
madaalasyamaashu tvayaa saMpraheyaM
prabhaate hR^idaa raaghavashchintaniiyaH ||  70||

mahaadoshhanaasho.asti yatkiirtanena
naraH sad.hgatiM yaati yatkiirtanena |
bhavet.h puNyavR^iddhishcha yatkiirtanena
sa raamaH prabhaate hR^idaa chintaniiyaH || 71||

bhavenna vyayaH sviiyavittasya ki.nchit.h
tatochchaaraNe raamanaamno na kashhTam.h |
kshayo jaayate yena sa.nsaarashatroH
sa raamaH prabhaate hR^idaa chintaniiyaH || 72||

mahad.h duHkhamutpadyate dehadaNDaat.h
paraM naamasa.nkiirtane naiva duHkham.h |
shivashchintayatyeva yaM devadevaM
sa raamaH prabhaate hR^idaa chintaniiyaH || 73||

tapaHpuurvake saadhane dehakashhTaM
dhanenaiva daanaM vratodyaapanaM cha |
kR^ipaaluH sadaa diinajiiveshhu yo.asau
prabhaate hR^idaa raaghavashchintaniiyaH || 74||

manaH saadhaneshhvetadeva prashastaM
na chenmanyase saadhubhirnishchinu tvam.h |
vR^ithaa sa.nshayastyaajya evaantakaarii
prabhaate hR^idaa raaghavashchintaniiyaH || 75||

bhavennaiva yogo na dharmo na karma
na bhogo na cha tyaaga eko.api saaN^gaH |
mano naama\-sa.nkiirtane shraddadhasva
prabhaate hR^idaa raaghavashchintaniiyaH || 76||

harernaama sa.nkiirtane shraddadhaano
bhaved.h dvandvashuunyojapan.h raamanaama |
hareH karma kurvan.h bhavishhyatyakaamo
svaruupaM cha sarvatra pashyet.h tadaaniim.h || 77||

aho yasya raame na vishvastabuddhiH
bhavet.h paamaraH sarvadaa duHkhabhaak.h saH |
sthite kintu kaivalyade raamachandre
vR^ithaa deha\-sa.nsaara\-chintaa.alpabuddheH || 78||

manaH paavanaaM bhaavanaaM raaghavasya
nidhehyantare maa.astu sa.nsaarachintaa |
bhavo bhraamayatyeva jiivaM sadaiva
asad.h\-vastu\-sa.ndhaaraNaM vyarthameva || 79||

manaH sa.nshraya shriishamiishasya hR^itsthaM
taraadyaiva dushhpaara\-sa.nsaara\-vaardhim.h |
praheyastvayaa durbharaH kaama eshhaH
kharo matsaraH sarvathaa daNDya eva || 80||

mano matsaraat.h maa tyaja shriishanaama
nididhyaasa eshho.astvatiivaadaraat.h te |
mano raamanaamottamaM saadhanaM re
na chaitasya tulyaM kimapyasti loke || 81||

bahuunyanyanaamaani tulyaani naasyeti
abhaagyaanna jaanaatyayaM paamaro.aGYaH |
idaM paarvatiishena buddhaM vishhaghnaM
kathaa maanavasyaatra kaa ki.nkarasya || 82||

smaraariiH sadaa dhyaayatiishaM hi raamaM
umaasa.nyuto gaayati premabaddhaH |
dR^iDha\-GYaana\-vairaagya\-saamarthya\-yuktaH
sadaa.a.aste sukhaM raama\-vishvaasa\-puurNaH || 83||

shiraHsa.nsthito yaH prabhurviThThalasya
shivaH so.api taddhyaana\-magno na kiM tvam.h |
yato niilakaNTho.api  shaantiM prapede
sa raamaH kR^itaantaannaraM mochayed.h vai || 84||

bhajed.h raaghavaM yogi\-vishraanti\-hetuM
japatyasya naamaani gauryaa maheshaH |
tapasvii svayaM sha.nkaraH shaanta aasiid.h
bhavenmuktido.ante hyasau raama ekaH || 85||

mukhe yasya raamaH sukhaM tasya nityaM
sadaanandaruupe nimagnaH sa aaste |
vinaa raamamanyatra sa.ndehakhedau
nijaM dhaama naamaiva shokaapahaari || 86||

mukhe yasya raamo na kaamo.asti chitte
na tad.h\-dhairyalopo bhavet.h sa.nkaTeshhu |
harerbhaktiyogena kaamaM vijitya
sa dhanyo.abhavad.h maarutibrahmachaarii || 87||

atiivottamaM sundaraM svalpavarNaM
amuulyaM sulabhyaM hitaM raamanaama |
janaiH kiirtyamaanaM bhavadhva.nsakaM yat.h
tadeveha kaivalyaruupaM naraaNaam.h || 88||

sadaa bhojanaadau vaded.h raamanaama
tato bhojane saadaraM ghoshhaNiiyam.h |
pratigraasamevaM vadennaama puNyaM
tadaa praapyate shriihariH sa svabhaavaat.h || 89||

sadaa naamahiinasya ghoraa.asti haaniH
na yasyaadaro naamni tajjanma tuchchham.h |
harernaama vedeshhu shaastreshhu shreya\-
skaraMvai paraM khyaapitaM vyaasavaaNyaa || 90||

mano raamachandre na kaaryaa upekshaa
harernaama sa.nkiirtayedaadareNa |
na ki.nchid.h{}vyayaH kiirtane raamanaamnaH
tato ghoshhayejjaanakiishasya naama || 91||

sasatkaaramud.h{}ghoshhite raamanaame
suduuraM svahR^itsthaashcha doshhaaH prayaanti |
haristishhThati priita aakarNya kiirtiM
ataH shriishivo raamanaamaikatandraH || 92||

prabhuryo.annadaH svairamaakiiTakebhyaH
sadaa hR^id.h{}gataa yasya chintaa janaanaam.h |
sulabhye.api tannaamasa.nkiirtane te
mano hiiyate kiM nu tanme vadaashu || 93||

trilokii\-vidaahe kshamo yo.asti rushhTaH
sa iishaH shamaM praapa yatkiirtanena |
japatyaadaraadyat.h shivaa vishvamaataa
tadeveha sarvairjanaiJ kiirtaniiyam.h || 94||

mano.ajaamilo dushhkR^itii putranaama
guNanneva naaraayaNetyaapa muktim.h |
shukaM kuTTinii raaghavetyaahvayantii
puraaNaprasiddhaaM suvikhyaatimaapa || 95||

svabhaktottamo daityava.nshe.api jaataH
prahlaadanaamaa.ajapannaama nityam.h |
pitaa tasya  tannaiva sehe duraatmaa
jagatyaa.n sa naivaajapad.h raamanaama || 96||

na yadvaachi raamaH kathaM tasya muktiH
aha.ntaavasho yaatanaaM yaati vyartham.h |
tato dehanaashe mahaaduHkhametiiti
yato bruuta re raamaraameti nityam.h || 97||

sphuTaM taaritaaH prastaraa raamanaamnaa
jaDaa maanavaastaatitaa naikasho.atra |
paraM sa.nshayaatmaa sadaa tatprabhaave
japennaiva yaH so.asti naa paaparuupaH || 98||

jagatyaaM hi vaaraaNasii puNyabhuumiH
janaa yatra yaataaH pitR^Inuddharanti |
sadaa chandramaulirguNan.h raamanaama
sthitastatra jiivaan.h samud.h{}bodhanaartham.h || 99||

nR^ibhiH karma kartuM na shakyaM yathaavat.h
kR^ite dharmakR^itye.api no puNyalaabhaH |
dayaa sarvabhuuteshhu naivaasti chitte
amuulyaM harernaama no hanta vaktre || 100||

na yasya priyaM naama taM shaasti kaalo
vikalpaat.h kutarke gatirnaarakii syaat.h |
ataH saadaraM naama sa.nkiirtitavyaM
tato jaayate doshhanaashaH svabhaavaat.h || 101||

prakR^ityorariikR^itya namratvameva
manaH sajjanaastena sa.ntoshhitavyaaH |
svadehaM cha lokopakaarye niyujya
bhajaatipramodena saakaaramiisham.h || 102||

hareH kiirtane tad.h{}guNapriitirastu
parabrahmabodhe tvaha.ntaa cha maa.astu |
dhane chaanyadiiye tathaa.anyapriyaayaaM
niruuDho.abhimaanaH parityaajya eva || 103||

yathaa vakti tadvanna yasya pravR^ittiH
vimuuDhaH sa tenaiva lajjaamupaiti |
manaH kevalaM yasya vaagvibhramoa.asti
kathaM praapnuyaad.h devadevaM sa muuDhaH || 104||

vivekaadashuddhaaM kriyaaM svaaM vihaaya
vishuddhaaM kriyaamaadareNaa.a.achara tvam.h |
yathaa bhaashhase tadvadevaachara tvaM
manaH kalpanaaM muJNcha sa.nsaaradaatriim.h || 105||

samaacharya sa.ndhyaadi nityaM svakarma
vivekaanmanaH sthaapayaatmaprabhrashhTam.h |
dayaa sarvabhuuteshhu yasya pravR^iddhaa
sadaa bhaktibhaavaat.h sa aapnoti shaantim.h || 106||

mano naiva kaaaryaH prakopaH kadaachit.h
manaH saadhusaN^ge pravR^ittiM kurushhva |
mano muJNcha saN^gaM sadaa durjanaanaaM
manastena te mokshalaabho.asti satyam.h || 107||

manaH sarvadaa saadhusaN^gena pu.nsaaM
bhaved.h vikriyaahaaniriishe cha bhaktiH |
vinaa satkriyaaM maastu vaachaalataa te
yato vaadahaaniH sa sa.nvaada ishhTaH || 108||

vitaNDaH sadaa tyaajya evaatra sarvaiH
sukhenottamaiH sadvivaado vidheyaH |
susa.nvaada eveha shokopahaarii
yato vaadahaaniH sa sa.nvaada ishhTaH || 109||

asadvaadahaa yaH sa sa.nvaada eva
vivekena jetavya evaabhimaanaH |
aha.ntaa hi vaade vikaaraan.h karoti
yato vaadahaaniH sa sa.nvaada ishhTaH || 110||

hitaayaiva te satyavaagiiriteyaM
hitaayaatmanastvaM vichaaryaacharaatra |
hitaayaiva paakhaNDabuddhirvivarjyaa
yato vaadahaaniH sa sa.nvaada ishhTaH ||  111||

gataM janma vaktustathaa shrotureva
vivaadaH paraM naiva shaanto janeshhu |
vivaadod.h{}bhavaH sa.nshayo dambhakaarii
yato vaadahaaniH sa sa.nvaada ishhTaH || 112||

hitaM vismR^itaM paNDitairvaadashauNDaiH
aha.ntaabalaad.h raakshasatvaM gataaste |
pareshaadvinaa paNDito naasti kashchid.h
ato he manastvaM tyaja svaamaha.ntaam.h || 113||

paraayopadeshe vyayo naiva kashchid.h
vR^ithaa.anukshaNaM vardhate garvavegaH |
kriyaamantaraa vaakpaTutvaM dhigeva
manaH sarvathaivaadaraannishchinu tvam.h || 114||

na yo vaadabhaak.h sa.nvadet.h tena pu.nsaaM
vivekaadaha.nkaaralesho.api heyaH |
vadedyat.h tadevaacharet.h sarvathaiva
vishuddhakriyo bhaktimaargeNa gachchhet.h || 115||

muneH shaapajaM garbhavaasasya duHkhaM
svayaM yo.ambariishhasya jagraaha vishhNuH |
dadau chopamanyuM shivaH kshiirasindhuM
sa nopekshate devadevaH svabhaktam.h || 116||

dhruvaM baalamaGYaM tathaa dainyabhaajaM
paraM dhyaananishhThaM vilokyaanukampya |
chakaaraachalaM yastu taaraaN^gaNe taM
sa nopekshate devadevaH svabhaktam.h || 117||

gajendraH sarasyugranakreNa paade
dhR^ito vishhNumevaasmarat.h khinnagaatraH |
haristatkshaNadetya yo.amochayattaM
sa nopekshate devadevaH svabhaktam.h || 118||

dvijo.ajaamilaH paapakarmaa.antakaale
vadan.h putranaama prapede vimuktim.h |
anaathasya yo.astyaashrayashchakrapaaNiH
sa nopekshate devadevaH svabhaktam.h || 119||

vidhaaturhitaayaabhavat.h matsyaruupo
dadhaaraachalaaM kuurmaruupeNa pR^ishhThe |
svabhaktaan.h hi paatuM shrito niichayoniiH
sa nopekshate devadevaH svabhaktam.h || 120||

mahaabhakta\-prahlaada\-sa.nrakshaNaarthaM
nR^isi.nhasvaruupaM prapede ya ugram.h |
na yatsa.nnnidhau ko.api gantuM samarthaH
sa nopekshate devadevaH svabhaktam.h || 121||

yayaache kR^ipaaM vajrapaaNiryadaa vai
tadaa vaamano.abhuut.h svayaM chakrapaaNiH |
tathaa bhaargavo yo dvijaarthaM babhuuva
sa nopekshate devadevaH svabhaktam.h || 122||

ahalyaa\-satii\-pakshapaataadaraNyaM
sishheve.api devaa.nshcha bandhaadvimoktum.h |
riporyo dhvajaM praaharad.h raavaNasya
sa nopekshate devadevaH svabhaktam.h || 123||

puraa draupadii\-priitaye devadevaH 
svayaM tatkshaNaadeva tatraa.a.aviraasiit.h |
kalau yo.abhavanmauni\-buddhastathaiva
sa nopekshate devadevaH svabhaktam.h || 124||

anaathaan.h svabhaktaan.h paritraatumeva
kalau saMbhavishhyatyasaaveva kalkiH |
shrutiryad.h{}guNakhyaapane maunamaapa
sa nopekshate devadevaH svabhaktam.h || 125||

janaanugrahaarthaM hi liilaavataaraa
anekaa dhR^itaa yena puurvaM dharaNyaam.h |
na taM sevate yaH sa evaatipaapo
duraatmaa kubuddhiH sa chaaNDaalaruupaH || 126||

sa dhanyo harernaamaghoshheNa shaantaH
tathaa.a.akarNya yastatkathaaM tatra liinaH |
pranashhTaa kubuddhistadiiyaa svabodhaad.h
manovaasanaa yasya raame viliinaa || 127||

mano vaasanaa vaasudeve tavaastu
manaH kaamanaa kaamasaN^ge tu maa.astu |
manaH kalpanaa te vR^ithaa naiva kaaryaa
manaH sajjana ##!## santa\-saN^ge ramasva || 128||

manaH sad.h{}gati\-praaptaye saadhusaN^gaH
tato nashyate durmatirdurjanasya |
ratiisho manaHkshobhako.astiiti matvaa
vidheyaH prayatno budhairnirmamatve || 129||

mano maa.astu raamaM vinaa te vikalpaH
sadaa satyasa.nkalpa evaa.astu chitte |
parityajya jalpaM cha loke sadaa tvaM
ramaakaantamekaantavR^ityaa bhajasva || 130||

jagatyaaM janaiH sevya eko hi raamaH
sa tvekavaagekabaaNastathaiva |
charitraM yadiiyaM janoddhaarakaM cha
sa siitaapatiH sevya aadau vivekaat.h || 131||

vichaaryaiva yo bhaashhate vartate vaa
tadiiyena saN^gena sa.ntaapa\-shaantiH |
pravaachyaM vichaaraM vinaa naiva ki.nchit.h
sadaa satpathaa cha prayaatavyameva || 132||

viraktishcha bhaktishcha viGYaanayogaH
sadaa.a.atmaanubodho dR^iDho yad.h\-hR^idirhi |
sadaa darshanaM sparshanaM tasya puNyaM
tathaa bhaashhaNaM naashakaM sa.nshayasya || 133||

na yasyaasti garvo sadaa viitaraagaH
kshamaashaantiyukto dayaayaaM cha dakshaH |
nahi kshobhalobhau na dainyaM cha yasmin.h
vasatyaJNjasaa tatra yogiishvaratvam.h || 134||

vidheyaa manaH sa.ngatiH sajjanasya
yato durjanasyaapi dhiiH shuddhimeti |
susad.h{}bhaava\-sad.h{}buddhi\-sanmaargalaabhaH
tato nirbhayatvaM karaalaachchha kaalaat.h || 135||

sadaa bhiitiyuktaM hi brahmaaNDametad.h
anantaM tu tat.h saadhavashchaabhayaa vai |
bhaved.h yasya tad.h\-GYaanato dvaitahaaniH
bhayaM maanasaat.h sarvathaa tasya nashhTam.h || 136||

prabodhyeha jiivaM prayaataa hi shreshhThaaH
tathaapyaGYa eveha jiivo.asti hanta |
layaM yasya no yaatyaha.nkaara\-karma
na sa GYaanadhi.n vindate.aha.ntayaa vai || 137||

bhramaat.h chid.h\-dhanaM yasya guptaM babhuva
mR^itirjanmadaaridryamaavirbabhuuva |
viliinaa na yasyeha dehaatmabuddhiH 
na sa GYaanadhi.n vindate.aha.ntayaa vai || 138||

na vettyaatmatattvaM tataM sarvato.api
jaDaM manyate hanta dR^ishyaM hyabhaagyaH |
na chaashraddhayaa puNyalesho.api yasya
na sa GYaanadhi.n vindate.aha.ntayaa vai || 139||

nija.n vastu na praapyate svapramaadaat.h
guNaanaM hi bandho.atra duHkhasya hetuH |
bhavannaiva yaavad.h guNaatiitavR^ittiH
nidhirvidyate.aha.ntayaa naiva taavat.h || 140|| 
athahaasti to brahmavit.h tasya sevaa
tathaa vandaniiyaM tadiiyaaN^ghriyugmam.h |
vinaa sad.h{}guroraJNjanaM tanna vedyaM
mano.aha.ntayaa.asau nidhirnaiva labhyaH || 141||

na tad.h GYaayate GYaayate naiva yaavad.h
vimuuDhasya sa.ndeha\-haanirna bhuuyaat.h |
aha.ntaa na yaavad.h viniryaati taavad.h 
balaannaiva tad.h vidyate labhyate na || 142||

avidyaavasho maanavo muuDhabuddhiH
bhramaad.h vismR^itaM svaM hitaM nopayaati |
yathaa.asaMpariikshyaadR^itaM kintvashuddhaM
na tannaaNakaM svepsitaarthakrayaartham.h || 143||

jagatyaaM manaH ki.n nu satyaM yathaarthaM
tvayaa saadaraM tattu sa.nshodhaniiyam.h |
tathaa kurvataa brahma\-sattaanubhuutiH
tato.aGYaanajanyo bhramo naashameti || 144||

sadaa dR^ishyachintodbhavaM jiivajaataM
aha.nkaarato.aGYaanataa viGYate.asya |
vivekaat.h sadaa sva\-svaruupaM hi sevyaM
na hi brahmamuule janurnaiva mR^ityuH || 145||

dR^isho gocharaM yanna sat.h tatkadaachit.h
akasmaad.h bhavet.h tachcha kaalena nashyet.h |
yataH sarvanaashaH sthiraM naiva ki.nchit.h
mano.ananta\-sat.h\-chit.h samanveshhaNiiyam.h || 146||

na bhaN^gyaM na chhedyaM na chaalyaM na bhra.nshaM
sthitaM sarvato.aha.ntayaa naiva vedyam.h |
na tasyaikaruupasya dvaitaM tu sahyaM
mano.ananta\-sat.h\-chit.h samanveshhaNiiyam.h || 147||

svayaMbhvaadiruupe.api yannirvikaaraM
shrutirvarNane yasya maunaM prapede |
vivekena tadruupamaasaadaniiyaM
mano.ananta\-sat.h\-chit.h samanveshhaNiiyam.h || 148||

jagatyaaM na yat.h charmachakshurniriikshyaM
jagatyaaM tu yad.h GYaanachakshurvilokyam.h |
yadaalokane syaallayo lokanasya
mano.anveshhaNiiyaM sadaanandaruupam.h || 149||

na piitaM na shubhraM na vaa shyaamametat.h
na cha vyaktamavyaktaruupaM na niilam.h |
suvishvaasa aapte tu muktiprado.atra
mano.anveshhaNiiyaM sadaanandaruupam.h || 150||

nR^ibhirvastu sa.nchintya sa.nchintya vedyaM
mano bodhya saMbodhya buddhaM prakaaryam.h |
paraM sa.ngamaat.h sajjanaiH sarva\-siddhiH
varo nishchayo jaayate saanuraagaat.h || 151||

kR^ite tattvasa.nkhyaasu chaaturyayogepi
avashyo parabrahmaNo hi prabodhaH |
manaH saarabhuutaM tu satyaM viduure
samasteshhu tad.h hyekamevaadvitiiyam.h || 152||

vimushhTairna dehendriyairnaiva tattvaiH
samaadhaanataa naiva raagapralaapaiH |
na yogairna yaagairna vaa tyaagabhogaiH
bhavet.h saa tu saN^gaat.h sphuTaM sajjanaanaam.h || 153||

mahaavaakyabodhaat.h tathaa paJNchakaanaaM
vivR^ityaa parabrahma\-digdarshanaM vai |
dvitiiyaa\-dine chandrasa.ndarshanaarthaM
yathaa vR^ikshashaakhaaN^guliirnirdishanti || 154||

jagatyaaM na yad.h dR^ishyate tadvilokyaM
samaalochyate chet.h tadaiva sphuTaM syaat.h |
kare naiva tad.h gR^ihyate yatnato.api
na tat.h sarvato vidyamaanaM tu gamyam.h || 155||

ahaM brahma vedyiiti yo vakti so.aGYaH
kshamastarkituM ko jagatyaam.h atarkyam.h |
aha.ntaabalaaj.h GYaayate tanna muuDhaiH
tadaalokite ko.asti tasmaad.h vibhinnaH || 156||

shramo naikashaastraavaloke.astyatiiva
para.ntvekataa\-nishchayo naiva tane |
vivaadaatmakaH shaastrajanyo virodho
matirliiyate pratyutaa.a.atmaprabodhe || 157||

shrutiH shaastrashhaT.h{}kaM tathaa dharmashaastraM
sahasraanano.api svayaM sheshha\-naagaH |
ashaktaa hi tadvarNane sarvatheme
mano GYaanadarpaM tatastvaM vimuJNcha || 158||

ahantaatmikaa makshikaa bhakshitaa ched.h
ruchirbhojane tasya pu.nsaH kutaH syaat.h |
ahantaa hi hR^itsthaa na yaavatprayaati
sujiirNaM bhavet.h GYaanamannaM na taavat.h || 159||

mano maa.astu vaade matiH khedakartrii
dvaite ruchiH krodhakartrii cha maa.astu |
aha.ntaa mano yaavadante tavaaste
parebhyo na hi GYaanadaane tvamarhaH || 160||

aha.ntodaye jaayate sarvaduHkham.h
mukhaadud.h{}gataa GYaanavaartaa vR^ithaiva |
aha.ntaa\-laye sarvataste sukhaM syaad.h
aha.ntaaM svayaM taaM manashchintaya tvam.h || 161||

viveke.apyaha.ntaabalaad.h yaatyaniitim.h
aniityaa janaH shlaaghyataaM yaati loke |
paraM vetti chitte nijaM dambhabhaavaM
pramaaNaantaraaNyasya buddhirjahaati || 162||

dR^iDho nishchayo yasya dehaatmabuddhau
suduuraM hitaadaatmanaH so nu yaataH |
parityajya taaM chaatmabuddhiH pradhaaryaa
sadaa sa.ngatiH sajjanaanaaM vidheyaa || 163||

manaH kalpitaa dvaitabuddhiH praheyaa
pradhaaryaa hR^idaa kalpanaa.advaitaruupaa |
svaruupasthitau saa.api yaayaad.h hR^idantaat.h
sadaa sa.ngatiH sajjanaanaaM vidheyaa || 164||

prapaJNche svadehaadi\-sa.nchintanaattu
mano vardhate lobha etaantare sve |
ataH shriisha\-bhaktyaa pravR^iNviita muktiM
tadarthaM sadaa saadhusa.ngo vidheyaH || 165||

aha.nkaara\-vistaara eshho.asti deha\-
priyaa\-putra\-mitraadiko mohajanyaH |
ato.ahaMbhramaM janmahetuM nirasyet.h
tadarthaM sadaa saadhusaN^gaM vidadhyaat.h || 166||

varo nishchayaH shaashvatasyaiva kaaryo
manaH sa.nshayo daasavaakyaad.h visarjyaH |
kshaNe.anukshaNe janmasaarthakyamastu
tadarthaM sadaa saadhusaN^go vidheyaH || 167||

prashaantaaM karotyaatmavR^ittiM sa saadhuH
duraashaashrayaad.h diinataaM nopayaati |
upaadhirhi dehaatma\-dhii\-vR^iddhi\-kartrii
kathaM saa prabaadheta saadhuM viraagam.h || 168||

mano.ananta\-bodhaaya saadhuM hyupeyaad.h
aha.nkaara\-vistaarametaM nirasyet.h |
guNaatiitataametya chintyo hyananto
na dehaatmabuddhiH kadaapiiha kaaryaa || 169||

tyajedaatmabodhena dehaatmabuddhiM
vivekena sad.h\-vastu\-yogo vidheyaH |
chidaakaara\-vR^ittiH svato naivabhaavyaa
tataH sarvadaa tat.h samanveshhaNiiyam.h || 170||

suguptaM sthitaM vastu yatsaarabhuutam.h
bhaved.h gocharaM chakshushhodR^i.rshyamaatram.h |
adR^ishyaM guNaabhaava\-nirbhaasametad.h
aha.ntaabalaannaiva yatne.api vedyam.h || 171||

sphuTaa vaishhayii kalpanaa saa tvavidyaa
yayaa brahma viGYaayate sa suvidyaa |
babhuuva dvidhaa saa.a.adikalpe hi maayaa
vivekaad.h bhavatyaatmaruupe viliinaa || 172||

pravR^itte hi chid.h\-vyomnyaha.nkaara\-raahau
chidaakaashamaachchhaaditaM dR^ishyate vai |
tamisraanishaavad.h{}bhaveddigbhramo.api
vivekaad.h vichaaraachcha saakshaatkriyet.h tat.h || 173||

na tachchakshushhaa lakshyate yatnato.api
bhave bhakshite tena no tasya rakshaa |
yadakshayya\-mokshaM dadaatyakshayaM tad.h
dayaaluH svabhaktasya pakshaM karoti || 174||

likhatyeva bhaavyaM vidhiH sarvabhaale
paraM tallalaaTe.asti ko lekhakartaa |
haraH sarvasa.nhaarako.astyantakaale
paraM sha.nkaro dahyate.ante cha kena || 175||

kR^itaa yena te dvaadashaadityadevaa
asa.nkhyaatashakraashcha rudraastathaiva |
anvishhyamaaNaH sa devo na labhyo
na viGYaayate kiidR^ishaH ko.asti mukhyaH || 176||

na khaNDyo na bhaN^gyo bhaved.h devadevo
na chaalyo na naamyo na vai diinakalpaH |
na chaadeyaruupo na dR^iggocharo.asti
na viGYaayate.aha.ntayaa sarvago.api || 177||

priyo yasya yastasya puujyaH sa devaH
paraM vetti no devadevaM tu kashchit.h |
vasantyeva devaa jagatyaamanantaa
ratiryatra tad.h\-bhaktirevaa.asti varyaa || 178||

trayste tu lokaa yataH saMbabhuuvuH
na taM devavaryaM pravaktiiha kashchit.h |
jagatyaaM varishhTho.asti devaH sugupto
vinaa sad.h{}guruM naiva dR^ishyaH kadaachit.h || 179||

gurutve sthitaaH koTishaH santi bhuumau
anekeshhu man{}treshhu tan{}treshhu shaktaaH |
sadaa kaamakaamaaH kathaa\-giita\-kaaraa
nR^iNaaM bhraamakaa naiva mokshapradaaste || 180||

na vai vaJNchako naabhichaarii na chaaDhyo
na vaa nindako matsarii bhaktihiinaH |
na yatsa.ngabaadhaa na vittaapahaarii
jagatyaaM tu yo brahmabodhaH sa saadhuH || 181||

hR^idaa kaamuko niHspR^ihatvaM vadechchhed.h
vinaa tatkriyaaM vaakpaTutvaM vR^ithaiva |
yathaa vakti taadR^ik.h pravR^ittirhi yasya
manaH sad.h{}gururnishchitavyaH sa eva || 182||

GYaanii vivekii viraktashcha bhaktaH
kR^ipaalurmanasvii kshamii yogayuktaH |
sudakshaH prabhushchaaturo yashcha vidvaan.h
bhavet.h tasya saN^ge samaadhaana\-laabhaH || 183||

ajaM yat.h tathaa.anaagataM chaiva yaddhi
vachobhistu tajGYaayate sajjanaanaam.h |
anirvaachyamevaasti yat.h tachcha vaachyaM
manaH sachchidaanandamanveshhaNiiyam.h || 184||

niliino bhavedaadaraad.h raamaruupe
bhayaatiitataa nishchitaa sve svaruupe |
kadaapyeha naasaadyate maargyamaaNaH
sadaikaM bhavedyanna tasmin.h vibhedaH || 185||

manaH sa.nnidhau te sadaa raaghavo.asti
manaH sajjana ##!## maargaya tvaM hi satyam.h |
tavaa.akhaNDito raaghaveNaasti yogo
vinishhkaasaya svaantaraat.h taamaha.ntaam.h || 186||

manaH piNDa\-brahmaaNDayorbhuutasaamyaM
samastaM tvidaM brahmaruupe na ki.nchid.h |
mano bhaati yadyat.h na tattat.h sadasti
sukhe sa.nsthitiH sa.ngamutsR^ijya kaaryaa || 187||

ahaM\-paashamuchchhidya viGYaana\-shastraiH
videhasthitirbhaktitaH sevaniiyaa |
virakterbalaat.h sarvanindyaM vivarjya
sukhe sa.nsthitiH saN^gamutsR^ijya kaaryaa || 188||

pR^ithivyaadikR^id.h deva aalokaniiyo
yadaalokane muktilaabho.asti sadyaH |
guNaiH sa.nyuto nirguNa sevaniiyaH
sukhe sa.nsthitiH saN^gamutsR^ijya kaaryaa || 189||

sa no kaaryakartaa na vaa sR^ishhTibhartaa
paraayaaH paro no vivartena liptaH |
sa vai nirvikalpo vikalpyaiva sevyaH
parityajya saN^gaM sukhaM stheyamatra || 190||

na dehaatmadhii\-nishchayo yasya nashhTo
na kalpaantakaale.api sa GYaanavaan.h syaat.h |
paraM brahma no.aha.ntayaa vetti kashchid.h
mano.aGYaanajaaM shuunyataaM no jahaati || 191||

manaHsparshahiinaM sthiraM yatsvaruupaM
abhedena chintyaM hi sarvottamasya |
na dR^ishhTaantayogyaM bhavet.h tasya ki.nchid.h
na niHsa.ngataa sa.ngataa tatra satyaa || 192||

pareshe na viGYaatataa.aGYaatataa vaa
sa no varNyate vedashaastraiH puraaNaiH |
adR^ishyo na dR^ishyo na saakshii tayorvaa
shrutiryasya naantaM vijaanaati naiva || 193||

hR^idistho.asti kaH kiidR^isho devavaryo
guruH saadaraM saadhakenaa.atha pR^ishhTaH |
parityajya dehaM vasatyeshha kutra
pnarvaasayogyaM kva sa.nsthaanamasya || 194||

iti praaha jaaniihi devo hi hR^itstho
nabhovatsadaa vyaapako.apyapraliptaH |
na gachchhatyatho nopagachchhatyajasraM
R^ite tena riktaM sthalaM naiva ki.nchit.h || 195||

nabhovibhramad.h\-reNumaatraM sthalaM no
raghuuNaamadhiishena riktaM vibhaati |
pravR^itto hi taddarshane yaH sa tasmin.h
layaM yaatyalakshyaM cha lakshyaM cha liinam.h || 196||

nabhovaddhi tad.h vyaapakaM raamaruupaM
hR^idaa chintitaM syaad.h bhavabhra.nshahetuH |
viliinaa bhaveddehadhiistasya bodhaad.h
yathechchhaM sudR^ishhTe.api tR^iptistu naasti || 197||

nabhaH sa.nsthitaM vyaapya vishvaM yathedaM
tathaa raama itthaM na saamyaM katha.nchit.h |
sa chaastyadvitiiyaH svabhaavaad.h hi raamaH
tadarthaM hi vyarthaM padaM vyaapaketi || 198||

puraaNaM tataM sarvato yatsvaruupaM
na tarkasya lesho.api yasminvidheyaH |
niguuDhaM para.ntvaashu tatsyaatsugamyaM
prataapaad.h guroradvitiiyetisa.nGYam.h || 199||

svaruupaM tu yajGYaayate GYaanayogaat.h
sphuTa saakshitaa.antarhitaa tatra sarvaa |
bhavedunmanii kuNThitaa vaak{}cha sadyaH
sa eva svayaM raamadR^ik.h sarvato yaH || 200||

kadaapyaatmabodhe dvitiiyaM na bhaati
na vai maanase dvaitalesho.asti ki.nchit.h |
gatairjanmasa.nghaiH svaruupopalabdhiH
videhasthitau sarva\-kaayaa\-niraasaH || 201||

mano yatsuguhyaM tvayaa taddhi labdhaM
prakaaryastvayaa rakshaNe tasya yatnaH |
dR^iDhapratyayaarthaM sadaa shraavyametan.h
manaH saadhusa.ngaaddhi dhanyatvameshhi || 202||

manaH sarvasa.ngaM parityajya duuraad.h
vidheyaH sadaa saadaraM saadhusaN^gaH |
mahaaduHkhabhaN^gaH sataaM sa.ngamena
vinaa saadhanaM tena sanmaargalaabhaH || 203||

manaa sarva saN^gaapahaH saadhusaN^go
manastatkshaNaM mokshadaH sa.ngamaishhaH |
manaH saadhakaan.h mochayatyeshha shiighraM
manaH sarvathaa dvaitanaashakshamo.ayam.h || 204||

manobodhamaakarNya doshhaaH prayaanti
jaDaaH saadhanaa\-yogyataaM chopayaanti |
tato GYaanavairaagyasaamarthyalaabho
vimuktistato daasavaakyapratiityaa || 205||

|| jaya jaya radhuviira samartha ||

guNaabhraaN^kashiitaa.nshubhiH saMmite.abde
tatashchaitrashukle.arkavaare navamyaam.h |
manobodhamenaM tapatyaastaTastho
guro raamadaasasya daasashchakaara ||

paraM no.akhilaM tadyathaarthaprakaashaM
sadoshhaM punarmudraNaM chaapyayuktam.h |
ataH shriisamarthairanupreritena
samagraM susa.nshodhitaM priitaye.astu ||

aapadaamapahartaaraM daataaraM sarvasaMpadaam.h |
lokaabhiraamaM shriiraamaM bhuuyo bhuuyo namaamyaham.h ||

|| shrii raama jaya raama jaya jaya raama ||
##
\end{multicols}\medskip\hrule\obeylines
{\rm Please send corrections to sanskrit@cheerful.com}
{\rm Last updated \today}
\end{document}